Kinsa Ang Labing Dako

MARCOS 9:33~37

• 33 Miabot sila sa Cafarnaum. Sa sulod sa balay nangutana si Jesus: “Unsay inyong gilalisan samtang diha pa ta sa dalan?” 34 Wala sila motubag, kay naglalis man sila kinsay labing dako nila.

• 35 Milingkod siya, mitawag sa 12 ug miingon: “Ang buot mahiuna, kinahanglang maulahi. Alagaran niya ang tanan.” 36 Unya, mikuha siyag gamayng bata nga gibutang sa taliwala ug giagbayan. Miingon siya: 37 “Ang modawat sa bata sama ini, sa akong ngalan, modawat nako. Ang modawat nako, modawat dili nako kondili, sa Nagpadala nako.”

PAGPAAMBIT SA MENSAHE:

Ang maong ebanghelyo naghisgot diha sa labing dako didto sa gingharian sa langit diin maoy giisip nga labing dako sa Dios didtosa iyang gingharian kun nag-alagad ka sa labing daghan nga katawhan dinhi sa yuta diin nagpasabot lamang kini mga igsoon nga ang pinaka-ubos didto sa ibabaw sa yuta maoy ilhon nga labing dako didto sa gingharian sa langit.

Nagpamatuod lamang sa balaang kasulatan nga nagaingon nga kun magpaubos ka dinhi sa yuta nan iptaaas ka didto sa gingharian sa langit apan kun mapahitas-on ka dinhi sa ibabaw sa yuta nan ipubos ka ug dili ilhon didto sa iyang gingharian sa langit.

Usa ka kamatuoran nga nagaingon diha sa balaang kasulatan nga kun gusto nimo nga himayao ug daygon didto sa iyang gingharian sa langit nan puy-i ang kinabuhi nga puno sa mga pagpanlutos ug pagdaug-daug dinhi sa yuta diin anaa ang tanan nga kasakitan sa kinabuhin. Pas-ana ang imong krus ug sunod sa pagtulon-an nga gisangyaw ni Kristo, Diin bulahan ka nga makaambit sa nga kasakitan ni Kristo diha sa paglansang niya sa krus, kay makaambit ka usab sa himaya sa pagkabanhaw didto sa iyang gingharian sa langit.

Sa ubang sinulat nagaingon: Kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulon-an ni Kristo, kay bulahan ka nga nawad-an ug kinabuhi diha sa pagsunod mo sa iyang kabubut-on kay madugangan ka ug kinabuhi, apan kun magdumili ka sa pagsunod sa iyang mga kasugoan sa kahadlok nga mawad-an ug kinabuhi nan basin kun kawad-an ka niini.

Usa ka kamatuoran diha niining ebangheyo nga ang tanang tawhanon ug kalibutanon nga materyal ug kaalam walay pulos didto sa ginharian sa langit, Bisan unsa ka pa ka dingganan ug ka inila dinhi sa kalibutan apan kun ang imong kalag waay atiman diin wala kini bahandi nga espirituhanon nga sarang makapatambok ug makaalima sa maong kalag nan, walay bahandi niining kalibutana nga makalukat sa mao mong kalag didto sa bung-aw sa impyerno.

Ang buhing pulong sa Dios nagaingon kun nasayod pa unta kamo kun unsa ang atua didto sa gingharian sa langit nan dili na unta kamo mangaplag ug dugang pang bahandi niining kalibutana maoy inyong siguroon kun unsaon sa pag-abot didto sa iyang gingharian sa langit.

Mga Ganti

Mateo 10: 40~42

40 Ang modawat ninyo, modawat sab nako. Ug ang modawat nako, modawat sa nagpadala nako. 41 Ang modawat sa propeta isip propeta, makadawat sa ganti sa propeta. Ang modawat sa tarong, kay tarong, makadawat sa ganti sa tarong. 42 Kon may mohatag og bisag usa na lang ka baso sa bugnawng tubig sa usa ining mga gagmay, kay tinun-an ko siya, sultihan tamo, gantihan.”

PAGPAAMBIT SA MENSAHE:

Ang maong ebanghelyo naghisgot diha sa bag-ong sugo ni Jesu Cristo diin nagaingon kini nga paghigugmaay kamo, kay ang nahigugma diha sa iyang isigkatawo nahigugma usab sa Dios. Ang Dios naa nagapuyo diha sa tAgsa-tagsa nato ka kaugalingon, kini gipadAyag diha sa 1 Corinto 3: 16, diin nagaingon kini : “Ang atong lawas maoy templo sa Dios espiritu santo ug ang molaglag sa templo sa Dios nga mao ang atong lawas nan iya usab ng pagalaglagon. Sa ato pa kun unsa ang atong gibuhat diha sa atong isigkatawo nan mao usab ang gibuhat nato sa Dios.

Ang gibuhat nato diha sa pinakaubos nato nga alagad sa Dios nan mao kana usab ang imong gibuhat sa Dios ug makadawat ka usab ug susamang ganti niadtong nadawat sa maong alagad. Nagpasabot lamang nga ang Dios moabot sa atong kinabuhi sa paagi nga dili nato damhon. Nagpasabot lamang mga igoon nga ang pinakaubos dinhi sa yuta maoy ipataas sa Dios didto sa iyang gingharian, apan kadtong nagpagarbo sa iyang kaugalingon diin nanglutos ug dili makahibalong makigdait diha sa ubos pa kaniya nan naglutos usab sa Dios, kay ang balaang kasulatan nagaingon ang imong gibuhat sa pinakaubos nga nilalang dinhi sa kalibutan nan maoy imong gibuhat ngadto sa Dios.

Usa ka pagpamalandong ang maong parabola diha sa balaang kasulatan bahin sa usa ka datu ug kangLazaro nga makalilimos diin wala gayud manumbaling ang maong datu sa paghatag ug bisan gamay nga pagkaon sa maong makalilimos kay lagi gahugawan siya, apan sa dihang namatay ang datu ug mamatay si Lazaro ang datu didto sa impiyerno nag-antos sa silot sa kalayo, ug s iLazaro didto tupad kang Abraham didto sa paraiso sa langit. Nagpamatuod lamang nga ang magbuhat sa datutan magbunga gayud ug kangitngit pag-abot sa panahun.

Mga Hinagiban Nga Espirituhanon

EFESO 6: 10~19]

10 Sa kataposan pagmalig-on mo sa Ginoo pinaagi sa iyang kusog ug kalig-on. 11 Isul-ob ang tibuok nga taming sa Diyos aron makaharong mo sa mga limbong sa yawa. 12 Ang pakig-away nato dili sa tawhanong kusog kondili, batok sa mga punoan ug gamhanan ug sa tanang daotang gahom nga nagmando ining kalibotana. Makigbisog ta batok sa mga espiritu ug yawan-ong kusog nga labaw sa kinaiyahan.

13 Busa, isul-ob ang tibuok nga taming sa Diyos aron makasukol mo ug makabarog sa inyong gitindogan sa adlaw sa kadaot. Gamita ang tanang hinagiban. 14 Ibakos ang kamatuoran. Himoa ang hustisya nga inyong taming ug ang 15 kasibot, sapatos aron pagsangyaw sa Ebanghelyo sa kalinaw. 16 Guniti kanunay sa inyong kamot ang taming sa pagtoo aron pagpahilayo sa nagdilaab nga mga pana sa yawa.

17 Sa kataposan gamita ang helmet sa kaluwasan ug ang pinuti sa Espiritu nga mao ang Pulong sa Diyos. 18 Pag-ampo sa tanang higayon sumala sa paglamdag sa Espiritu. Pagbantay mo ug lahutay sa pag-ampo ug sa pagpangayo alang sa tanang kaigsoonan. 19 Iampo sab ko sa akong pagsulti, aron kahatagan ko sa mga pulong sa pagsangyaw sa misteryo sa Ebanghelyo sa tumang kaisog.

PAGPAAMBIT SA MENSAHE:

Ang maong ebanghelyo naghisgot kini sa pagkinabuhi nga espirituhanon diin maoy atong ipahari diha sa atong kaugalingon pagkinabuhi nga iya sa espiritu santo. Ginangon diha sa maong ebanghelyo nga lig-onon ug himoon natong taming nga atong pagtuo sa Dios, atong gamiton ang tanang armadora sa pagpanganndam para sa adlaw sa kangitngit kay matod pa dili man tawo ang atong kontra kay ang tanang tawo gibuhat man sa Dios nga ubos sa iyang kabubut-on, ug walay dautan sa tawo , ang dautan mao lamang ang ilang binuhatan ug dili kana iya sa Dios iya kana sa dautan.

Apan kining tanan mga igsoon dili nato mahimo kung kita kulang sa pagtoo ngadto sa Dios nga makagagahum sa tanan. Ginaingon nga ang pagtoo sumala sa balaang kasulatan maoy usa ka pagsalig ug palaum nagdto sa mga binuhat nga dili makita ug mahikap. Mao kini nga matang sa pagtoo nga maoy molahutay hangtod sa kahangturan. Diin diha usab magsumikad ang grasya ug panalangin sa Dios sa kahugot sa imong pagtuo diin pinaagi sa imong pag-ampo ang imposible mahimong posible diin ipaabot gayud sa Dios kanimo isip ganti gumikan sa imong hugot nga pagtuo ang mga milagro diha sa imong gipangayo ngadto kaniya.

Unsa may kasiguroan diha sa atong pagbalaan ug pa-ampo uban sa hugot nga pagtuo nga kita dunggon sa Dios? Walay kasiguroan apan ang Dios nagaingon diha sa balaang kasulatan nga kun mosaad siya nan mohatag gayud siya sa paaagi nga iyang gusto. Bisan diha sa pag-abog sa mga dautang espiritu diin ginaingon nga ang imong nga armadura mao usa nga moabog sa daotang espiritu apan kining tanan walay pulos kun ang nagaabog niini kulang sa pagtuo nga sa ato wala ang espiritu santo diha kaniya, kulang sa pagbalaan ang iyang kaugalingon. Ang dautan mahadlok lamang kun ang nagaabog kanila pinaagi sa mga armadura, makabalaan gayud sa huna-huna, sa kasing-kasing ug sa buhat.

Ang Pagsabot Sa Kahulugan Sa Panahun

LUCAS 12:54~56

:

:

54 Si Jesus miingon sa daghang panon: “Inigkakita ninyog panganod nga mopataas sa kasadpan, dihadiha moingon mo: ‘Moulan ug kanay mahitabo.’ 55 Inigbulhot sa habagat, moingon mo: ‘Moinit.’ Kana poy mahitabo. 56 Pagkataphaw ninyong pagkatawo! Nasayran ninyo ang pamayhon sa kalibotan ug sa langit, apan wala mo makasabot sa nahitabo karon

PAGPAAMBIT SA MENSAHE:

Ang maong ebanghelyo naghisgot diha sa kahulugan sa panahun diin nagpasabot kini sa mga umaabot nga mga katalagman sumala sa nakatala diha sa balaang kasulatan. Ania na ang mga timailhan diin hapit na ang paghari ni Jesu Cristo, Matod pa 90% na diha sa balaang kasulatan ang natuman na ug nadayag dha sa mga kristuhanong katawhan. Diin matod pa niining panahuna ania na kita sa pinadayag nga mga panan-awon sumala kang San Pablo.

Diha sa sulat ni Pedro (2 Pedro 3 :17) nagaingon nga ang 1 ka adlaw daw sama sa 1000 ka adlaw sa Ginoo ug ang 1000 ka adlaw, sama usab sa 1 lang ka adlaw. Nagpasabot lamang nga ang kadugay ug kadali sa panahun nagaagad diha sa kabubut-on sa Dios. Matod pa anaa lamang sa Dios kun dalion ba niya o dugay pa mobalik ang pagbalik sa iyang bugtong anak. Kay matod pa daghang pa ang mga pulong nga idayag sa Dios, diin maoy gayud usab ang gusto sa Dios nga ang iyang mga katawhan nga pinili ug tinawag matipok na ug maluwas diha sa pagbalik ni Kristo.

Daan gipadayag sa Amahan ang pagbalik sa anak diha sa balaang kasulatan ug ingon man diha sa mga milagro sa tibook kalibutan nga gisaksihan sa iyang mga katawhan. Usa na niini ang nabantog nga milagro didto sa Fatima Portugal kaniadtong Mayo 13, 1917 diin ang mahal nga birhen Maria mipakita sa tulo ka mga inosentemg mga binuhat diin nagpadayag ang inahan sa mga mensahe niadtong panahuna, Iyang giaghat ang mga katawhan sa pagsantos nga rosaryo ug ingon man diha gayud sa mga pag-ampo kay matuod ang impeyerno ug tulobagon sa matag magtutuo kun adunay kalag nga matunaw diin wala kini niya masangyawi sa kamatuoran samtang buhi pa.

Diin gipadayag na niadtong panahuna usab ang mensahe sa umaabot nga kataposan sa kalibutan diin sa dili pa kini mahitabo, daghang katalagman ang mahitabo diin mahitabo gayud nga ang mahabilin kadto na lamang ang adunay mga pag-ampo ug pagtuo sa Dios, ug nianang panahuna ang mga katawhan sa bisan unsa nga pagtulon-an nagasimba na lamang sa usa ka pagtulon-an ang matuod nga katoliko diin gitawag kini ug Holy Catholic. Diin sa akong pagsabot mga igsoon kini nga pagtulon-an nga atong gibarugan masangyaw gayud sa tibuok kalibutan sumala sa gipadayag sa Amahan, ug mao na kini nga pagtulun-an sa tanang pagtulun-an, nga gitawag nila nga Balaang Katoliko, nga maoy pagtulun-ang nga gitukod ni Jesus Cristo uban sa iyang apostoles ug mga propeta diin mao usab ang ipresentar ngadto sa anak sa Dios diha unya sa iyang pagbalik ang Birhen sa Fatima ang Balaang Katoliko.

Ang Sambingay Mahitungod Sa Liso Sa Mustasa

LUCAS 13: 18~19

• 18 Mipadayon si Jesus pagsulti: “Sa unsa mahisama ang Gingharian sa Diyos? Sa unsa ko ikatandi? 19 Hunahunaa ang tawo nga mikuhag liso sa mustasa nga gitanom sa hardin. Miturok ang liso, mitubo ug nahisama sa gamayng kahoy sa ingon, ang mga langgam sa kahanginan nagpasilong sa mga sanga

PAGPAAMBIT SA MENSAHE:

Ang maong ebanghelyo nagahisgot diha sa panag-ingnan sa gingharian sa Dios diin daw sama kini sa liso sa mustasa nga gipugas diha sa usa ka mag-uuma sa iyang garden ug mitubo ug milipang diin mismo ang mga kalanggaman makahino sa pagpasilong niini. Usa kini ka sambingay diha sa pagkaplag nato sa gingharian sa Dios diin sama lamang kini sa gagmayng liso nga atong ipugas diin diha sa atong kanunay nga pagsunod sa kabubut-on sa Dios diha sa iyang mga kasugoan ug sa mga pag-ampo ang gamay nga liso diha sa atong pagtuo ngadto sa pagtulun-an nga atong gibarugan mamahimo kini nga dakong punuan sa kahoy nga atong ikapaambit ngadto sa ubang katawhan nga nagkinahanglan sa panabang nga espirituhanon.

Ingon diay niana ang atong pagpangita sa ginghagarian sa Dios diin bisan kun nia pa kita dinhi sa ibabaw sa yuta, diin anaa ang daghang mga tentasyon ug mga tawhanong kailibgon apan kun maoy atong ipahari sa kanunay ang kabubut-on sa Dios nan bulahan ka kay maoy imong gipahari ang mga hiyas nga langitnon diin maoy gikahimut-an sa langitnong amahan.

Kay ang balaang kasulatan nagaingon ang ang Dios anaa lamang magapuyo diha sa matag tawo sumala sa gipadayag sa 1 Corinto 3: 16, diin kita maoy templo sa Dios espirito santo ug ang molaglag sa templo sa Dios nga mao ang atong lawas nan iya usab nga pagalaglagon. Sa ato pa ang matag lawas sa tawo ug ang atong isigka tawo anaa nagapuyo ang Dios ug kun unsa ang imong gibuhat diha sa imong isigkatawo maoy imong gibuhat sa Dios. Diin maoy atong pamalandungan unya diha sa kataposang paghukom diin moingon ang Dios kanimo nga salamat sa imong pagpakaon ug pag atiman kanako ug sa paghatag kanako diha sa akong gikinahanglan sa diha nga nangayo ako kanimo , kay ang imong gibuhat sa pinakaubos nga binuhat sa ibabaw sa kalibutan maoy imong gibuhat sa Dios.

Sa ato pa ato diay amomahon nato ang atong pagtuo diha sa pagpangita sa gingharian sa Dios nga dili makita ug mahikap diin matod pa sa balaang kasulatan ang pagtuo maoy usa ka matang sa pagsalig ug paglaom ngadto sa mga binuhat nga wala nato sukad makita ug mahikap. Apan matod pa usab sa basahon ni Santiago diha sa Santiago 2: 17 nagaingon nga ang pagtuo nga walay buhat sama sa lawas sa tawo nga patay kun wala ang espiritu niini nan ang pagtuo kun walay buhat patay usab.

Ingon diay niina ang mensahe sa Dios kanatong tanan mga igsoon nga ang gingharian sa Dios makita nimo kini diha sa imong pagtuo nga adunay binuhatan diin sama sa maong pasumbingay nga nagpugas ka ug liso sa mustasa diin mitubo kini ug nahimong kahoy, ingon diay niana ang atomg pagpangita sa gingharian sa Dios diin dili na kita molingi pa diha sa sa mga tawhanon nga mga kailibgon ug diha sa mga patay-sindi ang ilaw kundili ato lamang diay nga amomahon ang gigharian sa Dios nga mao ang atong lawas diin maoy templo sa Dios pinaagi sa pagpalambo sa atong pagtuo sa Dios diha sa atong nga binuhatan.

Sa unsa man nga paagi diin mapalambo nato nag kabubut-on sa Dios diha kanatong mga magtutuo, una mao gayud ang pagsunod sa iyang kabubut-on ug kasugo-an diin daghan kaayo kini kun atong usa-usahon pa mao lamay atong hinumdumanan ang bag-ong sugo ni Krisyto diin mao ang paghigugma sa usag-usa ug mao usab ang paghigugma sa atong kaugalingon diin apil na niana ang paghigugma usab sa atong espirutanon nga lawas diin sagad maoy gayud ang dili nato mabantayan nga ganiwang na diay kini tungod sa kawalay pag-ampo tungod sa atong pagpalabi-labi diha sa mga tawhaong nga mga buhat.

Angay diay nato nga hinumduman nga kun giisip nimo nga katawhan ka sa Dios nan isipa nga langyaw ka na niining kalibutana diin sa kanunay imo nang ibalaan ang imong huna-huna ug kasing-kasing ug sa kanunay sunda ang balaod nga gihimo ni Moises ug ang gisulat ni Kristo pinaagi sa iyang mga apostoles nga mao ang balaang kasulatan diin ginaingon nga matuod gayud kini nga mga pulong sa Dios ug walay balaod nga imong masupak sa yuta man o sa langit kun imo lamang sundon ang nakalatid ng daan diha niining mga basahuna kay ginaingon nga 90% na sa mga panagna nining mga basahuna nga natuman na ug karon niining panahuna ania na kita sa mga pinadayag nga mga panan-awon ni Pablo , ug nagpasabot lang mga igsoon nga hapit na moabot ang dakong paghukom.

Ang Makahugaw Sa Tawo

MARCOS 7: 14 ~ 23

14 Unya, gitawag ni Jesus ang katawhan ug giingnan: “Kamong tanan, pamati ug paningkamot nga makasabot mo. 15 Walay gikan sa gawas nga mosulod ni bisag kinsa nga makapahugaw niya. Ang mogawas hinuoy makapahugaw. 16 Ang may dalunggan, paminaw.”
17 Sa balay, layo sa pundok sa katawhan, nangutana ni Jesus bahin ini ang iyang mga tinun-an. 18 Mitubag siya: “Sa ato pa, wala pod mo makasabot? Wala ba ninyo makita nga bisag unsa nga gikan sa gawas dili makahugaw sa tawo? 19 Kay mosulod ni dili paingon sa kasingkasing; adto ra sa tiyan. Sa kataposan ipagawas ni.”

PAGPAAMBIT SA MENSAHE:

Ang maong ebanghelyo nagpasabot lamang diha sa pagtulun-an nga gisangyawn ni Cristo, diin giingon diha sa ubang sinulat nga ang pag-anhi ni Jesus sa kalibutan mao ang pagluwas sa atong mga kasal-anan ug usab mao ang pagpasabot diha sa mga kasaypanan sa unang kasabutan diin ginaingon nga ang tanang butang dinhi sa ibabaw ug ilalom sa yuta nakadawat na sa panalangin sa Dios nan wala nay makahugaw niini.

Ang pagkaon nga atong isulod sa atong lawas mogawas kini diha sa atong tiyan diin dili kina makahugaw sa atong pagkatawo apan ang mosulod sa atong kasing-kasing ug huna-huna diin mogawas diha sa atong baba maoy makahugaw sa tawo sa ato pa ang makahugaw sa tawo ang dautan niyang huna-huna o binuhatan diin sa dili pa kini buhaton niya mogawas kini diha sa iyang baba.

Gipasabot na daan ni Jesu Cristo nga ang tawo makasala gayud pinaagi sa iyang huna-huna sa pulong ug sa buhat. Ang sala nga mamugna sa tawo mga mogawas pinaagi sa iyang buhat maoy makahugaw sa tawo, apan matod pa ang tawo instrumento lamang kay ang Dios nagaingon nga walay dautan diha sa tawo kay kitang tanan miabot niining kalibutan pinaagi man sa kabubut-on sa Dios. Kun dunay dautan ang iya lamang nga binuhatan ug dili siya mismo, ug ang dautan nga binuhatan iya kana sa dautang espiritu.

Ania sa atong lawas nagauna kanunay ug nagapuyo ang espiritu sa Dios sumala sa balaang kasulatan, 1 Corinot 3:16, diin giingon nga ang atong lawas maoy templo sa Dios espiritu santo, apan unsaon man sa paglahutay sa pagpuyo sa maong espiritu sa Dios na nganha sa imong lawas kun ikaw mismo magdumili man sa pagpapuyo niini, kay mao may imong gipahari ang kangitngit diha sa imong kinabuhi, mao may imong gisimba ang mga butang nga makita ug mahiakap diin mao man kini ang makatagbaw diha sa imong tawhanon nga kailibgon nan wala luna ang Dios espiritu santo diha sa imong kasing-kasing.

Nangita ka sa Dios igsoon apan wala nimo paminawa ang imong lawas nga maoy templo sa Dios nga imong gipangita, nangita ka ug milagro apan wala nimo lantawa nga buhi ka pa hangtod karon, nagpuyo ka sa kahayag kay lagi mituo ka man kang Jesu Cristo nga imong manluluwas apan wala nimo tumana ng iyang bag-aong sugo, (Juan 13: 34) ang paghigugma sa imong isigkatawo, Anaa ka sa kahayag apan gidumtan mo ang imong isigkatawo nan nagpuyo ka gihapon sa kangitngit, Nahigugma ka sa Dios apan nagdumot ka sa imong mga igsoon ug mga silingan nan matod pa sa pulong sa Dios Amahan bakakon kanang tawhana unsaon niya paghigugma sa Dios nga dili niya makita ug mahikap diin ang iyang mga silingan ug mga igsoon nga sa kanunay niya Makita iyang mang gidumtan.

Nagpuyo ka sa kahayag apan giabusaran man nimo ang imong lawas ni wala nimo kini panggaa, nagpatuyang ka man sa iinom ug mga druga, nan unsa pa man unya ang puy-an sa imong espiritu ug kalag nga mismo ang imong lawas masakiton man kini, mao may midawat diha sa silot sa mga sala nga makahugaw sa imong pagkatawo, kay ang balaang kasulatan nagaingoin ang silot sa sala mao man gayud ag kamatayon.

Ang Gugma Ni Jesus Sa Jerusalem

MATEO 23: 37~39

• 37 Jerusalem, Jerusalem! Gipatay mo ang mga propeta ug gibato ang gipadala kanimo sa Diyos! Pagkadag-hang higayon nga buot kong mogakos sa tanan mong anak, apan nagdumili ka! 38 Karon, mabiniyaan ka ug ang imong balay. 39 Sultihan tamo nga dili na mo makakita nako hangtod nga moingon mo: “Bulahan siya nga mian-hi sa ngalan sa Ginoo!”

PAGPAAMBIT SA MENSAHE:

Ang maong ebanghelyo nagpasabot lamang sa nakatala na sumala sa mga panagna sa unang mga propeta diin nagaingon nag walay propeta nga ilhon sa ilang lungsod nga mnatawhan sa samamng higayon bisan si Jesu Cristo diin maoy nay gipasabot diha unang mga panagna sa propeta nga maoy mesiya nga ilhon nga hari sa tanang hari, apan daghan usab ang mga maalamon nga nagatuo nga ang maong hari usa lamang usab ka tawo nga sama kang haring David diin siya pagailhon nga hari sa mga hari ug yukbo-an sa tanang katawhan.

Ang Jerusalem maoy gipili sa Dios nga magasumikad ang kaluwasan sa katawhan pinaagi sa pagpakatawo ni Jesus didto sa Betlehem diin pinaagi kaniya mahimugso usab ang kaluwasan diha sa pagpakasala sa katawhan. Mao kini ang kabahin sa saad sa Dios ngadto kang Abraham nga diin tungod sa iyang talagsaong pagtuo siya gisaaran sa Dios nga ipahimutang gayud ang iyang mag kaliwatan Didto sa yuta sa mga saad, ug diin diha magsumikad sa iyang kaliwatan nga paga-ilhon usab siya nga Amahan sa tanang nasod sa kalibutan, ug pagailhon nga Amahan siya sa tanang mga kaliwatan sa tibook kalibutan.

Ang maong ebanghelyo maoy usa ka sambingay sa sukaranan sa pulong sa Dios diin iya na daan gipasidaan nga ang yuta o nasod nga iyang pinili ug pinalangga diin didto niya pagakuhaon ang kaliwatan nga magasumikad ang bugtong nga anak maoy magalutos usab dili lang sa una niyang mga propeta kun dili hasta usab sa iyang bugtong anak.

Iyang gipakita ang kamatuoran diha sa unang sinulat nga nagaingon nga ang Dios moabot sa atong kinabuhi sa paagi nga dili nato damhon, diin kadtong iyang mga pinili ug tinawag nga mga katawhan aduna na siyay giandam alang niini. Diin daghan ang mga sinulat nga nagpasabot diha sa mga paglutos sa mga katawhan sa Jerusalem dili lang sa panahun ni Kristo kundili hasta niining panahunna diin hinay-hinay na ug kahilis ang mga katawhan nga nagatuo ug nagasimba kang Jesu Cristo didtong dapita, ug hinay-hinay kini nga nailisan sa mga Eheptuhanon diin wala makaila sa matuod nga Dios.


Usa ka kamatuoran nga nagpabilin sa pagmatuod hangtod niining panahuna diin ang matuod gayud nga pagsunod sa Dios nga Jesu Cristo maoy pagsunod usab sa iyang mga kasakitan ug mga paglutos. Diin daghan ang nasayod ug nakahibalo apan mas daghan usab ang nahadlok sa pagsunod sa kabubut-on sa Dios kay dili gusto makaambit sa mga paglutos. Apan ang pulong sa Dios nagaingon: Magdumili Kaman sa pagsimba sa matuod nga Dios apan kun nakalatid ng daan ang mga pagsulay diha sa imong kinabuhi nan maambitan mo gayud kini. Diin mas bulahan kun aduna kay mga pag-ampo kay sa kanunay imo mang maampo ang mga paglutos ug mga kasakitan diin diha sa akto sa mga kasakitan nan hagkap na ang tanan.

Nagpasabot lamang sa kamatuoran diha sa laing pulong sa Dios nga nagaingon, “ Kun gusto nimo nga himayaong ug daygon didto sa gingharian sa langit nan puy-i ang kinabuhi nga puno sa pagpaubos ug pagpasakit dinhi sa yuta diin anaa ang mag paglutos, mga pag-antos ug mga kasakitan diha sa pagtulon-an nga imong gibarugan, kay bulahan ka nga nakaambit sa mga kasakitan ni Cristo diha sa paglansang niya sa Krus kay makaambit ka usab sa himaya sa iyang pagkabanhaw didto sa iyang gingharian sa langit.

Si Adan Ug Si Cristo

ROMA 5:12 ~21

• 12 Karon, ang sala misulod sa kalibotan pinaagi sa usa ka tawo. Pinaagi sa sala, ang kamatayon milukop sa tanang katawhan, kay nakasala man ang tanan. 13 Kay wala may balaod, dili sila makasulti mahitungod sa kamasupilon. Apan diha na sa kalibotan ang sala. 14 Apan naghari ang kamatayon nga walay pagpili diha nila gikan ni Adan ngadto ni Moises. Hinuon, ang ilang sala dili ang kamasupilon sama sa kang Adan – dili ni ang tinuod nga Adan, nagtagna ni sa laing moabot.

15 Busa, ang mga epekto sa gasa sa Diyos dili matupngan adtong sa sala. Nahibawo ta nga daghan ang nangamatay tungod sa sala sa usa ka tawo. Apan unsa pa kaha kadaghan ang grasya sa Diyos ug ang gasa nga gihatag sa katawhan pinaagi ining talagsaong tawo nga si JesuCristo. 16 Ang grasya sa Diyos milabaw kaayo sa sala. Ang kamasupilon nga mikondenar gihimo sa usa lang ka makasasala. Apan ang grasya sa Diyos magpasaylo sa kalibotan nga makasasala. 17 Kon mihari ang kamatayon tungod sa kamasupilon sa usa lang ka tawo, unsa pa kaha ang paghari ug pagkabuhi sa nakadawat sa grasya sa Diyos pinaagi sa tawo nga si JesuCristo.

18 Sama nga ang sala sa usa nagpahamtang og silot sa kamatayon alang sa tanan, nag-antos sab ang usa ug nakaangkon sa pasaylo ug kinabuhi alang sa tanan. 19 Ingon nga ang kamasupilon sa usa nakapahimo sa daghan nga makasasala, ang kamasinugtanon sa usa nagmakiangayon ug nagbalaan sa daghan. 20 Ang Balaod mismo nga gipaila sa kaulahiay, mipadagsang sa sala. Apan diin midagsang ni, milabaw kabuhong ang grasya. 21 Sama nga mihari ang kamatayon tungod sa sala, ang grasya sab maghari sa kaugalingong panahon, human ta namakiangayon ug nahigala sa Diyos, dad-on ta niya sa kinabuhing dayon pinaagi ni JesuCristo, atong Ginoo.

PAGPAAMBIT SA MENSAHE:

Ang maong ebanghelyo maoy pagpasabot lamang sa kabubut-on sa Dios diin ang atong unang ginikanan Si Adan ug Si Eba nga maoy unang tawo niining kalibutan, nakasala man diha sa kasugo-an sa Dios matod pa diha sa maong sinulat o ebanghelyo namugna na ang sala bisan wala pa ang balaod, diin ang maong sala nagmugna usab ug kamatayon kay matod pa ang silot sa sala mao gayud ang kamatayon.

Isip maoy unang tawo dinhi sa kalibutan Si Adan maoy unang nilalang sa Ginoo gimugma gikan sa abog ug diin diha sa iyang kamatayon sa abog usab kini mopauli. Usa ka kamatuoran nga nagkompleto diha sa cycle sa tawo gikan sa abog sa abog usab siya mopauli. Din diha sa iyang pagapakabuhi niining kalibutana, iya gayung hagu-an ug patulo-an ug singot ang iyang panginabuhi-an kay mao kini ang tipik sa silot sa Dios ngadto kang Adan ug diin nasunod nato kini gikan kanila ug gitawag kini nga sala nga panulondon.

Apan sa paghiabot ni Jesu Cristo iyang gipasabot ang tanan, diin siya mao ang mesiyas nga gisaad diha sa mga panagna sa ubang mga propeta diin maoy manluluwas kanatong tanan diha sa kamatayon. Si Jesus maoy ikaduha nga Adan apan wala siya magagikan sa abog apan gilalang siya gikan sa espiritu santo nga gitisok ngadto sa sabakan ni Birhen Maria. Sa ato pa tawo siya apan Dios usab siya, diin diha sa ubang sinulat sa Philipos 2 :6 ~ 11 nagaingon 6: Diha na kaniya ang kinaiya gayud sa Dios apan wala siya maghuna-huna sa pagtupong sa Dios pinaagi sa kusog. 7 Kundili sa iyang kaugalingon kabubut-on iya kining gibiyaan ug gisul-ob niya ang kinaiya sa usa ka sulogoon, natawo siya nga sama kanato ug nakita siya ingon nga tawo

8 Nagpaubos siya ug nagmagsinugtanon hangtod sa kamatayon sa krus 9. Tungod niini gituboy siya sa Dios ngadto sa kinatas-ang dapit sa kalangitan ug gihatagan siya ug ngalan nga labaw sa tanang ngalan 10 Busa mangluhod ang tanang binuhat nga atua sa langit, sa yuta ug sa ilalom sa yuta sa pagpasidungog sa ngalan ni Jesus 11 ug ang tanan magasangyaw nga si Jesu Cristo mao ang Ginoo, Alang sa Himaya sa Dios Amahan.

Bahandi Sa Langit

MATEO 6: 19~21

19 "Ayaw kamo pagtigum ug mga bahandi alang kaninyo dinhi sa yuta diin ang tangkob ug ang taya nagakutkot, ug diin ang mga kawatan nagapanakasaka ug nagapangawat; 20hinonoa pagtigum kamog mga bahandi alang kaninyo didto sa langit diin walay tangkob ni taya nga magakutkot ug diin walay mga kawatan nga magapanakasaka ug magapangawat. 21Kay hain gani ang imong bahandi, atua usab didto ang imong kasingkasing.


PAGPAAMBIT SA MENSAHE:

Ang maong mensahe nagpasabot lamang sa kahinungdanon gayud sa pagpakabuhi nga balaan niining kalibutana, diin diha sa ubang sinulat nagaingon nga mas bulahan kun nagkinabuhi ka nga langyaw niining kinabuhia apan ha-om didto sa gingharian sa langit, kay sa magpakabuhi nga ha-om niining kinabuhia dinhi sa kalibutan apan ayran ug dili ilhon sa Amahan didto sa langit.

Kay matod pa unsa may arang sa tawo dinhi sa kalibutan diin sa iyang pagkatawo wala man siya dala diin hubo man kita ug sa higayon nga motalikod kita niining kalibutana biyaan ta man ang tanan. Diin bulahan kun aduna kay bahandi nga madala nimo ngadto sa laing kalibutan diin ni ang taya dili makakutkot ug ang kawatan dili makasakmit. Mao kini ang nga bahandi nga isukip diha sa imong kasingksaing sa higayon nga mopanaw na kita sa laing kalibutan.

Ginaingon diha sa mga buhing pulong sa Dios nga kitang tawo samtang nagkinabuhi pa sangkap sa tulo ka elemento, ang atong tawhanon nga lawas, ang atong espiritu ug ang atong kalag, diin ang atong lawas mahabilin ug mobalik sa abog sa higayon nga kita mamatay ug ang atong espiritu mobalik sa Dios ug ang atong kalag maoy mosaka ngadto sa laing kalibutan ug magahulat diha sa ikaduhang paghukom.

Nan kun wala nimo atimana ang imong kalag diha sa mga pag-ampo unsa may buhaton niini diha sa iyang pag-inusara ngadto sa iyang pagaadtu-an, Diin wala man siyay tinigom nga espirituhanong bahandi nga maoy iyang yawe ngadto sa ganghaan sa gingharian sa Dios. Nan matod pa ang atong kalag madala niini ang atong panunduman, ug madumduman nato ang atong binuhatan sa unang panahun diin diha unya sa imong kasayuran didto sa laing kalibutan bahin niining tinagong kamatuoran nan wala ka nay balikan pa.

Usa ka pagmatuod lamang, nga bililhon nga bahandi nga maoy gusto sa Dios nga atong pagatipigan ang bahandi nga espirituhanon nga dili mahikap ni makita, apan ,mao kini ang mga bahandi nga mohangtod sa kahangturan, Apan ang bahandi ang tawhanon, dinhi lang usab kana sa kalibutan ug mobalik sa abog, nga sa ato pa kun ang imong bahandi ania lang sa yuta nan dinhi ka lang usab kutob.Ang balaang kasulatan nagaingon “ Kun asa ang imong bahandi nan atu-a usab ang imong kasingkasing.

Ang Sigpit Nga Pultahan

MATEO 7: 13~14

13 Solud kamo sa sigpit nga ganghaan,kay lapad ang pultahan ug sayon ang dalan paingon sa impyerno, ug kini ang gisubay sa kadaghanan ug malisod ang dalan paingon a kinabuhing dayon, ug dutay ra ang nakakaplag niini.

PAGPAAMBIT SA MENSAHE:

Ang maong ebanghelyo naghisgot diha sa pagkinabuhi ng iya sa Dios niining kalibutana, diin nagaingon ang ubang sinulat nga kun gusto nimong daygon ug himayaon didto sa langit nan puy-i ang kinabuhi nga puno sa pag-antos diin anaa ang mga paglutos, pagdaugdaug ug mga kapit-os sa kinabuhi. dinhi sa yuta, pas-ana ang imong krus ug sunod sa pagtulon-an nga gisangyaw ni Kristo kay bulahan ka nga nakaambit sa mga kasakitan nga gisangyaw ni Kristo kay makaambit ka usab sa himaya sa pagkakabanhaw ni Jesus didto sa langit.

Sa ubang sinulat nagaingon usab nga kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa mga pagtulon-an nga gisangyaw ni Kristo kay bulhan ka nga nawad-an ug kinabuhi diha sa pagsunod mo sa kabubut-on sa Dios kay mahatagan ka ug dugang kinabuhi apan kun nagdumili ka diha sa pagsunod mo sa kabubut-on sa Dios nan basin kun kawad-an ka niini.

Mao kini ang ipasabot niining maong ebanghelyo nan kun magasunod kita sa dalan ngadto sa gingharian sa langit, masigpit ang pultahan niini diin gamay ra ang naga-agi ug mas gamay ang makalahutay ngadto sa maong gingharian sa Dios tungod sa mga kalisdanan nga maagian, apan kun maoy imong pili-on ang dalan nga halu-ag ug haruhay diin anaa ang mga kasaba ug kagahob diha sa mga agianan nan igsoon ayha ra nimo kini mahibaw-i nga kalayo diay ang atua sa tumoy.

Apan bulahan pa ang mga katawhan nga anaa mag-again niining mga dalana diin inosente pa sila sa kmatuoran ug aduna pay pasaylo ang Dios para kanila, apan kita nga nasayod niining maong kamatuoran nga tinago sa higayon nga motalikod kita niini nan wala nay pasaylo ang Dios para kanato.

Mao gayud ang gusto sa Dios nga ang iyang pinili ug tinawag nga katawhan, dili kay magalingkod lamang ug magpaabot sa pagbalik sa anak kun dili paagion gayud sila ug mga pagsulay sa kinabuhi, sama sa bulawan nga magaagi gayud sa kalayo aron masukod ang kapuro niini , nan ang tawo magaagi gayud sa pagsulay sa kinabuhi aron masukod kun asa kutob ang pagtuman niya diha sa kabubut-on sa Dios.

Didto pa kita sa tago-angkan sa atong inahan apan nalatid ng daan ang atong kinabuhi, gitawag ug gipili na kitang daan bisan kun wala pa kita ipakatawo niining kalibutan, Apan matod pa dili tanang tawo dinhi sa kalibutan tinawag ug pinili, diin katong wala pilia nan dinhi lang gayud sila sa kalibutan apan ang mga tinawag nga katawhan adunay higayun nga mahi-adto sa kaluwasan kun malatas ang mga pagsulay sa kinabuhi.

:
Apan walay bugtong sulbad diha sa mga kalisod ug kapit-os nga imong naagian diha sa pagtuman mo sa kabubut-on sa Dios, mao ra gayud ang hinay-hinay ug kanunay nga mga pag-ampo kay diha sa mga pag-ampo hapsay ug palastar ang dagan sa imong pagkinabuhi taliwala sa pagsulay, diin pinaagi sa pag-ampo matukhan sa Dios Jesu Cristo ang mag pagsulay nga maohasmag sa imong kinabuhi. Pinaagi diha sa imong pag-ampo uban sa hingpit ug bug-os mong pagtuo sa Dios ang imposible mamahimong posible.

Ang Dakong Kaluwasan

HEBREO: 2: 1 ~ 4

2 1 Busa, kinahanglan nga patalinghogan nato ang mga pulong nga atong nadungog aron dili ta ma­salaag. 2 Ang mga pulong gikan sa anghel na­himong balaod. Ang tanang pag­supak ug pag­lapas maka­dawat sa tukmang silot. 3 Unsa­on man nato pagdawat sa pa­saylo kon pa­sagdan ta ang maong ka­­luwasan? Ang Ginoo mipahibalo ini pag-una ug midason ang nakadungog. 4 Gi­pun-an sa Diyos ang ilang pagsaksi pinaagi sa mga timailhan, mga butang nga kati­nga­lahan ug milagro nga lain­laig matang – labi pa ang mga gasa sa Espiritu Santo nga giapud-apod suma­la sa iyang gimbut-an.

PAGPAAMBIT SA MENSAHE:

Ang maong ebanghelyo maoy pagpasabot diha sa pagsangyaw sa pag-abot sa manunubos sa kalibutan diin daan na kining gipasabot diha sa ubang mga sinulat, diha sa unang balaang kasulatan nga moabot ang mesiyas nga ilhong hari sa mga hari. Daghan ang mga propeta ug mga manalagna nga nasayop diha sa pagbasa sa maong panagna diin gipakaingon nila nga ang moabot maoy usa ka hari nga maisog sama kang haring David diin tawo lamang usab kini sama kang Haring David.

Diin diha sa ubang mga panagna nagaingon usab nga ang mesiyas pagasakiton, pagayatakan ug pagapatyon pinaagi diha sa paglansang sa krus. Daghan ang dili makadawat diha sa pagpaila Jesu Cristo nga anak sa Dios, ilabi niadtong mga mabuot nga mga pariseo kay para kanila wala nay laing Dios nga moabot ug kun ugaling aduna man sama kini kanila nga bahandianon ug nagasinaw ang sinina diha sa mga dayan-dayan.

Apan Si Jesu Cristo walay dayan-dayan sa lawas gawas lamang sa mga amorsiko diha sa sidsid sa iyang sinina diin naksandalyas lamang kini nga nagbaklay tadlas sa kabukiran, ug nagsangyaw sa iglisea nga iyang gibarugan ang iglisea sa kamatuoran. Usa lamang ka pagmatuod diha sa ubang pulong sa Dios nga nagaingon nga ang Dios moabot sa atong kinabuhi diha sa paagi nga dili nato damhon, apan aduna usab siyay giandam niadtong mga katawhan nga iyang tinawag ug pinili.

Usa ka kamatuoran nga niadtong panahuna lisod katuohan niadtong mga tawo nga wala pilia sa Dios, kay matod pa dili man tanan ang gipili sa Dios maayo lamang kun adunay katunga sa katawhan niining kalibutan ang gipili diin pagatagaan sila ug kahigayunan nga maluwas ngadto sa kinabuhing dayun. Kay mao gayuy gusto sa Dios nga ang iyang mga pinili pagapilian pa pag-abot sa panahun.

Dako ang gugma kanatong iyang mag katawhan diin siya maoy miduol kanato aron kita maluwas pinaagi kang Jesu Cristo nga maoy midawat sa sakripisyo pinaagi as mga kasakitan diha sa mapait niya nga kamatayon didto sa krus sa kalbaryo. Philipos 2 : 6 nagaingon Diha kaniya kanunay ang kinaiya gayud sa Dios, apan wala siya maghunahuna sa pagpakigtupong gayud sa Dios pinaagi sa kusog, kundili sa iyang kaugalingong kabubut-on iya kining gibiyaan ug gisul-ob niya ang kinaiya sa usa ka sulogoon. Natawo siya sama kanato ug nakita siya ingon nga tawo, agpaubos siya ug nagmasinugtanon hangtod sa kamatayon niya sa krus.

Tungod niini nga kamatayon ni Jesus sa krus diin namatay kita ug atong sala uban kaniya , apan sa pagkabanhaw ni Kristo nabanhaw kita uban kaniya ug nagpabilin nga namatay ang atong kalag. Nan luwas na ba kita diha sa atong mga kasal-anan? Sama lamang nga nagsakay kita sa barko diin nahulog ka sa dagat ug giluwas ni Kristo apan wala ka pa mahuman sa imong panaw Samtang nagpadayun pa kita sa pagpakabuhi padayun gayud kita nga makasala sa pulong sa huna-huna ug sa buhat.

Usa lamang ka pagpasabot as Dios nag ang kaluwasan nga iyang gisaad kanatong tanan dili kini siya premyo o ganti tungod sa maayong buhat, kundili gasa kini nga langitnon aron sa ingon walay makapasigarbo sa Dios nga siya naluwas tungod sa maayong binuhatan kundili ang kaluwasan usa ka grasya nga gihatag gikan sa Dios Amahan.

Ang Matuod Ug Ang Dili Matuod Nga Espiritu

1 JUAN 4:1 ~ 6

4 • 1 Mga hinigugma, ayawg salig sa matag inspirasyon. Susiha ang mga espiritu aron mahibaw-an kon gikan ba ni sa Diyos. Kay may daghan nga bakakong manalagna sa kalibotan karon. 2 Unsaon ninyo pagkahibawo sa espiritu sa Diyos? Ang tanang espiritu nga miila nga si JesuCristo nagpakatawo sama nato nagsulti sa ngalan sa Diyos.

3 Apan ang espiritu nga dili moila ni Jesus, dili gikan sa Diyos; espiritu ni sa antiCristo. Nadungog ninyo ang iyang pag-abot ug bisan karon nia siya sa kalibotan 4 Mga pinangga kong anak, iya mo sa Diyos. Nabuntog na ninyo kining mga tawhana. Siya nga naa ninyo labaw nga gamhanan kay kaniya nga nia sa kalibotan. 5 Anaa sila sa kalibotan ug gidasig sa kalibotan. Ang naa sa kalibotan maminaw nila. 6 Iya ta sa Diyos.

PAGPAAMBIT SA MENSAHE:

Ang maong ebanghelyo nagpamatuod lamang nga kun unsa kakusog sa espiritu santo nga anaa sa imong pagkatawo nan mao usab kakusog sa dautan nga espiritu nga gusto motumba kanimo. Giingon diha sa ubang sinulat nga bisan ang dautan espiritu adunay katakos sa pagkopya sa buhat nga espirituhanon, apan mahibaw-an nimo nga siya dili iya sa Dios tungod kay wala man siya magatuo kang Jesus Cristo nga matuod nga Dios, ug labaw sa tanan wala siya moila sa matuod nga Dios.

Bisan ang balaang kasulatan nagaingon ang pulong sa Dios dili ang tanan nga nagasangpit kanako Dios ko, Dios ko, makasulod sa gingharian sa Dios kundili kadto lamang nagatuman sa kabubut-on sa Dios. Bisan diha sa nagasangyaw sa mga pulong nga balaan dili kita makasiguro nga puro ba gayud ang maong magsasangyaw nga iya sa Dios. Daghan ang mga magsasangyaw dinhi sa ibabaw sa kalibutan ug daghan usab ang mga pagtulon-an nga nanggawas niining kalibutana, apa maihap lamang usab sa tudlo ang nagsangyaw nga nagatuman sa kabubut-on sa Dios.

Ang buhing pulong sa Dios nagaingon nga sa higayon nga adunay kay nakaplagan nga bag-on pagtulon-an diin gusto nimong mamati kun iya ba kini sa Dios, nan sa dili ka pa moadto aron sa pagpamati , i-ampo ug ihalad una sa makatulo ka higayon, Kay ang kalibutan iya pa sa mga kalibutanon diin nagasulod gawas ang dautang espiritu diha sa matag tawo, diin walay laing babag o panalipod nato diha nianang maong mga espiritu gawas lamang sa mga pag-ampo ug mga armadura nga gipiyal kanato sa Dios.

Kay matod pa kun ang espiritu santo anaa sa imong tuo nan ang daotang espiritu anaa usab sa imong wala aron mangita ug paagi nga mol-ot diha sa ilang dautang binuhatan. Dili makaita ni mahikap ang dautang espiritu nga maoy atong kaaway, apan kun atong ipapuyo,ug ipahari ang espiritu santo sa Dios diha sa atong huna-huna ug kasingkasing nan walay gahum nga iya sa dautan nga ania niining kalibutan nga mobuntog kanato.

Usa lamang ka sumbanan ang mga buhat sa mga apostoles sa unang panahun nga bisan sa yano nilang pagkatawo apan nakahimo sila ug milagro nga dili ordinaryo diha sa ilang pagsangyaw ug pagpanambal sa mga masakiton, nagpamatuod lamang nga ang ilang gialagaran ug ang atong gisunod nga pagtulon-an usara busa angayan lamang nga dili nato duha-duhaan ang mga buhat nga espirituhanon kay mao kini gusto sa Dios.

Ang Pagtuo Ug Kaalam

SANTIAGO 1: 1~11

• 2 Isipa nga palaran kaayo mo, mga igsoon ko, kon matagamtaman ninyo ang nagkalainlaing matang sa pagsulay. 3 Hibaloi nga sa pagsulay sa pagtoo molambo mo. 4 Hingpita ang inyong kalig-on sa buhat aron kamo mismo mahingpit, walay ikasaway, ug walay mga depikto.

5 Kon kulang sa kaalam ang usa ninyo, papangayoa siya sa Diyos nga dali ug hingpit nga mohatag. 6 Apan mangayo siyang masaligon ug walay pagduhaduha. Ang magduhaduha sama sa balod sa dagat nga gidagsa ug gipadpad sa hangin. 7 Kining tawhana dili makapaabot og bisan unsa gikan sa Ginoo. 8 Wala siyay baroganan ug maduhaduhaon sa panglihok.

9 Papanghamboga ang kabos, kay gituboy na siya. 10 Papanghamboga sab ang adunahan kon ipaubos na. Molabay siya sama sa bulak sa kaumahan. 11 Mosilang ang adlaw ug mauga ang sagbot sa kainit. Mangalaya ang mga bulak ug mawala ang katahom. Mao sab ni ang mahitabo sa dato, mahanaw siya sa pagsunodsunod sa daghang ambisyon.

PAGPAAMBIT SA MENSAHE:

Ang maong ebanghelyo naghisgot diha sa kaalam ug pagtuo diha sa pagsunod nato sa pagtulon-an nga gipabarog ni Jesus Cristo. 1Corinto 1: 28 nagaingon nga gipili sa Dios ang mga tinamay ug mga sinalikway, ang mga katawhan nga nagpakaubos sa ilang kaugalingon diha sa atubangan sa Dios aron sa ingon ikapakita sa Dios nga walay bili ang mga tawhanon nga mga kaalam ug kinaadman didto sa iyang gingharian sa Dios, dili kini angay nga ipasigarbo ug kun aduna may angay ipasigarbo sa atubangan sa Dios kadto lamang mga milagro nga iyang gipasinati diha sa tagsa-tagsa nato ka kinabuhi.

Ang kaalam nga gipahulam sa Dios diha sa iyang mga sumosunod maoy kaalam nga langitnon, diin iya kining gitawag nga talagsaon nga kaalam kay giniyahan man kini sa espiritu santo sa Dios ug ang maong giya nagaagad usab diha sa imong mga pag-ampo ug mga pangaliya ngadto sa Dios, nga sa ato pa kun wala kay mga pag-ampo nan wala usab kanimo ang maong mga kaalam, diin dili kini nimo magamit. Ug labaw sa tanan wala ka nianang maong kaalam kun magduha-duha ka sa pagtuo diha sa mga giya o mga bulohaton nga gipiyal kanimo.

Wala kanimo ang maong mga kaalam nga langitnon kun wala usab kanimo ang maong hugot nga pagtuo, matod pa diha sa ubang sinulat Santiago 2:17, nagaingonpatay ang pagtuo kun walay buhat, nga sa ato pa diha sa pagbugtaw nimo sa kaalam nga langitnon imong ipakita ang imong pagtuo usab pinaagi diha sa pagsunod nimo sa kabubut-on sa Dios pinaagi sa mga pag-ampo, diha sa mga misyon ug mga pagpanghalad. Kay matod pa ang pagtuo mauy atong pagsalig ug paglaom ngadto sa mga mga binuhat nga wala nato makita ug mahikap.

:
Atong mahinumduman si Abraham diha sa balaang kasulatan nga tungod sa iyang talagsaon nga pagtuo gisaaran siya sa Dios diha sa kabulahanan diha sa iyang mga kaliwatan diin pagtagaan siya ug yuta nga maoy iyang papuy-an sa iyang mga kaliwatan, apan sa dili pa kana mahitabo, pagalutoson una ang iyang mga kaliwatan sulod sa 400 ka tuig, ug natuman gayud ang maong panaad diin pinaagi kang Moises nahitabo ang halandumon nga pagkagiw ni sa mga Israelita ug ni Moises gikan sa Ehipto paingon sa Canaan, diin maoy gisaad sa Dios kang Abraham.

Sa laing bahin usab diha sa maong saad, miingon ang Dios nga Himoon si Abraham nga Amahan sa tanang kanasuran, diin natuman gayud kini pinaagi sa pagpadala sa Dios kang Jesu Cristo dinhi sa kalibutan. Ang balaang kasulatan nagaingon nga kun gidawat mo si Jesu-Cristo nga imong Dios ug manunubos nan Anak ka ni Abraham.

Apan ang maong ebanghelyo nagaingon nga mas labaw nga gipanalanginan sa Dios ang mga kabos kay diha kanila makita man ang mga milagro diin pinaagi sa nasinati nilang pag-uswag sa kinabuhi nagpakita lamang nga buhi ang Dios nga ilang gialagaran, kay ang balaang kasulatan nagaingon nga dili gayud Siya motalikod niadtong mga tawo nga nagpapuyo Kaniya diha sa ilang kasingkasing.

Usa ka pagpamalandong nga atong angay nga hinuktokan, mao ang kaalam nga iya niining kalibutana walay luna didto sa gingharian sa langit apan ang kaalam nga maoy labing importantae mao ang kaalam nga nilamdagan sa giya sa espiritu santo,dili nato masabtan kining tanan, apan nagpasabot lamang kini nga dili kining kalibutana ang tinud-anay natong pinuy-anan, mga langyaw lamang kita dinhi niing kalibutana, ug ang Dios miingon kun nasayod pa unta kamo kun unsay atua didto sa gingharian sa langit nan dili na unta kamo mangaplag pa ug dugang bahandi niining kalibutana ug moy inyong siguroon kun unsaon paghiabot didto sa gingharian sa langit..

Ang Kataposang Paghukom

MATEO 25: 31~46

• 31 Inig-anhi sa Anak sa Tawo nga mahimayaon kuyog sa tanan niyang anghel, molingkod siya sa trono sa Himaya. 32 Ang tanang kanasoran dad-on sa Iyang atubangan. Isip magba-lantay sa mga karnero, lainon niya ang mga karnero sa mga kanding. 33 Kini ang iyang buhaton: Ibutang ang mga karnero sa tuo ug ang mga kanding sa wala.

34 Ang Hari moingon sa naa sa tuo: ‘Umari mo nga gipanalanginan sa akong Amahan! Panag-iyaha ang gingharian nga giandam alang ninyo sukad sa sinugdan sa kalibotan. 35 Kay gigutom ko ug inyong gipakaon, giu-haw ug gihatagag mainom. 36 Dumu-duong ug giabiabi sa inyong balay. Hubo ug gisininaan. Nasakit ug giduaw. Nabilanggo ug nakigkita mo nako.

37 Unya, ang tarong mangutana: ‘Ginoo, kanus-a ka namo makita nga gigutom ug among gipakaon; giuhaw ug among gipainom, 38 o dumuduong ug gidawat namo, o hubo ug among gibistihan? 39 Kanus-a ka namo makita nga nasakit o nabilanggo ug among giduaw?’ 40 Ang Hari mitubag: ‘Sa pagkatinuod sultihan tamo. Sa matag higayon nga inyo ning gibuhat sa labing ubos sa akong mga igsoon, inyo ning gibuhat nako.’

41 Unya, moingon siya sa naa sa wala: ‘Mga tinunglo, palayo mo nako, adto sa walay kataposang kalayo nga giandam alang sa yawa ug sa iyang mga anghel. 42 Kay gigutom ko ug wala ninyo pakan-a. Giuhaw, ug wala paim-na. 43 Dumuduong, ug wala abiabiha sa inyong balay. Hubo ug wala bistihi; nasakit ug nabilanggo, apan wala duawa.’

44 Sila pod mangutana: ‘Ginoo, kanus-a ka namo makita nga gigutom, giuhaw, hubo o dumuduong, nasakit o nabilanggo, ug wala mi motabang nimo?’ 45 Ang Hari motubag: ‘Sa pag-katinuod sultihan tamo: Bisag unsa nga wala ninyo buhata sa labing gamay kong mga igsoon, wala ninyo buhata nako.’ 46 Kini sila moadto sa walay kataposang silot. Apan ang mga tarong, sa kinabuhing dayon.”

PAGPAAMBIT SA MENSAHE:

Ang maong ebanghelyo naghisgot diha sa paghukom sa Dios diha sa panahun nga mobalik na siya dihni sa kalibutan, diin diha sa ubang sinulat nagaingon, nga diha sa atong pag-atubang sa Dios sa kataposang paghukom, ang tanan parehas diha sa iyang atubangan diin wala nay pasaylo pa nga mahitabo diin kitang tanan makadawat gayud sa hukom nga sebo sa iyang binuhatan.

Diha sa pagkabanhaw ni Jesu-Cristo 2000 ka tuig na ang milabay diin siya gibayaw ngadto sa langit sinaksihan sa mga anghel, diin naabli ang kalangitan ug gihimaya ang iyang pagkabanhaw. Nan susama lang gihapon ang mahitabo diha sa iyang pagbalik aron kita human sa atong mga kasal-aann diin maabli pag-usab ang langit ug mokanaog ang anak sa Dios diin ihatod siya sa mga anghel.

Apan sa dili pa kini mahitabo daghan ang mga tilimad-on nga ipakita sa Dios kay mao gayuy gusto sa Dios Amahan nga sa takna sa iyang pagbalik ang tanaan niyang tinawag ug pinili mahiusa diha sa iyang pagtulon-an , kay matod pa diha sa sulat ni pedro, 2 Pedro 3: 17 nagaingon sa higayon nga makita na sa Dios nga andam na ang tanan nan sa walay langan ipakanaog na niya ang iyang bugtong anak, kay mao gayuy gusto sa Dios nga ang iyang mga tinawag ug pinili walay malaglag diha sa iyang pagbalik. Daghan pa ang mga tinagong pulong nga madayag, ug daghan pa ang dapat preparahon sa iyang mga katawhan alang sa pagbalik sa anak sa Dios.

Diha sa ubang sinulat nagaingon, kun unsa ang panagway sa iyang mga katawhan sa iyang pagkayab paingon sa langit nan mao usab unya ang panagway sa mga katawhan sa iyang pagbalik dinhi sa yuta, Diha usab sa ubang sinulat nagaingon, nga Maoy gusto sa Dios Amahan nga ang iyang mga katawhan magasimba niining Espiritu Santo sa kamatuoran.

Ania na kita niining ikatulo nga siglo diin hataas pa ang pasaylo kanatong mga katawhan diin giaghat gayud sa Dios kitang tanan diha sa mga pag-ampo ilabi na sa santos nga rosaryo, bisan diha sa mga milagro sama niadtong milagro sa Fatima Portugal, May 13, 1917, diin ang Mahal nga Birhen Maria mipakita didto sa maong lugar niadtong tulo ka mga inosente nga mga binuhat diin iyang gisangyaw ang kabililhon sa pagsantos nga rosaryo ug kamatuoran ang impiyerno ug nga walay lain nga paagi nga maluwas ang atong kalag mao gayud ang kanunay nag pagpangayo ug pasaylo sa amahan pinaagi diha sa pagsantos nga rosaryo.

Tolubagon sa matag magtutuo matod pa ni Birhen maria diha sa among apparition kun adunay usa ka kalag nga matunaw tungod lamang sa kapakyas nato sa pagsangyaw ug pagpasabot niini, Apan kun naluwas usab nimo ang usa ka kalag gumikan sa imong pagsangyaw nan sama ra usab nga naluwas nimo ang imong kaugalingong kalag. Angayan lamang nga atong iampo si bisan kinsa nag nagakinahanglan diha as kaluwasan sa ilang kalag, kay matod pa bisan kadtong wala magatoo sa Ginoo, kadtong nagalutos kanato ug bisan kadtong gusto moilog sa pulo sa Mindanao, atong angayan nga iampo, kay diha sa atong pag-ampo, kun kabubut-on gayud sa Dios diin gidungog ang hinugpong nato nga mga pag-ampo, nan mosugot man sila ug sa dili mopasilong gayud sila sa landong sa espiritu santo, kay Dios lamang ang adunay kagahum sa pagpahumok ug pagpatig-a sa kasing-kasing sa tawo.

Gitagna Ni Jesus Ang Paglimod Ni Pedro

MARCOS 14: 27~31

27 Miingon si Jesus: “Karong gabhiona masakit mong tanan tungod nako, ug mamiya. Matud pa sa Kasulatan: Akong patyon ang magbalantay ug magkatibulaag ang mga karnero. 28 Apan sa pagkabanhaw mag-una ko ninyo sa Galilea.”

29 Unya, miingon si Pedro: “Dili ko magpahilayo nimo bisag magpahilayo pa ang tanan.” 30 Si Jesus mitubag: “Sa pagkatinuod, sultihan tikaw, karong gabhiona sa dili pa motuktugaok ang sunoy sa makaduha ilimod na ko nimo sa makatulo.” 31 Apan miusab si Pedro sa pag-ingon sa mas dako pang kaikag: “Bisag patyon pa ko uban nimo, dili tikaw ilimod.” Kini sab ang gisulti sa tanan.

PAGPAAMBIT SA MENSAHE:

Ang maong ebanghelyo naghisgot diha sa kabubut-on sa Dios diin kun unsay nahitala matuman gayud kini. Gipakita kini ni Jesus ngadto iyang sinaligan nga si Pedro diin iyang giingnan nga ilimod niya si Jesus sa makatulo ka higayon diha unsa sa dili pa motuktugaok ang manok. Usa ka sumbanan diha sa pulong sa Dios nga kay ilang gipamulong nan matuman gayud kini aron ipamatuod ang tanang kamatuoran.

Bisan diha sa balaang basahon o balaang kasulatan diin ginaingon diha sa ubang sinulat nga 90% na lang ang wala pa matuman diha sa mga panagna sa maong basahon, usa na niana ang pagbalik sa Dios nga anak diin ginaingon diha sa ubang sinulat nag mobalik siya nga sama sa usa ka kawatan diin walay mahibalo diha sa iyang pag-abot, diin bulahan ang maatlan nga buhi pa sa pagbalik sa Dios ug mahiapil ang ilang tawhanon nga lawas sa pagbayaw ngadto sa langit sa higayon nga sila maluwas ngadto sa kinabuhing dayun.

Daghan ang nangutana, nagbiay-biay, mga matud pa asa na man, kanus-a man mobalik ang anak sa Dios diin nangamatay naman ang mga katigulangan ang mga karaang mga propeta apan wala pa man mahibalik ang anak sa Dios, Ang balaang kasulatan nagaingon nga sa takna unya sa pagbalik ni Jesu Kristo, kun giunsa siya pagbayaw ngadto sa langit sinaksihan sa mga anghel diin naabli ang langit nan mao usab unya kana ang iyang pagbalik diin paga-ihatod siya sa mga anghel ug maabli ang langit ug mokanaog ang anak sa Dios aron sa kataposang higayun ipakita niya ang iyang tinud-anay nga gahum ug iya kitang hukman sumala sa atong binuhatan.

Diha sa ubang sinulat nagaingon, kun unsa ang mga panagway ug kinaiyahan sa iyang mga katawhan sa iyang pagbayaw ngadto sa langit nan mao usab unya ang iyang kinaiyahan sa iyang mga katawhan sa iyang pagbalik. Kinsa man kining mga tawhana nga giingon diha sa balaang kasulatan nga pareha ug kaniyahan niadtong una niyang mga tinawag. Diha sa 2 Pedro 3: 17 nagaingon, 1000 katuig susama lamang sa usa ka adlaw sa Ginoo, apan ang usa ka adlaw susama lamang usab sa 1000 ka libo ka tuig para kanato, apan kun makita sa Dios nga andam na ang tanan nan ipakanaog gayud saDios ang iyang bugtong anank aron sa paghukom kanatong tanan.

Apan wala pa maandam ang tanan mga igsoon , daghan pa nga mga tinagong pulong nga gusto pang ipadayag sa Amahan, kay mao gayud ang gusto sa Amahn nga ang iyang mga pinili ug tinawag nga katawhan matapok ug mahiabot gayud sa iyang gingharian, ug walay usa nga malaglag niini. Apan ania na ang mga simbolo , ang mga pagtulon-an nga gitukod sa Dios niadtong unang panahun diin 20 kapin katuig ang milabay iya na usab kining gitukod didtong dapita sa Jerusaalem, o Balulang diin nagpasa-pasa ang mga milagro niining mao nga mga pagtulon-an nga sebo gayud sa nahitabo niadtong panahun ni Kristo.

Apan lagi Dios Amahan lamang ang nahibalo diha sa pagbalik sa bugtong niyang anak , apan kay si Jesus misaad nga mobalik nan maoblaik gayud siya diha sa paagi nga dili nato damhon, susama niining maong ebanghelyo nga iyang gipakita pinaagi kang Pedro ang kamatuoran nga ilimod gayud siya sa makatulo nga higayon nan pag-abot unya nianang panahuna diin mahitabo ang susama nga kasinatia-an Dios lamang usab ang mahibalo kun ato siyang ilimod apan ang pulong sa Dios nagaingon tukhi ang mga pagsulay sa mga pag-ampo, kay ania ako mga si Jesu Cristo nga manalipod kanimo

Ayaw Kamo Padaldal sa Dili Motuo Sa Dios

2 CORINTO 6: 14~18

• 14 Ayaw paghimog dili angayng kasabotan uban sa wala motoo. Magkakuyog ba ang tarong ug ang daotan? Magkatipon ba ang kahayag ug ang kangitngit? 15 Magkauyon ba si Cristo ug si Satanas? Unsang matanga sa panag-ipon ang maangkon sa nanoo ug sa wala manoo? 16 Sa templo sa Diyos, walay lawak alang sa mga diosdios. Templo ta sa Diyos nga buhi. Matud pa sa kasulatan: Moipon o mopuyo ko sa ilang taliwala; maila kong Diyos, ug sila maakong katawhan.

17 Busa, gawas sa ilang taliwala. Palayo nila, nag-ingon ang Ginoo. Ayawg hikap sa bisag unsa nga hugaw. 18 Ug magmaluluy-on ko ninyo. Mainyo kong amahan. Sa ingon, maako mong mga anak, nag-ingon ang makagagahom nga Diyos

PAGPAAMBIT SA MENSAHE:

Ang maong ebanghelyo naghisgot diha sa pagbalaan sa kaugalingon diha sa paghugot sa pagtuo ngadto sa Dios nga dili makita ug mahikap. Ayaw tagai ug higayon nga makali-ot ang dautan kay matod pa diha sa ubang sinulat kung ang espiritu santo sa Dios anaa sa imong tuo ang dautan usab ana-a sa imong wala nagahulat kun kanus-a kini makaliot kanimo kun sa higayon nga magmahuyang ka.

Walay lain paagi nga mahaduol kita sa Dios nga sa kanunay anaa ang espiritu santo nagabantay ug maoy magaduminar diha sa kinatibuk-an nato nga kinabuhi, mao ra gayod ang hugot nga pag-ampo, kay ma-o kini ang makapalig-on ug makatambok sa atong kalag diin dili dali mahuyang diha sa paghasmag sa mga pagsulay.

Unsa man nga pag-ampo ang giingon nga makapalig-on diha sa atong pagtuo sa Dios, Ang tanan ng mga pag-ampo nga gihatag ug gitudlo sa simbahna ug naidtong mga giya sa mga bag-ong propeta dako gayud ug ikatabang diha as imong kalig-onan sa imong kalag. Apan kawang usab ang mga pag-ampo kun ang nagaampo kulang sa pagtuo diha sa iyang mga binuhatan uga nga mga pag-ampo. Nan unaaon man nato pagakahibalo nga hugtanay ang atong mga pag-ampo?

Ang Dios nagaingon walay tawo dinhi sa ibabaw sa kalibutan nga wala niya madungog ang mga pag-ampo, Ang tanan nadungog gayud niya ang mga pag-ampo, apan dili ang tanan nakadawat sa iyang panalangin tungod kay kadaghanan nga nagaampo anaa lamang sa tumoy sa ilang dila, wala magagikan sa ilang kasingkasing. Sa ato pa diha sa atong mga pag-ampo dili na kinahanglan nga daghan ang makakita kanato, kung mahimo, mosulod kita sa atong kuarto, iluhod ang atong mga tiil, idupa ang atong mg kamot ug atong pangayo-on ang presensya sa espiritu santo diha sa mga imahen ug pangayo-a ang pasaylo sa imong mga kasal-nan ug pangayo-a ang iyang pasaylo diha sa imong mga pag-ampo, ug hilaki ang kalooy sa Dios.

Diha sa ubang sinulat, Santiago 2: 17 nagaingon: Ang pagtuo patay kun kini dili ubanan sa buhat, busa angayan nga atong ipakita ang atong pagtuo pinaagi sa pagbuhat sa mga tulomanon nga gikahimut-an sa Dios . Matod pa sa pulong sa espiritu santo walay sukdanan ang pagtuo nato ngadto sa Dios kay kini makita man diha lamang sa imong kasingkasing ug huna-huna, ug Dios lamang ang nakahibalo sa tanan ug sa matuod nga kadak-on diha sa atong pagtuo. Atong maambitan kadtong mga unang tinawag nga mga apostoles, mga ordinaryo lamang sila nga tawo apan tungod sa talagsaon nilang pagtuo ngadto sa Dios gihimo silang gamhanan diha sa mga mata sa mga katawhan, gisangyaw nila ang pulong sa Dios pinagi sa pagbuhat sa mga milagro. Kini tungod diha sa ilang bug-os nga mga pag-ampo ngadto sa Amahang Dios.

Ang tanan nga mga apostoles diha sa ilang pagpangalagad misangpot gayD diha sa kamatayon sa ilang tawhanon nga lawas apan wala kana nila ipagsapayan, bisan sa kanunuy nagaungaw ang ilang kinabuhi, usa kapagpamatuod laamng sa pulong sa Dios nga nagaingon kun nsaayod pa lamnga kamo kun unsay atoa didto sa among gingharian sa langit, nan biyaan ninyo ang tanan dinhi sa kalibutan ug moy inyong siguroo kun unsaon ang paghiabot didto sa gingharaian sa langit.

Ang Espiritu Santo Ug Ang Tawhanong Kinaiya

GALACIA 5: 16~26

5 Bahin namo, ang Espiritu naghatag og paglaom nga mabalaan pinaagi sa pagtoo. 6 Diha ni Cristo Jesus, wala panumbalinga kon natuli ta o wala. Ang mahinungdanon lang nga may pagtoo ta nga naglihok pinaagi sa gugma.

7 Maayo ang inyong pagsugod sa lumba; kinsay mibabag sa agianan? Nganong mihunong mo pagsunod sa kamatuoran? 8 Dili niy pagsunod sa Diyos nga nagtawag ninyo. 9 Bisan gani ang dyotayng patubo makaapekto man sa tibuok minasa. 10 Hinuon, sigurado ko nga dili mo masalaag. Ang naglibog ninyo, pahamtangan sa silot.

11 Ako mismo, mga igsoon, dili ba ko makawali bahin sa tinuli? Sa ingon, dili na unta ko gukdon. Apan nagpasabot ni nga gisalikway ko ang iskandalo sa krus. 12 Hinaot nga ang naglibog ninyo moabot pagputol sa kaugalingong kinatawo.

• 13 Mga igsoon, gitawag mo aron makatagamtam sa kagawasan. Wala ko maghisgot sa kagawasan nga nagtabon sa mga tinguhang lawasnon, kondili sa kagawasan nga nagpaulipon sa usag usa pinaagi sa gugma. 14 Kay mao ni ang kinatibuk-an sa Balaod: Higugmaa ang imong isigkatawo sama sa kaugalingon. 15 Apan kon magpinaakay mo ug magwataswatasay sa usag usa, pagmatngon nga dili mo mapildi.

16 Busa, sultihan tamo: panglakaw sumala sa Espiritu ug ayawg pahinonti ang mga lawasnong tinguha nga 17 makig-away sa Espiritu. Ang mga tinguhang Espirituhanon supak sa mga pangandoy sa unod. Ang duha nagkasumpaki. Busa, dili mo makabuhat sa buot buhaton. 18 Apan padumalaha ang Espiritu. Ayawg pasakop sa Balaod.

19 Dali ra ninyong mailhan ang binuhatan nga lawasnon: ang kadaotan, kalaw-ay ug kawalay-ulaw; 20 ang pagsimba sa mga diosdios ug ang salamangka, pagdumot, kasina ug panamastamas, kasuko, sobrang patanto, pagkabahinbahin; 21 ug ang pangigi, paghuboghubog ug mga ingon ini. Usbon ko pagsulti ang giingon ko na: ang magbuhat ini dili makapanunod sa gingharian sa Diyos.

22 Apan ang bunga sa Espiritu mao ang gugma, kalipay, kalinaw, pailob, pagsinabtanay, kaluoy ug kamakanunayon, 23 ang kalumo ug pagpugong sa kaugalingon. Alang ini walay Balaod o silot. 24 Alang sa mga sakop ni Cristo, gilansang na nila sa Krus ang unod uban ang mga bisyo ug tinguha ini. 25 Kon nagpuyo ta sa Espiritu, magpaagak ta sa Espiritu. 26 Dili ta magmaakuakohon. Ug wala untay palabwanay o kasina sa usag usa.


PAGPAAMBIT SA MENSAHE:

Ang maong ebanghelyo naghisgot diha sa pagpakabuhi nga balaan dinhi niining kalibutan diin ato kini mailhan diha ang pagkinabuhi nga balaan mao man ang pagkinabuhi nga iya sa espiritu santo sa Dios. Diin naa ang pagpaubos pagpailob ug ang pagdawat diha sa mga paglutos ug pagdaug-daug. Apan ang pagpakinabuhi nga iya sa kalibutan diin ang pagkinabuhi nga tawhanon matod pa sa balaang kasulatan mao man ang pagkinabuhi nga puno diha sa nga pagpakasala, nga kalaw-ayan diha sa mga tawhanon nga mga kailibgon diin maoy gihimong taming o gihimong puhunan ang mga materyal nga mga bahandi ug mga materyal nga mga butang.

Ang balaan kasulatan nagaingon bulahan kun nagpakabuhi ka nga langyaw niining kalibutana diin anaa ang pagpugong diha sa kaugalingon diha sa mga pagsakripisyo ug pag-ampo para sa tingusbawan sa imong kalag ug daygon ug himayaon ka didto sa gingharian sa langit, apan kun ,maoy atong ipasulabi ang mga tawhanon nga pag kinabuhi diin maoy himoong Dios ang bahandi nga nakita ug nahikap nan makalolooy ang imong kalag igsoon kay maglatagaw man lang kini inig-abot sa panahun.

Juan 14: 16 Nagaingon, Mangayo ako sa Amahan ug hatagan kamo niya ug laing manlalaban, Ang espiritu sa kamatuoran, aro makig-uban kaninyo hangtod sa kahangturan. Ang kalibutan dili makaila kani ya kay dili man siya Makita ni mahikap apan makaila kamo kaniya kay makig-uban man siya kaninyo.

Kamatuoran lamang ang gisaad diha sa balaang kasulatan nga nagaingon, 1 Corinho 3; 16, Ang lawas sa tawo may templo sa Dios espiritu santo ug ang molaglag sa templo sa Dios nga mao ang atong lawas iya sab nga pagalaglagon. Sa ato pa ang espiritu santo nagapuyo diha sa matag lawas sa tawo isip templo sa Dios ug nga ang Dios nagauban kanato sa kanunay.

Matod pa diha sa ubang sinulat humana kita bayri sa Dios ug mahal ang paglukat kanato ug diin kinabuhi ug dugo sa iyang bugtong anak maoy nahimong bayad. Dili na kita maoy tag-iya sa atong lawas iya na kita sa Dios apan lagi kay tawo pa man kita niining kalibutan nan ang Dios nagahatag kanato ug kagawasan, kay ang Dios wala mamugos diha sa gingharian nga iyang giandam kanato, Apan diha sa laing pulong sa Dios nagaingon kun nasayod pa unta kita kun unsay ato-a didto sa gingharian sa langit nan dili na unta kita mangaplag pa ug dugang bahandi, biyaan nato ang tanan, ug maoy atong siguroon kun unsaon sa paghiabot didto sa iyang gingharian