Ang Sambingay Mahitungod Sa Binhi Nga Nagtubo

MARCOS 4: 26~29

• 26 Miingon pod si Jesus: “Ingon ini sa gingharian sa Diyos; magsabwag sa yuta og binhi ang usa ka tawo. 27Makatulog siya o magmata, sa adlaw o sa gabii, moturok ang binhi ug motubo sa paagi nga wala siya masayod.
28 Ang yuta mismo ang naghimo ining tanan. Una, ipagawas ang dahon unya, ang puso unya, ang mga lugas sa puso. 29 Inig-abot sa panahon, anihon ang gitanom; galabon sa mangangani.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pagpugas sa Diyos sa iyang mga sumosunod diin han-ay ng daan ang mga lagda ug sumbanan pinaagi diha sa mga kasugo-an nga iyang gipadala kang Moises, ang napulo ka sugo ug ingon man ang pagasabot sa iyang mga sumosunod sa matuod nga kabubut-on sa Diyos

Ginangon nga wala na unta kinahanglana pa ang ikaduhang kasulatan kun wala pay mga sayop o kasaypanan ang mga katawhan diha sa unang kasulatan, diin dinhi sa ikaduhang kasulatan mao kini ang nabantog nga ikaduhang siglo diin nagpakatawo ang anak sa Diyos aron sa pagpasabot sa kabubut-on sa Amahan. Diin gipasabot sa anak nga ang tanang kasugo-an sa Diyos nagalangkob lamang sa duha ka kasugo-an, ang una mao ang paghigugma sa Diyos labaw sa tanan, ug ang ikaduha mao ang paghigugma sa atong isigkatawo sama sa paghiguma nato sa atong kaugalingon diin kining duruha ka kasugo-an nagalimin lamang kini sa usa ka kasugo-an ang kasugo-an sa gugma, kay ang Diyos gugma man.

Diin diha niining maong ebanghelyo gipasabot nang daan sa Dios nga ang iyang mga katawhan dinhi sa ibabaw sa kalibutan gihatagan niya ug halu-ag nga kagawasan diha sa pagsunod sa iyang kasugo-an, diin ang tawo mismo ang nagabugtaw diha sa iyang pangandoy ug panginabuhi, diin ang mahitabo maoy gayuy dako ug bug-at nga pagpahinungod sa tawo diha sa mga material nga butang, labaw kay sa pagpangalagad sa Diyos.

Ang balaang kasulatan nagaingon kun asa ang imong bahandi nan atua usab ang imong kasingkasing, apan lagi gitagaan kita ug dakong kahigayunan sa Diyos diha sa pag-ila sa iyang kabubut-on, ug gitagaan kita ug dakong kahigayunan sa Diyos diha sa pag-alagad kaniya, sa Daghang paagi, Busa angay lamang nga atong pahinungdan ang Diyos pinaagi sa mga pag-ampo ug mga paghalad aron puhon aduna kitay mabitbit sa atong kalag sa pag-abot unya sa kataposang paghukom.

Ang Inahan Ug Igsoon Ni Jesus

MARCOS 3:31~35

• 31 Nanganha ang inahan niya ug mga igsoon. Sa diha na sila sa gawas, gipatawag siya. 32 Ang mga tawo nga nag-alirong ni Jesus miingon kaniya: “Ang imong inahan, mga igsoong lalaki ug babaye naa sa gawas, nangita nimo.” 33 Mitubag siya: “Kinsay akong inahan ug mga igsoon?”

34 Gisulingsuling niya ang nag-alirong ug giingnan: “Kini ang akong inahan ug mga igsoon: 35 Ang nagtuman sa kabubut-on sa Diyos igsoon kong babaye ug lalaki ug inahan.”



PAGPAAMBIT SA MENSAHE:

Ang maong ebanghelyo maoy pagapasabot lamanng nag diha sa espirituhanon nga pagtulun-an kitang tanan nagatuman sa kabubut-on sa Amahang Diyos ug maoy giisip ni jesus nga iyang mga igsoon atubangan sa iyang Amahan. gilig-on kita ni Jesus ug giangkon nga iyang igsoon pinaagi diha sa atong pagtuo ngadto sa Diyos.

Mao kini ang usa ka hinungadan nga ang Diyos Amahan dako gayud ug gugma sa iyang mga katawahan nag nagatuman sa iyang kasugo-an, iyang gipakita ang dakong sumbanan diha sa iyang bugtong anak diin gihalad niini ang iyang lawas ug dugo arong lamang kita malukat sa atong mga sala, ug dako ang bayad sa Diyos kanato, diin ato kining angay usab pasidunggan pinaagi diha sa atong bug-os ug hugot nga pagtuo aron ilhon kita nga igsoon sa ni Jesus ug matuod nga anak sa Diyos.

Apan ang tawo pina-agi usab sa nabugtaw nga kaalam daghan ang nga managlahi ug pagsabot diha sa balaang kasulatan diin ila kining gipakasama nga ordinaryong libro nga sinulat lamang usab samga ordinaryong mga tawo nga may kaalam, diin diha niining paagiha nagahatag ang Diyos ug halu-ag nga pasensya ug pagsabot diin maoy iyang gihatag sa iyang mga katawhan. Daghan ang wala makaila sa ilang giampo-an ug daghan ang nagatuis sa kamatuoran diha sa nahasulat sa balaang basahon ug daghan usab ang nagpakama-alam sa pulong sa Diyos.

Apan ang Diyos mao gayud ang naglantaw sa matag-usa niya ka mga katawhan sumala usab diha sa atong pagtuo sa Diyos, kay matod pa kun ang ato lamang binuhatan maoy basehan nan wala na kita makaabot pa niining panahuna, mag-una agayud ang atong pagtuo ug atong ipakita ang atong pagtuo pinaagi diha sa atong pagpasidungog sa Diyos.

Gipahunong Ni Jesus Ang Unos

MARCOS 4: 35~41

35 Ana gihapong adlawa, sa gabii na, miingon kanila si Jesus: “Mangadto ta sa pikas daplin sa lanaw.” 36 Gipapauli nila ang katawhan ug gidala siya sa mao gihapong sakayan nga iyang gilingkoran. Mikuyog pod ang ubang sakayan. 37 Unya, nagbagyo. Mikusog ang hangin. Tungod sa kadagko sa balod, gisudlang tubig ang sakayan. 38 Si Jesus didto sa luyo, sa may olin, natulog nga nag-unlan.

Gipukaw siya ug giingnan, “Magtutudlo, dili ka ba manumbaling nga malunod ta?” 39 Sa pagmata ni Jesus gibadlong niya ang hangin ug gimandoan ang dagat: “Kalma karon! Ayawg lihok!” Mihunong ang unos ug mikalma ang dagat. 40 Unya, miingon si Jesus sa iyang mga tinun-an: “Nganong nahadlok mo pag-ayo? Wala ba moy pagtoo?”
41 Apan hilabihan ang ilang kalisang. Nag-ingnanay sila sa usag usa: “Kinsa man siya nga tahoron bisan sa hangin ug sa dagat?”

PAGPAAMBIT SA MENSAHE

Ang maong ebanghelyo maoy pagpasabot lamang sa walay kataposang gahum sa Diyos diin diha niining maong ebanghelyo gipakita sa Diyos ang iyang pagkaDiyos ang kamatuoran nga siya ang tag-iya sa tanan didto sa langit ug dinhi sa yuta, diha sa ubang ebanghelyo ginaingon nga ang Diyos Amahan ug ang anak usa ra diin pinaagi diha sa walay kataposang gahum nga gipakita sa Amahan ang iyang kabubut-on diin ang iyang gikahimut-an nga katawhan kadtong mga katawhan nga mapaubsanon diha sa ilang kaugalingon din iyang gihimong panag-ingnan ang iyang bugtong anak diin diha sa Philipos 2: 8~11 ginaingon nga diha na kaniya ang kinaiya sa pagkaDiyos apan wala niya ipamugos ang iyang pagkaDiyos pinaagi sa kusog hinunu-a nagpakaubos siya diin iyang gihubo ang tanan niya katungod ug miuban sa mga kabos ug nagasangyaw sa pagtulun- sa iyang Amahang Diyos.

Usa ka buhing kamatuoran nga tinuod nga adunay milagro ug aduna gayuy Diyos nga sa kanunay nagatan-aw diha sa kada adlaw nato nga bulohaton, Adunay Diyos nga andam mohatag sa iyang gugma ug kalooy ngadto sa iyang mga anak nga nagatuman sa iyang kasugo-an. Diha sa ubang sinulat nagaingon nga moabot ang Diyos sa atong kinabuhi sa paagi nga dili nato damhon ug kadtong iyang mga tinawag ug pinili nga katawhan aduna nay gipili ang Diyos para kanila.

Ang milagro nga gihatod sa Diyos kanato nagapadayon, sa matag-adlaw, diin matod pa tulo ka matang sa kinabuhi ang iyang gihatag kanato dinhi sa atong pagpangalagad ug pagpakabuhi ibabaw sa kalibutan, una mao ang atong pagpakabuhi uban sa atong material nga lawas diin kita gayud nag naga-dminister sa atong kinabuhi, kitay nagbuot sa atong pagabuhaton , apan diha sa imong kamatayon ang imong lawas nan mobalik kini sa iyos, ug ikaduha ang atong espiritu nga maoy naghatag kanato ug kinabuhi diin diha sa atong pagkatulog mogawas ang atong espiritu ug mo-atubang sa Diyos aron sa pagsumbong sa imong mga binuhatan, mao kini ang dakong tinago nga diha sa atong pagkatulog dako ug trabaho ang atong espiritu, ug mao kini ang tinago ngano nga mahibaw-an na sa Diyos ang imong binuhatan kay sa matag adlaw nga tanaan gitali na sa iyos pinaagi sa report sa imong espritu, ug mao kini ang dako nga tinago nga sa pagbalik sa imong espritu mahimo nga babagan kini sa dautan ug dili na makabalik sa imong lawas ug madali ang imong pagpanaw, mao kini hinungdan nga kinahanglan gayud nag mag-ampo kita sa dili pa matulog aron adunay panalipod ang imong espiritu sa itang pagbalik. Ug matod pa kini nga tinago dili kina mabasa sa mabasa sa basahon nga iya niining kalibutan, kay gidayag kini sa balaang espiritu sa kamatuoran ug bisan ang mga nanageskwela ug 14 ka tuig aron mahimong hingpit nga alagad sa Diyos wala sila makabasa niining basahuna. Ug ikatulo mao ang kinabuhi sa atong kalag nga maoy magahulat sa kataposang paghukom .

Sa ato pa mga igsoon atong hingpiton ang atong pagpangalagad sa Diyos samtang ania pa kita dinhi sa kalibutan, dili kita magpakawala sa mga pag-ampo ilabina sa pagsantos nga rosaryo, kay mao kini ang pamaagi o bulohaton nga gipadayag ni Juan diha sa iyang panan-awon ang pagsimba didto sa langit, nan kun gusto kitang moadto didto sa gingharian sa Diyos atong tun-an ang mga bulohaton nga langitnon, diin mas bali pa nga mamahimo kitang langyaw niining kalibutana apan ha-om didto sa iyang ginghari-an sa langit. Ang Diyos espiritu Santo nagaingon, “ Kun nasayod pa lamang unta kamo kun unsa ang atua didto sa iyang gingharian sa langit nan dli na unta kamo mangaplag pa ug dugang bahandi, ug biyaan ninyo ang tanan ug maoy inyong siguroon kun unsaon paghiabot didto sa iyang gingharian

Ang Sambingay Mahitungod Sa Sulogoon Nga Wala Mopasaylo

MATEO 18: 21~35

• 21 Unya, si Pedro nangutana: “Ginoo, kapila ko ba pasayloa ang nakasala kong igsoon? Kapito ba?” 22 Si Jesus mitubag: “Dili lang kapito, kondili kapito pilupiloa ang 70.”
Ang sulugoong dili makapasaylo
• 23 May hari nga nakighusay sa utang sa iyang mga sulugoon. 24 Ang una nakautang og 10,000 ka salapi. 25 Sanglit ang tawo wala may ikabayad, ang hari nagsugo sa pagbaligya niya isip ulipon uban sa asawa, mga anak ug tanang kabtangan. Ibayad ang halin.
26 Ang sulugoon miluhod sa tiilan sa hari ug miingon: “Kon hatagan ko nimog igong panahon, bayran tikaw sa tanan.” 27 Naluoy ang hari. Dili lang kay gilugwayan siya, kondili gipasaylo ang utang.
28 Unya, ang maong tawo mibiya sa atubangan sa hari. Nahibalag niya ang kauban nga nakautang niyag mga 100 ka salapi. Iyang gigunitan ang liog ini ug gisinggitan: “Bayri ko sa imong utang!” 29 Ang kauban miluhod sa tiilan ug mihangyo: “Kon hatagan ko nimog higayon, bayran tikaw sa tanan.” 30 Apan wala siya mosugot. Gipabi-langgo ang nakautang hangtod nga mabayran ang tanan.

:
31 Nakakita ang uban sa nahitabo. Nangasuko sila ug misumbong sa agalon. 32 Gipatawag sa agalon ang sulugoon ug giingnan: “Pagkabanyaga nimo, gipasaylo tikaw sa tanan mong utang, kay nagpakiluoy ka. 33 Dili ka ba maluoy sa imong kauban, ingon nga naluoy ko nimo?” 34 Ang agalon nasuko. Busa, gitaral niya ang sulugoon sa hukmanan hangtod nga mabayran ang tanan.”
35 Midugang pa si Jesus: “Kini ang buhaton kaninyo sa Amahan kong langitnon gawas kon mapasaylo ninyo sa kinasingkasing ang mga igsoon.”


PAGPAAMBIT SA MENSAHE:

Ang maong ebanghelyo may pagpasabot lamang sa mga katuyuan sa iyang mga tinawag ug pinili nga katawhan, ang maong sugilon nagsambingay kini sa atong mga kasal-anan diha atubangan sa Diyos, diin aduna kini kapasaylo-an, kay matod pa walay sala dinhi sa kalibutan nga dili mapasaylo sa Diyos, ang tanan adunay kapasaylo-an, apan kinahanglan una nga makama-o ka mopasaylo diha sa nakasala kanimo, kay diha sa paghatag nimo ug pasaylo ngadto sa nakasala kanimo magsumikad usab ang kapasaylo-an sa imong mga sala, kay matod pa usab diha sa ubang mga sinulat kinahanglan usab nga motuo ka nga mapasaylo ka sa imong mga sala kay kun dili ka motuo nga ikaw adunay kapasaylo-an sa imong mga sala nan sama ra nga wala ka motuo nga si Jesu Cristo anak sa Diyos.

Matod pa diha sa ubang sinulat nagaingon niining ikatulo nga siglo mao na kini ang kataposang siglo diin hataas pa ug pasensya ang Diyos diin tanan nga naghinulsol ug nahangyo ug pasaylo nan mapasaylo gayud sa iyang mga kasal-anan, diha sa ubang sinulat nagaingon nga kun dili maghinulsol ug mangayo ug pasaylo sa imong mga kasal-anan nan nagpasabot lamang kana nga andam ka moatubang sa kataposang paghukom diha sa pagbalik sa Diyos.

:
Diin sa ubang mga mensahe ug mga milagro nga gisangyaw sa Diyos gipasabot gayud nga tinuod nga adunay impyerno ug tinuod nga adunay kaluwasan didto iyang ginharian sa langit ,matod pa sa mensahe sa mahal nga birhen Maria sa Fatima Portugal kaniadtong Mayo 13, 1917, nagaingon ngadto sa tulo ka inosenteng mga binuhat nga isangyaw gayud ang pagsantos nga rosaryo ug ang kanunay nga pag-ampo, ug matod pa tulobagon sa matag magtutuo kun aduany kalag nga natunaw tungod lamang kay wala kini niya masangyawi sa kaluwasan niadtong anaa pa kini sa iyang atubangan.

Ang Diyos Amahan nagpasabot usab diha sa mga misyon ug diha sa mga pagsangyaw sa tinago nga kamatuoran, miingon ang Diyos Amahan nga isangyaw ang akong pulong ,usa , duha, tulo lamang ka higayon ug kun dili maminaw ug biyai sa walay paglingi kay wala ipamugos sa Diyos ang iyang gingharian sa langit ug mas labaw nga wala ipamugos sa Diyos ang iyang ginghrian sa langit.

Nagtudlo Si Jesus Mahitungod Sa Pagpakigbulag

MATEO 19: 1~12

19 • 1 Human manudlo si Jesus, mi- biya siya sa Galilea ug miadto sa probinsiya sa Juda, gawas sa Suba Jordan. 2 May dakong pundok sa katawhan nga misunod niya. Didto iyang giayo ang ilang masakiton. 3 Unya, miduol ang pipila ka Pariseo. Buot nilang bikton si Jesus busa, na-ngutana sila: “Gitugot ba sa balaod ang pagbulag sa asawa sa bisan unsang katarongan?” 4 Si Jesus mitubag: “Wala ba mo makabasa nga sa sinugdan ang Mag-bubuhat mibuhat nila nga lalaki ug babaye?

5 Ug miingon: Tungod ini mobiya ang lalaki sa amahan ug ina-han ug motipon sa asawa aron mahi-mo silang usa ka karne. 6 Busa, dili na sila duha ka lawas, kondili usa. Walay makabulag sa gihiusa sa Diyos.” 7 Nangutana sila: “Unya, nganong nagsugo man si Moises sa pagsulat og kalig-onan sa pakigbulag alang sa diborsyo?” 8 Si Jesus mitubag: “Si Moises nasayod sa katig-a sa inyong kasingkasing. Hinunoa, gitugtan mo sa pagbulag sa asawa. Apan dili ni mao sa10 Ang mga tinun-an miingon: “Kon mao nay kahimtang sa minyo, mas maayo pang dili magminyo.” 11 Giingnan sila ni Jesus: “Dili ang tanan maka-dawat sa maong mga pulong kondili, ang nakadawat lang sa gasa. 12 Ang uban natawo nga dili makaminyo. Ang uban naingon ana tungod sa laing tawo. Apan dunay uban nga dili mag-minyo tungod sa Gingharian sa Langit. Ang makadawat ini, padawata.”


PAGPAAMBIT SA MENSAHE:

Ang maong ebanghelyo nagpasabot lamang diha sa kabubut-on sa Diyos diha sa kaminyoon sa tawo diin diha sa kaminyoon usa na ang panan-aw sa Diyos diha sa asawa ug bana, ingon nga nahiusa na sila sa kaminyoon atubangan sa Diyos kay ang gihiusa diha sa atubanngan sa Diyos dili na mahimong bulagon sa tawo.

Diha sa ubang mga pulong sa Diyos nagaingon nga mas maayo nga mangalagad kita sa Diyos nnga walay kabilinggan kay wala may mamahimong babag, apan kun sa pagbuhat mo sa ingon makasala ka man ugaling diha sa atubangan sa Diyos mas maayo nga magminyo ka na lang usab.

Diha niining pagtulun-an nga atong gibarugan gipakita sa Diyos ang kagawasan sa matag-usa apan tulobagon usab sa matag magtutuo ang iyang tagsa-tagsa ka pamilya atubangan sa Diyos, Kay matod pa diha magsumikad sa pamilya o sa asawa ug bana ang kinatibuk-an nga pagtulun-an nga gisangyaw ni Cristo.

Daghan nga mga pamilya ang wala magkauyon, ang nagkasumpaki, diha sa pagpangalagad sa Diyos, daghan usab nag mag managhigugmay nga nagkabulag ug bisan diha sa kaminyoon nagkatibula-ag tungod lamang kay wala magkaparehas ug magkatakdo ang sumbanan sa ilang pag-ila sa ilang Diyos.

Diha niini nga pagtulun-an diin gitawag kini ug tinago nga kamatuoran diin daghan nga tinago nga pulong ang nadayag pinaagi diha sa mga giya ug mga buhing pulong nga gipadayag sa Holy Spirit, apan dili kini masabtan niadtong nagasunod sa mga pagtulon-an nga iya na niining kalibutana, bisan diha sa pagtulun-an nga gisangyaw ni Jesu Cristo niadtong unang panahun diin gipakuyanap sa iyang mga apostoles diin tungod sa siyensya ug mga kaalam sa tawo wala na nila mailhi ang sinugdanan niini.

Angayan diay nga atong pamalandungan nga dili kini ang matuod nga kinabuhi apan ang Diyos nagpasabot nga daghan ang iyang mga tinawag sa lain-laing pagtulun-an, ug sa ingon daghan usab ang iyang pinili diha sa matag pagtulun-an apan dili ang tanan nga nagatawag kaniya ug Diyos makasulod sa gingharian sa langit, kundili kadto lamang nagasunod sa iyang kabubut-on.

Atong huna-hunaon nga usa ra kita diha sa atong Diyos nga gisimba ug gihalaran diin lain-laing lang nga paagi, diin niin nga pagtulun-an nga ang Ginoong Diyos wala magatugot sa iyang mga katawahan mga bana ug asawa sa pagbulag, ang Diyos wala magtugot sa matag kaminyoon nga magakagubot ug magkatibulaag tungod sa lain-laing pagtuo ug pagsimba ngadto kaniya.

Tataw ang mensahe sa Diyos dihaa sa ubang sinulat nga nagaingon mahal ang pagpalit ko kaninyo, kay ghalad man niya sa Diyos ang iyang lawas ug dugo, nan dili angay nga atong dugangan ang iyang mga alantuson, angay natong ihangad ngadto sa Diyos ang mga problema labina diha sa matag pamilya kay ang Diyos Amahan nagaingon nga nganong dili ko man ihatag kun kini kaayuhan man.

Ang Katarongan Sa Maisugong Pagsulat Ni Pablo

ROMA 15: 14~21

14 Para nako, mga igsoon, kombensido ko nga duna moy maayong kabubut-on, kahibawo ug katakos pagtambag sa usag usa. 15 Bisan pa niini nakasulat ko nga maisogon sa pipila ka bahin niining sulata aron pagpahinumdom sa inyong nahibaw-an. 16 Ako ning gihimo pinaagi sa gihatag kanakong grasya sa Diyos dihang gipadala ko sa paganong kanasoran. Naghalad ko sa kaugalingon alang sa pag-alagad sa Maayong Balita sa Diyos isip pari ni Cristo Jesus. Sa ingon, ikapresentar ko sa Diyos ang mga dili Judio isip makapahimuot nga halad nga gikonsagrahan sa Espiritu Santo.

17 Ang pag-alagad sa Diyos alang nako hinungdan sa garbo diha ni Cristo Jesus. 18 Hinuon dili ko mangahas paghisgot og ubang butang gawas sa gihimo ni Cristo mismo pinaagi nako, ang akong mga pulong ug binuhatan, 19 uban sa mga milagro ug timailhan pinaagi sa gahom sa Espiritu Santo, aron ang mga dili Judio makatuman sa pagtoo. Niining paagiha, napakaylap nako ang Maayong Balita sa tanang dapit, gikan sa Jerusalem hangtod sa Iliricum.

20 Nagmatngon hinuon ko, ug nagmapasigarbohon sa dili pagwali sa mga dapit diin si Cristo nailhan na ug sa dili pagtukod ibabaw sa mga sukaranan nga gihan-ay sa uban. 21 Tumanon unta ang gisulti sa Kasulatan: Ang wala kasultihi bahin niya makakita. Ang wala makadungog, makasabot

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga kasugo-an sa Diyos diin diah sa pagpakatawo ni Jesus Cristo iyang gisangyaw ang Iglisea sa Amahang Diyos pinaagi usab sa giya nga gipaabot kaniya. Si Pablo maoy pinakaulahi nga apostoles nga gitawag ni Jesu-Cristo apan mao usay pinakadako ug kontribusyon sa pagsangyaw niining nga kamatuoran sa upat ka suok sa kalibutan.

Diha sa uabang sinulat nagaingon nga si Pedro maoy gitahasan sa Diyos sa pagsangyaw ngadto sa mga Judio ug si Pablo mao usab ang gitahasan sa Diyos sa sa dili mga Judio. Diin gipakita ni Pablo ug sa ubang pang mga apostoles sa kaisog sa pagsangyaw diin matod pa ni Pablo sa matag lugar nga iyang pagaadtu-an nagapa-abot ang prisohan kaniya.

Kini mao lamay pagmatuod nga nakaila ug nasayod sila kun kinsa ang ilang gialagaran, diin bisan diha sa kamatayon wala nila atrasi ang pagsangyaw sa kamatuoran kay para kanila walay pulos ang kanilang kinabuhi, ug maoy mahiningdanon kanila ang kaluwasan sa ilang kalag.

Kini mao lamay pagmatuod sa pulong sa Diyos nga naga-ingon ayaw kahadluki ang tawo nga makapatay sa imong lawas apan walay mahimo sa imong kalag maoy kahadluki ang Diyos nga makapatay sa imong lawas ug makalaglag sa imong kalag.

Pagpahimuot Sa Uban

ROMA 15:1~4

15 1 Kita nga mga lig-on ug gawas non kinahanglang mopas-an sa kahuyang sa mga dili kusgan, inay tagbawon lang ang atong kaugalingon. 2 Ang matag usa nato makalipay unta sa atong isigkatawo, tabangan sila sa maayong himong motubo sila. 3 Si Cristo mismo wala mangita sa kaugalingong katagbawan. Sumala sa Kasulatan: Ang mga insulto sa nanginsulto ninyo nadakdak nako. 4 Nasayod ta nga ang nasulat kaniadto nasulat alang sa atong kasayoran. Kay ang kamakanunayon ug kahupayan nga gihatag kanato sa Kasulatan mag-amping sa atong paglaom. 5 Hinaot nga tagaan mo sa Diyos, ang tinubdan sa tanang kamakanunayon ug kahupayan, sa pagpuyong malinawon diha ni Cristo Jesus. 6 Busa, sa usa ka tingog makadayeg mo sa Diyos, ang Amahan ni Cristo Jesus, atong Ginoo.

PAGPAAMBIT SA MENSAHE:

Ang maong ebanghelyo maoy pagpasabot lamang diha pagsunod sa pagtulon-an ni Cristo diin naga-ingon siya nga ang labing dako didto sa iyang gingharaian mao ang pinakaubos dinhi sa ibabaw sa langit, ug ang pinakataas ug katungdanan didto sa ilang gingharian, kadtong binuhat nga nagasilbi diha sa daghang katawhan dinhi sa ibabaw sa kalibutan.

Ang pagpangalagad sa atubangan sa Diyos dinhi sa ibabaw sa yuta mao ang pagpangalagad nga tugob sa pagpaubos ug sa pagpasakit, diin maoy dakong sumbanan ang pag pangalagad ni Jesu Cristo isip nagpakatawo ug nagpakaubos sa iyang kaugalingon dinhi sa ibabaw sa yuta nga nagpakatawo didto sa kamalig sa belen ug nagdako diha sa kapobrehon diin nakig-uban sa mga kabos ug nagsangyaw sa pulong sa Diyos.

Philipos 2: 6 nagaingon nga Diha na kaniya ang kinaiya gayod sa Diyos, apan wala na siya maghunahuna pagpakigtupong sa Diyos pinaagi sa kusog. Kundili sa iyang kaugalingong kusog iya kining gibiyaan,ug gisul-ob niya ang kinaiya sa usa ka sulogoon, Natawo siya sama kanato ug nakita siya ingon nga tawo, Ug nagpaubos siya ug nagmasinugtanon hangtod sa kamatayon sa krus.

Ang balaang kasulatan nagpasabot nga kun nagasunod ka sa pagtulon-an ni Cristo nan makaambit ka gayud sa mga paglutos , Ang Diyos Amahan nagaingon, mahibaw-an ninyo kun ako kanang pagtulun-an kay makaambit gayud kamo sa mga paglutos, Diha niining ebanghelyo nagpasabot ang Diyos nga diha sa pagpangalagad nato sa atong mga kaigsoonan maoy paagi nga makapahimuot kita sa mga katawhan nga nagkinahanglan sa atong pagpangalagad, Ug matod pa diha sa ubang pulong sa Diyos nga bulahan nga diha sa atong mga pag-ampo nahatag sa Diyos ang atong mga gipangayo apan mas bulahan kadtong mga katawahan nga maoy gipaabot sa Diyos diha sa atong atubangan isip maoy tubag sa atong mga pag-ampo.

Ang Pagsugid Ug Ang Paglimod Kang Cristo

LUCAS 12: 8~12

8 Sultihan tamo, ang moila nako atubangan sa katawhan, ilhon sab sa Anak sa Tawo atubangan sa mga Anghel sa Diyos. 9 Apan ang molimod nako atubangan sa katawhan ilimod sab nako atubangan sa mga anghel sa Diyos.

10 Ang manaway sa Anak sa Tawo pasayloon. Apan ang manamastamas sa Espiritu Santo dili pasayloon.

11 Kon taralon na mo atubangan sa mga sinagoga, sa mga gobernador ug sa mga punoan, ayawg kabalaka unsaon ninyo pagpanalipod ang kaugalingon ug unsay isulti. 12 Tudloan mo sa Espiritu Santo anang panahona sa kinahanglang isulti.

:

PAGPAAMBIT SA MENSAHE:

:

Ang maong ebanghelyo nagpasabot lamang diha sa atong pagpangalagad sa Diyos ubos sa mando sa espiritu santo. Diha sa uabang sinulat nagaingon nga walay mahiabot ngadto sa Amahan kundili una moagi kang Jesu Cristo kay siya ang sinugdanan ug ang kataposan., diha na siya sa wala pa ang kalibutan siya ang pulong nga nagpakatawo ug mipuyo uban kanato ug dinhi na usab siya sa kalibutan dihang nagabaklay si Moises ug mga katawahan didto sa bukid sa kamingawan diin Si Jesu Cristo kadtong maong bato nag nagahatag ug giya kang Moises.

:

Diha sa maong ebanghelyo mga igsoon nagpasabot ang Diyos nga mapasaylo ka kun makasala ka batok sa imong isigkatawo apan kun makasala ka sa espiritu santo sa Diyos nan wala kini kapasaylo-an, ug diha sa ubang sinulat nagpasabot nga ang silot sa sala kamatayon. Apan diha sa ubang sinulat nagaingon usab ang Diyos nag lahi-lahi ang iyang pagtawag kanatong iyang mga katawhan apan dili ang tanan nga nagsangpit sa Dios Amahan makasulod sa iyang gingharian kundili kadto lamang nagasunod sa iyang kasugo-an.

:

Busa angayan diay sa pagpamalandong ang daghan usab nga mga tinawag ug pinili ang Diyos diha sa lain-lain nga pagtulun-an nga sa ato pa dili lang dinhi o kini nga pagtulun-an nga adunay pinili ang Diyos busa dii sab diay nato pagahukman ang lahi-lahi nga pagtulun-an kay matod pa kabubut-on sa Diyos ang tanan, ang balaang kasulatan nagapadayag nga kini nga pagtulun-an nga tinago nga kamatuoran diin mokunsad ang espiritu santo ug mamulong pinaagi diha sa iyang mga pinili nga propeta mao na kini ang kataposang pagtulun-an nga gitukod sa Diyos pinaagi sa gahum sa espiritu santo. Tuig 1984 mao kini ang langkob sa "apparition" nga gipasinati sa Diyos didto sa Jerusalem o Balulang diin mipakita ang Diyos niadtong adunay panan-awon o "vision" didto sa pangAnod ug gikan niadto hAngtod karon mikuyanap kini nga pagtulun-an sa lain-laingd apit sa Pilipinas.

:

Nag pamatuod lamang kini mga igsoon nga ania na kita sa kataposang siglo o ikatulong siglo, ang unang siglo mao kadtong kapanahunan ni Moises ug ang ikaduhang siglo mao kadtong pagpakatawo sa anak sa Diyos ug mitukod niining pagtulun-an inabagan sa una niyang mga tinawag, nga mga Apostoles, ug dinhi niining nga pagtulun-an diin mao kini gitawag nga espirituhanon nga pagtulun-an nga maoy gustong simbahon sa Dios Amahan.. mabasa sa Juan 4: 21~23, Diin miingon si Jesus sa usa ka babaye nag taga Samaria. T uohi ako babaye, nga wala nay magasimba sa Amahan niining bukira ni sa Jerusalem kay tali-abot na ang panahun ug karon miabot na nga ang matuod nga magsisimba sa Amahan magasimba sa espiritu santo ug sa kamatuoran, kay sila ang mga magsisimba nga maoy gusto sa Amahan nga magasimba ngadto kanila.

:

Dili pa kini masabtan sa kadagahanan, diin sa uban labi na didto sa Mayuga gitawag nila kini ug ikaduha nga pagtulun-an, ug dinhi sa Babilonia gitawag kini ug kulto apan ang Diyos miingon nga pasaylo-a sila kay wala sila masayod sa ilang gibuhat. Kini nagpasabot lamang nga halapad ug halu-ag ang pasensya ug pasaylo sa Diyos sa iyang mga katawhan, apan ang pulong sa Diyos Amahan nagaingon mahibaw-an ninyo kon sa Diyos kana nga pagtulun-an kay makaambit gayud kamo sa mga paglutos ug ang balaang kasulatan nagaingon, nga kun iya ka ni Kristo nan makaambit ka gayud sa iyang mga kasakitan.

:

Nagapasabot lamang kini mga igsoon nga dili sayon ang pagsunod ni Kristo ug dili usab sayon ang pagsulod sa dalan nagdto sa gingharian sa Diyos diin tunukon kinI. hagip-ot ug tungason, apan ang dalan diha sa kalaglagan sa imong sala halua-ag kin masaba ug daghan patay-sindi ang ilaw, ug anaa kang kini sa atong palibot , ani-a lang kini ibabaw sa kalibutan, apan bulahan pa sila mga igsoon nga nasala-ag diha sa ma-ong dalan kay inosente pa sila sa kamatuoran apan kita nga nakakita na niing maong kamatuoran ug sa higayon nga talikdan ta kini ug mobalik niadtong masaba ug halapad nga dalan nan wala nay pasaylo ang Diyos para kanato.