Ang Dakong Tinago

1 TIMOTEO 3: 14~16

• 14 Ako ning gisulat, malaomon nga magkakita dayon ta. 15 Apan kon madugaydugay ko, mahibalo mog unsay buhaton sa balay sa Diyos, ang buhing iglesia sa Diyos, ang haligi ug baroganan sa kamatuoran. 16 Pagkadako sa misteryo sa diyosnong himaya!
Nagpakita siya pinaagi sa karne,
ug gibalaan sa Espiritu,
gipaila sa mga anghel
ug gipahayag sa tanang nasod.
Gitoohan sa tibuok kalibotan
ug gibayaw sa kahimayaan

PAGPAAMBIT SA MENSAHE:

Ang maong ebanghelyo naghisgot diha sa tinagong kamatuoran niadtong panahun ni Jesu Cristo. Diin diha mismo sa mga panagna sa unang mga propeta daan na nga gihatag isip sambingay ang pag-abot sa mesiyas. Ang hari sa mga hari, diin ginaingon diha nga hari siya sama ni Haring David nga pagaludhan sa tibook kalibutan. Daghan ang nagatuo ug nagpasabot nga ang moabot , hari nga tawhanon diin sama kini kaisog ug kahalangdon ni Haring David.

Diha sa nagpakatawo na si Jesus diin miabot siya sama sa yano ug ordinaryong tawo diin nagsumikad siya sa kagikan ni Abraham, diin ang iyang ma ginikanan, hubo sa bahandi ug gipakita lamang usab sa Dios ang iyang kabubut-on diin ang iyang bugtong anak nga si Jesus didto niya ipakatawo sa pasongan sa baka. Usa ka mensahe diha sa kristuhanon nga apgtulon-an nga ang ikalipay diay sa tawo mao gayud ang kabulahanan sa iyang kalag, mag-unsa man tood ang tawo nga diha sa iyang pagkatawo naglutaw sa bahandi niining kalibutana apan hubo sa bahandi nga iya sa espiritu santo.


Dili mahinungdanon kun unsa ang imang mga kalisdanan dinhi sa yuta para sa Dios kay mas bililhon sa Dios nga hamugaway ang imong kalag inig-abot nimo didto sa iyang gingharian. Usa ka talamdan diha sa balaang kasulatan nga nagaingon, ang nagpakaubos dinhi sa ibabaw sa yuta nan ipataas sa Dios didto sa iyang gingharian, apan ang mapahitas-on dinhi sa yuta nan ipaubos ug dili ilhon didto sa iyang gingharian sa langit.


1 Corinto 1:28, nagaingon Gipili sa Dios ang mga tinamay ug mga sinalikway ug gipakawalay bili sa mga tawo, aron pagpaila nga walay bili ang giisip nga hinungdanon sa mga tawo, aron wala gayuy makapasigarbo diha sa atubangan sa Dios. Kay walay atong angay ipasigarbo atubangan sa Dios, gawas lamang sa mga milagro nga iyang gipasinati diha sa tagsa-tagsa nato ka kinabuhi.

Sumala sa balaang kasulatan, Si Jesus nagaingon, Sa higayon nga mobalik na ako sa Amahan, tagaan ko kamo ug manlalaban, ang espirito sa kamatuoran, nga molaban kaninyo hangtod sa kahangturan. Dili siya mailhan sa kalibutan kay dili man siya makita ni mahikap, apan makaila kamo kaniya, kay makig-uban man siya kaninyo. 1 Corinto 3: 16, nagaingon: ang lawas sa tawo maoy templo sa Dios espiritu santo, ug ang molaglag sa templo sa Dios iya sab nga pagalaglagon. Nga sa ato pa kamatuoran ang tanan, nga bisan wala na si Jesu-Cristo apan iyang gipabilin ang kataposang manlalaban, ang espiritu sa kamatuoran, nga maoy molaban kanato hangtod sa kahangturan.

Mao kini ang kataposang tinago nga hinay-hinay nga gipadayag diha sa pagtulon-an nga atong gibarugan, nga buhi ang Dios nga atong gialagaran, nga anaa lamang usab siya nagapuyo diha sa atong kasing-kasing. Diha sa ubang sinulat ngaingon nga diha as pagpakighigala sa Dios pinaagi kang Kristo Jesus may pag-ambit diha sa mga kasakitan nga nasinati ni Jesu Cristo dinhi niining kalibutan.

Ubang sinulat sa balaang kasulatan nagaingon: Kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulon-an nga gisangyaw ni Kristo, kay bulahan ka nga nawad-an ug kinabuhi diha sa pagsunod mo sa iyang kabubut-on kay mahatagan ka ug dugang kinabuhi, apan kun magdumili ka diha sa pagsunod sa iyang kabubut-on sa kahadlok nga mawad-an ug kinabuhi nan basin ug kawad-an ka niini.

Ang Panag-ingnan Ni Agar Ug Ni Sara

GALACIA 4: 21~27

• 21 Sultihi ko, kamo nga nagtinguha pagbalik ubos sa Balaod, nasayod ba mo sa Balaod? 22 Ginaingon nga si Abraham dunay duha ka anak, ang usa sa babayeng ulipon, ug ang lain sa gawasnon, ang asawa. 23 Ang anak sa ulipon natawo sama sa tanan. Apan ang anak sa gawasnon natawo aron matuman ang saad sa Diyos.

24 Kining duha ka babaye nagkahulogan sa duha ka kasabotan. Ang una gikan sa Bukid Sinai, nga mipakatawog mga ulipon nga gilarawan ni Agar, 25 ang ulipon kay ang Bukid Sinai tua man sa Arabia, ang nasod ni Agar. Sa maong kasabotan nakasukad ang syudad karon sa Jerusalem nga naulipon uban sa iyong mga anak.

26 Apan ang Jerusalem sa kahitas-an nga mao ang atong inahan, gawasnon. 27 Ang kasulatan nag-ingon bahin niya: Pagmaya, babayeng dili manganak ug walay anak, singgit sa kalipay, ikaw nga wala makatagamtam sa kasakit sa panganak, kay mas daghan ang mga anak sa inahang biniyaan kay sa minyo.

28 Mga igsoon, mga anak mo sa saad, sama ni Isaac. 29 Apan sama adtong panahona, ang anak nga natawo sumala sa unod migukod ni Isaac, nga natawo sa Espiritu. Mao sab karon. 30 Unsay giingon sa kasulatan? Papahawaa ang babayeng ulipon ug ang iyang anak. Ang anak sa babayeng gawasnon dili makapaambit sa kabilin uban anak sa ulipon.
31 Mga igsoon, dili ta mga anak sa ulipon, apan sa gawasnon.


PAGPAAMBIT SA MENSAHE:

Ang maong ebanghelyo maoy usa ka sambingay diha sa atong pag-alagad sa Dios nga ang tanang tawo dinhi sa kalibutan makasasala man, apan kun halu-ag ang atong pagsabot diha sa kabubut-on sa Dios diin sa kanunay atong gitagaan ug respeto ang gahum sa Dios diin anaa kita diha sa mga pag-ampo ug sa pagrosaryo matag-adlaw nan lamdagan ka gayud kanunay sa espiritu santo diha sa pagpaluag sa imong pagsabot diha sa kasugo-an sa Dios.

Diin basin diha sa imong mga kasal-anan apan gipanalanginan ka sa Dios espiritu santo ug giisip nga anak nga matuod diha sa iglisea nga imong gibarugan, kay mag-unsa man tuod ang imong pagkaanak sa Dios o anak sa iglisea sa kamatuoran diin sukwahi ang imong gibuhat kay sa nakalatid diha sa maong pagtulon-an nga imong namat-an, nan sama ka usab sa anak sa gawas kay dili kaman unya ilhon sa Dios nga anak ug matuod nga anak sa iglisea nga imong gibarugan.

Maoy atong himoong sumbanan si Abraham nga unang tinawag sa Dios diin tungod sa talagsaon niyang pagtuo sa iyang Dios ug atong Dios gisaaran siya nag mamahimong amahan sa tanang nasod ug nga ang iyang mga kaliwatan magapuyo didto sa yuta sa mga saad , apan sa dili pa kana mahitabo moagi una ug pagsulay ang iyang mga kaliwatan, diin mahimo una silang ulipon sulod sa 400 ka tuig ayha sila mahatagan sa maong yuta diin mao kadto ang Canaan nga gisaad sa Dios kanila. Pinaagi kang Abraham gipakita lamang sa Dios ang sumbanan diha sa usa ka matuod nga magtutuo diin mao gayud ang tanom sa huna-huna nga ang Dios kun maoy mosaad matuman gayud kini.

Natuman ang tanang saad sa Dios ngadto kang Abraham, nahatag gayud sa ilang kaliwatan ang yuta sa mga saad nga mao ang Canaan ug natuman gayud ang laing bahin sa kasulatan nga nagaingon nga si Abraham maoy mangamahan sa tanang nasod sa kalibutan, pinaagi kang Jesu-Cristo nga atong manluluwas. Ang balaang kasulatan nagaingon kun imong gidawat si Jesus nga imong Dios ug manluluwas nan kaliwat ug anak ka ni Abraham.

Diha sa maong ebanghelyo nagpasabot lamang nga kun gidawat mo si Jesus nga imong Dios ug maoy bugtong manluluwas nan matood kang anak ni Abraham kay sama ka man unya sa anak ni Sarah nga matuod nga asawa ni Abraham, Apan kun wala kay pagpakabana diha sa mga mensahe sa Dios diin bisan diha sa pagtawag kanimo nagpakabuta-bungol ka lamang kay maoy mahinungdanon kanimo ang mga kalibutanon nga mga bahandi nan sama ka usab sa ank ni Agar diin matawag nga anak sa gawas tungod kay ikaw man mismo aang naghatag ug badlis diha sa imong pagkaanak ug pagkaulipon.

Ang pulong sa Dios nagaingon daghan ang iyang mga pinili ug tinawag dinhi sa ibabaw sa kalibutan, apan dili ang tanan tawo dinhi sa kalibutan iyang tinawag, nga sa ato pa kadtong wala niya tawga ug pili-a nan dinhi lang gayud sila sa kalibutan, apan ang iyang mga pinili adunay kahigayunan nga maluwas ngadto sa kinabuhing dayun. Ang Dios miingong nga ang iyang mga pinili pagapili-an pa, Matod pa usab diha sa uban niyang pulong nga ang iyang mga tinawag ug pinili dili gayud kay magalingkod lingkod lamang ug maghulat sa pagbalik sa anak sa Dios kundili pagasulayan gayud sila kun asa kutob ang pagsunod sa kasugo-an ug kabubut-on sa Dios kay matod pa pagasulayan man gani ang bulawan sa kalayo kun kini puro ba ang iyang pagkabulawan nan ang tawo pagasulayan usab sa Dios kay mas dako pa man kini ug bili kay sa bulawan.

:
Usa lamang ka pagpasabot diha sa ubang sinulat nga nagaingon lahi-lahi ang pagtawag sa Dios kanato apan dili ang tanan nga nagasangpit sa iyang ngalan, Dios ko, Dios ko, makasulod sa iyang gingharian kundili kadto lamang nagatuman sa iyang kasugo-an.

Mga Tubig Sa Sapa Nga Naghatag Ug Kinabuhi

JUAN 7: 37~47

• 37 Sa kataposan ug kinadak-ang adlaw sa pangilin, mibarog si Jesus ug misinggit, “Paaria ang tanang giuhaw. Ug tugti pag-inom ang mitoo nako. 38 Nag-ingon ang Kasulatan, “Gikan niya modagayday ang mga sapa sa buhing tubig.”
39 Nagpasabot si Jesus sa Espiritu nga madawat sa motoo niya. Wala pa ikahatag ang Espiritu, kay wala pa mosulod si Jesus sa Himaya.

40 Daghan sa nakadungog sa iyang mga pulong miingon, “Kini ang Propeta.” 41 Miingon sab ang uban, “Kini ang Cristo.” Apan nahibulong ang uban, “Sa Galilea ba maggikan ang Cristo? 42 Dili ba, nag-ingon man ang Kasulatan nga ang Cristo kaliwat ni David ug taga Betlehem? 43 Busa, nabahin ang mga tawo tungod niya. 44 Ang uban buot modakop niya, apan walay mibakyaw sa kamot. 45 Unya, ang mga gwardiya sa templo mibalik sa kadagkoan sa mga pari ug mga Pariseo ug nangutana, “Hain siya? Wala mo makadala niya?” 46 Mitubag sila, “Wala pay tawong nakasulti sama niya.” 47 Busa, miingon ang mga Pariseo, “Nailad ba sab mo!

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa mga buhing pulong sa Dios diin gipanag-ing siya sa sa tubig sa sapa nag nagatubod ug walay pagkahubas diin si kinsa man ang mituo kaniya ug miinom dili gayud uhawon hangtod sa kahangturan, Kini mao ang espiritu santo nga madawat ug mokunsad sa tawo kun niadtong mga katawhan nga nagatoo sa Dios.

Apan sa nagpakabuhi pa si Jesus dili pa madawat sa iyang mga sumosunod ang maong espiritu santo kay matod pa sa ubang sinulat sa balaang kasulatan :Nagaingon si Jesus nga sa higayon nga motalikod na siya sa iyang mga katawhan, diin mobalik na siya ngadto sa iyang gingharian, magahangyo siya sa iyang Amahan nga padad-an niya kita ug kataposan manlalaban ang espiritu santo sa kamatuoran, nga molaban kanato hangtod sa kahangturan.

Giingon diha sa ubang sinulat nga walay nakaila Kaniya kay dili man siya makita ug mahikap. Apan makaila kita kaniya kay magapuyo ug magauban man siya kanato. Nan mao kini ang unod sa maong ebanghelyo diin kun atong dawaton ug ipahari si Jesu Cristo diha sa atong kasing-kasing sa kanunay maato ang dakong panalangin sa Dios, kay hatagan mo man ug dakong luna ang espiritu santo diha sa atong kasing-kasing.

Unsa man ang timailhan nag nagasubay na kita sa dalan nagdto sa gingharian sa Dios nga nahatala diha sa balaang kasulatan, diin ginaingon nga ang dalan paingon sa langit, tunukon, hagip-ot, ug bakilid diin batoon kani ug walay ganahan moaagi niini, ug kun duna man gani makakaplag sa maong dalan pipila lang usab ang moabot sa tumoy. Apan mao kini ang kabubut-on sa Dios kay ng iyang pinili ug tinawag nga katawhan magaagi gayud sa mag pagsulay sa kinabuhi, diha sa mga paglutos, sa pagdaug-daug ug diha mismo sa mga pagsaway sa imong isigkamagtuto-o.

:
Nan kun nakasinati ka na niini nan bulahan ka igsoon kay ang pagtulon-an nga imong gibarugan diha sa mga paglutos ug pagdaug-daug maoy usa ka pagtulon-an nga iya sa Dios. Daghan ang molikay diha sa pagpakabana ug pagpakig-uban diha nining pagtulun-an o sa ubang pagtulon-an nga iya sa Dios tungod lagi kay dili sila gusto mosinati sa mga kasakitan, apan bisan unsa pa ang imong buhaton molikay ka man diha sa pagbuhat as mga Diosnon nga bulohaton, nan kun nalatid ng daan ang mga kasakitan sa imong kinabuhi nan mahiagom ka niini.

Nga sa ato pa mga iggsoon ang tubig sa sapa sa kinabuhi nga maoy unod niining ebanghelyo, usa diay kini ka pagpakabana diha sa pagtuman sa mga bulohaton sa Dios aron bulahan kun atoa ka na sa laing kalibutan, aduna ka nay gamayng luna diha sa tubig sa sapa nga gisaad ni Kristo ug mao kini ang kinabuhing dayun, Apan dili pa man nato kini makita dinhi sa walog sa mga buhi, diin maoy ipasulabi dinhi ang mga pag-antos diha sa pagtuman sa kabubut-on sa Dios.

Ang pulong sa Dios nagaingon “Kun nasayod pa lang unta kamo kun unsay atua didto sa gigharian sa sa langit nan, dili na unta kamo mangaplag pa ug dugang bahandi niining kalibutana, biyaan ninyo ang tanan ug maoy inyong sigoroon kun unsaon ninyo paghiabot didto sa gingharian sa langit. Apan ang Dios nagaingon nga hataas pa ang ilang pasensya diin niining panahuna haluag pa ang ilang pagpasaylo sa atong mga kasal-anan. ug sa higayon nga moabot na ang kataposang paghukom nan inigbalik sa anak sa Dios wala nay pasaylo pa nga ilang mahatag sa katawhan diin kitang tanan magaatubang sa atong mga silot nga sebo gayud sa atong binuhatan

Ang Pangutana Mahitungod Sa Mesiyas

LUCAS 20 : 41~44

41 Miingon si Jesus: “Nganong giingon man nga anak ni David ang Mesiyas? 42 Si David mismo miingon sa Basahon sa mga Salmo: ‘Ang Ginoo namulong sa akong Ginoo: Lingkod sa akong tuo 43 hangtod nga ibutang ko ang imong mga kaaway ilawom sa imong tiil. 44 Kon gitawag siya ni David nga Ginoo, giunsa man siya pagkaanak ni David?”

PAGPAAMBIT SA MENSAHE:

Ang maong ebanghelyo maoy pagpasabot lamang sa kabubut-on sa Dios, diin ginaingon nga kun si Jesus anak ni David nan nganong gitawag niya si Jesus ug Ginoo? Nagpasabot lamang nga si Jesus nahitala diha sa laray sa kaliwatan ni Abraham, ni Jacob ug hangtod paingon na kang David. Matuod nag anak siya ni David kay ang ang iyang inahan tawo man nga sama kanato, nga si Birhen Maria apan tungod sa lalang sa espiritu santo nag maoy mikunsad ngadto sa sabakan ni Birhen Maria, nan tungod sa gahom sa Dios nga dili matukib ni masukod nahimong anak sa tawo si Jesus ug anak usab siya sa Dios ug Dios siya nga matuod.

Sa ubang sinulat nagaingon nga Siya ang ikaduha nga Adan nga nahiabot dinhi niining kalibutan, apan walA siya magagikan sa abog kiundili nagagikan sa lalang sa espiritu santo, nga gitisok sa sabakan ni Birhen Maria. Diin nahimo kining tanghaga sa unang panahun hangtod niining panahuna diin daghan nga may kaalam ang naglantugi diha sa pagka Dios ni Jesus, apan nagpasabot lamang kini diha sa kabubut-on sa Dios nga nagpasabot nga walay tawo dinhi sa ibabAw sa kalibutan nga iyang gitugyanan diha sa pagtugkad sa kaalam sa Dios.

Daghan ang mgA tinago nga mga kamatuoran nga niining panahuna hinay-hinay nang gipadayag sa Dios pinaagi sa giya sa espiritu santo sa kamatuoran, diin maoy kataposan nato nag manlalaban. Apan kadaghanan niining mga tinago nga kamatuoran wala magagikan diha tag-as nga hut-ong sa katilingban kundili nagagikan diha sa mga katawhan nga, kabos ug timawa, diin maoy gihimong debosyon ang pag-ampo ug pagpaduol sa Dios. Usa ka kamatuoran nga ang bahandi nga iya sa langit dili makita ug mahikap, ug mao kini nga mga bahandi nga molungtad hangtod sa kahangturan, apan ang bahandi nga iya niining kalibutan, adunay kawatan nga gapanaka ug taya nga magakut-kot.

:
Diin bulahan kunng ang imong bahandi , bahandi nga langitnon kay bisan tuod ug wala kay sarang bahandi niining kalibutana, apan unsaon mo man kana nga biyaan mo man sa higayon nga motalikod ka na niining kalibutana. Ang pulong sa Dios nanagingon “ Kun nasayod pa lang unta kamo kun unsay anaa didto sa gingharian sa langit nan dili na unta kamo mangaplag pa ug dugang bahandi ug biyaan ninyo ang tanan ug maoy inyong siguroon kun unsaon ang paghiabot didto sa among gingharian sa langit.

Ang Dakong Kaluwasan

HEBREO 2: 1 ~ 4

2 1 Busa, kinahanglan nga patalinghogan nato ang mga pulong nga atong nadungog aron dili ta ma­salaag. 2 Ang mga pulong gikan sa anghel na­himong balaod. Ang tanang pag­supak ug pag­lapas maka­dawat sa tukmang silot. 3 Unsa­on man nato pagdawat sa pa­saylo kon pa­sagdan ta ang maong ka­­luwasan? Ang Ginoo mipahibalo ini pag-una ug midason ang nakadungog. 4 Gi­pun-an sa Diyos ang ilang pagsaksi pinaagi sa mga timailhan, mga butang nga kati­nga­lahan ug milagro nga lain­laig matang – labi pa ang mga gasa sa Espiritu Santo nga giapud-apod suma­la sa iyang gimbut-an.

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa dakong kaluwasan nga maoy gisangyaw ni Kristo ug niadtong unang mga tinawag, kadtong mga mabuot nga mga apostoles. Mao kini ang sumabanan diha sa pagpakanaog sa Dios diha sa iyang bugtong anak, Diin ang Dios maoy miduol kanato pinaagi sa iyang bugtong anak aron kita maluwas ug dili nga kita maoy nangita sa Dios.

Giluwas kita ni Jesus diha sa tino nga kalaglagan sa atong mga sala pinaagi sa paglansang niya sa krus diin iyang gihalad ang iyang lawas ug dugo para sa kaluwasan dili lamang niadtong nagatuo kaniya kundili hasta usab niadtong mga katawhan nga wala moila sa iyang pagka Dios. Giingon diha sa ubang sinulat nga diha sa kamatayon ni Kristo namatay kita uban sa atong mga sala apan diha sa pagkabanhaw ni Jesus nabanhaw usab kita uban kaniya diin nagpabilin nga patay ang atong mga sala.

Ang pangutana luwas na ba kita diha human nga kita giluwas ni Kristo sa atong mga kasal-anan?...Wala pay siguro ang atong kaluwasn tungod kay nagpakabuhi pa man kita niining kalibutan diin iya pa kita sa kalibutan ug ulipon pa sa pagpakasala, kay matod ang tawo samtang nagpakabuhi pa sa kanunay gayud makasinati sa pagpakasala, diin kita makasala diha sa huna-huna sa pulong ug sa buhat.

Unsa may buhaton sa tawo aron mahalikay sa pagpakasala o mamenosan ang pagpakasala? Atong isul-ob ang hiyas nga esprituhanon, diin anaa ang pagpaubos, pagkamangindawaton ug sa paglikay diha sa mga tawhanon nga kailibgon ug mga tawhanon nga bisyo, atong ibalaan ang atong kaugalingon pinaagi sa pagpangayo ug pasaylo ngadto sa kahitas-an ug sa ingon atong maestablisar ang atong kaugalingon diha sa kanunay nga pag-ampo ngadto sa Dios.

Ang balaang kasulatan nagaingon nga diha sa pagspakasala sa Dios balik ngadto sa iyang gingharian sa langit nan diha na nagasugod ang pagpuasa sa iyang mga sumosunod diin pagpuasa o paglikay sa pagpakasala, nga sa ato pa dili lang diay kay magpusa ka diha sa panahun sa semana santa kundili diha gayud pagpakabuhi niing kalibutan ug diin hangtod sa dili pa moabot ang katapoasng paghukom dili kita moundang sa pagpuasa.

Kinsa ang maluwas, kita bang tanan? Ang balaang kasulatan nagaingon bisan kadtong sa kanunay nagaampo dili masiguro sa iyang kaluwasan sa iyang kalag kun sa higayon nga atua na kini sa laing kalibutan , nan unsa na kaha kadtong mga katawhan nga walay mga pag-ampo asa na kaha intawon pangitaa ang iyang kalag, kay matod pa ang kaluwasan nga gisaad ni Kristo para kanatong tanan, dili kini premyo o ganti tungod sa atong maayong binuhatan, aron sa ingon, walay makapasigarbo diha sa atubanagan as Dios nga siya maluwas gumikan sa maayong binuhatan kundili ang kaluwasan nagaagad sa gugma ug kalooy sa Dios.

Ang Hustong Pagtulon-an

TITO 2: 1~15

2 • 1 Lig-ona ang maayong pagtu lon-an pinaagi sa mga pulong. 2 Sultihi ang mga lalaking hamtong nga magmaligdong sila, seryoso, maalamon, may maayong pagtoo, mahigugmaon ug makanunayon. 3 Ingon sab ana ang mga babaye. Kinahanglan nga ang ilang panglihuklihok haom sa mga babayeng balaan. Dili tabian ni moinom og bino. 4 Isip maayong magtatambag, tudloi ang batan-ong kababayen-an sa paghigugma sa ilang bana ug mga anak. 5 Magbinuotan sila ug magpabiling putli, mag-atiman sa panimalay ug masinugtanon sa bana, basig atakihon ang atong pagtoo.

6 Dasiga ang batan-ong kalalakin-an sa pagpugong sa kaugalingon. 7 Hatagi silag panig-ingnan: ang kaugalingong binuhatan. Himoa nga matinud-anon ug madasigon ang imong pagpanudlo ug 8 walay masaway sa imong wali. Ining paagiha ang kaatbang mobatig kaulaw. Wala silay ikasulti batok nimo. 9 Tudloi ang mga ulipon sa pagpaubos sa ilang agalon. Maghatag silag katagbawan sa tanang higayon ug sa tanang butang sa pag-alagad, inay makiglantogi. 10 Dili sila mangawat, hinunoa kasaligan. Niining paagiha, makadani sila sa matag usa sa pagdayeg sa pagtulon-an sa Diyos nga atong Manluluwas.


11 Ang Diyos nga Manluluwas nagbutyag sa mahigugmaong laraw alang sa tanan. 12 Nagtudlo siya sa pagsalikway sa pagkinabuhi nga dili makidiyosnon ug sa kalibotanong kahakog; sa pagkinabuhi ining kalibotana isip mga tawong kasaligan, tarong ug nag-alagad sa Diyos. 13 Samtang nagpaabot ta sa gilaomang kalipay – ang mahimayaong pagpadayag sa gamhanang Diyos ug Manluluwas, si Cristo Jesus. 14 Gihatag niya ang kaugalingon alang nato aron malukat ta sa tanang daotan, ug mahinlo ang katawhan nga buot niyang maangkon; hinalad alang sa maayo. 15 Itudlo ni. Dasiga sila ug pamadlong sa tibuok gahom. Ayawg tugot nga may mobiaybiay nimo.

PAGPAAMBIT SA MENSAHE:

Ang maong ebanghelyo naghisgot diha sa pagpakabuhi diin atong isalikway ang mga dautang binuhatan, ang mga binuhatan nga iya niining kalibutan. Kay kun gidawat mo si Jesus Cristo nga maoy imong manunubos ug manluluwas nan angayan usab lamang nga atong isul-ob ang hiyas nga ispirtuhanon nga maoy imong ipasul-ob kaniya , kini ang mga hiyas nga mangindawaton, pagpaubos ug hiyas diha sa pagdawat sa mga paglutos ug pagdaug-daug, kay mao kini ang gustong ipaambit ni Jesus diha sa tanan niyang mga tinawag ug pinili.

Ang ubang pulong sa Dios nagaingon “Bulahan ka nga nagpakabuhi nga sama sa langyaw niining kalibutana, apan ha-om ug gikahimut-an didto sa Amahan sa iyang gingharian sa langit, kay sa magpakabuhi ka nga hupong diha sa mga tawhanon nga kailibgon ug mga tawhanon nga binuhatan apan dili ilhon sa Amahan sa langit ug ayran diha sa grasya sa dakong kaluwasan.

Mateo 17: 24~25 nagaingon. Kun gusto nimo nga mamahimong tinun-an ni Kristo nan kalimti ang imong kinabuhi ug pas-ana ang imong krus, sunod sa pagtulon-an nga gisangyaw ni Kristo kay bulahan ka nga mawad-an ug kinabuhi diha sa pagsunod mao sa iyang kabubut-on kay mahatagan ka ug dugang kinabuhi, apan kun magdumili ka sa pagsunod sa kabubut-on sa Dios sa kahadlok nga mawad-an ug kinabuhi nan kawad-an ka hinuon niini. Sa ubang sinulat nagaingon, Kun gusto nimong daygon ug himaya-on didto sa iyang gingharian sa langit nan puy-i ang kinabuhi nga puno sa mga pag-antos ug mga paglutos dinhi sa ibabaw sa yuta, pas-ana ang imong krus ug sunod sa mga pagtulon-an nga gisangyaw ni Kristo, kay bulahan ka nga nakaambit diha sa kasakitan ni Kristo sa krus kay makaambit ka usab sa himaya sa pagkabanhaw didto sa gingharian sa langit.

Daghan ang nag-ayad ug nagbiay-biay diha sa mga pagtulon-an ni Kristo diin bisan diha sa balang libro o bibliya nga maoy sukaranan sa iyang pagtulon-an daghan ang nagsukod sa iyang mga pulong gani 2000 na ka tuig ang milabay diin daghan ang mga pagtulon-an nga nanggawas diin moabot na kini sa libo-an ka pagtulon-an sa tibook kalibutan ug ang tanan nagpasibantog diha sa kaluwasan sa kinabuhing dayun diha sa pagtulon-an nga ilang gibarugan, Apan ang pulong sa Dios nagaingon: Ang pagtulon-an nga adunay panalangin sa Dios mao kadtong pagtulon-an nga kanunay makaambit sa mga paglutos ug mga kasakitan nga sa ato pa ang pagtulon-an nga imong gibarugan, wala magsumikad diha sa mga paglutos nan pagtuki igsoon basin baya ug dili na iya sa Dios, basin baya ug maalaot ang imong kalag pag-abot sa panahun.

Kay matod pa diha as ubang sinulat, Ang pakighigala nato as Dios, pinaagi kang Kristo Jesus maoy atong pakig-ambit diha sa mga kasakitan ni Kristo sa paglansang niya sa Krus nga sa ato pa, kining mga kalisod, mga paglutos ug mga kasakitan nga atong masinati diha sa pagtuman nato sa iyang kasugo-an, atong dawaton nga bug-os diha sa atong kasing-kasing ug huna-huna, nagpasabot lamang kana nga ato usab nga gidawat, gipapuyo ug gipahari si Jesu-Cristo diha sa atong kasing-kasing.

Gibato Si Esteban

BUHAT 7 : 54~60

54 Ug sa ilang pagkadungog niining mga butanga, sila nasilag ug nanagpakagot sa mga bag-ang batok kaniya. 55Apan si Esteban nga puno sa Espiritu Santo, mitutok sa langit ug nakita niya ang himaya sa Dios ug si Jesus nga nagtindog sa too sa Dios. 56Ug siya miingon, "Tan-awa, nakita ko ang mga langit nga naabli, ug ang Anak sa Tawo nga nagatindog sa too sa Dios."57Apan sila naniyagit sa makusog nga tingog ug gisap-ongan nila ang ilang mga dalunggan ug nanagdungan sa paghasmag kaniya. 58Ug ilang giabog siya sa gawas sa siyudad ug ilang gipanagbato siya; ug ang mga saksi nangitsa sa ilang mga kupo ngadto sa tiilan sa usa ka lalaking batan-on nga ginganlan si Saulo.59Ug samtang gipanagbato nila si Esteban, siya nag-ampo nga nag-ingon, "Ginoong Jesus, dawata ang akong espiritu." 60Ug siya miluhod ug misinggit sa makusog nga tingog nga nag-ingon, "Ginoo, dili mo unta sila pagsang-atan niining salaa." Ug sa nakasulti na siya niini, siya namatay.

PAGPAAMBIT SA MENSAHE:

Ang maong ebanghelyo nagmaytuod lamang diha sa mga kasugoan sa Dios diin nagaingo nga walay iyang mag ginasahan nga dili niya ipaagi diha sa higpit nga pagsulay, kay aron sa pagbaid as ialng mga gasa. Ug usab nagpamatuod lamang diha sa pagkinabuhi nga iya na sa Dios , diin bisan pa kun ania kana sa kalibutan apan daw sama ka sa langyaw dinhi diin anaa ang mga pagyubit ug pgdaugdaug diha sa pagsunod mao sa kabubut-on sa Dios kay matod pa sa balaang kasulatan, Bulahan nga nagpakabuhi ka nga langyaw niining kalibutan apan haom didto sa ginharian s dios kay maimo ang kabulahanan as pagkinabuhi apan kun nagkinabuhi ka nga ha-om dinhi niining kalibutana diin anaa ang pagkagumon sa mga tawhanon nga kailibgon diin ayran ug dili ilhon didto sa iyang gingharian sa langit.

Usa lamng ka pagpasinati kanato diha sa buhat nag espirituhanon diin kun nakaila ka kun kinsa ang imong gialagaran. Ang buhing Dios ug manununod a langit ug sa yuta, nan dili ma gayud bation ang kahinugon sa imong kinabuhi diin mao kini ang gibati ni esteban niadtong higayuna diin sa kanunay siyaa puno sa espiritu santo. Nagpamatuod lamang diha sa sinulat sa balaang kasulatan nga nagaingon ayaw kahadloki ang tawo nga makapatay lamang sa imong lawas apan walay mahimo sa imong kalag, maoy kahadloki ang Dios nga dako mahimo diha sa kaluwasan ug kalaglagan sa imong kalag.

Tanan nga mga naunang apostoles maisugon nga nagsangyaw sa pulong sa Dios ug maisugon nga miatubang diha sa ilang kamatayon, Kay lagi nasayod man sila kun asa paingon ang ilang lawas ug kalag. Matod pa sa pulong sa espiritu santo, “Kun nasayod pa lang unta kamo kun unsa ang atua didto sa gingharian sa langit nan, dili na gayud kamo mangandoy pa ug dugang bahandi niining kalibutana, biyaan ninyo kining tanan ug maoy inyong siguroon kun unsaon ang paghi-abot didto sa gingharian sa langit”. Kay unsa man tuod ang kawilihan niining kalibutan, ug unsay may maarang sa tawo diin sa iyang pagkatawo, wala man siya dala ug sa iyang pagtaliwan dinhi ning kalibutan biyaan man niya ang tanan nan mas bulahan nga aduna kay bulawan nga masukip isip bahandi nga langitnon diin maoy imong ikapresentar sa higayon nga moatubang ka na sa dakong paghukom.

Angay lamang natong timan-an nga ang matuod nga iglisea nga kristuhanon. sa kanunay makaambit gayud sa mga kasakitan, kay nagpamatuod kini nga hagip-ot ang maong dalan diha paingon sa gingharian sa Dios diin pipila lamang ang nagakaplag niini ug maihap lamang usab ang makapadayon hangtod sa ganghaan ngadto sa gingharian sa langit.

:
Apan ang dalan paingon sa kalaglagan sa atong mga kalag, halu-ag kini ug masaba diin nanag-ambahan ang miagi niini. Mao na kanang imong makita diha sa palibot diin nagpatay-sindi ang ilaw, apan bulahan pa ang maong mga binuhat nga nasalaag dinhang dapita kay inosente pa sila sa kamatuoran , ug adunay pay pasaylo ang Dios para kanila apan kita nga nakatukib ug nakatugkad na niini nga pagtulun-an, sa higayon nga motalikod kita niini wala nay pasaylo pa ang Dios para kanato.

Kinabuhi Sa Mga Magtututoo

BUHAT 2:43~47

43Ug ang tanang tawo giabut ug kahadlok; ug pinaagi sa mga apostoles nangahimo ang daghang mga kahibulongan ug mga ilhanan. 44Ug nag-ipon ang tanang nanagpanoo ug ilang gipanag-usahan sa pag-ambit ang tanang mga butang; 45ug gipamaligya nila ang ilang mga katigayonan ug mga kabtangan, ug ang halin ilang gibahinbahin sa tanan, sumala sa kinahanglanon ni bisan kinsa.46Ug sa adlaw-adlaw sila nanagpadayon sa paghiusa didto sa templo, ug sa pagpikaspikas sa tinapay sa ilang kabalayan, ug sa pagpangaon nga dinuyogan sa kasadya ug kayano sa kasingkasing, 47nga nanagdayeg sa Dios ug nahimut-an sa tanang tawo. Ug sa matag-adlaw gidugang kanila sa Ginoo ang mga ginaluwas

PAGPAAMBIT SA MENSAHE:

Ang maong ebanghelyo naghisgot diha sa kinabuhi nag kristuhanon diin sa kanunay nagasunod sa kabubut-on sa Dios. Daghan ang mga milagro nga gipasinati ni Jesus diha sa iyang pagpakabuhi niadtong panahuna ug diin sa ang mga apostoles na lamang ang nahabilin nagpadayon gihapon ang ilang mga gimbuhaton diha sa pagsangyaw sa mga buhing pulong ni Kristo ug pinaagi usab sa pagbuhat ug mga milagro nga giya sa espiritu santo sa Dios.

Ang tanan sebo gayud sa unsay nahasulat sa unang mga propeta diin ang tanan nga nga sunod kang Jesu-Cristo nakaambit gayud sa kasakitan sa kinabuhi ug maoy buhing kamatuoran diha sa ubang sinulat sa balaang kasulatan nga nagaingon, Mateo 17: 24 ~25, kun gusto kang mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulun-an nga gisangyaw ni Jesus, kay bulahan ka nga nawad-an ug kinabuhi diha a pagsunod mo sa iyang kabubut-on kay mahatagan ka ug dugang kinabuhi, apan kun magdumili ka sa pagsunod sa iyang kasugo-an sa kahadlok nga mawad-an ug kinabuhi nan basin ug kawad-an ka hinuon niini.

Sa laing sinulat nagaingon kun gusto nimong daygon ug himayaon didto sa gingharian sa Dios nan puy-i ang kinabuhi nga puno sa pagdaug-daug dinhi sa yuta, diin anaa ang tanang mga paglutos ug mga pagsalikway mismo diha sa imong pamilya, sa imong silingan ug sa kauban nimo sa pagtuo. Kay bulahan ka nga nakaambit diha sa mga kasakitan ni kristo sa krus kay nakaambit ka usab sa himaya sa iyang pagkabanhaw didto sa langit.

Nagopasabot lamang mga igsoon nga kun iya ka ni Kristo nan magpuyo ka nga dili na iya niining kalibutana, kay ang pulong sa Dios nagaingon nga bulahan ka nga nagpuyo nga sama sa langyaw niining kalibutan apan ha-om didto sa iyang gingharian sa Dios, diin kun magpuyo ka nga haom sa kalibutan nga pagkinabuhi diin anaa ang pagpatuyang diha sa mga tawhanon nga kailibgon nan ayran ka sa Dios ug dili ilhon nga iyang anak ug walay luna didto sa iyang gingharian.

Siya Ba Ang Mesiyas?

JUAN 7: 25~31

• 25 Pipila ka tawo sa Jerusalem miingon, “Dili ba, siya man ang buot nilang patyon? 26 Nagsulti siya dinhi sa walay lipudlipod ug unya, wala silay bisag unsa batok niya? Nahibawo ba kaha ang mga pangulo nga si Cristo siya? 27 Ang nakadaot lang, kay nasayod ta diin siya gikan. Kon moabot na ang Cristo, walay masayod diin siya gikan.”

28 Busa, misinggit si Jesus sa Templo diin nanudlo siya, “Nag-ingon mo nga nakaila mo nako ug nasayod diin ko gikan! Wala ko moanhi sa kaugalingong kabubut-on. Ang nagpadala nako kamatuoran. Wala mo makaila niya. 29 Apan nakaila ko niya, kay gikan ko niya ug iyang gipadala.”

30 Dakpon na unta siya, apan walay nakaako paggunit niya, kay wala pa moabot ang iyang panahon. 31 Hinuon may daghan nga mitoo niya ug miingon, “Inig-abot sa Cristo, mas daghan pa ba ang timailhan nga himoon niya kay sa ining tawhana?”

PAGPAAMBIT SA MENSAHE:

Ang maong ebanghelyo naghisgot diha sa pagsangyaw ni Cristo didtong dapit sa Jerusalem diin kadaghanan nakaila kun kinsa siya ug asa siya gikan, diin nagpamatuod lamang kini sa mga pagtulun-an nga nagaingon “Ang usa ka propeta dili gayud ilhon sa ilang dapit. Usa ka kamatuoran nga ang tawo ng nagasangyaw ug nagabuhat ug milagro anaa gayud ang mga kontrobersyal , ilabi na kon ang kamatuoran maoy imong gibutyag, kay matod pa kun magsulti ka ug kamatuoran daghan ang magatuki niini apan kun magasulti ka ug bakak nan daghan ang motoo niini.

Daghan ang nagtinguha sa pagdakop kang Jesus diha sa iyang pagsangyaw kay para kanila usa ka bakak ug pagtumo-tumo ang gisangyaw ni Kristo, kay para kanila kamatuoran na ang gisangyaw ni Moises, diin nagsangyaw lamang sa pulong sa Dios Amahan usa ka pagtulun-an nga gitawag ug Judaism, diin hangtod niining panahuna anaa pa kini didto as Jerusalem. Diin ang ilang Dios gitawag nila kini ug Yaweeh ang Amahang Dios.

Giingon diha sa ubang sinulat nga daghan ug kasaypanan ang unang kasabutan diin usa sa tinguha ni Jesus Cristo ang pagpasabot sa ubang butang nga wala masabti niadtong unang panahun. Iyang gipakita ang ihemplo sa pagkamatuod nga kristuhanon diin puno sa kaaghop, pagpasakit ug pagpaubos diha sa mga pagsangyaw nga iyang gibuhat. Iyang gipasabot nga Gugma, maoy unang hinungdan nganong namugna ang tawo ug nagsumikad sa gugma ang mga kasugo-an nga gisangyaw ni Moises sa unang panahun, diin nagpasabot kini diha sa paghigugnma sa Dios labaw sa tanan ug paghigugma sa atong isigkaingon sama sa paghigugma nato sa atong isigkatawo.

Mao kini ang gipakita ni Jesu Cristo diin yano ug ubos nga tan-awon kay wala man siya magpakaDios sa atong atubangan, matod pa diha sa Piliphos 8: 16 , Anak siya sa Dios apan wala niya ipamugos nga motupong sa Dios, ug hinunua nagpaulipon siya sa iyang mga katawhan diha sa pag-alagad kanila pinaagi sa pagtabang sa mga masakitaon , sa pagsangyaw sa buhing pulong sa iyang Amahan ug ang pagpakig-uban diha sa pundok nga ubos ug mga kabos. Dili masabtan niadtong mga katawhan nga bahandianon na daan, kay para kanila ang ilang Dios bahandianon usab sama kanila, apan ang pulong sa Dios nagaingon kun nasayod pa lang unta kamo kun unsay anaa didto sa gingharian sa langit nan, dili unta kamo mangaplag pa ug dugang bahandi niining kalibutana, biyaan ninyo ang tanan ug maoy siguroon kun unsaon ang pag-abot didto sa gingharian sa Amahang Dios.

Mga Kinabuhi Nga Nausab

1 PEDRO 4 : 1 ~ 6

1 Busa, maingon nga si Cristo miantus diha sa lawas, sangkapi ninyo ang inyong kaugalingon sa samang tinguha, kay bisan kinsa nga magaantus diha sa lawas nakahunong na sa pagpakasala, 2aron kamo magkinabuhi sulod sa panahon nga nahibilin pa sa lawas dili na tungod sa pagbuot sa tawhanong mga pangibog kondili tungod sa pagbuot sa Dios. 3Kay kadtong panahona nga miagi igo na alang sa pagbuhat sa buot ipabuhat kaninyo sa mga Gentil, sa paggawi sa kaulag, pangibug, huboghubog, hudyaka-bahakhak sa kombirahan, sinumsumay, ug sa gidili nga pagsimbag mga diosdios.

4 Sila nanghitingala nga kamo karon dili na man kmakighogoyhogoy uban kanila sa samang pagpatuyang, ug kamo ila nang pagapasipad-an; 5apan kini sila magahatag ra unyag husay ngadto kaniya nga andam sa paghukom sa mga buhi ug sa mga patay. 6Kay kini mao ang hinungdan ngano nga ang Maayong Balita giwali hangtud ngadto sa mga patay, aron nga bisan tuod sila nahinukman na diha sa lawas ingon sa mga tawo, sila mabuhi sa espiritu ingon sa Dios.

PAGPAAMBIT SA MENSAHE:

Ang maong ebanghelyo nagpasabot diha sa kausaban sa kinabuhi ug atong dawaton sa hingpit si Jesus diha sa atong kasing-kasing. Maoy atong sumabanan ang mga hiyas nga espirituhanon nga maoy gisul-ob ni Jesus diha sa iyang pagpakabuhi niining kalibutana.
Ang hiyas diha sa pagkamangindawaton, pagpaubos ug ang pagdawat diha sa mga paglutos ug mga kasakitan, diin walay bugtong hinagiban mao ra gayud ang pagdangop ngadto sa Amahan pinaagi sa mga pag-ampo.

Ang pulong sa Dios diha sa baling kasulatan miingon, pagkighigala sa Dios pinaagi kang Kristo, nga sa ato pa mao kini ang timailhan diha sa atong kausaban sa pagpakabuhi niining kalibutana, diin diha sa atong papakighigala pinaagi kang Kristo andam kitang moambit sa mga kasakitan nga gihambin ni Jesus diha sa iyang pagpakabuhi niining kalibutana.

Ang balaang kasulatan nagaingon, Mateo 17:24~25, Kun gustong kang mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa mga pagtulun-an nga gisangyaw ni Kristo, kay bulahan ka nga nawad-an ug kinabuhi diha sa pagsunod mo sa kabubut-on sa Dios kay mahatagan ka ug dugang kinabuhi apan kun magdumili ka sa pagsunod sa iyang kabubut-on sa kahadlok nga mawad-an ug kinabuhi nan basin ug kawad-an ka hinuon niini.

Diha sa ubang sinulat nagaingon Kun gusto nimo nga dayegon ug himayaon didto sa gingharian sa Dios nan puy-i ang kinabuhi nga puno sa pagdaug-daug ug pagpasakit dinhi sa yuta, pas-ana ang imong krus ug sunod sa pagtulun-an nga gisangyaw ni Kristo kay bulahan ka nga nakaambit diha sa kasakitan ni Kristo diha sa Krus kay makaambit ka usab sa himaya sa iyang pagkabanhaw didto sa iyang gingharian sa langit.

Nga sa ato pa mga igsoon bulahan ka diay nga nakaambit diha sa mga kasakitan niining kinabuhi-a kay nagpasabot kana nga nanuktok si Jesu Cristo diha sa imong kasing-kasing , diin kun imong gidawat sa tumang pagpaubos ang mga kasakitan ug mga kalisdanan sa kinabuhi diin maoy imong gihimong manlalaban ang Dios nga dili mahikap ni makita nan bulahan ka igsoon kay nagpasabot kana nga imong gidawat, imong gipapuyo ug gipahari si Jesus diha sa imong kasing-kasing.

Pahimangno Sa Dili Pagpanghambog

SANTIAGO 4 : 13 ~ 17

13Tan-awa ra, kamo nga manag-ingon, "Karon o ugma mangadto kami nianang lungsura ug didto pabilin kamig usa ka tuig ug magpatigayon ug manapi kami"; 14samtang ang tinuod mao nga kamo walay hingsayran mahitungod sa kaugmaon. Kay unsa ba ang inyong kinabuhi? Kamo sama lamang sa aso nga sa daklit magapadayag ug unya mahanaw lamang. 15Magaingon unta hinoon kamo, "Kon itugot sa Ginoo, kami mabuhi ug among pagabuhaton kini o kana." 16Apan ang tinuod mao nga kamo nagapanghambog na hinoon sa inyong pagkaandakan. Dautan ang tanang pagpangandak sa ingon. 17Busa, ang tawo nga nasayud unsay matarung nga pagabuhaton ug wala magabuhat niini, siya nakasala.

PAGPAAMBIT SA MENSAHE:

Ang maong ebanghelyyo maoy pagpasabot lamang sa kabubut-on sa Dios diin ang tanang butang niining kalibutana nagsumikad sa kabubut-on sa Dios. Bisan gani ang pagkatagak sa atong mga buhok kabubut-on sa Dios. Angay lamang nga ang tanan atong isalig kaniya kay siya man ang nahibalo sa tanan. Siya ang labing nasayod diha sa kapalaran sa matag tawo diin dili diay angay nato nga ipangandak diha sa kaugalingon natong plano sa kinabuhi diin daw sama sa kita mao ang tag-iya sa atong lawas ug kalag.

Kay matod pa wala gayuy mahimo ang tawo kun siya pagakuhaan sa iyang hinulaman nga kinabuhi. Angay gayud nga atong pangayoon ang panugot ug kalooy sa Dios diha sa atong plano sa kinabuhi, ug labaw sa tanan dili nato wad-on ang atong koneksyon ngadto sa Dios pinaagi sa kanunay ug hinay-hinay nga mga pag-ampo. Wala butang nga mobarog dinhi sa kalibutan nga iya sa dautan nga makabuntag sa gahum sa Dios pinaagi diha sa mga pag-ampo, kay matod pa sa Dios Amahan nganong dili man kuno niya ihatag kun kini makaayo man.

Ang Dios nagahatagd gayud ug hataas nga kinabuhi diha sa tawo kun kita sa kanunay nagapasidungog sa Dios, pinaagi diha sa atong mga pag-ampo ug sa pagsunod sa iyang kabubut-on. Ang balaang kasulatan nagaiingon nga bulahan ang tawo nga nawad-an ug kinabuhi diha sa pagsunod sa iyang kabubut-on kay mahatagan ug dugang kinabuhi apan kun magdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin ug kawad-an ka hinuon niini.

Bisan ang mga mabuot nga mga apostoles diha sa panahun ni Kristo, mga ordinaryo sila nga tawo sama kanato apan tungod sa ilang hugot nga pag-ampo uban sa ilang hugot nga pagtuo ug binuhatan, sa kanunay ang Dios naga-uban kanila ug nagpakita pinaagi diha sa mga milagro nga ilang napaambit diha sa kauban nila nga kristuhanon. Bisan si Jesus diha sa pagpangayo niya ug dugang giya ngadto sa iyang Amahan ug diha sa pagpakig-istorya ni Jesus diha sa Amahan Dios, kini gipaagi niya sa mga pag-ampo.

Dunggon ug mamati ang Amahan diha sa atong mga pag-ampo, kay matod pa walay tawo dinhi sa ibabaw sa kalibutan nga nagaampo sa Dios nga wala kini hidunggi sa Dios, ang tanan iya gayud nga hidunggan, apan dili ang tanan nakadawat sa ilang panalangin kay kadaghanan sa nagaampo wala magsumikad sa ilang kasing-kasing kundili nagsumikad lamang sa tumoy sa ilang dila. Mas maayo diay nag kun kita magaampo moluhod kita sa kuwarto ug manirado, idupa nato ang atong mgo kamot ug iluhod ang atong tuhod atubangan sa altar, ug pangayu-a ang kalooy sa Dios diha sa imong mga gi-ampo, ug hilaki ang kalooy sa Dios.

Awhag Sa Panaghiusa

EFESO 4:1~16

4 • 1 Busa, ako, ang piniriso ni Cristo, nagdapit nga puy-an ninyo ang tawag nga inyong nadawat. 2 Pagmapaubson pagbinuotan, mapailobon ug pagtinabangay sa usag usa diha sa gugma.
3 Buhata ang tanan aron magpabilin diha ninyo ang kahiusa sa Espiritu pinaagi sa mga bugkos sa kalinaw. 4 May usa lang unta ka lawas ug usa ka espiritu, kay dihang gitawag mo sa Diyos naghatag siya og usa ka Espiritu alang sa tanan. 5 Usa ka Ginoo, usa ka pagtoo, usa ka bunyag. 6 Usa ka Diyos, ang Amahan sa tanan nga labaw sa tanan ug nagtrabaho pinaagi sa tanan ug naa sa tanan.
7 Apan sa matag usa nato gihatag ang diyosnong grasya sumala sa gidak-on sa gasa ni Cristo. 8 Busa, ginaingon: Sa pagsaka niya sa kahitas-an nagdala siyag mga bihag ug naghatag sa iyang mga gasa sa katawhan.

:
9 Misaka siya. May kalabotan ni sa mikanaog pag-una sa mga minatay, sa ubos nga bahin sa kalibotan. 10 Siya mismo mikanaog unya, misaka ibabaw sa tanang kalangitan aron mapuno niya ang tanang butang. 11 Kabahin sa iyang mga gasa, gitugahan niya ang pipila sa pagkaapostol, ang uban sa pagkapropeta o ebanghelista, o pagkapastor ug magtutudlo. 12 Busa, giandam niya ang iyaha alang sa ministeryo. Sa ingon matukod ang Lawas ni Cristo 13 hangtod nga mahiusa tang tanan sa samang pagtoo ug kahibawo sa Anak sa Diyos. Hinunoa, mahimo tang hingpit nga tawo inigkahingkod ug inig-ambit nato sa kahingpitan ni Cristo.

:
14 Dili na ta mahisama sa mga bata nga giitsaitsa sa bisag unsang balod o hangin sa pagtulun-an, giilad sa mga limbongan nga nagguyod nila sa kasaypanan. 15 Uban hinuon sa matinud-anong gugma, motubo ta sa tanang paagi ngadto ni Cristo nga mao ang ulo. 16 Gikan niya ang pagtubo sa tibuok lawas nga gidumala ug gilambigit pinaagi sa usa ka kutay sa mga lutahan. Ang matag usa nagtuman sa katungdanan sa matag usa aron ang lawas makatubo ug makapabarog sa kaugalingon diha sa gugma.


PAGPAAMBIT SA MENSAHE:

Ang maong ebanghelyo nagsangyaw diha sa kahiusahan sa atong lawas, kalag ug espiritu alang sa Dios. Sa ubang sinulat Juan 14: 15 nagaingon si Jesus nga. tagaan ko kamo ug laing manlalaban. Ang espirito santo sa kamatuoran nga molaban kaninyo hangtod sa kahangturan. Kamatuoran lamang ang gipadayag sa Dios diha usa sa ubang sinulat 1 Corintho 3: 16 nagaingon: Ang lawas sa tawo maoy templo sa Dios espiritu santo, ug ang molaglaglag o mopasipala sa templo sa Dios nga mao kita nan iya usab nga pagalaglagon.

Usa ra ang espiritu santo, usa ra ang Dios diin lain-laing mga gasa nga iyang gipaabot sa matag usa dinhi niining kalibutan, adunay magsasangyaw, adunay mga lideres, adunay mga tuburan ug adunay mga mananambal. Apan mao ra nga espiritu santo nga nagagasa kanila, ug adunay usab mga pastor ug mga namuno o lideres diha sa ilang pagtulun-an nga gibarugan. Ang Dios miingong lahi-lahi ang pagtawag ko kaninyo apan dili ang tanan nga nagasangpit sa akong ngalan makasaulod sa akong gingharian, kundili kadto lamang nagatuman sa akong kabubut-on.

Diha sa maong ebanghelyo nag-aghat ang Dios sa panag-hiuasa diin 2000 na katuig kapin ang milabay nagpakatawo ang anak sa Dios aron ipaila ang iyang gahum diha sa kakabos, ipaila ang mga milagro diha sa mga masakiton dili lamang sa ilang lawas kun dili apil sa ilang kalag aron sa unang higayon mapakita ang kahiusahan sa tanang tawo ngadto sa Dios. Gipasabot ni Jesus Cristo ang mga kasugo-an sa Dios nga gisangyaw sa unang tinawag nga propeta nga si Moises, diin ang napulo ka kasugo-an naglatid lamang sa pulong ug buhat sa gugma sa Dios kanatong tanan.

Apan niining panahuna mga igsoon daghan ang nanggawas nag mga pagtulun-an diin silang tanan nagasangyaw sa pulong sa Dios diha sa kaluwasan apan ang kadaghana usab kaila gigamit ang pagtulun-an alang usab sa pagpalambo sa ilang kaugalingon . 20 ka tuig ang milabay gitukod sa Dios ang katapusang pagtulun-an diin nagsumikad kini didto sa usa ka milagro diha sa Balulang diin adunay apparition nga nakita didto sa panganod sa maong lugar. Gustong ipaabot sa Dios diha sa iyang piniling katawhan ang pagtulun-an nga ha-om diha sa iyang pulong sa balaang kasulatan nga naga-ingon, Kun unsa ang panagway sa iyang mga katawhan sa iyang pagbayaw ngadto sa langit nan mao usab unya ang iyang makita nga mga katawhan sa iyang pagbalik.

Sa ato pa mga igsoon kini nga pagtulun-an, Spiritual Charismatic. masangyaw gayud kini sa tibuok kalibutan sumala sa gipadayag sa mga mensahe, kay mao na kini ang kataposang pagtulun-an nga maoy gusto sa Dios nga simbahon sa iyang mga katawhan, Kay matod sa pulong sa Dios sa balaang kasulatan, maoy gusto sa Amahan nga iyang mga katawhan magasimba lamang sa usa ka pagtulun-an ang espiritu sa kamatuoran, diha unya nianang mga panahuna ang tanang mga katawhan sa bisan unsa nga relihiyon maghiusa pagsimba sa usa lamng ka pagtulun-an. Ang pagtulun-an nga gisangyaw ni Jesus niadtong unang panahun.

Mao na kini nga pagtulun-an nga gitukod sa Dios diin ubos sa mata sa tawo kay wala may bahandi ug tawhanon nga kaalam nga gisandigan apan hataas diha sa mata sa Dios kay tinukod man sa iyang bugtong anak nga si Jesus. Kamatuoran lamang ang gipadayag diha sa balaang kasulatan nga nagaingon. 1 Corintho,1; 28, Gipili sa Dios ang tinamay ug mga sinalikway, kadtong mga katawhan nga pinakaubaos diha sa iyang atubangan aron ipaila nga ang tawhanon nga kinaadman ug kaalam dili mapuslan didto sa iyang gingharian sa langit, busa dili kini angay ipasigarbo ug walay atong angay nga ipasigarbo diha sa iyang atubangan, gawas lamang niadtong mga milagro nga iyang gipaabot diha sa tagsa-tagsa nato ka kinabuhi.

Nahiusa Kita Diha Kang Jesu Cristo

EFESO 3: 11~22

• 11 Busa, hinumdomi nga mga pagano mo bisan sa inyong unod. Ang mga Judio nga nag-isip sa kaugalingon nga mga Tinuli (tungod sa pagdisdis sa yamis), nagtawag ninyog mga Pisot. 12 Adtong panahona wala pa ninyo si Cristo. Wala pa mo masakop sa katilingban sa Israel. Ang kasabotan sa Diyos ug ang iyang mga saad dili pa alang ninyo. Wala moy paglaom ug walay Diyos dinhi sa kalibotan. 13 Apan karon, diha ni Cristo Jesus ug pinaagi sa iyang dugo, kamo nga nahilayo kaniadto, duol na.

14 Kay si Cristo maoy atong kalinaw. Gihiusa niya ang duha ka katawhan. 15 Gilumpag sa kaugalingong unod ang paril – ang kaligutgot – nga nag-ulang nato. Giwagtang niya ang Balaod uban sa kasugoan ug mga lagda ini. Gihiusa sa kalinaw diha niya ang duha ka katawhan, aron gikan sa duha mahimo ang usa ka Bag-ong Tawo. 16 Gilangkat niya ang kaligutgot ug gipasig-uli ta sa Diyos pinaagi sa krus, aron paghimo sa duha nga usa ka lawas.

17 Mianhi siya aron isangyaw ang kalinaw; kalinaw alang ninyo nga nahilayo, kalinaw sa mga Judio nga naduol. 18 Pinaagi niya, kita, ang duha ka katawhan, moduol sa Amahan sa usa lang ka Espiritu. 19 Karon dili na mo mga langyaw o bisita, apan, katagilungsod sa balaang katawhan: sakop sa panimalay sa Diyos. Kamo ang balay 20 kansang mga baroganan mao ang mga apostoles ug propeta ug kansang batong sukaranan mao si Cristo Jesus. 21 Diha niya gihiusa ang tibuok tigbayon ug gipataas isip balaang templo diha sa Ginoo. 22 Diha niya gitukod sab mo aron mahimong espirituhanong santwaryo sa Diyos.


PAGPAAMBIT SA MENSAHE:

Ang maong ebanghelyo nagpasabot lamang diha sa kabubut-on sa Dios diin nagmatuod lamang nga kitang tanan dinhi sa ibabaw sa kalibutan, katawhan sa Dios. Giingon diha nga tungod ni Kristo nahiusa ang mga Judio ug dili Judio, ug tungod ni Kristo nahimong adunay direksyon ang huna-huna ug ang pagpakabuhi sa matag magtotoo.

Ginaingon diha sa ubang sinulat nga si Jesus maoy ikaduha nga Adan nga miabot dinhi sa kalibutan, diin wala siya magikan sa abog kundili nagagikan siya sa lalang sa esiritu santo nga gitisok sa sabakan ni Birhen Maria.

Sa uban usab nga sinulat nagaingon nga Si Jesus maoy ikaduhang Moises nga nahiabot dinhi sa kalibutan, apan labaw siya kang Moises tungod kay anak siya sa Dios nga nagpakatawo pinaagi diha sa espiritu santo nga gitisok sa sabakan ni Birhen Maria . Apan dako ang tahas ni Jesus diha kanatong mga kristuhanon diin iya kitang gihiusa pinaagi sa kamatayon didto sa krus. Sa to pa ang Dios pinaagi kang Jessu maoy nangita kanato aron maluwas kitang tanan.

Usa sa dakong tahas ni Kristo mao ang pagpasabot sa kasugoan sa Amahan pinaagi diha sa tinabliya nga bato ug ingon man gusto gayud nga maabtan sa tanan nga ang napulo ka sugo sa Dios maamhimo lamng duha, diin mao kina ang apghigugma sa Dios labaw as tanan u gang ikaduha mao uasb gayud ang paghigugma sa atong isigkatawo sama satong paghigugma sa atong kaugalingon.

Atong makita ug mapalandungan nga ang gugma maoy importante nga pulong diha sa kasugo-an sa Dios. Kay ang Dios nagaingon lakaw kamo ug isangyaw ang akong kasugoan , diin diha sa pagpakita nato sa kadasig ug sa paghigugma diha sa matag-usa, nan ang Ginoo mahimuot kanato kay nagatuman kita sa iyang pagbuot..

Daghan ang mga pagtulon-an nga nanggawas niining panahuna diin halos ang tanana nagpasibantog sa kaluwsang dayon apan lagi kining tanan nagaagi man sa iyang kabubut-on diin ang Dios naga-ingon: Lahi-lahi ang pagtawag ko kaninyo aron sa pagsangyaw sa pulong sa Dios, apan dili ang tanan nga ngasangyaw sa iyang ngalan ug nagatawag sa Dios Ko, Dios ko, makasulod sa iyang ginharian sa Dios, kundili kadto lamang nagatuman sa iynga kabubut-on

Gisaad Ang Espiritu Santo

JUAN 14: 15~31

15 Kon nahigugma mo nako, tumanon ninyo ang akong mga sugo. 16 Hangyoon ko ang Amahan ug padad-an mog laing Maglilipay nga mouban ninyo sa kahangtoran, 17 ang Espiritu sa kamatuoran nga dili madawat sa kalibotan, kay wala ni makakita ug makaila niya. Apan nakaila mo niya, kay nag-uban ug mag-uban man siya ninyo.
18 Dili tamo biyaan nga ilo. Anhaon tamo. 19 Sa gamay nga panahon dili na makakita nako ang kalibotan. Apan makakita mo nako, kay buhi ko ug mabuhi sab mo. 20 Nianang adlawa mahibalo mo nga naa ko sa Amahan ug nia mo nako, ug ako sab naa ninyo.

21 Ang mosunod sa akong mga sugo nahigugma nako. Kon nahigugma siya nako, higugmaon sab siya sa akong Amahan. Ako sab mahigugma niya ug ipaila ko kaniya sa dayag ang akong kaugalingon.” 22 Si Judas, dili ang Iscariote, nangutana ni Jesus: “Ginoo, unsaon man nimo pagpaila namo sa dayag sa imong kaugalingon ug dili sa kalibotan?” 23 Mitubag si Jesus: “Ang nahigugma nako, motuman sa akong pulong ug higugmaon siya sa akong Amahan. Moadto mi ug mopuyo diha niya. 24 Ang wala mahigugma nako dili motuman sa akong mga pulong. Ug kining mga pulonga nga inyong nadungog dili akoa kondili, sa Amahan nga nagpadala nako. 25 Nakasulti na ko ining tanan samtang uban pa ko ninyo. 26 Sukad karon ang Maglilipay, ang Espiritu Santo nga gipadala sa Amahan sa akong ngalan, magtudlo ninyo sa tanan ug mopahinumdom sa akong gisulti.

27 Ang kalinaw manaa ninyo. Ang akong kalinaw akong ihatag ninyo. Dili sama sa paghatag og kalinaw sa kalibotan ang akong paghatag. Ayawg kabalaka. Ayawg kahadlok. 28 Nakabati mo sa akong giingon: “Molakat ko, apan moanha ra ko ninyo. Kon nahigugma mo nako, malipay mo nga moadto ko sa Amahan, kay labaw nako ang Amahan. 29 Gisultihan tamo ini karon sa wala pa mahitabo, aron kon mahitabo na, motoo mo. 30 Kay unya, dili na ko mosultig daghan. Karon, ang nagmando ining kalibotana nia na. Apan walay nia nako nga maangkon niya. 31 Kinahanglang masayod ang kalibotan nga nahigugma ko sa Amahan, ug akong gibuhat ang iyang gitudlo nako. Tana, manglakaw na ta.”

PAGPAAMBIT SA MENSAHE:

Ang maong ebanghelyo naghisgot diha sa espiritu santo nga gisaad sa Dios ngadto sa iyang mga katawhan. Sa kataposang mga adlaw sa pagpakabuhi ni Jesus niining kalibutan, miingon Siya nga sa takna unya nga maobalik na Ako ngadto sa kiliran sa akong Amahan, mangayo ako sa Amahan nga tagaan kamo ug laing manlalaban, Ang espiritu santo sa kamatuoran nga molaban kaninyo hangtod sa kahangturan. Walay makaila kaniya kay dili man siya makita ug mahikap apan kamo makaila kaniya kay makig-uban man siya kaninyo.

Kamatuoran ang gipadayag sa 1 Corintho 3: 16 nga nagaingon, “ Ang lawas sa tawo maoy templo sa Dios nga espiritu santo ug ang mopasipala sa templo sa Dios nga mao kita iya gayud nga pagalaglagon. Sa ato pa balaan ang mataglawas sa tawo kay ang Ginoo nagapuyo niini. Anaa ang espiritu santo sa Dios sa kanunay maoy atong manlalaban hangtod sa kahangturan. Diha sa mga buhing pulong sa Dios nagaingon: Ang tawo samtang buhi pa niining kalibutan anaa kini tulo ka elemento, ang iyang materyal nga lawas, ang iyang espiritu u gang kalag. Sa higayon nga tawgon na kita sa kamatayon, nan ang atong maetryal nga lawas maoy mahabilin dinhi sa kalibutan, ang atong espiritu maoy mobalik sa Dios ug maoy nagareport sa atong mga sala sa adlaw nga tanan ug ang atong kalag maoy mopaingon didto sa laing kalibutan diin maoy magahulat sa ikaduhang paghukom.

Sa adlaw unya sa pagbalik sa Dios aro sa paghukom nan ang imo rang kalag maoy mangatubang sa tanan, diin wala nay bisan unsa pa nga pagtulun-an ang manubag para kanimo, diin kun wala kay nahasukip nga mga pag-ampo diha sa imong kasingkasing nan wala kay mapakita sa maong maghuhukom nga atong Dios. Apan matod pa hataas pa ang panahun diin bisan tua ka na sa laing kalibutan, bisan naglatagaw pa ang imong kalag apan adunay mga unang tinawag nga gituyo sa pagpauna sa Dios didtong dapita aron sa pagsangyaw sa pulong sa Dios ngadto sa mga kalag kay bulahan inig-abot sa tukmang adlaw maluwas gihapon ang mga kalag nga atua na sa kangitngit.

Matod pa ipadala sa atong Dios ang atong panumduman ngadto sa atong kalag nan sa ato pa ang imong kalag makahinumdom pa sa imong mga binuhatan dinhi sa yuta nan kun ayha ka pa mahigmata nga atua ka na sa laing kalibutan wala kanay mahimo pa kay dili kana man pwedeng maobalik sa imong lawas. Matod pa ang mag kalag aduna gihapon silay mga pag-ampo apan mas dunggon ug dali ang pag-ampo nato nga mga buhi kay ania pa man kanato ang espiritu nga maoy atong koneksyon ngadto sa Dios ug ang atong lawas nga maoy magasakripisyo, nan sa ato pa mas gisaligan gayud sa mga kalag ang atong mga pag-ampo dinhi sa walog sa mga buhi.

Diin bulahan sa matag tuig diin adunay kalag nga tagaan ug parole sa Dios gumikan sa atong mga pag-ampo atol unya sa adlaw o pista sa mga kalag nan inig-abot unya nila didto sa ganghaan sa gingharian sa Dios sila na usab unya ang mag-ampo para kanato. Apan nganong hulaton mo pa man ang maong panahun, karon nga nia ka pa pa sa walog sa mga buhi nan pahimusli ang panahun iluhod ang imong tuhod , ug idupa ang imong kamot diha sa pagpangayo sa Ginoo sa iyang kalooy nga dunggon ang imong mga pag-ampo, ug hilaki ang kalooy sa Dios.

Ang Yutan-on Ug Langitnong Pagsimba

HEBREO 9: 1 ~ 22

9 • 1 Ang unang kasabotan may ka su­goan ug talaan. May san­­twar­yo pod nga yutan-on. 2 May lawak ni nga gita­wag og Balaang Dapit diin nahimu­tang ang tungto­nganan sa suga ug ang talad nga na­hi­mutangan sa tinapay nga ihalad sa Diyos. 3 Dihay tabil nga nag-ulang sa duha ka lawak. Sa ika­du­hang lawak nga gitawag og Labing Ba­laang Dapit nga 4 may bu­la­wang altar alang sa paaso sa insenso ug ang Arka sa Ka­sabotan nga giputos og bula­wan. Di­hay bulawang tadyao nga dunay manna. Sa sulod tua ang sung­kod ni Aaron nga nanalingsing ug ang duha ka papan sa kasabotan. 5 Ibabaw sa arka ang duha ka anghel sa himaya nga milandong sa lingko­ranan sa Pa­saylo. Apan dili nato ika­hulagway ang tanan.

6 Kay nahimutang man ang tanan su­ma­la sa gikahulagway, ang mga pari kanunayong nanulod sa unang lawak aron pagtuman sa gimbuhaton. 7 Apan ang Labawng Pari mosulod maka­usa sa usa ka tuig sa ikaduhang lawak. Sa pagsulod magdala siya sa halad nga dugo alang sa iyang mga sala ug sa mga sala sa katawhan. 8 Pinaagi ini ang Espiritu Santo nag­tudlo nato nga dili bu­kas ang agi­anan padulong sa san­twaryo sa sulod sam­­tang naa pa ang unang lawak. 9 Mahi­nung­danon kaa­yong pagtulon-an ang gilarawan karon. Ang mga gasa ug sakripisyo dili maka­hingpit sa naghalad, 10 kay kining mga ilim­non, pagkaon ug uban pang paagi sa pag­­linis pinaagi sa tubig mga taw­hanong lagda. Bu­haton ni hangtod sa panahon sa pagbag-o.

11 Apan karon si Cristo ipakita isip Labawng Pari nga may kalabotan sa mga maayong butang ining panahon sa kabag-ohan. Misulod siya sa san­twaryo nga dili binuhat sa tawo, mas harianon ug mas hingpit. 12 Sa ato pa, dili mi­nugna. Wala siya mag­dalag dugo sa mga kanding ug toro. Ang ka­uga­lingong dugo ang gidala. Mi­sulod siya aron pagkab-ot sa hingpit nga kalu­wa­san. 13 Kon ang pagsablig sa katawhan nga nahu­gawan sa sala og dugo sa kan­ding ug toro o ang pagkatagkatag sa abo sa laking baka maghatag og tawhanong kalinis ug kabalaan, 14 unsa pa kaha ang pag­sablig sa dugo ni Cristo! Linamdagan sa tunhayng Espi­ritu, mihalad si Cristo sa kaugalingon isip walay buling nga halad ngadto sa Diyos. Ang iyang dugo mipapas sa mga daotan tang bu­hat. Sa ingon, ma­kaalagad ta karon sa buhing Diyos.

15 Busa, si Cristo ang tigpataliwala sa bag-ong kasabotan o Kasabotan. Ang iyang kamatayon magbayad sa mga sala nga atong nabuhat ubos sa Daang Kasa­botan. Ang saad gihatag sa ta­nang gitawag alang sa kinabu­hing da­yon. 16 Ingon sa tanang kasa­botan, ki­na­hang­lang paaboton nga mamatay ang naghi­mo ini. 17 Ang ka­sa­botan na­lig-on sa kamatayon ug walay kahulo­gan samtang ang nag­himo buhi pa. 18 Mao nga ang unang kasabotan gi­panghi­matuod pinaagi sa dugo. 19 Gi­pa­hibalo ni Moises sa nagkatigom nga katawhan ang tanang kasugoan sa ba­laod. Unya, mikuha siyag dugo sa toro ug kanding nga iyang gi­sagolag tubig. Nagkuha pod siyag isopo ug pulang panapton nga delana ug gisabligan ang libro sa kasabotan ug sa katawhan sa 20 pag-ingon: Kini ang dugo sa Kasa­bo­tan nga gisugo kaninyo sa Diyos. 21 Sa samang paagi, gisabligan niya sa dugo ang santwaryo ug ang tanang gala­mi­ton sa paghalad. 22 Sumala sa Balaod, halos ang tanang paglinis kinahang­lang himoon sa dugo. Walay pasaylo kon walay dugo nga iula.


PAGPAAMBIT SA MENSAHE:

Sa unang kasabutan, ang gimbuhaton sa unang mga tinawag mao gayud ang paghalad sa mga mananap nga sinununog ug ang dugo sa mananap aron sa pagpapapas sa mga kasal-anan sa tawo, diin kun walay mga paghalad nan walay mga pagpasaylo nga mahitabo. Kining nga pamaagi gisagop usab sa mga Dios-dios nga pagtulun-an niadtong panahuna diin sila nagahalad usap sa mga mananap nga sinunog.

Apan sa dihang si Jesus nagpakamatay ug gilansang sa krus, wala na dawata sa Dios ang mga paghalad sa mga mananap nga sinunog kay matod pa human na gihalad ni Jesus ang iyang lawas ug dugo diha sa iyang kamatayon sa krus, diin ang nagpabilin sa maong pagpanghalad sa mga mananap nga sinunog, mao na lang ang mga nagsimba sa Dios-dios diin nagluhod sila sa mga mananap ug mga punu-an sa kahoy.

Ang unang tuyo sa Amahan diha sa pag-anhi sa iyang bugtong anank sa kalibutan mao gayud ang pagluwas kanatong tanan, diin Ang Dios maoy nangita kanato ug dili nga kita maoy nangita kaniya. Ang ikaduhang katuyu-an ni Jesus mao gayud ang pagpasabot sa kasugo-an sa Amahan nga gisangyaw ni Moises, ang napulo ka kasugo-an sa Dios, diin gipasabot ni Jesus nga ang napulo ka sugo mamahimo lang kining duha, una ang paghigugma sa Dios labaw sa tanan ug dili ka magbaton ug laing Dios gawas kaniya. Ang ikaduha mao ang paghigugma sa imong isigkatawo sama sa paghigugma nimo sa imong kaugalingon.

Kini nga mga kasugo-an naglangkob lamang sa usa ka pulong, ang pulong nga gugma diin maoy iyang gustong ipahari dinhi sa kalibutan, nga sa ato pa ang Dakong sugo sa Dios mao ang paghigugma gayud sa usag-usa. Mao kini ang gustong ipakita sa Dios dihang iyang gipadala ang iyang bugtong anank aron mapakita ang gugma nga tiunay diha sa atong tagsa-tagsa ka kasing-kasing. Diin atong mapalandungan nga Si Jesus nag pakatawo nga walay matawag nga bahandi, diin iyang gipakita nga luyo diha sa iyang mga pag-antos ug pagpasakit, apan sa kanunay nagpabilin ang iyang gugma nganhi kanatong mga katawhan.


Iyang gipakita ang sumbanan diha sa iyang pagluwas kanatong tanan , nga amo nga pag-antos ug pagdawat sa mga paglutos. Gitudlo sa Dios ang kahinungdanon sa pagpaubos, sa pagdawat sa mga kasakit ug pagtamay aron sa ingon mogawas gayud ang tinud-anay nga linugdangan diin sumala sa balaang kasulatan nagaingon nga kung magpaubos ka dinhi sa yuta nan ipataas ka ug ibayaw didto sa gingharian sa Dios apan kun magpahitaas ka dinhi sa yuta nan ipakaubos ka ug dili ilhon didto sa iyang gingharian sa langit.Kay ang pulong sa Dios dili pulong sa pagpasigarbo kundili ang pulong sa Dios pulong sa pagpaubos.

Ang Mga Pulong Nga Nagahatag Ug Kinabuhing Dayun

JUAN 6: 60~71

60 Sa pagkadungog ini sa daghan niyang tinun-an, miingon sila, “Lisod kaayo ang maong pagtulun-an. Kinsay modawat ini?” 61 Nahibawo si Jesus nga nagbagulbol sila busa, miingon siya, Nasakit ba mo? 62 Kon mao na, unsay inyong buhaton kon makakita mo sa Anak sa Tawo nga mokayab balik sa iyang gigikanan? 63 Ang Espiritu naghatag og kinabuhi; dili makatabang ang unod. Ang mga pulong nga akong gisulti mao ang Espiritu; duna ni kinabuhi. 64 Apan may pipila ninyo nga wala motoo. Nahibawo si Jesus sukad pa sa sinugdan kinsay mobudhi niya.

65 Mipadayon siya, “Sumala sa ako nang giingon, walay makaduol nako gawas kon motugot ang Amahan.” 66 Busa, daghan sa iyang tinun-an mibiya ug wala na manguban. 67 Miingon si Jesus sa 12, “Mobiya sab mo?” 68 Mitubag si Simon Pedro, “Ginoo, kinsay among kapaingnan? Naa nimo ang mga pulong sa kinabuhing dayon. 69 Nagtoo mi ug nasayod nga Balaan kang Diyos.” 70 Mitubag si Jesus, “Akoy mipili ninyo, ang 12, dili ba? Apan daotan ang usa ninyo.” 71 Si Judas, anak ni Simon Iskariote, ang iyang gipasabot nga mobudhi niya, usa sa 12.

PAGPAAMBIT SA MENSAHE:

Ang maong ebanghelyo naghisgot diha sa pulong sa Dios nga nagahatag ug kinabuhi. Si Jesus ang maong pulong nga nagahatag ug kinabuhi sa iyang mga sumosunod. Sa unang sinulat nagaingon nga siya ang pulong nga nagpakatawo, ug mipuyo uban kanato,

Colosas 1: 15 nagaingon, Si Jesus ang buhing panagway sa dili Makita nga Dios diin pinaagi kaniya nakita sa mga katawhan ang Dios nagpakatawo, kay matod pa ang Dios Amahan ug si Jesus usa ra apan tungod sa gahum nga dili matukib o masukod , gipadayag kini sa Dios ang maong kamatuoran aron mahimong panag-ingnan diin nagmatuod sa kinabuhing dayun ug matuod nga dunay pagkabanhhaw.

Si Jesus ang unang tawo diha sa balaang kasulatan nga gibanhaw sa Dios, diin nagpamatuod sa tanang mga panagna sa unang mga propeta nga ang anak sa Dios pagasakiton, tamayon ug ilansang sa krus aron ipaila ang dakong gugma sa Dios sa iyang mga katawhan, Pinaagi kang Jesus Cristo ang Dios maoy miduol kanato aron mahatagan ug kinabuhing dayun.

Juan 14: 15 nagaingon, tagaan ko kamo ug laing manlalaban ang espiritu santo sa kamatuoran, nga molaban kaninyo hangtod sa kahangturan. Diha sa ubang sinulat nagaingon nga wala makaila ang kalibutan sa espiritu sa kamatuoran kay dili man siya makita ug mahikap, apan makaila kita kaniya kay nagauban man siya kanato.

Ang espiritu santo sa kamatuoran maoy atong katapusang manlalaban nga gipadala sa Dios para sa padayon natong pagpakig-uban sa Dios aron aduna kitay koneksyon ngadto sa Dios nga labing gamhanan.Nga sa ato pa ang Dios nakig-uban ug nagpuyo kanato diha sa inadlaw adlaw natong pagpakabuhi. 1 Corintho 3: 16, nagaingon, Ang lawas sa tawo maoy templo sa Dios espiritu santo, ug ang mopasipala ug molaglaglag sa templo sa Dios nan pagalaglagon usab sa Dios. Dinhi sa yuta ug paingon ngadto sa kinabuhing dayun ana-a ang espiritu santo sa Dios nga may nagahatag kanato ug proteksyon para sa atong kalag nga masalaypon.

Ang Gahom Sa Anak

JUAN 5:19~29

• 19 Mitubag si Jesus, “Sultihan tamo.” Ang anak walay mahimo sa kaugalingon lang gawas sa makita niya nga gibuhat sa Amahan. Ang gibuhat sa Amahan buhaton sab sa anak, 20 kay ang Amahan nahigugma sa Anak nga iyang gipakita sa tanan niyang gibuhat. Pakitaon pa siya sa iyang Amahan og mga butang nga labi pang dagko kay ini aron mahibulong mo. 21 Ingon nga gibanhaw sa Amahan ang mga patay ug gihatagag kinabuhi, ang anak sab mohatag og kinabuhi kang bisag kinsa nga buot niyang hatagan. 22 Sa samang paagi, ang Amahan dili mohukom ni bisag kinsa. Gitugyan niya sa anak ang tanang hukom, 23 ug buot siya nga ang tanan magpasidungog sa Anak ingon nga nagpasidungog sila sa Amahan. Ang nagsalikway sa Anak nagsalikway sab sa Amahan nga nagpadala niya.

24 Sa pagkatinuod sultihan tamo, ang mamati sa akong pulong ug motoo sa nagpadala nako, makabaton sa kinabuhing dayon. Dili na siya hukman, kay naluwas siya gikan sa kamatayon ngadto sa kinabuhi. 25 Sultihan tamo, taliabot ang panahon, ug gani miabot na, kanus-a makabati ang mga patay sa tingog sa Anak sa Diyos ug mabuhi ang namati ini. 26 Kay ang Amahan may kinabuhi sa iyang kaugalingon; sa samang higayon gitugyan niya sa anak ang pagbaton og kinabuhi sa iyang kaugalingon. 27 Gihatagan sab niya ang anak sa gahom pagpahamtang og silot, kay anak man siya sa tawo. 28 Ayawg katingala: moabot ang panahon nga ang nangamatay ug ang naa sa lubnganan makabati sa akong tingog 29 ug manggawas. Ang maayog binuhatan mabanhaw aron mabuhi. Ang daotan mabanhaw aron silotan.

PAGPAAMBIT SA MENSAHE:

Ang maong ebanghelyo naghisgot diha sa awtoridad ni Jesus ingon nga bugtong manununod sa Amahang Dios. Ginaingon nga si Jesus ang Alpha ug ang Omega ang sinugdanan ug ang kataposan diin walay mahiabot sa Amahan kun dili moagi sa anak. Unang kasulatan nagaingon nga dinhi na si Jesu Cristo sa pagmugna pa lamang sa kalibutan, Siya ang pulong nga nagpakatawo ug mipuyo uban kanato. Sa ubang sinulat nagaingon. Siya ang ikaduhang Adan nga nahiabot dinhi sa kalibutan diin wala siya magagikan sa abog apan gikan siya sa lalang sa espiritu santo nga giltisok sa sabakan ni Birhen Maria,

Matuod siya nga tawo ug usab Dios nga , matuod diin maoy usa lamang ka pagmatuod sa Amahan sa iyang gahum nga dili masukod ni matukib, kay walay tawo niining ibabaw sa kalibutan nga gitugutan sa Dios sa pagtukib sa iyang kabubut-on. Colosas 1 : 15 nagaingon, Si Jesus ang buhing panagway sa Dios nga dili makita ni mahikap, aron ikapaila sa tibook kalibutan kun unsa gayud ang mga butang nga supak sa iyang kabubut-on ug unsa gayud usab ang mga hiyas nga gikahimut-an sa Dios.

Usa ka milagro niadtong panahun sa pagpakatawo ni Jesus diin usa ka pagmatuod diha sa pulong sa balaang kasulatan nga nagaingon “ Ang Dios moabot diha sa matag kasingkasing sa tawo o sa kinabuhi sa tawo sa paagi nga dili nato damhon, kay kinsa man tuod ang magdahom nga ang anank ss Dios magpakatawo diha sa pinakaubos nga hut-ong sa katilingban, kay kinsa man ang magtuo nga ang hari sa mga hari magpakatawo diha sa kamalig sa bilin, Usa ka mahinungdanon nga gutlo sa pagpamalandong niining kristuhanong pagtulun-an, Nga usa ka pagpakita diha sa gugma ngadto sa tibook katawhan sa kalibutan mao ang pagpakatawo hubo sa bahandi ning kalibutanon, hubo sa dungog nga kalibutanon diin walay lain nga gibatunan mao lamng ang bahandi nga dili makita ug mahikap diin mao kini ang gitawag nga unconditional love.

Dios nga nagpakatawo nga sama sa pinakaubos ug timawa apan maoy tag-iya kanatong tanan, Usa lamang ka pagmatuod nga ang iyang pagpakatawo maoy usa ka simbolo sa Gugma sa Dios Amahan kanatong tanan, Gipasinati sa Dios nga ang iyang bugtong anak pagatamayon pagasakiton ug inig-abot sa insaktong tagal ilansang sa krus aron maoy himoong sumabanan nga niining kalibutana ang pagpasakit, ug ang pagdawat sa mga paglutos ug pagbiay-biay diin imong gidawat sa tumang pagpaubos maoy usa ka pag-ambit sa mga kasinatian ni Jesus Cristo . Ang balaang kasulatan nagaingon kun gusto nimong himayaon ug daygon didto sa gingharian sa langit, nan puy-i ang kinabuhi nga puno sa pagpaubos ug pagpasakit dinhi sa yuta, pas-ana ang imong krus ug sunod sa mga pagtulun-an nga gisangyaw ni Kristo. Kay bulahan ka nga nakaambit sa mga kasinatian ug mga kasakitan ni Jesu Cristo diha sa Krus kay nakaambit ka usab sa Himaya sa iyang pagkabanhaw didto sa iyang gingharian sa langit.

Ang buhing pulong sa Dios nagaingon, kun nasayud pa unta kamo, kun unsa ang atua didto sa gingharian sa langit nan dili naunta kamo mangaplag pa ug dugang bahandi niining kalibutana, biyaan ninyo ang tanan ug maoy inyong siguroon kun unsaon ang paghiabot didto sa Gingharian sa Dios didto sa langit.

Mga Milagro

BUHAT 5: 12 ~ 16

12 Ug pinaagi sa kamot sa mga apostoles, daghan ang mga ilhanan ug mga kahibulongan nga nangahimo sa atubangan sa katawhan. Ug silang tanan didto magtiguman sa Portico ni Solomon. 13Ug walay bisan usa sa mga taga-gawas nga nangahas sa pag-ipon kanila, hinoon gitahud sila pag-ayo sa katawhan. 14Ug misamot kadaghan ang mga magtotoo nga nahidugang sa Ginoo, mga panon sa mga lalaki ug sa mga babaye, 15nga tungod niana ila na gayud ganing gipangdala ang mga masakiton ngadto sa kadalanan, ug gibutang sa mga lantay ug mga higdaanan, basin na lang aduna kanilay mahilandungan sa anino ni Pedro inig-agi niya. 16Ug gikan sa kalungsuran nga kasikbit sa Jerusalem nanugok usab ang mga panon sa mga tawo nga nanagdala sa mga masakiton ug mga gisakit sa mga mahugaw nga espiritu, ug silang tanan nangaayo.

PAGPAAMBIT SA MENSAHE:

Ang maong ebanghelyo naghisgot diha sa mga milagro nga nabuhat sa mga apostoles niadtong panahun ni Jesu Cristo, diin kining tanan maoy gibilin kanila ni Jesi\us nga Nazareno diin miingon si Jesus nga sa takna unya nga mabalik na siya sa iyang gingharian sa langiyt ug magalingkod sa iyang Amahan hatagan niya ug bag-ong manlalaban ang iyang mga katawhan, ang espiritu sa kamatuoran nga malaban kanato hangtod sa kahangturan.

Atong mapalandunagn nga ang maong mag apostoles niadtong panahaun ni Kristo sama gihapon sila kanato mga yano nga tawo ug ang uban kanila hubo sa tawhanon nga kaalam, ug pipila lamang ang matawag nato nag tubig-tubigan, apan tungod sa ilang pagtuo ug pagsalig kang Jesus Cristo diin maoy nagpili kanila nga mamahimong magsasangyaw sa tinago nga kamatuoran diin niining panahuna, hinay-hinay na nga gipadayag.

Apan ang pagpakita ug mga milagro sa mga apostoles ngadto sa mga mabuot nga mga katawhan labi na niadtong mga masakiton epektibo lamang kun ang hingtundan nga mga masakiton hugot nga mitoo nga ang dios nag labing gamhanan ug dili makita ug mahikap maoy nanalangin ug mitambal kanila, instrumento lamang ang maong mga apostoles, diin pinaagi sa ilang mga armadora ug mga pag-ampo nga gitudlo kanila sa Dios pinaagi sa giya sa espiritu santo ang tanan aduna gayuy kahimo-an.

Usa lamang ka pag-matuod diha sa ubang sinulat sa balaang kasulatan nga nagaingon, 1 Corintho 1: 28, Gipili sa ios ang tinamay ug mga sinalikway, ang mga tawo nga nagpakaubos sa ilang kaugalingon diha sa iyang atubangan nga maoy iyang pagatugyanan sa iyang pulong diha sa langitnong kaalam aron sa pagmatuod nga walay gamit ang tawhanon nga kaalam ug kinaadman didto sa iyang gingharian sa langit busa dili kini anagy ipasigarbo diha sa iyang atubangan, kun aduna man ugaling ipasigarbo ngadto sa atubangan sa Dios kadto lamang mga milagro nga iyang gipasinati diha sa atong tagsa-tagsa ka kinabuhi.

Si Jesus Labaw Kang Moises

HEBREO 3: 1 ~ 6

3 • 1 Balaang mga igsoon nga gidapit sa langitnong pag­tawag, ilha si Jesus isip apostol ug La­bawng Pari sa atong pagtoo. 2 Matinud-anon siya sa Diyos nga nagpili niya, sama nga si Moises nag­matinud-anong piniyalan sa balay sa Diyos. 3 Apan si Jesus mas angayan pa sa dakong pasidungog kay ni Moises. Mas bantogan kay sa balay ang nagtu­kod ini. 4 Sanglit ang tanang balay may magtutukod man, ang Diyos nagtukod sa tanan. 5 Ginaingon nga si Moises namatud-an nga ma­tinud-anong sulu­goon sa Diyos sa tibuok balay ug saksi sa mga gipadayag sa Diyos kaniadto. 6 Mianhi si Cristo isip Anak nga manag-iya sa balay. Mga saksi ta sa panimalay kon magmalig-on ta sa pagsalig ug ma­walay kahadlok

PAGPAAMBIT SA MENSAHE:

Ang maong ebanghelyo maoy pag-aninaw nato diha sa buhat nga espiritu santo. Si Jesus ug si Moises mao ra nga kaliwatan diin gikan sila kang Abraham . Si Moises maoy unang tinawag sa Dios diin maoy gisangonan diha sa pagluwas sa iyang mga kaigsoonan nga mga Israelita diha sa mga kamot sa mga Ehiptuhanon. 40 anyos dihang gitawag si Moises sa Dios diha sa mao niyang tahas ug 80 ang iyang edad sa dihang iyang giubanan sa pagkagiw ang 600,000 ka mga katawhan nga Israelitas gikan sa Ehipto ngadto sa yuta sa mga saad nga mao ang Cana-an.

Ginaingon nga si Moises ug si Aaron nga iyang igsoon wala na makalahos ngadto sa yuta sa Canaan diin nasupak nila ang kabubut-on sa Dios ug sila nasilotan sa kamatayon, diin ulahing namatay si Moises tungod kay wala niya matuman ang sugo sa Dios nga kung aduna siya gikinahanglan sa Dios , ipaagi niya ang iyang pulong diha sa pagpakig-istorya sa buhi nga bato nga mao si Jesus nga nagauban kanila sa ilang panaw. Apan tungod sa kauhaw sa iyang mga katawhan gigamit niya ang baston nga gamhanan ug gihapak niya sa maong bato ug miagas ang tubig nga maoy tambal sa kauhaw sa ilang mga katawhan.

Sa Genesis nagaingon nga diha na si Jesus sa pagtukod pa lang sa kalibutan siya ang pulong nga nagpakatawo ug mitipon kanato. Sa panahun ni Moises sa nabantug nga Exodus diha sa balaang kasulatan anaa si Jesus nga nagauban kanila, siya kadtong bato nga nagahatag sa inadlaw-adlaw nga materyal diha mga katawhan ni Moises. Diha sa ubang mga sinulat nagaingon nga siya ang ikaduhang Moises nga nahiabot dinhi sa kalibutan diin siya maoy nagpasabot sa napulo ka sugo nga gisangyaw sa unang Moises diin ang napulo ka-sugo nagpasabot lamang sa duha ka kasugo-an. Una ang paghigugma sa Dios labaw sa tanan, ug ang ikaduha ang paghigugma sa imong isigkatawo sama sa paghigugma sa imong kaugalingon diin nagpasabot lang usab kini sa pulong nga gugma, ug ang pulong sa Dios mao gayud ang pagpahari sa gugma diha sa imong kasingkasing, kay diha sa gugma nga imong gibatunan nagpasabot nga nagauban ang Dios kanimo.

Sa laing sinulat nagaingon nga Si Jesus maoy ikaduhang Adan nga miabot niining kalibutan diin wala siya magagikan sa abog kundili nagagikan siya sa lalang sa espiritu santo nga gitisok sa sabakan ni Birhen Maria. Tawo siya apan matuod siya nga Dios diin maoy bugtong manununod sa trono sa Amahang Dios. Colosas 1:15, nagaingon nga siya ang buhing panagway sa dili makita nga Dios. Usa lamang ka pagpasabot sa mga magtutuo nga ang Dios nga dili nila makita ug mahikap gitagaan ug panagway sa Dios Amahan pinaagi sa kang Jesu Cristo, diin maoy nagtudlo kanato sa matuod nga hiyas nga kristuhanon, ug sa pagsul-ob sa kinaiyahan sa espiritu santo, puno sa kaaghop ug pagpaubos, kay matod pa ang mga pulong nga Diosnon dili mapagarbuhon kay ang pulong sa Dios pulong sa pagpaubos.