Thursday, January 29, 2009

Ang tinuod Nga Kabulahanan

LUCAS 11:27~28
• 27 Samtang nagsulti pa si Jesus, may babaye gikan sa katawhan nga namulong: “Bulahan ang nagsabak ug ang nagmatuto nimo!” 28 Mitubag si Jesus: “Sa labing tinuod, bulahan ang naminaw ug namati sa pulong sa Diyos.”


PAGPAAMBIT SA MENSAHE:

Ang maong ebanghelyo nagtagik diha sa pagpakabuhi nga bulahan niining kalibutana diin may babaye nga miingon kang Jesus nga bulahan ang imong inahan nga nagpatotoy kanimo apan si Jesus mitubag nga masbulahan ang mga katawhan nga naminaw sa iyang mga pulong. Atong mapalandongan nga asa man diay magsumikad ang kabulahanan sa kinabuhi, Kini magsumikad diha sa pagsunod nato sa kabubut-on sa Dios diin mao kini ang pagkinabuhi nga ubos sa landong sa espiritu santo sa Dios, ug maoy gisul-ob ug gisangyaw ni Jesus samtang siya nagkinabuhi ug mitipon pa kanatong mga tawhanon.

Diin diha sa iyang pagpakatawo iyang gitudlo ang pagtunob gayud sa kaugalingon mong garbo diin magkinabuhi ka nga sa inengles pa ” low profile”, diin mosugot lamang diha sa mga pagsaway ug mga paglutos. Diha sa iyang pagpakatawo niining kalibutan iyang gipakita nga dili kinahanglan nga dungganan ang imong mga ginikanan aron ipakita nga ikaw Diosnon ug nagasunod sa kristuhanon o Diosnon nga pagtulun-an, diin makita nato diha sa mga unang basahon sa balaang kasulatan nga si Birhen Maria nagmabdos nga dili si Jose ang Amahan, kay kini lalang man sa espiritu santo sa Dios apan niadtong panahuna ilang gihukman ug gitulisok si Maria ug gusto nilang patyon tungod sa kaulawon nga iyang gibuhat.

Diha sa pagsangyaw na ni Jesu Cristo, siya nakig-uban sa mga kabos nga mga katawhan ug nagasangyaw sa pulong sa iyang amahan ug nagpaila siya nga anak sa Dios, butang nga wala kahimut-i sa mga mabuot nga Judio ug pariseo kay usa kini ka pagpakaulaw sa ilang Dios nga siYaweeh, kay para kanila maminaw lamang sila kun ang mamulong sama kanila nga may bahandi ug dili sama ni Jesus nga niadtong panahuna wala gani dayan-dayan sa lawas gawas lamang sa mga amorsiko nga namilit sa sisdsid sa iyang sinina.

Gitudlo ni Jesu Cristo ang kabulahanan sa kinabuhi dinhi niining tawhanon nga pagkinabuhi nga mao gayud ang pagtangtang sa imong garbo ug ang pagpakaubos diin dali kaayong tamayon ug lutoson kay dili kamam makabati bisan gamay lamang nga pulong sa pagsupak o pagsukol, diin usa usab kini ka sikreto sa kinaiyahan o tinago nga kamatuoran nga ang paglikay sa kasamok ug ang paglikay sa kagubot maayo gayud ang papakaubos sa imong kaugalingon batok sa mga mapagarbuhon kay natuman man unya ang Ilang gusto nga ilhon nga sila maoy hawod.

Usa ka kamatuoran nga gipamatuod diha sa pulong sa balaang kasulatan nga nagaingon kun gusto nato nga dayegon ug himayaon didto sa gingharian sa langit nana puy-i ang pagkinabuhi nga puno sa pagpaubos, pagdawat sa mga pagpanlutos, pagdawat sa mga kasakitan sa kinabuhi , pas-ana ang imong krus sa kinabuhi ug unod sa mga pagtulon-an nga gisangyaw ni Jesus. Kay bulahan ang mga katawhan nga nakaambit sa mga kasakitan ni Jesus diha sa krus kay makaambit usab sa iyang himaya sa pagkabanhaw didto sa langit.

Usa ka pagtulon-an nga angay natong hinuktukan nag ang makaangkon sa tinawhanon nga kabulahanan niining kinabuhi-a pinaagi lamang usab sa bahandi nga tawhanon ug mga tawhanon nga mga kailibgon ug mga tawhanon nga butang walay luna didto sa gingharian sa Dios, kay matod pa mas maayo nga magtigom kagbahandi nga espirituhanon diin walay taya nga magakutkut ug walay kawatan nga magapanaka, apan kun ang imong bahandi ania lang sa yuta nan dinhi ka lang usab kutob.

Sa ato pa mga igsoon ang matuod nga kabulahnan mao nga pagtipig ug patamod sa mga bahandi nga iya sa Dios diin mao kini imong mapakita puhon kun atua kana sa laing kinabuhi. Nan ang matuod nga bulahan mga igsoon mao nga ibayaw ka sa Dios didto sa iyang gingharian sa langit diin walay isa kanato nga makasiguro nga maato ang kabulahanan samatang nagkinabuhi pa kita, kay matod ang tawo makasasala gayud sa huna-huna, sa pulong ug sa buhat.

Apan ang Dios adunay mga pag-ampo nga iyang gitudlo diin siya usab nagtawag kaanato sa lain-lain nga paagi nga sa ato pa dili lang kay kini ra nga pagtulon-an nga atong gibarugan ang adunay tinawag, aduna usab siyay tinawag diha sa lain-lain nga pagtulun-an. Ug usa ka kamatuoran diha sa balaang kasulatan nga nagaingon dili ang tanan nga nagatawag kanako Dios ko, Dios ko, makasulod sa gingharian sa langit kundili, kadto lamang nagatuman ug nagasunod sa iyang kabubut-on

Dayag lamang igsoon nga dili ang imong pagtulun-an maoy makaluwas kanimo ug dili usab ang imong relihiyon maoy makaluwas kanimo, kay moatubang kita sa Dios Amahan ug sa Anak diin kita mismo ang manubag sa atong mga kalapasan ug kasal-anan, ug walay makaabugar kanimo, Unsaon man sa pagkahibalo sa Ginoo sa atong mga kasal-anan nga daghan man kayo tawo sa kalibutan, Ang Dios miingon pinaagi sa espiritu sa Dios nga anaa sa matag tawo diin mao kini ang motaho sa Dios sa mga kalapasan ug kabulahanan nga imong nabuhat, nan matagsa-tagsa gayud diay kita sa paglista sa atong mga kasal-anan kay mamahimo man unyang bukhon saa espirito santo sa Dios nga aaa pa kinimo sa buhi ka pa.

Ang baalang kasulatan nagpahimangno nga ang kaluwasan nga gisaad sa Dios diha sa kinabuhing dayun dili kini usa ka premyo o usa ka ganti tungod sa atong maayong buhat kundili kita maluwas tungod sa gugma ug kalooy sa Dios, aron sa ingon walay makapasigarbo diha sa atubangan sa Dios nga siya maluwas tungod sa maayong buhat , kundili siya maluwas tungod sa gugma ug kalooy sa Dios.

Sa ato pa mga igsoon ang tinuod nga kabulahanan mao ang pagkinabuhi nga may kahadlok sa Dios dinhi sa kalibutan, sa kanunay makaambit diha sa mga kasakitan sa kinabuhi kay mao kini ang paagi sa Dios isip pagsukod sa iyang mga sumosunod nga katawhan kun asa usab kutob ang pag-ila sa ilang pagsalig ug pagtoo sa Dios, kay ang matuod nga kabulahanan mao ang pagkinabuhi nga ngadto sa kinabuhing dayun didto sa gingharian sa Dios, diin magsumikad kina diha sa imong pagpaubos, ug sa pagdawat sa mga pagsulay ug mag paglutos dinhi sa yuta, nga sa ato pa ang matuod nga kabulahanan dinhi sa yuta mao ang pagpapuyo ug ang pagpahari sa Dios nga Jesus Cristo diha sa imong kasingkasing.

Wednesday, January 28, 2009

Ang Asin Nga Walay Kapuslanan

LUCAS 14 : 34 ~ 35

34 Maayo tinuod ang asin, apan kon mawad-an ni sa lami, unsaon man pagpaparat ini? 35 Dili na ni magpulos sa yuta o sa abuno. Busa, ilabay na lang sa gawas. Ang may dunggan, pamati.

PAGPAAMBIT SA MENSAHE:

Ang maong ebanghelyo maoy usa ka sambingay diha sa pagpakabuhi nato niining kalibutan diin ginaingon nga samtang ania pa kita sa walog sa mga buhi, kita ang nagdominar sa atong kaugalingon, nga sa ato pa hari kita diha sa ato mismong paghuna-huna, diin bisan tuod kun ania pa kanato ang atong espiritu ug ang atong kalag apan kita nga buhing lawas maoy magbuot sa atong buhaton.

Nan sa ato pa gawasnon kita diha sa pagkaplag sa matuod nga bahandi sa kinabuhi diin ang kadaghanan maoy palabihon ang tawhanon nga bahandi diin imong makita ug mahikap ug mamahimo kang dungganan niining kalibutana. Apan ang bahandi nga gisangyaw ni Jesus mao ang bahandi nga iya sa Dios diin maoy iyang gisul-ob isip maoy atong sumbanan diha sa pagpakabuhi nga kristuhanon. Unsa man kini nga bahandi, Mao kining mga bahandi nga madala nato ngadto sa laing kalibutan kay ipasukip man kini sa atong kasing-kasing, diin mao kini ang pagkamainampoon, pagpaubos ug pagdawat sa mga kasakitan ug mga panlutos.

Nga sa ato pa mga igsoon ang bahandi nag iya niining kalibutana dinhi lang kana kutob sa kalibutan nan kun imong bahandi iya lang usab sa kalibutan nan dinhi ka lang usab kutob. Kay unsa man tuod ang imong madala didto sa laing kinabuhi diin ang tanan nga imoha nabilin man dinhi sa kalibutan uban sa imong lawas ug mahiuban sab kini pagbalik ngadto sa yuta.

Unsa man kaha ang imong buhaton didto sa laing kalibutan nga wala man makapangandam ang imong kalag diin wala ka may giya nga langitnon kay wala man damha nga aduna pa ba diay kinabuhi human sa kamatayon ug kamatuoran ba diay ang kinabuhing dayon, nan sama ka unya niining maong ebanghelyo nga usa ka asin nga nawad-an ug kaparat diin ngay ka nalang tunotunoban kay wala ka nay pulos didto sa laing kalibutan.

Sa ato pa mga igsoon kun palabihon nato ang mga tawhanon nga kailibgon sa pagtuo nga dinhi ra kita kutob nan maingon ta nga ang kaparat sa imong pagkaasin dinhi lan usab kutob sa kalibutan, apan kun ang imong ipahari diha sa imong kaugalingon mao ang mga pagtulun-an nga gibilin ni Jesus ngadto sa iyang mga apostoles nan ang kaparat sa imong pagka-asin magpabilin kanimo hangtod sa laing kalibutan.

Pasagdi lang nga daw sama ka sa langyaw niining kalibutana, diin maoy imong gipalabi ang mga bahandi nga iya sa Dios diin para niadtong mga tawo nga wala kaila ug Dios , wala kini pulos ug dili kini maoy importante, kay para kanila ang importante dinhi niining kinabuhi sa kalibutanon mao gayud ang paglunang sa tawhanong kalibgon apan wala sila masayod nga ayran sila ug dili ilhon sa gingharian sa Dios.

Mas maayo gayud nga samtang ania pa kita sa kalibutan atong pahimuslan ang pagtulun-an nga gihatag sa Amahang Dios ug magsilbi kitang asin ug kahayag dili lang sa atong kaugalingon kundili hangtod na sa atong mga kaigsoonan nga nahisalaag. Kay matod pa sa langitnong inahan sa usa sa iyang mensahe niadtong tuig May 13, 1917 didto sa milagro nga iyang gipakita sa Fatima Portugal diin siya miingon, nga isangyaw gayud ang maayong balita, ang kamatuoran nga adunay impyerno ug giaghat ang tanaan sa pagrosaryo alang sa kaluwasan sa ilang mga kalag. Tulobagon sa matagkristyano nga nagpakabana kun adunay kalag nga anaa sa ilang atubangan nga matunaw tungod lamang nga wala nila kini saysayi sa maaayong balita.

Didto sa misyon sa Sion diin ang mga katawhan gitahasan sa Dios sa pagsangyaw sa maayong balita miingon siya nga saysayi sila sa makausa, maduha ug sa makatulo lamang apan kun magdumili sila sa pagpamati nan biyai sila, talikdi ug itaktak ang abog sa imong sinilas. Kay para sa Dios wala niya ipamugos ang iyang gingharian sa langit, ug mas labaw nga wala niya ipamugos ang kaluwasan nga iyang gisaad.

Uban miingon dili na kami maminaw kay ang Ginoo sa kanunay nagauban man kanamo, Diosnon man kami ug kada Domingo nagasimba dili na kinahanglan nga moadto pa kami sa worship. Ang Dios sa balaang kasulatan nagaingon lahi-lahi ang pagtawag ko kaninyo ug dili ang tanan nga nagasangpit sa akong ngalan maluwas kundili kadto lamang nagatuman sa akong kabubut-on.

Laing sinulat sa balaang kasulatan nagaingon kini, lahi-lahi usab ang pagpaabot sa Dios diha sa matagbinuhat diin siya moduol kanato sa paagi nga wala nato damha, apan ang iyang mga tinawag ug pinili nga katawhan aduna siyay giandam para kanila, sa ato pa mga igsoon bulahan ka kun mipatalinghug ka sa pagtawag sa Dios kanimo kay maimo himaya sa langit

Dinhi sa sinagoga miingon ang pulong sa Dios tawgon ko ang akong katawhan pinaagi sa balatian, kay mao lamang kini ang bugtong paagi nga sila makahinumdom ug mobalik kanako. Lain bahin sa mensahe nagaingon na usab ang Dios: Kamong akong mga pinili ug tinawag nga mga katawhan dili kay maglingkod lang kamo ug magahulat sa pagbalik sa bugtong kong anak kundili pagasulayan ko gyud kamo aron makita kun asa kutob ang inyong pag-ila ug pagtahod kanako.

Nan sa ato mga igsoon, kun tinawag ug pinili ka sa Dios iya kang giaghat sa paggamit sa imong lawas sa paghimaya sa Dios nga sa ato pa himoon nimo nga sa daw asin ang imong kinabuhi nga maoy magsilbing inspirasyon niadtong mga tawo nga nahisalaag, niadtong mga tawo nga wala makaila kun kinsa ang ilang gimpo-an ug labaw sa tanan niadtong mga katawhan nga wala maka-ila sa kamatuoran.

Usa ka pagtulun-an ang gibilin sa atong bantugan nga senador Anhing Benigno “Ninoy” Aquino Jr., Miingon siya sa pinulongan ng inengles. “ It better to Die in a Meaningful Death than to Live in a Meaningless Life”, nga kun atong hubaron sa atong pinulongan sa spiritual nga pagkahubad nagkahulugan kini nga “ Bulahan kun mamatay nga mahimong pagtulun-an ang imong kamatayon kay sa magpakabuhi nga daw sama sa kahoy nga nagtubo apan dili gapamunga”, Ug miingon usab ang balaang bata, “Senyor Santo Ninyo” dinhi sa sinagoga sa iyang pangutana “ Unsa man diay buhaton sa kahoy nga gatubo apan dili gapamunga”.







Sunday, January 25, 2009

Ang Pagsabot Sa Kahulugan Sa Panahun

LUCAS 12: 54 ~ 56
• 54 Si Jesus miingon sa daghang panon: “Inigkakita ninyog panganod nga mopataas sa kasadpan, dihadiha moingon mo: ‘Moulan ug kanay mahitabo.’ 55 Inigbulhot sa habagat, moingon mo: ‘Moinit.’ Kana poy mahitabo. 56 Pagkataphaw ninyong pagkatawo! Nasayran ninyo ang pamayhon sa kalibotan ug sa langit, apan wala mo makasabot sa nahitabo karon.

PAGPAAMBIT SA MENSAHE:

Ang maong ebanghelyo nagpasabot diha sa mga senyales nga gipasabot sa Dios diha sa mga katalagman ng iyang gipadangAt pInaagi sa baha, lunop, bagyo ug uban pa, diin kini nga katalagman sumala sa modernong syensa nagsumikad tungod sa mga dli balanse nga mga panagway o mga binuhatan sa kalibutan apan adunay mensahe ang Dios niini, diin kini nagpasabot lamang nga hapit na mobalik ang Dios ug angayan lamang nga utrohon nato ang atong hiyas ug nga sa kanunay magapaduol kita sa Dios.

Niining tuiga Enero 2009, dili katiaw-tiawan ang mga baha nga iyang gipasinati sa Cagayan de Oro ug ingon man sa kinatibuk-an sa Misamis Orental, ug sa tibook Pilipinas mismo diin tulo ka hugna nga baha ang miataki sa syudad diin daghan ang namakwet, daghan ang mga balay nga nanga-anod ug labaw sa tanan daghan ang gilunopan. Daghan ang mga istorya nag nanggawas diha sa mag inosenteng mga katawhan, ang uban moingon nga gisilotan na kita sa Dios, ang uban labina kadtong dili katoliko moingon nga gipaabpt man gud nila ang Black Nazareno dinhi sa Cagayan mao na nga gilunopan ta pareha sa Manila nga tua didto ang black nazareno, nan kanunay nga galunop didto, ug ang uban usab nakapangutana sa ilang huna-huna, ngano nga nalunopan man me nga nag-ampo man unta kami sa kanunay, ug ang espiritu santo sa Dios mitubag, nag-ampo lagi kamo apan ang inyong mga silingan walA man mag-ampo…

Nga sa ato pa mga igsoon kining maong ebanghelyo nagpamatuod lamang sa pagsukod sa pagtuo sa tawo, diin ang tawo nga sa kanunay naga-ampo nasayod nga sa kaimportante sa maong gimbuhaton batok sa mga katalagman, diin mao lamang kini ang bugtong hinagiban nga makapabuntog sa gahom sa dautan ug pinaagi sa atong mga pag-ampo, ang imposible mamahimong posible. Pag-ampo lamang ang bugtong paagi nga makapausab sa kabubut-on sa Amahan diha sa pagpakanaog niya sa mga katalagman ug sa mga pagsulay.

Ang Dios namulong nga walay pag-ampo dinhi niining kalibutan nga wala niya madunggi ang mga pag-ampo, ang tanan, hidunggan gayud niya, apan dili ang tanan nakadawat sa iyang panalangin kay ang uban nga naga-ampo anaa lamang sa tumoy sa dila, wala magsumikad sa ilang kasingkasing. Ang Dios nagaingon nga kun makita niya nga tinud-anay ang atong pag-ampo na wala pa nimo malitok ang imong mga halad gipanalanginan na niya kini.

Sa ato pa mga igsoon ang Dios anaa kanunay nagauban kanato ug kamatuoran ang gipadayag sa balaang kasulatan 1 Corinto, 3: 16, nagaingon “Ang lawas sa tawo maoy templo sa Dios espiritu santo, ug nga Dios lamang ug dili tawo ang makahukom sa tinud-anay natong mga pag-ampo kay kini makita man diha sa atong kasing-kasing. Nan mga igsoon nagpasabot ba kini nga hapit na ang kataposang paghukom ug hapit na usab mobalik ang Ginoo?.

Ang balaang kasulatan nagaingon diha 2 Pedro 3 : 8~16, nga ang usa ka adlaw sama sa 1000 ka tuig sa Ginoo , ug ang usa ka libo ka tuig sama usab kini sa 1 ka adlaw diin nagpasabot kini kun makita na sa Dios nga andam na ang iyang mga pinili ug tinawag . nan dili na niya langanon ug mobalik na ang iyang bugtong anak. Ang pangutana, naandam na ba ang pagkunsad sa Dios nga anak dinhi sa kalibutan? Dili pa kay daghan pa ang angay andamon diin matod pa diha sa balaang kasulatan nga maoy gusto sa Dios nga walay malaglag diha sa iyang mga tinawag ug pinili diin kitang tanan maghiusa didto sa bag-ong Jerusalem nga gitukod sa Dios.

Nagaingon ang Dios nga sa iyang pagbalik kun unsa ang kahimtang ug panagway sa iyang pagkayab paingon sa langit nan mao usab unya ang panagway sa iyang mga pinili sa iyang pagbalik. Nga sa ato pa mga igsoon igo-igo pa ang panahun nga gitugot sa Dios diin ania na kita sa ika-3 nga siglo diin hataas pa ang pasensya ug kalooy sa Dios. Diin daghan ang mga milagro ang nagpamatuod niini nga kamatuoran ang pagbalik sa Dios diin ang tanan giaghat sa pag-ampo diha sa santos nga rosaryo, ug atong ihalad ang maga katawhan nga wala motuo sa Dios ug bisan kadtong mga makasasala atong iampo aron sila mahalikay sa kalayo sa impyerno ug mahiadto na lamang sa purgatoryo.

Niining lakat sa panahun mga igsoon angayan lamang nga kita magpadayon sa pagdasig sa pag-ampo aron diha sa hinay-hinay nga mga pag-ampo ang Dios manalangin kanato, kay kun kabubut-on gayud sa Dios nan ipaundang niya ang mga katalagman kay ang tanan nga katawhan nagpasidungog man kaniya. Matod pa sa ubang sinulat ang Dios dili gayud motalikod kanato kun siya atong gipahari sa atong kasing-kasing.

Ang Alanihon Sa Kalibutan

GIPADAYAG 14:14~20

14Unya mitan-aw ako, ug ania karon, dihay usa ka maputi nga panganud, ug sa ibabaw sa panganud dihay naglingkod nga morag anak ug tawo, nga may purongpurong bulawan sa iyang ulo, ug usa ka mahait nga galab diha sa iyang kamot. 15Ug gikan sa templo migula ang laing manolunda nga sa makusog nga tingog misinggit ngadto sa naglingkod sa ibabaw sa panganud, "Palihoka ang imong galab, ug pangani na, kay ang takna sa ting-ani nahiabut na sanglitang alanihon sa yuta hiniog na kaayo."

16Ug ang naglingkod sa ibabaw sa panganud mipalihok sa iyang galab sa ibabaw sa yuta, ug ang yuta gianihan. 17Ug ang lain pa nga manolunda migula gikan sa templo didto sa langit, ug siya usab may mahait nga galab. 18Unya ang lain pa usab nga manolunda migula gikan sa halaran, ang manolunda nga may gahum sa pagbuot sa kalayo, ug ang may mahait nga galab iyang gisinggitan sa makusog nga tingog nga nag-ingon, "Palihoka ang imong galab, ug pamutla ang mga bulig sa parras sa yuta, kay ang mga ubas niini hinog na."

19Ug ang manolunda mipalihok sa iyang galab sa ibabaw sa yuta ug iyang gipamutol ang mga bulig sa parras sa yuta, ug giitsa kini ngadto sa dakung pigsanan sa kapungot sa Dios. 20Ug didto sa gawas sa siyudad, ang pigsanan gipanaggiukan, ug gikan sa pigsanan mibaha ang dugo nga may kahabog nga mosangko sa bokado sa kabayo, sa gitas-on nga tulo ka gatus ug kaluhaan ka kilometro.

PAGPAAMBIT SA MENSAHE:

Ang maong ebanghelyo naghisgot diha sa mga sambingay sa pagtapos sa kalibutan diin ang Dios pinaagi sa iyang mga tinahasan mopakanaug sa hukom nga sebu sa iyang kabubut-on ug sumala usab sa atong binuhatan. Giingon diha sa maong ebanghelyo nga gigalab na ang mga alanihon sa kalibutan diin ang mga maayong bunga lain ang gaani ug ang mga dautang bunga lain usab ang gaani , usa kini ka pagpasabot diha as mga katawhan kun unsa diiay ang mahiagoman niadtong mga katawhan nga wala moila sa Dios.

Ang balaang kasulatan nagaingon diha sa ubang sinulat, ang pagbalik sa Dios dinhi sa kalibutan walay insaktong takna nga oras ug adlaw nga tagal diin noabot siya nga sama sa kawatan diin dili matag-an kun buntag ba o gabii ang iyang pag-abot ingon man diha sa iyang pag-abot kun asa kita maatlan nan wala ka nay panahun sa pagpangandam, diin bulahan kadtong maluwas diin buhi pa ang ilang tawhanon nga lawas kay mahiapil kini sa pagbayaw ngadto sa langit.

Sa ikaduhang sulat ni Pedro 3 : 8~10, nagaingon ang usa ka adlaw sama sa 1000 ka tuig sa Ginoo, apan ang 1000 ka tuig sama lang usab sa 1 ka adaw, nga sa ato pa kun nakita sa Dios nga andam na ang tanan nan dili na gayud siya maglangan sa pagbalik apan kay nakita man sa Dios ang mga kakulangon diha sa iyang nga pinili nan igo-igo pa nga lugway ang iyang gihatag kay dili gusto sa Dios nga daghan sa iyang ga pinili ug nga tinawag ang malaglag diha sa iyang pagbalik, kay maoy gusto niya nga naluwas ang iyang mga tinawag.

Nan mao na kini ang panahun diin taas pa ang pasensya sa Dios , diin naghatag pa siya ug pasaylo niadtong mga nahisalaag, diin siya nag-aghat gayud sa mga pag-ampo ug mga santos nga rosaryo nga maoy bugtong taming ug tuko nato niining mga katalagman, diin diha sa kanunay ug hinay-hinay nga pag-ampo ang imposible mamahimomg posible. Usa ka panagingnan ang mga kaagi niadtong atong mga apostoles sa kanhiay diin diha sa ilang pagkaordinaryong tawo wala nila kahadloki ang mga naglutos kanila kay mao may ilang gisaligan ang mga pag-ampo nga gibilin kanila sa Dios, uban sa mga armadora ug sa giya sa espiritu santo nga anaa usab kanila.

Busa mga igsoon angay diay natong hinuktukan , dili diay usa ka istorya lamang ang pagkatapos sa kalibutan ug dili kay tumo-tumo lamang ang pagbalik sa Dios kundili mahitabo gayud kini diin daghan nga mga milagro ang nagpamatuod niini, usa na ang milagro sa Birhen sa Fatima didto sa Fatima , Portugal diin miukay kina sa kalibutan nga kristuhanon, May 13, 1917, diin ang birhen Maria mipakita sa tulo ka inosenteng mga binuhat aron sa paghatag sa tulo ka mensahe ug aron usab sa paghangyo sa tanang kalibutan nga kristuhanon sa pag-ampo gayud diha sa santos rosaryo.
:
Usa ka pagtulun-an nga angay nga hinktukan nga walay gahum nga makapausab sa kabubot-on sa Dios gawas lamang usab sa mag pag-ampo nga iyang gitudlo, diin bisan diay kadtong wala motoo sa Dios atong iampo, ug kadtong atong mga isigkaingon nga nakasala diha sa atubangan sa Dios atong iampo, kay matod pa diha sa pag-ampo mamahimong maluwas ang atong nga igsoon nga atua sa laing kalibutan apan ang ilang silot magpabilin apan dili na masilotan sa kalayo sa impiyerno kundili masilotan sila sa purgatoryo, diin bisan kadtong mga katawhan nga gustong moilog sa atong pulo sa Mindanao ang mga ehiptuhanon nga wala makaila sa ilang Dios angayan diay nga ato silang iampo, kay mosugot sila ug dili kun pagbuot sa Dios mopasilong gayud sila sa espiritu santo sa Dios, kay pianaagi sa atong pag-ampo ang imposible mamahimong posible, kay ang Dios lamang ang adunay gahum sa pagpahumok sa matig-a nga kaingkasing sa tawo.

Friday, January 23, 2009

Nagdan-ag Ingon Nga Suga Sa Kalibutan

FILIPOS 2: 12 ~ 18
12 Busa, mahal kong kahigalaan, ingon nga kanunay mong nagsunod nako samtang uban pa ko ninyo, padayon mo labi pa karon nga layo na ko, sa pagbudlay alang sa inyong kaluwasan uban ang “Kahadlok ug pangurog.” 13 Ang Diyos nagdasig sa inyong pangandoy ingon man sa pagtuman sa makapahimuot niya.

14 Buhata ang tanan sa walay bagulbol, 15 sa ingon, maanak mo sa Diyos nga walay sayop ug dili mabasol; dili salawayon taliwala sa hiwi ug badlongong kaliwat. Kahayag mo taliwala nila, sama sa kabitoonan sa tibuok kalibotan nga 16 naghupot sa pulong sa kinabuhi. Mobati kog garbo nga ang inyong paningkamot ug kahago wala makawang.

17 Kon ibubo ko ang akong dugo isip gasa alang sa pagsaulog sa inyong pagtoo, magmaya ko ug magpadayon pag-ambit sa inyong kalipay. 18 Magmaya sab mo ug moambit sa akong kalipay.


PAGPAAMBIT SA MENSAHE:

Ang maong mensahe naghisgot diha sa pagsangyaw sa mga apostoles sa mga pulong sa Dios ingon nga maoy mga tinugyanan diha sa kaalam nga espirituhanon nga gipiyal kanila. Ang maong mga apostoles madasigon nga nagsangyaw sa pulong sa Dios diha sa upat ka suok sa kalibutan, diin naglisod gayud sila sa pagkinabuhi sumala sa naandan tungod diha sa mga paglutos nga ilang nasinati ug usab diha sa mga pagsangyaw didto sa layong dapit.

Ang mga buhing pulong sa Dios maoy kaluwasan diha sa atong mga kasal-anan pinaagi unya sa mga giya nga ilang gidala ug gitago-an sa ilang kasingkasing. Ang balaang kasulatan nagaingon si Jesu Cristo mao ang Alpha ug ang Omega nga sa ato pa siya ang sinugdanan ug ang kataposan. Walay mahiabot didto sa Amahang Dios kundili moagi kaniya nga sa ato pa si Jesus Cristo mao ang giya nga gihatag sa Dios nganhi kanato ug sa kaniya usab magsumikad ang kaluwsan sa atong mga sala.

Diha sa ubang sinulat nagaingon. Kun dili nimo ilhon si Jesu Cristo nga imong Dios nan dili ka usab niya ilhon didto sa atubangan sa Dios Amahan ug ayran ka didto sa iyang gingharian sa langit. Nga sa ato pa gikinahanglan gayud diay nag masayod kita kung kinsa ug unsa ang gisangyaw sa mga apostoles niadtong mga panahuna bulahan dili masalaag ang atong kalag kay pinaagi sa pagsunod sa mga kasugo-an ug kabubut-on sa Dios nan sa kanunay siya magapanalangin kanato.

Unsa man diay tuod ang hinungdan diha sa atong pagduol kang Jesus o sa pagsunod sa iyang kabubut-on diin buhi man gihapon ang tawo bisan dili kita maga=ampo? Tinuod kana apan ang balaang kasulatan nagaingon Si Jesus mao ang buhing panagway sa dili makita nga Dios, ug kun mosunod kita kaniya maato ang kinabuhi nga walay kamatayon kay si Jesus ang Dios sa mga buhi.

Apan dinhi sa walog sa mga buhi, diin ania pa kita sa mga tinawhanon nga mga pagkinabuhi, dayag lamang nga anaa ang pagduha-duha kay matod pa wa pay patay nga nibalik ug nisulti nga matuod ang tanan, kun duna man ugaling nan wala usab sila tuhoi kay ang tawo samtang magkinabuhi pa may pagka sigurista ug mao lamay iyang touhan ang iyang makita ug mahikap diin hikalimtan ang mga pagtulun-an nga gisangyaw sa mga maalamon sa Diosnong pagtulun-an niadtong mga unang tinawag.

Apan ang balaang kasulatan nagaingon bulahan ka igsoon nga mitoo sa mga butang bisan wala mo kini makita ug mahikap kay mao kini ang mga butang nga molungtad sa kahangturan, apan ang mga butang nga imong mahikap ug makita nan mahiuban kini sa abog ug mobalik sa yuta inig-abot sa panahun. Mas maayo diay nga atong dawaton diha sa atong kasing-kasing ang mga pagtulun-an nga gisangyaw ni Jesus ug sa iyang mga apostoles kay mao kini ang kabulahanan sa atong kalag, mag-unsa mantuod kun imo ang tanan bahandi dinhi sa yuta apan ayran ang imong kalag didto sa langit inig-abot sa panahun. Busa mas maayo ang atong hugton ang atong pagtuo, atong ipahari si Jesus diha sa atong kinabuhi ug atong itugyan ang tanan ngadto kaniya, kay matod pa sa balaang kasulatan dili gayud motalikod ang Dios niadtong mga tao nga midawat sa Dios diha sa ilang kasingkasing.

Monday, January 19, 2009

Ang Dakong Panon Sa Katawhan

GIPADAYAG 7: 9~17


9Tapus niini mitan-aw ako, ug ania karon, dihay usa ka dakung panon sa katawhan nga walay bisan kinsa nga makaihap, gikan sa tanang kanasuran, gikan sa tanang kabanayan ug katawhan ug pinulongan, nga sa atubangan sa trono ug sa atubangan sa Cordero nanagtindog sila nga nanagsul-ob ug maputi ug tag-as nga mga bisti, ug nanagdalag mga palwa sa palmera diha sa ilang mga kamot,

10ug nanagsinggit sa makusog nga tingog nga nag-ingon, "Ang kaluwasan gikan sa atong Dios nga nagalingkod sa trono, ug gikan sa Cordero!" 11Ug ang tanang mga manolunda nanagtindog nga nanag-alirong sa trono ug sa mga anciano ug sa upat ka mga buhing binuhat, ug unya mihapa sila sa atubangan sa trono ug ang Dios ilang gisimba 12nga nanag-ingon, "Amen! Ang pagdalayeg, ug ang himaya, ug ang kaalam, ug ang pagpasalamat, ug ang kadungganan, ug ang pagbulot-an ug ang kagahum ipahinungod ngadto sa among Dios hangtud sa kahangturan! Amen."

13 Unya gisultihan ako sa usa sa mga anciano nga nag-ingon, "Kinsa man kini sila nga nanagsul-ob ug mga bisting maputi ug tag-as, ug diin man sila gikan?" 14Ug ako mitubag kaniya, "Senyor, nasayud ikaw." Ug siya miingon kanako, "Mao kini sila ang nanagpakalabang sa dagkung kasakitan; ang ilang mga tag-as nga bisti gilabhan nila ug gipaputi diha sa dugo sa Cordero. 15Tungod niini anaa sila sa atubangan sa trono sa Dios, ug nagaalagad kaniya sa maadlaw ug sa magabii sulod sa iyang templo; ug ang nagalingkod sa trono magapanalipod kanila pinaagi sa iyang pagkaanaa.

16Sila dili na gutomon, ug dili na usab pagauhawon; dili na sila pagahasulon sa Adlaw, ni sa bisan unsang makasunog nga kainit. 17Kay ang Cordero nga anaa sa gitaliwad-an sa trono mamahimong ilang magbalantay, ug siya magatultol kanila ngadto sa mga tuboran sa mga tubig nga nagahatag ug kinabuhi; ug pagapahiran sa Dios ang tanang luha sa ilang mga mata."


PAGPAAMBIT SA MENSAHE:

Ang maong ebanghelyo maoy pagpasabot diha sa takna ug panahun nga gitagal sa Ginoo diin kitang tanan pagahukman sa Dios sebo sa iyang kabubut-on ug sebo usab sa atong binuhatan, diin miingon ang usa sa didto sa maong gingharian nga kinsa man kini sila ug si Juan mitubag nakaila ka man kanila Sir, apan ako wala, kay ang maong mga panon sa katawhan mga igsoon mao man kadtong gisaaran sa Dios diha sa kinabuhing dayun tungod sa ilang pagsunod sa kasugo-an ug mga tahas sa Dios sa walay pagmakuli.

Ang maong panan-awon ni Juan mao lamay pagpasabot sa mga katawhan nga kristyanismo sa sinugdangan diha sa tanan nilang pagpaningkamot ug tungod usab sa ilang kanunay nga pagsunod sa kabubut-on sa Dios ug sa mag tahas nga gisangon diha kanato.
Mao diay kini ang buot niyang atong pagahinuktokan diha sa pagpakatawo niining kalibutan, diin diha sa atong pag-abot dinhi sa kalibutan hubo kitang daan ug sa atong pagtalikod diha sa kamatayon atong ibilin ang tanan nga atong nahuptan nga mga butang niining kalibutana, pagpamatuod lamang sa pulong as Dios diha sa 1 Corinto, 1:28 nga nagaingon, walay bili ang mag tawhanon nga bahandi ug kaalam didto sa langit busa dili diay nato kinai ipasigarbo, ug kun aduna may atong ipasigarbo diha sa atubangan sa Dios kadto lamang mga milagro nga iyang gipasinati diha sa atong pagkinabuhi.

Ang maong ebanghelyo nagpasabot sa pagsaka sa atong kalag ngadto sa gingharian sa Dios diin matod pa kadto lamang sila, ang nakapasar o nakalabang sa kasakitan diha sa ilang pagkinabuhi diin ilang gipaputi ang ilang mga biste pinaagi sa paghugas niini kanunay ginamit ang dugo sa nati nga karnero, diin nagasabot kini diha sa pagkinabuhi nato nga espirituhanon uboss sa giya sa espiritu santo sa Dios diin nagsumikad usab kini diha sa pagpaubos sa atong pagkatawo ug pagpaubos sa atong mga garbo. Usa ka kamatuoran diha sa pulong sa Dios nga nagaingon kun gusto nimong himayaon ug daygon didto sa gingharian sa Dios nan puy-i ang pagpakabuhi nga puno sa pagpasakit, ppagpaubos ug pagdawat sa mga paglutos diha sa imong pagkinabuhi dinhi sa kalibutan diin maoy mahimo nimong tuko ug gabay ang kanunay ug hinay-hinay nga mga pag-ampo. Diin bulahan ka nga nakaambit diha sa mga kasakitan ni Jesus diha sa krus kay makaambit ka usab sa himaya sa pagkabanhaw ni Jesus didto sa langit.

Nga sa ato pa mga igsoon ang himaya nga gisaad sa Dios wala dinhi niiniing kalibutan nga atong gipuy-an kundili atu-a kini sa laing kalibutan, ang ato lamang kalag maoy mahiabot didto kay ang atong espiritu mobalik man sa Dios ug ang atong tawhanon nga lawas mobalik man kini sa abog, nga sa ato pa kawang lamang diay ang mga kalipay ug mga kaharuhay nga atong naangkon niini nga kinabuhi kay mawala man kini ug nga matapos ra diay kini, diin mas maayo diay nga atong mapalangdungan ang pagkinabuhi didto sa laing kalibutan diin mao kini ang kinabuhi nga gasubay sa kabubut-on sa Dios. Nga sa ato pa kun gusto kita nga mahiadto sa kinabuhi nga puno sa himaya ug mga kadasig didto sa laing kalibutan nagkahulugan kini nga una, magpaduol kita sa Dios ug ang ikaduha dili kita mahadlok mamatay kay kun gusto ka moadto sa gingharian sa Dios nan moagi ka una ug kamatayon aron mahimulag ang imong kalag imong espiritu ig imong tawhanon nga lawas.

Apan ang tawo mahadlok gayud sa kamatayon tungod kay una wa man siya makahibalo diha sa iyang buhaton diha sa iya unyang pagbiya sa kalibutan isip usa na ka espirituhanon, ikaduha mahadlok siya mahiadto as empiyerno ug ikatulo mawili pa gayud ang tawo diha sa pagkinabuhi nga tawhanon. Wala tinuod kasiguro-an ang pagkinabuhi sa kalag sa tawo didto sa laing kalibutan, diin bisan kadtong mga katawhan nga sa kanunay nagaampo ug nagpasidungog sa Dios apan diha sa ilang kamatayon walay siguro kun asa makapaingon ang ilang kalag, nan labi na ciguro kadtong mga katawhan nga walay mga pag-ampo mosamot gayud nga wlay kasiguro-an ang iyang kaluwasan.


Angay natong mahibaloan nga diha sa atong ikaduhang kinabuhi ang atong panumduman madala sa atong kalag, nga sa ato pa makadumdom kita diha sa mga tawhanon natong binuhatan sa nagkinabuhi pa kita. Angayan lamang nga diha sa atong pagkinabuhi niining kalibutan siguroon nato ang atong kalag nga adunay mga pag-ampo ug mga sakripisyo nga nahibaloan, diha sa pagsimba sa Dios sa Kamatuoran ug ingon man usab diha sa kanunay nga pag-ampo sa santos nga rosaryo alang sa kaluwasan dili lang sa atong kaugalingon kundili alang usab sa kasigurohan sa atong kalag.

Diin diha sa atong pagkinabuhi niining kalibutanA, diha sa pagpaduol nato kanaunay sa Dios nagpasabot kini sa pag-ambit nato sa mga kasakitan ni Jesus diha sa krus, nga sa ato pa kun haduol kita kanunay sa Dios, haduol ka sa pagsulay, kay matod pa diha sa ubang sinulat kun unsa kakusog ang espiritu santo diha sa imong pagkatawo nan mao usab kakusag ang dautan nga gustong motumba kanimo, diin walay laing tambal ug walay laing sagang ug taming gawas lamang sa mga pag-ampo ug uban sa bug-os ug hugot nga pagtuo sa Dios uban sa pagsalig ug paglaom, nga sa ato pa kanunay ka nga nagabuhat sa ma butang nga ikahimuot as Dios.

Ang uban moingon dili sila magpaduol sa Dios ug dili sila bisan paglili na lang diha sa mga sinagoga ug mga simbahan , o sa mga organsasyon nga makaDios kay dili nila gusto nga makasinati sa mga pagsulay sa kinabuhi, ang espiritu santo nagaingon bisan pa kun magpalayo ka sa Dios aron mahalikay sa sa mga paglutos apan kun nalatid nang daan sa Amahan ang imong kapalaran maagian gayud nimo an mga pagsulay diin bulahan kun aduna kay mga pag-ampo kay matukhan man ang mga pagsulay diha sa imong hugot nga pagtuo ug pag-ampo, Kay ang Amahan nga langitnon dili gayud mosugot nga moabot ang kataposang gutlo diha sa imong kinabuhi nga dili ka makaduol kaniya kun ikaw usa ka tinawag ug pinili sa Dios.

Kinsa man kining mga tinawag ug pinili sa Dios? Sila mao kanang mga panon sa katawhan diha sa ebanghelyo nga nakalatas sa pagsulay diha sa kinabuhi, diin kamatuoran lamang diha sa balaang kasulatan nga nagaingon daghan ang pinili sa Dios diin sama kini kabaga sa balas sa baybayon ug ang pinili pagapili-an pa, sa laing bahin sa sinulat nagaingon kini: Lahi-lahi ang pagtawag sa Dios kanato, ug dili ang tanan nga nagasangpit sa Dios ang makasulod sa iyang gingharian kundili kadto lamang nagasunod sa iyang kabubut-on.

Thursday, January 15, 2009

Gamita Ang Imong Lawas Sa Paghimaya Sa Dios

1 CORINTHO 6:12~20
Ang tanan gitugot kanako sa balaod. Apan dili ang tanan makatabang nako. Ang tanan gitugot kanako sa balaod, apan dili ko magpaulipon sa bisag unsa. 13 Ang pagkaon alang sa tiyan, ug ang tiyan alang sa pagkaon, apan ang Diyos molaglag ini. Ang lawas hinunoa, dili alang sa pamuta kondili, sa Ginoo; ug ang Ginoo alang sa lawas. 14 Ang Diyos nga nagbanhaw sa Ginoo, mobanhaw sab nato pinaagi sa iyang gahom.

15 Wala ba mo masayod nga ang inyong lawas mga bahin ni Cristo? Himoon ba ninyo ang maong bahin nga bahin sa puta? Dili motugot ang Diyos! 16 Wala ba mo masayod nga ang nakighilawas sa puta, nahiusa niya? Ang Kasulatan nag-ingon: Ang duha usa ka lawas. 17 Sa laing bahin, ang nahiusa sa Ginoo nahimong espiritu uban niya.18 Likayi sa hingpit ang pamuta. Ang ubang sala nga buhaton sa tawo wala maggamit sa lawas. Apan ang namuta nakasala batok sa kaugalingong lawas

19 Wala ba mo masayod nga ang inyong lawas templo sa Espiritu Santo nga naa sulod ninyo, hinatag sa Diyos? Dili na mo tag-iya sa inyong kaugalingon. 20 Hinumdomi ang presyo sa gibayad alang ninyo. Busa, himayaa ang Diyos sa lawas ug sa espiritu nga iya sa Diyos.



PAGPAAMBIT SA MENSAHE:

Ang maong ebanghelyo nagpasabot diha sa atong pagpakabuhi dinhi niining kalibutan diin sa nagkinabuhi pa kita ang utok nga kabahin sa atong tawhanon nga lawas mao nagamando diha sa kinatibuk-an a atong pagkatawo diin pinaagi diha sa tong mga nakita, nadungog o nabasahan ang atong panghuna-huna mouban gayud diha sa unsay anaa sa palibot. Nga sa ato pa samtang buhi pa , kita gayud ang hari sa atong kaugalingon, diin atong madiktahan ang atong kalag ug espiritu kay lagi tawo pa paman kita,

Diin ang balaang kasulatan nag-ingon diha sa 1 Corinto, 3: 16, nga ang atong lawas maoy templo sa Dios , ug si kinsa man nga molaglag sa templo sa Dios nga atong lawas nan iya sab nga pagalaglagon. Nga sa ato pa ang espiritu sa Dios nagauban kanato sa kanunay isip maoy maghatag ug giya diha sa atong pagkinabuhi niining kalibutana

Ang atong lawas samtang nagkinabuhi pa sangkap sa tulo ka elemento, atong tawhanon nga lawas, atong kalag ug sa atong espiritu, diin sa higayon unya nga motalikod na kita niining kalibutana, mahabilin ang atong lawas diin mobalik kini sa abog ug ang atong espiritu maoy mobalik ngadto sa Dios ug maoy moreport sa atong mga kasal-anan, ug
ang atong kalag , maoy maghulat sa kataposan paghukom diin maoy mangatubang sa Dios ug maoy pagasul-oban sa espirituhanong lawas kun maangkon nato ang himaya sa langit.

Sa ato pa ang atong tawhanon nga lawas temporaryo lamang niining kalibutana diin diha sa imong pagkinabuhi kun nagpalabi-labi ka diha sa mga kahilayan nan alaot ang imong kalag kay maglutaw man siya didto sa limbo ug wala kahibalo kun unsay iyang buhaton, kay ang naandan man lang nga bulohaton mao lamang ang mga tawhanon nga kailibgon diin wala man maandam diha sa espirituhanong pagpanlihok sama sa mga pag-ampo ug mga sakripisyo, nan angay lamang diay nga atong gamition ang atong lawas diha sa mga gimbuhaton nga ikahimuot sa Dios kay sa higayon nga mobiya na kita dinhi sa kalibutan aduna ray mabit-bit ang imong kalag, diin nga nagaingon usab ang atong panumdoman ipauban sa imong kalag diha sa imong pagtalikod sa kalibutan diin madumduman nimo ang imong mga kalapasan diin wa kanay mahimo kay wala na man kanimo ang imong tawhanon nga lawas ug ang imong espiritu mibalik na sa Dios diin ikaw na lamang nga kalag ug ang imong panumduman maoy maghinuktok diha sa limbo sa laing kalibutan.

Wala na kita kapas bisan diha sa atong mag pag-ampo kun kalag na kita adunay kakulangon kay wala na man kitay espiritu diin dugay na mahiabot ang mag pag-ampo. Angayan diay nga samtang buhi pa atong gahinan ang Dios diha sa mga pag-ampo sa pagtabang sa atong isigkaingon ug labaw sa tanan diha sa pag-alagad gayud sa Dios pinaagi sa pagtabang niadtong nanginahanglan.

Ang balaang kasulatan nagaingon, ayaw na pangandoy pa ug dugang bahandi, insakto na ang anaa kaninyo, kay ako nga inyong Dios dili, gayud mahitabo nga motalikod kaninyo. Kay unsa may arang sa tawo nga sa iyang pag-abot niya dinhi sa kalibutan naghubo man lang siya ug wala siyay dala, ug sa iyong pagbiya, mabilin man usab ang unsa man nga iya sa buhi pa siya, walay bahandi nga iya sa kalibutan nga iyang mabitbit, gawas lamang sa mga pag-ampo ug mga langitnong hiyas nga iyang madala ug isukip diha sa iyang kasingkasing.

Nga sa ato pa usa kini ka pagtulun-an nga dili angay nga magpalabi-labi kita diha sa atong isaigkatawo, dili angay nga magpagkadautan kita ug magpakabuta bungol diha sa nanginahanglan kay pag-abot sa panahun tubagon mo kini atubangan sa Dios Amahan. Angayan diay nga pangandaman nato ang atong pagkinabuhi didto sa laing kalibutan aron kahimut-an ug pasidunggan kita sa Dios pag-abot sa oras nga iyang gitakda.

Tuesday, January 13, 2009

Misaad Ang Ginoo Nga Mobalik Siya

2 PEDRO 3 :1~18
3 • 1 Mga minahal, ikaduha ning sulat alang ninyo. Sa duha, pareho ang akong tuyo: ang pagpahinumdom sa maayong pagtulon-an. 2 Ayawg kalimot sa mga pulong sa balaang mga propeta, sa pagtulon-an sa atong Ginoo ug Manluluwas, ingon man sa nabati ninyo sa mga apostol.

3 Una sa tanan, hinumdomi nga sa kataposang mga adlaw ang tigbiaybiay magpakita. Ang pagbiaybiay nila nagsilbi sa daotang tinguha. 4 Miingon sila: “Unsay nahitabo sa gisaad nga pag-abot? Sukad nga nangamatay ang atong ginikanan, ang tanang butang nagpadayon sama kaniadto, sa pagbuhat pa sa kalibotan.” 5 Sa pagkatinuod, wala nila dawata nga sa sinugdan unang gibuhat ang kalangitan. Ang yuta migawas sa tubig. Gihatagan nig porma sa Pulong sa Diyos. 6 Sa samang Pulong sa Diyos, kining kalibotana nalaglag sa baha.

7 Sa maong paagi, ang Pulong sa Diyos nag-amping sa langit ug yuta nga nia karon, apan unya, sunogon sa kalayo. Gitipigan ni alang sa Adlaw sa Hukom kanus-a ang wala motoo sa Diyos dugmokon. 8 Mga igsoon, ayawg kalimot, nga uban sa Ginoo, ang usa ka adlaw sama ra sa usa ka libo ka tuig ug ang usa ka libo ka tuig sama ra sa usa ka adlaw. 9 Ang Ginoo dili maglangan sa pagtuman sa saad, bisag maghisgot ang uban og kalangan. Busa, gihatagan mog panahon, kay dili siya buot nga may mawagtang. Hinunoa, nga ang tanan makakab-ot sa kausaban. 10 Ang Adlaw sa Ginoo moabot sama sa kawatan. Unya, ang kalangitan matunaw uban sa tumang kagahob. Tunawon sa kalayo ang tanan. Ang yuta ug ang naa ini maugdaw.

11 Kay mahanaw man ang tanang butang, kinahanglan nga balaan ug makidiyosnon ang inyong pagkinabuhi, 12 samtang nagpaabot mo sa Adlaw sa Diyos ug nangandoy sa iyang pagbalik. Sa maong adlaw tunawon ang langit sa kalayo ug matunaw ang naa sa kalibotan tungod sa kainit. 13 Magpaabot ta sa bag-ong langit ug sa bag-ong yuta diin magmando ang hustisya sumala sa gisaad sa Diyos.

14 Busa, pinangga kong mga igsoon, samtang naghulat mong mapaaboton, paningkamoti nga makita mo sa Diyos nga walay mansa o sayop, nagpuyo sa kalinaw. 15 Isipa nga ang pailob sa Diyos alang sa atong kaluwasan, sumala sa gisulat sa hinigugma tang igsoon nga si Pablo sa kaalam nga gihatag kaniya. 16 Gihisgotan kining mga butanga sa tanan niyang sulat. May pipila hinuon ka punto nga lisod sabton. Ang mga ignoranti ug dili hingkod sa pagtoo, motuis ini sama sa gibuhat nila sa ubang kasulatan. Kini ra sab ang nagdalag kapildihan.

17 Busa, mga minahal, sanglit daan na mong gipasidan-an, pagbantay. Basig ang nahisalaag manglimbong ninyo. Daldalon mo aron masukamod, ug sa kataposan, mapukan. 18 Tubo sa grasya ug kahibalo sa atong Ginoo ug Manluluwas, si Cristo Jesus: Kaniya ang himaya, karon ug hangtod sa adlaw nga walay kataposan. Amen.


PAGPAAMBIT SA MENSAHE:

Ang maong mensahe nagpasabot diha sa pagsaad sa Ginoo diin mobalik siya aron sa paghukom sa mga buhi ug sa mga patay, diin dili kini mahibaw-an kun kanus-a ug unsang tuiga kay matod pa daw sama siya sa kawatan diin diha sa iyang pag-abot wala na kitay higayon sa pag-ilis o sa pagpangandam diin kun asa ka maabti diha sa maong pagbalik sa Dios nan wala kanay panahun sa pagpauli aron sa pagtapok sa imong mga sakop sa pamilya.

Daghan ang mga pagtulun-an nga nanagutana kun mahitabo pa ba ang maong pagbalik sa Dios diin 2000 na man katuig ang milabay ug nangamatay na ang taaang mga propeta ug diin hinay-hinay na usab nangabot ang daghan mga pagtulun-an nga naglutos ug nagtuki diha sa pagbalik sa atong Ginoo.

Apan ang Dios misaad nga mobalik nan mobalik gayud siya, diin giingon diha sa ebanghelyo, ang 1 ka adlaw daw sama kini sa 1000 ka tuig ug ang 1000 ka tuig daw sama lamang kini sa usa ka adlaw, nga sa ato pa kabubut-on gayud sa Dios Amahan ang pagbalik sa anak diin iya pang gitan-aw kun naandam naba ang tanan diha sa iyang pagbalik diin maoy gusto sa Dios nga daghan ang maluwas sa iyang pagbalik, ilabi na kadtong iyang mga pinili nga katawhan, nan kun makita niya kini dili na niya langanon ang pagkunsad sa anak dinhi sa yuta apan kun makita niya nga daghan pa ang kulang diha sa iyang pagbalik nan gikinahanglan una ang igo nga pagpangandam diin ang tanaan sebo gayud sa kabubut-on sa Amahan.

Kay giingon diha as laing bahin sa sinulat nga kun giunsa ni Jesus sa pagkayab ngadto sa langit nana mao usab unya ang pagkanaug dinhi sa yuta diin saksihan kini sa mga anghel sa kahitas-an diin nanag-awit sa awit sa pagdayeg. Sa ingon usab kun unsa ang panagway ug pamayhon sa iyang mga katawhan sa iyang pagsaka sa langit nan mao usab unya ang panagway sa mga katawhan nga mosugat sa iyang pagbalik.

Kinsa man kining mga tawhana nga mosugat sa iyang pagbalik diin sama niadtong nahisgutan sa bibliya diin nagasunod ug nagatuman sa mga kabubut-on sa Dios ug nagasul-ob sa hiyas nga espirituhanon nga maoy gisul-ob ni Jesus sa iyang pagpakabuhi dinhi sa kalibutan. Mga igsoon Ang “Spiritual Charisnmatic Mother of Mercy gitukod pinaagi sa giya sa Dios espiritu santo 20 anyos na ang milabay, human gayud sa maong milagro nga iyang gipakita sa mga katawhan didtong dapita sa Balulang , Cag de Oro, mao usab ang paghimugso sa maong pagtulon-an, diin ang mga pamaagi niini nasubay gayud sa lagda sa balaang kasulatan.

Mao kini ag kamatuoran diha sa nakasaad sa tinagong mensahe sa milagro sa Birhen sa Fatima didtong dapita sa Europa…diin sa dihang kini gitago-an sa dugayng panahun sa Santo Papa sa Roma, mga 2003 gipadayag kini diin sa dili pa matapos ang kalibutan daghan mga katalagman ang ipasinati diin adunay dakong linog nga mahitabo, diin ang kalibutan motuyok sa iyang naandan nga nahimutangan apan daghan ang maluwas diin giingon didto nga kadto lamang mga tawo nga dunay mga pag-ampo ang maluwas, ug ang kadtong maluwas, magasimba na lamang sa usa ka pagtulon-an, ang tinago nga pagtulon-an nga gitukod ni Jesus. Nga sa ato pa mao kini ang katumanan sa pagtulun-an nga gisaad ni Jesus nga mao gusto sa amahan nga mosimba kaniya…

Sa ato pa mga igsoon ni Kristo ang pagtulun-an nga Tinago sa Kamatuoran masangyaw kini sa tibuok kalibutan mosugot kita o dili aron matuman ang sinulat sa laing bahin sa kasulatan nga nagaingon maoy gusto sa Amahan nga ang iyang mga katawhan magasimba sa tinago nga kamatuoran ug nagpasabot lamang kini sa katumanan sa pagpangandam sa Dios diha sa pagbalik sa iyang anak. Ang mga katawhan niini nga pagtulun-an maoy gusto sa Dios nga mosugat sa iyang anak aron matuman ang laing bahin sa sinulat sa balaang kasulatan nga nagaingon, kun unsa ang panagway ug pamayhon sa iyang katawhan diha sa iyang pagbiya nan mao usab unya ang panagway ug pamayhon sa mga katawhan diha sa iyang pagbalik.
:
:

Friday, January 9, 2009

Maayong Sundalo Ni Jesu Cristo

2 TIMOTEO 2: 1~26

1 Busa, anak ko, lig-ona ang kaugalingon sa grasya nga naa ni Cristo Jesus. 2 Isalig sa mga matinud-anon ang nadungog mo nako atubangan sa daghang sasi aron manudlo sila sa uban. 3 Pag-ugmad nga daw maayong sundalo ni Cristo Jesus. 4 Ang sundalo dili manginabuhi sama sa ordinaryong mga tawo, kay buot siyang makapahimuot sa labawng opisyal. 5 Walay magdudula nga purongpurongan hangtod nga nakigtigi na siya sa kaatbang. 6 Ang mag-uuma magbudlay una mopahimulos sa mga bunga. 7 Hunahunaa pag-ayo ang akong gisulti nimo: Ang Ginoo mopasabot sa tanan.

8 Hinumdomi si Cristo Jesus nga naggikan sa kaliwat ni David. Nabanhaw siya sumala sa atong Ebanghelyo. 9 Tungod ini nag-antos ug nagapos ko sama sa kriminal. Apan dili magapos ang pulong sa Diyos. 10 Giantos ko ang tanan tungod sa piniling katawhan. Sa ingon makab-ot nila ang kaluwasan ni Cristo Jesus ug makaambit sila sa walay kataposang himaya.

11 Tinuod kining pahayaga: Kon mamatay ta uban niya mabuhi sab ta uban niya; 12 kon mag-antos ta tungod niya, maghari sab ta uban niya; kon ato siyang ilimod, ilimod sab ta niya. 13 Kon dili ta matinud-anon, magpabilin siyang matinud-anon, kay dili man siya makalimod sa kaugalingon . Hunongon ang mga Lantogi

14 Pahinumdomi ang iyang katawhan ining mga butanga. Aghata sila atubangan sa Diyos sa paghunong sa panaglalis. Wala niy kapuslanan. Makalibog lang hinuon sa naminaw. 15 Paningkamoti nga malig-on ka nga sulugoon sa Diyos, trabahador nga walay daotang binuhatan, naggamit sa matuod nga pulong. 16 Likayi ang walay hinungdang panagsultisulti nga sukwahi sa pagtoo. Magdala ni sa labaw kadako nga kakulang sa pagtoo. 17 Mokatag ang maong balita sama sa ganggrena, labi na si Hemenio ug Fileto. 18 Mitipas na sila sa kamatuoran. Nagtoo sila nga naabot na ang pagkabanhaw. Sa ingon, nakabalisa sila sa pagtoo sa uban. 19 Apan nagbarog gihapon nga lig-on ang baroganan nga gipahimutang sa Diyos. Nasulat ini: nakaila ang Diyos sa iyaha, ug: patalikda sa kadaotan ang misangpit sa ngalan sa Ginoo.

20 Dili lang mga sudlanan nga hinimo sa bulawan ug plata ang naa sa dakong balay kondili, ang hinimo pod sa kahoy ug sa yuta. Ang pipila gigahin alang sa opisyal nga kagamitan, ang uban sa ordinaryo lang. 21 Kon ang tawo makalimpyo sa kaugalingon sa butang nga akong giingon, mahamili siyang sudlanan, mapuslanon alang sa Ginoo, giandam alang sa balaang katuyoan.


22 Likayi ang batan-ong kahilayan; pangitaa ang katarong, pagtoo, gugma ug kalinaw, uban sa magsangpit sa Ginoo sa lunsayng kasingkasing. 23 Likayi ang binuang ug way hinungdang panaglalis nga masangko sa way pagsinabtanay. 24 Dili palaaway ang nag-alagad sa Ginoo. Hinunoa, aghop sa tanan ug kaantigong maminaw. 25 Maayo siyang mobadlong sa kaatbang, tingalig basolon sila sa Diyos sa mga sala ug makaplagan nila ang kamatuoran. 26 Basig makalikay sila sa mga lit-ag sa yawa nga nagbihag nila sa kaugalingong kabubut-on


PAGPAAMBIT SA MENSAHE:


Ginaingon diha sa ubang sinulat nga si Jesus maoy buhing panagway sa dili makita nga Dios diin, maoy tumong sa pag-anhi ni Jesus sa kalibutan aron sa pagluwas natong mga makasasala, ubos usab sa kasugoan sa Amahan Dios ug kini tungod sa gugma ug kalooy sa Amahan kanato nga iyang mga katawhan. Sa ato pa dili tiaw ang paghuigugma ug pagmahal sa Dios kanatong tanan tungod kay siya man ang miduol ug nangita kanato.

Gipakita ni Jesus dinhi sa yuta ang sumbanan sa usa ka maayong lider diha sa usa ka relihiyusong pagtulon-an, iyang gisangyaw ang maayong balita sa walay pagsapayan nga daw sama siya sa ulipon diin nagasilbi ug nagagiya ug nagahatag ug mga milagro sa iyang mga sumosunod. Usa ka gimbuhaton nga iyang gipakita ug gipasunod niadtong mga mabuot ug mga putli niyang apostoles diin pinaagi sa paghatag kanila sa pan ug bino niadto kataposang panihapon iyang gipasabot nga magapadayon sila sa pagsangyaw sa maong gimbuhaton ang pagpakaon sa mga katawhan sa espirituhanong kalan-on diin nagasimbolo kini sa pan ug bino.

Misangyaw ang mga apostoles sa upat ka suok sa kalibutan diin walay laing hinagiban ug gisaligan gawas lamang sa mga pag-ampo ug mga armadora inubanan sa kaalam nga iya sa espiritu santo diin ilang gibaktas, ilang gilatas ang mga kabukiran ug ang mga siyudad sama sa siyudad sa Roma nga maoy sentro sa sibilisasyon niadtong panahuna, ug maoy usay mga manlulutos sa mga sumosunod ni Kristo diin kadaghanan sa mga maalamon niadtong panahuna gihimong Dios ang ilang bahandi ug misimba sa Dios-dios ug nahimong segundo lamang ang pag-ila nila sa Dios Amahan nga maoy nasunod nila sa ilang mga katigulangan ug sa mga propeta niadtong panahuna.

Apan lagi kay ang nagsugo niadtong mabuot nga mga apostoles ni Kristo niadtong panahuna, dili man tawo apan Dios nga matuod ug maoy bugtong manunod sa trono sa iyang Amahan didto sa langit, nan maisogon sila sa pagsangyaw sa ngalan ni Kristo bisan nagkahulugan kini sa ilang kinabuhi. Usa ka kamatuoran diha sa balaan kasulatan sa Mateo 17: 24~25 nga nagaingon: Kun gusto nimong mahimong estudyante ni Jesus nan kalimti ang imong kinabuhi, pas-ana ang imong krus ug sunod sa pagtulon-an nga gisangyaw ni Jesus kay bulahan ka nga makaambit sa iyang mga kasakitan diha nianang krus kay makaambit ka usab sa himaya sa iyang pagkabanhaw didto sa gingharian sa Dios.

Usa kini ka kamatuoran niining bag-ong panahun karon diin daghan nga nanggawas nga pagtulon-an, daghan ang nagsangyaw sa iyang ngalan kay lagi gustong moambit himaya didto sa langit diin ang balaang kasulatan nagaingon, daghan ang iyang gitawag apan pipila lamang ang naminaw, daghan nakabati apan pipila lamang ang nakadungog, ug daghan ang gusto mahimong sundalo ni Jesus sumala sa ebanghelyo apan wala makasabot kun unsaon pagsunod sa kabubut-on sa Dios.
:
Ang balaan kasulatan nagaingon kun gusto nato nga himayaon didto sa gingharian sa Dios nan puy-i ang kinabuhi nga puno sa mga paglutos, pagdaug-daug ug mga kalisod diha sa kinabuhi diha sa mga pagsulay dili lamang diha sa pagtulon-an nga imong gibarugan dili lamang diha sa imong pamilya, kundili diha usab sa imong pagtuman sa kabubut-on sa Dios, kini nagtimaan lamang sa kalisod sa pagsulod sa gingharian sa Dios ug mas masayon ang pagsunod sa dalan sa kalaglagan sa atong mga kalag diin mao na kanang mga tawhanon nga kailibgon diha sa palibot diin anaa ang mga kahilayan ug mga tawhanon nga mga binuhatan, apan bulahan pa sila mga igsoon kay inosente pa sila sa kamatuoran, apan kita nga nasayod ug nakatukib niining maong pagtulon-an nga atong gibarugan kun motalikod niini, wala nay pasaylo ang Dios para kanato.
:
:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo