Walay Nasayod Sa Adlaw Ug Sa Takna Sa Iyang Pagbalik

• 33 Busa, pagtukaw ug pagbantay, kay wala mo masayod kanus-a ni moabot. 34 Kon ang tag-iya sa balay mobyaheg layo, inigbiya niya motudlo siyag mga tinugyanan ug mohatag og katungdanan sa matag-usa. Unya, patukawon niya ang gwardiya sa pultahan. 35 Busa, pagtukaw, kay wala mo masayod kanus-a moabot ang Ginoo sa balay – sa gabii ba o sa tungang gabii, sa pagtuktugaok ba sa manok o sa dili pa ang kaadlawon. 36 Sa ingon, dili ka makit-ang natulog kon sa hinanali moabot siya.
37 Ang akong gisulti ninyo, akong isulti sa tanan: Pagbantay mo!

PAGPAAMBIT SA MENSAHE:

Ang Maong ebanghelyo maoy pagpasabot lamang diha sa kabubut-on sa Diyos diin kini gipanag-ingnan niining maong sambingay diha sa agalon sa balay diin diha sa iyang paglakaw daghan ang iyang piyalan ug diin diha sa iyang pagbalik walay makahibalo kun kanus-a busa matod pa diha sa maong ebanghelyo magbantay gayud aron sa ingon dili makatulog sa pagbalik sa maong agalon. Mao kana ang gusto ipasabot sa Diyos diha niining mao niyang pasidaan nga ang iyang mga katawhan magbantay gayud ug magmaigmat.

Diha sa ubang sinulat. 2 Pedro 3 : 8 ~11 nagaingon ang Dios nga ang 1000 ka tuig sama lamang kini sa usa ka tuig apan ang usa ka tuig sama lamang usab kini sa 1000 ka tuig diin ang Dios nga misaad nga mobalik nan mobalik gayud siya apan daghan pa ang mga pulong nga madayag diin matod pa nga mao gayuy gusto sa Diyos nga walay malaglag diha sa iyang mga pinili nga katawhan diha unya sa iyang pagbalik diin kitang tanan magaatubang gayud sa tukmang oras ug takna diha sa iyang pagbalik.

Daan nang gipasabot diha sa balaang kasulatan nga kun giunsa ni Jesus pagbayaw ngadto sa langit diin naabli ang langit ug mitabo ang mga anghel nga nagkanta diha sa pagsaka niya sa langit nan mao usab unya kana ang mahitabo unya diha sa iyang pagbalik dinhi sa yuta diin diha unya nianang higayuna wala nay pagpasaylo pa nga mahitabo, diin ang tanan gayud magaatubang sa Diyos diha sa dakong paghukom ug sa ingon kitang tanan manubag diha sa atong mga kasal-anan.

Diin diah sa ubang sinulat nagaingon nag bisan ang anak wala mahibalo sa iyang pagbalik diin bugtonag ang Amahan lamang ang nahibalo diha sa pagbalik sa anak. 2000 na katuig ang milabay ug diin matod pa wala nay laing siglo pa nga magpakatawo ang Ginoo pagbalik, mao lamang kini nga siglo, apan daan na gipadayag diha sa ubang sinulat, Juan 14:15 nagaingon si Jesus, “Tumana ninyo ang akong mga sugo ug mangayo ako sa Amahan ug tagaan kamo niya ug kataposang manlalaban nga molaban kaninyo hangtod sa kahangturan, ang kalibutan dili makaila kaniya kay dili man siya makita ni mahikap apan makaila kamo kaniya kay makig-uban ug magpuyo man siya diha uban kaninyo.


Sa ato pa mga igsoon, Ang espiritu santo nga maoy kataposang manlalaban diin maoy gitahasan sa Diyos diha sa pagsangyaw sa ilang mga kasugo-an , mao kini ang pagtulun-an sa tinago nga kamatuoran nga mao gayuy sentro diha sa espirituhanong kaluwasan sa matag katawhan niining kalibutan.

Ang Panihapon Sa Ginoo

MARCOS 14: 22~25

22 Samtang nangaon sila mikuha si Jesus og pan, mipanalangin, mipikaspikas, mihatag ini ug miingon: “Dawata ni. Ako ning lawas.” 23 Unya, gikuha niya ang kupa. Humag pasalamat, iya ning gitunol nila ug nanginom ang tanan. 24 Unya, miingon siya: “Ako ning dugo, ang dugo sa kasabotan nga iula alang sa daghang katawhan. 25 Sa pagkatinuod, sultihan tamo, dili ko motilawg usab sa bunga sa paras hangtod nga mainom ko ang bag-ong bino sa Gingharian sa Diyos."

PAGPAAMBIT SA MENSAHE:

Ang maong ebanghelyo maoy pagpasabot diha sa kabubut-on sa Diyos diin pinaagi sa iyang bugtong anak makaangkon kitang tanan diha sa kaluwasang dayun kun atong kalawaton si Jesu Cristo diha sa atong kasingkasing ug huna-huna diin pinaagi diha niining iyang gipakita nga bulohaton diha sa kataposang panihapon diin gihimo niyang sambingay ang usa ka pan nga iyang lawas, ug iyang gipaambitan sa iyang mga apostoles ug ingon man ang maong bino, diin nagsimbolo kini sa iyang dugo.

Mao na kini mga igsoon ang santos nga mesa nga maoy iyang gipatuman diha sa katolikong pagtulon-an nga pinaagi diha sa giya sa espiritu santo sa Diyos ang santos nga mesa nagpasabot kini sa atong paghandum sa mga sakripisyo sa atong Diyos nga Jesu Cristo. Nagpasabot kini nga gipabalik-balik gayud sa Diyos diha sa matagsemana sa matag bulan ang pamaagi diha sa paghandum sa mga milagro sa atong Diyos. ug nagkahulugan kini diha sa paghugas sa atong kalag diin maoy makabinipisyo niini aron sa ingon hinlo ug andam ang atong kalag diha sa unsa may modangat sa atong kinabuhi.

Sa ato pa mga igsoon ang pagdawat sa lawas ug dugo ni Cristo diha sa santos nga misa pinaagi diha sa pagpangalawat dili kini tiaw-tiaw lamang ng seremonyas, nagpasabot kini nga andam ka nga mosunod sa mga kasugo-an sa Diyos ug nagpasabot usab kini nga hingpit ang imong pagkakristiyano. Nga gidawat ug gikalawat mo si Jesu- Cristo nga imong manluluwas ug imong Diyos.

Dako ang kahulugan diha sa pagdawat mo diha sa espirituhanong nga lawas ug dugo ni Cristo kay mao man kini ang makapalig-on sa imong kalag ug makalig-on usab sa imong espiritu. Matod pa diha sa ubang sinulat mao kini ang mga pagsimba nga gituki ug gipakita kang Juan diha sa pinadayag diin didto unya sa gingharaian sa Dios lain-laing mga pagsimba ug mag pagdayeg ang bulohaton ng iyang ipadangat sa iyang mga katawhan apan hagkap na man kining daan kay didtong dapita wala na man unya gahum ang mga dautan.

Apan dinhi sa ibabaw sa yuta ania ang gahum sa dautan diin kun ang espiritu santo anaa sa imong tuo ang dautan usab anaa sa imong wala nan kun wala kay mga pagpalig-on sa imong kalag ug espiritu nan dali ka kaayong malingla sa dautan, mao nga ang matag kristiyano ug ang matag katoliko sa kanunay magasimba gayud ug mo-ambit diha sa grasya ug himaya sa lawas ug dugo sa atong manunubos.

Ang Sambingay Mahitungod Sa Kumbira Sa Kasal

MATEO 22: 1~14

22 • 1 Si Jesus mipadayon pagsultig mga sambingay. 2 “May hari nga nagsaulog sa kasal sa iyang anak nga lalaki. 3 Nagpadala siyag mga sulugoon aron pagtawag sa mga dinapit. Apan mibalibad sila. Dili makatambong. 4 Nagpadala siyag laing mga sulugoon aron pagpahibalo: ‘Andam na ang kombira, giihaw na ang pinatam-bok nga mga baka ug ang uban pang hayop. Karon andam na ang tanan. Dali mo sa bangketi sa kasal.’ 5 Apan wala sila magtagad ug nanglakaw, ang uban sa uma; ang uban sa trabaho. 6 Samtang gidakop sa uban ang mga sulugoon sa hari, gipakaulawan ug gipatay.

7 Nasuko ang hari. Iyang gipaadto ang mga sundalo aron paglaglag sa mamumuno ug pagsunog sa ilang syudad. 8 Unya, giingnan niya ang mga sulugoon: “Ang hikay sa kasal andam na. Apan dili takos ang dinapit. 9 Lakaw sa kasuokan sa kadalanan ug dapita sa kombira ang tanan nga inyong makita.”

10 Ang mga sulugoon nangadto dayon sa kadalanan ug gidala ang tanang nakita, ang maayo ug daotan. Ug ang balay napuno sa mga dinapit. 11 Ang hari miduol aron pagtan-aw sa nanambong sa kan-anan, apan nakakita siyag tawo nga walay sinina sa kasal. 12 Busa, iya ning giingnan: “Higala, giunsa mog sulod nga wala ka may sapot sa kasal?” Apan ang tawo nagpakahilom. 13 Busa, misugo ang hari sa iyang ginsakpan: “Gaposa ang kamot ug tiil ug ilabay siya sa ka-ngitngit diin dunay bakho ug kagot sa ngipon.’ • 14 Hibaloi nga daghan ang gitawag, apan dyotay ra ang napili.”

PAGPAAMBIT SA MENSAHE:

Ang maong ebanghelyo nagpasabot kini diha sa pagtawag sa Dios sa iyang mga katawhan diin kadtong mga pinasidunggan ug adunay mga kaalam wala magpatalinghug sa pagtawag kanila, kay mas importantae man sa tawo ang iyang bahandi nga iya niining kalibutan kay mao man kini makapahimo niyang tinahod ug inila dinhi sa ibabaw sa yuta. Apan matod pa wala ipamugos sa Diyos ang iyang gingharian didto sa langit diin kinsa kadtong wala magpatalinghug sa maong pagtawag sa Diyos adunay kagawasan kay mao man kana ang sumbanan isip tawo nining kalibutan ang tawo man gayud ang adunay kagahum sa pagmando sa iyang kaugalingon samtang nagkinabuhi pa.

Apan diha sa ubang sinulat. 1 Corinto : 1:28~30 nagaingon maoy gipili sa Diyos ang mga tinamay ug mga sinalikway, ug ilabina niadtong mga katawhan nga gituohan sa uban nga walay pulos niining kalibutana nga maoy mosangyaw sa iyang pulong, kay aron iyang ipakita sa tanan nga ang mga tawhaanon nga kaalam ug tawhanon nga kinaadman walay gamit didto sa iyang gingharian busa dili kini angay ipasigarbo.

Diha niining maong ebanghelyo gipakita sa Diyos nga kadto lamang andam mosunod sa iyang kasugo-an ang adunay lugar didto sa iyang ginghari-an sa langit, kay matod pa dili ang tanan nga mga katawhan dinhi sa kalibutan, tinawag ug pinili sa Diyos nga sa ato pa kadtong wala tawga ug pili-a nan dinhi lang sila sa kalibutan, apan kadtong gitawag ug gipili sa Diyoa nan pagapili-an pa usab sila. Nagapasabot lamang mga igsoon nga dili sayon ang pagsulod sa gingharian sa langit, diin diha sa pagpakabuhi sa ato niining kalibutana, pinili ka man tuod sa Diyos apan aduna kay kagawasan sa imong pagabuhaton diin kun magkulang ka sa imong pagpangalagad nan tulobagon mo kana inig-abot sa tukmang higayon.

Daghan man ang dili molingi diha sa mga templo ug mga sinagoga kay lagi kun haduol ka sa Diyos nan haduol ka man sa mga paglutos, apan ang Diyos Amahan miingon, kun nalatid na daan ang mga paglutos ug pagsulay sa imong kinabuhi nan molikay ka man sa Diyos makaambit ka gihapon niini, diin bulahan kun imo kining mahalad ug ma-ampo sa kanunay kay hagkap man ang tanan, kay matod pa sa pulong sa balaang espiritu, sa Ginoong Jesus Cristo, tukhi ang mga pagsulay sa mga pag-ampo kay ania ako manalipod kaninyo.

Ang balaang kasulatan nagaingon kun gusto nimong daygon ug himaya-on didto sa iyang gingharian sa langit nan puy-i ang kinabuhi nga puno sa mga paglutos ug mga pag-antos dinhi sa yuta, pas-ana ang imong krus ug sunod sa mga pagtulon-an nga gisangyaw ni Kristo, kay bulahan ka nga naka-ambit diha sa mga kasakitan ni Cristo didto sa paglansang niya sa krus sa kalbaryo kay makaambit ka usab diha sa iyang himaya sa pagkabanhaw didto sa langit.

Gitagna Ni Jesus Ang Ilang Silot

MATEO 23: 29 ~ 36

• 29 Pagkaalaot ninyo, mga magtutudlo sa Balaod ug mga Pariseo, tigpakaaron-ingnon! Nagpatukod mog mga lubnganan alang sa mga propeta ug gidayandayanan ninyo ang mga bantayog sa mga balaan. 30 Nag-ingon mo: kon nagpuyo pa mi sa panahon sa atong katigulangan, dili unta mi mouyon nga ang mga propeta patyon. 31 Apan gisugid ninyo nga mga kaliwat mo sa nagpatay sa mga propeta. 32 Taposa karon ang nasugdan sa inyong katigulangan!

33 Mga bitin, kaliwat sa mga bitin! Unsaon ninyo paglikay sa silot sa impyerno? 34 Gikan karon, padad-an tamog mga propeta, mga maalamon, ug mga magtutudlo. Apan inyo silang punggotan sa ulo ug ilansang. Latoson ang uban sa mga sinagoga o hinginlan sa usa ka dakbayan ngadto sa lain.

35 Tungod ini, kamoy manubag sa giulang dugo sa way sala sa kalibotan. Gikan sa dugo ni Abel, ang tarong, ngadto sa dugo ni Zacarias, anak ni Barequias, nga inyong gipatay sa halaran sa Templo. 36 Sa pagkatinuod sultihan tamo: Ang kaliwatan karon magbayad ining tanan.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang sala dinhi as ibabaw sa kalibutan adunay kabayaran, kundili man dinhi sa ibabaw sa yuta apan didto sa gingharian sa amahang Diyos aduna gayuy paninglan ka sa tanan. Daan na nga gipasabot sa Amahan nga dili gayud magakauyon ang tawhanon nga kaalaam ug ang spirituhanon nga kaaalam. Matuod man nga ang tanan nga ania niining kalibutan maingon man didto sa langit iya sa Diyos apan maoy tuyo gayud sa Diyos nga iyang mapili ug maayag ang tanan nga iyang pinili.

Apan ang pabugbugtaw diha sa kaalam nga espirituhanon ug kaalam nga langitnon wala ihatag sa Diyos diha sa mga maalam ug mga makinaadmanon niining kalibutana, kay unsaon man kuno pagpakita sa milagro sa Diyos. 1 Corinto 1 : 28 ~ 30 naga-ingon gipili sa Diyos ang mga tinamay ug mga sinalikway, ug kadtong mga katawhan nga giisip sa uban nga walay pulos niining kalibutana, diin maoy gitagaan ug kaalam nga langitnon, maoy gihatagan niya sa iyang pulong aron iyang mapakita sa tibook kalibutan nga didto sa iyang gingharian walay gamit ang ilang tawhanon nga kinaadman busa dili kini angay ipasigarbo.

Gipasabot sa Diyos nga bisan pa diha sa uban niyang mga tinawag niadtong unang panahun, diin pulos mga mapaubsanon nga tawo ni walay materyal nga bahandi apan hupong sa kaalam nga langitnon. Iyang gipakita nga ang importante sa tawo dili ang bahandi nga iya niining kalibutan kundili ang bahandi nga iya sa langit diin mao kini ang bahandi nga dili Makita ug mahikap ug maoy bahandi nga molungtad hangtod sa kahangturan.

Apan ang tawo sa iyang pagpakabuhi niining kalibutana anaa gayud ang pagduha-duha, anaa gayud ang pagpasulabi , ug anaa ang paglingi sa kaibutan kay gipasabut ng daan sa balaang bata Sr. Santo Niño nga kitang tawo makasala gayud sa pulong sa huna-huna ug sa buhat, nan diha niining maong ebanghelyo gipasabot lamang sa Amahan nga kitang tanan sukad pa sa sinugdanan sa kalibutan sa kanunay gibantayan sa sa amahan sa diha sa atong pagpakabuhi diin kun anaa ang pagpasulabi nan anaa gayuy tugbang nga sala diin ang balaang kasulatan nagaingon ang silot sa sala kamatayon.

Ang Pangutana Mahitungod Sa Mesiyas

MATEO 22: 41~ 46

41 Dihang nagkatigom na ang mga Pariseo, 42 si Jesus nangutana nila: “Unsay inyong hunahuna bahin ni Cristo? Kinsa siyang anak?” Mitubag sila: “Ni David.” 43 Unya, nangutana si Jesus: “Nganong si David, linamdagan sa Diyos, nagtawag man ni Cristo og Ginoo? Kay nag-ingon siya sa usa ka salmo: 44 Ang Diyos nag-ingon sa akong Ginoo: Lingkod sa akong tuo hangtod nga ibutang ko ang imong kaaway ubos sa imong tiil. 45 Kon si David nagtawag niyag Ginoo, unsaon man niya pagka-anak ni David?” 46 Walay usa nga mitubag, bisag usa na lang ka pulong. Sukad adtong adla-wa wala nay nakaako sa pagpangutana niya

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos, diin daan na nga gipanagna diha sa mga unang propeta nga taliabot ang mesiyas nga maoy mamahimong hari sa mga hari, ug diha niining maong ebanghelyo gipasabot sa usa ka sambingay nga unsaon man kuno ni Jesus pagkaanak ni David nga gitawag man siya ni David ug Ginoo.

Diha sa ubang sinulat nagapadayag nga si Jesu Cristo kaliwat diha sa han-ay ni Abraham ngadto kang Moises ug paingon kang David, kining mga tawhana mga yano nga tawo apan gihimo sa Diyos nga balaan tungod sa talagsaon nilang pagtuo ngadto sa Diyos nga dili makita ug mahikap.

Si Jesu Cristo gipakatawo sa Diyos diha sa sabakan ni Birhen Maria pinaagi sa lalang sa espiritu Santo nga mikunsad ngadto sa iyang tago-angkan. Sa ato pa si Jesu Cristo usa ka matuod nga Diyos ug matuod usab nga tawo, diha sa ubang sinulat nagaingon usab nga siya ang propeta sa tanang mga propeta diin ang pulong sa Amahan Diyos maoy mogula diha sa iyang baba. Ug diha usab sa ubang sinulat nagaingon nga ang Diyos nga amahan ug ang Diyos nga anak usa ra. Diin usa kini ka talagsaon nga gahom nga diin ang Diyos lamang maoy nahibalo niini.

Nan diha sa ebanghelyo nagaingon nga unsaon man pagkaamahan ni David nga gitawag man niya si Jesus ug Ginoo, nagpasabot lamang kini sa kamatuoran diha sa nahasulat sa ubang mga tinagong pulong sa Diyos , diha sa Colosas 2: 15 nagaingon nga si Jesu Cristo ang buhing larawan sa dili makita nga Diyos. Panganay siya sa tanang mga binuhat. Ang pagkaamahan ni David ngadto kang Jesus maoy hubad lamang isip si David maoy unang nahiabot dinhi sa kalibutan, kay sa pagpakatawo ni Jesus apan ang pagka Diyos ni Jesus maoy gahum nga langitnon nga gihatag kaniya sa Amahan ug dili kini masabtan sa mga tawo nga wala kanila ang giya sa spiritu santo sa Diyos.

Puno sa tanghaga ug pasumbingay ang mga pagpakabuhi sa atong Ginoong Diyos nga si Jesus sa iyang pagpakabuhi isip tawo, kini kun atong pamalandungan ang iyang mga kahimu-an diha sa iyang mga milagro ug pagpasabot sa mga pagtulun-an sa iglisea sa kamatuoran. Bisan diha sa iyang kamatayon sa krus nagdala kini ug dako kaayong pangutana ug mga pagbiay-biay niadtong mga Judio ug kadtong mga wala motuo kaniya, ilabina niadtong wala makaila sa matuod nga Diyos, kadtong nagsimba sa mga bato ug mga hayop sa laktod kadtong mga tawo nga ang ilang pagtuo mao na kini ang kinabuhi nga ilang pagapuy-an ug human niini wala nay kinabuhi nga imo pang pagaadtu-an. Nagpasabot lamang mga igsoon nga kadto lamang usab ang mga katawahn nga gipili sa Diyos ang makaila kaniya ug kamatuoran lamang diha sa ubang pulong nga nag kanayon, moabot ang Diyos diha sa atong kainabuhi sa paagi nga dili nato damhon apan kadtong mag tinawag ug pinili nga katawhan sa Diyos aduna nay gi-andami ang Diyos para kanila.

Ang Dakong Sugo

MATEO 22: 34~40

34 Nakita sa mga Pariseo giunsa ni Jesus pagpahilom ang mga Sadduceo. Busa, nagkauyon sila sa pagtigom libot niya. 35 Ang usa nila nga magtutudlo sa Balaod misulay pagbitik niya ining pangutanaha: 36 “Magtutudlo, unsay labing bililhon nga sugo sa Balaod?”

37 Mitubag si Jesus: “Higugmaa ang Ginoo nga imong Diyos sa tibuok kasingkasing, sa tibuok kalag, ug sa tibuok salabotan. 38 Kini ang una ug ang labing importanti nga sugo. 39 Apan may lain nga sama ini: Higug-maa ang isigkatawo sama sa kaugalingon. 40 Ang tibuok Balaod ug mga Propeta nagsukad ining duha ka sugo.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on ug katuyu-an sa Dios diin nagpaila lamang nga mahinungdanon ug pinalangga gayud sa Diyos ang tawo nga nga maoy iyang giisip nga pinakaamaalam nga binuhat nga iyang gimugna dinhi sa ibabaw sa kalibutan. Ginaingon diha sa ubang sinulat nga wala na unta kinahanglana ang ikaduhang kasulatan, kun wala pa untay mga kasaypanan, diha sa unang kasulatan.

Mao kini ang usa sa mga hinungdan nganong gipakanaog sa Diyos ang iyang bugtong anak aron dili lang sa pagluwas kanatong tanan diha sa mga kasal-anan kundili ipasabot usab ang dakong sugo. Sa panahun ni Moises iyang gisangyaw ang napulo ka sugo sa Amahang Diyos diin gihatag kaniya didto sa bukid sa Sinai pinaagi diha sa tinabliya nga bato. Apan matod pa diha niining maong ebanghelyo miingon si Jesus nga ang napulo ka sugo mahimo lamang kining duha, Una mao ang paghigugma sa Diyos sa tibook nimong kasingkasing ug sa tibook mong kalag, ikaduha mao ang paghigugma sa imong isigkatawo sama sa paghigugma sa imong kaugalingon, diha nianang mga sugo-a nagalihok ang napulo ka sugo sa Diyos ug diha nianang mga sugo-a mamahimong haduol ka sa Diyos.

Apan kun atong tuki-on pag-ayo ang duha ka sugo naglangkob lamang kini sa usa ka pulong ang pulong nga gugma. Sa ato pa ang Dios puno sa gugma, mao kana ang gusto niya ipasabot sa iyang mga katawhan diin pinagi sa iyang bugtong anak itudlo niini ang paghigugma ngadto sa iyang mga katawhan kun unsaon ang paghigugma sa iyang isigkaingon o isigkatawo.

Gipakita sa Diyos diha sa pagpakatawo sa iyang anak wala kini magdala ug bahandi nga iya niining kalibutan, wala kini magdala ug mga sundalo ni mga manlalaban, ug wala kini magpasugat sa tibook katawahan isip pasidunggan nga siya anak sa Diyos nga sa ato pa wala siya magpagarbo sa iyang kaugalingon. Nagpuyo ug naagtubo diha sa mga kabos diin anaa ang mga kalisod diha sa mga paglutos ug mga pagtamay diha sa iyang pagpakatawo ug bisan diha sa iyang paghimugso didto siya magpakatawo sa pasungan sa baka, usa ka pagtulon-an nga bugtong ang Diyos lamang usab ang nahibalo.

Nagpasabot lamang kana mga igsoon nga ang gugma nga gustong itisok nii Jesu- Cristo walay presyo , ug walay kauban nga bahandi kundili usa ka tinuoray nga gugma diin ang makadawat ug ang makasabot kadto lamang usab ang mga pinili ug tinawag niya nga katawhan. Ang pagpakamatay sa krus para sa imong mga mahal sa kinabuhi tingali masabtan nato kini apan ang pagpakamatay diha sa krus aron maluwas dili lamang kadtong mitoo kaniya kundili hasta usab kadtong wala mitoo ug nagalutos kaniya, dili kini nato masabtan ug sa laktod usa kini ka bulohaton nga Diyosnon.

Usa ka pagtulon-an nga angay sa pagpamalandong diin wala diay kinahangalana ang mga tawhanon nga kina-adman ug kaalam aron makita ug matultulan nato ang gingharian sa Diyos ang imporatnate lamang makamao ka sa iyang duha ka sugo ug ang importante nga nahigugma ka sa Diyos labaw sa tanaan. Apan kun moingon ka nga nahigugma ka sa Diyos apan nagdumot ka sa imong igsoon ug sa imong mga silingan nan ang Diyos miingon nga bakakon ka kay giunsa nimo paghigugma ang Diyos nga wala nimo makita ni mahikap apan nagdumot ka diha sa imong isigkatawo nga sa kanunay ug sa matag adlaw imong hikit-an….Wala ka mahigugma sa Dios kundili ang imong garbo lamng maoy imong ipatigbabaw, kay matod pa kun nagsunod ka ni Cristo apan nagdumot ug nanghimara-ot ka sa imong isigkatawo nan wala ka magpuyo sa kahayag anaa ka pa sa kangitngit.

Ang Asin Nga Walay Kapuslanan

LUCAS 14: 34~35

34 Maayo tinuod ang asin, apan kon mawad-an ni sa lami, unsaon man pagpaparat ini? 35 Dili na ni magpulos sa yuta o sa abuno. Busa, ilabay na lang sa gawas. Ang may dunggan, pamati.

PAGPAAMBIT SA MENSAHE:

Ang maong ebanghelyo maoy pagpasabot lamang dinhi niining pagkinabuhi sa tawo niining kalibutan diin ginaingon diha sa ubang pulong sa Diyos nga tulo ka klase sa kinabuhi ang iyang gihatag sa matag katawhan dinhi sa kalibutan, Kini mao ang atong tawhanon nga pagkinabuhi, ang atong espiritu ug ang atong kalag.

Ang atong espiritu adunay dakong tahas diha sa atong pagkinabuhi tungod kay diha sa atong pagkatulog o pagpahulay sa atong tawahanong lawas mogawas ang atong espiritu ug mobalik ngadto sa atubangan sa Diyos diin maoy mosugilon ug masumbong diha sa mga binuhatan sa atong lawas diin ang tanan nimong mga sikreto ug mga kasal-anan isugilon sa imong espiritu ngadto sa Diyos. Diin diha unya sa pagbalik sa imong espiritu ngadto sa tawhanon nimong lawas bulahan kun dili kini mababagan sa dautan kay mobalik ka man usab sa paghigmata sa nga imong tawhanong lawas, apan kun mababagan kini nan didto ka na momata sa laing kalibutan.

Mao kini usa ka hinungdan nag kianahanglan ang tawo maga-ampo diha sa dili pa siya matulog o diha sa kahaponon, aron adunay makatabang sa imong espiritu nga walay mobabag diha sa iyang pagbalik sa imong lawas. Kini nga pagtulon-an sa tinago nga kamatuoran nagaaghat gayud sa iyang mga katawhan ug mga sumosunod sa pagsantos nga rosaryo sa buntag ug sa gabii aron hingpit nga aduna kay panalipod diha sa imong lawas ug kalag ug mao usab kini ang kalan-on sa atong kalag.


Nan kun atua na kita sa laing kalibutan nagpasabot kana nga kalag na kita apan ipadala sa Diyos ang atong panumduman ngadto sa atong kalag diin makadumdum kita diha sa atong mga binuhatan sa buhi pa ug mahimumduman pa nato ang mga pag-ampo nga atong nakat-onan, diin mao kini ang atong bugtong taming ug balon diha sa pagpa-abot sa ikaduhang pagbalik sa Diyos aron kita pagahukman ug kita pagasul-oban diha sa langitnon ug espirituhanon nga lawas,

Apan matod pa dugay mahiabot ug dugay madungog sa Diyos ang pag-ampo sa mga kalag kay kulang na ang ilang kinabuhi, wala na kanila ang ilang espiritu ug wala na ang ilang tawhanon nga lawas mao nga kitang mga buhi ang gilaoman diha sa mga pag-ampo sa mga kalag ug kitang mga buhi maoy asin nga makadugang diha sa ilang paglaom ngadto sa kinabuhin dayun.

Nan mga igsoon bulahan kun diin ang tawo kumpleto pa diha sa atong pagkinabuhi dinhi sa walog sa mga buhi, kay kita maoy asin ngadto sa atong mga mahal sa kinabuhi ug kita maoy asin usab isip magsasangyaw niining tinago nga kamatuoran ngadto sa atong pamilya, ug ngadto sa atong mga igsoon, diin pinaagi diha sa atong pagtuman ug pagsunod sa kabubut-on sa Diyos nan bulahan kay dili lang ang atong kalag, ang maluwas kundili hasta usab ang kalag sa atong mga mahal sa kinabuhi. Ang Diyos miingon “Usa lang diha sa matag pamilya ang naga-ampo diri kanako nan bulahan kay luwason ko ang tibook pamilya.

Sa ato pa mga igsoon, angay diay natong gamiton ug pahimuslan ang atong tawhanong pagkinabuhi dinhi sa kalibutan, matod pa diha sa ebanghelyo kun ang asin kawad-an na sa kaparat nan wala nay pulos, ingon sab niiana ang tawo diin ania pa kanato ang tanan nga kaparat diha sa pagkinabuhi nga tawhanon nan atong panlimbasugan ang pagtuman sa kabubut-on sa Diyos pinaagi diha sa pagsul-ob sa hiyas ug kinaiya nga espirituhanon diin sa kanunay mainamapoon, mangindawaton sa mga paglutos.

Sa higayon unya nga atua na kita sa laing kalibutan nan hingpit ka nang magpuyo nga espirituhanon diin wala na ang imong pag-administer diha sa imong kinabuhi nan sama ka unya niining maong ebanghelyo nga asin nga walay parat tungod kay nagpasagad ka man unya sa dihang nagkinabuhi ka dinhi sa ibabaw sa kalibutan.

Apan usa ka pagtulun-an ang gibilin sa usa sa atong bangiitang lider , Si anhing Senador Benigno “Ninoy” Aquino Jr, diin miingon siya diha sa pinulongan nga inengles, “ Its better to Die in a Meaningful Death than to Live in a Meaningless Life, nga kun atong hubaron diha sa atong pinulongan sa espirituhanon nga pagkahubad, nagaingon kini: “Maayo pang mamatay nga mahimong pagtulun-an ang imong kamatayon kay sa magpakabuhi nga sama sa kahoy sa prutas nga gatubo apan walay bunga”. Matod pa usab sa pulong diha sa balaang bata Señor Santo Niño nga nagkanayon: “ Unsa may buhaton sa Usa ka kahoy nga gatubo apan dili gapamunga ?”.

Ang Katungdanan Sa Usa Ka Sulogoon

LUCAS 17:7~10

Kinsa ninyo ang mosulti sa inyong sulugoon nga nagdaro o nag-atiman sa mga karnero... inigbalik ini gikan sa uma. ‘Dali ug salo nako sa kan-anan? 8 Dili, moingon ka: ‘Andama ang akong pagkaon; pag-ilis ug silbihi ko samtang nagkaon ug nag-inom? Unya na kaon ug inom inigkahuman nako. 9 Pasalamatan ba nimo kining sulugoona nga mibuhat sa imong gisugo? 10 Kini sab ang inyong buhaton. Kon makatuman na mo sa gisugo ninyo, sulti: ‘Mga yano ming sulugoon; gituman lang namo ang angayng buhaton.”

PAGPAAMBIT SA MENSAHE:

Ang maong ebanghelyo naghisgot diha sa pagpangalagad, diin diha sa tawhanong pagpangalagad, dili ka kinahanglan nga tagaan ug pasalamat ni atimanon pag-ayo kay isip usa ka alagad isip usa ka sulogoon mao kana ang imong katungdanan. Apan ang pagpangalagad ngadto sa Diyos adunay kaparehas diha sa pagpangalagad nga tawhanon, kay giisip man kini nga maoy imong bulohaton, sa ato pa wala na kinahanglana nga bayaran ka niini.

Matod pa diha sa ubang sinulat, kun mangayo kita ug bayad diha sa atong pagpangalagad sa Diyos nan, wala ka nay katungod sa pagpangayo ug bayad didto sa iyang gingharian sa langit, diin mas bulahan nga diha sa atong pagbuhat isip sulogoon sa Diyos dili na kinahanglanon nga atong ipahibalo sa tanang katawhan dinhi sa ibabaw sa kalibutan, pakasama nga ang imong wala nga kamot wala mahibalo diha sa gibuhat sa imong tuo nga kamot, ug sa ingon ikaw lamang ug ang Diyos maoy nahibalo sa tanan, ug sa ingon usab ang Diyos maoy magahatag kanimo ug grasya ug panalangin.

Sa ato pa ang pagkinabuhi nga sulogoon sa Diyos dinhi niining kalibutan maoy pagpakabuhi nga langyaw niining kalibutana, apan ha-om didto sa gingharia-an sa Diyos, mao kini ang pagpakabuhi nga magalikay diha sa mga tawhanon nga kailibgon ug mga pagpasulabi dinhi sa kalibutan. Apan dili ang tanan sulogoon sa Diyos, sama nga dili ang tanan tinawag ug pinili sa Diyos, sa ato pa kadtong wala niya tawga ug pili-a nan alang lang sila dinhi sa kalibutan.

Apan daghan usab ang sulogoon sa Diyos sama nga daghan ang pagtulon-n dinhi sa kalibutan diin silang tanan nagpasibantog usab nga sulogoon sa Diyos diin nagpasibantog diha sa kaluwasang dayun sa kadaghan nga mga pagtulon-an diin pinakaulahi nga ihap anaa na kita sa hapit 40,000 ka pagtulon-an sa tibuok kalibutan, diin nagasangpit ug nagaalagad sa matuod nga Diyos. Nagpamatuod lamang diha sa ubang pulong sa Diyos nga nagaingon, lahi-lahi ang pagtawag ko kaninyo apan dili ang tanan nga nagasangpit kanako “Diyos ko, Diyos ko”, makasulod sa gingharian sa langit kundili kadto lamang nagatuman sa akong kabubut-on”, diin gipadayag diha sa buhing pulong sa Diyos Amahan nga matag pagtulon-an aduna usab siyay pinili ug sa ato pa dili lamang kay kini nga pagtulon-an nga aduna siyay mga pinili.

Apan mipadayag usab ang pulong sa Diyos nga nagaingon nga mailhan ninyo ang akong pagtulon-an kay ang nagasunod niini, makaambit gayud sa mga paglutos, mao usab kini ang giingon diha sa balaang kasulatan nga nagaingon kun gidawat mo si Cristo nga imong manluluwas ug nagasunod ka sa iyang mga kasugo-an ug kabubut-on nan makambit ka gayud sa mga paglutos. Sa ato pa mga igsoon kun sulogoon ka sa Diyos nan anaa gayud pag-ambit sa mga kasakitan ug mga paglutos.

:

Gipamatuod kini diha sa ubang pulong sa balaang kasulatan nagaingon, Kun gusto nimo nga daygon ug himaya-on didto sa gingharian sa langit nan puy-i ang kinabuhi nga puno sa mga paglutos ug mga kasakitan dinhi sa ibabaw sa yuta, pas-ana ang imong krus ug sunod sa pagtulon-an nga gisangyaw ni Kristo kay bulahan ka nga nakaambit ka diha sa mga kasakitan ni Kristo didto sa krus kay makaambit ka usab diha sa himaya sa iyang pagkabanhaw didto sa iyang gingharian sa langit.

Ang Sambingay Mahitungod Sa Pariseo Ug Sa Kubador Sa Buhis

LUCAS 18: 9~14

• 9 Misulti sab si Jesus ining sambingaya mahitungod sa pipila ka tawo nga nagtoo nga tarong sila busa, nagyubit sa uban: 10 “May duha ka tawong misaka sa Templo aron pag-ampo: Pariseo ang usa ug Publikano ang lain. 11 Nagtindog ug nag-inusarang nag-ampo ang Pariseo. Miingon siya: ‘O Diyos, salamat nga wala ko mapareho sa ubang tawo mga kawatan, tikasan, nanapaw o sama anang kobrador sa buhis. 12 Nagpuasa kog makaduha sa usa ka semana og naghatag sa ika-10 nga bahin sa akong kabtangan.’

13 Diha sa likod ang kobrador sa buhis nga wala gani mohangad sa langit. Mipukpok siya sa dughan ug miingon: ‘O Diyos, maluoy ka, kay makasasala ko.’ 14 Ingnon tamo nga ang kobrador sa buhis miuli nga puno sa grasya sa Diyos, apan dili ang Pariseo. Kay ipaubos ang tanang magpahitaas ug ibayaw ang magpaubos.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diin diha sa uban nga sinulat sa balaang kasulatan nagaingon, Kung kinsa kadtong mapahtias-on dinhi sa yuta, nan ipa-ubos niya didto sa iyang gingharian apan kinsa kadto mapaubsanon dinhi sa yuta iyang ibayaw didto sa iyang gingharian.

Dinha niining maong ebanghelyo nagapasabot lamang nga walay lugar kadtong mga hambugero ug mapahitas-on didto sa gingharian sa langit, diin gipanag-ingnan ang usa ka pariseo nga nagpasigarbo sa iyang mga binuhatan diha sa atubangan sa Diyos diin sama naman hinuon nga ang Diyos na ang may utang kaniya nga angay siyang bayaran, apan ang maong kubrador sa buhis naga-ampo nga mapaubsanon, diin miangkon sa sala diha atubangan sa altar nan mas nakadawat ug grasya nga langitnon ang maong kubrador kay niadtong maong pariseo.

Kay matod pa diha sa ubang sinulat nga kun mangayo ka sa Diyos ug bayad sa imong mga buhat nga langitnon dinhi sa yuta nan wala ka nay katungod nga mangayo ug bayad didto sa iyang gingharian sa langit. Ang ubang sinulat nagaingon, nga mas bulahan kun kita nagabuhat sa mga bulohaton nga Diyosnon diin sama unya nga ang imong wala nga kamot wala mahibalo sa gibuhat sa imong tuo nga kamot.

Sa ato pa ang mga bulohaton nga Diyosnon dili kinahanglan nga imong ibandera ug imong ipasundayag diin ikaw lamang ug ang Diyos maoy nasayod diha sa imong binuhatan, ug sa ingon gantihan ka sa imong Amahan sa langit apan kun imong ipahibalo sa tanan suok sa katilingban nan sa pagbuhat mo sa ingon nakadawat ka na ug bayad niini.

Mas maayo nga diha sa mga pag-ampo isip usa sa mga bulohaton o tulomanon nga Diyosnon manira kita sa atong kuwarto, ipiko nato ang atong mga tuhod ug idupa ug ibayaw ang atong mga kamot, ug atong pangayoon diha sa atubangan sa Diyos ang kapasaylo-an sa atong mga kasal-anan ug pangayo-a ug hilaki ang kalooy sa Diyos.

Ang Sambingay Mahitungod Sa Biyuda Ug Maghuhukom

LUCAS: 18: 1~8

18 • 1 Pinaagig sambingay gisultihan sila ni Jesus nga kinahanglang mag-ampo kanunay ug dili kawad-ag kadasig. 2 Matud pa niya: “May huwes sa usa ka syudad nga walay kahadlok sa Diyos, ug wala magtagad sa katawhan. 3 Ug may byuda nga naghangyo niya: ‘Hatagi kog hustisya batok sa akong kaaway.’ 4 Dihay panahon nga wala siya motugot, apan sa kataposan nahunahunaan niya: ‘Tinuod nga wala koy kahadlok sa Diyos ni pagtagad sa tawo, 5 apan hatagan ko gihapon og hustisya kining byudaha, kay gisamok ko niyag maayo sa pagpunayg balik. Tingalig mabuang ko tungod niya.”

6 Ug si Jesus mipadayon sa pag-ingon: “Pamatia ang gisulti sa dili makataronganong howes. 7 Dili ba, ang Diyos naghatag man sa hustisya sa nagsangpit niya adlaw ug gabii bisag magdugay siyag tubag nila? 8 Ingnon tamo, dihadiha hatagan silag hustisya. Apan sa pag-abot sa Anak sa Tawo, makakita kaha siyag pagtoo dinhi sa yuta?”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Dios diin diha niining maong ebanghelyo naga-ingon nga ang maong maghuhukom misugot sa hangyo sa maong biyuda tungod sa kahadlok nga madaut na hinon ang iyang pinsada kun sigihan siya ug duol sa among binuhat diin kini magpatabang sa iyang problema, diin ang ma-ong biyuda nangayo ug pabor nga mapanalipdan ang iyang katungod sa maong Huwes.

Diin diha sa kataposang bahin sa ebanghelyo nagaingon nga inigbalik sa Diyos kitang tanan makaambit gayud sa makiangayon nga paghukom apan ang pangutanan nga aduna pa ba kahay motuo sa Diyos sa higayon sa iyang paghibalik. Ginaingon diha sa ubang sinulat nga ang paghukom iya lamang sa Diyos, ug walay binuhat niining kalibutan nga iyang gitugotan sa paghukom sa iyang isigkatawo.

Apan ang Diyos mipatalinghog o mirespeto sa balaod niining kalibutan nga sa ato pa kining mga paghukom o mga maghuhukom sama sa gihisgutan niining ebanghelyo , iya lamang sa balaod sa tawo ug wala maga-agi sa panalangin sa Diyos apan matod pa iyang kabubut-on nga adunay mga paghukom nga kalibutanon kay usa kini sa pag-ayag sa iyang mga katawhan ug usa usab kini ka paagi sa pagsukod sa iyang mga pinili nga katawhan, ug ang labing ulahi mao nga gituyo kini sa Diyos isip usa ka paagi sa pagsilhig sa kalibutan.

Ang pamalaod sa tawo sukad pa niadtong panahun ni Kristo o niadto pang panahun ni Moises adunay kalambigitan ang balaod sa Diyos tungod kay halos tanan nga balaod ilabina niadtog panahun sa mga pariseo ug sa panggobyerno sa mga Judio, kinutlo kini gikan sa mga balaod nga gisangyaw ni Moises, apan lagi ang tawo adunay kagawasan diha sa pagbugtaw sa kaugalingon nga kaalam uban usab sa gahum nga iya sa panggobyerno ug sa gahum sa sa ilang pagtulun-an nan nahimo nga kumplikado ang balaod nga tawhanon

Diin matod pa sa kanunay mabintaha-an gayud kadtung walay mga tawhanon nga kaalam ug kadtong mga kabos, kay wala man silay salapi nga sarang ikasuhol niadtong mangabugar diha sa pagpanalipod kanila, apan matod pa lagi kining tanan, kabubut-on sa Diyos isip hinay-hinay usab nga pagsilhig sa mga malapason.

Dinhi sa atong nasod sa Pilipinas diin gitawag kini nga demokrasya nga panggobyerno , ug ang balaod sa demokrasya, gipanday sa mga tawo para sa mga tawo ug alang usab sa katawhan ug diin diha mga paghukom nga tawhanon inosente ug ipamatuod nimo kini sa labawng hukmanan, diin aduna kay manabugar kanimo, diin pinaagi usab diha sa balaod sa pamulis naay gitawag nga “ignorance of law excuses no one” nga sa ato pa bisan inosente ka o wala makahibalo sa maong balaod nga imong nasupak apan ikaw silotan gayud sumala sa gimbut-an sa maong balaod. Apan lahi ang balaod sa Diyos diin iyang gipasinati diha niining atong pagtulun-an nga gibarugan diin bulahan kadtong mga tawo nga anaa nahisalaag diha sa kangitngit kay ang Diyos aduna pay giandam nga pasaylo alang kanila, apan kita nga iyang mga katawhan nga nahibalo ug nasayod niining maong pagtulun-an apan sa higayun nga motalikod kita niini, nan wala nay pasaylo ang Diyos para kanato.

Apan niining higayuna, diin 2000 na katuig ang milabay sukad sa pagkatawo ni Jesus, sa gihapon ang Diyos halu-ag pa ang pasaylo kanatong tanan, diin pinaagi diha sa atong pagpangayo ug pasaylo ug kinasing-kasing nga mga pag-ampo, ang tanan natong mga sala magamay o madako adunay kapasaylo-an, kay matod sa Amahang Diyos nganong dili ko man ihatag kun kini kaayuhan man. Apan sa higayun unya nga mobalik na ang anak sa Diyos, nan wala nay pagpasaylo nga mahitabo diin kitang tanan maga-atubang sa kataposang paghukom sebo usab sa atong binuhatan.

Kamatuoran lamang mga igsoon ang nahasulat diha sa balaang kasulatan nga nagaingon, nga ang kaluwasan ngadto sa kinabuhing dayun nga gisaad ni Jesu Cristo dili kini premyo o ganti tungod sa maayong binuhatan, kundili usa kini ka grasya, o gasa nga hinatag sa Diyos, aron sa ingon walay si bisan kinsa nga magapasigarbo diha sa atubangan sa Diyos nga siya maluwas gumikan sa iyang maayong buhat, kundili ang kaluwasan ngadto sa kinabuhing dayun naga-agad sa grasya ug kalooy sa Diyos.

Ang Dili Kaduha-duhaang Saad Sa Diyos

HEBREO 6: 13~20

13 Hinumdomi ang saad sa Diyos kang Abraham. Buot ang Diyos nga da­sonan nig panumpa. Kay wala may labaw sa Diyos, 14 nanumpa siya sa ka­ugalingon: Panalanginan ug hatagan tikawg daghang liwat. 15 Tungod sa ma­pa­ilubong pagpaabot nadawat ni Abra­ham ang gisaad. 16 Ang mga tawo naanad pagpa­numpa sa laing tawo nga labaw sa ka­ugalingon. Ang panum­pa naghatag sa gibug-aton sa tanang butang nga ma­himo pang ipang­himakak.

17 Mao nga ang Diyos mi­tan­yag sa kauga­li­ngon nga masaksi sa iyang pa­numpa. Sa ingon, makatoo gyod ang nagpa­abot sa gisaad nga wala niy kausaban. 18 Busa, may duha ta ka kamatuoran nga kapa­sikaran. Dili mamakak ang Diyos sa iyang saad ug panumpa. Igo na kaayo nga sa pagdasig nato aron bi­yaan ta ang tanan ug magma­ka­nu­nayon sa tanan tang gilaoman. 19 Ang maong pagla­om sama sa angkla sa ka­­lag: ang kasigurohan ug ka­lig-on mo­dala nato sa Templo, sa mismong san­twaryo. 20 Tua si Jesus didto nga mi­­su­lod pag-una. Si Jesus – ang La­bawng Pari sa kahangtoran sumala sa han-ay ni Melquisedec.

PAGPAAMBIT SA MENSAHE:

Ag maong ebanghelyo maoy pagpasabot diha sa kabubut-on sa Dios diin ang Dios kun maoy mosaad matuman gayud, Iyang gituman ang mao niyang mga saad ngadto sa kang Abrahan ug maingon man sa iyang mga kaliwatan, Gisaaran siya nga magapuyo ang iyang mga kaliwatan didto sa yuta sa mga saad, ug ingon man gisaaran usab siya sa Diyos nga bisan sa iyang pangedaron apan mamahimo siyang Amahan sa tanang mga kaliwatan sa tibook kalibutan.

Natuman ang maong mga saad sa Diyos ngadto kang Abraham pinaagi kang Moises nahatagan ug yuta sa mga saad ang iyang mga katawhan sa dihang mikagiw sila ngadto sa Capernaum gikan a Ehipto diin 400 ka tuig una ang milabay ayha natuman ang maong saad sa Diyos, ug sa paghi-abot ni Jesu-Cristo aron sa pagluwas sa atong mga kasal-anan, ang balaan kasulatan nagaingon nga kun gidawat mo si Jesu-Cristo nga imong Diyos ug imong manluluwas nan anak ug kaliwat ka ni Abraham. Natuman ang tanan sumala gayud sa kabubut-on sa Diyos.

2 Pedro 3 : 8~11 nagaingon nga 1000 ka adlaw sama kini sa usa ka adlaw sa Ginoo, apan ang 1 k adlaw sama usab kini sa 1000 ka adlaw, diin kun naandam na ang tanan nan dili na gayud langanon sa Dios ang pagbalik sa iyang bugtong anak, apan mao gayuy tuyo sa Diyos nga ang iyang tinawag ug pinili nga katawhan mahiusa ug dili malaglag sa higayun nga mobalik na ang iyang bugtong anak, Daghan na ang gipakita nga mga timaan diin nagpasabot nga hapit na ang katumanan diha sa pagbalik sa Diyos, diin mikaylap usab ang mga giya diha sa laing-laing pagtulun-an diin nagpasabot usab diha sa ubang talan-awon nga hapit na ang pagbalik sa Diyos diin ang uban aduna na gani silay mga petsa. Apan kining tanan mga lingla lamang sa dautan aron magkatibula-ag ang iyang ma katawhan sa Diyos.

:
Apan ang Diyos kay misaad nga mobalik nan mobalik gayud kini, apan dagahn pa nga mga pulong nga gustong ipadayag sa Diyos diin gusto gayud sa Diyos nga masangyaw ang iyang kataposang manlalalaban, ang Espiritu sa Kamatuoran nga malaban kanato hangtod sa kahangturan. Juan 4 : 21~ 23 naagaingon si Jesus ngadto sa usa ka babaye nag taga Samarya. Tuho-i ako babaye.tali-abot ang panahon ug karon miabot na , Wala nay magasimba sa Amahan niining bukira ni sa Jerusalaem, kay maoy gusto sa Amahan nga ang magasimba kaniya magasimba sa Espiritu Santo ug sa Kamatuoran kay sila ang magasimba nga maoy gusto sa Amahan nga magasimba ngadto kaniya.

Nan natuman na ba kini nga mga timailhan, Ani-a na kini nagatuyok nga pagtulon-an sa atong palibot, usa na kini nga pagtulun-an nga gitukod sa Diyos 20 ka tuig kain ang milabay didto as Balulang diin ginganlan kini ug Jerusalem, magasunod sa giya sa espiritu santo ug nagasunod sa mensahe sa Holy Spirit apan lisod ug wala tuohi sa mga ma-alamon, kay para kanila sila ang labaw nahibalo diha sa pagtulon-an nga Diyosnon kay ana-a man kanila ang tanan nag mga mekanism ug mga pamaagi.

Kamatuoran lamang nga giingon diha sa Diyos nga makita ninyo kun ako kanang pagtulon-an kay maka-ambit gayud kamo sa mga paglutos ug ang buhing pulong sa Diyos Amahan nagaingon, walay iyang ginasahan nga iyang tahasan sa iyang kasugo-an nga dili niya pakamangon sa mga pagsulay, Ug kamatuoran lamang usab ang giingon diha sa balaang kasulatan 1 Corinto 1: 28~30, Gipili sa Diyos ang mga tinamay ug mga sinalikway kadtong mga katawhan nga giisip sa uban nga walay pulos nga maoy iyang tahasan sa iyang kasugo-an aron sa ingon iyang mai-pakita nga walay gamit ug walay pulos ang mga kaalam ug mga kinaadman nga tawhanon didto sa iyang gingharian busa dili kini angay ipasigarbo kay walay atong angay nga ipasigarbo diha sa atubangang sa Diyos gawas lamang niadtong mga milagro nga iyang gipasinati diha sa tagsa-tagsa nato ka kinabuhi.

:

Nagpasabot lamang mga igsoon nga ang tanan nga mga panagna ug ang tanan nga mga saad sa Diyos adunay katumanan, sa paagi nga han-ay ug hapsay sebo sa kabubut-on sa Diyos, Kay matod pa usab sa buhing pulong sa espiritu santo, sa Mahal nga Birhen Maria, walay angay dalian kay ila man ang tanang oras.

Ang Pangulo Sa Kaluwasan

HEBREO 2 : 5 ~ 18

• 5 Wala ihatag sa mga ang­hel ang gahom aron dumalahon ang bag-ong kalibotan nga atong gihis­gotan karon. 6 Gani may miingon sa kasulatan: Unsa ba ang tawo nga imo man siyang gi­ban­tayan kanu­nay? 7 Usahay ibu­tang mo siya ubos lang sa mga anghel, apan gipurong­purongan mo siya sa himaya ug dungog. 8 Gihatag mo kaniya ang gahom sa pagdumala sa tanang bu­tang. Ang giingon nga ang Diyos nag­ha­tag niyag gahom sa tanang butang, nag­pasabot nga wala siyay gipili. Apan wala nato makita ang iyang ka­gam­hanan Ang giingon nga ang Diyos nag­ha­tag niyag gahom sa tanang butang, nag­pasabot nga wala siyay gipili. Apan wala nato makita ang iyang ka­gam­hanan

PAGPAAMBIT SA MENSAHE:

Ang maong ebanghelyo maoy pagpasabot lamang nga kitang tanan adunay paglaom diha sa kaluwasan kay matod pa diha sa maong ebanghelyo, walay gipihig ang Diyos diin ang tawo nga maoy pinaka importante ug pinalabi nga binuhat nga gimugna sa Dios dinhi sa ibabaw sa kalibutan apan iyang gitaga-an ug kahigayunan nga maluwas sa kasal-anan diin iyang gipakanaog ang iyang bugtong anank aron magpakatawo ug maoy magaluwas kanatong tanan diha sa iyang kamatayon sa krus.

Diin iyang gipakita ang sumbanan, nga bisan ang iyang bugtong anak iyang gitagaan ug talagsaong tahas, diha sa pagpakamatay sa krus isip tawo aron mahimong panag-ingnan nga dili dali ang paghi-adto sa iyang gingharian, diin kinahanglan gayud nga maka-ambit kita sa mga kasakitan sa atong manunubos diha sa krus aron sa ingon makaambit usab kita diha sa himaya sa iyang pagkabanhaw didto sa iyang gingharian sa langit.

Diha sa ubang sinulat nagaingon nga kun gusto nimong mahimong tinun-an ni Kristo nan kalimti ang imong kinabuhi . pas-ana ang imong krus ug sunod sa pagtulun-an nga gisangyaw ni Kristo, kay bulahan ka nga mawad-an ug kinabuhi diha sa pagsunod sa kabubut-on sa Dios kay mahatagan ka ug dugang kinabuhi, apan kun magdumili ka sa pagsunod sa kasugo-an sa Dios sa kahadlok nga mawad-an ug kinabuhi nan basin ug kawad-an ka niini.

Sa ato pa mga igsoon pinaagi diha sa mga kasinatian ug mga milagro nga gipakita ni Jesu-Cristo, nan ang balaang kasulatan nagaingon nga tinuod nga adunay pagkabanhaw ngadto sa kinabuhing dayun, ug tinuod nga adunay kinabuhi human sa kamatayon. Apan dili masayon ug dili dali ang proseso nga ipasinati sa Diyos diha sa iyang mga sumosunod diin kita nga iyang mga tinawag ug pinili gipasinati gayud kun unsa ang mga bulohaton didto sa iyang gingharian, diin mao kini ang mga pag-ampo sa matag-adlaw.

Ang labing ubos dinhi sa ibabaw sa yuta maoy iyang ipataas didto sa iyang gingharian apan ang mapasigarbohon dinhi sa kalibutan nan ipaubos didto sa iyang gingharaian sa langit ug dili niya ilhon nga iyang katawhan. Busa dili angay ikasakit ang mga kalisod ug mga paglutos nga maagi-an, kay mao kini ang paagi sa pagtawag kanato sa Diyos, diin angay nato kining dawaton sa tumang pagpaubos, kay nagpasabot lamang kini nga atong gipapuyo ug gipahari si Jesu Cristo diha sa atong kasingkasing.

Ang Gikinahanglan Aron Mahimong Tinun-an

LUCAS 14: 25~33

• 25 Samtang nanglakaw ang daghan kaayong tawo kuyog ni Jesus, miatubang siya ug giingnan sila: 26 “Kon moari mo nako nga dili andam sa pagsalikway sa inyong gugma para sa inyong amahan ug inahan, asawa ug mga anak, mga igsoong lalaki ug babaye, ug bisan sa kaugalingon, dili mo maakong alagad. 27 Dili maalagad nako ang dili magpas-an sa krus sa pagsunod nako.
28 Unsay buhaton sa tawong magtukod og kamalig alang sa magbalantay sa uma? Di ba, molingkod una siya, kalkulohon ang gastos ug tan-awon kon may igo bang salapi sa paghuman ini? 29 Tingalig kataw-an lang siya kon mapahimutang niya ang sukaranan, apan dili mapatiwas. 30 Unya, makaingon sila: Kining tawhana misugod pagtukod, apan dili makahuman.
31 Ug kinsa mang haria nga makiggubat sa laing hari nga dili una molingkod aron hinuktokan kon sa 10,000 ka sundalo makabuntog ba siya sa 20,000? 32 Kon dili, magpadala siyag sinugo samtang layo pa sila aron pagpakig-areglo. 33 Sa samang paagi, dili maakong alagad ang dili mobiya sa tanang iyaha.

PAGPAAMBIT SA MENSAHE:

Ang maong ebanghelyo maoy sumbanan diha sa mga hiyas o mga sumbanan diha sa pagsunod nato isip tinun-an ni Cristo, diin atong makita nga bisan diha sa iyang pagpakatawo, wala gayud siya magdala ug bahandi, wala gayud niya dad-a ang iyang mga sundalo, iyang gipakita kun usa ang ikahimuot sa iyang Amahan didto sa iyang gingharian sa langit, iyang gipakita ang hiyas nga espirutu santo nga maoy sumbanan diha sa iyang ebanghelyo.

Philipos 2: 7 nagaingon nga " Diha na kang Jesu-Cristo ang kinaiya sa usa ka Dios ug bugtong siyang anak sa Dios apan wala niya gamita ang iyang pagkaDios pinaagi sa kusog hinunu-a gihubo niya ang tanan ug mitipon ug nagpakabuhi uban sa bagang hut-ong sa mga kabos nga magtoto-o diin iyang gisangyaw ang mga milagro ug ang mga pagtulun-an sa matuod nga Diyos diin pinaagi niini dako ang iyang naangkon nga kadaugan ug pinaagi niini gibayaw siya sa iyang Amahang Dios ngadto sa langit.

Diha niining maong ebanghelyo unsa man ang hiyas nga gipangita sa Dios diha sa iyang mga tinun-an, diha sa iyang mga sumosunod, Ang balaang kasulatan nagaingon, kun gusto nimong mahimong tinun-an ni Cristo nan kalimti ang imong kinabuhi pas-ana ang imong krus ug sunod sa mga pagtulon-an nga gisangyaw ni Kristo diin bulahan ka nga diha sa pagsunod mo sa kabubut-on sa Dios mawad-an ka ug kinabuhi kay hatagan ka pa sa Dios ug dugang kinabuhi, Apan kung nagdumili ka sapagsunod sa kabubut-on sa Dios sa kahadlok nga mawad-an ug kinabuhi nan basin kun kawad-an ka niini,

Diha sa ubang sinulat nagaingon nga “ Kun gusto nato nga daygon ug himaya-on didto sa gingharian sa langit nan puy-i ang kinabuhi nga puno sa pagpaubos puno sa mga pagdawat sa mga paglutos ug mga pagbiay-biay dinhi sa ibabaw sa yuta, pas-ana ang imong krus ug sunod sa pagtulon-an nga gisangyaw ni Kristo kay bulahan ka nga nakaambit diha sa mga kasakitan ni Kristo didto sa kamatayon niya sa krus kay makaambit ka usab sa himaya sa pagkabanhaw didto sa gingharian sa langit.

Sa ato pa mga igsoon ang pagsunod isip tinun-an ni Kristo wala magkinahanglan ug daghang bahandi, wala magkinahanglan ug kaalam nga iya niining kalibutana, ang gikinahanglan mao nga makama-o ka mosimba nga sama didto sa langit diin sa kanunay maga-ampo, magasunod sa kabubut-on sa Diyos, sayon kaayo istoryahon apan lisod kini buhaton ilabi na kay nagkinabuhi kita nag hupong usab sa nga tawhanon nga mga pangandoy nga iya niining kalibutana, apan ang Diyos moingon nga ” Didto kapa sa tago-angkan sa imong inahan gitawag ko na kang daan apan lagi kun nagasunod ka sa mga kasugo-an sa Diyos nan natural gayud nga makaambit ka sa mga paglutos.

Apan ang mga paglutos diha sa atong kinabuhi wala diay magpasabot nga kita gidaug-daug, wala magpasabot kung kita nagpakamartir ilabi na nga imo kining gidawat nga puno sa pagpaubos, Nagapasabot lamang kini nga imo usab nga gidawat, gipapuyo ug gipahari si Jesu-Cristo diha sa imong kasingkasing.

Ang Sambingay Mahitungod Sa Dakong Kumbira

LUCAS 14: 15~24

• 15 Sa pagkadungog ini sa usa sa mga dinapit, miingon siya ni Jesus: “Bulahan ang dapiton sa kombira sa Gingharian sa Diyos!” 16 Mitubag si Jesus: “May nag-andam og dakong hikay. Daghan siyag dinapit. 17 Gipaadto niya ang katabang aron pag-ingon: ‘Dali na mo, andam na ang tanan.’ 18 Apan morag nagsabot ang tanan sa pagpamalibad. Miingon ang usa: ‘Mipalit kog uma nga kinahanglang adtoon ug susihon. Pasensya ka na.’ 19 Miingon sab ang lain: ‘Nakapalit kog lima ka parisang baka nga pang-uma ug pasulayon kog daro. Pasensya ka na.’ 20 Miingon ang usa pa: ‘Bag-o kong nakasal busa, dili makaadto?’

21 Sa pagbalik sa katabang, gisulti niya ang tanan sa agalon. Nasuko pag-ayo ang tag-iya ug miingon sa katabang: ‘Lakaw dayon sa mga plasa ug kadalanan sa lungsod, paanhia ang mga kabos, sinalikway, buta ug bakol.’ 22 Unya, miingon ang katabang: ‘Natuman ang imong gisugo ug may lugar pa.’ 23 Mitubag ang agalon: ‘Lakaw sa mga dagkong dalan ug tugkaran, ug pugsa pag-anhi ang mga tawo aron mapuno ang akong balay. 24 Kay sa giingon ko: walay dinapit nga makatilaw sa akong hikay.”


PAGPAAMBIT SA MENSAHE:

Ang maong ebanghelyo usa kini ka pagsambingay diha sa kabubut-on sa Diyos diin sukad pa sa pagkanaog ug pagpakatawo sa iyang anank sa kalibutan ug hangtod niining panahuna sa kanunay nagatawag ug nagaimbitar kanato ngadto sa kaluwasan diha sa kinabuhing dayun, pinaagi usab diha sa iyang mga tinahasan ug mga magsasangyaw diin nagpadayun hangtud niining panahuna ang pag-agni sa tanan sa pagbalik ug pag-alagad gayud sa Diyos.

Matod pa diha sa ubang sinulat, nga hangtod niining panahuna, hataas pa gihapon ang pasinsya sa Diyos kanato diin pinaagi sa iyang bugtong anak si Jesu Cristo ang tanan mahatagan gayud sa pasaylo sa ilang mga sala kun kini kinasingkasing nato nga pangayoon ngadto sa Dios pinaagi diha kang Jesu Cristo

Kay matod pa ang tanan nga sala dinhi sa ibabaw sa kalibutan magamay ug ma dako aduna kini kapasaylo-an kun motoo ka lamang nga ikaw usab mapasaylo sa imong mga sala, kay kun kulang ka sa pagtoo diha sa kapasaylo-an sa imong sala nan sama lang usab nga kulang ka sa pagtoo nga si Jesu Cristo matuod nga anak sa Diyos

Diha sa ubang sinulat nagaingon, kun magdumili ka diha sa pagpangayo ug pasaylo sa imong mga kasal-anan nan sama lamang usab nga andam ka moatubang sa dakong paghukom diha inigbalik ni Cristo. Ug walay la-in nato nga paagi diha sa pagpangayo ug pasaylo sa Diyos, kini mao ra gayud ang pag-ampo ug ang paghinulsol sa atong mga kasal-anan, kay bisan ang mga katawhan nga wala motuo ni Cristo o kadtong wala makaila sa ilang Diyos nan angay gayud nato silang i-ampo kay kun kabubut-on sa Diyos nan magpalandong gayud silal sa spiritu santo sa Diyos, kay Dios lamang gayud ang adunay gahum sa pagpahumok sa magahi nga kasingkasing sa tawo.

Ang Sambingay Mahitungod Sa Liso Sa Mustasa

LUCAS 13: 18~19

• 22 Miadto si Jesus sa kalungsoran ug sa kabalangayan nga nanudlo unya, mipadulong siya sa Jerusalem. 23 May nangutana niya: “Ginoo, tinuod ba nga pipila ray maluwas?” Mitubag si Jesus: 24 “Buhat kutob sa imong mahimo sa pagsulod sa higpit nga pultahan. Sultihan tikaw nga daghan ang mosulay pagsulod ug dili makahimo. 25 Kon makabangon ang tag-iya sa balay ug matrangkahan niya ang pultahan, magbarog ka sa gawas; motuktok sa pultahan sa pagtawag: ‘Ginoo, ablihi mi;’ motubag siya: “Wala ko masayod og diin mo gikan!”

26 Unya, moingon ka: Nangaon mi ug nanginom uban nimo. Nanudlo ka sa among kadalanan! 27 Apan motubag siya: ‘Wala ko masayod diin mo gikan. Pahilayo mo nako, kamong mga daotan.’ 28 Mohilak mo ug magkagot sa ngipon inigkakita ninyo ni Abraham ug ni Jacob ug sa tanang propeta sulod sa Gingharian sa Diyos. Ug kamo mismo magpabilin sa gawas. 29 Ang uban manglingkod sa kan-anan sa Gingharian sa Diyos, katawhan nga naggikan sa sidlakan ug sa kasadpan, sa amihanan ug sa habagatan. 30 Ang naulahi mahiuna, ug ang nahiuna maulahi.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diin nagaingon siya diha sa ubang sinulat nga Dili ang tanan nagatawag , Diyos ko, Diyos ko makasulod sa gingharian sa langit kundili kadto lamang nagatuo ug nagasunod sa iyang kabubut-on, ug diha sa ubang pulong nagaingon usab siya “Lahi –lahi ang pagtawag ko kaninyo, apan dili ang tanan makasulod sa akong gingharaian kundili kadto lamang nagatuman sa akong kabubut-on.

Nagpasabot lamang mga igsoon nga lisod gayud ang pagsunod sa kabubut-on sa Diyos diin diha sa ubang pulong nagaingon siya nga sigpit ang dalan nga iyang pagagia-n sa iyang mga katawhan , diin tungason kini, pangpang ug batuhon diin gamay ra ang nakakaplag niini, ug mas gamay ang milahutay ngadto sa ganghaan sa iyang gingharian sa langit, diin mao na kining mga kasakitan ug mga paglutos nga atong nasinati dinhi sa ibabaw sa yuta, ug mao na kining mga kalisod nga atong naagian paingong ngadto sa ganghaan sa gingharian sa Dios diin sa kanunay nagasunod gayud ang mga paglutos.

Kay ang Diyos miingon mahibaw-an ninyo ang akong pagtulun-an nga sa Diyos gayud kini kay makaambit gayud kamo sa mga paglutos, Diha sa ubang mga sinulat nagaingon “Kun gidawat mo si Jesu Cristo nga imong Diyos ug manluluwas nan makaambit ka gayud sa mga pagpanlutos. Nan dili diay angay kahadlukan ang imong mga kapit-os ug mag kasinatian sa mga pagpanlutos kay nagpasabot lamang kini diha sa pagtawag kanimo sa Diyos nga si Jesu Cristo. Daghan ang dili gusto mosimba o bisan na lamang diha sa paglili dinhi sa sinagoga o diha sa pag-ampo o pagsimba sa templo kay para kanila kun haduol ka kanunay sa Diyos nan haduol ka usab sa mga pagsulay,

Apan ang Diyos Amahan miingon nga molikay ka man diha sa mga paglutos ug mga pagsulay dinhi sa ibabaw sa kalibutan apan kun nalatid na daan sa Amahan ang mga pagsulay sa imong kinabuhi nan makaambit ka gayud niini. Diin bulahan kun diha sa maong mga pagsulay ug mga paglutos nga imong nasinati kun sa kanunay imong tukhan sa mga pag-ampo nan mapanalipdan ka gayud sa espiritu santo sa Diyos ug diin hagkap ug han-ay ang tanan nga mo-abot sa imong kinabuhi. Kay miingon ang Diyos nga dili gayud mahitabo nag motalikod Siya niadtong mga tawo nga sa kanunay nagapapuyo sa Diyos diha sa atong tagsa-tagsa ka kasing-kasing.

Apan matod pa ang kinabuhi nga iya sa kalibutan, ug iya sa kalaglagan sa atong mga kalag, halu-ag ug lapad ang ilang dalan nga paga-agi-an diin daghan ang naghudyaka samtang nagaagi niini, diin mao kini ang mga tawhanon nga kailibgon diha sa atong palibot, diin anaa ang mga pagpasulabi labi na diha sa patay sindi ang ilaw diin sa tanang adaw gihimaya nila ang salapi ug mga tawhanon nga pagpasulabi. Apan miingon ang Amahan nga bulahan pa kining mga tawhana kay inosente pa sila sa kamatuoran, ug halu-ag pa ang pasaylo sa Diyos para kanila apan kita nga nasayod sa kamatuoran, ug sa higayun nga motalikod kita niining maong kamatuoran nga atong nakaplagan nan, wala nay pasaylo pa ang Diyos para kanato.

Ang Sigpit Nga Pultahan

LUCAS 13: 22~30

• 22 Miadto si Jesus sa kalungsoran ug sa kabalangayan nga nanudlo unya, mipadulong siya sa Jerusalem. 23 May nangutana niya: “Ginoo, tinuod ba nga pipila ray maluwas?” Mitubag si Jesus: 24 “Buhat kutob sa imong mahimo sa pagsulod sa higpit nga pultahan. Sultihan tikaw nga daghan ang mosulay pagsulod ug dili makahimo. 25 Kon makabangon ang tag-iya sa balay ug matrangkahan niya ang pultahan, magbarog ka sa gawas; motuktok sa pultahan sa pagtawag: ‘Ginoo, ablihi mi;’ motubag siya: “Wala ko masayod og diin mo gikan!”

26 Unya, moingon ka: Nangaon mi ug nanginom uban nimo. Nanudlo ka sa among kadalanan! 27 Apan motubag siya: ‘Wala ko masayod diin mo gikan. Pahilayo mo nako, kamong mga daotan.’ 28 Mohilak mo ug magkagot sa ngipon inigkakita ninyo ni Abraham ug ni Jacob ug sa tanang propeta sulod sa Gingharian sa Diyos. Ug kamo mismo magpabilin sa gawas. 29 Ang uban manglingkod sa kan-anan sa Gingharian sa Diyos, katawhan nga naggikan sa sidlakan ug sa kasadpan, sa amihanan ug sa habagatan. 30 Ang naulahi mahiuna, ug ang nahiuna maulahi.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diin nagaingon siya diha sa ubang sinulat nga Dili ang tanan nagatawag , Diyos ko, Diyos ko makasulod sa gingharian sa langit kundili kadto lamang nagatuo ug nagasunod sa iyang kabubut-on, ug diha sa ubang pulong nagaingon usab siya “Lahi –lahi ang pagtawag ko kaninyo, apan dili ang tanan makasulod sa akong gingharaian kundili kadto lamang nagatuman sa akong kabubut-on.

Nagpasabot lamang mga igsoon nga lisod gayud ang pagsunod sa kabubut-on sa Diyos diin diha sa ubang pulong nagaingon siya nga sigpit ang dalan nga iyang pagagia-n sa iyang mga katawhan , diin tungason kini, pangpang ug batuhon diin gamay ra ang nakakaplag niini, ug mas gamay ang milahutay ngadto sa ganghaan sa iyang gingharian sa langit, diin mao na kining mga kasakitan ug mga paglutos nga atong nasinati dinhi sa ibabaw sa yuta, ug mao na kining mga kalisod nga atong naagian paingong ngadto sa ganghaan sa gingharian sa Dios diin sa kanunay nagasunod gayud ang mga paglutos.

Kay ang Diyos miingon mahibaw-an ninyo ang akong pagtulun-an nga sa Diyos gayud kini kay makaambit gayud kamo sa mga paglutos, Diha sa ubang mga sinulat nagaingon “Kun gidawat mo si Jesu Cristo nga imong Diyos ug manluluwas nan makaambit ka gayud sa mga pagpanlutos. Nan dili diay angay kahadlukan ang imong mga kapit-os ug mag kasinatian sa mga pagpanlutos kay nagpasabot lamang kini diha sa pagtawag kanimo sa Diyos nga si Jesu Cristo. Daghan ang dili gusto mosimba o bisan na lamang diha sa paglili dinhi sa sinagoga o diha sa pag-ampo o pagsimba sa templo kay para kanila kun haduol ka kanunay sa Diyos nan haduol ka usab sa mga pagsulay,

Apan ang Diyos Amahan miingon nga molikay ka man diha sa mga paglutos ug mga pagsulay dinhi sa ibabaw sa kalibutan apan kun nalatid na daan sa Amahan ang mga pagsulay sa imong kinabuhi nan makaambit ka gayud niini. Diin bulahan kun diha sa maong mga pagsulay ug mga paglutos nga imong nasinati kun sa kanunay imong tukhan sa mga pag-ampo nan mapanalipdan ka gayud sa espiritu santo sa Diyos ug diin hagkap ug han-ay ang tanan nga mo-abot sa imong kinabuhi. Kay miingon ang Diyos nga dili gayud mahitabo nag motalikod Siya niadtong mga tawo nga sa kanunay nagapapuyo sa Diyos diha sa atong tagsa-tagsa ka kasing-kasing.

Apan matod pa ang kinabuhi nga iya sa kalibutan, ug iya sa kalaglagan sa atong mga kalag, halu-ag ug lapad ang ilang dalan nga paga-agi-an diin daghan ang naghudyaka samtang nagaagi niini, diin mao kini ang mga tawhanon nga kailibgon diha sa atong palibot, diin anaa ang mga pagpasulabi labi na diha sa patay sindi ang ilaw diin sa tanang adaw gihimaya nila ang salapi ug mga tawhanon nga pagpasulabi. Apan miingon ang Amahan nga bulahan pa kining mga tawhana kay inosente pa sila sa kamatuoran, ug halu-ag pa ang pasaylo sa Diyos para kanila apan kita nga nasayod sa kamatuoran, ug sa higayun nga motalikod kita niining maong kamatuoran nga atong nakaplagan nan, wala nay pasaylo pa ang Diyos para kanato.

Ampingi Ang Inyong Kagawasan

GALACIA 5: 1~15

5 • 1 Gipalingkawas ta ni Cristo aron magawasnon. Busa, pabiling lig-on ug ayawg balik ubos sa yugo sa kaulipnan. 2 Ako, si Pablo, nag-ingon: Kon natuli mo, si Cristo dili na makatabang ninyo. 3 Sa makausa pa pahinumdoman ko ang nagpatuli nga may katungdanan siya pagtuman sa tibuok Balaod. 4 Kamong tanan nga nagpakaaron-ingon nga tarong pinaagi sa pagtuman sa Balaod, nahimulag ni Cristo ug nalayo sa grasya.
5 Bahin namo, ang Espiritu naghatag og paglaom nga mabalaan pinaagi sa pagtoo. 6 Diha ni Cristo Jesus, wala panumbalinga kon natuli ta o wala. Ang mahinungdanon lang nga may pagtoo ta nga naglihok pinaagi sa gugma.

7 Maayo ang inyong pagsugod sa lumba; kinsay mibabag sa agianan? Nganong mihunong mo pagsunod sa kamatuoran? 8 Dili niy pagsunod sa Diyos nga nagtawag ninyo. 9 Bisan gani ang dyotayng patubo makaapekto man sa tibuok minasa. 10 Hinuon, sigurado ko nga dili mo masalaag. Ang naglibog ninyo, pahamtangan sa silot.
11 Ako mismo, mga igsoon, dili ba ko makawali bahin sa tinuli? Sa ingon, dili na unta ko gukdon. Apan nagpasabot ni nga gisalikway ko ang iskandalo sa krus. 12 Hinaot nga ang naglibog ninyo moabot pagputol sa kaugalingong kinatawo.

13 Mga igsoon, gitawag mo aron makatagamtam sa kagawasan. Wala ko maghisgot sa kagawasan nga nagtabon sa mga tinguhang lawasnon, kondili sa kagawasan nga nagpaulipon sa usag usa pinaagi sa gugma. 14 Kay mao ni ang kinatibuk-an sa Balaod: Higugmaa ang imong isigkatawo sama sa kaugalingon. 15 Apan kon magpinaakay mo ug magwataswatasay sa usag usa, pagmatngon nga dili mo mapildi.

PAGPAAMBIT SA MENSAHE:

Ang maong ebanghelyo maoy pagpasabot diha sa pulong sa Dios diin diha sa maong mensahe nagpasabot lamang nga tanan nga mga katawhan sa Diyos gitagaan niya ug kagawasan. Diha niining panahuna diin 2000 na ka tuig sukad nga natawo si Jeus Cristo diin mao kini ang panahun nga hataas pa ang pasensya sa Diyos diin nagaingon siya nga ang tanan nga klase sa kasal-anan mapasaylo gayud sa Diyos maunsa man ka gamay o kadako niini, diin nagapasabot lamang mga igsoon nga kita mapasaylo gayud sa atong mga sala kun motoo kita nga kita usab pasayloon gayud pinaagi diha sa hugot nato nga pag-ampo ug pangaliya. Kay kun dili ka motoo na mapasaylo ka sa imong kasal-anan nan sama ra unya nga wala ka motuo nga si Jesus matuod nga anak sa Diyos.

Usa ka sumbanan diha sa pagpalansang ni Jesus diha sa krus aron sa ingon maluwas kita sa atong mga kasal-anan, diin bisan kadtong mga naglutos kaniya apil diha sa iyang panalangin ug sa iyang pagsakripisyo para sa kaluwasan nga dayun. Apan ang tawo ulipon gayud sa pagpakasala sa huna-huna sa pulong ug sa buhat samtang nagkinabuhi pa niining kalibutan, nan ang kaluwasan nga gisaad ni cristo dili kini premyo o ganti diha sa maayong binuhatan, kundili usa kini ka grasya o gasa nga gihatag sa Diyos aron sa ingon walay makapasigarbo diha sa atubabangan sa Diyos nga siya maluwas gumikan sa maayong buhat

:
Sa ato pa ang pagkinabuhi nga may kagawasan mao lamay pagmatuod nga kitang tawo samtang nagkinabuhi pa, Kita gayud maoy magbuot sa imong pagkinabuhi, kita maoy admisnistrador diha sa pagkinabuhi nga gawasnon diin kun lunlon kalibutanon ang imong mga pagkinabuhi nan moabot gayud ang adlaw nga pangitaon ka sa Diyos diha sa imong mga kasaypanan. Diin sa panahun unya nga kuhaon na ang imong hinulamang kinabuhi nan, ang imong espiritu mobalik na man sa langitnong Amahan diin mosumbong na kini sa imong mga kasal-anan apan ang imong kalag diin maoy mangatubang sa kataposang paghukom diin maoy magahulat diha sa kaluwasan diha sa kinabuhing dayun diin maoy pagasul-oban sa langitnong lawas kun mahatagan ka sa kinabuhing dayun.

Dili gayud diay angay nga magpatuyang kita dinhi niining ibabaw sa yuta mga igsoon kay dili man kini ang atong matuod nga pinuy-anan, aduna kitay matuod nga pinuy-anan ang pagkinabuhi nga minando-an sa espiritu santo sa Diyos, Matod pa diha sa ubang pulong sa Diyos nagaingon, kun nasayod pa unta kamo kun unsay atua didto as iyang gingharaian sa langit nan dili na unta kamo mangandoy pa ug dugang bahandi niining kalibutan, biyaan ninyo ang tanan ug maoy inyong siguroon kun unsaon ang paghi-abot didto sa iyang gingharian sa langit diin lunlon himaya ug kalipay ang imong maangkon.

Si Pedro Gikasab-an Ni Pablo didto sa Antoquia

GALACIA 2:11~24

11 Sa pag-adto ni Kefas sa Antioquia, nakigharong ko niya, kay angayan siyang basolon. 12 Sa wala pa mangabot ang mga paryenti ni Jaime nakigsalo siyag pangaon sa dili Judio. Apan sa pag-abot nila, mipahilayo siya ug wala na makighugoyhugoy nila. Nahadlok siya sa mga grupo sa Judeo. 13 Ang ubang Judio misunod sa iyang pagpakaaron-ingnon. Bisan si Bernabe nalibog. 14 Dihang nakita nako nga wala sila magbuhat sa husto pinasubay sa kamatuoran sa Ebanghelyo, akong giingnan si Kefas atubangan sa kadaghanan: kon kamong mga Judio miuyon pagpuyo daw dili Judio, hiniklin ang mga batasan sa mga Judio, nganong pugson man ninyo karon ang dili Judio sa pagpuyo nga daw Judio?

• 15 Mga Judio mi sukad sa among pagkatawo, dili mga paganong makasasala. 16 Apan nasayod mi nga ang tawo dili matarong ug mabalaan pinaagi sa pagtuman sa Balaod kondili sa pagtoo kang Cristo Jesus. Busa, mitoo mi ni Cristo Jesus aron makadawat sa tinuod nga katarong gumikan sa among pagtoo, dili sa buluhaton sa Balaod. Ang makapasuod sa tawo tali sa Diyos dili ang pagtuman sa Balaod. 17 Gipaabot namo nga matugahan mi sa katarong pinaagi ni Cristo. Kon ugaling sala ni, nan, si Cristo ulipon sa sala. Dili ni mao! 18 Apan kon among tangtangon ang usa ka butang ug unya ibalik, giangkon namo ang sayop.

19 Alang nako kini mismong Balaod ang nagdala nako para mamatay ko sa Balaod aron mabuhi alang sa Diyos. 20 Gilansang ko sa krus uban ni Cristo ug dili na ako ang nagpakabuhi kondili, si Cristo dinhi nako. Nagpuyo ko karon sa akong kinabuhi nga matapos diha sa pagtoo sa Anak sa Diyos. Gihigugma ko niya ug gitugyan ang iyang kaugalingon alang nako. 21 Kon ang kabalaan makab-ot pa pinaagi sa pagtuman sa Balaod, si Cristo namatay unta sa walay hinungdan.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diin iya gayud nga gipasabot nga ang mga pagsulay sa kanunay nagasunod diha sa iyang mga tinahasan ug mga tinawag. Diha niining maong ebanghelyo gipakita nga nasayop si Pedro diha sa iyang pagsangyaw sa buhing pulong sa Diyos diin adunay pagpihig sa dili mga Judio sa dihang nangabot na ang iyang mga kauban nga Judio. Diha sa maong ebanghelyo nagpahilayo siya sa dili mga Judio.

Usa kini ka sumbananan diha sa gasa o tahas nga gihatag sa Diyos diha sa iyang mga tinawag diin ang pagpahari gayud sa kristuhanon nga pagkinabuhi o ang pagsul-ob sa kinaiyahan nga kristuhanon ilabi na kanato nga iyang gitahasan sa pagsangyaw sa iyang kasugo-an diha sa upat ka suok sa kalibutan.

Sa kanunay gayud kalimti ang kalibutan , kalimti ang imong kinabuhi kay mao man kini ang sumbanan kun gusto ka nga himaya-on didto sa Gingharian sa Dios. Ang balaang kasulatan nagaingon , “ Kun gusto nimong daygon ug himayaon didto sa gingharian sa langit nan puy-i ang kinabuhi nga puno sa pagpaubos, ug pagdawat sa mga paglutos dinhi sa ibabaw sa yuta, diin anaa ang mga kasakitan sa kinabuhi anaa ang mga kasilo diha sa atong panumduman ug kasingkasing. Diin naga-ingon nga bulahan ka sa tanang bulahan kun naka-ambit ka sa mga kasakitan ni Jesus didto sa krus kay makaambit ka usab sa himaya sa iyang pagkabanhaw didto sa iyang gingharaian sa langit.

Diha sa ubang sinulat naga-ingon usab nga ang labing dako didto sa gingharaian sa Diyos , maoy daghan ug nasilbihan nga mga katawhan dinhi sa ibabaw sa yuta, ug ang ilhon nga pangulo ug labing dako didto sa langit nan maoy pinakaubos dinhi sa ibabaw sa yuta. Nagpasabot lamang mga igsoon nga wala kinahanglana sa Diyos ang imong tawhanon nga kaalam ug tawhanon nga kinaadman didto sa iyang gingharian,

Diha sa ubang sinulat 1 Corinto 1 : 28 ~30 giingon diha nga gipili sa Diyos ang mga tinamay ug mga sinalikway, kadtong mga tawo nga giisip sa uban nga walay pulos niining kalibutan, aron sa ingon maipakita sa Diyos nga walay pulos ug walay gamit ang tawhanon nga kinaadman didto sa iyang ginharian, busa dili kini angay ipasigarbo, kay wala kitay angay ipasigarbo diha sa atubangan sa Diyos gawas lamang niadtong mga milagro diha sa tagsa-tagsa nato ka kinabuhi.

Gitagna Ni Jesus Ang Paglimod Ni Pedro

MARCOS 14: 27~31

27 Miingon si Jesus: “Karong gabhiona masakit mong tanan tungod nako, ug mamiya. Matud pa sa Kasulatan: Akong patyon ang magbalantay ug magkatibulaag ang mga karnero. 28 Apan sa pagkabanhaw mag-una ko ninyo sa Galilea.”

29 Unya, miingon si Pedro: “Dili ko magpahilayo nimo bisag magpahilayo pa ang tanan.” 30 Si Jesus mitubag: “Sa pagkatinuod, sultihan tikaw, karong gabhiona sa dili pa motuktugaok ang sunoy sa makaduha ilimod na ko nimo sa makatulo.” 31 Apan miusab si Pedro sa pag-ingon sa mas dako pang kaikag: “Bisag patyon pa ko uban nimo, dili tikaw ilimod.” Kini sab ang gisulti sa tanan.

PAGPAAMBIT SA MENSAHE:

Ang maong ebanghelyo maoy pagpasabot sa kabubut-on sa Dios diin magpasabot lamang nga ang unsay ipamulong sa Diyos matuman gayud ug si kinsa man ang tagaan sa Amahan ug mga paglutos nan matuman gayud kini. Diha niining maong ebanghelyo nagpasabot lamang nga dili gayud kita makapanansag nga kita lig-on, nga kita bisan kuso-kusohon sa mga pagsulay magpabilin nga lig-on kay tawo lamang kita ug kay tawo huyang ug ulipon gayud sa mga kasal-anan.

Gipakita lamang ni Jesus ngadto kang Pedro usa sa uban pa niyang mga tinun-an nga kun unsay kabubut-on sa Diyos nan matuman gayud kini. Walay mahimo ang tawo kun nalatid na daan ang pagsulay diha sa iyang kinabuhi. Diin daghan man ang moingon nga dili sila magpaduol sa Dios, dili sila magsige ug sulod sa simbahan gani bisan sa paglili na lang dinhi sa sinagoga mahadlok ang uban kay matod pa sa uban kun haduol ka kanunay sa Dios nan sa kanunay usab makaambit ka sa mga paglutos.

Ang Diyos Amahan nagaingon molikay-likay ka man sa Diyos apan kun nalatid na daan ang pagsulay sa imong kinabuhi nan makaambit ka gayud sa mga paglutos. Apan kun adunay kay mga paghalad ug mga pag-ampo, nagaingon usab ang buhing pulong sa Diyos nga anak, “ Tukhi ang mga pagsulay sa mga pag-ampo kay anaa si Jesu-Cristo manalipod kanimo.

Apan gipasidaan usab sa Diyos, diha sa balaang kasulatan nga nagaingon nga kun gidawat mo si Jesus nga imong manluluwas ug imong Diyos nan, makaambit ka gayud sa mga paglutos, ug diha sa ubang sinulat nagaingon, “ Kun gusto nimong himaya-on ug daygon didto sa gingharian sa langit nan pas-ana ang imong krus ug sunod sa pagtulun-an ni Cristo, puy-i ang kinabuhi nga puno sa mga pagtamay ug pagdaug-daug dinhi sa yuta, diin anaa ang mga kasakitan sa kinabuhi. kay bulahan ka nga nakaambit diha sa mga kasakitan ni Jesu-Cristo diha sa Krus kay makaambit ka diha sa himaya ni Jesu- Cristo diha sa iyang pagkabanhaw didto sa langit.

Mini Nga Magtutudlo

2 PEDRO 2: 1~22

2 • 1 Sama nga dunay mga mining propeta taliwala sa katawhan sa Israel, taliwala ninyo naa poy mga mining magtutudlo. Magpasulod silag makadaot nga mga sekta. Pinaagi sa paglimod sa Magtutudlo nga nagluwas nila, nagdala sila sa ilang kaugalingon og kalit nga kapildihan. 2 Bisan pa ana, daghan ang moawat sa ilang mga bisyo. Tungod nila ang dalan sa kamatuoran mawad-ag maayong ngalan. 3 Pahimuslan mo nila ginamit ang malinglahong mga pulong tungod sa kwarta. Apan ang pagkalaglag nila nagsugod na. Ang pagkagun-ob nag-paabot nila.

4 Sa pagkatinuod, wala pasayloa sa Diyos ang mga Anghel nga nakasala. Gibalhog sila sa impyerno, gipriso sa ngiob nga lungag ug gibilin didto hangtod sa Adlaw sa Hukom. 5 Wala pod niya pasayloa ang karaang kalibotan diha nga gipabuhagay niya ang nagbul-og nga tubig sa kalibotan sa daotang mga tawo. Si Noe lang ang gipanalipdan, ang ikawalong propeta nga nagwalig katarong. 6 Gilaglag sab sa Diyos ang mga syudad sa Sodoma ug Gomorra ug gitun-as daw abo aron pagpasidaan sa mga daotan sa umaabot nga hitabo. 7 Apan giluwas si Lot, maayong tawo nga gisakit tungod sa dili kapugngang gihimo sa bisyosong mga tawo. 8 Tarong si Lot nga nagpuyo taliwala nila, nag-antos matag adlaw sa kaayo sa kasingkasing, kay nakita ug nadungog man niya ang ilang mga krimen.

9 Ang Diyos nahibalog unsaon paglingkawas sa mga pagsulay sa nag-alagad niya ug nagbantay sa mga daotan aron silotan sa pag-abot sa Adlaw sa Hukom. 10 Iya ning buhaton labi na gyod sa katawhan nga misunod sa daotang mga pangandoy sa kinaiya. Gitamay nila ang kahalangdon sa Diyos. Mapagarbohon ug mahagiton sila ug dili mahadlok pag-insulto sa mga Espiritu nga nahagba. 11 Apan ang mga Anghel nga labawg kusog ug gahom dili motugot sa pagpasangil ug pagsumbong nila atubangan sa Diyos.

12 Gibutangbutangan nila ang dili masabtan. Sama sila sa walay salabotang mananap nga matawo aron dakpon ug patyon. 13 Antoson nila ang balos sa ilang kadaotan. Nagpahimulos sila sa lumalabayng kalipay. Hilas sila ug bisyosong mga tawo. Ikalipay nila ang paglimbong nimo inig-ambit nila sa inigsoon mong salusalo. 14 Dili sila makatan-aw sa babaye sa walay pagpaninguha niya; dili kapuyon sa pagpakasala ug pagtintal sa huyang nga mga kalag. Puno sila sa kahakog – tinunglo.

15 Gitalikdan nila ang tarong nga dalan ug misunod ni Balaam, anak ni Beor, nga nagaid sa nakuha sa sayop nga binuhatan. 16 Apan gibadlong siya tungod sa iyang sala: Ang asno niyang bayi misugod og sulti daw tawo. Gipahunong niya ang propeta sa binuang. 17 Kining mga tawhana daw mga tinubdang walay tubig, mga panganod nga giabog sa bagyo nga kusog kaayong miirog paingon sa labing itom nga kangitngit. 18 Uban sa hinambog ug haw-ang nga mga diskurso, gidasig nila ang pamiga ug hugawng tinguha sa kasingkasing. Makadaldal sila sa bag-o pa lang nga nakalingkawas sa kaugalingon sa kasagarang mga sayop.

19 Nanaad silag kagawasan nga ulipon man unta sila sa kadaotan. Ang tagsa tagsa ulipon sa nagmando niya. 20 Tinuod nga human makalingkawas sa kalibotanong mga bisyo pinaagi sa kasayoran sa Ginoo ug Manluluwas nga si Cristo Jesus, mibalik sila adtong mga bisyoha ug mitugyan ini sa ilang kaugalingon. Ang kahimtang karon mas grabi pa kay sa una. 21 Mas maayo unta nga wala na sila mahibalo sa dalan paingon sa kabalaan. Kay human mahibalo gitalikdan nila ang sagradong pagtulon-an nga gitudlo kanila. 22 Sa ilang bahin, mapuslanon ni: “Ang iro mobalik sa kaugalingong suka,” ug: “Bag-o pa ganing nadigo ang baboy, naglunang na pod.”

PAGPAAMBIT SA MENSAHE:

Ang maong ebanghelyo maoy kamatuoran lamang diha sa ubang sinulat sa balaang kasulatan nga nagaingon nga daghang mga pastor ug mga ebanghelista nga nagasangyaw ug nagabuhat sa tag-as nga mga pag-ampo aron sa ingon matabunan ang ilang mga salawayong binuhatan, nan ang Pulong sa Diyos nagaingon nga walay kapasaylo-an kining mga tawhana, buhi pa sila apan laglagonon na ang ilang kalag sa impyerno.

Daan na nga gipasidaan ni San Pablo niadtong ilang Panahun nga magbantay gayud sa mga magsasangyaw nga nagadala sa ngalan sa Dios apan diay nagabuhat sa mga salawayon nga buhat din nagalunang sa mga sala ug sa mga tawhanon nga kailibgon. Diha sa mga panan-awon ni Juan sa Pinadayag, iya usab nga nakita nga moabot gayud ang panahun nga daghang mga pagtulun-an nga nagapaila sa kamatuoran diha sa ngalan ni Jesus apan nahisalaag sila sa dalan sa kamatuoran tungod kay gigamhan man sila sa kaaalam nga tawhanon.

Hinay-hinay na nga natuman ang tanan nag mga panan-awon ni Juan diha sa Pinadayag, ug ania na ang mga pahimangno ni Juan kabanhin niining mga impostor nga mga pagtulun-an ug diin nagpaila lamang usab diha sa nagsingabot nga pagbalik sa atong Ginoong Jesus

Atong mapalandungan nga sa pagtukod ni Jesus Cristo niining pagtulun-an 2000 na ka tuig ang milabay diin miingon siya sa una niyang tinawag nga apostoles nga si Simon diin iyang gibunyagan ug Pedro uban sa iyang igsoon nga si Andres, Mateo 17 :18 nagaingon si Jesus:, “Simon ikaw si Pedro ibabaw niining bato itongtong ko ang akong pagtulun-an ni ang kamatayon dili makabuntog niini.”

Ang pulong nga Pedro sa balaang kasulatan nagkahulugan kini sa Hebrew ug Petros, diin nagpasabot kini nga “hard rock” o batong bantiles sa ato pa ang maong mensahe ni Jesus nagpasabot lamang nga si Pedro gayud ang ipaagak ug maoy magsangyaw sa pagtulon-an ug simbahan ni Cristo niadtong panahuna diin dili gayud kini mawala bisan kun mangamatay na ang mga nagsangyaw nga mga apostoles niadtong panahuna.

Diin hingpit gayud nga nasangyaw ang Kristohanon nga pagtulun-an sa 600 years A.D., ug diin nahimo kini nga universal nga pagtulun-an diin mao kana ang buot ipasabot nga “Catholic” nga pagtulun-an. Ika 15 nga siglo o 1500 ka tuig sa dihang nahitala ang unang tawo o pari nag migawas sa katoliko ug nagatukod ug iyang kaugalingon nga pagtulun-an diin nagasimba gihapon kang Cristo ug pinaagi sa iyang tawhanon nga kaalam iyang giinterpretar ang kahulugan sa mga sinulat sa bibliya. Siya si Martin Luther diin ua kini ka Aleman nga mongha ug usa ka henyo , ug didto midagsang na dayun ang mga pagtulun-an nga sukawahi sa doktrina nga katoliko. 40,000 na ka pagtulun-na sa tibook kalibutan diin daghan kanila gihimong puhunan ang abilidad nga tawhanon ang pagtuki sa balaang kasulatan, ug gihimong negosyo ang ilang mga pagtulun-an nga gibarugan. Kunohay nagasangyaw sa pulong sa Dios apan gihimong panapi ang ilang pagtulun-an ug nagasulti ug mga bakak ug mga tinu-is nga pulong diha sa balaang kasulatan.

Apan ang Dios nagaingon nga lahi-lahi ang pagtawag sa Dios kanato, apan dili ang tanan nga nagatawag Dios ko, Dios ko, makasulod sa iyang gingharian sa langit kundili kadto lamang nagasunod sa iyang kabubut-on. Matod pa niya dili lang dinhi nga pagtulon-an nga duna siyay tinawag, sa uban nga pagtulon-an aduna usab siyay tinawag, nagpasabot lamang mga igsoon nga dili gayud ang relihiyon o ang pagtulun-an maoy makaluwas sa tawo kundili ikaw mismo nga tagtungod mao lamang ang makaluwas sa imong kaugalingon, busa dili gayud di-ay kita motan-anw o maghukom sa lain-lain nga mga pagtulon-an kay Diyos lamang ang nahibalo sa tanan. Ipadayun lamang ang atong tahas ug ang atong mga gimbuhaton ug likayi ang pagpasigarbo, kay ang pulong sa Diyos dili pulong sa pagpasigarbo kundili ang pulong sa Diyos pulong sa pagpaubos. Busa ayaw lantawa ang imong isigkatawo, ug siguro-a ang imong kaluwasan.

Mga Dumuduong Gikan Sa Sidlakan

MATEO 2: 1~12

2 • 1 Natawo si Jesus sa Betlehem sa Juda sa panahon ni Hari Herodes. Nangabot sa Jerusalem ang mga maalamon gikan sa sidlakan nga 2 nangutana: “Hain man ang bag-ong natawo nga hari sa mga Judio? Among nakita ang pagsubang sa iyang bitoon sa sidlakan. Ania mi aron pagpasidungog niya.” 3 Sa pagkadungog ni Herodes, nahasol siya pag-ayo, ingon man ang tanang katawhan sa Jerusalem. 4 Nagpatawag dayon siyag tigom sa mga pangulong pari ug sa nagtudlo sa katawhan sa Diyos sa iyang balaod ug nangutanag asa matawo ang Mesiyas5 Mitubag sila: “Sa lungsod sa Betlehem sa Juda, kay mao ni ang gisulat sa propeta: 6 Ikaw, Betlehem, sa yuta sa Juda, dili ka iwit sa mga banay sa Juda. Kay maggikan nimo ang pangulo nga moatiman sa akong katawhan, ang Israel.”


7 Nagpatawag dayon si Herodes og tinagong tigom uban sa mga maalamon, ug nagpakisayod nila sa insaktong panahon sa pagsubang sa bitoon. 8 Unya, gipaadto sila sa Betle-hem ug gitugon: “Lakaw ug pihoa pagpakisayod mahitungod sa bata. Kon inyo na siyang makaplagan, pahibal-a dayon ko, aron makaadto pod ko ug makapasidungog niya.” 9 Human sa tigom uban sa hari, nanglakaw sila. Ang bitoon nga nakita sa sidlakan nag-una nila ug mihunong sa dapit nga nahimutangan sa bata. 10 Nalipay kaayo sila sa pagkakita pag-usab sa bitoon. 11 Nanulod sila sa balay. Sa pagkakita sa bata ug ni Maria, ang inahan, miluhod sila ug misimba niya. Giablihan nila ang ilang mga bag ug gihalad ang ilang gasa nga bulawan, insenso ug mira. 12 Pinaagi sa damgo gipasidan-an sila sa dili pagbalik kang Herodes. Busa, namauli sila agi sa laing dalan.


PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga panagna sa mga propeta diin dugay na nga gipaabot ang mesiyas nga maoy manunubos sa kalibutan diin pinaagi diha sa giya sa espiritu santo gipakita kini niadtong tulo ka mga dumoduong gikan sa sidlakan, diin gipangita ang maong bata nga si Jesus nga mamahimong hari sa mga hari.

Usa lamang ka sumbanan diha sa pagpakatawo ni Jesu-Cristo nga matuod nga siya anak sa Dios apan sa iyang paghiabot niining kalibutana usa lamang siya ka yano nga binuhat diin nagpakatawo diha sa mga yano usab nga inahan, diin usa ka pagpamalandong nga atong maambitan nga dili babag ang kawad-on diha as pagsulod sa gingharian sa langit,.

Gipakita sa Dios nga maadunahan ang tawo kun kuntento na siya kun unsay anaa kaniya, kay diha sa atong paghimugso niining kalibutan, wala man kitay dala, ug sa atong pagtaliwan niining kalibutan biyaan ta ang tananang bahandi. Nan walay laing bililhon nga butang nga sarang natong mabitbit diin isukip kini sa atong kasingkasing, mao ra gayud ang mga bahandi nga langitnon diin atong madala pinaagi diha sa kanunay natong pag-ampo ug mga pangaliya.

Mao kini ang gipakita sa anak sa Dios kanato ang pagpakatawo nga hubo sa bahandi niining kalibutana apan hupong sa bahandi nga langitnon, kay unsaon man tuod kun maimo ang tanang bahandi nga iya niining kalibutan apan ayran ka didto sa iyang gingharian sa langit mas maayo nga magpakabuhi kita nga langyaw ka niining kalibutana apan ha-om didto sa gingharian sa Amahan.

Sa ato pa ang pagpakatawo ni Jesus maoy gasa sa Dios diin maisip nga pinaskohan niadtong una natong mga katigulangan, kay mao gayuy gusto sa Dios nga mahiduol kita kaniya pinaagi diha sa pagluwas sa atong mga kasal-anan diha sa pagsakripisyo ni Jesus, kay matod pa mahal ang iyang pagpalit kanato busa angayan nato kini pamalandungan sa makadaghan, diin dili pa nato makita ang tanan dinhi sa ibabaw sa kalibutan, apan ang tanan matubag kun mahatagan kita sa kinabuhi nga hingpit diha kang Cristo..

Ang Kagikan Ni Jesus

MATEO 1:1~17

1• 1 Kini ang kagikan ni Jesu-Cristo, anak ni David nga anak pod ni Abraham.
2 Si Abraham ang amahan ni Isaac, si Isaac ni Jacob, si Jacob ni Juda ug sa mga igsoon.
3 Si Juda ang amahan ni Fares ug Zera (si Tamar ang inahan), si Fares ang amahan ni Esron, ug si Esron ni Aram. 4 Si Aram ang amahan ni Aminadab, si Aminadab ni Naason, si Naason ni Salmon. 5 Si Salmon ang amahan ni Booz, ug si Rahab ang inahan. Si Booz ang amahan ni Obed. Si Ruth ang inahan. Si Obed ang amahan ni Jese. 6 Si Jese ang amahan ni David nga hari. Si David ang amahan ni Solomon. Ang kanhi asawa ni Urias maoy inahan


7 Si Solomon ang amahan ni Roboam nga amahan ni Abias, ug sunod ang mga hari nga si Asa, 8 Josafat, Joram, Osias, 9 Joatan, Ajaz, Ezequias, 10 Manases, Amon ug Josias.
11 Si Josias ang amahan ni Jeconias ug sa iyang mga igsoon sa ilang pagkabihag sa Babilonia.
12 Sa nabihag na ang mga Israelita sa Babilonia, si Jeconias naamahan ni Salatiel, ang amahan ni Zorobabel. 13 Si Zorobabel ang amahan ni Abiud; si Abiud ni Eliacim, ug si Eliacim ni Azor. 14 Si Azor ang amahan ni Sadoc, si Sadoc ni Aquim, ug si Aquim ni Eliud. 15 Si Eliud ang amahan ni Eleazar, si Eleazar ni Matan, ug si Matan ni Jacob. 16 Si Jacob ang amahan ni Jose, ang bana ni Maria, inahan ni Jesus nga ginganlag Cristo. 17 May 14 ka kaliwatan gikan ni Abraham hangtod ni David, ug 14 gikan ni David hangtod sa pagpamihag sa Babilonia; 14 sab gikan sa pagpamihag sa Babilonia hangtod sa pagkatawo ni Cristo
.



PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on ug binuhatan sa Dios diin han-ay ug plastar ang tanan, diin diha niining maong ebanghelyo gipasabot sa Dios nga dili tiaw ang pag-andam ug paghan-ay diha sa mga kaliwat ni Jesus diin diha gikan kang Abraham paingon kang Moises ug paingon kang David ug hangtod diha sa pagkatawo ni Jesus Cristo aduna kini 20 ka kaliwatan matag usa ayha miabot si Jesus , sa ato pa gikan kang David ngadton kang Jesus Cristo dunay 20 ka kaliwatan o “generation”, diin ang matag generation atong lang ibutang nga 20 ka tuig ang gap o distansya niini, nan sa 20 ka kaliwatan adunay 400 ka tuig gikan kang David hangtod kang Jesus Cristo.

Nagapasabot lamang mga igsoon nga daan na nga han-ay ang pagpakatawo sa manunubos bisan kun halayo pa ang tuig nga gitagal niini, ug nagapasabot nga dili salagma ang pagpakatawoa sa anak sa Dios kundili nalatid na kining daan, nagpasabot usab nga wala gayuy makasukod o makatugkad diha sa gahum ug kabubut-on sa Dios kay matod pa walay binuhat dinhi sa kalibutan ang gitugutan sa Dios sa pagtugkad sa iyang kabubut-on.

Bisan diha sa edad sa atong kalibutan diin hangtod niining panahuna wla gayud magkatugma ang balaang kasulatan ug ang siyensa, diin diha sa balaang kasulatan nagaingon nga ang kalibutan nga atong gipuy-an aduna kini 10,000 ka katuigan ang edad, apan matod pa usab sa mga scientist diha sa ilang pag-estudyo sa mga fossil ug mga karaan nga mga bato, ang kalibutan aduna nay pangedaron nga 4.2 bilyon ka katuigan.

Usa lamang ka pagpasabot nga ang kaalam nga Diosnon dili nimo matugkad pinaagi diha sa tawahanon nga kaalam o tawhanon nga kinaadman, diin ang Dios nagpasidaan nang daan nga wala niya tugti ang bisan kinsa diha sa pagtugkad sa ilang kaalam, kay ang buhat nga espirituhanon dili gayud kini nimo maambitan kundili itugot sa Dios kun kulang ang imong mga pangaliya ug pag-ampo. Nagapasabot lamang usab nga sa kataas na sa numero nga naabtan sa kalibutan, apan hamubo lang usab ang iya sa Dios, diha sa ubang sinulat, 2 Pedro 3: 17 nagaingon nga ang 1 ka adlaw sama sa usaka libo ka tuig apan ang 1000 ka tuig sama lamang usab kini sa 1 ka adlaw sa ato pa dili gayud magkatugmad ang iya nnining kalibutan ug ang iya Dios.

Ang Bag-ong Sugo

JUAN 13: 31~35

31 Sa wala na si Judas, miingon si Jesus: “Himayaon na karon ang Anak sa Tawo, ug himayaon ang Diyos diha niya.” 32 Busa, himayaon siya sa Diyos, ug buhaton ni dayon.
• 33 Mga anak, sa dili madugay mobiya ko ninyo. Mangita mo nako, apan sama sa gisulti ko sa mga Judio, ingnon tamo: “Dili mo makaadto sa akong adtoan.” 34 Hatagan tamo og bag-ong sugo: paghigugmaay! Ingon nga nahigugma ko ninyo, paghigugmaay sab mo sa usag-usa. 35 Pinaagi ini makahibalo ang tanan nga mga tinun-an mo nako, kon mahigugma mo sa usag-usa.

PAGPAAMBIT SA MENSAHE:

Ang among ebanghelyo pagpasabot lamang diha sa katuyuan sa Dios nga Jesu Cristo diha sa iyang tahas sa pagpakatawo dinhi sa kalibutan diin iyang gipasabot nga ang napulo ka sugo nga gisangyaw ni Moises nagkahulugan lamang kini ug usa ka sugo, Ang Panaghigugmaay sa matag-usa ingon nga ang Dios nahigugma kanato.

Juan 14:15 nagaingon usab si Jesus, Kung nahigugma kamo kanako tumana ninyo ang akong mga sugo, Mangayo ako sa Amahan ug tagaan kamo niyag laing manlalaban, ang espiritu sa kamatuoran, aron makig-uban kaninyo hangtod sa kahangturan. Ang kalibutan dili makadawat kaniya kay dili man kini makakita ni makaila kaniya, apan makaila kamo kaniya kay makig-uban siya ug magpuyo diha kaninyo.

1 Corinto 3: 16 nagaingon nga ang lawas sa tawo maoy templo sa Dios Espiritu Santo sa Dios, ug ang mopasipala sa templo sa Dios nag mao ang atong lawas nan iya usab nga pagalaglagon. Sa ato pa mag igsoon nga kun nangita ka sa Dios nan anaa lamang siya diha sa atong lawas diha sa atong kasing-kasing, diin maoy hinungdan nga nag-aghat gayud si Jeus Cristo diha sa paghigugmaay sa matag-usa kay sa ingon ang Dios sa kanunay manalagnin kanato.

Gusto gayod sa Dios nag ipatunhay ang gugma ug panagdait, sa iyang mga pinili nga katawhan diin biyaan ta ang mga panagdumot ug pagbingkilbingkil, kay kun nahigugma ka ug nagatoo kang Jesu Cristo nga imong Dios ug manluluwas nan biyaan mo gayud ang tawhanon nga mga kailibgon ug mga tawhanon nga mga kasal-anan, kay wala kay kalainan niadtong nagasimba sa mga Dios-dios kay sila nagabuhat man usab niini kun dili mo kini biyaan.

Sa ato pa mga igsoon kun gidawat mo si Jesu Cristo nga imong Dios ug manluluwas nan nagpasabot kana ng gidawat mo usab ang iyang sugo , kay matod pa diha sa ubang mag sinulat nga kun gidawat mo si Jeuu Cristo nga imong Dios apan nagdumot ka sa imong isigkatawo o sa imong silingan nan wala ka pa magpuyo sa kahayag anaa ka pa sa kangitngit. Kun moingon ka nga nahigugma ka sa Dios apan nagdumot ug nakigbungol ka sa imong isigkatawo nan Ang Dios miingon nga namakakak ka wala ka mahigugma sa Dios kay giunsa man nimo paghigugma ang Dios nag dili makita ug mahikap apan gidumtan mo ang imong isigkatawo nga sa tanang adlaw imong makita, bakakon ka nang tawhana. Sa ato pa mga igsoon ang pagdawat diha sa bag-ong sugo sa Dios maoy pagpasabot lamang sa pagpaubos sa imong garbo maoy pagpasabot lamang nga tumban ang imong garbo ug ipaubos mo ang imong kaugalingon, kay matod pa diha sa mga Japanese nga pinulongan nagaingon nga “ Masaketsu Agatsu” nga sa ato pa Ang imong dako nga kadaugan mao ag imong kadaugan diha sa pagkontroloar sa imong kaugalingon , diha sa pagkontrolar sa imong garbo diin makigdait kita diha kang Kristo ug sa iyang mga katawhan nga walay maskara..

Si Jesus Ug Si Pedro

JUAN 21 : 15 ~ 19

15 Human sa pamahaw, miingon si Jesus kang Simon Pedro: “Simon, anak ni Juan, nahigugma ka ba nako labaw kay kanila?” Mitubag siya: “Oo, Ginoo, nasayod ka nga gihigugma tikaw.” Si Jesus miingon: “Pakan-a ang mga nati kong karnero.”

16 Sa ikaduhang higayon miingon si Jesus: “Simon, anak ni Juan, nahigugma ka ba nako?” Miingon si Pedro: “Oo, Ginoo, nahibalo ka nga gihigugma tikaw.” Si Jesus miingon: “Atimana ang akong mga karnero.” 17 Miingon siya sa ikatulong higayon: “Simon, anak ni Juan, nahigugma ka ba nako?”

Nasubo si Pedro, kay katulo na mangutana si Jesus: “Nahigugma ka ba nako?” Mitubag siya: “Ginoo, nakahibalo ka sa tanan; nasayod ka nga gihigugma tikaw.”
Si Jesus miingon: “Pakan-a ang akong mga karnero.”

18 Sa pagkatinuod sultihan tikaw, sa batan-on ka pa, baksan nimo ang kaugalingon ug moadto sa bisag asa ka gusto. Apan sa tigulang ka na idupa na nimo ang kamot. Lain ang mobakos ug dad-on ka sa dapit diin dili ka gustong moadto.” 19 Misultig sama ini si Jesus sa pagpasabot sa matang sa kamatayon nga mahiagoman ni Pedro aron paghimaya sa Diyos. Human ini midugang siya: “Sunod nako!”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa unang mga apostoles ni Jesus Cristo diin atong mahinumduman nga si Pedro mao man kini si Simon nga igsoon ni Andres diin pulos sila mananagat ug sa dihang gipakita sila ug milagro sa Ginoo nga makakuha sila ug daghan mga isda miingon si Jesus kang Pedro o Simon nga sukad niining adlawa managat ka na ug tawo.

Diha sa ubang sinulat Mateo 17: 18 miingon si Jesus ngadto kang Pedro, Simon ikaw si Pedro ug ibabaw niining bato itongtong ko ang akong pagtulun-an ni ang kamatayon dili makabuntog niini. Dawata kining mga yawe didto sa akong gingharian sa langit, ang imong idili dinhi sa yuta, idili usab didto sa langit, ug ang imong itugot dinhi sa ibabaw sa yuta itugot usab didto sa gingharian sa langit.

Ang mga pinulongan ni Jesus nga gigamit niadtong panahuna 3 ka klase, Hebrew, Greyego ug Aramaic. Ang Aramaic mao gayud ang pinulongan sa Jerusalem niadtong panahuna diin ang Pulong Pedro sa pinulonang nga Hebrew gitawag kini ug Petros sa inengles “Hard Rock” sa ato pa nga sinultihan batong bantiles.

Sa ato nagpasabot diay si Jesus kang Pedro diin diha kaniya ipaagak ni Jesu-Cristo ang iyang simbahan, ang ang iglisea sa tinago nga kamatuoran diin bisan diha sa mga paglutos nga naagian sa iyang mga apostoles pinangulohan ni Pedro nagpabilin gayud nga mobarog nga malig-on kini nga pagtulun-an tungod kay dili tawo ang nagtukod niini.

Si Pedro maoy giila nga pangulo sa 12 ka apostoles ni Cristo ug gitawag siya nga “prince of apostle” ug diin siya maoy sinaligan ni Jesu Cristo sumala diha sa balaang kasulatan. Didto gayod sa Roma nagdugay si Pedro diha sa iyang pagsangyaw diin ang Roma nianang panahuna maoy gibantog nga manlulutos sa pagtulun-an ni Cristo tungod kay kadaghanan kanila wala man makaila sa matuod nga Dios ug nasimba sila sa mga Dios-Dios.

Nahimong dakong pari si Pedro didto sa Roma diin pinaagi niini gidakop siya ug gibitay sa krus diin siya gayud ang mihangyo nga gusto niya balihon siya sa paglansang sa krus diin magtu-ali siya ug ang tiil maoy atua sa taas kay gusto niy nga makaambit diha sa mga kasakitan diha ni Cristo diin giila siya nga martir ug siya ang unang Santo Papa didto sa Roma diin adunay siya simbolo nga yabe. Ug ang tanang Santo Papa sa Roma sumosunod ni San Pedro.

Diin diha sa mao niyang kamatayon matod pa sa ubang sinulat wala niya kini kahadloki diin diha sa akto sa pagpatay kaniya sa berdugo sa Roma, nanag-awit pa siya diha sa pagdayeg sa Dios kay para kaniya wala nay bili ang iyang materyal nga lawas kay maoy bililhon kaniya ang kapaingnan sa iyang kalag diin nasayod siya kun asa kini paingon nasayod siya nga himayaon kini didto sa gingharian sa langit uban sa iyang agalon ug magtutudlo nga si Jesus. Usa ka kamatuoran lamang ang giingon diha sa balaang kasulatan nga nagaingon nga “Ayaw kahadloki ang tawo nga makapatay sa imong lawas apan walay mahimo sa imong kalag, maoy kahadloki ang Dios nga adunay gahum diha sa pagpatay sa imong kalag didto sa kalayo sa impiyerno.