Pangayo,Pangita,Pagtuktok

MATEO 7: 7~14

7 Pangayo ug makadawat mo. Pangita ug inyong makakaplagan. Tuktok ug ablihan ang pultahan alang ninyo. 8 Kay ang mangayo, makadawat. Ang mangita makakaplag ug ang pultahan ablihan alang sa magtuk-tok. 9 Mohatag ba mog bato sa inyong anak nga mangayog pan? 10 O hatagan ba siyag bitin kon mangayog isda? 11 Kon sa inyong kadaotan, maantigo mong mohatag og maayong butang sa mga anak, unsa pa kaha ang Amahan nga Langitnon alang sa mangayo niya!

PAGPAAMBIT SA MENSAHE:

Ang maong ebanghelyo naghisgot diha sa presensya sa Dios sa bisan asa nga suok sa kalibutan , diin siya makadungog ug makakita sa atong binuhatan. Diin diha sa ubang sinulat nagaingon siya nga ang iyang mga katawhan nga sa kanunay nagatamod ug nagasunod sa iyang kabubut-on dili gayud mahitabo nga iyang talikdan. Ug matod pa usab diha sa uban niyang mga buhing pulong “Ngano man nga dili niya ihatag kun ugaling kaayohan man”.

Apan wala magpasabot mga igsoon nga diha sa atong pagpangayo magahulat lang kita kun kaus-a motunga sa atong atubangan ang atong gipangayo kundili atong ihalad ug iampo ug pangayoon ang giya sa Amahan nga tudloan kita sa mga pamaagi nga mahatag ang atong gipangayo pinaagi diha sa atong pagpangaplag.

Walay lain taming ug atong kadangpan diha sa atong pagpangayo sa amahan gawas laamng sa mga pag-ampo ug pangaliya diin atong gamiton ang mga pag-ampo nga gitudlo sa amahan, kay bisan diay ang atong mga paga-ampo diha sa santos nga rosaryo atong pa kining iampo aron dili mababagan ug mahuman ang mga pag-ampo nga walay babag.

Apan diha sa atong pagpangayo ubanan sa mga pag-ampo ug labaw sa tanan ang pagtuo nga ihatag kanato ang atong gipangayo, kay ang Dios nga atong Amahan magahatag sa mga butang nga atong gipangayo , tukma usab sa iyang kabubut-on ug pinaagi sa mga pag-ampo ang imposible mahimong posible.

Ang Duha Ka Tawo Nga Nagtukod Ug Balay

MATEO 7: 24~27

24 Busa, ang tanang nakadungog sa akong gisulti ug nagtuman ini nahisama sa maalamon nga nagtukod sa balay sa pangpang. 25 Mibundak ang ulan, ang mga suba mibaha ug ang hangin mihapak adtong balaya. Apan wala ni mahagsa, kay diha man matu-kod sa pangpang. 26 Ang namati sa akong pulong ug wala magtuman ini, nahisama sa buang nga nagtukod sa balay sa balas. 27 Ang ulan mibundak, ang mga suba mibaha ug ang hangin mikusokuso adtong balaya nga nahugno ug hingpit ang pagkaguba

PAGPAAMBIT SA MENSAHE:

Ang maong ebanghelyo naghisgot diha sa pagtulun-an nga atong gibarugan diin sa kanunay makasinati sa mga paglutos ug pagbiay-biay diin magpabilin ang pagbarog sa maong pagtulun-an nga mapagarbohon tungod kay dili man tawo ang nagpabarog niini, sama niining atong pagtulon-an nga gibarogan, sama kini niadtong bato nga gipakaingon sa mga panday nga walay pulos nga bato diin mao man diay ang bato nga pinaka importante ug maoy gihimong sumbanan sa tanang pagtulun-an dinhi sa ibabaw sa kalibutan, kay si Jesu Cristo man ang nagpabarog niini, diin daghan nang mga bagyo ug pagsulay nga giagian.

Dos mil na ka katuigan ang milabay diin kini nga pagtulun-an misugod didto sa Jerusalem diin mao man kadto ang sentro sa pagtulun-an niadtong panahuna, diin ang anak sa Dios nga nagpakatawo maoy nagaumol niini alang sa kaluwasan kanatong tanan, diin daghang milagro ang gipasinati ug bisan sa diha nga ang mga tinun-an na lang ang nagpadayun sa pagsangyaw nga pabilin ang mga milagro ug ang katinud-anay diha sa pagpasabot sa iglisea nga ilang gibarugan. Bisan sa nahurot na ug kamatay ang mga mabuot nga mga apostoles apan aag pagtulon-an nga gitukod sa Dios magapabilin gayud sa pagsangyaw diha sa kabubut-on sa Dios diin mikuyanap kini sa tibook kalibutan ug dinhi sa Pilipinas diin mao ray bugtong kristiyano nga nasod dinhi sa Asia . Nagpabilin ang maong pagtulon-an hangtod niining panahuna diin sa kanunay nagaani ug mga paglutos apan ngapabilin sa pagbarog tungod sa himaya sa Dios.

Ang pagtulon-an nga gipabarog lang sa tawo diin walay panalangin sa Dios kay lagi gusto lang mosakay diha sa mga personal nga intereses nga mugna sa ilang huna-huna diin diha sa madugay-ug madali dili gayud kini molahutay diin mahimong panag-ingnan nga nagatukod siyag balay ibabaw sa balas diin gamay lang hangin ug buhawi mabuskag na.

Wala Ako Makaila Ako Kaninyo

MATEO 7: 21~27

• 21 Dili ang tanang nag-ingon: Ginoo! Ginoo!, makasulod sa gingharian sa Langit kondili, ang nagtuman sa kabubut-on sa akong Amahan sa Langit. 22 May daghan unya nga moi-ngon anang adlawa: “Ginoo, Ginoo, dili ba, nagsulti man mi sa imong ngalan? Dili ba, naghingilin man mig mga yawa ug naghimog daghang milagro sa imong ngalan?” 23 Unya, sultihan ko sila sa dayag: Wala ko makaila ninyo, pahilayo nako, kamong mga daotan!

PAGPAAMBIT SA MENSAHE:

Ang maong ebanghelyo naghisgot diha sa pagtawag kanato sa Dios, apan dili ang tanan nga nagatawag kaniya Dios ko, Dios ko makasulod sa iyang gingharian kundili kadto lamang nagatuman ug nagasunod sa iyang kabubut-on. Nga sa ato pa mga igsoon pinasikad usab sa mga pulong sa Dios nagaingon siya nga ang iyang mga pinili, pagapili-an pa, diin sa kadaghan sa iyang mga pinili nga katawhan diin sama kini sa balas sa baybayon apan pipili pa lamang kahakop ang iyang natawag didto sa ganghaan sa gingharian sa amahan.

Matod pa sa Dios amahan nga ang akong pinili nga katawhan dili kay magalingkod lamang ug magpaabot sa pagbalik sa akong anak kundili sulayan ko gayod sila aron makita kun asa kutob ang pag-ila ug pagtahod nila kanako, diin sama sa bulawan nga ipaagi sa kalayo aron makita ang kapuro niini, nan ang mga pinili sa Dios pagasulayan usab pinaagi diha sa mag paglutos ug mga kasakitan aron makita ang ug mosidlak usab sila sama sa bulawan.

Diin makita unya sa Dios nga luyo sa pagsuway nga atong naagian, diin maisugon kang nagpabilin sa pagluhod ug pagdupa diha sa iyang atubangan nan makita ug mosidlak usab ikaw sama sa bulawan diha sa iyang atubangan, nan makapamalandong kita asa man dapita sa lawas sa tawo ang mosidlak sama sa bulawan diha sa pagsunod nato sa kabubut-on sa Dios? Ang mga pulong sa Dios nagaingon, wala unta akoy matagaan sa akong gasa kun gitan-aw ko pa ang atong pagkamasalaypon, apan kay lagi gitan-aw ko man usab ang kaputli ug katim-os sa inyong kasing-kasing nan aduna gayud akoy matagaan sa akong mga gasa. Sa ato pa mga igsoon diha diay sa atong mga kasing-kasing makita ang kaputli ug katim-os , diin moihag man unya ang panagway sa Dios diha sa atong kasing kasing pinaagi sa pagsunod nato kanunay sa iyang kabubut-on.

Ang Kahoy Maila Sa Iyang Bunga

MATEO 7: 15~20

• 15 Pagbantay sa mining mga propeta: Moanha sila nga magtakuban daw karnero. Apan sa sulod, bangis silang mga lobo. 16 Mailhan sila sa mga bunga. Makapupo ba mog ubas sa sampinit, o sa kudyapa? 17 Ang maayong kahoy mamungag maayong bunga. Ang masakiton, dao-tan pog bunga. 18 Ang maayong kahoy dili makahatag og daotang bunga ug ang daotan walay maayong bunga. 19 Putlon ug isugnod sa kalayo ang kahoy nga dili maayog bunga. 20 Maila ni sa mga bunga

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa kamatuoran diin gipadayag sa sambingay nga ang kahoy maila pinaagi sa iyang bunga. Diin sa akong pagsabot naghisgot kini diha sa pagsangyaw nato sa pulong sa Dios diin ginaingon nga niining panahuna daghan ang mga pagtulon-an nga nanggawas dihi sa kalibutan diin mokabat na kini sa 40,000 ka pagtulon-an diin silang tanan nagpasibantog sa mga kaluwasan diha sa kataposang paghukom nga sila ray maluwas pinaagi sa pagtulon-an nga ilang gibarugan.

Daghan kanila nga nagasangyaw sa pulong sa Dios apan sama ra usab nga nagbaligya sa iyang mga pulong diha sa pagpangayo ug mga dagkong donasyon ngadto sa laing nasod, apan diha gipundo sa tagsa-tagsa nila ka mga panudlanan, ilang gihimong negosyo ang ilang pagtulon-an nga gibarugan pinaagi sa pagpakita kunohay sa mga maayong pagtulon-an apan ila lang gilipat ang mga katawhan kay sila ug ang ilang mga kaugalingon ang nabulahan ug nakasapi.

Matod pa sa balaang kasulatan dili sa tawo ang paghukom diin Dios Amahan lamang ang adunay katungod sa paghukom kanatong tanan ug matod pa sa iyang buhing pulong kun aduna kay pagtulun-an nga gustong tukion ug paminawon pinaagi sa pag-adto ug paghapit sa ilang sinagoga o simbahan nan manalangin kita diha sa mga pag-ampo sa pagluhod ug pagdupa, diin pangayoon nato sa Dios ang kamatuoran, duphan sa makatulo ka higayon ayha ka mopaingon ug maminaw sa maong pagtulon-an.

Apan unsaon man nato pagtuki nga ang maong pagtulon-an o sama niining pagtulon-an nga atong gibarugan iya sa Dios. Mga igsoon maoy himoon natong sumbanan sa pagtuki sa maong pagtulon-a ang mga kabilin sa pagtulon-an ni Jesu Cristo diin siya gitamay ug gilutos diha sa pagsangyaw niya sa matuod niyang iglisea. Nan kun diha sa imong pagtulon-an nga gibarugan karon nakasinati ug nakaambit ka sa mga kasinatian ni Jesus Cristo diha sa pagsangyaw niya sa maong iglisea nan bulahan ka igsoon kay mao na kini nga papgtulun-an nga gipabarog ni Jesus, diin ubos ug tinamay sa mga mata sa tawo ug sa mga mata sa kinatibuk-ang katilingban, apan taas ug gibayaw didto sa gingharian sa Dios tungod kay siya mismo si Jesu Cristo ang nagatukod niini. Sa ato pa mga igsoon dili diay kita martir diha sa pagdawat nato sa mga paglutos kanato , wala diay kita magpadaugdaug diha sa atong isigkaingon kundili atong gidawat ug gipapuyo si Jesu Cristo diha sa atong tagsa-tagsa ka kasing-kasing.

Ang Sigpit Nga Pultahan

MATEO7:13~14

• 13 Sulod sa sigpit nga ganghaan. Kay lapad ang pultahan ug sayon ang dalan paingon sa kalaglagan, ug dag-han ang mangagi ini. 14 Pagkasigpit ug pagkagansang-gansangon sa gangha-an paingon sa kinabuhi. Dyotay ra ang makakaplag ini.

PAGPAAMBIT SA MENSAHE:

Ang maong ebanghelyo nagtagik diha sa pulong sa Dios nga nagaingon , "Lahi-lahi ang pagtawag ko kaninyo diin dili ang tanan nga nagasangpit kanako Dios ko, Dios ko, makasulod sa gingharian sa langit, kundili kadto lamang, nagasunod sa kabubut-on sa Dios. Kay ang dalan paingon sa gingharian sa Dios sigpit batohon ug bangilid diin tagsa ra ang nakakita niini ug mas gamay ang gustong moagi ug kining mga dalana anaa kana sa atong tagsa-tagsa ka kinabuhi diin, diha mismo sa atong pagtulon-an nga gibarugan diin anaa ang mga paglutos, pagtamay ug pagdaug-daug, diin bulahan ka kun malatas nimo kanang tanan kay adunay giandam ang Dios diha sa atong mga pag-antos.

Ang balaang kasulatan nagaingon ” Kun gusto nimong daygon ug himayaon didto sa gingharian sa langit nan puy-I ang kinabuhi nga puno sa mga pag-antos ug paglutos dinhi sa yuta ug pas-ana ang imong krus ug sunod sa pagtulon-an ni Jesus, diin bulahan ka nga nakaambit sa mga kasinati-an ni Jesu Cristo didto sa krus kay maka-ambit ka usab sa himaya sa iyang pagkabanhaw didto sa langit,

Apan ang dalan paingon sa kalaglagan sa atong mga sala diin halu-ag kini ug daghan ang naga-agi niini, ug mao na kanang mga kalingawan ug mga videoke nga ania sa palibot diin walay pahulay sa pagkanta ug pagsaba-saba , apan bulahan pa sila kay inosente pa sila niining maong kamatuoran ug hataas pa ang pasaylo sa Dios para kanila. Apan kita nga nasayod niining maong pagtulon-an sa higayon mga motalikod kita, wala nay kapasayloan pa ang Dios sa atong mga sala .

Pagpahimuot Sa Dios

ROMA 15: 1~6

15 1 Kita nga mga lig-on ug lawas non kinahanglang mopas-an sa kahuyang sa mga dili kusgan, inay tagbawon lang ang atong kaugalingon. 2 Ang matag usa nato makalipay unta sa atong isigkatawo, tabangan sila sa maayong himong motubo sila. 3 Si Cristo mismo wala mangita sa kaugalingong katagbawan. Sumala sa Kasulatan: Ang mga insulto sa nanginsulto ninyo nadakdak nako. 4 Nasayod ta nga ang nasulat kaniadto nasulat alang sa atong kasayoran. Kay ang kamakanunayon ug kahupayan nga gihatag kanato sa Kasulatan mag-amping sa atong paglaom. 5 Hinaot nga tagaan mo sa Diyos, ang tinubdan sa tanang kamakanunayon ug kahupayan, sa pagpuyong malinawon diha ni Cristo Jesus. 6 Busa, sa usa ka tingog makadayeg mo sa Diyos, ang Amahan ni Cristo Jesus, atong Ginoo

PAGPAAMBIT SA MENSAHE:

Ang maong ebanghelyo nagpamatuod lamang sa balaang kasulatan nga nagaingon 1 Corinto 3:16. ang lawas sa tawo maoy templo sa Dios espiritu santo ug ang molaglag sa templo sa Dios nga mao ang atong lawas iya sad nga pagalaglagon. Nga sa ato pa mga igsoon kun unsay imong gibuhat diha sa imong isigkaingon nan mao usab kana ang imong gibuhat ngadto sa espiritu santo sa Dios nga anaa nagapuyo sa lawas sa matag tawo.

Nga sa ato pa mga igsoon diha sa maong ebanghelyo nagaingon nga maghimo kita ug mga kalihukan nga makapahimuot sa uban , diin diha sa pagsunod nato sa mga pagtulon-an sa Dios diin atong isul-ob ang hiyas nga kristuhanon ug ang hiyas sa espiritu santo sa Dios diin anaa ang pagpaubos , pangindawaton , diin diha sa pagpahimuot ug pagtabang nato sa atong isigkatawo sama ra nga atong gipahimuot ang Dios, kay ang espiritu santo sa Dios anaa man sa matag tawo

Usa kini usab sa pagpasabot ug pagtuman sa kasugo-an sa Dios nga nagaingon ang napulo ka sugo sa Dios nga gisangyaw ni Moises, mahimo laman duruha, diin una mao ang paghigugma sa Dios labaw sa tanan, ug dili kita magbaton ug laing Dios gawas kaniya, ug ingon man ang paghigugma sa imong isigkatawo sama sa paghigugma nimo sa imong kaugalingon diin kun masupak nato ang bisan asa sa duruha ka kasugo-an nan masupak nato ang tanan nag kasugo-an sa Dios nga gisangyaw ni Moises.

Pangomusta

ROMA 16:1~16

16 1 Saligan tamo sa atong igsoon nga si Phoebe, dyakonesa sa simbahan sa Cencrea. 2 Dawata siya sa ngalan sa Ginoo, ingon sa angayang buhaton uban sa mga igsoon sa pagtoo. Tabangi siya sa iyang gikinahanglan, kay nakatabang siya sa daghang tawo; usa ko ini. 3 Mga pangumusta kang Prisca ug Aquila, mga katabang ko diha ni Cristo Jesus. 4 Aron pagluwas sa akong kinabuhi, ilang gitahan ang ilaha; mapasalamaton kaayo ko nila, ingon man ang tanang simbahan sa paganong kanasoran. 5 Mga pangumosta sab sa simbahan nga nagtigon sa ilang balay. Mga pangomusta pinangga kong Epeneto. Siyay unang mitoo ni Cristo sa probinsya sa Asia. 6 Ipangomosta ko ni Maria nga mitrabaho pag-ayo alang ninyo.

7 Komustaha pod si Andronico ug Junia, akong mga paryenti ug kauban sa prisohan. Inila kaayo sila ug unang nag-alagad ni Cristo kay kanako. 8 Mga pangomusta kang Ampliato nga akong gihigugma pag-ayo diha sa Ginoo, 9 ni Urbano, among isigkaalagad; ug sa akong minahal nga si Estaquis. 10 Pangomusta kang Apeles nga miantos alang ni Cristo; ug ang banay ni Aristobulo. 11 Mga pangomusta sa akong paryenti nga si Herodion nga nag-alagad sab sa Ginoo. 12 Mga pangomusta alang ni Trifena ug Trifosa nga nagbudlay alang sa Ginoo. 13 Mga pangomusta kang Rufo, ang pinili sa Ginoo, ug ang iyang inahan nga ikaduha nakong inahan nga ikaduha nakong inahan. 14 Mga pangomusta kang Sincrito, Flegon, Hermas, Patrobas, Hermes ug ang mga igsoong nagpuyo uban nila. 15 Mga pangomusta kang Filologo ug Julia, si Nereo ug ang igsoong babaye nga si Olimpas, ug ang tanang balaan diha ni Cristo Jesus uban nila. 16 Pangomustaha ang usag usa pinaagi sa balaang halok. Ang tanang simbahan ni Cristo nangomusta ninyo.

PAGPAAMBIT SA MENSAHE:

Ang maong mensahe naghisgot diha sa mga pangomusta ngadto sa mga tinahasan sa Dios diha sa ilang pagsangyaw sa kamatuoran, diin diha sa matag karon ug unya sa pagduaw sa maong mga apostoles sila pagakomustahan diha sa pagtulon-an nga ilang gibarugan, kini nga pagpangomusta usa ka pagtuki ug pagsukod kun sa kanunay naga padayon ba ang mga katawhan sa Dios sa pagsunod sa kabubut-on sa Dios bisan wala na ang nagatudlo kanila.

Ang mag pagtulon-an nga gibilin ni Jesu Cristo diin gisangyaw kini sa iyang mga pinili nga mga apostoles, wala kini magsumikad sa tawhanon nga pagpadayag ngadto sa katawhan nga naminaw ug nagasunod niini kun dili nagpadayag kini uban sa giya sa espiritu santo diin maoy nagahatag ug mga pagpahayag ug pagpasabot sa mga katawhan nga naminaw, Nga sa ato pa ang pagpasabot sa maong iglisea nga nagsumikad sa gahum ug kabubut-on sa Dios, diin ang mga sumosunod sa Dios sa kanunay magabalaan ug magatuki diha sa pagtulon-an nga ilang gidunpd.

Kay bulahan ang katawhan nga mopadayun sa unahan diha sa pagtulon-an nga ilang gibarugan kay ang Dios aduna may giandam kanila. Diin matod pa bisan kun mahilayo kita diha sa mga sinagoga tungod sa pagpangaplag ug kinabuhi-an apan sa kanunay anaa ang mga pag-ampo ug pangaliya, nan ang Dios sa kanunay magauban kanato, kay matod pa sa iyang buhing pulong, dili gayud usab mahikalimot ang Dios kanato kun siya atong ipapuyo diha sa atong kasing-kasing.

Kay nalatid ng daan diha sa mga sinulat nga kung timawag ka sa Dios nan mosugot ka man ug dili moabot gayud ang adlaw na mapasilong kita sa landong sa espiritu santo, kay dili mosugot ang Dios Amahan nga moabot ang kataposang pinitik sa imong kinabuhi nga dili ka maduol kaniya, kay matod pa diha nang daan sa tagoangkan sa imong inahan gitawag ka nang daan . Nga sa ato pa ang atong nasinati nga mga paglutos, mga kasakitan ug mga balatian mao lamay pagtawag ug pagpangumusta kanato sa Dios aron sa kanunay mahinumdom kita diha sa mga pag-ampo ug pangaliya.

Si Jesu Cristo Ang Gahum Ug Kaalam Sa Dios

1 CORINTO 1:18~31

18 Apan ang pagwali sa krus nagpabiling binuang alang sa nawala. Alang natong naluwas, gahom ni sa Diyos. 19 Matud pa sa kasulatan: Akong gun-obon ang kaalam sa maalamon ug lumpagon ang pangatarongan sa makinaadmon. 20 Hain man ang mga batid sa tawhanong kaalam, ang mga edukado, ang mga pilosopo? Wala ba pakyasa sa Diyos ang kaalam ining kalibotana? 21 Sa sinugdan ang Diyos misulti sa pinulongan sa kaalam. Apan ang kalibotan wala makaila sa Diyos sa iyang kaalam. Gikahimut-an sa Diyos ang pagluwas sa matoohon pinaagi sa binuang namong giwali
.
22 Ang mga Judio nangayog mga milagro. Ang mga Griyego nangayog labaw nga kahibalo. 23 Nagwali mi ni Cristo nga gilansang sa krus. Alang sa mga Judio, dako ning iskandalo! Alang sa mga Griyego, binuang! 24 Apan si Cristo siya, ang gahom ug ang kaalam sa Diyos sa gitawag niya gikan sa mga Judio ug Griyego. 25 Sa pagkatinuod, ang “binuang” sa Diyos labaw kaayo kay sa kaalam sa tawo. Ang “kahuyang” sa Diyos labaw kakusgan kay sa tanang kusog sa katawhan.

26 Mga igsoon, pamalandongi ug tan-awag kinsay gitawag sa Diyos. Pipila ra ninyo ang matawag nga edukado o dato. Pipila ra ang dungganag kaliwat. 27 Apan gipili sa Diyos ang giisip sa kalibotan nga huyang aron pakaulawan ang kusgan. 28 Gipili sa Diyos ang kumon ug dili importanting mga tawo, ginamit ang walay nada aron wagtangon ang mga butang nga dunay bili, 29 ug aron walay manghambog sa iyang atubangan. 30 Apan sa grasya sa Diyos, naa mo ni Cristo Jesus. Nahimo siya nga atong kaalam gikan sa Diyos. Iya tang gitarong, gisantos ug gigawasnon. 31 Ang Kasulatan nag-ingon: Ang manghambog, papanghamboga siya sa Ginoo.

PAGPAAMBIT SA MENSAHE:

Ang maong ebanghelyo naghisgot diha sa mga milagro nga gipasinati ni Jesus Cristo gikan sa iyang pag-abot dinhi sa kalibutan hangtod niining panahuna diin ginaingon diha sa ubang sinulat nga siya ang ikaduha nga Adan nga nagpakatawo dinhi sa kalibutan diin wala siya magagikan sa abog apan nagagikan siya sa lalang sa espiritu santo nga gitisok sa sabakan ni Birhen Maria, nga sa ato pa Dios siya apan nagpakatawo, aron mapakita ang panag-ingnan nga ang pag-antos dinhi sa yuta adunay himaya nga maangkon didto sa gingharian sa Dios.

Dako ang gugma sa Amahan dinhi kanato nga iyang katawhan diin Siya ang nangita kanato ug mipaduol kanato pinaagi sa iyang bugtong anak, Sukwahi ang mga pamaagi sa Dios diha sa nalatid ng daan ug naandan nga pamaagi diha sa mga pagtulun-an niadtong panahun sa wala pa si Jesu Cristo diin ang mga mabuot nga Judio adunay kaugalingon nga pamaagi sa pagtulon-an sebo sa pagtulon-an nga gibarugan ni Jesus.

Gipasabot ni Jesu Cristo ang kahulugan sa pagpakabuhi nga tawhanon, ug iyang gisangyaw ang kahulugan sa mga kasugo-an sa Dios Amahan diin kini nahitala na sa mga tinabliya nga bato nga gisangyaw ni Moises niadtong panahun ni Jesu Cristo . Diin ginaingon diha sa ubang mga sinulat nga si Jesu Cristo Alpha ug ang Omega diin walay mahiabot sa Amahan kun kini dili magaagi kaniya. Diin pinaagi sa pagsunod ug pagkalawat nato ni Jesus nan mahatagan kita sa kinabuhing dayun. Ang balaang kasulaatn nagingon, ang Kaluwsan nga gisaad ni Jesu Cristo dinhi kanato nga iyang mga sumosunod usa kini ka gasa nganhi kanato ug dili kini pagasabton premyo o ganti aron sa ingon walay magpasigarbo diha sa atubangan sa Dios nga siya naluwas pinaagi maayong binuhatan kundili maluwas kita tungod sa grasya ug kalooy sa Dios.

Ang Umaabot Nga Himaya

ROMA 8:18~30

18 Akong giisip nga ang pag-antos sa atong kinabuhi karon dili makatumbas sa Himaya nga ipadayag ug ihatag kanato. 19 Ang tanang binuhat mahinangpong nagpaabot sa pagkatawo diha sa himaya sa mga anak sa Diyos. 20 Kay ang kalibotan naulipon man sa kapakyasan. Wala ni maggikan sa kaugalingon, apan sa nag-ulipon ini. 21 Hinuon, duna niy paglaom, kay bisan ang gimugnang kalibotan maluwas sa kamatayon ug makaambit sa kagawasan ug Himaya sa mga anak sa Diyos.

22 Nasayod ta nga ang tanang binuhat nag-agulo ug nag-antos nga daw nagbati. 23 Dili lang ang mga binuhat ang nag-agulo, apan kita sab, bisag gihatag kanato ang Espiritu isip pasiuna sa pagkatawo natong nag-agulo. Mahinangpon tang nagpaabot sa adlaw kanus-a ang Diyos mohatag nato sa tanang katungod ug moluwas sab sa atong lawas. 24 Ang paglaom paagi nga maluwas ta. Apan kon makita na nato ang atong gilaoman, wala nay laoman. Kay unsaon man ninyo paglaom sa inyo nang nakita? 25 Busa, naglaom ta sa wala pa nato makita nga atong madawat pinaagi sa mapailubong paglaom.

• 26 Ang Espiritu motabang nato sa atong kahuyang, kay wala ta masayod unsaon ug unsay pangayoon. Apan ang Espiritu mangamuyo alang nato uban ang agulo nga dili matukib. 27 Ang nakakita sa tanang tinagoan, nahibawo sa mga tinguha sa espiritu unsay kabubut-on sa Diyos. • 28 Nahibawo ta nga ang Diyos nagbuhat sa tanan alang sa kaayohan sa naghigugma niya nga gitawag sumala sa iyang plano. 29 Ang nailhan na, gimbut-an sab niya nga mahisama sa iyang anak, aron mahimong Panganay sa daghang igsoon. 30 Busa, ang gipili sa Diyos, iyang gitawag. Ang gitawag, gitarong ug gihatagan sa iyang Himaya

PAGPAAMBIT SA MENSAHE:

Ang maong ebanghelyo naghisgot diha sa kahimayaan uban kang Cristo Jesus, diin kitang tawo samtang nagkinabuhi pa niining kalibutan, gisabot sa Dios sa kanunay diin matod pa hataas pa ang pasensya sa Dios kanato bisan niining panahuna, diin matod pa diha sa mga ebanghelyo ug sa buhing pulong sa Dios Amahan nga sa kanunay kita giaghat sa pagrosaryo sa matag-adlaw ug gabii kay mao kini ang tulay diha sa tong pag-ampo ug mga paghalad ngadto sa Dios Amahan.

Ginaingon diha sa mag buhing pulong sa Dios nga walay mga pag-ampo nga wala madungog sa Dios Amahan dinhi sa ibabaw sa kalibutan nga sa ato pa mga igsoon ang tanan natong mga pag-ampo nadungog sa Dios ug diin dili ang tanan nakadawat sa iyang panalangin tungod kay ang uban anaa lamang sa tumoy sa ilang dila, wala magagikan sa ilang kasing-kasing.

Diin ginaingon diha sa ubang mga sinulat nga walay pag-ampo nga sobra, nga sa ato pa bisan kada minuto ka mag-ampo dili ka makasiguro nga mahilangit o moabot sa langit diha sa sige nimo ug ampo apan bulahan ka igsoon kay naningkamot sa pagsunod sa kabubut-on sa Amahan, Ang balaang kasulatan nagaingon nga Ang mga katawhan nga sige ug ampo ngadto sa amahan dili pa nila masiguro ang kaluwasan sa ilang kalag, nan unsa na kaha kadto mga katawhan nga wala gayuy mga pag-ampo. Kay ang himaya nga gisaad sa Dios ngadto sa kinabuhing dayon didto sa iyang gingharian , martod pa sa 1 Corinto, 1: 28, usa kini ka gasa o grasya nga hinatag gikan sa Amahan ug dili kini pagasabton nga premyo o ganti gumikan sa mga maayong binuhatan. Aron sa ingon walay makapasigarbo diha sa atubanagn sa Dios nga siya naluwas gumikan sa iyang mga maayong buhat kundili kita maluwas gumikan sa grasya ug kalooy sa Dios.

Nga sa ato pa mga igsoon ang kamatayon sa tawo dili diay kini kataposan sa imong kinabuhi undili sinugdanan kini sa bag-ong kinabuhi, diin bulahan kun nakaplag ka niining pagtulun-an sa tinago nga kamatuoran ka yang imong kalag maagak ng daan pinaagi sa mga pag-ampo ug sa mga misyon ug tahas ug diin kun kita mopanaw na ngadto sa laing kalibutan mapahiluna na sa espiritu santo sa Dios ang atong lawak pahulayan samtang magpaabot sa pagbalik sa Dios.

Apan kadtong mga kalag nga nahisalaag ug naglatagaw sa limbo sa laing kalibutan diin wala sila mahibalo sa ilang pagadulngan aduna pa ba silay panahun sa pagpahiluna sa ilang kaugalingon sumala sa kabubut-on sa Dios?. Matod pa sa buhing pulong sa Amahan, aduna siyay mag tinawag nga iyang gituyo sa pagpauna sa laing kalibutan aron sa pagsangyaw niining maong pagtulon-an ngadto sa mga kalag nga wala makakaplag niining maong pagtulon-an.

Din matod pa diha sa matag tuig sa kada petsa dos sa Nobyembre magaambahan ang mag kalag nga nasangyawan ni Abraham diha sa pagsimba sa mga sinagoga aron sa pagpangayo ug pagpangliyupo nga mahiapil sila sa mga paghalad ug pag-ampo diin mao kining higayuna nga ang Dios magahatag ug parol ngadto sa maong mga kalag, diin dako ug ikatabang ang atong mga pag-ampo diha sa mga misyon sa Santa Crus.

Bulahan kun mahidangat na sad unya sila sa ganghaan sa gingharian sa Dios ug diddto sila nagpaabot sa pagbalik sa Dios nga anak nan sila na sab unya ang mobalos sa pag-ampo para kanato agi ug pasalamat. Ug diin kun kita na usay nahidangat didtong dapita kay mosugot kita ug dili mao man gyud kana ang atong kapaingnan kay langyaw man lang kita niining kalibutan ug sa higayun nga mahiabot kita didto nan makurat na lang usab kita tungod sa kadaghan sa mga kalag nga nngumusta ug mohangop kanato agi ug pasalamat kay sila man ang mga kalag nga naluwas diin nahatagan ug parol gumikan sa atong mga pag-ampo.

Kinabuhi Nga Minando-an Sa Espiritu

ROMA 8: 9~19

9 Apan dili mo ubos sa pagdumala sa unod kondili, sa espiritu kay ang Espiritu sa Diyos naa man ninyo. Kon wala pa, dili unta mo masakop ni Cristo. 10 Apan kon si Cristo naa ninyo, bisag ang lawas mamatay isip sangpotanan sa sala, ang espiritu magpabiling buhi kay grasya man ni sa Diyos. 11 Kon ang Espiritu sa mibanhaw ni Cristo sa minatay naa ninyo, ang mibanhaw ni Cristo mobanhaw sab ninyo. Iya ning buhaton pinaagi sa iyang Espiritu nga nagpuyo diha ninyo. 12 Unya, mga igsoon, biyaan ta ang unod ug dili na magpuyo sumala ini. 13 Kon dili, mamatay ta. Hinuon, maglakaw ta sa Espiritu ug patyon ang mga buhat nga lawasnon aron mabuhi ta. 14 Ang naglakaw sa Espiritu sa Diyos, mga anak sa Diyos.

15 Mawala na ang kahadlok, kay wala man mo makadawat sa espiritu sa kaulipnan. Ang inyong nadawat mao ang Espiritu nga naghimo ninyo nga mga anak. Matag sangpit nato: “Abba, Amahan,” 16 ang Espiritu nagpasalig sa atong espiritu nga 17 mga anak ta, ug mga sumusunod. Maato ang kabilin sa Diyos nga paambitan nato ni Cristo; kay kon nag-antos ta karon uban niya, moambit sab ta sa Himaya uban niya. 18 Akong giisip nga ang pag-antos sa atong kinabuhi karon dili makatumbas sa Himaya nga ipadayag ug ihatag kanato. 19 Ang tanang binuhat mahinangpong nagpaabot sa pagkatawo diha sa himaya sa mga anak sa Diyos.

PAGPAAMBIT SA MENSAHE:

Ang maong ebanghelyo maghisgot diha sa pagkinabuhi nga ubos sa kabubut-on sa Dios diin sa pagpakabuhi ni Jesus dinhi sa kalibutan mao kini nga pagtulun-an nga iyang gipaambit dili lang sa iyang mga apostoles kundili hasta usab niadtong nagasunod sa iyang pagtulun-an. Iyang gitudlo ang pagpakabuhi nga nagasul-ob sa hiyas nga espirituhanon diin puno sa pagpaubos pagpasakit ug puno sa pagdawat sa mga paglutos diha sa iglisea nga iyang gibarugan hangtod usab niadtong mga mabuot nga Judio nga wala motoo sa iyang doktrina.

Ug iyang gitudlo ang pagpakabuhi nga langyaw niining kalibutana apan ha-om diha sa kabubut-on sa iyang amahan didto sa langit kay sa magpakabuhi ka nga tawhanon ug ha-om sa mga kailibgon niining kalibutana apan ayran ug dili ilhon didto a gingharian sa Dios Aamahn, nga sa ato pa mga igsoon maoy gitudlo ni Jesus ang pagpakabuhi nga matod sa ebanghelyo minando-an sa espiritu sa Dios diin nagasubay kita kanunay sa iyang kabubut-on.

Usa ka panag-ingnaan ang pagpakabuhi ni Jesus dinhi sa yuta nga bisan siya anak sa Dios ug manunod sa trono sa Amahan wala niya ipamugos ang iyang pagka Dios ug hinuon nagpakulipon siya sa iglisea nga iyang gibarugan, pangulo siya sa maong iglisea apan sulogoon siya sa iyang mga katawhan pinaagi sa pagpaabot sa atong mga pag-ampo ngadto sa Dios Amahan pinaagi kaniya.

Si Pablo Sa Atubangan Ni Felix Ug Ni Drusila

BUHAT 24: 24~27

24 Human sa pipila ka adlaw, miabot si Felix uban sa iyang asawa, si Drusila nga Judio. Gipatawag si Pablo ug gipasulti bahin sa pagtoo ni Cristo. 25 Apan sa paghisgot ni Pablo bahin sa hustisya, sa pagpugong sa kaugalingon ug sa umaabot nga hukom, gipanguyawan si Felix. Miingon siya, “Makalakaw ka na. Pabalikon tikaw sa laing panahon.”

26 Si Felix nagpaabot nga si Pablo mohatag niyag salapi. Busa, kanunay ning gipatawag ug gipakigsultihan. 27 Milabay ang duha ka tuig. Si Felix gipulihan ni Porcio Festo. Tungod sa tinguha ni Felix nga magpabilin ang maayong relasyon tali niya ug sa mga Judio, gibiyaan niya si Pablo sa prisohan.

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa mga apostoles niadtong panahun ni Jesus diin sa kanunay anaa ang mga paglutos ug ang mga kalisod sa mga pagsangyaw ug sa mga kasinatian nga ilang naagian diha sa ilang mga paglutos.

Sa maong ebanghelyo, nagpakita nga ang pagsaburno o ang pagkurakot anaa na gayud diay bisan niadtong panahun pa ni Jesus. Ug ang mga pag-antos sa mga apostoles diin ilang gikalimtan ang ilang kinabuhi ug maoy gipalabi ang pagsangyaw ug ang pagpadayag sa himaya sa langit.

Ang Jerusalem, ug ang Roma uban sa mga kasikbit nga dapit niini maoy naga-una diha sa pagdungog ug pagdawat sa mga pagsangyaw sa mga apostoles niadtong unang panahun , dos mil (2,000) katuig na ang milabay. Ang pangutana niadtong panahun ni Jesus ug sa panahun sa mga apostoles anaa na ba ang Pilipinas? , kun atong basehan ang atong mga “archeological facts” ug ang “Philippine History”, atong makita nga ang nabantog nga “Ifugao Rice Terraces” namugna kini tres mil (3,000) na katuig ang milabay nga sa ato pa ang Pilipinas anaa na sa mapa sa kalibutan apan dili pa kini “civilized” ug wala pa kini “madiscover”, ug ang maong pagtulun-an ni Jesus niadtong panahuna didto lang kini nalangkob sa dapit sa Jerusalem, diin maoy sentro sa pagtulun-an niadtong panahuna.

Diin matod pa diha sa ubang sinulat halos tanan nga nanagsangyaw sa pulong ni Jesus , kadtong napulo ug dose ka apostoles, namatay gayud silang tanan diha sa kamot sa mga pagano o sa mga tawo nga wala motoo kang Cristo, diin gibitay sila nga gatu-ali ug gipangpunggotan sa ulo, apan wala nila kahadloki ang ilang kamatayon sama nila ni Pablo ug ni Pedro diin bisan diha na sila sa babA sa kamatayon gihimaya nila ang Dios pinaagi sa pagkanta sa pagdayeg ngadto sa langit, kay para kanila walay bili ang ilang tawhanon nga lawas kay ang importante nga ang ilang kalag nakakaplag man sa himaya uban kang Cristo, diin usa kini ka pagmatuod sa mga pulong ss balaang kasulatan nga nagaingon “Ayaw kahadloki ang tawo nga makapatay lamang sa imong tawhanon nga lawas apan walay mahimo sa imong kalag, maoy kahadloki ang Dios nga dako ug mahimo diha sa kalaglagan ug kaluwasan sa imong kalag”.

Si Jesus Ug Si Abraham

JUAN 8 : 48~57

48 Mitubag ang mga Judio, “Dili ba, tinuod man ang among giingon nga Samariyanhon ka ug giyawaan?” 49 Si Jesus mitubag, “Wala ko yawai. Gipasidunggan ko ang Amahan ug inyo kong gipakaulawan. 50Wala ko mangita sa kaugalingong Himaya. May Usa nga nangita ini alang nako ug siya ang maghukom. 51Sa pagkatinuod sultihan tamo, ang magtuman sa akong pulong dili mamatay. 52 Miingon ang mga Judio, “Nahibawo na mi nga giyawaan ka. Namatay si Abraham ug ang mga propeta, apan nag-ingon ka, Ang magtuman sa akong pulong, dili mamatay!

53 Labaw ka ba sa among amahan, si Abraham, nga namatay ug sa mga propeta nga nangamatay sab? 54 Miingon si Jesus, “Kon naghimaya ko sa akong kaugalingon, wala niy bili. Gihimaya ko sa akong Amahan. Matud pa ninyo inyo siyang Diyos; 55 apan wala mo makaila niya. Nakaila ko niya. Kon moingon ko nga wala ko makaila niya, mabakakon ko sama ninyo. Apan nakaila ko niya ug gituman ko ang iyang pulong. 56 Si Abraham, ang inyong katigulangan, nagdahom nga makakita sa adlaw sa akong pag-abot. Dihang nakakita ug nalipay siya. 57 Dayon, miingon kaniya ang mga Judio, “Wala ka pay 50 anyos ug nakakita ka na ni Abraham?”


PAGPAAMBIT SA MENSAHE:

Ang maong ebanghelyo naghisgot kabahin ni Jesus ug ni Abraham diin nagduda ang mga Judio nga giyawaan si Jesus tungod sa dili ordinaryo nga mga pagpadayag niini. Ilabina ang kabahin sa mga unang tinawag sama kang Abraham diin miingon si Jesus nga ang nagatoo kaniya dili gayud mamatay.

Ang maong mga Judio wala gayud mahibalo kun kinsa gayud ang ilang gika-atubang diin siguro ang ubang Judio nahibalo apan dili gayud gusto nga motuo. Ang balaang kasulatan diha sa unang libro a Genesis nagaingon nga diha na si Jesus dihang gibuhat sa Amahan ang kalibutan, ug ingon man usab sa dihang milalin sila ni Moises gikan sa Ehipto paingon sa yuta sa mga saad nga mao ang Jerusalem diha na usab si Jesus miuban kanila, siya kadtong bato nga nagauban ug nagahatag ug mga kalan-aon ngadto sa mga katawhan ni Moises.

Si Abraham maoy unang mga katawhan sa Dios nga iyang pinili diin siya ang mangamahan sa daghang siyudad ug nasod ug siya usab ang giingnan sa Dios Amahan nga pagahatagan ug grasya ang iyang mga katawhan apan mag-agi una kini ug pagsulay diin sila mamahimong ulipon didto sa gawas sa ilang nasod sulod sa 400 ka tuig.

Dako ang katuyo-an sa Dios kang Abrahan gumikan kay sa iyang kaliwat magsumikad ang pag-abot sa anak sa Dios nga magpakatawo. Diin usa ka panag-ingnan ang pagpailob ni Abraham diha sa mga saad sa Dios diin bisan nahatagan siya sa gisaad sa Dios diin milabay una ang kapid-an ka mga katuigan nga milabay apan sa kanunay nagpadayon siya sa iyang hugot nga pagtuo ug pagsalig sa Dios.Usa kini ka pagmatuod nga ang pinili sa Dios dinhi sa yuta mag-agi gayud sa mga paglutos , pagsulay ug mga kalisod kay mao man kini ang nahitala diha sa kabubut-on sa Dios diin ang balaang kasulatan nagaingon nga kun gusto nimong mahimong tinun-an ni Jesus nan, kalimti ang imong kinabuhi , pas-ana ang imong krus ug sunod sa iyang mga pagtulon-an. Diin bulahan ka nga nawad-an ug kinabuhi diha sa pagtuman mo sa iyang kasugo-an kay mahatagan ka pa ug dugang kinabuhi, apan kun magdumili ka sa pagsunod kaniya sa kahadlok nga mawad-an ug kinabuhi , kawad-an ka na hinuon niini.

Ang Pahayag Ni Pedro Mahitungod Ni Jesus

MARCOS 8: 27~30

27 Nangadto si Jesus ug ang mga tinun-an sa kabalangayan nga naglibot sa Cesarea Filipo. Sa diha pa sila sa dalan, nangutana siya: “Alang sa katawhan, kinsa ko?” 28 Mitubag sila: “May nag-ingon – si Juan nga Magbubunyag. Ang uban – si Elias o usa sa mga propeta.” 29 Nangutana si Jesus. “Alang ninyo, kinsa man ko?” Mitubag si Pedro: “Ang Cristo ka.” 30 Ug gidid-an sila sa pagpanugilog kinsa siya.

PAGPAAMBIT SA MENSAHE:

Ang maong ebanghelyo nagtuki bahin sa tinud-anay nga pagkatawo ni Jesus diin ang iya lamang lihitimo nga sumosunod ug pagkatwo ang nasayod nga siya mao gayud ang mesiyas, ang ubang mga katawhan nagsige lang ug tagna-tagna sa iyang pagkatawo. Diin bisan ang lugar nga iyang gigikananan sa Jerusalem wala man gayud siya mabaniog didto. Usa kini kapagtulon-an nga gibilin ni Jesus diha sa pagsangyaw niya sa kamatuoran diin maoy gigamit niya sa pagsangyaw ang mga maayong hiyas ug mga espirituhanong pagtulun-an nga iyang gibarugan ug ingon man usab ang mga milagro diha sa pagtambal niya sa mga masakiton, usa kini ka kamatuoran nga diha sa pagpakita nimo sa tinud-anay nga kamatuoran ug sa pagpakita sa giya sa espiritu santo mogawas gayud nga ang maong pagsangyaw iya sa Dios.

Hinay-hinay ug inanay ang pagkuyanap sa maong ebanghelyo ni Jesus diin didto gayud kini mag-una sa Jerusalem sa Roma ug uban pang kasikbit nga dapit, iyang gipakita nga ang Dios wala magdali sa pagkabig ug pagluawas sa iyang mga katawhan apan ang mga milagro nagpakita na diha sa mgapagkahimugso ni Jesus hangtod niining panahuna, nga sa ato pa mga igsoon bulahan ka nga mitoo ug mikalawat kang Jesus bisan kun wala nimo siya makita sa personal, diin nakita lamang nato siya diha sa mga balaang kasulatan ug sa mga pagsangyaw sa mga katigulangang ug sa mga pagsinati sa mga milagro nga iyang gihimo.

Kay matod pa sa ubang mga sinulat, wala ipamugos sa Dios ang iyang gingharian diin diha sa iyang pagluwas kanato pinaagi sa pagpalansang sa krus mao lamay paglibre kanato sa mga kasal-anan nga nalatid nang daan bisan sa wala pa ang mga balaod sa Dios diin niining paglansang niya sa krus ug diha sa maong kamatayon diin siya gibayaw ngadto sa langit maoy signal nga kita magasugod sa pagpuasa ug sa pag-ilis sa atong mga hiyas nga tawhanon ngadto sa mga espirituhanon nga hiyas.

Apan adunay tinawag ang Dios diin gitawag kini niya ug mga pinili nga katawhan diin diha pa sila sa tago-angkan ss ilang inahan gitawag na silang daan ug gipatikan sa espiritu santo, diin diha unya sa ilang pagkinabuhi magasubay sila sa kabubut-on sa Dios kay sa mosugot sila ug dili kun sila mahisalaag man maoabot hayud ang panahun nga sila mobalik sa pagpasilong sa landong sa espiritu santo.

Nangayo Ug Ilhanan Ang Mga Pariseo

MARCOS 8: 11~13

11 Nangabot ang mga Pariseo ug nakiglantogi ni Jesus. Sa tinguha nga mapaulawan si Jesus, nangayo silag timaan gikan sa langit. 12 Nakapanghupawg lawon si Jesus nga miingon: “Nganong nangayog timaan ang katawhan karon? Sa pagkatinuod, sultihan tamo, walay timaan nga ihatag.” 13 Unya, iya silang gibiyaan. Misakay siyag usab sa sakayan ug mitabok sa lanaw.

PAGPAAMBIT SA MENSAHE:

Ang maong ebanghelyo naghisgot diha sa pagkinabuhi nato nga langitnon diha sa mga pulong nga iya sa espiritu santo. Sa maong ebanghelyo nangutana ang mag Judio aron sukdon ang pagkatawo ni Jesus kun siya anak ba gayud sa Dios pinaagi sa pagpangyo ug timailahan apan si Jesus mitubag nga wala siyay timailhan nga mahatag.

Apan kun atong mapalandungan ang ubang mga sinulat diha sa balaang kasulatan nagaingon kini nga nalatid nang daan nga ang anak sa Dios magpakatawo ug sakiton ug ilansang sa krus diin diha sa iyang paghiabot dihi sa kalibutan diha sa pagkatawo niya sa pasungan naghimaya ang mag anghel didto sa langit diin maoy gihimong usa sa mga bisita ni Jesu Cristo kadtong mga magbalantay sa karnero diin maoy dakong kahulugan diha sa iyang paghiabot sa kalibutan diin magbalantay usab siya sa karnero nga mao kita.

Nga sa ato pa mga igsoon nalatid ug napadayag na ang mga timailhan sa pag-abot sa hari sa mga hari apan ang mabuot nga mga Judio dili gayud motuo kay para kanila walay Dios nga anak ang Dios nga amahan ug diin sayop ang ilang pagtuki sa mga mensahe sa mga karaang propeta kay para kanila ang hari sa mga hari susama kang David nga tawo ug nahimong hari nga maisog.

Mao kini ang wala matuki sa maong mga mabuot nga pariseo niadtong panahun ni Jesus kay para kanila sila ang unang masayod kun aduna bay anak ang Dios kay para kanila sila ang pulong sa Dios, ug ilang giisip usab nga ang anak sa Dios dungganan ug harianon ang pamiste sama kanila, diin sukwahi ang gipakita ni Jesus diin nakasandalyas lamang ug nagtiniil diin walay dayan-dayan ang biste gawas lamang sa mga amorsiko nga namilit sa sidsid sa iyang sinina.

Usa kini ka kamatuoran nga nagpasabot diha sa pulong sa balaang kasulaatn nga nag-ingon kun gusto nimong dayegon ug himayaon ka didto sa langit nan puy-i ang kinabuhi nga puno sa pagpaubos ug pagpasakit dinhi sa yuta diin puno sa pagpailob ug pagpangindawaton ug sa kanunay maga-ampo ug mangaliya sa amahan, pas-ana ang imong krus sa kinabuhi ug sunda ang pagtulon-an ni Jesus. Diin bulahan ka nga nakaambit sa mga kasakitan ni Jesus didto sa krus kay makaambit ka usab sa himaya a iyang pagkabanhaw didto sa langit. Nga sa ato pa mga igsoon diha sa mga paglutos ug mga pagdaog-daug nag imong nasinati ug imong gidawat sa tumang pagpaubos nagpasabot lamang usab kana nga gidawat ug gipapuyo mo si Jesus diha sa imong kasingkasing.

Gipakaon Ni Jesus Ang 4,000 Ka Tawo

MARCOS 8: 1~9

8 • 1 Human adtong hitaboa, diha na sab si Jesus sa taliwala sa dakong pundok sa katawhan nga way makaon. Busa, gitawag niya ang mga tinun-an ug giingnan: 2 “Naluoy ko pag-ayo sa katawhan. Tulo na ka adlaw nga nakig-uban sila nako ug wala silay kaon. 3 Kon papaulion ko silang gutom, tingalig kuyapan sila sa dalan. Ang uban ra ba layog gigikanan.”

4 Mitubag ang iyang mga tinun-an: “Asa man ta makakuhag pan ining hilit nga dapit nga paigo sa tanan?” 5 Nangutana siya: “Pila kabuok ang pan?” Mitubag sila: “Pito.”
6 Gipalingkod niya sa yuta ang katawhan, gikuha ang pito ka pan ug nagpasalamat. Iya ning gipikaspikas ug gihatag sa mga tinun-an aron iapud-apod sa katawhan. Ug gibuhat ni. 7 May pipila sila ka gagmayng isda nga iyang gipanalanginan; ug gipabahinbahin.

8 Nangaon ug nangabusog ang katawhan. Gitigom nila ang nahibilin ug nakahipos silag pito ka bukag nga puno sa gagmayng piraso. 9 Mikabat sa 4,000 ka tawo ang nakakaon. Dayon, gipapauli sila ni Jesus. 10 Misakay siya sa sakayan uban sa iyang mga tinun-an. Ug nangadto sila sa yuta sa Dalmanuta.


PAGPAAMBIT SA MENSAHE:

Ang maong ebanghelyo naghisgot diha sa mga pagtulon-an nga gibarogan ni Jesus diin ang mga katawhan nga sa kanunay nagasunod ug nagatuki sa iyang mga pagtulon-an kanunay gayud nga makakita sa milagro.

Ang pagpakaon sa pan ug isda sa maong mga domoduong ug sumosunod sa Dios maoy pagpakita lamang sa mga milagro nga iya gayud sa Dios ug diin kini nahitabo lamang diha niadtong panahuna diin wala gayuy makaon ang katawhan ug aron usab makita ang panag-ingnan nga literal nga pagsabot sa balaang kasulatan nga nagaingon ang Dios dili gayud mahitabo nga motalikod kanato bisan kanus-a kun siya ang nagahari diha sa atong kasingkasing. Busa dili gayud angay nga magatigom kita ug daghang bahandi diin mahimo na man unya nga duha ang imongDios ang bahandi ug ang matuod nga Dios.

Kay matod p diha sa ubang sinulat diha sa balaang kasulatan, unsa bay arang sa tawo nga sa atong paghiabot duinhi sa kalibutan diha sa atong pagkatawo gikan sa tago-angkan sa atong inahan, hubo man kitang daan ug sa sa atong pagtalikod dinhi niining kalibutan biyaan ta man ang tanan ug diin walay materyal nga bahandi nga atong mabit-bit paingon ngadto sa laing kalibutan.

Nagapasabot lamang igsoon nga diha sa pagkinabuhi dinhi niining kalibutan kun wala kitay bahandi nga espirituhanon kay tagaan ta ug pagtagad ang mga bahandi nga iya sa yuta nan ang imong kalag dinhi ra sab kutob sa yuta, apan hupong ug sangkap ka sa bahandi nga langitnon diin anaa kanunay ang mga pag-ampo ug pangaliya sa Dios nan imo kining mabitbit ngadto sa laing kalibutan bulahan mao unya kini ang imong giya pagpangita sa dalan ngadto sa ganghaan sa gingharian sa Dios.

Giayo Ni Jesus Ang Usa Ka Tawo Na Amang Ug Bungol

MARCOS 7:31~37

31 Mibalik si Jesus gikan sa Tiro ug Sidon, ug miadto sa Lanaw sa Galilea. Sa kayutaan sa Decapolis 32 gidad-an siyag usa ka bungol ug amang, ug gihangyo pagtapion sa iyang kamot sa masakiton. 33 Gilain siya ni Jesus sa pundok, gikulkog ang dalunggan ug gihikap ang dila sa tudlong gilawayan. 34 Unya, miyahat siya sa langit ug midaghong. Giingnan niya ang tawo: “Effeta,” sa ato pa, “Maabli ka.”


35 Naablihan ang dalunggan tawo ug miluag ang dila – maayo na kaayog sinultihan. 36 Dayon, gidid-an sila ni Jesus sa pagsugilon ini kang bisag kinsa. Apan tungod sa iyang pagdili, misamot silag panugilon. 37 Busa, nakurat ang katawhan. Nakaingon sila: “Giayo niya ang tanan; nakadungog ang bungol ug nakasulti ang amang

PAGPAAMBIT SA MENSAHE:

Ang maong ebanghelyo nagpasabot sa mga milagro ni Jesus diha sa pagsangyaw niya sa kamatuoran diha sa iglisea sa Dios. Iyang gipakita ang mga milagro pinaagi diha sa mga pagpanambal ug sa pagtudlo sa mga espirituhanong hiyas diin mao kini ang gilatid sa Amahan diha sa pagpakita sa milagro aron madayag ang kamatuoran.

Dugay na ang maong hitabo diin milabay na ang duha ka siglo diin nagpakatawo ang Ginoo aron sa pagluwas kanatong tanan, diin kadaghanan ang mitoo sa milagro sa Dios Ug misunod sa pagtulon-an sa Dios apan kadtong mga mabuot nga Judio nagdumili sa pagtuo sa maong kamatuoran ug nagdumili sa pagdawat kang Jesus isip anak sa Dios hinunu-a maoy naglutos kaniya ug sa iyang mga sumosunod labina ang napulog ug duha ka apostoles.

Apan matod pa ang tanan kabubut-on as Amahan nga gawas nga gusto kitang luwason labina niadtong mga katawhan nga wala gayud motoo ug moila as Dios, gusto usab sa Amahan nga sulayan ang iyang mga katawhan kun makaila ba siya kaniya pinaagi lamang sa iyang anak. Apan ang tawo nga sangkap na sa edukasyon ug pagkaintelehente dili gayud madali-dali pagpatuo sa mga butang nga bag-o sa ilang panumdoman ug panan-aw kay mao may ilang gitamod ug gitahod ang ilang naandan.

Mao kini ang ritwal nga nagabalik-balik diha sa matagpagtulon-an nga nagtuo sa Dios diin bisan niining panahuna din midagsang ang daghan nga mga pagtulon-an nga daghan ang nagpatuo sa kinabuhi nga walay kataposan diha sa ilang pagtulon-an. Apan ang buhing pagtulon-an dili gayud matuis nga si Jesus Cristo ang matuod nga Dios nga sa kanunay nagahatag sa mga milagro hangtod niining panahuna diin bulahan ka nga wala makakita apan mituo niining kamatuoran nga atong gibarugan kay maimo ang langitnong bendisyon.

Ang Pagtuo Sa Usa Ka Babaye

MARCOS 7:24~30

• 24 Mibiya si Jesus adtong dapita, miadto sa utlanan sa Tiro ug misulod sa usa ka balay sa tinguha nga walay masayod ini. Apan dili siya makatago. 25 May babaye kansang anak nga dalagita giyawaan, nga nakadungog bahin ni Jesus. Miduol ug mihapa sa tiilan ni Jesus 26 ang babaye nga pagano ug taga Sirofenicia. Mihangyo siya sa pagpapahawa sa yawa sa iyang anak.

27 Giingnan siya ni Jesus: “Pakan-og una ang mga anak. Dili makataronganon nga kuhaon ang ilang pagkaon ug ilawog sa mga iro.” 28 Apan mitubag siya: “Oo, Ginoo, apan bisan ang mga iro ilalom sa lamesa makakaon sa momho sa mga anak.” 29 Unya, giingnan siya ni Jesus: “Tungod sa imong gisulti, padayon paglakaw. Mipahawa ang yawa sa imong anak.” 30 Sa balay nakita sa babaye nga naghigda ang bata. Wala na ang yawa.

PAGPAAMBIT SA MENSAHE:

Ang maong ebanghelyo naghisgot diha sa pagsangyaw ni Jesus sa kamatuoran ug sa iglisea nga iyang gibarugan diin iya kining gipasinati pinaagi sa mga milagro ngadto sa mga katawhan nag adunay hugot nga pagtuo sa Dios. Diha sa maong ebanghelyo miingon si Jesus nga unahon pagpakaon ang imong nga anak dili kay kuhaon nimo ang ilang pagkaon ug ilawog sa mga iro.

Diin sa akong pagsabot sa maong istorya ni Jesus usa kini ka sambingay diin nagkahulugan kini nga diha sa pagdisiplina sa mga anak ipabilin gayud niini ang gugma ug kalooy pinaagi sa pag-atiman kanila sa insaktong oras sa pagpakaon ug kanunay nga ipaduol sa Dios, ug mutubag ang babaye nga bisan pa ug magkaon sila maka-ambit man gayud ang mga iro sa ilang pagkaon pinaagi sa mga momho nga matagak. Diin sa gihapon usa kini ka sambingay nga bisan diha sa pagdisiplina ug pag-atiman ko kanila anaa gayud gihapon ang mga kalapasan sama sa pag-usik-usik sa grasya as Dios, ug dili kini kalikayan mga igsoon kay sila mga bata pa man, angayan gayud sila nga agakon pinaagi diha sa mga pag-ampo. Ug diin nakita ni Jesus ang hugot nga pagtuo sa maong babaye diha ngadto as Dios ug iya gayud nga gipapahawa ang yawa nga nagapuyo diha sa maong mga bata.

Nagpasabot lamang kini mga igsoon nga ang Dios dili mohikaw diha sa atong gipangayo ug giampo ngadto kaniya kun kini kaayuhan lamang ug diin makita sa Dios nga kinasing-kasing ang maong mga pag-ampo nga giubanan sa hugot nga pagtuo, ug dako panalangin as Dios para sa mga bata kay matod sa balaang kasulatan ang ilang anghel nga magbalantay atua gayud maga linkod sa tiilan sa Dios Amahan, diin sa kanunay makadawat sa Langitnong bendisyon, kay matod pa diha sa ubang mga sinulat mas malisod kanato nga mga hingkod ang pagsulod sa gingharian sa Dios gawas lamang kun mobalik kita sa pagkabata ug modawat sa Dios nga sama sa usa ka bata nan masayon unya ang pagsulod ngadto sa iyang gingharian.

Si Adan Ug Si Cristo

ROMA 5:12~21

12 Karon, ang sala misulod sa kalibotan pinaagi sa usa ka tawo. Pinaagi sa sala, ang kamatayon milukop sa tanang katawhan, kay nakasala man ang tanan.
13 Kay wala may balaod, dili sila makasulti mahitungod sa kamasupilon. Apan diha na sa kalibotan ang sala. 14 Apan naghari ang kamatayon nga walay pagpili diha nila gikan ni Adan ngadto ni Moises. Hinuon, ang ilang sala dili ang kamasupilon sama sa kang Adan – dili ni ang tinuod nga Adan, nagtagna ni sa laing moabot.

15 Busa, ang mga epekto sa gasa sa Diyos dili matupngan adtong sa sala. Nahibawo ta nga daghan ang nangamatay tungod sa sala sa usa ka tawo. Apan unsa pa kaha kadaghan ang grasya sa Diyos ug ang gasa nga gihatag sa katawhan pinaagi ining talagsaong tawo nga si JesuCristo. 16 Ang grasya sa Diyos milabaw kaayo sa sala. Ang kamasupilon nga mikondenar gihimo sa usa lang ka makasasala. Apan ang grasya sa Diyos magpasaylo sa kalibotan nga makasasala. 17 Kon mihari ang kamatayon tungod sa kamasupilon sa usa lang ka tawo, unsa pa kaha ang paghari ug pagkabuhi sa nakadawat sa grasya sa Diyos pinaagi sa tawo nga si JesuCristo.

18 Sama nga ang sala sa usa nagpahamtang og silot sa kamatayon alang sa tanan, nag-antos sab ang usa ug nakaangkon sa pasaylo ug kinabuhi alang sa tanan. 19 Ingon nga ang kamasupilon sa usa nakapahimo sa daghan nga makasasala, ang kamasinugtanon sa usa nagmakiangayon ug nagbalaan sa daghan. 20 Ang Balaod mismo nga gipaila sa kaulahiay, mipadagsang sa sala. Apan diin midagsang ni, milabaw kabuhong ang grasya. 21 Sama nga mihari ang kamatayon tungod sa sala, ang grasya sab maghari sa kaugalingong panahon, human ta namakiangayon ug nahigala sa Diyos, dad-on ta niya sa kinabuhing dayon pinaagi ni JesuCristo, atong Ginoo.



PAGPAAMBIT SA MENSAHE:

Ang maong ebanghelyo naghisgot diha sa unang Adan diin nagagikan kini sa abog ug sa abog usab pauli diin giingon diha sa ebanghelyo nga namugna ang sala bisan sa wala pa ang balaod ug diin nasilotan usab sa kamatayon ang mga katawhan tungod sa mga kasal-anan.

Ginaingon diha sa ubang sinulat nga si Jesu Cristo maoy ikaduhang Adan nga nahiabot dinhi sa kalibutan apan wala siya magagikan sa abog kundili nagagikan siya sa lalang sa espiritu santo nga gitisok diha sa tago-angkan ni birhen Maria. Anak siya sa tawo ug Dios nga matuod.

Diha sa unang kasabutan ginaingon nga dinhi na si Jesus Cristo diha sa pagmugna sa kalibutan ug diha sa panahun ni Moises siya usab kadtong bato nga nagauban kang Moises diha sa ilang panaw nga gitawag ug exodus didto sa bukid sa kamingawan ug paingon kini sa yuta sa mga saad diin gitawag na kini karon ug Jerusalem.
Nga sa ato pa mga igsoon nagsige na ug balik-balik si Jesu Cristo dinhi sa kalibutan sa wala pa siya magpakatawo, diin tungod sa kabubut-on ug gugma sa Amahang Dios kanato iyang gipakanaog ang iyang bugtong anak aron sa pagluwas kanatong tanan gikan sa kasal-anan. Nga sa ato pa ang Dios Amahan gayud ang niluwas ug miduol kanato aron sa pagpakita sa iyang gugma kanatong tanan.

Diin usa ka pagtulon-an ang gustong ipaabot ni Jesus Cristo dinhi kanatong tanan diin iyang gipasabot ang mga kasugo-an sa iyang amahan nga napulo mahimo lang kining duha, una ang paghigugma sa Dios labaw as tanan ug ikaduha ang paghigugma sa atong isigkatawo sama sa atong kaugalingon. Apan kun masupak nimo bisan usa lang sa napulo ka kasugo-an nan nasupak na nimo ang tanan nga kasugo-an. Ug diin ang tawo makasala usab diha sa iyang huna-huna, sa iyang binuhatan ug bisan diha sa iyang pulong

Iyang gitudlo ang sumbanan sa pagkamatuod nga pangulo diha sa matuod nga iglisea diin iyang gipakita nga ang pagkapangulo maoy usa ka sulogoon diha sa iglisea nga iyang gibarugan, maoy tulay sa mga pangaliyupo ug pag-ampo gikan sa katawhan ngadto sa Amahang Dios, iyang gitudlo ang pagsul-ob sa kinaiyahan nga espirituhanon diin puno sa pagpaubos, pagkamangindawaton ug anaa kanunay sa mga pag-ampo.

Gipili Kamo Aron Maluwas

2 TESALONICA 2: 13~17

13 Apan, nagpasalamat mi sa Diyos sa tanang panahon tungod ninyo, mga igsoon diha sa Ginoo. Kay gipili mo sa Diyos sukad sa sinugdan aron maluwas mo pinaagi sa tinuod nga pagtoo ug mahimong balaan pinaagi sa espiritu. 14 Kini ang katuyoan sa iyang pagtawag ninyo pinaagi sa Ebanghelyo nga among gisangyaw. Pagbuot niya nga maambitan ninyo ang himaya ni Cristo Jesus nga atong Ginoo.

15 Tungod ini, mga igsoon, pagmalig-on mo. Barogi ang mga tradisyon nga among gitudlo sa pulong o sa sulat. 16 Lig-onon unta mo ni Cristo Jesus nga atong Ginoo ug sa Diyos nga atong Amahan nga nahigugma nato. Pinaagi sa iyang kaluoy gihatagan ta sa walay kataposang kalipay ug matuod nga paglaom. 17 Dasigon unta niya ang inyong kasingkasing ug lig-onon sa maayong buluhaton ug pulong

PAGPAAMBIT SA MENSAHE:

Ang maong ebanghelyo naghisgot diha sa mga pinili nga katawhan sa Dios diin ginaingon diha sa Balaang Kasulatan ug sa mga buhing pulong sa Dios nga daghan ang iyang mga pinili nga katawhan sa kalibutan diin sama kini sa balas sa baybayon kadaghan apan ang mga pinili pagapili-an pa . Ug nagaingon usab ang mga ebanghelyo sa Dios nga wala magpasabot kay ikaw pinili na nan magalingkod ka na lang ug magahulat sa iyang pagbalik kundili pagasulayan gayud sila aron makita ang katiunay sa ilang pagserbisyo diha as Dios.

Nga sa ato pa mga igsoon ang mag pinili nga kaatwhan sa Dios iya kining gipili para sa kaluwasan diin diha pa kita sa tago-angkan sa atong inahan gipili tana kamong daan , ug sa ato pa nalatid na ang atong kapalaran diha sa atong pagpakabuhi sa kalibutan. Apan lagi kay ang tawo samtang nagkinabuhi pa gitagaan man kini ug lahi-lahi nga hiyas diin ang uban dili motoo sa mag butang nga dili makita ug mahikap, ug maoy gituohan ang mga butang nga kanunay nilang makita ug mahikap.

Ug diin ang Dios nagahatag sa kagawasan diha sa tagsa-taga kanato apan sa higayon nga tawgon na kita sa Dios aron sa pagpasilong sa landong sa espiritu santo walay mahimo ang tawo, kay sa mosugot kita ug sa dili moabot gayud ang panahun nga iya kitang kinahanglanon ug ipasimba sibo sa iyang kabubut-on. Kay dili mosugot ang Dios Amahan nga moabot ang kataposang gutlo sa atong kinabuhi nga dili kita makaduol kaniya.

Pagkugi Kamo

2 TESALONICA 3 :6 ~15

6 Mga igsoon, nagsugo mi sa paglikay sa mga igsoon nga nagkinabuhi nga way disiplina ug wala motuman sa tradisyon nga among gipasunod. 7 Sayod mog unsaon ni pagsunod. Wala mi magtinapolan sa nagkauban pa ta. 8 Adlaw ug gabii nagtrabaho ug nagbudlay mi aron walay mabug-atan tungod namo. 9 Bisag may katungod mi, gipalabi namo ang paghatag ninyog sumbanan.

10 Sa nagkauban pa ta, tataw ang among giingon: “Kon dunay dili magbudlay, dili siya pakan-on.” 11 Apan nabalitaan namo nga ang uban ninyo nagtinapolan-nagsamuksamok ug walay gibuhat. 12 Sa ngalan ni Cristo Jesus nga atong Ginoo, nagsugo ug naghangyo mi ining mga tawhana sa pagtrabaho sa husto ug paghago alang sa kaugalingong kabuhian. 13 Kamo sab, mga igsoon, ayawg kaluya sa pagbuhat sa husto. 14 Kon dunay dili mosunod sa among pahimangno ining sulata, timan-i siya. Ayaw siyag panumbalinga aron maulawan. 15 Apan ayawg ilhang kaaway, kondili pahimangno-i isip igsoon

PAGPAAMBIT SA MENSAHE:

Ang maong ebanghelyo naghisgot diha sa pagkugi sa tawo diin kitang tanan adunay tagsa-tagsa ka tahas diha sa atong pagpakabuhi nga kalibutanon. Diin naagingon ang maong ebanghelyo nga walay katungod sa pagkaon kadtong wala maghago, kun atong sabton sa tinawhanon nga pagka-istorya, nga dili ka mokaon sa dili nimo hinago-an apan kun atong sabton pinaagi sa espirituhanon nga pagtulon-an wala kitay tungod sa pagdawat sa grasya sa Dios kun kita wala maghago sa pagsakripisyo diha sa mga pag-ampo ug pangaliya, diin ginaingon diha sa balaang kasulatan nga ang mohatag ug gamay, balosan lang usab ug gamay, ug kun magahatag kita ug dako pagabalusan kita ug dako.

Tanan nag kalihukan dinhi sa ibabaw sa kalibutan nagaagad sa kabubut-on sa Amahan, diin ni kiras ni pilas ni isa ka lugas nga buhok walay matagak kanimo kun dili itugot sa Dios, diin mas maayo diay nga magpakabuhi kita nga langyaw niining kalibutana apan haom sa kabubut-on sa Dios kay sa kanunay maato ang panalangin sa Amahan, apan kun magpakabuhi kita nga haom niining kalibutana ug buhong sa mga tawhanon nga kailibgon nan dili ka ilhon didto sa langit. Diha sa ubang sinulat nagaingon nga ensakto na ang anaa kaninyo ayaw na pagpangaplag ug dugang nga bahandi kay ang Amahan nga atong Dios dili gayud mahitabo nga motalikod kanato diha sa oras sa atong panginahanglan.

Nga sa ato pa mga igsoon maoy atong atimanon nga ang atong kalag nga sa kanunay makakaon sa kalan-on nga espirituhanon bulahan kun tawgon na kita sa Dios aduna kitay ikaprisintar nga binuhatan sa higayong nga moatubang kita didto sa ganghaan sa gingharian sa amahan. Langyaw lang kita ining kalibutana ug adun pay kinabuhi labaw pa niining kinabuhi nato karon ug mao kana atong pangandaman ang pagkinabuhi nga iya sa espiritu santo.

6 Mga igsoon, nagsugo mi sa paglikay sa mga igsoon nga nagkinabuhi nga way disiplina ug wala motuman sa tradisyon nga among gipasunod. 7 Sayod mog unsaon ni pagsunod. Wala mi magtinapolan sa nagkauban pa ta. 8 Adlaw ug gabii nagtrabaho ug nagbudlay mi aron walay mabug-atan tungod namo. 9 Bisag may katungod mi, gipalabi namo ang paghatag ninyog sumbanan.

10 Sa nagkauban pa ta, tataw ang among giingon: “Kon dunay dili magbudlay, dili siya pakan-on.” 11 Apan nabalitaan namo nga ang uban ninyo nagtinapolan-nagsamuksamok ug walay gibuhat. 12 Sa ngalan ni Cristo Jesus nga atong Ginoo, nagsugo ug naghangyo mi ining mga tawhana sa pagtrabaho sa husto ug paghago alang sa kaugalingong kabuhian. 13 Kamo sab, mga igsoon, ayawg kaluya sa pagbuhat sa husto. 14 Kon dunay dili mosunod sa among pahimangno ining sulata, timan-i siya. Ayaw siyag panumbalinga aron maulawan. 15 Apan ayawg ilhang kaaway, kondili pahimangno-i isip igsoon

PAGPAAMBIT SA MENSAHE:

Ang maong ebanghelyo naghisgot diha sa pagkugi sa tawo diin kitang tanan adunay tagsa-tagsa ka tahas diha sa atong pagpakabuhi nga kalibutanon. Diin naagingon ang maong ebanghelyo nga walay katungod sa pagkaon kadtong wala maghago, kun atong sabton sa tinawhanon nga pagka-istorya, nga dili ka mokaon sa dili nimo hinago-an apan kun atong sabton pinaagi sa espirituhanon nga pagtulon-an wala kitay tungod sa pagdawat sa grasya sa Dios kun kita wala maghago sa pagsakripisyo diha sa mga pag-ampo ug pangaliya, diin ginaingon diha sa balaang kasulatan nga ang mohatag ug gamay, balosan lang usab ug gamay, ug kun magahatag kita ug dako pagabalusan kita ug dako.

Tanan nag kalihukan dinhi sa ibabaw sa kalibutan nagaagad sa kabubut-on sa Amahan, diin ni kiras ni pilas ni isa ka lugas nga buhok walay matagak kanimo kun dili itugot sa Dios, diin mas maayo diay nga magpakabuhi kita nga langyaw niining kalibutana apan haom sa kabubut-on sa Dios kay sa kanunay maato ang panalangin sa Amahan, apan kun magpakabuhi kita nga haom niining kalibutana ug buhong sa mga tawhanon nga kailibgon nan dili ka ilhon didto sa langit. Diha sa ubang sinulat nagaingon nga ensakto na ang anaa kaninyo ayaw na pagpangaplag ug dugang nga bahandi kay ang Amahan nga atong Dios dili gayud mahitabo nga motalikod kanato diha sa oras sa atong panginahanglan.

Nga sa ato pa mga igsoon maoy atong atimanon nga ang atong kalag nga sa kanunay makakaon sa kalan-on nga espirituhanon bulahan kun tawgon na kita sa Dios aduna kitay ikaprisintar nga binuhatan sa higayong nga moatubang kita didto sa ganghaan sa gingharian sa amahan. Langyaw lang kita ining kalibutana ug adun pay kinabuhi labaw pa niining kinabuhi nato karon ug mao kana atong pangandaman ang pagkinabuhi nga iya sa espiritu santo.

Ang Paghukom Inig-abot Ni Cristo

2 TESALONICA 1: 3 ~12

3 Mga igsoon, angayng pasalamatan namo sa tanang panahon ang Diyos tungod ninyo. Makataronganon ni, kay nagkadako ang inyong pagtoo ug ang inyong gugma sa usag usa nadugangan. 4 Gipasigarbo mo namo sa mga simbahan sa Diyos tungod sa kalig-on sa inyong pagtoo taliwala sa mga hulga ug kasakitan. 5 Makita na nila ang makataronganong hukom sa Diyos. Ini lang paagiha mahimo mong takos sa gingharian sa Diyos busa, nag-antos mo.

Hukom ug pag-abot ni Cristo
• 6 Angayng baslan sa Diyos og pag-antos ang nagsilot ninyo. 7 Apan alang ninyo nga nag-antos, hatagan ta niyag pahulay, sa higayon nga ipadayag si Jesus sa iyang Himaya nga gikan sa langit uban sa mga alagad niyang anghel. 8 Unya, may magdilaab nga kayo nga gamiton aron silotan ang wala makaila sa Diyos ug wala mosunod sa Maayong Balita ni Jesus nga atong Ginoo.

9 Walay kataposan ang ilang silot halayo sa panan-aw sa Diyos ug sa iyang himaya. 10 Nianang adlawa himayaon ang Ginoo taliwala sa inyong mga santos. Daygon siya sa mga matoohon, kamo nga midawat sa among pagsaksi. 11 Busa, nag-ampo mi ninyo sa kanunay. Himoon unta mo sa Diyos nga takos sa iyang pagtawag. Pinaagi sa iyang gahom makatuman unta mo sa inyong maayong mga tinguha. Ingon man ang inyong mga buhat dinasig sa pagtoo. 12 Nianang paagiha himayaon ang ngalan ni Jesus nga atong Ginoo diha ninyo, ug kamo diha niya, sumala sa mahigugmaong laraw sa Diyos ug ni Cristo Jesus nga atong Ginoo.

PAGPAAMBIT SA MENSAHE:

Ang maong ebanghelyo naghisgot diha sa paghukom sa atong Ginoong Jesu Cristo diin ginaingon diha sa ubang sinulat nga kun giunsa ni Jesus pagsaka sa langit diin giubanan siya sa mga anghel ug diin pulos mga kanta sa pagdayeg sa Dios ang atong hidunggan nan mao usab kana ang mahitabo inig-balik sa anak sa Dios diin maabli pag-usab ang langit ug ihatod si Jesus sa daghang anghel. Diin bulahan kadtong mahatagan sa kaluwasan samtang buhi pa ang ilang tawhanon nga lawas kay mahiapil sa pagbayaw ang iyang atwhanon nga lawas ngadto sa langit.

Diha unya nianang higayona, wala nay pasaylo nga mahitabo, diin parehas kitang tanan sa mata sa Dios ug hukman sumala sa atong binuhatan, naan kun ang imong bahandi nga natigom bahandi lang sa yuta nan mahiapil kini sa pagbalik sa abog apan kun nagtipig ka ug bahandi nga langitnon ang imong madala ug masukip diha sa imong kasingkasing nan bulahan ka diha unya sa kataposang paghukom kay aduna may Makita sa Dios kanimo isip maayong binuhatan.

Ani-a na kita sa ikaduhang siglo diin hataas pa ang pasensya sa Dios ug diin matod pa sa iyang mga ebanghelyo ato kining pahimuslan diha sa mga pag-ampo sa mga santos nga rosaryo adlaw ug gabii ug ingon man diha sa paghalad ug pagsakripisyo pinaagi sa mga pag-ampo diha sa santa crus. Diin angayan diay nga atong ihalad dili lang ang atong kaugalingon kundili hasta usab ang atong mga kaigsoonan ilabina kadtong wala motuo sa Dios atong ihalad sama sa mga ehiptohanon nga gustong moilog sa atong nasod, kay pinaagi sa atong mga pag-ampo ug kun kabubut-on sa Dios mosugot man sila ug dili mopasilong gayud sila as landong sa espiritu santo kung kabubut-on sa Dios Amahan, kay Dios lamang ang adunay gahom sa pagpahumok ug pagpatig-a sa kasingkasing sa tawo.

Pagsimba Didto Sa Langit

GIPADAYAG 4: 1~11

1 Tapus niini, mitan-aw ako, ug ania karon, diha sa langit ang usa ka pultahan nga inablihan! Ug kadtong unang tingog nga akong nadungog nga misulti kanako nga daw huyop sa trumpeta, miingon kanako, "Saka ngari, ug ipakita ko kanimo ang kinahanglan magakahitabo tapus niini." 2Dihadiha nahisulod ako sa Espiritu, ug tan-awa, dihay usa ka trono sa langit, ug sa trono dihay naglingkod! 3Ug ang naglingkod niini may panagway nga morag mutya nga haspe ug cornalina, ug ang trono giliyukan sa usa ka balangaw nga morag bulok sa esmeralda.

4Ug ang trono gialirongan ug kaluhaag-upat ka mga trono, ug diha sa mga trono nanaglingkod ang kaluhaag-upat ka mga anciano nga sinul-obag mga maputi nga bisti, ug may mga purongpurong nga bulawan diha sa ilang mga ulo. 5Gikan sa trono anaay nanggula nga mga pangidlap sa kilat ug mga tingog ug mga linipak sa dalogdog, ug sa atubangan sa trono anaay nagadilaab nga pito ka sulo sa kalayo, nga mao ang pito ka espiritu sa Dios; 6ug sa atubangan sa trono anaay morag dagat nga bildo, daw kristal. 7ang nahaunang buhing binuhat daw leon, ang ikaduhang buhing binuhat daw baka nga toro, ang ikatulong buhing binuhat may nawong sa tawo, ug ang ikaupat nga buhing binuhat daw agila nga nagalupad.

8 Ug ang upat ka mga buhing binuhat, nga matag-usa niini may unom ka pako, nalukop sa mga mata ang tibuok libut ug sulod nila, ug sa maadlaw ug sa magabii wala silay hunong sa pag-awit nga nagaingon, Balaan, balaan, balaan, ang Ginoong Dios nga Makagagahum sa Tanan, nga mao ang sa kagahapon, ang sa karon, ug ang sa umalabut!" 9Ug sa diha nga ang mga buhing binuhat magahatag ug himaya ug pasidungog ug pasalamat ngadto kaniya nga nagalingkod sa trono, nga mao ang buhi hangtud sa kahangturan, 10ang kaluhaag-upat ka mga anciano mohapa sa atubangan niadtong nagalingkod sa trono ug managsimba kaniya nga mao ang buhi hangtud sa kahangturan; ug ang ilang mga purongpurong ipangitsa nila ngadto sa atubangan sa trono, dungan sa pag-awit nga magaingon, 11"Takus ikaw, O among Ginoo ug Dios, sa pagdawat sa himaya ug dungog ug gahum, kay ikaw mao man ang nagbuhat sa tanang butang, ug pinaagi sa imong pagbulot-an milungtad ug nangahimo sila."

PAGPAAMBIT SA MENSAHE:

Ang maong ebanghelyo naghisgot diha sa mga panghitabo sa umaabot diin diha sa kataposan magahari gayud ang Dios dinhi sa tibuok kalibutan ug ang tanang magasimba sa iyang ngalan. Diha sa maong ebanghelyo gipakita ang kahamugaway didto a langit diin ang tanan walay lain nga hunahuna-on gawas lamang sa pagkanta ug pagdayeg.

Usa kini ka pagpamatuod nga aduna gayud kinabuhi humansa atong tawhanon nga kinabuhi ug diin mao kadto ang importante, mas maayo diay nga magkinabuhi kita nga langyaw niini nga kalibutan apan ha-om sa iyang kabubut-on sa Dios Amahan kay sa magpakabuhi kita nga haom dinhi niining tawhanon nga kalibutan diin hupong sa mga tawhanon nga kailibgon apan dili ilhon didto sa gingharian sa Dios.

Angayan gayud diay nga atung ipakunsad ang balaang espiritu santo diha sa atong kaugalingon diin maoy atong giya diha sa pagkinabuhi nga ha-om sa kabubut-on sa Dios ug ang tigom ang bahandi nga espirituhanon nga maoy gibilin ni Jesus diha sa iyang pagkinabuhi, ug mao usab nga atong mahimong giya diha sa pagkinabuhi nato didto sa laing kalibutan.

Ang Sambingay Mahitungod Sa Biyuda Ug Sa Maghuhukom

LUCAS 18:1~8

1 Pinaagig sambingay gisultihan sila ni Jesus nga kinahanglang mag-ampo kanunay ug dili kawad-ag kadasig. 2 Matud pa niya: “May huwes sa usa ka syudad nga walay kahadlok sa Diyos, ug wala magtagad sa katawhan. 3 Ug may byuda nga naghangyo niya: ‘Hatagi kog hustisya batok sa akong kaaway.’ 4 Dihay panahon nga wala siya motugot, apan sa kataposan nahunahunaan niya: ‘Tinuod nga wala koy kahadlok sa Diyos ni pagtagad sa tawo,

5 apan hatagan ko gihapon og hustisya kining byudaha, kay gisamok ko niyag maayo sa pagpunayg balik. Tingalig mabuang ko tungod niya.” 6 Ug si Jesus mipadayon sa pag-ingon: “Pamatia ang gisulti sa dili makataronganong howes. 7 Dili ba, ang Diyos naghatag man sa hustisya sa nagsangpit niya adlaw ug gabii bisag magdugay siyag tubag nila? 8 Ingnon tamo, dihadiha hatagan silag hustisya. Apan sa pag-abot sa Anak sa Tawo, makakita kaha siyag pagtoo dinhi sa yuta?”

PAGPAAMBIT SA MENSAHE:

Ang maong ebanghelyo naghisgot diha sa paghukom diin lahi gayud ang pamaagi sa paghukom dinhi sa yuta ug didto sa langit diin diha sa awhanon nga panggobyerno, ang pamaagi sa paghukon sa makasala diin pinasikad gihapon kini sa balaod sa tawo, ug nagsubay sa kabubut-on sa Dios apan kadaghana gayud mabintahaan ang mga kabos ug walay kawarta ug sa kanunay makabentaha ang adunay salapi. Apan kining tanan gitugotan sa Dios aron sa pagsukod sa iyang mga katawhan ug usa ka pamaagi sa opagsilhig niadtong mga maksasasala.

Diha sa demokrasya nga panggobyerno kun kita makasala bisan kun wala ka masayod nga nakasupak o inosente ka sa maong matang sa balaod kanunay ka gayud nga mahukman o masilotan, kay matod pa diha sa balaod sa pamulis, sa pinulongan nga inengles,” ignorance of law excuses no one” nga sa ato pa bisan kun wala ka masayod sa maong balaod apan tungod kay nakalapas ka nan kinahanglan kang silotan, apan dinhi sa balaod sa Dios kun nakasala ka apan inosente ka pa sa kamatuoran nan aduna pay purohan nga pasayloon ka sa Ginoo.

Diha sa maong ebanghelyo diin gisumbingay ang usa ka huwes nga walay kahadlok sa Dios ug as iyang mga sinilotan apan tungod sa kapool sa maong biyuda nga nagsige ug balikbalik kaniya nan misugot na lang siya sa maong hangyo, din miingon si Jesus ng sa iyang pagbalik pohon aduna ba kahay motuo kaniya, Apan diha sa ubang mga sinulat nagpasabot ang Dios nga kini nga siglo mao na kini ang panahun diin anaa pa ang kataas sa pasensys sa Dios diin ato kining pahimuslan aron sa ingon atong magamit ang atong mga pag-ampo ug mga pangaliya ug santos nga rosaryo aron sa kanunay kita mahatagan ug giya diha sa atong mga pagbalaan ug paghinulsol, bulahan ini-abot sa adlaw diin maobalik na ang Ginoo aduna ka na unya mapakita nga kamatuoran pinaagi diha sa imong kasingkasing nga ikaw mituo ug misimba gayud sa Dios Amahan.

Si Jesus Ang Pangulong Pari

HEBREO 8: 1~13

• 1 Ang mahinungdanong bahin sa atong gihisgotan mao nga duna tay usa ka labawng pari nga nag­­ling­kod sa tuo sa diyosnong Ka­ma­halan sa Langit. 2 Nag-alagad siya isip ministro sa tinuod nga templo ug santwaryo nga gimugna sa Ginoo, dili sa mga tawo. 3 Ang labawng pari gitudlo aron pag­halad sa Diyos og gasa ug sak­ripisyo. Kinahanglang mo­halad si Jesus og mga sakripisyo. 4 Kon nag­pabilin pa sa kalibotan, dili unta siya mapari, kay may uban nga nang­halad og mga gasa sumala sa Balaod. 5 Sa pag­ka­­tinuod, ang mga halad nga gihimo adtong mga paria sinuon ug anino lang sa halad nga langitnon. Nasayod ta sa pulong sa Di­yos kang Moises mahitungod sa pag­tukod sa balaang tolda. Nag-i­ngon siya: Buhata ang tanan sumala sa gila­tid ko kanimo didto sa bukid.

6 Karon hinuon, si Jesus nagbaton sa mas hamiling ministeryo tungod sa mas maayong kasa­botan nga gipa­si­kad sa mas maayong mga panaad. 7 Kon hingpit pa ang unang kasa­botan, wala na kina­hang­lana ang lain. 8 Apan sa pagkakita sa Diyos nga may kaku­langan ni, mi­ingon siya: Nagsingabot na ang mga adlaw – pulong sa Ginoo – nga mag-umol kog bag-ong kasabotan uban sa kataw­han sa Israel ug sa katawhan sa Juda.
9 Dili ni sama sa kasabotan nga akong gipanday uban sa ilang katigu­la­ngan sa adlaw nga giagak ko sila ug gipagawas sa Ehipto. Wala nila tuma­na ang among kasabo

PAGPAAMBIT SA MENSAHE:

Ang maong ebanghelyo naghisgot diha sa mga pagtulon-an nga gibilin ni Jesus diin matod pa diha sa unang kasabotan gibaliwala kini sa Amahan tungod sa mga kasaypanan nga nahimo diha sa mga katawhan ug ni Moises mismo sa dihang sila gitabangan sa Dios sa paglingkawas didto Ehipto sulod as 400 ka tuig nga pagka ulipon. Ginaingon diha sa ubang sinulat nga mismo si Moises waal man gayud makaabot didto sa yuta sa mga saad diin gikuhaan siya ug kinabuhi sa Dios.

Nianing ikaduhang kasabutan naghisgot kini diha sa mga milagro ug tahas ni Jesu- Cristo isip bugtong anak sa Dios nga nagpakatawo. Diin usa sa mga tuyo sa pagkanaog ni Jesus dinhi sa yuta mao man ang pagpasabot sa kahulugan sa napulo ka sugo nga gisangyaw ni Moises, diin ang napulo ka sugo nagkahulugan lamang kini ug duruha ka kasugo-an una, mao anga paghigugma sa Dios labaw sa tanan, ug ang ikaduha mao ang paghigugma sa imong isigkatawo sama sa paghigugma sa imong kaugalingon, ug kun nasupak nimo ang bisan usa laman sa duha ka kasugo-an nan sama ra nga nasupak nimo ang tanan nga napulo ka sugo ka yang kasugo-an sa Dios nagkahulugan lamang kini ug Gugma..

Si Jesu Cristo maoy nagpabarog niining iglisea sa kamatuoran diin siya maoy pangulo ug siya maoy naghatag ug nagtudlo sa mga Diosnon pagtulon-an ug Hiyas. Iyang gipakita nga dili babag ang pagkakabos diha sa pagtuman sa kabubut-on sa Amahan, diin iyang gipasabot pinaagi diha sa iyang ebanghelyo ug mga milagro nga ang himaya sa Dios didto as langit giandam gayud sa mga kabos diin siya sa kanunay ug sa matag-adlaw iyang gipakita sa mga katawhan nga bulawanon ang mag-antos ug magpailob ug ang pagsul-ob kanunay as hiyas sa espiritu santo nga maoy iyang gipasul-ob usab as iyang mga sumosunod. Usa laamn kin ka pagmatuod diha sa nakasulat sa baling kasulaatn nga nagaingon kun gusto nimong dayegon ug himayaon didto sa langit nan puy-I ang kinabuhi nga puno sa pagpailob ug pag-antos dinhi sa yuta.

Anak siya sa Dios apan wala niya ipamugos ang iyan pagka Dios iyang gipakita ang pagpailob ug ang pagpaulipon diha sa iglisea nga iyang gibarugan. Diha sa maong ebanghelyo nagaingon nga si Jesus ang pangulong pari ug diha usab sa ubang mga sinulat nagaingon nga pari siya nga linya ni Melquisedec ug nga magpabilin siyang pari hangtod sa kahangturan.

Sa ato pa mga igsoon gustong ipaabot sa amahan ang pagtulon-an sumala gayud diha sa iyang kabubut-on diin ang iyang bugtong anak nga si Jesus maoy iyang gipagsangyaw sa iyang mga pagtulon-an pinaagi diha sa mga pag-ampo mga paghalad ug diha sa pagpakigsulti ni Jesu Cristo ngadto sa Amahan isip maoy nagadala sa atong tingog ug pangaliya ngadto sa langit.

Diha sa ubang mag sinulat nagaingon nga pari siya hangtod sa hangtod nga sa ato pa diha sa atong pagpamati sa mga wali ug mga ebanghelyo diha atong mga kapari-an anaa siya naminaw ug maoy mohatod diha sa atong mga pag-ampo ngadto sa langit, diin ang balaang kasulatan nagaingon nga duha o tulo nga naga-ampo sa ngalan sa Dios anaa si Jesus nagauban kanunay kanila.

Nga sa ato pa mga igsoon dos mil na katuig ang milabay , apan anaa gihapon si Jesus sa kanunay nagauban kanato diha sa atong mga pag-ampo, nagpasabot lamang nga buhi si Jesus nga atong Dios nga atong gisunod ug ang motuo ug mokalawat kaniya maiya ang kinabuhi nga walay kamatayon.

Kinabuhing Walay Katapusan

1 JUAN 5:13~20

13 Busa, nagsulat ko ninyo ining tanan aron mahibaw-an ninyo nga duna na moy kinabuhing dayon, kamo nga nagtoo sa Ngalan sa Anak sa Diyos. 14 Pinaagi niya bug-os ang atong pagsalig nga bisag unsay atong pangayoon sumala sa iyang kabubut-on, ihatag niya15 Kon nasayod ta nga maminaw siya nato kon mangayo ta, nasayod sab ta nga naa nato ang atong gipangayo16 Kon inyong nakita ang inyong igsoon nga nakasala, nga dili magdala niya sa kamatayon iampo siya. Hatagan siya sa Diyos og kinabuhi Ang gipasabot ko mao ang sala nga dili magdala sa kamatayon. Kay may sala nga magdala sa kamatayon wala ko maghangyo nga inyo ning iampo17

Ang tanang matang sa daotang binuhatan, sala, apan dili tanang sala magdala sa kamatayon18 Nahibawo ta nga ang natawo sa Diyos dili makasala, kay alimahan man sila sa natawo na sa Diyos, ug ang Yawa walay mahimo batok nila. 19 Nahibawo ta nga iya na ta sa Diyos samtang ang tibuok kalibotan naglunang sa daotan. 20 Nahibawo ta nga ang Anak sa Diyos miabot na ug gihatagan tag gahom aron mahibaw-an ang kamatuoran. Naa ta niya ang matuod, ang Anak nga si JesuCristo. Matuod Siya nga Diyos ug kinabuhing dayon.

PAGPAAMBIT SA MENSAHE:

Ang maong ebanghelyo naghisgot diha sa kinabuhing walay kataposan,diin mao man kini ang kinabuhi nga tawhanon nga sa ato pa dili kini ang matuod mato nga pinuy-anan kay aduna pay kinabuhi human niini. Ang espiritu santo nagaingon, “Nga kitang tawo samtang nagkinabuhi pa dinhi sa kalibutan, kita mismo ang naga-administer sa atong kaugalingon, apan sa higayon nga kita mamatay na, tulo ka elemento ang magbulag diha sa atong lawas una ang atong tawhanon nga lawas mahabilin kini dinhi sa kalibutan ug mobalik sa abog, ang atong espirito santo mobalik sa Dios ug maoy moreport sa tanan natong kalapasan diha sa atong adlaw-adlaw nga pagkinabuhi, diin diha diay sa atong pagkatulog ang atong espiritu moreport kini sa atong mga kalapasan, ug ang atong kalag maoy mahiadto sa kapunaw-punawan ug maoy magpaabot sa kataposang paghukon ug pagasul-oban sa espirituhanon lawas kun sa higayon nga kini maluwas.

Ang balaang kasulatan nagaingon diha sa1 Corinto 1: 28, nga ang kinabuhi nga dayon nga gisaad sa Dios ngadto sa iyang mga katawhan, dili kini ganti o premyo tungod sa maayong binuhatan kundili usa kini ka gasa o grasya nga gihatag sa Dios aron sa ingon walay si bisan kinsa nga makapasigarbo diha sa atubangan sa Dios nga siya maluwas tungod sa iyang maayong buhat kundili siya naluwas tungod sa kalooy ug grasya sa Dios.

Sa ato pa mga igsoon samtang ania pa kita sa kinabuhi nga tawhanon pahimuslan nato ang gihatag nga lugway sa Dios , ato kanunay nga ibalaan ang atong kaugalingon diha sa paglikay sa pagpakasala, ug sa kanunay nga pagrosaryo ug mga pag-ampo. Kay ginaingon diha sa ubang mga sinulat nga mao na kini nga siglo diin hataas pa ang pasensya sa Diyos diin sa kanunay atong ibatasan an pag-ampo dili lang ang atong kaugalingon kundili hasta usab ang atong mga kaaway ug bisan kadtong wala motuo sa Dios angayan diay nato nga iampo, kay pinaagi diha sa kanunay ug hinay-hinay nga mga pag-ampo, moabot gayud ang adlaw nga sila nga atong gi-ampo mosugot man sila ug dili mopasilong gayud sila sa landong sa espiritu santo, kay ang Dios Amahan lamang ang adunay kagahum sa pagpahumok ug pagpatig-a sa kasing-kasing sa tawo.

Mga Sulogoon Sa Dios

1 CORINTO 3:1~6

1 Apan mga igsoon, wala tamo ikahinabi isip mga tawong espirituhaon kondili, nga lawasnon, mga masuso diha ni Cristo. 2 Gatas ang akong gipainom ninyo, dili gahing pagkaon, kay dili pa mo makasugakod hangtod karon. Bisan gani karon, dili mo makahimo, 3 kay yutan-on ug naglakat gihapon mo sama sa mga ordinaryong tawo.

4 Samtang may nag-ingon: “Kang Pablo ko,” ug, “Kang Apolo ko,” dili ba mga yutan-on mo? 5 Kinsa diay si Apolo? Ug si Pablo? Mga alagad sila. Pinaagi nila mitoo mo sumala sa gian- dam sa Ginoo alang sa usag usa. 6 Akoy nagtanom, si Apolo ang nagbisibis, ug ang Diyos ang nagpatubo

PAGPAAMBIT SA MENSAHE:

Ang maong ebanghelyo naghisgot diha sa mga karaang tinawag nga mga sulogoon sa Dios , kadtong mga apostoles nga nagmaisogon nga nagsangyaw diha sa balaang kasulatan. Mao kini ang tahas nga gitisok ni Jesus diha sa sa iyang mga sumosunod diin nagsangyaw sa kamatuoran isip sulogoon sa Dios Amahan. ug maoy gihimong sumbanan diha sa pagsangyaw sa kamatuoran ang mga pagtulon-an nga gibilin ni Jesus Cristo nga iyang gipakita nga isip pangulo sa maong iglisea sa kamatuoran apan suloggon siya sa katawhan diha sa mga pag-ampo nga iyang ipadangat ngadto sa iyang Amahan. Diin usa kini ka sumbanana diha sa mga pagsangyaw sa maong kamatuoran, diin nagsangyaw kita sa pulong sa Dios pinaagi sa pagpaubos ug sa pagdawat sa mga paglutos ug mga pagsulay.

Ingon diay niana mga igsoon kun magasunod kita sa kabubut-on sa Dios, diin masinati nato ang mag pag-antos, Ang pulong sa Dios Amahan nagaingon “Daghan ang mga pinili ko nga katawhanan dinhi sa kalibutan ug sama kina kabaga sa balas sa baybayon, apan ang akong mga pinili pagapilian pa , ug nga sa kanunaay ako gayud silang sulayan aron Makita ang kahingpit sa ilang pag-alagad kanako. Dili kay magalingkod na lang sila ug maghulat sa pagbalik sa bugtong anak sa Dios, sama sa bulawan pagasulayan sila sa kalayo aron Makita ang kapuro diha sa ilang pagkabulawan.

Ang pangutana asa man makita ang kapuro diha sa atong pagka sulondon sa kabubut-on sa Dios, Ang balaang kasulatan ug buhing pulong sa Dios nagaingon ng wala untay nahatagan ang Dios sa iyang mga gasa kun iya pang gitan-anw ang atong pagkamasalaypon apan kay gitan-aw man usab sa Dios ang katim-os ug kaputli sa atong mga kasingkasing nan aduna gayud siyay mahatagan sa iyang mga gasa. Sa ato pa mga igsoon diha sa imong pagsunod sa kabubut-on sa Dios luyo sa mga pagsulay nga imong masinati, sa hinay-hinay maihag ang imong kasingkasing diha sa mga mata sa Dios, ug Makita sa Dios ang iyang kaugalingong panagway diha sa atong tagsa-tagsa ka kasing-kasing. Sa ato pa diha sa imong hinay-hinay ug kanunay nga pagtuman sa iyang kabubut-on diha sa pagdawat nimo sa mag paglutos ug mga pagsulay nga waly kaping kabubut-on ug nagpasabot lamang igsoon nga wala ka magpakamartir kundili gipapuyo nimo ug gidawat si Jesus diha sa imong kasingkasing.

Giayo Ni Jesus Ang Daghang Mga Tawo

LUCAS 4: 38~41

38 Sa paggawas sa sinagoga miadto si Jesus sa balay ni Simon kansang ugangang babaye nag-antos sa taas na hilanat. Gihangyo siya sa pagtambal sa masakiton. 39 Sa pagdungo ni Jesus, gibuyag niya ang hilanat ug naayo ang babaye nga dihadiha mibarog aron pag-alagad nila.

40 Sa pagsalop na sa adlaw, gidala kaniya ang nagkalainlaing masakiton. Gitapion niya ang kamot sa matag usa nga nangaayo. 41 Namahawa sab ang daghang yawa nga misinggit sa pag-ingon: “Ang anak ka sa Diyos!” Apan gipahilom sila ug wala tugti pagsulti, kay nasayod sila nga siya ang Mesiyas.

PAGPAAMBIT SA MENSAHE:

Ang maong mensahe naghubit lamang diha sa kamatuoran diin ang maong pagtulon-an nga gisangyaw ni Jesu Cristo iya gayud sa Dios Amahan, nagpamatuod niini ang mga walay kataposan nga milagro gikan niadtong panahun sa kinabuhi ni Jesus hangtod niining panahuna apan ang dako nga milagro mga igsoon mao kita mismonga nag nagbarog diha sa matag adlaw diin kanunay nga gitagaan ug kinabuhi sa Ginoo.

Ang tanan nga mga butang dinhi sa ibabaw sa yuta ug sa ilawom sa yuta iya sa Dios nan, ang mga dautan o nga sakop ni Lucifer nahibalo ug midawat niini, kay ang tanan nga mga butang ug mga nagkinabuhi dinhi sa kalibutan nagaagad sa iyang kabubut-on.

Apan ang Dios daghan ug pamaagi sa pagtawag sa iyang nga katawhan diin ang tanan nga iyang gipili pagapili-an pa, usa lang kini sa kamatuoran nga nahasulat diha sa balaang kasulatan nga nagaingon, dili ang tanan nagasangpit ug nagatawag kanako Dios ko, Dios ko makasulod sa akong gingharian kundili kadto lamang nagatuman ug nagasunod sa akongkabubut-on.

Nagwali Si Saulo Didto Sa Damasco

BUHAT 9: 20~25

20 Wala madugay misugod siyag wali sa Sinagoga nga si Jesus Anak sa Diyos. 21 Ang nakadungog natingala ug nag-ingon, “Dili ba, siya man ang nagpalagpot sa nagsangpit sa iyang Ngalan didto sa Jerusalem? Dili ba, mianhi man siya aron pagdakop ug pagdala nilang ginapos sa mga pangulong pari?”

22 Apan si Saulo nag-anam og kalig-on. Gilibog niya ang tanang Judio nga nagpuyo sa Damasco sa pagmatuod nga si Jesus ang Mesiyas. 23 Human sa taastaas nga panahon, ang mga Judio nagkasabot pagpatay niya. 24 Apan si Saulo nasayod sa ilang laraw. Adlawg gabii giatngan siya sa ganghaan sa syudad aron patyon. 25 Usa ana ka gabii, gikuha siya sa iyang mga tinun-an, gisulod og bukag ug gitunton sa paril.

PAGPAAMBIT SA MENSAHE:

Ang maong ebanghelyo naghisgot diha sa mga paglutos sa mga apostoles diin diha gipasabot sa maong ebanghelyo ang kahimu-an ug mga pagsangyaw ni Saulo didto sa sinagoga diin naglibog ang mga nangagsimba didto kay si Saulo milaban naman kang Jesus diin sa kanhiay usa man siya sa nalutos niini.

Atong mahinumdoman nga si Saulo diha sa iyang pagkaberdugo nagalutos sa mga sumosunod ni Jesus apan gitawag siya sa Dios aron sa pagsangyaw sa kamatuoran nga gibarogan ni Jesus. Nagapasabot laamng kini mga igsoon nga ang Dios amahan mao lamang ang makapatig-a o makapahumok sa kasingkasing sa tawo nan kung kinsa ka man nga nagmartig-a diha sa pagsunod niining matuod nga kamatuoran, moabot gayud ang adlaw nga mopasilong ka kaniya kun kabubut-on gayud sa Dios.

Si saulo usa ka maayo ug buotan nga sumosunod sa mga Judio, diin iya lamang gisunod ang mga lagda diha sa pagtulon-an sa mga Judio, diin sa wala pa siya matawag kanunay gayud siyang nanghasi sa mga kristyanos, kay para kaniya sila nagbugalbugal lamng sa Dios Amahan. Apan niiing panahuna diin gipakita niya ang kamatuoran siya na usab ang gilutos sa iyang mga kauban kanhi diin buot pa siyang patyon.

Nagpasabot lamang mga igsoon nga kun nagasunod ka sa Dios nan haduol ka kanunay sa mga pagsulay diin sa kanunay anaa ang mga paglutos diin nagpasabot lamang kini diha sa katumanan sa balaang kasulatan nag nagaingon, kun gusto nimong daygon ug himayaon didto sa langit nan puy-i ang kinabuhi nga puno sa pagpanlutos ug pag-aantos dinhi sa yuta, alsaha ang imong krus sa kinabuhi ug sunod sa mga pagtulon-an ni Jesus.

Ang Duha Ka Tawo Nga Nagtukod Ug Balay

MATEO 7: 24~27

24 Busa, ang tanang nakadungog sa akong gisulti ug nagtuman ini nahisama sa maalamon nga nagtukod sa balay sa pangpang. 25 Mibundak ang ulan, ang mga suba mibaha ug ang hangin mihapak adtong balaya. Apan wala ni mahagsa, kay diha man matu-kod sa pangpang. 26 Ang namati sa akong pulong ug wala magtuman ini, nahisama sa buang nga nagtukod sa balay sa balas. 27 Ang ulan mibundak, ang mga suba mibaha ug ang hangin mikusokuso adtong balaya nga nahugno ug hingpit ang pagkaguba.

PAGPAAMBIT SA MENSAHE:

Ang maong ebanghelyo naghisgot diha sa pagbarog sa pagtulon-an nga maoy magpaduol kanato sa Dios diin atong sutaon ug tuki-on kun iya ba kini sa Dios o mugna lang ba kini sa tawo, kay matod pa daghan nga pagtulon-an nga nanggawas dinhi sa ibabaw sa kalibutan nga gihimong negosyo ang ilang simbahan diin matod pa sa mga maalamon ang simbahan maoy usa sa mga proresibo nga negosyo dinhi sa ibabaw sa kalibutan, una ang gubat ikaduha ang politika ikatulo ang simbahan.

Diha sa maong ebanghelyo nagpasabot kini sa pagtuki sa imong gibarugan kun lig-on ba kini nga pagtulon-an nga mao nab a kini nga pagtulon-an ang ginaingon diha sabalaang kasulatan nga sama sa batong bantiles nga gipabarog ni Jesu Cristo diin maoy mahinong malig-on nga tumbanan diha sa pagsunod sa nga kasugo-sa Dios.

Tinuod nga ang pagtulon-an dili makaluwas kanato diha sa pag-abot sa dako ug kataposang paghukon diin kita ra gayud mismo ang mangatubang ug manubag sa Dios amahan sa pag-atubang sa silot tukma sa atong binuhatan. Apan mas maayo nga masabtan nato ang katuyo-an diha sa atong pagpakabuhi dinhi niining kalibutana diin kita maoy pa may nag-administer sa atong lawas samtang buhi pa kita apan kun mobiya na kita diha sa atong lawas nan wala na kitay katungod diha sa atong kalag ug espiritu, ang atong espiritu maoy mobalik sa Dios ug maoy mosulti diha sa atong mga kasal-anan, apan ang atong kalag maoy maghulat sa kataposang paghukon ug maoy pagasul-oban sa espirituhanong lawas kun mahatagan sa kaluwasan nga dayon