Sunday, August 31, 2008

Mga Sulogo-on Sa Bag-ong Kasabutan

2 CORINTO 3: 1~17

3 • 1 Nagdayeg ba ko sa akong kaugalingon? O, kinahanglan ba nga mopakita ko ninyog mga sulat sa rekomendasyon, sama sa inyong gibuhat? 2 Kamoy sulat nga gihambin namo sa kasingkasing, nga mabasa ug masabtan sa tanan. 3 Tinuod, kinsay makalimod nga mga sulat mo ni Cristo nga among gisulat, sinulat dili sa tinta kondili, sa Espiritu sa buhing Diyos; kinulit dili sa papan nga bato kondili, sa kasingkasing sa mga tawo.
4 Mao ni ang among pagsalig atubangan sa Diyos, salamat ni Cristo! 5 Wala mi mangahas paghunahuna nga ang among trabaho gikan sa among katakos. Nasayod mi nga ang among kabatid gikan sa Diyos. 6 Gihimo mi niya nga mga ministro sa bag-ong kasabotan nga wala mag-agad sa sinulat nga balaod kondili, sa Espiritu. Ang sinulat nga balaod mopatay. Apan ang Espiritu maghatag og kinabuhi.

7 Ang pag-alagad sa Balaod nga nakulit sa mga bato nagdalag kamatayon, gialirongan hinuog himaya. Nasayod ta nga ang mga Israelita dili makatutok sa nawong ni Moises. Ingon ana ang iyang kasanag nga lumalabay lang. 8 Unsa pa kaha kamahimayaon ang pag-alagad sa Espiritu? 9 Kon may himaya ang pagpahamtang sa silot, unsa pa kaha ang pag-alagad aron makab-ot ang katarongan? 10 Kay bisan ang gihimaya makuhaan ini kon moabot na ang himaya nga labaw sa tanan. 11 Ang nawala mahimayaon pod kaayo, apan labi pang mahimayaon ang nahibilin.

12 Sanglit naghupot ta sa igong ambisyon, madasigon pod ta kaayo. 13 Dili sama ni Moises nga mitabon sa nawong og belo aron ang mga Israelita dili makakita sa pagkahanaw sa lumalabayng kasanag. 14 Nabuta hinuon ang salabotan. Hangtod ining adlawa ang maong belo nahimong babag sa pagbasa sa Daang Kasabotan ug giwagtang diha ni Cristo. 15 Hangtod karon, inigbasa nila ni Moises ang belo nagpabilin sa kasingkasing. 16 Apan, alang sa mobalik sa Ginoo, kuhaon ang tabil. 17 Ang Ginoo espiritu. Hain gani ang espiritu sa Ginoo, tua sab ang kagawasan

PAGPAAMBIT SA MENSAHE:

Ang maong ebanghelyo nagpasabot sa mga unang tinawag diin maoy gitahasan sa pagsabwag sa mga pagtulon-an ni Jesus. Ang maong sulogoon o apostoles nagpadayon ug nagmaisugon diha sa ilang pagsangyaw diin sa kanunay gihulga ang ilang kinabuhi sa kamatayon. Diha mismo sa maong pagtulon-an nga ilang gibarugan nagpamatuod nga malisod ang pagsunod sa mga pagtulon-an sa Dios ug mas labing lisod ang pagsunod sa iyang kabubut-on.

Nagpamatuod lamang diha sa mga pagtulon-an sa balaang kasulatan nga nagaingon, tunokon ug batuhon ang dalan paingon sa gingharian sa Dios diin gamay ra ang nakakaplag niini ug mas gamay ang milahutay sa pagbaklay agi sa maong hagip-ot ug higpit nga dalan. Mao kining mga dalana ang gisubay niadtong unang mga tinawag niini nga pagtuon-an, niadtong unang mga apostoles diin nagkahulugan kini sa ilang kinabuhi, apan wala nila kini igsapayan , wala nila igsapayan ang kamatayon sa ilang tawhanon nga lawas , diha sa mga kamot sa maong mga anti kristo ug mga Judio, kay matod pa sa balaang kasulatan ayaw kahadloki ang tawo nga mopatay lamang sa imong tawhanon lawas apan kahadloki ang Dios nga maoy adunay kagahum sa pagpatay sa imong kalag diha sa kalayo sa impiyerno. Kay para niadtong unang mga apostoles bulahan sila nga nakaplagan nila ang kamatuoran diha sa pagsunod ni Jesu Cristo, din maoy ilang gipili nga pagtulon-an niadtong panahuna.

Libo-an na katuig ang milabay diin daghan ang misunod sa tunob sa maong mga apostoles ug diin daghan usab ang mipili diha sa ilang kamatayon kay sa pagsurender sa ilang pagtuo sa Dios. Nagaingon ang pulong sa Dios Amahan nga wala nay siglo pa nga magpakatawo ang Dios nga anak kadto ra nga siglo nga milabay, Diin atong mapalandungan nga hataas kayo ang pasensya sa Dios nganhi sa iyang mga katawhaan diin sa kanunay iya kitang gihatagan sa taas nga lugway dinhi niining kalibutana.

Apan ang Amahan nagaingon, hinay-hinayon niya pagsilhig ang kalibutan pinaagi sa katalagman, diin ang iyang mga mabuot ug mga sumosunod nga katawhan sa kanunay magaampo gayud ug magahalad aron dili mahiapil sa iyang pagsilhig. Diin sa kanunay ang Dios nagahatag ug tsansa sa tanan nga mga masalaypon diin inosente pa sa kamatuoran ug ang Dios nagahin pa ug pasaylo alang kanila, apan kita nga nasayod ug nakatukib niini nga pagtulon-an wala nay pasaylo ang Dios para kanato kun kita motalikod kaniya.

Espirituhanong Bhandi Nga Gisulod Sa Yutan-ong Sudlanan

2 CORINTO 4: 1~15

1 Busa, wala mi mabugnaw sam tang among gituman ang pag-alagad nga sa kaluoy gihatag kanamo. 2 Gisalikway namo ang kamatuorang natunga; wala mi magminarama; wala mi magtuis sa mensahe sa Diyos. Hinunoa, pinaagi sa pagpadayag sa kamatuoran, naangkon namo ang pagtahod sa tanan atubangan sa Diyos.

3 Gani kon ang Ebanghelyo nga among giwali nagpabiling hanap, hanap lang ni alang sa nawala. 4 Ang dios ining kalibotana nagbuta sa salabotan sa wala motoo aron dili sila makakita sa kahayag sa mahimayaong Ebanghelyo ni Cristo, ang larawan sa Diyos. 5 Dili ang kaugalingon ang among giwali kondili, si Cristo Jesus isip Ginoo. Tungod ni Jesus nainyo ming sulugoon. 6 Ang Diyos nga nag-ingon: “Pasigaa ang kahayag gikan sa kangitngit”, nagpasiga sa kahayag sa atong kasingkasing aron mokaylap ug mabutyag ang Himaya sa Diyos nga nagsiga sa nawong ni Cristo.

7 Hinuon, atong gihuptan ang maong bahandi sa mga kulon aron kining walay tupong nga gahom dili isipong atoa kondili, sa Diyos. 8 Mga pagsulay sa tanang matang nag-abot-abot nato. Apan wala mo mawad-ig kadasig. 9 Nawad-an mig tubag, apan dili paglaom. Gigukod mi, apan wala pasagdi. Natumba, apan wala magun-ob. 10 Gidala namo bisag asa sa among pagkatawo ang pagkamatay ni Jesus. Sa ingon, ang kinabuhi ni Jesus mapadayag sab dinhi namo. 11 Kay kita, ang mga buhi, sa walay hunong gitugyan sa kamatayon tungod ni Jesus aron ang iyang kinabuhi makita sa tawhanon tang pagkinabuhi.

12 Sama nga ang kamatayon nag-obra dinhi namo, diha ninyo ang kinabuhi. 13 Among nadawat ang mao rang espiritu sa pagtoo nga gihisgotan sa Kasulatan nga nag-ingon: Mitoo ko busa, misulti. Nagtoo sab mi busa, nanulti. 14 Nasayod mi nga ang mibanhaw sa Ginoong Jesus mobanhaw pod namo uban ni Jesus. Dad-on mi niya uban ninyo sa iyang atubangan. 15 Sa kataposan ang grasya moabot ninyo nga labaw kamadagayaon. Dako ang pasalamat unya, tungod sa himaya sa Diyos.

PAGPAAMBIT SA MENSAHE:

Ang maong ebanghelyo nagsaysay sa mga pagtulon-an nga gibarugan ni Jesu Cristo diin mao kini ang iyang gibilin niadtong una niyang mga tinawag , ang mga mabuot nga apostoles. Diin matod pa sa ulohan sa maong ebanghelyo, mao kini ang espirituhnon nga bahandi nga iyang gibilin sa diha sa yutan-ong sudlanan, diin mao kini ang tawhanon nga lawas sa tawo nga mao kita nga maoy gibinlan sa mga espirituhanon nga bahandi.

Matod pa sa balaang kasulatan ug sa mga pulong sa Dios Amahan, Kung ang imong bahandi ania ra sa yuta nan diha ka ra kutob, apan kun ang imong bahandi espirituhanon nan bulahan ka igsoon kay madala mo man kini diha sa pagpanaw sa imong kalag ngadto sa ganghaan sa gingharian sa Dios. Kay matod pa sa pagpanaw sa atong kinabuhi ngadto a laing kalibutan, ang atong tawhanaon nga lawas maoy mahabilin dinhi sa yuta diin motipon kini sa abog ug ang atong espiritu maoy mobalik ngadto sa Dios apan ang atong kalag maoy maghulat didto as ganghaan sa gingharian sa Dios diin pagasul-oban sa espirituhanon nga lawas inig-abot sa adlaw sa dakung kaluwasan.

Diin bulahan ang mga katawhan nga mitoo sa maong mga espirituhanon nga bahandi diin mao man kini ang mag bahandi nga dili makita ug mahikap apan mao kini ang mga bahandi nga maolungtad hangtod sa kahangturan, diin ang maong mga bahandi mao man ang tinago ug matuod nga kamatuoran nga gibarugan ni Jesus.

Gipadayag nang daan diha sa balaang kasulatan nga kun gusto nato nga mahimong tinun-an ni Jesu Cristo, ( Mateo 16J) nan kalimti ang imong kaugalingon, pas-ana ang imong krus sa kinabuhi ug sunod sa pagtulon-an nga gitudlo ni Jesus, kas si kinsa man kadtong mahinugon o mahadlok nga mawad-an ug kinabuhi tungod sa pagsunod sa kabubut-on sa Dios nan kawad-an hinuon sa kinabuhi, apan kadtong mga katawhan nga nawad-an sa kinabuhi tungod sa pagsunod sa kabubut-on sa Dios mahatagan sa dugang pang kinabuhi.

Friday, August 29, 2008

Ang Kadaugan Pinaagi Kang Kristo

2 CORINTO 2: 14~17

14 Salamat sa Diyos, nga nangulo nato sa pagsunod nga mahimayaon kang Cristo! Pinaagi nato nagpakaylap siya sa tanang dapit sa kahibalo bahin niya nga daw pahumot. 15 Pahumot ta ni Cristo nga ibayaw ngadto sa Diyos sa naluwas ug sa nawala. 16 Alang sa naulahi, nagkahulogan nig kamatayon ug nagdala nila sa kamatayon. Alang sa uban, pahumot ni sa kinabuhi ug nagdala nila sa kinabuhi.
17 Apan, kinsay angayan sa maong panawagan? Sahi sa daghang nangwarta ginamit ang pulong sa Diyos, matinud-anon ming nagsulti. Isip pinadala sa Diyos nagwali mi ni Cristo, sa inyong atubangan.

PAGPAAMBIT SA MENSAHE:

Ang maong ebanghelyo nagpasabot diha sa mga pagsangyaw ni Jesus sa iglisea sa kamatuoran diin gisakit siya ug gikastigo ug dili pa igo namatay siya pinaagi sa paglansang sa krus. Apan mao kini ang nakatala diha sa mga panagna sa mga propeta diin siya sakiton ug ilansang sa krus ug mao usab kini ang kabubut-on sa iyang amahan.

Sa pagkamatay ni Jesus diin siya nabanhaw sulod sa ikatulo ka adlaw diin mao kini ang kadaugan diha sa iyang tahas sa iyang Amahn ug ingon man usab kadaugan sa tanan mga katawhan kay pinaagi sa pagbuhis ug paghalad ni Jesu Cristo sa iyang lawas ug dugo namatay usab ang atong mga kasal-anan ug nabanhaw kita uban kang Kristo.

Ang kadaugan ni Jesus diha sa iyang pagpakamatay sa krus maoy tahas nga gituman niya gikan sa iyang amahan diin gibayaw ang iyang tawhanon nga lawas sa kalangitan ug gipalingkod sa tuo sa iyang amahan ug gituboy nagdto sa pinakataas nga pwesto didto sa langit diin ang tanan binuhat sa langit, sa yuta ug sa ilawom sa yuta miluhod ug mitahod sa iyang ngalan.

Ang mga sumosunod ni Jesus midaug usab diha sa pagsunod nila sa kamatuoran nga gibarugan ni Jesus diin, masiguro nila ang kaluwasan sa ilang kalag pinaagi sa mga pag-ampo ug paghalad nga gitudlo ni Jesus.

Diin diha sa pagkinabuhi nga balaan ug sama sa langyaw niining kalibutana diin sa kanunay magasunod sa kabubut-on sa Dios diin dili balihon ang mga paglutos , pagyubit ug mga kasakitan. Kay ang tawhanon nato nga kinabuhi sama kini sa walay bili kun natukib nato ang pagtulon-an ni Jesus kay unsa pa man tuod bili sa mga tawhanon nga bahandi ug mga kailibgon nga biyaan ta man kini. Diin maoy bililhon ang espirituhanon nga gasa nga maoy gikinahanglan sa atong kalag.

Wednesday, August 27, 2008

Ang Laraw Pagpatay Kang Lazaro

JUAN 12 : 9~11

9 Daghang Judio nakahibalo nga didto si Jesus busa, nangadto sila, dili lang tungod ni Jesus kondili, aron makakita ni Lazaro nga gibanhaw sa mga minatay. 10 Nagsabutsabot ang mga pangulong pari sa pagpatay sab ni Lazaro. 11 Tungod niya daghang Judio namiya ug mitoo ni Jesus.

PAGPAAMBIT SA MENSAHE:

Ang maong ebanghelyo nagsaysay sa mga milagro ni Jesus diin diha sa pagbanhaw niya ni Lazaro naukay ang tibuok Judio, diin kabubuut-on kadto sa Amahan aron makita gayud sa tanan ang kamatuoran sa pulong sa Dios nga anak nga siya gayud ang matuod nga anak sa Dios.

Ang maong mga opisyal ug mga pariseo wala mahimuot kay para kanila mawad-an na man sila ug panapi diin daghan naman ang namalhin diha sa maong pagtulon-an nga ilang gibarugan ug miduyog ni Jesus.

Sobra ra ka tawhanon ang maong pagtulon-an sa maong mga parseo diin gusto nilang gawngan sa ilang balaod ang maong maga katawhan ug lakip na si Jesus kay para kanila kontra kini sa ilang gibarugan ug mapanas pod ang ilang panapi sa hinayhinay kay wala naman unya silay daghang miyembro.

Nangita Ang Mga Tawo Kang Jesus

JUAN 6: 22~24

• 22 Sa sunod adlaw ang mga tawo nga nagpabilin sa pikas bay-bay sa lanaw nakakitag usa lang ka sakayan. Wala ni magamit ni Jesus ug sa iyang mga tinun-an nga nanglakawng sila ra. 23 Nangabot ang dagkong sakayan gikan sa Tiberias duol sa dapit diin kining tanang tawo nakakaon sa pan. 24 Sa pagkakita nila nga si Jesus ug ang iyang mga tinun-an wala didto, nanakay sila sa mga sakayan ug nangadto sa Cafarnaum, nangita ni Jesus.

PAGPAAMBIT SA MENSAHE:

Ang maong ebanghelyo naghisgot diha sa mga milagro nga gibuhat ni Jesu Cristo diha sa mga pagsangyaw diin sa kanunay ang mga katawhan gusto gayud makakita sa maong mga milagro ug maminaw sa mga bulawanong pagtulon-an. Daghang ang misunod kang Jesus tungod diha sa maong mga milagro diin niadtong panahuna daghan pa ang nagduha-duha pagtuo sa maong pagtulon-an ug sa mga milagro.

Mao kini ang nakapasilaob sa kasuko niadtong mga Judio ug sa mga tag-as ug ranggo nga mga pariseo kay daghan na ang mibalhin ug misunod sa pagtulon-an ni Jesus, diin para kanila usa ka impostor ug insolto sa ilang naandan nga pagtulon-an nga maoy ilang gialagaran niadto pang unang panahun, Ang Dios Amahan.

Ang maong pagtulon-an gitawag kini ug Judaism diin nagasimba lamamg sa Amahan , anaa pa kini nga pagtulon-an hangtod niining panahuna, diin ang ilang Dios gitawag nila ug Yaweeh. Labihan ang ilang pag-ila ug pagtahud sa ilang Dios diin bisan sa paglitok lamang sa pulong mga Yaweeh ipahiluna gayud kini.

Mao kini ang usa sa hinungdan nga gilutos nila ang pagtulon-an ni Jesus kay para kanila usa ka pagbugal-bugal sa ilang Dios ang maong pagpasi-atab ni Jesus nga siya anak ni Yaweeh. Apan kining tanan usa ka pagsulay sa Amahan aron pag-alig-ig sa iyang katawhan, diin bulahan kadtong mituo bisan wala makakita kay mapanalanginan sa Dios.

Nagpasalamat Si Pablo Sa Dios

2 CORINTO 1: 3~11

• 3 Dayegon ang Diyos, ang Amahan ni Cristo Jesus, atong Ginoo, ang labing maluluy-ong Amahan ug Diyos sa tanang kabulahanan! 4 Nagdasig siya nato sa tanan tang pagsulay aron magdasig ug makahupay ta sa gisulayan sa bisag unsang pagsulay. 5 Sama nga ang mga pag-antos ni Cristo mibuhagay kanato, ang dako pod nga kahupayan milukop nato. 6 Kon gisakit mi tungod ninyo, alang ni sa inyong kahupayan ug kaluwasan. Nalipay pod mi alang ninyo aron makaantos mo ug makatagamtam sa sama sa among mga pag-antos. 7 Ang among paglaom alang ninyo lig-on kaayo. Sama nga nakaambit mo sa among pag-antos, makaambit sab mo sa among kahupayan.

8 Mga igsoon, buot mi nga inyong masayran ang pipila sa kalisdanan nga among naagian sa Asia. Na-hugno mi; ug hilabihan gani, labaw sa among maagwanta. 9 Nawad-an mi sa tanang paglaom nga mabuhi pa. Amo nang nabati ang patik sa kamatayon. Apan nahitabo ni aron dili na mi magsalig sa kaugalingon kondili, sa Diyos nga nagbanhaw sa minatay, 10 nagpalingkawas namo sa makamatayng kakuyaw ug nagpadayog himo sa ingon. 11 Apan kinahanglan nga tabangan mi ninyo sa pag-ampo. Kon ang maong panabang makab-ot tungod sa pangamuyo sa daghan, daghan sab ang magpasalamat sa Diyos sa maong ngalan.

PAGPAAMBIT SA MENSAHE:

Ang maong ebanghelyo naghisgot sa mga kasakitan ni Pablo dihang nagasangyaw siya didto sa Corinto diin luha ug dugo ang iyang gipuhunan diha sa pagsangyaw sa kamatuoran nga gibarugan ni Jesus. Diin bisan pa sa tanan siya nagpasalamat kay nagpabilin siyang buhi ug nagbarug nga maisugon nga nagasangyaw sa kamatuoran didtong dapita niadtong maong panahun.

Angayan lamang nga atong ipsasalamat sa Dios dili lang diay ang mga grasya kundili ang mga disgrasya ug mga paglutos nga nahiagoman kay matod pa mao kini ang pagsulay o pagsukod diha sa atong pagtulun-an nga gibarugan.

Nagaingon ang pulong sa Dios nga: “Wala magpasabot nga ang akong pinili ug tinawag nga katawhan magalingkod-lingkod lang ug magahulat sa pagbalik sa anak sa tawo apan sulayan gayud sila aron Makita kun asa kutob ang ilang pag-ila ug pagtahod sa Dios Amahan.

Kay matod pa sulayan man gani ang bulawan sa kalayo kun asa kutob ang kapuro niini nan ingon sab niana ang katawhan sa Dios , sulayan usab sila sa mga paglutos diha sa mga pagsulay nga moabot sa ilang kinabuhi, diin bulahan kun malatas nila ang pagsulay sa kinabuhi kay adunay katumanan ang tanan nga giandam sa Dios.

Nagpasabot lamang mga igsoon nga dili gayud sayon ang pagsulod sa gingharian sa Dios diin mismo ang mga pinili ug tinawag niyang mga katawhan pagalutoson aron sa pagpili ug pag-alig-ig niini. Kay matod pa mga igsoon bisan diay ang iyang mga katawhan nga kanunay nga nagapsidungog ug nagasunod sa iyang kabubut-on wala pay kasigurohan nga mahiadto sa kinabuhing dayon ang mga kalag niini, nan unsa na kaha kadtong wala gayud nagapasidungog o wala motuo sa Dios ug kadtong walay mga pag-ampo?

Ang balaang kasulatan nagaingon: Ang kinabuhing dayon nga gisaad ni Jesu Cristo kanato usa kini ka gasa o grasya niadtong mga tawo nga nagatuman ug nagasunod sa iyang kabubut-on, Ug sa ato pa dili kini usa ka ganti o premyo tungod sa atong maayong binuhatan, Aron sa ingon walay makapasigarbo diha sa atubangan sa Dios nga siya naluwas gumikan sa mga maayong buhat, kundili siya naluwas gumikan sa kaluoy ug grasya sa Dios.

Kinabuhi Nga Minandoan Sa Espiritu

ROMA 8: 1 ~ 17

8 • 1 Wala nay dakong panagsungi alang sa nagpuyo diha ni JesuCristo, 2 kay diha niya ang Balaod sa Espiritu sa kinabuhi nga nagluwas nako sa balaod sa sala ug kamatayon. 3 Walay epekto ang balaod, kay ang unod wala man mosanong. Unya, ang Diyos nga naglaraw pagpukan sa sala, mipadala sa kaugalingong Anak nga daw tawong makasasala aron pagbuntog sa sala ining tawhanong kahimtang. 4 Gikan adto, ang kahingpitan nga tumong sa Balaod matuman na diha nila nga naglakaw dili sa dalan sa unod kondili, sa Espiritu.

• 5 Ang naglakaw sumala sa unod hilig sa mga butang sa unod; ang gidumala sa espiritu hilig sa mga butang sa espiritu. 6 Ang unod nagpunting sa kamatayon; samtang ang espiritu, sa kinabuhi ug kalinaw. 7 Gitinguha sa unod ang supak sa Diyos, bisan gani sa balaod sa Diyos. 8 Busa, ang naglakaw sumala sa unod dili makapahimuot sa Diyos.

9 Apan dili mo ubos sa pagdumala sa unod kondili, sa espiritu kay ang Espiritu sa Diyos naa man ninyo. Kon wala pa, dili unta mo masakop ni Cristo. 10 Apan kon si Cristo naa ninyo, bisag ang lawas mamatay isip sangpotanan sa sala, ang espiritu magpabiling buhi kay grasya man ni sa Diyos. 11 Kon ang Espiritu sa mibanhaw ni Cristo sa minatay naa ninyo, ang mibanhaw ni Cristo mobanhaw sab ninyo. Iya ning buhaton pinaagi sa iyang Espiritu nga nagpuyo diha ninyo.

12 Unya, mga igsoon, biyaan ta ang unod ug dili na magpuyo sumala ini. 13 Kon dili, mamatay ta. Hinuon, maglakaw ta sa Espiritu ug patyon ang mga buhat nga lawasnon aron mabuhi ta. 14 Ang naglakaw sa Espiritu sa Diyos, mga anak sa Diyos. 15 Mawala na ang kahadlok, kay wala man mo makadawat sa espiritu sa kaulipnan. Ang inyong nadawat mao ang Espiritu nga naghimo ninyo nga mga anak. Matag sangpit nato: “Abba, Amahan,” 16 ang Espiritu nagpasalig sa atong espiritu nga 17 mga anak ta, ug mga sumusunod. Maato ang kabilin sa Diyos nga paambitan nato ni Cristo; kay kon nag-antos ta karon uban niya, moambit sab ta sa Himaya uban niya.

PAGPAAMBIT SA MENSAHE:

Ang maong ebanghelyo naghisgot diha sa pagkinabuhi nga ubos sa giya sa espiritu santo, diin mao man kini ang usa sa tahas ni Jesu Cristo sa iyang mga katawhan ug sa iyang mag sumosunod kun unsa ang kabubut-on sa Amahan. Ang pagkinabuhi nga ubos sa landong sa espiritu santo maoy pagpakabuhi nga sama sa langyaw niining kalibutan apan haom didto sa iyang gingharian, diin bulahan kay maato ang kinabuhing dayon nga gisaad ni kristo.

Mas bali pa nga magkinabuhi kita nga langyaw dinhi sa ibabaw sa yuta apan ha-om didto sa gingharian sa Dios. Kay bulahan nga maandam nato ang atong espirituhanon nga pagkinabuhi kay mao man kini ang importante human niining kalibutana, diin aduna pay kinabuhi human niining atong tawhanon nga pagpuyo. Diin matod pa diha sa atong pagtalikod niining kalibutana, mabilin ang atong tawhanon nga lawas ug motipon sa abog, ang atong espiritu mobalik ngadto sa Dios apan ang atong kalag maoy maghulat sa kataposang paghukom diin maoy mangatubang puhon sa Amahan diin bulahan kun ato ng naandam ang tanan kay aduna na kitay ikapakita didto sa katapusang panudya.


Si Pedro Ug Si Cornelio

BUHAT 10: 1~33

10 • 1 Sa Cesarea may ginganlag Cornelio, kapitan sa gitawag nga Batalyong Italyano. 2 Relihiyoso siya ug mahadlokon sa Diyos ingon man ang tibuok niyang banay. Manggihatagon siya sa mga tawo ug nag-ampo kanunay sa Diyos.
3 Usa ana ka hapon, sa mga alas tres ang takna, nakakita siyag panan-awon. Nagpakita niya sa dayag ang anghel sa Diyos nga mipaduol ug mitawag niya, “Cornelio!” 4 Gitubukan niya ang panan-awon nga natingala ug miingon, “Unsay ato, Ginoo?” Ang anghel mitubag, “Ang imong pag-ampo ug paglimos gihinumdoman atubangan sa Diyos. 5 Pagpadala karon og mga tawo sa Joppe. Ipatawag si Simon nga gitawag pod og Pedro, 6 bisita ni Simon, ang magtitinag panit nga nagpuyo daplin sa baybayon.”

7 Sa pagkawala sa anghel nga nakigsulti niya, si Cornelio mipatawag dayon og duha sa iyang sulugoon ug usa ka diyosnong sundalo nga iyang sakop. 8 Human niya pasabta sa tanan, gipaadto sila sa Joppe. 9 Sa sunod adlaw, samtang nagpanaw sila ug nagkaduol na sa syudad, si Pedro misaka sa atop sa pagkaudto ug nag-ampo. 10 Gigutom siya ug buot mokaon. Samtang nag-andam sila sa pagkaon, nakakita siyag panan-awon. 11 Ang mga langit naabli alang niya ug nakita ang morag dakong panid nga gipaubos ug mitugdon sa yuta. 12 Luwan ini ang tanang matang sa hayop sa yuta nga may upat ka tiil, mga mananap nga nagkamang ug mga langgam.

13 Unya, may tingog nga niingon, “Tindog, Pedro. Pag-ihaw ini aron makakaon ka!” 14 Apan si Pedro mitubag, “Dili ko, Ginoo! Sukad masukad wala ko makakaog hugaw nga hayop.” 15 Sa makausa pa ang tingog miingon, “Ang gilimpyo sa Diyos, dili nimo taw- gog hugaw.” 16 Nahitabo ni makatulo. Ang panid gibayawg usab sa kalangitan. 17 Samtang si Pedro nagduda sa kahulogan sa iyang nakita, ang mga sinugo ni Cornelio diha na sa ganghaan sa balay ni Simon. 18 Nagsangpit sila ug nangutana kon si Simon nga gitawag sab og Pedro bisita ba didto. 19 Adtong tungora, si Pedro nagpadayon pagpamalandong bahin sa panan-awon. Ang Espiritu misulti niya, “May nangita nimo. 20 Tindog ug kanaog. Ayawg duhaduha pagsunod nila, kay gipadala ko sila.”

21 Mikanaog si Pedro ug giingnan ang duha ka tawo, “Akoy gipangita ninyo. Nganong nia mo?” Mitubag sila, 22 “Gipadala mi ni Kapitan Cornelio, ligdong ug mahadlokon sa Diyos. Tinahod siya sa tanang Judio. Gisugo siya sa balaang anghel sa pagpaadto nimo sa iyang balay aron makapaminaw sa imong isulti.” 23 Busa, giagda sila ni Pedro pagdayon ug gihawiran pagkatulog anang gabhiona. Sa sunod adlaw mikuyag siya nila ig ang ubang matoohon gikan sa Joppe niuban niya.

24 Sa sunod adlaw miabot sila sa Cesarea diin naghulat nila si Cornelio. Gipatawag dayon niya ang iyang kabanayan ug suod nga kahigalaan. 25 Samtang misulod si Pedro, si Cornelio miduol niya, miluhod ug miyukbo. 26 Apan gipatindog siya ni Pedro ug giingnan, “Tindog, tawo ra sab ko.” 27 Human makigsulti ni Cornelio, misulod si Pedro ug nakita niya ang nagkatigom nga daghang tawo. 28 Miingon siya, “Sayod mo nga gidili sa mga Judio ang pag-uban-uban ni bisag kinsa nga langyaw o ang pagsulod sa iyang balay. Apan ang Diyos nagpatin-aw nako nga walay tawgong yano o isipong hugaw. 29 Busa, mianhi dayon ko dihang gipakuha ko. Karon, buot kong masayod nganong gipatawag ko ninyo.”

30 Si Cornelio mitubag, “Tulo na ka adlaw karon, sa mga alas tres sa hapon, samtang nag-ampo ko sa akong balay, may tawong nagsininag sidlak nga mitunghag kalit sa akong atubangan. 31 Miingon siya, “Cornelio, ang Diyos nagpatalinghog sa imong pag-ampo. Nahinumdom siya sa imong mga limos. 32 Pagsugog duha ka tawo sa Joppe sa pagpangita ni Simon nga naila sab nga Pedro. Bisita siya sa balay ni Simon, ang magtitinag panit nga nagpuyo daplin sa baybayon.” 33 Gipatawag tika dayon ug sa tumang kaayo mianhi ka. Karon nia ming tanan atubangan sa Ginoo aron pagpaminaw sa tanan mong isulti sumala sa gisugo kanimo sa Diyos.”

PAGPAAMBIT SA MENSAHE:

Ang maong ebanghelyo naghubit sa kabubut-on sa Dios diin iyang gipakita pinaagi sa panan-awon ngadto kang Simon Pedro diin ang nagklase-klase nga mga mananap ug insekto diin ipakaon kini kang Pedro kay lagi walay hugaw dinhi sa ibabaw sa kalibutan kun kini napanalanginan na sa Amahan.

Diin maoy gipasabot sa Amahan nga ang tanang tawo dinhi sa kalibutan nagkalain-lain nga klase ug kaliwatan may bunyag ug wala atong mga igsoon kay sila usab nahiabot niining kalibotan tungod usab sa kabubut-on sa Amahan. Diha sa maong ebanghelyo maoy nahimong ehemplo si Cornelio nga kapitan sa batalyong kasundalohsn sa Italya diin mahadlukon ug mainampoon sa Dios.

Kini nagpasabot lamang sa kabubut-on sa Dios diin dili lang ang mga Judio sa unang panahon ang mg tinawag sa Dios, diin matod pa sa balaang kasulatan, lahi-lahi ang iyang pagtawag kanato diha sa lahi-lahi nga relihiyon apan dili ang tanan nga nagatawag ug nagasangpit Dios ko, Dios ko makasulod sa iyang gingharian, kundili kadto lamang nagasunod ug nagatuman sa iyang kabubut-on.

Malisod ang pagsulod sa gingharian sa Dios diin tunokon ang dalan ug bakilid ug hagip-ot ang maong dalan diin gamay ra ang nagaagi ug mas gamay ang nakalahos ngadto sa pultahan sa langit, ug mao na kining mga dalana nga atong gisubay diin anaa ang mga pagsulay ug mga paglutos diha sa pagtulon-an nga atong gibarugan. Apan bulahan ka igsoon nga nakaambit sa mga kasakitan sama sa mga kasakitan ni Jesus sa iyang pagpalansang sa krus kay makaambit ka usab sa iyang himaya sa pagkabanhaw didto sa langit.

Tuesday, August 26, 2008

Ang Kahayag Sa Lawas

LUCAS 11: 33~36

33 Walay magdagkot og suga aron tagoan. Hinunoa, ipahimutang ni sa tungtonganan aron ang manganhang katawhan makakita sa kahayag.
34 Ang mata suga sa lawas. Kon ang mata klaro kaayog tinan-awan, ang tibuok pagkatawo matabangan tungod sa kahayag. Kon ang panan-aw dili maayo, ang tibuok pagkatawo mawad-an sa kahayag. 35 Busa, pagmatngon nga ang kahayag sa sulod nimo dili makangitngit. 36 Kon ang tibuok mong pagkatawo midawat sa kahayag ug walay bahin ini nga nangitngitan, mapuno ka sa kahayag sama nga ang sanag nga siga sa lampara nagdan-ag nimo.

PAGPAAMBIT SA MENSAHE:

Ang maong ebanghelyo naghisgot diha sa paggamit sa hiyas o gasa nga gihatag sa kahitas-an. Sama sa kahayag nga atong nakit-an pinaagi niining tinago nga kamatuooran diin kun natukib o natugkad na nato kini nan pakasamahon ta kini nga maoy modan-ag diha sa atong kaugalingon nga mga binuhatan. Sa ato pa magpuyo ug maglihok kita sumala sa kabubut-on sa Dios diin atong ipahari ang kalinaw panagdait ug ang pagtuman sa kasugoan sa Dios.

Diin sayop nga pagtulon-an nga maayo lang kita mosulti ug mohatag sa ebanghelyo sa mga pulong sa Dios apan ang binuhatan hiwi lang gihapon diin kanunay gihapon molingi sa mga kalibutanon nga kailibgon. Puy-an ta ang kinabuhi nga daw sama sa langyaw niining kalibutana diin ha-om didto sa gingharian sa Dios kaysa magpakabuhi nga buhong sa tawhanong kahilayan ug mga kailibgon apan ayran didto sa gingharian sa langit.

Dili kini ang atong matuod nga pinuy-anan, diin aduna pay kinabuhi human niini diin bulahan nga atong masabtan ang tanan nga katuyu-an sa Dios diha sa atong pagpakabuhi diin matod pa ang tawo usa ka balaan nga binuhat diin nagpakasala dinhi sa ibabaw sa yuta, kay iyang gipalabi ang mga awhag diha sa iyang palibot ug mga tawhanon nga impluensya sa iyang katilingban nga gibarugan.

Mas maayo atong gidan-ag diha sa atong lawas ug kalag ang mga pagtulon-an ni Jesus diin mamahimo kitang ehemplo diha sa atong pamilya ug mga paryente pinaagi sa pagtuman sa mga kabubut-on ug pagtulon-an sa Dios. Kay matod pa sa balaang kasulatan ug sa mag mensahe sa Amahang Dios nagaingon: Usa lamang sa matagpamilya ang nagaampo diri kanako nan bulahan kay luwason ko ang tibook pamilya.

Kay matod pa ang tawo nga mainampoon ug sa kanunay nga naagasunod sa Dios wala pay kasiguro-an nga maluwas ang iyang kalag, nan unsa na kaha ang dili gayud magaampo ug wala motuo ksa Dios . Nagpamatuod lamang nga ang kaluwasan sa kalag grasya kini o gasa gikan sa Dios ug dili kini premyo o ganti gumikan sa maayong buhat, aron sa ingon walay mkapasigarbo diha saatubanagn sa Dios nga siya naluwas pinaagi sa maayong buhat.

Saturday, August 23, 2008

Pasaylo Sa Nakasala

2 CORINTHO : 2: 5~11

5 Kon dunay nakasakit nako, dili ako ang gipasakitan kondili, sa dyotay lang, kamong tanan. Ug dili ko buot nga masobrahan. 6 Ang silot nga iyang nadawat gikan sa kadaghanan igo na alang niya. 7 Karon kinahanglan nga pasayloon ug hupayon siya ninyo aron dili maluya sa tumang kaguol. 8 Busa, hangyoon tamo paglig-on sa inyong gugma kaniya.
:
9 Mao ni ang akong tuyo pagsulat ninyo: aron masulayan mo ug masayran nako kon nagtahod ba mo sa tanan. 10 Ang inyong gipasaylo, pasayloon pod nako. Ug ang gipasaylo, kon duna koy angayng pasayloon, gipasaylo tungod ninyo atubangan ni Cristo. 11 Basin unyag magpahimulos nato si Satanas, kay nasayod ta sa iyang mga laraw.

PAGPAAMBIT SA MENSAHE:

Ang maong ebanhelyo nagpasabot sa paglu-ag sa kaugalingon diha sa pagpasaylo sa nakasala kanato, kay matod pa sa balaang kasulatan pasayloon kita sa atong mga kasal-anan kun kita makamao mopasaylo sa nakasala kanato. Kay ang pagpasaylo balaanon apan ng pagpakasala tawhanon , nga sa ato pa mintras kita nagpakabuhi pa niining kalibutan, kanunay gayud kitang makasala.

Diin matod pa sa balaang kaulatan kitang tawo makasala pinaagi sa buhat, huna-huna ug sa pulong. Diin mao kini ang makahugaw sa tawoa ang uyang mga dautang binuhatan kay mao man kini ang mopatlod kanato ngadto sa kalayo sa impierno, diin bulaahn kun ato kining mapangayo-an daan ug pasayllo sa Dios kay sa kanunay kita makaadwat ug panalangin.



Thursday, August 21, 2008

Mihilak Si Jesus Tungod Sa Jerusalem

LUCAS 19: 41~44

41 Sa nagkaduol na siya ug natan-aw na niya ang syudad, mihilak siya tungod ini 42 ug miingon: “Kon nasayod ka pa ining adlawa sa mga paagi sa kalinaw! Apan wala, kay nabutahan ka man. 43 Moabot ang mga adlaw nga magkampo sa palibot ang imong kaaway, lumpagon ka ug buntogon sa tanang dapit. 44 Ug pit-on ka nila sa yuta uban ang imong mga anak, ug walay mahibiling bato diha nimo kay wala ka man masayod sa adlaw sa pagduaw sa imong Diyos.”

PAGPAAMBIT SA MENSAHE:

Ang maong ebanghelyo nagpasabot sa mga panagna mismo ni Jesus Cristo sa Jerusalem diin niadtong panahuna maoy pinakabalaang siyudad ug maoy sentro sa pagtulon-an ni Jesus, diin matod pa sa maong ebanghelyo moabot ang adlaw nga pagalibutan kini sa mga kaaway ug pagalikusan hangtod kawad-an kini sa iyang mga katawhan.

Ginaingong nga kun unsa kakusog ang gahum sa espiritu santo nianang lugara mao usab kakusog sa dautan nga mohasol sa maong lugar. Ang Jerusalem isip sentro sa maong pagtulon-an sa panahun ni Jesus maoy nahimo usab nga sentro sa mga pagbingkil-bingkil sa palibot diin daghan ang mga nasod nga gusto moilog niini ug ang kadaghanan niining mga nasura wala moila sa Dios nga Jesu Cristo.

Niining panahuna hinay-hinay nang nawala ang mga kristiyanos didtong dapita diin kadaghanan nga namuyo didto kato nang mga kaliwatan sa wala moila sa matuod nga Dios. Hinay-hinay nga natuman ang mga panagna nga gibungat ni Jesus dinhi sa maong mensahe, diin sa uban nga mga nagsangyaw sa Kristuhanon nga pagtulon-an nagakauyon sa pag-ingon nga mibalhin ang bag-ong Jerusalem dinhi sa sidlakan diin mao na lamay bugtong nasod dinhi sa Asya nga nagasimba sa Dios nga Jesu Cristo.

Diha mismo sa ebanghelyo ug sa mga balita sa radyo nagpamatuod sa mga hulga sa kristyanismo nga pagtulon-an ug mga paghasi sa mga terorista diin naghasi usab ang dautan kay gusto nila bungkagon ang bugtong nasod nga nagahari ang himaya sa Dios nga Jesu Cristo

Ang Madaugong Pagsulod Ni Jesus Sa Jerusalem


28 Humag sulti ni Jesus, miuna siya sa Jerusalem. 29 Sa duol na siya sa Betfage sa Betania, sa kilid sa bukid sa mga Olibo, gisugo niya ang duha sa iyang tinun-an: 30 “Adto sa kasikbit nga lungsod. Inigsulod ninyo, makakita mog asno nga gihigot; wala pa masakyi. Badbari ug dad-a dinhi. 31 Kon may mangutana nganong gibadbaran ninyo kining asnoha, tubaga siya nga nanginahanglan ini ang Ginoo.”

32 Milakaw ang gisugo ug nakita nila ang tanan sumala sa giingon ni Jesus. 33 Dihang gibadbaran na nila ang asno, nangutana ang tag-iya: “Nganong gibadbaran ninyo ang asno?” 34 Mitubag sila: “Nanginahanglan ini ang Ginoo.” 35 Gidala ni kang Jesus hinapinan sa ilang mga kupo, ug gipasakay si Jesus. 36 Sa iyang paglabay ang mga tawo namukhad sab sa dalan sa ilang kupo.

37 Sa pagpanglugsong na nila sa bukid sa mga Olibo, nalipay pag-ayo ang daghang tinun-an ug midayeg sa Diyos sa kusog nga tingog tungod sa tanang katingalahan nga ilang nakita. 38 Nagkanayon sila: “Dayegon ang Hari nga nag-anhi sa Ngalan sa Ginoo. Kalinaw sa langit ug himaya sa kahitas-an.” 39 Giingnan si Jesus sa pipila ka Pariseo nga diha sa pundok: “Magtutudlo, badlonga ang imong mga tinun-an.” 40 Mitubag siya: “Ingnon tamo: kon dili sila maningog, maninggit ang mga bato.”

PAGPAAMBIT SA MENSAHE:

Ang maong ebanghelyo maoy pagpasabot sa katumanan sa mga panagna sa mga karaang propeta diin sila nagsulti sa pag-abot sa anak sa tawo diin siya pagasakiton dagmalan ug patyon diha sa paglansang sa krus apan sa ikatulong adlaw siya mabanhaw.

Diha sa mga sinulat sa balaang kasulatan nagbutyag sa pagsangyaw sa mga pagtulon-an ni Jesus sa nag-edad na siya ug 30 paingon sa 33 diin sa edad na 33 siya gilansang sa keus, apan wala kayo mga sinulat nga gipakita sa mga milagro nga nahitabo diha sa iyang pagkabata.

Usa lamang kini ka pagmatuod sa mga pulong sa Dios diin Nagaingon nga walay tawo nga iyang gitugotan sa pagtukib sa iyang kabubut-on, Nga sa ato pa mga igsoon ang balaang kasulatan tipik lamang sa kasaysayan sa mga milagro ni Jesu Cristo.

Ang labing halandumon nga ksaysayan sa kinabuhi ni Jesu Cristo mao kining pagsulod niya sa Jesrusalem nga maoy giila nga balaan nag siyudad ug maoy sentro sa pagtulon-an nga kristuhanon niadtong panahuna.

Nanaglipay ang iyang mga tinun-an kay para kanila usa kini ka paghiusa sa balaang syudad ug labaing balaan nga tawo niadtong panahuna diin ang mga pariseo wala mahimuot kay para kanila usa kapagbugal-bugal sa ilang Dios ang maong pagpakaDios ni Jesus.
Apan usa kini ka kamatuoran sa kasulatan sa mga propeta niadtong panahuna diin nahan-ay nang daan ang mga panghitabo sumala gayud sa kabubut-on sa Amahan.

Sa ikatulong Higayon Naghisgot Si Jesus Sa Iyang Kamatayon

LUCAS 18:31~34

31 Gipinig ni Jesus ang 12 ug giingnan: “Mangadto ta karon sa Jerusalem. Tumanon na ang tanang nasulat sa mga propeta mahitungod sa Anak sa Tawo. 32 Itugyan siya sa mga pagano; biaybiayon, insultohon ug lud-an. 33 Bunalan siya ug patyon unya, mabanhaw sa ikatulong adlaw.” 34 Wala silay nasabtan ining mga butanga. Ang kahulogan ining mga pulonga nagpabiling misteryo alang nila; wala sila masayod sa iyang gipanulti.

PAGPAAMBIT SA MENSAHE:

Ang maong ebanghelyo naghisgot diha sa mga tahas ni Jesus diin ang kataposan sa maong tahas mao man ang iyang kamatayon diha sa kamot sa mga pagano diin siya ilansang sa krus ug mabanhaw sa ikatulo ka adlaw.

Nahasulat nang daan diha sa mga panagna sa mga unang propeta ang maong tahas diin ang mga Judio ug kadtong mga pagano dili makadawat sa maong pagpaila ni Jesus diha sa iyang pagka-anak sa Dios.

Gisulayan as amahan ang iyang mga mabuot nga katawhan kun asa kutob ang pag-ila niya sa gahum sa Dios. Diin kadaghanan sa maong mga katawhan nagalingi pa sa mga kailibgon nga tawhanon diin maoy gipalabi ang tawhanon nga bahandi ug para kanila dili mahitabo nga ang Dios mokanaog sa yuta ug motipon sa mga dinaugdaug.

Maoy usa lamang sa pagpasabot mga igsoon sa pulong sa Dios nga nagaingon nga walay si bisan kinsa nga iyang gitugotan sa pagtukib sa iyang kabubut-on, kay matod pa bisan gain ang edad sa kalibutan niining panahuna nagpabilin nga tanghaga diin diha sa mga tawhanon nga mga kahibalo diha sa mga pagstudyo sa mga karaang bato ug mga “fossils” ang kalibutan aduna nay 4.2 milyon katuig ang edad, apan diha sa balaang kasulatan ang kalibutan aduna pa lamang 10,000 ka tuig.

Nagpasabot laamng mga igsoon nga lahi ang orasan sa Ginoo ug orasan sa tawo ug sa ingon kitang tawo magaagad gayud sa kabubut-on sa Dios kay siya ang sinugdanan ug kataposan.

Gi-ayo Ni Jesus Ang Usa Ka Buta Nga Makalilimos

LUCAS 18:35~42

35 Sa nagkaduol na si Jesus sa Jerico, may buta nga naglingkod sa daplin sa dalan ug nagpakilimos. 36 Sa pagkadungog niya sa daghang tawo nga nanglabay, nangutana siyag unsay nahitabo. 37 Giingnan siya nga si Jesus, ang taga Nazaret, miagi.” 38 Busa, misinggit siya: “Jesus, Anak ni David, kaluy-i ko.” 39 Gibadlong siya ug gipahilom sa nag-una, apan misamot siyag singgit: “Anak ni David, kaluy-i ko.”
40 Mihunong si Jesus ug gipaduol ang buta. Sa nakaduol na, gipangutana siya: 41 “Unsay ato nimo?” Mitubag ni: “Ginoo, nga makakita ko.” 42 Si Jesus miingon: “Dawata ang imong panan-aw; naluwas ka sa imong pagtoo.”

PAGPAAMBIT SA MENSAHE:

Ang maong ebanghelyo naghisgot kini sa hugot nga pagtuo ngadto sa Dios diin matod pa sa laing sinulat sa balaang kasulatan nagaingon kini nga “ Kun aduna kay pagtuo nga sama kadako sa liso sa mustasa nan makahimo ka pagsugo sa bukid aron mobalhin sa dagat ug mobalhin ang maong bukid.

Gipakita ni Jesus ang maong milagro ngadto sa maong buta diin insigida iya kining gi-ayo gumikan sa kadako sa pagtuo niini ngadto sa Diyos. Apan matod pa ang Dios lamang ang adunay kagahum sa pagsukod sa atong pagtuo kun unsa ba kini kadako o kagamay. Dios lamang ang makakita sa katim-os ug kaputli sa atong kasingkasing. Apan matod pa diha sa anunay ug hinayhinay nga pag-ampo ang imposible mamahimong posible.

Diha sa laing sinulat sa maong balaang kasulatan, Santiago, 2: 17, nagaingon kini nga ang pagtuo sama sa lawas sa tawo nga walay espiritu kun walay binuhatan. Nga sa ato pa mga igsoon aron mahingpit ang atong pagtuo ngadto sa Dios nan ubanan kini sa buhat kay patay ang pagtuo kun walay binuhatan. Diin atong ipakita ang atong pagtuo pinaagi sa pagpakita ug mga maayong buhat diha sa mga pag-ampo, pagsakripisyo ug sa pagpuasa sa iyang mga kasal-anan.

Si Jesus Ug Si Saqueo

LUCAS 19 : 1 ~ 10

19 • 1 Misulod si Jesus sa Jerico ug misuroy sa syudad 2 diin nagpuyo si Zaqueo, ang pangulong dato sa mga kobrador sa buhis 3 nga buot makakita ni Jesus, apan mubo siyang tawo; dili makakita tungod sa daghang tawo. 4 Busa, midagan siya aron makauna sa pundok ug mikatkat sa igera aron sa paglabay makita niya si Jesus. 5 Sa diha na si Jesus tungod sa nahimutangan ni Zaqueo, mihangad siya ug miingon: “Zaqueo, kanaog dayon. Karong adlawa anha ko sa imong balay.” 6 Busa, nagdali siyag kanaog ug malipayong midawat ni Jesus.

7 Ang tanang tawo nga nakakita nagbagutbot ug miingon: “Midayon siya sa balay sa usa ka makasasala.” 8 Apan mibarog si Zaqueo ug miingon sa Ginoo: “Ginoo, ihatag ko sa mga kabos ang katunga sa akong katigayonan. Kon may gitikasan ko, makaupat ko pilupiloon ang akong ibayad.” 9 Miingon si Jesus nga nagtan-aw niya: “Karong adlawa miabot ang kaluwasan sa tibuok mong panimalay. Kining tawhana anak pod ni Abraham. 10 Kay mianhi ang Anak sa Tawo aron pagpangita ug pagluwas sa nawala.”

PAGPAAMBIT SA MENSAHE:

Ang maong ebanghelyo maoy usa ka ehemplo sa pagtulon-an sa balaang kasulatan nga nagaingon, ayaw paghukmi ang imong isigkatawo. Si Saqueo usa ka kubrador sa buhis diin daghan mga katawhan ang wala moangay kaniya tungod kay daghan man usab siyag dili maayo nga binuhatan, diin nahimo siyang kwartahan, ug dungganan ug nahimong inila. Mubo nga tawo si Saqueo diin sa paglabay ni Jesus misaka siya sa usa ka puno-an sa kahoy aron sa paglili ni Jesu Cristo. Ang iyang gibuhat maoy usa ka matang sa pagyukbo ni Jesus diin gipaubos niya ang iyang kaugalingon diha sa pagkatkat niya sa kahoy.

Nangasuko ang mga tawo nga nakakita diin si Jesus miadto sa balay ni Saqueo aron didto mopahulay, kay para kanila usa ka makasasala si Saqueo ug dili angayan nga si Jesus adto mopasilong sa maong balay sa makasasala. Wala makita sa maong mga tawo ang nakita sa Dios diin taliwala sa iyang pagkamakasasala, iyang gidawat si Jesus diha sa iyang kasingkasing ug naghinulsol siya sa iyang mga sala sa tinud-anay buot ug niini gipanalanginan siya sa Dios.

Usa lamang kini ka pagmatuod mga igsoon nga kitang tawo aduna kanunay kahigayonan sa pagsulod sa ganghaan sa langit kun kita moduol ug mokalawat sa Dios nga Jesu Cristo. Usa kini ka pagtulon-an nga ang Dios kanunay nagahatag ug kahigayunan kanatong mga katawhan sa pagsulod sa iyang gingharian. Kay matod pa bisan ang kanunay nga nagaampo ug nagasangpit sa Dios wala kasiguro-an nga makasulod sa iyang gingharian, mas labaw na kadtong dili gayud ga-ampo ug wala moila sa Dios nga maoy moluwas kanila.
:
Nagpamatuod lamang kini nga ang kaluwasan sa atong kalag diha sa kinabuhing dayun dili kini premyo o ganti bugti sa atong pagsunod sa kabubut-on sa Dios apan gasa kini o grasya nga gihatag sa Dios ngari kanato aron sa ingon walay makapasigarbo diha sa atubangan sa Dios nga siya naluwas tungod sa iyang maayong binuhatan kundili naluwas kita tungod sa grasya ug kalooy sa Dios.

:

Ang Sambingay Mahitungod Sa Kuwartang Bulawan

LUCAS 19: 11~27

11 Nagkaduol na si Jesus sa Jerusalem. Nagtoo ang mga nanguyog nga mopadayag na siya sa Gingharian sa Diyos. Samtang namati sila, misulti si Jesus og laing sambingay: 12 Miingon siya: “May bantogang tawo nga mipanaw sa layo kaayong kayutaan aron mapiling hari. Mobalik siya inigkahuman. 13 Iyang gitawag ang 10 niya ka sulugoon, gihatagag 10 ka salapi ang matag usa ug giingnan: Inegosyo ni hangtod sa akong pagbalik. 14 Naligutgot niya ang mga lungsoranon. Busa, nagpadala silag mensahe alang niya: ‘Dili mi buot nga magmando namo kining tawhana.’

15 Apan bisan pa ini, mibalik siya sa napili na siyang hari. Gipatawag niya ang 10 ka sulugoon nga gihatagan sa 10 ka salapi aron masayrag pilay naganansya sa matag usa. 16 Miatubang ang una ug miingon: ‘Ginoo, nakaganansyag 10 ang salapi nga imong gihatag.’ 17 Mitubag siya: “Maayo, buotang sulugoon! Kay nagmatinud-anon ka man sa gamayng butang, magdumala ka sa 10 ka syudad.” 18 Miabot ang ikaduha ug miingon: ‘Ginoo, nakaganansyag lima ang imong salapi.’ 19 Miingon ang agalon: ‘Magdumala ka sa lima ka syudad.’

20 Miabot ang usa pa ug miingon: ‘Ginoo, nia ang imong salapi nga akong giputos sa panyo ug gitipigan. 21 Nahadlok ko, kay kutikutihan kang pagkatawo, mangobra sa wala mo ideposito ug mangani sa wala itanom.’ 22 Giingnan siya sa agalon: “Walay hinungdan nga sulugoon, hukman tikaw sa kaugalingon mong pulong. Nasayod ka man diay nga kutikutihan ko, nga mangobra sa wala ko ideposito ug mangani sa wala itanom, 23 nganong wala man nimo gipautang ang akong salapi? Makakobra unta ko ini apil ang tubo sa akong pagbalik.

24 Giingnan niya ang nanambong: ‘Kuhaa kaniya ang salapi ug ihatag sa may 10.’ 25 Mitubag sila: ‘Apan, Ginoo, may 10 na siya.’ 26 Sultihan tamo: Ang duna hatagan pa og daghan; ug ang wala kuhaan, bisan ang naa na niya. 27 Dad-a nganhi ang akong mga kaaway nga dili buot nga maila kong hari ug patya sila sa akong atubangan.”

PAGPAAMBIT SA MENSAHE:

Ang maong ebanghelyo naghisgot sa duha ka butang una mao ang paghari sa anak sa Dios dinhi sa yuta diin halayo ina sa iyang tinuod nga pibuy-anan didto sa langit. Sa iyang pagsulod ug pagsangyaw sa pagtulon-an sa iyang Amahan ug pagpaila sa iyang kaugalingon dinhi sa yuta daghan ang wala mouyon, labina kadtong mga maalamon ug makiaamanon kay para kanila wala nay laing Dios pa gawas sa ilang nailhan nga mao ang Dios Amahan. Apan kay kabubut-on man sa Amahan siya gayud nang midaug diha sa mga pagsulay human niya ihalad ang iyang lawas ug dugo ngadto sa katawhan nga iyang gipangga ug gimahal.

Sa lain nga bahin nga ebanghelyo diin giingon nga nagabilin ang maong hari ug mga bulawan ngadto sa napulo ka sulogoon diin sa iyang pagbalik iyang gipangita ang maong mga bulawan diha sa maong mga sulogoon diin pipila lamang kanila ang nakatuman sa iyan kabubut-on nga mao ang pagpasanay o pagpadaghan sa maong mga bulawan. Ang maong sambingay nagkahulugan kina sa mga bulawanon nga hiyas o gasa nga gibilin a Dios Amahan ngadto sa iyang piniling katawhan diin puhon sa iyang pagbalik iyang panilngon diri kanato ang maong mga gasa kun giunsa ba nato kini sa pagdala ug pagamit.

Diin bulahan diay ang mga gasa nga langitnon o mga gasa diha nga gipiyal kanato sa Dios ato kining gamiton ngadto sa mga tawo nga nagkinahanglan niini kay bulahan puhon sa iyang pagpaningil kanato aduna nay tubo nga atong ikapakita. Apan kun atong lang usikan o dili ipakabana ang maong mga bulawanong gasa nga iyang gihatag kanato nan moabot da ang adlaw nga kini iyang panilngon diin matod pa sa laing sinulat diha as balaang kasulaatn, ang anaa paggdugangan ug ang wala pagakuhaan pa.

Usa kini ka pagtulon-an diha sa atong kanabuhi diin ang gamay nga gipiyal sa Diyos diha sa atong kinabuhi kun atong mapalambo nan mahatgan ka ug mas dako nga responsibilidad o gasa kay mapyalan ka man sa gagmay nan piyalan ka usab sa mga dagko.

Wednesday, August 20, 2008

Ang Pagbalik Sa Espiritu Nga Dautan

MATEO 12: 43~45

43 Kon may mogawas nga daotang espiritu sa usa ka tawo, mopanaw ni sa mga dapit nga uga ug mangitag kapahula-yan. Kon way makaplagan, 44 moingon ni: “Mobalik ko sa balay nga akong gibiyaan.” Mobalik ni ug makaplagan ang balay nga walay sulod, limpyo ug maayong pagkapahimutang. 45 Unya, mopanaw siyag balik dala ang laing pito ka espiritu nga labaw niya ka daotan. Manulod ni ug mamuyo didto. Kadtong tawhana malabaw ka ngil-ad sa kaniadto. Kini ang dangatan ining daotang kaliwatan.”

PAGPAAMBIT SA MENSAHE:

Ang maong ebanghelyo nagpasabot diha sa kawalay pag-ampo sa tawo diin ang dautan nga espiritu magsulod ug gawas sa iyang kaugalingon. Diin sa kadugayan mas labi pa unyang daghan ang dautan nga espiritu nga anaa unya kaniya, diin walay makapugong niini kun wala kitay mga pag-ampo ug pagpanglawat diin dali ra kaayong malingla ang atong kalag sa dautan.

Diin mas labing alaot kun mopanay ka niining kalibutan nga wala laimpyuhi ang imong kaalag ug nagauban ang mga dautan nga espiritu kay makaluluoy ang imong kalag diin kini pagakadenahan ug magasuroy nga walang tumong. Nan mas bulahan diay nga samtang nagkinabuhi pa kita atong limpuyhan sa kanunay ang atong kalag ug sa kanunay magaampo sa santos nga rosaryo ug magabalaan diha sa hiyas nga kristuhanon bulahan pag-abot sa pabahun diin huypon sa Dios ang imong kandila nan ang balaang espiritu sa Dios maoy magagiya sa imong kalag kun sa kini paingon.

Kay matod pa sa balaang kasulatan, Kun dili makasiguro ang tawo nga kanunay nga nagaampo diha sa kaluwasan sa iyang kalag nan mas labi pa nga walay klaro kun asa makapaingon ang mga kalag niadtong mga katawhan nga walay mga pag-ampo. Kay matod pa sa balaang kasulatan: “Ang kinabuhi nga dayun nga ihatag sa Dios ngadto sa iyang mga katawahn nga nagasunod sa iyang kabubut-on dili kini ganti o premyo kundili gasa kini sa Dios nganhi kanato aron walay bisan kinsa nga makapasigarbo diha sa atubangan sa Dios nga siya naluwas pinaagi sa maayong buhat.

Buot Sila Motan-aw Sa Milagro

MATEO 12: 38~42

38 Unya, pipila sa magtutudlo sa Balaod ug Pariseo namulong : “ Magtutudlo, nagkinahanglan mig timaan gikan nimo.” 39 Si Jesus mitubag: “Ang daotan ug walay pagtoong katawhan nangayog timaan. Apan ang timaan nga akong ikahatag mao ang timaan ni Jonas, ang propeta. 40 Ingon nga didto si Jonas sa tiyan sa dakong isda sulod sa tulo ka adlaw ug tulo ka gabii, ang Anak pod sa Tawo magpabilin sa kailadman sa yuta sulod sa tulo ka adlaw ug tulo ka gabii.

41 Sa adlaw sa hukom, ang katawhan sa Ninive mamangon ug masudyaan mo. Kay nagbag-o sila sa kinabuhi sa pagkadungog sa wali ni Jonas. Dinhi niay labaw pa ni Jonas. 42 Sa adlaw sa hukom, ang Rayna sa Habagatan mobarog ug motulisok ninyo. Mianhi siya gikan sa pikas bahin sa kalibotan aron pagpamati sa kaalam ni Solomon. Dinhi niay labaw pa ni Solomon.

PAGPAAMBIT SA MENSAHE:

Ang ebanghelyo naghisgot diha sa walay pagtuo o kakulang sa pagtuo sa tawp kun kini walay Makita nga milagro, diin daan ng nagpasabot ang baling kasulatan nga bulahan ang mga katawhan nga nagtuo sa mga butan nga dili Makita ni mahikap kay mao king mga butanga ang molungtad sa kahangturan. Diin ang mga butang nga Makita ug mahikap mao kining mga butanga nga adunay katapusan.

Diin iyang gipasabot nga anaa ug mikunsad na sa kalibutan ang tawo nga labaw sa tanang propeta ug labing balaan sa tanan apan wala sila motuo sa maong panagna. Dili nato masabot ang kabubut-on ug pamaagi sa Dios diin siya lamang ang makahuibad niini kay matod pa walay tawo nga iyang gitugotan sa pagtugkad sa iyang kabubut-on.

Ganti

MATEO 10: 40~42

40 Ang modawat ninyo, modawat sab nako. Ug ang modawat nako, modawat sa nagpadala nako. 41 Ang modawat sa propeta isip propeta, makadawat sa ganti sa propeta. Ang modawat sa tarong, kay tarong, makadawat sa ganti sa tarong. 42 Kon may mohatag og bisag usa na lang ka baso sa bugnawng tubig sa usa ining mga gagmay, kay tinun-an ko siya, sultihan tamo, gantihan.”

PAGPAAMBIT SA MENSAHE:

Ang maong ebanghelyo maoy nagpasabot lamang diha sa kabubut-on sa Dios dii nagaingon siya diha sa uban nga mga sinulat sa balaang kasulatan, “ Dili gayud ako motalikod sa akong mga katawhan kun nakita ko nga nagapabilin pa ako diha sa ilang dughan. Nga sa ato pa mga igsoon ang maong ebanghelyo nagpasabot kini nga duiha sa pagpasidungog nato sa Ginoo diha sa mga pag-ampo, paghalad ug sa pagtuman sa iyang kabubut-on, gantihan gayud kita niya sumala usab diha sa iyang kabubut-on.

Sa uban nga mga sinulat nagaingon siya, Ayaw na pagpangaplag sa daghang mga bahandi, ensakto na ang anaa kaninyo, kay ako nga inyong Dios dili gayod mahitabo nga motalikod kaninyo. Nagpasabot lamang mga igsoon nga sa kanunay ang Dios ngapatalinghog diha sa iyang mga tinawag ug sa kanunay siya nanalangin ug nagahatag ug grasya nganhi kanato.

Ang ebanghelyo nagpasabot lamang nga kun atong gidawat ang iyang mga katawhan ug mga tinawag nan susama ra usab nga nagapasidungog kita kaniya. Diin diha sa pagpakaon nato sa atong isigkatawo nga gigutom nan gantihan kita sa Dios. 1 Corinto 1: 3:17 nagaingon, ang lawas sa tawo maoy templo sa Dios nga espiritu santo, ug ang magapasipala sa templo sa Dios nga mao ang atong lawas nan iya usab nga pagalaglagon, nga sa ato pa anaa sa atong isigkaingon ang espiritu santo nga sa ato pa kun imong gilutos ang imong isigkatawao nan manubag ka diha sa atubanagan sa Dios kay imo man usab nga gilutos ang espiritu santo nga anaa sa matag lawas sa tawo.

Ang Pagdagan Paingon Sa Dag-anan

FILIPOS 3: 12 ~ 21

12 Wala ko motoo nga nakab-ot ko na ang tumong, ni hingpit kong nakita ang kaugalingon nga hingpit. Apan mipadayon ko hangtod nga akong naangkon si JesuCristo, kay gipangita ko niya. 13 Dili, mga igsoon, wala ko mag-ingon nga nakab-ot ko na ang akong tumong. Mao ra ni ang akong isulti: Sa pagkalimot sa nangagi, midagan ko ug miatubang sa akong tumong. 14 Ang akong mata naa na sa ganti, alang sa unsa gitawag ta sa Diyos gikan sa kahitas-an diha ni JesuCristo. 15 Himoa nga kitang tanan nga nag-ingon nga hingpit siya dunay samang pamaagi sa panghunahuna. Apan kon dunay butang sa unsa nalahi mo, hinaot nga mopatin-aw ini ang Diyos.

16 Sa pagkakaron, ampingan ta ang atong nakab-ot. 17 Paghiusa mo sa pagsuon nako, mga igsoon, ug tan-awa ang nagsubay sa dalan nato sa kinabuhi. 18 Kay daghan ang nabuhi isip kaaway sa Krus ni Cristo. Kadaghan na ko makasulti ini. Karon balikon ko pagsulti uban sa mga luha: 19 Nagpaingon sila sa katumpagan. Ilang dios ang ilang tiyan ug mibati silag garbo nga angayang ikaulaw. Ang ilang gihunahuna mao ra ang mga butang nga kalibotanon. 20 Alang nato, ang atong pagkalumad tua sa langit, ug gikan didto hulaton nato ang pag-abot sa atong Manunubos, si JesuCristo, ang Ginoo. 21 Usbon niya ang atong lawas, hinimo nga sama niya, sanag tungod sa himaya, pinaagi sa iyang gahom nga nagbuntog sa tanan alang niya.

PAGPAAMBIT SA MENSAHE:

Ang maong ebanghelyo naghisgot diha sa paghiusa sa atong kaugalingon diha sa pagtulon-an nga gibarugan ni Jesus diin siya nagpasidaan nga mobalik siya diha sa katapusang paghukom. Ang mga apostoles kaniadtong panahuna madasigon sila nga nagsangyaw sa maong kamatuoran bisan kun nagkahulugan kini sa ilang kinabuhi, kay lahi ang panan-awon nga ilang nasinati ug kamatuoran nga ilang nakita diha sa pagtulon-an nga gipakita ug gisab-on ni Jesus kanila.

Diin gipadayag sa balaang kasulatan nga mas maayo nga magkinabuhi kita nga haom sa pagtulon-an ni Jesu Cristo bisan pa kun nagkahulugan kini nga langyawa kita niini nga kalibutan, kay matod pa inigtaliwan nato niini nga kalibutan biyaan taman ang atong tawhanon nga lawas uban sa atong mga tawhanon nga bahandi, apan ang atong kalag maoy mosaka ngadto sa ganghaan sa gingharian sa Dios ug magpaabot sa kataposang paghukom diin kini pagasul-oban sa epirituhanon nga lawas, apan ang atong espiritu mobalik sa Dios kay iya man kini, diin ang atong espiritu maoy mosumbung ngadto sa Dios diha sa mga sala nga atong nabuhat samtang nagkinabuhi pa kita.

Nga sa ato pa mga igsoon kawang lamang diay ang paghatag ug dakong pagtagad diha sa atong tawhanon nga lawas diin sa higayon nga biyaan na kini sa atong kalag, mahabilin kini ug madaugta, diin kun ang tong kalag walay sarang bahandi nga mabibtbit diha sa iyang pagtaliwan diin waaly ikapakita ang atong espirito ug atong kalag ngadto sa Dios diha unya sa kataposang paghukom diin paninglan kita sa atong mga binuhatan, nan makaluluoy unya ang mao tang kalag kay wala na man unya kitay kaluwasan pa.

:
Mas bulahan diay mga igsoon nga samtang nagkinabuhi pa kita dinhi sa walog sa mga buhi, atong tagaan ug pagtagad ang atong kalag diha sa mga espirituhanon nga kalan-on, sama sa pag-ampo ug sa mga balaan nga mga hiyas bulahan puhon sa pag-atubang sa amahan aduna na kitay ikapakita, kay matod pa kita ra gayud mismo ang mangatubang sa Dios pag-abot sa panahun.
:

Nagdan-ag Ingon Nga Suga Sa Kalibutan

FILIPOS 2: 12~17


• 12 Busa, mahal kong kahigalaan, ingon nga kanunay mong nagsunod nako samtang uban pa ko ninyo, padayon mo labi pa karon nga layo na ko, sa pagbudlay alang sa inyong kaluwasan uban ang “Kahadlok ug pangurog.” 13 Ang Diyos nagdasig sa inyong pangandoy ingon man sa pagtuman sa makapahimuot niya. 14 Buhata ang tanan sa walay bagulbol, 15 sa ingon, maanak mo sa Diyos nga walay sayop ug dili mabasol; dili salawayon taliwala sa hiwi ug badlongong kaliwat. Kahayag mo taliwala nila, sama sa kabitoonan sa tibuok kalibotan nga 16 naghupot sa pulong sa kinabuhi. Mobati kog garbo nga ang inyong paningkamot ug kahago wala makawang. 17 Kon ibubo ko ang akong dugo isip gasa alang sa pagsaulog sa inyong pagtoo, magmaya ko ug magpadayon pag-ambit sa inyong kalipay.

PAGPAAMBIT SA MENSAHE:

Ang maong ebanghelyo nagpasabot paglig-on sa atong pagtuo diha sa kang Kristo Jesus, kay matod pa walay maoabot ngadto sa Amahan kun dili moagi sa anak sa Dios nga si Jesu Cristo. Ang pangutana unsaon pagkasayod nato mismo nga kita mituo sa hugot ngadto sa Dios o Unsaon nato pagpalig-on ang atong pagtuo ngadto sa atong pagtulon-an nga gibarugan?

Santiago 2:17 nagaingon, ang pagtuo sama sa lawas sa tawo nga walay espiritu kun wala kay binuhatan, nga sa ato pa patay ang pagtuo kun dili kini ubanan sa buhat. Mas maayo diay nga atong ipakita ang atong pagtuo sa Dios pinaagi sa maayong binuhatan. Diha sa mga pag-ampo, pagsakripisyo ug sa pagtabang sa atong isigkaingon ug labaw sa tanan ang pagbalaan sa atong kaugalingon diha sa pagpuasa sa atong kasal-anan, kay matod pa unsa may pulos diha sa imong pagtuo sa Dios kun ang imong gibuhat ug binuhatan nakasupak sa iyang kabubut-on.

Diha sa laing sinulat nagaingon ang pulong sa Dios, Ayaw na pagpangita ug dugang bahandi, insakto na ang anaa kaninyo kay ako nga inyong Dios nga gisimba ug gipasidunggan sa kanunay, dili gayud mahitabo nga motalikod kaninyo. Kay unsa pa may arang sa tawo nga sa iyang pag-abot dinhi sa kalibutan gahubo man siya ug walay dala ug sa iya usab nga pagbiya dinhi sa kalibutan ibilin man usab niya ang iyang mga tawhanon nga bahandi.

:

Ang Pagpaubos Ni Cristo

FILIPOS 2: 1~11

2 • Kon makatambag ko ninyo sa ngalan ni Cristo; kon makadungog mo ini isip tingog sa gugma; kon ambitan ta ang samang espiritu ug kon may kaluoy mo ug kaaghop, dan, hangyoon tamo: 2 lipaya ko pag-ayo. Pagbaton mog usa ka gugma, usa ka espiritu, ug usa ka pagbati. 3 Ayawg buhat og bisag unsa sa inilogay o kamapahitas-on. Sa laing bahin, ang matag usa ninyo magtan-aw sa uban nga mas importati kay kaninyo. 4 Ayawg pangitaa ang kaugalingong kaayohan, apan ang sa uban. 5 Himoa nga ang nakita diha ni Cristo Jesus, makita pod diha ninyo:

6 Bisag dunay balaanong kinaiya,
wala siya magmatuod nga sama siya sa Diyos.
7 Gipaubos niya ang kaugalingon ug misagop sa kinaiya sa usa ka alagad,
hinimo sa tawhanong kasamahan,
ug ang iyang hitsura sama sa tawo.

8 Nagpaubos siya pinaagi sa kamasinugtanon hangtod sa kamatayon,
ang kamatayon sa krus –
9 hinungdan nga ang Diyos mituboy niya,
ug naghatag niyag Ngalan nga milandong sa tanang ngalan.
10 Sa ingon, sa Ngalan ni Jesus moluhod ang tanang tuhod, sa kalangitan, sa kalibotan ug taliwala sa mga minatay. 11 Ang tanang dila namulong nga si Cristo Jesus ang Diyos sa himaya sa Diyos nga Amahan.”

PAGPAAMBIT SA MENSAHE

Ang maong ebanghelyo naghisgot sa pagpaubos ni Jesu Cristo, diin siya miabot dinhi sa kalibutan isip ikaduha nga Adan apan wala siya magagikan sa abog kun dili nagagikan sa lalang sa espiritu santo sa Dios nga gitisok sa sa sabakan ni Birhen Maria.

Daghan ang wala motuo sa maong ebanghelyo niadtong panahuna diin kadtong mga maalam nga mga Judio ug mga pariseo, dili gayud madawat sa ilang buot nga ang anak sa Dios magagikan sa mga timawa ug dinaugdaug, kay para kanila ang ilang Dios nga giila dungganan, hamili, ug labaw sa tanan anaa kaniya ang tanan nga bahandi ug mga bulawan.

Nagpamatuod lamang sa pulong diha sa balaang kasulatan 1 Corinto 1 : 28, nagaingon, Gipili sa Dios ang mga sinalikway ug mga tinamay aron kadtong mga maalam ug mga makiadmanon dili makapasigarbo diha sa atubangan sa Dios kay walay pulos ang mga tawhanon nga bahandi ug kinaadman didto sa iyang gingharian, kun aduna may ipasigarbo diha as atubangan sa Dios kadto lamang mga milagro nga iyang gihimo diha sa atong tagsa-tagsa ka kinabuhi.

Kay matod pa ang Kinabuhing dayun ug kinabuhi nga walay kamatayon didto sa gingharian sa langit dili kini premyo o ganti tungod sa maayong buhat apan usa kini ka gasa o grasya nga gihatag sa Dios niadtong mga katawhan nga nagatuman sa ilang kabubut-on aron sa ingon walay si bisan kinsa nga makapasigarbo sa iyang kaugalingon didto sa atubanagan sa Dios Amahan nga siya naluwas tungod sa maayong buhat kundili kita maluwas gumikan sa grasya ug kaluoy sa Dios.




Tuesday, August 19, 2008

Ang Dili Kaduha-duha-an Nga Sugo Sa Dios

HEBREO 6: 13~20

13 Hinumdomi ang saad sa Diyos kang Abraham. Buot ang Diyos nga da­sonan nig panumpa. Kay wala may labaw sa Diyos, 14 nanumpa siya sa ka­ugalingon: Panalanginan ug hatagan tikawg daghang liwat. 15 Tungod sa ma­pa­ilubong pagpaabot nadawat ni Abra­ham ang gisaad.

16 Ang mga tawo naanad pagpa­numpa sa laing tawo nga labaw sa ka­ugalingon. Ang panum­pa naghatag sa gibug-aton sa tanang butang nga ma­himo pang ipang­himakak. 17 Mao nga ang Diyos mi­tan­yag sa kauga­li­ngon nga masaksi sa iyang pa­numpa. Sa ingon, makatoo gyod ang nagpa­abot sa gisaad nga wala niy kausaban. 18 Busa, may duha ta ka kamatuoran nga kapa­sikaran. Dili mamakak ang Diyos sa iyang saad ug panumpa. Igo na kaayo nga sa pagdasig nato aron bi­yaan ta ang tanan ug magma­ka­nu­nayon sa tanan tang gilaoman.

19 Ang maong pagla­om sama sa angkla sa ka­­lag: ang kasigurohan ug ka­lig-on mo­dala nato sa Templo, sa mismong san­twaryo. 20 Tua si Jesus didto nga mi­­su­lod pag-una. Si Jesus – ang La­bawng Pari sa kahangtoran sumala sa han-ay ni Melquisedec.

PAGPAAMBIT SA MENSAHE:

Ang maong ebanghelyo naghisgot sa mga saad Dios diin niadto pang unang mga tinawag , sama nila ni Abraham ug David diin wala gayud pakyasa sa Dios ang iyang mga sugo diin bisan dinhi nining atong panahun karon ang Dios kanunay nga nagapatalinghud sa iyang mga katawhan diin sa kanunay siya mopahigayun gayud sa iyang mga saad..

Apan kining tanan dili sama sa sili nga mohalang dayun diin gikinahanglan ang hinay – hinay ug kanunay nga pag-ampo ug pangaliya aron dunggon sa Dios ang atong pangamuyo kay matod pa sa balaang kasulatan, nganong dili man ihatag kun kaayuhan man.

Apan ang tanan ipadangat gayud sa Dios sebu sa iyang kabubut-on, kay ang iyang mga gisaad mahatag gayud sebo lamang sa iyang kabubut-on. Diin waaly oras o adlaw nga gtagad ka yang tanan iyaha man nga pagbuot. Sa inengles pa ihatag niya kining tanan “In his time”, Nan gikinahanglan lamang ang tiunay nga pag-ampo, ug ingon man ang pagsalig ug paglaom uban sa imong pagtuo sa Dios.

Gibuntog Si Satanas

GIPADAYAG 20:7~10

7Ug inigkatapus na sa usa ka libo ka tuig, si Satanas pagabuhian gikan sa iyang bilanggoan, 8ug mogowa siya aron sa pagpahisalaag sa mga nasud nga anaa sa upat ka tumoy sa yuta, sa Gog ug sa Magog, sa pagpatagbo kanila alang sa pagpakiggubat; ang ilang gidaghanon ingon sa bonbon sa dagat. 9Ug mitungas sila ngadto sa halapad nga yuta ug ilang gilibutan ang kampo sa mga balaan ug ang siyudad nga hinigugma; apan dihay kalayo nga mikunsad gikan sa langit ug milamoy kanila. 10Ug ang yawa nga nagpahisalaag kanila gitambog ngadto sa linaw nga kalayo ug asupri diin atua na ang mapintas nga mananap ug ang mini nga profeta, ug didto pagasakiton sila sa adlaw ug sa gabii hangtud sa kahangturan.

PAGPAAMBIT SA MENSAHE:

Ang maong ebanghelyo naghisgot diha sa mga dautan nga nagahari dinhi sa yuta, diin matod pa walay dautan sa tawo kay kitang tanan gibuhat man sa Diyos, ang binuhatan lang sa tawo maoy dautan kay kini kahimu-an man sa dautang espiritu.

Diha sa maong ebanghelyo nahisgot ug pagpasabot ang balaang kasulatan pinaagi sa sambingy nga 1000 ka tuig buhi-an ni si satanas gikan sa pagkapriso niini ug diin mao na unya kini nga siglo nga daghan ang mga katalagman, kay matod pa gigamhan ang tawo sa dautan.

Apan lagi ang Dios man ang nagmugna sa impyerno nan dayag lamang nga ang mga katawhan didtong dapita nagasubay sa iyang mga pagbuot. Diin ginaingon nga mao kini nga panahun diin hataas pa ang pasensya sa Ginoo ug kitang tanan adunay dakong kahigayunan sa sa pagluwas sa atong mga kalag pinaagi sa paghatag niini ug ensakto ug mga tukma nag pag-ampo, diin matod pa diha sa mga pag-ampo ang imposible mamahimong posible.

Ang Dios Nga Atong Amahan

HEBREO 12: 3 ~11

3 Atong palan­do­ngon si Jesus nga nag-antos sa daghang kasungian batok sa kataw­hang daotan. Sa ingon, dili ta mawad-an sa paglaom ni mag­kaluya. 4 Nakaula na ba mo sa dugo tungod sa pakigbisog batok sa sala?
5 Ayawg kalimti ang makahupay nga mga pulong nga giingon sa Ka­alam alang ninyo isip mga anak: Anak, patalinghogi ang mga pulong sa Diyos nga nagbadlong nimo. Ayawg wad-a ang paglaom kon silotan ka. 6 Kay ang Ginoo mo­bad­long sa gimahal ug mo­kastigo sa giisip nga anak.

7 Karon nag-antos mo aron matul-id. Ang Diyos nag-isip ninyo nga mga anak. May anak ba nga dili tul-iron sa amahan? 8 Kon wala mo tul-ira, (su­ma­la sa angayang buhaton), nan dili mo tinuod nga anak kondili, anak sa gawas. 9 Labot pa, kon nagtahod ta sa tawha­nong ginikanan nga mobad­long nato, unsa pa kaha sa Amahan sa mga espi­ritu nga naghatag og kinabuhi. 10 Gi­si­lo­tan ta sa ginikanan sumala sa gito­ohan nila nga angay sanglit naglan­taw sila sa ki­na­buhi tang luma­labay. Apan ang Di­yos nagsilot nato alang sa atong kaa­yo­han aron makaambit ta sa iyang ka­­ba­laan. 11 Ang tanang si­lot sa­kit, inay tam-is. Sa kaulahian mag­dala nig kalinaw, sa ato pa, kaba­laan sa na­bansay ini.

PAGPAAMBIT SA MENSAHE:

Ang maong ebanghelyo naghisgot sa pagmahal sa Dios kanato nga iyang mga tinawag, diin ginaingon nga daghan ang iyang katawhan diin daw sama kini sa balas sa baybayon diin dili maihap tungod sa kadaghan apan pipila pa lamang niini ang nakadawat sa himaya sa Dios didto sa langit. Kay matod pa nga ang iyang mga tinawag ug mga pinili pagapili-an pa.

Nagaingon ang buhing pulong sa Dios , Ang akong mga katawhan nga tinawag dili lang kay magalingkod ug magahulat sa aking pagbalik, apan pagasulayan ko gayud sila aron sa pagsuta kun asa kutob ang ilang pagtuo. Kay matod pa pagasulayan man gain ang bulawan kun puro ba kini pinaagi sa kalayo nan ingon usab niana ang tawo, diin sulayan sab ang kapuro niini pinaagi mga pagsulay.

Apan wala magpasabot nga diha sa pagsulay kanimo ug kanato as Dios wala siya nagauban kanato, anaa siya kanunay nagatan-aw diha sa imong pagkadagma, kun kapila ka mobakod o diha sa pagkahagba kun motindog pa ba o magpabilin na lang diha sa pagkatumba. Nakita ang atong mga diskarte diha sa paglingkawas sa mga pagsulay. Diin bulahan nga diha sa mga pagsulay sa imong kinabuhi imo kining giabayan sa mga pag-ampo aron ang mga imposible mahimong posible.

Ang Pagtulon-an Ni Jesus Mahitungod Sa Pag-ampo

LUCAS 11 : 1 ~ 13

1 Usa ana ka adlaw, nag-ampo si Jesus. Human ini miingon niya ang usa sa iyang mga tinun-an: “Ginoo, tudloi mi sa pag-ampo ingon nga gitudloan ni Juan ang iyang mga tinun-an.” 2 Miingon si Jesus: “Ingna ini pag-ampo:
Amahan namo, naa sa langit ang imong ngalan, moabot ang imong gingharian.
Matuman ang imong kabubut-on
didto sa langit ingon man dinhi sa yuta.
3 Hatagi mi sa adlaw adlaw namong pan.
4 Pasayloa mi sa among mga sala;
kay pasayloon sab namo ang tanan nga nakahimo namog sayop; ayaw mig itugyan sa panulay, ug luwasa mi sa daotan.”

• 5 Miingon si Jesus: “Kon ang usa ninyo may higala nga iyang giadto sa tungang gabii ug giingnan: ‘Higala, pabayloa kog tulo ka pan, 6 kay mao pay pag-abot gikan sa byahe sa akong higala ug wala koy ikapakaon niya.’ 7 Hayan tubagon ka sa naa sulod sa balay: ‘Ayaw kog tugawa. Nanrangka na ko sa pultahan. Nanghigda na mi ug ang mga bata. Dili na ko mobangon aron paghatag nimo sa pan.’ 8 Ingnon tamo, kondili siya mobangon tungod sa ilang pagkahigala, mobangon siya ug ihatag ang gikinahanglan tungod sa pamugos.

9 Ingnon tamo: pangayo ug hatagan mo, pangita ug inyong makaplagan, panuktok ug ablihan alang ninyo ang pultahan. 10 Makadawat gyod ang mangayo; makakaplag ang mangita ug ablihan ang manuktok. 11 Kinsa ninyong mga amahan ang mohatag og bitin sa anak nga nangayog isda? 12 Kinsay mohatag og tanga kon itlog ang gipangayo? 13 Kon kamong mga daotan mahibawong mohatag og maayong mga gasa sa anak, unsa pa kaha ang Amahan sa langit? Mohatag siya sa balaang Espiritu sa mangayo niya.”

PAG-PAAMBIT SA MENSAHE:

Ang maong ebanghelyo nagpasabot diha sa mga pag-ampo nga maoy bugtong nato nga pagpakig-istorya ngadto as Ginoo, diin diha sa kanunay ug hinay-hinay nga pag-ampo ang tanan nga imong gipangayo ug gihangyo sa Ginoo adunay katumanan kay matod pa sa pulong sa Dios nganong dili man niya ihatag kung kaayuhan man.

Ang tanan nga pag-ampo dinhi sa ibabaw sa kalibutan hidunggan gayud sa Dios kay matod pa sa pulong sa Dios Amahan nga walay pag-ampo dinhi sa ibabaw sa kalibutan nga wala niya madunggi ang tanan iya gayud nga nadungog apan dili ang tanan nakadawat sa iyang panalangin tungod kay ang kadaghanan anaa lamang sa tumoy sa ilang dila.

Nga sa ato pa mga igsoon, Diha sa pag-ampo mas maayo diay nga magagikan gayud diha sa atong kasingkasing aron makita gayud sa Dios ang katiunay sa imong gipangayo. Diin mas maayo diay nga hinugpong nga mga pag-ampo diin matod pa sa Dios duha o tulo nga nagaampo sa nga lan sa Dios Amahan anaa si Jesus nagauban kanila.

:
Ang maong ebanghelyo naghisgot diha sa mga pag-ampo diin usa kini ka espirituhanon nga pagpanuktok ngadto sa atong langitnong Amahan diin matod pa sa ebanghelyo, panuktok kay ikaw paga-ablihan, pangayo kay ikaw pagahatagan, ug diin diha sa linain nga mga sinulat nagaingon ang balaang kasulatan, Lihok tawo kay tabangan ko ikaw nga sa ato pa ang pag-ampo diha sa atong gipangayo sa Dios atong ubanan sa paglihok ug pagpangaplag aron sa ingon ang giya sa espiritu santo maoy motabang ug mopahiluna sa tanan.

Apan diha sa pag-ampo ubanan usab kini sa hugot nga pagtuo ug pagsalig uban sa mga binuhatan kay mag-unsa man tuod kun diha sa imong pag-ampo naghulat lang kita sa mahitabo diin wala nato buhata ang sarang nga maoy makatabang sa atong kaugalingon, diin matod pa sa pulong sa Dios sa Santiago 17, patay ang pagtuo kun walay binuhatan, din sama kini sa lawas sa tawo nga wala nay espiritu.


Friday, August 15, 2008

Ang Halad Ni Cristo Nagwagtang Sa Mga Sala

HEBREO 9: 23 ~ 28

23 Kinahanglan nga kining halad sa langitnong kamatuoran malinisan. Apan ang maong kamatuoran nagki­nahanglag mas maayong sakripisyo. 24 Si Cristo wala mosulod sa santwaryo nga hinimo sa tawo, kopya sa tinud-anay kondili, sa langit mismo. Tua siya karon atubangan sa atong Diyos tu­ngod ug alang nato. 25 Dili sama sa La­bawng Pari nga mosulod sa san­twaryo tuigtuig nga may dalang dugo nga dili iyaha.

26 Mihalad siya sa ka­uga­lingong dugo sa makausa lang, dili sa maka­daghan. Kon dili, mag-antos sab siya sa makadaghan sukad sa pag­buhat sa kalibotan. Apan dili. Nag­pa­kita siya karon alang sa kataposan sa panahon aron pagwag­tang sa sala pi­naagi sa sakripisyo. 27 Kay ang tawo kausa ra mamatay, dayon hukman. 28 Busa, mihalad si Cristo sa kaugalingon sa makausa aron pagwagtang sa mga sala sa ka­taw­han. Wala nay hisgot unya sa sala inigbalik niya aron pagluwas sa nagpaabot niya.

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa kamatuoran diin nahitabo ang pagpasaylo sa atong mga sala tungod sa paghalad mismo ni Jesus nga anak sa Dios diha mismo sa iyang lawas ug dugo. Diin aton mahinumdoman nga si Jesus Dios nga matuod nga nagpakatawo pinaagi sa pagtisok sa lalang sa espirito santo didto sa sabakan ni birhen Maria.

Usa ka milagro ug daw dili katuohan diin ang anak sa Dios nagpalansang sa krus aron sa pagluwas sa atong mga kasal-anan. Ang maong bahin sa panagna natuman gayud diin bisan tuod si Jesus anak sa Dios apan wala niya ipamugos ang iyang kaugalingon ingon nga nagpaulipon siya sa mga katawhan sa pagtudlo diha sa doktrina nga iyang gibarugan.

Diin matod usa kini ka kadaugan dili lang kanato nga mga makasasala kundili hasta usab kang Jesus mismo diin midaug saiya batok sa kalibutan ug sa maong kadaugan gibayaw ang iyang tawhanon nga lawas ngadto sa langit ug diin gihatagan siya ug dungganan nga ngalan diin ang tanan nga binuhat magaluhod ug magasimba sa iyang ngalan.

Thursday, August 14, 2008

Manuol Kita Sa Dios

HEBREO 10 : 19 ~ 39

19 Mga igsoon, pinaagi sa dugo ni Jesus makasulod ta sa santwaryo. 20 Gibuksan niya kining bag-o ug bu­hing agianan nga mag-agi sa tabil – ang lawas ni Cristo. 21 Kay may labaw man tang pari nga magdumala sa Balay sa Diyos, 22 moduol ta niya uban ang matinud-anong kasing­kasing, ug bug-os nga pagtoo; walay lama sa sala ang kalag ug ang lawas hinugasan sa tubig nga dalisay. 23 Magpabilin tang lig-on sa atong pagsalig, kay ang nag­saad matinud-anon. 24 Agha­ton ta ang usag usa sa pagminahalay ug paghi­mog mga maayong buhat. 25 Ayawg bi­yai ang mga asem­bleya sama sa gi­buhat sa pipila. Hinunoa pagdina­si­gay mo ilabi na karon nga hapit na moabot ang Adlaw.
26 Kon magpakasala gyod ta bisag nahibalo na sa kamatuoran, walay sa­kri­­pisyo nga ikahalad alang sa sala. 27 Hi­nunoa, magpabilin ang kahadlok sa kalayo nga molamoy sa masinu­pa­kon. 28 Kay ang molapas sa balaod ni Moises dili kaluy-an. Patyon siya sinak­sihan sa duha o tulo. 29 Sa inyong huna­huna, unsa kaha ang angayng buhaton sa nagbu­gal­bugal sa Anak sa Diyos? Unsa kabug-at ang silot nga ipaham­tang sa nanamas­tamas sa ka­sa­botang gipa­matud-an sa dugo nga mi­ba­laan niya? Ug sa nagyubit sa Espi­ritu nga gihatag kaniya? 30 Kay nakaila ta sa nag-ingon: Ang pani­malos akoa. Akoy magbayad. Ug: Ang Ginoo mo­hu­kom sa iyang katawhan. 31 Pagka­kuyaw kon mahu­log ta sa kamot sa buhing Diyos.

32 Hinumdomi ang unang mga adlaw nga nalamdagan mo. Nasinati ninyo ang lisod nga pakigbisog taliwala sa ka­lisdanan. 33 Gipaka­ula­wan ug gi­su­layan mo atubangan sa kadag­ha­nan. Na­kigsalo mo sa kasa­kitan uban sa gili­sudlisod sama ninyo. 34 Nakig­hi­usa mo sa nabi­langgo ug gikuhaan sa kab­tangan. Apan gida­wat kining tanan, kay sayod man mo nga ma­angkon ninyo ang ganti nga mas nindot ug ma­­lung­­taron. 35 Ayawg wad-a ang pag­salig, kay gu­mikan ini dako ang inyong ganti. 36 Pailob sa pagbuhat sa ka­bu­but-on sa Diyos, kay maangkon ninyo ang iyang gisaad:

37 Dyotay na lang, hapit na gyod – matud sa Kasulatan – ug ang umaabot nia na. Dili ni maglangay. 38 Ang tawo nga tarong mabuhi kon motoo siya. Apan kon kawad-an siyag pagsalig, isalikway ko siya.
39 Dili ta kauban sa mosibog ug ma­ngamatay kondili, sa mitoo ug naka­ba­ton sa kinabuhing dayon.

32 Unsa pay akong isulti? Wala tay igong panahon aron paghisgot ni Gi­deon, Barac, Samson, Jefte, David, Samuel ug mga propeta. 33 Tu­ngod sa pagtoo, nakig-away ug mi­buntog sila sa daghang nasod ug mipabarog sa hustisya. Ilang nakita ang katu­manan sa mga saad sa Diyos ug gitak-om ang baba sa mga liyon. 34 Gipalong nila ang nag­dilaab nga kalayo ug nakaling­ka­was sila sa pinuti. Naayo sila sa tanang balatian. Isog kaayo sila sa pang­guba­tan, gani gipasibog nila ang mga nanu­long nga langyaw.
35 Tungod sa pagkabanhaw, ang ubang patay nabalik sa asawa. Apan dihay pipila ka matoohon nga bisan pa sa panglutos ug pagdagmal nga nada­wat, wala motuman sa mga buluhaton nga makaluwas nila. Gilantaw lang ang mas mapus­lanong pagkabanhaw. 36 May pipila sab nga gigapos ug gibi­langgo. 37 Gi­bato sila, gitunga ug gipa­tay sa pinuti. Busa, nangikyas sila sa lainlaing dapit nga way laing sapot ga­was sa panit sa kanding ug karnero. Kulang sila sa tanang giki­nahanglan, gisakit ug gidagmalan. 38 Kining mga tawhana nga wala hiangayi sa kali­bo­tan naglibod-suroy sa kala­sa­ngan ug kabukiran. Ang ilang pahulayanan mao ang mga langob sa kayutaan. 39 Hinuon, bisag gidayeg sila tungod sa pagtoo, wala nila kapa­himusli ang gisaad,

PAGPAAMBIT SA MENSAHE:

Ang maong ebanghelyo naghisgot diha sa pagkabalaan ingon nga mga sumosunod ni Kristo Jesus diin matod pa waal nay lain pang siglo nga mobalik ang Ginoo dinhi sa kalibutan ug diin mao ra kini nga siglo ug atong mabasa diha sa maong ebanghelyo ang nagkalahi nga baruganan ug pagkabahin diha sa iglises nga gibarugan diin daghan ang wala molahutas sa maong mga pagsulay.

Niadto mao nga siglo diin ania pa si Jesus Cristo sa yuta, daghan ang mga milagro ang iyang gipasinati ug diin daghan ang mga nangakabig ug daghan usab ang wala motuo. Diin kadtong mga mabbuot nga Judio ug mga apostoles kanunay gayud nga nagalutos ug nagagukod kanila, diin mao kini ang bahin sa kasulatan nga nagpasabot diha sa mga kasakit ug mga paglutos sa Dios.

Apan matod pa ang Dios wala mamugos sa iyang gingharian, diin bulahna kadtong unang mga tinawag nga wala magduha-duha sa pag-alagad ug paftugyan sa ilang kaugalingon ngadto sa Dios. Kay matod pa ang mga butang nga makita ug mahikap mao kining mga butanga nga adunay kataposan o mga butang nga iya sa aklibutan, apan ang mga butang nga dili makita ug mahikap mao kining mga butang nga nga molungtad sa kahangturan, kining maga butang nga iya sa esspiritu santo diin bulahan kun mituo kita diha sa mga butang nga wala nato makita ni mahikap kay sa kanunay makadawat kita sa panalangin sa Dios.

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo