Maayong Sulogoon Ni Jesu Cristo

1 TIMOTEO 4: 6 ~ 15

6 Kon kining maong mga tugon imong igapahinumdom sa mga igsoon, ikaw mahimong maayong ministro ni Cristo Jesus, binuhi sa mga pulong sa pagtoo ug sa maayong tuloohan nga imong ginasunod. 7Apan likayi ang mga sulosugilanon nga dili diosnon, nga angay lamang sa mga babayeng tigulang. Bansaya ang imong kaugalingon diha sa pagkadiosnon; 8kay samtang ang paugnat sa lawas may diyutayng kapuslanan, ang pagkadiosnon mapuslanon gayud sa tanang paagi, sanglit kalauman man kini alang sa kinabuhi karon ug usab alang sa kinabuhi nga umalabut.

9Ang maong sulti kasaligan ug takus gayud nga pagadawaton sa hingpit. 10Kay tungod sa maong tuyo kita nagapangabudlay ug nagapanglimbasug, sanglit ang atong paglaum gikapahimutang ta man diha sa buhing Dios, nga mao ang Manluluwas sa tanang mga tawo, ilabina gayud sa mga nanagtoo. 11Isugo ug itudlo mo kining mga butanga. 12Ayaw itugot nga adunay magatamay kanimo tungod sa imong kabatan-on; hinonoa alang sa mga magtotoo, pagkinabuhi ingon nga panigingnan sa sinultihan ug sa paggawi, sa gugma, sa pagtoo, sa kaputli.

13Kugihi ang pagbasa sa kasulatan ngadto sa kapunongan, ug ang pagmaymay, ug ang pagpanudlo, hangtud sa akong pag-anha diha. 14Ayaw pasagdi ang hiyas nga anaa kanimo, nga gikahatag kanimo pinaagi sa gipamulong nga profesiya inubanan sa pagpandong kanimo sa mga kamot sa mga anciano. 15Atimana ang maong mga katungdanan, ug usaha niini ang imong panghunahuna, aron ang imong pag-uswag makita sa tanan.

PAGPAAMBIT SA MENSAHE:

Ang maong ebanghelyo nagpasabot sa mga kasugo-an ni Jesu Cristo ngadto sa iyang mga sumosunod ug diin kini nagpasabot sa mga katawhan nga nagasangyaw sa mga pulong sa Dios sa ngalan ni Jesu Cristo. Diin diha sa ubang mga sinulat nagaingon kini nga bisan kinsa ng nagasangyaw sa ngalan ni Jesu Cristo dapig kini ug dili supak kaniya, apan kinahanglan nga ang ilang isangyaw ha-om sa balaang kasulatan diin walay dugang nga mga tumo-tumo o mga mao-mao nga mga pagtulon-an.

Ang balaang kasulatan maoy puro nga mga pulong sa Dios apan daghan ang mga milagro nga wala na mahisulat sa maong kasulatan diin kini nagpasabot lamang nga ang maong balaang kasulatan gisulat sa maong mga yano nga lungsaranon ubos sa kabubut-on ug gahum sa Dios aron lamang pagpasinati sa iyang mga sumosunod sa tipik sa gahum sa Dios niadtong panahuna.

Diin diha sa pagsunod nato kang Jesu Cristo atong masinati nga nagpadayun pa ang mga milagro diha sa pagsangyaw ug sa paggiya sa atong mga kaigsoonan, ug ingon man ang pagpangaliya sa atong mga sala ug mga sakit, diin diha sa hinugpong nga mga pag-ampo, ug paghalad anaa si Jesu Cristo nagauban kanato kay matod pa diha sa atong mga pagsulay ug mga kasakitan sa kinabuhi, anaa siya nagatan-aw ug nanalangin kanato diin diha sa hinay-hinay nga pag-ampo ug paghalad hagkap na ang magpagsulay diha sa atong tagsa-tagsa ka kinabuhi.

Ang Dakong Tinago

1 TIMOTEO 3 : 14 ~ 16

14 Ginalauman ko nga sa dili madugay mahianha ako kanimo, apan gisulat ko kining maong mga tugon aron nga 15kon malangan man ugaling ako, ikaw mahibalo na unsaon sa paggawi diha sa sulod sa panimalay sa Dios, nga mao ang iglesia sa buhi nga Dios, ang haligi ug panalipod sa kamatuoran. 16Ug dili malalis nga daku gayud ang tinago sa atong tinoohan: Ang Dios nadayag diha sa lawas, nahimatud-an nga matarung diha sa Espiritu, nakita sa mga manolunda, giwali sa taliwala sa kanasuran, gitoohan dinhi sa kalibutan, gibayaw ngadto sa himaya.

PAGPAAMBIT SA MENSAHE:

Ang maong ebanghelyo nagtagik sa tinago nga kamatuoran nga gisangyaw ni Jesu Cristo dinhi sa kalibutan diha sa iyang pagpakabuhi uban kanato, ug diin mao usab kini ang gisangyaw niadtong iyang mga apostoles sa upat ka sook sa kalibutan. Diin ang dako nga pagtulun-an mga igsoon mao ang pagkanaog sa anank as Dios dinhi sa yuta isaip usa ka yano ug ubos nga tawo.

Diin bisan siya Dios ug bugtong manununod sa trono sa Amahan apan wala niya gamita ang mao niyang gahum diin iyang gisangyaw ang kamatuoran nga ang gikahimut-an didto sa langit mao ang mag hiyas nga mapaubsanon, manggindawaton ug diin puno sa pagyubit, pag-antos ug kasakitan, diin nagpasabot ang balaang kasulatan nga kun gusto nato nga himayaon didto sa gingharian sa Dios nan puy-an ang kinabuhi nga tugob sa pag-antos ug pagpasakit dinhi sa yuta isul-ob ang hiyas nga espirituhanon ug pas-ana ang imong krus sa kinabuhi ug sunod kang Jesu Cristo.

Mao kini ang dakong tinago nga pagtulon-an diin giyam-iran sa mga maalamon ug gikuwestyun sa mga pariseo kay para kanila isip mga mabuot ug hupong sa tawhanon nga kaalam sila ang unang nakahibalo kay para kanila sila ang balaod ug ang Dios haduol kanila kay bahandianon man sila. Apan ang balaang kasulatan nagpadayag, I Corinto 1: 28, nagaingon gipili sa Dios ang mga tinamay ug mga sinalikway ug kadtong mga katawhan nga nagpakaubos sa ilang kaugalingon dinhi sa yuta aron ang mga manggialamon ug mga makiadmanon dili makapasigarbo diha sa iyang atubangan, diin walay angay ipasigarbo diha sa atubangan sa Dios gawas lamang sa mga milagro nga iyang nabuhat diha sa tagsa-tagsa nato ka kinabuhi.

Kay mismo ang kinabuhing dayun nga gisaad sa Dios niadtong iyang mga katawhan nga pinili nga nagsunod sa iyang kabubut-on, makadawat sila sa maong kaluwasan isip grasya nga hinatag sa Dios ug dili kini ganti o premyo sa Dios diha sa ilang maayong buhat, aron walay ni bisan kinsa nga makapasigarbo nga siya naluwas pinaagi sa maayong buhat.

Ang Pangutana Mahitungod Sa Awtoridad Ni Jesus

MATEO 21 : 23 ~ 27

15 Ug milakaw ang mga Fariseo ug nanagsabut sila kon unsaon nila sa pagbitik kang Jesus pinaagi sa iyang isulti. 16Ug ilang gipaadtoan siya sa ilang mga tinun-an, kinuyogan sa mga Herodianhon, sa pag-ingon kaniya, "Magtutudlo, nasayud kami nga ikaw maminatud-on, ug nga ikaw sa minatuod nagatudlo sa dalan sa Dios, ug nga wala ka magsapayan sa tawo sanglit wala ka man magtan-aw sa panagway sa mga tawo.

17Busa tug-ani kami unsay imong paghunahuna niini. Uyon ba sa balaod ang pagbayad ug buhis kang Cesar, o dila ba?" 18Apan si Jesus, sa naila niya ang ilang pagkamadinauton, miingon kanila "Mga maut, nganong inyo man akong sulayan? 19Pakitai akog kuwarta nga igbubuhis." Ug ilang gidala kaniya ang kuwarta nga usa ka denario. 20Ug si Jesus miingon kanila, "Kang kinsa man kining dagway ug kining nahisulat?" 21Sila mitubag nga nag-ingon, "Kang Cesar." Ug siya miingon kanila, "Nan, bayri ninyo si Cesar sa mga butang nga iya ni Cesar, ug ang Dios sa mga butang nga iya sa Dios." 22Ug sa ilang pagkadungog niini, nahitingala sila; ug ilang gibiyaan siya ug nanglakaw sila.

PAGPAAMBIT SA MENSAHE:

Ang maong mensahe naghisgot sa awtoridad ni Jesu Cristo sa pagsangyaw sa kamatuoran diin kini wala mahasubay sa lagda sa mga tawhanon nga reglamento. Apan ang tibook nga kalibutan ug ang tibook nga uniberso gipanag-iya kini sa Dios diin si Jesu Cristo isip bugtong anak maoy manununod sa maong trono. Nga sa ato pa mga igsoon wala na kinahanglana ang mga papeles sa pagmatuod sa iyang katungod sa pagsangyaw sa maong kamatuoran kay matod pa siya ang anak sa Dios iya usab ang tanan dinhi sa yuta maingon sa langit.

Apan ang tawo tungod kay tawhanon aduna gayud kini garbo diin parehas niadtong mga mabuot nga pariseo diin sama sa gipuhalan sila ni Jesus tungod sa mga maalamon niining pagkigpulong ug pagsangyaw sa kamatuoran, nan ilang gipangitaan ug bikil ang iyang pagkatawo diin gikwestyon ang iyang pagtulon-an nga gibarugan diin ilang gipakisama kini sa batong buhi nga walay hinungdan diin mao man diay ang pinakaimportante nga bato diha maong pagtulon-an diin mao kini ang sumbanan ug pundasyon sa mga pagtulon-an sa Dios.

:
Nga sa ato pa ang awtoridad ni Jesu Cristo labaw pa ni bisan kinsa nga binuhat dinhi sa kalibutan kay dili tawo ang nagmugna ug nagsangyaw niining pagtulon-an sa kamatuoran diin diyutay lamang ang nakakaplag ug mitoo niini. Maoy buhing pruyba ang mga milagro sa Dios diha sa tagsa-tagsa nato ka kinabuhi diin nagasumikad usab sa imong hugot nga pagtuo ug pag-ampo ingon man sa mga sulondon nga binuhatan

Ang Pangutana Mahitungod Sa Pagbayad Sa Buhis

MATEO 22 : 15 ~ 22

15 Ug milakaw ang mga Fariseo ug nanagsabut sila kon unsaon nila sa pagbitik kang Jesus pinaagi sa iyang isulti. 16Ug ilang gipaadtoan siya sa ilang mga tinun-an, kinuyogan sa mga Herodianhon, sa pag-ingon kaniya, "Magtutudlo, nasayud kami nga ikaw maminatud-on, ug nga ikaw sa minatuod nagatudlo sa dalan sa Dios, ug nga wala ka magsapayan sa tawo sanglit wala ka man magtan-aw sa panagway sa mga tawo.

17Busa tug-ani kami unsay imong paghunahuna niini. Uyon ba sa balaod ang pagbayad ug buhis kang Cesar, o dila ba?" 18Apan si Jesus, sa naila niya ang ilang pagkamadinauton, miingon kanila "Mga maut, nganong inyo man akong sulayan? 19Pakitai akog kuwarta nga igbubuhis." Ug ilang gidala kaniya ang kuwarta nga usa ka denario. 20Ug si Jesus miingon kanila, "Kang kinsa man kining dagway ug kining nahisulat?" 21Sila mitubag nga nag-ingon, "Kang Cesar." Ug siya miingon kanila, "Nan, bayri ninyo si Cesar sa mga butang nga iya ni Cesar, ug ang Dios sa mga butang nga iya sa Dios." 22Ug sa ilang pagkadungog niini, nahitingala sila; ug ilang gibiyaan siya ug nanglakaw sila.

PAGPAAMBIT SA MENSAHE:

Ang maong mensahe nagsuhid bahin sa pagtulon-an diin angayan ba nga ang katawhan magabayad ug buhis. Diin sumala sa nadayag na ang Dios nagahatag ug respeto sa balaod as tawo dinhi sa yuta kay kalinaw man ang iyang gusto nga ipahari. Diin matod pa sa ebanghelyo ihatag ang angay kang Cesar ug ihatag usab ang angay sa Dios. Buot ipasabot nga ang tawhanon nga mga bahandi alang lang kana as tawo, ug ang espirituhanon nga bahandi maoy alang usab sa Dios.

Angayan nga samtang ania pa kita sa walog sa mga buhi nan respetuhan nato ang iyang mga balaod ug ang kinabuhi nga iya sa Dios ipaha-om usab diha kanila, Apan daghan ang nalingla sa maong mga bahandi diha pagkolekta sa buhis diin ang anaa sa gahum makapalabi-labi gayud tungod sa mga haylo sa pagpanghatag ug pabor. Apan bulahan ang atong mga igsoon nga sa kanunay nagasunod sa balaod sa Dios ug sa yuta diin matod pa sa balaang kasulatan, kun sundon nato ang pagtulon-an sa balaang kasulatan nan wala gayuy balaod sa yuta nga atong malapas.

:

:

Ang Pag-alagad Ni Pablo Sa Iglisea

COLOSAS 1 : 24 ~ 29 , 2 : 1 ~ 5

24Ginakalipay ko karon ang akong mga pag-antus tungod kaninyo, ug dinhi sa akong lawas ginapuno ko ang mga kasakit nga nakulang sa mga pag-antus ni Cristo alang sa iyang lawas nga mao ang iglesia, 25nga niini ako nahimong ministro sumala sa diosnong katungdanan nga gipiyal kanako alang kaninyo, aron sa pagpahayag sa hingpit sa pulong sa Dios, 26sa tinago nga nalilong sulod sa mga katuigan ug mga kaliwatan apan karon gikapadayag na ngadto sa iyang mga balaan.

27Gibut-an sa Dios ang pagpaila ngadto kanila sa kadaku gayud sa mga kadagaya sa himaya sa maong tinago alang sa mga Gentil, ang tinago nga si Cristo anaa kaninyo, ang paglaum alang sa himaya. 28Siya mao ang among ginasangyaw sa among pagpanambag sa tanang mga tawo ug sa among pagpanudlo sa tanang mga tawo diha sa tanang kaalam, aron among ikapaatubang silang tanan ingon nga mga hingkod diha kang Cristo. 29Alang niini ako nagapangabudlay nga nagapanlimbasug sumala sa iyang kusog nga iyang gipalihok nga makagagahum gayud sa sulod nako.

1 Kay buot ko nga inyong masayran ang kadaku sa akong panlimbasug alang kaninyo, ug alang kanila sa Laodicea, ug alang sa tanan nga wala makakita sa akong nawong, 2aron ang ilang kasingkasing mamalig-on sa diha nga matagik kini sa gugma, aron makabaton sila sa tanang kadagaya sa kasaligan nga pagpanabut ug kahibalo mahitungod sa tinago sa Dios, ang tinago nga mao si Cristo, 3kang kinsa natago ang tanang bahandi sa kaalam ug kahibalo. 4 Gisulti ko kini aron kamo dili malimbungan ni bisan kinsa pinaagi sa mga pulong nga makabibihag. 5Kay bisan tuod ako wala diha kaninyo sa lawas, ako anaa uban kaninyo sa espiritu, nga nagakalipay sa pagsaksi sa inyong pagkamahusay ug sa kalig-on sa inyong pagtoo kang Cristo

PAGPAAMBIT SA MENSAHE:

Ang maong ebanghelyo nagpasabot sa mga kahago ni Pablo sa pagsangyaw sa maayong balita diin iyang gipasabot sa mga tawo nga gitagaan siyag autoridad sa Dios sa pagsangyaw sa maayong balita diin ipadayag ang palno sa Dios para sa iyang mga katawhan.

Ang maong pagsangyaw ni Pablo nagkahulugan kini ug pagkinabuhi nga linain diha sa kadaghanan diin sa kanunay nagabalaan, nagaampo, ug nagapasidungog sa Dios diin maoy gihimong panag-ingnan ang maga kasakitan ni Jesu Cristo diha sa Krus.

Gillutos niya ang iglises ni Jesu Cristo kaniadto, ug diin siya na usab ang gilutos niining panahuna, diin nagpasabot lamang nga ang dili maayong binuhatan mamunga usab ug dili maayo , apan tungod sa iyang pagkamadasigon sa pagsangyaw, gipasidunggan siya sa Dios, apan nag-antos sa mga paglutos ug pagpasakit.

Mao kini ang pagtulon-an sa usa ka apostoles diin masinati usab ang mga kasinati-an ni Jesus diha sa ilang pagsangyaw, diin diha matikay o masukod ang kalig-on sa ilang pagtuo, diin sa kanunay andam silang motugyan sa ilang kinabuhi alang sa pagtulon-an nga gibarugan.

:

:

Mga Bahandi Sa Langit

MATEO 6: 19 ~ 21

19 "Ayaw kamo pagtigum ug mga bahandi alang kaninyo dinhi sa yuta diin ang tangkob ug ang taya nagakutkot, ug diin ang mga kawatan nagapanakasaka ug nagapangawat; 20hinonoa pagtigum kamog mga bahandi alang kaninyo didto sa langit diin walay tangkob ni taya nga magakutkot ug diin walay mga kawatan nga magapanakasaka ug magapangawat. 21Kay hain gani ang imong bahandi, atua usab didto ang imong kasingkasing

PAGPAAMBIT SA MENSAHE:

Ang maong ebanghelyo nagtukib sa mga bahandi nga langitnon ug kalibutanon, diin ang mga langitnon nga bahandi maoy mga bahandi nga dili makita ug mahikap kay anaa man kini nahisulod sa atong kasingkasing, diin walay taya nga magakutkot ni kawatan nga makahilabot niini. Mao kini mga bahandi nga molungtad sa kahangturan, diin maoy madala ngadto sa laing kalibutan isip maoy sumbanan diha sa mga paghukom sa Dios .

Ang bahandi nga iya sa kalibutan maoy mga bahandi nga nagadala ug mga pagtintal ngadto sa imong kaugalingon diin mahikalimtan na ang tumong ug tuyo sa pagpakabuhi uban sa Dios, kay ipahari ta man ang mga kalibutanon nga kailibgon, kay matod pa sa balaang kasulatan, kun hain ang imong bahandi atua usab ang imong kasingkasing. Nga sa ato pa kun ang imong bahandi ania ra sa yuta nan dinhi ka ra usab kutob.

:
Mas maayo gayud ang bahandi nga langitnon diin maoy puy-an ta ang espirituhanon nga pagkinabuhi diin pasagdi lang nga sama ka sa langyaaw niining kalibutana kay masiguro mo man usab ang imong kaluwasan diin nagaingon ang Dios Amahan, : " Ayaw tan-awa ang uban siguroha ang imong kaluwasan." Kay unsaon mo man tuod ang daghang bahandi dinhi sa yuta apan napildi na usab ang imong kalag sa kalayo sa kasakitan sa impiyerno.

:

:

Pangayo, Pangita, Pagtuktok

MATEO 7: 7~12

7 "Pangayo, ug kamo pagahatagan; pangita, ug kamo makakaplag; pagtuktok, ug kamo pagaablihan. 8Kay ang tanan nga magapangayo makadawat; ug ang magapangita makakaplag; ug ang magatuktok pagaablihan. 9Kinsa bang tawhana diha kaninyo nga kon ang iyang anak mangayog tinapay, hatagan hinoon niyag bato?

10Ug kon kini mangayog isda, hatagan hinoon niyag bitin? 11Busa, kon kamo, bisan sa inyong pagkadautan, mahibalo man ganing mohatag ug mga maayong gasa ngadto sa inyong mga anak, unsa pa gayud ka labaw pa sa inyong Amahan nga anaa sa langit nga mohatag ug mga maayong butang ngadto sa mga nagapangayo kaniya? 12 Tungod niini, buhati ang mga tawo sa bisan unsay buot ninyo nga ilang pagabuhaton kaninyo; kay mao kini ang kasugoan ug ang mga profeta.


PAGPAAMBIT SA MENSAHE:

Ang maong ebanghelyo naghisgot sa mga kabubut-on sa Dios diin isip amahan nato nga langitnon gitugotan kita sa pagpangayo sa atong mga tawhanon nga kinahanglon, Apan nagaingon usab ang maong bahin sa kasulatan, nga ihatag sa Ginoo ang atong gipanagyo kun kini kaayohan man.

Diin kining tanan nga atong pangayoon nahasubay usab sa iyang kabubut-on, Ug nagaingon ang balaang kasulatan nga pagkadato ug pagkapobre sa tawo nagaagad sa kabubut-on sa Dios diin kun tinawag ug pinili ka sa Dios diin makita niya nga mahimulag ka kaniya kun hatagan ka ug daghang grasya nga materyal nan dili ka gayud madato bisan unsaon nimo.

Apan matod pa diha as hina-hinay ug kanunay nga pag-ampo diin pinaagi usab sa kaluoy sa Dios diha sa atong mag paghalad ug pangaliya nan ang imposible mahimo gayud nga posible. Diin diha sa mga drasya nga material nga gihatag kanato kun kita mahibalo nga mopasidungog kaniya nan ang aduna pagadugangan ug ang wala pagakuhaan diin mahurot pa kini .

Ang Sigpit Nga Pultahan

MATEO 7 : 13 ~ 14

13"Sumulod kamo agi sa pultahan nga masigpit; kay daku ang pultahan ug sangkad ang dalan nga padulong sa kapildihan, ug daghan ang nagasulod agi niini. 14Kay masigpit ang pultahan ug hiktin ang dalan nga padulong sa kinabuhi, ug diyutay ra ang mga nakatultol niini.

PAGPAAMBIT SA MENSAHE:

Ang maong mensahe nagpasabot sa dalan paingon sa gingharian sa langit diin kini sigpit, tunokon, bangilid ug batohon ug gamay ra ang nakakaplag niini ug nagaagi niini apan mas gamay ang milahutay sa kasigpit niini. Kining mga dalana wala kini didto sa laing kalibutan, ania ra kini dinhi niining atong kalibutan nga gibarugan diin usa na niini ang atong pagtulon-an nga gibarugan diin puno sa mga paglutos, kasakit, ug mga pag-antos.

Ang dalan ngadto sa kapildihan sa atong kalag diin halu-ag kini ug daghan ang naga-agi niini ug masadya, magahub diin puno sa kasadya ug kahilayan, kining mga dalana mao kining mga kahilayan nga anaa as palibot kining gitawag ug patay-sindi ang ilaw diin sa kanunay nagatukaw diha sa pagbugtaw sa mga tawhanon nga kailibgon. Apan bulahan pa ang maong mga katawhan nga nahisala-ag diha sa maong mga dalan ka yang Dios aduna pay pasaylo nga nahibilin kanila. Apan kita nga nasayod ug nakakaplag niining tinuod ug matuod nga kamatuoran sa higayon nga motalikod niini, walay nay pasaylo ang Dios nga nahabilin para kanato.

Ginaingon diha sa balaang kasulatan, nga dili ang tanan nga nagasangpit kaniya ug Dios ko, Dios ko makasulod sa gingharian sa langit, kundili kadto lamang nagatuman ug nagasunod sa iyang kabubut-on. Diin ang tanan nato nga mga pag-ampo iyang nadungog kay matod pa walay pag-ampo dinhi sa ibabaw sa kalibutan sa iyang mga katawhan nga wala niya madunggi. Apan dili ang tanan nakadawat sa iyang panalangin ka yang kadaghanan kanila naa lamang sa tumoy sa dila.

Diin bulahan ang mga katawhan nga sa kanunay nagkahugpong sa pag-ampo ug paghalad kay ang Dios anaa nagauban kanila. Kay matod pa sa balaang kasulatan malisod ang pagsulod sa ginhariansa Dios gawas lamang kung ianak ka ug utro ug mamahimo kang bata nan masayun kanimo ang pagsulod sa maong gingharian, kay ang mga inosenteng mga binuhat o mga bata ang ilang anghel nga magbalantay anaa gayud nagalingkod sa tiilan sa Dios Amahan. Sa ato pa mag igsoon kun dawaton nato si Kristo nga sama kita sa bata nga midawat kaniya diin inosente pa sa mga tawhanon nga kailibgon ug walay lain nga gihuna-huna gawas sa pagpahimuot sa iyang amahan nan mas amdali kanimo ang pagsulod sa iyang gingharian.

Ang Dakong Kaluwasan

HEBREO 2: 1 ~ 4

1 Busa gikinahanglan diay nga himoon ta ang labi pa ka mainitong pagtagad sa mga butang nga atong nadungog, basi unya hinoon ipang-anud kita gikan niini. 2Kay kon malig-on man gani ang pulong nga gipahayag sa mga manolunda, ug nahiagum sa matarung balus ang tanang paglapas o pagsupak batok niini, 3unsaon man nato sa pagpakaikyas kon dili kita manumbaling sa maong dakung kaluwasan? Kini sa sinugdan gipamulong sa Ginoo, ug unya gipanghimatuod kanato pinaagi kanila nga mga nakadungog kaniya; 4ug ang Dios usab nagsaksi niini pinaagi sa mga ilhanan ug mga katingalahan ug sa nagkalainlaing mga milagro ug pinaagi sa mga gasa sa Espiritu Santo nga gipamahinbahin sumala sa iyang kaugalingong kabubut-on.

PAGPAAMBIT SA MENSAHE:

Ang maong ebanghelyo nagpasabot sa kaluwasan diha kang kristo Jesus diin nagpasabot ang balaang kasulatan nga ang tanan katawhan maluwas kun sila motuo ug mouban kaniya diha sa himaya sa pagkabanhaw. Mianhi si Jesus sa kalibutan dili aron pagsilot kanato apan aron sa pagluwas kanato diha atong mga kasal-anan. Nga sa ato pa diha sa sa iyang pagkabanhaw sa krus nabanhaw ang atong lawas apan patay na ang atong mga sala diin kinahanglan nga atong ipatigbabaw ang kanunay nga pagpuasa diha sa mga kasal-anan pinaagi sa mga pag-ampo ug pagbalaan o paglikay sa mga kasal-anan.

Ang dakong kaluwasan nahitabo diha sa pagpakatawo ni Jesu Cristo diin siya maoy ikaduha nga Adan nga nahiabot dinhi sa kalibutan apan wala siya magagikan sa abog apan gikan sa lalang sa espiritu santo sa Dios nga gitisok diha sa sabakan ni Birhen Maria. Diin nagpadayon ang maong pagsangyaw sa kaluwasan diha sa mga unang tinawag nga mga apostoles niadtong panahun ni Jesus ug hangtod niining panahuna.

Bulahan ang mga katawhan nga nagpatalinghug ug mitoo sa maong mga kaluwasan bisan kun wala nila makita ug mahikap ang Dios. Diin bulahan nga mitoo ka sa mag butang nga dili mahikap o makita kay mao kini ang butang nga walay pagkadugta ug ang mga butang nga mohangtod ug madala ngadto sa laing kalibutan. Diin kun maoy imong tuohan ug simbahon ang mga butang nga mahikap ug makita nan mao kini ang maga butan sa kalibutan nga adunay kinutuban ug pagkadugta, kay ang maong mga butang dinhi lang usab kutob sa maong kalibutan.

Ug bulahan nga maoy atimanon nato ang atong kalag pinaagi sa pagpakaon sa mga pag-ampo ug mga pangaliya diin aduna na unya kitay pundo nga espirituhanong hiyas nga maoy panagang inig-abot sa adlaw sa panudya. Bulahan usab diin sa pagpangtaubang nato diha sa Dios sa kataposang adlaw sa paghukom mahiapil kita sa mga talaan sa iyang listahan sa dakong kaluwasan.

Pahulay Sa Katawhan Sa Dios

HEBREO 3: 7~19, 4: 1~13

7 Busa, ingon sa gisulti sa Espiritu Santo, Karong adlawa, inigkadungog ninyo sa iyang tingog, 8ayaw ninyo pagahia ang inyong mga kasingkasing ingon niadtong pagpangsupil nila batok kanako, sa adlaw sa pagpanulay didto sa kamingawan, 9diin ang inyong mga ginikanan misulay kanako ug nakita nila ang akong mga buhat sulod sa kap-atan ka tuig. 10Busa nasuko ako batok niadtong kaliwatana, ug miingon ako, `Kanunay gayud silang manghisalaag sa ilang mga kasingkasing; wala sila mahibalo sa akong mga dalan.` 11Sumala sa akong gipanumpa tungod sa akong kapungot, `Dili gayud sila makasulod sa akong kapahulayan.`"

12Magmatngon kamo, mga igsoon, basi nga diha kang bisan kinsa kaninyo maanaa unyay dautan ug dili matinoohong kasingkasing, nga magataral kaninyo sa pagpamiya gikan sa buhi nga Dios. 13Apan pagtinambagay kamo ang usa sa usa sa matag-adlaw, samtang matawag pa kini nga "karong adlawa," aron wala kaninyoy magmagahi tungod sa pagkamalimbongon sa sala. 14Kay kita nahimong mga mag-aambit kang Cristo, kon ang atong unang pagsalig padayonan ta sa pagkupot nga malig-on hangtud sa katapusan ug

15samtang ginaingon pa, Karong adlawa, inigkadungog ninyo sa iyang tingog, ayaw ninyo pagahia ang inyong mga kasingkasing ingon niadtong pagpangsupil nila batok kanako." 16Kinsa ba kadto sila nga nanagpakadungog, ngani misupil batok kaniya? Dili ba mao man kadto silang tanan nga namahawa sa Egipto ubos sa pagpangulo ni Moises? 17Ug kinsa ba kadto sila nga gikasuk-an sa Dios sulod sa kap-atan ka tuig? Dili ba mao man kadto ang mga nanagpakasala, kinsang mga patayng lawas nahibilin didto sa kamingawan? 18Ug kinsa man ang iyang gipanumpaan nga dili gayud sila makasulod sa iyang kapahulayan, kondili mao kadtong mga masupilon? 19Ug nakita ta nga wala gayud sila makasulod tungod sa pagkadili matinoohon.

1 Busa, samtang nagapadayon pa ang saad sa atong pagpakasulod sa iyang kapahulayan, batonan ta ang kahadlok basi unya hinoon aduna kaninyoy maisip nga wala makakab-ot niini. 2Kay kita gikawalihan man usab sa Maayong Balita ingon kanila; hinoon ang pulong nga ilang nadungog wala magpulos kanila, kay ang mga nakadungog niini wala man modawat niini uban sa pagtoo. 3Kay kita nga nanagpanoo nagasulod sa maong kapahulayan, ingon sa iyang gisulti, Sumala sa akong gipanumpa tungod sa akong kapungot, `Dili gayud sila makasulod sa akong kapahulayan,`"

4Kay sa usa ka dapit siya nagsulti mahitungod sa ikapito ka adlaw sa ingon niini nga paagi, "Ug sa ikapito ka adlaw ang Dios mipahulay gikan sa iyang tanang mga buhat. 5Ug usab niining dapita, siya nag-ingon, Dili gayud sila makasulod sa akong kapahulayan." 6Busa, sanglit aduna may pipila nga managpakasulod pa niini, ug sanglit kadtong mga gikawalihan kanhi sa Maayong Balita wala man managpakasulod niini tungod sa ilang pagkamasupilon, 7nagtudlo siya pag-usab ug usa ka adlaw, ang "Karong adlawa," diha sa iyang pagsulti pinaagi kang David sa nakalabay na ang dugayng panahon, sa mga pulong nga gikutlo sa unahan, Karong adlawa, inigkadungog ninyo sa iyang tingog, ayaw ninyo pagahia ang inyong mga kasingkasing." 8Kay kon si Josue nakahatag pa kanilag pahulay, ang Dios dili na lang unta maghisgot ug lain pang adlaw. 9Busa nagapabilin pa diay ang usa ka kapahulayan nga gitagana alang sa mga tawo sa Dios; 10kay ang mahisulod ngadto sa kapahulayan sa Dios, moundang man usab sa iyang mga pagpamuhat maingon sa pag-undang sa Dios sa iyang mga pagpamuhat.

11 Busa kinahanglan panglimbasugan ta ang pagsulod sa maong kapahulayan, aron walay usa kanato nga mamatay tungod sa samang pagkamasupilon. 12Kay ang pulong sa dios buhi ug nagalihok nga gamhanan, labi pang mahait kay sa espada nga duhay sulab, ug modulot ngadto sa gitagboan sa kalag ug espiritu, sa mga lutahan ug sa mga kauyokan, ug motugkad sa mga hunahuna ug katuyoan sa kasingkasing. 13Ug sa panan-aw sa Dios walay binuhat nga natago, hinonoa ang tanang butang binuksan ug dayag sa mga mata niya kang kinsa magahatag ra unya kitag husay.

PAGPAAMBIT SA MENSAHE

Ang maong ebanghelyo naghisgot sa mga pagpahimatngon sa Dios diha sa iyang mga sumosunod diin siya nagpasabot sa pagsilot niadtong mga malapason ug wala motuo kaniya diin sumala sa istorya sa balaang kasulatan sa panahon ni Moises nahimong panag-ingnan ang iyang mga katawhan diin bisan sa gidugayan sa ilang panaw ng kuwarenta katuig daghan gihapon ang wala makatukib sa pagtulun-n nga gitisok ni Moises busa daghang ang nangasilotan sa ilang pagpalabi-labi.

Ang maong pagtulon-an nagpasabot sa pagbalaan ug paghugot gayud sa pagtuo nga gibarugan diin matod pa diha sa Santiago 2:17 ang pagtuo sama sa lawas sa tawa nga kun walay espiritu patay kini, ug sama usab sa pagtuo kun walay binuhatan patay kini. Diin matod pa nga dili maayo nga panag-ingnan nga diha sa imong pagtuo nga gibarugan apn sukwahi ang imong binuhatan , nan walay pulos ang mao mong pagtuo kun dili nato matukib ang kabubut-on sa Dios.

Diin matod pa sa Dios amahan sa ilang pagpahulay dili sila makapahulay uban kaniya , buot ipasabot sa ilang pagpahulay sa dayun diin ang ilang lawas mahabilin dinhi sa yuta u gang ilang espiritu mobalik sa Dios nan ang ilang kalag samtang magahulat sa kataposang paghukom dili na kini mahiuban sa pahulayan sa Dios diin maglatagaw kini nga walay tag-iya. Mao nga mas maayo nga sa kaunay mangandam sa atong lawas ug kalag sa pagpaaon ug mga espirituhanon nga mga pagtulon-an ug pag-ampo aron sa ingon dili maglatagaw ang kalag pag-abot sa panahon.

Ang Mensahe Sa Dios Pinaagi Sa Iyang Anak

HEBREO 1: 1~5

1 Sa daghan ug nagkalainlaing mga paagi ang Dios misulti kaniadto sa karaang kapanahonan ngadto sa atong mga ginikanan pinaagi sa mga profeta; 2apan niining kaulahiang mga adlaw siya misulti kanato pinaagig Anak, nga iyang gitudlo nga manununod sa tanang mga butang, pinaagi kang kinsa usab gibuhat niya ang kalibutan. 3Kini siya, ingon nga panganinaw sa himaya sa Dios ug tukma nga hulad sa iyang kinaiya, mao ang nagasapnay sa kalibutan pinaagi sa gamhanan nga gipamulong niya. Sa nahimo na niya ang pagpanglinis sa mga sala sa katawhan, siya milingkod sa too sa Halangdon sa kahitas-an,


4 sanglit nahimo man siyang labaw pa sa mga manolunda maingon nga ang ngalan nga nadawat niya labaw man usab ka halangdon pa kay sa ila. 5Kay kinsa bang manolundaa ang gikasultihan sa Dios, Ikaw akong Anak, karong adlawa ako nahimong imong Amahan?" Ug usab, Kaniya ako mahimong amahan, ug kanako siya mahimong anak"?

PAGPAAMBIT SA MENSAHE:

Ang maong ebanghelyo naghisgot sa pagpasabot sa Dios sa tahas sa iynag bugtong anak diin sa unanag kasabutan ang Dios nakig-istorya kanato pinaagi sa iynag mga propeta, apan sa paghiabot ni Jesu Cristo siya nakig-istorya kanato pinaagi ni Jesus. Diin sa nagpakabuhi pa si Jesus dinhi sa kalibutan iya nang gipadayag ang tanan gikan saiyang pagsangyaw hangtod sa iynag pagkamatay ngadto sa krus.

Ug diin siya nahiabot dinhi sa yuta dili aron pagsilot kanato apan aron sa pagluwas sa atong mga kasal-anan. Nahimo siyang mensahero sa mga pulong sa iyang amahan diin ang balaang kasulatan nagaingon, kinsa kadtong nakakita sa anak nakakita sa amahan ug kinsa kadtong nagatoo sa anak sa Dios nagatoo usab sa amahan. Ug walay mahiadto sa amahan kundili moagi sa anank sa Dios kay si Jesu Cristo mao ang sinugdanan u gang kataposan.

Ang Pagtuo

LUCAS 17 : 5 ~ 6

5Ug ang mga apostoles miingon sa Ginoo, "Dugangi ang among pagtoo!" 6Ug kanila mitubag ang Ginoo nga nag-ingon, "Kon kamo may pagtoo nga ingon ug liso sa mustasa, makaingon kamo niining kahoy nga sikomoro, `Paibut ug patanum ka diha sa lawod,` ug kini mosugot kaninyo.

PAGPAAMBIT SA MENSAHE:

Ang maong mensahe nagpasabot sa pagtuo ngadto sa Dios diin matod pa sa lahi nga bahin niining kasulatan nagpasabot nga ang pagtuo sa Dios usa ka paglaom ug pagsalig ngadto sa makagagahum nga dili nato mahikap ni makita. Diin nagpasabot kini ug pasensiya diha sa imong mga pag-ampo ug mga pangaliya diin wala ka masayod kun kanus-a kini ihatag sa Dios. Nagpasabot kini ug kaluoy ngadto sa imong isigkaingon ug sa imong pamilya ug mga anak ingong nga sila mga anak nga pinalanginan usab sa Dios.

Apan unsay sumbanan o sukdanan sa atong pagtuo sa Dios , unsaon man pagkahibalo sa imong isigkatawo nga ikaw mitoo sa Dios, unsaon man nato pagkahibalo nga ang Dios makakita sa atong pagtuo ngadto kaniya? Daghan ang mga pagtulon-an nga nanggawas diin sila nagbatbat ug mga linahi nga pagtuo o pagdayeg ngadto sa Dios. Matod pa balaang kasulatan, Santiago 2:17, nagaingon nga ang pagtuo nagkinahanglang ug mga binuhatan, kay ang pagtuo nga walay makita nga binuhatan, susama kini sa lawas sa tawo nga walay espiritu ug patay na kini, sa ingon ang pagtuo kun walay binuhatan patay usab kini.

Sa ato pa mga igsoon ang pagtoo nagkinahanglan ug mga buhat aron makita ang imong pagtoo. Ang pangutana kun unsa nga mga binuhatan. Igo na ba ang mga pag-ampo matag Domingo diha sa dakong templo, igo na ba ang pagsantos nga rosaryo matag gabii. Ang pagbuhat sa mga kabubut-on sa Dios naglangkob kini dili diha sa imong lihok, apan apil usab sa imong huna-huna ug mga pulong. Nga sa ato pa mga igsoon ang pagtuo sa Dios mao usab ang pagbuhat sa mga butang nga haom sa iyang kabubut-on sa huna-huna sa pulong ug sa buhat.


Ang pagtuman sa napulo ka kasugo-an sa Dios maoy usa ka talamdan sa maayong buhat aron makita sa Dios ang atong pagtuo. Diin sa pag-abot ni Jesus dinhi sa yuta nga ang napulo ka sugo nagkahulugan lang kini ug duha ka kasugo-an, una ang paghigugma sa Dios labaw sa tanan ug dili ka magbaton ug laing Dios gawas kaniya, ug ang ikaduha mao ang paghigugma sa imong isigkaingon sama sa paghigugma nimo sa imong kaugalingon diin kun nahasupak nimo ang isa lang sa maong mga kasugo-an sa Dios nan nasupak mo usab ang tanan niyan kasugo-an.

Ang Mga Magbalantay Sa Karnero Ug Mga Anghel

LUCAS 2: 8~20

8 Ug niadtong dapita may mga magbalantay sa mga karnero didto sa sibsibanan, nga nanagtukaw sa kagabhion sa pagbantay sa ilang mga hayop. 9Ug mitungha kanila ang usa ka manolunda sa Ginoo, ug ang himaya sa Ginoo misidlak libut kanila, ug sila giabut ug dakung kalisang. 10Apan ang manolunda miingon kanila, "Ayaw na kamo kalisang; kay tan-awa, gidad-an ko kamog maayong balita sa dakung kalipay nga magaabut sa tanang mga tawo; 11kay alang kaninyo natawo karon sa lungsod ni David ang Manluluwas nga mao ang Cristo nga Ginoo.

12Ug ang inyong ilhanan mao kini: inyong makaplagan ang usa ka gamayng bata nga naputos sa mga bakbak ug nagahigda sa pasungan." 13Ug sa kalit diha uban sa manolunda ang usa ka langitnong panon nga nanagdalayeg sa Dios ug nanag-ingon, 14"Himaya sa Dios sa kalangitan, ug sa yuta panagdait sa mga tawo nga iyang gikahimut-an." 15Ug sa pagpamahawa na sa mga manolunda gikan kanila paingon sa langit, ang mga magbalantay sa mga karnero nasig-ingon ang usa sa usa, "Tana! Mangadto kita sa Betlehem ug tan-awon ta kining nahitabo nga gisugilon kanato sa Ginoo."

16Ug sila miadto nga nanagdali ug ilang nakaplagan si Maria ug si Jose ug ang gamayng bata nga naghigda sa pasungan. 17Ug sa nakita na nila kini, ilang gipanugilon ang pulong nga gisulti kanila mahitungod niadtong bataa; 18ug ang tanang nakadungog niini nahibulong sa gisulti kanila sa mga magbalantay sa mga karnero. 19Apan kining tanang mga butanga gitipigan ni Maria nga namalandong niini diha sa iyang kasingkasing. 20Ug ang mga magbalantay sa mga karnero namauli nga nanaghimaya ug nanagdalayeg sa Dios tungod sa tanan nga ilang nadungog ug nakita sumala sa gisugilon kanila.

PAGPAAMBIT SA MENSAHE:

Ang maong ebanghelyo nagpasabot sa pag-abot sa anak sa Dios diin giandam nang daan ang iyang pag-abot sumala sa nahasulat ug sa mga panagna sa mga propeta diin pinaagi as giya sa espiritu santo ug mga anghel ang maong balita gisangyaw ngadto sa mga magbalantay sa karnero diin gipasinati gayud sa amahn ang dakong pagtulon-an nga naga-ingon ang magpaubos dinhi sa yuta ipataas didto sa langit ug ang mapahitas-on dinhi sa yuta ipaubos ug dili ilhon didto sa gingharian sa Dios.

Ang pagpakatawo sa anak sa Dios maoy sumbanan sa linahi nga kabubut-on sa Dios diin bulahan diay ang tawo nga mag-antos dinhi sa yuta sa iyang pagpakabuhi diin siya magasubay sa kabubut-on sa Dios Amahan pinaagi sa pagpakabuhi sumala sa hiyas sa espiritu santo. Ang maong pagtulun-an maoy lisod sundon sa mga yano ug tawhanon nga binuhat ug diin Dios lang ang makabuhat niini.

Sa pagpakatawo pa daan sa anak sa Dios gipahigayun nang daan ang iyang mga taas diin puno sa pag-antos ug paglutos, diin usa usab kini ka pagsukod sa mga magtutuo sa Dios niadtong panahuna kun asa kutob ang ilang pag-ila ug pagtahod sa Dios, ug gipasinati sab sa Dios Amahan ang iyang pamaagi nga diin ang pagpuyo sa mga pag-antos ug pagpasakit dinhi sa yuta maoy tagaan ug dakong pasidungog didto sa langit.

Ang Yutan-ong Ug Langitnong Pagsimba

HEBREO 9: 1~22

1 Sa pagkatinuod ang nahaunang pakigsaad may kalagdaan bahin sa pagsimba ug sa yutan-ong dapit nga balaan. 2Kay diha may giandam nga usa ka tabernaculo, ang pangunahan, diin diha ang tongtonganan sa lamparahan ug ang lamisa ug ang mga tinapay nga gibutang sa atubangan sa Dios; kini gitawag nga Dapit nga Balaan. 3Sa luyo sa ikaduhang tabil diha ang tabernaculo nga gitawag nga Balaan sa mga Balaan, 4nga niini diha ang bulawang halaran nga insinsohanan ug ang arka sa pakigsaad, nga hinal-upan ug bulawan sa tanang bahin niini, diin gibutang ang tibud nga bulawan nga sa sulod niini diha ang mana, ug ang kang Aaron nga sungkod nga nanalingsing, ug ang mga papan nga gisulatan sa pakigsaad;

5ug sa ibabaw niini diha ang mga kirubin sa himaya, nga nanaglandong sa Dapit nga pasig-ulian. Mahitungod niining mga butanga, dili kita karon makahisgot sa tinagsa sa tanang kahimoan niini. 6Sa nahimo na kining maong mga pangandam sa ingon nga paagi, ang mga sacerdote sa kanunay nanagsulod sa tabernaculo nga pangunahan, sa pagtuman sa ilang mga katungdanan sa diosnong pagpang-atiman; 7apan ngadto sa ikaduhang tabernaculo ang labawng sacerdote mao lamang ang bugtong makasulod, ug kini sa makausa ra sa usa ka tuig, nga magadala ug dugo nga iyang ihalad alang sa iyang kaugalingon ug sa mga sayop sa katawhan.

8 Pinaagi niini ang Espiritu Santo nagapasabut nga ang agianan ngadto sa Dapit nga Balaan dili pa binuksan samtang nagabarug pa gihapon ang tabernaculo nga pangunahan 9(nga, ingon nga sambingay, mao ang kapanahonan karon). Sumala niining maong pahimutang, ginahalad ang mga gasa ug mga halad-inihaw nga dili arang makahingpit sa kaisipan sa magsisimba, 10kondili may kalabutan lamang bahin sa kan-onon ug ilimnon ug sa nagkalainlaing mga pagpanghugas, mga tulomanon alang sa lawas nga gipahamtang aron pagatumanon hangtud sa panahon sa pagpatarung sa mga butang.

11Apan sa pagtungha na ni Cristo ingon nga labawng sacerdote sa mga maayong butang nga nanagpangabut, nan, latas sa labi pang daku ug labi pang hingpit nga tabernaculo (nga dili hinimog kamot, sa ato pa, dili iya sa yutan-ong kabuhatan) 12siya sa makausa ug sa wala nay pagsubli misulod sa Balaang Dapit, nga nagdala dili sa dugo sa mga kanding ug sa mga nating baka kondili sa iyang kaugalingong dugo, nga sa ingon niana nagkab-ot sa katubsanan nga dayon. 13Kay kon ang dugo sa mga kanding ug sa mga torong baka, ug ang mga agiw sa bayeng baka, sa ikasablig na kini ngadto sa mga mahugawng tawo, makapabalaan man gani alang sa pagkaputli sa unod, 14unsa ka labaw pa gayud niini ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios, sa paghinlo sa inyong kaisipan gikan sa mga patayng binuhatan aron magaalagad kamo sa Dios nga buhi?

15 Busa siya mao ang tigpataliwala sa usa ka bag-ong pakigsaad, aron ang mga gipanawag makadawat sa gisaad nga panulondong dayon, sanglit nahitabo man ang usa ka kamatayon nga nagatubos kanila gikan sa mga kalapasan nga nahimo ilalum sa nahaunang pakigsaad. 16Kay diin gani adunay tugon, ang kamatayon sa naghimo niini kinahanglan pagapamatud-an. 17Kay ang tugon mogahum lamang inig-abut na sa kamatayon, sanglit dili man kini magapulos samtang buhi pa ang naghimo niini.

18Tungod niana, bisan pa ang nahaunang pakigsaad wala kauyoni nga gawas sa paggamit ug dugo. 19Kay sa diha nga ang tanang balaod sa kasugoan gikapahayag na ni Moises ngadto sa tanang katawhan, siya mikuha sa dugo sa mga nating baka ug mga kanding, ug sa tubig ug sa mapulang balhibo sa karnero ug sa isopo, ug ang basahon ug ang tanang mga tawo gisabligan niya, 20nga nag-ingon, "Kini mao ang dugo sa pakigsaad nga gisugo sa Dios kaninyo." 21Ug sa samang paagi iyang gisabligan ug dugo ang tabernaculo ug ang tanang galamiton sa pagsimba. 22Sa pagkatinuod, ubos sa kasugoan hapit ang tanang butang pagahinloon ug dugo, ug gawas sa pag-ula ug dugo walay mahimong pasaylo sa mga sala.

PAGPAAMBIT SA MENSAHE:

Ang maong mensahe nagpasabot kini sa mga pagsimba niadtong panahun sa unang kasabotan o sa panahun ni Moises diin kini gibutangan ug tolda ug uso pa ang paghalad sa mga mananap nga sunogon diha sa talad halaranan u gang pagsablig sa dugo diin kini nga mga klase nga paghalad isip pagsimba ug sa pagpasidungog sa Dios nagsumokad kini diha sa mga pagano nga kalihukan ug gikopya sa mga magtutuo sa Dios. Diin niadtong panahuna wala pay panagway ang Dios diha sa ilang huna-huna ug diin ang Dios amahn mopadangat sa iynga mga giya pinaagi lamang sa iyang tingog. Diin daghang mga proseso nga gisunod diha sa maong pagsimba ug paghalad sa Dios diin niadtong panahuna nagasumikad kini sa kabubut-on sa Dios Amahan.

Sa pag-hiabot na ni Jesu Cristo naundang na kining maong paghalad ngadto sa Dios pinaagi diha sa pagsunog sa mga mananap sama sa nating baka ug karnero diin human gayud nagpakamatay si Jesu Cristo sa Krus diin iyang gihalad ang iyang lawas ug dugo para kanatong mga makasasala , didto natapos ang maong paghalad kay matod pa sa balaang kasulatan humana gihalad ni Jesus ang iyang lawas ngadto sa amahan. Ang mga paghalad sa mga mananap ngadto sa taladhalaranan ngapabilin na lamang kinui ngadto sa mga pagano nga mga pagtulon-an ug sa mga gitawag ug Dios-dios diin wala makasubay sa kabubut-on sa Dios Amahan.

:

:

Pahimangno Sa Dili Paghukom Sa Iyang Isigkatawo

SANTIAGO 4: 11 ~ 12

11 Mga igsoon, ayaw na kamo paglinibakay batok sa usa ug usa. Siya nga magalibak ug igsoon o magahukom sa iyang igsoon, nagalibak batok sa kasugoan ug nagahukom sa kasugoan. Apan kon imo mang hukman ang kasugoan, ikaw dili diay magtutuman sa kasugoan kondili maghuhukom niini. 12Usa ra ang magbabalaod ug maghuhukom, siya nga arang makaluwas ug makalaglag. Apan ikaw, si kinsa ka man nga magahukom sa imong silingan?

PAGPAAMBIT SA MENSAHE:

Ang maong ebanghelyo naghisgot sa atong paghukom diha sa atong isigkaingon. Diin matod pa sa pulong sa Dios Amahan walay tawo dinhi sa ibabaw sa kalibutan nga iyang gitugotan sa paghukom sa iyang isigkatawo, aron dili usab sila pagahukman. Ang napulo ka kasugo-an sa Dios nga gisangyaw ni Moises didto sa bukid sa Sion maoy pagmatuod sa unaang mga balaod nga gibuhat sa Dios diin diha nianang maong mga balora magsumikad ang paghukom sa Dios inig-abot na sa gitakdang adlaw.

Apan ang katawhan sa kalibutan pinaagi s ilang hinulamn nga kaalam nagbugtaw usab ug mga balaod nga gisaubay sa maong mga balaod ug kasugo-an sa Dios, diin diha sa mga pagsilot ug paghukom nga tianawhanon nabintahaan ang mga pobre ug kabos nga ktawhan sa Dios diin wala kini pulong o dili matuohan sa tawhanon nga korte kay lagi wala may bahandi.

Gigamit sa mga dautan ang maong mga tinawhanon nga balaod diin ang tawo mahukman nga sad-an kun walay kuarta apan ang bahandianon dili gayud mayudyud ngadto sa prisohan kay daghan man ug kuarta nga mangabugar kaniya. Apan ginaingo nga kini wala mahimut-I sa Dops apan iyang kabubut-on isip maoy usa ka pamaagi sa pagsilhig sa iyang katawhan nga masinupakon.

Apan haduol na ang takan sa pagbalik sa anak sa Dios diin sama kini sa kawatan nga mokalit lang ug tunga ug walay makahibalo kun kanus-a kini mahitabo, ug diin kitang tanan pagahukaman sumala sa atong binuhatan ug bulahan ang sa kanunay nga nagsunod sa kabubt-on ug kasugo-an sa Dios kay maandamn naman unya sila ug luna didto sa iyang gingharian.

Busa igsoon angayan laman nga atong ipahari si Jesu Cristo diha sa atong tagsa-tagsa ka kasingkasing aron sa kanunay mgasunod kita sa iyang kabubut-on ug sa kanunay makaambit kita sa panalangin sa Dios Amahan diin ginaingon nga walay mahiadto sa Dios Amahn kun dili moagi kang Jesus, kay matod pa si Jesu Cristo ang sinugdanan ug katapusan.

Ang Kaalam Nga Gikan Sa Langit

SANTIAGO 3 : 13 ~ 18

13 Kinsa ba kaninyoy maalam ug masinabuton? Pinaagi sa iyang maayong paggawi kinahanglan magpakita siya sa iyang binuhatan diha sa kaaghop sa kaalam. 14Apan kon ugaling sa inyong mga kasingkasing aduna man kamoy kapait sa kasina ug dinalo nga tinguha sa pagpauswag, ayaw na lang ninyo kini ipanghambog aron dili na kamo makapanghimakak sa kamatuoran. 15Ang maong kaalam dili ingon sa kaalam nga nagagikan sa kahitas-an, kondili yutan-on, tawhanon, yawan-on.

16Kay diin gani anaa ang kapait sa kasina ug ang dinalo nga tinguha sa pagpauswag sa kaugalingon, maanaa usab ang kagubot ug ang tanang mangil-ad nga buhat. 17Apan ang kaalam nga gikan sa kahitas-an putli una sa tanan, unya makigdaiton, malomo, mamatig katarungan, puno sa kalooy ug sa mga maayong binuhatan, walay pagduhaduha o pagminaut. 18Ug diha sa pagdinaitay ang inani nga pagkamatarung igapugas sa mga tawo nga nagabuhat sa pakigdait.


PAGPAAMBIT SA MENSAHE:

Ang maong ebanghelyo nagpasabot sa kaalam nga iya sa kalibutan ug ang kaalam nga iya sa Dios diin matod pa sa maong ebanghelyo kun ang imong kaalam imong gigamit diha sa pagasigarbo sa imong kaugalingon ingon nga magatigom ikaw sa daghang bahandi ug nagpaulipon ka sa tawhanon nga mga makinarya o mga kailibgon nan kana nga kaalam iya sa yuta ug tawhanon,

Apan kun ang imong kaalam mapaubsanon, diin sa kanunay imo usab nga gilantaw ang imong isigkatawo ug nagtuman ug nagasunod ka sa kabubut-on sa Dios nan kana nga kaalam iya sa Dios ug espirituhanon.

Kay matod pa sa balaang kasulatan 1 Corintho 1: 28 , Gipili sa Dios ang mga tinamay ug mga sinalikway niyang katawhan nga maoy magadala sa iyang mga pulong aron sa ingon ang mga tawo nga adunay tawhanon nga kaalam ug kinaadman dili makapasigarbo diha kaniya. Kay walay pulos ug walay gamit ang mga tawhanon nga kaalam ug kinaadman didto sa langit. Kay matod pa sa maong kasulatan, walay angay ipasigarbo diha sa atubangan sa Dios kundili ang mga milagro nga iyang nahimo diha sa tagsa-tagsa nato ka kinabuhi.

Atong makita ng ang kaalam nga tawhanon mahigugmaon gayud kaayo sa mga butang nga iya lamang sa kalibutan diin mahanaw ug madugta kini pag-abot sa mga adlaw. Diin diha sa maong niyang kaalam mawad-an na siya ug pagtuo sa atong makagagahum nga ug diin siya na mismo ang Dios sa iyang kaugalingon diin hupong sa tawhanon nga mga kailibgon ug mga bahandi.

Apan matod pa nga unsa may arang sa tawo nga sa iyang paghiabot dinhi sa kalibutan tapot lawas ra man siya apan sa iyang pagtaliwan dinhi sa kalibutan biyaan man usab niya ang tanan niyang bahandi kay temporayo lang kita dinhi ning kalibutana diin atua sa laing kalibutan aang matuod natong pinuy-anan diin dili ang tanan nagpatalinhug niini kay para sa ubangiuna nila ang makalipay sa ilang tawhanong lawas dinhi ning maong kalibutan duiin gipasagdan ang ilang kalag nga niwang ug walay kasiguroihan kan asa padulong. Nan mga igsoon siguro ang kaluwasan sa imong kalag pinaagi sa pagtuman sa kabubut-on sa Dios kay pag-abot sa adlaw sa panudya basin ulahi na unya ang tanan.

Dila

SANTIAGO 3 : 1 ~ 12

1 Mga igsoon ko, ayaw tugoti nga daghan kaninyo mahimong mga magtutudlo, kay kamo sayud, nga labaw pa sa uban, kita nga magapanudlo mahiagum sa labi pa ka mapiuton nga hukom. 2Kay kitang tanan ugod mangasayop man sa daghang paagi, ug kon ugaling aduna may tawo nga dili masayup sa iyang pagpanulti, kana siya hingpit nga pagkatawhana; siya arang makapugong sa iyang tibuok lawas usab. 3Kon tauran tag bokado ang baba sa mga kabayo aron sila mopatoo kanato, mahimo nato ang pagpalisoliso sa ilang tibook lawas. 4Tan-awa usab ang mga sakayan; bisan tuod sila dagku kaayo ug ginapatulin sa makusog nga mga hangin, sila ginapalisoliso sa usa ka gamay nga bansalan ngadto sa bisan diin sumala sa tinguha sa nagapangolin.

5Maingon usab niana, ang dila maoy usa ka gamayng bahin sa lawas, ug ginapanghambog niini ang mga dagkung butang. Pagkadaku sa lasang nga masunog sa usa ka gamayng kalayo! 6Ug ang dila maoy usa ka kalayo. Sa mga bahin sa atong lawas, ang dila maoy usa ka dautan nga kalibutan nga nagahugaw sa tibuok lawas, nagaduslit sa ligid sa kinaiyahan, ug nga sa iyang kaugalingon siya dinuslitan ug kalayo sa infierno. 7Kay mahimo sa pagpaaghop ug ginpaaghop sa tawo ang tanang matang sa mga mananap ug mga langgam, sa mga nagakamang ug sa mga isda.

8Apan walay tawo nga arang makapaaghop sa dila--nga maoy usa ka dautan nga nagahigwaos, puno sa hilo nga makamatay. 9Pinaagi sa dila ginadayeg nato ang Ginoo ug Amahan, ug pinaagi niini ginapanghimaraut nato ang mga tawo nga binuhat ingon sa dagway sa Dios. 10Gikan sa mao rang usa ka baba nagagula ang pagpangdayeg ug pagpanghimaraut. Mga igsoon ko, dili kana matarung. 11Nagasugwak ba sa tubod gikan sa maorang usa ka baba, ang tubig nga matab-ang ug ang tubig nga maparat? 12Mga igsoon ko, makapamunga bag mga olivo ang kahoyng igira, o makapamunga bag mga igos ang punoan sa parras? Dili, maingon nga ang tubod nga maparat dili makahatag ug matab-ang nga tubig.

PAGPAAMBIT SA MENSAHE:

Ang maong ebanghelyo mga igsoon nagpasabot sa mga gasa nga materyal diha sa atong kinabuhi diin sa maog ebanghelyo gipasabot ang mahimo sa dila isip isa ka parte sa atong lawas diin kini siya maoy gigamit nato sa pagdayeg sa Dios diha sa matag adlaw nga pag-ampo ug kini usab ang dila maoy gigamit sa pagpanglibak ug sa pagpangasaba sa atong isigkaingon. Diin nagaingon usab ang maong ebanghelyo nga dili maayong sumbanan nga usa ra ang tuburan sa daotan ug sa maayong pulong.

Usa kini ka pagtulon-an mga igsoon nga diin sa pagkanaog ug pagpakatawo ni Jesus niining kalibutan, libo-an na katuig ang milabay siya nagaingon nga walay dautan nga butang dinhi sa atong kalibutan kay kining tanan ilang gipanalanginan ug nag-agi sa ilang kabubut-on. Ug sa ingon ang tanan tawo dili dautan kay kini nagagikan man sa ilang kabubut-on ug maoy pinalabi sa iyang mga binuhat dinhi sa ibabaw sa kalibutan, ug kun adunay may iya sa dautan kana mao lamang ang iyang binuhatan. Nga sa ato pa mga igsoon kun ipahari diay nato sa atong kaugalingon ang hiyas sa espiritu santo nga maoy gisul-ob ni Jesus sa iyang pagpakabuhi dinhi sa kalibutan nan walay luna ang dautan diha sa atong huna-huna, sa atong pulong ug sa atong mga buhat.

Nga sa ato pa mga igsoon kun ang parti sa imong lawas gigamit sa dautan ug nagamit usab sa maayo, pagtuki igsoon kay wala nimo matukib ang pagtulon-an nga iya ni Jesu Cristo, diin ipahari ang Dios diha sa atong kasing kasing diin ang dautan nga huna-huna ug hiyas dili gayud magdugay diha sa imong kaugalingon. Nga sa ato pa gikinahanglan diay ang kanunay nga paghalad, pagpanagliya ug pag-ampo aron dili kita o ang parte sa atong lawas mamahimong instrumento sa pagbuhat ug dautan ug pagpakasala.

Pagtuo Ug Mga Buhat

SANTIAGO 2 : 21 ~ 26

21Dili ba si Abraham nga atong ginikanan gipakamatarung man tungod sa binuhatan, sa paghalad niya kang Isaac nga iyang anak diha sa halaran? 22Masabut mo nga ang iyang pagtoo diay naglihok duyog sa iyang binuhatan, ug nga ang iyang pagtoo nahingpit pinaagi sa iyang binuhatan; 23ug sa ingon niana natuman ang kasulatan nga nagaingon, "Si Abraham mitoo sa Dios, ug kini giisip kaniya nga maoy pagkamatarung"; ug siya ginganlan nga higala sa Dios.

24Makita ninyo nga ang tawo pagamatarungon pinaagi sa iyang binuhatan ug dili lamang pinaagi ra sa iyang pagtoo. 25Ug sa ingon usab nga paagi, dili ba si Rahab bisan gani dautang babaye gimatarung man pinaagi sa binuhatan sa iyang pagdawat sa mga maniniid ug sa pagpagula kanila sa laing agianan? 26Kay maingon nga patay ang lawas nga mahimulag sa espiritu, mao man usab patay ang pagtoo nga mahimulag sa binuhatan.

PAGPAAMBIT SA MENSAHE:

Ang maong ebanghelyo nagpasabot sa kalig-on sa atong pagtuo sa Dios pinaagi sa atong mgabuhat kay mag-unsa man ang imong pagtuo kun kini dili nimo ubanan sa buhat. Kay matod pa sa ebanghelyo patay ang pagtuo kun kini walay buhat sama nga patay ang lawas kun kini wala nay espiritu.

Unsaon man nato pagpakita sa Dios sa atong pagtuo pinaagi sa mga buhat? Kini atong mapakita kaniya pinaagi sa mga pag-ampo ug pagsunod sa iynag kabubut-on ug kasugo-an. Mga pag-ampo diha sa dagkong templo . diha sa atong panimalay, ug diha sa atong gitrabaho-an sa inadlaw-adlaw nga gimbuhaton. Importante ang santos nga rosaryo diin mao kini tulay ngadto sa atong pangaliya sa Amahan sa Langit.

Mas maayo diay nga diha sa atong pagpangaplag sa kinabuhi isalig nato sa Dios ang tanan pinaagi sa pagpangaliyupo ug pagpangaliya kaniya aron siya ang magagiya diha sa atong mga paningkamot. Patay usab diay ang imong paningkamot ug pagpangaplag kun kini walay panalangin sa Dios. Kay diha diay sa imong bug-os nga pagtuo ug pagsunod sa iyang kabubut-on sa Dios ug sa pagtuman sa mga pag-ampo ug pangaliya magsumikad ang pagtabang ug pagpanalangin kanato sa Dios diha sa atong mga pangandoy ug tingusbawan.

Apan ginaingon usab diha sa ubang bahin sa balaang kasulatan nga bulahan ka igsoon nga nagatoo ka sa butang nga dili makita ug mahikap kay mao kini mga butang nga walay pagkadugta. Diin kinahanglan gayud diay nga atong ipakita sa Dios Amahan ang maong mga pagtuo ngadto kanila pinaagi sa pagbuhat ug maayo ug ilabi na ang pag-ampo kanunay, adlaw ug gabii aron sa ingon kanunay kitang makadawat sa panalangin. Diin nagaingon ang balaan kasulatan nga bisan sa baba sa kamatayun luwason ko ikaw kun sa hingpit imong gitugyan ang imong kaugalingon kanako.

Diin nagaingon usab ang Dios diha sa iyang mga mensahe : Bulahan ang mga katawhan nga nagasunod kanako ug nagatugyan sa iyang kaugalingon sa hingpit kanako kay mahatagan ko ug hataas nga kinabuhi apan ang katawhan nga nagsunod kanako apan nagdumili sa pagtugyan sa iyang kinabuhi sa hingpit ngari kanako basin kawad-an niini. Nga sa ato pa mga igsoon bulahan ang nagsunod sa kasugo-an sa Dios bisan kun nagkahulogan kini sa imong hinulaman nga kinabuhi ug diin bulahan ka nga nakaambit usab sa mga kasakitan ni Jesus diha sa paglansang kaniya sa krus kay makaambit usab sa iyang himaya didto sa langit.

Angayon Pagtagad Ang Pobre Ug Dato

SANTIAGO 2 : 1 ~ 13

1 Mga igsoon ko, ayaw kamo pagpakitag mga pagpilig mga tawo samtang magahupot kamo sa pagtoo ngadto sa atong Ginoong Jesu-Cristo, ang Ginoo sa himaya. 2Kay kon adunay mosulod sa inyong tigum nga usa ka tawo nga may mga singsing nga bulawan ug nagasapot siyag maanindot nga bisti, ug mosulod usab ang usa ka tawo nga nagasapot ug sinina nga san-ot, 3ug kamo motagad kaniya nga maanindot ug bisti ug moingon kaniya, "Ari ka diri lingkod sa maayong dapit," samtang sa tawong kabus moingon kamo, "Oy, pagtindog," o "Lingkod diha sa salog,"

4dili ba may pinalabi kamo sa inyong taliwala ug nangahimo kamong mga maghuhukom nga may mga hunahunang dautan? 5Paminaw kamo, hinigugma ko nga mga igsoon. Dili ba gipili man sa Dios ang mga kabus dinhi sa kalibutan aron mahimong dato sa pagtoo ug mga manununod sa gingharian nga iyang gisaad kanila nga nagahigugma kaniya? 6Apan ang kabus inyo na hinoon nga gipakaulawan. Dili ba ang mga dato mao man ang nagadaugdaug kaninyo? Dili ba sila mao man ang nagataral kaninyo ngadto sa mga hukmanan? 7Dili ba sila mao man ang nagapasipala nianang madungganong Ngalan nga gingalan kaninyo?

8 Kon ugaling inyo mang ginatuman ang harianong kasugoan sumala sa kasulatan nga nagaingon, "Higugmaa ang imong silingan ingon sa imong kaugalingon," nan, maayo ang inyong ginabuhat. 9Apan kon kamo adunay mga pinalabi, nan, kamo nagapakasala, ug sa balaod kamo nahinukman nga mga malapason. 10Kay bisan kinsa nga magabantay sa kinatibok-an sa kasugoan apan makalapas siya sa usa ka bahin niini, siya mahimong malinapason sa tanan niini.

11Kay siya nga nag-ingon, "Ayaw pagpanapaw," nag-ingon man usab, "Ayaw pagpatay." Bisan pa kon ikaw dili manapaw apan makapatay ka, ikaw nahimong malinapason sa kasugoan. 12Kinahanglan managsulti ug managbuhat kamo ingon nga mga tawo nga pagahukman ubos sa kasugoan sa kagawasan. 13Kay ang hukom walay kulokalooy alang sa tawo nga wala magpakitag kalooy; ngani ang kalooy magadaug batok sa hukom.

PAGPAAMBIT SA MENSAHE:

Ang maong ebanghelyo nagpasabot sa pagparehas ug pagtagad sa pobre ug sa mga Dato kay kitang tanan katawhan man sa Ginoo, nagpasabot mga igsoon nga ang pakigdait ngadto sa atong isigkaingon kinahanglan nga walay pobre ug Dato diha sa atong mata diin mas dipanalanginan sa Dios ang mga pobre mga igsoon kay sila nag nag-antos dinhi sa kalibutan diin sila giyubit, gilutos ug gibiay-biay tungod sa kawad-on. Apan ingon gayud niana ang kalibutan diin ang tawo maot gayud diin unsay ilang nakita mas tagaan nila ug importansya nga sa ato pa kun pobre ka nan pobre ka gayud sa ilang panaa-aw.

Apan ang balaang kasulatan nagaingon diha sa 1 Corintho 3:16, ang lawas sa tawo maoy templo sa Dios espiritu santo ug ang magalaglag sa iyang templo nga mao kita iya sab nga pagalaglagon. Nga sa ato pa igsoon ang Dios espiritu santo naa sa matag lawas sa tawo nan kun unsay imong gibuhat sa imong isigkatwao mao usab kana ang imong gibuhat sa Dios. Kun imong gilutos ug gibiay-biay ang imong isigkatawo nan sama ra nga imong gibiay-biay ug gilutos ang Dios nan diha sa mao mong paglutos mga igsoon nakasala ka sa espiriu santo ug ang silot sa sala mao ang kamatayon.

Apan may panultihon usab sa mga tawhanon nga nagaingon ayaw hukmi ang imong isigkatawo pinaagi sa iyangg pamarog ug pamiste kay dili nimo matukib kun unsa ug kinsa siya. Susama sa panahun ni Jesus diin siya nagpaila sa mga Judio nga anak sa Dios apan wala sila mutoo labi na kadtong mga dagko ug ranggo nga pariseo diin para kanila ang anak sa Dios garbo gayud unta kaayo ug mga biste ug mga dayan-dayan sa lawas kay lagi tag-iya gud siya sa tanan dinhi sa kalibutan. Ilang gilutos ang anak sa Dios kay para kanila impostor kini ug nagpakaanak sa Dios.

Sa ato pa mga igsoon angayan diay nga atong ilhon ang atong isigkatawo nga usa ka dungganan maski pa ug unsa ang iyang estados sa kinabuhi mapobre man o madato kay imahen siya sa Dios nga buhi ug ang Dios nga espiritu santo nagapuyo diha kaniya.

Pagpamati Ug Pagbuhat

Santiago 1 : 19 ~ 27

19 Sabta ninyo kini, hinigugma ko nga mga igsoon. Kinahanglan nga ang matag-usa ka tawo magmaabtik sa pagpanimati, magmahinay sa pagsulti, magmahinay sa pagkasuko, 20kay ang kasuko sa tawo dili mosangpot nianang pagkamatarung nga uyon sa Dios. 21Busa lugori ninyo ang inyong kaugalingon sa tanang buling ug sa naghingapin nga pagkadautan, ug dawata ninyo sa kaaghop ang tinanum nga pulong nga arang makaluwas sa inyong mga kalag. 22Hinoon tumana ninyo ang pulong, ug dili kay magpaminaw ra kamo niini, nga sa ingon ginalimbongan kamo sa inyong kaugalingon.

23Kay kon adunay tawo nga igo rang maminaw sa pulong ug dili motuman niini, siya mahisama sa usa ka tawo nga nagasud-ong diha sa salamin sa iyang nawong nga dala pa sa iyang pagkatawo; 24kay siya magasud-ong sa iyang kaugalingon ug unya molakaw ug dihadiha mahikalimot lang dayon unsang pagkadagwaya siya. 25Apan siya nga nagatutok ngadto sa hingpit nga kasugoan nga nagahatag sa kagawasan, ug nagapadayon siya sa pagtutok niini sanglit dili man siya tigpaminaw ra nga nagakalimot kondili tigbuhat nga nagabuhat, siya malipay diha sa iyang pagbuhat.

26Kon adunay magahunahuna nga siya rilihiyoso, ug wala siya magpugong sa iyang dila hinonoa nagalimbong sa iyang kaugalingong kasingkasing, ang rilihiyon niining tawhana dili magpulos. 27Ang rilihiyon nga putli ug dili bulingon sa atubangan sa Dios nga atong Amahan mao kini: ang pagduaw sa mga ilo ug mga babayeng balo sa ilang mga pagkaguol, ug ang pag-amping sa kaugalingon nga dili mahugawan sa kalibutan.

PAGPAAMBIT SA MENSAHE:

Amg maong ebanghelyo naghisgot sa mga bulawanong pagtulon-an nga atong naambitan ug nadunggan diha sa balaang kasulatan isip maoy tinud-anay nga pulong sa Dios nga nagadala ug pagmaymay ug pagpadayag sa mga kasugo-an sa Amahan, diin walay pulos kun imo lang kining pamation ug ipalahos sa laing dalunggan mas maayo pa aron ilhon kang relihiyuso imo gayud nga sundon ug tuki-on ang mga kasugo-an sa Dios ug aron nga kahimut-an ka sa Dios Amahan.

Matod pa diha sa ebanghelyo nga ang nagapamati sa mga pulong sa Dios apan wala magatamod o magatuman niini sama ra sa tawo nga nanamin ug nagtan-aw sa iyang dagway sa salamin diin paghawa niya sa salamin nalimot na siya sa iyang panagway. Sa ato pa mga igsoon ang pagsunod sa pagtulon-an sa Dios ibutang kini diha sa atong kasingkasing sa buhat ug sa huna-huna, diin sa kanunay magalikay kita sa pagpakasala ug magabalaan pinaagi sa kanunay nga pag-ampo ug pangaliya.

Usa ra ang Dios ug usa ra ang balaang kasulatan diin daghan nga mga pagtulun-an nga nanggawas niining panahuna diin ang tanan nagasangpit ug nagatawag sa ilang Dios ug ang kadaghanan nagpasigarbo sa kaluwasan nga dayun diha sa ilang pagtulun-an ug aduna usay daghan nga gihimong panapi ug negosyo ang ilang pagtulun-an ug gibaligya ang pulong sa Dios diha sa tingusbawan sa ilang kaugalingong bulsa. Apan matod pa sa balaang kasulatan dili ang imong pagtulun-an ang makaluwas kanimo kun dili ang imong kaugalingon nga binuhatan kun giunsa mo pagpahari ang Dios diha sa imong dughan, Diha unya sa kataposang paghukom dili ka hukman pinaagi sa imong pagtulun-an nga gibarugan, ug dili ka hukman pinaagi diha as imong baruganan sa pag-ila sa Dios apan diha ka hukman sa imong binuhatan ngadto sa imong isigkatawo ug ngadto sa Dios.

Busa mga igsoon tuki-a ug ilha ang pagtulon-an nga imong gibarugan kun iya ba gayud sa Dios diha sa mga paghalad, ug pag-ampo, ug pangaliya kay ang matuod nga pagtulun-an maoy susama sa buhing bato nga gidala ni Jesu Cristo ug maoy pundasyon sa tanang katawhan nga nagatoo ug nagasangpit kaniya. Ang pagtulon-an nga iya as Dios susama niining pagtulon-an nga atong gibarugan nga puno sa pagyubit, pagsakit ug pagbiay-biay. Ang balaang kasulatan nagaingon kun gusto ninyo nga himayaon ug daygon didto sa gingharian sa Dios nan puy-i ang kinabuhi nga puno sa pagyubit, pagpasakit ug mga paglutos dinhi sa yuta , pas-ana ang inyong Krus sa kinabuhi ug sunod kang Jesu Cristo. Ug diin bulahan ka igsoon nga nakaambit sa mga kasakitan ni Jesus didto sa kalbaryo kay makaambit usab sa himaya sa pagkabanhaw didto sa langit.

Kakabos Ug Kadato

Santiago 1: 9~11

9Ang igsoon nga anaa sa ubos nga kahimtang kinahanglan magakalipay nga mapasigarbohon tungod sa iyang paghituboy, 10ug ang dato kinahanglan magakalipay tungod sa iyang pagkaubos, kay maingon sa mga bulak sa tanaman siya mahanaw ra. 11Kay ang Adlaw mosubang sa magaalagiting nga kainit ug ang tanaman malaya, ug ang kabulakan mangatagak, ug ang ilang katahum mawagtang. Sa ingon usab niana, ang tawong dato mahanaw ra sa taliwala sa iyang mga pagpahigayon.

PAGPAAMBIT SA MENSAHE:

Ang maong ebanghelyo naghisgot kabahin sa kakabos ug kadato sa tawo, ginaingon diha sa linain nga kasulatan nga mas masayon pa sa usa ka kamelyo paglusot sa bangag sa dagom kay sa dato pagsulod as gingharian sa Dios. Diin nagaingon ang mga pulong sa Dios nga dili masayon ug walay panalangin sa usa ka sumosunod sa pagsunod sa kasugo-an sa Dios ug usab sa pagpalambo sa iyang tawhanon nga bahandi kay sa madugay ug sa madali hikalimtan gayud niya ang Dios nga maoy matuod nga makagagahum sa tanan ug diin ilhon na niya ang iyang kaugalingon nga maoy Dios usab dinhi sa yuta diin hupong sa mga tawhanon nga bahandi ug tanan nga kasayun sa kinabuhi.

Nagaingon ang pulong sa Dios kun ang imong bahandi ania ra sa yuta nan dinhi ka ra usab kutob mas maayo nga adunay kay bahandi nga iya sa langit diin walay taya nga magakutkot ug walay kawatan nga magasaka kay mao kini nga mga bahandi nga madala nimo didto sa laing kalibutan diin mao kini imong yabe ngadto sa pagtikay diha sa binuhatan nimo dinhi sa ibabaw sa kalibutan. Mas maayo nga magatigum sa bahandi nga dili mahikap ni makita kay mao kini mga bahandi nga walay pagkadugta, apan ang bahandi nga iya sa kalibutan biyaan mo man kini sa higayun nga tawgon ka na ngadto sa kamatayon.

:

Dili kini nga kalibutan ang matuod natong pinuy-anan sa ato pa lumalabay lamang kita dinhi ning kalibutan, atua didto sa laing kalibutan an matuod natong pinuy-anan diin magdepende na kun giunsa nimo pagpakabuhi niining kalibutan diin kun kalibutanon kaayo ang imong pagpakabuhi diin sa walay paghuna-huna nga aduna pay laing kalibutan human niini diin mao kadto ang kalibutan sa knabuhing dayun, apan kun ang imong kadato dinhi ra niini nga kalibutan nga sa ato pa wala kay bahandi para sa espirituhanon nga kalibutan nan dinhi kara kutob.

:

Diin gipadayag nang daan diha sa mga mensahe ug sa mga kasulatan nga inigkamatay sa tawo mabilin ug madugta ang iyang tawhanon nga lawas ug ang iyang espiritu mobalik ngadto sa Dios diin maoy mosulti sa mga kahimu-an ug kahiwi-an niining tawhana apan ang imong kalag maoy magapadayun paingon ngadto sa gingharian sa Dios ug magapaabot sa katapusang paghukom, nan kun ang imong bahandi kalibutanon nan mahabilin kini sa kalibutan diin wala kay ikapakita nga bahandi nga dili madugta ug malarag inig-abot sa adlaw sa paghukom diin ulahi na kun ayha ka pa magbiko-bikoy kay kulang na ang kapas sa imong kalag sa paghalad ug pag-ampo sa imong kaugalingon apan bulahan kun matabangan ka ug ampo sa nahabilin nga mga paryente ug kaigsoonan dinhi sa walog sa mga buhi.

Kay unsa may arang sa tawo matod pa sa balaang kasulatan diin sa paghiabot nato dinhi sa kalibutan tapot lawas laman kita ug sa pagtaliwan nato niining kalibutan biyaan ta man ang tanan, apan bulahan sa imong pagtaliwan nga madala nimo ang bahandi nga iya sa espiritu santo diin maoy himoon sumbanan pg-abot sa katapusan paghukom. Mas maayo diay diha sa atong pagpakabuhi atong iapil sa atong plano ang pagsunod sa pagtulon-an sa Ginoo diin sa kanunay kita mangaliya ug mag-ampo ug sa kanunay siya maoy ipahari diha sa atong kasingkasing aron pag-abot sa adlaw sa panudya dili ka gayud biyaan sa Ginoo.

Pag-ampo

Hebreo 13: 20 ~ 21

20Karon hinaut nga ang Dios sa kalinaw nga nagbanhaw sa atong Ginoong Jesus, ang dakung magbalantay sa mga karniro, pinaagi sa dugo sa dayon nga pakigsaad, 21magasangkap unta kaninyo sa tanang maayong butang aron kamo makatuman sa iyang kabubut-on, nga magabuhat diha kaninyo sa makapahimuot sa iyang pagtan-aw, pinaagi kang Jesu-Cristo; kang kinsa maiya unta ang himaya nga hangtud sa kahangturan. Amen.

PAGPAAMBIT SA MENSAHE:

Ang maong ebanghelyo naghisgot diha sa mga pag-ampo nga maoy taytayan ngadto sa atong gipangayo diha sa Ginoo diin diha sa hinugpong ug hini-usa nga pagpundok ug pag-ampo si Jesu Cristo nagauban kanato. Matod pa sa Dios amahan diha sa iyang ebanghelyo walay pag-ampo dinhi sa kalibutan nga wala niya madunggi, ang tanan iyang nadunggan apan dili ang tanan nakadawat sa ilang panalangin tungod kay ang kadaghanan sa naga-ampo anaa lang sa tumoy sa ilang dila ug wala magagikan sa ilang kasingkasing.

Maingon usab nga pulong diha sa balaang kasulatan nagaingon, dili ang tanan nagasangpit kanako ug Dios ko, Dios ko makasulod sa gingharian sa Dios kundili kadto lamang nagatuman ug nagasunod sa akong kasugo-an. Diin ginaingon diha sa ebanghelyo sa Dios Amahan nga wala nay laing siglo pa nga magpakatawo ang anak sa Dios mao ra kini nga siglo nga milabay diin misulod na kita sa ikatulo nga siglo apan matod pa hataas pa ang pasensya sa Dios diin hataas pa ang atong oras sa paghinulsol ug sa pagpuasa o sa paglikay sa pagpakasala.

Diin makita nato ang hinay-hinay sa pagbanwas ug paghugas sa kalibutan diin anaa ang mga katalagman pinaagi sa tubig, sa mga sakit ug mismo sa mga hinagiban, diin nagpasidaan ang Dios Amahan sa kanunay nga pag-ampo ug pagrosaryo aron dili kita mahi-apil sa maong pagabanwas. Kay ginaingon nga malisod ang pagsulod sa gingharian sa Dios diin gawas lamang kun i-anak ka ug utro ug mobalik ka sa pagkabata nan masayun kanimo ang pagsulod sa gingharian sa langit. Kay ang mga inosenteng mga kabataan igsoon ang ilang anghel nga magbalantay anaa gayud nagalingkud sa tiilan sa Dios Amahan nga sa ato pa kanunay silang nakadawat sa mga panalangin.

Diin bulahan ka igsoon nga sama ka sa usa ka bata nga modawat sa Dios Amahan diin wala kay gihuna-huna nga kalibutanon ug diin inosente ka pa sa pagpakasala ug sa mga tawhanon nga kailibgon ug mao ray imong gihuna-huna ang pagpahimuot kanunay sa Dios Amahan. Ug diin nagaingon ang balaang kasulatan kun gusto nimong himayaon ug dayegon didto sa gingharian sa Dios nan puy-i ang kinabuhi nga puno sa pagpaubos ug mga paglutos ug pag-antos dinhi sa yuta, pas-ana ang imong krus sa kinabuhi ug sunod kang Jesu Cristo.

:

:

:

:

Pagsulay Ug Pagtintal

Santiago 1 : 12 ~ 18

12Bulahan ang tawo nga moantus sa mga pagsulay kay human siya makaantus sa pagsulay, iyang madawat ang purongpurong nga kinabuhi, nga gisaad sa Dios kanila nga nagahigugma kaniya.

13 Ayaw ipaingon ni bisan kinsa sa diha nga siya pagatintalon, "Ako gitintal sa Dios"; kay ang Dios dili arang matintal ug dautan, ug walay bisan kinsa nga iyang pagatintalon; 14hinonoa ang matag-usa ka tawo matintal sa diha nga madaldal ug mahaylo siya sa iyang kaugalingong pagpangibog. 15Ug ang pagpangibog, sa makapanamkon na, magapahimugsog sala; ug ang sala, inigkagulang na, manganak ug kamatayon. 16Ayaw kamo pagpalimbong, hinigugma kong mga igsoon.

17Ang tanang maayong hatag ug ang tanang hingpit nga gasa nagagikan sa kahitas-an, gikan sa Amahan sa mga kahayag kang kinsa walay pagkausab ni landong gumikan sa pagkabalhin. 18Sa iyang kaugalingong kabubut-on kita iyang gipanganak pinaagi sa pulong sa kamatuoran aron kita mangahimong ingon sa mga pangunahang bunga sa iyang mga binuhat.

PAGPAAMBIT SA MENSAHE:

Ang maong ebanghelyo naghisgot sa pagsulay ug sa mga pagtintal sa tawo diin ang maong mga pagsulay matud pa sa ebanghelyo dili kini iya sa Dios iya kini sa dautan apan gitugotan sa Dios aron pagsuta sa kalig-on sa pagtuo sa iyang katawhan.

Ang pagtintal binuhatan kini sa dautan diin atong mahinumduman sa panahun sa unang mga katawhan nga si Adan ug si Eba diin gigamit sa dautan o sa yawa si Eba aron sa pagtintal ni Adan pinaagi sa pagpakaon niya sa maong mansanas ug maoy hinungdan nga gipalayas sila sa Dios sa paraiso maoy sinugdanan sa sala nga panulondon.

Ang tintal o tintasyon magmadaugon lamang kun ang hintungdan mawili pa sa kalibutan diin molingi pa siya sa mga tawhanong kailibgon. Apan kitang tawo dili kita makapangandak nga lig-on kita diha sa mga pagsuway kay ang tawo huyang sa pagsulay diin labina nga maoy gamiton sa pagsulay kanimo ang mga mahal sa kinabuhi.

Apan kun ang Dios Amahan maoy mohatag ug pagsuway walay tawo dinhi sa ibabaw sa kalibuttan nga mobaarog niini apang diha sa kanunay ug hinayhinay nga pangliyupo ug pag-ampo matod pa ang impossible mahimong posible ug madaug mo ang pagsulay sa imong kinabuhi.

Pagtuo Ug Kaalam

SANTIAGO 1: 2 ~ 7

2 Mga igsoon ko, isipa nga maoy tumang kalipay sa diha nga igakasugat ninyo ang nagkalainlaing mga panulay, 3kay kamo nahibalo nga ang pagsulay sa inyong pagtoo mosangpot sa pagkamainantuson; 4mao lamang nga kinahanglan ang pagkamainantuson inyong tugotan sa hingpit nga pagbuhat aron kamo mamahingpit ug masangkap nga walay makulang. 5Ug kon aduna man kaninyoy nakulangan ug kaalam, papangayoa siya sa Dios nga nagapanghatag ngadto sa tanang mga tawo sa madagayaon gayud ug sa walay pagpamoyboy, ug kini igahatag kaniya. 6Hinoon kinahanglan nga mangayo siya uban sa pagtoo, sa walay pagduhaduha; kay siya nga nagaduhaduha, sama sa balud sa dagat nga ginahandos ug ginakosokoso sa hangin. 7Ayaw ipadahum sa maong tawo nga siya adunay madawat gikan sa Ginoo,

PAGPAAMBIT SA MENSAHE:

Ang maong ebanghelyo naghisgot sa pagtuo ngadto sa Dios Amahan diin ang matag pagtuo nato nga bug-os ngadto sa Dios Amahan nagkaluha kini ug mga paglutos o pagsuway. Diin giingon diha sa mga ebanghelyo sa Dios nga suta-on niya ang iyang pinili ug tinawag nga katawhan pinaagi sa pagsulay o paglutos. Ang mga paglutos iya kana sa dautan ug dili kana iya sa Dios apan gitugotan sa Dios Amahan kay aron sa pagsuta ug pagsulay sa bog-us ug tinud-anay mong pagtuo.

Matod pa diha sa ebanghelyo ang pagtuo nga adunay pagduhaduha daw sama sa balod nga mosunod lamang sa huros sa hangin. Nan kini nga mga kinaiyahan dili gakahimut-an sa Dios ug dili ka gayud mahatagan sa imong gipangayo. Diin nagpasabot ang Dios Amahan nga bisan sa baba sa kamatayon luwason ka niya basta bug-os ang imong pagtuo ug gitugyan nimo ang imong kinabuhi sa hingpit ngadto sa Dios. Kay matod pa bulahan ang katawhan nga nagasunod sa Dios ug nagatugyan sa hingpit sa yang kinabuhi kay mahatagan ug hataas nga kinabuhi. Apan ang katawhan nga nga nagasunod sa Dios apan nagduhaduha sa pagtugyan sa iyang kinabuhi basin ug kawad-an niini.

Ginaingon diha sa mga ebanghelyo sa Dios nga walay lain ikatuko o ikasumpo diha sa mga pagsulay sa imong kinabuhi gawas lamang sa hugot ug kanunay nga mga pag-ampo, pagrosaryo ug paghalad, diin pinaagi sa kabubut-on ug kaluoy sa Dios ang imposible mahimo nga posible. Ang tawo usahay lig-on ug usahay usab huyang diha sa mga pagsulay, diin diha sa kanunay ug hinay-hinay nga ma pag-ampo ug pagrosaryo mamahimong hagkap ang pasulay diha sa imong kinabuhi.

Ang Dios Nga Atong Amahan

HEBREO 12 : 1~11

1 Busa, sanglit ginalibutan man kita sa ingon ka mabagang panganud sa mga saksi, iwakli ta ang tanang kabug-at ug ang sala nga nagapiit paglikos kanato, ug dalaganon ta nga malahutayon ang lumba nga atong ginaapilan, 2nga magatutok kang Jesus nga mao ang mag-uugmad ug maghihingpit sa atong pagtoo, nga tungod sa kalipay nga gibutang sa iyang atubangan miantus sa krus, sa walay pagsapayan sa pagkamakauulaw niini, ug karon nagalingkod siya diha sa too sa trono sa Dios. 3Palandunga ninyo siya nga miantus sa maong pagsupak sa mga makasasala batok kaniya, aron kamo dili managkataka ni managtalaw.

4 Sa inyong pagpakigbisug batok sa sala kamo, sa inyong pagsukol niini, wala pa kaulai ug dugo. 5Ug nahikalimot ba kamo sa tambag nga nagasangpit kaninyo ingon nga mga Anak?-- Anak ko, dili mo pagtamayon ang pagpanton gikan sa Ginoo, ni magkaluya ka sa diha nga pagabadlongon ikaw niya. 6Kay ang Ginoo nagapanton kaniya nga iyang ginahigugma, ug nagalatus sa matag-usa ka anak nga iyang ginasagop." 7Alang sa pagpanton kaninyo ginapaantus kamo karon. Ang Dios nagatagad kaninyo ingon nga mga anak; kay kinsa ba ang anak nga wala pagpantona sa iyang amahan?

8Kon kamo pasagdan lamang sa walay pagpanton, nga niini ang tanan nanagpakaambit, nan kamo diay mga pinaangkan ug dili mga anak. 9Labut pa, kita adunay yutan-ong mga amahan nga nanagpanton kanato ug sila atong gipanagtahud. Dili ba nga sa labi pa hinoon magapailalum kita sa Amahan sa mga espiritu, ug tungod niana mangabuhi kita? 10Kay sila nagpanton kanato sulod sa hamubong panahon lamang sumala sa ilang kahimut-an, apan siya nagapanton kanato alang sa atong kaayohan, aron kita makaambit sa iyang pagkabalaan. 11Sa pagkakaron, ang tanang pagpanton daw dili makalipay, hinonoa makasakit hinoon; apan sa kapulihay kini magahatag sa bunga sa pagkamatarung ngadto kanila nga namatuto pinaagi niini.


PAGPAAMBIT SA MENSAHE:

Ang maong ebanghelyo naghisgot sa mga paglutos sa mga anak ug katawhan sa Dios diin diha sa maong paglutos kini maoy usa ka pagkastigo diha sa amahan ngadto sa anak aron ang maong anak madisiplina ug sa kanunay magmatngon diha sa iyang mga binuhatan.

Nagaingon ang balaang kasulatan nga "Ang katawhAn nga tinawag sa Dios dili maisip ni maihap kay sama kini sa balay sa baybayon kadaghan diin diyutay pa lamang ang iyang natawag ug mas diyutay ang nahiadto sa iyang gingharian sa langit.

Matod pa sa pulong sa Dios Amahan, "Ang akong mga katawhan nga tinawag ug pinili wala magpasabot nga magalingkod lang sila ug maghulat sa pagbalik sa anak sa Dios kundili sulayan ko gayod sila aron makita kun asa kutob ang ilang pagtuo ug pagtahud kanako.

Kay matod pa sulayan man gani ang bulawan kun puro ba kini pinaagi sa pagganggang sa kalayo nan ang tawo sama usab sa bulawan ipaagi sa kalayo aron sama sa bulawan mosiga ug mokinlaw kini timailhan sa pagka puro niini nga sa ato pa magpabilin siyang magbarog ug masinugtanon sa mga kabubut-on sa Dios taliwala sa mga paglutos.

Diin diha sa pagka puro nini makita gayud kun nagasunod ba siya sa kabubut-on sa Dios. Diin moihag diha sa imong kasing kasing igsoon kun ikaw nagasunod ug nagatuman ba sa iyang kabubut-on luyo sa mga pagsuway.

Diin ginaingon nga dili kapangandakan ang pagsulay nga gihatag sa Dios kanato diin ang tawo dili sa kanunay lig-on sa mga pagsulay diin aduna usahay nga kita dag-on sa mga pagsulay diha sa higayon nga luya ang atong espiritu ug anaa usab higayon nga modaug kita sa mga pagsulay.

Diin ginaingon nga tukhan sa mga pag-ampo ang mga pagsulay nga moabot sa imong kinabihi diin ang imposible mamahimong posible diha sa kaluoy ug kabubut-on sa Dios. Kay matod pa bisan garas o kiras ug bisan usa ka lugas buhok walay mawala diha kanimo kun kini dili niya itugot.