Thursday, July 30, 2009

Ang Espirtuhanong Pagkabuta

JUAN-13: 31~35
31 Sa wala na si Judas, miingon si Jesus: “Himayaon na karon ang Anak sa Tawo, ug himayaon ang Diyos diha niya.” 32 Busa, himayaon siya sa Diyos, ug buhaton ni dayon.
• 33 Mga anak, sa dili madugay mobiya ko ninyo. Mangita mo nako, apan sama sa gisulti ko sa mga Judio, ingnon tamo: “Dili mo makaadto sa akong adtoan.”

34 Hatagan tamo og bag-ong sugo: paghigugmaay! Ingon nga nahigugma ko ninyo, paghigugmaay sab mo sa usag-usa. 35 Pinaagi ini makahibalo ang tanan nga mga tinun-an mo nako, kon mahigugma mo sa usag-usa.

PAGPAAMBIT SA MENSAHE:

Ang maong ebanghelyo naghisgot diha sa bag-ong sugo sa Dios pinaagi kang Kristo Jesus. Sa unang kasulatan diin nagsangyaw si Moises sa napulo (10) ka sugo sa Dios Amahan, diin usa kini sa mga katuyu-an ni Jesus diha sa pagkanaog niya dinhi sa kalibutan ingong nga tawo. Iyang gipasabot ang napulo ka sugo nga mamAhimo lamang duha, una mao ang paghigugma sa Dios labaw sa tanan ug dili na magbaton ug la-ing Dios gawas kaniya ug ang ikaduha, mao gayud ang paghigugma sa imong isigkatawo sama sa paghigugma nimo sa imong kaugalingon, diin ang duha ka sugo naglangkob lamang sa pulong ug buhat sa gugma.

Mao kini nga sugo ang gipasabot ni Kristo sa iyang pagbalik diin maoy gipasabot diha niining ebanghelyo karon diin ang paghigugmaay sa usag-usa. Kay matod pa mao kanay ilhanan nga katawhan kita sa Dios. Matod pa usab diha sa ubang sinulat Juan 14: 15, naga-ingon. Tumana ninyo ang akong sugo kay mangayo ako sa Amahan ug tagaan kamo ug laing manlalaban , ang espiritu sa kamatuoran nga magauban kaninyo hangtod sa kahangturan. Ang kalibutan dili makadawat kaniya, kay dili man siya makita ni mailhan nila, apan makaila kamo kaniya kay makig-uban man siya diha kaninyo.

1 Corinto :3~16, naga-ingon, Nasayod ba kamo nga ang lawas sa tawo maoy templo sa Dios espiritu santo, ug ang mopasipala sa templo sa Dios nga mao kita nan iya usab nga pagalaglagon. Nagmatuod lamang nga ang Dios nagapuyo ug naga-uban kanato diha sa atong pagkinabuhi dinhi sa kalibutan , nan angayan gayud diay nga atong higugmaon ug respetuhan ang atong isigkatawo kay anaa man kaniya nagapuyo ang esperitu santo sa Dios, diin matuod ang gisutli sa atong mga katigulangan nga balaan ang matag lawas sa tawo kay anaa kaniya nagapuyo ang Dios ug kun imong gipasipad-an ug gilutos ang imong mga silangan o mga igsoon nan sama ra nga mao usab kana ang imong gibuhat sa Dios.

Sa ato pa ang Dios usa ka Dios diha sa paghigugma diin mao usay gusto sa iyang katawhan nga maghigugmaay dinhi sa ibabaw sa yuta diin mao kini ang bag-ong sugo sa Dios, kay kun maghari ang gugma ug pagrespeto diha sa imong kasing-kasing nan, walay dautang huna-huna nga maumol diha sa imong panundumam, kay lunlon man kalinaw ang anaa diha sa imong panumduman. Nagpaila lamang kana nga ang tawo mao gayud ang pinalabi nga nilalang nga gibuhat sa Dios dinhi sa yuta, diin maoy iyang giduolan pinaagi sa iyang bugtong anak para taga-an diha sa espirituhanon nga kaluwasan.

Nagpakita lamang Ang Dios diha sa tinud-anay niyang gugma ngari kanatong iyang mga tinawag ug pinili, kay diha sa ubang sinulat nagpasabot man ang Dios, nga siya ang miduol kanato aron kita maluwas ug dili kay kita ang nangita sa Dios para sa atong kaluwasan, Nagapasabot lamang nga ang Dios naghatag kanato sa gitawag nga “Unconditional Love” diin , dili lang kadtong nagato-o kaniya ang iyang gihatagan sa kaluwasan kundili kitang tanan dinhi sa ibabaw sa kalibutan, ug walay siya laing gipangayo diha sa tanang mag katawhan mao ra gyud ang pagtuman sa iyang katapusang sugo ang Paghigugma sa usag-usa.

Ang Bag-ong Sugo

JUAN-13: 31~35
31 Sa wala na si Judas, miingon si Jesus: “Himayaon na karon ang Anak sa Tawo, ug himayaon ang Diyos diha niya.” 32 Busa, himayaon siya sa Diyos, ug buhaton ni dayon.
• 33 Mga anak, sa dili madugay mobiya ko ninyo. Mangita mo nako, apan sama sa gisulti ko sa mga Judio, ingnon tamo: “Dili mo makaadto sa akong adtoan.”

34 Hatagan tamo og bag-ong sugo: paghigugmaay! Ingon nga nahigugma ko ninyo, paghigugmaay sab mo sa usag-usa. 35 Pinaagi ini makahibalo ang tanan nga mga tinun-an mo nako, kon mahigugma mo sa usag-usa.

PAGPAAMBIT SA MENSAHE:

Ang maong ebanghelyo naghisgot diha sa bag-ong sugo sa Dios pinaagi kang Kristo Jesus. Sa unang kasulatan diin nagsangyaw si Moises sa napulo (10) ka sugo sa Dios Amahan, diin usa kini sa mga katuyu-an ni Jesus diha sa pagkanaog niya dinhi sa kalibutan ingong nga tawo. Iyang gipasabot ang napulo ka sugo nga mamAhimo lamang duha, una mao ang paghigugma sa Dios labaw sa tanan ug dili na magbaton ug la-ing Dios gawas kaniya ug ang ikaduha, mao gayud ang paghigugma sa imong isigkatawo sama sa paghigugma nimo sa imong kaugalingon, diin ang duha ka sugo naglangkob lamang sa pulong ug buhat sa gugma.

Mao kini nga sugo ang gipasabot ni Kristo sa iyang pagbalik diin maoy gipasabot diha niining ebanghelyo karon diin ang paghigugmaay sa usag-usa. Kay matod pa mao kanay ilhanan nga katawhan kita sa Dios. Matod pa usab diha sa ubang sinulat Juan 14: 15, naga-ingon. Tumana ninyo ang akong sugo kay mangayo ako sa Amahan ug tagaan kamo ug laing manlalaban , ang espiritu sa kamatuoran nga magauban kaninyo hangtod sa kahangturan. Ang kalibutan dili makadawat kaniya, kay dili man siya makita ni mailhan nila, apan makaila kamo kaniya kay makig-uban man siya diha kaninyo.

1 Corinto :3~16, naga-ingon, Nasayod ba kamo nga ang lawas sa tawo maoy templo sa Dios espiritu santo, ug ang mopasipala sa templo sa Dios nga mao kita nan iya usab nga pagalaglagon. Nagmatuod lamang nga ang Dios nagapuyo ug naga-uban kanato diha sa atong pagkinabuhi dinhi sa kalibutan , nan angayan gayud diay nga atong higugmaon ug respetuhan ang atong isigkatawo kay anaa man kaniya nagapuyo ang esperitu santo sa Dios, diin matuod ang gisutli sa atong mga katigulangan nga balaan ang matag lawas sa tawo kay anaa kaniya nagapuyo ang Dios ug kun imong gipasipad-an ug gilutos ang imong mga silangan o mga igsoon nan sama ra nga mao usab kana ang imong gibuhat sa Dios.

Sa ato pa ang Dios usa ka Dios diha sa paghigugma diin mao usay gusto sa iyang katawhan nga maghigugmaay dinhi sa ibabaw sa yuta diin mao kini ang bag-ong sugo sa Dios, kay kun maghari ang gugma ug pagrespeto diha sa imong kasing-kasing nan, walay dautang huna-huna nga maumol diha sa imong panundumam, kay lunlon man kalinaw ang anaa diha sa imong panumduman. Nagpaila lamang kana nga ang tawo mao gayud ang pinalabi nga nilalang nga gibuhat sa Dios dinhi sa yuta, diin maoy iyang giduolan pinaagi sa iyang bugtong anak para taga-an diha sa espirituhanon nga kaluwasan.

Nagpakita lamang Ang Dios diha sa tinud-anay niyang gugma ngari kanatong iyang mga tinawag ug pinili, kay diha sa ubang sinulat nagpasabot man ang Dios, nga siya ang miduol kanato aron kita maluwas ug dili kay kita ang nangita sa Dios para sa atong kaluwasan, Nagapasabot lamang nga ang Dios naghatag kanato sa gitawag nga “Unconditional Love” diin , dili lang kadtong nagato-o kaniya ang iyang gihatagan sa kaluwasan kundili kitang tanan dinhi sa ibabaw sa kalibutan, ug walay siya laing gipangayo diha sa tanang mag katawhan mao ra gyud ang pagtuman sa iyang katapusang sugo ang Paghigugma sa usag-usa.

Wednesday, July 29, 2009

Si Jesus Mao Ang Pagkabanhaw Ug Ang Kinabuhi

JUAN 11: 17~27
17 Sa pag-abot ni Jesus, nasayran niya nga upat na ka adlaw sukad paglubong ni Lazaro. 18 Kay duol ra man ang Betania sa Jerusalem, mga tulo ka kilometro, 19 may daghang Judio nga miduaw ni Marta ug Maria aron paghupay sa ilang kaguol gumikan sa kamatayon sa igsoon.

20 Sa pagkadungog ni Marta nga taliabot si Jesus, misugat siya. Si Maria nagpabilin sa balay. 21 Miingon si Marta kang Jesus: “Ginoo, kon dinhi ka pa, dili unta mamatay ang akong igsoon. 22 Hinuon, nasayod ko nga bisag unsay pangayoon nimo sa Diyos, ihatag ni. 23 Miingon si Jesus: “Mabanhaw ang imong igsoon.”


24 Mitubag si Marta: “Sayod ko nga mabanhaw siya sa pagkabanhaw sa mga patay sa kataposang adlaw.” 25 Apan miingon si Jesus: “Ako ang pagkabanhaw. Ang motoo nako, bisag patay siya, mabuhi. 26 Ang nabuhi tungod sa pagtoo nako, dili na mamatay. Motoo ka ba.” 27 Mitubag si Marta “Oo, Ginoo. Mitoo ko nga ikaw ang Cristo, ang Anak sa Diyos nga mianhi sa kalibotan.”


PAGPAAAMBIT SA MENSAHE:

Ang maong ebanghelyo nagpasabot lamang diha sa mga milagro nga gipasinati sa Dios Amahan pinaagi sa iyang bugtong anak nga si Jesus. Diha sa pagbanhaw ni Lazaro sa maka-usa pa gipakita sa Dios ang kamatuoran nga ang iyang bugtong anak nga nga nagpakatawo, mao gayud ang manununod sa trono sa langit. Gipakita sa Dios ang iyang walay kataposan nga gahum pinaagi sa pagkabanhaw sa usa ka patay.

Nagaingon usab sa ubang sinulat nga si Jesu-Cristo mao ang kamatuoran ug ang kaluwasan diin ang motoo kaniya makaangkon diha sa kinabuhing walay kataposan, ug diha sa ubang sinulat nagaingon, nga Siya ang sinugdanan ug ang kataposan Ang Alpha ug Omega, diin walay mahi-abot sa Amahan kun dili moagi kang Cristo, diin kun ilimod mo si Jesu-Cristo nga imong Dios nan ilimod ka usab niya diha sa atubangan sa Amahan.

Diha sa ubang buhing pulong sa Dios nagaingon nga bulahan kadtong tawo nga sa kanunay nagatugyan diha sa iyang kinabuhi sa Dios ug nagasunod sa iyang kasugo-an kay mahatagan ug dugang kinabuhi, apan kadtong nagasunod sa kabubut-on sa Dios ug nagdumili sa pagtugyan sa iyang kinabuhi basin kawad-an niini.

Niini karon nga ebanghelyo gipasambingay sa Dios ang literal nga pagkabanhaw ug ang pagkabanhaw gikan sa dakong paghukom, agig sanglitanan, ang pagbanhaw kaniya ni Lazaro diin iyang giila nga matuod nga higala ug matuod usab nga nagasunod sa iyang kasugo-an. Diin nagpasabot usab ang Dios diha sa iyang buhing pulong nga magangon "Bisan anaa kana sa baba sa kamatayon kun makita ko nga dako ang imong pagtuo kanako nan luwason Ko ikaw.
:
Diin bisan diha sa matag-adlaw-adlaw nato nga pagkinabuhi, Ang Dios nagpakita diha sa literal nga pagkabanhaw diha sa atong pagkinabuhi. Diin matod pa kitang tawo dinhi sa walog sa mga buhi adunay tulo ka elemento, ang atong tawhanon nga lawas, ang atong ,kalag ug ang atong espiritu, diin diha sa atong paghikatulog sa matag gabii ang atong espiritu mogawas sa atong lawas ug mobalik ngadto sa Dios sa makadyot aron sa pagsumbong sa kasaypanan nga nabuhat diha sa imong tawhanon nga lawas nianang adlawa diin kun babagan sa dautan ug dili na makabalik ang imong espiritu sa imong lawas nan. Wala na usab ang imong kinabuhi.

Busa ang mahal na birhen Maria nagahangyo sa matag magtotoo, nga diha sa kada buntag nimo nga pagmata, sa dili ka pa molihok diha sa imong inadlaw nga bulohaton unahon una nimo ang pagpiko sa imong tuhod ang pagdupa sa imong kamot ug ibayaw ngadto sa altar ug pangayo ug pasalamat ngadto sa Amahan nga nagpabilin kang adunay espiritu diha sa imong pagmata, usa ka dili masabtan nga proseso diin Dios lamang ang nahibalo.

Angay gayud diay nga dili kita magbangay-bangay sa pag-ampo ilabina sa santos nga rosaryo, kay matod pa sa balaang bata Señor Santo Niño, ang santos nga rosaryo sa buntag mao kini ang panalipod sa imong gimbuhaton sa tibook adlaw ug ang imong santos nga rosaryo sa gabii alang kini sa imong espiritu nga magpabilin dinhi sa kalibutan uban sa imong lawas diha sa tawhanon nga pagkinabuhi ug nagasunod sa landong sa espiritu santo.

Tuesday, July 28, 2009

Ang Mga Tinun-an Kaaway Sa Kalibutan

JUAN 15:18~27, 16:1~4
18 “Kon masilag ninyo ang kalibotan, hinumdomi nga una ning nasilag nako. 19 Dili unta maingon ini kon iya pa mo sa kalibotan, kay nahigugma ang kalibotan sa iyaha. Apan dili mo sa kalibotan, kay akoy nagpili ninyo gikan sa kalibotan. Busa, ang kalibotan nagdumot ninyo.

20 Hinumdomi ang akong gisulti: “Ang ulipon dili molabaw sa agalon.” Kon ila kong gilutos, lutoson sab mo. Gituman ba nila ang akong gipanudlo? Nan karon, tumanon ba nila ang inyo? 21 Tungod sa akong ngalan buhaton nila kining tanan, kay wala sila makaila sa Nagpadala nako.

22 Kon wala pa ko makaanhi ug makasulti nila, wala unta silay sala, apan karon wala na silay kapasanginlan sa ilang sala. 23 Ang nasilag nako, nasilag sa akong Amahan. 24 Kon wala pa nako mabuhat diha nila ang wala mabuhat ni bisag kinsa, wala unta silay sala. Apan sa nakita na nila ang akong gibuhat, ako ug ang akong Amahan ilang gikasilagan. 25 Natuman ang mga pulong nga nasulat sa ilang Balaod: Gikasilagan ko nila sa walay hinungdan.

• 26 Akong ipadala ninyo gikan sa Amahan ang Espiritu sa kamatuoran nga gikan sa Amahan. Inig-abot sa Maglilipay, mosaksi siya nako. 27 Kamo pod maakong mga saksi, kay sukad sa sinugdan nag-uban mo nako.”

16 1 Ako ning gisulti aron dili mo ma lainan ug mainsultohan. 2 Hinginlan mo nila sa mga sinagoga. Moabot ang panahon nga ang mopatay ninyo magtoo nga nag-alagad sila sa Diyos. 3 Buhaton ni, kay wala man sila makaila sa Amahan ni nako. 4 Karon, sultihan tamo ining tanan aron inig-abot sa panahon mahinumdom mo nga nakasulti na ko ninyo.
Wala ko mosulti sa sinugdan, kay nag-uban pa man ko ninyo. 5 Apan karon taliadto na ko sa Nagpadala nako ug walay usa ninyo nga nangutana asa ko paingon,

PAGPAAMBIT SA MENSAHE:

Ang maong ebanghelyo moy pagpasabot lamang diha sa mga pagsulay sa Dios ngadto sa iyang mga tinun-an ni Jesus Cristo, nan kinsa man kining maong mga tinun-an?, Sila mao ang mga sumosunod sa Kristuhanong pagtulon-an niadtong panahuna hangtod niining panahuna.

Usa lamang ka pagmatuod diha sa ubang sinulat sa balaang kasulatan nga nagaingon kun gusto nimo nga daygon ug himayaon didto sa gingharian sa langit nan puy-i ang kinabuhi nga puno sa pagpasakit ug pagpaubos dinhi sa ibabaw sa yuta, diin anaa ang mga paglutos ug pagsulay , diin anaa ang mag pagdaug-daug ug pag-antos diha sa pagtulun-an nga imong gibarugan, diin bulahan ka nga nakaambit diha sa mga kasakitan ni Kristo diha sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Diha sa ubang sinulat nagaingon usab kini nga kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulun-an nga gisangyaw ni Kristo kay bulahan ka nga nawad-an ug kinabuhi diha sa pagsunod mo sa iyang kasugo-an kay mahatagan ka ug dugang pang kinabuhi apan kun magdumili ka sa pagsunod sa iyang kabubut-on sa kahadlok nga mawad-an ug kinabuhi nan basin ug kawad-an ka niini.

Usa lamang usab kini sa pagtuman diha sa ubang sinulat sa balaang kasulatan nga namulong si Jesu Cristo diha sa una niyang mga tinawag nga apostoles, nga nagaingon: " Simon ikaw si Pedro ibabaw niining bato itungtong ko ang akong iglisea ni ang kamatayon dili makabuntog niini, diin nagpasidaan nang daan si Jesus diha sa umaabot nga mga paglutos ngadto kaniya ug ngadto usab sa iyang mga apostoles ug mga tinun-an, diin iyang ipa-agak ang iyang iglisea sa kamatuoran pinangulohan ni Simon nga gibunyagan niya ug Pedro, diin magapadayon gayud kini bisan diha sa ilang mga paglutos hangtod sa kamatayon.

Apan Si Jesu-Cristo namulong usab ngadto sa iyang mga apostoles sa hapit na siya mobalik sa kiliran sa iyang Amahan, mi-ingon siya ngadto sa iya ng mga tinun-an (Juan 14:15 ) Tumana ninyo ang akong mga sugo , paghigugmaay kamo, mangayo ako sa Amahan ug tagaan kamo niya ug laing manlalaban, ang espiritu sa kamatuoran nga molaban kaninyo hangtod sa kahangturan, ang kalibutan dili makadawat kaniya kay dili man sila makakita ni makaila kaniya, apan makaila kamo kaniya kay nagpuyo man siya uban kaninyo.

1 Corinto 3: 16 nagaingon, Nasayod ba kamo nga ang lawas sa tawo maoy templo sa Dios Espiritu Santo, ug ang mopasipala sa templo sa Dios nga mao kita , iya gayud nga pagalaglagon. Nagpasabot lamang mga igsoon nga ang Dios nagauban kanunay kanato ug mipuyo diha sa atong kasingkaing, diin usa lamang ka pagpahinumdom diha niining maong ebanghelyo nga bisan pa ang tibook kalibutan magalutos kanimo apan diha sa imong pag-ampo ug pagbalaan walay butang nga iya dinhi sa kalibutan nga makabuntog kanimo, kay tinun-an ka man ni Jesus ug midaug na si Jesus sa kalibutan.

Monday, July 27, 2009

Ang Kaalam Sa Dios

1 CORINTO 2: 6 ~16
• 6 Alang sa hingkod na sa pagtoo, nagsulti mig kaalam. Dili ang kaalam nga naggikan ining kalibotana, ni sa mga pangulo nga nangahanaw. 7 Nagtudlo mi sa misteryo ug sikretong laraw sa diyosnong kaalam nga gitakda sa Diyos gikan sa sinugdan alang sa atong himaya.

8 Wala ni mahibaloi sa kadagkoan ining kalibotana. Kon nasayod pa sila, wala unta ilansang sa krus ang Ginoo sa himaya. 9 Apan sumala sa nasulat: Ang mata wala makakita, ni ang dalunggan makadungog ni makasulod sa kasingkasing sa tawo ang mga butang nga giandam sa Diyos alang sa nahigugma niya. 10 Gipadayag ni sa Diyos pinaagi sa espiritu. Kay gisusi sa espiritu ang tanan, apil ang lawom nga mga butang sa Diyos.

11 Kinsay mas nasayod sa mga butang nga naa sa tawo kay sa espiritu nga naa niya? Busa, sa mga sikreto sa Diyos walay laing nasayod gawas sa Espiritu sa Diyos. 12 Ug nakadawat ta dili sa espiritu sa kalibotan kondili, sa Espiritu nga gikan sa Diyos. Sa ingon, makasabot ta sa gihatag sa Diyos kanato sa kaugalingong kabubut-on.

13 Kini ang among gipamulong, dili sa mga pulong nga gitudlo sa kaalam sa tawo kondili, sa gitudlo sa Espiritu Santo. Gitandi ang mga butang nga espirituhanon sa espirituhanon. 14 Wala dawata sa tawo nga yutan-on ang mga butang sa espiritu sa Diyos; binuang ni alang niya ug dili nato masabtan, kay matugkad lang sa espirituhanong paagi. 15 Ang espirituhanon naghukom sa tanang butang ug dili hukman ni bisag kinsa. 16 Kinsa ba ang nasayod sa hunahuna sa Ginoo aron ikatudlo? Hinuon, atong gihuptan ang hunahuna ni Cristo.

PAGPAAMBIT SA MENSAHE:

Ang maong ebanghelyop naghisgot diha sa kaalam nga iya sa Dios espiritu santo diin nagaingon ang buhing pulong sa Dios nga ang kaalam nga iya sa tawo ug ang kaalam nga iya sa Dios dili gayud magkasinabot. Matod pa diha sa maong ebanghelyo ang kaalam sa tawo masukod diha sa espirituhanong sukdananan apan ang kaalam nga iya sa Dios walay sinugdanan ug walay katapusan. Ug wala pay tawo nga gitugotan sa Dios sa pagsukod sa iyang kabubut-on ug kaalam.

Nakita sa Dios ang mga kasaypanan diha sa unang kasulatan ug aron mahatagan ug katin-awan ug makorehe-an ang pagsabot sa tawo sa kabubut-on sa Dios, gipakanaog sa Dios ang iyang bugtong anak sa imahen sa usa ka tawo , pinaagi sa sabakan ni Birhen Maria, Walay nakaila ni mitoo sa bugtong anak sa Dios tungod kay nagpakaubos man siya dinhi sa yuta, walay dayan-dayan sa lawas ,ug gihubo niya ang tanan niyang gahum diin nagpakatawo siya ug mitipon sa mga kabos ug nilupigan, usa ka kaalam diin Dios lamang usab ang makatugkad diha sa iyang mga binuhatan.

Mao gayuy gusto ipasabot sa Dios nga ang kaalam nga iya niining kalibutana walay gamit didto sa iyang gingharian sa langit apan ang kaalam nga iya sa Dios diin iyang ipahulam sa iyang mga sumosunod ug mga ginasahan o “gifted” mao kini gitawag sa Amahan nga talagsaon nga kaalam. Talagsaon nga kaalam nagpasabot kamang kana nga kaalam sa Dios Amahan, ug Talagason nga kaalam nagpasabot usab kana nga mamahimo lamang kining nga mokunsad ang maong kaalam o mahulaman mo ang maong kaalam sa Dios kun adunay kay mga pag-ampo, ug ibalaan mo ang imong kasingkasing ug huna-huna.

Usa na ka ehemplo ang kaalam diha sa pagsabot sa mga mensahe sa balaang kasulatan diin ginaingon diha sa atong mga katigulangan nag makabuang ang balaang kasulatan busa ayaw kamo pagbasa niini kay dili kamo makasabot niini, ug sumala usab diha sa atong mabasahan ang pulong sa balaang kasulatan diin matuod nga pulong sa Dios diin gisulat pinaagi sa sambingay aron kadto lamang ang nagatuki para sa espirituhanon nga pagsabot ang gitaga-an sa Dios sa lamdag sa espiritu santo, diin bisan niining mga pagpaambit diha sa balaang pulong dili kini iya sa tawo , tawo ang namulong diha sa inyong atubangan apan ang Dios Amahan nagaingon Ako kanang pulong sa ato pa ang kaalam sa pagpasabot sa balaang kasulatan kaalam nga giya sa espirito santo sa Dios.

Busa angay gayud diay nato respetuhan ang iyang pulong diin bisan gani diha sa pagpandong sa balaang kasulatan diin atong tawgon ang Balaang espiritu aron mokunsad sa atong atubangan, nagaingon ang espiritu santo sa balaang bata, Señor Santo Niño, nga agi ug respeto sa pagkunsad sa Dios espiritu santo sa atong atubangan magpundo gayud kita ug dili magbarasbaras kay matod pa kun morespeto kita sa tawo nga namuno-an sa ibabaw sa yuta nan mas morespeto usab kita sa Espiritu Santo sa Dios nga maoy tag-iya sa tibook uniberso.

Diha sa ubang sinulat 1 Corinto 1: 28~30, nagaingon nga gipili sa Dios ang mga tinamay ug mga sinalikway, kadtong mga tawo nga giisip sa uban nga walay gamit dinhi sa ibabaw yuta, diin maoy iyang gitagaan sa Dios sa espirituhanon ng kaalam aron ipa-ila sa Dios sa tibook kalibutan nga walay gamit ang tawhanon nga kaalam ug tawhanon nga kinaadman didto sa iyang gingharian sa langit, ug sa ingon dili sila angay magpasigarbo , kay walay angay ipasigarbo diha sa atubangan sa Dios nga iya niining kalibutana, ug kun duna man ugaling atong ipasigarbo sa atubangan sa Dios, kadto lamang mga milagro nga gipasinati sa Dios diha sa atong tagsa-tagsa ka kinabuhi.

Friday, July 24, 2009

Ang Pag-antos Gumikan Sa Pagbuhat Ug Matarong

1 PEDRO 3 : 8 ~ 22
8 Sa kataposan, kinahanglang magkahiusa mong tanan sa hunahuna: pag-inambitay sa mga problema uban sa pagbati sa usag-usa. Pagmanggiluy-on ug pagmapaubsanon mo. 9 Ayawg basli ang daotan og daotan ni ang insulto sa laing insulto. Hinunoa, panalangin. Mao ni ang panawagan. Sa ingon, panalanginan ka. 10 Kon nangita kag kinabuhi ug gustong makakitag kalipay, ampingi ang dila sa daotan ug ang baba sa pagsultig mga lingla. 11 Talikdi ang daotan ug buhat sa maayo. Pangitaa ang kalinaw ug sunda ni. 12 Kay ang mata sa Diyos nagtan-aw sa katarongan; ang dalunggan naminaw sa hangyo. Apan ang Diyos moyam-id sa nagbuhat og daotan.

13 Kinsay makapasipala nimo kon gihalad ang kaugalingon sa pagbuhat og maayo? 14 Kon nag-antos ka tungod sa katarong, magmalipayon ka. Ayawg kahadlok sa ilang gikahadlokan ni kahasol sama nila. 15 Dayega si Cristo, ang Ginoo sa inyong kasingkasing. Pag-andam kanunayg tubag kon pangutan-on ka sa hinungdan sa imong paglaom. Apan hatag og yanong tubag uban ang pagtahod. 16 Pagbaton og limpyong konsensya aron ang nagpasipala nimo maulawan tungod sa tarong ug Kristohanong pagkinabuhi. 17 Mas maayo pang mag-antos tungod sa pagbuhat og maayo, kon pagbuot ni sa Diyos, kay sa pagbuhat og sayop.

• 18 Hinumdomi giunsa pagpakamatay ni Cristo sa makausa ug alang sa tanan tungod sa atong mga sala. Siya, ang tarong, nagpakamatay alang sa dili tarong aron pagdala nato sa Diyos. Namatay siya sama sa mga tawo, apan gibanhaw sa kinabuhi pinaagi sa Espiritu. 19 Busa, milakaw siya aron pagwali sa mga nabilanggong espiritu, 20 ang kaliwatan nga wala motoo sa Diyos nga sa iyang dakong pailob, miangan-angan pagsilot sa kalibotan, samtang si Noe naghimo pa sa arka diin ang gamayng grupo sa walo ka tawo naluwas sa tubig. 21 Tipo sa bunyag nga nakaluwas. Ang maong pamunyag dili lang paglimpyo sa lawas, apan pagpangayo sab sa Diyos nga magkauliay ta pinaagi sa pagkabanhaw ni Cristo Jesus. 22 Misaka siya sa langit sa tuong kamot sa Diyos human mabuntog niya ang anghel, ang galamhan ug ang kadagkoan.


PAGPAAMBIT SA MENSAHE:

Ang maong ebanghelyo naghisgot diha sa pagkinabuhi nga matarong ubos sa landong sa espiritu sa Dios. Usa ka panag-ingnan ang mga kasinatian nga gipakita ni Jesu Cristo diha sa iyang mga pag-antos ingon nga tawo diha sa paglansang ug pag-antos niya sa krus, diin angayan natong pamalandungan ug hinuktukan ang maong mga kasinatian sa Dios.

Philipos 2: 8~11 nagaingon nga anak siya sa Dios ug diha kaniya ang kinaiyahan sa usa ka sa Dios apan wala niya ipamugos ang iyang pagka Dios, hinunua gihubo niya ang tanan ug nagpaulipon diha sa kinabag-an nga mga katawhan ilabina ang mga kabos. Diin iyang gibusog sa mga espirituhanon nga pagtulon-an ug mga milagro diha sa mga balatian sa matag masakiton.
:
Gipamatuod lamang sa Dios ang iyang pulong diha sa ubang sinulat nga nagaingon, “ Kun gusto nimo nga himayaon ug daygon didto sa gingharian sa langit nan puy-i ang kinabuhi nga puno sa mga pag-antos ug pagdaug-daug dinhi sa yuta, pas-ana ang imong krus sa kinabuhi ug sunod sa pagtulon-an nga gisangyaw ni Kristo. Kay bulahan ka sa tanang bulahan kun makaambit ka sa mga kasakitan ni Jesu Cristo diha sa Krus kay makaambit ka usab sa himaya sa pagkabanhaw didto sa iyang gingharian langit”.

Diha sa ubang sinulat nagaingon usab nga Kung gusto nimong mahimog tinun-an ni Kristo nan kalimti ang imong kinabuhi, pas-ana ang imong krus ug sunod sa mga pagtulon-an nga gisangyaw ni Kristo. Kay bulahan ka nga naawad-an ug kinabuhi diha sa pagsunod mo sa kasugo-n sa Dios kay madugangan ka ug kinabuhi apan kun magmakuli ka sa pagsunod sa kasugo-an sa Dios sa kahadlok nga mawad-an ug kinabuhi nan basin ug kawad-an ka niini.

Mao kini ang nakalatid nag daan diha sa pagsunod sa matuod nga Dios, kay matod pa sa ubang sinulat, kun magkinabuhi ka nga usa ka Kristuhanon nan makaambit ka gayud sa mga paglutos. Apan bulahan kun nagkinabuhi ka nga iya sa Dios niining kalibutana, diin sama ka sa langyaw dinhi sa yuta apan ha-om ug gikahimut-an didto sa gingharian sa langit, kay sa magpakabuhi ka nga ha-om dinhi sa yuta apan ayran diha sa grasya didto sa gingharian sa Dios.

Kamatuoran lamang nga aduna pay kinabuhi human niining atong pagpakabuhi sa kalibutan ug kato nga kinabuhi maoy labing importante diin didto na makita ang imong grasya sa pagkinabuhi nimo dinhi sa ibabaw sa kalibutan, Usa ka pagtulun-an nga angayan sa pagpamalandong, nga kawang ang mga pagpangaplag ug dugang bahandi niining kalibutana diin adunay taya nga magakutkut ug kawatan nga magapanaka, mas maayo nga magtipig ug bahandi nga langitnon diin dili makita ug mahikap kay mao kini bahandi nga molungtad sa kahangturan.

Kay matod pa unsa man tuod ang angayang kabalak-an sa tawo diin miabot siya niining kalibutan diin hubo ug walay dala ug mibiya siya niining maong kinabuhi nga walay dala gihapon, nan dili angay nga mangaplag sa dugang bahandi niing kalibutana , kay biyaan mo man kining tanan, Ang pulong sa Dios nagaingon, kun nasayod pa lamang kamo kun unsa ang atua didto sa iyang gingharian sa langit, nan dili na unta kamo mangaplag pa ug dugang bahandi ug maoy inyong siguroon kun unsaon ang paghiabot didto sa iyang gingharian.
:
Nagapamatuod lamang sa ulohan niining maong ebangheyo nga nagaingon nga Pag-antos gumikan sa pagbuhat ug matarong, kay matod pa diha sa pag-antos anaa man ang pagpaubos ug pagdawat sa mga paglutos ug pagbiay-biay diha sa mga katawhan nga nagalibot kanimo, ang kamatuoran nagaingon Ang magpaubos dinhi sa yuta ipataas didto sa gingharian sa langit apan ang mapahitas-on dinhi sa yuta nan ipaubos ug dili ilhon didto sa gingharian sa langit. Sa ato pa bulahan diay nga imong gidawat sa tumang pagpaubos ang mga paglutos ug mga pag-antos dinhi sa kalibutan, kay nagpasabot lamang kana nga imong gidawat, imong gipapuyo ug imong gipahari si Jesu Cristo diha sa imong kasingkasing.

Thursday, July 23, 2009

Mga Asawa Ug Mga Bana

1 PEDRO 3: 1 ~ 7
3 • 1 Sa samang paagi, ang mga asawa magmasinugtanon sa bana. Kon may mosupak sa Pulong, madaog ra sila bisag walay mga pulong, tungod sa batasan sa asawa. 2 Igo na kaayo nga makita nila ang maakohon ug ang dili masaway mong gihimo.

3 Ayawg padani sa bayhong makita sa gawas: urog sa buhok, bulawang kwentas, ug mga sinina. 4 Adunay mas malungtaron pa nga mogilaw gikan sa kailadman sa tawo: Ang lumo ug malinawong kinaiya, bibilhon gyod sa mata sa Diyos. 5 Ingon ini ang pagpamisti sa mga balaang babaye kaniadto. Misalig sila sa Diyos ug nagmasinugtanon sa bana, 6 sama sa pagtahod ni Sara kang Abraham, nga gitawag niyang ginoo. Mga anak mo kon buhaton ninyo ang tarong ug dili mahadlok.

7 Sa inyong bahin, pagmatinagdanon mo sa kinabuhi uban sa asawa. Pagmasinaboton sa kasayoran nga mas huyang ang kinaiya sa babaye, ug pareho mong nagsalo sa gasa sa kinabuhi. Kon buhaton ni, motubag ang Diyos gilayon sa inyong pag-ampo.


PAGPAAMBIT SA MENSAHE:

Ang maong ebanghelyo nagpasabot nga ang mag-asawa ug mga bana o ang mga magtiayon mao gayud ang pinakabililhon ug maoy sumbanan diha sa espirituhnon nga pagtulun-an nga gisangyaw ni Jesu Cristo. “Charity begins at Home” nga sa ato pa ang pagkamanggiluy-on magasugod gayud diha sa matag pamilya, diin importante nga ang mga pag-ampo hiusahan gayud diha sa tibook meyembro sa panimalay, matod pa sa pulong nga inengles, “ Family that prays together stays Together”.

Importante nga haligi sa pamilya, ang asawa ug bana maoy ehemplo diha sa mga pamiste ug mga hiyas nga kahimut-an sa Dios, diin sa kanunay sila makadawat gayud sa panalangin sa Dios. Bisan diha sa mga pagtulun-an diin asawa lamang ang nagatuman ug nagsunod sa maong pagtulon-an diin ang ubang meyembro kulang sa pagtoo nan mahitabo gayud nga mamahimo silang pagsulay nganha sa imong gibarugan nga pagtulon-an. Apan matod pa ang Dios masinabuton nga Dios diin sa kanunay nagahatag siya ug lugway niadtong mga katawhan nga nagdumili sa pag-ila kaniya ug nagdumili sa pagdawat sa matuod nga iglisea.

Kay matod pa katungdanan sa matag-magtotoo ang pagsangyaw niining tinago nga kamatuoran ngadto sa iyang kapamilya ug mga kaubanan, sama nga katungdanan usab sa asawa ug bana ang pagsangyaw sa maayong balita ngadto usab sa ilang kaugalingon nga pamilya , dili pinaagi sa pulong, kundili pinaagi sa hiyas, ug sa mga buhat nga kristuhanon, kay usanson man tuod nimo pagsangyaw ngadto sa mga katawhan kun diha as imong kaugalingon dili nimo masangyaw ang buhing kamatuoran.

Apan ang Dios nagpasidaan, bisan diha sa mga misyon nga gipadala niay ang iyang mga katawhahn diin adunay mga healing ug mga worship. Nagaingon ang Amahan isangyaw ang akong pulong sa makaduha o makatulo lamang apan kundili maminaw nan biyai, kay wala ipamugos sa Dios ang iyang gingharian sa langit ug usab wala ipamugos sa Dios ang kaluwasan diha sa kinabuhing dayun. Usa ka kamatuoran nga ang pagdawat sa mga pagsangyaw dili usab kabubut-on sa maong mga katawhan kundili kabubut-on gihapon sa Dios , kay matod pa ang espiritohanon nga pagsangyaw nagkinahanglan kini ug espirituhanon nga pagsabot, Ang balaang kasulatan nagaingon nga ang Dios moabot sa atong kinabuhi sa paagi nga dili nato damhon apan adunay nakaandam usab sa mga pinili ug tinawag sa Dios.

Nagpasabot lamang mga igsoon nga ang imong pagdawat diha niining maong iglisea dili imong kabubut-on kundili iya sa Dios kay ang balaang kasulatan nagaingon, didto kapa sa tago-angkan sa imong inahan gitawag ka nang daan, apan igsoon hinumdumi nga dili tanan nga katawhan tinawag sa Dios, ug kadtong wala tawga dinhi lang sila sa kalibutan, apan kadtong iyang tinawag ug pinili nan pagapili-an pa sa Dios.

Diin diha unya sa dakong paghukom diin kitang tanan moatubang sa Dios ug hukman sa atong mga kasal-anan. Nan wala na unyay pasaylo pa nga mahitabo ug wala na unya, mga pangaliya nga dawaton, dinhi lamang niining panahuna ang gitugot sa Dios ang mga kapasaylo-an sa mga kasal-anan diin hataas pa ang pagpasaylo ug pasensya sa Dios.

Ang maga kabataan matod pa kargo sa mga ginikanan diin sila maoy gitugyanan sa Dios diha sa espirituhanon nga pagpakabana pinaagi sa pagtudlo kanila sa hiyas nga kristuhanon, apan lagi matod pa daghan ang mga kaalam karon nga iya sa tawo diin gisakyan sa mag dautan diin kadaghanan gayud sa mga kabataan ang nalingla sa mga dautang binuhatan, matod pa sa pulong sa Dios, wala pay tulobagon ang mga kabataaan kay imosente pa man sila apan inig-abot sa ensaktong edad, nan diha na usab sila makasala, diin manubag matod ang mga ginikanan kun sila ang nagkulang sa espirituhanong pagpakabana para sa ilang mga anank.

Usa lamang ka pagpahinumdom. Nga diha gayud nagsumikad sa mga magtiayon ang sumbanan sa espirituhanong pagtulon-an dili lang sa ilang mag anak kundili diha usab sa ilang mga igsoon ug mga kaubanan, kay ang pulong sa Birhen sa Fatima naga-ingon katungdanan gayud sa matag magtoto-o ang pagsangyaw sa kamatuoran diin tulobagon usab sa matag magtotoo ang mga kalag nga natunaw gumikan lamang kay wala kini masangyawi sa maayong balita niadtong buhi pa, apan kun usa ka kalag imong naluwas diha sa imong mga pagsangyaw nan bulahan kay sama ra usab nga naluwas mo ang imong kalag.

Wednesday, July 22, 2009

Si Jesu Cristo Ang Gahum Ug Kaalam Sa Dios

1 CORINTO 1:18 ~ 31
18 Apan ang pagwali sa krus nagpabiling binuang alang sa nawala. Alang natong naluwas, gahom ni sa Diyos. 19 Matud pa sa kasulatan: Akong gun-obon ang kaalam sa maalamon ug lumpagon ang pangatarongan sa makinaadmon. 20 Hain man ang mga batid sa tawhanong kaalam, ang mga edukado, ang mga pilosopo? Wala ba pakyasa sa Diyos ang kaalam ining kalibotana?

21 Sa sinugdan ang Diyos misulti sa pinulongan sa kaalam. Apan ang kalibotan wala makaila sa Diyos sa iyang kaalam. Gikahimut-an sa Diyos ang pagluwas sa matoohon pinaagi sa binuang namong giwali. 22 Ang mga Judio nangayog mga milagro. Ang mga Griyego nangayog labaw nga kahibalo. 23 Nagwali mi ni Cristo nga gilansang sa krus. Alang sa mga Judio, dako ning iskandalo! Alang sa mga Griyego, binuang! 24 Apan si Cristo siya, ang gahom ug ang kaalam sa Diyos sa gitawag niya gikan sa mga Judio ug Griyego.

25 Sa pagkatinuod, ang “binuang” sa Diyos labaw kaayo kay sa kaalam sa tawo. Ang “kahuyang” sa Diyos labaw kakusgan kay sa tanang kusog sa katawhan. 26 Mga igsoon, pamalandongi ug tan-awag kinsay gitawag sa Diyos. Pipila ra ninyo ang matawag nga edukado o dato. Pipila ra ang dungganag kaliwat. 27 Apan gipili sa Diyos ang giisip sa kalibotan nga huyang aron pakaulawan ang kusgan.

28 Gipili sa Diyos ang kumon ug dili importanting mga tawo, ginamit ang walay nada aron wagtangon ang mga butang nga dunay bili, 29 ug aron walay manghambog sa iyang atubangan. 30 Apan sa grasya sa Diyos, naa mo ni Cristo Jesus. Nahimo siya nga atong kaalam gikan sa Diyos. Iya tang gitarong, gisantos ug gigawasnon. 31 Ang Kasulatan nag-ingon: Ang manghambog, papanghamboga siya sa Ginoo


PAGPAAMBIT SA MENSAHE:

Ang maong ebanghelyo naghisgot diha sa pagpakabuhi nga iya sa Dios diin giingon diha sa maong ebanghelyo nga si Jesu Cristo mao ang gahom ug kaalam sa Dios. Diha sa ubang sinulat Colosas 1: 15 nagaingon nga si Jesu Cristo mao ang buhing larawan sa Dili Makita nga Dios, sa ato pa ang Dios ug si Jesu Cristo usa ra, Siya nagasulti diha sa kabubut-on sa iyang Amahan. Gusto lamang usab nga ipadayag sa Dios ang iyang mga pamaagi pinaagi usab diha sa pakunsad sa iyang anak dinhi sa yuta, ang mga maalamon wala makaila kaniya, Kay ang pag-ila sa matuod nga Dios dili buhat nga tawhanon kundili buhat nag espirituhanon.

Diha sa maong ebanghelyo gilakbitan ang pag-ingon nga himoon kung kawang ang kaalam sa mga maalamon, walay gamit ang kahibalo sa mga makinaadmanon. Diin nagpasabot lamang kini nga ang tawhanon nga kaaalam ug kaalam nga iya sa Dios dili gayod magkatugma, ang buhat nga iya sa Dios ug buhat sa tawo dili gayod magkasinabot, usa kini ka kamatuoran diin, bisan ang balaang basahon sa pulong sa Dios o bibliya lahi-lahi gayud ang pagsabot sa nga katawhan niini, kay lagi gipaagi man kini sa pasumbingay diin bugtong kadto lamang adunay espirituhanon nga panabot ang gitugotan usab sa Dios sa pagsabot iyang mga pulong.

Atong mapalandungan diha sa ubang sinulat Mateo 16:18 ~19 miingon si Jesu-Cristo ngadto sa una niya tinawag nga Apostoles, Simon ikaw si Pedro, itongtong ko niining bato ang akong iglisea ni ang kamatayon dili makabuntog niini. Gipasabot niadtong panahuna ni Jesu Cristo nga ang iyang simbahan mao ang pagtulon-an nga iyang gibarugan, ipasangyaw niya ug ipaagak ni Pedro, diin diha sa mga paglutos ug mga pagsulay padayon nga magbarog ang maong pagtulon-an , padayon nga mobarog ang kaalam sa Dios nga iyang gipasanay sa iyang unang mga tinawag.

Sulod sa libo kapin ka mga katuigan wala gayuy nakasagol sa maong pagtulon-an nga gisangyaw sa mga apostoles, una kang Pedro diin maoy gitahasan sa pagsangyaw ngadto sa mga Judio ug ikaduha kang Pablo diin mao usay gitahasan sa pagsangyaw sa dili mga Judio. Diin nabani-og kini nga pagtulon-an nga isip "universal religion" diin nagpasabot nga "Catholic", 1950’s nahitabo ang unang panagna sa mga apostoles nga moabot ang panahun nga daghan pagtulon-an nga manggawas diin nagdala kini sa pulong sa Dios diin sila ang magpasalaag sa mga katawhan, hinay-hinay nga pagbahin-bahin sa iglisea, nag-una matod pa ang gimugna ni Martin Luther, usa ka katoliko nga pari, diin hangtod niining panahuna miabot na ug 30,000 ka pagtulon-an sa kalibutan diin matawag nato ug salingsing sa katoliko kay diha man ang kadaghanan nila magsugod sa katoliko.

Apan silang tanan, mga pagtulon-an nga gimugna ug gitukod lamang sa tawo diin mao usay ilang gihimong sumbanan ang balaang kasulatan ginamit ang panabot nga tawhanon, Apan matod pa kabubut-on ang tanan sa Dios kay matod pa usab diha sa ubang sinulat, Lahi-lahi ang pagtawag kanato sa Dios, apan dili ang tanan nagasangpit sa Dios mahilangit kundili kadto lamang nagatuman sa iyang kabubut-on. Apan ang Dios nagpadala ug kataposang manlalaban, Juan 14: 15 nagaingon, "Mangayo ako sa Amahan ug hatagan kamo niya ug laing manlalaban, ang espirito sa kamatuoran nga molaban kaninyo hangtod sa kahangturan. Ang kalibutan dili makadawat kaniya kay dili man siya Makita ni mahikap, apan makaila kamo kaniya kay naga-uban man siya kanunay diha kaninyo".

Dayag ug tataw nga ang espiritu sa Dios nagabalik-balik kanunay sa kalibutan, 1984 iyang gibalik ang pagtulun-an ng iyang gitukod susama sa pagtulon-an nga gitukod ni Kristo apan dili na buhing tawo nga Jesu Cristo ang nagdala kundili buhing pulong sa espiritu santo, pinaagi sa atong mga propeta niining bag-ong panahun karon. Wala na ma kaila ang mga tawo, ug nangakurat nga magatiniil ang mga sumosunod, nga magatuman sa mga kasugo-an, gihinganlan ug kulto ug mga buang-buang , ingon niana ug mas labaw pa ang mga kasinatian sa unang mga tinawag, diin mao kini ang kataposang pagtulon-an nga gitukod sa Dios pinaagi sa espiritu santo, pinakaubos nga pagtulun-an sa yuta kay wala may bahandi nga gikuptan, apan pinakataas didto sa gingharian sa Dios kay tinukod man sa iyang bugtong anak si Jesu Cristo.

Tuesday, July 21, 2009

Mga Pasidaan Sa Sa Sayop Nga Pagtulon-an

1 TIMOTEO 1:3~10
• 3 Sa pag-adto ko sa Macedonia, giingnan tikaw nga magpabilin sa Efeso aron tudloan ang mga tawo sa dili pag-usab sa pagtoo, 4 sa dili pagsunod anang mga sugilanon ug taas nga mga talaan. Panaglantogi lang ang makuha nila, inay mga buhat sa Diyos pinaagi sa pagtoo. 5 Limpyong kasingkasing ug putling konsensya ug dili pagpakaaron-ingnong gugma ang tuyo ini.

6 Nasalaag ang uban nila tungod sa walay hinungdan nga lantogi. 7 Buot silang ilhon nga mga magtutudlo sa balaod. Ang tinuod, sila mismo wala makasabot sa ilang gipanulti ni sa mga butang nga gihisgotan sa dakong pagsalig. 8 Nahibalo ta nga ang balaod maayo kon gamiton sa maayong paagi. 9 Ang Balaod dili alang sa tarong kondili, sa malapason, sa daotan ug sa makasasala, sa wala moila sa Ginoo ug sa relihiyon, sa mipatay sa ginikanan, sa mga kriminal; 10 sa himabaye, sa makighilawas sa isigkalalaki, sa mga puta, sa mga bakakon, sa nagguba sa ilang debosyon, ug sa tanang misupak sa maayong pagtulon-an,

PAGPAAMBIT SA MENSAHE:

Ang maong ebanghelyo nagpasabot lamang diha sa pagpuyo nga balaan diha sa pagsunod sa kristuhanon nga pagtulon-an. Diha sa mga pagsangyaw sa mga apostoles niadtong unang panahun, matag lugar nga ilamg maadtuan sa kanunay daghan ang midawat sa ilang mga pagsangyaw ug mikalawat sa pagtulon-an nga ilang gidala apan abtan ug pila ka bulan diin ang maong mga katawhan mibalik na usab sa pagsimba sa mga Dios-dios tungod kay wala na man diha ang mga pag-ampo ug ang mga pag-agni kanila.

Kamatuoran lamang usab ang gipasabot sa buhing pulong sa amahan nga nag-ingon “Kung ang espiritu sa Dios anaa sa imong tuo nan ang dautan nga espiritu anaa usab sa imong wala, diin naghulat lang kini ug panahun mga makaliot diha sa imong pagkatawo ug diha sa imong pagsangyaw.

Maoy gihimong unod sa maong ebanghelyo ang sayop mga pagtulon-an. Diin matuod gidawat ug mitoo ka diha sa pagka Dios ni Jesu Cristo apan wala nimo tumana ug isul-ob ang hiyas nga iyang gusto nga ipasul-ob diha sa iyang mga sumosunod, ang hiyas sa espiritu santo sa Dios ang hiyas sa pagkamangindawaton, diin anaa ang pagpaubos, pagpasakit ug ang pag-ampo sa kanunay ug ang paghinulsol sa mga kasal-anan.

Ang Dios dili mosugot mga lantugian ang iyang pagtulon-an kay bisan diha sa mga misyon diin iyang ipadala ang iyang mag katawhan aron sa pagsangyaw ug sa pagpanambal pinaagi diha sa mga milagro nga iyang ipakita siya miingon gayod nga isangyaw ang akong ngalan, sa makaduha o makatulo kun dili maminaw biyai sa walay paglingi kay wala ipamugos sa Dios ang iyang gingharian sa langit ug mas labaw nga wala ipamugos sa Dios ang kinabuhi nga dayun nga iyang gisaad sa iyang mag katawahan.

Nagpamatuod lamang diha sa ubang sinulat nga nagaingon “ Ang Dios moabot sa atong kinabuhi sa paagi nga dili nato damhon apan aduna na usab siya giandam diha sa iyang tinawag ug pinili, sa ato pa, kining pagsangyaw sa pulong sa Dios usa kini ka espirituhanon nga pagpasabot ug ang tawo dili gayud mosabot kun wala usab kanimo ang giya sa espiritu santo, kay matod pa dili tanan tawo tinawag sa Ginoo, ang balaang kasulatan nagaingon “Lahi-lahi ang pagtawag Ko kaninyo, apan dili ang tanan nagasangpit Kanako ,makasulod sa akong gingharian, kundili kadto lamang nagatuman sa akong kabubut-on.”


Ang Kinaiya Ug Ang Buhat Ni Cristo

COLOSAS 1: 15 ~ 23

• 15 Larawan siya sa Diyos nga dili makita, ang panganay sa tanang binuhat. 16 Diha niya gibuhat ang tanang butang nga makita ug dili makita ang mga trono, mga hari, mga gahom ang tanan gihimo pinaagi niya ug alang niya. 17 Siya na ang Siya, sa wala pa ang tanan, ug diha niya ang tanang butang18 Ulo siya sa lawas, ang Simbahan ang sinugdan, ang unang gibanhaw sa mga patay aron mag-una sa tanan. 19 Kay nahimuot ang Diyos nga ang kahingpitan magpabilin niya. 20 Gimbut-an sa Diyos nga pinaagi ni Cristo mapahiuli ang tanan diha ug pinaagi niya, sa iyang pagpaagas og dugo sa Krus, gimugna sa Diyos ang kalinaw dinhi sa yuta ingon man sa Langit.


• 21 Kamo mismo layo ug masinupakon sa Diyos kaniadto tungod sa daotang binuhatan. 22 Apan karon gipahiuli namo. Ang Diyos nagpahiuli ninyo pinaagi sa pagtugyan sa kamatayon sa lawas ni Cristo, aron makaatubang mo niya nga walay sala, balaan ug putli. 23 Barog nga lig-on sa sukaranan sa pagtoo ug pabilin sa gilaoman. Ibutang sa hunahuna ang Ebanghelyo nga nadungog. Kay gitudlo ni sa tanang binuhat ubos sa langit. Ako, si Pablo, ang nag-alagad niya.

PAGPAAMBIT SA MENSAHE:

Ang maong ebanghelyo nagpasabot diha sa buhat nga Cristuhanon, diha sa maong ebanghelyo gipadayag nga Si Jesus ang buhing panagway sa dili makita nga Dios, diin nagpasabot kini sa dili malalis nga kamatuoran nga ang Dios Amahan ug ang anak usa ra diin namulong Si Jesus pinaaagi sa kabubut-on usab sa Amahan. Dinhi na si Jesus sa wala pa ang kalibutan, ug dinhi na usab siya diha sa panahun ni Moises diin Si Jesus maoy nahimong giya diha sa ilang mga kinahanglanon ni Moises , nga espirituhanon ug materyal.

Dili makatukib niining maong kamatuoran diin nagpasabot lamang kini nga walay makatugkad sa kabubut-on sa Dios ni walay gitugotan sa Dios sa pagtugkad sa iyang gahum. Daghan ang nagatuki diha sa balaang kasulatan , diin ilang pagsabot niining maong mga ebanghelyo sa balaang kasulatan sumala sa ilang tawhanon nga pagsabot.

Daghan usab ang nangutana kun kanus-a man kuno mobalik ang anak sa Dios aron sa paghukom kanatong tanan, apan ang balaang kasulatan, nagaingon, sumala sa 2 Pedro 3: 17, nga ang usa ka adalw sama sa 1000 ka tuig sa Ginoo, ug ang 1000 ka katuig sama usab kini sa usa ka adlaw, diin nagpasabot lamang usab nga bisan ang kadugayon ug kadali sa matag taknaan, nagaagad sa kabubut-on sa Dios. Apan kun makita sa Dios nga andam na ang tanan diin napadayag na ang mga tinagong pulong nan dili na siya maglangan ug ipakanaog gayud niya ang iyang hukom.

Matod pa usab 90% na sa maong mga ebanghelyo sa balaang Kasulatan ang hinay-hinay na nga natuman diin, anaa na ang mga katalagman matag karon ug unya, ug matod pa sa uban diin ilang gihubad nga mao na kini ang mga katumanan diha sa panan-awon ni Juan sa pinadayag.

Ug mao na kini ang katumanan diha sa ubang mag ebanghelyo ni Juan diin matod pa ni Jesus ngadto sa babaye nga taga Samaria, nga taliabot na ang panahun, ug karon miabot na nga ang matuod nga magsisimba, Magsimba sa amahan sa Dios Espiritu ug Sa kamatuoran kay kay Sila ang mga magsisimba nga maoy gusto sa Amahan nga magsimba ngadto kaniya, sumala kini diha sa ebanghelyo Juan 4: 21~23.

Juan 14: 15 nagaingon usab si Jesus, Tumana ninyo ang akong mga sugo, ug mangayo ako sa Amahan ug tagaan kamo niya ug laing manlalaban, ang espiritu sa kamatuoran, nga magalaban kaninyo hangtod sa kahangturan, Ang kalibutan dili makadawat kaniya, kay dili man siya makita ug mahikap, apan makaila kamo kaniya kay nakig-uban man siya kaninyo.
:
1 Corinto 3: 16, nagaingon usab nga ang lawas sa tawo maoy templo sa Dios espiritu santo, ug ang molaglag sa templo sa Dios nga mao kita nan pagalaglagon usab sa Dios. Sa ato pa angay lamang nga atong sundon ug ibalaan ang bag-ong sugo ni Cristo , paghigugmaay kamo, kay nagpasabot kana nga nahigugma ka sa Dios apan kun nahigugma ka sa Dios apan nagdumot ka sa imong mga igsoon ug silingan nan namakak ka , kay unsaon man nimo paghigugma sa Dios diin wala nimo kini makita ug mahikap diin nasilag ug nagdumot ka sa imong isigkatawo nga sa tanang adlaw imo mang nakita, nan nagpasabot lamang usab kini nga wala ka mahigugma sa Dios kay ang Dios nagpuyo man diha sa mga tawo nga
imong gikasilagan.
:

Monday, July 20, 2009

Ang Mensahe Sa Dios Pinaagi Sa Iyang Anak

HEBREO :1 :1~3
1 • 1 Bisag dili kompleto, nagsulti ang Diyos kaniadto sa atong kati­gulangan pinaagi sa mga propeta ug sa nagka­lain­laing paagi. 2 Apan karon, tino kaayo nga nakigsulti siya nato pi­na­agi sa iyang Anak. Bugtong siyang Diyos, ang gitud­long manunod sa tanang butang. Pi­na­a­gi niya gihulagway ang tanang na­wong sa kalibotan. 3 Bidlisiw siya sa Himaya sa Diyos ug ang nagdala sa larawan niyang ti­­nago. Busa, ang gamhanan niyang pulong nag­­­sapwang sa kalibotan. Hu­man wag­­­­­tanga ang sala, mi­lingkod siya sa tuo sa halangdong Diyos sa kahitas-an.

PAGPAAMBIT SA MENSAHE:

Ang maong ebanghelyo nagpasabot lamang nga ang Amahan ug ang anak usa ra . Diin si Jesus nagsulti pinaagi sa kabubut-on sa iyang amahan, Diha sa ubang sinulat, Colossas 1: 15, nagaingon nga siya si Jesu-Cristo ang larawan sa dili makita nga Dios , siya ang panganay sa tanang binuhat dinhi sa kalibutan , ang makita ug dili makita.

Diha sa ubang sinulat nagaingon Siya ang pulong nga nagpakatawo ug mipuyo uban kanato. Dinhi na siya bisan sa wala pa mahimo ang kalibutan, Siya ang Alpha ug ang Omega ang sinugdanan ug ang kataposan. Walay mahiabot sa amahan kun dili maga-agi kang Ginoong Jesu Cristo. Kung ilimod mo Siya nan ilimod ka usab niya atubangan sa Amahang Dios ug kun dili mo siya ilhon nan dili ka usab niya ilhon atubangan sa Dios Amahan.

Nagpasabot lamang mga igsoon nga ang Dios mahabot diha sa atong kinabuhi nga dili nato damhon apan matod pa diha sa ubang sinulat nagaingon usab nag adunay nay giandam sa Dios niadtong iyang mga pinili ug mga tinawag, Sa ato pa dili kita ang nagpili aron mahiduol sa Dios dili kita ang nagpili aron mahiabot ug mosaka niining sinagoga nga atong gibarugan kundili Siya ang Dios sa tanang Dios maoy nagpili ug nagtawag kanato dinhi niini nga pagtulon-an.

Daghan ang magaingon labina niadtong mag naglutos sa taga Damasco nga ikaduha man kini nga pagtulon-an dili man kini mao ang puro nga katoliko nga gisangyaw ni Jesus niadtong unang panahun. Pagtuki igsoon, pamalandongi ang nahisulat sa balaang kasulatan labi na diha sa mga buhat Moises ug sa ikaduhang kasulatan sa mga buhat sa apostoles, dayun tuki-a pinaagi sa pag-uban niining nga pagtulon-an diha sa mga misyon sa halayong dapit diin ipakita gayod sa Dios ang mga milagro sebo ug walay kulang sa nahisulat niining basahuna. Ang pagtuki dili usa , duha o tulo ka hiagayon lamang kundili tinuig gayud kini nga sebo usab sa kabubut-on sa Dios.

Ang buhing pulong sa Dios nagaingon, nga mahibaw-an nimo kun kana iya ba nga pagtulon-an kay makaambit gayud sa mga paglutos, kay ang balaang kasulatan nagaingon nga kun gusto kang magpakabuhi diha sa pagsunod sa pagtulon-an ni Kristo nan makaambit ka gayud sa mga paglutos. Apan daghan usab ang molili lang dili mosaka dili moasimba kay mahadlok nga makaambit sa mga paglutos, apan ang Dios Amahan usab nagpasabot pinaagi sa balaang bata nga kun nalatid ng daan ang mga paglutos sa imong kinabuhi molikay-likay kaman sa pagpaduol sa Dios nan makaambit ka gayud sa mga paglutos, diin walay laing sagang diha sa mga paglutos sa imong kinabuhi mao ra gayud usab ang mga pag-ampo ug mga paghalad kay ang buhing pulong sa Dios Jesu-Cristo nagaingon tukhi ang imong mga pagsulay o mga paglutos nga nasinati pinaagi sa mga pag-ampo kay ani-a Ako nga manalipod kanimo.

Dili diay angay ikasakit ang mga kalisod nga atong naagi-an sa atong kinabuhi diha sa mga paglutos ug mga pagdaug-daug, diin pinaagi diha sa atong mga pag-ampo ug mga paghalad atong madawat ang mga kasakitan sa tumang pagpaubos, nan bulahan kay nagpasabot lamang kana nga imong gidawat , imong gipapuyo ug imong gipahari si Jesu- Cristo diha sa imong kasing-kasing.

Saturday, July 18, 2009

Ang Pulong Sa Dios Maoy Naghukom

JUAN 12:44~50
44 Bisan pa ana si Jesus misulti, ug gani misinggit: “Ang mitoo nako wala lang magtoo nako kondili, niya nga nagpadala nako. 45 Ang nakakita nako nakakita sab sa nagpadala nako. 46 Mianhi ko sa kalibotan isip kahayag aron ang nagtoo nako dili magpabilin sa kangitngit. 47Kon may makadungog sa akong mensahe ug dili motoo, dili ko siya hukman. Mianhi ko dili aron pagsilot sa kalibotan kondili, aron pagluwas.

48 Ang mosalikway nako ug dili modawat sa akong pulong gihukman na: Ang pulong nga akong gisulti mohukom niya sa kataposang adlaw. 49 Wala ko magsulti sa kaugalingong gahom. Ang Amahan nga nagpadala nako nagtudlog unsay isulti ug unsaon ko pagsulti. 50 Nasayod ko nga ang iyang sugo kinabuhing dayon ug naghatag ko sa mensahe sumala sa gitudlo kanako sa Amahan

PAGPAAMBIT SA MENSAHE:

Ang maong ebanghelyo naghisgot diha sa mag balaang pulong sa Dios diin matod pa ni Jesu Cristo wala siya magsulti sa iyang kaugalingon lamang kundili nagsumikad sa Amahan ug nagsumikad usab sa amahan kun unsaon niya pagsulti. Si Jesu Cristo maoy propeta sa tanang propeta ug hari sa tanang mga hari. Propeta siya sa pagkangalan nga ang pulong sa amahan mogawas diha sa iyang baba, ug hari sa mga hari tunod kay siya ug ang Amahan usa ra.

Dinhi na si Jeus Cristo sa wala pa ang kalibutan, ug diha usab siya sa pagbaklay ni Moises niadtong nabantog nga “Exodus” diin siya ang nahimong giya diha sa mga kinahanglanon ni Moises sulod sa 40 ka tuig nila nga panaw. Siya katong bato nga sa kanunay naga-uban sa panahun ni Moises.

Ug siya ang giingon diha sa balaang kasulatan nga naga-ingon ang pulong nahimong tawo ug nagapuyo uban kanato. Dako ang katuyo-an sa amahan diin gipakanaog siya dinhi sa yuta , kini aron sa pagtul-id diha sa kasaypanan sa unang kasulatan ug ang pagpasabot usab sa napulo ka sugo sa Dios pinaagi ni Moises. Nga ang napulo ka sugo mahimo lamang kini duha ang paghigugma sa Dios labaw sa tanan ug dili magbaton ug laing Dios gawas kaniya, ikaduha nga kasugo-an mao ang paghigugma sa imong isigka tawo sama sa paghigugm sa imong kaugalingon.

Diin kining mga sugo-a naglangkob lamang sa pulong gugma diin dinhi nagalihok ang pagtulon-an nga gisangyaw ni Cristo, kini ang iyang bag-ong sugo, ang paghinigugmaay kamo diha sa matag-usa. Kay ko nahigugma ka sa Dos apan nasilag ug nasuko ka sa imong silingan ug igsoon nan miingon ang Dios nga bakakon ka, kay giunsa man nimo paghigugma sa Dios nga wala nimo makita ug mahikap apan nasilag ka diha sa imong silingan diin kada-adlaw nimo kining makita.

Mao kini ang unod sa maong ebanghelyo, diin ang Dios nagpadala ug mga pulong isip iyang mag kasugo-an diha sa mga gimbuhaton, bisan didto pa sa panahun ni Moises, Sa panahun sa mga apostoles ni Cristo dinhi nining atong bag-ong panahun karon pinaagi sa mga propeta niining atong panahun.


Thursday, July 16, 2009

Ang Paghari Sa Dios

LUCAS 17: 20~37

• 20 Gipangutana siya sa mga Pariseo kanus-a moabot ang Gingharian sa Diyos ug mitubag siya: “Dili dayag ang pag-abot sa gingharian sa Diyos; 21 dili ka makaingon ‘Ania dinhi o tua didto,’ kay naa nimo ang gingharian sa Diyos.” 22 Miingon si Jesus sa mga tinun-an: “Moabot ang panahon nga mangandoy mo nga makakita sa usa sa mahimayaong adlaw sa Anak sa Tawo, apan dili ninyo makita. 23 Kon may moingon: ‘Tan-awa, ania ra’ o ‘tua didto’. Ayaw mog adto, ayawg sunod. 24 Kay sama nga ang kilat mokidlap ug mosiga gikan sa usa ka bahin sa langit ngadto sa pikas, ingon sab ini ang buhaton sa Anak sa Tawo sa iyang adlaw. 25 Apan kinahanglan nga mag-antos una siya sa daghang butang ug isalikway sa mga tawo ining kaliwata.


26 Sama sa nahitabo sa panahon ni Noe, mao sab unya sa mga adlaw sa Anak sa Tawo. 27 Mangaon sila ug manginom, magminyo ang mga lalaki ug babaye, hangtod sa adlaw nga mosulod si Noe sa arka ug moabot ang baha nga mopatay sa tanan. 28 Sama sa panahon ni Lot: mangaon sila ug manginom, maninda ug mamalit, mananom ug manukod. 29 Sa paggawas ni Lot sa Sodoma, ang Diyos nagpaulan og kayo ug asupre gikan sa langit nga mipatay sa tanan. 30 Ingon sab ini ang mahitabo sa adlaw nga ipadayag na ang Anak sa Tawo.

31 Anang adlawa, dili na manaog ang naa sa atop sa balay aron pagkuha sa mga gamit ug dili na mopauli ang tua sa uma. 32 Hinumdomi ang asawa ni Lot. 33 Mawad-an sa kaugalingong kinabuhi ang maninguha pagluwas ini ug ang nagtugyan sa kaugalingong kinabuhi matawo pag-usab. 34 Sultihan tamo: kon may duha nga magdulog sa usa ka higdaan anang gabhiona, dad-on ang usa ug ibilin ang usa. 35 Kon may duha ka babaye nga maggaling ug mais, dad-on ang usa ug ibilin ang usa.” 36 Kon may duha ka tawo didto sa uma, dad-on ang usa ug ibilin ang usa. 37 Ug nangutana sila: “Asa man ni mahitabo, Ginoo?” Mitubag siya: “Hain gani ang lawas, didto sab magtigom ang mga agila.”

PAGPAAMBIT SA MENSAHE:

Ang maong ebanghelyo nagsaysay lamang sa pagtukib sa kabubut-on sa Dios diin diha sa balaang kasulatan nagaingon usab kini nga kun giunsa ni Jesus pagkayab ngadto sa langit nan mao usab unya ang iyang pagbalik diin maabli ang langit ug mokanaog si Jesu Cristo sinaksihan sa mga amghel sa kalangitan.

Diha niining maong ebanghelyo nagpakisayod ang mga pariseo kun uaduna bay timailhan sa paghari sa dios dinhi sa kalibutan. Diin nagpadayag si Jesu Cristo nga walay tima-ilhan diin ang pahari sa Dios dinhi sa kalibutan sama kini sa kawatan diin walay oras ang iyang pagtungha. Nan sa ato pa angay diay gayud nga kita mangandam sa paghari sa Dios.

Diha sa ubang sinulat may nagatuki kun kanus-a ba kuno magahari ang Dios dinhi sa kalibutan diin hataas na ang panahun ang milabay ug nangamatay na ang mga propeta ug ang mga apostostoles apan wala pay balita sa paghari sa Dios, wala pay balita sa pagbalik sa Dios.

Matod pa sa basahon ni Pedro sa 2 Pedro 3:17 nagaingon ang usa ka adlaw sama sa 1000 ka tuig sa Ginoo apan ang usa ka libo ka tuig sama lang usab sa usa ka adlaw, sa ato pa kabubut-on gayud sa Dios Amahan kun kanus-a niya ipaabot ang takdang panahun , kay maoy gayuy gusto sa Dios nga maluws ang iyang mga pinili nga katawhan sa higayon nga maghari ang Dios.

2000 kapin na tuig ang milabay diin hataas pa ang pasensya sa Dios, nagpadayon ang paghatag sa pasaylo sa Dios kanatong mga makasasala, diin naga-aghat gayud ang Dios Jesu Cristo sa pagsantos nga rosaryo diha sa atong mga pag-ampo, kay matod pa diha sa ubang sinulat, walay sala dinhi sa ibabaw sa kalibutan nga walay kapasaylo-an ang tanan magamay ug madako nga sala mapasaylo sa Dios basta pangayoon lang nimo ang maong pasaylo ug kinananglan nga motoo ka nga ikaw mapasaylo kay kun kulang ka diha sa imong pagtoo nga mapasaylo ka nan sama ra nga wala ka motoo nga si Jesus matood nga Dios

Bisan ang Mahal nga birhen Maria naga-aghat sa iyang mga katawhan sa pagsantos nga rosaryo, sumala sa iyang mga mensahe didto sa Fatima , Portugal kaniadtong Mayo 13, 1917 diin nagpakita ang mahal nga birhen sa tulo ka mga inosenteng mga bata diin nagaingon siya nga matuod nga adunay impyerno ug adunay katungdanan ang matag magtotoo sa pagsangyaw sa buhing pulong sa Dios kay tulobagon usab sa matag magtotoo kung adunay kalag nga natunaw tungod lamang nga wala niya kini masangyawi sa kamatuoran, Apan bulahan usab ang magtotoo nga nakaluwas ug usa ka kalag diha sa iyang pagsangyaw tungod kay sama man unya nga ang iyang kalag ang iyang naluwas

Apan ang Dios nagpasidaan usab diha sa atong pagsangyaw niingno siya isangyaw ang akong pulong sa makaduha o makatulo kun dili maminaw biyai sa walay paglingi kay wala ipamugos sa Dios ang iyang gingharian sa langit ug mas labaw nga wala niya ipamugos ang iyang gisaad nga kaluwasan sa kinabuhing dayun pinagi kang Jesu Cristo. Diha sa ubang mga pulong nagaingon usab siya Likayi ang pagpasigarbo, kay ang akong pulong dili pulong sa pagpasigarbo ang pulong sa Dios pulong sa pagpaubos.

Wednesday, July 15, 2009

Mga Saksi Ni Jesus

JUAN 5:30~47

• 30 Wala koy mahimo sa akong kaugalingon. Kinahanglan nga mamati ko sa Lain nga mohukom. Tarong ang akong hukom, kay wala ko magtinguha sa kaugalingong kabubut-on kondili, sa nagpadala nako. 31 Kon nagsaksi ko sa kaugalingon, walay kapuslanan ang akong isulti. 32 Apan ang Lain nagsaksi nako. Nahibawo ko nga ang iyang pagsaksi tinuod. 33 Si Juan sab misaksi sa kamatuoran sa inyong pagpadala niyag mga sinugo. Apan wala ko mangita sa tawhanong saksi. 34 Gipahinumdoman tamo ini aron maluwas mo.


35 Si Juan sama sa sugang nagdilaab ug gikahimut-an ninyo ang pagpahimulos sa makadyot sa kahayag. 36 Apan may nagsaksi nako nga labaw ni Juan – ang mga buluhaton nga gitugyan kanako sa akong Amahan. Ang mga buhat nako nagmatuod nga pinadala ko sa Amahan. 37 Busa, ang nagsaksi nako mao ang Amahan nga mipadala nako. Wala pa ninyo madunggi ang iyang tingog, ug wala mo makakita sa iyang nawong. 38 Kon dili mo motoo sa iyang sinugo wala ninyo ang iyang pulong.


39 Nangita mo sa kinabuhi diha sa kasulatan, kay nagtoo mo nga dinha inyo ning makaplagan. Nagsaksi nako ang Kasulatan. 40 Apan midumili mo pagduol nako aron mabuhi. 41 Wala ko mangandoy nga daygon sa katawhan. 42 Nasayod ko nga wala ninyo ang gugma sa Diyos. 43 Wala ko ninyo dawata bisag mianhi ko sa ngalan sa akong Amahan; kon may laing moanhi sa kaugalingong ngalan dawaton siya. 44 Unsaon man ninyo pagtoo kon nagdayeg mo sa inyong gitinguha, inay sa Himaya nga gikan sa Diyos?


45 Ayawg hunahunaa nga isumbong tamo sa Amahan. Si Moises mismo nga inyong gilaoman ang magsumbong ninyo. 46 Kon nagtoo mo ni Moises, motoo sab mo nako, kay nagsulat man siya bahin nako. 47 Apan kon wala mo motoo sa iyang gisulat, unsaon man ninyo pagtoo sa akong mga pulong?

PAGPAAMBIT SA MENSAHE:

Ang maong ebanghelyo naghisgot diha sa mga pagsangyaw ni Jesu Cristo diin siya matod pa diha sa balaang kasulatan gipadala dinhi sa kalIbutan dili pinaagi sa iyang kabubut-on kundili pinaagi sa kabubut-on sa Amahan. Daghang mga sinulat ug mga panagna sa mga propeta nga nagasangyaw niini diin sa dugay nga panahun gipahaiblo nang dan ang pahiabot sa mesiyas diin maoy manluluwas sa mga sala sa mga katawhan.

Apan ang wala nila palandonga nga mahitabo nga ang Dios mahiabot sa kalibutan sa paagi nga kadto ra usab mga tawo nga tinawag ug pinili ang makabantay, kadtong mga tawo nga anaa kanunay anaa kanila nga espiritu santo tungod sa iyang mga hiyas nga langitnon ug mapaubsanon. Kadtong mga katawhan nga didto pa sa tago-angkan sa ilang inahan apan gitawag ug gipili nang daan sa Dios. Sila ang gipili sa Dios aron maoy mosaksi sa iyang pagka Dios sumalsa sa maong ebanghelyo, ug usa na niini ang 12 ka apostoles diin sila gipili gayud sa Dios nga maoy mosangyaw sa iyang pagtulun-an sa upat ka suok sa kalibutan.

Maoy nakalatid daan diha sa mga buhing pulong sa Dios nga nagaingon, 1 Corinto 1:28: Gipili sa Dios ang tinamay ug mag sinalikway, kadtong mga katawhan nga nagpakaubos diha sa ilang kaugalingon sa atubangan sa Dios aron sa ingon iyang mapakita nga ang tawhanon nga kaalam ug kinaadman dinhi niining kalibutan walay gamit didto sa iyang gingharian busa dili kini angay ipasigarbo. Ug kon aduna man ugaling ipasigarbo nan kadto lamang mga milagro mga iyang gipasinati diha sa atong tagsa-tagsa ka kinabuhi.

Mao gayuy gusto sa Dios nga ang iyang mga saksi niadtong panahuna kadto lamang andam mopapuyo sa Dios diha sa ilang kasingkasing. Ang balaang kasulatan naga-ingon “Kun gusto nimo nga mahimong tinun-an ni Kristo nan kalimti ang imong kinabuhi, Pas-ana ang imong krus ug sunod sa pagtulun-an nga gisangyaw ni Kristo. Kay bulahan ka nga nakaambit diha mga kasakitan ni Kristo diha nianang krus sa kalbaryo, kay, makaambit ka usab sa himaya sa pagkabanhaw didto sa iyang gingharian sa langit

Niadtong panahuna, daghan ang misaksi sa pagka Dios ni Jesus- Cristo diin gipangulohan kini sa 12 ka apostoles diin tanan sa mga mabuot niyang mga apostoles halos namatay gayod diha sa mga paglutos sa mga Judio kanila, kay mao man kini ang nakalatid diha sa balaang kasulatan, : Kung mosunod ka ug mamahimong tinun-an ni Jesu Cristo nan magpakabuhi ka sama sa matuod gayud nga iya sa Dios, ug makaambit ka gayud sa mga pagpanlutos.

Tuesday, July 14, 2009

Nagpakita Si Jesus Kang Maria Magdalena

MARCOS 16: 9~11
• 9 Sa pagkabanhaw ni Jesus, sayo sa unang adlaw sa semana, nagpakita siya pag-una kang Maria Magdalena nga gipaguwaan niyag pito ka yawa. 10 Miadto si Maria sa mga tinun-an ni Cristo ug mitaho nila sa balita nga nagbangotan ug naghilak. 11 Sa pagkabati nila nga buhi siya ug nakit-an ni Maria Magdalena, dili sila makatoo.

PAGPAAMBIT SA MENSAHE:

Ang maong ebanghelyo naghisgot sa pagpakigkita ni Jesus Cristo diha sa iyang mga tinun-an aron sa pagmatuod sa iyang pulong nga tinuod ang iyang gihisgutan nga pagkabanhaw. Ang pangutana ngano man nga siya nagpakita man pag-una kang Maria Magdalena diin sa unang panahun dako man kining makasasala, diin pito ka dautang espiritu ang migawas sa iyang lawas.

Usa lang kini ka pagmatuod nga ang Ginoo wala magtan-aw kun unsa ka kaniadto kundili kun giunsa nimo pagpasulod ang Dios diha sa imong kinabuhi. Kay matod pa usab diha sa ubang sinulat sa balaang kasulatan dako ang panalangin sa Dios diha sa iyang mga katawhan nga makasasala kun kini mahigmata ug mobalik sa landong sa Dios Amahan, ug ubang sinulat nagaingon nga bisan ang mga anghel sa kalangitan magasaulog didto sa langit kun adunay usa kabinuhat dinhi sa yuta mga mobalik sa sabakan sa Dios.

Usa ka kamatuoran nga pinalabi gayud sa Dios ang tawo mas labaw kay sa tanang binuhat dinhi sa kalibutan, Ug nga kamatuoran lamang ang pulong sa Dios nga naga-ingon nga walay tawo nga dautan kay kitang tanan miabot dinhi sa kalibutan sebo man sa kabubut-on sa Amahan, nga sa ato pa miabot kita sa kalibutan kay maoy pagbuot sa Dios, ug kun duna man galing dautan dili ang tawo kundili ang iyang binuhatan ug ang dautang binuhata dili kana iya sa Dios kundili iya sa dautan.

Apan lahi ang panahum sa balaod sa yuta kay sa balaod sa Dios, diin dinhi sa yuta kun makasala ka man angay kang manubag kay nakasupak ka man sa balaod sa tawo, diin diha sa balaod sa pamulis nagaingon man kini nga ignorance of law excuses no one, nga sa ato pa kun wala ka mahibalo sa maong balaod apan sa ngalan nga nakasala ka nan manubag ka gayud.

Apan ang balaod sa Dios kun imong masupak apan wala ka masayod nan kini usa ka dakong sala nan aduna ka pay kapasayloan sa maong sala kay inosente ka man sa kamatuoran, apan bisan pa diha sa uban nimong mga sala nga nahimo diin kun pangayoon nato ang kapasayloan sa maong mga sala nan, ang Dios pinaagi kang Jesu Cristo makapasaylo kanimo, kay matod pa walay sala dinhi sa ibabaw sa kalibutan nga dili mapasaylo sa Dios kun pangayoon nimo ang pasaylo sa tinud-anay gayud, Apan kinahanglan usab nga magatoo ka nga mapasaylo ka sa imong mga sala kay kun wala kay pagtoo diha sa kapasayloan sa imong sala nan sama ra nga wala ka motoo nga si Jesu Cristo matood nga anak sa Dios!

Diha sa ubang sinulat nagaingon nag kun Dili ka andam moagi sa pultahan sa kalooy sa Dios arong pagpangayo sa kapasaylo-an sa imong mga sala nan sa ato pa andam kang moatubang sa katapusang paghukom sa Dios. Apan matod pa diha sa mga mensahe diha sa mga milagro sa Sacred heart of Jesus, nagaingon siya " Mao kini ang panahun nag taas pa ang pasensya sa Dios diin tanan mga kasal-anan aduna pay kapasaylo-an diha sa imong mga pag-ampo.
:
Diin giaghat ang tanan gayud sa pag-ampo sa santos nga rosaryo diin dili lang kay i-ampo nato ang atong mag kaigsoonan nag nagtoo sa Dios kundili hasta usab kadtong mga katawhan nga wala kaila sa matood nga Dios, kay diha sa atong mga pag-ampo mosugot man sila o dili kun kabubut-on sa Amahan nan mopasilong gayud sila sa landong sa espiritu santo sa Dios, kay Dios lamang ang adunay gahum sa pagpahumok sa matig-a nga kasingkasing sa tawo.
:

Monday, July 13, 2009

Gipasidaan Pag-usab Ni Jesus Ang Iyang Kamatayon

MATEO 17:22~23
22 Samtang si Jesus didto sa Galilea uban sa 12, miingon siya: “Ang Anak sa Tawo hapit na itugyan sa kamot sa katawhan. 23 Patyon siya, apan mabanhaw sa ikatulo ka adlaw.” Busa, nasubo sila pag-ayo.

PAGPAAMBIT SA MENSAHE:

Ang maong ebanghelyo nagmatuod lamang diha sa unang mga sinulat diin nagpasidaan ang mga unang propeta diin ang anak sa Dios pagasakiton, dagmalan ug pagalutoson hangtod sa iyang kamatayon. Daghan ang mga maalamon nga nahibalo sa maong mensahe niadtong panahuna, apan lagi para kanila ang anak sa Dios magagikan gayud sa bahandi-anon nga kagikan diin magatangag kini daan ug kutsara nga bulawan.

Apan kining tanan maoy kabubut-on sa Amahan aron makita sa iyang mga katawhan kun unsa ang matuod nga pag-antos ug pagpasakit aron maangkon ang kadaugan didto sa iyang gingharian sa langit. Nakalatid nang daan ang kaugmaon sa kalibutan diha sa umaabot. Diin diha sa ubang sinulat nagaingon nga ang Dios Pinaagi kang Jesu Cristo maoy nangita kanato aron mapasaylo ang atong mga kasal-anan.

30 anyos ang edad ni Jesus Cristo sa dihang nagsugod gayud siya ug sangyaw ug pagtudlo diha sa mga pagtulun-an sa iyang Amahan, tulo ka tuig ang gidagayon ang iyang pagsangyaw, ug diha niaanang panahuna siya gilansang sa krus didto sa kalbaryo, tungod lamang sa salaod nga siya nagpakaanak sa Dios atubangan niadtong mga Judio. 12 ka apostosles ang iyang gisangongan isip maoy iyang mga sumosunod diin maoy mipadayon sa pagsangyaw sa iyang mga pagtulon-an.

Sila mao ang nmipadayon sa nasugdan ni Jesu Cristo diin gitukod niya ang iglisea sa kamatuoran. Mao kini ang wala masabti sa mga Judio niadtong panahuna ni Kristo kay lagi ang gibarugan nga pagtulun-an sa Jerusalenm niadtong panahun mao man ang pagtulun-an ni Moises diin nagatoo lamang kini sa Dios Amahan nga walay panagway. Diin hangtod niining panahuna nagpabilin pa kining pagtulun-an nga gitawag ug Judaism.

Apan lagi kay maoy kabubut-on sa panahun ni Jesu Cristo diin gikinahanglan gayud nga ihalad ang iyang lawas ug dugo aron maluwas kitang tanan nga iyang mga katawhan. Apan sa wala pa kini mahitabo iyang gipili ang 12 niya ka sumosunod ug miingo siya sa una niyang tinawag nga si Simon diha sa Mateo 16 : 17~18. Simon ikaw si Pedro , itongtong ko ang akong iglisea niining bato diin bisan ang kamatayon dili makabuntog niini. Dawata kining mga yawe sa gingharian sa langit, ug ang imong idili sa yuta, idili usab didto sa langit, ang imong itugot sa yuta itugot usab didto sa langit.

Duha ang kahulugan sa maong sambingay Una diin bisan diha sa kamatayon mismo ni Jesus dili gayod mamatay ang pagtulon-an nga iyang gisangyaw diin gipadayon kini sa pagsangyaw sa 12 niya ka apostoles tadlas sa upat ka suok sa kalibutan. Ikaduha bisan sa kamatayon usab sa 12 niya ka apostoles diin halos ang tanang mga apostoles namatay diha sa mga paglutos gumikan sa pagtulon-an nga ilang gibarugan, apan wala mamatay ang pagtulon-an nga gisangyaw ni Cristo nagpadayun kini sa paglipang uga paglambo hangtod niining panahunan diin 2000 ka tuig na ang milabay. Usa kini ka pagtulun-an diha sa iyang mga sumosunod. Ang kamatuoran nga ang gasunod ug mitoo ni Kristo makaangkon sa kinabuhi nga walay kataposan.

Saturday, July 11, 2009

Gisalikway Si Jesus Didto Sa Nazareth

MATEO 13: 53~57
• 53 Humag asoy ni Jesus ining mga sambingaya, mibiya siya sa maong dapit; 54 miadto sa kaugalingong lung-sod ug nanudlo sa mga tawo sa ilang sinagoga. Natingala sila ug miingon: “Diin niya kuhaa ang kaalam ug ang talagsaong gahom? 55 Dili ba, anak man siya sa panday?

Ug si Maria ang iyang inahan? Dili ba, si Jaime, Jose, Simon ug Judas ang iyang mga igso-on? 56 Dili ba, ang mga igsoon niyang babaye nagpuyo man dinhi? Nganong nakaangkon man siya ining tanan?” 57 Busa, gikasilagan siya. Si Jesus miingon nila: “Ang propeta tinahod bisag asa gawas sa kaugalingong lungsod ug panimalay.

PAGPAAMBIT SA MENSAHE:

Ang aong ebanghelyo naghisgot diha niining pagtulun-an nga kristuhanon diin nag-agad usab kun giunsa nato pagdawat ang Dios sa atong kinabuhi. Diha niining ebanghelyo nagaingon nga natingala ang mga katawhan sa Nazareth diin nagsangyaw ug nanudlo si Jesus diha sa tumang kaalam luyo sa kasayuran sa tanan nga wala man siya maka-eskuela ni makabasa niining mga pagtulun-an nga iyang gisangyaw. Nakaila kaayo ang mga katawhan nga iyang gisangyawan kaniya kay lagi didto man siya magdako sa Jerusalem.

Ginaingon diha sa maong ebanghelyo nga wala motuo ang iyang mga silingan ug mga kauban didtong dapita kay lagi, nailhan man nila kun asa siya gikan ug kinsa ang iyang mga ginikanan. Matod pa diha sa ubang sinulat hingpit lamang usab ang imong kaluwasan sa imong sala kun hingpit kang nagatoo sa Dios, sama nga mokunsad ang mga milagro diha sa imong kinabuhi, diha sa kaayuhan sa imong balatian kun hingpit mong gidawat si Jesus nga anak sa Dios ug matuod nga manluluwas sa atong mga ksal-anan.

Diha niining maong ebanghelyo nagpasabot lamang nga walay milagro nga makita ang maong mga katawhan nga mga taga Nazareh kay wala man sila motuo sa pagkaDios o pagkamanununod sa trono sa langit ni Jesu-Cristo, Kay para kanila wala may extra-ordinaryo diha sa ilang pagkaila ni Jesu-Cristo, sama lamang kini kanila tawo usab. Ang maong ebanghelyo nagpamatuod lamang diha sa atong kaluwasan sa atong kalag kinahanglan nga motoo kita sa Dios sa hugot gayud.

Ginaingon diha sa buhing pulong sa Dios nga ang atong pagtuo sa Dios wala kini sukdanan alang sa Dios kay makita man nila kini diha sa atong kasing-kasing ug panumduman Sa ato pa ikaw lamang ug ang Dios ang nasayod diha sa kadako sa imong pagtuo kanila. Susama diha niining ebnghelyo karon diin gisalikway man si Jesus diha sa iyang mga tagilungsod nan sa ato pa nganong pugson man tuod sa Dios ang mga katawhan nga wala moila sa iyang pagka-Dios.

Bisan diha sa atong mga misyon diin nagasugo ang Dios kanato sa pagsangyaw, nagpasabot gayud siya nga isangyaw ang iyang pulong sa makaduha o makatulo diha sa matagtawo nga imong ikahibalag nan kun dili maminaw biya-i sa walay paglingi kay matod pa saDios wala niya ipamugos ang iyang gingharian sa langit ug mas labaw nga wala niya ipamugos ang kaluwasan sa kinabuhing dayon didto sa iyang gingharian.

Kamatuoran lamang usab ang gipamulong sa Dios diha sa balaang kasulatan nga nagaingon, Nga siya ang nangita kanato aron luwason, ug dili kay kita ang miduol sa Dios . Ug ang Dios maoabot diha sa atong kinabuhi sa paagi nga dili nato damhon. Apan matod pa ang iyang tinawag ug pinili nga katawhan aduna na siyay giandam para kanila. Nagpasabot lamang mga igsoon nga ang inyong pagduol ug pagtuman sa kabubut-on sa Dios maoy pagtuman lamang usab sa nakalatid na sa Amahan diha sa mga pinili ug tinawag niyang mga katawhan, Kay matod pa dili man tanan nga katawhan dinhi sa kalibutan iyang tinawag ug pinili, ug ang uban nga wala niya tawga ug pili-a nan dinhi lang usab sila kutob sa kalibutan.

Apan kadtong iyang gitawag ug gipili, nan adunay silay kahigayunan nga mahiadto sa kinabuhing dayun, apan ang tanan nga pinili sa Dios pagapili-an pa usab niya. Nagaingon ang pulong sa Dios nga dili kay magalingkod lamang ang iyang mga pinili ug mga tinawag nga katawhan ug magpa-abot sa anak sa Dios sa iyang pagbalik kundili pagasulayan gayud sila kay matod pa kun magkinabuhi ka nga iya ni Kristo niining kalibutana nan makaambit ka gayud sa mga pagsulay.

Nan kinahanglan nga lig-onon nato ang atong pagtuo ngadto sa Dios Amahan, pinaagi sa atong mga binuhatan, kay matod pa diha sa sulat ni Santaiago:2:17, Ang pagtuo nga walay buhat, nan sama kini sa lawas sa tawo nga wala nay espiritu, patay kini, ug ang pagtuo nga walay buhat nan patay usab kini. Atong ipakita ang atong pagtoo sa Dios makagagahum diha sa pagsunod sa iyang kabubut-on diha sa mga pagsangyaw, sa mga pag-ampo aron sa kanunay lig-on ang atong espirito ug tambok ang atong kalag. Diin sa kanunay makadawat kita diha sa panalangin sa Amahang Dios.

Friday, July 10, 2009

Kinsa Ang Labing Dako

MATEO 10: 26~31
26 Walay tinabonan nga dili ukban, ug walay tinagoan nga dili mahibaloan. 27 Ang akong gisulti sa ngitngit, isulti sa hayag. Ug ang kamo ray nakadungog, isinggit sa mga atop sa kabalayan.
• 28 Ayawg kahadlok sa mopatay sa lawas ra, apan dili sa kalag. Kahadloki hinuon ang makalaglag sa kalag ug sa lawas sa impyerno. 29 Sa pipila ka salapi, makapalit mog duha ka sayaw. Apan walay usa ini nga mahulog sa yuta kon dili motugot ang inyong Amahan. 30 Ug kamo, ang matag lugas sa buhok sa inyong ulo giihap. 31 Busa, ayawg kahadlok. Labaw mo kaayog kabililhon sa daghang sayaw.

PAGPAAMBIT SA MENSAHE:

Ang maong ebanghelyo naghisgot diha sa pagkinabuhi nga minandoan sa espiritu santo. Diin atong ibalaan ang atong huna-huna ug kasing-kasing aron dili kita matintal sa mga tawhanon nga mga kailibgon. Diin katungdanan gayud sa matag magtotoo ang pagsangyaw niining maong pagtulon-an diha sa iyang kauban, sa iyang pamilya ug sa mga katawan nga nagkinahanglan sa espirituhanong pag-ampo ug espirituhanong pag-alagad ngadto as Dios makagagahum.

Kay matod pa diha sa mga mensahe sa Birhen sa Fatima. Diin mipakita siya nagadto sa tulo ka inosenteng mga binuhat didto sa Fatima , Portugal kaniadtong May 13, 1917, diin nagpasabot siya nga kamatuoran nga adunay impiyerno ug nga katungdanan sa matag magtutuo ang pagsangyaw sa pulong sa Dios, kay matod pa tulobagon usab sa maatg magtutuo kun adunay kalag nga natunaw tungod lamang kay wala kini nimo masangyawi sa maayong balita niadton kalibutanon pa siya, apan kun aduna usay kalag nga imong nadala ug naganoy ngadto sa kaluwasan diha sa pagsunod niining espirituhanong pagtulon-an nan bulahan ka kay sama ra nga naluwas mo usab ang imong kaugalingong kalag.

Bisan ang mga buhat sa mga mabuot nga apostiles niadtong panahun ni Jesu Cristo, diin sila nagpadayun sa pagsangyaw bisan kun wala na mag-uban ang tawhanon nga lawas ni Jesus diha kanila, apan sila nagmaisugon sa pagsunod sa kabubut-on sa Dios, diin matod pa sa mga sulat ni Pablo diha sa iyang mga ebanghelyo miingon siya sa tanan niyang lugar nga adto-an naghulat ang prisuhan kaniya. Apan tungod kay nasayod siya kun kinsa ang iyang gisunod , nasayod siya kun asa paingon ang iyang kalag inig-abot sa tukmang adlaw nan wala niya kahadloki ang iyang kamatayon.

Para niadtong unang mga tinawag nga mga apostoles, wala nay bili kanila ang ilang tawhanon nga kinabuhi kay nasayod na man sila kun unsa ang nagpaabot kanila didto sa laing kalibutan, nasayod na man sila nga dili tawo ang ilang gialagaran kundili matuod nga Dios. Ang balaan kasulaatn nagsaysay, nga halos ang tanang mga apostoles ni Jesu Cristo pulos gayod namatay sa kamot sa mga berdugo nga wala magatuo ni Jesus , sa kamot sa mga pagano diin naagsimba sa mga kahoy ug mga dautang espiritu.

Gipamatuod lamang ang mga pulong sa Dios diha niining ebanghelyo nga nagaingon nga ayaw kahadloki ang tawo nga makapatay lamang sa imong lawas apan walay mahimo sa imong kalag, maoy kahadloki ang Dios nga adunay gahum sa paglaglag sa imong lawas ug kalag. Apan lagi kay matod pa ang kamatuoran nagahatag man ug kagawasan diha sa matag tawo diin mao gayuy tuho-an sa tawo ang iyang makita ug mahikap. Mao gayuy tuho-an sa tawoa ang mga butang nga iya niining kalibutana diin maoy magahatag kanimo ug kaharuhay, pagka-inila tungod sa kaalam nga tawhanon ug bahandi nga iya niining kalibutana.

Para sa tawo ang unsay ilang Makita ug madungog mao gayud ang ilang tuohan, diin kulang ang ilang kasayuran diha sa ikaduhang kinabuhi nga mao gayud ang importante, diin kadaghanan nga nagtuo nga wala nay laing kinabuhi gawas niining atong pagkinabuhi karon apan ang kamatuoran mao nga langyaw lang kita niining kinabuhi-a ug duna pay kinabuhi nga labaw pa niini, ang espirituhanon nga kinabuhi diin kawang ang imong kaalam ug ang imong bahandi kay dili mo man kini mapuslan didto, dili mo man magamit sa laing kinabuhi.

Ang balalan kasulatan nagaingon nga ipadala ang atong panumduman sa higayon nga moadto an ang atong kalag sa laing kalibutan, diin ang atong lawas mahabilin sa yuta ug motipon sa abog ug ang atong espiritu mobalik ngadto sa Dios nga maoy tag-iya niini, nan, makadumdum ka unya igsoon sa imong pagkinAbuhi nga kalibutanon , makaamgo ka unya nga wala nimo tagai ug importansya ang imong kalag diha sa mga pag-ampo ug pagpangayo ug pasaylo diha sa santos nga rosaryo, nan unsa may giya nga kaptan sa imong kalag nga wala man kini makapangandam sa nagkinabuhi ka pa sa kalibutan. Kamatuoran lamang ang giingon diha sa mga buhing pulong sa espiritu santo nga nagaingon , “ Kun nasayod pa lamang unta kamo kun unsay atua didto sa gingharian sa langit nan biya-an unta ninyo ang tanan, dili na unta kamo mangaplag pa ug dugang bahandi, ug maoy inyong siguro-on ang paghiabot didto sa gingharian sa langit.

Thursday, July 9, 2009

Umaabot Nga Mga Paglutos

MATEO 10: 16~25
16 Tan-awa, gipadala tamo daw mga karnero sa panon sa mga lobo. Kinahanglang igmat mo sama sa mga bitin ug yano sama sa mga pati. 17 Pag-bantay sa mga tawo. Taralon mo sa hukmanan, latoson sa sinagoga ug 18 dad-on atubangan sa mga punoan ug hari tungod nako aron pagsaksi alang nila ug sa mga pagano.

• 19 Apan kon dakpon na mo, ayaw kabalakag unsay isulti. Pahibaloon ra mo inig-abot sa panahon. 20 Kay dili kamoy mosulti kondili, ang espiritu sa inyong Amahan nga naa ninyo. 21 Ang igsoon motugyan sa igsoon sa kamatayon; ang amahan sa anak. Ang mga anak makigbatok sa gini-kanan nga ilang ipapatay. 22 Ang tanan magdumot ninyo tungod nako. Apan ang lig-ong mobarog hangtod sa kataposan, maluwas.

• 23 Kon lutoson mo nila sa usa ka lungsod, layas sa sunod. Makapaniguro ko ninyo nga sa dili pa mo makasangkad pagsuroy sa tanang lungsod sa Israel moabot ang Anak sa Tawo. 24 Ang tinun-an dili molabaw sa magtutudlo ug ang ulipon sa agalon. 25 Malipay ang tinun-an nga mahisama sa magtutudlo ug ang ulipon sa agalon. Kon ang pangulo sa panimalay ginganlag Beelzebul, unsa pa kaha kangil-ad ang itawag sa mga sakop? Busa, ayawg kahadlok nila.

PAGPAAMBIT SA MENSAHE:

Ang maong ebanghelyo naghisgot diha sa mga paglutos nga masinati sa mga katawhan nga nagasunod sa kabubut-on sa Dios. Diin gipasidaan ng daan sa Dios nga ang iyang mga katawhan diha sa pagsunod sa iyang mga kasugoan sa kanunay makasinati gayud sa mga pagpanlutos. Kay mao man kini ang ilhanan sa pagtulon-an nga iya sa Dios, sa pagtulon-an nga gibarugan ni Jesu Cristo. Nan kun ang imong pagtulon-an nga gibarugan karon igsoon, kun wala ka makasinati diha sa mga paglutos ug mga pag-antos, nan pagtuki igsoon, basin baya ug dili kana iya sa Dios.

Apan ang pulong sa Dios nagaingon, ayaw lamang ibakyaw ang imong mga kamot agi ug balos diha sa mga paglutos kanimo, nan bisan garas ni kiras walay mahitabo kanimo. Kamatuoran lamang ang gipamulong sa Dios diha sa ubang sinulat nga nagaingon, “ Bulahan ka nga nagasunod sa kabubut-on sa Dios ug nagatugyan sa hingpit diha sa imong kinabuhi ngadto kaniya kay mahatagan ka pa ug dugang kinabuhi, apan ang mga katawhan nga nagasunod sa Dios Apan nagdumili sa pagtugyan sa hingpit sa ilang kinabuhi nan basin hinuon ug kawad-an niini.

Daghan ang iyang mga katwhan dinhi sa ibabAw sa yuta diin dili na kini halos maihap sukad pasa sinugdanan sa kalibutan, apan dili silang tanan mga tinawag ug pinili, Wala gani makaabot sa katunga ang mga pinili sa Dios nga sa ato pa kadtong wala tawga ug pilia, nan dinhi lamang sila sa kalibutan. Ug kadtong iyang gitawag bisan atua pa sa tago-angkan sa ilang inahan diin iyang gipili nan bulahan sila kay aduna pa silay kahigayunan nga maluwas ngadto sa kinabuhing dayun.
:
Apan ang Dios nagaingon nga ang ityang mga tinawag ug pinili nga katawhan dili kay magalingkodlingkod lamang ug maghulat sa pagbalik sa Dios kundili pagasulayan gayud usab sila sa Dios kun asa kutob ang pagsunod nila sa kabubut-on sa Dios kay matod pa pagasulayan man gani ang bulawan sa kalayo kun kini matuod ba nga bulawan nan ang tawo pa kaha nga dako pa ug bili sa bulawan nan pagasulayan gayud usab sila sa Dios.

Apan bulahan pa kitang tanan kay niining panahuna hataas pa ang pasensya sa Dios diin sa kanunay makapangayo kita diah sa iyang pasaylo ug kalooy, kay matod pa tanang sala dinhi sa ibabaw sa kalibutan adunay kapasaylo-an kun kita mangayo lamang usab sa pasaylo nga kinasing kasing, ug kinahanglan gayud usab nga motuo ka nga mapasaylo ka sa imong mga sala kay kun dili ka motuo nga mapasaylo ka sa imong sala nan sama ra nga wala ka motuo ng si Jesus anak sa Dios.

Diha sa ubang sinulat nagaingon usab nga kun dili ka moagi sa pultahan sa kalooy sa Dios nan nagpasabot lamang kana nga andam ka moatubang sa kataposang paghukom. Sa ubang sinulat nagaingon nga kinahanglan nga atong ibatasan ang pagsantos nga rosaryo diin mao kini ang tulay ngadto sa pagpangayo nato ug pasaylo sa Dios pinaagi kang Birhen Maria. Angayan natong ihalad ug iampo ang tanang tawo bisan kadtong wala motuo sa Dios ug bisan kadtong mga katawhan nga wala makaila sa ilang giampo-an diin gustong ilogon kining pulo sa Mindanao. Apan pinaagi diha sa atong kanunay nga pag-ampo, kun pagbuot gayud sa Dios nan, ang imposible mamahimong posible, kay ang Dios Amahan lamang ang adunay gahum sa pagpahumok sa matig-a nga kasingkasing sa tawo.

Wednesday, July 8, 2009

An Pagsugid Ug Paglimod Kang Kristo

MATEO 10: 32~33
• 32 Ang moila nako atubangan sa mga tawo, ilhon pod nako atubangan sa akong Amahan sa Langit. 33 Ang mosalikway nako atubangan sa katawhan, isalikway pod nako atubangan sa akong Amahan sa Langit

PAGPAAMBIT SA MENSAHE:

Ang maong ebanghelyo maoy pagpasabot sa Dios diha sa iyang kabubut-on diin iyang gipakunsad ang iyang anak dinhi sa yuta aron sa pagluwas sa atong mga kasal-anan. Diin giingon nga diha na si Jesus Cristo sa wala pa ang kalibutan ug diha na ausab siya sa panahun ni Moises diin nakig-uban kanila sa paglawig gikan sa Ehipto paingon sa yuta sa mga saad nga gitawag ug Canaan diin milungtad kini ug 40 ka-tuig.

Siya ang giingon diha sa ubang sinulat sa balaang kasulatan nga nagaingon ang pulong nga nagpakatawo ug mipuyo uban kanato. Siya usab ang ginaingon ang sinugdananan ug ang katapusan, ang Alpha ug ang Omega, diin walay makaabot ngadto sa Amahan kundili moagi sa Dios nga anak , si Jesu Cristo.

Diha niining maong ebanghelyo nagpasabot ang Dios, nga kun ilimod mo siya dinhi sa yuta nan ilimod ka usab niya didto atubangan sa Dios Amahan, Ug kon isalikway mo siya ngalan ang anak sa Dios ug matuod nga Dios nan isalikway ka usab niya didto sa iyang gingharian sa langit. Daghan ang naghimo niini niadtong unang panahun diin panahun pa sa akto sa paghiabot ni Jesu Cristo sa kalibutan, ug hangtod niining panahuna daghan gihapon ang nagalimod ug wala tuhoi ang iyang pagkaanak sa Dios

Gipamatuod lamang ang pulong diha sa Amahan nga nagaingon, Daghan ang nakakita apan nagpabiling buta, ug daghan ang nakadungog ug nagpabiling bungol kay matod pa lisod tugkaron ang mga sambingay ug mga pulong nga iya sa espiritu santo kun ang giya sa espiritu santo wala nimo ipapuyo ug ipahari diha sa imong kasingkasing.

Kulang ang ilang pagtuo diha sa mga milagro ug kulang mismo ang ilang pagtuo sa kamatuoran , diin ang balaang kasulatan mao nga ang Dios walay ipakita nag ilhanan diha sa ilang pagtulun-an nga gibarugan kay ang pagtulun-an nga minandoan sa espiritu sa Dios dili makita ug mahikap, apan makita mo kini diha sa imong pagkinabuhi nga kristuhanon. Ang Dios nagaingon makita ug maila ninyo ang akong pagtulun-an kun kamo makasinati diha sa mga paglutos ug mag kasakitan sa kinabuhi.

Diin kamatuoran lamang ang nahisulat diha sa balaang kasulatan nga nagaingon kun gusto nimong dayegon ug ilhon didto sa gingharian sa langit nan puy-i ang kinabuhi nga puno sa mga kasakitan ug mga paglutos dinhi sa yuta, pas-ana ang imong krus ug sunod sa pagtulon-an nga gisangyaw ni Kristo, kay bulahan ka nga nakaambit diha sa mga kasakitan ni Kristo sa krus kay makaambit ka usab sa himaya sa iyang pagkabanhaw didto sa langit.

Sa ato pa mga igsoon, Ang atong pagsinati diha sa mag paglutos ug pagbiay-biay diin atong kining gidawat sa tumang pagpaubos, wala kini magpasabot nga kita nagpadaug-daug, wala magpasabot nga kita nagpkamartir kundili nagpasabot nga atong gidawat, gipahari ug gipapuyo si Jesu Cristo diha sa atong kasingkasing.

Sunday, July 5, 2009

Nasayod Si Jesus Sa Tanang Tawo

JUAN 2: 22~25
23 Didto si Jesus sa Jerusalem sa Pangilin sa Pagsaylo. Daghan ang nanoo niya sa pagkakita nila sa mga milagro nga iyang gibuhat. 24 Apan wala si Jesus magsalig, kay nakaila siya nilang tanan. 25 Wala siya magkinahanglag mosaksi kang bisag kinsa, kay nasayod siya unsay naa sa kada usa.

PAGPAAMBIT SA MENSAHE:

Ang maong ebanghelyo naghisgot diha sa kabubut-on sa Dios diin sa paghiabot niya dinhi sa kalibutan usa lamang siya ka yano nga tawo diin mitipon siya sa mga yano usab nga mga katawhan ug diin diha sa mao niyang pagpakabuhi dinhi niining kalibutan iyang gipakita ang tinud-anay nga hiyas sa usa ka Kristuhanon, ang tinud-anay nga hiyas sa usa ka magtutuo.

Piliphos 2:8~ 11 nagaingon nga diha kaniya ang hiyas sa usa ka matuod nga Dios , anak siya sa Dios apan wala niya ipamugos ang iyang pagkaanak pinaagi sa kusog, hinunua gihukas niya ang iyang pagkamanununod sa trono sa Amahan ug nag-alagad isip ulipon sa iyang mga katawhan.

Dinhi niining maong ebanghelyo nagpasabot si Jesu Cristo nga nsayod siya sa tanang tawo, sa ubang sinulat nagaingon, dinhi nga siya sa wala pa ang kalibutan, kay matod pa usab siya ang Alpha ug ang Omega, Ang sinugdanan ug ang kataposan, ug nga walay mahiabot ngadto sa Amahan kun dili moagi sa Dios nga Anak. Dili nimo ilhon si Jesus nga anak sa Dios nan dili ka usab niya ilhon atubangan sa iyang Amahan.

2000 na kapin katuig sukad sa pagpakabuhi ni Jesus dinhi sa yuta , apan nagpabilin ang buhing mga pagtulun-an nga iyang gipaambit diha sa una niyang mga apostoles, Nagpabilin nga daghan ang nagsimba sa pagtulon-an nga gisangyaw ni Kristo niining panahuna, apan daghan usab ang nagtuis, diin daghan usab ang mikaylap nga pagtulun-an dinhi sa ibabaw sa yuta.

Nagpamatuod lamang usab diha sa ubang sinulat sa balaang kasulatan nga nagaingon, daghan ang nagatawag sa Dios : Dios ko! Dios ko! apan dili ang tanan nga nagsangpit sa ngalan sa Dios makasulod sa iyang gingharian kundili kadto lamang nagasunod sa iyang kabubut-on

Nagaingon ang buhing pulong sa Dios Amahan, mahibaw-an ninyo kun ako kanang pagtulon-an nga inyong gisunod kay makaambit gayud kamo sa mga paglutos, Apan nagaingon usab siya diha sa uban niyang pulong, Diha sa pag-adto o sa papaminaw ninyo diha sa bag-ong pagtulon-an nga inyong makaplagan, pag-ampo dili sa makaduha kundili sa makatulo gayud aron dili kamo dili madala sa lingla.

Angayan naton hinuktukan, ang kamatuorn nga gisangyaw sa balaang kasulatan nga nagaingon: Kun gusto nimo nga daygon ug himayaon didto sa gingharian sa Dios, nan puy-i ang kinabuhi nga puno sa pag-antos ug pagdaug-daug dinhi sa yuta, diin anaa ang mga paglutos ug pagbiay-biay, pas-ana ang imong krus sa kinabuhi, sunod sa pagtulon-an nga gisangyaw ni Kristo, kay bulahan ka nga nakaambit sa mga kasakit ni Kristo diha sa krus kay makaambit ka usab sa himaya sa pagkabanhaw didto sa iyang gingharian sa langit.

Friday, July 3, 2009

Nangayo Ug Ilhanan Ang Mga Pariseo

MARCOS 8: 11~ 13
11 Nangabot ang mga Pariseo ug nakiglantogi ni Jesus. Sa tinguha nga mapaulawan si Jesus, nangayo silag timaan gikan sa langit. 12 Nakapanghupawg lawon si Jesus nga miingon: “Nganong nangayog timaan ang katawhan karon? Sa pagkatinuod, sultihan tamo, walay timaan nga ihatag.” 13 Unya, iya silang gibiyaan. Misakay siyag usab sa sakayan ug mitabok sa lanaw

PAGPAAMBIT SA MENSAHE:

Ang maong ebanghelyo nagpasabot lamang diha sa ubang pulong sa balaang kasulatan nga nagaingon nga moabot ang Ginoo diha sa atong kinabuhi sa paagi nga dili nato damhon, ug sa ingon ang Dios adunay giandam para sa iyang mga katawhan nga tinawag ug pinili.

Nan kadtong gitawag ug gipili sa Dios pinatikan sila sa espiritu santo, ug diin didto pa sila sa tago-angkan sa ilang inahan nan gitawag na silang daan, nan niadtong panahun ni Jesu Cristo daan nga gipadayag sa mga propeta ang pag-abot sa mesiyas, sa atong manluluwas, apan kadto lamang usab ang gipili ug gitawag sa Dios ang iyang gitugotan sa pag-ila kaniya.

Ang mga mabuot nga mga pariseo niadtong panahuna sumala sa ebanghelyo nangayo sa ilhanan, nasayod sila kamatuoran, nasayod sila sa pasidaan sa mga katigulangan, apan mas gituohan nila ang ilang naandan, , nga nagatuo lamang sa Dios Amahn o Judaism nga maoy gisangyaw ni Moises.

Apan lagi kay matod pa dili man nato masukod ang kabubut-on sa Amahan, Pinaagi sa iyang bugtong anak mikunsad siya dinhi sa yuta, ug gilutos sa mga Judio niadtong panahuna mao ra usab ang ilang giampo-an sa dugayng panahun kay ang anak ug ang amahan usa ra man, Colosas 1: 15 nagaingon si Jesu Cristo ang buhing panagway sa dili makita nga Dios.

Giusab lang sa Dios ang iyang pamaagi niining bagong kasabutan iyang gipakanaog ang iyang anak aron ipakita ang kamatuoran aron ipakita ang mga hiyas nga guikahimut-an sa Dios Amahan ang hiyas sa pagpaubos, ang hiyas sa pagkamangindawaton. Dgahan ang nakakita apan buta tungod sa ilang pagtuo, daghang ang nakadungog apan wala magpakabana, kay para kanila dili nila madawat nga duna pay laing anak ang Dios ug nga kini mahigugmaon sa mga kabos ug nga kini kabos nga makaloooy tungod kay wala man magdala sa iyang trono sa iyang pagkunsad dinhi sa kalibutan.

Apan klaro ug tataw ang bag-on sugo sa Dios diha sa bag-ong kasabutan, nga mao ang paghigugmaay sa usag-usa, sama sa paghigugma sa imong kaugalingon. Ang pagpasaylo sa nakasala kanato aron maangkon usab nato ang pasaylo sa Dios. 1 Corinto 3: 16, nagaingon , nga ang atong lawas maoy templo sa Dios espirtu santo ug ang molaglag sa atong templo nan laglagon usab sa Dios. Nagpasabot lamang mga igsoon nga balaan ang buhing tawo ug balaan ang atong isigkatawo kay anaa man kaniya ang Dios nagapuyo sa iyang lawas.

Sa ato pa dili na diay kita ang nangita sa Dios kay kita mismo templo man sa buhing Dios espiritu santo, nan siya magapuyo sa atong kinabuhi. Ang mga paglutos ug mga kasakitan nga atong masinati diha sa pagkinabuhi nato dinhi sa ibabaw sa kalibutan maoy pagtimaan nga duol kita sa Dios, kay mao man kini ang timailhan nga nakaambit kita sa mga kasakitan ni Kristo didto sa iyang paglansang sa krus. Sa ato pa ang mga paglutos ug mga kasakitan nga atong nasinati nagpasabot lamang nga atong gidawat , gipapuyo ug gipahari si Jesu Cristo diha sa atong kasing-kasing.

Holy Spirit of Blessed Mother of Mercy

Easter Greetings Of Holy Spirit of Sr. Santo Niño