Gitagna Ni Jesus Ang Pagkagun-ob Sa Templo

LUCAS 21 : 5~6

5 Samtang nagkulokabildo ang pipila mahitungod sa Templo, giunsa ni pagdayandayan sa mahalong mga bato ug mga gasa, miingon si Jesus: 6 “Moabot ang panahon nga walay ibilin nga bato ibabaw sa lain sa inyong makita. Lumpagon ang tanan

PAGPAAMBIT SA MENSAHE:

Ang maong ebanghelyo. Nagpasabot diha sa templo sa Dios niadtong panahun ni Jesu Cristo diin kini nagpasabot ug pagkabahin bahin diha sa pagtulon-an nga gibarugan. Ang templo sa Dios maoy simbolo diha sa mga hiniusa nga mga pag-ampo diin matod pa sa balaang kasulatan duha o tulo nga naga-ampo ug nagpasidungog sa Dios Amahan nan anaa si Jesus nagauban kanila.

Niining panahun karon diin daghan ang mga pagtulon-an nga nanggawas diin pulomonos aduna kitay 40,000 ka pagtulon-an sa tibuok kalibutan diin silang tanan nagatuo ug nagapasibntog as ilang Dios nga maoy makaluwas kanila. Ingon man usa ra ang balaang kasulatan ug usa ra ang Dios diin subo kaayong plandingon nga lahi-lahi ang pagsabot ug painterpret sa balaang kasulatan, diin matod ang uban sa 72 ka libro sa balaang kasulatan 62 ra nag ilang gibasa uga ang napulo giablibag kay lagi wala man sila motuo niini.

Daghan sa mag pagtulon-an nag wala motuo sa Dios nga anak nga siya matuod nga Dios, ug daghan ang wala motuo sa mga milagro diha sa binuhatan sa balaang bata, ug daghan uang wala motuo diha sa mga larawan ug mga debulto kay lagi kini wala sa balaang kasulatan. Apan mga igsoon ang balaang kasulatan tipik lamang sa mga istorya sa kinabuhi ug mga milagro sa Dios, aron lamang kita makapamalandong diha sa mga kabubut-on ug kasinatian sa Dios. Kay matod pa walay tawo dinhi niining kalibutan nga gitugotan sa Dios sa pagtugkad sa iynag kabubut-on.

Ang Pagkabanhaw

1 CORINTO 15 : 35 ~ 58

35 Ang pipila ninyo mangutana: Unsaon man pagbanhawg patay? Sa unsa mang lawasa nga sila mabanhaw? 36 Pagkabuang gyod nyo! Ang gipugas dili motubo gawas kon mamatay ni. 37 Ug ang gipugas dili ang punoan sa umaabot nga tanom kondili, ang liso sa trigo o laing liso. 38 Ang Diyos mohatag sa angayng lawas, sama nga naghatag siya sa matag liso sa kaugalingong lawas. 39 Tan-awa: dili pareho ang tanang karne. Lain ang karne sa tawo, lain ang karne sa mga langgam ug isda. 40 May mga langitnon pod ug yutan-ong lawas nga wala magsiga sama sa langitnon. 41 Ang kasiga sa adlaw lahi sa kasiga sa bulan ug sa mga bitoon. Ug ang mga bitoon lahig kasiga sa usag usa.

42 Mao sab ang pagkabanhaw sa minatay. Ang lawas nga gitisok madugta, banhawon ni ug dili na mamatay. 43 Gitisok ni nga talamayon ug banhawon sa himaya. Gitisok ni sa kahuyang, banhawon sa gahom. 44 Inigtisok, yutan-on ning lawas, banhawon nga espirituhanon. May espirituhanong lawas sama nga may yutan-on.

45 Ang Kasulatan nag-ingon: Si Adan, ang unang tawo gibuhi. Apan ang kataposang Adan nahimong espiritu nga naghatag og kinabuhi. 46 Ang espiritu dili mag-una pagpakita kondili, ang kinabuhing yutan-on unya, mosunod ang espiritu. 47 Ang unang tawo gikan sa kalibotan ug kalibotanon ni, samtang ang ikaduha mao ang Ginoo nga gikan sa langit. 48 Sama sa yutan-on, mao sab ang mga tawong yutan-on. Ug sama ni Cristo, mao sab ang langitnon. 49 Sama nga nagdala ta sa larawan sa yutan-on, magdala sab ta sa larawan sa langitnon.

Ang adlaw sa pagkabanhaw
50 Mga igsoon, nag-ingon ko: Ang karne ug dugo dili makapanunod sa Gingharian sa Diyos. Ug ang madugta dili makapanunod sa dili madugta. 51 Tan-awa, buot kong mopadayag sa usa ka misteryo. Bisag dili ang tanan mamatay, ang tanan mausab, 52 sa usa ka pamilok, sa kataposang lanog sa trompeta. Ang trompeta molanog ug ang mga minatay mabanhaw nga dili na madugta, ug mausab ta. 53 Kinahanglan nga ang mamatay ug madugta natong pagkatawo mosul-ob sa kinabuhi nga dili mamatay ni madugta.

54 Inigsul-ob sa madugta tang pagkatawo sa kinabuhing dili madugta, inigsul-ob sa atong mamatay nga pagkatawo sa pagkawalay kamatayon, matuman ang giingon sa Kasulatan: Ang kamatayon gilamoy sa kadaogan. 55 Kamatayon, hain ang imong kadaogan? Kamatayon, hain ang imong suyod? 56 Ang sala suyod sa kamatayon. Ug ang gahom sa sala mao ang balaod. 57 Apan pasalamati ang Diyos nga naghatag nato sa kadaogan pinaagi ni Cristo Jesus, atong Ginoo.

58 Busa, karon, mga igsoon, magmakanunayon mo ug ayawg patay-og. Magmabungahon mo kanunay sa mga buluhaton sa Ginoo kay nasayod mo nga ang inyong kahago dili makawang diha sa Ginoo.

PAGPAAMBIT SA MENSAHE:

Ang maong mensahe nagpasabot diha sa pagabanhaw sa mga katawhan nga nagasunod ug nagatuman sa kabubut-on as Dios. Nga sa ato pa mga igsoon sa dili ka pa mabanhaw kinahanglan nga moagi una kita ug kamatayon diin ang kamatayon maoy kamatayon lamag diha sa tawhanon nga lawas, diin kini maoy mahabili dihi sa yuta uban sa imong mga tawhanon nga bahandi diin sila madugta ug madunot.

Kitang tawo samtang nagkinabuhi pa sangkap sa tulo ka aspeto, una ang tawhanon nga lawas nga maoy mahabilin sa yuta , ikaduha ang atong espiritu nga maoy mobalik sa Dios diin maoy reporter diha sa mga sala ug kalapasan nga imong nahimo niadtong nagkinabuhi ka pa, diin matod pa sa mensahe, matag katulog nato ang maong espiritu sa tawo maoy mogawas sa atong lawas ug moreport ngadto sa Dios diha sa atong mga kalapasan, apan diha sa kamatayon mogawas ang espiritu sa tawo diin wala na kini pagbalik.

Ang atong kalag maoy mahabilin diin maoy paninglan diha sa mga panudya inig-abot sa adlaw sa paghukom, nan kun ang imong bahandi tawhanon lamang nan didto ra kutob sa yuta ang maong bahandi, apan kun nagasunod ka sa kabubut-on sa Dios samtang nagkinabuhi pa, diin hupong kanunay sa pagrosaryo ug pag-ampo ang imong kalag, nan inig-abot sa maong paghukom adunay bahandi nga langitnon nga nabitbit ang imong kalag diin gibawon man ang mga espirituhanon nga mga hiyas nga imong nabuhat samtang nagkinabuhi pa.

Nan diha unya sa maong paghukom sa Dios mabanhaw ang imong kalag kay sul-oban man kini sa lawas nga langitnon nga maoy giandam sa Dios para sa iyang mga sulondon nga katawhan. Diin bulahan ka man unya igsoon diin mahatagan ka ug luna didto sa gingharian sa langit diin atua didto nagahulat ang bag-ong Jerusalem nga maoy gitukod sa Dios para sa iyang mga pinili diin wala na ang mga kasakit, wala na ang mga pagyubit, ug wala na ang mga kabalaka kun unsa bay atong pagakan-on kay niana unya nga higayuna kita iya naman sa espiritu as Dios diin lunlon kalipay, kasadya ug mga pagdayeg sa Dios ang atong madungog ug masinati.

Giasoy Ni Pablo Ang Iyang Pagkakabig

BUHAT 22 : 6 ~ 16

6 Apan sa nagkaduol na ko sa Damasco sa udtong tutok, may dakong kahayag gikan sa langit nga miputos nakog kalit. 7 Nalukapa ko ug nakadungog sa tingog nga nag-ingon, ‘Saulo, Saulo, nganong gigukod ko nimo?’ 8 Mitubag ko, ‘Kinsa ka, Ginoo?’ Miingon siya, ‘Si Jesus sa Nasaret nga imong gigukod.’ 9 Ang akong mga kauban nakakita sa kahayag. Nahadlok sila, apan wala makadungog sa tingog. 10Nangutana ko, ‘Unsay buhaton ko, Ginoo?’ Ang Ginoo mitubag, ‘Barog ug padayon sa Damasco diin sultihan ka sa imong buhaton.’ 11 Nabuta ko sa kahayag. Busa, giagak ko sa akong mga kauban padulong sa Damasco.

12 Didto nakigkita nako si Ananias nga matinud-anong nagtuman sa Balaod; inila siya sa tanang Judio nga nagpuyo didto. 13 Samtang nagbarog tupad nako, miingon siya, ‘Igsoong Saulo, maayo na ang imong mata.’ Niadtong tungora kalit kong nakakita ug gitutokan ko siya. 14 Miingon siya, ‘Gipili ka sa Diyos sa atong katigulangan nga masayod sa kabubut-on sa Labing Tarong; makakita ka niya ug makapaminaw sa iyang tingog. 15 Gikan karon maiya kang saksi sa katawhang pagano. Sultihi sila sa tanan mong nakita ug nadungog. 16 Ug karon, nganong magdugaydugay ka pa? Tindog ug pabunyag. Hugasi ang imong kasal-anan sa pagsangpit sa iyang Ngalan.’

PAGPAAMBIT SA MENSAHE:

Ang maong ebanghelyo maoy pagtagik diha sa mga kasugo-an sa Dios diin si Pablo nga kanhi-ay mao man si Saulo nga nagalutos sa pagtulon-an nga gibarugan sa mga apostoles ug mao usab ang gisangyaw ni Jesu Cristo nga pagtulon-an sa kamatuoran. Apan bulahan si Pablo kay luyo sa iyang mga paglutos pinili diay siya sa Ginoo diin gipasinati kaniya ang pagsulay agig pagtawag kaniya diin gibutahan siya sa makadiyot.

Usa kini ka pagtulon-an diin dili diay katiaw-tiawan kini nga iglisea nga atong gibarugan, diin klaro kaayo nga buhi ang Dios nga atong gisunod ug siya nga mituo ug misunod kang Jesus maiya ang kinabuhi nga walay kamatayon. Kay ginaingon diha sa balaang kasulatan, tawgon ko ang akong katawhan pinaagi sa balatian, kay mao lang kana ang paagi nga moluhod ug mosimba sila kanako labina kun ang ilang balatian wala nay kaayuhan diha sa mga tawhanon nga pagpanambal.

Angayan gayud diay nag pag-atiman sa atong kalag aron sa kanunay kini makakaon sa mga esirituhanon nga mga kalan-aon diin bulahan kun kini kuhaon na sa Dios ang mao natong kalag kay aduna ka na unya sarang ikaatubang sa amahan inig-abot sa adlaw sa panudya. Angayan gayud diay ang kanunay nga pagpangadye ilabina sa santos nga rosaryo ug ingon man ang pagpangalawat sa lawas ug dugo ni Jesus aron sa kanunay kita malimpyuhan diha sa mga kasal-anan.

Ang Pagpauli Ngadto Sa Nazareth

LUCAS 22 : 39 ~ 40

39 Sa natuman na ang tanan sumala sa balaod sa Ginoo, namauli sila sa Galilea, sa kaugalingong lungsod sa Nazaret. 40 Midako ug nakusgan ang bata; puno sa kaalam ug gipanalanginan sa Ginoo.

PAGPAAMBIT SA MENSAHE:

Ang maong ebanghelyo maoy pagtukib diha sa mga sinulat ug panagna sa mga balaang propeta diin nahasulat nang daan ang mga panghitabo. Apan ginaingon nga sa pagsangyaw ni Jesu Cristo nahitala lamang diha sa mga apostoles diin si Jesus nagsugod ug sangyaw sa nagsugod siya ug 30 paingon sa 33, diin diha ang mga milagro ug mga ebanghelyo nahitala. Wala kaayo mga sinulat ni Jesus nga nahitala diha sa iyang pagkabata, apan dayag lamang nga aduna gayud mga milagro ug mga ebanghelyo diha nianang panahuna.

Daghan ang mga pagtulun-an nga dili motuo diha sa pagka milagroso sa balaang bata, kay lagi wala mahitala sa balaang kasulatan. Apan kini kabubut-on sa Amahan aron sa ingon masukod kun kinsa gayud ang motuo sa mga butang nga dili makita ug mahikap kay matod pa mao kining mga butanga ang molungtad hangtod sa hangtod. Usa ra ang Dios , Usa ra ang espiritu santo apan tulo ka pesonas, Dios nga amahan, Dios nga Anak ug Dios nga Espiritu Santo.

Ang Panihapon Sa Ginoo

MARCOS 14 : 22 ~ 26

22 Samtang nangaon sila mikuha si Jesus og pan, mipanalangin, mipikaspikas, mihatag ini ug miingon: “Dawata ni. Ako ning lawas.” 23 Unya, gikuha niya ang kupa. Humag pasalamat, iya ning gitunol nila ug nanginom ang tanan. 24 Unya, miingon siya: “Ako ning dugo, ang dugo sa kasabotan nga iula alang sa daghang katawhan. 25 Sa pagkatinuod, sultihan tamo, dili ko motilawg usab sa bunga sa paras hangtod nga mainom ko ang bag-ong bino sa Gingharian sa Diyos." 26 Humag awit sa mga salmo sa pagdayeg, nanungas sila sa Bungtod sa mga Olivo.

PAGPAAMBIT SA MENSAHE:

Ang maong ebanghelyo nagpasabot diha sa mga pagtulon-an sa kataposang panihapon sa Ginoo, diin ang maong panihapon maoy sukdanan sa gugma ug pakigdait sa katawhan ug kang Jesus Cristo mismo diin diha sa pagpakaon niya sa katapusang panihapon diin tagsa-tagsa sila nakadawat sa maong pan, diin nagsimbolo kadto sa lawas ni Kristo ug ang maong bino nagsimbolo kadto sa dugo ni Kristo, diin ang kahulugan niadtong maong kataposang panihapon mao ang pagkalawat nila sa lawas ug dugo ni Jesus ingon nga mga lehitimo nga mga sumosunod sa Dios.

Ang maong panan-awon gibalik-balik sa atong mga katigulangan hangtod niining panahuna diin atong mahanduraw ang maong milagro sa maong ritwal, apan ang Dios nga makagagahum, wala gayud magkulang diha sa mga pasensya ug pahinumdom sa iyang mga sumosunod. Diin daghan ang wala makasabot sa maong ritwal diin para sa uban usa ka pagpatuo-tuo ang maong bulohaton diin kini gibansay matag kuaresma kanatong mga nagsunod sa kristuhanong pagtulon-an.

Usa lang ka pagtulon-an usab ang maong kataposang panihapon diin diha sa matag panihapon o sa pagdawat nato sa atong kalan-on sa lawas usa kini ka grasya nga hinatag sa Dios diin diha sa iyang pagpanalangin kita kanunay gayud nga makaambit sa iyang kalan-on nga espirituhano isip maoy kalan-on usab sa atong kalag.

Gitagna Ni Jesus Ang Paglimod Ni Pedro

MARCOS 14 : 27 ~ 31

. 27 Miingon si Jesus: “Karong gabhiona masakit mong tanan tungod nako, ug mamiya. Matud pa sa Kasulatan: Akong patyon ang magbalantay ug magkatibulaag ang mga karnero. 28 Apan sa pagkabanhaw mag-una ko ninyo sa Galilea.”

29 Unya, miingon si Pedro: “Dili ko magpahilayo nimo bisag magpahilayo pa ang tanan.” 30 Si Jesus mitubag: “Sa pagkatinuod, sultihan tikaw, karong gabhiona sa dili pa motuktugaok ang sunoy sa makaduha ilimod na ko nimo sa makatulo.” 31 Apan miusab si Pedro sa pag-ingon sa mas dako pang kaikag: “Bisag patyon pa ko uban nimo, dili tikaw ilimod.” Kini sab ang gisulti sa tanan.

PAGPAAMBIT SA MENSAHE:

Ang maong mensahe nagpasabot sa usa kapagtulon-an diin dili gayud nato kapangandakan ang atong kalig-on diha sa atong pagtuo sa pagtulon-ang nga gibarugan, susama kang Pedro diin mipasalig gayud siya nga bisan kanus-a dili gayud niya ilimod ang Ginoo, apan kay nalatid nang daan ang mga panagna, nahitabo gayud ang paglimod diha sa iyang magtutudlo.

Usa kini ka pagtulon-an diin diha sa mga pagsulay kanato sa kinabuhi, wala lain nato nga kadangpan mao ra gayud ang mga pag-ampo, diin sa kanunay ibalaan ang atong kaugalingon diin diha sa kanunay, hinayhinay ug tinud-anay nga pag-ampo ang imposible mahimong posible. Kay matod pa kun ang Dios maoy mohatag sa pagsulay, wala gayuy tawo nga makalikay niini, diin kinahanglan lamang gayud nga tukhan nato sa mga pag-ampo aron hagkap na ang pagsulay inig-abot sa atong atubangan.

Dili diay maayo nga magasulti kita ug patapos diin sama ra sa kitay nasayod sa tanan ug as umaabot diin sa pagkatinuod wala gayud kitay mahimo nga tawo kun kuhaon kanato nag atong kalag diin sa kanunay kinahanglan gayud ang kanunay nga paghalad sa atong kaugalingon diin bulahan kun kanus-a kita kuhaa, adunay ray madala ang atong kalag nga mga pabalon nga pag-ampo ug mga espirituhanon nga binuhatan.,

Nag-ampo Si Jesus Didto Sa Getsemani

MARCOS 14 : 32 ~ 42

• 32 Unya, naabot sila sa Getsemane. Miingon si Jesus sa mga tinun-an: “Lingkod dinhi samtang mag-ampo ko.” 33 Gidala niya si Pedro, Jaime ug Juan. Kay napuno man siya sa kahingawa ug kasakitan, 34 miingon siya: “Ang akong kalag puno sa kaguol. Morag mamatay ko tungod ini. Pabilin dinhi ug pagtukaw.”

35 Unya, nagpalayo siyag dyotay ug mihapa sa yuta. Miampo siya nga kon mahimo, palabyon kining taknaa ug dili siya patyon. Miingon si Jesus. 36 “Abba, mahimo nimo ang tanan. Kuhaa kanako kining kupa. Apan dili ang akong kabubut-on kondili, ang imoy matuman.

37 Sa pagbalik nakita niya nga nangatulog ang mga kauban. Giingnan niya si Pedro: “Natulog ka ba, Simon? Dili ka ba makatukaw bisag usa lang ka oras?
38 Pagtukaw ug pag-ampo aron dili ka mahulog sa panulay. Tinuod nga madasigon ang Espiritu, apan luya ang lawas.”

39 Miadto na pod siya sa layo ug nag-ampo sa mao gihapong mga pulong. 40 Sa pagbalik niya nangatulog gihapon ang mga tinun-an. Dili nila mabuka ang mata. Wala sila mahibalog unsay isulti kaniya.

41 Sa pagbalik niya sa ikatulong higayon miingon siya: “katulog na mo ug pahulay. Natapos na ang tanan. Miabot na ang panahon nga ang anak sa tawo itugyan sa kamot sa makasasala. 42 Bangon, manglakaw ta. Tan-awa! Ania na ang nagbudhi nako.”

PAGPAAMBIT SA MENSAHE:

Ang maong ebanghelyo naghisgot diha sa mga gutlo diin itugyan na ang anak sa Dios gadto sa mga Judio diin si Jesus mismo mibatig kahingawa ug kabalaka diin siya nagaampo ngadto sa iyang amahang Dios aron siya panalanginan diha sa mga umaabot nga pagsulay. Diha nato mapalandungan nga ang Ginoong Jesu Cristo mismo nagpakita sa mga pag-ampo isip maoy giya ngadto sa iyang Amahan.

Ang maong mga panghitabo natala na diha sa mga kasulatan sa mga unang propeta, diin ang anak sa tawo pagasakiton , dagmalan ug ilansang sa krus. Ang maong pagtulon-an gusting ipapatik diha sa atong mga katigulangan nga Ang Dios diay, mohalad sa kaugalingon niyang anak aron lamang sa pagluwas kanatong tanan.

Tukma gayud ang tanaan sumala diha sa kabubut-on sa Dios diin kita nga nagasunod niining maong pagtulon-an, makapamalandong sa dili tiaw nga sakripisyo sa Dios nga Jesu Cristo, diin kun atong buot huna-huna-on. Mahimo man nga gamiton niya ang iyang pagkaanak sa Dios ug insigida silotankadtong nagalutos kaniya.

Kini nagpasabot lamang nga ang Dios dili sama sa uban diin waly gayuy gitugtan sa Amahan sa pagtugkad sa iyang kabubut-on. Diin ang tanan han-ay ug pinahiluna sumala sa kaaugalingon niyang kabubut-on ug oras.

Pagtulon-an Mahitugod Sa Kasuko

MATEO 5 : 21 ~ 26

• 21 Nakadungog mo nga giingnan kaniadto ang atong katawhan: Ayawg patay. Ang makapatay kinahanglang moatubang sa hukmanan. 22 Apan sultihan tamo karon: Ang masuko sa igsoon, kinahanglang hukman. Ang manginsulto sa igsoon angayng taralon sa konseho ug dad-on sa hukmanan. Ang magpakaulaw sa igsoon ibalhog sa kalayo sa impyerno. 23 Busa, kon maghalad ka sa gasa sa altar ug mahi-numdom nga ang imong isigkatawo nasilo nimo, 24 biyai ang gasa. Lakaw dayon ug pasig-uli niya. Unya, balik ug halad sa gasa sa Diyos.

25 Ayawg kalimot: Pasig-uli sa imong kaaway sa dili pa paatubangon sa hukmanan. Kon dili, itugyan ka sa maghuhukom nga, sa iyang bahin, motugyan nimo sa pulis, ug ibalhog ka sa bilanggoan. 26 Matanggong ka didto hangtod nga makabayad sa kataposang dyot sa multa.

PAGPAAMBIT SA MENSAHE:

Ang maong ebanghelyo naghisgot sa mga pagtulon-an bahin sa kasuko sa tawo diin kini siya binuhatan sa dautan, ug wala kahimut-i sa Dios, nan ang pagkasuko maoy usa ka pagpakita sa garbo sa tawo diin mogawas kini diha sa panaglalis, panagbingkil o nabintahaan kita. Kini maoy hulhog sa dautan diin kun nagasunod kita sa pagtulon-an sa Dios ato gayud nga ibalaan ang atong kaugalingon aron sa ingon dili kita dag-on as dautan, atong ipanag-ingnan ang binuhatan ni Jesu Crito dinhi sa kalibutan diin puno kini sa pagpailob, pagpaubos ug pagpaulipon dijha a pagtulon-an nga iyang gibarugan.

Diin bulahan kita nga makapaubos kanunay diha sa mga paglutos ug mga pagsulay ug mga kasakitan, kay matod pa Kun gusto nato nga himayaon ug dayegon didto as gingharian sa amahan nan puy-I ang kinabuhi nga puno sa pagpaubos ug pagpasakit pas-ana ang krus sa imong kinabuhi ug sunod sa pagtulon-an ni Jesus. Diin bulahn ka igsoon nga makaambit sa mga kasakitan ni Jesus didto sa krus kay makaambit usab sa iyang himaya sa pagkabanhaw didto sa langit.

Pagtulon-an Mahitungod Sa Panapaw

MATEO 5 : 27 ~ 30

• 27 Nakadungog mo nga ginaingon: Ayawg panapaw. 28 Apan sultihan tamo: ang motan-aw sa babaye aron pagtagbaw sa iyang ulag, sa kasingkasing nakapanapaw na.
29 Busa, kon ang tuo mong mata makaangin nimo sa pagpakasala, lugita ni ug ilabay. Mas maayo pa nga kawad-an kag bahin sa lawas, kay sa itambog ang tibuok mong lawas sa impyerno. 30 Kon ang tuo mong kamot makaangin nimo sa pagpakasala, putla ni ug ilabay! Mas maayo pa nga kawad-an kag bahin sa lawas, kay sa itambog ang tibuok mong lawas sa impyerno.

PAGPAAMBIT SA MENSAHE:

Ang maong ebanghelyo naghisgot sa pagpanapaw sa tawo diin matod pa sa ebanghelyyo ang bisan kinsa nag motan-aw sa babaye diin aduna kini malisya, nakapanapaw na, kay matod pa ang tawo makasala pinaagi lamang sa iyang huna-huna, sa iyang pulon ug sa binuhatan.

Diin ginaingon diha sa ebangheyo nga mas maayo pa nga putlon ang imong kmaot o lugiton ang imong mata, kun sila ang hinungdan sa imong pagpakasala, kay sa mahiadto ka sa impyerno gumikan lamang sa mao mong mga mata ug kamot. Apan nagpasabot lamang kini mga igsoon nga ang Dios mismo maoy mopahimatngon diah sa imong kamot ug mata kung magmagahi kita sa pagtuman sa iyang kabubut-on diin nagpadayon kita sa pagpakasala.

Kay matod pa kung tinawag ka sa Dios nan dili gayod siya mosugot nga moabot ang kataposang gutlo as imong kinabuhi nga dili ka makapahiduol kaniya, diin diha sa imong o\pagpalabi sa mga kasal-anan hinay-hinay usab ang pagbati kanimo as mga pahimatngon apan kun magpadayon ka diin walay paglingi diha sa mga pag=ampo ngato sa Dios Amahan , nan kuhaon na lang nag imong kalag ug espiritu kay sa mahiadto kini sa kalayo sa impiyerno.

Pagtulon-an Sa Panagbulag

MATEO 5 : 31 ~ 32

• 31 Ginaingon pod: ang mobulag sa asawa kinahanglang mohatag og sinulat nga kalig-onan sa pakigbulag. 32 Apan ingnon tamo: kon ang bana mobulag sa asawa sa bisag unsang hinungdan gawas sa pagluib, gitukmod siya sa panapaw. Ug ang mangasawa sa babayeng gibulagan, nakapanapaw pod.

PAGPAAMBIT SA MENSAHE:

Ang maong ebanghelyo naghisgot diha sa kasagrado sa kaminyoon diin diha sa matrimonya o seremonya sa kasal diin kini gisaksihan sa pikas ug pikas nga mga partidos diin ginaingon nga kamatayon lamang ang makabulag sa maong pagkasal, nan sa ato pa samtang kita na kasal diha as atubangan sa Dios nan samtang buhi pa kamong duha magpabilin gayod kamong kasal hangtod sa kataposang pinitik sa iyong kinabuhi.

Nga sa ato pa kun mobulag ka sa imong kapikas diin bisan wala siya makasala kanimo o ikaw wala usab makasala kaniya nan sumala sa ebanghelyo nakasala ka na kay nagtugmod ka man sa imong kapikas sa pagpanapaw. Apan ang tawo samtang nagkinabuhi pa niining kalibutan, kanunay na gayud siyang makasala, dha sa huna-huna, sa pulong ug sa buhat, diin Dios lamang ang nahibalo sa iyang binuhatan, kay ang Dios lamang usab ang nakakita sa iyang kasing-kasing.

Dili sad diay maayo nato hukman ang tawo nga nakasala o nakapanapaw diha sa atong atubangan kay ang Dios lamang ang may katungod sa pagsilot kaniya, apan dinhi sa balaod sa yuta, tubagon usab sa maong mananapaw kun ugaling makita sa atong balaod nga siya nakasala kay ang Dios nagarespeto usab sa balaod sa tawo.

Si Jesus Ang Pagkabanhaw Ug Ang Kinabuhi

Sa pag-abot ni Jesus, nasayran niya nga upat na ka adlaw sukad paglubong ni Lazaro. 18 Kay duol ra man ang Betania sa Jerusalem, mga tulo ka kilometro, 19 may daghang Judio nga miduaw ni Marta ug Maria aron paghupay sa ilang kaguol gumikan sa kamatayon sa igsoon.

20 Sa pagkadungog ni Marta nga taliabot si Jesus, misugat siya. Si Maria nagpabilin sa balay. 21 Miingon si Marta kang Jesus: “Ginoo, kon dinhi ka pa, dili unta mamatay ang akong igsoon.

22 Hinuon, nasayod ko nga bisag unsay pangayoon nimo sa Diyos, ihatag ni. 23 Miingon si Jesus: “Mabanhaw ang imong igsoon.”
24 Mitubag si Marta: “Sayod ko nga mabanhaw siya sa pagkabanhaw sa mga patay sa kataposang adlaw.” 25 Apan miingon si Jesus: “Ako ang pagkabanhaw. Ang motoo nako, bisag patay siya, mabuhi. 26 Ang nabuhi tungod sa pagtoo nako, dili na mamatay. Motoo ka ba.”

27 Mitubag si Marta “Oo, Ginoo. Mitoo ko nga ikaw ang Cristo, ang Anak sa Diyos nga mianhi sa kalibotan.”


PAGPAAMBIT SA MENSAHE:

Ang maong ebanghelyo naghisgot sa bug-os nato nga pagtuo ug pagsunod sa kabubut-on sa Dios diin nagaingong ang pulong sa Amahan, Ang akong mga katw\awhan diin sa kanunay gipahari nila ako sa ilang dughan dili gayud mahitabo nga motalikod ako kanila. Niining maong ebanghelyo naghisgot sa kamatayon ni Lazaro, diin gawas nga palangga kini ni Jesus, nagatuman pa gayud kini sa kabubut-on sa Dios. Nan sa ato pa dili gayud siya pasagdan sa Dios diin sa kaaunay matagaan gayud siya sa panalangin nga langitnon ug espirituhanon.

Wala gayud sukad nga ang Dios motalikod kaanto, diin ang kamatayon ni Lazaro mao lamay pagpasinati sa gahum sa Dios diin sa makausa pa iyang gipakita ang kabubut-on sa Amahan, diin ang maong milagro sa pagkabanhaw ni Lazaro mao lamay pagpakita sa pagka Dios nga matuod ni Jesu Cristo. Dili katiw-tiawan ang maong mensahe diin nagpamatuod lamang nga dili tawo ang nagbanhaw kang Lazaro ug diin si Jesu risto maoy simbolo sa kamatuoran ug Kaluwasan.

:
Apan lagi ang tawo dili gayud nimo madala ang tanan diin bisan diha sa maong mga milagro daghan gihapon ang wala motuo sa maong pagkaDios ni Jesus, kay para kanila Dios walay dagway ug wala pay nakakita, ni bisan ang mga karaan nga propeta wala gayud makakita niini. Apan daghan ang pamaagi as Dios diha sa pagpasinati sa tawo ug ingon man sapagsukod as pagtuo sa tawo diin dili gayod nato mahibaw-an ang kamatuoran kun alang-alang ang atong pagtuo. Bulahan ang tawo nga mituo sa Dios

:

:

Nagkabahin Ang Mga Tawo

JUAN 7: 40 ~ 43

40 Daghan sa nakadungog sa iyang mga pulong miingon, “Kini ang Propeta.” 41 Miingon sab ang uban, “Kini ang Cristo.” Apan nahibulong ang uban, “Sa Galilea ba maggikan ang Cristo? 42 Dili ba, nag-ingon man ang Kasulatan nga ang Cristo kaliwat ni David ug taga Betlehem? 43 Busa, nabahin ang mga tawo tungod niya

PAGPAAMBIT SA MENSAHE:

Ang maong ebanghelyo naghisgot diha sa mga pagsangyaw ni Jesus diin siya natingad-an tungod sa iyna mga kaalam nga nahuptan, diin daghan ang mituo ug miituki sa iyan mga pagsangyaw, ug daghan usab ang nagaduha-duha kay lagi siya nga buhing Dios ila man gisuta ang kagikan niini, diin matod pa sa ilang nahibaw-an ang manunubos magagikan sa kaliwat ni Dapit ug taga Betlehem.

Ang tawo bisan makakita na sa milagro, apan tungod kay dili siya mismo maoy nahatagan o nakadawat sa maong milagro, aduna gayuy higayon sa siya magduha-duha, diin ingong niana usab ang maong mag katawhan sa unang panahun, diin bisan ang milagro anaa na sa ilang atubangan, apan kini ila pa gayud nga pagaduduhaan ug gain libakon pa.

Mao kini ginaingon diha sa mga magsasangyaw nga usa ra ang Dios, usa ra ang balaang kasulatan, apan dili gihapon magkasinabot ang mga sumosunod sa Dios kay lain-lain ug mga intereses, diin tagsa-tagsa adunay augalingon nga tuyo ug tumong, diin sila ilhon nga hawod diha sa ilang tagsa-tagsa ka pundok.

Wala Motuo Ang Mga Igsoon Ni Jesus

JUAN 7 : 1~9

• 1 Human ini gilibot ni Jesus ang Galilea. Dili siya ganahang mosuroy sa Juda, kay ang kadagkoan sa mga Judio nagtinguha pagpatay niya. 2 Hapit na ang pangilin sa mga Judio, ang pangilin sa mga Tolda. 3 Busa, miingon kaniya ang mga igsoon, “Ayawg pabilin dinhi. Lakaw sa Juda aron ang imong mga tinun-an makakita sa mga milagro nga imong himoon. 4 Dili magtrabaho sa tago ang buot mailhan. Sanglit makahimo ka, magpaila ka sa kalibotan.”

5 Ingon ini ang ilang sinultihan, kay wala siya toohi sa mga igsoon. 6 Miingon nila si Jesus, “Wala pa moabot ang akong panahon. Ang inyo nia sa kanunay. 7 Dili mo kasilagan sa kalibotan. Apan nagdumot ni nako, kay nagsaksi ug nagpakita ko nga ang binuhatan ini daotan. 8 Lakaw hinuon mo sa pangilin. Dili ko moadto, kay dili pa karon ang akong panahon.” 9 Ingon ini ang sinultihan ni Jesus ug mipabilin siya sa Galilea

PAGPAAMBIT SA MENSAHE:

Ang maong mga ebanghelyo nagahisgot diha sa mga paglutos nga nasinati mismo ni Jesus diha sa iya mismong mga igsoon, diin wala diay sila motuo sa mga pagsangyaw ug mga pag-istorya ni Jesu Cristo diin siya mismo nanambal ug nagpakita sa mga milagro nga sibo gayud sa kabubut-on sa iyang Amahang Dios.

Usa kini ka “biblical” nga kamatuoran diin nagaingon ang balaang kasulatan nga walay propeta nga pagatuho-an diha sa iya mismong lugar. Ug si Jesus giingon man nga propeta sa mga propeta, diin nakasinati gayud siya sa mag pag-ayad sa iyang mga pamilya ug igsoon.

Apan lagi matod pa ni Jesus dili pa panahun, nga sa ato pa dili pa panahun nga ang anak sa tawo pagasakiton ug igalansang sa krus, nan tataw lamang nga wla gayud siya magpasaya sa iyang kaugalingon kay lagi gipakita niya ang iyang pagka anak gayud sa tawo, diin dili pa panahun nga siya magpaka Dios.

Nagpasabot si Jesus nga daghan ang nagadumot kaniya, diin ang iyang mga igsoon ug mga sumosunod walay nagadumot kanila, busa puwede sila mosagol sa kadaghanan sa mao nga kasaulogan. Nagpasabot lamang mga igsoon nga ang Dios han-ay mohatag ug mga gimbuhaton ug diin wala gayud kini sukad magdali kay lagi lahi ang oras nga iya sa Ginoo ug iya sa tawhanon. Ang 1000 ka tuig sa tawo sama lamang sa usa ka adlaw sa Ginoo ug ang usa ka adlaw , sama usab sa 1000 ka tuig.

Mga Tugon

2 TIMOTEO 4 ; 9 ~ 17

9 Paninguhaa dayon pag-ari. 10 Mibiya nako si Dimas tungod sa gugma ining kalibotana ug mipauli sa Tesalonika. Si Cresente miadto sa Galacia ug si Tito sa Dalmacia. 11 Si Lucas lang ang akong kauban. Dad-a si Marcos. Dako ang iyang ikatabang sa akong gimbuhaton. 12 Akong gisugo si Tikiko sa Efeso.

13 Sa pag-ari nimo dad-a ang kupo nga gibilin ko sa Troas, sa balay ni Carpo. Dad-a sab ang mga libro, labi na ang hinimo sa pergamino. 14 Daghang kadaot ang nahimo kanako ni Alejandro, ang panday sa puthaw. Ang Ginoo ray magbalos. 15 Ayawg salig niya. Supak kaayo siya sa atong pagtulon-an.

16 Sa una kong pagbisita walay mitabang nako. Gibiyaan ko sa tanan. Hinaot nga dili sila silotan sa Ginoo tungod ini. 17 Apan diha ang Ginoo sa akong kiliran. Hatagan ko niyag kabaskog aron hingpit kong isangyaw ang mensahe. Mabati ni sa tanang pagano. Busa, naluwas ko sa baba sa liyon

PAGPAAMBIT SA MENSAHE:

Ang maong ebanghelyo nagahisgot sa mag katuuyoan diha sa pagsangyaw diin posible lamang kini nga magmalumposon, pinaagi sa pagtinabangay ug pakigadait sa matag-usa. Diha sa maong ebanghelyo atong makita ug mabasa ang mga kahigwa-os kabalaka diha sa mag tulomanon nga iyang nabiyaan. Dili katiaw-tiawan ang mga kalisod ug mga paglutos nga nasinati sa maong mga apostoles diin halos ikamatay na nila ang mga pagsulay nga nasugatan.

Unsa man ang ikatabng matag magtutuo diha sa maong mga pagsangyaw?. Wal ay lain nga ikatabang diha sa atong mga igsoon gawas laman sa mga pag-ampo ug mga pangaliya sa Dios Amahan diin gipasabot nang daan nga ang mga katawhan nga iyang tinawag pagasulayan gayud sama sa bulawan diin kini makasinati sa kainit ug kalayo diha sa mga pagsulay sa kapuro niini, Ingon usab niana ang tawo, o ang katawhan sa Ginoo diin kini pagasulayan gayud usab diha sa kalig-on sa pagtuo ngadto sa Dios.

Ang balaang kasulatan nagaingon nga dili gayud mahitabo nga motalikod ang Dios kanato nga iyang katawhan. Diin mao lamay iyang ginahanglang ang mga pag-ampo nga tim-os ug bug-os aron sa kanunay ang iyang mga panalangin magauban kanunay kanato.

Ang Dakong Panon Sa Katawhan

GIPADAYAG 7:9 ~ 17

9Tapus niini mitan-aw ako, ug ania karon, dihay usa ka dakung panon sa katawhan nga walay bisan kinsa nga makaihap, gikan sa tanang kanasuran, gikan sa tanang kabanayan ug katawhan ug pinulongan, nga sa atubangan sa trono ug sa atubangan sa Cordero nanagtindog sila nga nanagsul-ob ug maputi ug tag-as nga mga bisti, ug nanagdalag mga palwa sa palmera diha sa ilang mga kamot,

10ug nanagsinggit sa makusog nga tingog nga nag-ingon, "Ang kaluwasan gikan sa atong Dios nga nagalingkod sa trono, ug gikan sa Cordero!" 11Ug ang tanang mga manolunda nanagtindog nga nanag-alirong sa trono ug sa mga anciano ug sa upat ka mga buhing binuhat, ug unya mihapa sila sa atubangan sa trono ug ang Dios ilang gisimba 12nga nanag-ingon, "Amen! Ang pagdalayeg, ug ang himaya, ug ang kaalam, ug ang pagpasalamat, ug ang kadungganan, ug ang pagbulot-an ug ang kagahum ipahinungod ngadto sa among Dios hangtud sa kahangturan! Amen."

13 Unya gisultihan ako sa usa sa mga anciano nga nag-ingon, "Kinsa man kini sila nga nanagsul-ob ug mga bisting maputi ug tag-as, ug diin man sila gikan?" 14Ug ako mitubag kaniya, "Senyor, nasayud ikaw." Ug siya miingon kanako, "Mao kini sila ang nanagpakalabang sa dagkung kasakitan; ang ilang mga tag-as nga bisti gilabhan nila ug gipaputi diha sa dugo sa Cordero. 15Tungod niini anaa sila sa atubangan sa trono sa Dios, ug nagaalagad kaniya sa maadlaw ug sa magabii sulod sa iyang templo; ug ang nagalingkod sa trono magapanalipod kanila pinaagi sa iyang pagkaanaa.

16Sila dili na gutomon, ug dili na usab pagauhawon; dili na sila pagahasulon sa Adlaw, ni sa bisan unsang makasunog nga kainit. 17Kay ang Cordero nga anaa sa gitaliwad-an sa trono mamahimong ilang magbalantay, ug siya magatultol kanila ngadto sa mga tuboran sa mga tubig nga nagahatag ug kinabuhi; ug pagapahiran sa Dios ang tanang luha sa ilang mga mata."

PAGPAAMBIT SA MENSAHE:

Ang maong ebanghelyo naghisgot diha sa mga panan-aawon sumala ni Juan. Ang maong panan-awon nagpaasbot kini sa kataposang paghukom diin mao na kini ang gibaniog nga dakong kaluwasan diin kitang tanan moatubang sa Dios ug pagahukman sumala gayud sa iyang kabubut-on. Diin bulahan kadtong nakapangandam nang daan samtang nagakinabuhi pa dini sa kalibitan kay mahan-ay na ang tanan sumala gayud sa iyang gipasidaan.

Dih sa maong panam-awon gipakita ang maga katawhan nga nagsinina ug lubos puti diin sila nanagpandong usab ug putos diin matod pa sa Amahn sila ang milahutay sa iyang mag paglutos dinhi niining kalibutan. Ang maong mag paglutos nagpasabot kini ug mga kasakitan, ug mga pagbia-biay diha sa pagtulon-an nga gibarugan, diin mismo ang mga igsoon ug mga paryente ug mga silingan mao gayud ang nangunay sa paglutos .

Si Jesu Cristo mao ang natin karneo diin maoy nagabantay kanato isip sinugo sa Dios amahan, diin siya nagpasabot, nga sila nagabantay kanato sa adlaw ug gabii aron kita dili mahisalaag as dalan sa katarong.

Mao kini ang mga panan-awon diha s akto sa kaluwasan sa tibuok kalibutan, diin ang mga kalag nga maluwas pagalinisan ug sul-oban sa langitnon sinina iaip mao katawhan na gayud sa Ginoo diin wala na ang mga kagutom , pagdaug-daug ug mga pagpanlutos. Ang balaang kasulatan nagpasabot nang daan sa kalisod sa agianan paingon sa langit diin tunokon kini,tungason ug walay galahutay sa pag-agi niini.

A langit para sa tanan nga katawhan, sama nga ang kaluwasan diha kang Jesus para sa tanan usab, apan dili ang tanan maluwas ug ingon nga ang gingharian sa langit wala gayud kini ipamugos sa atong Dios, Kay sa kataposang paghukom walay makatabang kanato diha sa maong mga kaluwasan nga gihisgutan kundili kita ra gayud mismo nga tagtungod.

Ang Mga Sinugo Ni Juan Magbubunyag

MATEO 11 : 1 ~19

1 Ug sa nakatapus na si Jesus paghatag ug mga tugon ngadto sa iyang napulog-duha ka mga tinun-an, siya milakaw gikan didto aron sa pagpanudlo ug pagwali sa mga lungsod nila. 2Ug sa pagkadungog ni Juan didto sa bilanggoan mahitungod sa mga nabuhat ni Cristo, iyang gipaadtoan siyag mga tinun-an niya aron sa pagpangutana 3nga nanag-ingon kaniya, "Ikaw ba kadtong monahi, o magapaabut pa ba kamig lain?" 4Kanila mitubag si Jesus nga nag-ingon, "Adtoa ug suginli ninyo si Juan sa mga butang nga inyong nadungog ug nakita: 5ang mga buta makakita na, ug ang mga bakul makalakaw na, ug ang mga sanlahon nangahinlo, ug ang mga bungol makabati na, ug ang mga patay gipamanhaw, ug ang mga kabus gikawalihan sa maayong balita. 6Ug bulahan ang tawo nga dili makakaplag dinhi kanako sa kahigayonan nga makapasibug kaniya gikan kanako."

7 Ug sa paglakaw na nila, si Jesus misugod sa pagsulti ngadto sa mga panon sa katawhan mahitungod kang Juan. Siya miingon kanila: "Unsa bay inyong giadto aron tan-awon didto sa mga awaaw? Ang usa ba ka bagakay nga ginakusokuso sa hangin? 8Nan, nganong miadto man kamo didto? Aron ba sa pagtan-aw sa usa ka tawo nga nagsul-ob ug luho nga mga bisti? Tan-awa, ang managsul-ob ug luho nga mga bisti anaa sa mga balay sa mga hari. 9Apan ngano lagi nga miadto man kamo? Aron ba pagtan-aw sa usa ka profeta? Oo, sultihan ko kamo, ug labaw pa gani sa profeta. 10Kay kini siya mao man ang gihisgutan sa nahisulat nga nagaingon: `Tan-awa, igapadala ko ang akong magsasangyaw nga magauna kanimo; siya mao ang magaandam sa imong dalan sa atubangan mo.`

11Sa pagkatinuod, magaingon ako kaninyo, nga sa mga gianak ug babaye, wala pay nahitungha nga molabaw pa ka daku kay kang Juan nga Bautista; ngani, ang labing gamay diha sa gingharian sa langit daku pa kay kaniya. 12Sukad sa mga adlaw ni Juan nga Bautista hangtud karon, ang gingharian sa langit nakaagum na sa mga paglugos, ug kini ginaagaw sa mga manglolugos pinaagig kusog. 13Kay ang tanang mga profeta ug ang kasugoan nanaghimog mga profesiya hangtud kang Juan; 14ug kon buot kamo motoo niini, siya mao si Elias nga magaanhi. 15Ang may mga dalunggan nga makadungog, kinahanglan magpatalinghug.

16 "Apan sa unsa ko ba ikapanig-ingon kining kaliwatana? Kini sama sa mga bata nga managlingkod sa mga baligyaanan, ug managsinggit ngadto sa ilang mga kauban sa dula, manag-ingon, 17`Gitokahan bitaw namo kamog plawta, apan wala man kamo mosayaw; nagminatay kami, apan wala man kamo magtampoktampok sa inyong mga dughan.` 18Kay si Juan mianhi nga wala magkaon ni mag-inum; ngani, nanag-ingon sila, `Kana siya giyawaan!` 19Ang Anak sa Tawo mianhi nga nagakaon ug nagainum, apan sila nanag-ingon, `Tan-awa kana siya, usa ka tawong ulitan, palahubog, ug higala sa mga maniningil sa buhis ug sa mga makasasala!` Apan ang kaalam ginamatarung baya pinaagi sa mga binuhatan niini."

PAGPAAMBIT SA MENSAHE:

Ang maong ebanghelyo naghisgot sa mga mensahe ni Jesus din daan na nga nahapnig ang pag-abot sa anak sa tawo apan aduna pay magauna kaniya diin ginganlan kini siya ug Juan nga magbubunyag. Siya si Elias sa unang panahun diin siya maoy gitahasan sa pagbunyag sa Dios pinaagi sa tubig kay isip simbolo sa pagka Kristiyano.

Apan pinagi kang Jesu Cristo ang tanan nga katawhan pagabunyagan diha sa espiritu Santo sa Dios nan diha nianang higayuna hingpit na unya ang atong gapagkasumosunod sa iglisea sa kamatuoran.

Diin bisan diha sa lain pang mga sinulat, daan nang gipanagndaman ang pag-bot ni Juan magbubunyag diin dako ang iyang tahas diha sa pagsangyaw sa maong kamatuoran. Daghan ang nalibog, daghan ang nakapangutana, kay wala nial masabti ang pamaagi, diin sukwahi gayud ang maga pamaagi nga gigami sa Dios para sa pagtulon-an nga iyang gibarugan.

Diin bulahan nga Si Jesu gayud mismo ang nangunay sa pagsangyaw sa maong kamatuoran apan kay lagi ang tawo magaduha-duha man gayud diin maoy ilang tuohan ang kinabag-an nan dayag laman nga sila nangyam-id ug mihinaway sa maong pagtulon-an ni Jesu Cristo, diin sama sila niadtong mga panday nga miwakli sa maong bato nga gidala ni Jesus kay lagi walay bili apan diay mao man kadtong batoha nga pinakaimportante kaayo kay matod pa maoy pundasyon sa tanang pagtulon-an sa tibook kalibutan.

Ang Sambingay Mahitungod Sa Baleng

MATEO 13 : 47 ~ 50

"Usab, ang gingharian sa langit sama sa usa ka pukot nga gitaktak ngadto sa dagat ug nakakuhag mga isda nga nagkalainlain; 48ug sa napuno na kini, gipanagbutad sa mga tawo ngadto sa baybayon, ug sila nanglingkod ug ilang gipili ang mga maayong isda ug gibutang kini sa mga sudlanan, apan ang mga walay pulos ilang gisalibay. 49Sama unya niana ang mahitabo inigkatapus na sa kapanahonan. Ang mga manolunda manggula ug ang mga dautan ilang lainon gikan sa mga matarung, 50ug ilang isalibay kini ngadto sa hudno nga magadilaab; didto ang mga tawo managpanghilak ug managkagot sa ilang mga ngipon.

PAGPAAMBIT SA MENSAHE:

Ang maong ebanghelyo naghisgot sa panag-ingnan sa adalaw sa paghukom diin kitang tanan moatubang sa hukmanan sad IOS sama kita nanang gihigotan a ebanghelyo nga nasuloda baling diin gipili ang mga dautan ug maayo. Ang maayo gipreserbar as Dios alang sa kinabuhing dayun apan ang maga dautan gipalabog didto sa kalayo a impyerno diin gitawag kini ug ikaduhang kamatayon diin walay kataposan nga ksakitan.

Busa nas maayo ng sa dili pa moabot ang maong adlaw atong hinuktukan as makadiyot kun nakasubay ba kita diha sa himaya ug kabubut-on sa Dios diin dili lang kay kini ra ang kinabuhi nga atong atubangon apan aduna pay kinabuhi nga human niini diin mao kadto ang atong pangandaman, kay mas maayo nga magkinabuhi kita nga langyaw niining kalibutana apan ha-om didto sa iyang gingharian kay walay bilii ang mnga tawhanon nga mga kailibgon ug mga tawhanon nga bahandi inig-abot na sa maong adlaw sa paghukom.

Mas maayo nga sa kanunay magbalaan, atong ihangad ang atong ulo a langit ug sa kanunay manalangin sa kaluwasan sa atong kalag. Ug as kanunay atong atimanon ang atong kalag kay mao kini ang moatubang sa Ginoo inig-abot sa maong adlaw, Sa kanunay mag santos nga rosaryo ug atong pangayuon ang atong kaluwasan sa kanunay. Likayan nato ang pagpakasala diha sa atong pulong, sa huna-huna ug sa buhat.

Si Jesus Gitental Sa Yawa

LUCAS 4: 1 ~ 13

1 Ug si Jesus, nga puno sa Espiritu Santo, mipauli gikan sa Jordan, ug siya gimandoan sa Espiritu 2didto sa mga awaaw sulod sa kap-atan ka adlaw, ug gitintal sa yawa. Ug siya walay nakaon sulod niadtong mga adlawa; ug sa pagkatapus niini, siya mibatig kagutom. 3Ug ang yawa miingon kaniya, "Kay ikaw Anak man sa Dios, sugoa kining bato nga mahimong tinapay." 4Si Jesus mitubag kaniya, "Nahisulat na, `Ang tawo mabuhi dili sa tinapay lamang.`" 5Ug sa itaas gidala siya sa yawa ug gipakitaan, sa usa ka paglantaw, sa tanang gingharian sa kalibutan,

6ug giingnan siya, "Kanimo ihatag ko kining tanang kagamhanan ug ang ilang kahimayaan, kay kini gikatugyan man kanako ug igahatag ko kini kang bisan kinsa nga akong kagustohan. 7Busa kon ikaw mosimba kanako, maimo na kining tanan." 8Ug si Jesus mitubog kaniya, Nahisulat na: `Maoy simbaha ang Ginoo nga imong Dios, ug siya lamang mao ang alagara.`" 9Ug iyang gidala siya sa Jerusalem ug gitongtong sa kinahitas-an sa templo; ug giingnan siya, "Kay ikaw Anak man sa Dios, umambak ikaw gikan dinhi ngadto sa ubos; 10kay nahisulat man kini: `Siya magahatag ug sugo ngadto sa iyang mga manolunda mahitungod kanimo, aron sa pagbantay kanimo,`

11ug `Sa ilang mga kamot pagasapnayon ikaw nila, aron ang imong tiil dili mahipangdol sa bato.`" 12Ug si Jesus mitubag kaniya, "Ginaingon na, `Ayaw pagtintala ang Ginoo nga imong Dios.`" 13Ug sa natapus na sa yawa ang tanang mga pagtintal kaniya, siya mipahawa usa kaniya hangtud sa laing higayon.

PAGPAAMBIT SA MENSAHE:

Ang maong ebanghelyo naghigsot sa mga pinetensya ni Jesus diha sa mga tahas nga gisangon kaniya diin siya mismo nga anak as Dios gisulayan sa pagtintal sa panulay. Nga sa ato pa mga igsoon ang pagsuway kabahin na gayud diay kini diha sa atong pakinabuhi nga espirituhanon, kay matod pa gisulayan man gain si Jesu diha sa iyang pagkaanak as Dios, diin gitental siya sa yawa nan, unsa pa kaha ang kitang tawo lamang diin sa kanunay nagmahuyang usahay ug nagmalig-on usahay diha sa mga pagsulay.

Usa kini ka pagtulon-an diin ang Dios anaa gayud kanunay digha sa atong duol diin ang mga pagsuway nga atong masinati maoy mga lamas lamang diha sa opagkinabuhi nga Diosnon, diin walay laing sagang sa maong mga pagsulay. Gawas lamang sa mga pag-ampo ug mga paghalad.

Apan matod pa walay pagsulay nga dili mosibo sa imong kaugalingon nga sa ato pa ang mga pagsulay igo-igo gayud nimo nga maagwanta diin sa kanunay atong lang i-ampo nga malatas ang mga tentasyon ug pagsulay kay mabulahan ka man usab unya sa kaulahi-an.

Misugod Si Jesus Sa Iyang Bulohaton Didto Sa Galilea

LUCAS 4 : 14~15

14 Ug diha sa gahum sa Espiritu, si Jesus mibalik sa Galilea, ug ang balita mahitungod kaniya nasangyaw sa tibuok kayutaan nga kasikbit. 15Ug siya nanudlo sulod sa ilang mga sinagoga, ug gidalayeg siya sa tanan.

PAGPAAMBIT SA MENSAHE:

Ang among ebanghelyo naghisgot sa mga pagsangyaw ni Jesus diin puno kini sa mga maalamon nga mga pulong sa Dios ug ingon man ang walay pagpakabana sa unsay may iyang danagtan diin daghan ang nanagsuko kaniya kay a iynag pagsangyaw diin nagdala kini sa mga pagpanambal, nakuha-kuhaan ang nagasunod niadtong naandan nga pagtulon-an.

Trayenta anyos na si Jesus diin nagasugog siya ug pagsangyaw diin mao kining panahuna nga aduna siya mga sinaligan ug mga magtutuon diha sa iglisea a kaamtuoran. Tulo ka tuig ang iyang pagsangyaw diin gibot niya ang maong mga lugar nga nahinganlan, sama sa Jerusalem, Nazareth ug uban pa.

Trayentay tres anyos ang edad ni Jesus sa dihang gilansang siya sa Krus diin gipasinati sa Amahan ang mga kasklitan diha sa Krus aron nga matubos kita nga mga makasasala. Daghan ang iyang mga sumosunod apan mas daghan ang nasuko kaniya kay matod pa nagpatuo nga anak sa Dios.

Ingon niana ang kabubut-on sa Amahan diin mismo bugtong niyang anak iya gisulayan kay mao kini ang sumbanan ug pagtulon-an para kanatong tanan. Diin ang tawo nga nagapaubos dinhi sa walog sa yuta, ibayaw ug dayegon didto sa iyang gingharian, apan ang tawo nga nagapalabi-labi sa iyang kaugalingon, ug nagapasigarbo dinhi sa yuta nan dili siya ilhon didto sa langit.

Gisalikway Si Jesus Sa Nazareth

LUCAS 4 : 16 ~ 30

16Ug siya miabut sa Nazaret, diin didto siya magtubo; ug sumala sa iyang nabatasan, siya misulod sa sinagoga sa adlaw nga igpapahulay. Ug siya mitindog aron sa pagbasa; 17ug dihay gihatag kaniya nga basahon sa profeta nga si Isaias; ug sa pagbuklad niya niini, nakita niya ang bahin diin nahisulat kini nga nagaingon: 18"Ang Espiritu sa Ginoo ania kanako, kay iya man akong gidihugan aron sa pagwali sa maayong balita ngadto sa mga kabus. Gipadala niya ako aron sa pagpahibalo sa kagawasan ngadto sa mga binilanggo ug sa kahiuli sa igtatan-aw ngadto sa mga buta, sa paghatag sa kagawasan ngadto sa mga dinaugdaug, 19sa pagpahibalo sa tuig sa kahimuot sa Ginoo."

20Ug iyang gilukot ang basahon ug giuli kini ngadto sa tig-alagad, ug milingkod siya. Ug ang mga mata sa tanan nga diha sa sinagoga gitutok ngadto kaniya. 21Ug kanila misugod siya sa pagsulti nga nag-ingon, "Niining adlawa karon, kining bahina sa kasulatan natuman diha sa inyong pagpatalinghug niini." 22Ug ang tanan nanagsultig maayo mahitungod kaniya, ug ilang gikahibudngan ang madanihong mga pulong nga nanggula gikan sa iyang baba. Ug sila nanag-ingon, "Dili ba kini siya ang anak man ni Jose?"

23Ug siya miingon kanila, "Sa walay duhaduha inyong igaingon kanako kining maong pasumbingay, `Doctor, ayoha ang imong kaugalingon! Ang among nadungog nga imong gipamuhat didto sa Capernaum, buhata usab dinhi sa imong kaugalingong lungsod.`" 24Ug siya miingon, "Sa pagkatinuod sultihan ko kamo, nga walay profeta nga kahimut-an sa iyang kaugalingon lungsod. 25Apan sa pagkatinuod suginlan ko kamo, nga dihay kapid-an ka mga babayeng balo sa Israel sa mga adlaw ni Elias, sa diha nga gitakpan ang kalangitan sulod sa tulo ka tuig ug unom ka bulan, ug miabut ang dakung gutom sa tibuok yuta; 26apan wala kanilay gipaadtoan kang Elias gawas lamang sa Sarepta, sa yuta sa Sidon, ngadto sa usa ka babayeng balo.

27Ug sa panahon ni Eliseo nga profeta, dihay kapid-an ka mga sanlahon sa Israel; apan wala kanilay nahinloan gawas lamang kang Naaman nga Siryanhon." 28Ug sa pagkadungod nila niini, silang tanan nga diha sa sulod sa sinagoga nangasuko sa hilabihan gayud. 29Ug sila nanindog ug ilang giabog siya paingon sa gawas sa lungsod ug gitaral ngadto sa kilid sa bungtod diin didto mahitukod ang ilang lungsod, aron ilang ihulog siya sa pangpang. 30Apan siya miagi sa ilang taliwala ug mipahawa.

PAGPAAMBIT SA MENSAHE:

Ang maong ebanghelyo nagpasabot as giya sa espiritu santo nga anaa kang Jesus diin siya nagasulti ug nagasangyaw sa ngalan sa iyng Amahan. Nahitabo gayud ang naadyag sa mha panagna sa mga karaang propeta diin ang kadaghanan sa mga katawhan nga naminay natingala tungod sa mga maalamon nga mga pulong ni Jesus.

Diin ang kadaghanan sa mapng mga katawhan wala makaila kaniya ni wala magto nga siya ug ang Amahn Dios usa ra, ug nga siya nagasukti diha sa kabubut-on sa Amahan ang nagpadala kaniya. Ang iyang mga gipaambit nga mga mensahe mao lamay pagpasabot sa kabubut-on sa Amahn diin walay tawo nga gitugotan sa pagtugkad gayud sa iyang kabubut-on. Apan lahi usab ang sitwasyon ni Jesus diin nagasangyaw siya apan pobre kaayo tan-awon ang iyang sinina ug pamiste, diin larawan kini sa usa ka yano nga lungsoranon.

Wala dinhi sa yuta ang matuod nga gingharian sa Dios apan dako ug kalabutan ang pagpakabuhi sa tawo dinhi sa maong kalibutan kay matod pa mao kini sumbanan diha sa pagkinabuhi njmo nga espirituhanon. Ang mga kasulatan sa bibliya makapamatuod sa tanan nga mga milagro ug mga pagpasakit sa Dios, dili nato masukod ang iyang pamaagi.

Diha sa maong ebangheyo nagpasabot ang Dios nga diha sa pagtawag ug pagpangayo sa kanila ug panabang, mohatag ang Dios pinasikad usab sa iyang kabubut-on. Diin ang nahisgutan nga mga masakiton maoy mga pagsulay diha sa pagkinabuhi nga kristuhanon diin sa kanunay anaa ang mga pagpanlutos ug pagdaug-daug

Modaug Kita Sa Kalibutan

1 JUAN 5 : 1 ~ 5

1 Gipanganak gikan sa Dios ang tanang nagatoo nga si Jesus mao ang Cristo, ug ang tanan nga nagahigugma sa nanganak nahigugma usab sa gianak. 2Ug atong maila nga kita nagahigugma sa mga anak sa Dios pinaagi niini, kon magahigugma kita sa Dios ug magatuman sa iyang mga sugo. 3Kay ang paghigugma alang sa Dios mao kini, nga pagabantayan ta ang iyang mga sugo. Ug ang iyang mga sugo dili mabug-at. 4Kay bisan unsa nga igaanak gikan sa Dios modaug sa kalibutan; ug ang pagdaug nga nagadaug sa kalibutan mao kini: ang atong pagtoo. 5Ug kinsa ba ang mananaug sa kalibutan kondili siya lamang nga nagatoo nga si Jesus mao ang Anak sa Dios?

PAGPAAMBIT SA MENSAHE:

Ang maong ebanghelyo nagpasabot sa tahas ni Jesu Cristo dinhi sa yuta diin iyang gihalad ang iyang lawas ug dugo aron kitang tanan maluwas. Nan sa maong tahas diin nagmadaugon si Jesu Cristo nagmadaugon usab kita uban kaniya. Namatay ang atong sala uban kaniya diin nabanhaw kita uban kang Jesus ug gibiyaan ta ang atong mag kasal-anan nga patay na.

Nagpasabot kini mga igsoon ug kadaugan diha sa mga hulga sa dautan diin wala gayuy dautan nag modaug kun atong hingpiton ang atong pagsalig ngadto sa Dios. Kay gidaug man ni Jesus ang kalibutan diin ang tanan nga kadautan iya man niining kalibutan nan modaug uasb kita batok sa mga hulga sa mga pagsuway diha sa atong kinabuhi .

Mao lamay ibutang sa atong huna-huna ang kanunay nga pag-ampo, paghalad ug pagrosaryo ilabina diha sa mga balaang oras, aron sa ingon matukhan ang mga pagsulay ug saingon hagkap na kining moabot sa imong kaugalingon.

Ang Dios Gugma

1 JUAN 4 : 7 ~ 21

7 Mga hinigugma, maghigugmaay kita ang usa sa usa; kay ang gugma iya sa Dios, ug siya nga nagahigugma gipanganak sa Dios ug nakaila sa Dios. 8Siya nga wala magahigugma wala makaila sa Dios; kay ang Dios gugma man. 9Ang gugma sa Dios gipadayag dinhi kanato pinaagi niini: gipadala sa Dios ang iyang bugtong nga Anak nganhi sa kalibutan, aron kita mabuhi pinaagi kaniya. 10Niini ania ang gugma, dili nga kita nahigugma sa Dios kondili nga siya mao ang nahigugma kanato ug nagpadala sa iyang Anak nga haladpasighiuli alang sa atong mga sala. 11Mga hinigugma, kay ang Dios nahigugma man kanato sa ingon niana, nan, kinahanglan kita usab maghigugmaay ang usa sa usa. 12Wala pa gayuy tawo nga nakakita sa Dios; kon kita maghigugmaay ang usa sa usa, ang Dios magapabilin kanato, ug ang iyang gugma nahingpit dinhi kanato. 13Ug mahibaloan nato nga kita nagapabilin diha kaniya ug siya dinhi kanato pinaagi niini: tungod kay kita iya mang gihatagan sa iyang kaugalingong Espiritu.

14 Ug kita nakakita ug magapanghimatuod nga ang Amahan mao ang nagpadala sa iyang Anak ingon nga Manluluwas alang sa kalibutan. 15Bisan kinsa nga magasugid nga si Jesus mao ang Anak sa Dios, ang Dios magapabilin kaniya, ug siya magapabilin sa Dios. 16Tungod niini kita nahibalo ug nagatoo sa gugma nga ginabatonan sa Dios alang kanato. Ang Dios gugma, ug ang nagapabilin sa gugma, nagapabilin sa Dios; ug ang Dios nagapabilin diha kaniya.

17 Niini gihingpit ang gugma dinhi kanato, aron kita may pagsalig unya sa adlaw sa hukom, sanglit maingon nga mao siya mao man usab kita dinhi sa kalibutan. 18Ang kahadlok wala diha sa gugma, hinonoa ang hingpit nga gugma nagahingilin sa kahadlok. Kay ang kahadlok may kalabutan sa silot, ug siya nga may kahadlok wala pa mahingpit diha sa gugma. 19Kita nagahigugma, tungod kay siya mao man ang unang nahigugma kanato. 20Kon adunay magaingon, "Ako nagahigugma sa Dios," apan nagadumot sa iyang igsoon, nan, kini siya bakakon; kay siya nga wala maghigugma sa iyang igsoon nga iya rang makita, dili gayud makahimo sa paghigugma sa Dios nga wala niya makita. 21Ug gikan kaniya nabatonan ta kining maong sugo: nga ang nagahigugma sa Dios kinahanglan magahigugma sa iyang igsoon usab.

PAGPAAMBIT SA MENSAHE:

Ang maong ebanghelyo naghisgot sa gugma sa Dios kanatong tanan diin Siya ang nangita kanato pinaagi sa iyang bugtong anak nga iyang gipakanaog aron sa pagpakigdait uban kanato ug sa pagtudlo sa iglisea sa kamatuoran. Daghan ang mga pagtulon-an nga gitudlo as iyang bugtong anak diin usa na niini ang pagpasabot sa napulo ka kasugo-an sa Dios diin mao kini ang gisangyaw ni Moises niadtong unang panahun.

Gipasabot ni Jesu Cristo nga ang napulo ka kasugo-an mamahimo lamang kining duruha, diin mao kini ang una, “Paghigugma sa Dios labaw sa tanan ug nga dili ka magasimba ug laing Dios gawas kaniya, ug ang Ikaduha mao ang paghigugma sa atong isigkatawo sama sa paghigugma nato sa atong kaugalingon. Diin nagpasabot ang Ginoo nga bisan asa sa maong balaod ang imong masupak nan sama ra nga naupak nimo ang tanan nga kasugo-an.

Diin diha sa maong mga kasugo-an atong mahinuktokan nga ang Dios nagpasabot sa pagsugo kanato sa paghigugma, nga sa ato pa ang iyang mga kasugo-an nagkahulogan kini ug gugma ngadto sa tanang binuhat. Apan ginaingon nga ang tawo samtang nagakinabuhi pa niining kalibutan siya makasala gayud diha sa iyang huna-huna, sa pulong ug sa buhat, ug diin matod pa sa balaang kasulatan ang mga tawo nga makasala kanato atong pasayloon sa kapitu-an ug pito ka beses (77) nga sa ato pa andaman nato ug pasaylo ang tanan nga nakasala kanato.

Kay matod pa sa ebanghelyo kun moingon ka nga nahigugma ka sa Dios apan nagdumot ka sa imong kaaway nan bakakon ka , kay giunsa man nimo paghigugma sa Dios nga dili nimo makita ug mahikap, apan gidumtan nimo ang imong kontra nga sama kanimo tawo usa diin makita mo kini ug mahikap.

1 Corinto 3: 16, Nagaingon, Ang lawas sa tawo maoy templo sa Dios espiritu santo apan diin ang molaglag sa templo sa Dios nga mao kita iya usab nga pagalaglagon, nga sa ato pa mga igsoon Ang Dios espiritu santo anaa sa matag usa-usa kanato nga mga tawo, nan kun imong pasipad-a ang imong isigkatawo, nan sama ra nga imong gipasipad-an ang espiritu santo nga anaa sa maong tawo. Nan nakasala ka sa espiritu santo ug diin ang silot sa sala mao ang kamatayon.

Ang Matuod Ug Dili Matuod Nga Espiritu

1 Mga hinigugma, ayaw ninyo pagtoohi ang tanang espiritu, hinonoa sulayi ninyo ang mga espiritu sa pagsuta kon sila iya ba sa Dios; kay daghan ang mga mini nga profeta nga nanagpanungha sa kalibutan. 2Inyong mahibaloan ang Espiritu sa Dios pinaagi niini: ang matag-usa ka espiritu nga magaila nga si Jesu-Cristo nagpakatawo, kini iya sa Dios; 3ug ang matag-usa ka espiritu nga wala magaila kang Jesus, kini dili iya sa Dios. Kini mao ang espiritu sa anticristo nga inyong nadungog nga moanhi, ug kini siya ania na sa kalibutan.

:
4 Mga anak, kamo iya sa Dios, ug sila inyo nang gidaug; kay siya nga anaa kaninyo labaw pa kay kaniya nga ania sa kalibutan. 5Sila iya sa kalibutan, tungod niini ang ilang ginasulti iya sa kalibutan ug ang kalibutan nagapatalinghug kanila. 6Kita iya sa Dios. Bisan kinsa nga nakaila sa Dios magapatalinghug kanato, ug siya nga dili iya sa Dios dili magapatalinghug kanato. Pinaagi niini maila ta ang espiritu sa kamatuoran ug ang espiritu sa kasaypanan.

:
PAGPAAMBIT SA MENSAHE:

Ang maong ebanghelyo naghisgot sa mga giya sa espirituhanon, diin kinahanlan ng kita magmaigmat kay ania n sa kalibutan ang mga kaaway sa Dios diin sila migamit sa mga pamaagi sa Dios aron sa pagbitik sa mga tinawag sa Dios.

Maila nato ang dautan nga espiritu kay kini nagasangyaw ,man sa linahi ug wala magasubay sa husto nga pagtulon-an. Diin anaa diha sa bisan asang dapit ang mga sinugo sa dautan aron sa paglingla kanato diin ato lamang silang mailahan kay lahi man ang ilang gibuhat kay sa ilang gisangayaw.

Kay bisan ang balaang kasulatan pagabasahon gihapon sa maong mga dautan, diin ilang gituis ang unsa man nga nahisulat nang daan. Kay matud pa kun unsa kakusog sa espiritu santo sa Dios nan mao usab kakusog sa dautan.

Kay walay mogamot dinhi niining kalibutan diin kitang tanan motaliwan man gayud dinhi sa kalibutan diin angayan gayud nga atong gahinan ug oras o minuto ang Dios aron sa ingon libre ka sa mga pahimatngon sa imong espiritu santo

Ang Duha Ka Saksi

GIPADAYAG 11 : 1 ~ 14

1 Unya gihatagan akog sukdanan nga daw sungkod, ug giingnan ako, "Tumindog ka ug sukda ang templo sa Dios, ug ang halaran, ug ang mga nanagsimba sa sulod niini, 2apan ayaw pagsukda ang hawanan sa gawas sa templo; pasagdi kana, kay gikatugyan na kana ngadto sa kanasuran, ug ang balaang siyudad ilang pagayatakyatakan, sulod sa kap-atan ug duha ka bulan.

3 Ug ang akong duha ka mga saksi, nga nanagsul-ob ug mga bisti nga sako, pagahatagan kog kagahum sa paghimog profesiya sulod sa usa ka libo duha ka gatus ug kan-uman ka adlaw." 4Ang mga saksi mao ang duha ka mga kahoyng olibo ug ang duha ka mga kandiliro nga nanagbarug sa atubangan sa Ginoo sa kalibutan. 5Ug kon may buot modagmal kanila, adunay kalayo nga magagula sa ilang baba ug magaut-ut sa ilang mga kaaway; kon may buot modagmal kanila, sa ingon niining paagiha siya pagapatyon. 6Sila may kagahum sa pagsira sa langit, aron walay ulan nga moabut sulod sa mga adlaw sa ilang pagpanghimog profesiya, ug sila may kagahum ibabaw sa katubigan aron sa paghimo niini nga dugo, ug sa pagbunal sa yuta pinaagi sa tanang hampak, bisan makapila sumala sa ilang gusto.

7Ug sa makatapus na sila sa ilang pagpanghimatuod, ang mapintas nga mananap nga molugwa gikan sa bung-aw sa kahiladman nga walay kinutoban makiggubat batok kanila ug iyang pagadag-on sila ug iyang pamatyon sila, 8ug ang ilang mga patayng lawas anha managhay-ad sa kadalanan sa dakung siyudad nga, sa tinago nga pagkasulti, ginganlag Sodoma ug Egipto, diin didto ang ilang Ginoo ilansang sa krus. 9Sulod sa tulo ka adlaw ug tunga, sila nga gikan sa katawhan, ug sa kabanayan, ug sa mga pinulongan, ug sa kanasuran, managsud-ong sa mga patayng lawas niini ug dili nila kini ipalubong. 10Ug sila nga nanagpuyo sa yuta managkalipay tungod kanila ug managsadya ug managhatagayg mga gasa, tungod kay kining duha ka mga profeta nakahatag man ug kasakit ngadto sa mga nanagpuyo sa yuta.

11Apan tapus sa maong tulo ka adlaw ug tunga, usa ka gininhawa sa kinabuhi gikan sa Dios misulod kanila, ug sila nanagpanindog, ug ang mga nanagpakakita kanila giabut ug dakung kalisang. 12Unya nadungog nila gikan sa langit ang usa ka makusog nga tingog nga nag-ingon kanila, "Saka kamo ngari!" Ug ang ilang mga kaaway nagtan-aw kanila sa nagsaka sila nga sinapwang sa panganud paingon sa langit. 13Ug niadtong tungora miabut ang usa ka dakung linog, ug nagun-ob ang ikanapulong bahin sa siyudad; pito ka libo ka mga tawo ang nangamatay sa linog, ug ang nanghibilin nangalisang ug gihatagan nilag himaya ang Dios sa kalangitan.
14 Ang ikaduhang himaraut milabay na; tan-awa, ang ikatulong himaraut moabut na.

PAGPAAMBIT SA MENSAHE:

Ang maong ebanghelyo nagpasabot sa mga mensahe sa Dios diin ang iyang mga tinawag nga katawhan makasaksi sa propesiya sa Dios diin gisaysay kini diha niining maong mensahe isip mga saksi sa mga pagtulon-an ni Kristo. Wala masayri kun kanus-a kini mahitabo apan pwede nga dili lang kay duha kundili daghan kini nga maoy mga anghel nga pinadala sa Ginoo diin maoy magasaysay ug magapanagna sa umaabot, diin susama sa ilang mga nahaunang mga propeta sila pagatamayon,lutoson ug dagmalan. Kini nagpamatuod lamang sa sanglitanan nga nagaingon nga ang magasulti sa kamatuoran daghan ug kontra apan ang magasulti o magasaksi sa mga bakak daghan ug mga sumosunod.

Maihap lamang ang maga katawhan sa Dios diin sa kanunay nga nagpatalinghug sa mga pulong sa Dios diin mao kining mga tawhana ang mga tinamay ug sinalikway dinhi sa kalibutan, Apan ang mga tawo nga dili gapaminaw sa pulong sa Dios o kanunay nga nag tamay sa pulong sa Dios kay lagi ang mga namulong niini anaa man sa pinaka-ubos nga hut-ong sa katilingban. Nga sa ato pa igsoon sagul politika gihapon ang kadaghana nga nagasimba o nagaampo sa Ginoo.

Mas maayo diay mga igsoon nga atong respetuhan ang tawo nga nagadala sa pulong sa Dios kay kana nga mga pulong, dili kana iyaha. Hinunu-a, tigoma ang maayo ug isalibay ang mga dautan. Kay ang Dios nagalantaw ug nagapasidungog sa mga katawhan nga sa kanunay naga-ampo ug nangaliya kanila.

Naluoy Si Jesus Sa Mga Tawo

MATEO 9: 35 ~ 38

35 Ug ang tanang mga lungsod ug mga balangay gisuroy ni Jesus nga nagpanudlo sulod sa ilang mga sinagoga ug nagwali sa Maayong Balita mahitungod sa gingharian, ug nag-ayo sa tanang mga sakit ug kaluyahon. 36Ug sa pagkakita niya sa panon sa katawhan, naluoy siya kanila, kay sila nangalibog ug nanagsubo sama sa mga karnero nga walay magbalantay. 37Unya miingon siya sa iyang mga tinun-an, "Daghan unta ang anihon, apan diyutay ra ang mga mamumoo; 38busa pangamuyo kamo sa Ginoo sa anihon nga makapadala unta siyag mga mamumoo ngadto sa iyang anihon."

PAGPAAMBIT MENSAHE:

Ang maong ebanghelyo naghisgot sa mga pagtulun-an ni Jesus diin siya nagsangyaw ug nanambal diha sa pagbuhat ug milagro, diin daghan ang mag masakiton nga atua didto ug dili nila maapas ang mga pagtambal sa maong mga masakiton kun walay panugot sa Dios. Nagpasabot ang Ginoo diha sa iyang kabubut-on diin ang tanan nga mga masakiton pagatambalan sibo gayud sa iyang kabubut-on kay ang tanan nga naagian sa mga tawo nga mga balatian mao kini usa ka pagsuway diin adunay tukma nga kahulugan niini.

Kay ang Dios nga Amahan nagaingon tawgon ko ang akong katawhan pinaagi sa balatian aron sa ingon sa kanunay sila makaila ug makadumdum kanako. Kay ang tawo ayha pa makaila ug Dios diha sa mag pagsuway sa iyang kinabuhi, ayha ra makaila ug Dios kun nagsige na ug balik sa ospital tungod sa balatian nga nahuptan. Ug ayha ra mangadye kun nakita nga wala nay kaayuhan ang iyang sakit diin milagro na lang sa Dios ang makapabuhi niini.

Apan bulahan ka igsoon nga nakasinati sa maong mga kasakitan o pagsulay kay nagpasabot kini nga naay tuyo ang Dios kanimo diin walay laing tambal diha sa mao mong balatian gawas lamang sa mga pag-ampo, pangaliya ug paghalad. Diin diha sa hinay-hinay nga pag-ampo ang imposible mahimo na nga posible. Kay ang Dios dili gayud motalikod sa mga tawo nga sa kanunay nagpasidungog ug nagaampo kaniya .

Ang Napulog Duha Ka Apostoles

MATEO 10 : 1 ~ 4

1 Ug ang iyang napulog-duha ka mga tinun-an iyang gitawag ngadto kaniya, ug iyang gihatagan silag kagahum batok sa mga mahugawng espiritu, aron sa pagpagula niini, ug sa pag-ayo sa tanang mga sakit ug sa tanang kaluyahon. 2Ang mga ngalan sa napulog-duha ka mga apostoles mao kini: nahauna, si Simon nga ginganlan si Pedro, ug si Andres nga igsoon ni Simon; si Santiago nga anak ni Zebedeo, ug si Juan nga igsoon niya ni Santiago; 3si Felipe ug si Bartolome; si Tomas ug si Mateo nga maniningil sa buhis; si Santiago nga anak ni Alfeo, ug si Tadeo; 4si Simon nga Kananeyo, ug si Judas Iscariote, nga mao ang nagbudhi kang Jesus.

PAGPAAMBIT SA MENSAHE:

Ang maong ebanghelyo naghisgot sa mga tinawag ni Jesus niadtong unang panahun diin sila naglangkob sa dose (12) ka apostoles. Diin sila pinaagi sa panalangin ni Jesu Cristo gitagaan ug kagahum sa pag-abog sa mga dautan nga espiritu. Dili usab tiaw ang mga tahas sa maong mga apostoles diin sila nagsangyaw sa kamatuoran ug sa iglisea sa Dios hangtod sa katapusang gutlo sa ilang kinabuhi.

Diha sa ilang pagsangyaw sa upat ka suok niining kalibutan, nagbuhat silag ilhanan ug ang tanan nilang sinangyawan kun magkita-kita magkahibalo-ay nga usa ra ang ilang pagtulon-an nga gibarugan. Pinaagi sa giya sa espiritu sa Dios sila nagbuhat sa pangadyeon nga “ Apostles Creed “ o “ Mitoo Ako” diin silang tanan nga mga sinangyawan magkailhanay tungod sa maong pangadyeon.

Nagpasa-pasa na ang maong pagtulon-an hangtod niining atong panahun karon diin kadtong mga balaang syudad sa unang panahun diin maoy sentro niining pagtulon-an nga atong gibarugan hinay – hinay usab nga gidaug sa mga pagsulay diin nagkahilis ang mga sumosunod ni Jesus hangtod niining higayuna.

Apan ang mga milagro nagpadayon diin dili maihap ang mga nagpasakit ug nagtugyan sa ilang kinabuhi diha sa paglaban sa ilang pagtulon-an nga gibarugan. Bisan sa pagkahurot na ug pangamatay sa mga unang apostoles apan sa kanunay ang Dios nagahatag ug mga puli o mga sumosunod diin ang tagtungod lang ug ang Dios ang nasayod.

Daghan ang mga nahimong santos nga na konpirma diha sa Santo Papa sa Roma diin silang tanan nagpakamatay o nagpakamartir diha sa pagtulon-an nga atong gibarugan. Niining panahuna ang kristiyanismong pagtulon-an nakagamot na dinhi sa Asia diin kita nga mga Filipino may usa sa mga sentro niining nga pagtulon-an dinhing dapita sa kalibutan, diin dili na usab maihap ang mga martir o nagpakabayani diha sa pagtulon-an nga ilang gibarugan.

Usa na niini si San Lorenzo Ruiz diin diha sa iyang kalinghod pa siya nagpakamatay didtong dapita sa nasod sa Hapon diin usa siya sa mga misyonaryo didtong dapita, diin sa dihang gipapili siya sa pagsurender sa iyang pagtuo ug modangop sa pagano nga pagtulon-an, miingon siya sa pinulongan nga inengles nga “ Its better to Die in a thousand times than to denounce my faith” nga sa ato pa mas palabihon pa niya nga patyon sa makalibo nga beses kay sa isurender niya ang pagtulon-an nga iyang gibarugan. Diin usa lang si San Lorenzo diha sa mga martir nato nga kaigsoonan, diin aduna pay dagahn ng wala mailhi, ug aduna usab pipila nga hapit na usab ma konpirma ang ilang pagkasantos, sama kang Pedro Calungsod ug kang Bishop Tudtud ug uban pa.

Kinsay Angayan Kahadlokan

MATEO 10 : 26 ~ 31

26"Busa, ayaw kamo pagkahadlok kanila; kay walay tinabonan nga dili pagaukban, o tinagoan nga dili mahibaloan. 27Ang gipamulong ko kaninyo sa ngitngit, isulti ninyo kini sa hayag; ug ang inyong nadungog nga gihonghong kaninyo, imantala ninyo kini diha sa ibabaw sa mga atop. 28Ug ayaw ninyo pagkahadloki sila nga magapatay sa lawas apan dili arang makapatay sa kalag; mao hinooy kahadloki ninyo ang arang makalaglag sa kalag ug lawas didto sa infierno.


29Dili ba ang gagmayng mga langgam ginabaligya man lamang sa tagurha kabuok usa ka daku? Ngani walay bisan usa kanila nga mahulog sa yuta nga dili mahibaloan sa inyong Amahan. 30Bisan pa gani ang mga buhok sa inyong ulo naihap ang tanan. 31Busa, ayaw kamo pagkahadlok; kamo labaw pag bili kay sa daghang mga langgam.

PAGPAAMBIT SA MENSAHE:

Ang maong ebanghelyo nagpasabot sa atong mnga pagtulon-an nga gibarugan diin pinaagi sa giya sa espiritu santo kining maong mga pagtulon-an isangyaw diha sa mga inosenteng binuhat o sa mga tawo nga nagmasakiton ang mag kalag. Isulti ang maong mga milagro sa Dios pinaagi diha sa pagtulon-an sa balaang kasulatan diin nahasulat na ang tanan.

Ipadayag lang ang mga pulong sa Dios ug likayi ang panaglalis kay usa ra ang Dios apan daghan ang mga pagtulon-an nga nanggawas diin halos tanan nagpasibantog sa ilang kaluwasan ug sa pagtulon-an nga ilang gibarugan. Dawata ang mga pagtamay, paglutos ug pagbia-biay, diin ginaingon nga ang kaluwasan sa langit wala kini gipamugos sa Dios diin ang tanan nga moadto sa iyang gingharian magaagi sa kalisod ug mga paglutos.

Dili angayan nga kabalak-an ang mga materyal diha sa atong pagkinabuhi ubos sa landong sa espiritu santo, kay matod pa sa balaang kasulatan, unsa may arang sa tawo diin sa iyang paghiabot dinhi sa kalibutan wala man siya’y dala ug sa iyang pagtaliwan niining kalibutan biyaan man sad niya ang tanan. Santiago 2 : 17 nagaingon “ Insakto na ang anaa kaninyo ayaw na pagpangandoy sa dugang bahandi, Ako nga inyong Dios dili gayud mahitabo nga motalikod kaninyo.

Atong mapalandungan ang mga langgam diin nagpakabuhi nga walay gitanum ni giani, diin ang Dios maoy nanalangin kanila, ug nga nabuhi sila sa giya sa espiritu santo. Nan kitang tawo mas mahal pa kita sa mga langgam nan dili gayud kita pasagdan sa Dios, ni buhok dili matagak kun dili mag-agi sa iyang kabubut-on.

Ang Pagbalik Ni Jesus

GIPADAYAG 22: 6 ~ 17

11Ang mamumuhat ug dautan, pabuhata gihapon siyag dautan; ug ang mahugaw, papadayona gihapon siya sa pagkamahugaw; ug ang matarung, pabuhata gihapon siyag matarung; ug ang balaan, papadayona gihapon siya sa pagkabalaan." 12"Tan-awa, moabut ako sa dili madugay, nga magadala sa akong ipamalus, sa pagbayad ngadto sa matag-usa sumala sa iyang binuhatan.

13Ako mao ang Alfa ug ang Omega, ang nahauna ug ang nahaulahi, ang sinugdan ug ang katapusan." 14Bulahan sila nga managlaba sa ilang mga bisti aron makabaton sila sa katungod sa pagpahimulos sa kahoy nga naghatag sa kinabuhi, ug sa pagsulod sa siyudad agi sa mga pultahan. 15Sa gawas anaa ang mga iro, ug ang mga lumayan, ug ang mga makihilawason, ug ang mga mamumuno, ug ang mga magsisimbag mga diosdios, ug ang tanang nagahigugma ug nagabatasan sa pagpamakak

PAGPAAMBIT SA MENSAHE:

Ang maong ebanghelyo nagbutyag diha sa pagbalik sa Dios Kataposang paghukom diin kitang tanan mo-atubang kaniya nga mao ang sinugdanan u gang kataposan, diin walay moabot sa Amahan nga dili moagi kaniya ug ingon man ang magadumili sa pagdawat kaniya dili usab niya dawaton didto sa gingharian sa langit ug ingon dili kini niya ilhon didto sa atubanagan sa iyang amahan.

Alaot ang mga malapason ug kadtong mga nagpatuyang diha sa ilang kaugalingon diin sa kanunay nagalunang diha mga tawhanong mga kahilayan kay silang tanan mahi-agom sa kasuko sa Dios. Kay nianang panahuna wala nay pasaylo pa ang Dios para kanila. Ug diin niana usab nga panahuna kita pagahukman sumala sa atong binuhatan, diin walay relihiyon o pagtulon-an nga manalipod kanimo ni bisan ang imong banggiitan nga mga abogado dili makapanalipod kanimo kay kitang tanan parehas naman unya diha sa iyang atubangan.

Diin bulahan pa diay kita niining panahuna nga aduna pay higayon diha sa mga pag-ampo, paghalad ug sa mga pagrosaryo diin ang Dios nagahatag pa ug pasensya nganhi kanato. Mas maayo diay nga dili nato usikan ang maong higayon , sa kanunay ug hinay-hinay, maga-ampo kita aron mapanalanginan kita sa Dios espiritu Santo, diin ang mga imposible, diha sa kanunay nga pag-ampo, mamahimong posible.

Ang Kataposan Paghukom

6 GIPADAYAG 22: 6 ~ 7

13Ug ang dagat mitugyan sa mga patay nga diha niini, ang Kamatayon ug ang Hades mitugyan sa mga patay nga diha kanila, ug ang tanan gipanaghukman pinasikad sa ilang binuhatan. 14Unya ang Kamatayon ug ang Hades gitambog ngadto sa linaw nga kalayo. Mao kini ang ikaduhang kamatayon: ang linaw nga kalayo. 15Ug kon ang ngalan ni bisan kinsa dili makaplagan nga nahisulat diha sa basahon sa kinabuhi, siya itambog ngadto sa linaw nga kalayo.

PAGPAAMBIT SA MENSAHE:

Ang maong ebanghelyo naghisgot sa pagbalik sa Dios nga Anak diin kitang tanan pagahukman sumala sa iyang kabubut-on. Kitang tanan pagahukman sumala sa atong binuhatan diin walay relihiyon, pagtulon-an nga makaluwas kanato diin bisan ang atong inpluwensya o gahum sa pagkapolitiko dili makaluwas niini. Ang atong nga sinulat sa nakatala diha sa kibro sa kinabuhi kinsang mga kasal-anan napatik nang daan. Diin ang aton espiritu mao mismo ang nagatreport ngadto sa Dios diha mga kasal-anan nga atong nahimo.

Mao na kini ang gipamulong diha sa balaang kasulatan, nga nagaingon : 1 Corinto 1: 28, walay pulos ang mga bahandi nga tawhanon, ug ang mga kaalam nga tawhanon ug kinaadman nga mga kalibutanon kay dili kini magamit didto sa gingharian sa langit. Walay angay ipasigarbo diha sa mga mata as Dios gawas lamang sa mga milagro nga atong nasianti diha sa tagsa-tagsa nato ka kinabuhi.

Ang kataposang paghukom mao usab ang pagkawala sa atong kalibutan diin tukoron sa Dios ang ikaduhang Jerusalem didto sa iyang gingharian aron sa ingon ang iyang mga pinili nga katawhan matapok gayud diha sa iyang atubangan. Angay hinuktukan kun unsay buhaton kun ugaling sama sa kawatan mobalik ang maong Dios nan, kinahanlan nga magabantay kita sa kaugalingon ug sa atong mga paryente

Usa Ka Libo Katuig

GIPADAYAG 20: 1 ~ 7

1 Ug unya akong nakita nga gikan sa langit nanaug ang usa ka manolunda nga sa iyang kamot diha ang yawi sa bung-aw sa kahiladman nga walay kinotuban, ug ang usa ka dakung talikala. 2Ug iyang gidakop ang dragon, ang karaang sirpinti, nga mao ang Yawa ug si Satanas, ug iyang gigapos siya sulod sa usa ka libo ka tuig, 3ug iyang gitambog siya ngadto sa bung-aw, ug iyang gitabonan kini ug gitimrihan kini sa ibabaw niya, aron dili na siya makapahisalaag sa kanasuran, hangtud matapus ang usa ka libo ka tuig. Tapus niana siya kinahanglan buhian sa makadiyot.

4Unya dihay nakita ko nga mga trono, ug niini nanaglingkod ang mga gitugyanan sa pagpanghukom. Usab nakita ko ang mga kalag sa mga gipamunggotan sa ulo tungod sa ilang pagpanghimatuod mahitungod kang Jesus ug tungod sa pulong sa Dios, ug nga wala mosimba sa mapintas nga mananap o sa iyang larawan, ug wala modawat sa iyang marka diha sa ilang mga agtang o sa ilang mga kamot. Sila nangabuhi pag-usab, ug nanaghari uban kang Cristo sulod sa usa ka libo ka tuig.

5Ug bahin sa uban pa sa mga nangamatay, kini sila dili pa mabuhi pag-usab hangtud matapus una ang usa ka libo ka tuig. Kini mao ang nahaunang pagkabanhaw. 6Bulahan ug balaan ang tawo nga makaambit sa nahaunang pagkabanhaw! Sa mga tawong ingon niini ang ikaduhang kamatayon walay gahum sa pagbuot, hinonoa sila mahimong mga sacerdote sa Dios ug ni Cristo, ug uban kaniya magahari sila sa usa ka libo ka tuig. 7Ug inigkatapus na sa usa ka libo ka tuig, si Satanas pagabuhian gikan sa iyang bilanggoan,

PAGPAAMBIT SA MENSAHE:

Ang maong ebanghelyo naghisgot kini ug pagpahunong sa mga katalagman ug sa mga sala sulod sa usa ka libo ka tuig diin diha nianang adlawa daghan ang mag milagro nga madayag kay matod pa diha sa maong kasabutan mao kini ang unang pagkabanhaw sumala sa mga panan-awon ni Pablo.

Wala maditalye kun kanus-a ang maong panghitabo diin mamahimo kining pasi-una diha sa mga paghukom sa Ginoo. Sa akong pagsabot adunay siglo nga mahitabo kining maong pagkabanhaw, diin nagsumikad ang maong pinadayag ug nga kini nga maong panan-awon hapit na moabot.

Kanus-a man kita magsugod sa pag-ihap sa maong usa ka tuig diin human niana mahitabo gayud ang kataposang paghukom. Dunay paghari sa kalinaw sa dili pa moabot ang Ginoo .

Apan lagi kay kini nga mga panan-awon iya sa Dios nan siya ra usab ang mahibalo niini. Diin ang gihisgutan diha sa unang pagkabanhaw mao man kadtong una niyang mga tinawag, diin sila nabanhaw tukma gayud sa kabubut-on sa Dios.

:
Nga sa ato pa mga igsoon ang tanang butang dinhi sa yuta, sa langit ug sa ilawom sa yuta nagaagi sa iyang kabubut-on diin bulahan kun sa kanunay kita magabalaan aron dili na kita makasinati sa mga pagsulay, mas maayo diay nga magkinabuhi kita nga duol sa Dios, aron sa kanunay , sila manalangin usab kanato.