Saturday, August 29, 2009

Gugma Alang Sa Kaaway

MATEO 5: 43 ~ 48


• 43 Nakadungog mo sa ginaingon: Higugmaa ang inyong isigkatawo ug kasilagi ang kaaway. 44 Apan sultihan tamo: Higugmaa ang inyong kaaway ug iampo ang nagpasipala ninyo, 45 aron maanak mo sa inyong Amahan sa Langit. Kay gipasilang niya ang adlaw alang sa maayo ug sa daotan. Nagpaulan siya sa tarong ug sa daotan.

46 Kon mahigugma ra mo sa nahi-gugma ninyo, unsay nakalahi ini? Dili ba, nagbuhat man ini ang mga kobra-dor sa buhis? 47 Ug kon mahigalaon mo sa kaigsoonan ra ninyo, unsay labaw ini sa kasagaran? Dili ba, ang mga pagano nagbuhat man sa ingon? 48 Alang ninyo, kinahanglang matarong mo ug mahingpit ingon nga ang langitnon ninyong Amahan tarong ug hingpit.


PAGPAAMBIT SA MENSAHE:


Ang maong mensahe maoy pagpasabot lamang sa kabubut-on sa Amahan diin, ang iyang napulo ka kasugo-an nga gisangyaw ni Moises maoy pagpasabot lamang sa usa ka kasugo-an : Ang paghigugma sa Dios labaw sa tanan ug dili ka magabaton ug laing Dios gawas kaniya. ug laing kasugo-an mao ang paghigugma sa imong isigkatawo sama sa paghigugma sa imong kaugalingon.

Kay matod pa diha sa maong ebanghelyo, kun ang imong gihigugma,ug ang imong gitabangan kadto lamang imong mga amigo ug mga kaila nan wala kay kala-inan sa mga tawo nga wala maka-ila sa Dios ,sama sa mga pagano, kay nagabuhat man gi-hapon sila niana.


Kay ang matuod nga ang tawo mao pinakaimportante ug pinakaintelehente nga nilalang nga gibuhat sa Dios diin gibuhat kini sa Dios nga sebo sa ilang panagway. Diin makita sa Dios ang daghan nga mga kasaypanan diha sa unang kasulatan ug iyang gipakana-og ang iyang bugtong anak diin kina nagpakatawo diha sa sabakan ni Birhen Maria, ug maoy nahimong manluluwas kanatong tanan.


Ang pagpalansang sa Dios sa krus maoy usa lamang ka pagpasabot sa kadako usab sa gugma nga iyang gipaabot kanatong tanan, dili lamang niadtong mituo kaniya kundili hasta na usab niadtong wala motoo kaniya, kay para sa Dios walay dautan sa tawo tungod kay kita miabot man dinhi sa kalibutan nga nagsumikad sa ilang kabubut-on.


Mao kini ang sumbanan sa gugma nga gusto mapaambit sa Dios nganhi kanato kay matod pa ang gugma nga gipakita ni Cristo ngari kanato mao gitawag nga unconditional love o gugma nga walay kundisyon diin higugma-on ka gayud sa Dios hangtod sa ilang pagbalik. Nan kun ipahari nato ang gugma diha sa atong kaugalingon nagpasabot kana nga andam kitang mapasaylo diha sa atong mga kaaway ug nagpasabot lamang kini nga imong gipahari si Jesus Cristo diha sa imong kasing-kasing.

Thursday, August 27, 2009

Gidapit Ni Jesus Ang Upat Ka Mananagat

MATEO 4:18~22
18 Samtang naglakaw si Jesus daplin sa lanaw sa Galilea, nakita niya ang duha ka magsoon, si Simon (nga ginganlag Pedro) ug si Andres nga nanaktak og pukot sa lanaw. Mananagat sila. 19 Miingon siya: “Dali, sunod nako, ug himoon tamong mananagat sa katawhan.”
20 Gibiyaan dayon nila ang mga pukot ug misunod niya. 21 Mipadayon siya sa unahan ug nakita ang laing duha ka magsoon: si Jaime, anak ni Zebedeo ug si Juan nga diha sa sakayan uban sa amahan, si Zebedeo, nagtapak sa ilang mga pukot. Gitawag sila ni Jesus. 22 Gibiyaan dayon nila ang sakayan ug ang amahan ug misunod niya

PAGPAAMBIT SA MENSAHE:

Ang maong ebanghelyo maoy pagpasabot diha sa unang mga tinawag ni Jesu Cristo diin kadaghanan gayud sa iyang mga tinawag ug pinili anaa sa ubos nga hut-ong sa katilingban. Usa na niana si Simon ug ang iyang igsoon nga si Andres nga pulos sila mga mananagat, Diin diha sa uabang mga sinulat gipakita ni Jesus ang milagro diin diha sa ilang pagpanagat gitagaan sila ug daghang isda.

Simon maoy unang tinawag ni Jesus nag apostoles diin gitawag kini niya ug ngalang nga Pedro, Mateo 16: 18~19 miingon siya Simon ikaw si Pedro, ibabaw niining bato itongtong ko ang akong iglisea ni ang kamatayon dili makabuntog niini, ang imong idili dinhi sa yuta idili usab didto sa langit ug ang imong itugot dinhi sa yuta , itugot usab didto sa gingharian sa langit.

Sa Hebrew ang pulong Pedro nagpasabot kni nga Petros nga sa ato pa hard rock o magahi nga bato (batong bantiles) , sa sto daan na nag gitahas ni Jesus kang Pedro ang iyang pagtulon-an,diin si Pedro uban sa mga unang apostoles mao gayud ang gitahasan sa Dios sa pagsangyaw nining maong iglisea ni ang kamatayon dili makababag niini.

600 A.D. dihang hingpit gayud nga masangyaw ang maong pagtulun-an sa upat ka suok sa kalibutan, diin matod pa ang maga apostoles dihang nagbulag-bulag sila pagsangyaw nagbuhat ug pagtulun-an pinagi sa usa ka pangadye-on nga giya sa espiritu santo diin ilang gipa-ila sa ilang ebanghelyo ang “ Apostles Creed o Mitoo Ako diin maoy simbolo nga mga maong mga magtutuon o sumusunod nagasunod sa ilang pagtulon-an, diin gitawag kini nga universal religion nga sa ato pa Catholic

300 A.D. sa dihang ang Roma diin maoy sentro sa sibilisasyon niadtong panahuna diin aduna silay gitawag nga Roman Empire, diin hingpit nga midawat sa Kristohanon nga iglsiea, diin pinaagi kang Emperador Constantino, ang unang Emperador sa Roma nga midawat niining nga pagtulun-an, uban sa iyang inahan nga si Reyna Elena.

Wednesday, August 26, 2009

Mga Sulogoon Sa Dios

1 CORINTO 3 : 1~23
• 1 Apan mga igsoon, wala tamo ikahinabi isip mga tawong espirituhaon kondili, nga lawasnon, mga masuso diha ni Cristo. 2 Gatas ang akong gipainom ninyo, dili gahing pagkaon, kay dili pa mo makasugakod hangtod karon. Bisan gani karon, dili mo makahimo, 3 kay yutan-on ug naglakat gihapon mo sama sa mga ordinaryong tawo.
4 Samtang may nag-ingon: “Kang Pablo ko,” ug, “Kang Apolo ko,” dili ba mga yutan-on mo? 5 Kinsa diay si Apolo? Ug si Pablo? Mga alagad sila. Pinaagi nila mitoo mo sumala sa gian- dam sa Ginoo alang sa usag usa. 6 Akoy nagtanom, si Apolo ang nagbisibis, ug ang Diyos ang nagpatubo. 7 Dili importanti kinsay nagtanom o nagbisibis kondili, ang Diyos nga nagpatubo.
8 Parehog tumong ang nagtanom ug ang nagbisibis; gantihan ang matag usa pinasikad sa iyang kabudlay. 9 Mga mamumuo ta uban sa Diyos, apan uma mo sa Diyos ug balay niya.

10 Sa grasya sa Diyos nga gitugyan kanako daw maalamon nga magtutukod, akoy nagbutang sa sukaranan. Lain ang motukod. Mag-amping lang ang matag usa kon unsaon pagtukod. 11 Dili makahimo pagbutang ang usa ka tawo sa laing sukaranan gawas sa gikabutang na, si JesuCristo. 12 Apan sa pagtukod sa maong sukaranan, may mogamit og bulawan, plata, mahalong mga bato, kahoy, dagami o uhot. 13 Ipakita ang kalidad sa binuhatan sa matag usa sa adlaw sa pagbutyag ini. Kay ipadayag ni sa kalayo ug sulayan ang matang sa binuhatan sa tawo. 14 Kon molungtad ang gibuhat sa nagtukod, gantihan siya. 15 Kon matun-as, mag-antos siya sa kadaot. Maluwas man tuod siya, apan pinaagi lang sa kalayo.

• 16 Wala ba mo masayod nga mga templo mo sa Diyos ug napuyo ninyo ang espiritu sa Diyos? 17 Ang moguba sa templo sa Diyos, gub-on sab sa Diyos. Balaan ang templo sa Diyos ug iya mong mga templo. • 18 Wala untay manglimbong sa kaugalingon. Kon may usa ninyo nga magpakamaalamon ining kalibotana, magpakabuang siya aron mamaalamon. 19 Kay ang kaalam ining kalibotana giisip sa Diyos nga kabuang. Sa pagkatinuod, nasulat: Makuha sa Diyos ang maalamon sa kaugalingong kaalam. 20 Sa laing bahin nasulat sab: Nasayod ang Ginoo sa mga hunahuna sa maalamon, walay kapuslanan ang tanan. 21 Busa, ayawg ipasigarbo si bisag kinsa; kay inyoha ang tanang butang 22 bisan si Pablo o si Apolo o si Kefas o ang karon ug ugma. 23 Inyoha ang tanan, ug iya mo ni Cristo, ug si Cristo iya sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga unang tinawag sa Dios diin, sila nagasangyaw sa pulong ug sa kasugo-an sa Dios sebo usab sa kabubut-on sa Amahan. Diin diha sa ilang mga pagsangyaw daghan ang dili makatukib sa espirituhanon nga pagtulun-an ilabina kay ang doktrina nga kristuhanon niadtong panahuna, sukwahi ug may kalainan sa pagtulun-an nga ilang naandan ang Judaism.

Sa ato pa mga igsoon kamatuoran lamang nga ang tawo mintras nagkinabuhi pa makasala gayud siya sa pulong , sa huna-huna ug sa buhat, diin walay lain nga bugtong makasagang niini mao ra gayud ang hinay-hinay nga mga pag-ampo, diin matod pa kun ang balaang espiritu anaa sa imong tuo nan ang dautan anaa usab sa imong wala, ug naghulat nga makali-ot.

Diha sa ubang sinulat nagaingon usab nga kun unsa kadako ang balaang espiritu nga anaa nagauban kanimo nan ingon usab niana ang gahum sa dautang spirito nga mosamok, kanimo, diin diha sa imong mga pag-ampo ug pagbala-an nan walay gahum sa dautan nga mobuntog kanimo.

Kay matod pa ang Dios espiritu santo sa kanunay naga-uban diha sa imong kinabuhi ug kasing-kasing diin matod pa diha sa maong ebanghelyo , 1 Corinto 3:16 nagaingon ang lawas sa tawo maoy templo sa Dios esprito santo ug ang mopasipala sa templo sa Dios nga mao kita nan pagalaglagon usab sa Dios, sa ato pa mga igsoon ang Dios sa kanunay nagagiya ug nagauban kanato.

Apan matod pa ani-a pa kita sa walog sa kalibutan diin an-a ang mga tentasyon nan kun ikaw ang pinili sa Dios diha sa pagtuman sa iyang mag kasugo-an nan sa kanunay haduol ka sa mga tentasyon. Diin maoy atong sumbanan kadtong unang mga tinawag sa Dios, kadtong mga mabuot nga mga apostoles diin wala nila duha-duha-i ang kasugo-an kay para kanila, wala nay bili ang ilang kinabuhi kay nasayod ug naka-ila man sila sa ilang gialagaran. Mao kini ang kamatuoran diiha sa ubang pulong sa balaang kasulatan nga nagaingon, Ayaw kahadloki ang tawo nga makapatay sa imong lawas apan walay mahimo sa imong kalag, maoy kahadluki ang Dios dako ug mahimo diha sa kaluwasan ug kalaglagan sa imong lawas ug kalag.
:
:




Pasaylo Sa Nakasala

2 CORINTO 2: 5~11
5 Kon dunay nakasakit nako, dili ako ang gipasakitan kondili, sa dyotay lang, kamong tanan. Ug dili ko buot nga masobrahan. 6 Ang silot nga iyang nadawat gikan sa kadaghanan igo na alang niya. 7 Karon kinahanglan nga pasayloon ug hupayon siya ninyo aron dili maluya sa tumang kaguol. 8 Busa, hangyoon tamo paglig-on sa inyong gugma kaniya.

9 Mao ni ang akong tuyo pagsulat ninyo: aron masulayan mo ug masayran nako kon nagtahod ba mo sa tanan. 10 Ang inyong gipasaylo, pasayloon pod nako. Ug ang gipasaylo, kon duna koy angayng pasayloon, gipasaylo tungod ninyo atubangan ni Cristo. 11 Basin unyag magpahimulos nato si Satanas, kay nasayod ta sa iyang mga laraw

PAGPAAMBIT SA MENSAHE:

Ang maong ebanghelyo naghisgot diha sa pagpasaylo sa nakasala, diin nagaingon ang ubang sinulat nga ang pagpakasala tawhanon ug ang pagpasaylo espirituhanon. Gikan sa atong unang mga ginikanan si Adan ug si Eva , ang sala nila sa kasugo-an sa Dios maoy nakapalayas kanila sa paraiso ug mao usab nga namugna ang silot sa sala nga kamatayon.

Bisan sa gisangyaw na ni Moises ang napulo ka sugo sa Dios diin maoy unang balaod nga natala diha sa balaang kasulaatn apan nagpadayon ang mga katawhan sa pagpakasala, una wala may nakakita sa ilang Dios , ikaduha kusog ang mga kahilayan usab niadtong panahuna.

Sa miabot na si Jesus diin maoy usa sa iyang tuyo ang pagpasabot sa kasugoa-an sa Amahan ug ang pagluwas sa atong mga kasal-anan, diin ginaingon nga diha sa unang mga kasulalatan adunay mga kasaypanan ug mao kanay hinungdan nga gikinanglan ang ikaduhang kasulatan nga nagsumikad diha sa pagpakatawo ug pagpakamatay ni Jesus sa krus.

Diin matod pa ang kasugo-an sa Dios naglankob lang kini sa usa ka sugo ang paghigugma sa usag-usa ug labaw sa taaan ang paghigugma sa Dios. Apan matod pa ang tawo mintras nagpakabuhi pa niining kalibutan, makasala gayud siya sa huna-huna, sa pulong ug sa buhat.

Diin diha niining maong ebanghelyo nagpasabot si Juan sa taga Corinto nga kun adunay nakasala ngadto kaniya andam siya sa pagpasaylo tungod sa taga Corinto diha atubangan kang Cristo Jesus diin mao gayud kini ang doktrina sa matuod nga kristuhanon ug sa mga katawhan nga nagasunod sa pagtulon-an ni Cristo, diin diha sa balaang kasulatan nagaingon kini. nga kun sumosunod ka sa pagtulun-an ni Cristo nan makaambit ka gayud sa mga paglutos.

Diha usab sa ubang mga sinult nagaingon kun gusto nimong madawat ang pasaylo gikan sa Dios nan, maatigo ka uasb nag mopsaylo sa mag atwoa nga nakasala kanimo, kay matod pa sa walay si bisan kinsa nga gihatagan ug katungod sa pagsilot sa iayng isigkaatwo, tungod kay Dios lamang ang adunay katungod sa pagsilot sa iyang mga kaatwahn nan kun adunmay maksala lanato nan pasaylo-a ug isumbong sa Dios aron sya na ang mapahigayon sa tanan.

Tuesday, August 25, 2009

Ang Igsoon Nga Nakasala

MATEO 18:15~17

15 Kon ang igsoon nakasala batok nimo, adtoa ug pakigsulti niya nga siya ra. Kon mamati siya, nakabig nimo ang igsoon. 16 Kon dili, pagdalag duha o tulo ka tawo aron ang kaso kahukman pinasikad sa gimatuod sa duha o tulo ka saksi. 17 Kon dili siya mamati, pahibaloa ang nagkatapok nga simbahan. Kon dili siya mopatalinghog sa simba-han, isipa siyang pagano o kobrador sa buhis.
18 Ingnon tamo, ang inyong gaposon dinhi sa yuta, gaposon sab sa Langit, ug ang inyong hubaran dinhi sa yuta, hubaran sab sa Langit.

PAGPAAMBIT SA MENSAHE:

Ang maaong ebanghelyo maoy pagpasabot lamang sa gisangyaw ni Jesu Cristo nga panagadait, diin mao kini ang kinatibuk-an nga kahulugan sa napulo ka kasugo-an sa Dios diin naghisgot ug nagpsabot lamang kini sa paghigugma sa Dios labaw sa tanan ug ang paghigugma sa imong isigkatawo sama sa paghigugma sa imong kaugalingon.

Apan matod pa sa balaang bata Señor Santo Niño, bisag unsaon pa sa tawo pagbalaan dinhi sa ibabaw sa yuta apan makasala gayud siya sa huna-huna sa pulong ug sa buhat, diin bulaan kun sa matag-adlaw naga-ampo ug nangayo ug pasaylo sa imomg mga kasal-anan, kay ang Dios nagapasaylo sa kanunay kay matod pa hataas pa ang pasensya sa Dios niining panahuna, diin sa kanunay andam siya mohatag sa iyang mga pasaylo diha sa atong mga sala madako man o magamay.

Diha niining maong ebanghelyo diin nagpasabot ang dios nga kun makasala ang imong igsoon batok kanimo, andam ba kitang mopasaylo, ug sa ubang sinulat nagaingon ang usa ka tinuna-n ni Kristo . hangtod kapila mangayo ug pasaylo sa sala ang imong isigkatawo ug ang imong igsoon nga hatagan pa nimo sa pasaylo? Ang balaang kasulatan nagaingon nga pasaylo-a siya sa ika 77 ka beses, ingon niana kalu-ag ang pasensya nga gusting ipasunod sa Dios kanatong iyang mga katawhan.

Kay mao gayuy gusto sa Dios nga isangyaw ang iyang pulong ug pagtulon-an nga puno sa pagpaubos, puno sa pagpasakit ug pangindawaton, Kay matod pa sa Dios Amahan ang iyang pulong dili pulong sa pagpasigarbo kundili pulong sa pagpaubos. Diha sa ubang sinulat nagaingon usab ang Dios Mapasaylo ka lang usab sa imong mga kasal-anan ngadto sa Dios kun mahibalo ka usab nga mopasaylo niadtong mga tawo nga nakaasala kanimo. Kay matod pa ang pagpakasala tawhanon apan ang pagpasaylo balaanon,

Ang pagpasaylo maoy buhat sa espiritu santo ug ang pagpakasala maoy buhat nga iya sa dautan, diin namulong ang Dios nga walay tawo nag dautan kay kitang tanan, miabot man dinhi sa kalibutan ubos sa kabubut-on sa Dios, ug kun duna may dautan dili ang tawo kundiil ang iyang binuhatan, ug ang dautang binuhatan iya kana sa dautan espiritu.

Apan kun punoa ka kanunay sa espiritu santo, puno ka kanunay sa mga pag-ampo ug pagpakabalaan, nan mas madali ang paghatag ug pasaylo, mas masabtan nimo ang mga paglutos ug mga kasakitan sa kinabuhi, Kay matod pa diha sa balaang kasulatan, kun nagasunod ka sa pagtulon-a ni Kriisto nan makaambit ka gayud sa mga paglutos.

Ang Pagdili Ug Ang Pagtugot

MATEO 18: 18~20
18 Ingnon tamo, ang inyong gaposon dinhi sa yuta, gaposon sab sa Langit, ug ang inyong hubaran dinhi sa yuta, hubaran sab sa Langit. 19 Sa samang paagi, kon dinhi sa yuta ang duha magkahiusa sa pagpa-ngayo sa bisag unsa, ihatag ni sa langitnon kong Amahan. 20 Kay kon may duha o tulo nga magkapundok sa akong Ngalan, naa ko taliwala nila.”

PAGPAAMBIT SA MENSAHE

Ang mao ebanghelyo nagpasabot lamang diha sa pagkamasinabuton sa Dios diin diha sa atong pagpangayo ug pagpangaliya ang Dios Jesu-Cristo pinaagi sa kabubut-on sa iyang Amahan mitugot sa paghatag sa imong mga pangaliya ug pag-ampo. Kay matod pa sa Dios ngano man kuno nga dili niya ihatag kun kini kaayuhan man.

Apan walay bugtong nato nga komunikasyon ngadto sa Dios mao ra gayud ang atong mga pag-ampo, diin bulahan kun kita nagaampo nga hugpong kay matod pa diha sa maong ebanghelyo duha o tulo nag naga-ampo ngadto sa amahan anaa si Jesus makig-uban kanila.

Sa ato pa mga igsoon walay laing paagi nga dunggon ang atong pangaliya ngadto sa Dios , mao ra gayud ang pag-ampo, diin matod pa walay pag-ampo dinhi sa ibabaw sa kalibutan nga dili madunggan sa Dios, ang tanang nga nagaampo sa Dos iyang nadunggan, apan dili ang tanan nakadawat sa iyang panalangin kay matod pa ang kadaghaan nga naga-ampo anaa lamang sa tumoy sa ilang dila, wala magagikan sa ilang kasing-kasing.

Matod pa diha sa ubang pulong sa Dios ang pagtugot sa atong gipangaliya sa Amahan diin ihatag ang atong gipangayo, kay matod pa diha sa atong mga pag-ampo ug paghalad ug pagsakripisyo ang imposible mamahimong posible. Mao kini ang gihuptan niadtong unang mga tinawag, kadtong mga mabuot nga apostoles, sama ni Pablo nga nag-inusara diha sa iyang pagsangyaw, diin matod pa sa kanunay ang prisohan nagpaabot kaniya sa matag lugar nga iyang adtu-an. Tungod sa kahugot sa ilang pagtuo, ang Dios sa kanunay nagapanalangin kanila.

Sa ato pa maga igsoon ,ang pagtugot sa Dios diha sa atong gipangaliya ngadto kanila nagaagad usab diha sa kahugot sa atong pagtuo ngadto kanila diha sa inadlaw-adlaw nga pag-ampo, Santiago 2 : 17 nagaingon: ang pagtuo sams kini sa lawas sa tawo nga walay espiritu, patay, sa ato pa ang pagtuo kun walay binuhatan patay usab kini.

Saturday, August 22, 2009

144,000 Ka Tawo Sa Israel

GIPADAYAG 7: 1~8
1 Tapus niini nakita ko ang upat ka manolunda nga nanagtindog diha sa upat ka tumoy sa yuta, ug nanagpugong sa upat ka hangin sa yuta, aron walay hangin nga mohuyop sa yuta o sa dagat o sa bisan unsa nga kahoy. 2Unya nakita ko ang laing usa ka manolunda nga mikayab gikan sa silangan sa Adlaw, ug nagdala sa timri sa buhi nga Dios. Ug sa makusog nga tingog iyang gisinggitan ang upat ka manolunda nga hinatagan sa kagahum sa pagpangdaut sa yuta ug sa dagat,

3nga nag-ingon kanila, "Ayaw usa ninyo pagdagmali ang yuta o dagat o ang kakahoyan, hangtud ang mga ulipon sa atong Dios amo nang katimrihan diha sa ilang mga agtang." 4Ug nadungog ko ang gidaghanon sa tinimrihan, usa ka gatus ug kap-atan ug upat ka libo ka mga tinimrihan, gikan sa matag-banay sa mga anak ni Israel. 5Napulog-duha ka libo ang tinimrihan sa banay ni Juda, napulog-duha ka libo sa banay ni Ruben, napulog-duha ka libo sa banay ni Gad,

6napulog-duha ka libo sa banay ni Aser, napulog-duha ka libo sa banay ni Neftali, napulog-duha ka libo sa banay ni Manases 7napulog-duha ka libo sa banay ni Simeon, napulog-duha ka libo sa banay ni Levi, napulog-duha ka libo sa banay ni Isacar, 8napulog-duha ka libo sa banay ni Zabulon, napulog-duha ka libo sa banay ni Jose, napulog-duha ka libo sa banay ni Benjamin ang tinimrihan.

PAGPAAMBIT SA MENSAHE:

Ang maong ebanghelyo moy pagpasabot lamang sa kamatuoran diha sa ubang pulong sa Dios nga nagaingon “ Didto ka pa sa tago-angkan sa imong inahan gitawag ta na kang daan. Ang Dios aduna nay tinawag ug pinili dinhi sa ibabaw sa kalibutan, apan dili pod ang tanan nga katawhan dinhi sa kalibutan iyang mga tinawag ug pinili diin matod pa maayo lang kun adunay katunga tungod sa kagamay ra niini kumpara sa kinatibuk-an sukad pa sa sinugdanan sa kalibutan.

Maoy gipakita sa Dios isip ehemplo ang mga unang banay sa Israel diin moabot kini ug 144,000 ka tawo, nga gipatikan sa Dios isip maoy mga puro niyang tinawag. Sa ato pa mga igsoon kadtong wala niya tawga ug pili-a nan dinhi lang sila sa kalibutan, apan kadtong iyang gitawag ug gipili, nan pagapili-an pa usab sila , diin bulahan kun makalusot sila kay aduna na silay luna diha sa ganghaan sa gingharian sa langit.

Ang Dios miingon nga ang mga pinili ko nga mga katawhan dili lang kay magalingkod-lingkod lamang ug magahulat sa pagbalik sa bugtong anak sa Dios, kundili pagasulayan gayud sila aron Makita kun asa kutob ang pag-ila sa Dios kanila. Kay matod pa pagasulayan man gani ang bulawan sa kalayo kun kini matuod ba nga bulawan nan ang tawo pa kaha nga dako pa ug bili sa bulawan.

Sa ato pa ang tawo nga haduol kanunay sa Dios haduol usab kanuny sa pagsulay, kay matod pa usab diaha sa ubang pulong sa Dios nagaingon masuta nimo kung sa Dios kana nga pagtulun-an kay ang nagasunod niini makaambit gayud sa mga paglutos. Ka matouran pa usab diha sa ubang sinulat, “ Kun gusto nimong himayaon ug daygon didto sa gingharian sa langit nan puy-i ang kinabuhi nga puno sa mga pagpasakit ug pagpaubos dinhi sa yuta diin anaa ang mga paglutos ug mga pagpasakit. Kay bulahan ka nga naka-ambit diha sa kasakitan ni Kristo diha sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Nagaingon usab ang Dios nga daghan ang iyang mga pinili nga katawhan sa kalibutan diin diha sa nagkalain-laing pagtulun-an anaa siyay mga tinawag ug pinili, Kini nagpamatuod lamang diha sa pulong sa balaang kasulatan nga naga-ingon nga “ Lahi lahi ang pagtawag sa Dios kanato, apan dili ang tanan nagasangpit sa Dios makasulod sa iyang gingharian sa langit kundili kadto lang nagatuman sa iyang kabubut-on.

Wala gayuy laing paagi diha sa atong pag-ambit sa grasya ug himaya sa Dios gawas lamang sa sa iyang kabubut-on, pina-agi diha sa mga pag-ampo. Kay matod pa diha sa ubang pulong sa balaang kasulatan nagaingon “ Ang kaluwasan nga gisaad ni Kristo dili kini siya premyo tungod sa imong maayong buhat kundili gasa kini ug grasya sa Diyos aron sa ingon wala makapasigarbo diha sa atubangan sa Dios nga siya naluwas tungod sa maayong buhat kundili ang kaluwasan nagaagad lamang sa grasya ug kalooy sa Dios

Thursday, August 20, 2009

Ang Dili Kaduha-Duhaang Saad Sa Dios

HEBREO 6: 13 ~ 20
13 Hinumdomi ang saad sa Diyos kang Abraham. Buot ang Diyos nga da­sonan nig panumpa. Kay wala may labaw sa Diyos, 14 nanumpa siya sa ka­ugalingon: Panalanginan ug hatagan tikawg daghang liwat. 15 Tungod sa ma­pa­ilubong pagpaabot nadawat ni Abra­ham ang gisaad. 16 Ang mga tawo naanad pagpa­numpa sa laing tawo nga labaw sa ka­ugalingon. Ang panum­pa naghatag sa gibug-aton sa tanang butang nga ma­himo pang ipang­himakak.

17 Mao nga ang Diyos mi­tan­yag sa kauga­li­ngon nga masaksi sa iyang pa­numpa. Sa ingon, makatoo gyod ang nagpa­abot sa gisaad nga wala niy kausaban. 18 Busa, may duha ta ka kamatuoran nga kapa­sikaran. Dili mamakak ang Diyos sa iyang saad ug panumpa. Igo na kaayo nga sa pagdasig nato aron bi­yaan ta ang tanan ug magma­ka­nu­nayon sa tanan tang gilaoman. 19 Ang maong pagla­om sama sa angkla sa ka­­lag: ang kasigurohan ug ka­lig-on mo­dala nato sa Templo, sa mismong san­twaryo. 20 Tua si Jesus didto nga mi­­su­lod pag-una. Si Jesus – ang La­bawng Pari sa kahangtoran sumala sa han-ay ni Melquisedec.

PAGPAAMBIT SA MENSAHE:

Ang maong ebanghelyo naghisgot diha sa mga saad sa Dios diin ang balaang kasulatan nagaingon nga kun ang Dios mosaad nan matuman gayud kini diin iyang gipakita ang ehemplo ngadto sa una niyang tinawag nga si Abraham diin tungod sa talagsaong pagtuo niini kaniya nan iya kining gipanalanginan ug giingnan nga hatagan ug daghang kaliwatan diin hatagan siya ug luna didto sa yuta sa mga saad ug ingon man himoon usab siyang amahan sa tanang mga katawhan sa tibook kalibutan.

Ang tanan nga gisaad sa Dios ngadto kang Abraham natuman gayud kini , diin diha sa paghatag kaniya ug yuta nga maoy himoong papuy-an sa iyang mga kaliwatan diin gituman kini sa Dios apan sa wala pa kini mahitabo giingnan siya sa Dios nga mamahimo unang ulipon ang iyang mga kaliwatan sulod sa 400 ka katuigan, ayha nila madawat ang gisaad sa Dios kanila.

Diin mao kadto ang nabantog nga exodus diha sa kasaysayan sa unang kasulatan diin dili mominus 600,000 tanan ka tawo ang milalin gikan sa Ehipto ngadto sa yuta sa mga saad diin gitawag kini ug Canaan, ug diin 40 ka tuig ang ilang pagbaktas ayha nila makuha ang gisaad sa Dios kanila. Diin diha usab sa ubang sinulat nagaingon usab nga “ Kun gidawat mo si Jesu Cristo nga imong Dios ug manluluwas nan kaliwat ka ni Abraham ug anak ka ni Abraham, nga sa ato pa ang pagpangamahan ni Abrahan sa tibook kaliwatan nga nagatuo sa Dios maoy pagpasabot lamang nga Amahan nga espirituhanon diin mao kini ang gisaad sa Dios kaniya nga mamahimo siyang Amahan sa tanang nasod.

Sa ato pa mga igsoon ang Dios kun mosaad nan matuman gayud kini sama unya sa iyang pagsaad diin mobalik ang iyang anak alang sa kataposang paghukom nan, matumann gayud kini, 2 Pedro 3 : 17 nagaingon ang 1 ka adlaw sama sa 1000 ka tuig sa Ginoo apan ang 1000 ka tuig sama lang usab kini sa 1 ka adlaw, sa ato pa kabubut-on sa Dios ang kadugayon ug kadali sa iyang mga saad diin diha unya sa pagbalik sa Dios maoy iyang gusto nga daghan ang maluwas, labina niadtong iyang mga tinawag ug pinili.

Diin 2000 kapin katig na sukad sa pagkatawo sa anak sa Dios diin daghan ang mga milagro nga iyang gipasinati diin matod pa diha sa ubang sinulat nga mao kini ang panahun diin hataas pa ang pisi ug pasensiya sa Dios diin ang tanan gihatagan sa paghinulsol, ang tanan gihatagan sa kahigayunan sa pagpangayo ug pasaylo, diin nagaingon diha sa ubang sinulat sa pagsangyaw gayud sa santos nga rosaryo diin maoy atong giya ngadto sa atong mga pag-ampo ngadto sa Dios Amahan kay matod pa walay sala dinhi sa kalibutan nga dili mapasaylo sa Dios , ang tanan adunay kapasaylo-an kun motuo ka lamang nga ikaw mapasaylo usab,

Kay kun wala kay pagtuo sa imong kapasaylo-an sa imong mga sala nan sama ra unya nga wala ka motuo nga si Jesu Cristo matuod nga anak sa Dios. Kun dili ka mangayo kapasylo-an sa imong mga sala nan sa ato pa andam ka mo-atubang sa silot sa Dios sa kataposang paghukom. Apan walay laing paagi diha sa atong pagpaduol sa Dios mao ra gyud ang pag-ampo, Kay matod pa atong i-ampo ang tanan niining kalibutana, dili lang ang atong pamilya, mga silingan kun dili hasta kadtong mga tawo nga wala motuo sa Dios, kadtong mga tawo nga wala makaila sa ilang giampo-an ug kadtong mga tawo nga gusto moilog sa pulo sa Mindanao, kay diha sa atong pag-ampo ngadto sa Dios, kun iyang dunggon, nan mosugot man sila ug sa dili apan kun kabubut-on sa Dios, mopasilong gayud sila sa landong sa espiritu santo, kay Dios lamang ang adunay gahum sa pagpahumok sa matig-a nga kasing-kasing sa tawo

Ang Pag-alagad Sa Dios

ROMA 12:1~17
12 • 1 Busa, nangamuyo ko ninyo, mga igsoon, sa kaluoy sa Diyos, sa pagtugyan sa kaugalingon isip buhi ug balaang sakripisyo nga makapahimuot sa Diyos: ingan ani ang pagsimba gikan sa usa ka binuhat nga may rason. 2 Ayawg sunod sa kalibotan diin nagpuyo mo. Hinunoa, usba ang inyong kaugalingon sa pagbag-o sa inyong hunahuna. Kinahanglang masayod mo sa kabubut-on sa Diyos, unsay maayo, unsay makapahimuot, unsay hingpit.

3 Ang grasya nga gihatag kanako sa Diyos nagtugot nako sa pag-sulti ninyong tanan: Pagdasig mo apan ayawg itago. Ang matag usa kinahanglang magmaalamon sa pagbuhat pinasubay sa mga gasa sa pagtoo nga gituga kaniya sa Diyos.
• 4 Tan-awa, ang atong lawas. Usa ra ni, apan daghag bahin. Dili ang tanan managsamag buluhaton. 5 Mao sab ta, daghan, apan usa ra ka lawas diha ni Cristo nga nagsalig sa usag usa. 6 Busa, ang matag usa nato moalagad sumala sa nagkalainlaing gasa. Propeta ka ba? Ihatag ang lamdag sa pagtoo. 7 Ang dyakono magtuman sa katungdanan; Ang magtutudlo, magtudlo 8 ang magdadasig, magdani.

Kinahanglan pod nga mohatag mo nga inablihan ang kamot; mangulo sa kalihokan nga mainiton; ug magmaya sa mga buhat sa kaluoy. • 9 Himoang matinud-anon ang gugma. Dumti ang daotan. Hupti ang maayo. 10 Higugmaa ang usag usa ug pagmabination. 11 Bahin sa inyong mga katungdanan, ayawg tinapolan. Pagmainiton diha sa Espiritu ug alagari ang Diyos. 12 Paghupot og paglaom ug pagsaya. Pailob sa mga pagsulay ug pag-ampo kanunay. 13 Paambita ang ubang kristyano nga nagkinahanglan. Sa mga dumuduong, pangandam sa pagdawat nila.


14 Panalangini ang naggukod ninyo. Panalangin ug ayaw pagtinguhag daotan ni bisag kinsa. 15 Paglipay uban sa naglipay – hilak uban sa naghilak. 16 Pagpuyo mong malinawon uban sa usag usa. Ayawg damgo og mga dagkong butang pagpaubos ug, ayawg isipa ang inyong kaugalingon nga maalamon. 17 Ang daotan ayaw baslig daotan, apan pakit-a sila sa imong kamaayo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pagkatinawag sa matag tawo diha sa pag-alagad sa Dios diin diha sa ubang sinulat naga-ingon ang pulong sa Dios “Didto ka pa sa tago-angkan sa imong inahan gitawag ta na kang daan. Sa ato pa ang pag-lagad nato sa Dios maoy pagsunod usab sa kabubut-on sa Dios diri kanato diin matod pa bisan wala pa kita niining kalibutana o bisan sa wala pa kita matawo gitawag na kita sa Dios.

Kamatuoran lamang ang giingon diha sa ubang kasulatan naga-ingon dili kita maoy nangita sa Dios kundili ang Dios maoy miduol ug nangita kanato. Diin diha sa ubang sinulat naga-ingon, lahi-lahi ang pagtawag sa Dios kanato apan dili ang tanan nga nagasangpit Dios ko, Dios ko, makasulod sa iyang gingharian kundili kadto lamang nagatuman ug nagasunod sa iyang kabubut-on.

Sa ato pa mga igsoon kining nagkadaghan nga pagtulun-an nga midagsang sa tibook kalibutan kabubut-on kining tanan sa Dios, diin mao kini ang mga panan-awon diha sa Pinadayag nga gisulat ni Juan, nga daghang maNggawas nga mga pagtulun-an nga nagasangyaw sa pulong sa Dios diin kadaghanan kanila, lingla lamang aron masalaag ang kadaghanan sa matuod nga Iglisea.

Apan matod pa daghan ang tinawag nga katawhan sa tibook kalibutan sukad pa sa sinugdan ug hangtod niining panahuna apan, dili ang tanan nga mga katawhan ang tinawag sa Dios aron pag-alagad kaniya diin kadtong wala tawga sa Dios nan dinhi lang sila sa kalibutan.

Ang balaang kasulatan nagaingon, 1 Corinto, 1 : 28 ~30 nagaingon, gipili sa Dios ang mag tinamay ug mga sinalikway kadtog mga katawhan nga para sa uban wala nay mga gamit aron sa ingon ikapamatuod sa Dios ngadto sa mga maalam ug mga makina-admanon dinhi sa kalibutan nga walay pulos ang ilang bahandi didto sa gingharian sa Dios busa dili kini angay nga ikapasigarbo, tungod kay walay angay ipasigarbo diha sa atubangan sa Dios gawas lamang sa mga milagro nga iyang gipasinati diha sa tagsa-tagsa nato ka kinabuhi.

Wednesday, August 19, 2009

Ang Batan-ong Dato

MATEO 19: 16~28
16 Nianang gutloa, may batan-ong lalaki nga miduol niya ug nangutana: “Maayong magtutudlo, unsay angay kong buhaton aron pag-angkon sa kinabuhing dayon?” 17 Si Jesus mitu-bag: “Nganong gitawag ko nimog maayo? Usa ray Maayo. Kon buot kang mosulod sa kinabuhing tunhay, tumana ang mga sugo.” 18 Ang batan-on miingon: “Unsang sugoa?” si Jesus mitubag: “Ayaw pagpatay, ayawg panapaw, ayawg pangawat, ayaw pagsaksig bakak batok sa imong isigkatawo. 19 Tahora ang amahan ug inahan, ug higugmaa ang imong isig-katawo sama sa kaugalingon.”

20 Ang batan-on miingon: “Gituman ko kining tanan. Unsa pay akong buhaton?” 21 Si Jesus mitubag: “Kon buot kang mahingpit, lakaw ug ibaligya ang tanan mong katigayonan. Ihatag ang halin sa kabos ug maimo ang ba-handi sa langit. Unya, balik ug sunod nako.
22 Sa pagkadungog ining tubaga milakaw ang batan-on nga masub-anon, kay dato man siya kaayo.

23 Unya, miingon si Jesus sa iyang mga tinun-an: “Sa pagkatinuod sultihan tamo. Lisod kaayo alang sa dato ang pagsulod sa gingharian sa langit. 24 Oo, toohi ko. Mas sayon pa sa kamelyo ang paglusot sa lungag sa dagom kay sa dato ang pagsulod sa gingharian sa langit.”
25 Sa pagkadungog ini sa mga tinun-an natingala sila ug miingon: “Kinsa diay ang maluwas?” 26 Si Jesus mitutok nila ug mitubag: “Dili ni mahimo sa tawo. Apan mahimo sa Diyos ang tanan.”

27 Unya, miingon si Pedro: “Imong nakita nga ang tanan among gibiyaan aron pagsunod nimo, unsay among dangatan?” 28 Si Jesus mitubag: “Kamong nagsunod nako, paminaw sa akong mga pulong: sa Adlaw sa Pagbag-o, iniglingkod na sa Anak sa Tawo sa mahimayaong trono, manglingkod pod mo sa 12 ka trono aron pagmando sa 12 ka tribu sa Israel. 29 Ang tanang mibiya sa balay, mga igsoong lalaki ug babaye, amahan, inahan, mga anak o butang tungod sa akong Ngalan, makadawat og 100 ka pilo, ug makasulod sa kinabuhing dayon. 30 Daghan nga karon nahauna, maulahi, ug nga karon naulahi, mahauna.”

PAGPAAMBIT SA MENSAHE:

Ang maong ebanghelyo maoy pagpasabot lamang sa kabubut-on sa Dios diin matod pa diha sa maong ebanghelyo nga masayon pa sa usa ka kamelyo sa paglusot sa bangag sa dagom kay sa dato sa pagsulod sa gingharian sa langit, diin nagkahulugan lamang kini nga wala kinahanglana ang imong mga materyal nga mga bahandi o mga bahandi nga iya niining kalibutana aron ka kalawaton sa Dios didto sa iyang gingharian.

Usa kini ka pasambingay diin diha sa imong pagtuman sa kabubut-on sa Dios gamiton nimo ang imong materyal aron ikapaabot ngadto sa nanginahanglan, sa walay kapin nga kabubut-on ug sa walay paghulat ug sa pagpaabot sa sukli niini. Kay matod pa kun ang imong gitigom nga bahandi iya lamang niining kalibutana diin pagkutkuton ug pagakawaton, ug mobalik ngadto sa abog, diin mas maayo nga magtigom ka ug bahandi nga walay kawatan nga magasaka ug walay taya nga magakutkot, diin mao kini bahandi nga malungtad hangtod sa kahangturan. Mao kini nga bahandi nga iya sa espiritu santo sa Dios diin maoy gusto usab ni Jesus Cristo nga mapaambit sa iyang mga sumosunod.

Kay matod pa unsa may maarang sa tawo nga sa iyang paghiabot niining kalibutana wala man siya dala ug hubo man siyang daan nan sa takna sa iyang kamatayon biya-an man usab sa iyang kalag ang tanan nga iya niining kalibutana nan unsa man unya ang imong mabitbit kun ang imong bahandi ania lamang niining kalibutana, nan nagpasabot lamang kana nga dinhi ka lang usab kutob, apan kun aduna kay bahandi nga imong mabitbit nga maoy nagpatambok sa imong kalag ug nagapadasig sa imong espiritu nan bulahan ka kay aduna ka unya ikapresentar ngadto sa Dios sa takna sa imong pagbiya niining kalibutana.

Nan diha niining maong ebanghelyo wala maabti sa maong dato ang gustong ipaabot sa Dios diin dili literal nga ipanghatag ang imong bahandi kundili imong hatagan ang mga nanginahanglan sa paagi nga ikaw ug ang Dios ra ang nasayod, diin sama unya nga ang imong wala nga kamot wala makahibalo sa gibuhat sa imong tuo nga kamot, diin himaya-on ka didto sa DiosAmahan tungod sa grasya nga imong gipaabot sa imong mga igsoon ,

Ang balaang kasulatan nagaingon, kun asa ang imong bahandi nan atua usab ang imong kasing-kasing,diin kun ang imong bahandi iya lamang niining kalibutana nan dinhi kalang usab kutob apan kun ang imong bahandi iya sa Dios espiritu santo nan bulahan ka ka yang grasya sa Dios maga-uban kanimo kay matod pa dili kini nga kinabuhi ang importante kundili ang kinabuhi human niining kinabuhi-a diin mao kadto ang matuod nga kinabuhi ang kinabuhi nga minando-an sa espiritu sa Dios.

Diha sa ubang sinulat nagaingon, 1 Corinto 29~30, walay bili kaaalam ug kinaadamn nga iya niinin kalibutana kay wala kini pulos didto sa ginghaarian sa langit, busa dili kini angay ipasigarbo ug kun aduna may angay ipasigarbo kadto lamang mga milagro nga gipasinati sa Dios diha sa tagsa-tagsa nato ka kinabuhi.

Tuesday, August 18, 2009

Ang Halad Sa Biyuda

21 1 Mianinaw si Jesus ug nakita niya ang mga dato nga nanghulog og mga halad sa panudlanan. 2 Nakita sab niya ang kabos nga byuda nga nagbutang og duha ka dako. 3 Busa, miingon siya: “Sa pagkatinuod ingnon tamo, nakahalad kining kabos nga byuda og labaw kay kanilang tanan. 4 Kini sila nanghalad sa Diyos gikan sa kabuhong, samtang ang kabos nga byuda naghalad gikan sa kawad-on, sa kinatibuk-an sa iyang panginabuhi.”


PAGPAAMBIT SA MENSAHE:

Ang maong mensahe maoy pagpasabot lamang nga ang Dios wala maglantaw ngadto sa kadako ug kagamay diha sa atong gipahinungod ngadto Kanila, kaw wala diha sa kantidad sa materyal nga butang ang sukdanan diha sa atong pag-ila ug pagtahod ngadto sa Dios nga labing gamhanan

Diin iyang gipasabot nga ang maong biyuda nga walay matawag nga bahandi ug klarong pangita mas dako ug nahatag niadtong nga dato, tungod kay ang biyuda nihatag man sa iyang kinabuhi sa pagkangalan nga ang tanan nga anaa kaniya iya man nga gihulog ngadto sa panudlanan sa templo apan kadtong mga datu sensilyo lamang nga matawag ang ilang gipahinungod ngadto sa Dios.

Ang Dios miingon diha sa iyang buhing pulong nga “Ang mohatag ug daghan makadawat usab ug daghan apan ang mohatag ug gamay ra nan makadawat usab sa susamang gidaghanon. Kini siya nagpasabot sa imong espirituhanon nga grasya nga imong gipaabot sa Dios nga gikan gayud diha sa imong kasingkasing.

2 Corinto 9:7 nagaingon ang balaang kasulatan: Busa magahatag ang tagsa-tagsa sumala sa iyang gusto ug dili magbagutbot ni maghuna-huna nga gipugos siya, kay ang Dios mahigugma sa gahatag nga malipayon.

Sa ato pa nga igsoon dako ang panalangin sa Dios kun mismo ang kataposan nga anaa kaanino imong ihatag saDios, diin diha niining maong ebanghelyo ang materyal nga imong ipa-abot sa Dios sa walay pagkwenta kun adunay ba kini tubo sa pagbalik niini.

Diha sa unang sinulat nagaingon nga kun asa ang imong bahandi nan atua usab ang imong kasing-asing diin dako ug bintaha kun ang imong bahandi mao ra gayud ang imong walay kataposang pagmahal ug pagtahod sa Dios kay mao man unya kini ang bahandi nga molungtad sa kahangturan.

Sama usab kini sa gasa nga gihatag sa Dios kanimo nga walay bayad diin imo kining ikapaambit ngadto sa nga katawhan sa walay pagpanuko ug sa walay paghunahuna nga bayran ka kay gihatag man kini nga walay bayad. Mas dako ug panalangin diin ikaw mismo ug ang imong pag-alagad ngadto sa Dios sa walay paghuna-huansa sa imong mga intereses kay matod pa diha sa imong pagkugi nan hasta ang imong tibo-ok pamilya makaambit sa grasya nga walay kataposan.

Mas maayo gayud diay mga igsoon nga imong unahan ang gingharian sa Dios diin ang tanan nga imong gipangayo ihatag ra kanimo sa umaabot nga mga adlaw. Iingon niana ang pasidungog sa Dios niadtong mga tawo nga sa kanunay nagpasidungog kaniya, Kay matod pa dili gayud siya motalikod sa iyang katawhan kun nakita niya nga nagpuyo sila diha sa atong kasing-kasing.







Saturday, August 15, 2009

Ang Atong Pagkabanhaw

1 CORINTO 15:12~34
12 Busa, kon giwali nga si Cristo nabanhaw sa minatay unsaon man sa uban pag-ingon nga walay pagkabanhaw? 13 Kon wala pay pagkabanhaw, si Cristo wala unta mabanhaw. 14 Kon si Cristo wala mabanhaw, ang among giwali kawang ingon man ang inyong pagtoo. 15 Nasaksi ta nga bakakon ang Diyos; ug nagmatuod nga ang Diyos mibanhaw ni Cristo, apan wala diay, kon ang patay dili mabanhaw. 16 Kon ang patay dili mabanhaw, si Cristo wala sab mabanhaw. 17 Kon si Cristo wala mabanhaw, kawang ang inyong pagtoo. Naa gihapon mo sa sala. 18 Ang nakatulog na diha ni Cristo wala sab maluwas. 19 Kon naglaom ta ni Cristo ini lang nga kinabuhia, labing alaot ta sa tanang tawo.

• 20 Apan si Cristo nabanhaw gyod sa minatay. Siya ang una, ug ang unang bunga sa nangamatay. 21 Sanglit miabot ang kamatayon pinaagi sa usa ka tawo, sa usa pod ka tawo miabot ang pagkabanhaw sa minatay. 22 Ingon nga ang tanan namatay diha ni Adan, diha sab ni Cristo ang tanan makadawat og kinabuhi, 23 ang matag usa hinuon sa kaugalingong panahon. Una si Cristo unya, ang iyang katawhan, sa iyang pagbalik.

24 Sa pagkahuman moabot ang kataposan, kon ikatugyan ni Cristo ang Gingharian sa Diyos ngadto sa Amahan inigkagun-ob sa tanang kamandoan, awtoridad ug kagahoman. 25 Kay maghari siya hangtod nga ikabutang niya sa iyang tiil ang tanang kaaway 26 ug magun-ob niya ang kamatayon. 27 Kay sumala sa Kasulatan:ang Diyos nagbutang sa tanan ubos sa iyang tiil. Sa pag-ingon nato, ang tanan, klaro kaayo nga gawas ni sa Amahan nga nagbutang sa tanan ubos niya. 28 Diha nga gibutang sa Amahan ang tanan ubos niya, ang Anak pod mipahimutang sa iyang kaugalingon ubos sa nagdumala sa tanan. Sa ingon, ang Diyos mahimo nga tanan diha sa tanan.

29 Kon dili, unsay buhaton sa gibunyagan sa ngalan sa mga patay? Kon ang minatay dili mabanhaw, nganong buot silang bunyagan alang sa patay? 30 Ug kami, nganong kanunay man namong gibutang sa piligro ang kinabuhi? Ang kamatayon adlaw adlaw kong kauban. 31 Ako ning gipahayag tungod sa akong kalipay alang ninyo diha ni JesuCristo nga atong Ginoo. 32 Kon nakigbisog ko sa mga ihalas nga mananap sa Efeso sumala sa tawhanong interes lang, unsay akong makuha kon ang minatay dili mabanhaw? Mangaon ta ug mag-inom, kay ugma mangamatay na ta! 33 Ayaw mog palingla. Ang daotang pagbinayloay sa hunahuna makadaot sa maayong pamatasan. 34 Pagmata mo sa katarong ug ayawg pakasala. Ang pipila ninyo ignoranti kaayo bahin sa Diyos. Ako ning gisulti aron maulawan mo.

PAGPAAMBIT SA MENSAHE:

Ang maong ebanghelyo naghisgot diha sa atong pagkabanhaw, diin matuod nga nga adunay pagkabanhaw, diin mao kini ang kamatuoran nga gipadayag ni Jesus diha sa pagpakamatay diha sa krus diin diha sa ikatulo ka adlaw nabanhaw siya gikan sa mga patay. Siya ang una nga binuhat nga nabanhaw diha sa kasaysayan sa balaang kasulatan. Apan ang iyang pagkalabanhaw nagdala ug kadaugan, kay mao man kadto ang gitahas sa iyang Amahang Dios. Diin matod pa diha sa iyang pagkamatay nianang krus namatay kita uban kaniya ug namatay usab ang atong mga sala, apan sa iyang pagkabanhaw, nabanhaw usab kita uban kaniya apan nagpabilin nga patay ang atong mga sala. Nan sa ato pa mga igsoon kun gidawat ug gipapuyo mo si Jesu Cristo diha sa imong kasing-kasing nan nabanhaw ka usab uban kaniya.

Sa ato pa ang pagkabanhaw nga gihisgutan diha niining maong ebanghelyo dili ordinaryo nga pagkabanhaw kundili usa ka espirituhanon nga pagkabanhaw, pagkabanhaw gikan sa usa ka makasasala ngadto sa usa ka matuod nga kristuhanon diin nagasunod sa mga kasugo-an ug kabubut-on sa Dios. Kay matod pa usab diha sa ubang sinulat nagaingon nga ayha na kita magpuasa sa dihang mibalik na si Jesu Criso ngadto sa iyang Amahang Dios diin mao kini ang paglikay nato sa pagpakasala diin ibalaan nato ang atong kaugalingon aron dili masayang ang pagkamtay ni Jeus Cristo diha sa krus ug labaw sa tanan dili masayang ang pagbanhaw kanimo gikan sa imong mga sala,

Gibag-o na ni Krsito ang imong kinabuhi diin mahal ang lukat niya kanato kay gihalad man niya mismo ang iyang lawas ug dugo. Apan lagi kay ang tawo matod pa makasasala man gayud pinaagi diha sa atong huna-huna, sa pulong ug sa buhat nan nabanhaw ka apan wala pay siguro ang imong kaluwasan ang kaluwasan diha sa imong kalag, kay matod pa temporaryo lamang kita niining kalibutana, ug aduna pay kinabuhi labaw niini nga kinabuhi diin mao kadto ang katumanan diha sa atong kaluwasan ang matuod nga pagkabanhaw diin himayaon ka didto sa gingharian sa Dios.

Nan sa ato pa wala nay panahun kun didto kana maghinulsol sa laing kalibutan , diin dako na ug kakulangon sa imong pagkatawo diin matod pa diha sa imong pagpauli sa matuod nga kalibutan ug matuod nga kinabuhi mabahin bahin ang imong pagkaikaw, ang imong lawas magpabilin dinhi sa yuta ug mobalik sa abog ug ang imong espiritu maoy mobalik sa Dios diin maoy magasumbong sa imong mga ksal-anan niadtong nagkinabuhi kapa. Ug ang imong kalag maoy mopadayun ngadto sa laing kalibutan diin maoy magahulat sa kataposang paghukom ug maoy tagaan o sul-oban sa espiritu mong lawas diha sa imong pagkabanhaw.

Kamatuoran lamang ang ginaingon diha sa balaang kasulatan nga nagaingon, “ Kun gusto nimong daygon ug himayaon ddto sa gingharian sa langit nan puy-I ang kinabuhi nga puno sa pagpaubos ug puno sa mga paglutos dinhi sa yuta, diin bulahan ka nga nakaambit diha sa mga paglutos ug mga kasakitan ni Jesu Cristo didto niadtong krus, Kay makaambit ka usab sa himaya sa iyang pagkabanhaw didto sa iyang gingharian sa langit.

Friday, August 14, 2009

Kahusay Sa Iglisea

CORINTO 15: 26~40


26 ug magun-ob niya ang kamatayon. 27 Kay sumala sa Kasulatan:ang Diyos nagbutang sa tanan ubos sa iyang tiil. Sa pag-ingon nato, ang tanan, klaro kaayo nga gawas ni sa Amahan nga nagbutang sa tanan ubos niya. 28 Diha nga gibutang sa Amahan ang tanan ubos niya, ang Anak pod mipahimutang sa iyang kaugalingon ubos sa nagdumala sa tanan. Sa ingon, ang Diyos mahimo nga tanan diha sa tanan.

29 Kon dili, unsay buhaton sa gibunyagan sa ngalan sa mga patay? Kon ang minatay dili mabanhaw, nganong buot silang bunyagan alang sa patay? 30 Ug kami, nganong kanunay man namong gibutang sa piligro ang kinabuhi? Ang kamatayon adlaw adlaw kong kauban. 31 Ako ning gipahayag tungod sa akong kalipay alang ninyo diha ni JesuCristo nga atong Ginoo. 32 Kon nakigbisog ko sa mga ihalas nga mananap sa Efeso sumala sa tawhanong interes lang, unsay akong makuha kon ang minatay dili mabanhaw? Mangaon ta ug mag-inom, kay ugma mangamatay na ta
!
33 Ayaw mog palingla. Ang daotang pagbinayloay sa hunahuna makadaot sa maayong pamatasan. 34 Pagmata mo sa katarong ug ayawg pakasala. Ang pipila ninyo ignoranti kaayo bahin sa Diyos. Ako ning gisulti aron maulawan mo. • 35 Ang pipila ninyo mangutana: Unsaon man pagbanhawg patay? Sa unsa mang lawasa nga sila mabanhaw?


36 Pagkabuang gyod nyo! Ang gipugas dili motubo gawas kon mamatay ni. 37 Ug ang gipugas dili ang punoan sa umaabot nga tanom kondili, ang liso sa trigo o laing liso. 38 Ang Diyos mohatag sa angayng lawas, sama nga naghatag siya sa matag liso sa kaugalingong lawas. 39 Tan-awa: dili pareho ang tanang karne. Lain ang karne sa tawo, lain ang karne sa mga langgam ug isda. 40 May mga langitnon pod ug yutan-ong lawas nga wala magsiga sama sa langitnon

PAGPAAMBIT SA MENSAHE:

Ang maong ebanghelyo naghisgot diha sa kahusay sa iglisea. Iglisea nagpasabot kini nga pagtulon-an nga gibarugan ni Jesus Cristo, diha sa ubang sinulat nagaingon nga si Jesus ang ulo sa iglisea ug ang iyang lawas mao ang iglisea diin mao kita nga nagasunod sa pagtulon-an nga gisangyaw ni Kristo.

Ang ulohan nagpasabot sa kahusayan diha sa iglisea, nga sa ato pa dili gayud mosugot ang Dios nga ang iyang pagtulon-an nga gitukod sagulan ug mga tinawhanon nga pamaagi diin maoy iyang gusto nga ang tanan niyang tinawag ug pinili magmadasigon diha sa pagsangyaw sa iyang pulong ug binuhatan sa daghang paagi, diha sa pakigpulong ug diha sa pagpasabot sa kahulogan sa mga mensahe.

Apan matod pa daghan mga katawhan nga iyang tinawag ug pinili dinhi sa ibabaw sa kalibutan, apan pipila lang usab ang naminaw sa iyang pagtawag ug sa pagpili, diin matod pa dili man ang tanan, tinawag ug pinili nga sa ato pa kadtong wala tawga ug pili-a nan dinhi lang sila kutob sa ibabaw sa kalibutan apan kadtong iyang mga pinili nga katawhan pagapili-an pa, diha magsumikad ang kahusay ug kahapsay sa iglisea nga imong gibarugan kun ikaw mismo nagmadasigon diha sa pagtawag ug pagpili kanimo sa Dios,

Matod pa ang kaalam nga gipahulaman sa Dios diha sa iyang mga katawhan nga iyang gitahasan diha sa pagpalig-on ug kahapsay diha sa pagtulun-an ni Kristo kaalam nga iya sa Dios nag sa ato pa dili ordinaryo nga kaalam kay giya man kini sa espiritu santo ug gitawag kini sa Dios nga talagsaon nga kaalam kay kaalam man nga gipahulaman sa Dios Amahan ug kaalam nga imo lamang mahulaman o maambitan kun aduna kay mga pag-ampo ug mga pagbalaan.

Daghan ang mga pagtulun-an ug mga iglisea sa pagtulun-an sa Dios dinhi niining kalibutan diin sa karon miabot na kini ug 33,000 ka pagtulun-an diin pipila lamang usab kaha ka hakop niini ang matuod nga matod pa iglisea nga dunay kahusay ug kalinaw nga espirituhanon. Ang Dios miingon maila ninyo ang akong iglisea o ang akog pagutlun-an kay kamo nga nagasunod niini makaambit gayud sa mga paglutos.

Mao kini ang kamatuoran diha sa unang pagtulon-an nga gisangyaw ni Kristo 2000 na katuig ang milabay diin mismo siya nga nagasangyaw giayran sa mga Judio labina sa mag pariseo ug sa mga mabuot nga mga panggobyerno niadtong panahuna, ang kahusay sa iglisea wala man diha makita nimo sa imong mata kundili ang imong mabati diha sa imong kasingkasing ug panumduman, diin mao kini ang nabati ug naambitan niadtong unang mga tinawag ang unang mga apostoles nga nagsunod sa pagtulon-an nga gisangyaw ni Cristo.

Matod pa sa DiosAmahAn wala gayuy kalinaw ang imong kinabuhi kun wala Ako magpuyo diha sa imong kasingkasing, nga sa ato pa diay ang gitawag nato nga security o seguridad sa pagkinabuhi dili diay kini status symbol o ang simbolo nga aduna kay daghan materyal diha sa imong tawhanon nga kinabuhi, Ang kahusayan diay diha sa iglisea nga imong gibarugan wala diay diha sa kinatibuk-ang grupo kundili anaa sa tagsa-tagas ka kasingkasing.

Ang Dios miingon dili gayud mahitabo nga motalikod ako kaninyo kun nakita ko nga gipahAri ug gipapuyo ninyo ang Dios diha sa inyong kasingkasing, Dili diay bahandi nga iya niining kalibutan ang angay ipasulabi diha sa matag igliseas, kundili ang bahandi nga dili makita ug mahikap diin walay kawatan nga magasaka ug walay taya nga magakutkot, Mao kini ang bahandi nga molungtad hangtod sa kahangturan.

Ang balaang kasulatan nagaingon kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulon-an nga gisangyaw ni Jesus , kay bulahan ka nga nawad-an ug kinabuhi diha sa pagsunod mo sa kabubut-on sa Dios kay mahatagan ka ug dugang kinabuhi apan kun magdumili ka diha sa pagsunod sa kabubut-on sa Dios sa kahadlok nga mawad-an ug kinabuhi nan basin kun kawad-an ka niini.


Thursday, August 13, 2009

Pahulay Alang Sa Katawhan Sa Dios

HEBREO 3 : 7~19, 4: 1~12
7 Pamati sa gisulti sa Espiritu Santo: Maminaw unta mo sa iyang tingog! 8 Ayawg pagahia ang inyong ulo sama nila sa gitawag og Pagsukol. 9 Sa ad­law to nga ang inyong kati­gulangan nakig-away nako sa kamingawan, bi­san pag nakakita sila sa akong binu­hatan sulod sa 10 40 ka tuig. Busa, na­suko ko adtong mga tawhana ug na­kaingon: Ang ilang kasingkasing ka­nunayng nasalaag. Wala sila maka­sa­bot sa akong pamaagi. 11 Nasuko ko ug nakapa­na­ad: Dili sila makasulod sa akong pahu­layanan.

12 Hinunoa, mga igsoon, pagbantay ba­sig pipila ninyo maka­huna­hunag da­o­tan ug magpa­layo na hinu­on sa Diyos nga buhi. 13 Pag­di­na­sigay mo adlaw ad­law, samtang duna pa tay gita­wag og ka­ron. Ayawg tugot nga dunay magpa­bilin sa kamalim­bongon. 14 Ma­hi­usa ta ni Cristo kon magpabiling makanuna­yon sa pagtoo niya hangtod sa katapo­san.

15 Ang Balaang Kasulatan nag-ingon: Kon maka­du­­ngog mo sa tingog sa Diyos, ayawg patig-aha ang inyong kasingkasing sama nila sa ginganlag Pagsukol. 16 Kinsa ba sila nga bisag na­­ka­­dungog na misukol lang gihapon? 17 Kinsay nasuk-an sa Diyos sulod sa 40 ka tuig? Ang naka­sala ug sila kan­sang mga lawas napu­kan sa kaminga­wan. 18 Kinsay gipa­sabot sa Diyos nga dili makasulod sa iyang pahulayanan? Ang misukol. 19 Busa, makita nga ang kawalay pag­too naka­pugong nila pag­sulod sa pa­hu­layanan.

4 1 Hinuon, magbaton tag kahadlok samtang gidapit sa pag­sulod sa pahu­la­yanan sa Diyos basig dunay mahi­bilin. 2 Sama nila, gidapit sab ta. Apan ang tugon nga ilang nadungog wala makahatag og kaayohan. Wala sila mag­ma­tinud-anon sa pagtoo. 3 Ma­ka­su­lod na ta karon sa maong pahula­yanan, kay mitoo man ta. Sumala sa giingon: Nasuko ko ug na­ka­panaad: dili sila makasulod sa akong pahula­yanan – ang pahu­la­yanan sa Diyos human buhata ang kali­botan. 4 Sa laing bahin, giingon sab: Sa ika­pitong adlaw mipahulay ang Diyos sa iyang gim­buhaton. 5 Apan gi­naingon karon: Dili sila maka­sulod sa akong pahu­layanan.

6 Busa, makaingon ta nga dunay pi­pila nga makasulod sa pahulayanan sa Diyos. Ang unang nakadungog sa maayong balita wala makasulod, kay wala man manoo. 7Apan ang Diyos nagtakda pag-usab og adlaw nga moi­ngon siya: Karong ad­lawa. Human sa katuigan ang Diyos mi­padayag pina­agi ni David: Kon maka­dungog mo karon sa iyang tingog, ayawg pagahia ang inyong ulo. 8 Dili si Josue ang nagpasulod nila sa yuta nga pahulayanan. Kon siya pa, dili unta ang Diyos magtakdag laing adlaw. 9 Unya, laing matang sa pahu­lay, o adlaw sa pahulay ang gitagana alang sa katawhan sa Diyos. 10 Ang ma­­­ka­­­sulod sa maong pahula­ya­nan sa Diyos mopahulay sa tanang gim­bu­haton sama sa pagpahulay sa Diyos.

11 Busa, maningkamot ta pagsulod sa pahula­yanan. Dili ta makig-ambit sa gidangatan sa wala manoo. 12 Kay buhi ang pulong sa Diyos ug epektibo, mas hait kay sa pinuti nga duhay sulab nga modulot hangtod sa dapit diin nagbu­lag ang kalag ug ang es­piritu, sa mga luta­han ug uyok sa mga bukog. Mohu­kom ni sa pangan­doy ug pangindahay sa kasingkasing.

PAGPAAMBIT SA MENSAHE:

Ang maong ebanghelyo naghisgot sa mga kasinatian sa unang mga tinawag diin sila giluwas ni Moises pinaagi sa pagkagiw gikan sa Ehipto paingon sa yuta sa mga saad nga gitawag kini ug Cana-an, Dili mominos 600,000 kapin ka tawo ang milalin sa maong “Exodus” diin mao kini ang tolukibon ug halandumon nga istorya diha sa balaang kasulatan, diin 40 ka tuig sila nga mibaklay paingon sa yuta nga gisaad sa Dios sa ilang unang Amahan nga si Abraham.

Mao kini ang kamatuoran diha sa ubang sinulat nga kun ang Dios mosaad nan matuman gayud kini, apan ang maong mga katawhan niadtong panahuna, nagpabilin ang kadaghanan diha sa pagkawili sa pagano nag pagtulun-an diha sa mga tawhanon nga kailibgon diin diha sa maong kadugayon sa ilang panaw ang Dios sa makadaghang higayon misilot niadtong mga makasasala, diin sila gisilotan sa kamatayon, Daghan mga archaelogical facts nga nagpamatuod nga didtong dapita diin daghan ang nangamatay daghan ilang nakita nga mga timailhan pinaagi diha sa bag-ong siyensa, nakita nga daghan ang mga nangamatay didto nga mga bata ug mag batan-aon ug ingon man usab sa mga katigulangan tungod sa STD o gitawag ug Sexually Transmitted Disease

Sa ika 39 nga tuig diha sa ilang panaw, gitawag sa Dios si Moises ug si Aaron ug giingnan, nga “Kun aduna kamoy pangayoon kanako nan pangayo nianang dakong, bato ug siya mohatag sa inyong gipangayo. Apan si Moises tungod sa kasaba sa iyang mga katawhan gumikan sa kauhaw ug kakapoy, Miingon siya. “ Gusto ba kamo ug tubig mga masupilon? Ug diha-diha gibunal niya ang iyang baston diha sa maong bato ug miagas mismo sa maong bato ang makusog nga bul-og sa tubig.

Apan pinaagi sa maong insedente nasuko ang Dios Amahan kang Moises ug kang Aaron ug giingnan sila nga “ Wala ninyo respetuhi ang akong gahum, Dili kamo angayan nga mangulo niining mga tawhana didto sa maong yuta nga gisaad ko kang Abraham. Unang gikuha sa Dios si Aaron diin gipulihan siya asa iyang anak sa pagkapari nga si Eleazar, ug sa dihang hapit na sila mahiabot sa maong lugar sa yuta sa mga saad Miingon ang Dios kang Moises : Pagkuha ug tawo nga makapuli kanimo kay dinhi ka ra kutob ug dili ko na ikaw ipalahos as yuta sa mga saad . Gipili ni Moises si Josue ug iyang gipandong ang tuo niyang kamot sa dughan ni Josue nga puno sa espiritu santo. Ug miingon ang Dios kang Moises saka nianang bukid ug lantawa ang tibook Cana-an, ug didtong dapita ra namatay si Moises diin matod pa wala gayud makita ang patay niyang lawas, ug silang tanan naguol ug misunod sila sa bag-o nilang lider nga si Jusoe.

Ingon niana ang ipasabot sa Dios nga ipapahulay nalang gayud niya ang iyang katawhan sa Dayun kun dili mo masunod ang iyang kabubut-on ug kasugo-an, kay matod pa, mas-maayo pa nga makasala ka sa tawo kay sa makasala ka sa espiritu santo, diin siguroon gayud sa Dios pagkuha ang imong kalag aron siguro kining maluwas didto sa laing kalibutan apan ang imong tawhanon nga lawas ipapahulay na lang kini sa Dios ug ibalik sa abog.

Wednesday, August 12, 2009

Si Jesus Labaw Kang Moises

HEBREO 3: 1~6
3 • 1 Balaang mga igsoon nga gidapit sa langitnong pag­tawag, ilha si Jesus isip apostol ug La­bawng Pari sa atong pagtoo. 2 Matinud-anon siya sa Diyos nga nagpili niya, sama nga si Moises nag­matinud-anong piniyalan sa balay sa Diyos. 3 Apan si Jesus mas angayan pa sa dakong pasidungog kay ni Moises. Mas bantogan kay sa balay ang nagtu­kod ini. 4 Sanglit ang tanang balay may magtutukod man, ang Diyos nagtukod sa tanan. 5 Ginaingon nga si Moises namatud-an nga ma­tinud-anong sulu­goon sa Diyos sa tibuok balay ug saksi sa mga gipadayag sa Diyos kaniadto. 6 Mianhi si Cristo isip Anak nga manag-iya sa balay. Mga saksi ta sa panimalay kon magmalig-on ta sa pagsalig ug ma­walay kahadlok.

PAGPAAMBIT SA MENSAHE:

Ang maong mensahe nagpasabot diha sa pagkatawo ni Jesu Cristo ug ni Moises, Si Moises ug si Jesu Cristo kaliwat ni Abraham, ug diin matod pa si Moises maoy unang propeta diha sa kasaysayan sa balaang kasulatan nga haduol kaayo sa Dios Amahan apan tawo siya ug nagagikan sa Abog ug sa abog usab siya pauli.

Diha sa ubang sinulat gihulagway si Jesus Cristo nga mao ang ikaduhang Adan, apan wala siya magsumikad sa abog kundili nagikan siya sa lalang sa espiritu santo nga mikunsad sa sabakan ni Birhen Maria, tawo siya apan Dios usab diin diha nagsumikad ang mga debate kay adunay ubang mga pagtulun-an nga wala moila ni Jesu Cristo nga anak sa Dios.

Mao kini ang akong pagsabot nga kahulugan diha sa maong ebanghelyo diin labaw si Jesus kang Moises kay matuod man siya nga Dios diin pinaagi diha sa dili masukod nga gahum sa Dios, Ang a nak sa Dios nagpakatawo para maluwas ang atong mga kasal-anan ug nabanhaw diha sa kamatayon ug gibayaw ngadto sa gingharian sa langit ug milingkod sa tuo sa Amahang Dios.

Apan diha sa ubang sinulat Colosas 1:15 nagaingon si Jesu Cristo ang buhing larawan sa dili makita nga Dios. Panganay siyang anak dinhi sa yuta ug sa langit ug sa tanang binuhat nga makita ug dili makita. Ug diha sa ubang sinulat nagaingon, Siya ang Alpha ug ang Omega ang sinugdanan ug ang kataposan, walay moabot ngadto sa Amahang Dios kun dili moagi kang Jesu Cristo, ug kun ilimod mo siya ug dili angkunon nga imong Dios nan ilimod ka usab niya didto sa atubanngan sa iyang Amahang Dios.

Monday, August 10, 2009

Ang Pangulo Sa Kaluwasan

HEBREO 2:5~18
• 5 Wala ihatag sa mga ang­hel ang gahom aron dumalahon ang bag-ong kalibotan nga atong gihis­gotan karon. 6 Gani may miingon sa kasulatan: Unsa ba ang tawo nga imo man siyang gi­ban­tayan kanu­nay? 7 Usahay ibu­tang mo siya ubos lang sa mga anghel, apan gipurong­purongan mo siya sa himaya ug dungog. 8 Gihatag mo kaniya ang gahom sa pagdumala sa tanang bu­tang.

Ang giingon nga ang Diyos nag­ha­tag niyag gahom sa tanang butang, nag­pasabot nga wala siyay gipili. Apan wala nato makita ang iyang ka­gam­hanan. 9 Hinunoa, si Jesus nga nagpa­ka­matay ug sa dyotayng pa­na­hon na­himutang ubos sa mga ang­hel, gipu­rong­purongan sa du­ngog ug himaya. Kay ang maluluy-ong plano sa Diyos nagkinahanglan nga masinati niya ang kamatayon alang sa tanan.

10 Ang Diyos nga gigikanan sa ta­nan ug pinaagi niya buhi ang tanan, nag­­­hi­maya sa kinabag-an sa iyang mga anak. Nagtoo siya nga angay silang hing­piton pinaagi sa pag-antos sa nag­mugna sa ilang kaluwasan. 11 Busa, ang naghatag ug ang naka­dawat sa ka­­balaan usa ra. Wala siya maulaw pag­­tawag natog mga igsoon. 12 Atong mabasa: Ginoo, akong isang­yaw ang imong ngalan sa akong mga igsoon. Dayegon tikaw sa kati­lingban.
13 Nag-ingon pod: Mosalig ko sa Diyos. Ania ko ug ang mga anak nga gitugyan kanako sa Diyos.

14 Kay ang mga anak nag-inam­bi­tay sa samang kinaiya sa karne ug du­go. Si Jesus nakig-ambit pod ini. Mao man gani nga ang iyang kama­ta­yon mi­bun­tog sa yawa nga naghu­pot sa gahom sa kamatayon. 15 Gilu­was niya ang nagpa­bilin sa kaulipnan sa tibuok kinabuhi tu­ngod sa kahadlok sa kamatayon. 16 Mi­­anhi si Jesus aron aga­­kon dili ang mga anghel kondili, ang tibuok kataw­han. 17 Busa, mahi­sa­ma siya sa tanan sa iyang mga igsoon. 18 Sa ingon, ma­himo siya nga Labawng Pari, matinud-anon sa Diyos ug mang­gi­luy-on sa ka­igso­onan. Pari nga ma­ka­­pasaylo ug makabayad sa mga sala.

PAGPAAMBIT SA MENSAHE:

Ang maong ebanghelyo nagtuki sa tawo ingon nga maoy pinalabi nga nilalang sa Dios dinhi sa ibabaw sa kalibutan, diin siya maoy nagmando sa tanang butang. Kay matod pa diha sa unang sinulat gimugna sa Dios ang tawo nga susama sa pamayhon sa Dios. Colosas 1: 15 nagaingon nga si Jesu-Cristo ang buhing larawan sa dili makita nga Dios, panganay siya sa tanang butang dinhi sa yuta nga dili makita ug makita.

Ingon gayud niina ang pag-ila sa Dios kanato diin mao pinakaimportante nga nilalang nga gimugna o gibuhat sa Dios. Diha sa unang mga sinulat nagaingon nga gibuhat sa Dios ang unang Adan diin gikan kini sa abog ug mobalik kini sa abog. Sila mao ang atong unang mga ginikanan, diin tugod sa ilang paglapas sa kabubut-on sa Amahan Dios gihinginlan sila sa paraiso ug gikan sa pagka immortal nahimo na silang mortal o adu nay kamatayon. Wala pa mamugna ang balaod sa mga sala apan sa pagbuhat sa sala aduna kini tukmang silot nga sebo sa kabubut-on sa Dios.

Gipakanaug sa Dios Amahan ang iyang bugtong anank nga si Jesu Cristo diin maoy giingon diha sa maong ebanghelyo nga pangulo sa kaluwasan. Dinhi niining bahina namugna ang ikaduhang kasulatan kay matod pa adunay kasaypanan ang unang kasulatan. Diin pinaagi kang Jesu Cristo, maoy una niyang tahas ang pagluwas nato ng iya mga katawhan ug ang ikaduha niyang tahas mao ang pagpasabot sa katawhan sa napulo ka sugo sa Amahan nga gisangyaw ni Moises.

Iyang gipasabot nga ang kasugo-an sa Dios naglangkob lamang sa pulong gugma, diin nagsugo kini sa paghigugma sa Dios labaw sa tanan ug ang ikaduha ang paghigugma sa atong isigkatawo sama sa atong paghigugma sa atong kaugalingon. Sa ato pa ang kaluwsan nga gisaaad sa Dios diin si Jesus ang simbolo kay matod pa siya ang kaluwasan ug ang kinabuhi. Mao kini ang gipasabot nga buhi ang atong Dios nga si Jesus diin ang motuo kaniya makaangkon sa kinabuhi nga walay kataposan

Ang Mensahe Sa Dios Pinaagi Sa Iyang Anak

HEBREO 1:1~3
1 • 1 Bisag dili kompleto, nagsulti ang Diyos kaniadto sa atong kati­gulangan pinaagi sa mga propeta ug sa nagka­lain­laing paagi. 2 Apan karon, tino kaayo nga nakigsulti siya nato pi­na­agi sa iyang Anak. Bugtong siyang Diyos, ang gitud­long manunod sa tanang butang. Pi­na­a­gi niya gihulagway ang tanang na­wong sa kalibotan
.
3 Bidlisiw siya sa Himaya sa Diyos ug ang nagdala sa larawan niyang ti­­nago. Busa, ang gamhanan niyang pulong nag­­­sapwang sa kalibotan. Hu­man wag­­­­­tanga ang sala, mi­lingkod siya sa tuo sa halangdong Diyos sa kahitas-an.

PAGPAAMBIT SA MENSAHE:

Ang maong ebanghelyo maoy pagpasabot sa Dios diha sa gahum sa iyang anak. Diha sa ubang sinulat 1 Corinto 18 nagaingon nga ang mensahe mahitungod ni Kristo didto sa Krus, binuang alang niadtong wala maluwas apan kadtong giluwas gahum kini sa Dios. 19 Ang kasulatan nagaingon “ Himoon kung kawang ang kahibalo sa mga maalam ug isalikway ko ang kaalam sa mga makinaadmanon”.

Nagpasabot lamang mga igsoon nga ang atong Ginoong Jesu Cristo mao gayud ang gitugyanan sa Amahan sa tanan nga gimbuhaton dinhi sa ibabaw sa kalibutan. Siya ang Alpha ug ang Omega , ang sinugdanan ug ang kataposan, ug diin matod pa walay mahiabot sa Amahan kun dili moagi kang Jesu Cristo, diiin kun ilimod mo siya nga imong Dios nan ilimod ka usab niya didto sa Amahan sa langit.

Dinhi na si Jesu Cristo sa wala pa ang kalibutan , Siya ang pulong nga nagpakatawo ug mipuyo uban kanato. Siya usab kadtong bato nga naga-uban kanunay diha sa pagbaklay ni Moises didto sa bukid sa kamingawan diin mao kini ang nabantog nga Exodus diha sa balaang kasulatan.

Colosas 1: 15 nagaingon usab nga “Si Jesu Cristo ang buhing larawan sa dili makita nga Dios, siya ang panganay sa tanang mga binuhat dinhi sa yuta ug sa langit. Nga sa ato pa ang Amahan ug ang anak usa ra diin si Jesu Cristo matuod nga tawo ug matuod nga Dios diin gipamatuod lang usab sa Amahan ang mga tahas ni Jesu Cristo diin pinaagi sa iyang pagsakirpisyo pinaagi sa kamatayon niadtong krus mao kini ang kamatuoran diha sa unang mga sinulat ug ang kamatuoran nga adunay Dios diin andam nga magpasakit alang sa iyang mga katawhan.

Apan dili matukib ni masukod ang pamaagi sa Dios diin iyang gipaabot ang iyang bugtong anak dinhi sa kalibutan diha sa paagi nga walay magtoo, kay miabot man si Jesu nga wala magdala ug bahandi ni magdala sa iyang trono ug mga kasundalohan. Nagpamatuod lamang nga dili nato masukod ang kabubut-on ug kaalam sa Dios diin mao kini ang gipasabot usab diha sa ubang sinulat nga nagaingon nga ang wala pamalangdunga sa tawo nga mahitabo apan mao man gayud ang matuod, diin kamatuoran lamang nga ang Dios moabot diha sa atong kinabuhi sa paagi nga dili nato damhon, apan ang Dios aduna nay giandam niadtong iyang mga pinili nga mga katawhan.

Ang Anak Labaw Sa Mga Anghel

HEBREO 1: 4 ~ 14
4 Labaw siya kagamhanan sa mga anghel. Gani sa ngalan lang, lahi na siya. 5 Kinsa sa mga anghel ang gisul­tihan sa Diyos: Ikaw ang akong anak. Gipanganak tikaw karon. Ug kinsa ang iyang gisaaran: Ako ang maiyang amahan. Maako siyang anak. 6 Sa pag­­padala niya sa iyang Panganay sa kalibotan, ang Diyos nag-ingon: “Pa­sim­­baha niya ang tanang anghel.” 7 Ba­hin sa mga anghel atong mapalgan kining mga pulonga: Gipa­dala sa Diyos ang tanan niyang anghel sama sa ha­ngin, ug daw kalayong nagsiga ang iyang mga alagad.

8 Apan mao ni ang atong mabasa ba­hin sa Anak: Ang imong trono, o Di­yos, molungtad sa kahangtoran. Ang imong balaod mao ang balaod sa kaangayan. 9 Imong gihigugma ang ka­­tarong ug gikasilagan ang kadaotan. Busa, ang Diyos midihog nimo sa lana sa kalipay labaw sa ka­uban mong mga hari.

10 Mabasa sab: Ginoo, sa si­nug­dan ikaw ang nagbutang sa kalibotan sa iyang sukaranan. Ang kalibotan nahi­mo sa imong kamot. 11 Mawag­tang ni, apan mag­pabilin ka kanu­nay. Sama sila sa bisti nga madaan pod 12 unya, ilisan ug pil-on sama sa kupo. Ikaw, sa laing bahin, mao sa gihapon. Ang imong katuigan walay kata­posan. 13 Wala gyod mag-ingon ang Diyos sa bisag usa sa iyang mga anghel: “Dali diri ug lingkod sa akong tuo hang­­tod nga ang imong mga kaaway mahimo nako nga tungtonganan sa imong tiil.” 14 Kay sila mga espiritung su­lugoon lang. Ipadala sila sa Diyos aron pagtabang sa maluwas.


PAGPAAMBIT AS MENSAHE:

Ang maong ebanghelyo nagpasabot lamang sa kinaiyahan diha sa pagpakatawo sa Anaank sa Dios diin ginaingon diha sa maong ebanghelyo nag ang anak labaw kang ug gamy sa mag anghel diin ingon usab niaan ang estadoskanatong mga tawoa diin labaw lang usab kita ug gamay sa mag anghel diin matod pa ang anghel usa laman ini ka espiritu diin sulogoon kini diha sa Dios ug magbalantay kanatong mga katawhan.

Usa ka kamatuoran diin mao gayud ang ipaabot sa Dios nga ang iyang bugtong anank matuod na tawo ug matuod usab nga Dios, diha sa ubang sinulat, Philipos 2 : 8~10 nagaingon “Diha kaniya ang kinaiyahan sa matuod nga Dios apan wala niya ipamugos ang iyang pagka Dios pinaagi sa kusog, hinunu-a iyang gihubo ang tanan ug agpaulipon siya sa iyang mga katwhan pinagi sa pagsilbi ug pagtudlo kanila sa doktrina niining iglisea sa kamatuoran.

Ug tungod niini, dako ang pasidungog kaniya sa Amahang Dios, diin gipasidunggan siya dinhi sa yuta didto sa langit ug bisan diha sa ilawom sa yuta, diin gihatagan siya ug dunggganan nga ngalan ug gibayaw ang iyang tawhanon nga lawas ngadto sa kahitas-an ug milingkod sa tuo sa iyang Amahan. Ug ang tanan moluhod sa pagsimba sa iyang ngalan nga Jesu Cristo.

Diah sa ubang sinulat nagaingon nga gipanaganak siya ingon nga tawo apan nabnhaw ingon nga Dios, diin usa ka pagpamalandong nga kamatuoran ang pagkabanhaw ug kamatuoran ang kinabuhing dayun human sa kamatayon diin matod pa mao kini ang tinud-anay nga kinabuhi diin maoy gusto sa Dios nga atong paga-adtu-an human niining kinbuhi-a.

Ang Dakong Kaluwasan

HEBREO 2: 1~4

2 1 Busa, kinahanglan nga patalinghogan nato ang mga pulong nga atong nadungog aron dili ta ma­salaag. 2 Ang mga pulong gikan sa anghel na­himong balaod. Ang tanang pag­supak ug pag­lapas maka­dawat sa tukmang silot. 3 Unsa­on man nato pagdawat sa pa­saylo kon pa­sagdan ta ang maong ka­­luwasan? Ang Ginoo mipahibalo ini pag-una ug midason ang nakadungog. 4 Gi­pun-an sa Diyos ang ilang pagsaksi pinaagi sa mga timailhan, mga butang nga kati­nga­lahan ug milagro nga lain­laig matang – labi pa ang mga gasa sa Espiritu Santo nga giapud-apod suma­la sa iyang gimbut-an.

:

PAGPAAMBIT SA MENSAHE:

:

Ang maong ebanghelyo maoy pagpasabot diha sa mga milagro sa Dios diin gipasidaan nang daan diha sa unang mga propeta, nga ang anak sa Dios pagasakitan ug pagalutoson ug mamatay diha sa dakong krus, apan diha nianang maong ebanghelyo maoy gipasabot sa Dios nga ang kaluwasan miabot na sa dihang gihalad ni Jesu Cristo ang iyang lawas ug dugo niadtong maong krus.

:

Sa pagkamatay ni Jesus Cristo namatay kita uban kaniya apan sa dihang nabanhaw si Jesus Cristo nabanhaw usab kita apan nagpabilin nga patay ang atong mga sala. Nan diha sa atong pagkabanhaw uban ni Jesu Cristo ang pangutana luwas na ba kita,?...Wala pa kitay siguro nga maluwas kay ania pa man kita sa kalibutan diin nagpabilin pa sa pagkinabuhi nga iya sa kalibutan, diin kitang tawo matod makasasala gayud sa pulong sa huna-huna ug sa buhat.

:

Nan sa ato pa ang kaluwasan nga gihatag ni Jesu Cristo kanato sama lamang sa nagsakay kita ug barko diin tunga-tunga sa lawod nahulog ka ug giluwas ka sa Dios ug gipasakay pagbalik sa barko apan wala ka pa moabot sa imong paga-adtu-an ingon niana ang atong pagknabuhi dinhi sa aklibutan.

:

Kay matod pa ang kaluwasan nga giandam sa Dios kanato dili kini kaluwasan dinhi niining kinabuhi-a kay matod pa kun gusto ka mahiadto sa kinabuhing dayun nan kinahanglan una nga moagi ka ug kamatayon, diin matod pa magpabilin ang imong tawhanon nga lawas dinhi sa kalibutan ug ang imong espiritu mobalik sa Dios nga maoy tag-iya niini, apan ang atong kalag maoy maghulat sa dakong kaluwasan sa nga gisaad sa Dios.

:

Apan dako ug kahimo-an kun giunsa nimo sa pagkinabuhi niining kalibutan alang diha sa dakong kaluwasan ,kay matod pa kadtong mga katawhan nga adunay mga pag-ampo wala pa siguro nga maluwas ang ilang kalag nan unsa na kaha kadtong mga tawo nga walay mga pag-ampo, kay matod ang kaluwasan nga gisaad ni Kristo diin mao man kini ang kinabuhing dayun didto sa gingharian sa langit apan dili kini ganti o premyo tungod sa maayong buhat kundili gasa kini o grasya nga hinatag sa Dios aron sa ingon walay isa nga makapasigarbo diha sa atubangan sa Dios nga siya naluwas tungod sa mga maayong buhat kundili ang kaluwasan naga-agad sa grasya ug gugma sa Dios.

Sunday, August 9, 2009

Ang Pag-alagad Sa Dios

ROMA 12:1~17
1 Busa, nangamuyo ko ninyo, mga igsoon, sa kaluoy sa Diyos, sa pagtugyan sa kaugalingon isip buhi ug balaang sakripisyo nga makapahimuot sa Diyos: ingan ani ang pagsimba gikan sa usa ka binuhat nga may rason. 2 Ayawg sunod sa kalibotan diin nagpuyo mo. Hinunoa, usba ang inyong kaugalingon sa pagbag-o sa inyong hunahuna. Kinahanglang masayod mo sa kabubut-on sa Diyos, unsay maayo, unsay makapahimuot, unsay hingpit.

3 Ang grasya nga gihatag kanako sa Diyos nagtugot nako sa pag-sulti ninyong tanan: Pagdasig mo apan ayawg itago. Ang matag usa kinahanglang magmaalamon sa pagbuhat pinasubay sa mga gasa sa pagtoo nga gituga kaniya sa Diyos. • 4 Tan-awa, ang atong lawas. Usa ra ni, apan daghag bahin. Dili ang tanan managsamag buluhaton. 5 Mao sab ta, daghan, apan usa ra ka lawas diha ni Cristo nga nagsalig sa usag usa. 6 Busa, ang matag usa nato moalagad sumala sa nagkalainlaing gasa. Propeta ka ba? Ihatag ang lamdag sa pagtoo. 7 Ang dyakono magtuman sa katungdanan; Ang magtutudlo, magtudlo 8 ang magdadasig, magdani. Kinahanglan pod nga mohatag mo nga inablihan ang kamot; mangulo sa kalihokan nga mainiton; ug magmaya sa mga buhat sa kaluoy.


• 9 Himoang matinud-anon ang gugma. Dumti ang daotan. Hupti ang maayo. 10 Higugmaa ang usag usa ug pagmabination. 11 Bahin sa inyong mga katungdanan, ayawg tinapolan. Pagmainiton diha sa Espiritu ug alagari ang Diyos. 12 Paghupot og paglaom ug pagsaya. Pailob sa mga pagsulay ug pag-ampo kanunay. 13 Paambita ang ubang kristyano nga nagkinahanglan. Sa mga dumuduong, pangandam sa pagdawat nila. 14 Panalangini ang naggukod ninyo. Panalangin ug ayaw pagtinguhag daotan ni bisag kinsa. 15 Paglipay uban sa naglipay – hilak uban sa naghilak. 16 Pagpuyo mong malinawon uban sa usag usa. Ayawg damgo og mga dagkong butang pagpaubos ug, ayawg isipa ang inyong kaugalingon nga maalamon. 17 Ang daotan ayaw baslig daotan, apan pakit-a sila sa imong kamaayo

PAGPAAMBIT SA MENSAHE;

Ang maong enbanghelyo naghisgot diha sa pag-alagad ngadto sa Dios diin ginaingon diha sa ubang sinulat nga kun gusto kang mahimong labing dako didto sa gingharian sa Diosnan magsilbi ka diha sa labing daghang katawhan dinhi sa ibabaw sa kalibutan, diin, imong ipahari ang hiyas sa espiritu santo diin anaa ang kalumo ang pagpaubos diha sa mga pag-ampo ug pag-alagad sa Dios.

Kay matod pa ang pinakaubos dinhi sa yuta maoy pinakataas didto sa gingharian sa langit, apan ang magpasigarbo sa iyang kaugalingon dinhi sa yuta nan ipaubos ug dili ilhon didto sa gingharian sa langit. Mas bulahan diay kun nagpuyo ka nga langyaw niining kalibutana , diin halayo ka diha sa mga tawhanon nga kailibgon apan ha-om didto sa gingharian sa amahan, kay sa ha-om ang imong pagkianbuhi dinhi sa ibabaw sa kalibutan diin anaa ang tanan nga mga tawhanon nga kailibgon, ug mga bisyo apan ayran ug dili ilhon didto sa gingharian sa langit.

Kay kun giisip nimo ang imong kaugalingon nga sumosunod ni Kristo ug nagaalagad isip usa ka kristuhanon nan ang balaang kasulatan nagaingon nga makaambit ka gayud diha sa mga paglutos. Matod pa sa Dios nga maihan nimo ang akong pagtulun-an nga maoy inyong gisunod kay naa usab ang mag paglutos.

Ang ubang sinulat naga-ingon nga kun gusto nimong himayaon didto sa iyang gingharian sa langit nan puy-i ang kinabuhi nga puno sa pagpaubos ug pagpasakit dinhi sa yuta diin anaa ang mga kasinatian sa nga paglutos ug nga kalisod ug kasakitan sa kinabuhi, kay bulahan ka nga naka-ambi diha sa kasakitan ni Jesu Cristo niadtong Krus kay makaambit ka usab sa himaya sa pagkabanhaw didto sa iyang gingharian sa langit.

Diha sa ubang sinulat nagaingon nga ayaw pagtigom ug bahandi diin ana-ay kawatan nga magapanaka ug taya nga magakutkot, mas bulahan kun magtigom ka ug bahandi nga iya sa espiritu santo sa Dios diin walay kawatan nga magasaka ug taya nga magakutkot , diin mao kini bahandi nga molungtad hangtud sa kahangturan. Mao kini ang mga makanunayong pag-ampo , paghalad diha sa pagsantos nga rosaryo diin maoy pagkaon sa atong kalag ug espiritu.

Diha sa ubang pulong sa Dios nagaingon, “ Kun nasayod pa unta kamo kun unsa ang atu-a didto sa gingharian sa Dios sa langit nan dili na unta kamo mangandoy pa ug dugang bahandi niining kalibutana biyaan ninyo ang tanan ug maoy inyong siguroon kun unsaon ninyo sa paghi-abot didto sa ginharian sa langit.

Ang Kalooy Sa Dios Alang Sa Israel

ROMA 11:1~12
11 1 Busa, mangutana ko: Gisalik- way ba sa Diyos ang iyang katawhan? Wala. Ako mismo Israelita, kaliwat ni Abraham, sa tribu ni Benjamin. 2 Ang Diyos wala mosalikway sa katawhan nga iyang gipili. Wala ba mo makahibawo sa giingon sa Kasulatan kabahin ni Elias diha nga gisumbong niya sa Diyos ang Israel? 3 Miingon siya: “Ginoo ilang gipatay ang imong mga propeta, giguba ang imong mga altar, ug ako na lang ang nahibiin. Karon buot ko nilang patyon.” 4 Unsay tubag sa Diyos? “Nagbilin ko alang nako og 7,000 nga wala mosimba ni Baal.” 5 Sa samang paagi karon dunay nahibilin sa Israel, ang napili pinaagi sa grasya. 6 Nag-ingon ko: sa grasya, dili tungod sa ilang nahimo. Kon tungod ini, makawang ang grasya.

7 Unsa na man? Ang Israel wala makakaplag sa ilang gipangita. Apan ang gipili sa Diyos nakakaplag. Ang uban nagmagahi sa ilang kasingkasing. 8 Matud pa sa Kasulatan: Gitig-a sa Diyos ang ilang kasingkasing ug salabotan. Hangtod ining adlawa ang ilang mata dili makakita, ni ang dalunggan makadungog. 9 Si David nag-ingon: Madakpan unta sila ug mahulog sa laang sa ilang mga kombira; mapukan unta sila, ug silotan. 10 Mabuta unta sila aron dili makakita. Mabuktot unta hangtod sa kahangtoran.

Ayawg tamaya ang nasukamod
11 Mangutana ko pag-usab: Napandol ba sila sa ingon nga napukan? Wala. Ang ilang pagkapandol nakapaabot sa kaluwasan sa paganong kanasoran. Kini, sa laing bahin, makaaghat sa kasina sa Israel. 12 Kon ang kasaypanan sa Israel nakapadato sa kalibotan, kon ang tipik sa iyang kapakyasan nakapadato sa mga paganong nasod, unsay mahitabo kon ang Israel makaabot sa katumanan?

PAGPAAMBIT SA MENSAHE:

Ang maong ebanghelyo nagpasabot lamang sa dakong gugma sa Dios diha sa iyang mga katawhan, diin ang mga Judio mao man gayud ang iyang unang mga tinawag ug pinil inga mga katawhan. Diin diha sa ubang sinulat ilabina sa unang kasulatan diin ginaingon man nga si Abrahan mao ang unang tinawag sa Dios ug tungod sa talagsaong pagtuo ni Abraham gipanalanginan sa Dios ang iyang mga kaliwatan diin gisaaran sila sa yuta sa mga saad nga maoy ihatag sa Dios ngadto kang Abrahan ug sa iyang kaliwatan, apan latason una nila ang mga pagsuway diin mamahimo unang mga ulipon ang mga kaliwatan ni Araham diha sa mga kamot sa mga Ehiptuhanon.

Ug pinaagi kang Moises nga maoy gitawag sa Dios aron sa pagluwas sa iyang mga katawhan ug nga pinaagi kaniya diin siya maoy gitahasan sa Dios sa pagluwas sa iyang mga katawhan ug namugna ang nabantog nga “Exodus” diin nahitabo ang 40 ka tuig nga pagbaklay gikan sa Ehipto paingon sa yuta sa mga saad nga mao ang Cana-an. Dili mominos sa 600,000 ka katawhan ang nagabaklay diin maoy nakadawat sa saad sa Dios .

Apan diha niining bag-ong kasabutan, gipakanaug sa Dios ang iyang bugtong anak aron sa pagpasabot sa iyang mag katAwahan ilabina ang mga Judio diin maoy pinalabi sa Dios niadtong panahuna, apan tungod sa kaalam nga iya sa tawo diin wala na nila makita ang mag timailhan ug wala nila ilhang anak sa Dios kay matod pa miabot man kini dinhi sa kalibutan nga walay bahandi ug walay ikapasigarbo nga nga iya niining kalibutana, apan iyang gisangyaw ang matuod nag iglisea, ang iglisea sa kamatuoran ug pinaagi sa iyang unang mga apostoles nagpadayun sa pagsangyaw ang maong mga katawhan diha sa doktrina sa kamatuoram.

Diha na niini nga kamatuoran gipakita sa Dios ang iyang gugma sa iyang mga katawhan sa Israel diin pinaagi kang Pedro nga una niya nga Apostoles diin maoy iyang gitahasan sa pagsangyaw sa kaluwasan sa mga Judio. Pinaagi diha sa giya sa espiritu santo gipasabot ni Apostol Pedro nga ang kaluwasan nga gi sangyaw ni Jesu Cristo mao ang kaluwasn diha sa atong kalag ngadtosa kinabuhing dayun, ug nga ang tanan adunay kahigayunan nga maluwas kun atong ipasulod ug ipahari si Jesu Cristo diha sa atong kinabuhi.

Ang pagkinabuhi gayud nga iya sa Dios espiritu santo maoy lig-on nga sumbanan diha sa imong kaluwasan, diin diha sa ubang sinulat nagaingon usab nga kun imong gidawat si Jesus Cristo nga imong manluluwas nan magapuyo ka sa kinabuhi nga usa ka kristuhanon nan naka-ambit ka gayud sa mga paglutos. Kay ang balaang kasulatan nagaingon nag kun gusto nimong mahimong tinun-an ni Kristo kalimti ang imong kinabuhi, pas-ana ang imong krus ug sunod sa pagtulon-an nga gisangyaw ni kristo, kay bulahan ka nga mawad-an ug kinabuhi diha sa pagsunod mo sa kabubut-on sa Dios kay mahatagan ka ug dugang kinabuhi , apan kun magdumili ka sa pagsunod sa kabubut-on sa Dios sa kahadlok nag mawad-an ug kinabuhi nan basin ug kawad-an ka niini.

Holy Spirit of Blessed Mother of Mercy

Easter Greetings Of Holy Spirit of Sr. Santo Niño