Monday, September 28, 2009

Ang Kapungot Ug Kalooy Sa Dios

ROMA 9:19~29
19 Tingali moingon ka: “Unya, nganong magmulo man ang Diyos nga wala may makasupak sa iyang kabubut-on?” 20 Apan, higala, kinsa ka man nga mosudya sa Diyos? Ang kulon nga hinimo sa yuta moingon ba sa naghimo: nganong gihimo ko nimo nga sama ini? 21 Dili ba, nag-agad man sa mangungulon ang paghimo gikan sa yuta og kulon nga pangdayan o kulon nga panggamit?

22 Kon ang Diyos, miagwanta sa dakong pailob sa mga kulon nga angay sa iyang kapungot ug angayng buakon aron pagpakita sa kasuko ug sa kasangkad sa iyang gahom. 23 Apan buot niyang ipakita ang mga bahandi sa iyang Himaya sa uban, sa mga kulon sa kaluoy nga giandam niya alang sa himaya. 24 Ug gitawag ta niya dili lang gikan sa mga Judio kondili, sa mga pagano 25 sumala sa iyang giingon pinaagi ni propeta Oseas: Akong tawgog ‘akong katawhan’ kadtong dili nako katawhan, ug ‘akong hinigugma’ ang wala higugmaa. 26 Sa samang dapit diin sila giingnan: ‘Kamo dili akong katawhan,’ tawgon sila nga mga anak sa buhing Diyos.

27 Bahin sa Israel, si Isaias mipahayag: Bisag sama kadaghan ang mga Israelita sa balas sa dagat, pipila lang ang maluwas. 28 Butang ni nga husayon sa Ginoo sa Israel sa walay pagkapakyas o pagdugaydugay. 29 Si Isaias mipahayag sab: Kon ang Makagagahom nga Ginoo wala pa magbilin natog kaliwatan nahisama na ta sa Sodoma ug Gomorra.

PAGPAAMBIT SA MENSAHE:

Ang maong ebanghelyo maoy pagpaila sa gahum ug kabubut-on sa Dios, diin ginaingon nga walay gitugotan sa Dios pagsukod sa iyang kabubut-on diin matod pa gipakita na sa Dios ang iyang mga kapungot ngadto sa mga tawo nga masupilon ug mga laglagonon niadtong unang panahun.

Usa na niana ang nabantog nga lunop diin si Noe lamang ang iyang pamilya uban sa mga kahayupan ang naluwas, iyang gipakita ang katalagman didto sa Sodomo ug Gomora ug iyang gipakita ang dako nga milagro diha sa nabantog nga “Exodus” diha sa kasaysayan sa balaan kasulatan diin iyang gipatig-a ug gipahumok ang kasingkasing ni Haring Paraon.

Apan ang Dios nagahAtag ug kaalam sa tawo aron maoy motimbang-timbang diha sa maayo ug dautan apan lagi kay kalibutan pa man kini sa kanunay molabaw gayud ang dautan, apan usahay matod pa gitugotan sa Dios ang dautan aron sa pagsukod diha sa mga pinili niyang katawhan.

Ania na kita sa ikatulong siglo diin hinay-hinay nang gipadayag sa Dios nga nakita ni Juan diha sa iyang mga panan-awon sa Pinadayag , hinay-hinay na uab nga gipakita sa Dios ang iyang kapungot, diin diha sa ubang higayon miingon siya nga wala nay lain pang siglo nga magpakatawo ang Ginoo mao ra kadto nga siglo, nan kay ang kalibutan mahugaw namam kayo hinay-hinay niya kini ug banlas, tubig ang gamiton niya sa pagbanwas ug ayaw kamo pagbangay-bangay sa pag-ampo kay basin ug mahi-apil kamo ug banlas.

Apan hataas pa ang pasensya sa Dios diin sa kanunay bukas ang kasingkasing sa pagdawat sa atong mga pasaylo, kay niining nga siglo aduna pay pagpasaylo nga mahitabo apan sa higayon nga moabot na ang kataposang paghukom mga igsoon , nan wala nay pasaylo pa nga ihatag sa Dios diin kitang tanan manubag diha sa iyang husay ug modawat sa silot nga sebo sa atong binuhatan.

Nan pahimuslan nato ang higayon pangayo ug pasaylo ngadto sa Dios diha sa atong mga sala, kay tanan nga mga kasal-anan adunay kapasaylo-an kun kini imong gibasulan ug gihinulsolan, diin moto-o ka lamang nga ikaw mapasylo ni Cristo, kay kun kulang ka sa pagto-o sa kapasaylo-an sa imong sala diha kang kristo nan, sama ra nga wala ka motoo nga siCristo ang anak sa Dios.

Kay matod pa kun dili ka mangayo ug pasaylo diha sa imong mga kasal-anan nan sa ato pa andam kang modawat sa iyang hukom diha sa iyang pagbalik. Kay ang tanan angay nato nga i-ampo ug bisan kadtong wala motoo sa Dios angay nato silang i-ampo, bisan kadtong mga terorista nga nagasamok ug gustong moilog niining pulo sa Mindanao angay nato nga iampo kay kun kabubut-on gayud sa Dios nan mosugot man sila ug sa dili mopasilong gayud sila sa landong sa espiritu santo sa Dios, kay Dios lamang ang adunay gahum diha sa pagpatig-a ug pagpahumok sa kasingkasing sa tawo.


Friday, September 25, 2009

Ang Dios Ug Ang Pinili Niyang Katawhan

ROMA 9: 1~18
1 Sultihan tamo sa tumang kama- tinud-anon diha ni Cristo, ug ang akong konsensya nagpasalig nako diha sa Espiritu Santo nga wala ko namakak: 2 Akong gibati ang dakong kasubo ug makanunayong kahingawa alang sa mga Judio. 3 Mas pakatam-ison ko pa nga mag-antos sa tunglo nga mahimulag ni Cristo kay sa akong kaigsoonan ug kabanayan sa dugo, 4 ang mga Israelita nga gisagop sa Diyos. Ang iyang Himaya naa nila. Ila ang Kasabotan, ang Balaod, ang pagsimba ug ang mga saad sa Diyos. 5 Mga kaliwat sila sa mga Patriarka, ug gikan sa ilang kaliwat natawo si Cristo, siya nga labaw sa tanan, ang Diyos nga bulahan hangtod sa kahangtoran. Amen!

6 Dili ta makaingon nga ang pulong sa Diyos wala matuman. Kay dili tanang Israelita iya sa Israel. 7 Ug dili tungod sa ilang pagkakaliwat mga anak sila ni Abraham; silang tanan iyang mga anak; kay giingnan man siya: Ang mga anak ni Isaac tawgon nga imong kaliwat. 8 Nagpasabot ni nga ang mga anak sa Diyos dili nato maingon nga kaliwat ni Abraham kondili, sa mga anak lang nga nahimugso niya tungod sa saad sa Diyos. 9 Kining mga pulonga nagpunting sa maong saad: Mobalik ko sa samang panahon, ug si Sara manganak og lalaki. 10 Sa si Rebeca na ang nagsabak, ang asawa sa atong amahan, si Isaac, 11 ug sa wala pa matawo ang kaluha, sa wala pa makabuhat og maayo o daotan. Busa, ang laraw sa Diyos nag-agad sa iyang kabubut-on ang Diyos miingon: 12 dili sa katakos ni bisag kinsa kondili, sa kaugalingong panawagan, giingnan siya 13 Sumala sa giingon sa Kasulatan: Akong gipili si Jacob ug gisalikway si Esau.

• 14 Moingon ba ta nga dili makiangayon ang Diyos? Dili. 15 Hinuon, ang Diyos miingon kang Moises: Mopasaylo ko sa akong pasayloon ug maluoy sa akong kaluy-an. 16 Busa, ang mahinungdanon dili nga maguol ta o magdali kondili, nga ang Diyos maluoy. 17 Sa Kasulatan miingon siya kang Paraon: Gihimo tikaw nga Paraon aron pagpakita sa akong gahom diha nimo, ug aron ang tibuok kalibotan makaila sa akong ngalan. 18 Busa, ang Diyos maluoy sa buot niyang kaluy-an; mopatig-a sa kasingkasing kang bisag kinsa nga iyang but-an.

PAGPAAMBIT SA MENSAHE:

Ang maong ebanghelyo nagpasabot lamAng diha sa mga plano sa Dios diha sa iyang mga katawhan. Ang atong pagsimba ug patuo sa Dios dili atong kabbut-on kun dili kabubut-on sa Dios. Siya maoy miduol kanato aron siya atong simbahon ug dili kay kita maoy nangita sa Dios.

Diha sa ubang pulong nagaingon, ang Dios didto ka pa sa tago-angkan sa imong inahan gipili ta na kang daan. Sa ato pa wal ka pa mahimugso niining kalibutaann nan nakalatid na ang mag athas nga gipiyal kanimo sa Dios.

Kay matod pa daghan ang iyang pinili nga katawhan dinhi sa kalibutan, gikan pa sa sinugdanan, diin sama na kini sa balas sa baybayon ka daghan, apan pipila lamang usab ka hakop ang tinuoray nga nahidangat ngadto sa ganghaan sa gingharian sa Amahan.
Dili tanan mga katawhan sa kalibutan ang gipili sa Dios, maayo lamang kun adunay katunga, ug kadtong wala pili-a nan dinhi lamang sila sa kalibutan, apan kadtong mga pinili , pagapili-an pa sa Dios. Kay matod pa dili gusto sa Dios nga ang iyang pinili nga katawhan magalingkod-lingkod lamang ug magahulat diha sa pagbalik sa anak sa Dios kundili, pagasulayan gayud sila pinaagi diha sa mga kalisdanan sa kinabuhi aron makita kun asa kutob ang ilang pag-ila sa kabubut-on sa Dios.

Pagasulayan man gain ang bulawan sa kalayo kun kini matuod nga puro nan ang tawo pa kaha nga mas mahal pa sa bulawan pagsulayan gayud kini sa Dios. Kay matod pa tunukon ang dalan nga pagasubayon sa mga katawhan sa Dios ngadto sa iyang gingharian sa langit, diin malisod usab ang pag-agi niini kay bakilid ug batuhon ug titip nga pangpang, diin mao na kini nga atong gisinati karon diha sa pagtulon-an ng imong naambitan.

Matod pa sa Dios mahibaw-an ninyo kung Iya kanang pagtulon-an kay makaambit ka gayud sa mga paglutos, mao kini ang sumbanan sa pagpakabuhi nga iya ni Jesu- Cristo diin makaambit ka gayud sa mga paglutos. Usa ka sumbanan ang istorya sa usa ka datu ug usa ka makililimos nga si Lazaro diin siya naoy gihimo pagsulay sa Dios ngadto sa maong Datu kun sa kataposang higayon makapaubos ba gayud siya sa iyang kaugalingon diin mobati siya ug kalooy sa maong makillimos.

Apan matig-a ug kasingkasing ang maong datu nan dihang namatay siya didto pod siya ibutang sa matig-a nga lugar, apan ang makalilimos diin nagpakabuhi nga walay bahandi apan ubos sa panalangin sa Dios nahi-adto gayud sa kinabuhing dayun. Daghan mga panahun nga ang Dios miduol kanato pinaagi sa paagi nga Dios lamang usab ang nahibalo. Nagpamatuod lamang nga halu-ag ang pasensya sa Dios diin ang kataposang pagtawag sa Dios diin tagaan kita ug balatian, kay sa ingon ayha ka man modoul sa Dios diha sa mga pag-ampo kun makita nato nga walay kaayuhan ang atong balatian diha sa mga Doktor.

Mas maayo gayud diay nga tumanon nato ang mga pamaagi sa atong katigulangan din sa kanunay naga-ampo, nangaliya sa Dios diin bulahan nga ato na usang maandam ang atong ikaduhang kinabuhi didito sa iyang gingharian sa langit, kay maatod pa sa buhing pulong sa Dios mao na kini nga mga bulohaton sa mga pag-ampo nga yang gipasinati diri kanato didto sa iyang gingharian nan kun gusto ka usab nga mamahimong pinili sa Dios dangop sa pag-ampo nga gitudlo kanimo sa Amahang Dios.




Ang Kaluwasan Alang Sa Tanan

ROMA 10:5~21
5 Kabahin sa kabalaan nga gikan sa Balaod, si Moises nagsulat: Ang nagsunod sa Balaod makakaplag og kinabuhi pinaagi ini. 6 Apan ang kabalaan nga gikan sa pagtoo makaingon: Ayawg ingon sa imong kasingkasing: Kinsay makasaka sa langit? (sa pagkatinuod, si Cristo gikan did-to.) 7 O kinsay manaog sa ilawom sa yuta? (sa pagkatinuod, si Cristo nabanhaw sa mga patay.) 8 Ang kabalaan nga gikan sa pagtoo nag-ingon: Naa sa duol ang pulong sa Diyos, sa inyong ngabil ug kasing-kasing. Kini ang mensahe nga among giwali.

9 Kay kon mobungat mo sa inyong mga ngabil nga si Jesus Ginoo ug sa inyong kasingkasing nga nagtoo mo nga ang Diyos mibanhaw niya sa minatay, maluwas mo. 10 Pinaagi sa kinasingkasing nga pagtoo maangkon ninyo ang tinuod nga katanong. Pinaagi sa pagtoo sa inyong ngabil maluwas mo. 11 Kay ang Kasulatan nag-ingon: Walay nagtoo niya nga maulawan. 12 Dinhi walay kalainan tali sa Judio ug Griyego; ang tanan may parehong Ginoo nga naghatag og kapuno sa nagsangpit niya. 13 Sa pagkatinuod, ang tanan nga nagsangpit sa ngalan sa Ginoo maluwas.

14 Apan unsaon man nila pagsang-pit sa Ginoo kon wala silay pagtoo? Unsaon nila pagtoo kon wala sila makadungog bahin niya? Unsaon nila pagkadungog kon walay nagwali? 15 Unsaon man nila pagwali kon walay nagpadala nila aron pagwali? Sumala sa giingon sa Kasulatan: Pagkanindot tan-awon adtong nangabot nga nagdala sa maayong balita! 16 Bisan tuod og dili ang tanan misunod sa maayong balita, sumala sa giingon ni Isaias: Ginoo, kinsay mitoo sa among giwali? 17 Busa, ang pagtoo gikan sa pagwali; ug ang pagwali nagsukad sa pulong ni Cristo.

18 Mangutana ko: Wala ba makadungog ang mga Judio? Dayag nga nakadungog, kay ang tingog sa nagwali milanog sa tibuok kayutaan; ang ilang tingog nadungog hangtod sa kinatumyan sa kalibotan. 19 Kinahanglan nga mangutana ko: Wala ba makasabot ang Israel? Si Moises ang unang miingon: Masina mo sa nasod nga dili nasod. Akong ukayon ang inyong kasuko batok sa buang nga nasod. 20 Si Isaias nangahas pagpadayon sa pag-ingon: Nakaplagan ko sa wala mangita nako. 21 Samtang naghisgot bahin sa Israel, si Isaias miingon: Gitunol ko ang akong kamot sa tibuok adlaw ngadto sa masupilon ug masukulong mga tawo.

PAGPAAMBIT SA MENSAHE:

Ang maong mensahe mao lamay pagpasabot nga ang pagkatawo ug ang pagpakamatay ni Cristo maoy timaan sa dakong gugma kanatong tanan, kay mao gayud ang gusto sa Dios nga maluwas ang tanan niyang mga katawhan dinhi sa ibabaw sa yuta.

Iyang gipakanaog ang iyang bugtong anak, diin nagpakatawo ug mitipon diha sa mga kabos ug nagsilbi ug nagsangyaw sa iglisea nga iyang gibarugan. Philipos 2 : 8 ~ 17 nagaingon Anak siya sa Dios apan wala niya ipamugos nag motupong sa Dios pinaagi sa kusog hinunu-a gihubo niya ang tana ug nagpakaulipon siya ug misangyaw sa iyang pagtulun-an nga gibarugan pinaagi diha sa milagro nga iyang gipakita sa mga katawhan.

Ang pagpalansang ni Jesus sa krus maoy kaluwasan kanatong tanan , dili lang niadtong mitoo kaniya kundili hasta usab kadtong wala mitoo ug misaway kaniya. Mao kini usa ka pagtulun-an nga angay sa pagpamamalandong diin ang Dios maoy miduol kanato aron kita luwason sa atong mga sala, dili nga kita maoy miduol sa Dios.

Diha sa kamatayon ni kristo sa krus namatay usab kita uban sa atong mga kasal-anan. Apan diha sa pagkabanhaw niya , nabanhaw usab kita apan nagpabilin nga patay ang atong mga sala.

Ang pangutana luwas na ba kita diha sa mao natong pagkanhaw uban kang Cristo,? Wala pa kita maluwas tungod kay samtang buhi pa ang tawo makasala gayud kita pinaagi sa pulong huna-huna ug sa buhat. Sama lamang sa nagasakay kita ug barko diin nahulog kita sa dagat apan giluwas kita ni Jesu Critso ug gipasakay pagbalik sa barko , diha nianang higayuna naluwas ka apan wala ka pa moabot didto sa imong paga-adtuan, diin daghan pa ang imong ma-ambitan nga mga kasinati-an.

Sa ato pa mga igsoon ang kaluwasan sa atong kalag dili lang diay kay modawat ka lang ug limpyo, paagasan mo gayud kaini ug mga luha , ug mga singot diha sa pagtadlas nimo ngadto sa imong pagaadtu-an, pinaagi diha sa pagbalaan, pag-ampo ug sa paglkay sa pagbuhat ug mga kasal-anan. Kay matod pa ang pagkinabuhi mismo dinhi sa ibabaw sa kalibutan usa ka pagsuway, nan molikay ka man diha sa pagsimba ug pagduol sa Dios molikay ka man diha sa pagsaka niining sinagoga sa kahadlok nga makaambit ka sa mga pagsulay apan kun nalatid ng daan sa amahan ang mga pagsulay sa imong kinabuhi nan makaambit ka gayud sa mga pagsulay.

Ang balaang kasulatan nagaingon, kun gidawat mo si Cristo nga imong manlulawas ug imong Dios nan makaambit ka gayud sa mga paglutos. Kay matod pa diha sa ubang mga sinulat kun gusto nimong himaya-on ug daygon didto sa gingharian sa langit nan puy-i ang pagkinabuhi nga puno sa mga pagdaug-daug, puno sa mga kasakitan ug tanan mga pagsulay sa kinabuhi, kay bulahan ka nga nakaambit ka diha sa mga kasakitan ni Cristo diha sa krus kay makaambit ka usab diha sa iyang himaya sa pagkabanhaw didto sa gingharian sa langit.

Sa ato mga igsoon ang imong paglutos nga naambitan dinhi sa ibabaw sa yuta, wala magpasabot nga ikaw nagpakamartir, kun kini gidawat mo nga sebo usab sa imong kabubut-on, wala magpasabot nga ikaw gapadaug-daug, kundili nagpasabot lamang nga imong gidawat , gipapuyo ug gipahari si Jesu- Cristo diha sa imong kasing-kasing

Thursday, September 24, 2009

Ang Mga Pagtulun-an Sa Mga Katigulangan

MATEO 15:1~9

:

1 Unya, pipila sa mga Pariseo ug magtutudlo sa Balaod nangabot gikan sa Jerusalem. Gialirongan nila si Jesus ug giingnan: 2 “Nganong wala man magsunod sa balansayon sa mga magulang ang imong mga tinun-an? Dili sila manghinaw sa dili pa mangaon.”

:

3 Si Jesus mitubag: “Ug kamo, nganong gilapas man ninyo ang sugo sa Diyos tungod sa inyong balansayon? 4 Ang Diyos nagsugo: Tahora ang amahan ug inahan. Patyon sab ang manunglo sa amahan o inahan. 5 Apan nagtudlo mo nga bisag kinsa maka-ingon sa amahan o inahan: ‘Dili ko makatabang nimo, kay ang tanang akoa gitagana alang sa Templo.’ 6 Ug sa ingon wala magtahod sa amahan ug inahan; may kagawasan siya. Wala ninyo tumana ang sugo sa Diyos tungod sa balansayon.

:

7 Mga tigpakaaron-ingnon! Husto gyod ang panagna ni Isaias mahitu-ngod ninyo sa iyang pag-ingon: 8 Kining mga tawhana nagpasidungog nako sa ngabil, apan layo ang ilang kasingkasing. 9 Ang pag-ampo nga ilang gihalad walay kapuslanan. Kay nagtudlo sila sa mga sugo nga hinimo sa tawo.

:

PAGPAAMBIT SA MENSAHE:

:

Ang maong ebanghelyo maoy pagpasabot lamang diha sa kabubut-on sa Dios, diin diha sa unang kasulatan gisangyaw ang iyang mga kasugo-an pinaagi kang Moises , mao kadto ang napulo ka sugo nga nadawat ni Moises didto sa bukid sa Sinai. Diin mao kini ang mga pagtulun-an nga gisunod niadtong unang mga kaliwatan ni Moises ug kadtong mga Judio.

:

Libo-an usab ka katuigan gikan sa panahun ni Moises ngadto kang Jesus Cristo diin ang maong pagtulun-an nga gisangyaw ni Moises diin gitawag man kini ug Judaism o usa ka pagtulun-an nga ngatoo lamang sa Dios Amahan diin mao kini ang pagtulun-an nga namat-an sa mga Judio diin niadtong panahuna gipalambo usab pinaagi sa kaalam sa tawo diha sa mag mabuot nga pariseo. Daghan ang ilang gidugang nga pagtulon-an sa matuod nga pagtulun-an gitudlo ni Moises.

:

Sa ato nakita ni Jesu Cristo nag ang pagtulun-an sa iyang Amahan nga gisangyaw ni Moises mestiso na, daghan ang mga panakot diin wala na mahisubay sa orihinal nga pagtulun-n sa Dios. Usa kana sa mga rason nga gustong ipasabot ni Jesus niadtong panahuna, kay matod pa kun wala pa untay mga kasaypanan ang unang kasulatan nan wala na unta kinahanglana ang ikaduhang kasulatan.

:

Mao gyud ang gusto ipasabot sa Dios nga Jesu Cristo nga ang kasugo-an nga gisangyaw ni Moises ang napulo ka sugo sa Amahan mahubad lamang kini sa usa ka pulong “Ang paghigugma” , Paghigugma sa Dios labaw sa tanan ug paghigugma sa imong isigkatwo sama sa paghigugma sa imong kaugalingon.

:

Dili kini masabtan niadtong mga tawo nga wala makaila sa ilang giampo-an, ug wala ug dili kini masabtan niadtong mga tawo nga nagasimba sa bahandi niining kalibutana, kay para kanila sila na ang Dios ug wala na man sila magtuo nga aduna pay Dios ug aduna pay kinabuhi human niining kinabuh-a diin mao kadto ang labing importante.

:

Sa ato pa mga igsoon ang mag kausaban diah sa mga pagtulun-an sa mga katigulangan mao lamang kana pagpasabot kanato nga may kaalam ang tawo nga maoy pinalabi nga nilalang sa Dios. Busa nianing panahuna hataas na ang pag-asenso sa siyensa diin daghan na ang mga butang nga iya sa kaalam sa tawo sama sa mga computer ug cellphone, apan gitugot kini sa Dios aron sa ingon makatabang diha sa matag atwo sa pagbuhat ug maayo aron usab makatabang diha sa pag-asenso sa gimbuhaton, apan lagi ang sagad mahitabo mao nga naulipon ang tawo diah sa pagbuhat ug dugang sala ug kahilayan pinaagi nianang mga butanga.

:

Nan ang balaang kasulatan nagaingon nga kun ang imong usa ka kamot maoy mapahimulag kanimo sa Dios nan mas maayo pa nga wad-an ka ug usa ka kamot kay sa ang tibook nimong kalag maoy masugba sa kalayo. Sama usab nianang mga bag-ong siyensa karon nan kun makapahimo nimo kining halayo sa Dios nan mas maayo pa nga magkinabuhi ka nga langyaw niining kalibutan apan haom ug gikahimut-an sa Dios didto sa langit.

Walay Nasayod Sa Adlaw Sa Ilang Pagbalik

MARCOS 13:32~37


• 32 Walay nasayod kanus-a moabot kanang adlawa ug orasa, bisan ang mga anghel o ang anak. Ang Amahan ray nasayod.

• 33 Busa, pagtukaw ug pagbantay, kay wala mo masayod kanus-a ni moabot. 34 Kon ang tag-iya sa balay mobyaheg layo, inigbiya niya motudlo siyag mga tinugyanan ug mohatag og katungdanan sa matag-usa. Unya, patukawon niya ang gwardiya sa pultahan. 35 Busa, pagtukaw, kay wala mo masayod kanus-a moabot ang Ginoo sa balay – sa gabii ba o sa tungang gabii, sa pagtuktugaok ba sa manok o sa dili pa ang kaadlawon. 36 Sa ingon, dili ka makit-ang natulog kon sa hinanali moabot siya.

37 Ang akong gisulti ninyo, akong isulti sa tanan: Pagbantay mo!


PAGPAAMBIT SA MENSAHE:

:


Ang maong ebanghelyo maoy pagpasabot diha sa kataposang paghukom diin kitang tanan magaatubang sa Dios nga anak diha sa iyang pagbalik diin kitang magaatubang diha sa atong husay diin wala na unyay mga pagpasaylo pa nianang higayuna. Kitang tanan maga-atuabng ug modawat sa silot sebo sa atong binuhatan.

:

Diha nianang panahuna, mao na kana ang paghari ni Jesu Cristo diin tukoron niya ang bag-ong Jerusalem didto sa iyang gingharian sa langit, pangutana kanus-a man kana mahitabo? Hapit na ba? Ang Dios ray nasayod , ang balaang kasulatan nagaingon bugtong ang Amahan lamang ang nasayod sa pagbalik sa anak diin kun giunsa niya pagbayaw ngadto sa langit mao usab unya ang talan-awon sa iyang pagbalik diin maabli ang langit ug ihatod siya sa mga manulunda nga nanag-awit.

:

Ani-a na ang mga timailhan, diin bisan diha sa balaang kasulatan atong masabot nga ania na kita sa mga pagatulun-an nga gipadayag ni Juan, diin nag pasabot na kini sa nagkaduol na nga paghukom. Ania na kita sa ikatulo anga siglo, diin mao na kini ang pagsangyaw sa kataposang manlaban nga gipadala sa Dios nga maoy molaban kanato.

:

Juan 14: 15 nagaingon: Si Jesus, tumana ninyo ang akong mga sugo, paghigugmaay kamo, ug mangayo ako sa amahan ug tagaan kamo niya ug lain nga manlalaban, ang espiritu sa kamatuoran nga molaban kaninyo hangtod sa kahangturan. Ang kalibutan dili makaila kaniya, tungod kay dili man siya makita ni mailhan, apan maka-ila kamo kaniya tungod kay makig-uban nga siya diha sa inyong lawas.

:

Mao na kini nag pagtulun-an ang atong gibarugan diin matod pa diha sa ubang sinulat, Juan 4 : 21 ~ 23, nagaingon si Jesus ngadto sa usa ka babaye nga taga Samaria, Taliabot ang panahun ug karon miabot na nga wala nay magsimba sa Amahan niining bukira ni sa Jerusalem, Kay ang matuod nga magsisimba sa amahan magsimba sa espiritu santo ug sa kamatuoran, Sila ang mga magsisimba nga maoy gusto sa Amahan nga magsimba ngadto kaniya.

Wednesday, September 23, 2009

Si Pablo Atubangan Ni Felix Ug Drusila

BUHAT 24: 24~27
• 19 Unya, ang inahan ug mga paryenti ni Jesus miadto niya, apan dili sila makaduol tungod sa panon sa katawhan. 20 Busa, gisultihan siya: “Ang imong inahan ug mga igsoon naa sa gawas, ug buot makigkita nimo.” 21 Si Jesus mitubag: “Ang akong inahan ug mga igsoon mao ang naminaw sa pulong sa Diyos ug nagtuman ini.

PAGPAAMBIT SA MENSAHE:

Ang maong ebanghelyo nagpasabot lamang diha niining espirituhanon nga pagtulon-an nga kitang tanan nga nagato-o ug nagasimba kang Cristo nga maoy atong manunubos ug manluluwas, igsoon sa mata sa Dios. In gon nga ang mga magulang kanato atong mag ginikanan ug ang manghod kanato ato usab nga mga manghod.

Maoy gipasabot ni Jesus diha niining iyang pagsangyaw ug diha ninining maong ebanghelyo nga parehas kitang tanan atubangan sa Dios, atubangan kang Jesu Cristo niadtong panahuna, diin wala siya magatan-aw diha sa inyong kasuod kundili maoy iyang gipaminawan kun giunsa nato pagdawat g ang Dios diha sa tagsa-tagsa nato ka kinabuhi.

Diin usa ka pagtulun-an ang iyang pagpakamatay sa krus didto sa bukid sa kalbaryo diin mao kadto ang sumbanan diha sa atong kaluwasan dili lamang niadtong nanagto-o sa Dios kundili hasta usab kadtong nagabugal-bugal kaniya apil diha sa mgat tawo nga iyang giluwas.

Ang pangutana nabati ba kaha niadtong wala motuo sa Dios ang ilang kaluwasan sa Dayon diin maoy gipahinungdan sa Dios nga Jesu Cristo sa iyang kamatayon? Ang balaang kasultan nagaingon nga bisan kadtong mainampoon nga tawo dili sila makasiguo diha sa kaluwasan sa ilang kalag ngadto sa kinabuhing dayun, nan unsa na kaha kadtong mga katawhan nga walay mga pag-ampo asa kaha intawon pangita-on ang ilang kalag.

Kay matod pa diha sa ubang sinulat nga “Ang kaluwasan dili kini siya premyo o ganti sa Dios tungod sa atong maayong binuhatan kundili usa kini ka grasya o gasa nga gikan sa Dios aron sa ingon walay magpasigarbo diha sa atubangan sa Dios nga siya maluwas tungod sa iyang maayong binuhatan kay ang kaluwasan nga gisaad sa Dios kanato nagaagad sa grasya ug gugma sa Dios kanato.

Nan matod pa nga mao na kini ang panahun diin hataas pa ang pasensya sa Dios diin misulod na kita sa ikatulong siglo diin maoy gusto gayud nga ipasangyaw sa Dios ang iyang kataposang manlalaban, Juan 14 ; 15 nagaingon, tumana ninyo ang akong mga sugo, paghigugmaay kamo, kay mangayo ako sa Amahan ug hatagan kamo niya ug kataposang manlalaban, ang espiritu sa kamatuoran nga molaban kaninyo hangtod sa hangturan.

Ang kalibutan dili makaila ni makakita kaniya, apan makaila kamo kaniya kay nagauban ug nagapuyo man siya diha uban kaninyo.

Ang Inahan Ug Igsoon Ni Jesus Nga Lalaki

LUCAS 8: 19~21
• 19 Unya, ang inahan ug mga paryenti ni Jesus miadto niya, apan dili sila makaduol tungod sa panon sa katawhan. 20 Busa, gisultihan siya: “Ang imong inahan ug mga igsoon naa sa gawas, ug buot makigkita nimo.” 21 Si Jesus mitubag: “Ang akong inahan ug mga igsoon mao ang naminaw sa pulong sa Diyos ug nagtuman ini.

PAGPAAMBIT SA MENSAHE:

Ang maong ebanghelyo nagpasabot lamang diha niining espirituhanon nga pagtulon-an nga kitang tanan nga nagato-o ug nagasimba kang Cristo nga maoy atong manunubos ug manluluwas, igsoon sa mata sa Dios. In gon nga ang mga magulang kanato atong mag ginikanan ug ang manghod kanato ato usab nga mga manghod.

Maoy gipasabot ni Jesus diha niining iyang pagsangyaw ug diha ninining maong ebanghelyo nga parehas kitang tanan atubangan sa Dios, atubangan kang Jesu Cristo niadtong panahuna, diin wala siya magatan-aw diha sa inyong kasuod kundili maoy iyang gipaminawan kun giunsa nato pagdawat g ang Dios diha sa tagsa-tagsa nato ka kinabuhi.

Diin usa ka pagtulun-an ang iyang pagpakamatay sa krus didto sa bukid sa kalbaryo diin mao kadto ang sumbanan diha sa atong kaluwasan dili lamang niadtong nanagto-o sa Dios kundili hasta usab kadtong nagabugal-bugal kaniya apil diha sa mgat tawo nga iyang giluwas.

Ang pangutana nabati ba kaha niadtong wala motuo sa Dios ang ilang kaluwasan sa Dayon diin maoy gipahinungdan sa Dios nga Jesu Cristo sa iyang kamatayon? Ang balaang kasultan nagaingon nga bisan kadtong mainampoon nga tawo dili sila makasiguo diha sa kaluwasan sa ilang kalag ngadto sa kinabuhing dayun, nan unsa na kaha kadtong mga katawhan nga walay mga pag-ampo asa kaha intawon pangita-on ang ilang kalag.

Kay matod pa diha sa ubang sinulat nga “Ang kaluwasan dili kini siya premyo o ganti sa Dios tungod sa atong maayong binuhatan kundili usa kini ka grasya o gasa nga gikan sa Dios aron sa ingon walay magpasigarbo diha sa atubangan sa Dios nga siya maluwas tungod sa iyang maayong binuhatan kay ang kaluwasan nga gisaad sa Dios kanato nagaagad sa grasya ug gugma sa Dios kanato.

Nan matod pa nga mao na kini ang panahun diin hataas pa ang pasensya sa Dios diin misulod na kita sa ikatulong siglo diin maoy gusto gayud nga ipasangyaw sa Dios ang iyang kataposang manlalaban, Juan 14 ; 15 nagaingon, tumana ninyo ang akong mga sugo, paghigugmaay kamo, kay mangayo ako sa Amahan ug hatagan kamo niya ug kataposang manlalaban, ang espiritu sa kamatuoran nga molaban kaninyo hangtod sa hangturan. Ang kalibutan dili makaila ni makakita kaniya, apan makaila kamo kaniya kay nagauban ug nagapuyo man siya diha uban kaninyo.


Wednesday, September 16, 2009

Ang Suga Nga Gitago-an

LUCAS 8: 16~18
16 Walay magdagkot og suga nga unya, takloban sa nigo, o kaha ibutang ilalom sa higdaanan. Hinunoa, ibutang ni sa patonganan aron makita sa mosulod ang kahayag. 17 Walay tinagoan nga dili ibutyag; walay sikreto nga dili mahibaloan ug maklaro. 18 Hinunoa, pagmatngon sa inyong pagpaminaw, kay ang duna dungagan pa ang iyaha ug ang wala, bisan ang gitoohan niyang iyaha, kuhaon.

PAGPAAMBIT SA MENSAHE:

Ang maong ebanghelyo maoy pagpasabot diha sa mga gasa nga langitnon nga atong naimbitan diha sa atong kinabuhi, sama niining pagkakaplag sa matuod nga kaluwasan diha kang Jesus Cristo. Diin nagpasabot ang maong ebanghelyo nga ato kining ipaambit ngadto sa atong mag kaigsoonan. Atong isangyaw ang himaya sa Dios diha mismo sa imong panimalay, sa imong komunidad ug diha sa imong mga kaigsoonan.

Ang pagsangyaw dili lamang mao ang pagpatin-aw ngadto sa mga kaigsoonan diha niining tinago nga kamatuoran apan maoy usa usab ka paagi sa pagsangyaw ang pagkinabuhi nga usa ka kristuhanon diin anaa ang pagpaubos, pagkamangindawaton ug ang pagdawat sa mga pagpanlutos ug ingon man ang kanunay nga pag-ampo diha sa imong kaugalingon ug ang pagsunod gayud sa lagda sa balaang kasulatan , diin ang pulong sa Dios naga-ingon nga walay balaod dinhi sa yuta nga imong masupak kun sa kanunay imong sundon ang mga kasugo-an sa balaang kasulatan.

Sa ato pa mga igsoon aduna kitay katungdanan isip mga magtutuo sa pagsangyaw sa pulong sa Dios pinaagi sa paghimo sa imong kaugalingon nga usa ka sumbanan, Bisan ang mensahe sa birhen sa Fatima didto sa Fatima., Portugal, kaniadtong Mayo 13, 1917 nagpsabot gayud diin siya mipakita sa tulo ka mga inosente nga binuhat, si Julia, Marta ug ang usa ka batang lalaki, diin nagpadayag ang mahal nga birhen nga kamatuoran ang impyerno ug tulobagon sa matag magtoto-o, kun adunay kalag nga matunaw tungod lamang kay wala kini masangyawi samatang ani-a pa siya sa kalibutan.

Apan bulahan usab ang magtotoo nga diha sa iyang pagsangyaw, usa ka kalag ang iyang naluwas ug sa ingon sama ra usab nga naluwas niya ang iyang kaugalingong kalag. apan ang Amahang Dios mipadayag diha sa pagsangyaw sa iyang mga pulong sa matag misyon, miingon siya isangyaw ang akong pulong makausa, kakaduha ug makatulo lamang, kundili maminaw biya-i sa walay paglingi kay wala ipamugos sa Dios ang iyang gingharian sa langit ug mas labaw nga wala niya ipamugos ang kaluwasan ngadto sa kinabuhing dayon nga maoy tahas ni Jesu Cristo dinhi sa ibabaw sa yuta.

Ginaingon diha sa maong ebanghelyo, nga ang giisip niyang iya pagakuhaon pa kini sa Dios, apan ang aduna pagadugangan pa kini sa Dios , Kini nagpasabot lamang sa mga grasya nga langitnon nga gipiyal kanato, Diin maoy atong hatagan sa importansya diha sa pagpakabuhi niining kalibutan, diha sa ubang sinulat nagaingon kini, Unaha ang gingharian sa Dios, ug ang tanan nga imong gikinahanglan ihatag ra niya.






Saturday, September 5, 2009

Ang Kasal Didto Sa Cana

JUAN 2: 1~2
2 • 1 Human sa tulo ka adlaw dihay kasal sa Cana sa Galilea. Didto ang inahan ni Jesus. 2 Gidapit pod si Jesus, uban ang iyang mga igsoon ug tinun-an. 3 Sa nahurot na ang bino, ang inahan ni Jesus miingon niya, “Wala na silay bino.”
4 Mitubag si Jesus, “Ang imong hunahuna dili akoa Babaye? Wala pa moabot ang akong panahon.” 5 Apan giingnan sa inahan ang mga sulugoon, “Buhata ang iyang isulti.”

6 May gibutang sa duol nga unom ka tadyaw, sudlanag tubig, nga gamiton sa mga Judio alang sa seremonyas sa panghugas. Ang matag tadyaw kasudlag 20 o 30 ka galon nga tubig. 7 Miingon si Jesus sa mga sulugoon: “Pun-ag tubig ang mga tadyaw.” Ug ilang gipuno. 8 Unya, miingon siya, “Kab-ig dyotay ug dad-a sa tinugyanan.” Ug ilang gibuhat.

9 Gitilawan sa tinugyanan ang tubig nga nahimong bino, apan wala siya masayod og diin ni gikan. Ang mga sulugoon ra nga naghakot sa tubig ang nasayod. Busa, gitawag sa tinugyanan ang bana ug 10 giingnan, “Ang tanan modalit pag-una sa kinamaayohang bino hangtod nga nakainom na pag-ayo ang dinapit. Dayon, isunod ang dili kaayo maayo. Apan imong gitagoan ang labing maayo hangtod karon.”

11 Mao ni ang unang milagro ni Jesus sa Cana sa Galilea. Gipadayag niya ining paagiha ang iyang himaya, ug mitoo niya ang iyang mga tinun-an. • 12 Unya, si Jesus, ang iyang inahan, ang mga igsoong lalaki ug mga tinun-an nangadto sa Cafarnaum. Mipuyo sila didto sa pipila ka adlaw.

PAGPAAMBIT SA MENSAHE:

Ang maong ebanghelyo nagpasabot sa mga milagro sa Dios pinaagi sa iyang bugtong anak. Mao kini ang unang milagro nga gipakita sa Dios diin nagpakita kini bahin sa pagbuhat ug bino, apan usa ka pagpamalandong ang angay hinuktukan nga diha sa pagpakitat ug milagro sa Dios wala niya buhata ang maong bino pinaagi lamang sa pagpalutaw niini didto niadtong tadyaw kundili iya unang gipabutangan ug tubig ayha migawas ang bino.

Sa ato pa mga igsoon, ang Dios mohatag diha sa milagro ngadto sa tawo kun ang tawo aduna usab mga paghago nga gibuhat, usa ka pagtulun-an nga gipakita sa Dios pinaagi nianang bino diin pinaagi diha sa paghago sa mga katawhan iyang gihimo ang maong bino gikan sa tubig.

Unsa man ang gustong ipakita sa Dios diha niining maong ebanghelyo?, wala kini magpasabot nga gitugotan sa Dios ang mga katawhan sa paghubog-hubog mao nga gibuhatan kini sa Dios ug bino, kundili maoy gusto ipakita sa Dios nga ang mga milagro ug kalooy magadepende usab sa atong paghago ug pagtuo.

Paghago aron matuman ang laing bahin sa sinulat sa Dios nag nagaingon nga “lihok tawo kay tabangan ko ikaw”, diin dako ang grasya ug bindisyon kun kita mismo dako ug parti diha sa mga milagro nga iyang gihatod diha sa atong tagsa-tagsa ka kinabuhi. Pagtuo diha sa mga milagro nga miabot sa imong kinabuhi, kay matod pa diha sa ubang sinulat ang pagtuo maoy paglaom ug pagsalig sa mga butang nga dili nato makita ug mahikap.

Sa ubang sinulat nagaingon kun adunay kay pagtuo sama sa liso sa mustasa nan makahimo ka pagsugo sa bukid nga mobalhin sa dagat ug mobalhin siya. Usa ka pagmatuod nga ang milagro nga maoabot sa atong kinabuhi nagsumikad usab kini diha sa atong hingpit nga panalangin ug pag-ampo aron sa ingon hapsay ug han-ay ang tanan.


Ang Dios Kahayag

1 JUAN 1: 5 ~10
• 5 Nadungog namo ang mensahe gikan niya ug among isangyaw ninyo: Ang Diyos kahayag ug walay kangitngit diha niya. 6 Kon moingon ta nga nahiusa ta uban niya, samtang naglakaw sa kangitngit, namakak ta, inay magpuyo sa kamatuoran. 7 Apan kon naglakaw ta sa kahayag, sama nga siya naa sa kahayag, mahiusa ta sa usag usa. Ang dugo ni Jesus, ang Anak sa Diyos naglimpyo nato sa atong kasal-anan.

8 Kon moingon ta, “Wala tay kasal-anan,” naglimbong ta sa kaugalingon ug wala nato ang kamatuoran. 9 Kon isugid nato ang kasal-anan, siya nga matinud-anon ug tarong mopasaylo natong tanan. Hinloan ta sa tanang daotan. 10 Kon moingon ta nga dili ta makasala, atong gihimo ang Diyos nga bakakon, wala nato ang iyang pulong. Tumana ang sugo sa gugma.

PAGPAAMBIT SA MENSAHE:

Ang maong ebanghelyo maoy pagpasabot sa kabubut-on sa Dios, diin giingon nga ang Dios maoy kahayag nga modan-ag diha sa tagsa-tagsa kanatong tanan. Nan kun nagasunod ka sa Dios apan wala ka magabuhat sa kabubut-on sa dios nan salingkapaw lamang ang tanan, wala ka magpuyo sa kahayag kundili ana-a ka pa sa kangit-ngit.

Kun moingon ka nga unsaon man pagkahibalo sa Dios nga gilimdan mo siya nga pagkadaghan sa tawo sa kalibutan, Nan igsoon, hinumdumi nga ang kinabuhi nga atong gidala mao kini ang espiritu sa Dios kay matod pa ang tawo adunay tulo ka aspeto, ang material nga lawas, ang kalag ug ang espiritu santo sa Dios.

Matod pa sa matag higayon nga makatulog kita labi na sa kagabhi-on, mogawas ang atong espiritu ug mosumbong ngadto sa langit , diha atubangan sa Amahan ug isugid ang atong binuhatan , nan wala diay kitay lusot mga igsoon. Walay malilong sa Dios tungod kay siya man ang tag-iya sa tanang butang dinhi sa kalibutan, ug didto sa kalangitan.

Dako ang panalangin ug gugma sa Dios kanatong tawo tungod kay kita man ang pinalabi sa Dios diha sa iyang mga binuhat. Diin diha sa nagkalain-laing sala sa iyang mga katawhan, iyang gipakana-og ang iyang bugtong anank ug maoy gitahasan sa pagluwas sa atong mga katawhan.

Gipakita sa Dios ang tinud-anay nga kahayag pinaagi diha ni Jesu-Cristo diha sa gugma ug panagda-it ubos sa mga kalisdanan ug mga kasakitan. Miingon kita asa man kahayag diin ang mag pobre misamot pagkapobre, apan ang dato misamot sa pagkadato. mga igsoon ang kahayag dili makita dinhi niining mga materyal nga butang nga iya sa kalibutan kay ang tinud-anay nga kahayag nagsumikad man sa imong kasing-kasing ug panumduman.

Pahari-a ang Dios diha sa imong kasing kasing aron makita mo ang kahayag diha sa grasya sa kinabuhing dayun nga maoy ihatag sa Dios niadtong iyang mga katawhan nga nagatuman sa iyang kabubut-on. Ayaw baliha ang mga paglutos mga igsoon kay ang balaang kasulatan nagaingon kun ana-a ka sa kahayag nan magkinabuhi ka sama ni Jesus Cristo. Ug diha sa ubang sinulat nagaingon kun gusto kang mahimong tinun-an ni Cristo nan, kalimti ang imong kinabuhi, pas-ana ang imong krus ug sunod sa pagtulun-an nga gisangyaw ni Cristo, kay bulahan ka nga nawad-an ug kinabuhi diha sa pagsunod mo sa kabubut-on sa Dios kay mahatagan ka ug dugang kinabuhi apan kun magdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin kun kawad-an ka niini.

Ayaw baliha ang mga paglutos nga ma-angkon kay matod pa kun nagkinabuhi ka nga iya ni Jesu Cristo nan makaambit ka gayud sa paglutos, diin diha sa imong pagdawat sa tumang pagpaubos ug pagpasakit diha sa mag kasakitan niining kinabuhi-a nan, nagpasabot lamang kana mga igsoon nga imong gidawat ug imong gipapuyo ug gipahari si Jesus diha sa imong kasingkasing.

Tuesday, September 1, 2009

Si Jesus Gilimod Ni Pedro




MATEO 26:69~75


• 69 Sa laing bahin, samtang nag-lingkod si Pedro sa nataran may batan-ong babaye, usa sa mga sulugoon sa balay, nga miduol niya: “Dili ba, kauban ka man ni Jesus, ang Galileo?” 70 Apan iya ning gilimod atubangan sa tanan sa pag-ingon: “Wala ko maka-sabot sa imong gisulti.”

71 Sa mogawas na unta si Pedro sa pultahan, may laing babaye nga sulugoon nga nakakita niya ug miingon sa nanagbarog: “Kauban kining tawhana ni Jesus, ang Nazareno.”

72 Sa ikaduhang higayon, milimod si Pedro nga nanumpa: “Wala ko makaila anang tawhana.”

:

73 Human sa pipila ka gutlo ang nagbarog didto miduol ni Pedro ug miingon: “Galileo gyod ka! Ang imong sinultihan nagpadayag og kinsa ka.” 74 Si Pedro nangatarongan ug namalibad. Nanunglo siya ug nanumpa nga wala siya makaila sa tawo. Dihadiha mituktugaok ang sunoy.

75 Nahinumdom si Pedro sa pulong ni Jesus: “Sa dili pa motuktugaok ang sunoy ilimod ko nimo sa makatulo.” Ug milakaw siya nga naghilak sa tumang kapait.

:

PAGPAAMBIT SA MENSAHE:

:

Ang maong ebanghelyo maoy pagpasabot sa kabubut-on sa Dios diin dinhi sa maong ebanghelyo sa maka-usa pa gipakita niya ang iyang kabubut-on diin gipasidaan na daan ni Jesus nga gilimod siya ni Pedro sa dili pa motuktugaok ang sunoy nga manok.

:

Nagpasabot lamang diha sa ubang pulong sa Dios Amahan nga kun nalatid nang daan ang mga pagsuway ug mga paglutos sa imong kinabuhi nan mosugot ka ug dili, matuman gayud kini. Kay matod pa kun ang Dios maoy mohatag sa pagsulay nan matuman gayud kini.

Bisan diha sa ubang pagtulun-an diin moingon sila nga dili sila magpaduol kanunay sa Dios, dili sila magpaduol kanunay sa simbahan o magpakita diha sa mga sinagoga, kay matod pa ang tawo nga kanunay magpaduol sa Dios kanunay gayud makaambit sa pagsulay.

:

Apan ang Dios Amahan nagpasabot nga mosimba ka man ug sa dili kun nalatid na daan ang mga pagsulay sa imong kinabuhi nan, makaambit ka gayud niini. Diin bulahan kun aduna kay mga pag-ampo ug mga paghalad diin imong mahalad sa kanunay ang mag pagsulay nga imong masinati.

:

Kay matod pay walay laing paagi diin makaestorya kita sa Dios mao ra gayud ang mga pag-ampo, Ang unang mga tinawag nga mga apostoles naga-ampo ngadto sa Dios diin mao kini ang ilang bugtong taming, ug mismo si Jesu Cristo naga-ampo ngadto sa iyang Amahang Dios aron dunggong ang iyang mga panalangin.

:

Nan kita usab kun hingpit ang atong pagtoo ug pagsalig sa Dios pinaagi diha kang Jesu Cristo nan dunggon usab kita, kay matod pa sa Dios nga “ Nganong dili ko ihatag kun ugaling kaayuhan man”. Sa ato pa mga igsoon walay laing taming diha sa atong mga pagsulay ug mga paglutos kundili mao ra gayud ang mga pag-ampo, kay matod pa duha o tulo nag naga-ampo sa Amahan sa ngalan ni Jesu Cristo nan, anaa siya nnagauban kaninyo.

:


Ang Sambingay Mahitungod Sa Tulo Ka Sulogoon

MATEO 25: 14~30


• 14 “Hunahunaa ang tawo nga sa wala pa mopanaw sa laing nasod, mi-tawag sa mga sulugoon aron piyalan sa katigayonan. 15 Mihatag siyag lima ka salapi sa nauna unya, duha sa su-nod, ug usa sa ikatulo sumala sa tagsa tagsa nila kaabilidad. Unya, mipanaw siya. 16 Ang nakadawat sa lima mipa-tigayon ini ug nakaganansiyag laing lima. 17 Ang nakadawat sa duha, nag-negosyo sab ug nakaganansiyag laing duha. 18 Apan ang nakadawat sa usa, naglungag ug gilubong ang salapi sa agalon.


19 Human sa taas nga panahon, ang agalon sa mga sulugoon mipauli ug nangayog husay. 20 Ang gihatagag lima, miduol nga nagdalag laing lima, ug miingon: ‘Ginoo, imo kong gipiyalan og lima ka salapi, tan-awa, niay laing lima nga akong ganansiya.’ 21 Ang agalon mitubag: ‘Maayo kaayo, buotan ug matinud-anon nga sulugo-on. Sanglit nagbinuotan ka sa dyo-tayng butang, piyalan tikaw sa dagko. Dali ug ambit sa kalipay sa imong agalon.

22 Unya, ang nakadawat og duha miduol ug miingon: “Ginoo, gipiyalan ko nimog duha ka salapi. May duha nga nadugang nga akong naganansya. 23 Ang agalon miingon: “Maayo, buotan ug matinud-anong sulugoon, sanglit nagbinuotan ka sa dyotayng butang, piyalan tikaw sa dagko. Dali ug ambit sa kalipay sa imong agalon.’ 24 Sa kataposan, ang nakadawat og usa miduol ug miingon: ‘Agalon, nasayod ko nga higpit kang pagka-tawo. Nag-ani ka sa wala mo ipugas ug naghipos sa wala hagoi. 25 Nahadlok ko. Busa, gitagoan nako ang imong salapi ilalom sa yuta. Ania dawata ang imoha.’ 26 Apan ang agalon mitubag: “Daotan ug walay hinungdan nga sulugoon! Nasayod ka nga nag-ani ko sa wala ko ipugas ug naghipos sa wala gioka. 27 Gideposito mo unta ang akong salapi aron imong ikauli nga may tubo.

28 Kuhaa niya ang salapi ug ihatag sa may 10. 29 Kay ang mabungahon hata-gag dugang aron mahamugaway siya. Apan ang dili mabungahon kuhaan sa naa niya. 30 Ug ang walay hinungdang sulugoon ipagawas sa kangitngit diin may bakho ug kagot sa ngipon.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga kasugo-an sa Dios diin Siya nagpasabot nga ang iyang mga pinili nga mga katawhan iyang gipahulaman ug gasa sa nga langitnon o gasa nga espirituhanon diin gasa kini nga iya sa espiritu santo diin dili kini nimo mauli tungod kay anaa man kini gibutang diha sa imong kasingkasing.

Kini nagpasabot nga dili man tanan gitaga-an sa Dios ug gasa, ug kadtong adunay mga gasa lahi-lahi ang hiyas sa mga gasa diin lahi-lahi usab ang mga katungdanan ug mga tahas diha sa matag ginasahan.

Adunay mga ebanghelista, mga pastor, mga lideres, mananambal ug uban pa, apan mao ra nga espiritu santo sa Dios ang naghatag, Matag ginasahan adunay tulobagon diha sa Dios diha sa ilang mga gasa nga nahuptan, Aduna kay obligasyon diha sa pagpalambo diha sa mao mong mga gasa, diin pinaagi usab diha sa imong pagbalaan ug mga pag-ampo , sa kanunay ang Dios magapanalangin diha sa imong matag gasa,

Nan sa ato pa gipiyalan ka sa gasa nga langitnon, diin usa kini ka tahas diin asa kutob ang imong pagpasensya ug pagsunod sa kabubut-on sa Dios, diin bulahan kon imong patalinghugan ang maong mga gasa, tungod kay dili lamang ikaw ang makaambit sa grasya ug panalangin kundili ang tibook gayud kauban sa pamilya.

Apan kun ang imong gasa wala nimo pasidunggi diha sa pagtuman sa kasugo-an sa Dios nan matod pa kuhaon sa Dios hangtod ang giisip sa tawo nga iyaha. Nagpasabot nga makaambit sa mga paglutos ang imong mga kaliwatan, diin wala nimo respetuhi ang gahum sa Dios, maoy imong giuna ang iyaha niining kalibutan ug imong gibiyaan ang mga gasa nga gibilin sa Dios kanimo.

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo