Monday, March 31, 2008

Nangita Ang Mga Tawo Kang Jesus

JUAN 6:22~24

22 Ug sa pagkasunod nga adlaw ang panon sa katawhan nga nagpabilin sa pikas nga daplin sa lanaw nakamatngon nga usa ra man kabuok ang sakayan nga nahiadto didto, ug nga si Jesus wala man makasakay sa sakayan uban sa iyang mga tinun-an, hinonoa nga ang iyang mga tinun-an nanggikan nga silasila ra.

23Apan didtoy mga bote gikan sa Tiberiades nga nahidunggo duol niadtong dapit diin nanagpangaon gani silag tinapay tapus makapasalamat ang Ginoo. 24Ug sa pagkakita sa panon sa katawhan nga wala didto si Jesus, ni ang iyang mga tinun-an, sila misakay sa mga bote ug miadto sa Capernaum aron sa pagpangita kang Jesus.

PAGPAAMBIT SA MENSAHE:

Ang maong mensahe nagpasabot sa kabubut-on sa Dios diin iyang gidayag ang gahum ug ang pagka-anak sa Dios ni Jesu Cristo. Wala gayuy imposible diha sa gahum sa Dios diin sila nagsimba ug nagpasidungog sa kabubut-on sa Amahan ug bulahan ang mao niya nga katawhan nga nagtuman sa kabubut-on sa amahan diin ilang gisimba, ug gitahod ang maong anak sa Dios nga nagpakatawo, Bisan tuod ug ang kadaghanan sa maong mga magtotoo gilutos sa mga Judio diin dili sila makaistar ug dugay sa usa ka dapit kay lagi naapil sila sa kasuko as mga kadagko-an sa mga pariseo ug sa mga opisyal sa gobyerno.

Nagpasabot ang balaang kasulatan nga kun gusto nimo nga adunay ranggo o mahimong inila didto sa gingharian as Dios nan puy-i ang kinabuhi nga pinakaubos diin anaa ang mga paglutos ug pagbiay-biay, kay ginaingon sa balaang kasulatan nga ang magpaubos dinhi sa yuta ipataas didto sa langit apan ang magpataas dinhi sa yuta, ipaubos didto sa langit. Nga sa ato pa mga igsoon kun gusto nimo ang kahimayaan sa langit nan pas-ana ang imong krus ug sunod kang Jesu Cristo.

Duha Ka Kinaiya Sa Tawo

Roma 7 : 14~25

14 Nahibalo kita nga espirituhanon ang kasugoan, apan ako lawasnon ug gikabaligya aron maulipon sa sala. 15Dili ako makasabut sa akong kaugalingong panglihok. Kay dili ako mobuhat sa buot ko untang pagabuhaton; mao hinooy pagabuhaton ko ang butang nga ginadumtan ko. 16Ug kon maoy ginabuhat ko ang butang nga dili ko buot pagabuhaton, uyon ako nga ang kasugoan maayo. 17Sa ingon niana, dili na ako mao ang nagabuhat sa maong butang kondili ang sala nga nagalublob sa sulod nako.

18Kay nahibalo ako nga walay maayo nga nagapuyo sa sulod nako, nga sa ato pa, sa sulod sa akong lawas. Ania kanako ang pagtinguha sa maayo, apan dili ako makabuhat niini. 19Kay dili ako mobuhat sa maayo nga gitinguha ko; mao hinooy ginabuhat ko ang dautan nga wala ko tinguhaa. 20Karon, kon maoy ginabuhat ko ang butang nga wala ko tinguhaa, dili na ako mao ang nagabuhat niini kondili ang sala nga nagalublob sa sulod nako. 21Tungod niini nakita ko kini ingon nga usa ka balaod, nga sa dihang buot ko nang buhaton ang maayo, ang dautan duol kanako.

22Kay sa kinasuloran sa akong pagkatawo ginakalipay ko ang kasugoan sa Dios, 23apan dinhi sa mga bahin sa akong lawas nakita ko ang laing balaod nga nagapakig-away batok sa balaod sa akong salabutan ug nagahimo kanakong binihag ngadto sa balaod sa sala nga nagalublob sa sulod sa mga bahin sa akong lawas. 24Alaut ako nga tawo! Kinsay mopagawas kanako gikan niining lawasa nga iya sa kamatayon? 25Salamat sa Dios pinaagi kang Jesu-Cristo nga atong Ginoo! Busa, pinaagi sa akong salabutan ang ginaalagaran ko mao ang kasugoan sa Dios, apan pinaagi sa akong lawas ang ginaalagaran ko mao ang kasugoan sa sala.

PAGPAAMBIT SA MENSAHE:

Ang maong mensahe nagpasabot lamang nga ang tawo gibuhat sa Dios ubos sa lamdag sa espiritu santo, nga kita samtang nagkinabuhi pa niining kalibutan gimugna kita sa tulo ka aspeto, una tawhanon nga lawas, ikaduha ang atong kalag, ikatulo ang espiritu santo sa Dios nga diin maoy atong magbalantay diha sa kristuhanon ug dautan nga kahimuan. Inig kamatay na sa tawo ang tawhanon nga lawas mahibilin kini sa kalibutan, ang atong espirito maoy mobalik ngadto sa Dios ug magahulat sa katapusang paghukom ug ang atong kalag maoy maghulat as katapusang paghukom diin sul-oban kini sa Dios sa langitnong lawas inig-abot na sa katapusang paghukom.

Ang mensahe nag-ingon: unsaon man pagkahibalo sa Dios sa atong mga sala dinhi sa mga katawhan sa kalibutan diin daghan man kaayo kita, unsaon man nila paglista sa kada-adlaw...ang tubag... Ang ato diay nga espirito samtang nagakatulog kita maoy mogawas diha sa atong lawas ug moreport didto sa langit kabahin sa atong mga kasal-anan.

Kita nga mga katawhan sa Dios makasala gayud dili lamang sa buhat, kundili apil usab huna-huna ug sa pulong. Ang ebanghelyo nagpadayag sa diin mas madali buhaton ang ga tawhanon nga kailibgon o tawhanon nga mga binuhatan kay sa mga espirituhanon nga gimbuhaton. Kini nagkinahanglan lamang ug hugot nga pag-ampo , paghalad diin pangayoon sa Dios ang hugot pasaylo ug ang giya aron ang iya gayud nga kabubut-on maoy matuman.
:
Kay matod pa niadtong mga milagrosong kahimu-an nga akong nabasa mahitungod kan Stanley Villavecencio,sa Cebu City, diin siya na-coma ug tulo ka adlaw, diin nagpakita kaniya ang Dios Jesu Cristo ug misaysay kaniya sa iyang mga kasal-anan, ug naghisgot siya nga ang tanan sala bisan pa kadtong gitawag ug mga mortal sin, aduna kini kapasaylo-an diha atubangan sa Dios apan gikinahanglan lamang ang hugot nga pagbasal, apan midugang usab siya nga mapasaylo ka apan ang silot magpadayun diin dili kana mabutang sa impyerno kun dili makapaingon ka sa purgatoryo diin normal lang ang kainit ug hikawan sila sa pagpakakita a Dios hangtod ato silang mapasaylo diha sa atong mga kasal-anan.

Gamita Ang Inyong Lawas Sa Paghimaya Sa Dios

1Corintho 6:12~20

12 "Ang tanang butang ikatugot kanako," apan dili ang tanang mga butang makaayo. "Ang tanang butang ikatugot kanako," apan dili ako magpaulipon sa bisan unsang butang. 13Tinuod nga "Ang kan-on alang sa tiyan ug ang tiyan alang sa kan-on," apan kining duha pagalaglagon sa Dios. Ang lawas dili alang sa pakighilawas, kondili alang sa Ginoo, ug ang Ginoo alang sa lawas. 14Ug ang Dios nga nagbanhaw sa Ginoo magabanhaw usab kanato pinaagi sa iyang gahum.

15Wala ba kamo masayud nga ang inyong lawas mga bahin man ni Cristo? Nan, kuhaon ko ba ang mga bahin ni Cristo aron pagahimoon nga mga bahin sa usa ka babayeng dautan? Palayo kana! 16Wala ba kamo masayud nga siya nga nahilingkit ngadto sa babayeng dautan nahimong usa ka lawas uban kaniya? Kay, sumala sa nahisulat, "Ang duroha mahimong usa." 17Apan siya nga nahiusa ngadto sa Ginoo nahimong usa ka espiritu uban kaniya.

18Likayi ang pakighilawas. Ang tanang ubang sala nga pagabuhaton sa tawo anaa ra sa gawas sa iyang lawas; apan ang tawong makihilawason nagapakasala batok sa iyang kaugalingong lawas. 19Wala ba kamo masayud nga ang inyong lawas templo sa Espiritu Santo nga nagapuyo sa sulod ninyo, ug nga kini inyong nabatonan gikan sa Dios? Kamo dili na inyo sa inyong kaugalingon, 20kay gipalit na kamo sa usa ka bili. Busa himayaa ninyo ang Dios diha sa inyong lawas.

PAGPAAMBIT SA MENSAHE:

Kini nga ebanghelyo nagpasabot sa pagpahilayo sa mga butang nga tawhanon diin dili na kita magpadala sa galgal sa mga tawhanon nga kailibgon ug puy-an nato ang kinabuhi nga kristyanismo ug magbaton sa kahadlok sa Dios diin kanunay kitang magpuasa sa mga kasal-anan aron kanunay kitang mapalanginan hangtod sa kataposang paghukom.

Ginaingon nga mas maayo pa nga makasala ka sa anak sa tawo kay sa makasala ka sa espirito santo diin wala na kini pasaylo pa ug ang silot sa sala mao ang kamatayon. Ang tawo nga hupong sa bahandi nga tawhanon maglisod gayud sa pagbiya sa iyang mga tawhahanon nga hiyas.

Apan matod pa sa balaang kasulatan unsa pa may arang sa tawo nga sa iyang pag-abot niining kalibutan hupong wala man siya dala bisan sapot man lamang ug sa iyang pagbiya ning maong kalibutan wala siya’y dala bisan gamay, biyaan niya anag tanan niyang tawhanon nga mga bahandi pag-abot sa panahon, nan mas maayo diay nga aduna kay bahandi nga iya sa langit bulahan puhon sa imong pagtaliwan ngadto sa ikaduhan kinabuhi aduna kay sarang mabitbit nga bahandi nga iya sa langit aron sa ingon mahatg ka ug lugar didto sa gingharian as Dios.

Matod pa diha sa ebanghelyo ang lawas sa tawo maoy templo sa Dios nan si kinsa man ang molaglag sa iyang templo nga mao ang atong lawas iya sab nga pagalaglagon, nga sa ato pa ipahari gayud ang kalinaw ug kabubut-on sa Dios diha sa atong tawhanon lawas kay kini giluwas na ni Jesus pinaagi sa paglansang niya didto krus sa kalbaryo, nan mas maayo diay ng atong ihalad kining atong tawhanong lawas ngadto sa langit ug atong pangyoon ang kalooy sa Dios aron iya kitang giyahan para as tingusbawan sa atong kinabuhi.

Sunday, March 30, 2008

Ang Gahom Sa Ebanghelyo

Roma 1 : 16~17

16 Kay wala ko igakaulaw ang Maayong Balita, kay kini mao ang gahum sa Dios alang sa kaluwasan sa matag-usa nga nagatoo, sa Judio una sa tanan ug unya sa Gresyanhon usab. 17Kay diha sa Maayong Balita ginapadayag ang pagkamatarung sa Dios, nga pinaagi sa pagtoo ngadto sa pagtoo, sumala sa nahisulat nga nagaingon, "Mabuhi ang namatarung pinaagi sa pagtoo."

PAGPAAMBIT SA MENSAHE:

Ang maong mensahe nagpadayag sa katuyu-an sa ebanghelyo o pagsangyaw sa maayong bailta diin niadtong kapanahunan ni Jesu Cristo siya mismo ang nagsangyaw sa tinagong kamatuoran nga sa diin aduna siya dose ka mga apostoles o sumosunod , sila usab iyang gibansay sa mga pagtulun-an nga iyang gibarugan diin wala gayud nakawang ang mao niyang mga katuyu-an diin dos mil na katuig ang milabay ug nagpadyun sa paglambo ang maong pagtulun-an diin daghan ang misagop sa kristiyanismo sa tibook kalibutan.

Daghan na usab ang pamaagi sa pagsangyaw nining panahuna diin aduna na kitay internet, magasin, telibesyon, timaan sa paglambo sa kalibutan. Apan mao na usa kini ang ikatulong testamento sa Dios diin ania na ang mga timailhan sa iyang pagbalik, ug nga mokayab si Jesus sa iyang pagbalik dinhi sa yuta inubanan sa iyang mga anghel.

Daghan ang mga pagtulon-an nga nanggawas diin pulos nagpasibantog sa ilang kaluwasan sa pagtulon-an nga gibarugan, usag-usa nagapamulong nga sila ra nga grupo ang maluwas gikan sa dakong hukom, apan matod sa balaang kasulatan walay relihiyon nga makaluwas sa iyang magtotoo, kundili ang matoto-o mismo diin ablihan niya ang iyang kasing-kasing ug isul-ob ug batonan ang hiyas nga kristuhanon.

Ang Sambingay Mahitungod Sa Mga Sagbot


24 Ug iyang giasoyan sila sa lain pang sambingay, nga nag-ingon, "Ang gingharian sa langit sama sa usa ka tawo nga nagpugas ug maayong binhi diha sa iyang uma; 25apan samtang nanagkatulog ang mga tawo, ang iyang kaaway miadto ug ang mga trigo gisaburan niyag mga liso sa bunglayon, ug unya mipahawa siya. 26Busa, sa nanubo na ang mga trigo ug nanguhay, nakita usab ang mga bunglayon.

27Ug ang mga ulipon sa pangulo sa panimalay miduol ug miingon kaniya, `Senyor, dili ba maayo man kadtong binhi nga gipugas mo sa imong uma? Naunsa bang anaa may mga bunglayon?` 28Siya mitubag kanila, `Buhat kana sa kaaway.` Ug ang mga ulipon miingon kaniya, `Nan, gusto ka bang amo kadtong adtoon ug pangib-ton?` 29Apan siya miingon kanila, `Ayaw lang, kay tingali unya hinoon nga sa inyong pagpangibut sa mga bunglayon mahilakip pagkaibut ang mga trigo.

30Pasagdi sila nga managkaipon karon sa pagtubo hangtud sa ting-ani, ug sa pagpangani na unya ingnon ko ang mga mag-aani, Pangibta una ninyo ang mga bunglayon ug bangana aron sunogon, apan ang mga trigo hakota ninyo ngadto sa akong dapa.`"

PAGPAAMBIT SA MENSAHE:

Ang maong mensahe nagpasabot sa mga dautan ug mga maayo nga katawhan diin sila dungan nga nagpakatawo dinhi sa kalibutan, diin ang uban kanila mga maayo ug hiyas ug nga nagasunod sa kabubut-on sa Dios tungod kay mga Diosnon man ug kagikan, apan ang uban usab mga dautan ug mga kinaiya tungod usab kay dautan man usab ang ilang gigikanan.

Apan ang Dios parehas ang pagtan-aw kanatong tanan diin matod pan niya walay dautan sa tawo tungod kay sila binuhat man gikan sa Dios amahan, Ug ang tanan nakadawat sa panalangin sa Dios nga anak busa apil na silang nga gibanhaw diha sa ilang pagpakasala. Gikinahanglan lamang nga sila atong ihalad ug iapil sa atong mga pag-ampo kay kining mga tawhana dili man gayud mahibalo mo-ampo para sa ilang kaugalingon.

Apan diha sa kanunay nga pag-ampo sa dili pa sila mo biya niining kalibutana makahunahuna gayud sila pagbalik sa Ginoo diin ang tanan sala aduna gayuy kapasaylo-an basta nga ang tawo nga nangayo sa maong pasaylo hingpit gayud nga nagabasol sa iyang kasaypanan ug nagatoo usab nga aduna pay kapasyloan ang iyang mga sala.

Kay ang katawhan nga wala motoo nga siya mapasylo pa sa iyang mga sala nagpasabot lamang nga siya wala usab motoo sa Dios nga Jesu Cristo, diin ginaingon nga siya si Jesu Cristo ang sinugdanan ug katapusan ug walay makaabot sa Dios Amahan kun dili moagi kaniya, ug nga si Jesu Cristo wala moanhi sa yuta aron pagsilot kanato kundili aron sa pagluwas kanatong tanan, gikan sa impyerno.

Mahal ang lukat kanato sa Dios diin gihalad niya ang iyang lawas ug dugo ug nga Siya na siJesu Cristo ang tag-iya sa atong lawas ug kalag. Walay pangadye sa katawhan dinhi sa ibabaw sa yuta nga wala madunggi sa Dios,ang tanan nadunggan gayud sa Dios apan subo lamang nga ang kadaghanan sa mga pangadye anaa lang sa tumoy sa dila. Ug ang tawo nga ngatugyan sa hingpit sa iyang kinabuhi sa Dios ug nagtuman sa iyang kabubut-on kahatagan gayud sa hata-as nga kinabuhi.

Si Ananias Ug Si Safira

BUHAT 5 : 1~16

1 Apan dihay usa ka tawo nga ginganlan si Ananias, nga uban sa iyang asawa nga si Safira, nagbaligyag katigayonan, 2ug ang halin niini iyang gikuhaan nga nahibaloan sa iyang asawa, ug usa ra ka bahin ang iyang gidala ug gibutang sa tiilan sa mga apostoles. 3Apan si Pedro miingon kaniya, "Ananias, naunsa bang giyawaan man pag-ayo ni Satanas ang imong kasingkasing aron imong bakakan ang Espiritu Santo ug imong kuhaan ang halin sa yuta?

4Sa wala pa kini ikabaligya, dili ba kini imo mang kaugalingon? Ug sa gikabaligya na kini, dili ba imo man ang pagbuot kon unsay imong buhaton sa halin niini? Naunsa ba gayud nga imo mang gilaraw kining buhata sa sulod sa imong kasingkasing? Ang imong gibakakan dili tawo kondili ang Dios." 5Ug sa pagkadungog ni Ananias niining mga pulonga, siya nahilukapa ug nabugtoan sa ginhawa. Ug giabut ug dakung kahadlok ang tanang nakadungog niini. 6Ug ang mga batan-on nanindog ug ila siyang gilimisan ug giyayongan paingon sa gawas ug gilubong.

7Ug sa mga tulo ka takna tapus niini, misulod ang iyang asawa nga wala mahibalo sa nahitabo. 8Ug si pedro miingon kaniya, "Tug-ani ako, mao ba kini ang bili sa pagbaligya ninyo sa yuta?" Ug siya mitubag, "Oo, mao kana ang bili." 9Ug si Pedro miingon kaniya, "Naunsa ba gayud nga nagkasabut man kamo sa pagtintal sa Espiritu sa Ginoo? Pamatii, anaa na sa pultahan ang mga tiil sa mga nanaglubong sa imong bana, ug ikaw pagayayongan usab nila paingon sa gawas."

10Ug dihadiha siya nahilukapa sa tiilan ni Pedro ug nabugtoan sa ginhawa. Ug sa pagsulod pa sa mga batan-on, ilang nakita siya nga patay na, ug siya ilang giyayongan paingon sa gawas ug gilubong tupad sa iyang bana. 11Ug giabut ug dakung kahadlok ang tibuok iglesia ug ang tanang nakadungog sa maong mga butang.

PAGPAAMBIT SA MENSAHE:

Ang maong mensahe nagpasabot sa kabubut-on sa Dios diin niadtong panahuna sa pagsangyaw na sa mga apostoles sa mga pulong sa Dios diin nagpadayun gihapon ang pagpanglutos ug nagkadiin diin na sila ug tago ug nagbalhin balhin kini sila u lugar aron paglikay sa mga mananakop. Ilang gibaligya ang mga kabtangan aron pagabahin-bahinon nilang tanan.

Diin ginaingon diha sa balaang kasulatan nga kun magsangyaw ka sa mga kasugo-an sa Dios kinahanglan nga ipahilayo mo ang imon kaugalingon sa mga tawhanon nga bahandi ug maoy imong taga-an ug importansya ang mga ispirituhanon nga bahandi, ug kanunay gayud mopatigbabaw ang kabubut-on sa Dios.

Diin isipon mong walay bili ang tanan nga mga tawhanon nga kailibgon ug ibalaan ang kaugalingon aron hingpit gayud ang pagsulod sa kabubut-on sa Dios. Ang maon magti-ayon nahinugon sa ilang mga butang nga gibaligya diin ilang gilimod ang halin kay lagi gipahari man nila ang ilang tawhanon nga mga kinahanglanon ug wala nila ipahari ang kasugo-an ni Jesu Cristo diin ipakita nila ang pakigdait ngadto sa mga kaubang magtoto-o. Gisilotan sila sa Dios sa kamatayon kay matud pa sa balaang kasulatan, ang aduna pagadugangan ug ang wala pagakuha-an ug pa pati ang tubo. Ug usab nagaingon ang balaang kasulatan nga mas mayo pa nga maksala ka sa anak sa tawo kaysa makasala ka sa espiritu santo, u gang silot sa sala mao ang kamatayun.

Tuesday, March 25, 2008

Mga Pangutana Mahitungod Sa Kaminyoon

1 CORINTHO 7 : 1~ 16

1 Karon mahitungod sa mga pangutana sa inyong sulat kanako. Maayo unta alang sa lalaki ang dili pagpakigduol ug babaye. 2Apan aron sa paglikay sa tintal sa pakighilawas, ang matag-usa ka lalaki kinahanglan magabaton ug iyang kaugalingong asawa, ug ang matag-usa ka babaye magabaton ug iyang kaugalingong bana. 3Ang bana kinahanglan magatugyan ngadto sa iyang asawa sa angay sa magtiayon, maingon man ang asawa ngadto sa iyang bana. 4Kay ang asawa dili mao ang magbuot sa kaugalingong lawas niya, kondili ang iyang bana; maingon man usab, ang bana dili magabuot sa kaugalingong lawas niya, kondili ang iyang asawa.

5Ayaw kamo pagdumiliay ang usa sa usa gawas kon pinaagi sa panagsabut alang sa usa ka panahon, kaha aron managsulod kamo diha sa kahigayonan sa pag-ampo; apan tapus niini, managduolay na usab kamo, aron dili kamo matintal ni Satanas tungod sa kakulang ninyog pagpugong sa kaugalingon. 6Nagasulti ako niini agig pagtugot, dili pagsugo. 7Ngani buot ko unta nga ang tanang lalaki manig-ingon kanako. Apan ang matag-usa adunay iyang kaugalingong hiyas gikan sa Dios, ang usa alang sa usa ka paagi sa kinabuhi, ug ang usa alang sa lain. 8Alang sa mga dili minyo ug sa mga balo ako magaingon nga maayo alang kanila ang pagpabilin nga mag-inusara sama kanako. 9Apan kon sila dili man ugaling makapugong sa ilang kaugalingon, nan, paminyoa na lang sila. Kay labi pang maayo hinoon nga maminyo kay sa magasilaob sila sa kaulag.

10 Apan kanila nga mga minyo na ang akong tugon-- dili hinoon akoa, kondili iya sa Ginoo-- mao nga ang asawa dili gayud magbiya sa iyang bana 11(apan kon siya mobulag man gayud, kinahanglan magapabilin siya nga mag-inusara; kon dili man, kinahanglan magpakig-uli siya sa iyang bana)-- ug nga ang bana dili gayud magbulag sa iyang asawa. 12Ngadto sa uban ako magaingon, dili ang Ginoo, nga kon kita adunay igsoon nga may asawang dili magtotoo, ug kini siya buot ra nga makigpuyo kaniya, kini siya dili gayud niya pagbulagan.


13Ug kon ang usa ka babaye may bana nga dili magtotoo, ug kini siya buot ra nga makigpuyo uban kaniya, kini siya dili gayud niya pagbulagan. 14Kay ang bana nga dili magtotoo ginabalaan pinaagi sa iyang asawa nga magtotoo, ug ang asawa nga dili magtotoo ginabalaan pinaagi sa iyang bana. Kay kon wala pa, nan, ang inyong mga anak dili unta mga binalaan, apan kini sila karon mga binalaan. 15Apan kon ang gikatiayon nga dili magtotoo buot man makigbulag, nan, pabulaga siya; kay ang bana o asawa nga magtotoo wala maulipon sa maong kaminyoon. Kay kita gipanagtawag sa Dios ngadto sa pagdinaitay. 16Kay unsaon man usab nimo pagpakaila, asawa, nga maluwas mo gayud ang imong bana ug unsaon man usab nimo pagpakaila, bana, nga maluwas mo gayud ang imong asawa?

PAGPAAMBIT SA MENSAHE:

Ang maong mensahe nagpasabot sa kasagrado sa kaminyoon, diin nagpasabot kini nga ang gihiusa sa Dios dili puwede bulagon sa tawo. Nagpasabot kini sa pagkabalaan sa kaminyoon diin walay binuhat o balaod dinhi sa yuta nga makabulag niini. Ang gikasal nga ang babaye o lalaki dili kristiyano dawaton sila sa Dios ug sa ingon ang ilang anak mapanalanginan sa espirito santo.

Mas maayo di-ay kun ihalad mo ang imong kinabuhi diha sa pag-alagad sa Dios diin dili ka mosulod sa tawhanon nga kaminyoon aron sa ingon malinawon ang pag-alagad nimo sa Dios. Apan kun dili gayud malikayan nan mas maayo pa nga magminyo na lang kay aron dili masugba sa kalayo sa impiyerno ang imong kalag. Ang gihiusa diha sa kaminyoon usa na lang sila ka persona sa mata as Dios diin gikinahanglan lamang ang pagmasinabuton sa usag-usa ug puy-an ang kinabuhi nga kristuhanon pinaagi sa kanunay nga pag-ampo, pag-alagad sa Dios diin siya lamang ang nahibalo sa umaabot.

Mas maayo diay nga mag-alagad alang sa ikahimuot sa Dios diin ang tanan atong isalig kaniya. Atong ipa-una ang Dios diha sa atong kinabuhi diin dili sab kita niya hikawan sa atong mga hangyo ug pangaliyupo. Dili maayong sumabanan ang tawhanong bahandi diha sa paglambo sa kinabuhi kay kini iya man sa kalibutan, mas maayo nga atong palambuin ang espirituhanon nga bahandi nga mao ang kanunay nga pag-ampo, pangaliya, ug patuman sa kasugo-an sa Dios aron dili kita niya pasagdan diha sa atong pagbugtaw sa tingusbawan sa kinabuhi.

Pakighilawas Diha Sa Iglisea

1 CORINTHO 5: 1~13

1 May tinuod nga gikabalita nga adunay pagpakighilawas diha kaninyo, kanang pakighilawas nga ang ingon wala buhata bisan pa sa mga Gentil, nga mao, nga anaay tawo diha nga nakigpuyopuyo sa asawa sa iyang amahan. 2Ug kamo nanagpaburot hinoon, ug wala managkaguol nga unta makuha gikan sa inyong taliwala kanang tawhana nga nagabuhat niini. 3Kay bisan wala ako diha sa lawas, anaa ako sa espiritu; ug sama ra nga anaa ako, nakapakanaug na ako sa akong hukom

4sa ngalan sa Ginoong Jesus, batok sa tawo nga nagabuhat sa maong butang. Inigkatigum ninyo, ug anaa ang akong espiritu, uban sa gahum sa atong Ginoong Jesus, 5kining tawhana kinahanglan inyong itugyan ngadto kang Satanas alang sa pagkalaglag sa iyang lawas, aron ang iyang espiritu maluwas unya sa panahon sa Ginoong Jesus. 6Kining pagpasigarboha ninyo dili maayo. Wala ba kamo masayud nga ang diyutayng pudyot sa igpatubo mopatubo sa tibook nga minasa?

7 Kuhaa gikan kaninyo ang daang igpatubo aron kamo mahimong bag-ong minasa; maingon nga sa pagkatinuod kamo dili na pinatuboan. Kay gikahalad na si Cristo, ang atong karniro sa pasko. 8Busa, saulogon ta ang pangilin, dili sa daan nga igpatubo, dili sa igpatubo nga mao ang pagkamadinauton ug pagkadautan, kondili sa wala-patuboi nga tinapay nga mao ang pagkamaminatud-on ug kamatuoran.

9 Gikaingnan ko na kamo sa akong pagsulat kaninyo nga dili kamo magpakigkauban sa mga makihilawason. 10Hinoon wala ko ipasabut niini nga kamo dili na gayud magpakigharong sa mga makihilawason dinhi sa kalibutan, o sa mga dalo ug mga tikasan, o mga tigsimbag mga diosdios; kay kon mao pa, nan, gikinahanglan unta nga mamahawa na lang kamo niining kalibutana.

11Hinonoa, ako nagsulat kaninyo nga dili kamo magpakigkauban kang bisan kinsa nga nagapakaigsoon kon kana siya makihilawason, o dalo, o tigsimbag mga diosdios, o tigpasipala, o palahubog, o tikasan-- dili, bisan na lang sa pagpakigsalo kaniya sa pagpangaon. 12Kay unsa may akong katungod sa paghukom sa mga taga-gawas? Dili ba ang mga anaa sa sulod sa iglesia mao ang inyong pagahukman? 13Ang Dios mao ang magahukom kanila nga mga taga-gawas. Palagputa gikan sa inyong taliwala kanang tawong dautan.



PAGPAAMBIT SA MENSAHE:

Ang maong mensahe nagpasabot sa kasagrado sa pagpakigrelasyon sa atong isigkamagtotoo diha sa iglisea nga atong gibarugan, diin dili kini saktan ug malisya kay kitang tanan managsoon man diha sa maong iglisea. Maimo ang kasuko sa langit, kun masupak mo ang maong balaang kasugo-an. Dili mgtakuban o magmaskara diha sa pagsimba sa kristuahnaong pagtulon-an, kinahanglan nga dawaton nato si Jesu Cristo sa tibook natong kinabuhi, diin walay laing Dios nga atong ilhon ug simabahon gawas lamang kaniya.

Ang tahas ni Jesu Cristo dinhi sa yuta mao ang pagluwas kanatong tanan nga iyang mga katawhan, diin iyang gipasabot ang napulo ka kasugo-an sa Dios Amahan nga gihatag ngadto ni Moises didto sa bukid sa Sinai, diin ang maong mga sugo mahimo lamang duruha diin ang nag-una mao ang paghigugma as Dios labaw sa tanan ug dili ka magbaton ug laing Dios labaw pa kaniya, ug ikaduha mao ang paghigugma sa imong isigkatawo, nga sa ato pa mga igsoon ang maong napulo ka kasugo-an, nagkahulogan lamang kini ug gugma o paghigugma kanatong tanan.

Dayag lamang nga gidili ang pagpakighilawas sa imong igsoon sa iglisea diin binuhatan na na kini sa dautan ug dako ang imong tulobagon didto sa Dios. Apan ang balaang kasulatan nagpasabot nga samtag nagkinabuhi pa kita dinhi sa yuta nan makasala gayud kita pinaagi sa pulong, sa huna-huna ug sa buhat. Gikinahanglan lamang ang kanunanay nga pag-ampo , pagkaon sa kalan-on sa kalag ug sa pagsunod sa kabubut-on sa Dios aron iway kita sa maong mga tentasyon. Dili ato ang paghukom, ug walay ni bisan kinsa nga matugkad sa kabubut-on sa Dios diin mahimong panag-ingnan ang kaagi ni Job diha sa unang kasulatan diin gitugutan as Dios si Satanas aron pagsakit ug pagsulay ni Job agig pagsukod sa iyang kabubut-on ug pagtahod sa Dios. Nga sa ato pa igsoon kabubut-on gayud sa Dios maoy matuman.

Mga Panan-awon Ni Pablo

2 CORINTHO 12: 10

1 Kinahanglan ko ang pagpasigarbo; ug bisan pa nga walay makuha gikan niini, hisugatan ko pa ang mga panan-awon ug mga pinadayag gikan sa Ginoo. 2Nakaila ako ug tawo nga anaa kang Cristo nga napulo ug upat ka tuig na karon gisakgaw dala ngadto sa ikatulong langit (kon diha ba siya sulod sa lawas o sa gawas, wala ako masayud, ang Dios mao lamang ang nasayud). 3Ug ako nasayud nga kining tawhana gisakgaw dala ngadto sa Paraiso (kon diha ba siya sulod sa lawas o sa gawas, wala ako masayud, ang Dios mao lamang ang nasayud)

4ug didto iyang hingdunggan ang mga pamulongpulong nga dili arang malitok, nga ginadili ang paglitok sa tawo. 5Kining tawhana ipasigarbo ko, apan sa akong kaugalingon ako dili magpasigarbo gawas sa akong mga kahuyang. 6Ngani, kon buot pa ako magpasigarbo, ako dili maisip nga boang sanglit magasulti man ako sa tinuod. Apan nagalikay ako niini aron walay bisan kinsa nga magaisip kanako nga labaw pa kay sa akong pagkamao sibo sa iyang makita kanako o sa iyang madungog gikan kanako.

7Ug aron ako dili makapasulabi sa pagkahimuot tungod sa kadaghan sa mga pinadayag kanako, ako gihatagan ug tunok dinhi sa lawas aron lagi dili ako magpasulabi sa pagkahimuot. 8Sa makatulo nangamuyo ako sa Ginoo mahitungod niini, nga unta iyang kuhaon kini gikan kanako; 9apan siya nag-ingon kanako, "Ang akong grasya igo alang kanimo, kay ang akong gahum ginahingpit diha sa kahuyang." Sa ingon niana, labi pang igakalipay ko diay hinoon ang pagpasigarbo tungod sa akong mga kahuyang aron ang gahum ni Cristo magapandong kanako. 10Busa, tungod kang Cristo igakalipay ko ang mga kahuyang, mga pagbugalbugal, mga kalisdanan, mga paglutos, ug mga kasakitan; kay sa diha nga magamahuyang ako, magamalig-on man hinoon ako.

PAGPAAMBIT SA MENSAHE:

Ang maong mensahe nagpadayag sa mga panan-awon ni Pablo diha sa iyang mga kakulangon isip tinugyanan sa Dios sa pagsangyaw sa kamatuoran , diin gipasidaan na daan nga ang tawo usahay anaa ang kahuyang diha sa mga paglutos ug pagsulay kaniya ug maingon man usahay usab malig-on kita diha sa atong pagtulon-an o pagto-o nga gibarugan.

Miingon ang Dios diha sa iyang mga mensahe, “Bisan sa baba sa kamatayon luwason ko ikaw kun itugyan mo lang ang imong hingpit nga pagtoo ug tibook kinabuhi kanako”. Ni garas ni pilas ni usa ka lugas buhok walay mawala kanimo kun itugyan mo sa hingpit ang imong kinabuhi. Bulahan ang tawo nga nagasunod sa Dios ug nagtugyan sa hingpit sa iyang kinabuhi kay maiya ang hataas kinabuhi apan ang katawhan nga naggasunod kaniya apan nagdumili sa pagtugyan sa hingpit sa iyang kinabuhi, basin kawad-an niini

1 Corintho, 1: 28 nagaingon gipili sa Dios ang mga tinamay ug mga sinalikway, ug ang mga katawhan nga nagpakaubos sa ilang kaugalingon dinhi sa ibabaw sa yuta, diin sila maoy gitugyanan niya sa iyang mga langitnong kaalam, aron ang mga manggialamon, ug makinaadmanon dili makapasigarbo diha sa iyang kaugalingon. Kay matod pa sa balaang kasulatan walay gamit ang mga tawhanong kaalam didto sa gingharian sa Dios nga sa ato pa walay angay ipasigarbo diha sa atubangan sa Dios gawas lamang sa mga milagro nga iyang nahimo diha sa tagsa-tagsa nato ka kinabuhi.

Nga sa ato pa mga igsoon ang kalig-on sa pagsalig sa Dios maoy magahatag kanato ug kusog ug giya diha sa pagsangyaw niining tinago nga kamatuoran, kay ang Dios nagahatag ug panalangin niadtong iyang katawhan nga nagatuki ug nagasunod sa iyang balaang kasulatan. Kay ang tawhanon nga kahuyan gilig-on diha sa imong pagtoo ug panalangin sa espirito santo.

Monday, March 24, 2008

Ang Laraw Pagpatay Kang Lazaro

JUAN 12 : 9 ~ 11

9Ug sa pagkasayud sa dakung panon sa mga Judio nga didto diay si Jesus, sila nangadto dili lamang tungod kaniya kondili usab aron sa pagtan-aw kang Lazaro, ang iyang gibanhaw gikan sa mga patay. 10Tungod niini gipanagsabutan sa mga sacerdote nga punoan ang pagpatay usab kang Lazaro, 11kay tungod kaniya daghan sa mga Judio mipahilayo kanila ug misalig kang Jesus.


PAGPAAMBIT SA MENSAHE:

Ang maong mensahe nagyagyag sa pagkatawhanon sa mga pagtulon-an niadtong panahuna, diin ilang gitagaan ug dakong gibug-aton ang ilang estados o pagkabutang diin hupong sila sa mga tawhanong bahandi. Ang mga tag-as nga pariseo niadtong panahuna nagtoo nga sila ra maoy duol sa Dios diin lagi kay wala pa may nakakita sa Dios Amahan diin maoy magbubuhat sa Tanang butang dinhi sa kalibutan nan, nagpasabot lamang nga sila isip mga sinaligan sa maong iglisea niadtong panahuna kinahanglan usab nag bahandianon sila ug tinahod sa mata sa tawo.

Wala ni sa huna-huna sa maong mga pariseo nga ang anak sa Dios nga nagpakatawo usa ba lang diay ka ordinaryo nga tawo diin walay bahandi ni walay dayan-dayan sa lawas gawas sa mga amorsiko nga namilit sa sidsid sa iyang sinina. Serado na ang utok sa maong mga Judio ug mga pariseo bahin sa ilang pagtulon-an nga gibarugan diin dili nila gusto nga adunay pay maolabaw sa mao nilang pagtoo mao nga ilang gikasilagan ug gikasuk-an si Jesus kay daghan ang nangakabig niini ug misamot kini sa dihang gibanhaw ni Jesus ang iyang suod nga higala nga si Lazaro.

Tungod sa ilang kahadlok nga sila na hinuon nga una sa pagtahod sa Dios mawad-an ug magtotoo ug nagtoo usab sila nga peke ang pagtulon-an ni Jesu Cristo mao nakahukom sila sa pagpatay kang Lazaro aron nga mawala ang pagkuyanap sa kristuhanong pagtulon-an. Usa kini ka kamatuoran nga matod pa sa balaang kasulatan ang gimugna ug gipabarog sa Dios dili mahimo nga bungkagon sa tawo, mapatay man tuod nila si Lazaro apan dili mamatay ang kristuhanong pagtoo, ug bisan diha sa kamatayon ni Jesu Cristo wala mamatay ang kristuhanong pagtulon-an, diin dos mil katuig na ang milabay apan nagpabilin paglipang ug paglambo ang maong kristuhanong pagtulon-an.

Ginaingon diha sa balaang kasulatan nga ang mga pinili nga katawhan sa Dios sama kabaga sa balas sa baybayon diin ginaingon nga ang mao niyang pinili pagapili-an pa. Ang iyang ipasabot nga kanunay gayud nga makasinati ug pagsulay o mga paglutos ang iyang mga pinili nga katawhan, ug dili kay maglingkod-lingkod lang sila ug maghulat sa dakong paghukom. Sama unya sila sa bulawan nga sa kanunay nga paga-ganggangon sa kalayo aron magsiga kini ug mokinlaw.
Kini nagpasabot lamang mga igsoon nga kun gusto nimo ang himaya didto sa gingharian sa Dios nan puy-i ang kristuhanon nga pagtulon-an, isul-ob ang hiyas sa espiritu santo ug pas-ana ang imong krus ug sunod kang Jesu Cristo.

Wednesday, March 19, 2008

Mga Saksi Ni Jesus

JUAN 5 : 30 ~47

30"Ako walay arang mahimo sa akong kaugalingong pagbulot-an; sumala sa akong nadungog, ako magahukom. Ug ang akong hukom matarung, kay wala ko man tinguhaa ang pagbuhat sa akong kaugalingong kabubut-on kondili sa kabubut-on sa nagpadala kanako.

31 Kon ako mao ang magpanghimatuod mahitungod sa akong kaugalingon, ang akong panghimatuod maisip nga dili tinuod. 32Apan adunay lain nga nagapanghimatuod mahitungod kanako, ug ako nahibalo nga tinuod ang iyang panghimatuod mahitungod kanako. 33Inyong gipasugoan si Juan, ug gipanghimatud-an niya ang tinuod. 34Hinoon wala ako magsalig sa tawhanong pagpanghimatuod, apan gihisgutan ko lang kini aron maluwas kamo. 35Si Juan maoy usa ka suga nga nagsiga ug nagdan-ag, ug sulod sa usa ka panahon gikahimut-an ninyo ang pagkalipay diha sa iyang kahayag.

36Apan mahitungod kanako adunay panghimatuod kay ang mga buhat nga gipiyal kanako maong mga buhat nga ginahimo ko karon, nagapanghimatuod mahitungod nagpadala kanako. 37Ug ang Amahan nga mao ang nagpadala kanako, siya gayud nanghimatuod na mahitungod kanako. 38ug kaninyo ang iyang pulong wala magpabilin kay kamo wala man motoo kaniya nga iyang gipadala. 39Kamo nagasusi sa mga kasulatan kay nagahunahuna man kamo nga pinaagi niini makakaplag kamo sa kinabuhing dayon; ngani kini mao ang nagapanghimatuod mahitungod kanako;

40apan dili kamo moari kanako aron unta makabaton kamog kinabuhi. 41Ako wala magpaabut ug dungog nga gikan sa tawo. 42Apan ako nasayud nga diha kaninyo wala ang paghigugma alang sa Dios. 43Ako mianhi sa ngalan sa akong Amahan, apan wala ako ninyo dawata. Kon aduna hinooy lain nga moanhi sa iyang kaugalingon nga ngalan, siya inyong pagadawaton. 44Unsaon man ninyo sa pagpakatoo, kamo nga ngadawat ug dungog gikan sa usag usa, apan wala magapangita sa dungog nga gikan sa bugtong nga Dios?

45Ayaw kamo paghunahuna nga ako mao ang magasumbong batok kaninyo sa atubangan sa Amahan; ang magasumbong batok kaninyo mao si Moises, siya nga maoy inyong ginalauman. 46Kon kamo nagatoo man kang Moises, nan, matoo usab unta kamo kanako, kay siya nagsulat man mahitungod kanako. 47Apan kon kamo dili motoo sa iyang mga sinulat, unsaon man ninyo pagtoo sa akong mga gipamulong?"


PAGPAAMBIT SA MENSAHE:

Ang maong mensahe nagpasabot sa mga karaang sumosunod sa kristuhanong pagtulon-an diin sila ang mga saksi sa mga milagro ug mga pagtulon-an ni Jesu Cristo niadtong panahuna. Kini nga mga pagtulon-an nahipatik sa bibliya karong panahuna diin dos mil na katuig (2,000) ang milabay diin ang pulong biblia gikan kini sa Greyego nga pagtulon-an nga ang ipasabot mga sinulat nga libro gikan sa Judaism ug Kristiyanismo.

Judaism mao kini ng mga pagtulon-an nga gisangyaw ni Moises diin nagasimba lamang kini sa Dios Amahan, Ang kristuhanon nga pagtulon-an mao kini ang gisangyaw ni Jesu Cristo diin iyang gihalad ang kaugalingon niyang lawas ug dugo.

Ang bag-o nga kasulatan mao kini ang mga sinulat sa mga apostoles ni Jesu Cristo nga maoy saksi ni Jesus niadtong panahuna, diin ang maong balaang pulong nahisulat ubos sa giya sa gahum sa Dios. Malisod ang pagsangyaw sa kamatuoran diin wala kay nakitang ehemplo, apan mipadayag si Jesu Cristo kanila kaniadto sa uban pa kini kanila nga siya makig-uban sa iyang mga magtotoo diin walay makakita kaniya.

Ang balaang kasulatan nagpadayag nga duha o tulo ka tawo nga magkatapok tungod ug alang sa Dios, anaa si Jesu Cristo makig-uban kanila. Sa pasangyaw na sa mga apostoles sa kamatuoran diha sa upat ka suok sa kalibutan, nangayo sila ug giya sa espiritu santo aron magkailhanay ang ilang mga tinudlo-an diin gigiyahan sila ug pangadyeon nga gitawag ug” Apostle Creed” o “Mitoo Ako” nga maoy ilhanan sa kristuhanong pagtulon-an labina sa Romano Katoliko.

Giayo Ni Jesus Ang Napulo Ka Sanglahon

LUCAS 17 : 11 ~ 19

11 Ug sa naglakaw siya padulong sa Jerusalem, siya miagi subay sa pag-utlan sa Samaria ug sa Galilea. 12Ug sa pagsulod niya sa usa ka balangay, siya gisugat sa napulo ka mga tawong sanlahon nga nanagtindog nga nagpaantaw 13ug sa makusog nga tingog nanag-ingon, "Jesus, Magtutudlo, kaloy-i intawon kami."

14Ug sa iyang pagkakita kanila, siya miingon kanila, "Lumakaw kamo ug ipakita ang inyong kaugalingon ngadto sa mga sacerdote." Ug sa nagpanglakaw sila, nangaayo sila. 15Unya usa kanila, sa iyang pagkakita nga siya maayo na, mibalik ug sa ma-kusog nga tingog nagdayeg sa Dios;

16ug siya mihapa sa tiilan ni Jesus ug nagpasalamat kaniya. Ug kadto siya usa ka Samarianhon. 17Ug si Jesus miingon, "Dili ba napulo man ang naayo? Hain ba ang siyam? 18Wala ba kanilay nakita nga mibalik ug nagdayeg sa Dios gawas niining dumuloong?" 19Ug si Jesus miingon kaniya, "Tumindog ug lumakaw ka; ang imong pagsalig nakapaayo kanimo."

PAGPAAMBIT SA MENSAHE:

Ang maong mensahe nagpasabot o nagpadayag diin ang hingpit nga pagtoo sa Dios maoy makaayo a hingpit sa imong balatian. An gihisgutan nga salanghon niini nga mensahe nagpsabot sa sakit nga sangla niadtong panahon ni Jesu Cristo diin matod pa sa history usa kini ka matang sa skin dis-order, ug dili kinii mao ang liprousy o ketong nga sangla niining atong panahun.

Niadtong panahuna ang mga tawong masakit sa maong sakit nga sangla ilain kini sa usa ka hilit nga lugar dayun mag tabon kini sila ug panapton sa tibook nga lawas ug gabugawon kini sila kun makit-an ug tawo kay lagi hugaw sila sa mata sa mga tawo.. Nasugatan nila si Jesu Cristo diha sa halayo o distansya mao nga naghanyo sila nga ayuhon ang ilang sakit.

Insigida naulian dayun sila ug sa napulo nga naayo usa lang ang nibalik kang Jesus aron pagpasalamat ngadto sa ginoong Jesu Cristo. Usa kini ka pagpadayag diin ang Dios nagatawag sa iyang katawhan pinaagi sa balatian aron nga sila makaila ug mosangpit kaniya. Usa usab kini ka pagtuki sa kabubut-on sa Dios diin Siya walay gipili ma-Judio ka man o gentel basta nagatoo ikaw ug hugot sa Dios. Diin ginaingon diha sa balaang kasulatan nga kun adunay kay pagtoo sama kadako sa liso sa mustasa makahimo ka pagsugo sa dakong bungtod aron kini mobalhin. Dili ang imong gilitok o gibuhat maoy makita sa Dios aron nga ikaw nagatoo sa hingpit kundili Makita sa Dios ang katim-os ug kaputli sa imong kasing-kasing.

Tuesday, March 18, 2008

Gisaad Ang Espiritu Santo

JUAN 14: 15 ~ 31

14Kon pinaagi sa akong ngalan mangayo kamog bisan unsa, kini akong pagabuhaton. 15 "Kon nahigugma kamo kanako, inyong pagatumanon ang akong mga sugo. 16Ug ako mangamuyo sa Amahan, ug kamo iyang pagahatagan ug laing Manlalaban nga magapakig-uban kaninyo hangtud sa kahangturan, 17nga mao ang Espiritu sa kamatuoran, kang kinsa ang kalibutan dili makadawat tungod kay ang kalibutan dili man makakita kaniya ni makaila kaniya. Apan kamo nakaila na kaniya, kay siya nagapuyo man uban kaninyo, ug maanha siya sa sulod ninyo.


18 "Dili ko kamo pagabiyaan na daw mga ilo; ako mobalik ra kaninyo. 19Hamubo na lang ang panahon, ug unya ang kalibutan dili na makakita kanako, apan kamo makakita ra unya kanako. Tungod kay ako buhi, kamo usab mabuhi. 20Niadto unyang adlawa inyong masuta nga ako anaa sa akong Amahan, ug nga kamo ania kanako, ug nga ako anaa kaninyo. 21Ang nagabaton sa akong mga sugo ug nagatuman niini, kini siya mao ang nahigugma kanako; ug ang nahigugma kanako pagahigugmaon sa akong Amahan, ug ako mahigugma kaniya ug magapadayag sa akong kaugalingon ngadto kaniya."

22Si Judas (dili ang Iscariote) miingon kaniya, "Ginoo, naunsa ba nga anhi ka man kanamo magpadayag sa imong kaugalingon, ug dili hinoon ngadto sa kalibutan?" 23Si Jesus mitubag kaniya, "Kon kinsa ang nahigugma kanako, iyang pagabantayan ang akong pulong, ug ang akong Amahan mahigugma kaniya, ug moanha kami kaniya ug anha kamo mopuyo diha kaniya. 24Ang wala mahigugma kanako dili magabantay sa akong mga pulong; ug ang pulong nga inyong nadungog dili akong kaugalingon, kondili iya sa Amahan nga mao ang nagpadala kanako.

25 "Kining mga butanga gisulti ko kaninyo samtang ania pa ako uban kaninyo. 26Apan ang Manlalaban, ang Espiritu Santo, nga sa akong ngalan igapadala sa Amahan, siya mao ang magatudlo kaninyo sa tanang butang, ug magapahinumdom kaninyo sa tanan nga akong gikasulti kaninyo. 27Kaninyo ibilin ko ang kalinaw; kaninyo ihatag ko ang akong kalinaw. Hatagan ko kamo niini dili sama sa hinatagan sa kalibutan. Kinahanglan dili magkaguol ang inyong kasingkasing, ni magtalaw.

28 Nakadungog kamo kanako nga nag-ingon kaninyo, `Ako moadto, apan mobalik ra ako kaninyo.` Kon kamo nahigugma pa kanako, igakalipay unta ninyo nga ako moadto sa Amahan, kay ang Amahan labaw pa man kanako. 29Ug karon gisultihan ko kamo sa wala pa kini mahitabo, aron nga kon kini mahitabo na, managpanoo kamo. 30Dili na ako magdaghan pa ug sulti kaninyo, kay moabut na ang punoan niining kalibutana. Siya wala hinooy labut kanako, 31apan magabuhat ako sumala sa gisugo kanako sa Amahan, aron masayud ang kalibutan nga ako nahigugma sa Amahan. Panindog kamo, manglakaw na kita.


PAGPAAMBIT SA MENSAHE:


Ang maong mensahe nagpasabot sa giya nga gihatag sa Dios diin sa paglakaw o pagsaka ni Jesu Cristo sa langit iyang gibilin ang iyang panalangin ngadto sa tanan niyang sumusunod . Iyang gipasabot nga anaa siya sa matag lawas sa iyang katawhan pinaagi sa espirito santo. Diin ginaingon nga anaa ra siya diha kanato o sa atong palibot apan walay nakakita ni nakaila kaniya.

Sa mga apostoles niadtong panahuna ana-a si Jesu Cristo nagauban kanila diha sa ilang panagsangyaw ug pagpadayag sa iglisea sa kamatuoran ug kini mao ang espiritu santo sa Dios nga maoy nagauban kanila, bisan sa mga ultimo nga katawhan nga nagatoo ug nagatuman sa kabubut-on as Dios anaa ang Espiritu santo nagagiya kanila diin kinahanglan lamang aang hugot nga pag-ampo ug pagbalaan ug paghinulsol sa kaugalingon.


Ginaingon diha sa balaan kasulatan , duha o tulo ka tawo nga nagapundok diha sa ngalan sa Dios anaa si Jesu Cristo nagauban ug nanalangin kanila. Diin sa kanunay nagahatag ang Dios ug mga gasa ngadto sa iyang mga apostoles sa dihang sila nagasangyaw sa ngalan sa Dios diha sa upat ka suok sa kalibutan, diin matod pa sa nahasulat nga nangayo ug giya ang mga apostoles sa wala pa sila magbulag-bulag sa pagsangyaw, diin ang ilang sinangyawan magakaila o magkailhanay pinaagi sa ilhanan nga pangadye-on, ug mao kini ang “Apostles Creed” o Mitoo Ako, diin hangtod karong panahuna ania gihapon ang maong pangadye-on ug gigamit sa Katoliko nga pagtulon-an ug epektibo nga panalipod sa mga dautan nga espiritu..

Namatay Si Jesus

MARCOS 15 : 33 ~ 41

33 Ug sa pag-abut sa ikanapulog-duha ang takna sa kaudtohon, dihay kangingit sa tibuok kayutaan hangtud sa ikatulo ang takna sa hapon. 34Ug sa ikatulo na ang takna sa hapon, si Jesus mituwaw sa makusog nga tingog nga nag-ingon, "Eloi, Eloi, lama sabactani?" nga sa ato pa "Dios ko, Dios ko, nganong gitalikdan mo ako?" 35Ug dihay nanagtindog sa duol, nga sa pagkadungog nila niini, miingon, "Tan-awa, nanawag siya kang Elias."

36Ug dihay midalagan ug sa nakapatuhop siyag ispongha nga natugob sa suka, kini gibutang niya sa tumoy sa bagakay ug gitunol ngadto kaniya aron iyang imnon, ug nag-ingon siya, "Pasagdi, tan-awon ta kon moanhi ba si Elias aron sa paghugos kaniya." 37Ug si Jesus, sa nakatuwaw siya sa makusog nga tingog, nabugtoan sa ginhawa. 38Ug ang tabil sa templo nagilis sa duha ka bahin gikan sa taas ngadto sa ubos. 39Ug sa nakita sa kapitan nga nagtindog sa atbang kaniya, nga sa ingon nabugtoan na siya sa ginhawa, siya miingon, "Sa pagkatinuod kining tawhana anak sa Dios!"

40Ug usab didtoy mga babaye nga nagpanataw sa pagtan-aw, ug ang pipila kanila mao sila si Maria Magdalena, ug si Maria inahan nila ni Santiago nga gamayon ug ni Joses, ug si Salome, 41nga sa didto pa siya sa Galilea nanagkuyog ug nanag-alagad kaniya; ug didtoy daghan pang mga babaye nga mitungas sa Jerusalem uban kaniya.



PAGPAAMBIT SA MENSAHE:

Ang maong mensahe nagpasabot sa katumanan sa kabubut-on sa Dios Amahan. Diin nahasuwat na nga ang anak sa Dios pagasakiton , dagmalan ,ug patyon pinaagi sa paglansang sa krus aron sa ingon mahimo kining panag-ingnan nga ang mobarog sa kamatuoran diha sa ngalan ni Jesu Cristo, makasinati gayud ug pagpanglutos ug pagbiaybiay.

Sa panahun pa ni Jesu Cristo diin ang bagang pundok sa mga Judio nagsunod sa kasugo-an sa Dios nga gisangyaw ni Moises diin hangtod karong panahuna buhi pa kini nga pagtulon-an nga gitawag kini ug Judaism diin maoy gisimba niini ang Dios Amahan lamang. Dili tiaw ang mga pagbiay-biay nga nasinati ni Jesu Cristo diin sa pagsangyaw niya sa iglesia nga iyang gibarugan kay dagha ang nasuko diin gidumtan siya sa mga dagkong kaparian tungod kay makuhaan man ang nagsimba ngadto kaniya ug ilabi na usab nga magamay unya ang ilang panudlanan. Apan daghan gihapon ang nagatoo ug nagasunod kaniya,

Daghan sa mga Judio ang nahigmata sa maong katuyu-an o sa kamatayun nI Jesu Cristo sa krus diin walay puas ang gipakita nga mga milagro diha sa iyang pagkamatay ug sa pagkabanhaw. Ordinaryo lang kaayo ang paagi sa iyang kamatayun diin gipakasama si Jesu Cristo sa banggiitan nga kriminal nga gilansang sa krus. Usa kini ka pagtulun-an diin nagpasabot nga ang nagpaubos sa iyang kaugalingon dinhi sa yuta ipataas didto sa langit. Gipakita ni Jesu Cristo ang ka importante sa pagtman sa kabubut-on sa Dios amahan diin gipakawalay bili niya ang iyang kinabuhi.

Philipos 2: 5 ~11 nagpadayag diin dako ang ganti ni Jesu Cristo diha sa pagsunod niya sa sugo sa Amahan diin sa iyang pagkabanhaw gibayaw ang iyang tawhanon nga lawas ngadto sa kinatas-an lugar sa langit diin ang tanan binuhat didto sa langit dinhi sa yuta ug sa ilawom sa yuta magasimba ug magaluhod sa iyang ngalan nga Jesu Cristo.



Ang Dakong Sugo

MATEO 22 : 34~40

34Apan sa pagkadungog sa mga Fariseo nga napahilum niya ang mga Saduceo, sila nanagtapok. 35Ug usa kanila, nga batid sa kasugoan, may gipangutana kaniya aron sa pagsulay kaniya. 36Miingon siya, "Magtutudlo, unsa man ang dakung sugo sa kasugoan?" 37Ug si Jesus miingon kaniya, "Higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong salabutan. 38Mao kana ang daku ug unang sugo. 39Ug ang ikaduha sulosama ra, nga mao kini, Higugmaa ang imong silingan sama sa imong kaugalingon. 40Niining duha ka mga sugo nagasukad ang tibuok nga kasugoan ug ang mga profeta."

PAGPAAMBIT SA MENSAHE:

Ang maong mensahe nagpadayag sa kasugo-an ni Jesus dinhi sa yuta nga mao ang pagluwas kanato gikan sa mga kasal-anan ug usab aron pagpasabot sa tanang katawhan sa mga kasugo-an sa Dios Amahan nga gihatag ngadto ni Moises niadtong una pang panahun didto sa bukid sa Senai.

Ang napulo ka sugo nagkahulugan lang kini ug duha ka kasugo-an diin ang una mao ang paghigugma sa Dios labaw sa tanan ug dili ka magbaton ug laing Dios , ang ikaduha mao ang paghigugma sa imong isigkatawo sama sa paghigugma sa imong kaugalingon, diin kun nasupak mo ang bisan asa niining duruha, nan nasupak mo ang tanang kasugu-an sa Dios nga sa ato pa nagkahulugan lamang kini nga gugma gayud ang ipahari sa atong kasingkasing.

Nagpasabot usab si Jesu Cristo nga ang tawo makasala usab pinaagi lamang sa iyang huna-huna, sa iyang pulong ug sa buhat. Diin nagpasabot lamang nga mintras nagkinabuhi pa kita niining kalibutana permanente gayud kitang makasala, mao nga kinahanglan gayud ang kanunay nga pag-ampo, pagkalawat ug pagsimba aron kita mahaduol sa Dios ug masiguro nato ang atong luna didto sa ganghaan sa gingharian sa Dios.

Sayop Nga Pagtulon-an Ug Matuod Nga Bahandi

1TIMOTEO 6: 3~10

3Kon aduna may tawo nga magatudlo nga sukwahi niini ug walay pag-uyon sa maayong mga pulong sa atong Ginoong Jesu-Cristo ug sa tuloohan nga sibo sa pagkadiosnon, 4kini siya nagapaburot sa iyang kaugalingon, siya walay alamag; gikaboangan niya ang pagpakiglantugi ug pagpakiglalis bahin sa mga pulong, nga mosangpot sa kasina, pagbahinbahin, pagsulti sa pagdaut sa uban, dautan nga mga katahap, 5ug paglalisay sa mga tawo nga dunot ug panghunahuna ug nakabsan sa kamatuoran, nga nanagdahum nga ang pagkadiosnon maoy paagi sa pagpakaganansiya.

6 Hinoon adunay dakung ganansiya diha sa pagkadiosnon nga inubanan sa pagbati sa katagbaw, 7kay wala kitay bisan unsa nga gidala nganhi sa kalibutan, ug siguro na lang gayud nga dili kita makadalag bisan unsa ngadto sa gawas sa kalibutan; 8apan kon kita adunay makaon ug ikabisti, kini igo na nga makatagbaw kanato.

9Apan sila nga maikagon gayud nga mahimong dato mangahulog ngadto sa panulay, ngadto sa bitik, ngadto sa daghang binoang ug makadaut nga mga pagpangibug nga nagaunlod sa mga tawo ngadto sa kamatayon ug sa pagkalaglag. 10Kay ang pagkamahigugmaon ug salapi mao ang gamut sa tanang pagkadautan; ug tungod sa maong pangibug may mga tawo nga nanghisalaag gikan sa pagtoo ug ilang gipalagbaslagbasan ang ilang kaugalingon sa daghang mga kasakitan.

PAGPAAMBIT SA MENSAHE:

Ang balaang kasulatan nag-ingon nga mas maayo nga magatigom kita ug bahandi nga iya sa langit diin walay kawatan nga magkuha niini ug walay taya nga magakutkut, diin kun atong palabihon ang bahandi nga tawhanoan nan mawili ka nining kalibutan apan kay ang tawo sa abog man mopauli ug mahabilin man ang iyang bahandi dinhi sa yuta ingon man usab ang iyang tawhanon nga lawas, nan walay kapuslanan ang tanan nga paningkamot. Ang atong espiritu sa lawas mobalik man sa Dios ug atong kalag maoy maghulat sa pagbalik sa Dios alang kataposang paghukom diin sila nga himayaon sa langit nianang panahuna kon masul-oban sila sa langitnong lawas ug didto na sila magpuyo sa langit ug himayaon sila sa Dios hangtod sa hangtod.

Ang mensahe nagpadayag ug pagpahimatngon sa paghupot sa tawhanon nga bahandi diin mao kini ang makabahin sa huna-huna sa tawo ug maoy makagal-gal kaniya ngadto sa daotan. Mahimo naman unya nga ang bahandi na ang iyang gipaka-Dios diin mao kini ang iyang prioridad sa iyang kinabuhi, aduna na unyay presyo ang tanan mga butang nga nagalibot kaniya, diin daw sa mahimo niyang paliton ang tanan. Maglunang siya sa kasal-anan diin siya nagpaka-Dios usab sa iyang kaugalingon.

Unsa pa may kinahanglanon sa tawo diin sa iyang pag-abot niining kalibutan wala man siyay dala ug sa iyang pagtaliwan niining kalibutan wala man gihapon siyay madala nga bahandi, iya man ibilin. Mas mayo nga samtang kita nagkinabuhi pa niining kalibutan puy-an ta ang kinabuhi nga kristuhanon, ang kinabuhi nga iya sa Dios espirtio santo diin puno kini sa pagdayeg sa gahum sa Dios, sa pagkamainmpoon, pagpaubos ug pagpasensya. Maoy himoom tang bahandi ang mga bulawanon nga pagtulon-an nga gibilin ni Jesu Cristo, diin mamahimo unya kining buhi ug pinili nga bato nga maoy atong tumbanan isip lig-on nga pundasyon ngadto sa himaya sa langit.

Monday, March 17, 2008

Ang Makalilisang Nga Talan-awon

MARCOS 13 : 14 ~ 23


14 "Apan inigkakita ninyo sa malaglagon nga pasipala nga mahimutang diha sa dapit diin kinahanglan dili kini ibutang (pasabta niini ang magabasa), nan, sila nga anha sa Judea pakalagiwa ngadto sa kabukiran; 15siya nga anha sa atop ayaw na pakanauga, ni pasudla sa iyang balay aron sa pagkuha pag bisan unsa; 16ug siya nga anha sa uma ayaw na pabalika aron sa pagkuha pa sa iyang kupo.

17Ug alaut gayud ang mga mabdos ug ang may mga masuso niadtong mga adlawa! 18Pag-ampo kamo nga unta dili kini mahitabo sa panahon sa tingtugnaw. 19Kay niadtong mga adlawa may kasakitan unya nga ang ingon wala pa mahitabo sukad sa sinugdan sa kabuhatan nga gibuhat sa Dios hangtud karon, ug nga dili na gayud mahitabo pa. 20Ug kon ang gidaghanon niadtong mga adlawa wala pa pagkubsi sa Ginoo, wala untay tawong maluwas; apan tungod sa mga pinili nga iyang gipili, iyang gikubsan kadtong mga adlawa.

21Ug unya kon adunay moingon kaninyo, `Tan-awa, ania ra ang Cristo!` o `Tan-awa, atua ra siya!` ayaw gayud kamo pagtoo niini. 22Kay motungha ang mga mini nga Cristo ug mga mini nga profeta ug magpakita silag mga ilhanan ug mga katingalahan aron sa pagpahisalaag sa mga pinili, kon mahimo man. 23Apan kinahanglan magbantay kamo; gitug-anan ko na kamong daan sa tanang mga butang.


PAGPAAMBIT SA MENSAHE:

Ang maong mensahe naghisgot sa kataposang hukom sa Dios diin masinati ang dili tiaw nga mga katalagman diin iyang pagapili-an ang iyang mga katawhan diin bulahan ang mahabiling buhi kay masaksihan pa nila ang pagkayab sa anak sa Dios gikan sa langit inubanan sa mga manulunda ug sa mga panganod.

Niana unyang higayuna wala nay pasenya o pasaylo ang Dios niadtong mga malapason. Mahimong kawang unya ang mga bahandi nga iya sa kalibutan diin pagakukton lang kini sa taya sa higayun nga mabiyaan kini ug bulahan ang mga tawo nga adunay bahandi nga iya as Dios kay niana mismong higayuna mamahimong gabayan ang maong bahandi sa pagsulod niya sa langit.

Dinha unyang higayuna wala nay pabor-pabor pa, diin parehas na kitang tanan sa mata anak sa Dios ug makita diha sa libro sa kinabuhi ang maong mga kasal-anan nga napatik, ug kini nga mga kasal-anan mao man unya ang gisumbong sa atong espirito ngadto sa Dios niadtong panahun nga nagpakabuhi ug nagpatuyang pa ang maong binuhat. Bulahan unya kadtong nakapangandam sa kanunay kay halu-ag na man unya ang iyang luna didto sa ganghaan gingharian sa Dios.







Si Jesus Gibugal-bugalan Sa Mga Sundalo

Marcos 15 : 1~16

16Ug si Jesus gidala sa mga sundalo ngadto sa tugkaran sa hawanan sa palasyo sa gobernador (sa laing pagkasulti, ang pretorio); ug ilang gipatapok ang tibuok bando sa kasundalohan. 17Ug ilang gisul-oban siyag kapa nga mapula, ug sa nakalukong silag purong-purong nga sampinit, kini ilang gipahiluna diha kaniya. 18Ug siya gisugdan nila sa pagyukboyukbo nga nanag-ingon, "Mabuhi, ang Hari sa mga Judio!" 19Ug siya gibunalan nilag bagakay diha sa ulo, ug ilang gilud-an ug giluhodluhoran siya agi konog pasidungog kaniya. 20Ug tapus nila siya bugalbugali, ilang gihukasan siya sa kapa nga mapula, ug ilang gibalik pagsul-ob kaniya ang iyang kaugalingong mga sapot. Ug ilang gidala siya sa gawas aron ilansang sa krus.


PAGPAAMBIT SA MENSAHE:

Ang maong mensahe nagpasabot lamang sa pagkamaot O pagkamateryuso sa tawo diin mas gitoohan nila ang unsay ilang nakita diha mismong higayuna. Atong mapalandungan nga si Jesu Cristo nagsangyaw sa kamatuoran sa iglisea sa Dios diin siya maoy pangulo niini, diin mao kini ang gitahas sa Diyos Amahan kaniya.

Nagpa-ila siya nga anak sa Dios apan wala nila tuohi kaylagi lahi ang ilang panglantaw sa Dios nga Amahan nga sa ilang pagtoo usa kini ka pusturawo ug tugob sa mahalong dayan-dayan, apan si Jesu Cristo naglago lamang diin kani nagtsinilas ug walay dayan-dayan ang iyang sinina gawas lamang sa mga amorsiko nga namilit sa mga sidsid niini. Para sa mga Judio nagtumo-tumo lamang si Jesu Cristo ug nagpakita ug mga milagro nga iya sa dautan, kay para kanila usa lamang ang Dios, ang Dios amahan diin mao kini ilang naandan nga pagtulon-an gikan pa sa ilang katigulangan nga maoy gisangyaw ni Moises.

Usa usab kini ka pagtulon-an nga gipasinati ni Jesu Cristo sa iyang mga kristohanon nga sumosunod, nga ang pagkalider sa usa ka pagtulon-an o lider sa usa ka grupo kinahanglan nga magpaubos siya diin siya magasilbi sa iyang katawhan. Ginaingon diha sa balaang kasulatan nga kun gusto nimo nga hataas ka ug katungdanan didto sa langit nan ikaw maoy pinakaubos sa tanang ubos dinhi sa yuta, ang tawhanon nga kaalam ug kinaadman walay pulos didto sa ginharian sa Dios, nga sa ato pa kun mapahitas-on ka dinhi sa yuta tungod sa mga tawhanon nimo nga bahandi nan ipaubos ka didto sa langit apan kun nagpaubos ka dinhi sa yuta bisan luyo sa mga grasya nga material ug espiritwal nan ipataas ka didto sa langit.

Nagpadayag lamang ang maong mensahe nga malisod ang pagsulod sa gingharian sa Dios, diin matod pa sa balaang kasulatan nga kun ang tawo dili ianak pag-utro ug mahimo siyang bata maglisod gayud siya sa pagsulod sa langit, diin ang mga inosenteng mga bata mga igsoon , ang ilang anghel magbalantay atua gayud nagalingkod sa atubangan sa Dios Amahan ngasa ato pa kanuny gayud silang makadawat sa panalangin, Nan kun atong kalawaton ang Dios sama sa usa kita ka bata diin mohangop kita sa atong amahan diin puno pa kita sa ka inosente sa mga tawhanon nga mga kailibgon, ug mao lamang atong nahibaw-an ang pagsunod ug pagsugot sa sugo ug kabubut-on sa atong amahan nan masayun diay unya ang pagsulod sa gingharian sa Dios.


Atong mapalandungan usab ang mga panahum sa mga bantugan natong mga lideres sama ni anhing Senador Ninoy Aquino, miingon siya sa pinulongan nga inengles : “Its better to Die in a meaningful Death than to live in a meaningless life” nga sa ato pa nga sinultihan: Mas palabihun pa niyang mamatay diin mahimong pagtulon-an ang iyang kamatayun, kay sa magpakabuhi diin mamahimo lamang siyang sama sa usa ka puno-an sa kahoy diin ga sige lang ug tubo apan dili gapamunga, ug miingon usa si Senyor Santo NiƱo sa iyang mga mensahe, Unsay man diay angay buhaton sa usa ka kahoy diin gatubo kini apan dili gapamunga?

Si Jesus Nagpakita Ngadto Sa Iyang Mga Tinun-an

LUCAS 24: 36~49

36 Ug samtang nagsulti pa sila niining mga butanga, sa ilang taliwala mipakita si Jesus nga natindog ug miingon kanila, "Ang kalinaw magauban kaninyo!" 37Apan sila nahikuratan ug nangalisang nga nanagdahum nga nakakita silag espiritu. 38Ug siya miingon kanila, "Nganong nakulbaan man kamo, ug nganong may mga pagsukitsukit man kamo sa sulod sa inyong mga kasingkasing?

39Tan-awa ninyo ang akong mga kamot ug mga tiil, nga mao gayud ako. Hikapa ninyo ako ug tan-awa, kay ang espiritu walay unod ug mga bukog ingon sa inyong nakita nga ania kanako." 40Ug sa nakasulti na siya niini, iyang gipakita kanila ang iyang mga kamot ug mga tiil. 41Ug samtang sa ilang kalipay sila wala pa motoo niini ug nanghibulong, siya miingon kanila, "Duna ba kamoy makaon dinhi?" 42Ug siya ilang gihatagan ug isda nga sinugba. 43Ug kini gidawat ni Jesus ug iyang gikaon sa ilang atubangan.

44Ug unya miingon siya kanila, "Kini mao ang akong mga pulong nga gisulti ko kaninyo kaniadto sa kauban pa ako kaninyo, nga kinahanglan gayud matuman ang tanang nahisulat mahitungod kanako diha sa kasugoan ni Moises ug sa mga profeta ug sa mga salmo." 45Ug iyang gibuksan ang ilang mga salabutan aron makatukib sila sa mga kasulatan,

46ug miingon kanila, "Sa ingon niini nahisulat, nga ang Cristo kinahanglan gayud magaantus, ug sa ikatulo ka adlaw mabanhaw siya gikan sa mga patay, 47ug nga sa iyang ngalan ang paghinulsol ug ang pagpasaylo sa mga sala kinahanglan igawali ngadto sa tanang kanasuran, sugod sa Jerusalem. 48Kamo mao ang mga saksi niining mga butanga. 49Ug tan-awa, igapadala ko kaninyo ang saad sa akong Amahan; apan pabilin una kamo sa siyudad hangtud nga masul-oban na kamog gahum gikan sa kahitas-an."

PAGPAAMBIT SA MENSAHE:

Ang maong mensahe nagpasabot sa pagkabanhaw ni Jesu Cristo diin iyang gipakita ang pagkasiya sa dihang nabanhaw na siya. Kini nagpamatuod lamang nga ang atong gisunod ug gitu-ohan matuod gayud nga Dios ug matuod gayud nga manluluwas sa kalibutan.

Dili matugkad sa tawo ang mga kabubut-on sa Dios diin maoy iyang tumong ug tuyo nga mahimong pagtulon-an ang maong hitabo diin ang anak sa tawo pagasakiton, ilansang sa krus ug mabanhaw pagikatulo ka adlaw. Dako pagtulon-an kani sa gusto mamahimong lider ug usa ka iglisea nga iya ni Jesu Cristo, diin gusto iyang mamhimong dungganan ug tinahod didto sa langit nan magpuyo siya nga pinakaubos dinhi as yuta.

Ang Usa Ka Dako Nga Nawala

LUCAS 15 :8~10

8"O kinsa bang babayhana nga may napulo kabuok nga mga drakma, nga kon kawad-an siyag usa kabuok niini, dili modagkot ug suga ug dili silhigan niya ang balay, ug dili niya kini pangitaon pag-ayo hangtud iyang makaplagan? 9Ug sa makaplagan na niya kini, iyang tigumon ang iyang mga higala ug mga silingan ug magaingon, `Pangalipay kamo uban kanako, kay hingkaplagan ko ang salapi nga nawala.` 10Sultihan ko kamo, nga sa ingon usab niana may kalipay unya sa atubangan sa mga manolunda sa Dios tungod sa usa ka makasasala nga magahinulsol."

PAGPAAMBIT SA MENSAHE

Ang maong mensahe nagpasabot agig pasumbingay nga ang usa ka tawo kun makasasala diin mahimulag siya sa Dios ug iyang mga kaparyentihan o kaigsoonan tungod kay sukwahhi ang iyang mga panlataw diin gihimo niyang Dios ang mga materyal nga mga butang diin wala na niya toohi o tahura ang matuod nga Dios. Nagpuyo siya sa kasal-anan diin nagsimba usab siya sa hari sa kangitngit.

Apan sa higayun nga mahigmata siya sa kamatuoran ug ibayaw niya ang iyang kamot sa paghangop sa iglisea sa Dios nan nianang panahuna susama siya sa usa ka dako nga nawala apan nakit-an ra ug magpasidungog ang mga anghel sa langit agig pag-ila sa iyang paghibalik sa kamatuoran. Diin ginaingon nga kitang tawo pinangga sa Dios diin mahal ang lukat o pagpalit sa Dios kanato kay iya mang gihalad ang kaugalingon niyang anak.

Apan sa kanunay halu-ag ug halapad ang pasensya sa Dios kanatong iyang mga katawhan diin kanunay kitang gitagaan ug higayun sa paghinulsol ug pagbasol diha sa pagkinabuhi nato niining kalibutana, parehas niadtong mabinasolon nga tulisan diin sa katapusang gutlo sa iyang kinabuhi nagbasol siya ug naghinulsol ug iyang gipangayo ang pasaylo sa Dios ug diin siya nahiuban gayud ni Jesu Cristo ngadto sa gingharian sa langit.

Si Jesus Atubangan Ni Herodes

LUCAS 23: 6 ~ 12

6Sa pagkadungog niini ni Pilato, siya nangutana kon ang tawo Galileanhon ba. 7Ug sa pagkasayud niya nga si Jesus iya sa ginsakpan ni Herodes, gipadala niya siya ngadto kang Herodes nga diha ra usab sa Jerusalem niadtong panahona. 8Sa pagkakita ni Herodes kang Jesus, siya nalipay kay dugay na man siyang naninguha sa pagtan-aw kaniya, kay nakadungog man ugod siya mahitungod kaniya, ug naglaum siya nga makakitag katingalahan nga iyang pagabuhaton.

9Ug iyang gisukitsukit siya sulod sa hataas nga panahon, apan wala siyay gitubag kaniya. 10Ug ang mga sacerdote nga punoan ug ang mga escriba nanagtindog sa duol, nga sa mainiton gayud nanaghimo sa ilang sumbong batok kaniya. 11Ug si Herodes, uban sa iyang mga sundalo, mitamay ug mibiaybiay kaniya; ug sa nasul-oban na siyag bisti nga nanggilakgilak sa katahum, siya iyang gipadala balik kang Pilato. 12Ug niadtong adlawa si Herodes ug si Pilato nanagkauli sa ilang paghigalaay, kay sa wala pa kini, nanagkaaway man sila.

PAGPAAMBIT SA MENSAHE:

Ang maong mensahe naghubit sa kasinatian ni Jesu Cristo sa dihang gidakop siya sa mga Judio ug gitagaan ug mabug-at nga sala. Diin gihimo siyang bola nga gipasa-pasa sa mga kadagko-an sa Judio, apan kay lagi nahasuat na nga ang anak sa tawo pagasakiton ug biay-biayon ug ilansang sa krus nan nahitabo gayod ang kabubut-on sa amahan.

Si Herodes ug Pilato mao lamang ang mga tawhanong instrumento nga gigamit sa Dios aron matuman ang nahisulat. Dako ang tahas ni Jesu Cristo dinhi sa yuta diin bisan siya Dios apan walaniya gamitaang iyang ahum sa pagkaDios ug misunod sa kabubut-on sa amahan nga mao ang pagpalansang kaniya sa krus diin mao usab kini ang kaluwasan sa atong mga sala.

Ginaingon nga wala moanhi si Jesu Cristo sa yuta aron pagsilot kanatong mga makasasala apan amianhi siya aron paghalad sa iyang kaugalingonlawas ug dugo aron kita maluwas. Diin gikinahanglan nato ang pagpuasa sa kaugalingon sa kanunay aron kita makalikay sa pagpakasala, puy-an ta ang kinabuhi nga kristuhanon ug pas-anon nato ang atong tagsa-tagsa ka krus ug sundon nato siJesu Cristo.

Sunday, March 16, 2008

Mini Nga Magtutudlo

2 Pedro 1:2-21

Si Simon Pedro, ulipon ug apostol ni Jesu-Cristo, 2Ang grasya ug kalinaw ipadagaya unta kaninyo diha sa inyong kahibalo sa Dios ug kang Jesus nga atong Ginoo. 3Ang iyang diosnong gahum naghatag kanato sa tanang butang bahin sa kinabuhi ug pagkadiosnon, pinaagi sa atong kahibalo kaniya nga nagtawag kanato sa iyang kaugalingong himaya ug pagkahalangdon, 4nga tungod niana kita iyang gikahatagan sa bililhon ug dagku uyamot nga mga saad, aron nga pinaagi niini kamo managpakaikyas gikan sa pagpangadunot nga ania sa kalibutan tungod sa pangibog, ug mangahimo kamong mag-aambit sa diosnong kinaiya.

5 Ug tungod niining maong hinungdan, himoa ninyo ang tanang paningkamot aron nga sa inyong pagtoo ipuno ninyo ang maligdong nga batasan, ug sa maligdong nga batasan ipuno ang kahibalo, 6ug sa kahibalo ipuno ang pagpugong sa kaugalingon, ug sa pagpugong sa kaugalingon ipuno ang pagkamainantuson, ug sa pagkamainantuson ipuno ang pagkadiosnon, 7ug sa pagkadiosnon ipuno ang pagbati nga inigsoon, ug sa pagbati nga inigsoon ipuno ang gugma.

8Kay kon kining mga butanga inyong mabatonan ug magatubo, kini magapahilayo kaninyo sa pagkataspukan o sa pagkadili mabungahon diha sa inyong kahibalo sa atong Ginoong Jesu-Cristo. 9Kay bisan kinsa nga nakulangan niining mga butanga, siya buta ug igo lamang makakita sa duol ug nahikalimot nga siya nahinloan na gikan sa iyang karaan nga mga sala. 10Busa, mga igsoon, paningkamoti sa labi pa gayud nga masiguro ang inyong pagkatinawag ug pagkapinili, kay kon inyong himoon kini, dili gayud kamo mahulog; 11ug sa ingon niana aduna unyay madagayaong pagpahigayon alang kaninyo sa usa ka madaugong pagsulod ninyo ngadto sa dayong gingharian sa atong Ginoo ug Manluluwas nga si Jesu-Cristo.

12 Busa sa kanunay ako andam sa pagpahinumdum kaninyo niining mga butanga, bisan pa nga nasayud na kamo niini ug nalig-on na kamo sa kamatuoran nga inyong ginabatonan. 13Akong giisip nga maoy matarung, samtang ania pa ako niining lawas, ang pagdasig kaninyo pinaagi sa pagpahinumdom kaninyo, 14kay ako nasayud nga kining akong lawas dili na madugayng pagabiyaan, sumala sa gipadayag kanako sa atong Ginoong Jesu-Cristo. 15Ug paningkamotan ko aron nga bisan kon unya patay na ako, makahimo gihapon kamo sa paghinumdom niining mga butanga bisan kanus-a.

16 Kay sa among pagpahibalo kaninyo sa gahum ug pag-anhi sa atong Ginoong Jesu-Cristo, kami wala magsubayg mga sugilanon nga maayong pagkaminaomao, hinonoa kami mga saksi-nga-nakakita sa iyang pagkahalangdon. 17Kay sa iyang pagkadawat sa pasidungog ug himaya gikan sa Dios nga Amahan sa diha nga gihatud kaniya sa Halangdong Himaya ang tingog nga nag-ingon, "Kini mao ang akong pinalanggang Anak nga kaniya may kalipay ako," 18kami gayud mao ang nanagpakabati sa maong tingog gikan sa langit, kay kami uban man kaniya didto sa bukid nga balaan.



19 Labi pa gayud diay nga nahimatud-an ang pulong sa profesiya nga among ginabatonan. Maayo nga inyong himoon ang pagtagad niini maingon sa inyong pagtagad sa usa ka suga nga nagasiga sa dapit nga mangitngit, hangtud mobanagbanag ang panahon ug mosubang bitoong kabugason diha sa inyong mga kasingkasing. 20Kinahanglan inyong mahibaloan kini, una sa tanan, nga walay profesiya diha sa kasulatan nga arang kahimoan sa kinaugalingon nga pagpanabut, 21tungod kay wala may profesiya nga miabut pinaagi sa kabubot-on sa tawo, hinunua minandoan sa Espiritu Santo nanagpanulti ang mga balaang tawo sa Dios.


PAGPAAMBIT SA MENSAHE:

Ang maong mensahe nagpasabot sa pagtulun-an nga gibilin ni Jesu Cristo dinhi sa kalibutan, diin kina gisulat sa mga Apostoles diha sa mga tuig diin wala na ang Ginoong Jesu Cristo kanila maga-uban kay gibayaw naman ang iyang tawhanong lawas didto sa langit

Ang maong mga sinulat naglangkob kinig daghan mga libro diin sa dihang giusa na pagsulat mao kini ang gitawag ug bibliya nga ang kahulugan gikan sa pulong Grego diin nagkahulugan kini ug mga sinulat nga pulong sa Dios gikan sa mga pagtulun-an nga “Judaism” ug pagtulun-an nga kristyanismo.

Daang nang gipasabot ni Jesu Cristo ang pag-abot sa mga mini nga propeta diin magpasidungog gihapon kina sa ngalan sa Dios, ingon moabot usab ang panahun nga daghan naang mga magtutudlo sa kristyanismo nga pagtulun-an diin silang tanan nagpasidungog sa ngalan sa Dios apan nagbaligya usab sa mga pulong sa Dios diin gihimo nilang takuban ang ilang pagkamagtutudlo sa pagtulon-an aron pagpalambo sa ilang kaugalingon nga interes ug kaugalingon nga bulsa, ug sa laktod ilang gihimo ang maong pagtulun-an isip ilang negosyo.

Mao kini sila ang mga mini nga magtutudlo diin nag-ampo apan nagmaskara ug nagpakaron-ingnon nga nagsilbi sa katawhan apan naghimo lamng nila kini nga sukaranan sa ilang tawhanon nga bahandi. Ginaingon nga tulo lamang ang buenas nga negosyo dinhi sa kalibutan, una gubat, ikaduha politka ug ikatulo ang simbahan.

Thursday, March 13, 2008

Mga Tubig Sa Sapa Nga Naghatag Kanato Ug Kinabuhi

Juan 7: 37~39

37 Ug unya sa katapusang adlaw, ang labing dakung adlaw sa fiesta, si Jesus mitindog ug misinggit nga nag-ingon, "Kon adunay tawong giuhaw, umari siya kanako ug uminom. 38Sa mosalig kanako, sumala sa giingon sa kasulatan, `Gikan sa iyang kasingkasing modagayday ang mga sapa sa tubig nga buhi.
`
" 39Ug siya nagsulti niini labut sa Espiritu nga pagadawaton sa mga misalig kaniya; kay ang Espiritu wala pa man ikahatag, sanglit niadtong tungora si Jesus wala pa man himaya.

PAGPAAMBIT SA MENSAHE:

Ang maong mensahe nagpasabot sa katuyu-an ni Jesus dinhi sa yuta diin wala siya ipadala sa Dios Amahan aron pagsilot kanatong mga masalaypon, kundili mianhi siya aron pagluwas kanatong tanan. Ginaingon diha sa maong ebanghelyo nga moduol lang kaniya ang giuhaw, kay aron iyang paimnon, dili sa tubig nga materyal kundili sa tubig sa espiritu santo sa Dios nga mao ang pagmasinugtanon sa mga sugo sa Dios ug sa himaya sa kinabuhing dayun didto sa gingharian sa Dios.

Gitudlo ni Jesu Cristo ang dan-ag sa espiritu santo nga pagtulon-an ug ang giya sa Dios Amahan diin ang tanan nga motoo ug mokalawat sa Dios nga Anak mahiusa siya ngadto sa Dios Amahan diha sa kinabuhing walay katapusan. Dili importante ang atong tawhanon nga lawas ug bahanding materyal kay biyaan ta gihapon kini inig-abot sa panahun kay dili kini ang atong tinud-anay nga pinuy-anan. Mas maoy importante ang mga langitnong hiyas ug hiyas nga iya as Dios kay mao kini ang atong gabay diha sa pagkinabuhi nga kristuhanon.

Siya Ba Ang Mesiyas?

JUAN 7: 25~31

25Busa may mga tawo sa Jerusalem nga nanag-ingon, "Dili ba kining tawhana mao man ang buot unta nilang patyon? 26Ug karon ania na siya ug nagsulti sa dayag, apan wala man lagi silay gikasulti batok kaniya! Sarang ba kaha nga ang mga punoan sa pagkatinuod nahibalo na nga kini siya mao ang Cristo?

27Hinoon nasayud kita diin gikan kining tawhana; ug kon mahitungha na ang Cristo, walay bisan kinsa nga masayud diin siya gikan." 28Tungod niini, sa iyang pagpanudlo sulod sa templo, si Jesus mipahayag nga nag-ingon, "Nakaila ba diay kamo kanako, ug nasayud ba diay kamog diin ako gikan? Apan wala baya ako moanhi sa akong kinaugalingong pagbulot-an. Siya tinuod, siya nga mao ang nagpadala kanako, ug kamo wala makaila kaniya.

29Ako nakaila kaniya, kay ako gikan man kaniya ug siya mao man ang nagpadala kanako." 30Tungod niini naninguha sila sa pagdakop kaniya, apan walay midakop kaniya kay wala pa man moabut ang iyang panahon. 31Apan daghan sa mga tawo ang misalig kaniya; ug sila nanag-ingon, "Kon mahitungha na ang Cristo, himoon ba kaha niya ang labaw pa ka daghang milagro kay sa nahimo niining tawhana?

PAGPAAMBIT SA MENSAHE:

Ang maong mensahe naghubit sa mga pagsangyaw ni Jesu Cristo diha sa mga sinagoga, sa mga templo ug sa mga dapit diin naa ang mga magtotoo ug mga sumosunod sa Dios. Apan daghan ang nagduha-duha ug nagpangutana sa iyang pagkatawo tungod kay ang kasulatan nagpadayag nga moabot ang mesiyas diin walay nakaila kaniya kun diin ug asa siya gikan.

Nagpasabot lang kini sa kabubut-on sa Dios diin nagpasabot siya nga walay tawo dinhi sa ibabaw sa yuta nga iyang gitugtan sa pagtugkad sa iyang kabubut-on ug pagtuki sa iyang gahum. Ang tanan nahisulat sa iyang kabubut-on ug pasambingay nga sinultihan. Walay panagway ang Dios nga Amahan, apan ang nakakita sa Dios nga anak nakakita kaniya, ug ang mitoo sa Dios nga anak nagatoo usab sa Dios Amahan, diin ang wala motoo kang Jesu Cristo nan isalikway uab siya didto sa atubangan sa iyang amahang Dios.

Si Jesu Cristo mao gayud ang mesiyas ug bugtong anak sa Dios diin gipadala kini dinhi sa kalibutan isip usa ka yano ug pinakaubos nga binuhat, aron mahimong panig-ingnan sa tanan nga walay gamit ang tawhanong bahandi diha sa pagsulod sa gingharian sa Dios. Ug nagpasabot lamang nga si Jesu Cristo usa ka Dios nga buhi ug ang tanan nga motoo ug mosunod kaniya, mahatagan ug kinabuhing walay katapusan.

Wednesday, March 12, 2008

Gibayaw Si Jesus Sa Langit

BUHAT 1: 6~11

6 Sa ilang panagtigom nangutana sila, “Karon ba nimo ibalik ang Gingharian sa Israel?” 7 Mitubag siya, “Dili inyo ang kasayoran sa panahon nga gimbut-an sa Amahan. 8 Apan magamhanan mo kon mokunsad na ang Espiritu Santo. Maako mong mga saksi sa Jerusalem, sa tibuok Juda ug Samaria, hangtod gani sa kinatumyan sa kalibotan.”

9 Humag sulti ni Jesus, gibayaw siya sa ilang atubangan ug gisalipdan sa panganod. 10 Samtang naghangad sila sa langit, may duha ka tawong nagsul-ob og puti nga mibarog sa ilang kiliran 11 ug miingon, “Taga Galilea, nganong nagbarog ug naghangad mo sa langit? Kining Jesus nga gikuha gikan ninyo ug misaka sa langit, mobalik ra sab sa samang paagi ingon sa inyong nakita.”

PAGPAAMBIT SA MENSAHE:

Ang maong mensahe nagpasabot sa mga pagtulon-an nga gibilin ni Jesus sa iyang mga magtotoo, diin nagaingon ang balaan kasulatan, kun naunsa siya pagkayab paingon sa langit nan mao usab kana ang pagkayab pagbalik dinhi sa yuta diin siya magahukom sa tanang mga katawhan ug gitawag kini nga katapusang paghukom.

Bulahan ang nahibilin niyang magtotoo diin ilabina ang mga aposto;es diin dila panalanginan sa espiritu santo sa Dios diin sila magasangyaw ug magtudlo sa pulong sa Dios ginamit ang langitnong kaalam.

Ang balaan kasulatan nagpadayag nga ang iyang mga piniling katawhan sa Dios mao kadtong mga tawo nga sinalikway, tinamay ug kadtong nagpakaubos sa ilang kaugalingon diha sa atubangan sa Dios, aron kadtong mga may tawhanong kaalam ug kinaadman dili makapasigarbo diha sa iyang atubangan, diin kining mga kinaadman nga nahisgutan walay pulos didto sa gingharian sa amahang Dios.


Ang Pulong Nga Naghatag Ug Kinabuhi

JUAN 1: 1~18

1 Sa sinugdan mao na ang Pulong, ug ang Pulong uban sa Dios, ug Dios ang Pulong. 2Kini siya sa sinugdan uban sa Dios. 3Ang tanang mga butang nangahimo pinaagi kaniya; ug niadtong mga nangahimo na, walay bisan usa nga nahimo nga dili pinaagi kaniya. 4Diha kaniya ang kinabuhi, ug ang maong kinabuhi mao ang kahayag alang sa mga tawo.

5 Ug ang kahayag nagadan-ag sa taliwala sa kangitngitan, ug ang kangitngitan wala makabuntog kaniya. 6Dihay usa ka tawo nga ginganlan si Juan nga pinadala gikan sa Dios. 7Siya mianhi sa pagsaksi, sa pagpanghimatuod mahitungod sa kahayag, aron ang tanan motoo pinaagi kaniya. 8Kini siya dili mao ang kahayag, hinonoa siya mianhi aron sa pagpanghimatuod mahitungod sa kahayag.

9Ang matuod nga kahayag nga nagaiwag sa matag-usa ka tawo, kini nagsingabut sa kalibutan. 10Ug siya dinhi na sa kalibutan, ug ang kalibutan nahimo pinaagi kaniya, ngani ang kalibutan wala makaila kaniya. 11Siya nahiabut diha sa iyang kaugalingon, ngani ang iyang mga tawo wala modawat kaniya.

12Apan sa tanang midawat kaniya, sa tanang mitoo sa iyang ngalan, kanila naghatag siyag kagahum sa pagkahimong mga anak sa Dios, 13kanila nga nangatawo dili gumikan sa dugo, ni sa pagbuot sa unod, ni sa pagbuot sa lalaki, kondili sa Dios. 14Ug ang Pulong nahimong tawo ug ipon kanamo mipuyo siya nga puno sa grasya ug sa kamatuoran; ug among nakita ang iyang himaya, ang himaya nga ingon sa pagadawaton sa bugtong Anak gikan sa Amahan.

PAGPAAMBIT SA MENSAHE:

Ang maong mensahe nagpasabot sa mensahe sa Dios pinaagi sa iyang pulong, diin matod pasa balaang kasulatan nga ang pulong nahimong tawoug nakig-auban kanato. Ang maong pulong mao ang Dios amahn diin sakapanahunan pa nila ni Moises, ni Abraham ug ni Jacob, mao kining ang pulong nga ilang gisunod diha sa ilang pagdayeg sa Ginoo.

Nagopakatawo ang maong pulong pinagi kang Jesu Cristo diin may manunubos kanatong tanan, pinaagi sa paghalad sa iyang lawas ug dugo diha sa Krus. Daghan ang wala motooug nagbiay-biay kaniya, apan anaa usab pipila ang mitoo ug mipasidungog kaniya isaip matood nga anak sa Dios.

Dos mil na katuig ang milabay ug nagpadayun ang mga milagro sa Dios diin daghan ang wala mahasulat sa balaang kasulatan, daghan ang mga martir diha sa matag nasod diin sa lan pagpasidungog ug paguman sa kabubut-on sa Dios gibaylo nila ang ilang kinabuhi. Diha as mtag panilmalay, diha sa matag katawhan nga nagsunod sa kabubut-on sa Dios, diin anaa ang pagyubit, pagtamihid sa iglisea anga ilan gibarugan kay kini lagi kuno kulto ug iya lamang sa tawo.

Bulahan ang mga katawhan nga nagasunod ug nagpasidungog sa kabubut-on sa Dios kay halu-ag na unya ang iyang hawan didto sa ganghaan sa iyang ginghari-an . Ug bulahan kadtong magasimba ug nagatoo sa Dios bisan wala nila makita ang mga milagro niini. Kay ginaingon nga mas bulahan ang mga katawhan nga nagatuman sa Akong kasugo-an ug nagtugyan sa hingpit sa iyang kaugalingon kay matagaan ko ug hataas pa nga kinabuhi apan ang nagdumili sa pagtugyan sa iyang kinabuhi sa Dios basin kawad-an niini.

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo