Friday, May 30, 2008

Pasaylo Sa Nakasala

2 CORINTO 2 : 5 ~ 11

5 Kon dunay nakasakit nako, dili ako ang gipasakitan kondili, sa dyotay lang, kamong tanan. Ug dili ko buot nga masobrahan. 6 Ang silot nga iyang nadawat gikan sa kadaghanan igo na alang niya. 7 Karon kinahanglan nga pasayloon ug hupayon siya ninyo aron dili maluya sa tumang kaguol. 8 Busa, hangyoon tamo paglig-on sa inyong gugma kaniya.

9 Mao ni ang akong tuyo pagsulat ninyo: aron masulayan mo ug masayran nako kon nagtahod ba mo sa tanan. 10 Ang inyong gipasaylo, pasayloon pod nako. Ug ang gipasaylo, kon duna koy angayng pasayloon, gipasaylo tungod ninyo atubangan ni Cristo. 11 Basin unyag magpahimulos nato si Satanas, kay nasayod ta sa iyang mga laraw.

PAGPAAMBIT SA MENSAHE:

Ang maong ebanghelyo naghisgot sa pagpasaylo sa atong isigkatawo diin matod pa sa pulong sa Dios walay si bisan kinsa nga iyang gitugotan sa paghukom sa iyang isigkatawo kay siya lamang ang aduany katungod sa paghukom kanatong tanan. Diin ginaingon nga ang pagpasaylo balaanon ug ang pagpakasala tawhanon nan sa ato pa igsoon bulahan diay kun kita makapasaylo ka sa atong mga kaigsoonan nga nakasala kanino kay kahimut-an ka sa Dios diin nakasubay ka sa iyang kabubut-on.

Diin bisan ang imong mga paryente o mgasilingan nga maksala kanimo ug nagsige ug pasaylo, imo siyang pasayloon hangtod sa ika 77 ka beses, ug diin ikaw pagagrasyahan sa kahitas-an diha sa imong pagtuman sa iyang kasugo-an. Apan mas malisod siguro ang pagpasaylo sa mga tawo nga nagyubit ug nalansang sa krus, diin mao kini nga pagtulon-an ang gusting ipaabot sa atong Ginoong Dios nga bisan si Jesu Cristo anak sa Dios nga matuod ug bugtong manunod sa truno apan wala niya gamita ang iyang gahum ug hinunua nagpakaubos siya ug nagpaulipon diha as iglisea sa kamatuoran diin siya nagsangyaw ug nagbuhat ug mga milagro.


Nagaingon ang pulong sa Dios nga kun dili ka makapasaylo sa imong isigkatawo nan dili ko usab ikaw mapasaylo, diin nagpasabot kini igsoon nga diha sa pagpasaylo nato sa atong isigkatawo magsumikad usab diay ang kapasaylo-an sa atong mga sala. Diin ang pagpangayo ug pasaylo sa Dios nagkahulugan kini sa pagtugyan sa imong kaugalingon kang Jesus, diin siya ang ipahari diha sa imong kaugalingon ug sa kanunay magbalaan pinaagi sa pag-ampo ug paghalad ug pagpuyo nga dili na molingi sa kailibgon.

Thursday, May 29, 2008

Kadaugan Pinaagi Kang Cristo

2 CORINTO 2: 14 ~ 17

14 Salamat sa Diyos, nga nangulo nato sa pagsunod nga mahimayaon kang Cristo! Pinaagi nato nagpakaylap siya sa tanang dapit sa kahibalo bahin niya nga daw pahumot. 15 Pahumot ta ni Cristo nga ibayaw ngadto sa Diyos sa naluwas ug sa nawala. 16 Alang sa naulahi, nagkahulogan nig kamatayon ug nagdala nila sa kamatayon. Alang sa uban, pahumot ni sa kinabuhi ug nagdala nila sa kinabuhi.
17 Apan, kinsay angayan sa maong panawagan? Sahi sa daghang nangwarta ginamit ang pulong sa Diyos, matinud-anon ming nagsulti. Isip pinadala sa Diyos nagwali mi ni Cristo, sa inyong atubangan.

PAGPAAMBIT SA MENSAHE:

Ang maong ebanghelyo naghisgot sa pagsangyaw sa amatuoran pinaagi as giya sa espiritu santo ug sa mga pagtulon-an ni Jesu Cristo diin sumala as nahasulat kabubut-aon sa Dios ang tanan, diin mao gayud ang pamaagi sa Dios diin mag-agi sa kalisod diha sa mga kasaktan ug mag pagpanglutos ang iyang mga sumosunod. Diin matod pa sa balaang kasulatan bulahan ka kon nag-antos ka sa kapait ug nagpakaubos dinhi sa yuta diin ibayaw ka sa kalangigitan sa mao mong mga kasakitan dinhi sa yuta. Diin bulahn ang mga katawhan nga nakasinati sa kasakitan ni Kristo dinhi as yuta kay siya uab makasinati sa himaya sa paglabanhaw ni Jesu Cristo didto sa langit.

Mas maayo diay igsoon nga atong tukhan ang mga pagsulay diha sa pag-ampo aron kini hagkap na nga moabot diha sa atong kaugalingon. Nagaingon ang Dios Amahn\ah diha sa iyang mensahe “ Walay binuhat dinhi sa ibaabw sa kalibutan nga makalingkawas sa akong mga pagsaway kay ang tanan ako mang kabubut-on. Apan diha sa mga pag-ampo ug paghalad diin hilakan nato ang pagpangyo sa kalooy as Dios nan igsoon ang imposible mahimo gayud nga posible diha sa kabubut-on sa Dios.

Ang kadaugan nga gihisgutan sa maong ebanghelyo kadaugan kini luyo sa mga pagsulay kay bisan ang anak as Dios sa iyang pagpakatawo ug pagtuman sa kabubut-on sa Amahan, siya nakasinati gayud sa mga pagsulay, diin tam-ia ang kadaugan diha sa mga pag-antos, ug makita gayud nato ang kabililhon sa maong butang o tahas kun kini imong giantosan ug namuhunan ka diha sa imong singot ug dugo.

Wednesday, May 28, 2008

Pagpasalamat Ug Pagdasig

2 TIMOTEO 1: 3 ~ 17

3Nagapasalamat ako sa Dios nga akong ginasimba uban sa maputling kaisipan, maingon sa gibuhat sa akong mga ginikanan, sa diha nga sa makanunayon magahandum ako kanimo sa akong mga pag-ampo. 4Mahinumdum gani ako sa imong mga luha, mangandoy gayud ako magabii ug maadlaw sa pagpakigkita kanimo, aron unta ako mapuno sa kalipay. 5Mahinumduman ko ang imong tinuod nga pagtoo, ang pagtoo nga sa sinugdan diha sa imong apohang babaye nga si Loida ug sa imong inahan nga si Eunice ug nga karon, ginasaligan ko, anaa usab kanimo.

6 Tungod niini, ako magapahinumdum kanimo nga buhion mo ang gasa nga naanaa kanimo gikan sa Dios pinaagi sa pagpandong kanimo sa akong mga kamot; 7kay kita wala sa Dios hatagig espiritu sa katalaw kondili sa espiritu sa gahum ug sa gugma ug sa pagpugong sa kaugaligon. 8Busa, ayaw ikaulaw ang pagpanghimatuod alang sa atong Ginoo, o alang kanako nga iyang binilanggo; hinonoa pakig-ambit sa mga pag-antus uban kanako alang sa Maayong Balita pinaagi sa gahum sa Dios, 9nga nagluwas kanato ug nagtawag kanato sa pagtawag ngadto sa kabalaan, dili tungod sa atong mga binuhatan kondili tungod sa iyang kaugalingong katuyoan ug sa grasya nga iyang gihatag kanato diha kang Cristo Jesus sa wala pa ang mga kapanahonan nga walay kinutoban,

10ug nga karon iyang gikapadayag kini pinaagi sa pagpakita sa atong Manluluwas nga si Cristo Jesus, ni kinsa gilaglag ang kamatayon ug pinaagi sa Maayong Balita ang kinabuhi ug ang pagkawalay kamatayon gidala niya ngadto sa kahayag. 11Alang sa maong Maayong Balita ako gipahimutang nga magwawali ug apostol ug magtutudlo, 12ug mao kana ang hinungdan ngano nga nagaantus ako karon sa ingon. Apan wala ko kini igakaulaw, kay ako nakaila kaniya nga akong ginatoohan ug ako siguro gayud nga hangtud niadtong adlawa siya arang makabantay sa butang nga gikapiyal kanako.

13Sundon mo ang hularanan sa mga maayong pulong nga imong nadungog gikan kanako, sa pagtoo ug sa gugma nga anaa kang Cristo Jesus. 14Pinaagi sa Espiritu Santo nga nagapuyo sa sulod nato, bantayi ang kamatuoran nga gipiyal nganha kanimo. 15 Ikaw nasayud nga silang tanan nga anaa sa Asia mitalikud kanako, ug ang uban gani kanila mao sila si Figelo ug si Hermogenes. 16Hinaut kaloy-an unta sa Ginoo ang panimalay ni Onesiforo, kay sa makadaghan ako iyang gihupay; wala niya ikaulaw ang akong mga talikala, 17hinonoa sa iyang paghiabut diri sa Roma gikugihan gayud niya ang pagpangita kanako ug hingkaplagan niya ako--

PAGPAAMBIT SA MENSAHE:

Ang maong ebanghelyo naghisgot sa pagpasalamat ug sa pagpadasig dili lang diha sa mga katawhan sa maong iglisea kundili sa tanan nga nakakita ug nakadungog sa maayong balita. Bisan diha sa pagapanglutos sa mga apostoles apan sila nagpabilin sa paglig-on ug sa pagsangyaw sa kamatuoran bisan atu-a na sila sa sulod sa prisohan kay lagi ang ilang lawas ra man ang napriso apan ang pulong sa mga maayong pagtulon-an \ nagpabilin kining gawasnon.

Usa kini ka pagmatuod sa pulong sa Dios diin nagaingon siya sa iyang mensahe nga: “Ang mga pinili niyang katawhan dili kay magalingkod lamang kundili ipasinati sila sa mga pagsulay sa kinabuhi aron daw sama sa bulawan nga makit-an ang kapuro niini kun kanunay makasinati sa kalayo. Diin sama sab sa bulawan ang ilang lawas nga mogilak ug magasinaw kun kanunay maigo sa kainit sa kalayo. Pangutana asa mang dapita sa ilang lawas ang sama sa bulawan nga mosinaw kun maigo sa kalayo? Matod pa sa pulong sa Dios wala unta akoy matagaan sa gasa kun ako pang gilantaw ang mga tawhanon nga binuhatan, apan lagi gilantaw ko man usab ang katim-os ug kaputli sa ilang kasing-kasing nan naa gayud akoy mataga-an sa gasa.

Sa ato pa igsoon ang kasing kasing diay maoy mogilak ug mosidlak nga sama sa bulawan kun mosinati kita sa pagsulay sa Dios, diin mosihag usab ang panagway sa Dios sa atong kasing kasing sa kanunay nga pagtuman nato sa iyang tahas ug kabubut-on.

Maayong Sundalo Ni Jesu Cristo

2 TIMOTEO 2 : 2~13

2ug ang mga butang nga imong nadungog gikan kanako sa atubangan sa daghang mga saksi, kinahanglan ipiyal mo kini ngadto sa kasaligan nga mga tawo nga may katakus sa pagpanudlo sa uban usab. 3Pakig-ambit sa mga pag-antus ingon nga maayong sundalo ni Cristo Jesus. 4Walay bisan kinsa nga sundalo nga sa iyang pagpang-alagad magpagapusgapus sa iyang kaugalingon sa mga patigayon nga sibilyan, sanglit ang iyang tumong mao man ang pagpahimuot niadtong nagpasulod kaniya sa pagkasundalo.

5Ang magdudula dili pagapurong-purongan gawas kon siya magpakigbangga subay sa mga lagda. 6Ang mag-uuma nga naghago pag-ayo kinahanglan mao ang unang magadawat ug bahin sa mga abut. 7Palandunga kining akong gisulti kanimo, kay ang Ginoo magatugot kanimo sa pagsabut sa tanan. 8 Hinumdumi si Jesu-Cristo, nga nabanhaw gikan sa mga patay, nga kaliwat ni David, sumala sa giwali sa akong Maayong Balita, 9ang Maayong Balita nga tungod niini ako nagaantus karon ug nahimong ginapus ingog kriminal. Apan ang pulong sa Dios dili ginapus.

10Busa ginaantus ko ang tanang butang tungod sa mga pinili, aron sila usab makabaton sa kaluwasan nga diha kang Cristo Jesus inubanan sa himayang dayon. 11Kasaligan ang pulong nga nagaingon: Kon ugaling kita nangamatay man uban kaniya, kita mangabuhi usab uban kaniya; 12kon ugaling kita magaantus man, kita managhari usab unya uban kaniya; kon ugaling kita dili man moangkon kaniya, kita dili usab niya pagaangkonon; 13kon ugaling kita dili man kasaligan, siya magapabilin nga kasaligan

PAGPAAMBIT SA MENSAHE:

Ang maong ebanghelyo nagpasabot sa mga magsasangyaw sa maayong balita nga gigiyahan sa espiritu as Dios diin agwantohon ug antoson ang mga paglutos ug pagbiay-biay diha sa maong pagtulon-an nga gibarugan. Usa ra ang Dios usa ra ang balaang kasulatan apan daghan ang mga pagtulon-an nga nanggawas, diin sila nagpasibantog ug nagsngyaw sa kaluwasan diha usab sa lang iglisea, diin sila nanaglutos usab sa usag-usa.

Atong mailhan ang sinugo sa Dios kay nagpuyo siya nga pinaka-ubos diha sa kaugalingon diin maoy gipahari ang kalinaw luyo sa kapobrehan o sa mga kalisod ug mga paglutos. Diin sa ebanghelyo gihisgutan ang pag-antos sa mga apostoles ni Jesu Cristo sa unang panahun, apan maisugon silang nagsangyaw sa kamatuoran diha sulod sa bilanggoan diin ginapos ang mga kamot apan matod pa ang mga pulong sa Dios nga ilang gisangyaw dili ginapos.


Diin nagpamatuod lamang nga ang mga sundalo ni Jesu Cristo niadtong panahuna ug hangtod niining panahuna nagmaisogon sa pagsangyaw sa kamatuoran luyo sa paglutos ug pag-ayad sa ilang isigkaingon, diin walay laing armas nga gigamit gawas lamang sa mga pag-ampo ug mga armadora. Nagpasabot lang nga hugtan nato ang pagtoo sa kamatuoran diin Dios lamang ang mahibalo sa tanan, kay matod pa kabubut-on sa Dios ang pagpatig-a ug pagpahumok sa kasingkasing sa matagtawo.

Gikahimut-ang Sulogoon

2 TIMOTEO 2: 14 ~ 26

14 Pahinumdumi sila niini, ug pahimatngoni sila sa atubangan sa Ginoo sa paglikay sa pakiglantugi bahin ug mga pulong, nga dili makahatag ug kaayohan, hinonoa magadaut lamang niadtong managpaminaw. 15Paningkamoti pag-ayo ang pagpakita sa imong kaugalingon sa atubangan sa Dios ingon nga iyang nahimut-an, usa ka magtatrabaho nga dili kinahanglan magakaulaw, nga sa hustong paagi magapanudlo sa pulong sa kamatuoran. 16Likayi ang sul-sulti nga dili diosnon kay kini magayudyod sa mga tawo ngadto sa magalabi pa ka lalum nga pagkadili diosnon, 17ug ang ilang sulosulti magaab-ab ingon sa kanggrina. Mga tawo nga ingon niini mao sila si Himeneo ug si Fileto, 18nga nanghisalaag gikan sa kamatuoran sa ilang pag-ingon nga ang pagpangabanhaw nahitabo na. Ilang ginadaut ang pagtoo sa uban.

19 Apan ang malig-on nga patukoranan sa Dios magapabilin sa pagbarug, nga nagadala niining marka sa timri nga nagaingon, "Ang Ginoo nakaila sa mga iya," ug "Ang matag-usa nga nagapangaliya sa ngalan sa Ginoo kinahanglan magabiya sa pagkadautan." 20Diha sa dakung balay adunay mga sulodlan nga dili lamang hinimog bulawan ug salapi kondili usab mga hinimog kahoy ug yuta, ug ang uban alang sa dungganan nga kagamitan, ug ang uban alan sa talamayon nga kagamitan. 21Kon ang usa ka tawo magaputli sa iyang kaugalingon gikan sa butang nga talamayon, nan, siya mahimong sulodlan nga alang sa dungganan nga kagamitan, binalaan ug mapuslan sa agalon sa panimalay, andam alang sa tanang maayong bulohaton.

22 Likayi ang mga pangibog nga iya sa kabatan-on ug tinguhaa ang pagkamatarung, ang pagtoo, ang gugma, ug ang pakigdinaitay, uban kanila nga nagasimba sa Ginoo uban sa putli nga kasingkasing. 23Ug likayi ang binoang ug binurong nga mga pakiglantugi; kamo nasayud nga kini ginikanan sa mga panag-away. 24Ug ang ulipon sa Ginoo kinahanglan dili palaaway kondili maaghop ngadto sa tanan, andam sa pagtudlo, mainantuson. 25Uban sa kalomo kinahanglan iyang pagamaymayan ang mga magasupak kaniya, kay tingali baya itugot ra sa Dios nga sila managhinulsol ug mahisangko sa pagpakaila sa kamatuoran, 26ug sila makaikyas gikan sa bitik sa yawa, tapus mabihag sila niya aron sa pagbuhat sa iyang kabubut-on.

PAGPAAMBIT SA MENSAHE:

Ang maong mensahe sa pagtamod gayud sa sumbanan sa usa ka maayong kristyano ug suloggon sa Dios, diin mag-apil-apil sa mga lantugi nga tawhanon diin mosangpot lang kini sa panag-away. Diin atong Makita diha sa ubang pagtulon-an nga magdebate sila ug magalalis sa bahin sa balaang kasulatan, dili mahimuot ang Dios niini, diin gipasidaan na niyang daan sa pagpadayag lamang sa maayong pagtulon-an ug mga pulong sa Dios nan bulahn kung ilang dawaton ug kun dili pasagdi sila.

Ang pagsunod sa kalihukan nga kristuahnon maoy usa ka sakripisyo sa atong kaugalingon diin dili nakita moling sa kalibutan, ug ipahilayo na nato ang mga kailibgon diha sa atong kaugalingon, lunlon maayong binuhatan ang atong sundon diin himoon natong tuko ang mga pag-ampo diha sa mga paglutos ug kasakitan nga maagia-an. Diin nagaingon ang balaang kasulatan, Ni garas ni kiras ni isa ka lugas buhok walay mawala kaninyo kun hugot mong itugtyan ang imong kaugalingon diri kanako. Kay bian anaa kana sa baba sa kamatayon luwason ko ikaw kun misalig ka gayud sa hugot kanako.


Diin bulahan ang mga katawhan nga nagasunod kanako ug mitugyan sa hingpit sa ilang kaugalingon kanako kay mahatagan ko au kinabuhi, aopan ang mga katawhan nga ngasunod kanako apan nagduha-duha sa pagtugyan sa ilang kinabuhi kanako, basin ug kawad-an niini. Ang himaya sa kinabuhing dayun nga gisaad ni Jesu Cristo ngadto sa nagatuman sa iyang kabubut-on, usa kini ka gasa ug dili kini premyo o ganti aron walay bisan kinsa nga magapasigarbo diha sa atubang sa Dios nga siya naluwas pinaagi sa iyang maayong binuhatan.

Ang Hustong Pagtulon-an

TITO 2: 1~15

1 Apan sa imong bahin, ang imong pagpanudlo ipahiangay mo sa matarung tuloohan. 2Agdaha ang mga lalaking tigulang sa pagkamapugnganon sa kaugalingon, nga magmaugdang sila, mabuot, malig-on sa pagtoo, sa gugma, ug sa pagkamainantuson. 3Maingon man agdaha ang mga babayeng tigulang sa pagkamatinahuron sa ilang panggawi, dili malibakon ug dili mga ulipon sa bino; nga ipanudlo nila ang butang maayo, 4aron ilang katudloan ang mga batan-ong babaye sa paghigugma sa ilang mga bana ug mga anak,

5sa pagkamabuot, ulay, matinagdanon sa panimalay, mapuangoron, ug masinugtanon sa ilang masigka-bana, aron ang pulong sa Dios dili unta mapasipalahan. 6Maingon man usab, agdaha ang mga lalaking batan-on sa pagpugong sa ilang kaugalingon. 7Sa tanang butang ipakita ang imong kaugalingon ingon nga panig-ingnan sa maayong binuhatan, ug sa imong pagpanudlo ipakita ang kaligdong, pagkatalahuron, 8ug ang maayong sulti nga dili arang masaway, aron ang kaaway maulawan sa diha nga wala siyay ikasulting mangil-ad batok kanato.

9Agdaha ang mga ulipon sa pagkamasinugtanon ngadto sa ilang mga agalon ug sa pagpahimuot kanila sa tanang butang; kinahanglan dili na sila magmasuplahon kanila, 10ug dili na sila magpangawkaw, hinonoa kinahanglan magpakita sila sa bug-os nga pagkamaunongon, aron nga sa tanang butang sila makahatag ug pasidungog sa tuloohan sa Dios nga atong Manluluwas. 11 Kay alang sa kaluwasan sa tanang mga tawo ang grasya sa Dios gikapadayag, 12nga nagatudlo kanato sa pagbiya sa pagkadili diosnon ug sa mga pangibog nga kalibutanon, ug sa pagkinabuhi nga mapugnganon sa kaugalingon, matarung, ug diosnon dinhi niining kalibutana karon,

13nga magapaabut sa atong bulahan nga paglaum, sa pagpadayag sa himaya ni Jesu-Cristo nga atong dakung Dios ug Manluluwas, 14nga mihatag sa iyang kaugalingon alang kanato aron sa paglukat kanato gikan sa tanang pagkadautan, ug sa pagputli, alang sa iyang kaugalingon, sa usa ka katawhan nga mahimong iya gayud, nga mga masibuton sa maayong binuhatan. 15 Isulti mo kining mga butanga; himoa ang pagpangmaymay ug ang pagpamadlong uban sa bug-os nga kagahum. Ayaw itugot nga adunay magatamay kanimo.

PAGPAAMBIT SA MENSAHE:

Ang maong ebanghelyo naghisgot kini sa sa pagbalaan diha sa atong kaugalingon isip sumbanan sa maayong kristiyano ug sa ingon mahimong panag-ingnan sa uban nga magtotoo. Kay unsa man ang ilang tanawon ilabi na sa mga kabatan-onan kun pulos hiwi ang ilang hikit-an. Ang pagbalaan mao ang kanunay nga pakig-istorya sa Dios pinaagi sa pag-ampo, ug pagpuasa sa mga kasal-anan diin ato gayud kanunay ipahari ang kalinaw diha sa atong huna-huna ug ayaw tugoti nga biay-biayon ka sa imong isigkaingon, nga sa ato pa puy-I ang kinabuhi nga hupong sa pagkasulondon pinasikad sa pagtulon-an sa balaang kasulatan.

Daghan ang nagasanpit ug nagatwag sa Dios apan dili ang tanan iyang gipanalanginann, kadto lamang nagatuman sa kabubut-on sa Dios, kay ginaingon diha sa balaang kasulatan, daghan ang mga katawhan sa Dios dinhi sa kalibutan diin sama kini sa balas sa baybayaon apan pipila pa lamang kapudyot ang nahiabot didto sa iyang gingharian ug ingon man pipila pa lamang usab ka pudyot ang iyang natawag. Nagaingon ang balaang kasulatan, malisod ang pagsulod sa gingharian sa langit ug gawas lamang kung ianak ka pag-utro ug mamahimo kang sama sa bata nan mas madali alang sa bata ang pagsulod sa gingharian sa langit.

Ang mga bata isip mga inosenteng binuhat, ang ilang mga anghel magbalantay atua gayud nagalingkod sa tiilan sa Dios Amahan, diin sa kanunay sila nakadawat gayud sa panalangin sa amahan. Nan kun mahimo nato ang pagdawat sa Dios Jesu cristo diin sama kita sa mga bata nga mihangop sa atong mga amahan diin inosente pa sa mga kailibgon ug walay laing gihunahuna gawas sa pagpahimoot sa ilang amahan nan bulahan ka igsoon kay aduna kay luna didto sa gingharian sa langit.

Si Jesus Labaw Kang Moises

HEBREO 3: 1 ~ 6

1 Busa, mga igsoong balaan, nga mga mag-aambit sa langitnon nga pagtawag, hinoktuki ninyo si Jesus, ang apostol ug labawng sacerdote sa atong tinoohan. 2Siya matinumanon sa Dios nga mao ang nagtudlo kaniya, maingon nga si Moises usab nagmatinumanon diha sa balay sa Dios. 3Apan si Jesus naisip nga labaw pa ug himaya kay kang Moises, maingon nga ang magtutukod sa balay labaw pa ug dungog kay sa balay.

4(Kay ang matag-usa ka balay may tawong nagtukod niini, apan ang magtutukod sa tanang mga butang mao ang Dios.) 5Ug si Moises ingon nga sulogoon matinumanon tuod diha sa tibuok balay sa Dios, sa pagpamatuod labut sa mga butang nga sa kaulahiay iyang igapamulong; 6apan si Cristo ingon nga Anak matinumanon sa pagdumala sa balay sa Dios. Ug kita mao ang iyang balay kon batonan ta nga malig-on ang atong pagsalig ug garbo sa atong paglaum.

PAGPAAMBIT SA MENSAHE:

Ang maong ebanghelyo naghisgot sa mga propeta, diin nagaingon ang ebanghelyo nga mas labaw si Jesu Cristo kay sa kang Moises. Sumala sa mga unang sinulat si Moises maoy unang propeta nga magsasangyaw sa Dios Amahan diin siya maoy gitagaan sa napulo ka sugo diha sa tinabliyang bato. Diin siya maoy instrumento sa pagluwas ug pagdala sa iyang mga igsoon nga Israeli gikan sa Ehipto paingon sa yuta sa mga saad nga mao ang Jerusalem diin mo kini ang yuta nga gisaad sa Dios kang Abraham,

Diin kadto nga yugto diha sa bibliya gitawag kadto ug eksodus diin dul-an sa 6oo ka mga katawhan nga Israelita ang nagpartisipar sa maong pagkagiw ngadto sa yuta sa mga saad. Ug diin dinha as maong lugar nga gitawag ug yuta sa mga saad mibarog usab ang misiyas nga maoy moluwas kanatong tanan diha sa mga kasal-anan. Siya mao si Jesu Cristo diin siya gitawag ug ikaduha nga adan apan wala siya magagikan sa abog kundili gikan siya sa espiritu santo ug gitisok diha sa sabakan ni Birhen Maria.

Daghan ang wala makasabot sa maong mga panagna diin umabotay na ang hari sa mga hari ug diin nagatoo sila nga ang maong hari tawo lamang kini susama kanila ug magahari usab sama kang Haring David. Diin ang tanan nahasukwahi diha sa ubang pagtoo sa mga maalamon kay ang hari sa mga hari ug anak sa Dios nagpakaubos sa iyang kaugalingon diin pobre siya kaayo nga tan-awon ug tua gayud siya makig-uban sa mga yano nga lungsoranon. Iyan gipakita ang sumbanan sa usa ka lider nga haduol kanunay sa himaya sa langit diin kun lider ka sa usa ka iglesia sa kamatuoran nan magpakaubos ka diha sa imog kaugalingon diin mao kini ang sumbanan diha sa pagbugtaw nimo sa gingharian sa langit, diin puy-an nimo ang pinakaubos diin puno ka sa mga paglutos, kay matud pa sa balaang kasulatan , bulahan ang magpaubos dinhi sa yuta ipataas didto sa gingharian sa Dios.

Monday, May 26, 2008

Relasyon Sa Usag-usa Diha Sa Bag-ong Kinabuhi

COLOSAS 3: 18 ~ 25

18 Mga asawa, itugyan ang kaugalingon sa inyong bana, sama sa buhaton ninyo alang sa Ginoo. 19 Mga bana, mahala ang asawa ug ayawg kasuk-i. 20 Mga anak, tahora ang ginikanan sa tanang butang, kay makapahimuot ni sa Ginoo. 21 Ginikanan, ayaw kaayog pig-oti ang mga anak, basig kawad-an silag kadasig.

22 Mga sulogoon, tahora sa tanang butang ang inyong mga agalon, dili lang sa panahon nga naa sila aron makadawat mog pabor gikan nila, kondili sa kamatinud-anon, kay nahadlok mo sa Ginoo. 23 Bisag unsay inyong buhaton, buhata ni sa tibuok kasingkasing, alang sa Ginoo, dili sa mga tawo. 24 Sayod mo nga ang Ginoo moganti ninyo, nga ampingan niya ang inyong kabilin. Mga sulugoon mo, apan ang inyong Ginoo mao si Cristo. 25 Ang daotag binuhatan makadawat sa silot, kay walay pinalabi ang Diyos.


PAGPAAMBIT SA MENSAHE:


Ang Maong ebanghelyo naghisgot sa pagpakig-angay-angay diha sa komunidad diin ang pinakagamay ug pinakasinugdanan diha sa pag-umol sa maong komunidad o pundok sa mga katawhan sa Dios mao man ang panimalay. Diin gustong ipadangat sa Dios diha sa mao niyang mensahe nga kitang tanan nahiabot dinhi sa kalibutan ubos sa iyang kabubut-on diin ginaingon nga walay dautan sa matag tawo kundili ang iya lang binuhatan maoy dautan diin kana nga binuhatan dili kana iya kay gikan kana sa dautan.

Ang maong ebanghelyo naghisgot sa pagtahod gayud diha sa matag miyembro sa imong pamilya, gikan sa imong asawa paingon sa imong mga sulogoon kay silang tanan katawhan sa Dios. 1 Corinto 3:16 nagaingon ang lawas sa tawo balaan kay kini templo man sa Dios espiritu santo, ug ang molaglag sa templo sa Dios nga mao ang atong lawas iya sab nga pagalaglagon.
:
Sa ato pa angay gayud ang pagtahod diha sa matag tawo kay ang Dios anaa nagapuyo sa matag lawas sa tawo, kun ang imong silingan, o ang miyembro sa imong pamilya imong gilutos o gidaug-daug nan sama ra nga imong gilutos ug gidaug-daug ang Dios espiritu santo nga anaa sa matag binuhat. Diin ginaingon diha sa mga karaan tawo ug sa atong mga katigulangan, ang buhi nga tawo maoy kusog makagaba, ug kun unsa ang imong gibuhat diha sa imong isigkatawo nan mao usab kana ang imong gibuhat sa Dios nga makagagahum.

Mas maayo gayud diay nga ipahari ang panagdait ug pagminahalay diha sa matag-usa kay mao kini ang sumbanan ug ang kinatibuk-an nga kahulugan diha sa napulo ka sugo sa Dios diin nagkahulugan kini ug gugma diha sa tanang tawo. Diin kun atong ipalabi ang atong garbo ug pagpanlutos diha sa atong mga kaigsoona ug pamilya nan maabot gayud ang adlaw nga paninglan ka sa Dios diin nakalapas ka sa iyang kasugo-an ug kabubut-on, kay diha sa pagpanlutos sama ra nga imong gihukman ang imong isigkatawo.

Mga Hinagiban Nga Espirituhanon

EFESO 6 : 10 ~20

10 Sa kataposan pagmalig-on mo sa Ginoo pinaagi sa iyang kusog ug kalig-on. 11 Isul-ob ang tibuok nga taming sa Diyos aron makaharong mo sa mga limbong sa yawa. 12 Ang pakig-away nato dili sa tawhanong kusog kondili, batok sa mga punoan ug gamhanan ug sa tanang daotang gahom nga nagmando ining kalibotana. Makigbisog ta batok sa mga espiritu ug yawan-ong kusog nga labaw sa kinaiyahan.

13 Busa, isul-ob ang tibuok nga taming sa Diyos aron makasukol mo ug makabarog sa inyong gitindogan sa adlaw sa kadaot. Gamita ang tanang hinagiban. 14 Ibakos ang kamatuoran. Himoa ang hustisya nga inyong taming ug ang 15 kasibot, sapatos aron pagsangyaw sa Ebanghelyo sa kalinaw. 16 Guniti kanunay sa inyong kamot ang taming sa pagtoo aron pagpahilayo sa nagdilaab nga mga pana sa yawa. 17 Sa kataposan gamita ang helmet sa kaluwasan ug ang pinuti sa Espiritu nga mao ang Pulong sa Diyos.

18 Pag-ampo sa tanang higayon sumala sa paglamdag sa Espiritu. Pagbantay mo ug lahutay sa pag-ampo ug sa pagpangayo alang sa tanang kaigsoonan. 19 Iampo sab ko sa akong pagsulti, aron kahatagan ko sa mga pulong sa pagsangyaw sa misteryo sa Ebanghelyo sa tumang kaisog. 20 Bisag gigapos ko, embahador ko sa Diyos. Hatagan unta ko niyag kusog aron makawali sumala sa kinahanglan kong buhaton.

PAGPAAMBIT SA MENSAHE:

Ang maong ebanghelyo nagpasabot sa kaimportante sa mga armadora diha sa atong kinabuhi. Diin kini nagpasabot sa pagsul-ob kanunay sa maong mga armadura, sama sa krusipeho ug rosaryohan diin mao kini atong taming ug panalipod diha sa matag-adlaw ug ilabi na samga lugar diin kusog ang mag dautan. Apan kining tanan nga mga armadora dili gihapon magamit ug walay pulos kun ang mosul-ob niini kulang sa pagtoo diha sa gahum sa Dios, nga sa ato pa hugta ang imong pagtoo igsoon kay aron mapanalipdan ka sa maong maga armadura.

Ginaingon nga kun unsa kakusog ang gahum ug pagtoo sa Dios nga imong gihuptan mao usab ang hulga sa dautang espiritu diha kanimo. Niana nga mga panahun igsoon diha masukod ang imong hugot nga pagtoo diin mausa gayud kini ngadto sa mao mong armaduranga gihuptan ug sa mga pag-ampo nga langitnon, kay walay gahum sa kangitngit nga modaug batuk sa gahum sa kahayag.

Mao lang kini ang bugtong taming batok sa dautan, diin diah sa mga armadura ug mga pag-ampo uban sa hugot mong pagtoo ug pagpuasa kanunay sa mga kasal-anan, kanunay ka gayud nga panalanginan a Dios isip pinili nga katawhan. Diin maoy nahimo nimong tuko ang mga pag-ampo ug armadura diah sa pagsulay sa imong kinabuhi. Magaagad sa kahugot sa imong pagtoo ug mga armadura ang pagpaabok sa mga dautan diin kun haguka ang imong pagtoo nan yano ka lang unya kaayo nga pildihan sa dautan.

Mga Ulipon Ug Mga Agalon

EFESO 6 : 5 ~ 9

5 Mga sulogoon, tahora ang inyong agalon ining kalibotana sa kahadlok ug sa pagtamod, sa kaligdong sa kasingkasing nga daw si Cristo ang gitahod. 6 Ayawg alagad sa panahon lang nga gibantayan mo o aron mahimuot ang uban, apan kinahanglan nga mahimo mong mga sulogoon ni Cristo nga nagbuhat sa kabubut-on sa Diyos ug sa tibuok ninyong kasingkasing. 7 Trabaho sa kaugalingong kabubut-on alang sa Ginoo ug dili sa katawhan. Hunahunaa nga ang kaayohang mabuhat sa matag usa, 8 sulogoon o gawasnon, gantihan sa Ginoo.
9 Ug kamo mga agalon, tagda ang inyong sulogoon sa samang paagi. Ayaw silag hulgaa kay inyong nasayran nga may usa ra sila ka Ginoo nga naa sa langit. Gitagad niya ang tanan sa kaangayan. Pagmalig-on diha sa Ginoo


PAGPAAMBIT SA MENSAHE:


Ang maong mensahe naghisgot sa pagtahod diha sa atong isigkatawo. Dinhi sa ibabaw sa kalibutan, gikanahanglan ang balaod nga kalibutanon diin nahasubay kini sa kabubut-on as Dios bisan dili ang tanan iyang gikahimut-an. Bisan diha sa atong pagpanarbaho obligado kita nga mosunod sa balaod sa kagamhanan diin mao man kini ang sumbanan sa katarong. Diha sa atong pagpanarbaho kinahanglang gayud ang pagtahod diha sa balaod sa tawo ug ingong man ang pagtahod usab sa atong mga agalon o sa nakataas kanato.

Gina-ingon nga lahi ang balaod sa langit ug sa yuta diin ang proseso ug silot sa sala nimo ngadto sa Dios, usa ka espirituhanon nga proseso ug Dios lamang maykatungod sa paghukom niini. Apan ang silot sa sala nga tawhanon tawo usab ang mosilot niini diin wala na kini magasubay sa kabubut-on sa Dios, apan usa kini sa mga pamaagi sa pagsilhig sa mga katawhan nga masinupakon sa Dios.

Ang pagtahod ngadto sa imong agalon o isigkatrabahante usa ka langitnon nga hiyas diin gikahimut-an sa Dios. Diin bulahan ka igsoon kay ang Dios magapasidungog gayud kanimo kay nagtuman ka sa iyang kasugo-an nga pagtahod ug paghigugma sa imong isigkatawo. Kay ang Dios nga makagagahum sa tanan dili lang Dios sa mga datu kundili Dios usab sa tanan, nan kun nagtuman ka sa iyang gakasugo-an nan makadawat ka gayud sa iyang panalangin ug grasya nga langitnon.

Saturday, May 24, 2008

Mga Kinabuhi Nga Nausab

1 PEDRO 4: 1 ~ 6

1 Busa, maingon nga si Cristo miantus diha sa lawas, sangkapi ninyo ang inyong kaugalingon sa samang tinguha, kay bisan kinsa nga magaantus diha sa lawas nakahunong na sa pagpakasala, 2aron kamo magkinabuhi sulod sa panahon nga nahibilin pa sa lawas dili na tungod sa pagbuot sa tawhanong mga pangibog kondili tungod sa pagbuot sa Dios. 3Kay kadtong panahona nga miagi igo na alang sa pagbuhat sa buot ipabuhat kaninyo sa mga Gentil, sa paggawi sa kaulag, pangibug, huboghubog, hudyaka-bahakhak sa kombirahan, sinumsumay, ug sa gidili nga pagsimbag mga diosdios.

4 Sila nanghitingala nga kamo karon dili na man kmakighogoyhogoy uban kanila sa samang pagpatuyang, ug kamo ila nang pagapasipad-an; 5apan kini sila magahatag ra unyag husay ngadto kaniya nga andam sa paghukom sa mga buhi ug sa mga patay. 6Kay kini mao ang hinungdan ngano nga ang Maayong Balita giwali hangtud ngadto sa mga patay, aron nga bisan tuod sila nahinukman na diha sa lawas ingon sa mga tawo, sila mabuhi sa espiritu ingon sa Dios.

PAGPAAMBIT SA MENSAHE:

Ang maong ebanghelyo nagpamatuod lamang nga buhi ang Dios nga si Jesu Cristo, diin siya ang Dios sa mga buhi kay ang tanan nga mitoo ug misunod kaniya mahatagan sa kinabuhi nga walay katapusan. Diin kung ania na kita niining kamatuoran nga tinago nan barugan ta ang atong pagtulon-an kay matod pa sa mensahe sa Dios Amahan daghan ang iyang pinili nga katawhan diha sa lain-laing nga pagtulon-an, diin lahi-lahi usab nga mga proseso sa pag-ampo nga sa ato pa dili lang ang pagtulon-an nga imong gibarugan ang adunay kaluwasan ang tanan nga pagtulun-an aduna gayuy susama nga kahigayunan sa pagkaluwas.

Nagpasabot lamang ogsoon nga dili ang imong pagtulun-an ang gitan-aw sa Dios didto unya sa iyang katapusang paghukom apan ikaw mismo nga taglawas maoy manubag diha sa imong kaugalingon, diin sa walay pagpihig ug pagpabor kitang tanan mag-atubang gayud sa tukmang silot sibo sa atong kasal-anan. Niining siglo nato karon diin halapad pa ang pasensya sa Dios, ug mao usab kini ang panahun diin kanunay kitang moduol ug modangop kaniya diha sa mag pag-ampo ug pangaliya diin anaa pa ang kalooy ug pagpasaylo sa Dios diha sa atong kasal-anan.

Mao na kini ang higayun diin ato nang ihikling ang mga tawhanon nga mga kailibgon, ato na nga tagaan ug lugar ang Dios diha sa atong dughan ingon nga atong manluluwas. Kinahanglan ang adlaw-adlaw nga pag-ampo , pinaagi sa Santos nga rosaryo, ug atong ihalad ang atong kaugalingon ngadto kaniya pnaagi sa pagbalaan ug sa pagpuasa sa pagpakasala. Hapit na moabot ang maong pagbalik sa Dios diin wala kita makahibalo kun kanus-a, kay matod pa sama kini sa kawatan nga mtungha lang ug kalit diha sa imong paghinanok o as imong pagtrabaho.

Paglaom Nga Dili Matarog

1 PEDRO 1: 3 ~ 12

Dalaygon ang Dios ug Amahan sa atong Ginoong Jesu-Cristo! Tungod sa iyang dakung kalooy kita iyang gianak pag-usab ngadto sa usa ka buhing paglaum pinaagi sa pagkabanhaw ni Jesu-Cristo gikan sa mga patay, 4ug ngadto sa usa ka panulondon nga dili madunot, dili mabuling, dili malawos, ginatipigan didto sa langit alang kaninyo 5nga mga ginabantayan sa gahum sa Dios pinaagi sa pagtoo alang sa kaluwasan nga andam na aron igapadayag unya sa kinaulahiang panahon.

6 Kini igakalipay ninyog daku, bisan tuod nga karon inyong pagaantuson sa makadiyot ang nagkalainlaing mga pagsulay, 7aron ang pagkatinuod sa inyong pagtoo, nga labi pang bililhon kay sa bulawan nga ginasulayan pinaagig kalayo bisan tuod kini madugta ra, mosangpot ngadto sa pagdalayeg ug paghimaya ug pagpasidungog kaninyo inigpadayag na unya kang Jesu-Cristo. 8Bisan tuod wala kamo makakita kaniya, kamo nagahigugma kaniya; ug busan pa nga karon dili kamo makakita kaniya, kamo nagasalig kaniya ug nagakalipay sa labihan gayud nianang dili ikaasoyng kalipay ug puno sa himaya. 9Ingon nga sangputanan sa inyong pagsalig kamo manag-pakabaton sa kaluwasan sa inyong mga kalag.

10 Ang mga profeta nga nagtagna mahitungod sa grasya nga igahatag kaninyo,-- kini sila nangita ug nagpakisusi mahitungod niining maong kaluwasan; 11ilang gisusi kinsang tawhana o unsang panahona ang gipasabut sa Espiritu ni Cristo nga diha kanila sa ilang pagtagna sa mga pag-antus ni Cristo ug sa himaya nga modason niini. 12Ug kanila gipadayag nga dili sa ilang kaugalingon kondili kaninyo nanag-alagad sila diha sa mga butang nga karon gikapahibalo na kaninyo pinaagi sa mga tawo nga nagawali sa Maayong Balita pinaagi sa Espritu Santo nga pinadala gikan sa langit, mga butang nga niini ang mga manulonda nangandoy sa pagsud-ong.

PAGPAAMBIT SA MENSAHE:

Ang maong ebanghelyo naghisgot kini sa pagtoo nga langitnon diin diha sa maong pagpasakit ug pagpalansang ni Jesus sa Krus kita naluwas sa atong mga kasal-anan. Mao kini ang bugtong paglaom nga nakapaaghat sa mga sumosunod sa kristuhanon nga pagtulon-an diin nagpadayag sa kahimayaan sa Dios diha sa mga pag-antos ug pagpasakit dinhi sa yuta diin gantihan kini sa Amahan didto sa langit.

Diin gipadayag sa ebanghelyo nga makasinati gayud sa pagsulay ang mga sumosunod niining kristuhanong pagtulon-an kay matod pa sulayan man gani sa kalayo ang bulawan kun kini puro ba nan susama usab sa pagtoo nimo sa Dios diin kini sulayan kun matood ug tinud-anay ba gayud ug kun nagsumikad ba gayud kini sa kasingkasing.

Apan bulahan ka igsoon nga hugot nga mitoo sa Dios Espiritu Santo nga dili mahikap ug makita, diin mao kini ang gisul-ob ni Jesu Cristo diha sa iyang pagpakatawo dinhi sa kalibutan. Mao kini ang sumbanan diha sa pagkinabuhi uban kang Jesu Cristo, diin giingon diha sa balaang kasulatan nga namatay ang atong sala uban kang Jesus apan nabanhaw kita uban kaniya sa ato pa bag-o na ang atong pagkatawo sa pagkabanhaw ni Jesus diin dili na kita molingi sa mga tawhanon nga kailibgon ug atong ipasulabi ang espiritwal nga pagtoo ug pagtahod sa Dios diin atong isul-ob ang hiyas sa espiritu santo nga mao ang pagkamainampoon, mapailubon, ug mapaubsanon diin kanunay gayud kitang mahangad sa Dios diha sa mga kalisdanan ug kasakit sa kinabuhi.

Rosaryohan, pag-ampo, ug bug-os ug hugot nga pagtoo maoy himoong hinagiban diha as mga pangaliya sa Ginoo, tungod kay siya ray nasayod ug nakahibalo sa atong ugma. Lihok tawo kay tabangan ko ikaw, matod pa sa balaang kasulatan diin nagkahulugan kini ug paglihok sa atong kaugalingon diha sa pagpangaplag ug pagbugtaw sa tingusbawan as kinabuhi. Diin matod pa sa balaang kasulatan kun adunay kay pagtoo nga sama sa liso sa mustasa nan makahimo ka sa pagsugo sa bukid sa pagbalhin sa patag ug mobalhin siya, nga sa ato pa igsoon walay laing paagi diha sa katumanan sa imong gipangayo mao ang pagtoo lamang nga sama kadako sa liso sa mustasa.

Thursday, May 22, 2008

Pagkinabuhi Pinaagi Sa Pagto-o

2 CORINTO 4:16~18

16Busa kami wala kawad-i sa kasibut, ug bisan tuod nagakahugo ang among pagkatawo nga makita sa gawas, ang among pagkatawo sa kinasuloran ginabag-o sa adlaw-adlaw. 17Kay kining magaan ug lumalabay nga kasakit nagaandam alang kanamo sa labihan gayud kadaku ug walay katapusang gibug-aton sa himaya, 18tungod kay kami nagasud-ong man dili sa mga butang nga makita kondili sa mga butang nga dili makita; kay ang mga butang nga makita lumalabay lamang, apan ang mga butang nga dili makita walay katapusan.

PAGPAAMBIT SA MENSAHE:

Ang kaluwasan sa atong kalag nagaagad sa atong pagtoo ug pagtuman sa kabubut-on sa Dios diin ginaingon nga walay makasukod sa atong bug-os nga pagtoo sa Dios kundili ang Dios ra usab mismo diin ila kining makita ug masukod pinaagi sa katim-os ug kabug-os sa atong mga kasingkasing nga sa ato pa mga igsoon ang espirituhanon nga pagto-o usa ka langitnon nga gasa o kaalam diin nagpasabot kini nga pinatikan ka sa espiritu santo sa Dios nan iya kang pinili ug usa sa mga tinawag nga katawhan.

Daghan ang pagtolun-an nga nigawas dinhi sa kalibutan ug silang tanan nagpasibantog sa kaluwasan diha sa kinabuhi nga dayun. Ginaingon nga usa ra ang Dios , usa ra ang balaang kasulatan, apan daghan nga relihiyon nga nanggawas diin ngapasibantog sa nagkalahi-lahi nga pagsabot sa balaang kasulatan. Diin ginaingon nga walay relihiyon nga makaluws sa tawo diin ang bugtong makaluwas mao lamang ang iyang pagtoo nga hugot sa Dios diin makita kina diha sa imong pulong , huna-huna ug sa buhat.

Dos Mil (2,000) na ka tuig ang milabay sukad gilansang ang anak sa Dios diin siya nabanhaw diha sa ikatulo ka adlaw ug miluwas kanatong tanan pinaagi sa paghalad sa iyang lawas ug dugo. Pangutana? Insakto na ba ang atong kaluwasan diha sa pagpalansang sa krus ni Jesu Cristo? Ang tubag makita diha sa balaang kasulatan diin ginaingon nga Malisod ang pagsulod sa gingharian sa langit diin gawas kun ang tawo i-anak pag-utro ug mobalik siya sa pagkabata nan mas madali kaniya ang pagsulod sa gingharian sa Dios. Kay samtang nagatubo kita ug nagakinabuhi dinhi sa kalibutan madugangan gayud ang atong mga kasal-anan pinaagi sa atong huna-huna, mga pulong ug sa mga buhat.

Busa aduna gayud kitay gimbuhaton diha sa atong pagkamagtoto-o ug sumusunod niining pagtulon-an, diin mao ang pagtugyan sa hingpit sa atong kaugalingon ngadto a Dios diin atong buhaton ang iyang mga kasugo-an nga mao ang kanunay nga pag-ampo, pagrosaryo ug paghalad ug ang pagpakabalaan pinaagi sa pagpuasa o paglikay sa mga kasal-anan.

Espirituhanong Bahandi Nga Gisulod SaYutan-ong Sudlanan

2 CORINTHO 4: 1~15

1 Busa, maingon nga nakabaton man kami niining maong pag-alagad tungod sa kalooy sa Dios, kami wala kawad-i sa kasibut. 2Ug gisalikway namo ang mga paagi nga makauulaw ug sinuwitik; nagadumili kami sa pagbuhat sa lipatlipat o sa pagsambog sa pulong sa Dios, hinonoa, pinaagi sa dayag nga pagsulti sa kamatuoran, kami nagapaila sa among kaugalingon ngadto sa kaisipan sa tanang tawo diha sa atubangan sa Dios. 3Ug kon ugaling ang among Maayong Balita sinalipdan man, kini sinalipdan lamang ngadto kanila nga nagakalaglag.

4Sa ilang pagkabutang, ang mga hunahuna sa mga dili magtotoo gibutaan sa dios niining kalibutana, aron sila dili makakita sa kahayag sa Maayong Balita sa himaya ni Cristo nga mao ang dagway sa Dios. 5Kay ang among ginawali dili ang among kaugalingon, kondili si Jesu-Cristo ingon nga Ginoo, ug kami ingon nga inyong mga ulipon tungod kang Jesus. 6Kay ang Dios nga nag-ingon, "Gikan sa kangitngit may kahayag nga mosidlak," mao siya ang nagasidlak dinhi sa among mga kasingkasing aron sa paghatag kanamo sa kahayag sa kahibalo sa himaya sa Dios, nga anaa sa nawong ni Cristo. 7Apan ang maong bahandi ginabatonan namo diha sa mga sudlanan nga yuta, aron sa pagpadayag nga ang labawng gahum iya sa Dios ug dili gikan sa among kaugalingon.

8 Kami ginasakit sa tanang paagi, apan wala manghiubos; nangalibog, apan wala kawad-i sa paglaum; 9ginalutos, apan wala ikapanugyan; gipamunalan hangtud sa pagkapukan, apan wala mangalaglag; 10sa kanunay ginasagukom namo dinhi sa lawas ang kamatayon ni Jesus, aron ang kinabuhi ni Jesus magadayag usab dinhi sa among mga lawas. 11Kay samtang kami buhi, sa kanunay ginatahan kami ngadto sa kamatayon tungod kang Jesus, aron ang kinabuhi ni Jesus magadayag dinhi sa among mga lawas nga may kamatayon.

12Busa, dinhi kanamo nagalihok ang kamatayon, apan diha kaninyo ang kinabuhi. 13Sanglit kami nakabaton man sa mao rang espiritu sa pagtoo nga diha sa nagsulat niini nga nagaingon, "Ako mitoo, ug busa ako misulti," kami usab nagatoo ug busa kami nagasulti, 14ug sa nasayran namo nga ang nagbanhaw sa Ginoong Jesus magabanhaw usab kanamo uban kang Jesus ug magadala kanamo uban kaninyo ngadto sa iyang atubangan. 15Kay kining tanan alang sa inyong kaayohan, aron nga sa ikapalugway ang grasya ngadto sa labi ug labi pa ka daghang mga tawo, kini magapadaghan sa mga pagpasalamat, ngadto sa pagdalayeg alang sa Dios.

PAGPAAMBIT SA MENSAHE:

Ang maong ebanghelyo naghisgot sa mga hiyas nga espirituhanon ug bahandi nga diin walay kawatan nga makakuha ug walay taya nga magakutkot. Bulahan ang mga katawhan nga bisan ania pa sa kalibutan apan sa kanunay naga balaan ug nagpahinungod as Dios pinaagi sa inadlaw-adlaw nga pag-ampo. Angay gayud tuod nga samtang ania pa kita sa kalibutan kanunay natong ihalad ang atong kaugalingon, diha sa inadlaw-adlaw nga pag-ampo ug pagrosaryo,
:
Diin bulahan kun tawgon na kita sa Dios didto sa lain nga kalibutan nan aduna kanay sarang pundo diin mahatagan ka unya ug igong luna didto sa ganghaan sa gingharian sa Dios. Diin kulang na ang kapas sa atong mga pag-ampo kun atua na kita sa laing kalibutan kay matod pa sa mensahe sa Dios, ang atong tawhanon nga lawas mahabilin man dinhi sa kalibutan, ug ang atong espiritu mobalik man kini ngadto sa langit ug diin mao usab kini ang mosulti ngadto sa Dios sa atong mga kasal-anan ug ang atong kalag mao na man usab ang magahulat sa kataposang paghukom diin pagasul-oban kini sa lawas nga langitnon.

Ginaingon nga kun wala nimo maandam ang imong kalag nianang panahuna nan wala nay panahun diha sa imong pagbasol diin ang bugtong nalang paglaom mao man ang mga pag-ampo diha sa imong mga kaigsoonan nga nahabilin dinhi sa walog sa mga buhi. Diin bulahan kun matabangan ka sa pag-ampo ug maluwas ka sa kalayo sa impiyerno apan ang silot magpabilin diin didto ka na unya magsilbi sa imong sala sa purgatoryo. Bulahan kun sa kanunay gimatuto sa pag-ampo ug paghalad ang imong kalag diin tungod sa kalooy sa Dios diha sa mga nanag-ampo ug sa iyang pasaylo kanimo nan maabli man unya ang ganghaan sa langit para kanimo.


Bulahan na man usab unya ang mga katawhan nga nanag-ampo para sa kaluwasan sa imong kalag kay sa panahun nga atua ka na sa langit ikaw na man usab unya ang magaampo niadtong mga binuhat nga nagatabang kanimo ug sa diin kun sila na usab unya ang tawgon sa Dios nan bulahan sila mga-igsoon kay inig-abot nila didto sa ganghaan sa gingharian sa Dios daghan na man usab ang mga kalag nga motabo ug magpasalamat kanila diin mao man kining mga kalaga ang ilang giampo sa didto pa sila nagkinabuhi sa kalibutan.

Pag-ampo Kamo Alang Kanamo

2 TESALONICA 3: 1~5

1 Sa katapusan, mga igsoon, pag-ampo kamo alang kanamo, aron ang pulong sa Ginoo motulin unta ug magamadaugon, maingon sa nahimo niini diha kaninyo, 2ug aron maluwas kami gikan sa mga tawong lampingasan ug dautan; kay dili man ugod ang tanan may pagtoo. 3Apan ang Ginoo kasaligan; ug siya magalig-on kaninyo ug manalipod kaninyo gikan sa dautan.

4Ug kami masaligon sa Ginoo mahitungod kaninyo, nga kamo nagabuhat ug magapadayon sa pagbuhat sa mga butang nga among gisugo kaninyo. 5Hinaut unta ang Ginoo magatultol sa inyong mga kasingkasing ngadto sa gugma nga iya sa Dios, ug ngadto sa pagkamainantuson ni Cristo.

PAGPAAMBIT SA MENSAHE:

Ginaingon diha sa balaang kasulatan nga duha o tulo nga magkahugpong sa pag-ampo diha sa ngalan saDios anaa si Jesu Cristo nagauban kaninyo. Ang ebanghelyo naghsigot ug pamalihog nga mga pag-ampo o paghalad sa maong mga apostoles. Ang pag-ampo maoy bugtong paagi sa pagpakig-istorya kanatong tawo ngadto sa Ginoong Dios. Atong mahinumduman nga bisan si Jesus kanunay nga nagaampo ug nangaliya ngadto sa iyang Amahan, nga sa ato pa bisan ang anak sa Dios nagaampo man gani ngadto sa iyang amahan diin nagpasabot kini nga adunay panalangin ang pag-ampo ngadto sa kahitas-an.

Matod pa saDios Amahan sa iyang mensahe nga walay tawo dinhi sa ibabaw kalibutan nga wala niya madunggi ang pag-ampo. Ang tanan nadungog gayud sa Amahan apan dili ang tanan nakadawat sa iyang panalangin kay ang kadaghanan nga nagaampo diha ra man sa tumoy sa ilang dila. Sa ato pa mga igsoon kinhanglan gayud ang hugot nga pangaliya ug paghalad diha sa imong mga pag-ampo, kay diha magsumikad ang panalangin ug kalooy sa Dios.

Sama nianing ebanghelyo diin personal nga gihangyo sa apostoles ang mga katawhan sa pag-ampo para kanila aron sa kanunay panalanginan sila sa Amahan. Kay ginaingon diha sa balaang kasulatan ug bisan diha sa mga mensahe sa Amahan nga ang imposible mahimong posible diha sa mga pag-ampo nga kinasingkasing, diin motuhop ang kaluoy sa Dios kun makita niya nga nagatuman kita sa iyang kasugo-an.


Bisan diay ang mag katawhan nga wala motoo ug Ginoo o wala motoo niining pagtulon-an nga atong gibarugan karon apan sa kanunay ato silang i-ampo moabot gayud ang panahun nga kuhiton sila sa Dios ug mopasilong sa landong sa Espiritu Santo, kay matod pa sa balaang kasulatan nagaagad sa kabubut-on sa Dios ang pagpatig-a ug pagpahumok sa kasing kasing sa matag tawo, ang tawo nga nabutahan sa kamatuoran pinaagi sa hinugpong ug hiniusa nga pag-ampo ug kun kabubut-on sa Dios nan makapasilong gayud siya sa landong niining Tinago nga Kamatuoran.

Mga Katabang Diha Sa Iglisea

1 TIMOTEO 3: 8~13


8 Ingon man usab, ang mga diyakono kinahanglan magmaugdang, dili duhag sinultihan, dili tig-inom ug daghang bino, dili maikag sa pagpanapi pinaagig limbong; 9kinahanglan magabaton sila sa tinago sa pagtoo uban sa maputli nga kaisipan. 10Ug kinahanglan nga sila usab pagasulayan una; unya ugaling kon masuta man nga sila dili masaway, nan, paalagara sila ingon nga mga diyakono.

11Ang mga babaye usab kinahanglan magmaugdang, dili mga tigdaut ug dungog sa uban, kondili mga mapugnganon sa kaugalingon, ug kasaligan sa tanang mga butang. 12Ang mga diyakono kinahanglan tagsa ray asawa, ug magamaayo sa ilang pagdumala sa ilang mga anak ug sa ilang mga panimalay; 13kay sila nga magamaayo sa ilang pag-alagad ingon nga mga diyakono makapanag-iya sa maayong tikanganan alang sa ilang kaugalingon, ug sa dakung pagsalig diha sa pagtoo nga anaa kang Cristo Jesus.

PAGPAAMBIT SA MENSAHE:

Ang maong mensahe nagpasabot diha sa pakigtambayayong sa pagtulon-an nga gibarugan diin matud pa sa ebanghelyo nga bulahan ang maong mga katabang sa iglisea nga gibarugan diin sila nagpakabalaan sa ilang kaugalingon, diin unahon gayud nila ang pagsilbi ang katawhan nga mga dumudoong. Diha makita sa maong pagpabarog ug pagkamatinuoran nila sa kaugalingon kun sila mismo makasakripisyo diha sa kaugalingon diin kanunay gayud magpaubos ug magpasakit alang sa kalinaw diha sa iglisea.

Ang kamatuoran nga gisangyaw ni Jesu Cristo nagkahulogan kini ug kalinaw ug panagdait, diin kawang lamang kung ikaw nga miyembro o katabang sa iglisea magpatig-a sa kaugalingon ug magpasigarbo diha sa imong puwesto nga gibarugan diin wala na kini mahasubay sa doktrina ug pagtulun-n nga gitudlo ni Jesus diin sa iyang pagka anak sa Dios wala kini niya gamita hinunu-a nagpaulipon siya sa mga katawhan ug nagsangyaw sa iglisea nga gibarugan pinaagi sa pagtudlo sa mga espirituhanon nga pagtulun-an ug ingon man ang pagsilbi sa mga masakiton ug ang pag-atiman sa mga nahisalaag.

Mao kini ang doktrina nga gibarugan ni Jesu Cristo diin maoy gusto niyang sundon sa iyang mga tomoto-o ug mga sumusunod. Ang lider nga iyang gipakita mao ang pagkalider diha sa pagtulun-an nga kristuhanon apan sulogoon ka sa imong katawhan isip maoy mohatag ug giya nga langitnon, sa walay pagpakabana ug paglantaw diha sa iyang kaugalingon nga garbo ug pagkatawo. Ang balaang kasulatan nag-ingon kun gusto nimong hataas ug katungdanan didto sa langit ug diin ibayaw ka ngadto sa himaya nga dayun nan, puy-an mo ang kinabuhi nga pinakaubos dinhi sa yuta diin puno sa pagyubit, pagbiay-biay ug pagtamay. Pas-ana ang imong krus sa kinabuhi ug sunod kang Jesus. Bulahan ka igsoon nga nakaambit sa mga kasakitan ni Jesus dinhi sa yuta kay makaambit ka usab sa iyang himaya didto sa langit.

Wednesday, May 21, 2008

Gipili Kamo Aron Maluwas

2 TESALONICA 2 : 13~17

13 Apan kinahanglan gayud nga sa kanunay kami magahatag ug mga pagpasalamat ngadto sa Dios tungod kaninyo, mga igsoon nga hinigugma sa Ginoo, kay sukad pa sa sinugdan kamo gipili sa Dios aron mangaluwas kamo pinaagi sa pagbalaan kaninyo sa Espiritu ug sa inyong pagtoo sa kamatuoran. 14Alang niini gitawag kamo niya pinaagi sa among Maayong Balita aron kamo makabaton sa himaya sa atong Ginoong Jesu-Cristo.

15Busa, mga igsoon, magbarug kamo nga mga malig-on ug humawid kamo sa mga kalagdaan nga among gikatudlo kaninyo pinaagi sa pulong nga gisulti o pinaagi sa sulat. 16 Karon hinaut nga ang atong Ginoong Jesu-Cristo, ug ang Dios nga atong Amahan, nga naghigugma kanato ug naghatag kanato sa walay katapusang paglipay ug maayong paglaum pinaagi sa grasya, 17magalipay unta sa inyong mga kasingkasing ug magapalig-on niini diha sa tanang maayong buhat ug pulong.

PAGPAAMBIT SA MENSAHE:

Ang maong ebanghelyo naghisgot mga tawo nga gipatikan nang daan sa espiritu santo, diin matod pa diha pa sila sa tago-angkan sa ilang inahan gitawag na silang daan. Sa ato pa igsoon ang mga pinili nga katawhan sa Dios iyan nang gilista bisan diha sa wala pa kita dinhi sa kalibutan. Apan ang kaluwasan sa kalag magdepende na kani diha sa imong pagpatalinghug ug pagbalaan ug diha usab sa pagtuman sa iyang kasugo-an.

Inig-abot sa tawo sa pangedad diin hitsas na siya sa tawhanong kaalam ug kinaadman, molingi gayud siya sa mga tawhanon nga mga butang ug kailibgon, diin bulahan kun bisan sa tanan magpabilin ang imong pagpasidungog sa Dios, apan sa higayun nga motalikod ka sa Dios diha sa imong mga pagpangaplag, nan igsoon moabot gayud ang adlaw nga tawgon ka aron sa pagsilbi usab kaniya.


Mosugot ka ug sa dili kun pinatikan ka sa espiritu santo sa dili ka pa mobalik ngadto as abog, ganuyon ka una diha sa maong mga pag-ampo ug pagbalik sa Dios . Diin diha sa mao mong pagbalik kaniya kun magdumili ka nan makasala ka na sa espiritu santo sa Dios ug ang silot sa sala mao ang kamatayon. Apan ginaingon nga hataas pa ang pasensya sa Dios niining panahuna diin kitang tanaan gitagaan gayud sa kahigayuna nga maluwas ug diin diha sa makanunayong pagbalaan, pag-ampo ug pagpangaliya sa Dios mao ray bugtong solusyon diha sa kabulahanan sa imong kalag

Ang Tawong Yawan-on

2 TESALONICA 2: 1~12

1 Karon mahitungod sa pag-anhi sa atong Ginoong Jesu-Cristo ug sa atong panagtagbo sa pagsugat kaniya, magahangyo kami kaninyo, mga igsoon, 2nga dili unta kamo makuyawan pagdali ni makulbaan, bisan pinaagi sa espiritu o sa pulong, o pinaagi sa sulat sa pahayag nga daw kami mao ang nagaingon, nga ang adlaw sa Ginoo ania na.

3 Ayaw kamo pagpalimbong ni bisan kinsa sa bisan unsang paagi; kay kadtong adlawa dili pa moabut hangtud nga mahitabo una ang pag-supil, ug ang pagtungha sa tawo sa kalapasan, ang tawong pagalaglagon, 4nga magasupak ug magapahitaas sa iyang kaugalingon batok sa tanang ginatawag ug dios o sa bisan unsa nga ginasimba, nga tungod niana siya magapahigayon sa paglingkod sulod sa templo sa Dios, ug magapahayag nga siya Dios. 5Dili ba ninyo mahinumduman nga sa diha pa ako uban kaninyo gisuginlan ko man kamo niini?

6Ug kamo nasayud na unsa karon ang nakapugong kaniya aron nga unya na siya igapadayag sa panahon nga gitagal kaniya. 7Kay ang tinagoan sa kalapasan gikapalihok na; mao lamang nga ang nagapugong niini karon magapadayon pa sa pagpugong hangtud nga makuha na siya. 8Ug unya ugaling ang masupilon igapadayag na, ug pagapatyon kini sa Ginoong Jesus pinaagi sa ginhawa sa iyang baba ug pagalaglagon kini pinaagi sa pagpadayag sa iyang pag-abut. 9Ang pag-abut sa masupilon pinaagi sa paglihok ni Satanas pagaubanan sa tanang kagahum ug bakak nga mga ilhanan ug katingalahan,

10ug pagaubanan sa tanang dautan nga paglimbong alang kanila nga pagalaglagon, tungod kay sila nanagdumili man sa paghigugma sa kamatuoran aron mangaluwas unta sila. 11Tungod niini, ang Dios magapadala kanila ug gahum sa pagkahisalaag aron sila managpanoo sa bakak, 12aron pagahukman sa silot ang tanang wala motoo sa kamatuoran, hinonoa nahimuot sa pagkadili matarung.

PAGPAAMBIT AS MENSAHE:

Gipanagna nang daan nga sa dili pa mobalik ang anak sa Dios aron sa paghukom kanatong tanan, daghan ang mga katalagman nga mahiabot dinhi sa yuta diin moanha una ang mga dautan nga maoy magmando ug maghari dinhi sa yuta. Ang maong ebanghelyo nagpasabot lamang sa hinayhinay nga pagmatuod sa mga pulong sa Dios sa balaang kasulatan. Diin iyang gipadayag nga sama siya sa kawatan diha sa iyang pagbalik diin walay makabantay kun adlaw ba o gabii ba.

Dos Mil na katuig kapin ang milabay diin misulod na kita sa ikatulong siglo din daan nang nagpasabot ang Dios Amahan nga wala nay laing siglo nga magpakatawo pagbalik ang Ginoong Dios, mao ra gayud kadtong siglo nga nadayag na. Ug hinay-hinay usab nga mikuyanap ang maong mga dautan nga elemento sama sama teroristat, katalagman, ug uban pang mga kaguliyang, diin nagpamatuod lamang sa nagkaduol na nga mga panagna.

Ang mga manggialamon ug mga maki-admanon nga mga katawhan gigamhan na sa mga tawhanon nga mga bahandi diin halos dili na molingi diha sa Dios nga magbubuhat sa tanan. Daghan ang mga moderno nga mga ekuipos ug mga kaalam nga tawhanon diin nahimong pabilo sa mga kaguliyang ug kagubot. Nahimong kontrobelsyal ang daghang mga pagtulon-an nga nanggawas niining panahuna diin silang tanan nagpasidungog gayud sa Dios. Apan mailhan nimo ang iglisea nga iya sa Dios kay nakasinati kini ug mga paglutos ug pagbiay-biay. Diin bulahan ka igsoon nga nakisinati usab sa maong mga paglutos kay haduol ka sa himaya sa Dios.

Ang Dakong Tinago

1 TIMOTEO 3: 14~16


14 Ginalauman ko nga sa dili madugay mahianha ako kanimo, apan gisulat ko kining maong mga tugon aron nga 15kon malangan man ugaling ako, ikaw mahibalo na unsaon sa paggawi diha sa sulod sa panimalay sa Dios, nga mao ang iglesia sa buhi nga Dios, ang haligi ug panalipod sa kamatuoran. 16Ug dili malalis nga daku gayud ang tinago sa atong tinoohan: Ang Dios nadayag diha sa lawas, nahimatud-an nga matarung diha sa Espiritu, nakita sa mga manolunda, giwali sa taliwala sa kanasuran, gitoohan dinhi sa kalibutan, gibayaw ngadto sa himaya.

PAGPAAMBIT SA MENSAHE:

Ang maong ebanghelyo nagpasabot sa makanunayong nga pagsangyaw sa kamatuoran bisan diin dapit nga lugar o sinagoga. Bisan sa wala na ang mga apostoles diin sa kanunay ang mga pagtulon-an gisabwag ug gipasabot sa maong mga sumusunod nga katawhan ni Jesu Cristo. Mga yano nga tawo nag asunod sa mga pulong ni Jesus diin kadaghanan kulang sa mga kaalam nga tawhanon apan hupong sa kaalam nga langitnon ug gidan-agan sa giya sa espiritu santo.

Mao kini ang ginaingon diha sa ebanghelyo nga tinago nga kamatuoran diin kadto lamang mga tinawag ug pinili ang makakita ug makaplag niining maong kamatuoran diin ginaingon diha sa ebanghelyo nga buhing kamatuoran ang pagsakripisyo ni Jesus isip Dios nga nagpakatawo, ug nabanhaw isip Dios nga espiritu santo ug gisangyaw sa tibook kanasuran ug sa tibook katawhan sa Jerusalem isip iglisea sa kristuhanong pagtulun-an, ug diin daghan ang mibiay-biay kay para kanila usa ka pagpanamastamas sa Dios Amahan ang maong doktrina.

Nag-agi ug dili tiaw nga kasakit ug pagpanlutos ang maong pagtulon-an diin dos mil katuig ang milabay diin nagpadayun pagkaylap ang kristyanismo sa tibook kalibutan, diin sa kanunay nag-agi ug kalisod, paglutos, pagbiay-biay, apan kabubut-on sa Dios ang tanan diin matod pa sa balaang kasulatan daw sama sa buhing bato nga gipakawalay bili niadtong nanagtukod sa balay apan mao man diay ang pinaka-importanteng bato dinhi sa ibabaw sa yuta, diin maoy pundasyon sa kaluwasan sa atong kalag.

Sa ato pa mga igsoon sayop ang paghukom niadtong mga mabuot nga mga paresyo ug mga tag-as nga gobyerno niadtong panahun ni Jesus, kay matod pa kini nga tinago nga kamatuoran gisabwag niadtong mga katawhan nga gitamay ug giayran sa ma Judio , apan matod pa sa balaang kasulatan ang katawhan nga nagpaubos dinhi sa yuta ipataas ko didto sa langit apan ang katawhan nga mapahitas-on dinhi sa yuta ayran ko usab ug ipaubos ko didto sa langit.

Balaod Ug Sala

ROMA 7: 7~12

7 Nan, unsa may atong ikasulti? Nga ang kasugoan mao ang sala? Palayo kana! Ngani, kon dili pa ang kasugoan, dili unta ako makailag sala. Dili unta ako makailag unsay pangibog kon ang kasugoan wala pa mag-ingon, "Dili ka magkaibog." 8Apan ang sala, sa pagkakitag higayon diha sa sugo, nagbuhat sa tanang matang sa pangibog dinhi sa sulod nako. Kay ang sala mamatay kon mahimulag kini sa kasugoan.

9Buhi ako kaniadto sa bulag pa ang kasugoan, apan sa pag-abut na sa sugo ang sala nabuhi ug ako namatay; 10ang maong sugo nga nagsaad ug kinabuhi nasuta nga nagdalag kamatayon alang kanako. 11Kay ang sala, sa pagkakitag higayon diha sa sugo, milimbong kanako ug pinaagi niini mipatay kanako. 12Busa ang kasugoan balaan, ug ang sugo balaan, matarung, ug maayo.


PAGPAAMBIT SA MENSAHE:

Ginaingon nga kun walay balaod walay sala. Nga sa ato pa ang sala nagsugod sa dihang nagmugna ang balaod. Niining espirituhanong pagtulun-na nga atong gibarugan, ang mga kasugoan sa Dios diha sa balaang kasulatan, maoy giisip nga balaod didto sa langit. Ang napulo ka sugo ni Moises nga hinatag sa Dios Amahan didto sa bukid sa Sion nga gikulit sa tinabliya nga bato maoy mga talamdan sa mga kasugo-an ug balaod sa Dios.

Sa pag-abot ni Jesu Cristo dinhi sa kalibutan, usa sa iyang katuyu-an mao ang pagpasabot sa mga balaod o kasugo-an sa Amahan. Diin iyang gipasabot nga ang tanan butang dinhi sa ibabaw ug ilawom sa yuta ilang kabubut-on ug diin nahiuban kini sa ilang panalangin. Ang napulo ka kasugo-an sa Dios nagkahulugan lamang kini ug duha, diin una mao ang paghigugma sa Dios Amahan labaw sa tanan ug ang ikaduha ang paghigugma sa imong isigkatawo sama sa gugma sa imong kaugalingon, ug sa ingon ang maong mga kasugo-an nagpasabot lamang kini ug gugma ug pakigdait.

Apan ang balaod dinhi sa yuta nagsubay usab sa balaang kasulatan, diin tungod sa mga tawhanon nga mga kaalam ug kinaadman, ang nahitabo gipahari ang garbo diin mabintahaan gayud ang walay mga kuwarta kay mahimo man balihon ang istorya pinaagi sa kaalam sa tawo. Ang balaang kasulatan nag-ingon nga walay tawo nga gitugtan sa Dios sa paghukom ug pagsilot sa iyang isigkaingon, diin ang Dios lamang ang adunay katungod sa tanan. Sa ato pa igsoon ang balaod sa yuta wala mahatukma sa kabubut-on sa Amahang Dios, diin wala kini makadawat sa panalangin.

Ang sala sa tawo diha a mata sa Dios aduna pay kapasayloan kun kini imong hinulsulan sa kinasing-kasing gayud. Diin diha sa mga pag-ampo , paghalad ug pangaliya sa imong kaugalingon ug sa tabang usab sa imong mga kaigsoonan diin mamahimo kang maluwas sa maong kasal-anan, apan ang silot sa Dios magpabilin, ug dili kana masugba sa kalayo ug didto kana mabutang sa purgatoryo diin mga dugang pag-ampo ang gikinahanglan diha sa imong mga kaigsoonan aron ka mahia-adto sa gingharian sa Dios.

Mga Ulipon Sa Pagkamatarong

ROMA 6 :15~23

15Nan, unsa man? Magpakasala ba kita kay dili man kita ilalum sa kasugoan kondili ilalum sa grasya? Palayo kana! 16Wala ba kamo masayud nga kon itugyan ninyo ang inyong kaugalingon ingon nga mga masinugtanong ulipon ngadto kang bisan kinsa, kamo mga ulipon niya nga inyong ginasugot,-- mga ulipon nga iya sa sala nga nagahatud ngadto sa kamatayon, o iya sa pagkamasinugtanon nga nagahatud ngadto sa pagkamatarung?

17Apan salamat sa Dios nga kamong mga ulipon kaniadto sa sala karon nahimo na nga sa kinasingkasing mga masinugtanon sa sulondan sa tuloohan nga niini gitugyan ninyo ang inyong kaugalingon, 18ug nga sa paghigawas ninyo gikan sa sala, kamo nahimong mga ulipon sa pagkamatarung. 19Nagasulti ako niining tinawhanong paagi tungod sa pagkadili hingpit sa inyong kinaiya. Kay maingon nga kaniadto inyong gitugyan ang mga bahin sa inyong mga lawas ngadto sa kahugawan ug ngadto sa labi ka labi pa kamasupilon, sa ingon usab karon, kinahanglan itugyan ninyo ang mga bahin sa inyong mga lawas ngadto sa pagkamatarung aron kini pagabalaanon.

20Sa dihang mga ulipon pa kamo sa sala, nahigawas kamo gikan sa pagkamatarung. 21Apan unsa may nakuha ninyong balus gikan niadtong mga butang nga inyo nang pagakaulawan karon? Ang sangpotan sa maong mga butang mao ang kamatayon. 22Apan karon, sa gipahigawas na kamo gikan sa sala ug nahimo nang mga ulipon sa Dios, ang inyong nakuhang balus mao ang pagkabalaan, ug ang sangpotan niini mao ang kinabuhing dayon. 23Kay ang suhol gikan sa sala mao ang kamatayon, apan ang walay bayad nga gasa gikan sa Dios mao ang kinabuhing dayon diha kang Cristo Jesus nga atong Ginoo.

PAGPAAMBIT SA MENSAHE:

Ang maong ebanghelyo naghisgot sa mga katawhan sa Dios diin sa wala pa mahiabot si Jesu Cristo dinhi sa kalibutan gigamhan gayud sila sa mga sala diin maoy gipahari ang mga tawhanon nga kailibgon ug maoy gisimba ang mga materyal nga mga butang ug bahandi. Sa laktod nagpaulipon sa kasal-anan, diin bisan sa mga balaod nga gisangyaw ni Moises nahimong kawang tungod kay mao may ilang gipalabi ang tawhanon nga mga kailibgon ug ang mga bahandi dinhi sa yuta, gusto nila makita ug mahikap ang ilang gasimbahon, nan kay ang Dios Amahan wala may dagway niadtong mga panahuna diin tingog ra man ang imong madungog , dayag gayud nga ilang tagaan ug dakong pagtahod ug pagtagad ang kalibutanon nga mga bahandi diin didto sila malipay.

Sa pag-anhi ug pagsangyaw ni Jesus dinhi sa kalibutan, diin pinaagi sa sugo sa iyang Amahan mianhi siya tungod sa gugma kanatong mga makasasala ug mianhi siya aron sa pagluwas kanatong tanan ug dili aron sa pagsilot kanato. Ang pagpasakit ni Jesu Cristo dinhi sa yuta diin bisan siya anak a Dios ug bugtong nga manununod sa trono sa Dios Amahan apan wala niya gamita ang mao niyang gahum, hinoon nagpakaulipon siya , nagpakaubos diha sa mga mata sa tanang katawhan diin nagsangyaw siya sa iglisea sa kamatuoran apan nagasilbi usab siya sa mga katawhan isip sulogoon sa espirituhanong pagtulon-an.

:
Ang atong kasal-anan gibayran na ni Jesus diha sa iyang mga sakripisyo ug sa paghalad sa iyang lawas ug dugo . Human sa maong sakripisyo diin siya gilubong ug nahiuban paglubong ang atong mga kasal-anan diin sa iyang pagkabanhaw, nabanhaw usab kita isip mga bag-o nga katawhan ug limpyo diha sa mga kasal-anan. Diin ginaingon sa balaang kasulatan nga sa pagkabanhaw ni Jesus magpuasa na kita sa atong mga kasal-anan diin maglikay na kita sa pagpakasala ug ibalaan nato ang atong kaugalingon ug likayan ang mag tawhanon nga mga kailibgon ug ipahari si Jesus diha sa atong kasingkasing diin sa kanunany mangaliya , ug mag –ampo diha sa santos nga rosaryo aron inig-abot sa maong adlaw sa panudya halu-ag na unya ang imong luna didto sa ganghaan sa ginghari-an sa Dios.

Tuesday, May 20, 2008

Ang Dios Ug Ang Pinili Niyang Katawhan

ROMA 9: 1~10

1 Magasulti akog tinuod diha kang Cristo, dili ako magbakak; ang akong tanlag magasaksi kanako diha sa Espiritu Santo, 2nga sa akong kasingkasing aduna akoy dakung kaguol ug walay paghunong nga kasakit. 3Kay arang ko pa gani matinguha ang akong pagkatinunglo ug pagkasinalikway gikan kang Cristo alang sa kaayohan sa akong mga igsoon nga ako rang mga paryenti sa pagkatawo.

4Sila mga Israelinhon, ug nailaha ang pagkainanak, ang kadungganan, ang mga pakigsaad, ang pagkahinatag sa kasugoan ang pagsimba, ug ang mga saad; 5nailaha ang mga patriarca, ug gikan kanila, sa kaliwatan sumala sa pagkatawo, natawo si Cristo nga mao ang Dios nga anaa sa ibabaw sa tanan, dalaygon hangtud sa kahangturan. Amen.

6 Apan dili hinoon nga daw napakyas ang pulong sa Dios. Kay dili ang tanang misanay gikan kang Israel nasakop sa Israel, 7ug dili ang tanan iyang mga anak ni Abraham bisan tuod mga kaliwat sila niya; apan, "Ang pinaagi kang Isaac maoy pagahinganlan nga imong mga kaliwat." 8Sa ato pa, ang mga anak sa Dios dili mao kadtong mga anak pinaagi sa pagkatawo,

Kondili ang pagaisipon nga iyang mga kaliwat mao kadtong mga anak sumala sa gisaad. 9Kay mao kini ang pulong sa saad, "Sa maong panahon mobalik ako dinhi ug si Sara makabaton ug usa ka anak nga lalaki." 10Ug dili lamang kini ra, kondili usab sa diha nga si Rebeca nagsamkon pinaagi sa usa ka lalaki nga mao ang atong ginikanan nga si Isaac,

PAGPAAMBIT SA MENSAHE:

Ang maong ebanghelyo naghisgot sa mga pinili ug mga pinalabi nga katawhan sa Dios. Matod pa sa ebanghelyo kabubut-on sa Dios ang mga tawo nga iyang gipili ug ang mga tawo nga iyang gisilotan. Diin bulahan kadtong gipatikan na sa espiritu santo sa Dios kay mosugot sila ug sa dili moabot gayud ang adlaw nga mopasilong sila sa Ginoo. Diin miingon siya sa mga pinili niyang mga katawhan , didto ka pa sa tagu-angkan as imong inahan, pinili na kitang daan nga sa ato pa wa ka pa mogawas niining kalibutan gihan-ay na sa Dios ang imong pagka pinili ug sumosunod sa iyang kabubut-on.

Daghan ang pinili ug tinawag nga katawhan sa Dios diin sama sila sa balas sa baybayon dili maihap apan pipila pa lamang ang natawag ug nahiabot didto sa iyang gingharian. Sa magkinabuhi pa kita dinhi sa ibabaw sa yuta gihatagan na kita as Dios ug kagawasan diha sa mga tawhanon nga kahimu-an, diin kadaghana molingi gayud diha sa kalibutanon nga mga kailibgon, diin maoy gitagaan ug dakong importansya ang butang nga makita ug mabati ug diin hikalimtan ang mga espirituhanon nga giya o hiyas ug gikalimtan ang mga butang langitnon nga maoy giya kun kita motaliwan na sa kalibutan.

Ginaingon nga kun unsa kakusog ang giya sa Diyos nga anaa kanimo mao usab ang tental sa dautan diha sa imong pagpangaplag. Diin ang tawo bisan pinatikan na sa espiritu santo sa Dios, apan samtang magkinabuhi pa dinhi sa kalibutan , makasala gayud kita pinaagi sa pulong sa huna-huna ug sa buhat. Matod pa sa mensahe sa Dios Amahan tawgon ko ang akong katawhan pinaagi sa balati-an aron sa ingon makadumdum ug magasimba sila kanako pagbalik. Nga sa ato pa mga igsoon diha sa imong pagpatig-a diin imong gipalabi ang mga tawhanon nga mga butang o kailibgon moabot gayud ang adlaw nga ipagbalaan ka ug hatagan ug balati-an aron sa kanunay makahinumdom ka kaniya kay matod pa ang balatian nga imong nasinati kabubut-on kana sa Dios aron kanunay kang magasangpit kaniya.

Ang Kaluwasan Alang Sa Tanan

ROMA 10 : 5~21

5Si Moises nagasulat mahitungod sa pagkamatarung nga pinasikad sa kasugoan, nga ang tawo nga magagawi sa maong pagkamatarung mabuhi tungod niini. 6Apan ang pagkamatarung nga pinaagi sa pagtoo nagaingon, Ayaw pag-ingon sa sulod sa imong kasingkasing, "Kinsa bay mosaka sa langit?" (nga sa ato pa, aron sa pagdala kang Cristo sa ubos), 7o, "Kinsa may mokanaug sa bung-aw?" (nga sa ato pa, aron sa pagdala kang Cristo sa taas gikan sa mga patay).

8Apan unsa may ginaingon niini? Ang pulong haduol kanimo, anaa ra sa imong baba ug sa sulod sa imong kasingkasing (nga sa ato pa, ang pulong sa pagtoo nga among ginawali). 9Kay kon pinaagi sa imong baba magasugid ikaw nga si Jesus mao ang Ginoo, ug magatoo sa sulod sa imong kasingkasing nga siya gibanhaw sa Dios gikan sa mga patay, nan, maluwas ikaw. 10Kay ang tawo magatoo diha sa iyang kasingkasing aron mamatarung siya; ug siya magasugid pinaagi sa iyang baba aron maluwas siya. 11Kay nagaingon ang kasulatan, "Ang tanan nga nagatoo kaniya dili maulawan."

12 Kay walay kalainan sa Judio ug sa Gresyanhon; ang mao rang Ginoo, Ginoo sa tanan, ug siya nagahatag sa iyang mga bahandi ngadto sa tanan nga nagapangaliya kaniya. 13Kay "ang tanan nga mangaliya sa ngalan sa Ginoo maluwas." 14Apan unsaon man sa mga tawo sa pagpangaliya kaniya nga wala nila toohi? Ug unsaon man nila sa pagtoo kaniya nga wala gayud nila hidunggi? Ug unsaon man nila sa pagkadungog kon walay magwawali? 15Ug unsaon man sa mga tawo sa pagpakawali gawas kon sila pinadala? Ingon sa nahisulat, "Katahum gayud sa mga tiil sa mga nagawali sa Maayong Balita!"

16Apan silang tanan wala lang manumbaling sa Maayong Balita, kay si Isaias nagaingon man, "Ginoo, kinsa bay nakatoo sa ilang nadungog gikan kanamo?" 17Busa ang pagtoo magaabut gikan sa madungog, ug ang madungog magaabut pinaagi sa pagwali mahitungod kang Cristo. 18Apan mangutana ako, wala ba sila makadungog? Oo, nakadungog na sila, kay Ang ilang tingog milanog ngadto sa tibuok yuta, ug ang ilang mga pulong ngadto sa mga kinatumyan sa kalibutan."

19Mangutana ako pag-usab, wala ba mahibalo ang Israel? Una sa tanan si Moises nagaingon, Hagiton ko kamo sa pagpangabubho niadtong dili nasud; ug sa pagkasuko batok sa usa ka nasud nga hungog." 20Ug si Isaias maisugon sa pag-ingon, Hingkaplagan ako sa mga tawo nga wala mangita kanako; gipadayag ko ang akong kaugalingon ngadto sa mga wala magpangayo kanako." 21Apan mahitungod kang Israel siya nagaingon, "Sa tibuok adlaw ginatuyhad ko ang akong mga kamot ngadto sa mga tawong masupilon ug masinupakon."

PAGPAAMBIT SA MENSAHE:

Ang maong ebanghelyo nagsulti bahin sa kaluwasan sa katwahan pinaagi kang Jesu Cristo, diin ginaingon sa ebanghelyo nga ang tanan nga motoo ug misangpit sa Ginoo maluwas. Kini nagpasabot lamang nga walay gipalabi ang Dios diha kanatong tanan dinhi sa ibabaw sa kalibutan apan gikinahanglan lamang nga kita motoo ug misalig sa Dios. Pangutana, igo na ba ang pag-ingon nga mitoo ako Ginoo ug maluws na ba kita? , ang tubag Dios ray nasayod niana.
:
Kay ang makita sa Dios dili man makita sa tawo sa ato pa ang butang nga langitnon iya kana sa Dios diin walay tawo nga iyang gitugotan sa pagtugkad niana. Ang atong pagtoo sa Dios nga makagagahum makita kini Niya diha mismo sa atong kasingkasing, nga sa ato pa wala bisan kinsa nga binuhat makapasibantog dinhi sa kalibutan nga siya maluwas pinaagi sa iyang pagtoo ug maayong buhat kay ang kaluwasan nga gisaad sa Dios gikan pa sa mga katawhan ni Moises hangtod niining panahuna usa kini ka gasa nga langitnon ug diin wala kini ihatag ngadto sa tawo isip bugti o ganti sa iyang maayong buhat ug sa ingon wala makapasigarbo nga siya naluwas tungod sa iyang maayong buhat.


Niining panahun diin ania na kita misulod sa ikatulo nga siglo ang tanan adunay kagawasan ug adunay katungod sa pagpreparar diha sa ilang kaluwasan, diha sa ilang kaugalingon ug sa ilang kalag. Usa ra ang Dios, usa ra ang balaang kasulatan apan daghang pagtulon-an nga gipaabot sa Dios dinhi sa kalibutan diin ginaingon nga anaa sa kuwarenta mil (40,000+) kapin ka tinuohan sa tibuok kalibutan diin silang tanan nagpasibantog sa kaluwasan diha sa ilang iglisea nga gibarugan. Ug kitang tanan adunay kagawasan sa pagpili diin matud pa sa ebanghelyo o mensahe sa Dios Amahan, sa dili ka pa moadto o mangaplag nianang maong bag-o nga pagtulun-an pag-ampo una dili lang sa makaduha kun dili sa makatulo aron sa pagsiguro kun sila nagdala ba sa akong pulong.

Daghan tinuod nga pagtulon-an diin silang tanan nagasangpit sa Dios, ug matod pa sa balaang kasulatan dili ang tanan nga nagasangpit kanako ug , “Dios ko” makasulod sa akong gingharian kun dili kadto lamang nagatuman sa akong kabubut-on. Mahibaw-an nato ang pagtulon-an iya sa Dios kay nakasinati kini sa mga kasakitan ug mga paglutos sama sa kasinatian ni Ginoong Jesu Cristo sa krus , sa ato pa igsoon kun ang pagtulon-an nga imong gubarugan wala makaagi sa mag paglutos ug pagbiay-biay. Pagtuki ug maayo igsoon kay basin dili kana iya sa Dios.

1 Corintho1:28 , nagaingon gipili sa Dios ang mga tinamay ug mga sinalikway niyang katawhan, kadtong mga katawhan nga nagpakaubos sa ilang kaugalingon diha sa iyang atubangan nga maoy modala ug mosangyaw sa iyang mga pulong aron sa ingon kadtong mga manggialamon ug mga makiadmanon dili makapasigarbo diha sa iyang atubangan. Walay gamit didto sa langit ang tawhanon nga mga kaalam, ug ingon man walay angay nga ipasigarbo diha sa atubangan sa Dios gawas lamang sa mga milagro nga iyang gipasinati diha sa tagsa-tagsa nato ka kinabuhi.

Bahin Sa Sala Patay Na Kita

ROMA 6: 1~14

1 Nan, unsa may atong ikasulti? Magpadayon ba kita sa pagpakasala aron modagaya ang grasya? 2Palayo kana! Kita nga namatay na ngadto sa sala, unsaon man nato sa pagpakabuhi pa diha niana? 3Wala ba kamo mahibalo nga kitang tanan nga nabautismohan ngadto kang Cristo Jesus gibautismohan man ngadto sa iyang kamatayon? 4Busa, pinaagi sa bautismo gilubong kita uban kaniya ngadto sa kamatayon, aron nga maingon nga si Cristo gibanhaw gikan sa mga patay pinaagi sa himaya sa Amahan, kita usab managgawi diha sa kabag-o sa kinabuhi.

5Kay kon kita nahiusa man ngadto kaniya diha sa usa ka kamatayon nga sama sa iya, nan, mahiusa gayud usab kita ngadto kaniya diha sa pagkabanhaw nga sama sa iya. 6Kita nahibalo nga ang atong karaan nga pagkatawo gilansang sa krus uban kang Cristo aron malaglag ang makasasala nga lawas, ug aron dili na kita maulipon sa sala. 7Kay ang tawong patay na nakagawas na gikan sa sala. 8Apan kon namatay kita uban kang Cristo, kita nagatoo nga mabuhi usab kita uban kaniya.

9Kay nahibalo kita nga si Cristo nabanhaw gikan sa mga patay ug nga dili na gayud siya mamatay; ang kamatayon wala nay kagahum batok kaniya. 10Sa iyang pagkamatay siya namatayng dayon ngadto sa sala; apan sa iyang pagkabuhi siya nabuhi ngadto sa Dios. 11Busa kamo usab kinahanglan manag-isip sa inyong kaugalingon nga mga patay na ngadto sa sala apan diha kang Cristo Jesus mga buhi kamo ngadto sa Dios.

12Busa, ayaw ninyo tugoti ang sala sa paghari diha sa inyong may kamatayon nga mga lawas aron sa paghimo kaninyo nga masinugtanon sa mga pangibog niini. 13Ayaw ninyo itugyan ang mga bahin sa inyong mga lawas ngadto sa sala aron kini himoong mga galamiton sa pagkadili matarung, hinonoa itugyan ninyo ang inyong kaugalingon ngadto sa Dios ingon nga mga tawo nga nangabuhi gikan sa kamatayon, ug itugyan ninyo ang mga bahin sa inyong mga lawas ngadto sa Dios aron mahimong mga galamiton sa pagkamatarung. 14Kay ang sala dili magagahum diha kaninyo, sanglit dili man kamo ilalum sa kasugoan kondili ilalum sa grasya.

PAGPAAMBIT SA MENSAHE:

Ang maong ebanghelyo nagbutyag sa paglikay sa pagpakasala kun kita nahiusa kang Jesu Cristo. Sa pagkamatay ni Jesu Cristo sa krus namatay usab ang atong mga kasal-anan ug gilubong uban kaniya. S a pagkabanhaw sa anak sa Dios nan nabanhaw usab kita ug luwas sa mga lasal-anan kay gitubos na man ni Jesus pinaagi sa paghalad sa iyang lawas ug dugo.

Sa ato pa mga igsoon patay na ang atong mga sala, apan samtang ang tawo nagkinabuhi pa niining kalibutan makasala gayud kita sa pulong ,sa huna-huna ug sa buhat diin ato kanunay ibalaan ang atong kaugalingon sa paglikay sa pagpakasala aron angayan usab kitang modawat sa himaya ni Jesu Cristo didto sa langit.


Mao kini ang ginaingon diha sa balaang kasulatan nga "Puasa sa mga Kasal-anan" diin dili lang diay kita magpuasa panahun sa tingkuarisma, kay nagsugod ang puasa sa kasal-anan sa pagsaka ni Jesu Cristo didto sa langit diin siya gibayaw sa Dios Amahan tungod sa iyang mga kalampusan. Diha sab diay kita magsugod pagpuasa diin puy-an ta ang kinabuhi nga kristuhanon nga tugob sa pagpaubos, pagpasaylo, ug pagpasensya, bisan diha sa mga paglutos ug pagsulay nga atong masinati.

Nagaingon ang mensahe sa Dios Amahan: Ang akong mga pinili nga katawhan dili kay magalingkod-lingkod lang ug magahulat sa akong pagbalik, kundili sulayan ko gayud sila aron akong makita kun asa kutob ang ilang pag-ila ug pagtahod kanako" . Kay aron mahisama kamo sa bulawan nga mokinang ug mohayag nga kanunay maigo sa init sa kalayo. Diin makita sa Dios kun hingpit ug andam na kamo sa maong himaya sa Dios kun iyang makita ang maong kahayag diha sa tagsa-tagsa nato ka kasing-kasing, diin moihag usab unya ang panagway sa Dios diha sa maong kahayag.

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo