Si Pedro Gikasab-an Ni Pablo

GALACIA 2 : 11 ~ 14

• 11 Sa pag-adto ni Kefas sa Antioquia, nakigharong ko niya, kay angayan siyang basolon. 12 Sa wala pa mangabot ang mga paryenti ni Jaime nakigsalo siyag pangaon sa dili Judio. Apan sa pag-abot nila, mipahilayo siya ug wala na makighugoyhugoy nila. Nahadlok siya sa mga grupo sa Judeo. 13 Ang ubang Judio misunod sa iyang pagpakaaron-ingnon. Bisan si Bernabe nalibog. 14 Dihang nakita nako nga wala sila magbuhat sa husto pinasubay sa kamatuoran sa Ebanghelyo, akong giingnan si Kefas atubangan sa kadaghanan: kon kamong mga Judio miuyon pagpuyo daw dili Judio, hiniklin ang mga batasan sa mga Judio, nganong pugson man ninyo karon ang dili Judio sa pagpuyo nga daw Judio?

PAGPAAMBIT SA MENSAHE:

Ang maong ebanghelyo naghisgot diha sa kamatuoran sa pulong sa Dios nag nagaingon: nga ” Kitang tawo bisan diha sa pagkabalaan sama niining ebangheyo diin nakahimo ug salaod si Pedro diha sa pagtulun-an nga iyang gibarugan, nagpamatuod lamang nga kitang tawo mintras buhi pa makasala gayud, diha sa atong mga pulong sa atong hunahuna ug sa atong binuhatan.

Gikinahanglan gayud nga kitang tawo mangayo ug pasaylo matag-adlaw nga tanan diha sa atong pagsantos nga rosaryo, ug ang importante hukason nato ang atong dautan nga hiyas nag wala kahimut-i saDios, diin sa kanunay atong likayan ang pagpakasal pinaagi sa pagbalaan sa atong huna-huna, kasing-kasing ug mga kamot.

Panapos Nga Pag-ampo

ROMA 16 : 25~27

25 Makapalig-on siya ninyo, sumala sa maayong balita nga akong gisangyaw sa akong pagwali ni Cristo Jesus. Karon gibutyag ang misteryosong laraw nga natago sa daghang katuigan nga nangagi. 26 Tungod sa pagbuot sa tunhayng Diyos, gipadayag ni sa basahon sa mga propeta ug ang tanang kanasoran motoo sa pagtoo nga gisangyaw-kanila. 27 Himaya sa Diyos, ang bugtong maalamon, pinaagi ni Cristo Jesus hangtod sa kahangtoran. Amen.

PAGPAAMBIT SA MENSAHE:

Ang maong ebanghelyo naghisgot diha sa mga pag-ampo ug pagdayeg sa Dios diin mao ray bugtong hinagiban ug taming batok sa mga dautan. Kay matod pa walay sobra nga pag-ampo, diin bisan ug kada-oras kita mag-ampo dili pa kita makasiguro sa atong kaluwasan kay ang kaluwsan nga gihatag sa Dios ug iyang gisaad sa iyang mga katawhanm dili kini premyo o ganti tungod sa maayong buhat apan, usa kini ka gasa o grasya nga iyang ihatag kanato,aron sa ingon walay si bisan kinsa nga makapasigarbo diha sa atubangan sa Dios nga siya naluwas tungod sa maayong buhat , apan siya maluwas tungod sa kaluoy ug gugma sa Dios.

Busa angayan gayud diay mga igsoon nga kita mag-ampo diha sa Dios sa matag adlaw, aron sa ingon kita makadawat sa iyang panalangin kay matod pa sa balaang kasulatan , usa o duha nga mag-ampo tungod ug alang sa Dios, anaa si Jesus magauban kanunay kanila. Kay matod pa walay pag-ampo dinhi sa ibabaw sa kalibutan nga wala madunggi sa Dios, ang tanan nadunggan gayud ….Apan dili ang tanan nakadawat sa ilang panalangin.. kay ang kadaghanan nga naga-ampo anaa lamang sa tumoy sa dila ug wala magagikan sa ilang kasingkasing.



a

Ang Dakong Kaluwasan

HEBREO 2 : 1~4

1 Busa, kinahanglan nga patalinghogan nato ang mga pulong nga atong nadungog aron dili ta ma­salaag. 2 Ang mga pulong gikan sa anghel na­himong balaod. Ang tanang pag­supak ug pag­lapas maka­dawat sa tukmang silot. 3 Unsa­on man nato pagdawat sa pa­saylo kon pa­sagdan ta ang maong ka­­luwasan? Ang Ginoo mipahibalo ini pag-una ug midason ang nakadungog. 4 Gi­pun-an sa Diyos ang ilang pagsaksi pinaagi sa mga timailhan, mga butang nga kati­nga­lahan ug milagro nga lain­laig matang – labi pa ang mga gasa sa Espiritu Santo nga giapud-apod suma­la sa iyang gimbut-an.

PAGPAAMBIT SA MENSAHE:

Ang maong mensahe naghisgot diha sa maong ebanghelyo ni Jesus ug sa mga ebanghelyo usab sa iyang mga tinun-an diin ang tanan nagka-uyon nga ang pagtuo ug pagsunod sa pagtulon-an ni Jesus mao ang dakong kaluwasan. Diin siya ang sinugdanan ug ang kataposan, ang alpha ug ang omega, diin walay mahiabot didto sa langitnong amahan kundli moagi kaniya.

Diha sa pagkinabuhi ni Jesu Cristo dinhi sa kalibutan, ang iyang katuyu-an, mao gayud ang pagluwas kanatong mga makasasala, diin atong mapalandungan nga dili lang ang kadtong mga sumosunod kaniya ang iyang giluwas kundili kadto usab ang mga naglutos kaniya, diin iya usab nga giluwas diha sa pagpalansang sa krus.

Mao kini ang timailhan sa atong kaluwsan ang krus sa kalbaryo nga gipakamatyan ni Jesus diin matod pa sa balaang kasulatan bulahan ang mga katawhan nag nakaambit sa mga kasakitan ni Jesu Cristo didto sa langit kay makaambit usab sila sa iyang himaya sa pagkabanhaw didto sa langit.

Si Pablo Atubangan Ni Felix Ug Ni Drusila

BUHAT 24: 24 ~ 27

24 Human sa pipila ka adlaw, miabot si Felix uban sa iyang asawa, si Drusila nga Judio. Gipatawag si Pablo ug gipasulti bahin sa pagtoo ni Cristo. 25 Apan sa paghisgot ni Pablo bahin sa hustisya, sa pagpugong sa kaugalingon ug sa umaabot nga hukom, gipanguyawan si Felix. Miingon siya, “Makalakaw ka na. Pabalikon tikaw sa laing panahon.” 26 Si Felix nagpaabot nga si Pablo mohatag niyag salapi. Busa, kanunay ning gipatawag ug gipakigsultihan. 27 Milabay ang duha ka tuig. Si Felix gipulihan ni Porcio Festo. Tungod sa tinguha ni Felix nga magpabilin ang maayong relasyon tali niya ug sa mga Judio, gibiyaan niya si Pablo sa prisohan.

PAGPAAMBIT SA MENSAHE:

Ang maong ebanghelyo nagpasabot lamang diha sa mga pagsangyaw ug uban pang gimbuhaton sa mga apostoles, diin anaa ang tanan nga klase sa pagpanlutos ug pagbiay-abiay diin sama niadtong maong ebanghelyo nga diin gusto una nga modawat ug saburno ang maong ginganlan ug Felix bisan diha taliwala sa mga kapit-os nga giatubang ni Pablo. Gusto niyang adunay bugti ang pagpamati niya sa pulong sa Ginoo, ug sa kanunay usab gusto niya nga sa kanunay siya humot sa iyang mga kauban nga Judio.

Apan kining tanan mao lamay, pamaagi sa Dios Amahan diha sa pagtawag niya sa iyang katawhan diin ang iyang mga pinili pagapilian pa, kay matod ang kaluwasan sa atong kalag bisan diay kita mismo nga taglawas sa kalag dili diay makasiguro nga mahiadto sa langit ang mao natong kalag bisan luyo sa atong mga pag-ampo, nan unsa na kaha usab ang mga tawo nga walay mga pag-ampo, kadtong mga tawo nga nagabaligya usab sa pulong sa Dios, samot siguro nga walay kaluwsan ang ilang mga kalag. Kay matod pa sa balaang kasulatan 1 Corinto 1: 28, Ang kinabuhing dayun nga gisaad sa Dios usa kini ka gasa o grasya nga iyang gitagana nganhi sa iyang mga sumosunod ug dili kini siya ganti o premyo tungod sa maayong buhat, aron sa ingon walay isa nga makapasigarbo diha sa atubangan sa Dios nga siya naluwas gumikan sa maayong buhat.

Ang Espirituhanon Nga Pagkabuta

35 Nakadungog si Jesus nga ilang gihinginlan ang kanhi buta. Unya, nakit-an ni Jesus ang tawo ug giingnan, “Mitoo ka ba sa Anak sa Tawo?” 36 Mitubag siya, “Kinsa siya, aron makatoo ko niya?” 37 Miingon si Jesus, “Nakakita ka niya ug nakigsulti siya nimo karon.” 38 “Mitoo ko, Ginoo,” miingon ang tawo. Unya, gisimba niya si Jesus. 39 Miingon pa gyod si Jesus, “Mianhi ko ining kalibotana aron pagtuman sa usa ka hukom, makakita ang buta, ug mabuta ang makakita.” 40 Pipila sa mga Pariseo nga diha sa duol mitindog ug nangutana, “Mga buta ba mi? 41 Mitubag si Jesus, “Kon buta pa mo, wala unta moy sala; karon nga miingon mong, ‘nakakita mi,’ nagmatuod ni sa inyong sala.

PAGPAAMBIT SA MENSAHE:

Ang maong ebanghelyo naghisgot diha sa mga pagsangyaw sa kamatuoran ni Jesu Cristo diin iyang gipasabot diha sa maong niyang ebanghelyo nga kadaghanan nakakita sa kamatuoran ug mituo sa Dios apan dili nila madawat sa ilang huna-huna ang tawo nga nagasangyaw sa maong kamatuoran kay para kanila, walay katungod ang maong tawo nga ubos pa kanila ug kabutang diha sa pagsulti sa kamatuoran bahin sa Dios diin buot nilang ipasabot nga mas maalam sila kaysa niadtong mga tawo nga wala gani nakatunob sa eskwelahan apan mayo kaayong mopasabot sa kinabuhi ug gimbuhaton nga makaDios.

Nga sa ato pa mga igsoon nagpamatuod lamang nga sila makakita apan gibutahan ang ilang kasingkasing tungod sa naghinagpin nga garbo diha sa ilang pagkatawo, kay para kanila walay katungod ang nag ubos pa kaniola sa pagsulti sa himaya sa Dios, apan ang balaang kasulatan, nagaingon diha sa 1 Corinto1: 28, “ Gipili sa Dios ang mga tinamay ug mga dinaugdaug ug kadtong mga tawo nga nagpakaubos sa ilang kaugalingon diha sa iyang atubangan aron ang mga makinaadmanon ug mga maalamon dili makapasigarbo diha sa iyang atubangan, kay walay pulos ang mag tawhanon nga kaalam diha sa iyang gingharian, Kay matod pa walay angay nga atong ipanghinambog diha sa atubangan sa Dios kay ang tanan iya man..kun adunay man ugaling ipanghinambog kadto lamang mga milagro nga iyang gihimo diha sa atong tagsa ka kinabuhi.

Buroka Sa Mga Igsoon

1 CORINTO : 6 : 1 ~ 11

6 • 1 Kon duna moy reklamo batok sa usa ka igsoon, mangahas ba mo pagpahukom niya sa dili makiangayon, inay sa mga balaan? 2 Wala ba mo masayod nga ang mga balaan maghukom sa kalibotan? Kon kamoy mohukom sa kalibotan, dili ba mo angayng mohukom sa gagmayng butang?

3 Wala ba mo masayod nga nanghukom ta bisan sa mga anghel? Unsa pa kaha sa mga butang ining kinabuhia? 4 Kon makahukom mo sa mga butang ining kanbuhia, nan hukmi ang dili angayng kaigsoonan sa simbahan. 5 Nagsulti ko aron maulawan mo! Wala bay maalamon diha ninyo nga makahusay sa kaigsoonan?

6 Ang nahitabo hinuon mao nga ang usa ka igsoon mokiha sa lain atubangan sa walay pagtoo. 7 Makauulaw ug daotan ni. Nganong dili man mo makapailob og sayop o makaantos sa limbong? 8 Kamo na hinuon ang nakahimog daotan ug nanglimbong sa inyong igsoon. 9 Wala ba mo masayod nga ang dili makiangayon, dili makapanag-iya sa gingharian sa Diyos?

Ayawg linglaha ang inyong kaugalingon: ni ang namuta o ang nagsimba sa mga diosdios o ang nanapaw, ni ang mga bayot, 10 ni ang kawatan, o ang hakog o ang palahubog o libakero, ni ang mangingilad makapanag-iya sa gingharian sa langit. 11 Ang pipila ninyo sama ana kaniadto. Apan nalimpyo mo karon ug nabalaan. Gitarong mo sa ngalan ni Cristo Jesus ug sa Espiritu sa atong Diyos.

PAGPAAMBIT SA MENSAHE:

Ang maong ebanghelyo naghisgot diha sa mga kasungi-an diha sa mga igsoon, diin dili na lini kinahanglan nga dak-on pa kay kun nakatukib kita ug nakasabot sa pagtulon-an ni Jesus Cristo nan luagon nato ang atong kasing-kasing diha sa mga katawhan ug sa atong mga kaigsoonan nga nakasala, kay matud pa diha sa linain nga pagkasulat, atong pasayloon ang atong mag igsoon sa kapitu-an ug pito ka beses, nga sa ato pa ihatag nato ang atong pasaylo hangtod ika 77 ka beses.

Anp pulong sa Dios amahan nagpasabot nga walay gitugotan niya nga mga katawhan sa pagsilot sa mga kaigsoonan o sa iyang isigkaingon, nga sa ato pa kun adunay nakasala diha sa inong katungod o atubanagan nan isumbong siya sa Dios Amahan kay siya ra ang mahibalo nga mopahimatngon niini.

Nagpasabot lang kini mga igsoon nga ato gayung higugmaon ug tagaan ug dakong pasensya ang atong mga kaigsoonan kay matod pa sa balaang kasulatan ug sa buhing pulong sa Dios kini nagaingon nga Dili ang tawo maoy dautan kundili ang iya lang nga binuhatan, diin kini nga mga binuhatan iya sa dautan.

1 Corinto. 3: 16, nagaingon: ang lawas sa atwo maoy templo sa Dios espiritu santom ug ang molaglag sa templosa Dios iya sab nga pagalaglagon. Nga sa ato pa nga igsoonan diha sa imong paglutos ug pagdaug diha sa imong igsoon o sa imong isigkatawo, sama ra nga imong gipsipad-an ang Dios nag anaa sa matag lawas sa tawo.

Gipahibalo Ang Pagkatawo Ni Jesus

LUCAS 1:5~25

• 5 Sa panahon ni Herodes nga hari sa Juda, may pari nga ginganlag Zacarias, sa kaliwatan sa paring banay ni Abias. Kaliwat pod sa paring banay ang asawa, si Isabel. 6 Pulos sila tarong sa mata sa Diyos ug nanginabuhi nga walay kadaotan sumala sa tanan niyang balaod ug kasugoan. 7 Apan wala silay anak, kay landay na si Isabel ug tigulang na sila.

8 Samtang nagbuhat si Zacarias sa iyang katungdanan sa pagkapari atubangan sa Diyos natunong niya nga adtong panahona, 9 mosulod siya sa santwaryo aron pagsunog og insenso. Sumala sa naandang ripa sa mga pari, siyay napili alang ini. 10 Sa paghalad niyag insenso, samtang nag-ampo sa gawas ang tibuok lungsod, 11 mitungha ang anghel sa Ginoo nga nagtindog sa tuong bahin sa altar sa insenso. 12 Sa pagkakita niya sa anghel, nalibog si Zacarias ug nahadlok.

13 Apan ang anghel miingon: “Ayawg kahadlok, Zacarias; gidungog ang imong pag-ampo. Manganak ang imong asawa, si Isabel, og batang lalaki. Nganli siyag Juan. 14 Molipay ug mopahimuot siya nimo ug daghan ang malipay sa iya unyang paghimugso. 15 Mabantogan siya atubangan sa Ginoo. Dili siya moinom og bino o bisag unsang isog nga ilimnon; puno siya sa Espiritu Santo gikan pa sa sabakan sa inahan. 16 Pabalikon niya sa Ginoo nga ilang Diyos ang daghang tawo sa Israel. 17 Mag-una siya sa agianan padulong sa Ginoo, sa Espiritu ug sa gahom ni propeta Elias. Ipasig-uli niya ang ginikanan ug kabataan. Giyahan niya ang masupilon ngadto sa kahibawo ug katarong aron maandam ang lungsod alang sa Ginoo.”

18 Miingon si Zacarias sa anghel: “Unsaon ko pagtoo? Tigulang na ko ug ang akong asawa.” 19 Mitubag ang anghel: “Ako si Gabriel nga naa atubangan sa Diyos. Akoy gipadala aron pagsulti nimo, ug nagdala ko sa maayong balita. Ang akong mga pulong matuman inig-abot sa gitakdang panahon. 20 Apan dili ka motoo ug karon maamang ka, kay wala ka motoo; dili ka makasulti hangtod nga mahitabo ang tanan.

21 Samtang ang mga tawo naghulat ni Zacarias, natingala sila sa kadugay niya sulod sa santwaryo. 22 Sa paggawas, dili na siya makasulti. Busa, nasayran nila nga nakakita siyag panan-awon. Nagsinyas-sinyas na lang siya ug nagpabiling amang. 23 Human sa iyang turno sa pag-alagad, mipauli si Zacarias. 24 Nanglabay ang mga adlaw ug nagsabak ang asawa, si Isabel, nga wala mogawas sa balay sulod sa lima ka bulan ug miingon: 25 “Gibuhat ni sa Ginoo nga nagbuot pagkuha sa nakaulaw nako atubangan sa mga tawo.”


PAGPAAMBIT SA MENSAHE:

Ang maong ebanghelyo naghubit diha sa mga preparasyon sa pag-abot sa anak sa Dios diin bisan diha sa iyang mga pinili ug mga sumosunod aduna usab kini talagsaon nga hiyas, kay matod pa daan ng nakasulat diha sa balaang kasulatan nga ang anak sa tawo mahiabot diin siya pagasakiton tamayon ug lutoson, nan ingon usab niana ang nahi-agom mismo ni Juan magbubunyag diin mao man kini ang gitahasan sa pag bunyag sa Ginoong Dios inig-abot sa panahun.

Atong Makita diha sa maong ebanghelyo nga mga Diosnon usab ang moagapay sa pag-abot sa anak sa Dios apan lagi mao may nakalatid diha sa balaang kasulatan mga kun gusto nato nga dayegon ug himayaon didto sa gingharian sa Dios, nan puy-i ang kinabuhi nga puno sa pagpanglutos ug pagdaug-daug dinhi sa yuta, pas-ana ang imong krus sa kinabuhi ug sunod sa pagtulon-an ni Jesu Cristo.

Sa ato pa mga igsoon ang maong mga ehenplo gipakita ni Jesus diha sa paghiabot niya dinhi sa kalibutan. Ang Dios sa kamatuoran nagpabilin nga mabugnawon, mapailubon ug kanunay nga nagpaubos diha sa mag pagpanlutos kaniya.

Gamita Ang Imong Lawas Sa Paghimaya Sa Dios

1 COR 6 : 12~20

• 12 Ang tanan gitugot kanako sa balaod. Apan dili ang tanan makatabang nako. Ang tanan gitugot kanako sa balaod, apan dili ko magpaulipon sa bisag unsa. 13 Ang pagkaon alang sa tiyan, ug ang tiyan alang sa pagkaon, apan ang Diyos molaglag ini. Ang lawas hinunoa, dili alang sa pamuta kondili, sa Ginoo; ug ang Ginoo alang sa lawas. 14 Ang Diyos nga nagbanhaw sa Ginoo, mobanhaw sab nato pinaagi sa iyang gahom.

15 Wala ba mo masayod nga ang inyong lawas mga bahin ni Cristo? Himoon ba ninyo ang maong bahin nga bahin sa puta? Dili motugot ang Diyos! 16 Wala ba mo masayod nga ang nakighilawas sa puta, nahiusa niya? Ang Kasulatan nag-ingon: Ang duha usa ka lawas. 17 Sa laing bahin, ang nahiusa sa Ginoo nahimong espiritu uban niya.

18 Likayi sa hingpit ang pamuta. Ang ubang sala nga buhaton sa tawo wala maggamit sa lawas. Apan ang namuta nakasala batok sa kaugalingong lawas. 19 Wala ba mo masayod nga ang inyong lawas templo sa Espiritu Santo nga naa sulod ninyo, hinatag sa Diyos? Dili na mo tag-iya sa inyong kaugalingon. 20 Hinumdomi ang presyo sa gibayad alang ninyo. Busa, himayaa ang Diyos sa lawas ug sa espiritu nga iya sa Diyos.

PAGPAAMBIT SA MENSAHE:

Ang maong ebanghelyo naghisgot diha sa paghimaya sa Dios pinaagi sa pagtuman ug pagsugot sa iyang mga kasugoan ug mga kabubut-on. Ang Dios Amahan nagpakanaog sa iyang anak dinhi sa yuta aron sa pagsangyaw ug pagpasabot sa tinago nga kamatuoran pinaagi sa pagpakita sa ehemplo diha mismo sa iyang kabubut-on ug sa iyang kaugalingon nga mga pagsangyaw, pagpakita sa milagro ug sa pagpasakit ug pagdawat sa mga pagtamay.

Nga sa ato pa mga igsoon ang Dios tinuoray gayud nga nagmahal kanato ug siya gayud ang nangita kanato ug miluwas kanato pinaagi diha kang Cristo Jesus. Matod pa sa buhing mensahe sa Dios “ Didto ka pa sa tago-angkan sa imong inahan gitawag tana kang daan. Diin mosugot ka ug sa dili, maoabot gayud ang panahun nga mopasilong kasa landong sa espiritu santo.

Kay matod pa sa 1 Corinto : 3: 16.ang lawas sa tawo maoy templo sa espiritu santo sa Dios, ang moguba ug molaglag sa iyang templo iya sab nga pagalaglagaon. Kay matod pa sa atong mga katigulangan, Ang buhing tawo maoy kusog makagaba kay anaa man ang espiritu santo sa Dios uban kaniya, diin dili gayud nato angayang nga pasipad-an o pasakitan ang atong isigkatawo kay sama ra usab nga imong gipasakitan ang espiritu santo nga naa nagauban kanunay sa tawo

Diha sa ulohan niining maong ebanghelyo nagaingon: Gamiton nato ang atong kaugalingon diha sa mga hiyas o buhat nga makapahinuot sa Dios, pinaagi diha sa mga pag-ampo ug mga pangaliya, kay matod pa diha sa Timoteo 16: i6~ 18, kun gusto natong kahimut-an o mahimong tinun-an ni Jesus nan kalimti ang imong knabuhi, ug pas-ana, ang imong krus, ug sunod kang Jesus, ug bulahan ka igsoon nga nawad-an ug kinabuhi diha sa pagsunod sa Dios kay mahatagan ka ug bag-ong kinabuhi apan kun nahadlok ug nanganugon ka sa imong kinabuhi diha sa pagsunod mo kang Jesu nan bacin kun kawad-an ka hinuon niini

Ang Panihapon Sa Ginoo

1 COR 11 : 17 ~ 34

17 Niining akong gisulti, dili ko makadayeg ninyo. Ang inyong mga tigom dili alang sa kaayohan kondili, sa kadaotan. 18 Una, sumala sa nadungog ko, sa inyong mga tigom, dunay pagpinigay. Makatoo ko ini sa usa ka bahin. 19 Gikinahanglan tingali ang nagkalainlaing pundok diha ninyo sa ingon, makita kinsay nauyonan. 20 Ang inyong mga tigom dili na ang Panihapon sa Ginoo, 21 kay ang matag usa nagkaon sa kaugalingong pagkaon samtang ang uban gigutom, o naghubog. 22 Wala ba moy mga balay diin mangaon ug manginom? Tingalig nagtamay mo sa simbahan sa Diyos ug buot ninyong pakaulawan ang walay nahot? Unsay akong isulti? Modayeg ba ko ninyo? Apan tungod ini, dili ko makadayeg ninyo.

.
23 Mao ni ang pagtulun-an sa Ginoo nga akong nadawat ug nga, sa akong bahin, gibilin ko kaninyo: ang Ginoong Jesus, sa gabii nga gitugyan siya, mikuhag pan. 24 Human magpasalamat, iya ning gipikaspikas ug miingon: “Dawata ug kan-a. Ang ako ning lawas nga gipikas tungod ninyo. Buhata ni sa akong handomanan.” 25 Sa samang paagi, human sa panihapon mikuha siya sa kalis ug miingon: “Ang kalis ni sa bag-ong kasabotan sa akong dugo. Inig-inom ninyo gikan ini, buhata ni sa akong handomanan.” 26 Busa, sa tanang panahon nga mokaon mo sa pan ug moinom sa kalis, nagsangyaw mo sa kamatayon sa Ginoo hangtod sa iyang pagbalik. 27 Hinunoa, kon may mokaon sa pan ug moinom sa kalis sa Ginoo nga dili angay, nakasala siya batok sa lawas ug dugo sa Ginoo.

28 Mag-eksamen ang matag usa sa kaugalingon sa dili pa mokaon sa pan ug moinom sa bino 29 aron dili makaon ug mainom ang kaugalingong kondenasyon, kay wala siya moila sa Lawas ni Cristo. 30 Hinungdan ni nga may daghan ninyo nga huyang, masakiton, ug nangamatay. 31 Kon nag-eksamen pa ta sa atong kaugalingon, dili unta ta hukman. 32 Sa paghukom nato sa Ginoo, iya tang gitul-id aron dili makondenar ining kalibotana. 33 Busa, mga igsoon, inigtigom ninyo aron mangaon, paghulatay mo sa usag usa. 34 Kon may gigutom, makakaon siya sa kaugalingong balay. Niining paagiha dili mo magkatigom alang sa kondenasyon ninyong tanan. Ihatag ko ang ubang instruksyon kon naa na ko.

PAGPAAMBIT SA MENSAHE:

Ang maong ebanghelyo, nagsangpit diha sa kataposang panihapon sa Ginoo diin iyang gipakita ang usa ka panag-ingnan diin ang paghatag ug pagpakaon niya sa iyang mga katawhan sa gipikas nga pan maoy simbolo sa pagpahat sa iyang kaugalingon nga lawas ug dugo nga maoy iyang gipasunod diha sa iyang mga sumosunod, diin matod pa sa balaang kasulatan, diha sa linain nga sinulat nagaingon si Jesu Cristo mao ang kamatuoran ug ang pagkabanhaw.

Nga sa ato pa mga igsoon, kamatuoran gayud nga si Jesus Cristo maoy nagatubos kanato diha sa mga kasal-anan, diin ang mikalawat sa pan ug bino ni Jesus nagpasabot lamang usab nga mikalawat ug midawat kita kaniya. Nagpasabot lamang usab nga atong gipapuyo si Jesu Cristo diha sa atong tagsa-tagsa ka kasing-kasing, diin atong gibarugan ang iyang mga pagtulon-an nga gisangyaw sa iyang mga apostoles kaniadtong unang panahun.

Kay matod pa si Jesus maoy ulo niining iglisea nga atong gibarugan ug kitang mga sumosunod mao man ang lawas, diin diha usab sa atong pagbalaan ug pagsul-ob sa hiyas nga espirituhanon nan mas masayon kanato ang pagkinabuhi nga ha-om sa iyang kabubut-on, diin mas bale pa nga magkinabuhi kita nga langyaw niining kalibutana ug ha-om ngadto sa iyang kabubut-on kaysa magkinabuhi kita nga ha-om niining kalibutan apan ayran sa iyang gingharian didto sa langit.
.

Pagkinabuhi Sumala Sa Pagtawag Sa Dios Kanimo

1 COR 7: 17 ~ 24

17 Magkinabuhi ang usag usa sumala sa gasa nga gihatag kaniya sa Diyos ug sa iyang panawagan. Kini ang gisugo ko sa tanang simbahan. 18 May gitawag ba sa Diyos nga tinuli? Ayawg ipatangtang ang ilhanan sa pagkatinuli. May gitawag bang pisot? Ayaw siyag ipatuli. 19 Dili importanti ang pagkatinuli o pagkapisot. Ang impor-tanti mao ang pagtuman sa mga sugo sa Diyos.

20 Busa, ang matag usa magpabilin sa kahimtang sa pagtawag niya sa Diyos. 21 Kon ulipon ka nga gitawag, ayawg kabalaka; apan kon makuha nimo ang kagawasan, pahimusli ang higayon. 22 Ang gitawag sa pagtoo sa Ginoo bisag ulipon, gawasnon diha sa Ginoo. Ang gitawag sa pagkakristyano nga gawasnon, ulipon ni Cristo. 23 Gipalit mo sa Diyos sa dakong presyo. Hinunoa, ayawg paulipon sa mga tawo. 24 Busa, mga igsoon, magkinabuhi atubangan sa Diyos ang tanan sa kahimtang sa pagtawag sa Diyos sa matag usa

PAGPAAMBIT SA MENSAHE:

Ang maong ebanghelyo naghisgot diha sa nagkalain-laning paagi sa pagtawag sa Ginoo kanato pinaagi sa mga nagkalaing-laiing pagtulon-an nga gibarugan sa matag binuhat dinhi sa ibabaw sa kalibutan, ang balaang kasulatan nagpadayag nga lain-lain ang pagtawag sa Dios kaninyo, apan dili ang tanan nga nagasangpit sa iyang ngalan makasulod ngadto sa iyang gingharian kundili kadto lamang nagatuman sa iyang kabubut-on.

Usa ra ang Dios, usa ra ang balaang kasulatan apan daghan ang pagtulon-an, nga midagsang dinhi sa ibabaw sa kalibutan, diin dili momenus anaa na kini sa mga 40,000 ka pagtulon-an diin ang kadaghanan kanila nagapasibantog sa kaluwasan diha sa pagtulon-an nga ilang gibarugan, Apan ang buhing pulong sa Dios diha sa balaang kasulatan nagaingon, nga kitang tawo bisan diha sa kanunay nga mga pag-ampo ug mga paghalad ug pagsunod sa kabubut-on sa Dios, apan diha sa atong pagbiya niining kalibutan, dili nato , matagna ug masiguro ang kaluwasan sa atong kalag, nan unsa na kaha ang kadtong mga tawo nga walay mga pag-ampo ug walay pagtuo as Dios asmot nga wa gayuy siguro ang ilang kaluwasan.

1 Corinto, 1: 28 nagaingon, ang dakaong kaluwasan nga gisaad as Dios sa iyang mga sumosunod nga sa kanunay nagatamod sa iyang mga sugo, dili kini ganti o premyo tungod sa maayong binuhatan, kundili ang maong kaluwasan nga gisaad sa Dios ngadto sa iyang mga piniling katawhan, usa kini ka grasya o gasa nga gihatag sa Dios ngari kanato, aron sa ingon, walay si bisan kinsa nga makapasigarbo diha sa atubangan sa Dios nga siya naluwas pinaagi sa maayong buhat, kundili siya naluwas gumikan sa grasya ug kalooy sa Dios.

Nagpasabot lamang mga igsoon nga lisod ang pag-hiabot ngadto sa gingharian sa Dios diin mag-agi ka ug mga kalisod diha sa agianan, diin puno kini sa tunok, batohon ug bangilid, ug ania ra kana nga agianan dinhi sa walog sa mga buhi diin mao na kini nga pagtulon-an nga atong gibarugan diin anaa ang mga paglutos ug mga kasakitan, Apan ang dalan paingon sa kalaglagan sa imong kalag, diin halu-ag kini ug daghan ang gapangagi niini nan mao kanang mga kahilayan nga anaa sa palibot, diin sa kanunay sama sa piyang-piyang nga masaba ug magahub, diin anaa ang mga patay sindi ang ilaw…Apan bulahan pa ang atong mga kaigsoonan nga nahisalaag nianang dapita kay aduna pay pasaylo nga giandam ang Dios para kanila tungod kay inosente pa man sila sa kamatuoran, apan kita nga nahibalo ug nakatugkad niining maong pagtulon-an nga atong gibarugan, wala nay pasaylo ang Dios para kanato sa higayon nga talikdan ta kini nga pagtulon-an.

Mga Sulogoon Sa Dios

1 CORINTO 3: 1~23

• 1 Apan mga igsoon, wala tamo ikahinabi isip mga tawong espirituhaon kondili, nga lawasnon, mga masuso diha ni Cristo. 2 Gatas ang akong gipainom ninyo, dili gahing pagkaon, kay dili pa mo makasugakod hangtod karon. Bisan gani karon, dili mo makahimo, 3 kay yutan-on ug naglakat gihapon mo sama sa mga ordinaryong tawo. 4 Samtang may nag-ingon: “Kang Pablo ko,” ug, “Kang Apolo ko,” dili ba mga yutan-on mo? 5 Kinsa diay si Apolo? Ug si Pablo? Mga alagad sila. Pinaagi nila mitoo mo sumala sa gian- dam sa Ginoo alang sa usag usa. 6 Akoy nagtanom, si Apolo ang nagbisibis, ug ang Diyos ang nagpatubo. 7 Dili importanti kinsay nagtanom o nagbisibis kondili, ang Diyos nga nagpatubo.

8 Parehog tumong ang nagtanom ug ang nagbisibis; gantihan ang matag usa pinasikad sa iyang kabudlay. 9 Mga mamumuo ta uban sa Diyos, apan uma mo sa Diyos ug balay niya. 10 Sa grasya sa Diyos nga gitugyan kanako daw maalamon nga magtutukod, akoy nagbutang sa sukaranan. Lain ang motukod. Mag-amping lang ang matag usa kon unsaon pagtukod. 11 Dili makahimo pagbutang ang usa ka tawo sa laing sukaranan gawas sa gikabutang na, si JesuCristo. 12 Apan sa pagtukod sa maong sukaranan, may mogamit og bulawan, plata, mahalong mga bato, kahoy, dagami o uhot. 13 Ipakita ang kalidad sa binuhatan sa matag usa sa adlaw sa pagbutyag ini. Kay ipadayag ni sa kalayo ug sulayan ang matang sa binuhatan sa tawo. 14 Kon molungtad ang gibuhat sa nagtukod, gantihan siya. 15 Kon matun-as, mag-antos siya sa kadaot. Maluwas man tuod siya, apan pinaagi lang sa kalayo.

• 16 Wala ba mo masayod nga mga templo mo sa Diyos ug napuyo ninyo ang espiritu sa Diyos? 17 Ang moguba sa templo sa Diyos, gub-on sab sa Diyos. Balaan ang templo sa Diyos ug iya mong mga templo. • 18 Wala untay manglimbong sa kaugalingon. Kon may usa ninyo nga magpakamaalamon ining kalibotana, magpakabuang siya aron mamaalamon. 19 Kay ang kaalam ining kalibotana giisip sa Diyos nga kabuang. Sa pagkatinuod, nasulat: Makuha sa Diyos ang maalamon sa kaugalingong kaalam. 20 Sa laing bahin nasulat sab: Nasayod ang Ginoo sa mga hunahuna sa maalamon, walay kapuslanan ang tanan. 21 Busa, ayawg ipasigarbo si bisag kinsa; kay inyoha ang tanang butang 22 bisan si Pablo o si Apolo o si Kefas o ang karon ug ugma. 23 Inyoha ang tanan, ug iya mo ni Cristo, ug si Cristo iya sa Diyos.

PAGPAAMBIT SA MENSAHE:

Ang maong ebanghelyo nagpasabot lamang diha sa mga unang apostoles ni Jesus diin sila maoy gitahasan sa mga pagsangyaw sa kamatuoran, diin sila maoy gihimong sumbanan sa katarong ug kadasig diha sapagtulon-an nga ilang gibarugan kay matod pa ilang gisul-ob ang hiyas nga gisangyaw ug gipaambit ni Jesu Cristo nga mao ang pagkamangindawaton ug angpagkamapaubsanon ang kanunay nga pagpuasa diha sa mga kasal-anan.

Kay matod pa diha sa maong ebanghelyo kita mao ang templo sa Dios ug ang molaglag sa templo sa Dios nga mao kita nan iya sab nga laglagon. Nga sa ato pa balaan ang matag lawas sa tawo kay anaa ang espiritu sa Dios nagapuyo niini, sa samang pgkasulti kun unsay imong gibuhat sa imong isigkatawo nan. Mao usab kana ang imong gibuhat sa Dios nga anaa sa lawas sa matag tawo.

Ang balaang kasulatan nagaingon nga walay tawo dinhi sa ibabaw sa kalibutan nga gitugotan sa Dios sa pagsilot sa iyang isigkatawo nan sa ato pa kun ikaw nabintahaan o gilupigan nan isumbong sa Dios aron siya ang mopahimatngon niini.

Ug diha sa laing bahin sa maong pagsangyaw sa balaang kasulatan nagaingon ang Dios mga iyang gipili ang maga katawhan nga tinamay ug mga sinalikway, kadtong mga tawo nga hubo sa tawhanon nga kaalam aron sa ingon ang mga maalamon ug mga makiadmanon dili maka pasigarbo diha saiyang atubangan kay matod pa walay pulos ang mga tawhanon nga butang ug kaalam didto sa langit ug nga wala angay nga ipasigarbo diha sa Dios gawas lamang sa mga milagro nga iyang gipadangat sa atong kinabuhi.

Gipahibalo Ang Pagkatawo Ni Jesus

LUCAS 1:5~25

• 5 Sa panahon ni Herodes nga hari sa Juda, may pari nga ginganlag Zacarias, sa kaliwatan sa paring banay ni Abias. Kaliwat pod sa paring banay ang asawa, si Isabel. 6 Pulos sila tarong sa mata sa Diyos ug nanginabuhi nga walay kadaotan sumala sa tanan niyang balaod ug kasugoan. 7 Apan wala silay anak, kay landay na si Isabel ug tigulang na sila.

8 Samtang nagbuhat si Zacarias sa iyang katungdanan sa pagkapari atubangan sa Diyos natunong niya nga adtong panahona, 9 mosulod siya sa santwaryo aron pagsunog og insenso. Sumala sa naandang ripa sa mga pari, siyay napili alang ini. 10 Sa paghalad niyag insenso, samtang nag-ampo sa gawas ang tibuok lungsod, 11 mitungha ang anghel sa Ginoo nga nagtindog sa tuong bahin sa altar sa insenso. 12 Sa pagkakita niya sa anghel, nalibog si Zacarias ug nahadlok.

13 Apan ang anghel miingon: “Ayawg kahadlok, Zacarias; gidungog ang imong pag-ampo. Manganak ang imong asawa, si Isabel, og batang lalaki. Nganli siyag Juan. 14 Molipay ug mopahimuot siya nimo ug daghan ang malipay sa iya unyang paghimugso. 15 Mabantogan siya atubangan sa Ginoo. Dili siya moinom og bino o bisag unsang isog nga ilimnon; puno siya sa Espiritu Santo gikan pa sa sabakan sa inahan. 16 Pabalikon niya sa Ginoo nga ilang Diyos ang daghang tawo sa Israel. 17 Mag-una siya sa agianan padulong sa Ginoo, sa Espiritu ug sa gahom ni propeta Elias. Ipasig-uli niya ang ginikanan ug kabataan. Giyahan niya ang masupilon ngadto sa kahibawo ug katarong aron maandam ang lungsod alang sa Ginoo.”

18 Miingon si Zacarias sa anghel: “Unsaon ko pagtoo? Tigulang na ko ug ang akong asawa.” 19 Mitubag ang anghel: “Ako si Gabriel nga naa atubangan sa Diyos. Akoy gipadala aron pagsulti nimo, ug nagdala ko sa maayong balita. Ang akong mga pulong matuman inig-abot sa gitakdang panahon. 20 Apan dili ka motoo ug karon maamang ka, kay wala ka motoo; dili ka makasulti hangtod nga mahitabo ang tanan.

21 Samtang ang mga tawo naghulat ni Zacarias, natingala sila sa kadugay niya sulod sa santwaryo. 22 Sa paggawas, dili na siya makasulti. Busa, nasayran nila nga nakakita siyag panan-awon. Nagsinyas-sinyas na lang siya ug nagpabiling amang. 23 Human sa iyang turno sa pag-alagad, mipauli si Zacarias. 24 Nanglabay ang mga adlaw ug nagsabak ang asawa, si Isabel, nga wala mogawas sa balay sulod sa lima ka bulan ug miingon: 25 “Gibuhat ni sa Ginoo nga nagbuot pagkuha sa nakaulaw nako atubangan sa mga tawo.”

PAGPAAMBIT SA MENSAHE:

Ang maong mensahe nagpasabot diha sa pagpangandam sa pag-abot sa anak sa Dios diin nahitala ug gipaabot na diha samga panumdoman sa mga karaaamg mag propeta ug kini siya natumana gayud agad sa kabubut-on sa Dios diin sa ato pa mga igsoon ang tanan nahitala gayud ug ha-om sa kabubut-on sa Dios.

Daghan ang mag milagro nga gipasinati sa wala pa moabot ang maong pagkatawo sa Dios nga Jesu Kristo. Usa na ang pagkatawo ni Juan magbubunyag diin matawag nga ig-agaw ni Jesu Cristo diin sa dugay nag panahun wala gayud manganak ang iyong mga ginikanan apan tungod sa kabubut-on sa Dios diin gipadangat gayud ug nahimugso si Juan nga maoy nagabunyag sa anak sa Dios pag-abot sa anak sa tawo.

Nagpasabot lamang mga igsoon nga kamatuoran gayud ang nahisulat sa balaang kasulatan diin nagaingon kini nga kun gusto nato nga himayaon ug dayegon didto sa langit nan puy-i ang kinabuhi nga puno sa pagpasakit ug pag-antosa dinhi sa yuta ug bulahan ang nakaambit sa mga kasakitan ni Jesus diha sa krus kay makaambit usab sa himaya sa iyang pagkabanhaw didto sa langit. Nga sa ato pa mga igsoon si Jesus mismo gikan sa iyang pagkatawo paingon sa paglansang sa krus iyang gipakita isip pagtulon-an sa mga nagasunod kaniya….nga ang mag-antos uban kaniya mahiadto gayud sa iyang gingharian.

Pagsimba Didto Sa Langit

GIPADAYAG 4: 1~11

1 Tapus niini, mitan-aw ako, ug ania karon, diha sa langit ang usa ka pultahan nga inablihan! Ug kadtong unang tingog nga akong nadungog nga misulti kanako nga daw huyop sa trumpeta, miingon kanako, "Saka ngari, ug ipakita ko kanimo ang kinahanglan magakahitabo tapus niini." 2Dihadiha nahisulod ako sa Espiritu, ug tan-awa, dihay usa ka trono sa langit, ug sa trono dihay naglingkod! 3Ug ang naglingkod niini may panagway nga morag mutya nga haspe ug cornalina, ug ang trono giliyukan sa usa ka balangaw nga morag bulok sa esmeralda.

:

4Ug ang trono gialirongan ug kaluhaag-upat ka mga trono, ug diha sa mga trono nanaglingkod ang kaluhaag-upat ka mga anciano nga sinul-obag mga maputi nga bisti, ug may mga purongpurong nga bulawan diha sa ilang mga ulo. 5Gikan sa trono anaay nanggula nga mga pangidlap sa kilat ug mga tingog ug mga linipak sa dalogdog, ug sa atubangan sa trono anaay nagadilaab nga pito ka sulo sa kalayo, nga mao ang pito ka espiritu sa Dios; 6ug sa atubangan sa trono anaay morag dagat nga bildo, daw kristal. 7ang nahaunang buhing binuhat daw leon, ang ikaduhang buhing binuhat daw baka nga toro, ang ikatulong buhing binuhat may nawong sa tawo, ug ang ikaupat nga buhing binuhat daw agila nga nagalupad.

8 Ug ang upat ka mga buhing binuhat, nga matag-usa niini may unom ka pako, nalukop sa mga mata ang tibuok libut ug sulod nila, ug sa maadlaw ug sa magabii wala silay hunong sa pag-awit nga nagaingon, Balaan, balaan, balaan, ang Ginoong Dios nga Makagagahum sa Tanan, nga mao ang sa kagahapon, ang sa karon, ug ang sa umalabut!" 9Ug sa diha nga ang mga buhing binuhat magahatag ug himaya ug pasidungog ug pasalamat ngadto kaniya nga nagalingkod sa trono, nga mao ang buhi hangtud sa kahangturan,

10ang kaluhaag-upat ka mga anciano mohapa sa atubangan niadtong nagalingkod sa trono ug managsimba kaniya nga mao ang buhi hangtud sa kahangturan; ug ang ilang mga purongpurong ipangitsa nila ngadto sa atubangan sa trono, dungan sa pag-awit nga magaingon, 11"Takus ikaw, O among Ginoo ug Dios, sa pagdawat sa himaya ug dungog ug gahum, kay ikaw mao man ang nagbuhat sa tanang butang, ug pinaagi sa imong pagbulot-an milungtad ug nangahimo sila."

PAGPAAMBIT SA MENSAHE:

Ang maong ebanghelyo naghubit sa panghitabo didto sa matuod nga kalibutan, diin ang kadtong maluwas nga kalag pagasul-oban na unya sa epirituhanong lawas ug himayaon didto sa gingharian sa Dios diin matod pa sa ubang sinulat ng didto tukuron sa dios ang bag-ong Jerusalem diin kadtong iyang mga pinili ug pinatikan sa espiritu santo sa Dios iyang pagatipukon ug koralon didto sa maong Jerusalem nga maoy gingharian sa Dios.

Diha sa maong ebanghelyo gihulagway ang trono sa Dios Amahan nga hupong sa mga bahandi ug mahal nga mga bato, diin kini nagamatuod lamang sa kasulatan nga nagaingon kung gusto natong himayaon ug dayegon didto sa iyang gingharian sa langit nan puy-an ta ang kinabuhi nga puno sa mga pag-antos ug pagpasakit dinhi sa yuta, pas-ana ang imong krus sa kinabuhi ug sunod sa mag pagtulon-an ni Jesus. Kay bulahan ka igsoon nga nakaambit sa mga pag-antos ni Jesus didto sa krus kay makaambit ka usab sa himaya sa iyang pagkabanhaw didto sa langit. Diin ginaingon nga wala nay mga kasakit ug kapit-os didto sa langit diin lunlon kalipay ug himaya ang imong matagamtam kun atu-a kana unya didto sa iyang gingharian.

Si Pedro Ug Si Juan Atubangan Sa Labawng Hukmanan

BUHAT 4: 1 ~ 22

• 1 Samtang si Pedro ug si Juan nagsulti sa katawhan, ang mga pari, ang kapitan sa gwardiya sa templo, ug ang mga Sadduceo miduol nila. 2 Natugaw silag dako, kay nagtudlo sa katawhan ug nagwali ang apostoles nga ang pagkabanhaw gikan sa mga patay namatud-an diha ni Jesus. 3 Kay gabii na man, gidakop sila ug gipreso hangtod sa sunod adlaw. 4 Apan bisan pa ana, nanoo ang kadaghanan nga nakadungog sa mensahe. Midaghan sila; mikabat og 5,000 ang gidaghanon.

5 Sa sunod adlaw, nagtigom sa Jerusalem ang mga pangulo sa mga Judio, ang mga magulang ug magtutudlo sa Balaod. 6 Mitambong si Anas, ang Labawng Pari, si Caifas, si Jonatan, si Alejandro, ug ang tanang sakop sa taas nga han-ay sa kaparian. 7 Gidala si Pedro ug Juan sa ilang atubangan ug gipangutana, “Giunsa ni ninyo pagbuhat? Kinsang ngalan ang inyong gigamit?”

8 Unya, si Pedro, puno sa Espiritu Santo, miingon, “Mga Pangulo sa katawhan! Mga Magulang! 9 Ang tinuod gyod gitukitoki mi karon tungod sa maayong buhat nga nahimo alang sa bakol. Giunsa siya pag-ayo? 10 Kinahanglang masayod mo ug ang tibuok katawhan sa Israel, Naayo sa Ngalan ni JesuCristo nga taga Nasaret ang tawo nga nagbarog sa inyong atubangan. Gipalansang siya sa krus, apan ang Diyos mibanhaw niya sa mga patay. 11 Si Jesus mao ang bato nga gisalikway sa mga magtutukod, apan nahimo nga batong sukaranan. 12 Walay kaluwasan sa lain, kay walay laing Ngalan nga gihatag sa katawhan sa tibuok kalibotan nga makaluwas.”

13 Natingala sila sa kaisog ni Pedro ug ni Juan nga wala man untay edu-kasyon ug katakos. Namatngonan nila nga nag-uban-uban sila ni Jesus. 14 Apan, samtang nagbarog sa kiliran ang tawo nga naayo, wala silay ikatubag. 15 Busa, gisugo si Pedro ug si Juan sa kadagkoan pagbiya sa lawak sa konseho samtang magsabutsabot sila. 16 Nangutana sila, “Unsay buhaton ta ining mga tawhana? Nasayod ang tanang lumolupyo sa Jerusalem nga may katingalahang timailhan nga gihatag pinaagi nila. Ug dili ta makalimod. 17 Apan aron dili ni mosamot pagkaylap sa katawhan, pasidan-an ta sila sa dili paghisgot o pagtudlo ni bisag kinsa bahin niya kansang ngalan ilang gisangpit.” 18 Busa, gitawag sila pag-usab ug gimandoan sa dili na paghisgot o pagtudlo sa ngalan ni Jesus.

19 Apan si Pedro ug Juan mitubag, “Hukmi kon husto ba sa panan-aw sa Diyos nga mosunod mi ninyo, inay Niya. 20 Dili mi makahunong pagsulti sa mga butang nga nakita namo ug nadungog.” 21 Unya, gihulga sila sa konseho sa makausa pa ug gipalakaw. Walay nakitang hinungdan sa pagsilot nila tungod sa katawhan nga naghimaya sa Diyos gumikan sa nahitabo, 22 kay ang naayo sa milagro kapin na sa 40 anyos

PAGPAAMBIT SA MENSAHE:

Ang maong ebanghelyo naghisgot diha sa mga milagro sa Dios diin nagpabilin ang maong milagro bisan ug wala na si Jesus dinhi sa yuta ug diin ang iya na lang mga piniyalan maoy nagpadayon sapagsangyaw sa maong kamatuoran,

:
Dili madawat sa maong panggobyerno ang maong pagtulon-an nga gisangyaw sa maong mga apostoles apan lagi dili man matu-is ang kamatuoran diha sa mga milagro mao nga igo na lang sila sa paghulga sa maong mga binuhat, kay matod pa kun iya sa Dios nan walay butang nga makababag niini dinhi sa kalibutan.

Kay lagi matod pa bisan si Jesus diha sa iyang pagsangyaw diin nagpakayano lamang siya nga linalang ug wala niya gamita ang iyang pagka Dios , Diin gipakaingon lamang nila kini nga yano lamang kini sama sa bato apan, bato man diay nga labing importante nga maoy sumbanan ug tugkaran diha sa pagtulun-an nga iya sa Dios.

Kay matod pa lahi gayud ang pamaagi sa Dios, diin wala kini magdali kay unsa may dali-an nga ila man ang tanang oras. Nan unsa pa man ang atong dugayan mga igsoon, angayan lamang nga atong kalawaton si Jesus isip maoy atong matuod mga Dios ug diin maoy atong ipahari sa atong dughan ug kasingkasing, kay matod pa dili gayud mahitabo nga iyang talikdan ang iyang katawhan kun kina nagaampo kanila.

Mga Sulogoon Sa Dios

1 CORINTHO 3: 1~23

1 Apan mga igsoon, wala tamo ikahinabi isip mga tawong espirituhaon kondili, nga lawasnon, mga masuso diha ni Cristo. 2 Gatas ang akong gipainom ninyo, dili gahing pagkaon, kay dili pa mo makasugakod hangtod karon. Bisan gani karon, dili mo makahimo, 3 kay yutan-on ug naglakat gihapon mo sama sa mga ordinaryong tawo.
4 Samtang may nag-ingon: “Kang Pablo ko,” ug, “Kang Apolo ko,” dili ba mga yutan-on mo? 5 Kinsa diay si Apolo? Ug si Pablo? Mga alagad sila. Pinaagi nila mitoo mo sumala sa gian- dam sa Ginoo alang sa usag usa. 6 Akoy nagtanom, si Apolo ang nagbisibis, ug ang Diyos ang nagpatubo. 7 Dili importanti kinsay nagtanom o nagbisibis kondili, ang Diyos nga nagpatubo.
8 Parehog tumong ang nagtanom ug ang nagbisibis; gantihan ang matag usa pinasikad sa iyang kabudlay. 9 Mga mamumuo ta uban sa Diyos, apan uma mo sa Diyos ug balay niya.
10 Sa grasya sa Diyos nga gitugyan kanako daw maalamon nga magtutukod, akoy nagbutang sa sukaranan. Lain ang motukod. Mag-amping lang ang matag usa kon unsaon pagtukod. 11 Dili makahimo pagbutang ang usa ka tawo sa laing sukaranan gawas sa gikabutang na, si JesuCristo. 12 Apan sa pagtukod sa maong sukaranan, may mogamit og bulawan, plata, mahalong mga bato, kahoy, dagami o uhot. 13 Ipakita ang kalidad sa binuhatan sa matag usa sa adlaw sa pagbutyag ini. Kay ipadayag ni sa kalayo ug sulayan ang matang sa binuhatan sa tawo. 14 Kon molungtad ang gibuhat sa nagtukod, gantihan siya. 15 Kon matun-as, mag-antos siya sa kadaot. Maluwas man tuod siya, apan pinaagi lang sa kalayo.
• 16 Wala ba mo masayod nga mga templo mo sa Diyos ug napuyo ninyo ang espiritu sa Diyos? 17 Ang moguba sa templo sa Diyos, gub-on sab sa Diyos. Balaan ang templo sa Diyos ug iya mong mga templo.

Ayawg bahina ang Iglesya
• 18 Wala untay manglimbong sa kaugalingon. Kon may usa ninyo nga magpakamaalamon ining kalibotana, magpakabuang siya aron mamaalamon. 19 Kay ang kaalam ining kalibotana giisip sa Diyos nga kabuang. Sa pagkatinuod, nasulat: Makuha sa Diyos ang maalamon sa kaugalingong kaalam. 20 Sa laing bahin nasulat sab: Nasayod ang Ginoo sa mga hunahuna sa maalamon, walay kapuslanan ang tanan.
21 Busa, ayawg ipasigarbo si bisag kinsa; kay inyoha ang tanang butang 22 bisan si Pablo o si Apolo o si Kefas o ang karon ug ugma. 23 Inyoha ang tanan, ug iya mo ni Cristo, ug si Cristo iya sa Diyos.

PAGPAAMBIT SA MENSAHE

Ang maong ebanghelyo nagtagik diha sa atong pagbarog isip kristyano diin sa kanunay atong gihambin ug gidala ang pagtulon-an ni Jesus. Diin bulahan kadtong mga unang tinawag nga mga apostoles diin wala nila duha-duha-i ang mga pagtulon-an ni Jesu aCristo niatong panahuna, diin bisan daghan ang nagyubit ug naglutos kanila sila nagmaisugon diha sa pagsangyaw sa maong kamatuoran.

Sila ang unang mga sulogoon s adios diin bisan diha sa ilang mga pag-antos wala nila atrasi ang pagtulon-an nga gibilin ni Jesu Cristo ngadto kanila. Diin ilang natukib ug nasuta nga diay ang atong tawhanon nga lawas walay bili didto sa langit kay kini madugta man lang ug nmaabo o mobalik sa abog ini-abot na sa taong kamatayon, Diha sa kamatayon sa maong unanga mga apostoles diin halos silang tanan gibitay man nga nagtu-ali, ayha sila gipatay apan wala nila kahadluki ang ilang lamatayon kay para kanila anna pay kinabuhi human sa kamatayon ug mao kini ang importante, diin diha sa wala pa sila patya, nanag-awit sila sa pagdayeg ug himaya ngadto sa atong Ginoo.

Usa kini katulukibong pagtulon-an diin ang pagkasulogoon sa Dios sa kanunay makadawat gayud sa mga pag-atos ug paglutos sa atong mga isigkaingon, apan nagpasabot lamang kini nga ang pag-antos ugpagpasakit alang ug tungod sa pagtulon-an sa maoy pagpasabot lamang nga gidawat mo si Jesus Cristo diha sa atong kasing-kasing..

Mga Pahimangno Ug Pasidaan

HEBREO 12 : 12 ~ 29

12 Nan, ipataas ang nanga­huy­hoyng kamot. Lig-ona ang tuhod nga nag­kurog­kurog. 13 Pataga ang agia­nan aron ang mga piangon maayo, imbis mabakol. 14 Pakigbisog alang sa kalinaw uban sa tanang katawhan. Paning­ka­mot nga mabalaan mo. Kon walay ka­balaan dili mo makasud-ong sa Ginoo. 15 Tan-awa nga walay mahi­mu­lag sa grasya sa Diyos. Basig may pan­yawan nga moturok ug ang hilo ini ma­ka­daot sa kadaghanan. 16 Ayawg­ tugot nga may masalaag ug mahi­sama ni Esau. Gibaligya niya ang ka­tungod isip pa­nga­nay tungod sa pagkaon. 17 Sayod mo nga dihang nangayo na siya sa pa­nalangin, giba­libaran siya bisag nag­pakiluoy pa inubanan sa mga luha. 18 Naa na mo sa bukid nga dili ining kalibotana. Didto walay kalayo nga nag­dilaab, kangitngit, kangiob ug mga bagyo, 19 lanog sa mga trom­peta o ti­ngog nga naghangyo nga wa­la nay pu­long nga malitok.


PAGPAAMBIT SA MENSAHE:

Ang maong ebanghelyo naghisgot diha sa pagbalaan sa tawo diin sa kanunay atong isul-ob ang espiritu santo nga gisul-ob ni Jesu Cristo diin mao man kini ang sumbanan sa imong pagka-Kristiyano , sama sa pagkamapaubsanon, mangindawaton ug sa kanunay naga-ampo ug nagpasidungog sa Dios. Usa ra ang espiritu santo, usa ra ang Dios nga anak ug Dios Amahan, nga sa ato pa tutulo ka personas apan mao ra nga Dios. Diha pagbalik ni Jesus sa langit iyang gibilin ang espiritu santo ngari kanato aron maoy manalangin kanunay diha sa atong pagpakigbisog, apan kinahanglan nga kita magabalaan sa kanunay aron magpabilin ang espiritu santo ug molipang diha sa atong dughan.

Matod pa diha sa balaang kasulatan wala ipamugos sa Dios ang iyang gingharian apan bulahan ka igsoon nga maoy gipili sa Dios ug gipatikan sa espiritu santo kay sa kanunay makadawat ka sa panalangin ug sa ingon, pinili kang katawhan sa Dios apan lagi kun pinili ug pinalabi ka nga tinun-an sa Dios nan nahasulat na diha sa imong palad nga ikaw pagasakiton ug pagalutoson dinhi sa walog sa mga buhi apan bulahan kun sa kanunay nagapasidungog ka sa Dios diha sa iyang mga pag-ampo kay matukhan man sa Dios ang imong mga kalisdanan.

Si Jesus Ang Pangulong Pari

HEBREO 8: 1~13

1 Ang mahinungdanong bahin sa atong gihisgotan mao nga duna tay usa ka labawng pari nga nag­­ling­kod sa tuo sa diyosnong Ka­ma­halan sa Langit. 2 Nag-alagad siya isip ministro sa tinuod nga templo ug santwaryo nga gimugna sa Ginoo, dili sa mga tawo.
3 Ang labawng pari gitudlo aron pag­halad sa Diyos og gasa ug sak­ripisyo. Kinahanglang mo­halad si Jesus og mga sakripisyo. 4 Kon nag­pabilin pa sa kalibotan, dili unta siya mapari, kay may uban nga nang­halad og mga gasa sumala sa Balaod. 5 Sa pag­ka­­tinuod, ang mga halad nga gihimo adtong mga paria sinuon ug anino lang sa halad nga langitnon. Nasayod ta sa pulong sa Di­yos kang Moises mahitungod sa pag­tukod sa balaang tolda. Nag-i­ngon siya: Buhata ang tanan sumala sa gila­tid ko kanimo didto sa bukid.

:
6 Karon hinuon, si Jesus nagbaton sa mas hamiling ministeryo tungod sa mas maayong kasa­botan nga gipa­si­kad sa mas maayong mga panaad. 7 Kon hingpit pa ang unang kasa­botan, wala na kina­hang­lana ang lain. 8 Apan sa pagkakita sa Diyos nga may kaku­langan ni, mi­ingon siya:
Nagsingabot na ang mga adlaw – pulong sa Ginoo – nga mag-umol kog bag-ong kasabotan uban sa kataw­han sa Israel ug sa katawhan sa Juda.
9 Dili ni sama sa kasabotan nga akong gipanday uban sa ilang katigu­la­ngan sa adlaw nga giagak ko sila ug gipagawas sa Ehipto. Wala nila tuma­na ang among kasabotan. Busa, gipa­sagdan ko sila, matud pa sa Ginoo.

:
10 Apan kini ang kasabotan nga akong himoon uban sa umaabot nga kataw­han sa Israel. Isilsil ko ang ba­laod sa ilang ulo ug isulat sa ilang kasing­­kasing. Ako ang ilang Diyos ug sila ang akong katawhan.
11 Walay usa nila nga manudlo sa ka­­taginasod o moingon sa ilang igso­on: Ilha ang Ginoo. Kay makaila sila nako gikan sa kinaubsan ngadto sa kinadak-an. 12 Pasayloon ko ang ilang kasal-anan ug dili ko hi­num­doman ang ilang kasaypanan.
13 Dinhi gipadayag kanato ang Bag-ong Kasabotan: nagpasabot nga ang nahiuna wala nay kapuslanan. Sa ka­du­­gayan mawagtang ra ang Daan.

PAGPAAMBIT SA MENSAHE:

Ang maong ebanghelyo nagsaysay sa serbesyo sa mga kaparian niadtong unang panahun diin sa kanunay sila nagahalad ug nangayo ug pasaylo sa Dios ug nagabalaan sa ilang kaugalingon. Niadtong mga panahuna uso pa kaayo ang halad nga sinunog nga mga mananap sama sa karnero nga maoy ilang giisip nga pagpasidungog ug gasa ngadto sa Dios. Kini nga klase nga pamaagi sa paghalad didto man kini nagsugod diha sa pagano ug mga Dios-sios nga pamaagi ug gidawat o gikopya usab sa mga katawhan ni Abraham ubos sa kabubut-on o pagtugot sa Dios.

Sa paghiabot ni Jesu Cristo , diin ang diretso nga awtoridad nga sugo sa Amahan anaa man kaniya, nan ang mga paghalad ngadto sa talad halaran naundang na kini kay human na man gihalad ni Jesus ang iyang lawas ug Dugo ngato sa Amahan, pinaagi sa pagpalansang ug kamatayon niya diha sa krus. Si Jesus maoy bugtong koneksyon ngadto sa Amahan diin pinaagi kaniya kita mahiduol usab ngadto sa Amahan, kay matod pa diha sa balaang kasulatan, walay mahiadto sa Amahan kun dili moagi kang Jesu Cristo kay si Jesus ang sinugdanan ug ang kataposan.

Pinaagi kang Jesus naluwas kita sa atong mga kasal-anan, ug diin pinaagi usab kaniya nahiuban pagkamatay ang atong mga sala ug nabag-ao ang atong kinabuhi diha sa espiritu santo nga pagtulun-an ug natagaan kita ug kahigayunan sa pagpuyo nga kristuhanon pinaagi sa pagsul-ob sa kinaiya sa espiritu santo nga mao ang pagpaubos, pagpasakit ug pagkamangindawaton, ug sa kanunay magaampo ug mangaliya para sa kaluwasan sa atong mga kalag.

Ang Dios Nga Atong Amahan

Hebreo 12: 1 ~19

1 Pagkadaghan sa mga sak¬si nga nag-alirong nato! Putlon ta ang tanang gapos ug hikot sa sala aron maka¬lahutay sa lumba nga gitak¬da alang nato. 2 Sud-ongon ta si Jesus, ang suka¬ranan sa pagtoo. Gihatod ta niya sa kahingpitan. Tungod sa kalipay nga gitagana alang niya, gipas-an niya ang krus ug gitulon ang tanang kaulaw unya, milingkod siya sa too sa trono sa Diyos. 3 Atong palan¬do¬ngon si Jesus nga nag-antos sa daghang kasungian batok sa kataw¬hang daotan. Sa ingon, dili ta mawad-an sa paglaom ni mag¬kaluya. 4 Nakaula na ba mo sa dugo tungod sa pakigbisog batok sa sala?

5 Ayawg kalimti ang makahupay nga mga pulong nga giingon sa Ka¬alam alang ninyo isip mga anak: Anak, patalinghogi ang mga pulong sa Diyos nga nagbadlong nimo. Ayawg wad-a ang paglaom kon silotan ka. 6 Kay ang Ginoo mo¬bad¬long sa gimahal ug mo¬kastigo sa giisip nga anak.

7 Karon nag-antos mo aron matul-id. Ang Diyos nag-isip ninyo nga mga anak. May anak ba nga dili tul-iron sa amahan? 8 Kon wala mo tul-ira, (su¬ma¬la sa angayang buhaton), nan dili mo tinuod nga anak kondili, anak sa gawas. 9 Labot pa, kon nagtahod ta sa tawha¬nong ginikanan nga mobad¬long nato, unsa pa kaha sa Amahan sa mga espi¬ritu nga naghatag og kinabuhi. 10 Gi¬si¬lo¬tan ta sa ginikanan sumala sa gito¬ohan nila nga angay sanglit naglan¬taw sila sa ki¬na¬buhi tang luma¬labay. Apan ang Di¬yos nagsilot nato alang sa atong kaa¬yo¬han aron makaambit ta sa iyang ka¬¬ba¬laan. 11 Ang tanang si¬lot sa¬kit, inay tam-is. Sa kaulahian mag¬dala nig kalinaw, sa ato pa, kaba¬laan sa na¬bansay ini.

12 Nan, ipataas ang nanga¬huy¬hoyng kamot. Lig-ona ang tuhod nga nag¬kurog¬kurog. 13 Pataga ang agia¬nan aron ang mga piangon maayo, imbis mabakol. • 14 Pakigbisog alang sa kalinaw uban sa tanang katawhan. Paning¬ka¬mot nga mabalaan mo. Kon walay ka¬balaan dili mo makasud-ong sa Ginoo. 15 Tan-awa nga walay mahi¬mu¬lag sa grasya sa Diyos. Basig may pan¬yawan nga moturok ug ang hilo ini ma¬ka¬daot sa kadaghanan. 16 Ayawg¬ tugot nga may masalaag ug mahi¬sama ni Esau. Gibaligya niya ang ka¬tungod isip pa¬nga¬nay tungod sa pagkaon. 17 Sayod mo nga dihang nangayo na siya sa pa¬nalangin, giba¬libaran siya bisag nag¬pakiluoy pa inubanan sa mga luha. 18 Naa na mo sa bukid nga dili ining kalibotana. Didto walay kalayo nga nag¬dilaab, kangitngit, kangiob ug mga bagyo, 19 lanog sa mga trom¬peta o ti¬ngog nga naghangyo nga wa¬la nay pu¬long nga malitok.

PAGPAAMBIT SA MENSAHE:

Ang maong mensahe nagsaysay sa mga pagpanton ug pagkastigo kanato nga atong mahiagoman diha sa mga pagkiabuhi nato niining kalibutana. Nagaingong ang buhing pulong sa Dios nga daghan ang iyang mga katawhan nga gipili ug gitawag dinhi sa walog sa mga buhi diin sama kini sa balas sa baybayon dili maihap ug gamay pa lamang ang nahiabot sa iyang gingharian. Apan ang iyang mga pinili nga katawhan dili kay magalingkod lamang ug magahulat sa iyang pagbalik kundili pagasulayan ug pagalutosaon sil;a aron mahbaw-an sa Dios kun asa kutaob ang iyang pag-ila kaniya aky matod pa sulayan man gain ang bulawan pinaagi sa kalaayo arom masuta kun asa kutob ang kapuro niini, nan kita usab nga sumosunod sa Dios makasawat usab sa mga paglutos diin sama kini sa kalayo nga maoy msuta sa kapuro sa atong kabubut-on.

Kay matod pa malisod ang pagsulod sa ganghaan sa langit diin mag-agi kita sa mga paglutos ug mga pag-antos kay mao kini ang mga kabubut-on sa Amahan nga ang iyang mga katawhan mag-agi gayud sa kalisod. Nan ang maong mga pag-antos diha sa dalan sa kinabuhi nga atong giagian, mao na kining dalana, ug mao na usab kining nga pagtulon-an diin sa kanunay kita makaagi sa mga paglutos uga mga pag-antos. Apan ang katawhan nga atua magaagi sa halapad ug haianon nga dalan mao na kanang mga katawhan nga inyong makita diha sa mga videoke, ug mga kahilayan apan matod pa sa amahan, inosente pa sila sa kaamtuoran diin aduna pay pagpasaylo sa ilang sala kun mobalik lamang sa landong sa espiritu santo.

Apan kitang mga katawhan nga nakatukib niining maong pagtulon-an wala nay lapasay-oan nga mahiatabo kun motalikod kita niini. Kay matod pa diha sa linaing nga mga pagsulat, Ang kapasaylo-an sa atong mga sala nagaagad lamag sa kabubuyt-on sa Dios Amahan, nga sa ato pa bisan diha sa atong mga pag-ampo ug pangalya wala pay siguro nga malangit ang imong kalag, kay matod pa sa balaang kasulatan, Ang kinabuhing satyun nga gisaad sa Dios dili kini premyo gante kundili grasya kin sa Dios aron sa ingon walay makapasibantog nga siya naluwas gumikan sa maayong buhat,

Si Jesus Ang Pagkabanhaw Ug Kinabuhi

JUAN 11: 17~27

17 Sa pag-abot ni Jesus, nasayran niya nga upat na ka adlaw sukad paglubong ni Lazaro. 18 Kay duol ra man ang Betania sa Jerusalem, mga tulo ka kilometro, 19 may daghang Judio nga miduaw ni Marta ug Maria aron paghupay sa ilang kaguol gumikan sa kamatayon sa igsoon. 20 Sa pagkadungog ni Marta nga taliabot si Jesus, misugat siya. Si Maria nagpabilin sa balay. 21 Miingon si Marta kang Jesus: “Ginoo, kon dinhi ka pa, dili unta mamatay ang akong igsoon.

22 Hinuon, nasayod ko nga bisag unsay pangayoon nimo sa Diyos, ihatag ni. 23 Miingon si Jesus: “Mabanhaw ang imong igsoon.” 24 Mitubag si Marta: “Sayod ko nga mabanhaw siya sa pagkabanhaw sa mga patay sa kataposang adlaw.” 25 Apan miingon si Jesus: “Ako ang pagkabanhaw. Ang motoo nako, bisag patay siya, mabuhi. 26 Ang nabuhi tungod sa pagtoo nako, dili na mamatay. Motoo ka ba.” 27 Mitubag si Marta “Oo, Ginoo. Mitoo ko nga ikaw ang Cristo, ang Anak sa Diyos nga mianhi sa kalibotan

PAGPAAMBIT SA MENSAHE:

Ang maong mensahe nagpasabot sa kahimo-an diha sa Diosnon nga pagtulon-an diin diha sa maong ebanghelyo maoy gihimong ehemplo si Lazaro nga giingon nga barkada ug pinalAngga ni Jesus. Diin diha sa iyang pagkamatay ni Lazaro mao gihimong panag-ingnan sa Dios Amahan aron masangyaw ang pagkaDios ni Jesus diin diha sa maong pagkamatay ni Lazaro mapakita ang mga milagro aron sa ingon mahimong kapanaminan dili lang niadtong panahun ni Jesu Cristo apan hangtod na sa nakabasa niining maong balaang kasulatan diin kun kita diay nagatuo ug hugot sa Dios ug nagpasidungog kaniya sa kanunay, nan bisan diha na sa imong kamatayon luwason ka pa ni Jesu Cristo.

Kay ang Dios dili gayud mahitabo nga motalikod niadtong sa kanunay nagapasidungog kaniya , kay matod pa sa balaang kasulatan kun isalig nato ang atong kinabuhi ngadto sa Dios nan bisan diha sa baba sa kamatayon, luwason ka niya. Mateo 16 : 17~ 18 nagaingon kun gusto nimong mahimong tinun-an ni Jesus Cristo nan kalimti ang imong kinabuhi, ug pas-anan ang imong krus sa kinabuhi, ug sunod sa mga pagtulun-an ni Jesus diin bulahan ka nga nakaambit diha sa mga kasakit ni Jesus sa krus kay makaambit usab sa iyang himaya sa pagkabanhaw didto sa langit, ug diha sa ubang mga sinulat nagaingon kini: Bulahan ka nga nawad-an ug kinabuhi tungod sa pagsunod sa kabubut-on sa Dios kay mahatagan ka ug dugang pang kinabuhi.

Laing Pari Sama Kang Melquisedec

HEBREW 7: 15~28

15 Hinuon, matataw kining tanan kon ang pari, sama ni Melquisedec, 16 naka­dawat sa iyang misyon sa tawhanong balaod. 17 Kay nag-ingon ang Kasula­tan: Pari ka hang­tod sa hangtod su­mala sa han-ay ni Melqui­sedec 18 Pinaagi ini, gikuha ang nahiunang panghunahuna isip kulang ug walay ka­­puslanan 19 (kay ang balaod wala mag­­dala og bisag unsang butang sa ka­­hingpitan.) Sa samang higayon, du­nay bag-ong paglaom nga mibid­lisiw: ang pagpakigsuod sa Diyos.

20 Ang maong kausaban gipun-an sa panumpa sa Diyos. Diha nga may laing mga tawo nga nangapari, ang Diyos wala nagpakompromiso sa kauga­li­ngon sa pagpanumpa. 21 Hinu­noa, gi­pa­ng­himatuod niya si Jesus sa panum­pa, sanglit giingon: Ang Ginoo nakapa­numpa ug dili mousab sa huna­huna: Pari ka hangtod sa hang­tod. 22 Busa, si Jesus ang atong kama­tuoran sa mas maayong kasa­botan. 23 Ang mga pari kanhi daghan. Dili sila magdugay sa ilang katung­danan sanglit tawo ra sila. 24 Apan si Jesus molungtad sa hang­tod. Ang iyang pagkapari dili makuha gikan niya. 25 Sa maong pa­agi, maka­luwas siya sa tanang pa­nahon sa mo­duol sa Diyos pinaagi niya. Buhi siya kanunay aron pagpa­ngamuyo alang nila.

26 Angayan lang nga ang Labaw tang Pari balaan ug walay buling sa sala, gi­lain sa makasasala ug gibayaw iba­baw sa kalangitan. 27 Pari siya nga dili kinahanglang maghalad og sakri­pisyo alang sa kaugalingon sa dili pa moha­lad alang sa sala sa kataw­han, sama sa gihimo sa labawng pari. Gi­ha­lad na niya ang kaugalingon nga sakri­pisyo sa makausa alang sa ta­nang panahon. 28 Samtang ang Ba­­la­od nag­pi­li sa hu­yang nga ka­lalakin-an isip labawng mga pari karon hu­man sa Balaod, ang pulong sa Di­yos inubanan sa panumpa nag­tud­lo sa Anak nga Labawng Pari. Gihingpit siya sa Diyos sa kahang­toran.

PAGPAAMBIT SA MENSAHE:

Ang maong ebanghelyo naghisgot sa paghiabot ni Jesus Cristo diin ginaingon diha sa balaang kasulatan nga Si Jesu Cristo maoy pangulong pari diin siya maoy pari hangtod sa kahangturan. Kay ginaingon man diha sa laing sinulat sa balaang kasulatan nag si Jesus maoy ulo sa pagtulon-an nga katoliko diin siya man ang nagdala niining maong pagtulon-an dinhi sa yuta.

Iyang gipasabot nga ang mga kasugoan sa iyang amahan nga gisangyaw ni Moises sa unang panahun, diin nagkahulugan kini ug gugma, diin nagpasabot kini sa paghigugma sa Dios labaw sa tanan ug dili magabaton ug laing Dios gawas kaniya, ug ang paghigugma sa imong isigkatawo sama sa paghigugna nimo sa imong kaugalingon diin kun imong masupak kining maong mga kasugoan sama ra nga imong gisupak ang napulo ka sugo nga gisangyaw ni Moises.

Apan gisabot as Dios ang atong pagkatawhanon diin samtang nagkinabuhi pa kita niining kalibutan kita makasala gayud sa pulong sa huna-huna ug sa buhat, apan diha sa kanunay natong pagpangayo ug pasaylo sa Dios diha sa kanunay ug hinay-hinay nga pag-ampo ug pagrosaryo mahatagn kita kanunay sa panalangin.

:

:

Ang Pagpandong Sa Ulo Kun Magsimba

CORINTO 11: 2~16

2 Gidayeg tamo, kay gipahinumdoman ko ninyo sa tanang butang ug inyong gituman ang pagtulon-an nga akong gibilin. 3 Apan buot kong mopahinumdom ninyo nga si Cristo ang ulo sa matag tawo sama nga ang bana sa asawa ug ang Diyos ni Cristo. 4 Kon ang lalaki mag-ampo o managna tinabonan ang ulo, nagpasipala siya sa ulo. 5 Hinunoa, ang babayeng mag-ampo o managna nga wala magpandong, wala siya magtamod sa ulo. Mas maayo pa nga putlon niya ang buhok. 6 Kon may babaye nga dili mopandong, ipaputol ang buhok. Kon maulaw siya pagpaputol sa buhok, papandonga siya.

7 Dili kinahanglang magpandong ang lalaki, hulagway siya sa Diyos ug naglarawan sa iyang himaya samtang ang babaye naglarawan sa himaya sa lalaki. 8 Ang lalaki wala mahulma gikan sa babaye, apan ang babaye nahulma gikan sa lalaki; 9 ni ang Diyos nagbuhat sa lalaki alang sa babaye kondili, ang babaye alang sa lalaki. 10 Busa, ang babaye magtahod sa mga anghel; ug magbaton siya sa iyang ulo sa timailhan nga nag-agad siya sa lalaki.

11 Apan dili ta makahisgot sa lalaki nga wala ang babaye, ni sa babaye nga wala ang lalaki. 12 Kon ang Diyos nagbuhat sa babaye gikan sa lalaki, ang lalaki natawo gikan sa babaye, ug ang duha gikan sa Diyos. 13 Hukmi kon angay ba nga ang babaye mag-ampo nga walay pandong. 14 Ang sentido kumon nagtudlo nga makauulaw alang sa lalaki nga taas siyag buhok. 15 Apan alang sa babaye ang taas nga buhok garbo niya ug gitugahan siya ini isip pandong. 16 Kon ang pipila ninyo buot makiglalis, hibaloi nga dili ni batasan sa simbahan sa Diyos.

PAGPAAMBIT SA MENSAHE:

Ang maong ebanghelyo naghisgot diha sa pagkinabuhi nga kristohanon diin matod pa sa ebanghelyo ang bana maoy simbolo ni Jesus Cristo diin ang maong bana maoy ulo diha sa panimalay ug ang asawa ubos gayud sa bana kay ang babaye gikan man sa lalaki ug dili kay ang lalaki nagagikan sa babaye, nga sa ato pa isip usa ka sumosunod sa Kristohanaon nga pagtulon-an, ang bana gayud maoy gitawag ug padre de pamilya. Diin matod pa diha sa maong ebangheyo, usa ka balaan nga simbolo sa mga babaye ang pagpandong kun magsimba diin usa kini ka pagpasidungog sa Dios ug pagpasidungog sa ilang bana diin nagpasabot nga ubos gayud sila sa ilang bana.

Niadtong panahun ni Kristo ang tanan nga kabayen-an magapandong gayud kay mao man kini ang ilang naandan, diin diha sa pagkuyanap na sa maong kristuhanon nga pagtulon-an ni Jesu Cristo mao kini ang simbolo diha sa pagka sumosunod sa tinago nga pagtulon-an. Apan niining maong siglo diin daghan na ang mga pagtulon-an nga nanggawas ug diin daghan na ang nagtuis sa maong pagtulon-an hinay-hianay usab nga nawala ang maong simbolo, diin halos wala nay nagpandong kun magsimba.

Apan kining tanan kabubut-on sa Dios diin iyang gitikay kun kinsa gayud ang mobarog isip iyang katawhan diin nagaingon ang balaang kasulatan ug ingon man sa mga buhing pulong sa Dios , ang mga pinili kong katawhan pagapilian ko pa, aron gayud mahibaw-an kun kinsa ang magpabilin nga nagabarug diri kanako, ug sa ingon nagaingong ang buhing pulong nga dili gayud mahitabo nga biyaan sa Dios ang mga katawhan nga sa kanunay nagapasidungog kaniya.

Mga Kalisdanan Ug Mga Paglutos

LUCAS 21 : 7~19

7 Nangutana sila: “Magtutudlo, kanus-a ni mahitabo ug unsay mga timailhan?”
8 Mitubag si Jesus: “Pagmatngon; ayawg palingla. Daghan ang mogamit sa akong ngalan sa pag-ingon: ‘Ako ang Mesiyas; ako siya,’ ug ‘Nagkaduol na ang panahon.’ Ayaw silag sunda. 9 Kon balitaan na mo sa mga gubat ug kagubot, ayawg kalisang; mahitabo ni pag-una, apan layo pa ang kataposan.”

10 Miingon siya: “Makiggubat ang mga nasod batok sa lain, ang gingharian batok sa gingharian. 11 Maglinog og kusog sa daghang dapit, dunay gutom, may makalilisang nga mga butang ug dagkong katingalahan sa langit. 12 Apan sa dili pa ni mahitabo, dakpon mo ug lutoson; itugyan mo sa mga sinagoga, dad-on sa mga prisohan ug paatubangon sa mga hari ug gobernador tungod sa akong ngalan 13 aron makasaksi mo nako.

14 Itanom ni sa inyong hunahuna aron dili mo mabalaka sa inyong itubag, 15 kay hatagan tamo sa baba ug sa kinaadman nga dili masagubang o matubag sa inyong kaaway. 16 Magluib ninyo ang ginikanan, mga igsoon, paryenti ug higala, ug patyon ang pipila. 17 Kasilagan mo sa tanan tungod sa akong ngalan. 18 Apan dili maunsa ang bisag usa ka buhok sa inyong ulo. 19 Pabilin mong lig-on sa ingon, maluwas mo.


PAGPAAMBIT SA MENSAHE:

Ang maong ebanghelyo naghisgot diha sa pag-abot sa siglo diin sulayan ang pagtulon-an nga atong gibarugan diin mao kini ang pagtulon-an ni Jesus. Diin ipakita ang mga timailhan ang mga pagpanlutos, gubat sa matagnasod ug mga kaguliyang diin daghan ang mga magpatuo nga mao ang sinugo sa Dios apan matod pa dili kita magpatonto kay matod pa ang kamatuoran mopatigbabaw gayud diha sa mga pag-ampo.

Usa ra ang Dios, usa ra ang balaang kasulatan, apan daghan ang mag pagtulon-an nga nagapasibantog sa maong kaluwasan diha sa kataposang paghukom diin lahi-lahi ang mga paagi ug ang uban gihimong negosyo ang pulong sa Dios diin ang uban nangayo ug mga “funding” o mga hinabang gikan sa gawas sa nasod , diin ang kadaghanan sa maong funding atua na mopaingon sa ilang kaugalingong bulsa. Kay matod tulo lamang gayud ka negosyo ang nagmalamboon dinhi sa ibabaw sa yuta una ang politika , ikaduha gubat ug ang ikatulo ang simbahan

Gitagna Ni Jesus Ang Pagkagun-ob Sa Templo

LUCAS 21: 5 ~6

5 Samtang nagkulokabildo ang pipila mahitungod sa Templo, giunsa ni pagdayandayan sa mahalong mga bato ug mga gasa, miingon si Jesus: 6 “Moabot ang panahon nga walay ibilin nga bato ibabaw sa lain sa inyong makita. Lumpagon ang tanan

PAGPAAMBIT SA MENSAHE:

Ang maong ebanghelyo naghisgot diha sa umabot nga mga panghitabo diin gitagna ng daan ni Jesus Cristo nga ang maong templo diha sa lugar sa mga Judio lumapagon gayud kini inig-abot sa panahun. Ang maong panagna naghinay-hinay na sa pagpakita ug katumanan kay ang maong lugar diin ang maong templo mahimutang, diin mao man kini ang Jerusalem nga ania pa hangtod niining panahuna.

Apan tungod sa pagkabalaan sa maong lugar kanunay kining gihulga sa mga dautan diin gilibutan kini sa mga nasod nga wala magatuo sa Dios nga Jesus. Diin sa kanunay kini gihulga diha sa mga gubat kanunay sulongon kay lagi gusto nila ilogon ang maong nasod.

Karon panahuna ang mga molupyo sa maong lugar mihinay na paghikling ngadto sa laing nasod tungod sa kahadlok diin hinay-hinay usab nga midaghan ang nanimuyo sa maong lugar nga wala magasimba sa Diyos. Diin sa dili madugay matuman ang panagna nga mahurot gayid ug guba ang mga templo sa maong nasod.

Ang Halad Sa Biyuda

LUCAS 21: 1~4

1 Mianinaw si Jesus ug nakita niya ang mga dato nga nanghulog og mga halad sa panudlanan. 2 Nakita sab niya ang kabos nga byuda nga nagbutang og duha ka dako. 3 Busa, miingon siya: “Sa pagkatinuod ingnon tamo, nakahalad kining kabos nga byuda og labaw kay kanilang tanan. 4 Kini sila nanghalad sa Diyos gikan sa kabuhong, samtang ang kabos nga byuda naghalad gikan sa kawad-on, sa kinatibuk-an sa iyang panginabuhi.”

PAGPAAMBIT SA MENSAHE:

Ang maong ebanghelyo nagpasabot diha sa pagpanghalad diin wala kini sukda sa Dios pinagi sa kadako sa kantidad niini kundili diha sa imong kinasing-kasing ug tinud-anay nga kabubut-on. Susama sa maong mensahe diin nakita ni Jesus kadtong kabos nga biyuda diin mihulog lamang ug pipila ka dako diin mas dako pa ang iyang nahatag ikumpara niadtong mga dato nga nagahatag lamang sa tinipik sa ilang bahandi. Kay ang maong kabos nga biyuda iyan man nga gihatag ang tanan niyang kuwarta nga mao-amo sa walay paghuna-huna sa iyang kaugalingon.

2 Corinto 9: 7 nagaingon magahatag alang sa Ginoo nga tukma ug haom sa imong kaugalingon diin naghatag ka nga dili bug-at sa imong buot. Diin diha sa ubang sinulat nagaingon ang pulong sa Dios nga ang magahatag ug daghan pagabawasan usab ug daghan ug ang nagahatag ug gamay lamang pagabawsan usab ug diyutay. Apan masbulahan nga nagahatag ang imong wala nga kamot nga wala makahibalo ang imong tuo nga kamot kay sa ingon ang Dios ra ang magapahiluna sa tanan. Apan kun magpasigarbo ka diha sa imong paghatag diin imong ibandilyo hangtod sa kinasuokan sa barangay nan gibalosan ka na daan dinhi sa yuta.

Gipasida-an Ni Jesus Ang Mga Magtutudlo Sa Balaod

LUCAS 20: 45 ~ 47

45 Unya, atubangan sa tibuok katawhan giingnan ni Jesus ang iyang mga tinun-an: 46 “Pagmatngon mo sa mga magtutudlo sa Balaod nga ganahang molakaw nga tag-as og sinina, yukboan sa mga tawo sa mga plasa ug hatagan sa unang mga lugar sa kombira ug sinagoga; 47 nga nanglamoy sa mga balay sa mga byuda ug nagpasundayag sa tag-as kaayong mga pag-ampo. Dako silag silot.”

PAGPAAMBIT SA MENSAHE:

Ang maong ebanghelyo maoy pagpasabot lamang sa kabubut-on sa Dios diin diha sa balaang kasulatan nagaingon siya nga lahi-lahi ang pagtawag kanatong tanan apan dili ang tanan nga nagasangpit ug Dios , Dios ko, makasulod sa iyang gingharian kundili kadto lamang nagatuman ug nagasunod sa iyang kabubut-on.

Ingon man diha sa mga tawhanon nga pagserbesyo diin daghan kanila ang nahisalaag diha sa lingla sa dautan, diin ilang gigamit ang ilang gahum ug impluensya aron lamang sa pagpahimuot sa ilang kaugalingon ug sa pagpadatu sa ilang mga panudlanan ug diin ila lang kining gitabunan diha sa mga pag-ampo ug pagsakripisyo kunohay sa Dios.

Nga sa ato pa mga igsoon dili gayud kita makalimbong sa Dios diin ang mga katawhan puwede nimo malingla tungod sa daghan nimong bahandi ug maayong pamiste ug pamarog apang ang atong Magbubuhat dili man nato malimbongan kay makita man niya kini pinagi sa atong kasingkasing.

Nan mas maayo gayud diay nga ubos kita dinhi sa yuta ug kalimtan ta ang mga tawhanon nga kilibgon ug mga tawhanon nga binuhatan ug maoy atong ipalabi ang mga pagtulon-na nga gibilin ni Jesus diin mas bali panga langyaw kita niining kalibutana apan haom didto sa gingharian sa Dios.

Ang Pangutana Mahitungod Sa Mesiyas

LUCAS 20: 41 ~ 44

41 Miingon si Jesus: “Nganong giingon man nga anak ni David ang Mesiyas? 42 Si David mismo miingon sa Basahon sa mga Salmo: ‘Ang Ginoo namulong sa akong Ginoo: Lingkod sa akong tuo 43 hangtod nga ibutang ko ang imong mga kaaway ilawom sa imong tiil. 44 Kon gitawag siya ni David nga Ginoo, giunsa man siya pagkaanak ni David?”

PAGPAAMBIT SA MENSAHE:

Ang maong ebanghelyo naghisgot diha sa panag-ingnan ni Jesus ug ni David nga bantugang hari niadtong unang panahun, Ginaingon nga si Jesu Cristo kaliwat ni David diin diha nagagikan sa mga kaliwatan ni David ang mga ginikanan ni Jesus. Apan diha sa balaang kasulatan nagpadayag nga gikan kang Dvid paingon kang Jesus aduna kini (20) bayente ka kaliwatan diin kun ang matag kaliwatan adunay bayente katuig ang distansya nan adunay 400 ka tuig ang distansya gikan kang David paingon kang Jesus Cristo.

Matawag nato nga anak si Jesus ni David kay nagagikan man siya sa mga hamili nga pamilya ni Jesus. Kini siya sa tawhanon nga panglantaw lamang apan ang pagpakatawo ni Jesus mao usa lamang pagpakita ug panag-ingnan sa Amahan sa iyang gusto ipaabot sa iyang katawhan. Nga ang anak sa Dios diha sa iyang pagkatawhanon nagagikan sa mga kaliwatan nga iyang gikahimut-an, ug adunay malumo ug putli nga kasingkasing.

Mao kini ang nakapalibog sa mga maalam diha sa pag-abot sa anak sa tawo kay para kanila, hamili gayud usab ang gigikanan sa maong manununod sa trono sa langit, apan diay lahi ang pamaagi sa Dios diin iya lamang gipamatuod ang iyang pulong diha sa balaang kasulatan nga nagaingon: Kun gusto nimong himayaon ug dayegon didto sa langit nan puy-i ang kinabuhi nga puno sa pagpasakit ug pag-antos dinhi sa yuta, pas-ana ang imong krus sa kinabuhi ug sunod sa mga pagtulon-an ni Jesus Cristo. Diin bulahan ka nga nakaambit sa mga pag-antos ni Jesus didto sa krus kay makaambit ka usab sa iyang himaya sa pagkabanhaw didto sa langit.

Ang Pangutana Mahitungod Sa Pagkabanhaw

LUCAS 20:27~40

• 27 Unya, nanuol ang mga Sadduceo nga wala motoo sa pagkabanhaw. 28 Nangutana sila: “Magtutudlo, nagsulat si Moises: ‘kon may lalaking minyo nga mamatay nga walay anak, kinahanglang minyoan sa igsoon ang byuda aron makaanak alang sa namatay. 29 Karon, may pito ka magsoong lalaki. Nangasawa ang panganay ug namatay nga walay anak. 30 Gipangasawa ang byuda sa ikaduha nga namatay sab nga walay anak. 31 Ang ikatulo na sab, apan wala gihapoy anak, hangtod sa ikapito. Nangamatay sila 32 ug sa kaulahian namatay pod ang babaye. 33 Sa pagkabanhaw, kinsay ilhong bana nga naasawa man siya sa pito?”

34 Mitubag si Jesus: “Nagminyoay ang mga tawo ining kalibotana, lalaki o babaye. 35 Apan dili na kon moabot sila sa laing kinabuhi ug mabanhaw sa mga patay, lalaki siya o babaye; 36 ug dili na pod mamatay. Pareho na sila sa mga anghel, mga anak sa Diyos nga mibanhaw nila. 37 Mabanhaw gyod ang mga minatay. Nagpadayag ini bisan si Moises didto sa sampinit dihang gitawag niyang Ginoo ang Diyos ni Abraham, Diyos ni Isaac, ug Diyos ni Jacob, 38 dili siya Diyos sa mga patay kondili, sa mga buhi kay ang tanan nabuhi alang niya.” 39 Namulong ang pipila ka magtutudlo sa Balaod: “Magtutudlo, husto ang imong gisulti.” 40 Sukad adto wala nay nangahas pagpangutana niya.

PAGPAAMBIT SA MENSAHE:

Ang maong ebanghelyo naghisgot diha sa pagkabanhaw sa tawo diin matod pa sa pulong ug mensahe sa Dios kitang tawo samtang nagkinabuhi aduna kitay tulo ka aspeto, una ang atong tawhanon nga lawas, ikaduha ang atong espiritu ug ang ikatulo ang atong kalag. Diha sa atong kamatayon ang ato lamang tawhanon nga lawas ang mamatay diin mao kini ang mahabilin dinhi sa kalibutan ug maoy madugta ug motipon sa mga abog ug yuta.

Ang atong espiritu buhi kini apan mobalik sa Dios kay iya man kini diin mao kini ang nagareport sa Dios diha sa atong inadlaw-adlaw nga gimbuhaton niadtong nagkinabuhi pa kita, diin diha sa panahun diay sa atong pagkatulog mogawas ang atong espiritu ug maoy moreport sa Dios diha sa atong mga kasal-anan, ug ang atong kalag buhi kini apan sama lang kini sa hangin diin mao kini ang magahulat sa adlaw sa paghukom diin kun mahatagan ug kahimayaan didto sa langit mao kini ang pagasul-oban sa espirituhanon nga lawas ug mao kini ang gitawag nga himaya sa pagkabanhaw.

Diha sa maong ebanghelyo diin gipasabot sa Dios nga didto sa iyang gingharian sa langit wala na ang maga tawhanon nga kailibgon , wala na ang asawa ug ang bana nga atong gipraktis dinhi sa mga buhi kay kitang tanan igsoon na diha sa espiritu santo sa Dios diin wala na ang kasakit ug mga pagpanlutos kay, didtong dapita sa gingharian sa Dios diin matod pa sa pinadayag, diha sa balaang kasulaatn tukoron ang bag-ong Jerusalem ug didto tapokon sa Dios ang iyang mga tinawag himayaon ngadto sa kinabuhing dayun.

Ang pangutana, kitang tanan ba nga mga tinawag ug pinili mahiadto ba sa maong bag-ong Jerusalem?. Matod pa sa pulong sa Dios wala pay kasigurohan ang atong mga kalag nga mahiadto sa kinabuhing dayon , bisan pa niadtong mga katawhan nga sa kanunay naga-ampo ug nagapasidungog sa Dios diha sa ilang pagkinabuhi dinhi sa kalibutan, nan unsa na kaha kadtong maga katawhan nga walay mga pag-ampo ug pagtahod sa Dios, mas labaw nga wala silay kasigurohan.

Kay matod pa sa balaang kasulatan, " Ang kinabuhing dayon nga gisaad sa Dios Amahan nganhi kanato dili kini premyo o ganti tungod sa maayong binuhatan, kundili grasya kini o gasa nga gihatag sa Dios kanato ,aron sa ingon walay si bisan kinsa nga makapasigarbo sa iyang kaugalingon diha sa atubangan sa Dios nga siya maluwas gumikan sa iyang maayong buhat, kundili ang atong kaluwasan magagikan sa grasya ug kalooy sa Dios".