Thursday, March 18, 2010

Ang Wali Ni Pedro

BUHAT 10: 34~43

34 Unya, si Pedro miingon, “Sa pagkatinuod, nakaamgo ko nga ang Diyos walay pili. 35 Hinunoa, nagpatalinghog siya sa kanasoran nga mahadlokon sa Diyos ug nagbuhat sa maayo. 36 Kini ang mensahe nga iyang gipadala sa mga anak sa Israel, ang Maayong Balita sa kalinaw nga iyang gipadayag pinaagi ni JesuCristo, ang Ginoo sa tanan. 37 Walay duhaduha, nakadungog na mo sa dakong hitabo sa tibuok kayutaan sa mga Judio. Nagsugod ni sa Galilea, human sa bunyag nga giwali ni Juan. 38 Nasayod mo giunsa sa Diyos pagdihog si Jesus ang Nazareno sa Espiritu Santo ug sa gahom. Naglakawlakaw siya nga nagbuhat og maayo ug nag-ayo sa naa sa gahom sa yawa, kay ang Diyos nag-uban man niya. 39 Mga saksi mi sa tanan niyang gihimo sa tibuok kayutaan sa mga Judio ug sa Jerusalem mismo.

Sa kataposan gipapatay siya pina-agi sa pagpabitay niya sa krus nga kahoy. 40 Apan ang Diyos mibanhaw niya sa ikatulong adlaw, ug gipadayag siya 41 dili sa tanang tawo kondili, sa mga saksi nga napili nang daan sa Diyos – kanamo nga nangaon ug nanginom uban niya human sa pagkabanhaw. 42 Ug gimandoan pagwali ini sa katawhan ug pagsaksi nga gitudlo siya sa Diyos aron paghukom sa mga buhi ug patay. 43 Ang tanang propeta nag-ingon bahin niya, nga ang motoo pasayloon sa ilang sala tungod sa iyang Ngalan.”

PAGPAAMBIT SA MENSAHE:

Ang maong ebanghelyo maoy pagpasabot lamg n gang unang mga tinawag nga apostoles pinangulohan ni Pedro maoy gitahasan sa Dios sa pagsangyaw niining mga pagtulon-an 2000 kapin katuig na ang milabay. Diha sa ubang sinulat ginaingon nga si Pedro maoy gitahasan sa Diyos sa pagsangyaw sa maayong balita sa mg Judio ingon nga si Pablo mao usab ang gitahasan sa Dios sa pagsangyaw sa mga dili Judio, nga sa ato pa ang kaluwasan giandam sa Dios para sa tanang katawhan sa tibook kalibutan, apan dili ikalimod nga ang kaluwasan nagsumikad gayud diha kang Cristo Jesus ug nagsumikad diha sa mga Judio.

Diin diha sa Mateo 16:18 miingon si Jesus ngadto sa iyang unang tinawag nga mga tinun-an nga si Simon, miingon siya Simon ikaw si Pedro ibabaw niining bato itungtong ko ang akong iglisea ni ang kamatayon dili makabuntog niini, ang pulong Pedro sa Hebrew nagkahulugan kini ug Petros nga sa ato pa bato ug nagkahulugan gayud kini nag si Apostoles Pedro mao ang magaagak sa simbahan ni Jesus Cristo ug ipaila niya sa upat ka suok sa kalibutan diin bisan ang kamatayon dili makabuntog niini.

Nagpaayon tuod ang maong pagtulon-an sa pagsangyaw diin 600 years una ang milabay ayha hingpit nga nasangyaw kini nga pagtulon-an sa upat ka suok sa kalibutan, diin 1500 A.D. o 15th Century nahitabo usab ang mga kamatuoran diin sa mga panan-awon ni Juan diin aduna nagasimab ug nasangyaw sa pulong ni Jeus diin sinagulan kini diha sa mga personal interes, ug niining panahuna hunay-hinay usab nga midagsang ang maong mga pagtulun-an nga nagsaimba sa Dios diin ang kadaghanan kanila nagatuis ug nagatuki diha sa iyang mga tinagong pulong.

Apan dinhi niining panahuna gihinay-hinay usab sa pagsangyaw sa Diyos ang kataposang manlalaban ang espiritu sa kamatuoranm diin maoy iyang gipauban kanato samtang wala pa si Jesu Cristo mahibalik dinhi sa kalibutan. Juan 14; 15 miingon siya tumana ninyo ang akong mga sugo kay mangayo ako sa Amahan ug tagaan kamo niya ug laing manlalaban, ang espiritu santo sa kamatuoran nga maga-uban kaninyo hangtod sa kahangturan, ang kalibutan dili makadawat kaniya kay dili man sila makakita ni makaila kaniya,apan makaila kamo kaniya kay nagauban man siya ug nagapuyo diha kaninyo.

Wednesday, March 17, 2010

Ang Mga Dili Judio Nakadawat Sa Espiritu Santo

BUHAT 10: 44~48


44 Nagsulti pa si Pedro diha nga ang Espiritu Santo mikunsad sa tanang naminaw sa Pulong. 45 Ang mga matoohong Judio ug ang mga kauban ni Pedro natingala ug nakaingon, “Oy! Ang Diyos naghatag ug nagpakunsad pod sa Espiritu Santo ngadto sa mga langyaw!” 46 Sa pagkatinuod nahitabo ni, nadungog nila nga nagsulti sila sa lainlaing pinulongan ug naghimaya sa Diyos.

47 Unya, si Pedro mipahayag, “Makadumili ba ta pagbunyag sa tubig sa katawhang nakadawat na sa Espiritu Santo?” 48 Busa, gibunyagan sila sa ngalan ni JesuCristo. Human ini, gihangyo siya sa pagpabilin uban nila sa pipila ka adlaw.

PAGPAAMBIT SA MENSAHE:

Ang maong mga ebanghelyo maoy pagpasabot lamang diha sa kabubut-on sa Diyos diin ang iyang pagtawag kanato wala magagikan kun unsa ka kundili nagpamatuod lamang kini nga walay gipili ug walay gipihig ang Diyos diha sa iyang pagtawag kanatong tanan. Diha niadtong panahun sa unang mga tinawag gipasinati gayud sa Diyos nga ang tanan adunay kahigayunan diha sa pagpuyo nga anaa ang himaya sa Diyos, mao kini ang gipasabot diha sa ubang sinulat Efeso 3: 5 nagaingon nga ang Dakong tinago nga gipadayag sa mga propeta ug mga apostoles mao nga ang kaluwasan dili lang para niadtong mga Judio kundili hasta usab niadtong mga dili Judio, sa ato pa mga igsoon ang kaluwasan para sa tanan.

Mao kini ang tahas ni Pedro ug ni Pablo diin si Pedro maoy gtahasan sa Diyos sa pagsangyaw niadtong mga Judio ug si Pablo mao usay gitahasan niadtong mga dili Judio. Ang pangutana: Anaa ba ang grasya ug panalangin diha sa matag binuhat dinhi sa kalibutan, Mao kini ang kamatuoran nga tubag diin kitang tanan gibinlan sa Diyos sa espiritu santo sa kamatuoran, Juan 14 : 15 nagaingon “ Tumana ninyo ang akong mga sugo ug mangayo ako sa Amahan ug taga-an kamo niya ug laing manlalaban, ang espiritu santo sa kamatuoran nga magauban kaniyo hangtod sa kahangturan, Ang kalibutan dili makadawat kaniya, kay dili man sila makakita ni makaila kaniya, apan makaila kamo kaniya kay nakig-uban ug nagpuyo man siya diha kaninyo.

1 Corinto 3:16 naga-ingon “ Ang lawas sa tawo maoy templo sa Diyos espiritu santo ug ang mopasipala sa templo sa Diyos nga mao ang atong lawas nan iya usab nga pagalaglagon. Mao kini ang kamatuoran diha sa maong mga ebanghelyo nga ang espiritu santo sa kamatuoran nagbalik-balik lamang dinhi sa ibabaw sa kalibutan, Diin diha niining ikatulong siglo, mao gayuy gusto sa Diyos nga sa dili pa mobalik ang anak sa Diyos nga masangyaw gayud kini nga pagtulun-an sa paagi nga sebo lamang usab sa kabubut-on sa Diyos, mao nga angayan sa pagpamalandong ang mga pulong diha sa balaang kasulatan nga iya gayud kini sa Diyos busa angayan nato kining ibalaa

Monday, March 15, 2010

Mga Saksi Ni Jesus

JUAN 5:30~45


• 30 Wala koy mahimo sa akong kaugalingon. Kinahanglan nga mamati ko sa Lain nga mohukom. Tarong ang akong hukom, kay wala ko magtinguha sa kaugalingong kabubut-on kondili, sa nagpadala nako.

31 Kon nagsaksi ko sa kaugalingon, walay kapuslanan ang akong isulti. 32 Apan ang Lain nagsaksi nako. Nahibawo ko nga ang iyang pagsaksi tinuod. 33 Si Juan sab misaksi sa kamatuoran sa inyong pagpadala niyag mga sinugo. Apan wala ko mangita sa tawhanong saksi. 34 Gipahinumdoman tamo ini aron maluwas mo.

35 Si Juan sama sa sugang nagdilaab ug gikahimut-an ninyo ang pagpahimulos sa makadyot sa kahayag. 36 Apan may nagsaksi nako nga labaw ni Juan – ang mga buluhaton nga gitugyan kanako sa akong Amahan. Ang mga buhat nako nagmatuod nga pinadala ko sa Amahan. 37 Busa, ang nagsaksi nako mao ang Amahan nga mipadala nako. Wala pa ninyo madunggi ang iyang tingog, ug wala mo makakita sa iyang nawong. 38 Kon dili mo motoo sa iyang sinugo wala ninyo ang iyang pulong.

39 Nangita mo sa kinabuhi diha sa kasulatan, kay nagtoo mo nga dinha inyo ning makaplagan. Nagsaksi nako ang Kasulatan. 40 Apan midumili mo pagduol nako aron mabuhi. 41 Wala ko mangandoy nga daygon sa katawhan. 42 Nasayod ko nga wala ninyo ang gugma sa Diyos. 43 Wala ko ninyo dawata bisag mianhi ko sa ngalan sa akong

PAGPAAMBIT SA MENSAHE:

Ang maong ebanghelyo nagpasabot lamang diha sa kabubut-on sa Amahan sa pagsangyaw sa iyang pagtulon-an, diin diha sa ubang sinulat nagaingon nga kun wala pay kasaypanan ang unang kasulatan nan wala na unta kinahanglana ang ikaduhang kasulatan, Ang unang kasulatan mao man kadto sa panahun ni Moises ang ikaduhang kasulatan mao kadtong pagapakatawo ni Jesu Cristo sinaksihan sa iyang mga unang tinawag, ang unang mga apostoles ,sila maoy unang mga saksi sa mga milagro ug kabubut-on sa Dios nga anak.

Ang uanang mga saksi ni Jesu Cristo diha niadtong panahuna nagpamatuod sa pagka-Diyos ni Jesu-Cristo pinaagi diha sa ilang pag-uban ug pagkakita sa mga milagro nga gipasaksihan sa Diyos kanila. Ang unang mga apostoles maoy unang mga magsasangayaw diha sa upat ka suok sa kalibutan. Diin sa dihang mibalik na si Jesu Cristo sa iyang gingharian nagpadayon sa pagsangyaw ang mga apostoles pinangulohan ni Pedro , diin matod pa sa ubang sinulat diha sa matag lugar nga ilang pagaadtu-an anaa ang prisuhan nagapaabot kanila.

Maoy gitahasan sa Diyos si Pedro uban sa laing 11 ka apostoles sa pagsangyaw niing maong pagtulun-an diin bisan ang kamatayon dili maabuntog niini. Mateo 16: 18 miingon si Jesus sa una niyang apostoles Simon ikaw si Pedro, ibabaw niining bato itungtong ko ang akong iglisea, ni ang kamatayon dili makabuntog niini, tinuoray nga pagsangyaw ang namantala diha sa kasaysayan sa balaang kasulatan, diin ang tanang unang mga tinawag, unang mga apostoles , pulos gayud gihunusan sa ilang kinabuhi , diin kadaghanan kanila didto gayud mamatay pinaagi sa mga berdugo didto sa nasod sa Roma diin niadtong panahuna, maoy usa ka progresibo nga nasod , nga nagasimba sa mga Diyos-Diyos o sa mga pagano nga pagtulon-an.

Apan tungod usab sa talagsaong pagtuo sa mga unang mga tinawag, nasayod ug nakaila sila sa ilang gialagaran, Kamatuoran lamang ang nahasulat diha sa balaang kasulatan nga nagaingon Ayaw kahadluki ang tawo nga mopatay sa imong lawas apan walay mahimo sa imong kalag, maoy kahadluki ang Diyos nga makapatay dili lang sa imong lawas kundili hasta sa imong kalag didto sa walay katapusang kamatayon sa kalayo sa impyerno


Gipakaon Ni Jesus Ang 5000

JUAN 6: 1~14

6 • 1 Mitabok si Jesus sa lanaw sa Ga- lilea, sa may Tiberias. 2 Nanunod niya ang bagang panon sa katawhan, kay nakita man nila ang mga milagro, ang pag-ayo sa mga masakiton. 3 Unya, mitungas si Jesus sa bungtod ug milingkod uban sa iyang mga tinun-an. 4 Niadtong higayona duol na ang Pangilin sa Pagsaylo sa mga Judio.

5 Sa paghangad ni Jesus, nakita niya ang daghang tawo nga miduol niya. Miingon siya kang Felipe, “Asa ta makapalit og pan nga ipakaon sa mga tawo?” 6 Iya ning gisulti aron pagsulay ni Felipe, kay nahibawo siyag unsay buhaton. 7 Si Felipe mitubag, “Ang baleg 200 ka salapi nga pan dili paigo sa paghatag og gagmayng piraso sa tanan. 8 Usa sa iyang tinun-an, si Andres, igsoon ni Simon Pedro, miingon kang Jesus: 9 “Aniay batang lalaki dinhi nga may lima ka pan nga sebada ug duha ka isda. Apan mag-unsa man ni alang sa ingon ka daghang tawo?

10 May daghang balili adtong dapita busa, miingon si Jesus: “Papungkoa ang mga tawo.” Namungko ang mga 5,000 ka tawo. 11 Unya, gikuha ni Jesus ang pan, nagpasalamat siya, ug giapud-apod sa mga namungko. Mao sab ang iyang gibuhat sa isda. Gihatagan ang tanan kutob sa ilang gusto. 12 Sa nakapangaon na ang tanan, miingon si Jesus sa iyang mga tinun-an: “Hiposa ang salin aron walay mausik.”
13 Gihipos nila, ug ang salin sa pan nga Sebada nakapunog 12 ka bukag, ang nahibilin nga mga piraso sa lima ka pan nga sebada. 14 Sa pagkakita sa mga tawo sa timailhan nga gibuhat ni Jesus, miingon sila, “Sa pagkatinuod, siya ang atong gipaabot nga propeta nga moanhi sa kalibotan

PAGPAAMBIT SA MENSAHE:

Ang maong ebanghelyo nagpasabot lamang diha sa talagsaong gahum sa Diyos nga gipakita sa iyang anak diha sa mga panahun nga gikinahanglan na kini, Nagpakita kini sa dili maduha-duhaang milagro sa Diyos, Apan diha sa mga milagro nga iyang gipakita nagpakita usab kini ug mga sakripisyo. Diin wala niya palutawa ang pan u gang isda nga pinaagi sa madyik lamang kundili, adunay binuhat nga nagdala ug pipila ka tinapay ug ug pipila usab ka isda diin iyang gipanalanginan ug giapod-apod kini sa mga katawhan diin nasubra pa kini ug duha ka bukag.

Nagapakita lamang mga igsoon nga mohatag ug milagro ang Diyos apan kinahanglan nga ikaw tawo molihok ka usab, aduna ka usay sakripisyo, diha sa pagpatulo sa imong singot, sakripisyo diha sa mga pag-ampo , kay matod pa diha sa ubang pulong sa Diyos nga nagaingon : Ngano man nga dili niya ihatag kun kini kaayuhan man.

Wala gayuy laing paagi nga mahatagan kita ug milagro sa Diyos diha sa atong gipangAyo gawas lamAng sa mga pag-ampo nga gitudlo sa Diyos kanato, bisan diha niining krisis nga giatubang karon sa atong nasod , atong ihangad sa Diyos ubanan sa atong mga paningkamot, nan walay imposible diha sa mata sa Diyos. Kay matod pa madungog kanunay sa Diyos ang atong mag pag-ampo ug pangaliya, kay walay tawo dinhi sa kalibutan nga dili madunggan sa Diyos ang mga pag-ampo , ang tanan nga nagaampo, nadungog sa Diyos apan dili ang tanana nakadawat sa ilang panalangin kay kadaghanan sa naga-ampo. Wala magasumikad sa ialng kasing-kasing, atua lamang sa tumoy sa ilang dila.

Bulahan kadtong naga-ampo nga gidungog sa Diyos apan mas bulahan kadtong mga tawo nga maoy gipaabot sa Diyos diha kanato isip tubag sa atong mga pag-ampo.


Ang Gahom Sa Anak


JUAN 5:19~29


• 19 Mitubag si Jesus, “Sultihan tamo.” Ang anak walay mahimo sa kaugalingon lang gawas sa makita niya nga gibuhat sa Amahan. Ang gibuhat sa Amahan buhaton sab sa anak, 20 kay ang Amahan nahigugma sa Anak nga iyang gipakita sa tanan niyang gibuhat. Pakitaon pa siya sa iyang Amahan og mga butang nga labi pang dagko kay ini aron mahibulong mo.

21 Ingon nga gibanhaw sa Amahan ang mga patay ug gihatagag kinabuhi, ang anak sab mohatag og kinabuhi kang bisag kinsa nga buot niyang hatagan. 22 Sa samang paagi, ang Amahan dili mohukom ni bisag kinsa. Gitugyan niya sa anak ang tanang hukom, 23 ug buot siya nga ang tanan magpasidungog sa Anak ingon nga nagpasidungog sila sa Amahan. Ang nagsalikway sa Anak nagsalikway sab sa Amahan nga nagpadala niya.

24 Sa pagkatinuod sultihan tamo, ang mamati sa akong pulong ug motoo sa nagpadala nako, makabaton sa kinabuhing dayon. Dili na siya hukman, kay naluwas siya gikan sa kamatayon ngadto sa kinabuhi. 25 Sultihan tamo, taliabot ang panahon, ug gani miabot na, kanus-a makabati ang mga patay sa tingog sa Anak sa Diyos ug mabuhi ang namati ini


PAGPAAMBIT SA MENSAHE:

Ang maong ebanghelyo maoy pagpasabot diha sa gahum sa bugtong anak sa Diyos, diin diha unang mga sinulat naagingon diha na Siya sa waal pa ang kalibutan, iya ang pulong nga nagpakatawo ug mipuyo uban kanato, Dinhi na usab siya sa panahun ni Moises, siya kadtong bato nga nagauban sa panahon ni Moises ug Diha niining maong siglo diin nagpakatwao ang anak sa Diyos aron pagpasabot sa mga pagtulun-an nga gisangyaw ni Moises.

Mao gayuy tuyo sa Amaahn nga masabtan sa iyang katawhan ang kabubut-on sa Diyos nag ilang gisimba ug gialagaran, gipasabot ni Jeus Cristo nag ang kasugo-an nga gisangyaw ni Moises duruha lamang kini, una ang paghigugma sa Diyos labaw sa atanan u gang ikaduha ang paghigugma sa imong isigkatawo sama as paghigugma nimo sa imong kaugalingon, ug diha niining mga sugo-a nagalihok ang tanang kasugo-an nga gisangyaw ni Moises. Ug diha sa mga sugo sa Diyos nagpasabot laamng kini sa usa ka pulong ang pulong sa paghigugma kay ang Diyos gugma man.

Mao kini ang talagsaong hiyas nga gipaambit sa Diyos pinaagi sa iynag anak ang paghigugma, ug maoo kana ang timailhan nga iya ka ni Crist, kun puno sa kanunay ang imong kasingkasing sa oaghigugma, mao kina ang sumbanan nga gipakita ni Jesus Crsito kanatong iyang mga katawhan ang talagasaong gugama, nga gitawag ug “unconditional love” diin diha nagsumikad ang kinatibuk-ang kusog sa tibook kalibutan, tungod kay managunugon gayud ang Diyos sa paglaglag sa oyang katawahan, tungod kay kita naumol man tungod sa gugma sa Diyos.

Mao kini ang sumbana nga guso ipakita sa Diyos dinhi sa ibaabw sa kalibutan, pinaagi a pagpakartwo sa iyang anak ug gipakita nag hiyas nga iya sa espiritu santo sa Diyos, hiyas ngapuno sa pagpaubos ug puno sa pagka,mangindawaton ug puno sa gugma.

Mao kini nga siglo nga gihatag sa Diyos ang taas nga pasensiya diin iya gayud kitang giaghat diha sa mga pag-ampo ug mga pangaliya, kay matod pa bisan unsa kadako sa imong mga sala kun pangayoon mo lamang ang kapasaylo-an sa imong mga sala nan bulahan kay mapasaylo ka, kun motuo ka lamang usab nga adunay kapasaylo-an sa imong mga sala, kay kun kulang ka sa pagtoo nga ikaw mapasaylo sa Diyos nan sama lamang usab nga wala ka motuo nga si Jesu Cristo anak sa Diyos. Ug kun dili ka usab magahinulsol sa imong sala niining panahuna nan nagpasabot kana igsoon nga andam ka usab modawat sa kataposang hukom sa Diyos diha unya sa iyang pagbalik.


Tuesday, March 9, 2010

Mga Pulong Nga Naghatag Ug Kinabuhi

JUAN 1: 1~4
1 • 1 Sa sinugdan diha na ang pulong. Ang Pulong diha sa Diyos,
ug ang Pulong mao ang Diyos. 2 Sa sinugdan siya uban na sa Diyos3 Pinaagi niya nahimo ang tanan, ug walay nahimo nga dili pinaagi niya4 Gikan niya ang tanang kinabuhi, ug ang maong kinabuhi kahayag sa katawhan

PAGPAAMBIT SA MENSAHE:

Ang maong ebanghelyo nagpasabot lamang sa kamatuoran nga gipadayag diha sa unang sinulat sa unang siglo nga nagaingon. Diha na siya sa wala pa ang kalibutan, ug siya ang pulong nga nagpakatawo ug mipuyo uban kanato.

Mao kini ang ebanghelyo nga gustong ipaabot sa Diyos kanato nga ang iyang bugtong anak nga si Jesu Cristo nga maoy gipasabot dinhi niining maong ebanghelyo, dinhi na sa wala pa ang kalibutan ug dinhi na siya sa kalibutan sa panahun ni Moises kay matod pa siya kadtong bato nga nagauban kang Moises sa ilang panaw paingon sa Canaan ang yuta sa mga saad.

Diha sa ubang sinulat nagaingon nag si Jesu Cristo mao sa gihapon gikan kaniadto paingon karon, ug mao kana ang hiyas nga iyang gipamatuod sa iyang nga sumosunod, 20 katuig sukad gitukod kining maong pagtulun-an didto sa Balulang nga gibunyagan ug Jerusalem, diin namugna kini nga pagtulun-an ang tinago nga kamatuoran diin isip sumpay diha sa panaad ni Jesus Cristo diha sa iyang pulong sa balaang kasulatan, Juan 14: 15, nagaingon, “Tumana ninyo ang akong mga sugo kay mangayo ako sa Amahan, ug tagaan kamo niya ug laing manlalaban ang espiritu sa kamatuoran nga magauban kaninyo hangtod sa kahangturan. Ang kalibutan dili makadawat kaniya kay dili man siya makita ni ma-ilhan nila, apan makaila kamo kaniya kay nakig-uban ug nagpuyo man siya diha kaninyo.

Mao na kini ang pulong nga nagpakatawo niadtong panahun sa ikaduhang siglo, ang panahun niadtong, unang mag tinawag ug ang panahun diha sa pagpakatawo sa atong Diyos ug mipuyo uban kanato. Ug dinhi niining ikatulong siglo ug kataposang siglo mibalik ang iyang pulong diha sa Espiritu santo sa kamatuoran ug gipadayag pinaagi diha sa mga pulong sa mga propeta o mga tuburan. Ang epiritu santo sa Diyos sa kanunay nagabalik-balik diri sa kalibutan diin kadto lamang usab ang nagatoo ug ang nagabalaan ang makadungog niini ug labaw sa tanan kadto lamang pinili nga mga katawhan ang iyang gitawag ug gipasaksi sa mga buhat niadtong unang panahun, mga buhat nga napatik diha sa balaang kasulatan.

Pagmatuod mga igsoon nga walay nabag-o diha kang Jesu Crsito diha niining ikatulong siglo, apan ang katawhan tungod sa nagkadugang nga kaalam dili na gusto molingi sa ilang naagian, dili na molingi sa na-agian sa ilang mga katigulangan, kay para kanila ang Diyos anaa diha sa mga templo nga magarbo ug ang ilang mga igsoon anaa diha sa usab sa mga harianon nga mga katawhan, wala na sila makaila sa mga katawhan nga giisip nga kristuhanon mga igsoon nga hilabihan ka kabos. Ug nalimot na sila sa pulong sa Diyos nga nagaingon nga kun unsay imong gibuhat sa pInaka-ubos nga tawo dinhi sa ibabaw sa yuta nan mao na kana ang ilang gibuhat sa Diyos, 1 Corinto 3 :16 naga-ingon nga ang lawas sa tawo maoy templo sa Diyos espiritu santo,, ug ang molaglag sa templo sa Diyos nga mao kita nan pagalaglagon usab sa Diyos.


.

Ang Nating Karnero Sa Diyos

JUAN 1: 29~34

. 29 Sa sunod adlaw, nakita ni Juan si Jesus nga nagpadulong niya. Miingon si Juan: Anaa ang kordero sa Diyos nga nagwagtang sa mga sala sa kalibotan.

30 Siya ang akong giingon nga sunod nako. Nag-una siya nako, kay diha na man siya sa wala pa ko. 31 Ako mismo wala makaila niya. Namunyag ko sa pag-andam para niya, aron mapadayag siya sa Israel. 32 Nagmatuod sab ini si Juan sa pag-ingon: Nakita ko ang espiritu nga mikanaog gikan sa langit sama sa pati, ug mikunsad niya.

33 Wala ko makaila niya, apan ang Diyos nga nagsugo nako sa pagbunyag miingon: Ang imong makita nga kanaogan ug kunsaran sa Espiritu, siya ang nagbunyag diha sa Espiritu Santo. 34 Tinuod nga ako ning nakita. Nagpahayag ko nga siya ang Pinili sa Diyos

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diin gipakatawo sa Diyos ang iyang bugtong anak nga sukaranan sa tanan nga kaalam diin matod pa gisul-ob ni Jesu Cristo ang kinaiyahan sa espiritu santo sa Diyos diin anaa gayud ang pagpaubos ang pagkamangindawaton ug labaw sa tanan wala niya ipasigarbo ang iyang pagkaanak sa Diyos hinunu-a nagsangyawas siya sa pulong sa iyang Amahan tipon sa mga kabos nga sama kanato..

Siya ang nating karnero sa Diyos diin tuburan sa kaalam sa pagkamanggiluy-on ug sa pagkamangindawaton, mao kini ang nakita ni Juan diha sa iyang panan-awon sa dihang iyang gibunyagan sa tubig ang anak sa Diyos, diin gipakita kaniya ang espiritu santo pinaagi diha sa kalapati nga mikunsad ngadto sa pagkatawo ni Jesus.

Mao gayuy tahas sa nating karnero sa Diyos nga ihalad ngadto sa iyang Amahan para maluwas ang kasal-anan sa iyang mga katawhan, ug mao kini ang sumbanan nga gustong panaminan sa mga katawhan sa Diyos nga nagasunod sa pagtulun-an nga gisangyaw ni Cristo, nga ang pagsunod sa dalan nga giagian ni Cristo mao gayud ang paghalad usab sa imong kinabuhi, matod pa diha sa ubang sinulat bulahan ka nga nawad-an ug kinabuhi tungod sa pagsunod nimo sa kabubut-on sa Diyos kay mahatagan ka ug dugang kinabuhi, apan kun magdumili ka sa pagsunod sa kabubut-on sa Diyos sa kahadlok nga mawad-an ug kinabuhi nan basin ug kawad-an ka gayud niini.

Usa ka sumbanan isip nating karnero sa Diyos nga wala gayud gamay nga pagtutol niadtong nagalutos kaniya, usa ka panag-ingnan diha sa pagpangalagad sa Diyos nga dawaton nato ang mga paglutos diha as tunmang pagpaubos, kay matod pa diha sa ubang sinulat nagaingon bulahan ka nga nakaambit sa mga kasakitan ni Jesu-Cristo diha sa iyang kamatayon sa krus kay makaambit ka usab sa himaya asa iyang pagkabanhaw didto sa iyang gingharian sa langit.

Gikahimut-ang Sulogo-on

2 TIMOTEO 2: 14~26

14 Pahinumdomi ang iyang katawhan ining mga butanga. Aghata sila atubangan sa Diyos sa paghunong sa panaglalis. Wala ni kapuslanan. Makalibog lang hinuon sa naminaw. 15 Paningkamoti nga malig-on ka nga sulugoon sa Diyos, trabahador nga walay daotang binuhatan, naggamit sa matuod nga pulong. 16 Likayi ang walay hinungdang panagsultisulti nga sukwahi sa pagtoo. Magdala ni sa labaw kadako nga kakulang sa pagtoo. 17 Mokatag ang maong balita sama sa ganggrena, labi na si Hemenio ug Fileto. 18 Mitipas na sila sa kamatuoran. Nagtoo sila nga naabot na ang pagkabanhaw. Sa ingon, nakabalisa sila sa pagtoo sa uban. 19 Apan nagbarog gihapon nga lig-on ang baroganan nga gipahimutang sa Diyos. Nasulat ini: nakaila ang Diyos sa iyaha, ug: patalikda sa kadaotan ang misangpit sa ngalan sa Ginoo.

20 Dili lang mga sudlanan nga hinimo sa bulawan ug plata ang naa sa dakong balay kondili, ang hinimo pod sa kahoy ug sa yuta. Ang pipila gigahin alang sa opisyal nga kagamitan, ang uban sa ordinaryo lang. 21 Kon ang tawo makalimpyo sa kaugalingon sa butang nga akong giingon, mahamili siyang sudlanan, mapuslanon alang sa Ginoo, giandam alang sa balaang katuyoan.

22 Likayi ang batan-ong kahilayan; pangitaa ang katarong, pagtoo, gugma ug kalinaw, uban sa magsangpit sa Ginoo sa lunsayng kasingkasing. 23 Likayi ang binuang ug way hinungdang panaglalis nga masangko sa way pagsinabtanay. 24 Dili palaaway ang nag-alagad sa Ginoo. Hinunoa, aghop sa tanan ug kaantigong maminaw. 25 Maayo siyang mobadlong sa kaatbang, tingalig basolon sila sa Diyos sa mga sala ug makaplagan nila ang kamatuoran. 26 Basig makalikay sila sa mga lit-ag sa yawa nga nagbihag nila sa kaugalingong kabubut-on.


PAGPAAMBIT SA MENSAHE:

Ang maong ebanghelyo maoy pagpasabot lamang diha sa atong pagpangalagad sa Diyos diin , Ang Diyos nagaingon diha sa ubang sinulat nga una kita moduol sa Diyos kinahanlang nga aduna kitay pagtuo ngadto sa Diyos nga dili makita ni mahikap, kay dili mahimuot ang Diyos diha sa naga alagad kaniya nga kulang o haguka ang pagtuo, kay matod pa diha sa uban niyang pulong diha sa mga mensahe nga iyang gipadayag sa buhing pulong nga magauna gayud ang pagtuo ayha ang binuhatan kay kun ato lang nga buhatan ang gitan-aw sa Diyos nan matod pa niya wala na kita niining panahuna.

Ang katawhan ug mga sulogoon sa Diyo nga iyang gikahimut-an nagbaton gayud sa talagsaong pagtuo, kay matod pa diha sa aubang sinulat nga kun duna kay pagtuo sama kagamay sa liso sa mustasa nan makahimo ka sa pagsugo sa bukid sa pagbalhin sa dagat ug mobalhin siya. Apan lagi kay ang tawo mintras ania pa sa ibabaw sa yuta dili gayud kalikayan nga makasala gayud kita, sa pulong ug huna-huna ug sa buhat, ,kay ang pagpangalagad sa Diyos niining walog sa mga buhi puno sa tentasyon ug mga kalisdanan, kay daan na kining gipasabot sa Diyos nga kun nagsimba ug nagasunod ka ni Cristo nga imong Diyos nan makaambit ka gayud sa mga paglutos.

Kay ang balaang kasulatan nagaingon usab nag mahibaw-an nimo nga iya sa Diyos kana nga pagtulun-an kay makaambit ka gayud sa mga paglutos diin mao kini ang paagi sa Diyos sa pagsukod sa iyang mga katawhan, diin pinaagi sa kabug-os sa imong pagtuo sa Diyos masukod gayud niya kun molahutay ka basa mga pagsulay, diin walay laing paagi diha sa paglahutay sa mga pagsulay mao lamang gayud ang inadlaw-adlaw nga pag-ampo sa Diyos diin atong pangayoon ang kanunay nga pagsabot ug pagpasaylo diha sa atong mga kasal-anan.




.

Saturday, March 6, 2010

Si Cristo Ang Gahum Ug Kaalam Sa Diyos

1 CORINTO 1:18~31

18 Apan ang pagwali sa krus nagpabiling binuang alang sa nawala. Alang natong naluwas, gahom ni sa Diyos. 19 Matud pa sa kasulatan: Akong gun-obon ang kaalam sa maalamon ug lumpagon ang pangatarongan sa makinaadmon. 20 Hain man ang mga batid sa tawhanong kaalam, ang mga edukado, ang mga pilosopo? Wala ba pakyasa sa Diyos ang kaalam ining kalibotana?

21 Sa sinugdan ang Diyos misulti sa pinulongan sa kaalam. Apan ang kalibotan wala makaila sa Diyos sa iyang kaalam. Gikahimut-an sa Diyos ang pagluwas sa matoohon pinaagi sa binuang namong giwali. 22 Ang mga Judio nangayog mga milagro. Ang mga Griyego nangayog labaw nga kahibalo. 23 Nagwali mi ni Cristo nga gilansang sa krus. Alang sa mga Judio, dako ning iskandalo! Alang sa mga Griyego, binuang! 24 Apan si Cristo siya, ang gahom ug ang kaalam sa Diyos sa gitawag niya gikan sa mga Judio ug Griyego.

25 Sa pagkatinuod, ang “binuang” sa Diyos labaw kaayo kay sa kaalam sa tawo. Ang “kahuyang” sa Diyos labaw kakusgan kay sa tanang kusog sa katawhan. 26 Mga igsoon, pamalandongi ug tan-awag kinsay gitawag sa Diyos. Pipila ra ninyo ang matawag nga edukado o dato. Pipila ra ang dungganag kaliwat. 27 Apan gipili sa Diyos ang giisip sa kalibotan nga huyang aron pakaulawan ang kusgan.

28 Gipili sa Diyos ang kumon ug dili importanting mga tawo, ginamit ang walay nada aron wagtangon ang mga butang nga dunay bili, 29 ug aron walay manghambog sa iyang atubangan. 30 Apan sa grasya sa Diyos, naa mo ni Cristo Jesus. Nahimo siya nga atong kaalam gikan sa Diyos. Iya tang gitarong, gisantos ug gigawasnon. 31 Ang Kasulatan nag-ingon: Ang manghambog, papanghamboga siya sa Ginoo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pulong sa Diyos diin diha sa pagpadala niya sa iyang bugtong anak iyang gipakita ang iyang kabubut-on diin wala magpakaita o magdala si Jesus ug bahandi nga iya niining kalibutan, nagpakatawo isip usa ka kabos didto sa pasungan, ug diha sa pagsukod niya ug sangyaw sa pagtulun-an sa iyang Amahan sa edad nga 30 iyang gipakita ug gipasinati ang tinud-anay nga kabubut-on sa Diyos Amahan , ang pagsangyaw sa iyang pagtulun-an luyo sa mga paglutos ug mga pagbiay-biay.

Apan ang kamatayon ni Jesu Cristo diha nianang krus kadaugan kini dili lamang sa iyang tahas nga gihatag kaniya sa amahan kundili kadaugan kini kanatong nagatuo nga adunay Diyos ug nga adunay Jesu Cristo nga nga nagpalansang sa krus. Kay matod pa ang gahum sa Diyos wala magsumikad lamang diha sa iyang mga milagro ug sa iyang pagsilot sa mga malapason kundili ang gahum sa Diyos nagsumikad diha sa pagpaubos, kay ang pulong sa Diyos dili man pulong sa pagpasigarbo kundiliipulong sa pagpaubos.

600 na ka tuig ayha hingpit nga nasangyaw ang pagkaanak sa Diyos ni Jesu Cristo apan 350 ka tuig pa gikan sa iyang pagkamatay gidawat ug gutuohan ug gisagop kini sa nasod sa Roma, diin niadtong panahun ni Jesu Cristo ang Roma moy usa ka bantugan nga siyudad nga nabantug usab nga maoy maglutos sa pagtulon-an nga kristuhanon, nabantog nga nga walay magsimba sa Diyos kun dili nagasimba sa mag Diyos-diyos, apan pinaagi sa usa ka emperador niadtong tuiga, 350 A,D. Emperador Constantino diin maoy pinakaunang emperador sa Roma nga misagop sa pagtulun-an ni Jesu Cristo uban sa iyang inahan nga si Reyna Elena.

Diin ilang gipamatuod ngadto sa iyang mga katawhan nga kamatuoran ang Diyos nga iyang gisunod ug kamatuoran ang kamatayon ni Jesus-Cristo diha nianang lkamatuoran nga wlay kataposang gahum ug milagro ang gipakita sa Diyos diha kaniya.
Uban sa iyang inahan nga si Reyna Elenna, uban sa iyang mag ginsakupan, gipangulohan ni Emperador Constantino, ang pagpangita sa matuod nga krus nga gipakamatyan ni Jesus didto mismo sa Jerusalem, didto mismo sa kalbaryo , didto mismo sa gitindugan sa maong Krus sa maong lugar sa kalberyo.

Mao kadto ang unang Santo Krusan nga natala diha sa kasaysayan sa balaang kasulatan, 350 years AD,. diin ilang giadto ang maong lugar sa kalbaryo gikan sa Roma aron pagpangita sa matuod nag Krus, ug dili lang usa ka krus ang ilang nakita didto , kundli tulo ka krus ug pinaagi usab sa mga binuhat nga gigiyahan sa espiritu santo natultulan nila ang matuod nga krus sa dihang usa ka masakiton ag nagaampo ug nangayo ug kaayuhan sa iyang balatian. Diin sa pagkmpa niya sa iatulo nga krus hingpit nga maayo ang iyang balatian.




Si Jesus Labaw Kang Moises

HEBREO 3: 1~6


3 • 1 Balaang mga igsoon nga gidapit sa langitnong pag¬tawag, ilha si Jesus isip apostol ug La¬bawng Pari sa atong pagtoo.
2 Matinud-anon siya sa Diyos nga nagpili niya, sama nga si Moises nag¬matinud-anong piniyalan sa balay sa Diyos. 3 Apan si Jesus mas angayan pa sa dakong pasidungog kay ni Moises. Mas bantogan kay sa balay ang nagtu¬kod ini. 4 Sanglit ang tanang balay may magtutukod man, ang Diyos nagtukod sa tanan. 5 Ginaingon nga si Moises namatud-an nga ma¬tinud-anong sulu¬goon sa Diyos sa tibuok balay ug saksi sa mga gipadayag sa Diyos kaniadto. 6 Mianhi si Cristo isip Anak nga manag-iya sa balay. Mga saksi ta sa panimalay kon magmalig-on ta sa pagsalig ug ma¬walay kahadlok.

PAGPAAMBIT SA MENSAHE;

Ang maong ebanghelyo nagpamatuod lamang sa pagkaanak sa Diyos ni Jesus Cristo. diin kamatuoran usab nga si Moises maoy gitahasan sa Diyos sa iyang mga katawhan gikan sa Ehipto paingon sa Canaan ang yuta sa mga saad diin miabot usab ug 40 ka tuig ang maong gimbuhaton, diha usab niini gipakanaog sa Diyos ang iyang napulo ka sugo nga gisulat sa tabliya nga bato ug maoy gipasangyaw ni Moises ngadto sa iyang mga katawhan. Ug mao kini ang nabantog nga unang siglo diha sa balaang kasulatan diin gipakita ug gipasabot sa Diyos ang iyang mga kabubut-on ug kasugo-an.

Diha nianing ikaduhang siglo diin nagpakatawo ang anak sa Diyos aron sa pagpasabot sa mga kasaypanan diha sa ubang kasulatan ug aron pagpasabot usab sa mga kasugo-an sa iyang amahang Diyos diin nagsumikad lamang kini sa duruha ka kasugo-an, una ang paghigugnma sa Diyos labaw sa tanan ug ang ikaduha ang paghigugma sa imong isigkatawo sama sa paghigugma nimo sa imong kaugalingon,nga sa ato pa ang kasugo-an sa Diyos naglangkob sa pulong gugma kay ang Diyos gugma man.

Mao kini ang gustong ipasabot ni Jesu Cristo diha sa iyang pagpakatawo ug mao kini ang tahas nga gihatag sa iyang Amahan ang pagsangyaw sa kasugo-an sa Amahan ang kasugo-an sa gugma, gugma ngadto sa Diyos ug gugma ngadto sa imong isigkatawo, Mao kini gitawag ug “unconditional love, o gugma nga walay limitasyon, diin siya nagpalansang sa krus bugti sa kaluwasan kanato tanan, aron sa ingon mahaw-as ug maluwas kita sa mga kasal-anan.

Nagpamatuod lamang kini diha sa ubang pulong nga nagaingon nga siya ang kataposang Adan nga mikunsad dinhi sa kalibutan, wala magagikan sa abog kundili nagumikan sa lalang sa espiritu santo sa Diyos nga mikunasad didto sa sabakan sa atong langitnong inahan. Wala siya magdala ug kamatayon kundili nagdala siya ug kaluwasan ngadto sa kinabuhing walay kamatayon.



Si Ananias Ug Si Safira



BUHAT 5: 1 ~ 11


5 • 1 May laing tawo nga ginganlag Ananias. Inuyonan sa asawa nga si Safira, mibaligya siyag usa ka parsela, 2 apan mitipig sa ubang halin alang nila, ug gitugyan ang nahibilin sa mga apostol.

3 Unya, miingon kaniya si Pedro, “Nganong gitugtan mo man si Satanas pagsulod sa imong kasingkasing? Ug nganong naninguha ka man pag-ilad sa Espiritu Santo sa imong pagtipig sa bahin sa halin alang nimo? 4 Kinsay nagpugos nimo pagbaligya sa yuta? Sa nahalin na ni, dili ba, makatipig man ka sa tanan? Nganong nakahunahuna ka man adtong butanga? Wala ka mangilad namo apan, sa Diyos mismo.”

5 Sa pagkadungog, natumba si Ananias ug namatay. Giabot og dakong kahadlok ang nakadungog. 6 Unya, mibarog ang mga batan-ong lalaki, giputos nila ang patayng lawas ug gidala sa gawas aron ilubong.

7 Human sa mga tulo ka takna miabot ang asawa ni Ananias nga wala mahibawo sa nahitabo. 8 Gihagit siya ni Pedro, “Sultihi ko kon kini ba ang kantidad sa yuta nga inyong gibaligya?” Miingon siya, “Oo. 9 Nangutana si Pedro, “Nganong nagkasabot mong duha sa pagsulay sa Espiritu Santo?” Ang naglubong sa imong bana naa sa pultahan. Dad-on ka sab nila sa lubnganan.

10 Ug niini, natumba si Safira nga patay sa iyang tiilan. 10b Misulod dayon ang mga batan-on. Sa pagkakita nila nga patay na siya, gidala siya aron ilubong sa kiliran sa bana. 11 Ang tibuok Simbahan giabot og dakong kahadlok, ingon man ang tanang nakadungog.


PAGPAAMBIT SA MENSAHE:

:

Ang maong ebanghelyo maoy pagpasabot diha sa mga kabubut-on sa Diyos Espiritu Santo diin diha sa ubang sinulat nagaingon nga mas maayo pa nga makasala ka sa buhing taw okay aduna ka pay kapasaylo-an kay sa makasala ka sa esspiritu santo sa Diyos diin wala nay kapasaylo-an sa imong mga kasal-anan.


Dinhi niining maong ebanghelyo gipasinati sa Dios ang iyang kabubut-on diin ang maong mga binuhat, si Ananias ug si Safira nagkauyon sa paglimod sa ilang halin ngadto kang Pedro, apan lagi si Pedro igo man lang usab nga gisugo sa espiritu santo sa Diyos nan sama ra nga ang espitriu santo usab ang ilang gilimdan, diin nakasala sila diha mismo atubangan sa Diyos ug ang balaang kasulatan nagaingon nga ang silot sa sala kamatayon.


Angay sa pagpamalandong ug sa paghinuktok nga kining maong pagtulon-an nga gibarugan ug gitukod sa Diyos balaan sa tanang balaan ug ang mga gimbuhaton nga gitugot ug nagsumikad sa Diyos balaan usab nan, kun imong bakakan o dili nimo sundon ang maong mga kabubut-on sa Diyos nan kuhaon na lang pagsiguro sa Diyos ang imong kalag ug espiritu, aron masiguro niya kini, diin ang lawas mobalik man kini sa abog


Ang pagpangalagad sa Diyos nagkinahanglan gayud kini ug tinud-anay nga serbisyo sa pulong , huna-huna ug sa kasing-kasing, mao nga ang Diyos nag-aghat gayud sa paghikalimot sa iya niining kalibutan, ug moy ipalabi ang bahandi didto sa iyang gingharian nga dili makita ni mahikap, kay kun magpadaldal ka sa tinagingting sa salapi nan mamahimo na hinuon nga duha ang imong Diyos, ug diin malisod sa pag-alagad sa duha ka Diyos, apan kun asa ang imong bahandi nan atua usab ang imong kasing-kasing, kung ang imong palabihon mao ang bahandi dinhi sa yuta nan dinhi kalang usab kutob apan kun ang imong gipili bahandi nga iya sa langit nan mao kini bahandi nga dili makita ug mahikap, mao kini bahandi nga mohangtod sa kahangturan ug mao kini bahandi nga imong ikapasigarbio atubanagan sa Diyos diha unya sa yang pagbalik.


Matod pa diha sa ubang pulong sa Diyos kun nasayod pa unta kamo kun unsay atua didto sa iynag gingharian sa langit nan dili na unta kamo mangita pa ug dugang bahandi, biyaan ninyo ang tanaan ug maoy inyong siguroon kun unsaon ang paghiabot didto sa iyang gingharian.


Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo