Si Pedro Gikasab-an Ni Pedro Didto Sa Antoquia

GALACIA 2: 11~14

• 11 Sa pag-adto ni Kefas sa Antioquia, nakigharong ko niya, kay angayan siyang basolon. 12 Sa wala pa mangabot ang mga paryenti ni Jaime nakigsalo siyag pangaon sa dili Judio. Apan sa pag-abot nila, mipahilayo siya ug wala na makighugoyhugoy nila. Nahadlok siya sa mga grupo sa Judeo. 13 Ang ubang Judio misunod sa iyang pagpakaaron-ingnon. Bisan si Bernabe nalibog. 14 Dihang nakita nako nga wala sila magbuhat sa husto pinasubay sa kamatuoran sa Ebanghelyo, akong giingnan si Kefas atubangan sa kadaghanan: kon kamong mga Judio miuyon pagpuyo daw dili Judio, hiniklin ang mga batasan sa mga Judio, nganong pugson man ninyo karon ang dili Judio sa pagpuyo nga daw Judio?

PAGPAAMBIT SA MENSAHE:

Ang maong ebanghelyo mao lamay pagpasabot diha as katawhan sa Diyos nga sa kanunay mag-inambitay diha sa mga maayong huna-huna. Diin ginaingon ng daan nga kun nagasunod ka sa pagtulon-an n iJesus nan makaambit ka gayud sa mga paglutos, ug mas labaw nga sakit kun ang molutos kanimo kauban ra usab nimo sa pagtoo.

Nagpasabot lamang kana mga igsoon nga bisan unsaon sa pagpangalagad sa tawo ngadto sa Diyos bisan unsaon pa niya pagbalaan apan makasala gihapon siya sa pulong, sa buhat ug sa huna-huna.

Diha niining maong ebanghelyo naga-ingon nga gikasab-an ni Pablo si Pedro didto sa Anatoquia tungod kay wala siya magasubay sa insaktong pamaagi diha sa pagsunod sa pagtulon-an ni Jesu Cristo, diin iyang gikaulaw kadtong mga dili Judio sa diha nga daghang na ang mga katawhan nga nangabot, apan ang balaang kasulatan nagaingon, nga kun unsay imong gibuhat sa labing ubos nga binuhat dinhi sa ibabaw sa kalibutan nan mao kana usab ang gibuhat mo sa Diyos.

Atong pamalandungan ngaDiyos sa kamatuoran ang atong gialagaran, Diyos nga dili makita ug mahikap, ug ang Diyos nagsugo gayud sa paghugugma sa imong sigkatawo sama sa paghigugma sa imong kaugalingon, sa ingon nagasugo usab siya sa paghigugma sa Diyos nga labing gamhanan labaw sa tanan.

Kini nagpasabot lamang nga ang atong Diyos nga giampoan ug gialagaran sa Diyos nga adunay walay kinutuban nga gugma, ug mao kana ang iyang gihatag dinhi sa iyang mga katawhan pinaagi sa paghalad sa iyang mismong anak, alang sa kaluwasan ug kalinaw sa kalibutan. Nan mao usab kana ang iyang gitudlo niadtong una niyang mga tinawag, niadtong mga mabuot nga mga apostoles diin ipatigbabaw ang panagdait ug paghigugma sa usag-usa.

Apan lagi diha sa pagsangyaw kanato sa pulong sa Diyos anaa gayud ang mga pagsulay ug mga paglutos, anaa ang kahadlok tungod kay tawo pa man kita, mao kini ang nasinati ni Pedro niadtong higayuna,ang kahadluk nga dili na siya tahuron sa iyang mag kadugo nga Judio kun makigsandurot siya uban niadtong dili mga Judio apan ang Diyos miingon ayaw tan-awa ang imong isigka-tawo ug siguro-a ang imong kaluwasan.

Ang Pagbunyag Ug Ang Pagtintal Kang Jesus

MARCOS 1:9~13

9 Nianang panahona miabot si Jesus gikan sa Nazaret, usa ka lungsod sa Galilea, ug gibunyagan ni Juan sa suba Jordan. 10 Sa paggawas sa tubig naokab ang langit alang niya ug iyang nakita ang Espiritu nga mikunsad sama sa pati. 11 Dayon nadungog kining mga pulong gikan sa langit: “Ikaw ang akong Anak, ang Hinigugma, ang akong Pinili.”
12 Unya, gipaadto sa Espiritu si Jesus sa kamingawan 13 diin nagpabilin siyag 40 ka adlaw, ug gitintal ni Satanas. Nakig-uban siya sa mga ihalas nga mananap, apan nag-alagad niya ang mga anghel.


PAGPAAMBIT SA MENSAHE:

Ang maong ebanghelyo maoy pagpasabot lamang nga ang paghiabot sa anak sa Diyos dinhi sa ibabaw sa yuta nakalatid nang daan siya ang dugay na nga gipaabot niadtong unang mga propeta… ang pagpabunyag ni Jesu Crsito sa tubig diha ni Juan Bautista mao lamay pagpakita sa Diyos nga ang tawo pagabunyagan gayud aron sa apgdawat sa sacramento sa espirptu sanato aron hingpit na gayud siya nga magasunod sa Diyos

Gipasabot ng daan ni Juan nga magbubunyag diha sa ubang sinulat nga dili gani siya angay bisan sa paghubo sa sandalyas ni Jesus nan sa pagbunyag pa ba kaha hinuon, apan gilatid ng daan nga aron matuman ang kabubut-on sa amahan kinahanglan, nga pagabuhaton gayud kini.

Ug diha niini gipakita sa Diyos ang espiritu santo nga porma ug salapati ngadto sa anak sa Diyos sa sa pagbunyag niini, diha niining atong pagtulun-an karon mao kini ang importante usab nga bunyag sa kinabuhi sa tawo ang pagkonpirmar sa pagtulun-an nga imong gibarugan pinaagi diha sa pagbunyag , ang ikaduha ug ang kataposang pagbunyag, mga igsoon sa ngalan sa pagtulun-an nga imong gisunod pinaagi kang Jesu Cristo.

Nagpasabot lamang usab kini nga bisan hingpit na ang atong kabubut-on diha sa pagsunod sa kasugo-an sa Diyos kay matod pa kun ang Diyos espiritu santo anaa sa imong tuo nan ang dautan anaa usab sa imong wala., Diin sa kanunay nangita ug higayon aron mahatag ug kadaot diha kanato. Mao kini ang gipakita sa Diyos ngadto sa iyang bugtong anak diin gitugotan niya ang dautan sulod sa 40 ka adlaw sa pagtintal sa Diyos.

Walay laing taming mga igsoon diha sa mga pagsulay nga nagkadena diha sa atong kinabuhi, mao ra gyud ang mga pag-ampo nga gitudlo sa Diyos diha niining atong pagtulun-an nga gibarugan, kay ang Diyos nagaingon , tukhi ang pagsulay sa maga pag-ampo kay anaa si Jesu Cristo manalipod kanato .....

Gipili Sa Diyos Ang Upat Ka Mananagat

MARCOS 1: 14~20

14 Sa gidakop na si Juan, miadto si Jesus sa Galilea ug nagwali sa Maayong Balita sa Diyos. 15 Miingon siya: “Karon na ang panahon. Ania na ang gingharian sa Diyos. Bag-oha ang inyong kinabuhi ug too sa Maayong Balita.”
16 Samtang naglakaw si Jesus sa baybayon sa lanaw sa Galilea, nakit-an niya si Simon ug ang igsoon, si Andres, nga nanaktak sa pukot kay mananagat man sila. 17 Miingon si Jesus: “Sunod nako. Himoon tamong mananagat sa mga tawo.” 18 Dihadiha gibiyaan nila ang pukot ug misunod ni Jesus.
19 Mipadayon si Jesus sa unahan ug nakita niya si Jaime ug si Juan, ang mga anak ni Zebedeo nga nagtapak sa pukot sa ilang bangka. 20 Gitawag sila ni Jesus ug gibiyaan nila ang bangka, ang Amahan nga si Zebedeo ug ang mga sinuholan, ug misunod ni Jesus.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga tinawag ug pinili sa Diyos niadtong mga panahuna gihan-ay nga daan, diin kadtong unang mga apostoles sama ni Simon Pedro ug ni Andres mao gayuy gitahasan sa Amahan sa pagbulig diha sa mga unang bulohaton ni Jesu Cristo.

Gipamatuod lamang sa Diyos ang iyang ubang pulong diha nianang balaang kasulatan nga nagaingon moabot ang Diyos diha sa tagsa-tagsa nato ka kinabuhi sa paagi nga dili nato damhon apan ang mga tinawag ug pinili sa Diyos aduna gayuy giandam ang Diyos para kanila.

Ang maong unang mga katawhan nga iyang tinawag, mangingisda kini sila diin miingon ang Diyos kanila sunod kamo kanako kay tudlo-an ko kamo sa pagpanagat ug tawo, buot ipasabot ni Jesus nga pinaagi diha nila ni Simon Pedro, ilang ipakuyananp ang iglisea ni Jesu Cristo niadtong unang panahun.

Diha sa Mateo 16: 18 miingon si Jesus , Simon, ikaw Si Pedro ug ibabaw niining bato itongtong ko ang akong iglisea ni ang kamatayon dili makabuntog niini, ang pulong Pedro sa pinulongan nga Hebreo gitawag kini ug Petros sa inengles gitawag kini ug Rock, sa atong pinulongan gitawag nagpasabot kini ug bato, sa ato pa mga igsoon Si Pedro mao ra usab ang bato nga gipasabot ni Jesu Cristo sa Iya gayud gipaagak ang iglisea o sa simbahan nga gitukod ni Jesu Cristo.

Sa laing bahin sa maong nahisulat nagaingon usab si Jesus dawata kining mga yabe didto sa akong gingharian sa langit, ang imong idili sa yuta, idili usab didto sa akong gingharian sa langit ug ang itugot mo dinhi sa yuta itugot usab didto sa gingharian sa Diyos.

600 years ayha hingpit nga nasangyaw ang pagtulon-an nga gibilin ni Jesus ngadto sa iyang unang mga tinawag diin bisan diha mismo sa kamatayon ni Jesus ug mismo sa kamatayon sa mga apostoles apan ngapadayon sa pagsangyaw ang pagtulon-an nga gitukod sa Diyos diin gitawag kini sa unang panahun ug universal religion, diin gitawag kini ug katoliko, kamatuoran ang giingon sa Diyos Jesu Cristo nga bisan ang kamatayon dili makabuntog niini.

2000 na katuig ang milabay apan nagpadayon sa pagsangyaw kining maong kamatuoran taliwala nga daghan usab nga mga pagtulon-an nga nang gawas, diin miabot na ug 43,000 ka pagtulun-an ang nahitala sa tibuok kalibutan, ug silang tanan nagpasibantog sa kaluwasan diha sa kinabuhing dayun apan matod pa sa Diyos diha sa maatg pagtulon-an naa sab siya pinili sa ato pa dili lang dinhi sa katoliko ang adunay pinili ang Diyos, ug nagaingon ang Diyos mahibaw-an ninyo ang akong pagtulon-an kay makaambit gayud kamo sa mga paglutos.

Kay ang balaang kasulatan nagaingon, lahi-lahi nag pagtawag ko kaninyo apan dili ang tanan nagasangpit kanako ug Dios Ko, makasulod sa gingharian sa langit gingahrian sa kundili kadto lamang nagatuman sa akong kasugo-an.

•

Giayo Ni Jesus Ang Usa Ka Sanlahon

MARCOS 1; 40~45

• 40 May sanlahon nga miadto kang Jesus ug mihangyo: “Kon mobuot ka, maayo ko.” 41 Tungod sa kaluoy, gikab-ot niya ang masakiton, gihikap ug giingnan: “Buot ko, malimpyo ka.” 42 Dihadiha nawala ang sanla. Nalimpyo siya. 43 Sa pagpalakaw na ni Jesus sa tawo, hugot kaayong mipina si Jesus: 44 “Ayawg sulti ni bisag kinsa bahin ini. Apan adto ug pakita sa pari. Kay naayo ka man, pagdala sa halad nga gisugo ni Moises – ang pruyba alang sa tanan.

45 Apan, sa paggawas gyod sa tawo, iya dayong gisangyaw ang balita sa tanang dapit. Hinunoa si Jesus magtagutago na sa pagsulod sa lungsod. Apan bisag nagpabilin siya sa kaumahan, mangadto gihapon niya ang katawhan.

PAGPAAMBIT SA MENSAHE:

Ang maong ebanghelyo maoy pagasabot lamang diha sa mga milagro nga gipasinati sa Diyos diin diha sa maong ebanghelyo giayo sa Diyos ang maong sanglahon, diin diha sa ubang sinulat nagaingon kini nga adunay katuyo-an ang Diyos niadtong panahuna diha sa mga pag-ayo ug pagpakita ug milagro sa mga masakiton aron sa ingon mapakita sa Diyos Amahan ang iyang kabubut-on ug mapakita sa Diyos nga walay impossible sa gahum sa Diyos kun aduna kay pagtoo,

kay matod pa epektibo lamang usab kining mga milagruha kun ang maong tagtungod adunay pagtuo kay ang imong pagtuo maoy makaayo kanimo, diin diha sa ubang sinulat nagaingon nga bulahan kun aduna kay pagtoo sama kagamay sa liso sa mustasa, kay makahimo ka sa paglukat sa dakong punu-an sa kahoy nga sikumoro.

Dinhi niining pagtulon-an nga atong gibarugan nagaingon ang Diyos nga tawgon ko ang akong katawhan pinaagi sa balatian kay mao lamang kini ang paagi nga mosangpit sila kanako, kay matod pa kun tinawag ug pinili ka nga katawhan sa Diyos nan inig-abot gayud sa tukmang takna ug adlaw nan pagAtawgon ka gayud sa Diyos mosugot ka man ug dili.

Daghan ang kaatwhan dinhi sa ibabaw sa kalibutan, sukad pasa sinugdanan sa kalibutan, apan dili ang tanan gitawag ug gipili sa Diyos, maayo gani kun adunay katunga, ug kadtong wala tawga ug pili-a nan ang Diyos miingon dinhi lang sila kutob sa kalibutan apan kadtong iyang gitawag ug gipili nan pagapili-an pa usab.

Mao gayuy gusto sa Diyos nga iyang mga katawahan nga gipili dinhi sa ibabaw sa kalibutan , mahibalo na sa mga pag-ampo samtang ania pa sa ibabaw sa kalibutan , matod pa mao man usab kini ang mga bulohaton didto sa iyang gingharian sa langit , diha sa balaang kasulatan mao kini ang gitawag nga pagsimba didto sa langit.

Kay matod pa sa balaang bata Senyor Santo Niño, ang una gayung tahas sa tawo dinhi sa kalibutan ,mao gayud ang pagahin ug panahun ngadto sa Diyos , apan lagi matod pa ang kamatuoran naghatag man ug kagawasan, ug ang Diyos lamang ang kamatuoran mga igsoon, diin hataas pa ang pasensya nga ilang gihatag kanato, Diyos sa kamatuoran ang nagatawag sa iyang mga katawhan aron mahatagan sa kapasaylo-an sa mga sala, Diyos sa kamatuoran ang nagtawag sa iyang mga pinili nga katawhan aron sa ingon tagaan ug kahigayunan nga maluwas ngadto sa kinabuhing dayun.

Kay matod pa ang kinabuhing dayun nga gisaad sa Diyos pinaagi kang Jesu Cristo , gasa kini nga langitnon, ug dili kini ganti tungod sa maayong binuhatan, aron sa ingon walay makapasigarbo sa iyang kaugalingon diha sa atubangan sa Diyos nga siya maluwas tungod sa maayong buhat, tungod kay ang kaluwasan gasa kini gikan sa Diyos tungod sa iyang gugma kanatong iyang mga katawhan.

Si Jesus Ang Kahayag Sa Kalibutan

JUAN 8: 1~11

• 12 Miingon si Jesus, “Kahayag ko sa kalibotan. Maiya sa mosunod nako ang kahayag ug kinabuhi. Dili na sila maglakat sa kangitngit hinuon, makapanag-iya sa kahayag ug kinabuhi.”
13 Mitubag ang mga Pariseo, “Karon, nagsulti ka sa imong kaugalingon. Ang imong pagsaksi walay kapuslanan.
14 Mitubag si Jesus, “Bisan pag misaksi ko sa akong kaugalingon, tinuod ang akong gisulti, kay nasayod ko diin ko gikan ug asa ko padulong. Apan wala mo masayod diin ko gikan ug asa paingon.
15 Naghukom mo sa tawhanong paagi, apan dili ko mohukom ni bisag kinsa. 16 Kon maghukom ko, matinud-anon ang akong hukom, kay wala ko mag-inusara kondili, nag-uban nako ang akong Amahan nga nagpadala nako. 17 Nasulat sa inyong balaod nga tinuod ang gisulti kon may duha ka saksi. 18 Nagsaksi ko sa akong kaugalingon ug nagsaksi sab nako ang Amahan nga nagpadala nako.”
19 Nangutana sila, Hain ang imong Amahan?” Mitubag si Jesus, “Wala mo makaila nako ni sa akong Amahan. Kon nakaila pa mo nako, nakaila sab mo sa akong Amahan.”
20 Gisulti ni Jesus kining tanan samtang nagtudlo siya sa dapit sa templo diin gidawat ang mga halad. Apan walay midakop niya, kay wala pa moabot ang iyang panahon.

PAGPAAMBIT SA MENSAHE:

Ang maong ebanghelyo maoy pagpasabot diha sa tahas ug pagtulun-an nga gisangyaw ni Jesus diha sa iyang pagpakabuhi dinhi sa ibabaw sa kalibutan. Ang pagtulun-an nga gisangyaw ni Jesus maoy tahas nga iyang gisunod diha sa atong Amahan sa langit. Diin si Jesus nagpakatawo dili lang pagluwas kanato sa atong mga sala kundili aron usab siya maoy magagiya diha sa atong pagpakabuhi dinhi sa ibabaw sa kalibutan. Talagsaon ang maong tahas nga gipasinati ni Jesu Crsito, diha sa iyang mga sumosunod.

Nagpakatawo siya ingon nga ubos ug yano nga tawo ug nagsugod sa pagsangyaw sa edad nga 30 ug mipaila nga anak sa Diyos ug mao ang mesiyas nga gipaabot sa mga propeta. Siya ang gitawag diha sa ubang pinulongan nga “ Gloria in Excelsius Deo, nga sa ato pa diha sa iyang pag-abot siya ang gitahasan sa Diyos Amahan nga nagdala sa kalinaw sa kalibutan ug kaayuhan sa tanang nilalang.

Sa iyang pagbalik didto sa gingharian sa Amahan Dios miingon siya diha sa mga mabuot niyang mga sumosunod sumala sa Juan 14: 15 , miingon siya tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban, ang espiritu sa kamatuoran nga magauban kaninyo hangtod sa kahangturan. Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagauban ug mipuyo siya uban kaninyo.

1 Corinto 3: 16 nagaingon usab nga nasayod ba kamo nga ang lawas sa tawo maoy templo sa Diyos espiritu santo ug ang mopasipala sa templo sa Diyos nga mao kita nan iya usab nga pagalaglagon. Sa ato pa mga igsoon ang kahayag nga gidala ni Jesu Cristo dinhi sa ibabaw sa kalibutan dili ordinaryo nga kahayag kay anaa kini niya gipapuyo diha sa atong tagsa-tagsa ka kasing-kasing, sa ato pa mga igsoon dili na kinahanglan nga pangitaon mo ang Diyos, dili na kinahanglan nga mangita ka ug kahayag kay ikaw mismo, kita mismo instrumento sa kahayag nga gisangyaw ni Jesu Cristo gikan pa sa iyang paghiabot hangtod na niining panahuna.

Kun mangutana kita nga kun kita mismo maoy kahayag nganong daghan man ang criminal, nganong daghan man ang wala makaila sa Diyos ug nganong daghan man ang wala makaila sa ilang giampo-an. Ang kamatuoran mao nga giaghat usab sa Diyos ang dautan sa pagsamok dinhi sa kalibutan apan siya nagauban ug nagagiya sa matag katawahan nga anaa niing kalibutan, ug ang balaan pulong sa Diyos nagaingon nga kun sila anaa sa imong to-o nan ang dautan anaa sa imong wala, sa ato pa mga igsoon ang tanan nga ania niining kalibutan kabubut-on sa Diyos aron sa pag-ayag ug pagsukod usab sa iyang mga katawhan.

Ang Sambingay Mahitungod Sa Toril Sa Mga Karnero

JUAN 10:1~6

10 • 1 Sa pagkatinuod sultihan tamo, ang dili moagi sa pultahan inigsulod sa toril sa mga karnero ug mokatkat sa laing agianan, tulisan ug kawatan. 2 Ang magbalantay sa mga karnero moagi sa pultahan. 3 Ablihan siya sa portero ug maminaw ang mga karnero sa iyang tingog. Tawgon niya ang mga karnero sa ngalan ug pagawson. 4 Kon nadala na niya ang iyaha, mag-una siya ug mosunod ang mga karnero, kay nakaila man sila sa iyang tingog. 5 Dili ni mosunod sa dumuduong, modagan hinuon, kay wala man mailhi ang tingog sa dumuduong.”
6 Gigamit ni Jesus kining sambingaya, apan wala sila makasabot sa iyang gisulti.


PAGPAAMBIT SA MENSAHE:

Ang maong ebanghelyo maoy pagpasabot lamang nga han-ay ug hapsay ang pamagi sa Diyos nga dili nato makita ug mahikap diin pinaagi kang Jesu Cristo gipakita sa Diyos Amahan ang iyang panagway ug hiyas sumala sa gipadayag sa ubang pulong, Colosas 1: 15 nagaingon , Si Jesus ang buhing panagway sa dili makita nga Diyos.

Diha niining ebanghelyo gipanag-ingnan ang mga katawhan sa Diyos sa toril sa karnero diin diha sa pag-abot sa ilang magbalantay , makaila dayun sila nga siya mao ang ilang Diyos nga gitahod ug giampo-an kay anha gayud siya moagi sa pultahan, ingon niana ang lihok sa esipiritu santo sa Diyos diha sa pagtawag sa iyang mga katawhan, makaila kita nga siya mao ang espiritu santo sa Diyos kay ang pagtawag nato magsumikad man sa atong panumduman ug kasing-kasing.

Sa ato pa mga igsoon proseso gayud ug han-ay ang pamaagi sa Diyos, diin matod pa lahi-lahi ang pagtawag kanato sa Diyos, apan dili ang tanan nga nagasangpit ug Diyos makasulod as iyang gingharian kundili kadto lamang usab nagasunod sa iyang kabubut-on. Ang Diyos miingon mailhan ninyo nga ako kanang pagtulun-an nga inyong gibarugan ug gisunod kay makaambit gayud kamo sa mga paglutos.

Daghan ang nagdumili sa pagsunod sa kabubut-on sa Diyos pinaagi sa pagsimba o pagsulod diha sa dagkong templo ug bisan diha sa mga sinagoga, diin bisan gani sa paglili mahadlok sila kay mahadlok makaambit sa mga paglutos, apan ang Diyos Amahan nagaingon, molikay ka man pahalayo sa Diyos apan kun nakalatid ng daan ang mga pagsulay sa imong kinabuhi nan bisan unsay imong buhaton maambitan mo gayud kini. Ang pulong sa Diyos Jesus Cristo nagaingon tukhi ang mga pagsulay sa mga pag-ampo kay ani-a ako manalipod kanimo.

Sa ato pa mga igsoon Si Jesu Cristo mao gayud ang atong magbalantay nga gipasabot diha sa maong ebanghelyo diin modawat ka man o dili, nakaila ka man kaniya o wala apan gitagaan ka ug dako ug hataas nag higayon sa pasensya ug dakong kapasaylo-an sa atong mga sala, kay matod pa diha sa ubang sinulat walay makaabot didto sa Amahan kun dili moagi kaniya kay siya ang sinugdanan ug kataposan, diin niining panahuna diin hinay-hinay na nga nangatuman ang mag panagna diha sa balaang kasulatan diin ania na kita sa pinadayag nga bahin apan ang Diyos nagahatag gihapon ug dakong pasensya o pagtugot nga kita mkapangayo ug pasaylo kaniya, diin matod pa tanan nga sala mapasaylo, bisan kadtong adunay bug-at nga mga sala adunay kapasaylo-an diin matod pa magpadayun gihapon ang ilang silot apan dili na sa kalayo sa impyerno kundili didto na sa purgaturyo.

Tinuod ang purgaturyo ug ang impyerno mga igsoon, ug tinuod nag adunay kinabuhi human sa kamatayon mao nga ang Diyos espiritu santo pinaagi kang Birhen Maria na-aghat gayud kanato sa mga pag-ampo diha sa santos nga rosaryo, nga iyang gipadayag gatusan katuig ang milabay didto sa Fatima, Portugal kaniadtong May 13, 1913 , matod pa tulobagon sa matag magto-o kun adunay kalag nga matunaw didto sa kalayo sa impyerno tungod lamang kay wala siya masangyawi sa maayong balita sa nagkinabuhi pa kini sila uban kanato.

Ang Diyos nagaaghat gayud sa pagsangyaw sa iyang pulong bisan diha sa mga misyon sa lagyong dapit, apan siya mipahimangno usab sa pag-ingon “Isangyaw ang akong pulong makausa, kaduha ug makatulo lamang kundili maminaw biya-i sa walay paglingi kay wala ipamugos sa Diyos ang iyang gingharian sa langit ug mas labaw nga wala niya ipamugos ang iyang kaluwasan nga iyang gisaad pinaagi kang Jesu-Cristo” , kay matod pa diha sa ubang sinulat sa balaang kasulatan, bisan kadtong mga katawhan nga sa kanunay nga naga-ampo apan diha sa ilang kamatayon dili sila makasiguro nga luwas na ang ilang kalag nan unsa na kaha kadtong mga tawo nga walay mga pag-ampo, asa kaha paingon ang ilang kalag,

Ang kaluwasan nga gisaad sa Diyos pinaagi kang Cristo Jesus dili kini premyo o ganti tungod sa maayong buhat kundili grasya kini ug gasa nga langitnon gikan sa Diyos aron sa ingon walay magpasigarbo diha sa atubangan sa Diyos nga siya maluwas tungod sa maayo niyang binuhatan kundili ang kaluwasn gasa nga langitnon tungod sa gugma sa Diyos kanatong iyang katawhan, busa igsoon ayaw gayud pagkumpyansa….

Si Jesus Mao Ang Pagkabanhaw Ug Ang Kinabuhi

JUAN 11 : 17~27

17 Sa pag-abot ni Jesus, nasayran niya nga upat na ka adlaw sukad paglubong ni Lazaro. 18 Kay duol ra man ang Betania sa Jerusalem, mga tulo ka kilometro, 19 may daghang Judio nga miduaw ni Marta ug Maria aron paghupay sa ilang kaguol gumikan sa kamatayon sa igsoon. 20 Sa pagkadungog ni Marta nga taliabot si Jesus, misugat siya. Si Maria nagpabilin sa balay. 21 Miingon si Marta kang Jesus: “Ginoo, kon dinhi ka pa, dili unta mamatay ang akong igsoon.

22 Hinuon, nasayod ko nga bisag unsay pangayoon nimo sa Diyos, ihatag ni. 23 Miingon si Jesus: “Mabanhaw ang imong igsoon.” 24 Mitubag si Marta: “Sayod ko nga mabanhaw siya sa pagkabanhaw sa mga patay sa kataposang adlaw.” 25 Apan miingon si Jesus: “Ako ang pagkabanhaw. Ang motoo nako, bisag patay siya, mabuhi. 26 Ang nabuhi tungod sa pagtoo nako, dili na mamatay. Motoo ka ba.” 27 Mitubag si Marta “Oo, Ginoo. Mitoo ko nga ikaw ang Cristo, ang Anak sa Diyos nga mianhi sa kalibotan.”

PAGPAAMBIT SA MENSAHE:

Ang among ebanghelyo maoy pagpasabot sa Diyos diha sa balaang kasulatan nga nagaingon nga Si Jesu-Cristo mao ang mesiyas nga sa dugayng panahun gipaabot sa mga propeta ug sa mga maalamon, diin ginaingon nga moabot ang mesiyas nga hari sa mga hari nga maoy magaluwas sa tibuok kalibutan.

Diha niining ebanghelyo nagpasabot ang Diyos nga siya ang pagkabanhaw ug ang kinabuhi, pagkabanhaw tungod kay siya man ang mesiyas nga gipakanaog sa Diyos diin maoy nagpakatawo ug mitipon diha sa iyang mga katawhan diin ginaingon ng daan nga ang anak sa tawo pagadagmalan ug ilansang sa krus aron mamatay, ug mabanhaw ang iyang tawhanong lawas ug ibayaw ngadto sa kalangitan.

Philipos 2 : 8~ 11 nagaingon nga diha na kaniya ang kinaiyahan sa usa ka Dios apan wala niya ipamugos ang iyang pagka Diyos pinaagi sa kusog hinunua gihubo niya ang tanan ug nagpakaubos ug mitipon sa mga katawhan nga kabos ug dinaugdaug. Hari siya sa mga hari apan siya mao ang nangunay sa pagsangyaw sa pagtulun-an sa iyang Amahan pinaagi sa pagpanudlo sa maayong buhat pinasikad sa giya sa espiritu santo ug ang pagsangyaw sa maaayong balita uban sa pagpakita sa mga milagro.

Mao kana ang iyang gipakita ngadto sa mga Judio niadtong panahuna, patay na ang iyang amigo nga si Lazaro diin matod pa upat na kaadlaw ang iyang kamatayon apan iyang gibanhaw pinaagi usab sa kabubut-on sa iyang Amahang Diyos aron iyang ipakita nga Siya gayud ang anak sa Diyos nga maoy gitahasan sa Amahan sa pagsangyaw pinaagi diha sa mga milagro ug mga maayong pagtulun-an.

Naagpakita lamang kini nga Diyos sa kamatuoran ug walay kataposan nga pagkaDiyos ang atong gialagaran, kay ang nagatuo nga si Jesu Cristo anak sa Diyos nan makangkon sa kinabuhi nga walay kamatayon tungod kay si Jesu Cristo matuod nga anak sa Diyos ug Diyos sa mga buhi, tungod kay pinaagi kaniya ug diha kaniya gisalig sa Amahan ang iyang gahum ug kaalam, walay mahiabot didto sa gingharian sa Amahang Diyos kundili mo-agi sa atubangan ni Jesu Cristo, tungod kay siya ang sinugdanan ug ang kataposan ang Alpha ug ang Omega.

Panabang Sa Isig-Ka Kristuhanon

2 CORINTO 9: 1 ~ 15

9 • 1 Wala kinahanglana nga sulatan tamo bahin sa hinabang alang sa mga santos. 2 Nahibalo ko nga naikag mo. Tungod ini gidayeg tamo didto sa Macedonia. Nag-ingon ko: “Sa Acaia andam na sila sa pagtabang sa miagi pang tuig.” Ang inyong kadasig nakaaghat sa kadaghanan nila. 3 Busa, akong gipadala kining atong mga igsoon. Hinaot nga ang tanan kong pagdayeg dili makawang ining higayona. Mangandam unta mo sumala sa akong giingon. 4 Kon dunay taga Macedonia nga mokuyog nako hinaot nga dili mo maabtang nagtanga. Pagkadako unyang kaulawa nako ug tingali ninyo – human sa tumang pagsalig.
5 Busa, nakahunahuna ko paghangyo sa atong igsoon pag-una namo ug pagpakigkita ninyo aron pag-organisa ining balaang gimbuhaton nga inyong gisaad, gikan sa inyong kamanggihatagon, dili kay gisugo.
6 Hinumdomi nga ang dyotay rag gipugas, dyotay pog anihon. Apan daghag anihon ang daghag gipugas. 7 Mohatag ang tanan sumala sa kabubut-on, ug dili magdikidiki daw pinugos. Ang Diyos nahigugma sa sayong mohatag. 8 Makapuno Siya ninyo sa grasya aron dili mo makulangan sa bisag unsa. Makahupong siyag kabtangan ni bisag kinsa tungod sa maayong binuhatan.
9 Ang Kasulatan nag-ingon: Nag-apud-apod siya: Mihatag siya sa mga kabos; ang mga maayog binuhatan magpadayon hangtod sa kahangtoran. 10 Ang Diyos nga naghatag og liso sa namugas, mohatag sab og tinapay nga makaon. Mopadaghan siya sa liso alang ninyo ug sa bunga sa mga maayong buhat. 11 Maadunahan unta mo sa tanang paagi ug makapanghatag nga walay sukodsukod. Pinaagi namo ang inyong ihatag mahimong pasalamat sa Diyos.
12 Kining balaan nga pagtabang, human makahatag sa mga santos sa gikinahanglan, mosangpot sa dakong pasalamat sa Diyos. 13 Mosulay ni nila. Magpasalamat sila, kay mituman mo sa sugo sa ebanghelyo ni Cristo ug sa pagpaambit nila ug sa tanang katawhan. 14 Mag-ampo sila sa Diyos alang ninyo ug mobati, kay ang grasya sa Diyos nagtugob ninyo.
15 Oo, pasalamti ang Diyos tungod sa dili matukib niyang gasa!

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on ug mga kasugo-an sa Diyos diin iya nga gipasabot nga ang kasugo-an sa Amahan Diyos kasugoan sa paghigugma kay ang Diyos nga atong gialagaran ug gisimba, Diyos nga dili makita ug mahikap, Diyos kini nga puno sa gugma.

Iyang gipakana-og ang iyang bugtong anak aron sa pagtabang ug pagluwas kanatong tanan, diin matod pa kitang tanan anak sa Diyos nga Amahan ug si Jesu Cristo nga bugtong anak sa Diyos nagaisip kanato nga igsoon, nagaisip kanato nga bililhon nga nilalang dinhi sa ibabaw kalibutan diin diha sa balaang kasulatan nagaingon nga gimugna sa Diyos ang tawo nga ubos lang ug diyotay sa mga anghel.

Isip mga anak sa Diyos ug igsoon sa pagtulon-an ug iglisea nga gisangyaw ni Jesu Cristo ang Diyos naga-aghat sa matag usa niya ka magtutuo ug sumusunod sa pagpakita sa gugma ug panagdait sa matag-usa pinaagi sa pagtabang sa matag usa, tabang dili lang sa espirituhanon kun dili hasta uab diha sa mga materyal nga mga kinahanglanon, Diin diha sa ubang sinulat nagaingon nga kun magpugas ka ug kaayo moani ka usab ug panag-dait, kay matod pa kun unsay imong gipugas mao usab ang imong anihon.

Kun magpugas ka ug daghan nan moani ka usab ug daghan, apan kun magpugas ka ug diyotay nan diyotay ra usab ang imong anihon. Ang Diyos nagatan-aaw diha sa matag-usa kanato diin malipay siya diha sa iyang mga katawhan nga nagahatag nga malipayon ug nga dili magbagutbot ni nagpaabot ug bayad.

Ang balaang kasulatan nagaingon, kun mangayo ka ug bayad diha sa imong mga bulohaton nga Diyosnon ug espirituhanon dinhi sa ibabaw sa yuta nan ang Diyos nagaingon nga wala ka nay katungod pagpangayo ug bayad didto sa iyang gingharian sa langit. Diin diha sa ubang sinulat nagaingon nga sa atong paghimo ug butang o buhat sa kalooy ngadto sa imong isigkaingon nan, pakasamaha nga sama sa ngabuhat ang imong tuo nga kamot diin wala masayod ang imong wala nga kamot, ug sa ingon ang Diyos Amahan didto sa langit maoy manalangin ug maoy magabalos kanimo. Apan kun magpasigarbo ka diha sa imong mga binuhatan dinhi sa ibabaw sa yuta diin imong gibandilyo diha sa mga katawhan nan ang pagbuhat mo sa ingon gibayran ka na.

Sa ato pa mga igsoon ang pagtabang sa atong mga igsoon nga nagkinahanglan sa atong panabang maoy usa ka paagi usab sa pagtigom ug bahandi didto sa laangit diin walay kawatan nga magasaka ug walay taya nga magakutkot, diin halu-ag na unya nag imong hawan diha sa imong luna didto sa ganghaan sa ginghrian sa Amahan inig-abot sa gitakdang oras.

Ayaw Padaldal sa Dili Motuo Sa Dios

2 CORINTO 6: 14~18, 7: 1

• 14 Ayaw paghimog dili angayng kasabotan uban sa wala motoo. Magkakuyog ba ang tarong ug ang daotan? Magkatipon ba ang kahayag ug ang kangitngit? 15 Magkauyon ba si Cristo ug si Satanas? Unsang matanga sa panag-ipon ang maangkon sa nanoo ug sa wala manoo? 16 Sa templo sa Diyos, walay lawak alang sa mga diosdios. Templo ta sa Diyos nga buhi. Matud pa sa kasulatan: Moipon o mopuyo ko sa ilang taliwala; maila kong Diyos, ug sila maakong katawhan.
17 Busa, gawas sa ilang taliwala. Palayo nila, nag-ingon ang Ginoo. Ayawg hikap sa bisag unsa nga hugaw. 18 Ug magmaluluy-on ko ninyo. Mainyo kong amahan. Sa ingon, maako mong mga anak, nag-ingon ang makagagahom nga Diyos.

7 1 Kahigalaan, sanglit duna tay mga saad, limpyohan ta ang kaugalingon sa tanang hugaw sa lawas ug kalag. Hingpiton ta ang buhat sa pagkabalaan sa kahadlok sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang nga mobarog ka gayud niining maong kamatuoran nga imong nakat-onan o imong nakaplagan ug ayaw pagpadala sa lingla sa matag tawo nag nagpatauo ug nagsangyaw ginamit ang tawhanong kaalam, Ayaw padala ug pagsimba sa mga Diyos-Diyos kay ang imong Amahang Diyos sa langit wala ug dili mahimuot niana.

Diha sa ubang pulong sa Diyos nagaingon ayaw tan-awa ang imong isigkatawo, ug maoy siguro-a ang imong kaluwasan, kay matod pa nga kita ra mismo ang mangatubang sa maghuhukom inig-abot sa pagbalik sa Diyos diin kitang tanan pagasumahan sa atong mga binuhatan ug pahamtangan sa silot sebo sa atong binuhatan.

Diha nianang panahuna wala nay paasylo pa ang Diyos niadtong mga makasasala. Diin, hurot na ang pasensya nga gihatag sa Diyos ug walay mahimo ang tawo kay ma-ambitan gayud nato ang kapungot sa Diyos.

Dinhi niing panahuna, diin 2000 ka tuig na ang milabay sukad nagpakatawo ang anak sa Diyos apan nagpadayag ang Dios nga halu-ag pa ang ilang pasensya diin ang tanan gitagaan ug kahigayunan sa pagpangayo ug pasaylo ngadto sa Diyos, diha kang Cristo Jesus, kay matod pa kun dili ka mangayo ug pasaylo sa imong mga kasal-anan niining panahuna nan nagpasabot nga andam kang moatubang sa dakong paghukom inigbalik sa Diyos.

Nagaaghat gayud ang Diyos diha sa pagsantos nga rosaryo, diha sa atong mga pag-ampo, ug sa pagpangayo ug pasaylo diha sa atong mga nahimong kasal-anan, kay matod pa tanan nga mga sala maunsa ka gamay o kadako adunay kapasaylo-an, diin kinahanglan nga motuo ka nga ikaw mapasaylo, sa imong mga sala kay kundili ka motuo nga ikaw mapasaylo sa imong mga kasal-anan pinaagi kang Jesu Cristo nan sama ra nga ikaw wala motuo nga si Jesu Cristo anak sa Diyos.

Diin atong i-ampo ang atong mag kaigsoonan, labi niadtong mga kaigsoonan nga wala makaila sa ilang giampo-an, kadtong mag Ehiptuhanon nga gustong moilog sa atong yutang natawhan, kadtong mga katawhan nga wala motuo sa Diyos, kay kun kabubut-on gayud sa Amahan diin pinaagi diha sa atong hinugpong nga mga pag-ampo nan sila nga wala matuo sa Diyos, Sila nag gustong moilog sa atong pulo sa Mindanao kun kabubut-on gayud sa Diyos nan mopasilong gayud sila sa landong sa espiritu santo sa Diyos, kay Diyos lamang ang adunay gahum sa pagpahumok sa matig-a nga kasingkasing sa tawo.

Si Pablo Ug Ang Mini Nga Mga Apostoles

2 CORINTO 11: 1 ~ 15

11 1 Hinaot nga mosabot mo sa dyo tay kong kabuang. Hinuon, mosabot gyod mo. 2 Mokompisal ko sa akong pag-ambit sa pangabubho kaninyo sa Diyos. Kay nakapanaad na ko sa paghimo ninyo nga sinayoran ni Cristo, ang bugtong pamanhonon; ug sa paghalad ninyo kaniya isip birheng tiunay. 3 Ug kini ang akong kahadlokan: Ang halas nga mitintal ni Eva, sa iyang kalisto, mohaylo unya sa inyong hunahuna ug mopalayo ninyo sa matinud-anong dalan padulong ni Cristo. 4 May tawo karon nga moabot ug magwalig laing Jesus, o lahi sa among giwali, o tanyagan mog espiritu lahi sa inyong nadawat, ug laing ebanghelyo sa inyong gisagop, ug mouyon mo.
5 Dili ko makasabot nganong ubos ko sa mga super-apostol. 6 Dako bag kulang ang akong sinultihan? Tingale, apan dili ang akong kahibalo, sumala sa gipakita ko na sa makadaghan ug sa tanang paagi.

• 7 Tingali ang akong sala mao nga gipaubos ko ang kaugalingon aron ikapataas mo, o nga naghatag ko ninyo sa Ebanghelyo nga walay bayad. 8 Nakakuha gani ko sa ubang simbahan, kay gipabayran nako ang akong serbisyo aron pag-alagad ninyo. 9 Sa diha na ko ninyo, bisan sa akong panginahanglan, wala tamo samuksamoka. Gihatagan ko sa tanan sa mga igsoon sa Macedonia. Nag-amping ko sa dili pagsamok ninyo sa bisag unsa. Ako ning padayonon. 10 Ipanumpa ko sa kamatuoran ni Cristo nga nia nako: dili ko motugot nga may tawo sa Acaia nga makapugong sa akong pangandak.
11 Ngano man? Tungod ba kay wala ko mahigugma ninyo? Sayod ang Diyos nga nahigugma ko ninyo! 12 Ug magpadayon ko paghigugma ninyo aron mahilom ang tanan nga nagtinguha pagpakigtigi ug buot mopakita nga sama sila nako. 13 Sa pagkatinuod, mga mini silang apostol, mga mangingilad nga nagpakaapostol ni Cristo. 14 Dili ni kalibgan: Kon si Satanas nagpakaanghel sa kahayag, 15 ang iyang mga alagad sayon nga magpakaaron-ingnong mga ministro sa kaluwasan, hangtod nga makatagamtam sila sa angay sa ilang binuhatan

PAGPAAMBIT SA MENSAHE:


Ang maong ebanghelyo nagpasabot diha sa mga bulohaton sa mga apostoles nga nangalagad sebo gayud sa kabubut-on sa Diyos, apan daghan usab ang ilang mga sumosunod ug mga magsasangyaw nga nagasubay sa hiwi nga mga pagtulon-an, gisangyaw nila ang pulong sa Diyos apan nagabuhat sila sa mga sayop ug mga makau-ulaw nga binuhatan, sila ang mga mini nga mga magtutuo o magsasangyaw, ang mga mini nga apostoles.

Diha sa ubang sinulat nagaingon, nga daghang mga magsasangyaw ug mga pastor nga nagatabon sa ilang mga hiwi nga binuhatan pinaagi sa pagbuhat ug tag-as nga mga pag-ampo ug bug-at nga sakripisyo aron kunohay maoy makita sa mga katawhan ang ilang pagkabalaan atubangan sa tawo apan sa tago nagabuhat ug mga hiwi nga binuhatan, nan ang Diyos nagaingon walay kapasaylo-an sa ilang mga sala kining mga tawhana.
Dili tawo ang Diyos nga atong gialagaran ug giampo-an, Diyos nga dili makita ug dili mahikap ug Diyos nga nagapuyo diha sa tagsa-tagsa nato ka kasing-kasing, sumala sa gipadayag sa ubang sinulat, 1 Corinto 3: 16 nagaingon, nga nsayod ba kamo nga ang lawas sa tawo maoy templo sa Diyos espirito santo ug ang mopasipala sa lawas sa tawo nan pagalaglagon usab sa Diyos. Sa ingon usab ang mopasipala sa ngalan sa Diyos makaangkon usab sa sebo nga pahimatngon.

Atong mahinumduman nga ang atong pagpakabuhi niining kalibutan lumalabay lamang, diin ang Diyos nagahatag gayud ug katungod sa atong tawhanong lawas sa pagpakabuhi nga libre bisan diha sa mga kamatuoran nga atong namat-an, kay matod pa ang kamatuoran nga gihatod sa Diyos diha sa atong tagsa-tagsa ka kinabuhi naghatag kanato ug kagawasan diha sa pagpakabuhi niining kalibutan.

Ang Diyos nagahatag sa tawo sa pagkinabuhi sebo sa kagustuhan sa tawo, apan sa nagkinabuhi kita niining walog sa mga buhi. iyang gipadala kanato ang iyang espiritu nga maoy nagahatag kanato ug kinabuhi ug gipauban niya kanato ang atong kalag, apan ang atong lawas nga materyal maoy administrador sa atong pagpakabuhi, nan kun ikaw sa imong pagpangalagad lunlon kahiwi-an ang imong gibuhat dili kini malilong sa Diyos kay ang iyang espiritu naga-uban man kanato kanunay.

Diin matod pa diha sa atong pagpahulay , diha sa atong pagkatulog matag gabii, mogawas ang atong espiritu ug mobalik ngadto sa Diyos Amahan aron sa pagsumbong sa binuhatan nianang tawo o magtutuo nga iyang gipuy-an, diin matag-adlaw nga tanan sa imong pagpakabuhi gibuhat gayud kini sa espirito nga anaa kanato, sa ato pa nahibaw-an nang daan sa Diyos ang imong buhat. Din matod pa usab nga kinahanglan gayud nga aduna kay pag-ampo sa dili ka pa matulog kay diha sa pagbalik sa imong espiritu sa imong tawhanon nga lawas makadawat kining daan sa imong paghalad ug mapanalanginan ng dili mababagan sa dautang espiritu aron usab mahibalik pa usab ang imong kinabuhi dinhi sa kalibutan.

Mao kini ang usa ka tinago nga kamatuoran diin dili kini mabasa sa basahon nga iya niining kalibutan, ni ang mga naga-eskwela ug katorse (14) anyos aron mangalagad sa Diyos wala makabasa niini, tinago kini nga kamatuoran nga gipadayag sa Diyos nan, ang usa ka mini o impostor nga magsasangyaw sa Diyos sa pagbuhat niya sa iyang hiwi nga binuhatan giandaman na siya ug tukma nga silot didto sa gingharian sa Diyos. Dili ki ni ang matuod nato nga pagkinabuhi diin aduna pay kinabuhi human niini nga sa ato pa diha sa kamatayon sa tawo mao usay sinugdanan bag-o niya nga kinabuhi diin ang iyang espiritu mobalik sa Diyos ug ang iyang tawhanon nga lawas mobalik sa abog apan ang iyang kalag maoy mosagubang sa iyang mga tahas didto sa laing kalibutan diin kun wala kay bahandi diha langitnon nga imong ipadala sa imong kalag nan maglatagaw kini nga wala mahibalo ug walay magagiya kaniya.

Matod pa ang atong panumduman ipadala sa atong kalag human sa atong kamatayon, diiin makadumdum pa ang atong kalag sa mga binuhatan ug diin makita niya ang mga kamatuoran nga wala niya taga-i ug importansya diha sa buhi pa siya nan wala na siya balikan pa ni bisan ang mga pag-ampo aduna nay kakulangon kun ang kalag lamang ang mag-ampo tungod kay wala na kanila ang ilang espiritu, ug wala na usab ang ilang tawhanon nga lawas diin dugay madungog sa Diyos ang ilang mga pag-ampo. Nan kita nga mga buhi maoy gisaligan sa Diyos para sa mag pag-ampo niadtong mga kalag.

Kay matod pa bisan kadtong mga mainampo-on nga tawo dinhi sa ibabaw sa kalibutan, ang ilang kalag dili nila kini masiguro kun makapa-ingon ba gayud kini didto sa gingharian sa langit, kay ang kaluwasan nga gisaad sa Diyos pinaagi sa iyang bugtong anak nga si Jesu-Cristo gasa kini nga langitnon ug dili kini premyo o ganti tungod sa maayong binuhatan aron sa ingon walay makapasigarbo diha sa atubangan sa Diyos nga siya maluwas tungod sa maayong buhat kundili ang kaluwasan gasa kini sa Diyos tungod sa iyang gugma kanato…