Ang Mensahe Sa Dios Pinaagi Sa Iyang Anak

HEBREO 1:1~3

1 • 1 Bisag dili kompleto, nagsulti ang Diyos kaniadto sa atong kati­gulangan pinaagi sa mga propeta ug sa nagka­lain­laing paagi. 2 Apan karon, tino kaayo nga nakigsulti siya nato pi­na­agi sa iyang Anak.
Bugtong siyang Diyos, ang gitud­long manunod sa tanang butang. Pi­na­a­gi niya gihulagway ang tanang na­wong sa kalibotan.
3 Bidlisiw siya sa Himaya sa Diyos ug ang nagdala sa larawan niyang ti­­nago. Busa, ang gamhanan niyang pulong nag­­­sapwang sa kalibotan. Hu­man wag­­­­­tanga ang sala, mi­lingkod siya sa tuo sa halangdong Diyos sa kahitas-an.

PAGPAAMBIT SA MENSAHE:

Ang maong ebanghelyo maoy pagmatuod lamang nga ang tanan nga mga pagtulon-an nga gisangyaw sa Diyos gikan pa sa panahon sa unang kasulatan hangtod sa ikaduhang kasulatan ug hangtod niining panahuna diin mao na kini ang ikatulong siglo diin nagpailawom kita sa mando sa espiritu santo sa Diyos mao na kini ang mga panagna sa mga propeta niadtong unang mga panahun.

Diin matod pa diha sa ebanghelyo, sa unang kasulatan nakig-istorya ang Diyos Amahan pinaagi sa iyang mga propeta ug sa iyang mga piniling katawhan ug sa ikaduhang kasulatan nakig-istorya ang Diyos kanato pinaagi sa iyang anak nga maoy gitahasan sa Diyos sa pagluwas sa atong mga kasal-anan.

Apan iyang gipalantaw sa iyang mga katawhan ang iyang kabubut-on diin iyang gipakanaog ang iyang anak dinhi sa yuta ug nagpakatawo diha sa sabakan ni Birhen Maria, sa ato pa ang atong Diyos nga si Jesu Cristo Diyos siya ug tawo usab siya aron mahimong panag-inganan nga samtang siya tawo pa niining kalibutan wala niya gamita ang iyang pagkaDiyos.

Philipos 2: 8 ~ 11 nagaingon diha kaniya ang kinaiyahan sa pagakaDiyos apan wala niya gamita ang iyang pagka Diyos pinaagi sa kusog hinunu-a nagpakaubos siya ug mitipon diha sa mga kabos ug mga dinaug-daug aron sa pagsangyaw sa iglisea sa tinagong kamatuoran ubos usab sa kabubut-on sa iyang Amahan.

Ang mensahe nga gustong ipadangat sa Diyos ngari kanato mao man gayud ang papaubos sa kanunay, diin matod pa diha sa ubang sinulat nagaingon kun gusto nimong himayaon ug daygon didto sa iyang gingharaian sa langit nan puy-i ang kinabuhi nga puno sa pagpa-ubos ug pagpasakit dinhi sa ibabaw sa yuta, sunod sa pagtulon-an nga gisangyaw ni Jesu Cristo ug pas-ana ang imong krus kay bulahan ka nga nakaambit diha sa mga kasakitan diha paglansang ni Jesu Cristo didtop sa krus kay makaambit ka usab sa himaya sa iyang pagkabanhaw didto sa langit.

Sa ato pa mga igsoon ang kaluwasan nga gisaad sa atong Diyos dili kini siya premyo o ganti tungod sa maayong buhat aron sa ingon waaly magpasigarbo diha sa atubanagn sa Diyos nga siya maluwas gayud tungod sa iyang maayong buhat kay ang kaluwaan nga gihatag sa Diyos kanato pinaagi sa iyang anak usa kini siya ka gasa ug grasya gikan sa kahitas-an. Busa igsoon dili angay nga magkumpiyansa, bisan dinhi niing pagtulun-an nag gitukod sa Diyos pinaagi sa iyang anak diha sa espiritu santo nga nagabalik-balik dinhi sa kalibutan, diin maoy pinakaubos sa tanang pagtulon-an dinhi sa ibabaw sa yuta apan hataas didto sa gingharian sa langit kay tinukod man kini mismo sa espirito santo sa Dios.

Apan kitang ania niini nga pagtulun-an ang Diys nagaingon nga ayaw pagkumpiyansa kay diha sa atong kamatayon kita mismo dili makasiguro nga mahiadto ba sa langit ang atong kalag ug bugtong ang Diyos lamang ang nakahibalo

Ang Dakong Tinago

1 TIMOTEO 3:14~16

• 14 Ako ning gisulat, malaomon nga magkakita dayon ta. 15 Apan kon madugaydugay ko, mahibalo mog unsay buhaton sa balay sa Diyos, ang buhing iglesia sa Diyos, ang haligi ug baroganan sa kamatuoran. 16 Pagkadako sa tinago niining atong relihiyon! Nagpakita siya pinaagi sa karne, ug gibalaan sa Espiritu, gipaila sa mga anghel ug gipahayag sa tanang nasod. Gitoohan sa tibuok kalibotan ug gibayaw sa kahimayaan

PAGPAAMBIT SA MENSAHE:

Ang maong ebanghelyo maoy pagpasabot lamang mga igsoon nga ang pagtulon-an nga gisangyaw ni Jesu Cristo niadtong panahun sa una niyang mga apostoles , mao kini ang pagtulon-an sa tinago nga kamatuoran diin hinay-hinay nga gipadayag pinaagi diha sa mga milagro ug mga pagtulon-an nga gisangyaw ug gibilin usab ni Jesus ngadto sa iyang mga sumosunod.

Hangtod niining panahuna nagapabilin kining maong pagtulon-an ang pagsangyaw sa upat ka suok sa kalibutan diin kini gisangyaw pinaagi sa buhat sa espiritu santo diin maoy gisaad ni Jesus ngadto sa iyang mga sumosunod. Juan 14 ; 15 nagaingon nga tumana ninyo ang akong mga sugo, ug mangayo ako sa Amahan ug tagaan kamo niya ug laing manlalaban, ang Espiritu Santo sa kamatuoran nga magauban kaninyo hangtod sa kahangturan, Ang kalibutan dili makadawat kaniya kay dili sila makakita ni makaila kaniya apan makaila kamo kaniya kay nagapuyo ug naga-uban siya diha kaninyo.

Ang apagtulon-an nga gibilin ni Cristo iyang gihan-ay niadtong iyang mga tinawag ug pinili nga sa ato pa mga igsoon, ang inyong pagakabig ug pagkakaplag niining maong pagtulon-an dili inyong kabubut-on kun dili iya sa Diyos, kay matod pa diha sa ubang sinulat didto ka pa sa tago-angkan sa imong inahan gitawag ug gipili ka nang daan.

Ang pulong sa Diyos nga gisangyaw niadtong mag apostoles gipaagi ug sambingay aron sa ingon kadto lamang adunay pagtuo ug ana-a si Jesu Cristo nagapuyo diha sa ilang kasingkasing ug panumduman ang makasabot niini, kay ang Diyos adunay mga linain ug pinili nga mga katawhan dinhi sa ibabaw as kalibutan apan dili usab ang tanan nga pinili ug diin dili man gani makaabot siguro sa katunga nga mga katawhan ang gipili sa Diyos dinhi sa ibabaw sa kalibutan dinhi sa ibabaw sa kalibutan, nan kadtong wala tawga ug pili-a dinhi lamang usab sila sa kalibutan ug kadtong iyang mga pinili nga mga katawahn pagapili-an pa usab.

Diha niining dako nga tinago nga pagtulun-an ang sukaranan sa dakong mga milagro ug mga han-ay nga bulohaton nga iya sa Diyos espiritu santo diin para niadtong mga maalamon binuang kini apan alang niadtong mituo niining nga pagtulon-an nga iya sa Diyos nga dili makita ug mahikap nan mao kini ang gahum ug kaalam sa Diyos. Kay ang tinago nga pagtulon-an gitago lamang niadtong mga tawo nga wala makaila sa matuod nag kaluwasan ug wala makaila sa matuod nga pagtulon-an diha sa mga sakripisyo ug mga pag-ampo, Ang tinago nga pagtulon-an mga igsoon mao kini ang pagsimba didto sa langit diin anaa ang mga pag-ampo diha sa tanang balaang oras ug mao kini ang gitudlo sa Diyos diha niing pagtulon-an ang mga bulohaton unya didto sa gingharian sa Diyos diin iya lang usab sa Diyos.
.

Ang Panihapon Sa Ginoo

1 CORINTO 11: 17~ 34

17 Niining akong gisulti, dili ko makadayeg ninyo. Ang inyong mga tigom dili alang sa kaayohan kondili, sa kadaotan. 18 Una, sumala sa nadungog ko, sa inyong mga tigom, dunay pagpinigay. Makatoo ko ini sa usa ka bahin. 19 Gikinahanglan tingali ang nagkalainlaing pundok diha ninyo sa ingon, makita kinsay nauyonan.

20 Ang inyong mga tigom dili na ang Panihapon sa Ginoo, 21 kay ang matag usa nagkaon sa kaugalingong pagkaon samtang ang uban gigutom, o naghubog. 22 Wala ba moy mga balay diin mangaon ug manginom? Tingalig nagtamay mo sa simbahan sa Diyos ug buot ninyong pakaulawan ang walay nahot? Unsay akong isulti? Modayeg ba ko ninyo? Apan tungod ini, dili ko makadayeg ninyo.

23 Mao ni ang pagtulun-an sa Ginoo nga akong nadawat ug nga, sa akong bahin, gibilin ko kaninyo: ang Ginoong Jesus, sa gabii nga gitugyan siya, mikuhag pan. 24 Human magpasalamat, iya ning gipikaspikas ug miingon: “Dawata ug kan-a. Ang ako ning lawas nga gipikas tungod ninyo. Buhata ni sa akong handomanan.” 25 Sa samang paagi, human sa panihapon mikuha siya sa kalis ug miingon: “Ang kalis ni sa bag-ong kasabotan sa akong dugo. Inig-inom ninyo gikan ini, buhata ni sa akong handomanan.”

26 Busa, sa tanang panahon nga mokaon mo sa pan ug moinom sa kalis, nagsangyaw mo sa kamatayon sa Ginoo hangtod sa iyang pagbalik. 27 Hinunoa, kon may mokaon sa pan ug moinom sa kalis sa Ginoo nga dili angay, nakasala siya batok sa lawas ug dugo sa Ginoo. 28 Mag-eksamen ang matag usa sa kaugalingon sa dili pa mokaon sa pan ug moinom sa bino 29 aron dili makaon ug mainom ang kaugalingong kondenasyon, kay wala siya moila sa Lawas ni Cristo.

30 Hinungdan ni nga may daghan ninyo nga huyang, masakiton, ug nangamatay. 31 Kon nag-eksamen pa ta sa atong kaugalingon, dili unta ta hukman. 32 Sa paghukom nato sa Ginoo, iya tang gitul-id aron dili makondenar ining kalibotana. 33 Busa, mga igsoon, inigtigom ninyo aron mangaon, paghulatay mo sa usag usa. 34 Kon may gigutom, makakaon siya sa kaugalingong balay. Niining paagiha dili mo magkatigom alang sa kondenasyon ninyong tanan. Ihatag ko ang ubang instruksyon kon naa na ko.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diha diha niining iglisea nga iyang gibarugan ug gisangyaw niadtong unang panahun, dili kini igisea sa pagpasigarbo dili kini iglisea sa pagparte o iglisea diha sa pagsuroy-suroy o diha o ekskursiyon sa mga butang nga iya niining kalibutana, Dinhi niining maong ebanghelyo nagpasabot si Pablo nag ang gitudlo nga iglisea kanila sa Diyos diha sa panagtigom ug diha sa mga-pag-ampo o pagworship mao gayud ang hini-usa nga pagdayeg ug paghimaya ngadto sa Diyos.

Apan dako ang iyang kasubo kay mora man lang nga ang mga magtutuo o mga sumosunod sa maong pagtulun-an gipakasama man lang nila kini sa usa ka ordinaryo nga tigom nga buot-buot sa tawo lamang diin kun ang gustong mag-ampo moduyog ug ang uban nga gipanggutom nag-iyahay sa pagpangaon, sa walay pagpakabana kun makadungog pa ba sila o makakaon sa pulong sa Diyos.

Si San Pablo miingon nga walay pulos ang inyong pag-ampo kun inyong ipatigbabaw ang atong kalibutanon nag mga kakulangon, miingon siya nga kaon daan sa inyong balay aron matingob gayud ng inyong pagpapamati sa pulong sa Diyos.

Diha niining maong ebanghelyo nagpasumbaingy lamang ang Diyos diin si mipasabot usab nga wala kita niya tawga aron magtinagsa sa pagduol kaniya, ug wala kita niya tipoka niining sinagoga o lawak alampo-anan diin ang atong kalibutanong pagbuot maoy matuman. Kay unsa may pulos kun an-ia ang imong lawas apan ang imong panumduman ug ang imongkasing-kasing naglatagaw.

Tingali niadtong mga inosente pa niining maong kamatuoran, masabtan kini sa Diyos apan niadtong taod-taod na niining maong pagtulon-an nan angayan gayud nga atong tumanon ang iyang kasugo-an susama sa iyang kataposang panihapon ni Ginoong Jesus diin mikuha siya ug tinapay ug iyang gipikas-pikas ug mikuha usab siya ug bino ug maoy iyang ipainom ngadto sa iyang unang mga tinawag nga apostoles.

Mao kini ang mahinungdanon mga igsoon nga diha sa atong mga pag-ampo, diha sa atong pagbalaan ug diha sa atong pagdayeg sa Diyos atong limtan ang tanan ug atong i-sentro ang atong kasing-kasing ug panumduman ngadto Sa atong giampo-an , ang Diyos nag dili makita ug dili mahikap, Mao kini ang atong pagpasidungog ngadto sa Diyos ang atong paghandom nga pinaagi diha sa mga sakripisyo ug kamatayon ni Jesu Cristo sa krus nan hangtod niining panahuna ang tawo sa kanunay gihatagan pa ug dagong lugway diha sa kaluwasan.

Sa makadaghan nga higayon miingon ang Diyos nga mga ginasahan kaniadto parehas kamo niing mga dumoduong karon … mga dasig kaayo apan karon kumpiyansa na kamo kaayo, Ang Diyos miingon ayaw kamo palabi ug kumpiyansa ayaw paabuta nga anaa na ang pagsulay diha sa inyong atubangan ayha pa kamo manguros….

Ang Pangutana Mahitungod Sa Awtoridad Ni Jesus

LUCAS 20: 1~8

20 1 Usa ana ka adlaw, nagtudlo si Jesus sa mga tawo didto sa Templo. Giwali niya ang maayong balita. Nanuol ang mga pangulong pari, ang mga magtutudlo sa balaod ug ang mga magulang. 2 Nangutana sila: “Sultihi mi, unsay imong awtoridad sa pagbuhat ining mga butanga? Ug kinsay naghatag?”

3 Mitubag si Jesus: “Mangutana pod ko: 4 sa langit ba gikan ang bunyag ni Juan o sa tawo?” 5 Nahunahunaan nila: “Kon motubag ta nga gikan sa langit, makaingon siya: ‘Nganong wala mo manoo?’ 6 Ug kon moingon pod ta nga sa tawo, batohon ta sa tibuok katawhan, kay nagtoo sila nga propeta si Juan.” 7 Busa, miingon sila nga wala sila masayod. 8 Miingon pod si Jesus: “Nan, dili pod ko mosultig unsay akong awtoridad.”

PAGPAAMBIT SA MENSAHE:

Ang maong ebanghelyo maoy pagpsabot lamang diha sa mga katuyu-an sa Diyos diin siya miabot ug nagpakatawo dinhi sa yuta dili sa iyang kaugalingong pagbuot kundili pagbuot sa iyang Amahng Diyos. Apan nagpakatawo siya ingon nga ordinaryong tawo diin walay bahandi ni mga sundalo ni trono nga gidala gikan sa iyang gingharian, kini aron usab pagsukod sa iyang mga piniling katawhan ug aron usab pagpakita sa dakong kala-inan sa pamaagi sa iyang Amahan sa pagpaila kaniya isip hari sa mga hari dinhi sa ibabaw sa kalibutan.

Daghan ang natingala ug nakurat sa iyang talagsaon nga kaalam diha sa pagsangyaw niya sa maayong balita ug sa pagtubag sa mga lisod nga pangutanan, labihan gayud sa pagbuhat sa mga milagro sa ngalan sa iyang Amahang Diyos, Kang kinsang awtoridad iyang gidala diah sa pagsangayaw sa maayong balita?

Ingo sab niana ang atong masinati niining panahuna diha niining ikatulo nga siglo. Diin nagasangyaw kita sa mga pulong sa Diyos niining tinagong kamatuoran, kamatuoran nga atong gibarugan, mao usab kini ang nasinati sa katawhan sa Damasco, ingon man didto sa bag-ong paraiso…diin gitawag kini sa mga manlulutos ug ikaduhang pagtulun-an.

Kay para kanila ang pagtulun-an nga dili modangop diha sa ilang pamaagi nan dili kini sakop sa ilang pagtulun-an, ang pangutana nagadala ba diay ug papel ang Diyos sa dihang iyang gipaila ang iyang pagtulun-an sa panahun pa ni Moises.

Wala nay kinahanglan ang dugang mga papeles diha sa pagpaila sa pagtulon-an sa Diyos kay matod pa sa Amahang Diyos, nagahatag siya ug kasabotan tali sa iyang katawhan ug kaniya ug aron dili kini malimtan, iya kining gibutang sa ilang kasingkasing ug panumduman. Ug ang buhing pulong sa Diyos bisan unsaon pa nimo pagpasabot ang tawo bahin niining pagtulun-an, diin bag-o kini kanila nan dili gayud sila makasabot ug magdumli gayod sila pagsabot kun wala si Cristo sa ilang kasingkasing.

Unsa may ilhanan sa tawo nga wala si Cristo diha sa iyang kasingkasing?, nagpaila kini nga wala niya isul-ob ang hiyas sa espiritu santo diha sa iyang kinAbuhi, anaa kaniya ang tawhanon nga mga hiyas, anaa naghari ang garbo ug ang pagpaila nga siya labaw sa iyang isigkatawo. Apan ang Diyos nagaingon mailhan ninyo kun ako kining pagtulun-an kun maka-ambit kamo sa mga paglutos.

Ang Subasko

BUHAT 27: 13~26

13 Unya, misugod paghuros ang habagat. Nagtoo sila nga nakab-ot na nila ang ilang tuyo. Gibira nila ang angkla ug milawig subay sa isla sa Creta. 14 Apan pagkataudtaod, may kusog nga hangin nga gitawag og “amihan” nga mibulhot gikan sa isla. 15 Ang barko naguyod ug dili makaabanti tungod sa hangin. Sa ingon gianud-anod mi.

16 Samtang mitabok mi ubos sa liwag sa gamayng isla sa Cauda, nasiguro namo ang salbabida nga sakayan sa tumang kalisod. 17 Human ni namo isaka, gilikosan nilag mga pisi ang kasko. Tungod sa among kahadlok nga masangyad sa balas sa Sirte, gihulog ang angkla. Sa ingon, gipadayon mi pagguyod.

18 Gikusokuso mig kusog sa bagyo. Sa sunod adlaw gikinahanglan na nga ilabay ang ubang karga. 19 Sa ikatulong adlaw, ang mga marinero nanglabay sa kasangkapan sa barko. 20 May pipila na ka adlaw nga ang mga bitoon ug ang adlaw wala magpakita. Walay hunong ang bagyo. Nawad-an mi sa tanang paglaom.

21 Wala miy kaon sa daghang adlaw. Busa, si Pablo mibarog sa ilang taliwala ug miingon, “Mga higala, kon mipatoo pa mo nako sa dili pagbiya sa Creta, dili unta ingon ini kakuyaw ang atong kahimtang. Malikayan unta nato ang kapildihan. 22 Apan karon awhagon tamo pagbaton og kaisog. Walay mamatay. Ang barko lay maguba. 23 Kagabii mitungha nako ang anghel sa Diyos, ang akong tag-iya ug gialagaran. 24 Miingon siya, ‘Pablo, ayawg kahadlok. Kinahanglang moatubang ka sa hukmanan ni Cesar. Ang Diyos nagpasalig sa imong kinabuhi ug sa tanan mong ‘kauban.’ 25 Busa, pagbaton og kaisog, mga higala. Misalig ko sa Diyos ug matuman ang tanan sumala sa iyang gisulti. 26 Masangyad hinuon ta sa usa ka isla.”

PAGPAAMBIT SA MENSAHE:

Ang maong ebanghelyo maoy pagpasabot lamang ngadiha sa mga pagsangyaw ug pagtuman ni Pablo sa mga tahas nga gisangon kaniya sa Diyos nagasunod kaniya ang kamatayon, matod pa diha sa ubang sinulat sa matag lugar nga iyang adtu-an nagahulat ang prisuhan.

Diha niining maong ebanghelyo nagpakita lamang diha sa mga subasko o mga pagsulay nga atong maambitan kun kita nagasunod gayud sa Diyos sa kamatuoran, ang balaang kasulatan nagapamatuod sa pag-ingon kun nagasunod ka sa pagtulon-an nga gisangyaw ni Cristo nan makaambit ka gayud sa mga paglutos.

Diha sa lang bahin sa mga sinulat nagaingon ang Diyos mahibaw-na ninyo kun akong pagtulun-an nga inyong gisubay iya sa Diyos kay sa kanunay makaambit gayud kamo sa mag pagsulay bisan diha niing espirituhanon nga pagtulon-an diin ang iyang mga katawhan nakatidlom na diha sa iyang kasugo-an ug nakasabot saespirtuhanon nga paamagi ndiin natgaanb ug gasan langitnon,o gitawga ug ginasahan Ang Diyos nagaingon kaluha sa inyong gasang langitnon ang mga pagsulay sa atong kinabuhi.
Mao kini ang nakalatid diha sa balaang kasulatan nga naga-ingon kung guston nimo nga mahimong tinun-an ni Cristo nan kalimti ang imong kinabuhi, pas-ana ang imong krus ug sunod sa mga pagtulon-an nga iyang gisangyaw diha sa balaang kasulatan kay bulahan ka nga nawad-an ug kinabuhi diha sa pasunod sa iyang kabubut-on kay mapun-an ka pa ug laing kinabuhi, apan kun nagduha-duha ka sa pagsunod sa iyang kasugo-an sa kahadlok nga mawad-an ug kinabuhi nan basin ug kawad-an ka niini.

Diha sa laing bahin sa sinulat nagaingon “Kung gusto nimong himayaon ug daygon didto sa gingharian sa langit nan puy-i ang kinabuhi nag puno sa mag paglutos ug mga kasakitan dinhi sa yuta , pas-ana ang imong krus ug sunod sa mga pagtulun-an nga gisangyaw ni Cristo, kay bulahan ka nga nakaambit diha sa mga kasakitan ni Cristo diha sa iyang kamatayon sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Busa igsoon ayaw atrasi ang subasko sa imong kinabuhi ihalad ug i-ampo ang tanan kay si Jesu Cristo miingon tukhi ang mga pagsulay sa mga pag-ampo kay ania ako nanalipod kanimo, ug kining tanan nagpasabot lamang nga imong mga subasko ug mga paglutos nga naambitan dinhi sa walog sa kinabuhi, wala magpasabot nga ikaw gidaug-daug, ug wala magpasabot nga ikaw gikalimtan sa Diyos diin sa pagdawat nimo niining tanang paglutos sa tumang pagpaubos nagapasabot lamang nga imong gidawat ,imong gipapuyo ug imong gipahari si Jesu Cristo diha sa imong kasingkasing.

Si Pablo Ug Si Bernabe Didto Sa Iconio

BUHAT 14: 1~7

14 • 1 Sa Iconio si Pablo ug Bernabe nanulod sab sa sinagoga sa mga Judio ug nagwali; sa ingon, daghang Judio ug Griyego ang nanoo. 2 Apan ang mga Judio nga wala motoo mihulhog sa mga pagano; gihiloan ang ilang hunahuna batok sa mga igsoon. 3 Bisan pa ini si Pablo ug Bernabe nagdugay didto. Maisogon silang nagwali sa Ginoo. Gimatuod nila ang mensahe sa grasya sa Diyos pinaagi sa mga milagro ug katingalahang timailhan. Gigamhan sila sa Diyos sa paghimo ini.
4 Ang tibuok lungsod nakutaw pod sa mga Pagtulon-an. Nabahinbahin ang katawhan. Ang uban midapig sa mga Judio ug ang uban sa mga apostoles. 5 Nagpasiugda ang mga pagano ug Judio uban sa ilang mga pangulo og kalihokan aron pagdaot ug pagbato sa mga apostoles. 6 Apan nakahibawo ini si Pablo ug Bernabe. Nanglayas sila ug nangadto sa kalungsoran sa Licaonia, Listra ug Derbe ug sa naglibot nga kayutaan, 7 diin mipadayon sila pagsangyaw sa Maayong Balita.

PAGPAAMBIT SA MENSAHE:

Ang maong mensahe maoy pagmatuod lamang nga ang mga milagro nga gibuhat ni Jesus niadtong dinhi pa siya sa kalibutan kining tanan nagapabilin ug nagapadayun pinaagi diha sa iyang mga tinahasan nga mga apostoles. Ang mga apostoles ni Jesu- Cristo nagasangyaw sa iyang mga pulong sa upat ka suok sa kalibutan diin didto man gayud kini nagalibot pagsangyaw dapit sa Jerusalem ug mga kasikbit tungod kay menus pa man ang transportasyon niadtong panahuna, asno pa ang ilang sakyanan.

Nga sa kanunay puno sa espiritu santo walay kalisang ug kahadlok sa pagsangyaw sa pulong sa Diyos, niadtong panahuna daghan ang mga tawo nga wala makaila sa ilang giampo-an ug wala makaila sa ilang Diyos diin kadaghana sa mga katawhan nga ilang nasangyawan niadtong panahuna nagsimba sa mga Diyos-Diyos o mga diwata, diin sa kanunay anaaa gayud ang mga pag follow-up pinaagi diha sa mga milagro nga gipakita niadtong unang mga apostoles .

Sa ato pa mga igsoon ang pagsangyaw kaniadto ug ang pagsangyaw karon niining pagtulon-an nga atong gibarugan dunay kaamgid…. Kaniadto nagasangyaw silang mga apostoles sa anak sa Diyos nga maoy manluluwas ug manunubos kanatong tanan dinhi sila nga mga apostoles maoy buhing saksi diha sa kamatuoran ug sa mga milagro.

Dinhi niining panahuna diin 20 ka tuig ang milabay pinaagi sa “Apparition” nagpakita ang Diyos espiritu santo aron ipaila ang atong kataposang manlalaban ang espiritu santo sa kamatuoran diin, tanan nga mga milagro ug mag pagtulun-an tukma ug haom gayud sumala sa nahisulat sa balaang kasulatan, apan sa gihapon kadaghanan sa mga katawhan nga gisangyawan ilabina niadtong adunay kaugalingon kaalam ug pagsabot diha sa Diyos ug sa kaluwasang dayun gahi gayud pasabton ug dili gayud mouban o mosabot.

Ang Diyos miingon bisan pa ug usa ka adlaw nimo silang sangyawan ug debatihan ninyo ang iyang pulong diha sa balaang kasulatan kun kanang tawhana wala si Cristo diha sa iyang kasingkasing ug panumduman nan dili gayud nimo siya madala, Busa bisan diha sa misyon ngadto sa lagyong lugar miingon ang Diyos “ Isangyaw ang akong pulong Usa , duha ug katulo lamang ug kun dili maminaw biya-i sa walay paglingi kay wala ipamugos sa Diyos ang iyang gingharaian ug mas labaw usab nga wala ipamugos sa Diyos ang kaluwasang dayon nga gisaad ni Jesu Cristo, busa mga igsoon dili diay kita angay nga mabalaka kay ang pagkapinili ug ang pagkatinawag sa Diyos dili pinaagi sa kabubut-on sa tawo kundili iya lamang sa Diyos, Ang balaang kasulatan nagaingon, moabot ang Diyos diha sa atong kinabuhi sa paagi nga dili nato damhon apan ang iyang mga pinili ug tinawag nga mga katawhan aduna nay giandam ang Diyos para kanila.

Ang Labing Hinungdanong Sugo

MARCOS 12: 28~34

• 28 May magtutudlo sa Balaod nga miabot ug naminaw ining pagsukliay sa hunahuna. Nakadayeg siya sa tinubagan ni Jesus; miduol siya ug nangutana: “Unsang sugoa ang una sa tanan?”
29 Mitubag si Jesus: “Kini ang una: Pamati Israel! Usa ra ang Ginoo nga atong Diyos. 30 Higugmaa ang Ginoo, imong Diyos, sa tibuok mong kasingkasing, sa tibuok mong kalag, sa tibuok mong hunahuna ug sa tibuok mong kusog. 31 May lain pa human ini: Higugmaa ang imong isigkatawo sama sa imong kaugalingon. Walay lain nga mas dako pa.
32 Miingon ang magtutudlo sa Balaod: “Maayong pagkasulti, Ginoo. Husto ka sa imong pag-ingon nga usa ra ang Diyos ug way lain. 33 Ang paghigugma niya sa tibuok kasingkasing, sa tibuok salabotan ug sa tibuok kusog, ug ang paghigugma sa isigkatawo ingon sa kaugalingon labi pang mahinungdanon kay sa bisag unsang halad-sinunog o sakripisyo.”
34 Miuyon si Jesus ining tubaga ug miingon: “Dili ka layo sa Gingharian sa Diyos.” Sa pagkahuman, wala nay nangahas pagpangutana niya.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga kasugo-an sa Diyos Amahan diin sa panahun ni Moises iyang gipasangyaw ang iyang 10 ka sugo nga nahisulat sa tinabliya nga bato, diin nadawat kini ni Moises didto sa bukid sa Sinai. Giingon usab diha sa ubang sinulat nga wala na unta kinahanglana pa ang ikaduhang kasulatan kun wala pay mga kasaypanan ang unang kasulatan.

Mao kini ang tahas ni Ginoong Jesus, diin iyang giluwsa kitang tanan diha sa mga kasal-anan pinaagi sa pagsakripisyo ug sa pagpalansang sa krus, ug labaw sa tanan iyang gipasabot ang mga kasugo-an sa Amahan nga 10 ka sugo nagalangkob lamang kini sa duha ka sugo, ang una mao ang paghigugma sa Diyos labaw sa tanan ug ang ikaduha mao paghigugma sa atong isigkatawo sama sa paghigugma nato sa atong kaugalingon, ug matod pa nga ang napulo (10) ka sugo sa Diyos naglangkob na niining duha ka sugo, ug labaw sa tanan ang mga sugo sa Diyos nagalangkob lamang kini sa pulong nga gugma kay ang Diyos …Gugma.

Mao kini ang gustong isangyaw ni Jesu Cristo kaniadtong iyang pagpakatawo ug hangtod niining panahuna, ipatigbabaw ang gugma diha sa atong usag-usa. Miingon siya diha sa ubang sinulat.. Juan 14: 15, Tumana ninyo ang akong mga sugo ug paghigugmaay kamo kay mangayo ako sa Amahan ug tagaan kamo niya ug laing manlalaban, ang espiritu santo sa kamatuoran nga nagauban kaninyo hangtod sa kahangturan. Ang kalibutan dili imakadawat kaniya kay dila man sila makaila ni makakita kaniya apan makaila kamo kaniya kay nagauban ug nagapuyo man siya diha kaninyo.

Mao kini ang mga buhat sa espiritu santo nga gibilin ni Jesus Cristo diin gipakita lamang sa Diyos kun unsa ang iyang pagpasidungog sa iyang mga katawhan ingon nga pinaka importante nga nilalang sa kalibutan. Apan nagatawag kanato sa matag usa sumala usab sa iyang kabubut-on ang balaang kasulatan nagaingon lahi-lahi ang pagtawag ko kaninyo apan dili ang tanan nga nagasangpit sa Diyos makasulod sa iyang gingharian kundili kadto lamang nagatuman ug nagasunod sa iyang kabubot-on. Sa ato pa mga igsoon dili lamang kay dinhi lamang nga pagtulon-an ang Ginoo adunay tinawag ug pinili, kun dili matagpagtulun-an aduna siyay pinili usab kini nagpamatuod lamang usab diha sa ubang pulong sa Diyos nga nagaingon Ang kamatuorann nagahatag kaninyo ug kaluwasan.

Dinhi niining ikatulo nga siglo diin mao nay gipalihok sa Diyos Ang espiritu santo diin maoy nagatawag ug ngapili kanato diha sa tagsa-tagsa nato ka pagkinabuhi, diin mao gayuy gihatagan ug kabug-aton sa Diyos ang iyang hinungdanong magasugo ang sugo sa paghigugma sa Diyos ug sa atong isigkaingon.. Kay kun moingon kita nga nahigugma kita sa Diyos apan nagdumot kita sa atong isigkatawo nan Ang Diyos miingn nga bakakon kanang tawhana kay giunsa man nimo pagihugugma sa Diyos nga wala nimo makita ni mahikap apan nagdumot ka sa imong isigkaingon nga sa tanang adlaw imong gikauban ug makita.

Ang Dakong Kaluwasan

HEBREO 2: 1~4

2 1 Busa, kinahanglan nga patalinghogan nato ang mga pulong nga atong nadungog aron dili ta ma¬salaag. 2 Ang mga pulong gikan sa anghel na¬himong balaod. Ang tanang pag¬supak ug pag¬lapas maka¬dawat sa tukmang silot. 3 Unsa¬on man nato pagdawat sa pa¬saylo kon pa¬sagdan ta ang maong ka¬¬luwasan? Ang Ginoo mipahibalo ini pag-una ug midason ang nakadungog. 4 Gi¬pun-an sa Diyos ang ilang pagsaksi pinaagi sa mga timailhan, mga butang nga kati¬nga¬lahan ug milagro nga lain¬laig matang – labi pa ang mga gasa sa Espiritu Santo nga giapud-apod suma¬la sa iyang gimbut-an.

PAGPAAMBIT SA MENSAHE:

Ang maong mensahe maoy pagmatuod lamang nga ang kaluwasan gidala ni Jesu Cristo dinhi sa yuta alang dili lang sa mga Judio kundili alang sa tanan…kay ang kaluwasan matod pa diha sa Efeso 3: 5 mao kini ang usa sa dakong tinago nga kamatuoran diin gipadayag sa mga apostoles ug sa mga propeta nga ang kaluwasan alang gayud kanatong tanan.

Diha sa ubang sinulat nagaingon nga si Pedro maoy gitahasan sa Diyos sa pagsangyaw sa mga Judio ingon nga si Pablo maoy gitahasan sa Diyos sa pagsangyaw sa dili mga Judio. Mao kini ang mensahe uban ni Jesu Cristo didto sa iyang pagpalansang sa krus 1 Corinto 1: 18 nagaingon nga ang iyang mensahe didto sa krus sa kalbaryo binuang niadtong wala maluwas apan alang kanatong naluwas gahum kini sa Diyos.

Sa ato pa mga igsoon ang sukaran diha sa dakong kaluwasan mao ra usab ang atong dakong pagtuop ngadto sa Diyos nga dili makita ug dili mahikap. Matod pa usab diha sa ubang sinulat sa balaang kasulatan, Ang pagtuo maoy atong pagsalig ug paglaom ngadto sa Diyos nga dili makita ug dili mahikap.

Apan dili ang tawo maoy makasukod sa gidak-on sa atong pagtuo ngadto sa Diyos kay dili man kini masukod pinaagi sa sukdanan nga iya sa kalibutan, kundili ang pagtuo anaa kini ibutang sa atong kasingkasing ug panumduman nan bugtong espiritu santo sa Diyos mao ang makakita ug makasukod sa hingpit natong pagtuo ngadto kanila.

Diha sa ubang sinulat nagaingon nga ang kaluwasan nga gisaad ni Jesu Cristo kanatong mga katawhan dili kini premyo o ganti tungod sa maayong buhat kundili gasa kini ug grasya gikan sa Diyos aron sa ingon walay makapasigarbo diha sa atubangan sa Diyos nga siya maluwas tungod sa maayong buhat kay ang kaluwasan nagaagad kini sa gugma ug grasya sa Diyos kanato.

Busa igsoon ayaw pagkumpyansa, kay bisan kadtong mga mainapoon didnhi sa ibabaw sa yuta apan sa kamatayon ang ilang kalag dili nila kini matino kun asa paingong nan unsa kaha kadtong walay mga pag-ampo asa kaha paingon ang ilang kalag?

Si Tito Ug Ang Iyang Mga Kauban

2 CORINTO 8: 16~24

16 Bulahan ang Diyos nga naglamdag ni Tito sa pag-amuma ninyo pag-ayo. 17 Wala lang siya mamati sa akong pangamuyo kondili, mianha ug nakigkita siya ninyo sa kaugalingong kabubut-on. 18 Nagpadala ko uban niya sa igsoong gitamod sa mga simbahan sa buluhaton bahin sa Ebanghelyo. 19 Labot pa, gitudlo siya pagpanaw uban namo alang ining balaang buluhaton nga among gituman alang sa himaya sa Ginoo ug sa kaugalingon namong kadasig.
20 Nakahukom mi sa pagbuhat ini aron walay makaduhaduha namo bahin ining hinatag nga salapi nga among gihuptan. 21 Maningkamot ta nga malimpyo ang tanan dili lang atubangan sa Diyos kondili, sa mga tawo. 22 Among gipauban ang laing igsoon nga sa makadaghan nagpakita sa kadasig. Labaw siya kamadasigon karon tungod sa iyang pagsalig ninyo.
23 Busa, naa uban ninyo si Tito, among kauban ug ministro nga moalagad ninyo. Uban niya, naa ang atong mga igsoon, mga tinugyanan sa mga simbahan ug himaya alang ni Cristo. 24 Pakitaag giunsa ninyo sila paghigugma. Matud-i atubangan sa mga simbahan ang tanang maayo nga akong gisulti nila bahin ninyo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga katuyu-an sa Diyos sa pagsangyaw sa iyang pagtulun-an diha sa upat ka suok sa kalibutan. Sa pagbalik na ni Jesus ngadto sa iyang gingharian sa langit nagapadayon sa pagsangyaw ang iyang mga unang tinawag nga mga apostoles, diin sila nagmadasigon luyo sa mga pa, glutos nga ilang naagian.

Matod pa ni Pablo sa matag lugar nga iyang pagaadtu-an nagapaabot ang presuhan diha kaniya, apan wala siya magapadala sa iyang kahadlok hinunu-a nagmaisugon siya sa pagsangyaw sa pagtulun-an nga gibilin sa Diyos kaniya. Ug daghan pa nga mga tinawag nga gipaabot sa Diyos diha kanila aron sa pagtabang sa pagsangyaw niining tinago nga kamatuoran.

Usa na niini si Tito diin matod pa diha sa ebanghelyo nagmadasigon sa pagsangyaw sa pulong sa Diyos diin matag adlaw nga tanan madasigon nga nagsangyaw sa buhat nga kristuhanon diha sa iyang mga kauban.

Ako ang nahimo diha sa mga apostoles diha sa pagpakuyanap niini nga pagtulun-an sa upat ka suok sa kalibutan diin pinaagi sa ilang pag-hiusa nasangyaw gayud kining maong pagtulun sa hinay-hinay gayud. 600 A,D, hingpit nga nasangyaw kini nga pagtulun-an sa upat ka suok sa kalibutan, bisan pa sa dihang nahurot na pagkamatay kadtong unang mga apostoles apan pinaagi sa mga milagro hingpit nga nasangyaw kini nga pagtulun-an.

Kini nagpamatuod lamang nga pulong sa Diyos ngadto kang Pedro diin gi pahibalo na ni Jesus daan ang mga apostoles maoy iyang gitahasan sa pagsangyaw niining maong pagtulun-an.

Ang Mga Judio Ug Ang Balaod

bROMA 2:17~26, 3: 1~8

17 Pananglitan, nagtawag mo ninyo nga Judio, naggamit sa Balaod isip sukaranan ug nagpasigarbo sa inyong Diyos. 18 Nahibawo mo sa kabubut-on sa Diyos, ug ang Balaod nagtudlo ninyo sa pag-ila unsay mas maayo. 19 Alang ninyo giya mo sa mga buta, kahayag sa kangitngit, 20 magtutudlo sa walay kahibawo, tigmatuto sa mga bata, kay sa Balaod nagbaton mo sa tinuod nga kahibawo. 21 Unya, kamo nga nagtudlo sa uban, nganong dili man ninyo tudloan ang inyong kaugalingon? Kon nagsugo mo sa dili pagpangawat, nganong nangawat man mo? 22 Nag-ingon mo nga dili manapaw, apan inyo ning gibuhat. Nag-ingon mo nga gidumtan ninyo ang mga diosdios, apan nangawat mo sa mga templo! 23 Mapasigarbohon mo sa Balaod, apan wala mo mosunod ini. Gipasipad-an ninyo ang inyong Diyos. 24 Gani, sumala sa kasulatan, ang ubang nasod nagtamay sa ngalan sa Diyos tungod ninyo.
25 Ang pagpatuli mapuslanon alang ninyo kon nagtuman mo sa Balaod, apan kon wala, sama ra nga wala mo matuli. 26 Hinunoa, kon ang mga pisot motuman sa mga sugo sa Balaod, wala ba mo magtoo nga bisan sa ilang kapagano, nahisama sila sa mga tinuli? 27 Ang nagtuman sa Balaod nga wala magpatuli mohukom ninyong nagpatuli ug nagbaton sa Balaod nga wala tumana. 28 Kay ang tiunayng Judio dili ang nagpatuli lang sa gawas, dili sab ni tiunayng pagpatuli. 29 Ang Judio kinahanglang Judio pod sa sulod. Ang pagtuli sa kasingkasing nalambigit sa espiritu ug dili sa sinulat nga balaod. Ang magpuyo ining paagiha daygon dili sa mga tawo kondili, sa Diyos.

Unsay nakabintaha sa Judio
3 • 1 Sa ingon, unsay kapuslanan sa pagkaJudio? Ug unsay kapuslanan sa pagpatuli? 2 Daghan, sa bisag unsang puntoha sa panan-aw. Sa unang lugar, ang mga Judio gitugyanan sa Diyos sa iyang pulong.
3 Karon, kon ang uban nila dili matinud-anon, nakapadili ba diay ni sa kamatinud-anon sa Diyos? Siempre, dili. 4 Hinunoa, mamatud-an nga ang Diyos matinud-anon, ug ang tawo bakakon, sumala sa giingon sa kasulatan: mamatud-an nga ang imong pulong tinuod, ug makadaog ka kon buot silang mohukom nimo.
5 Kon ang atong pagkadaotan nagpakita nga ang Diyos tarong, makaingon ba diay ta nga ang Diyos dili tarong kon masuko siya ug mosilot? (Ang uban tingali mosulti sa ingon.)
6 Dili, kay sa laing bahin, unsaon man sa Diyos paghukom sa kalibotan?
7 Apan kon ang akong pamakak makapatataw sa kamatuoran sa Diyos sa ingon, madugangan ang iyang himaya, insakto ba nga tawgon kog makasasala?

PAGPAAMBIT SA MENSAHE:

Ang maong ebanghelyo maoy pagpasabot lamang sa balaod nga gimugna sa Diyos ug sa balaod nga gibuhat sa tawo. Diin ginaingon nga walay sala nga atong nabuhat kun walay namugna nga balaod apan diha ubang sinulat usab nagaingon ang sala ngamugna sa pagkamugna usab sa balaod .

Uannag nahitala diha sa balaang kasulatan ang balaod nag gisangyaw ni Moises diin mao gihatag kaniya sa bukid sa Sinai..ug mao kini ang nabantog nga napulo ka sugo sa Diyos, ug diin diha sa pagpakatawo ni Jesu Cristo mao usa sa iyang mga katuyu-an ang pagpasabot diha sa kahulugan sa napulo ka kasugo-an sa iyang Amahan diin ang napulo ka sugo mamahimo lamang kining duruha, una mao gayud ang paghigugmasa Diyos labaw sa tanan ug ang ikaduha mao ang paghigugma sa imong isigkatawo sama sa imong paghigugma sa imong kaugalingon.

Nan diha niining duruha ka sugo ngalangkob ang napulo ka sugo nga gisangyaw ni Moises ug diha niining maong mga kasugoan usab nagpasabot ug naghubad sa kasugu-an sa gugma kay ang Diyos …gugma

Ang ebanghelyo naga-ingon nga ang mga Judio ug ang balaod, naglangkob kini sa mga balaod nga iya niining kalibutana, diin kadaghana niini wala mahisubay sa kasugo-an ug kabubut-on sa diyos apan iyang gitugotan aron sa ingon dugang mga pagsulay sa iyang mga katawhan ug mga pasiunang pagsilhig niadtong mga masupilon.

Apan ang balaan kasulatan wala maagtugot sa tawo sa paghukom sa iyang isigkatawo apan dinhi sa ibabaw sa kalibutan pagahukman ang tawo sa iyang mag kasaypanan sumala usab sa iyang mga binuhatan ug sumala diha sa mga esbidensya nga nakita. Diha sa Demokrasya nga pagnangamhanan mao kini ang balaod nga gihatag sa gobyerno alang sa katawahan, gikan sa katawhan ug para sa katawhan , A government of the people by the people and for the people, apan ang balaod didto sa kalibutan sa kanunay gayud napihig ang mga kabos ug nakabintaha ang mga adunahan.

Bisan diha sa balaod sa pamulis naga-ingon usab nga “Ignorance of law excuses no one”…nga sa ato pa bisan kun inosente ka o wala makahibalo diha sa maong balaod nga imong nalapas nan manubag ka sa balaod dinhi sa yuta..Apan ang balaod nga iya sa Diyos..kun inosente ka o wala masayod sa mao mong kalapasan nan halu-ag ang kapasylo-an sa imong mga kasal-anan… Kay matod pa dinhi niining mao nga siglo hataas pa ang kapasaylo-an sa Diyos sa atong mga kasal-anan..ug ang tanan nga mga sala adunay kapasaylo-an kun atong pangayoon sa Diyos ang iyang pasAylo…Diin atong iampo ang mga katawhan nga nakasala ilabina niadtong wala makaila sa Diyos nga ilang giampoan..ilabina niadtong mga katawhan nga gustong moilog niining atong mga kayutaan, kay kun kabubut-on gayud sa Diyos nan mopasilong gayud sila sa landong sa espiritu santo….kay Diyos lamang ang adunay gahum pagpahumok sa matig-a nga kasingkasing sa tawo.

Ang Halad Ni Cristo Nagwagtang Sa Mga Sala

HEBREO 9: 23~25 10:1~17

23 Kinahanglan nga kining halad sa langitnong kamatuoran malinisan. Apan ang maong kamatuoran nagki¬nahanglag mas maayong sakripisyo. 24 Si Cristo wala mosulod sa santwaryo nga hinimo sa tawo, kopya sa tinud-anay kondili, sa langit mismo. Tua siya karon atubangan sa atong Diyos tu¬ngod ug alang nato. 25 Dili sama sa La¬bawng Pari nga mosulod sa san¬twaryo tuigtuig nga may dalang dugo nga dili iyaha. 26 Mihalad siya sa ka¬uga¬lingong dugo sa makausa lang, dili sa maka¬daghan. Kon dili, mag-antos sab siya sa makadaghan sukad sa pag¬buhat sa kalibotan. Apan dili. Nag¬pa¬kita siya karon alang sa kataposan sa panahon aron pagwag¬tang sa sala pi¬naagi sa sakripisyo.
27 Kay ang tawo kausa ra mamatay, dayon hukman. 28 Busa, mihalad si Cristo sa kaugalingon sa makausa aron pagwagtang sa mga sala sa ka¬taw¬han. Wala nay hisgot unya sa sala inigbalik niya aron pagluwas sa nagpaabot niya.

10 • 1 Ang tinoohan sa Balaod anino lang sa mga ma¬a¬yong butang nga umaabot. May mga lagda, apan walay kamatuoran. Busa, matag tuig, walay kabag-ohan ang mga halad, kay ang nagsimba wala man makakita sa tumong. 2 Kon hingpit pa ang pagka¬lim¬pyo dili na sila tugawon sa tanlag. Mo¬hu¬nong na silag halad sa mao giha¬pong sakri¬pisyo. 3 Apan wala, tuigtuig ang sakripisyo nagsaksi sa ilang mga sala, 4 kay dili man makapapas sa sala ang dugo sa mga kanding ug toro.
5 Mao man gani nga sa pagsulod ni Cristo sa kalibotan miingon siya: Wala ka magtinguhag sakripisyo ug halad. 6 Wala ka mahimuot sa halad-sinunog ug halad alang sa sala. 7 Unya, mi¬i¬ngon ko: Ania ra ko. Akoy nasulat sa papel nga linukot. Buhaton ko ang imong pagbuot, O Diyos!”
8 Sa sinugdan nag-ingon siya: Sa¬kri¬pisyo, halad, halad-sinunog, ug ha¬lad alang sa sala wala nimo tingu¬haa ni na¬kapahimuot nimo – bisag gisugo ni sa Balaod. 9 Unya, miingon siya: Ania ra ko aron pagtuman sa imong kabu¬but-on.
Igo na ni aron pagwagtang sa daang kasabotan ug pagmugnag bag-o. 10 Pi¬na¬agi sa kabubut-on sa Diyos, gi¬ba¬¬¬¬laan ta tungod sa sakripisyo sa lawas ni Cristo Jesus.
11 Busa, ang pari naa sa altar matag adlaw ug nagbalikbalik paghalad sa mao gihapong sakripisyo nga dili ma¬ka¬wagtang sa sala. 12 Si Cristo nagha¬lad og bugtong nga sakripisyo alang sa mga sala. Nakalingkod na siya karon sa tuong kamot sa Diyos ug 13 nagpa¬abot nga ibutang sa Diyos ang mga kaaway nga tung¬tonganan sa iyang tiil. 14 Pinaagi sa bugtong nga sakri¬pisyo, ang tanang gibalaan gihingpit niya ug gitino. 15 Gipamatud-an sab ni sa Espiritu Santo, kay namulong man siya:
16 Kini ang kasabotan nga akong himoon uban nila sa umaabot nga mga adlaw: nag-ingon ang Ginoo. Isil¬sil ko sa ilang alimpatakan ang akong mga balaod ug isulat sa ilang kasingkasing. 17 Nag-ingon siya: Dili ko hinumdoman ang ilang kasal-anan ug daotang bu¬hat. 18 Busa, kon napa¬saylo na ang mga sala, wala na kinahanglana ang sakripisyo alang sa sala.

PAGPAAMBIT SA MENSAHE:

Ang maong ebanghelyo maoy pagmatuod lamang diha sa ubang sinulat nga nagaingon, nga ,nagpakatawo ang anak sa Diyos aron dagmalan sakiton ug ilansang sa krus isip maoy bayad sa atong mga kasal-aann. Ang pagpakamatay ni Jesu Cristo didto niadtong krus maoy hingpit nga halad nga nagawagtang sa atong mga sala.

Sa wala pa magpakatawo si Jesu Cristo diin panahun pa kini sa unang mga tinawag sama kang Moises diin ang ilang paghalad ginahimo diha sa matag balaang dapit kausa matag tuig diin pagadumalahon kini sa usa ka pari, diin mga mananap nga sinunog ang ilang ihalad diha sa talad halaran nga maoy ilang ipaabot didto sa langit, apan matod pa ang maong mga paghalad dili kini hingpit nga makapawagtang sa mga sala.

Apan sa dihang gihalad ni Jesus ang iyang lawas nalukat kita niya diha sa atong mga kasal-anan ug mahal ang bayad sa Diyos kanato kay mismo ang bugtong niyang anak maoy bugti niini, ug mao kini usab ang kadaugan ni Jesus diha sa kinatibuk-an niyang misyon dinhi sa kalibutan diin diha sa ubang sinulat Philipos 2 : 8~11 nagaingon diha na kaniya ang kinaiya sa matuod nga Diyos apan wala niya ipamugos ang iyang pagkaDiyos pinaagi sa kusog kundili gihubo niya ang tanan ug motipon diha sa mga kabos ug miuban diha sa ilang mga kasakitan ug nagasangyaw sa pulong sa Diyos Amahan, Ang iglisea sa kamatuoran nga iyang gipabarog,

Tungod sa dako nyang kadaugan gibayaw si Jesu Cristo sa Diyos Amahan ngadto sa kalangitan diin ang tanang binuhat dinhi sa yuta, didto sa ilawom sa yuta ug didto sa langit niluhod ug nagpasidungog sa iyang ngalan, Si Jesu Cristo. Tungod niini wala nay halad pa diha sa mga mananap nga sinunog ang pagadawaton sa Diyos kay humana ug kausa ra ihalad ang iyang anak diha sa kamatayon sa dakong krus.

Ang pangutana luwas na ba kita diah sa pagpasakit ni Jesus?...Matod pa sa balaang bata, Sr Santo Niño samtang nagkinabuhi pa kita dinhi sa kalibutan nan kanunay gayud kitang makasala, sa pulong , sa buhat ug sa huna-huna, Sa ato apa niadtong panahuna naluwas kita ni Jesus diin sama pa kita sa nagsakay ug barko diin taliwala sa lawod nahulog ka ug gipasakay ni Jesus pagbalik apan gikan diha sa imong kaluwasan paingon sa imong pagaadtu-an wala pay siguro ang imong kaluwasan sa dayun kay ang tawo samtang ania pa sa kalibutan ulipon sa pagpakasala.

Matod pa ni Jesu Cristo sa takna unya nag mobalik ako sa kiliran sa akong Amahan nan diha na kamo magsugod ug paglikay sa mga ksal-anan o diha sa pagpuasa ug dili kita moundang sa pagpuasa diha sa atong mga kasal-anan hangtod sa iyang pagbalik. Ug diha usab sa ubang sinulat Juna 14 : 15 nagaingon usab siya tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban ang espiritu sa kamatuoran ug makig-uban kaninyo hangtod sa kahangturan, ang kalibutan dili makadawat kaniya kay wala man sila makakita ni maka-ila kaniya apan makaila kamo kaniya kay nagauban ug nagapuyo man siya diha kaninyo.

Ang balalang kasulatan nagaingon usab nga kun nagasunod ka sa mga pagtulun-an ni Cristo nan makaambit ka gayud sa mga paglutos. Apan diha sa ubang sinulat nagaingon usab lahi ang pagtawag ko kaninyo apan dili ang tanan nagasangpit kanako Diyos ko, makasulod sa akong gingharian kundili kadto lamang nagatuman sa akong kasugo-an.