Monday, June 21, 2010

Si Pablo Buot Moduaw Kanila Pag-usab

1 TESALONICA 2:17~19, 3:1~13


17 May panahon nga nahimulag ug nalayo mi ninyo, apan dili sa kasingkasing. Naningkamot mi pag-ayo pagpakigkita ninyog usab, mga igsoon. 18 Nagplano mi sa pagduaw ninyo; ug ako, si Pablo, sa makadaghan. Apan gibabagan mi ni Satanas.
19 Sa pagkatinuod, kinsa gawas ninyo ang among paglaom ug kalipay? Kinsay maatong korona atubangan ni Jesus nga atong Ginoo, sa iya unyang pagbalik? 20 Oo, kadungganan ug kalipay mo namo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa maong mga kasugo-an sa Amahang Diyos pinaagi sa iyang anak diin siya nagasugo sa pagsangyaw niini nga pagtulon-an sa upat ka suok sa kalibutan. Diin tungod kay niadtong panahuna kadaghana gayud nagbinugtong sa pagsangyaw ang mga apostoles diha sa mga lugar nga wala makaila sa ilang gi-ampoan, tagdugay usab sila makabalik kay magabaklay man lang usab sila. Ug kadaghanan gayud sa mga lugar nga ilang nasangyawan tungod kay wala may mga follow-up kadaghanan sa maong mga lugar mobalik gayud sa Diyos-diyos, ug mao kini ang tema ni Pablo diin gusto siyang mobalik didto sa Tesalonica aron sa pagsuta kun nagpabilin pa ba ang pagtulun-an nga iyang gitisok diha sa tagsa-tagsa nila ka panumduman.

Diin matod pa niya nga nadugangan ang iyang paglaom ug kalipay tungod kay ang maong lugar daghan ang nagapabilin diha sa pagtuo sa iglisea nga iyang gisangyaw. Nagpasabot lamang kini mga igsoon nga adunay lugar nga giandam ang Diyos diha sa iyang mga katawhan, adunay lugar nga tumotuo gayud sa matuod nga Diyos nga dili mahikap ni makita.

Kay matod pa bisan ug unsaon nimo ug sangyaw sa imong isigkatawo mabuntagan ka na lang ug istorya bahin sa kamatuoran, maglalis nalang kamo, nan kun wala si Jesu Cristo diha sa ilang panunduman ug kasingkasing nan dili gayud sila mamati sa kamatuoran nga imong gibarugan. Diha sa ubang bahin sa kasulatan nagaingon ang pulong sa Diyos, nga maoabot ang gutlo sa atong kinabuhi nga modoul ang Diyos kanato sa paagi nga dili nato damhon, apan ang mga pinili ug tinawag nga mga katawhan nan ang Diyos sa kanunay adunay nakaandam kanila.

Sa ato pa mga igsoon ang pagdawat sa iglisea nga gisangyaw niadtong unang mga apostoles dili kini kabubut-on sa tawo kundili buhat kini sa espiritu santo sa Diyos. Ang pulong sa Diyos naga-ingon nga ang mga tinawag ug pinili niyang katawhan didto pa sila sa tago-angkan sa ilang inahan gipili na silang daan, apan kagi ang kamatuoran nagahatag man ug kagawasan, ang iglisea nga nagpamata sa tawo niining maong kamatuoran, nagahatag gayud sa tawo sa iyang kagawasan, diin kadaghanan gayud matental sa kalibutan nga mga kailibgon ug mga kalibutanon nga mga bahandi kay mao man kini sa kanunay ang atong makita ug madungog.

Apan ang Diyos espiritu santo nagaingon kun nasayod pa unta kamo kun unsay atu-a didto sa gingahrian sa langit nan biyaan unta niya ang tanang bahandi nga iya niining kalibutan, ug mao inyong siguroon unsaon paghiabot didto sa gingharian sa Diyos. Ang importante niining maong kamatuoran mao man gayud ang kaluwasan sa imong kalag diin hapsay ug tambok ang imong kalag nga makig-atubang sa atong Diyos inig-abot gayud sa kataposang paghukom.

Ang Paghukom Inig-abot Ni Cristo

2: TESALONICA:1:3~12


3 Mga igsoon, angayng pasalamatan namo sa tanang panahon ang Diyos tungod ninyo. Makataronganon ni, kay nagkadako ang inyong pagtoo ug ang inyong gugma sa usag usa nadugangan. 4 Gipasigarbo mo namo sa mga simbahan sa Diyos tungod sa kalig-on sa inyong pagtoo taliwala sa mga hulga ug kasakitan. 5 Makita na nila ang makataronganong hukom sa Diyos. Ini lang paagiha mahimo mong takos sa gingharian sa Diyos busa, nag-antos mo.

• 6 Angayng baslan sa Diyos og pag-antos ang nagsilot ninyo. 7 Apan alang ninyo nga nag-antos, hatagan ta niyag pahulay, sa higayon nga ipadayag si Jesus sa iyang Himaya nga gikan sa langit uban sa mga alagad niyang anghel. 8 Unya, may magdilaab nga kayo nga gamiton aron silotan ang wala makaila sa Diyos ug wala mosunod sa Maayong Balita ni Jesus nga atong Ginoo. 9 Walay kataposan ang ilang silot halayo sa panan-aw sa Diyos ug sa iyang himaya.

10 Nianang adlawa himayaon ang Ginoo taliwala sa inyong mga santos. Daygon siya sa mga matoohon, kamo nga midawat sa among pagsaksi. 11 Busa, nag-ampo mi ninyo sa kanunay. Himoon unta mo sa Diyos nga takos sa iyang pagtawag. Pinaagi sa iyang gahom makatuman unta mo sa inyong maayong mga tinguha. Ingon man ang inyong mga buhat dinasig sa pagtoo. 12 Nianang paagiha himayaon ang ngalan ni Jesus nga atong Ginoo diha ninyo, ug kamo diha niya, sumala sa mahigugmaong laraw sa Diyos ug ni Cristo Jesus nga atong Ginoo

PAGPAAMBIT SA MENSAHE:

Ang maong ebanghelyo nagpasabot lamang nga ang atong Ginoong Jesus Cristo mao gayuy gitahasan sa Amahan sa paghukom kanatong tanAn inig-abot na sa adlaw sa panudya. Diha sa ubang sinulat nagaingon nga siya ang Alpaha ug ang Omega ang sinugdanan ug ang kataposan ug walay mahiabot ngadto sa Amahan Diyos nga dili moagi kaniya.

Apan dako usab nag tanghaga diha sa pagpakatawo sa atong Ginoong Diyos kay matod pa diha na siya sa wala pa mabuhat ang kalibutan, siya ang nagsilbing arkitekto ug tiglingaw sa iyang Amahan , ug sa panahun sa Exodus siya kadtong bato nga naga-uban sa pundok ni Moises aron maoy mahimong giya ngadto sa mga katawhan sa Israel.

Colosas 1: 15 naagaingon usab nga Siya ang buhing larawan sa dili makita nga Diyos, ug siya ang kamagulangan anak sa tanang mga binuhat dinhi sa yuta ug ngadto sa langit. Unsa man ang dakong katuyuan diha sa pagpakamatay ni Jesu Cristo sa krus , kini mao ang pagtudlo kanato diha sa paglahutay sa mga pag-antos ug mga kasakitan aron makasulod sa iyang gingharian, kay matod pa si kinsa kadtong magpaubos dinhi sa yuta nan akong ipataas didto sa gingharian sa langit, apan kadtong mapahitas-on ug mapagarbohon dinhi sa yuta nan akong ipaubos ug dili ilhon didto sa gingharian sa langit.

2000 na ka tu-ig sukad nga nagpakamatay si Jesus sa krus, apan ang milagro nagpabilin, diin ang mga pagsangyaw sa iyang mga apostoles nagapdayon bisan kun ang unang mga tinawag nahurot gayud ug pangamatay diha sa mga kamot sa mga tawo nga wala motuo sa matuod nga Diyos.

Niining panahuna, diin misulodna kita sa ikatulong siglo, ug mao na kini nga ang Diyos magapadayag sa iyang mga pulong pinaagi diha sa espiritu santo sa kamatuoran nga nagauban kanato hangtod sa kahangturan, pinaagi usab diha sa iyang mga propeta ug tuburan niining atong panahun karon. Apan sa gihapon ang Diyos nagahatag ug hataas nga pasensya, ug hataas nga kapasayloan niadtong mga tawo nga nangayo sa ilang pasaylo sa ilang mga sala. Kay matod pa tanan sala dinhi sa ibabaw sa kalibutan, adunay kapasaylo-an, magamay ug madako, kun matuo ka lamang nga ikaw mapasaylo, kay kun wala kay pagtuo nga mapasaylo ka sa imong mga sala nan sama ra man unya nga wala ka motuo nga si Jesu Cristo anak sa Diyos.

Nan kun dili ka mangayo ug pasaylo sa imong mga ksal-anan sa ato pa andam kang modawat sa imong silot inig-abot na unya sa kataposang paghukom. Ang Diyos nagahangyo gayud diha sa mga pag-ampo labi na sa pagsantos nga rosaryo diin mao kini ang tulay gikan sa atong langitnong inahan paingon sa Doiyos Amahan. Kay mao gayuy gusto sa Diyos nga ang iyang tinawag ug pinili nga katawhan mahiusa diha sa iyang atubangan inig-abot na sa kataposang paghukom.

Walay lain nga atong buhaton mao ra gayud ang pag-ampo nga ti-unay, kay bisan kadtong mga katawhan nga wala motoo ug wala makaila sa ilang Diyos atong i-ampo, bisan kadtong mga tawo nga gustong mosamok ug moilog niining atong pulo sa Mindanao angay nato silang i-ampo, kay kun kabubut-on gayud sa Diyos nga pinaagi sa atong mga pag-ampo, nan mopasilong sila sa mando sa espiritu santo, kay Diyos lamang ang adunay gahum sa pagpahumok sa matig-a nga kasing-kasing sa tawo.







Ang Kinabuhi Nga Makapahimuot Sa Diyos

N1 TESALONICA 4; 1~12


4 • 1 Dili na kinahanglang sulatan pa mo bahin sa nadugay ug anang panahona ug taknaa. 2 Nasayod na mo nga moabot ang Adlaw sa Ginoo sama sa kawatan sa kagabhion. 3 Kon ang mga tawo dunay paglaom ug kalinaw, kalit nga moabot nila ang kaalaot sama sa pag-antos sa babayeng manganak. Dili sila makalingkawas.

4 Apan kaigsoonan, wala mo sa kangitngit. Busa, dili mo makurat anang adlawa sama sa kawatan. 5 Mga lumolupyo mong tanan sa kahayag ug sa adlaw. Wala ta mahimutang sa kangitngit ug sa kagabhion. 6 Dili ta matulog sama sa uban, apan pabiling igmat ug malinawon. 7 Sa gabii natulog ang mga katulgon; sa gabii sab nahubog ang mga palahubog.

8 Kay nahimutang ta sa adlaw – isul-ob nato ang taming sa pagtoo ug gugma. Ug himoon natong helmet ang paglaom sa kaluwasan. 9 Kay dili gusto ang Diyos nga silotan ta apan, aron maluwas pinaagi ni Cristo Jesus nga atong Ginoo. 10 Namatay siya alang nato aron mosulod ta sa kinabuhi uban niya, buhi o patay. 11 Busa, dasiga ang matag usa. Lig-ona ang usag usa sama sa inyong gibuhat karon. 12 Mga igsoon, naghangyo mi nga pasalamatan ninyo ang naghago alang ninyo: ang nag-una ninyo sa dalan sa Ginoo, ug ang nagsaway ninyo.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang pagkinabuhi nga nagatuman ug nagasunod sa kasugo-an ug kabubut-on sa Diyos maoy hiyas nga gikahimut-an sa Diyos Amahan . Apan ang Diyos masinAbuton nga pagka Diyos diin iyang gipasabot nga ang pagpakanaog sa iyang anak dinhi sa yuta aron sa pagtawag ug sa pagluwas niadtong nasalaag, ug pinaagi diha sa iyang mag unang apostoles gipadayon sa Diyos ang pagpasabot sa mga katawahan sa kabubut-on sa Amahang Diyos.

Gihimong pagtulun-an ang pagkinabuhi ni Jesus dinhi sa yuta diin nagpakatawo siya diha sa panakaubos ngah hut-ong sa kalingban nga walay bahandi nga gibitbit ni mga sundalao o mga sulogoon nga nagaagak. Walay bugtong dala kundili ang pagpaubos ug ang pagkamangindawaton sa tanang pagsulay ilabi niadtong mga Judio nga wala mitoo ug nagbiay-biay kaniya.

Apan ang balaang kasulatan nagapadayag nga kun nagapuyo ka isip nga kristuhanon dinhi sa ibabaw sa yuta nan makaambit ka gayud sa mga pagsulay, kay mao gayuy gusto sa Amahan Diyos nga ang iyang piniling katawhan magatubo nga hupong sa mga pag-ampo ug mga mangindawaton.

Kay ang bala-ang kasulatan nagapasabot gayud nga kung gusto nimo nga mahimong tinun-an ni Cristo pas-ana ang imong krus sa kinabuhi, ug sunod sa mga pagtulun-an nga kristuhanon kay bulahan ka nga nawad-an ug kinabuhi diha sa pagsunod mo sa kasugo-an sa Diyos kay mahatagan ka ug dugang pang kinabuhi apan kun magdumili ka sa pagsunod kang Cristo sa kahadlok nga mawad-an ka ug kinabuhi nan basin kun kawad-an ka hinuon niini.

Sa ato pa mga igsoon ang mga kasakitan ug mga paglutos sa kinabuhi nga imong maambitan nagpasabot lamang usab kini nga haduol ka sa Diyos, ug dili nato kini pagasabton nga nagpakamartir kita ug nagpdaug-daug kita, kay ang mga paglutos ug mga kasakitan nga imong naambitan diha sa pagsunod mo sa Diyos sa kamatuoran, sa pagsunod mo kang Cristo nagpasabot lamang kini nga imong gidawat, imong gipapuyo ug imong gipahari si Jesu-Cristo diha sa imong kasing-kasing.



Ang Pagbalik Sa Ginoo

1 TESALONICA 4:13~18

13 Tahora ug higugmaa sila sa tumang pagbati tungod sa ilang nabuhat; ug pagpuyo mong malinawon uban sa usag usa. 14 Naghangyo mi nga pahimangnoan ninyo ang wala magbudlay. Dasiga ang nawad-an sa paglaom. Tabangi ang mga huyang ug pagmapailobon mo sa tanan. 15 Pag-amping nga walay usa nga mobalos og daotan sa daotan. Hinunoa, paningkamot kanunay nga magmaaghop mo sa tanan. 16 Pagmaya kanunay, 17 pag-ampo sa walay pag-undang ug 18 pasalamat sa Diyos sa tanang panahon. Kini ang buot ipabuhat ninyo sa Diyos, ingon nga Kristyanos.

PAGPAAMBIT SA MENSAHE:

Ang maong ebanghelyo nagpasabot lamang nga kun han-ay na daan ang pag-hiabot ni Jesu Cristo dinhi sa ibabaw sa yuta aron sa pagluwas sa aotng mga kasal-anan 2,000 na ka-tuig ang milabay nan mas han-ay ang iyang pagbalik dinhi sa yuta alang sa kataposang paghukom, diin diha sa ubang sinulat nagaingon nga kun giunsa siya pagbayaw ngadto sa langit diin naabli ang langit ug gisugat siya sa mga anghel nga nanag-awit nan mao usab unya kana ang pagbalik sa Diyos diin pagasaksihan usab sa mga manulunda.

Apan matod pa sa dili pa kana mahitabo daghan ang mga timailhan ang masaksihan sa mga katawhan, daghang mga katalagman nag maambitan nato dinhi sa ibabaw sa kalibutan, Ug niining panahuna ang mga panagna sa balaang kasulatan hinay-hinay na nga natuman diin 90 % na niini ang nahitabo ug diin ania na kita sa mga Gipdayag ni Juan diin matag karon ug unya mga katalagman sama sa sakit, lunop ug mga sobrang kainit ang ating masinati.

Ang Diyos mipadayag nga sobra na kahugaw ang kalibutan hinay-hinayon niya kini a pagsilhig ug tubig ang gamiton niya sa pagsilhig busa kitang iyang mga katawhan dili magbangay-bangay sa pag-ampo aron dili maapil sa pagsilhig. Ug wala nay laing siglo pa nga magpakatawo ug usab ang Ginoo, mao lamang kadto nga siglo, ug wala nay la-ing Cristo nga magpalansang sa sa krus kay human na ang tanan ug niining panahuna mao na kini ang katumanan sa buhat sa espiritu santo nga maoy nagauban kanato hangtod sa kahangturan.

Juan 14: 15 nagaingon, Tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban ang espiritu santo sa kamatuoran nga magauban kaninyo hangtud sa kahangturan, Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagapuyo man siya ug nagauban diha kaninyo.

Sa ato pa mga igsoon ang giya nga gipaabot sa Diyos niini nga pagtulun-an giya sa espiritu santo sa Diyos nga maoy nagatudlo ug nagabadlong diha sa iyang mga katawahan nga masalaypon. Daghang mga giya ug mga pagtulun-an nga gipadayag sa balaang espiritu santo, diin atong masabot nga ang Diyos manganugon gayud sa paglaglag sa iyang mag katawhan nga nagatuman diha sa iyang kasugo-an.

1 Pedro 2: 8 nagaingon nga ang usa kadlaw sa langit sama kini sa 100 libo ka tuig kanato, apan ang usa ka libo ka tuig dinhi sa ibabaw sa kalibutan usa lamang kini ka adlaw didto sa gingharian sa Diyos, nga sa ato pa ang usa ka siglo sama lamang kini sa pila ka Segundo. Diha sa maong kasulatan nagaingon nga kun makita sa Diyos nga naandam na ang tanan nan dili na gayud siya maglangan sa pagbalik, apan daghan pang mga tinago nga pulong nga madayag , busa ang pagbalik sa Diyos dili halayo ug dili usab haduol, apan ang Birhen Maria nagaingon nga unsa may dali-an nga ila man ang tanang oras.



Gipili Kamo Aron Maluwas

2 TESALONICA : 2:13~17


• 13 Apan, nagpasalamat mi sa Diyos sa tanang panahon tungod ninyo, mga igsoon diha sa Ginoo. Kay gipili mo sa Diyos sukad sa sinugdan aron maluwas mo pinaagi sa tinuod nga pagtoo ug mahimong balaan pinaagi sa espiritu. 14 Kini ang katuyoan sa iyang pagtawag ninyo pinaagi sa Ebanghelyo nga among gisangyaw. Pagbuot niya nga maambitan ninyo ang himaya ni Cristo Jesus nga atong Ginoo.
15 Tungod ini, mga igsoon, pagmalig-on mo. Barogi ang mga tradisyon nga among gitudlo sa pulong o sa sulat. 16 Lig-onon unta mo ni Cristo Jesus nga atong Ginoo ug sa Diyos nga atong Amahan nga nahigugma nato. Pinaagi sa iyang kaluoy gihatagan ta sa walay kataposang kalipay ug matuod nga paglaom. 17 Dasigon unta niya ang inyong kasingkasing ug lig-onon sa maayong buluhaton ug pulong.

3 • 1 Ingon sa dili ko na maagwanta busa, mihukom ko sa pag-adto nga mag-inusara sa Atenas. 2 Ipadala ko si Timoteo, atong igsoon, ug alagad sa Diyos sa Ebanghelyo ni Cristo. Buot ko nga lig-onon mo niya ug dasigon sa pagtoo, 3 aron walay mosibog tungod sa inyong mga pagsulay. Nahibawo mo nga kini ang atong dangatan. 4 Samtang diha pa ko, ako mong gipasidan-an: “Sagubangon ta ang panglutos.” Ug natuman ni sama sa inyong nakit-an. 5 Busa, sa dili ko na maantos, gipadala ko si Timoteo aron pagsusi sa inyong pagtoo, basig natumpawak na mo sa mga panulay ug nakawang ang among kabudlay.
6 Bag-o pang miabot si Timoteo gikan ninyo. Mibalita siya sa inyong pagtoo ug gugma. Miingon siya nga naghandom mo namo sa kamaayo ug nangandoy sa pagpakigkita namo. Ingon sab ini ang among gibati. 7 Mga igsoon, sa taliwala sa among pag-antos ug pagsulay, gilipay mi ninyo sa inyong pagtoo. 8 Tinuod ang inyong kalig-on diha sa Ginoo! Busa, buhi sab mi. 9 Unsaon namo pagpasalamat ang Diyos tungod sa kadako sa among kalipay mahitungod ninyo atubangan sa Diyos? 10 Adlaw ug gabii, nagpakiluoy mi niya nga makita mo namog usab aron makumpleto namo ang among pagtudlo sa mga magtotoo.
11 Andamon unta sa Diyos nga atong Amahan ug ni Jesus nga atong Ginoo ang among agianan paingon ninyo. 12 Dugangan unta sa Ginoo ang inyong gugma sa usag usa ug sa tanang tawo, sama sa among paghigugma ninyo. 13 Lig-onon unta niya ang inyong kaugalingon. Sa ingon, mabalaan mo ug mawalay buling sa sala atubangan sa Diyos nga atong Amahan, sa pag-abot ni Jesus nga atong Ginoo uban sa santos mga binuhat

PAGPAAMBIT SA MENSAHE:

Ang maong mensahe maoy pagmatuod lamang diha sa pulong sa Diyos sa balaang kasulatan nga nagaingon “ Didto ka pa sa tago-angkan sa imong inahan, gitawag ko na ikawng daan. Sa ato pa mga igsoon ang Diyos dunay mga pinili nga mga katwahan dinhi sa ibabaw sa kalibutan diin ang uban kanila wala pa mahimugso apan gitawag ug gipili ng daan.

Diha sa ubang pulong nagaingon usab ang Diyos nga dili tanang katawahan dinhi sa ibabaw sa kalibutan pinili ug tinawag sa Diyos sa ato pa adunay mga katawhan nga wala pili-a sa Diyos ug ang mga pinili niya nga mga katawhan wala lang usab gani kini makatunga sa kinatibuk-an.

Nan kadtong wala niya tawga ug pili-a nan dinhi lang usab sila kutob sa kalibutan, apan ang mga pinili sa Diyos maoy gitagaan ug kahigayonan nga maluwas ngadto sa kinabuhing dayun, apan ang Diyos nagaingon nga ang mga pinili pagapili-an pa gayud sa Diyos, paga-alig-igon kun kinsay angayan nga mahiadto sa iyang gingharian sa langit.

Sa ato pa mga igsoon ang pagkatinawag ug pagkapinili dili kini garantiya mga mahiadto ka sa gingharian sa Diyos nan unsa na kaha kadto wala tawga ug pili-a. Nagpasabot lamang kini mga igsoon nga walay makapanganti sa tawo nga siya maluwas bisan diha sa maayo niyang binuhatan, kay ang pulong sa Diyos naga-ingon nga ang kaluwasan nga iyang gisaad pinaagi sa iyang bugtong anak dili kini premyo o ganti tungod sa maayong binuhatan, aron sa ingon walay magpasigarbo diha sa atubangan sa Diyos nga siya maluwas tungod sa maayong binuhatan kundili ang kaluwasan grasya kini gikan sa Diyos tungod sa iyang gugma ug kalooy kanatong mga katawhan.

Busa dili diay kita angay mokumpiyansa kay matod pa diha sa ubang sinulat sa balaang kasulatan bisan kadtong mga katawhan nga adunay mga pag-ampo, sa higayon nga mobalik na ang iyang kalag ngadto sa laing kalibutan, nan dili niya masigurado nga mahiadto kini sa gingharian sa langit, ug mas labaw nga walay siguro nga maluwas kadtong mag kalag sa mga katawhan nga walay mga pag-ampo.

Apan matod pa diha sa ubang sinulat sa balaang kasulatan. Ang kamatuoran nagahatag kanato ug kagawasan, Ug bulahan kita kay niining nga kamatuoran nga atong nakaplagan gipadayag sa Diyos ang iyang kabubut-on, ang unsay gusto niya nga mga pag-ampo nga maoy gustong madungog sa atong langitnong Amahan didto sa iyang gingharian. Diha sa mga hini-usa nato nga pag-ampo sama niining worship , madungog kini ug maoabot didto sa gingharian sa langit.

Ug bulahan ang nakakaplag niining maong kamatuoran , kay nahibalo kita nga ang mga pag-ampo didto sa santa krus maoy nahimut-an sa Diyos diha sa mga misyon ug mga pagsangyaw diin nadawat ug gidawat ang mga pagbiay-biay ug mga pagtamay, kay ang Diyos miingon nga dili kamo ang ilang gitamay kundili Ako nga inyong Diyos nga nagsugo kaninyo.

Apan sa laing bahin nagaingon usab ang atong birhen Maria nga wala may kalainan ang mga pag-ampo diha sa mga magarbong templo ug didto sa mga hilit ug bakilid nga bukid sa santa krus kay Ginoo man gihapon ang atong giampo-an apan matod niya aduna lamay kulang , kulang ang ilang sakripisyo

Ang mga pag-ampo nga gitudlo sa Diyos diha niining maong pagtulon-an maoy pag-ampo nga mga bulohaton didto sa iyang gingharian sa langit , kay matod pa mao kini ang pagsimba didto sa langit, diin ang kalibutan mao man ang nagpasakit ug nagkastigo kang Cristo Jesus nan kita nga mag sumosunod ug tumutoo ni Cristo samtang ania pa sa kalibutan makaambit gayud kamo sa mga paglutos. Ang Diyos miingon mahibaw-an ninyo kun ako kanang mga pagtulun-an nga inyong gisunod ka makaambit gayud kamo sa mga kalisdanan.

Diha sa ubang pulong sa Diyos sa balaang kasulatan nagaingon “ Kun gusto ninyong himaya-on ug daygon didto sa iyang gingharian sa langit nan puy-i ang kinabuhi nga puno sa mag paglutos ug mag kasakitan dinhi sa yuta, pas-ana ang imong krus sa kinabuhi ug sunod sa mga pagtulon-an nga gisangyaw ni Cristo , kay bulahan ka nga nakaambit diha sa mga kasakitan ug mga paglutos ni Jesu Cristo didto sa krus sa kalbaryo kay makaambit ka usab sa himaya sa iyang pagkabanhaw didto sa iyang gingharian sa langit.





Friday, June 18, 2010

Gisalikway Si Jesus Sa Nazareth

MATEO 13: 53~57


• 53 Humag asoy ni Jesus ining mga sambingaya, mibiya siya sa maong dapit; 54 miadto sa kaugalingong lung-sod ug nanudlo sa mga tawo sa ilang sinagoga. Natingala sila ug miingon: “Diin niya kuhaa ang kaalam ug ang talagsaong gahom? 55 Dili ba, anak man siya sa panday? Ug si Maria ang iyang inahan? Dili ba, si Jaime, Jose, Simon ug Judas ang iyang mga igso-on? 56 Dili ba, ang mga igsoon niyang babaye nagpuyo man dinhi? Nganong nakaangkon man siya ining tanan?” 57 Busa, gikasilagan siya.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pagtulon-an nga gisangyaw sa Diyos diin nagpasabot kini diha sa laing bahin sa iyang pulong nga nagkanayon ang bantogan nga propeta dili gayud pagailhon diha sa iyang kaugalingon nga lugar. Diha asa ubang pulong nagaingon na sa edad nga 30 nagasugod na sa pagsangyaw si Jesu Cristo, apan gikan sa edad nga 12 paingon sa 30 diha lamang usab siya nagapuyo tipon sa iyang Amahan ug inahan nga si Jose ug Maria mao nga ang mga silingan ug mga katawhan diha sa maong lugar nakakita ug nakaila bahin kang Jesus.

Sa dihang siya nagasangyaw sa iglisea sa iyang Amahang Diyos daghan ang natingala diin nasayod man sila nga wala siya makaeskwela apan hupong sa kaalam ang iyang mga pulong. Gipamatuod lamang sa Diyos Amahan ang iyang pulong diha sa ubang sinulat sa balaang kasulatan nga nagaingon si Jesu-Cristo mao ang gahum ug ang kaalam sa Diyos. Namulong si Jesus ingon nga tawo sa ilang atubangan apan ang pulong nga ilang nadungog pulong sa langitnong Amahan kay Si Jesus nga ilang nailhan nga anak sa panday …bugtong anak sa Diyos ug sumosunod sa iyang gingharian sa langit. Ug bantugang propeta sa mga propeta

Daghan ang nagduda, ug nagtuo nga nagpakaimpostor laamang si Jesus diha sa iyang pagsangyaw…ug wala nila tuho-i ang iyang mga milagro, Nagpamatuod lamang nga ang pagsangyaw sa pulong sa Diyos ug ang pagdawat nato sa kamatuoran diha sa mga ebanghelyo nagpakita kini ug nagkinahanglan ug dakong pagtuo, kay motuhop lamang ang mga milagro sa Diyos diha sa matag tawo kun kanang mga tawhana bug-os ang ilang pagtuo ngadto sa Diyos, kay matod pa sa ubang mga sinulat ang patuo maoy usa ka paagi sa atong paglaom ngadto sa mga butang ug mga binuhat nga dili makita ug mahikap.


Bag-o Ug Karaaang Mga Kamatuoran

MATEO: 13:51~52


51 Nangutana si Jesus: “Nakasabot ba mo ining tanan?” “Oo,” mitubag sila. 52 Busa, miingon siya: Makita ninyo nga ang tanang magtutudlo sa Balaod nga mahimong tinun-an sa Gingharian sama sa tagbalay nga makakuhag bag-o ug daang butang gikan sa iyang tipiganan

PAGPAAMBIT SA MENSAHE:

Ang maong ebanghelyo nagpasabot lamang nga ang pagtulun-an nga iya sa balaod sa tawo ug ang pagtulun-an nga iya sa Diyos ug sa tawo dili gayud mahitabo nga magkasagol. Apan kining nga pagtulon-o balaod sa tawo gitugotan sa Diyos aron mamahimong pagsukod usab sa kabubut-on sa tawo.

Diha niining maong ebanghelyo nagpasabot ang Diyos nga ang magtutuo nga suheto sa balaod kun makakaplag sa mga pagtulun-an nga Diyosnon nan sama siya sa tagbalay nga nakaplag ug mga daan ug bag-o nga butang diha sa iyang tipiganan.

Ang pagtulun-an nga iya sa langit walay pakadaan ug sa kanunay magapabilin kini diha sa pagtulonn-an ug mga panumduman sa iyang mga tinawag ug pinili. Kay matod pa diha sa ubang sinulat Si Jesu-Cristo nga tuburan sa kaalam sa Diyos mao sa gihapon kaniadto ug karon ug sa umaabot.

Ang patulun-an sa balaod gitugot kini sa Diyos aron sa pag-alig-ig usab sa iyang mga katawhan, apan ang balaod nga binuhat sa tawo adunay nabintaha-an,, kay ang nagabuhat niini kadto man usab nga mga katawhan nga adunay mga kuwarta, demodo katong mga kabos ug mga timawa sa kanunay makadawat gayud sa mga paglutos.

Apan ang pagtulun-an nga gisangyaw ni Jesu Cristo nga maoy gihimong gabay sa iyang unang mga tinawag maoy iyang gihimong sukaranan diha sa iyang ehemplo sa iyang pagpakatawo niining kalibutan.

Ang pagtulun-an nga iya sa Diyos maoy bitamina sa imong kalag diin mamahimong lig-on ang imong kalag ug esperitu diin mao kining mga pagtulun-ana ang imong mabawon ngadto sa laing kalibutan


Thursday, June 17, 2010

Ang Sambingay Mahitungod Sa Baling

MATEO 13: 47~50



• 47 Ang gingharian sa langit sama sab sa dakong baling nga gitaktak sa dagat ug nakakuha sa tanang matang sa isda. 48 Inigkapuno sa baling, bitaron ni sa baybayon. Unya, ang mga tawo manglingkod ug manghagpat sa ma-ayo nga ilang isulod sa mga bukag, ug isalibay ang way pulos. 49 Kini ang mahitabo sa kataposan sa panahon. Ang mga anghel manganhi aron pag-lain sa maayo ug sa daotan 50nga itambog sa nagdilaab nga hudno. Didto maghilak sila ug magkagot sa ngipon.”

PAGPAAMBIT SA MENSAHE:

Ang maong ebanghelyo nagpasabot lamang diha sa ubang pulong sa Diyos Amahan nga daghan ang iyang tinawag ug pinili nga mga katawhan dinhi sa ibabaw sa kalibutan, sukad pa sa pagsukod niining maong kalibutan ug hangtod niining panahuna, diin sama kini sa balas sa baybayon ang mga katawhan nga tinawag ug pinili sa Diyos, diin sama niining maong sambingay nga panag-ingnan sa baling nga tanan klase nga isda nakasulod sa maong baling diin pagapili-an pa kini ug ang dili maayong isda ibalibag kay walay pulos.

Ingon niana ang mga katawhan nga pinili sa Diyos, ug nagapasabot kini mga igsoon nga dili tanan masulod sa baling nga sa ato pa dili pod tanan nga katawhan tinawag ug pinili sa Diyos, maayo lang kun adunay katunga nga pinili ug tinawag sa Diyos, nan kadtong wala tawga ug pili-a nan dinhi lang sila sa kalibutan, apan kadtong pinili ug tinawag sa Diyos pagapili-an pa pag-usab.

Sa ato pa mga igsoon, ang katawhan nga mga pinili sa diyos paga-alig-igon una ug ang mabilin maoy mahatagan ug kinabuhing dayun didto sa iyang gingharian sa langit, Sa ato pa mga igsoon diha sa pagtulon-an nga imong nakaplagan diin sa kanunay nagasunod ka sa mga pagtulon-an nga gisangyaw ni Jesu-Cristo, wala kini magpasabot nga sigurado na ang imong kaluwsan, kay matod pa dili ang imong relihiyon ang makaluwas kanimo kundili ang imong pagsunod sa mga kasugo-an ug kabubut-on sa Diyos.

Pangutana, hain man nga pagtulun-an ang makasiguro ka sa imong kaluwasan, Aduna ba? Ang pulong sa Diyos nagpasabot nga mga giya lamang ang gitudlo sa matag pagtulon-an ngadto sa dalan sa kaluwasan apan daghan usab nga mag pagtulun-an niining panahuna nga nahimong salingkapaw ang ilang pagpadayag sa matuod nag kaluwasan kay nabutahan sila sa mga butang nga kalibutanon diin ilang gitukod ang gingharian sa Diyos ginamit ang mga tawhanon nga kaalam.

Ang pulong sa Diyos naga-ingon, mahibaw-an ninyo kun ako kanang pagtulon-an nga inyong gibarugan kay maka-ambit gayud kamo sa mga paglutos, Diha sa balaang kasulatan nagpasabot usab nga kun katawhan ka ni Jesu-Cristo nan makaambit ka gayud sa mga paglutos. Kini nga pagtulun-an nga atong gibarugan ang tinago nga kamatuoran maoy pinaka-ubos nga pagtulon-an dinhi sa ibabaw sa yuta apan pinakataas didto sa gingharian sa Dios kay tinukod kini sa espiritu santo sa kamatuoran, nga maoy gisaad ni Jesu Cristo diha sa iyang pulong sa Juan 14: 15 nga miingon siya, “ Tumana ninyo ang akong mga sugo kay mangayo ako sa Amahan ug hatagan kamo niya ug lain manlalaban, Ang espiritu sa kamatuoran nga magauban kaninyo hangtod sa kahangturan. Ang kalibutan dili makadawat kaniya kay dili man Sila makakita ni makaila kaniya apan makaila kamo kaniya kay nagauban ug nagapuyo man siya diha kaninyo”.


Ang Sambingay Mahitungod Sa mutya

MATEO 13: 45~46


45 Ang gingharian sa Langit sama sab sa komersyanti nga nangitag nindot nga mga mutya. 46 Sa nakaka-plag na siyag usa nga may talagsaong kanindot, milakaw siya ug gibaligya ang tanang kabtangan ug gipalit ang mutya.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang bahandi nga langitnon lisod kini pangitaon kay dili man kini mahikap ni Makita, dinha sa maong pasumbingay usa ka panag-ingnan ang usa ka binuhat nga nangita ug mutya ug sa sa dihang nakakita na mibalik siya sa ilaha ug gibaligya ang iyang mag kabtangan aron mapalit niya ang maong mutya.

Kini nagpasabot lamang nga daghan nangita ug nakakita sa bahandi nga langitnon nga mao ang kaluwasana nga dayon diin aron kini imong mahuptan nan biyaan nimo ang mga kalibutanon nga mga kailibgon, biyaan nimo ang mga materyal nga mga butang ug maoy imong atimanon ug tigomon ang bahandi nga langitnon.

Diha sa ubang sinulat nagaingon nga unsa may maarang sa tawo nga sa iyang paghiabot dinhi sa ibabaw sa kalibutan hubo man siya sa tanan ug sa iyang pagtalikod niini nga kalibutan nan biyaan man usab niya ang tanan niyang bahandi nga kalibutanon.

Diha sa ubang sinulat nagaingon, Nga adunahan man ang tawo kun kuntento na siya kun unsay anaa kaniya, kay kun magtigom kag bahandi dinhi sa yuta diin pagakutkuton sa anay ug adunay kawatan nga magasaka, diin mas bulahan kun ang imong bahandi nga gitigom …bahandi nga langitnon diin walay anay nag magakutkut ug walay kawatan nga mgasaka, diin mao kini bahandi nga dili Makita ug dili mahikap bahandi nga espirituhanon diin maoy imong i-atubang inig-abot sa adlaw sa dakong paghukom.

Ang buhing pulong sa Diyos espiritu santo nagaingon, “ Kun nasayod pa lang unta kamo kun unsay atua didto sa gingharian sa langit nan biyaan unta ninyo ang tanang bahandi niining kalibutana ug maoy inyong sigurohon kun unsaon ang paghiabot ninyo didto sa gingharian sa langit”.

Ang Pagtulon-an Ni Jesus Mahitungod Sa Pag-ampo

LUCAS 11:1~12


11 • 1 Usa ana ka adlaw, nag-ampo si Jesus. Human ini miingon niya ang usa sa iyang mga tinun-an: “Ginoo, tudloi mi sa pag-ampo ingon nga gitudloan ni Juan ang iyang mga tinun-an.” 2 Miingon si Jesus: “Ingna ini pag-ampo:
Amahan namo, naa sa langit ang imong ngalan, moabot ang imong gingharian.
Matuman ang imong kabubut-on
didto sa langit ingon man dinhi sa yuta.
3 Hatagi mi sa adlaw adlaw namong pan.
4 Pasayloa mi sa among mga sala;
kay pasayloon sab namo ang tanan nga nakahimo namog sayop; ayaw mig itugyan sa panulay, ug luwasa mi sa daotan.”
• 5 Miingon si Jesus: “Kon ang usa ninyo may higala nga iyang giadto sa tungang gabii ug giingnan: ‘Higala, pabayloa kog tulo ka pan, 6 kay mao pay pag-abot gikan sa byahe sa akong higala ug wala koy ikapakaon niya.’ 7 Hayan tubagon ka sa naa sulod sa balay: ‘Ayaw kog tugawa. Nanrangka na ko sa pultahan. Nanghigda na mi ug ang mga bata. Dili na ko mobangon aron paghatag nimo sa pan.’ 8 Ingnon tamo, kondili siya mobangon tungod sa ilang pagkahigala, mobangon siya ug ihatag ang gikinahanglan tungod sa pamugos.
9 Ingnon tamo: pangayo ug hatagan mo, pangita ug inyong makaplagan, panuktok ug ablihan alang ninyo ang pultahan. 10 Makadawat gyod ang mangayo; makakaplag ang mangita ug ablihan ang manuktok.
11 Kinsa ninyong mga amahan ang mohatag og bitin sa anak nga nangayog isda? 12 Kinsay mohatag og tanga kon itlog ang gipangayo? 13 Kon kamong mga daotan mahibawong mohatag og maayong mga gasa sa anak, unsa pa kaha ang Amahan sa langit? Mohatag siya sa balaang Espiritu sa mangayo niya.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pag-ampo nga maoy atong bugtong paagi sa pagpakig-istorya sa Diyos. Diha niining maong ebanghelyo nagpasabot ang Ginoo nga diha sa balaang kasulatan ang pag-ampo nga iyang gihan-ay para sa iyang mga sumosunod mao man gayud ang Amahan Namo.

Bisan si Jesu Cristo diha sa iyang pagpakatawo dinhi sa ibabaw sa kalibutan naga-ampo sa langitnong Amahan diin mao kini ang iyang paagi sa pagpakig-istorya ngadto sa Amahang Diyos.

Kita nga iyang mga katawhan ug mga sumosunod diha niining kristuhanon nga pagtulon-an giaghat usab sa Diyos diha sa kanunay nga pag-ampo. Ang pangutana madungog ba kaha sa Diyos ang atong mga pag-ampo? Ang Diyos Amahan miingon , pinaagi sa iyang mga propeta, Nga walay pag-ampo dinhi sa ibabaw sa kalibutan nga wala niya madunggi, ang tanan iyang hidunggan, Apan matod pa niya nga dili ang tanan nakadawat sa iyang panalangin kay matod pa kadaghanan sa mga naga-ampo ngadto kaniya wala magsumikad gikan sa iyang kasingkasing kundili nagsumikad lamang sa tumoy sa ilang dila.

Matod pa diha sa ubang sinulat nga mas bulahan kun kita nga nagaampo ngadto sa atong langitnong Amahan, Ikaw ra ug ang Diyos maoy nasayod sa ato pa mag-ampo kita diha sa tago nga lugar, diin mas maayo nga magaampo kita diha sa sulod sa atong kuwarto, iluhod nato ang atong mga tiil ug ibayaw nato ang atong mga kamot, diin mangaliyupo kita sa kaluoy sa Diyos ug mas maayo nga hilakan nato ang kaluoy sa Diyos.

Apan bisan asa nga dapit matod pa anaa ang Diyos naminaw ug nakabati diha sa atong mga pag-ampo, kay matod pa diha sa ubang sinulat, usa, duha ug tulo nga naga-ampo diha sa atubangan anaa si Jesu Cristo nagauban kanato. Diin bulahan nga sa kanunay kita naga-uban sa Diyos kay sa kanunay usab makadawat sa panalangin ang atong kalag, ug bulahan usab nga sa kanunay atong mga pag-ampo gidungog kini sa Diyos kay matod pa sa buhing pulong sa Diyos nganong dili ko man ihatag ang imong gipangayo kun kini kaayuhan man.

Wednesday, June 16, 2010

Ang Kahayag Sa Lawas

LUCAS 11:33~36


33 Walay magdagkot og suga aron tagoan. Hinunoa, ipahimutang ni sa tungtonganan aron ang manganhang katawhan makakita sa kahayag. 34 Ang mata suga sa lawas. Kon ang mata klaro kaayog tinan-awan, ang tibuok pagkatawo matabangan tungod sa kahayag. Kon ang panan-aw dili maayo, ang tibuok pagkatawo mawad-an sa kahayag. 35 Busa, pagmatngon nga ang kahayag sa sulod nimo dili makangitngit. 36 Kon ang tibuok mong pagkatawo midawat sa kahayag ug walay bahin ini nga nangitngitan, mapuno ka sa kahayag sama nga ang sanag nga siga sa lampara nagdan-ag nimo.

PAGPA-AMBIT SA MENSAHE:

Ang maong ebannghelyo maoy sambingay bahin sa pagsangyaw niining maong tinago nga kamatuoran diin kun naambitan nimo ug nasabtan ang buhat sa espiritu santo ug ang mga doktrina niini nga pagtulun-an nan mas bulahan nga imo kining ipaambit diha sa imong mga igsoon ug mga kaubanan diha sa panimalay ug diha sa imong komunidad nga nahimutangan, kay matod pa walay magdagkot ug kandila aron pagatago-an lamang kundili ipadan-ag gayud kini diha sa hawanan aron makita sa uban ug makakita usab kadtong wala pa makakita. Sa ingon unya niini ikaw ang mamahimong sumbanan sa kahayag ug sumbanan sa kaluwasan sa ilang mga kalag.

Sa dihang nagmilagro ang Mahal nga birhen Maria kaniadtong May 13, 1917 didto sa Fatima ,Portugal diin nagpakita siya sa tulo ka mga inosenteng mga binuhat ,sila kini si Lucia Santos, Jacinta ug Francisco Marco, miingon ang mahal nga birhen nga tinuod nga adunay impyerno ug adunay kinabuhi human sa kamatayon ug naga-aghat gayud siya sa pagsantos nga rosaryo ug sa pagsangyaw gayud sa pagtulun-an nga imong nakaplagan, kay matod pa tulobagon sa matag magtutu-o kun adunay kalag nga natunaw didto sa impyerno tungod lamang kay wala siya masangyawi sa maayong balita niadtong nagkinabuhi pa kini uban kanato. Apan bulahan usab kun adunay kalag nga tungod sa imong pagsangyaw kaniya nakaambit sa kaluwasang dayun kay sama man usab unya nga naluwas mo ang imong kaugalingong kalag.

Ang Diyos Amahan usab naga-aghat kanato sa pagsangyaw sa iyang pulong diha sa mga misyon ug sa mga ebanghelyo, Apan mipasidaan siya sa pai-ingon nga isangyaw ang akong pulong sa makausa, makaduha ug makatulo lamang ug kun dili maminaw biyai sa walay paglingi kay wala ipamugos sa Diyos ang iyang gingharian sa langit ug mas labaw nga wala niya ipamugos ang kaluwasang dayun nga iyang gisaad pinagi sa iyang bugtong anak.

Sa ato pa mga igsoon ang kahayag nga imong naambitan pinagi diha sa pagtawag sa Diyos kanimo niining pagtulon-an nga imong naambitan kahayag kini nag lamdag sa espiritu santo sa Diyos , diin diha sa pagsangyaw ug pagpadan-ag sa kahayag nga anaa kanimo ipadayag lamang usab kini sebo sa iyang kabubut-on kay matod pa bisan ug usa ka adlaw nimo kini ipaambit ngadto sa imong isigkatawo kun wala kaniya magapuyo si Jesu Cristo nan kawang lamang ang tanan, kay ang Diyos nagatawag ug nagapili sa iyang mga katawhan sa paagi nga Diyos lamang usab ang nasayod.



Ang Pagbalik Sa Dautang Espiritu

LUCAS 11: 24~26



• 24 Kon mogawas sa tawo ang hugawng espiritu, magsuroysuroy ni sa ubang dapit ug mangitag kapahulayan. Kon walay makaplagan, moingon siya: ‘Mobalik ko sa gigikanan kong pinuy-anan.’ 25 Sa pag-abot, iya ning makaplagan nga sinilhigan ug hapsay. 26 Moadto siya ug kuhaon niya ang pito ka laing espiritu nga mas daotan pa kay kaniya; mosulod ni sa pinuy-anan ug adto na manimuyo. Busa, mas daotan ang kahimtang sa maong tawo karon kay sa sinugdan.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa Diyos nga nagaingon nga kun ang Espiritu Santo anaa sa imong tuo ang dautang espiritu usab anaa sa imong wala diin sa kanunay nagahulat lamang kun kanus-a makakIta ug higayon aron magAsamok kanimo. Mao kini ang kamatuoran diha sa pulong sa balaang bata Señor Santo Niño nga nagaingon: Bisan unsaon pa sa tawo makasala gayud siya sa pulong sa huna-huna ug sa buhat.

Apan ang Diyos masinabuton ug hataas ang iyang pasensya, diin 2000 ka tuig na ang milabay apan sa kanunay naghatag ug kapasaylo-an sa atong mga sala , kay mao na gayud kini ang tahas sa atong tawhanon nga pagkinabuhi, ang pagpuyo nga haduol sa mga kasal-anan.

Bayente katuig ang milabay , 1984, pinaagi sa giya sa espiritu santo gitukod sa Diyos kini nga pagtulon-an ang Tinago Nga Kamatuoran aron mapadayag ang kabubut-on ug kasugo-an sa Diyos ug aron usab mahatagan ug dugang panalipod ang iyang mga tinawag ug pinili nga katawhan. Nagatudlo ang Diyos espiritu santo ug pangadye-on nga “Self Casting” ug Panalipod aron mahatagan ug dakong panalipod ang iyang mga katawhan nag nagaampo.

Daghang mga proseso ang gitudlo sa espiritu santo niini nga pagtulon-an aron sa pag-abog sa dautang espiritu, diin niining panahuna nag-anam usab kakusog ang binuhatan ug kabubut-on sa dautang espiritu , diin ang tawo kun walay pag-ampo ug ang tawo nga wala ipapuyo si Jesu Cristo diha sa iyang knabuhi nan dali gayud kaayong sudlan sa dautang espiritu.

Mao nga sa kanunay dinhi nining nga pagtulon-an ang tinago nga kamatuoran, ang Romano Katoliko nga pagtulon-an nagadasig gayud sa mga pag-ampo, diha sa santos nga rosaryo, labi na sa dili pa matulog ug ingon usab sa dili pa mobakod aron sa ingon mahatagan sa kanunay nga panalangin ang imong espiritu ug ang imong kalag nga lig-on ug dili matarog sa hulga sa dautang espiritu.

Ang Tinuod Nga Kabulahanan

LUCAS 11::27~28

• 27 Samtang nagsulti pa si Jesus, may babaye gikan sa katawhan nga namulong: “Bulahan ang nagsabak ug ang nagmatuto nimo!” 28 Mitubag si Jesus: “Sa labing tinuod, bulahan ang naminaw ug namati sa pulong sa Diyos ug nagtuman niini.”

PAGPAAMBIT SA MENSAHE:

Ang maong ebanghelyo nagpamatuod lamang nga bulahan ang mga tawo nga naminaw sa pulong sa Diyos, diin ila kining gibutang sa ilang kasingkasing ug panumduman. Kay matod pa diha sa ubang sinulat kadaghanan sa pulong nga gipadayag sa Diyos Amahan nagaagi kini ug sambingay, sa ato pa dili ang tanan nakaambit, makadungog ug makasabot sa pulong sa Diyos aron sa ingon kadtong wala tawga ug pilia sa Diyos dili gayud makasabot sa iyang mga pulong.

Diha sa ubang sinulat nagaingon nga moabot sa Diyos sa usa ka gutlo sa atong kinabuhi sa paagi nga waal nato damha kay matod pa ang pinili ug ang mga tinawag nga ka tawhan sa Diyos sa kanunay adunay nakaandam ang Diyos para kanila, Diin bulahan kadtong nakabati lamang sa mga pulong sa Diyos ug mito-o bisan wala sila makakita ni makaila kaniya.

Ug diha sa ubang sinulat nagaingon usab nga lahi-lahi ang pagtawag kanato sa Diyos, diin dili pod tanan nga nagasangpit sa Diyos ang makasulod sa iyang gingharian kundili kadto lamang nagasunod sa iyang kabubut-on. Sa laing bahin nagaingon usab ang Diyos nga tawgon niya ang iyang mga pinili nga katawhan pinaagi sa balatian kay mao lamang kini ang bugtong paagi nga maningkamot ang tawo sa pag-ila sa Diyos ilabina kun ang iyang balatian wala nay kaayuhan.

Ang mahinungdano sa Diyos mao gayud ang kaluwasan sa atong kalag kay matod pa mao man kini ang mangatubang diha sa kataposang paghukom diin pagasul-oban sa espirituhanong lawas, apan dinhi niini walog sa mga buhi ang Diyos matod pa nagahatag kanato ug tulo ka matang sa kinabuhi, una ang atong materyal nga lawas ikaduha ang atong espiritu ug ang ikatulo ang atong kalag. Ang atong materyal nga lawas sa atong kamatayon magpabilin kini dinhi sa yuta ug mobalik kini sa abog, ug ang atong espiritu mobalik kini sa Diyos diin maoy nagasumbong sa atong mga kasal-anan sa adlaw nga tanan kay diay diha sa atong pagkatulog mogawas ang atong espiritu ug mobalik ngadto sa Diyos Amahan aron sa pagsumbong sa atong mga binuhatan diin ang atong kalag mao magapabiling buhi nga maoy magahulat diha sa kataposang paghukom.

Sa ato pa mga igsuon bulahan ka nga naminaw ug mamati ug nagpatalinghug ka sa pulong sa Diyos diin makadawat sa panalangin ang imong kalag ug espiritu, Bulahan nga nagpakita ka ug pagtuo nadto sa mga ebanghelyo nga imong nadungog, kay matod pa sa balaang kasulatan ang pagtuo maoy atong pagsalig ug paglaom sa mga butang nga dili nato makita ug mahikap. Apan sumala usab diha sa mga sinulat ni Santiago 2: 26 nagaingon “Kay kun patay ang alwas kun wala nay spiritu, Patay usab pagtuo kun walay buhat , busa kulang pa diay ang atong nadungog ug atong naambitan nga mga maayong balita kundili nato kini ipakita diha sa atong mga buhat nga kristuhanon.

Apan lagi dili ato ang paghukom diha sa nabatunan nga pagtuo sa atong isigkatawo kay matod pa diha sa pulong sa espiritu santo ang pagtuo dili masulod pinaagi sa tawhanon nga sukdanan, apan masukod kini pinaagi sa espirituhanon nga sukdanan kay anaa man kini nahimutang sa atong panumduman ug sa atong kasingkasing, busa dili kita maghukom sa atong isigkatwo, ang pulong sa Diyos Amahan nagaingon “Ayaw tan-awa ang imong isigkatawo siguro-a ang imong kaluwasan”.

Tuesday, June 15, 2010

Mga Sulogoon Sa Diyos

1 CORINTO 3:1~23



3 • 1 Apan mga igsoon, wala tamo ikahinabi isip mga tawong espirituhaon kondili, nga lawasnon, mga masuso diha ni Cristo. 2 Gatas ang akong gipainom ninyo, dili gahing pagkaon, kay dili pa mo makasugakod hangtod karon. Bisan gani karon, dili mo makahimo, 3 kay yutan-on ug naglakat gihapon mo sama sa mga ordinaryong tawo.
4 Samtang may nag-ingon: “Kang Pablo ko,” ug, “Kang Apolo ko,” dili ba mga yutan-on mo? 5 Kinsa diay si Apolo? Ug si Pablo? Mga alagad sila. Pinaagi nila mitoo mo sumala sa gian- dam sa Ginoo alang sa usag usa. 6 Akoy nagtanom, si Apolo ang nagbisibis, ug ang Diyos ang nagpatubo. 7 Dili importanti kinsay nagtanom o nagbisibis kondili, ang Diyos nga nagpatubo.
8 Parehog tumong ang nagtanom ug ang nagbisibis; gantihan ang matag usa pinasikad sa iyang kabudlay. 9 Mga mamumuo ta uban sa Diyos, apan uma mo sa Diyos ug balay niya.
10 Sa grasya sa Diyos nga gitugyan kanako daw maalamon nga magtutukod, akoy nagbutang sa sukaranan. Lain ang motukod. Mag-amping lang ang matag usa kon unsaon pagtukod. 11 Dili makahimo pagbutang ang usa ka tawo sa laing sukaranan gawas sa gikabutang na, si JesuCristo. 12 Apan sa pagtukod sa maong sukaranan, may mogamit og bulawan, plata, mahalong mga bato, kahoy, dagami o uhot. 13 Ipakita ang kalidad sa binuhatan sa matag usa sa adlaw sa pagbutyag ini. Kay ipadayag ni sa kalayo ug sulayan ang matang sa binuhatan sa tawo. 14 Kon molungtad ang gibuhat sa nagtukod, gantihan siya. 15 Kon matun-as, mag-antos siya sa kadaot. Maluwas man tuod siya, apan pinaagi lang sa kalayo.
• 16 Wala ba mo masayod nga mga templo mo sa Diyos ug napuyo ninyo ang espiritu sa Diyos? 17 Ang moguba sa templo sa Diyos, gub-on sab sa Diyos. Balaan ang templo sa Diyos ug iya mong mga templo.

• 18 Wala untay manglimbong sa kaugalingon. Kon may usa ninyo nga magpakamaalamon ining kalibotana, magpakabuang siya aron mamaalamon. 19 Kay ang kaalam ining kalibotana giisip sa Diyos nga kabuang. Sa pagkatinuod, nasulat: Makuha sa Diyos ang maalamon sa kaugalingong kaalam. 20 Sa laing bahin nasulat sab: Nasayod ang Ginoo sa mga hunahuna sa maalamon, walay kapuslanan ang tanan.
21 Busa, ayawg ipasigarbo si bisag kinsa; kay inyoha ang tanang butang 22 bisan si Pablo o si Apolo o si Kefas o ang karon ug ugma. 23 Inyoha ang tanan, ug iya mo ni Cristo, ug si Cristo iya sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga kasugo-an sa ios diin iyang gitawag ang una niyang mga apostoles nga pulos hubo sa mga kaalam nga iya sa Dios , una niyang gitawag ang usa ka mananagat nga ginganlag ug Simon diin miingon siya diha sa ubang sinulat sa Mateo 16: 18 nagaingon Simon ikaw si Pedro ibabaw niining bato itongtong ko ang akong iglisea ni ang kamatayon dili makabuntog niini. Kini nagpasabot mga igsoon nga ang unang mag sulogoon sa Diyos , ang mag mabuot nga mga apostoles pinangulohan ni Pedro sa sinugdanan pa lamang mao gayuy gitahasan ni Jesu Cristo sa pagtulun-an nga iyang gitukod kining pagtulun-an sa tinago nga kamatuoran.

Unsa man ang sumabanan sa Diyos sa pagtawag ug pagpili sa iyang mga sulogoon, Ang balaang kasulatan nagpasabot nga didto ka pa sa tago-angkan sa imong inahan gitawag ka nang daan sa ato pa mga igsoon ang pagka sulogoon ug pagka sumosunod sa kasugoan ug pagtulon-an ni Cristo dili kini kabubut-on sa tawo kundili kabubut-on ra usab sa Diyos.

Ang pagtawag sa Diyos kanato wala magapili kun dato kun buotan ka o aduna kay kaalam niining kalibutana, kay ang kaalam ug kasugo-an nga gihatag sa Diyos ngadto sa iyang mga sulogoon mao kini gitawag nga talagsaon nga kaalam ug talagsaon nga kasugo-an, talagsaon sa ngalan nga Dios Amahan ang nagahatag niini, talagsaon tungod kay ang kasugoaan nga gihatag kanimo nagdala kini ug tinago nga kaalam ug tinago nga gasa , tinago tungod kay ikaw lamang ug ang Diyos maoy nahibawo niini.

Ang tahas sa mga sulogoon ni Cristo sa unang panahun walay kalainan sa iyang mga sulogoon niining ilatulong siglo, ang balaang kasulatan nagaingon nga kun iya ka ni Cristo nan makaambit ka gayud sa mga paglutos, apan kun moingon ka nga nagasunod ka sa kasugo-an ni Cristo tungod kay sulogoon ka sa Diyos apan nagdumot ka sa imong isig katawo nan wala ka pa magpuyo sa kahayag ana-a ka pa sa kangitngit. , Kun nagsunod ka sa pagtulon-an ni Cristo nan makaambit ka gayud sa mga paglutos.

Matod pa ni Pablo diha sa iyang sinulat 1 Corinto 2 nagaingon siya nga wala siya mamulong pinaagi diha mga hinashasan mga pinilulongan kundili nakurog siya sa kahadlok diha sa iyang kaugalingon mga istorya apan pinaagi sa giya sa Diyos espiritu santo ang iyang pagsangyaw wala magsumikad sa kaalam sa tawo kundili nagsumikad sa kaalam sa Diyos.

Ang Diyos miingon diha sa atong mga misyon sa mga lagyong dapit, Miingon siya isangyaw ang akong mga pulong makausa, makaduha ug makatulo lamang kun dili maminaw biyai sa walay paglingi, kay wala ipamugos sa Diyos ang iyang gingharian, ug mas labaw nga wala ipamugos sa Diyos ang kaluwasang dayun nga iyang gisaad didto sa iyang gingharian

Ang Pagkabig Ni Lydia Didto Sa Filipos

BUHAT 16:11~15



11 Busa, nanglarga mi gikan sa Troas ug milawig padulong sa isla sa Samotracia. Sa sunod adlaw mipadayon mi sa Neapolis. 12 Gikan didto mipadayon mi sa Filipos, ang nag-unang syudad sa kayutaan sa Macedonia ug kolonya sa Roma. Nagpabilin mi didto sulod sa pipila ka adlaw. 13 Sa Adlaw sa Pahulay migawas mi sa ganghaan sa syudad ug miadto sa daplin sa sapa, kay nakahunahuna mi nga ang mga Judio magpundok didto aron pag-ampo. Busa, nanglingkod mi ug nakigsulti sa kababayen-ang nagkapundok. 14 Usa nila, si Lidia, nga mahadlokon sa Diyos, negosyanti sa panaptong dagtom-pula ug taga Tiatira. Samtang naminaw siya, ang Ginoo mi-abli sa iyang kasingkasing aron mosanong sa gipanulti ni Pablo. 15 Human siya bunyagi uban sa iyang banay, gidapit mi niya sa iyang balay, “Kon naghunahuna mo nga matinud-anon ko sa Ginoo, dayon ug puyo sa akong balay.” Naaghat mi pagdawat sa iyang tanyag.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa Diyos nga nagkanayon “Moabot ang Diyos diha sa atong kinabuhi sa paagi nga wala nato damha, ug kadtong iyang mga pinili ug tinawag nga mga katawhan adunay giandam ang Diyos para kanila. ingon usab niini ang pamaagi sa Diyos sa pagtawag sa iyang unang mga katawhan ug ingon usab gihapon ang iyang pamaagi diha sa pagtawag niya kanatong tanan, diin nagpamatuod lamang usab kini nga ang pagpahiduol nato sa Diyos pinaagi niining maong kamatuoran nga atong nakaplagan dili kini kabubut-on sa tawo lamang, diin diha niining maong ebanghelyo gihimong panagingnan sa Diyos ang maong binuhat nga ginganlan ug Lydia diin tingod sa talagsaon niyang pagtuo gipasidunggan sa Diyos sang iyang tibuok pamilya, nagpamatuod lamang kini sa pulong sa Diyos nga nagkanayon..Usa lamang sa mata pamilya ang nagaampo diri kanako nan bulahan kay lwasn ko ang tibuok pamilya

Ang atong pagkatinawag ug pagkapinili matod pa diha sa ubang pulong sa Diyos nga nagkanayon nga didto ka pa sa tago angkan sa imong inahan gitawag ka nang daan, sa ato pa mga igsoon ang Diyos nagpili nang daan sa iyang mga katawhan nga iyang papuy-on sa tukoron niyang bag-ong Jerusalem , Apan kay lagi ang kamatuoran naghatag man kanato ug kagawasan nan daghang mga pinili ug mga tinawag nga natipas sa maayong dalan tungod ra usab sa mga kaalam nga iya niining kalibutana, kaalam diin ilang gituki ang mga pulong sa Diyos aron usab sa ingon matuman ang laing bahin sa mga pagtulun-nga nagaigon lahi-hi ang pagtawag sa Diyos kanato apan dili ang tanan nga ngaasngpit sa Diyos ang makaulod sa iyang gingharian kundili kadto lamang nasunod sa iyang kabubut-on ug kasugo-an.

Nagpasabot laamng mga igsoon sa kabubuton sa Diyos ang daghang mag pagtulon-an nga nagatuki sa iyang plong diin kadaghanan sa mag kaatwahanan nga nagsangpit ug nagahupot diah salaing-laing pagtulon-an giagaamhna usab sa ilang tawahanon nag kaalam, diin bisan kini nga pagtulon-an nga gituykod sa Diyos 20 katuig na ang milabay pinaagi sa giya sa espiritu santo ug pinaagi usab sa diha sa mga milagro ug mga mensahe sa mga propeta, apan dagahang mag maalam ang nagakwestyon niini, daghan ang mga pundok a tinud-anay nga mgaKatoliko ang nagbiay-abiay niini kay lagi lahi ug ikaduah nag pagtulun-an, kay para kanila, ang ialng nakita u gang ilang nasinati gianamit ang mga kaalam niining kalibutana amo na ang kamtuoran, apan wala nila masabti ang buhat sa espiritu santo dinhi diha niining ilatulong siglo mao gayuy gusto ipasinati sa diyos ang nahasulat diha sa juan 14 : 15 nga nagaingon tuman ninyo ang akong mag sugo ug tagaan ko kamo ug laing manlalaban ang espiritu santo sa kamatuoran nga magauban kaninyo hangtod sa kahangturan.

Holy Spirit of Blessed Mother of Mercy

Easter Greetings Of Holy Spirit of Sr. Santo Niño