Ang Duha Ka Tawo Nga Magtukod Ug Balay

MATEO 7:24~27

24 Busa ang tanan nga nakadungog sa akong gisulti ug nagtuman niini mahisama sa usa ka tawo nga maalamong nga nagtukod sa iyang balay diha sa bato. 25 sa dihang mibundak ang ulan ug mibaha ang mga suba ug ang hangin mihapak ug mikuso-kuso niadtong balaya, wala man kini matumba kay natukod man diha sa bato.

26 Apan ang tanan nga nakadungog sa akong gisulti ug dili magtuman niini mahisama sa usa ka tawong buang-buang nga nagtukod sa iyang balay diha sa balas 27 Sa dihang mibundak ang ulan ug mibaha ang mga suba ug ang mga hangin mihapak ug mikuso-kuso niadtong balaya, natumba kini ug nagun-ob.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pulong sa Diyos nga gisangyaw sa upat ka suok sa kalibutan. Diin daghang mga pulong ang atong nadungog pinaagi dia sa mga tinahaan ug sa mga unang tinawag nag mag apostoles ug pinaagi usab sa balaang kasulatan. Kini mga pulonag maoy atong pundasyon diah sa apgpakabuhi niining kalibautana nga haduol sa Diyos ug haduol diha sa iyang mga kasugo-an ug kabubut-on ug labaw sa tanan haduol diha sa pagtuman sa iyang mga kasugo-an.

Angay nato nga hinumduman nga langyaw kita niining kalibutana ug diin aduna pay kalibutan nga atong pagapuy-an human niini, nan ang mga pulong nga langitnon nga atong madungog maoy atong giya diha sa pagpakabuhi nga langyaw niining kalibutana diin atong biyaan ang mga tawhanon nga mga kailibgon ug maoy atong ipalabi ang pagkinabuhi nga nagasunod sa Diyos.

Nan sama unya nga ang atong espirituhanon nga pundasyon nagabarog sa usa ka bato diin maoy gusto ipasabot niining maong ebanghelyo, nga kun atong sundon ang mga hiyas nga langitnon nga atong naambitan diha niining pagtulon-an nga atong gibarugan ug atong isul-ob ang hiyas ni Jesus Cristo nga mao ang hiyas sa espiritu santo diiin anaa ang mga pag-ampo, pagpaubos ug pagkamangindawaton, nan himaya-on ka diha sa grasya ug panalangin didto sa atong Amahan sa langit,

Ang Sigpit Nga Pultahan

MATEO 7:13~14

13 Sulod kamo sa sigpit nga ganghaan, lapad ang pultahan ug ug sayon ang dalan paingon sa impyerno ug kini ang gisubay sa kadaghanan 14 Apan masigpit ang ganghaan ug malisod ang dalan paingon sa kinabuhing dayon ug diyutay ra ang makakaplag niini.

PAGPAAMBIT SA MENSAHE:

Ginaingong nga malisod ang pagsulod ngadto sa dalan sa gingharian sa langit kay malisod ang dalan, batohon ug bakilid diin gamay ra ang nagaagi niini ug mas gamay lang usab unya ang malahutay ngadtoa sa masigpit nga pultahan sa langit, ug sa ingon usab ang dalan paingon sa kalaglagan sa imong kalag nga mao ang impyerno nan halu-ag ug daghan ang nagaagi niini tungod kay sa kanunay sadya man kini ug daghang mga makalingaw nga talan-awon.

Kining mga dalan mga igsoon ania lamang kini makita sa ibabaw sa kalibutan, ang imong mga pag-antos ug mga kalisod sa kinabuhi tungod sa pagsunod mo sa kasugo-an sa Diyos mao na kana ang mga dalan nga hagip-ot, ug ang dalan usab paingon sa dalan sa kalaglagan anaa lang usab kini sa palibot, ang patay sindi nga ilaw ug ang mga tingog sa piyang-piyang nga sa kanunay nagahatag ug man usab ug magahob nga sonata.

Kini nagapamatuod lamang diha sa ubang pulong sa balaang kasulatan nga nagaingon kun gusto nimong daygon ug himaya-on didto sa gingharian sa langit nan puy-i ang kinabuhi nga puno sa pagpaubos , puno sa mga kasakitan sa kinabuhi, pas-ana ang imong krus ug sunod sa mga pagtulon-an nga gisangyaw ni Cristo kay bulahan ka nga nakaambit sa mga kasakitan ni Jesu-Cristo didto sa iyang kamatayon sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Apan mga igsoon ang mga kalisdanan nga atong naambit dinhi sa ibabaw sa kalibutan maoy pagmatuod lamang diha sa ubang mga sinulat nga naga-ingon kun nasundo ka ni Crsito nan makaambit ka gayud sa mga paglutos, kay mao man kini ang sumbanan ug sukdanan sa Diyos kun asa kutob mosangko ang imong pagtuo. Apan ang sakit nga pagtawag sa Diyos mao kun tawgon ka na sa balati-an diin mahurot na lang ang imong bahandi, ug malibot mo nalang ang tanang doktor nan dili ka gihapon mauli-an, kini nagpasabot lmang nga walay laing tambal sa imong balatian mao lamang ang pagduol ug pag-ampo ug ang pagsurender sa hingpit ngadto kaniya.

Ang Diyos miingon bisan kun anaa ka na sa baba sa kamatayon apan kun nakita ko ang imong pagtuo diri kanako nan luwason ko ikaw ug walay bisan garas ni usa ka lugas nga buhok nga mawala diha kanimo. Angayan lamang nga atong isalig ang tanan ngadto sa Diyos nga labing gamhanan

Ang Dios Kahayag

1 JUAN 1: 5 ~ 10

• 5 Nadungog namo ang mensahe gikan niya
ug among isangyaw ninyo: Ang Diyos kahayag ug walay kangitngit diha niya.
6 Kon moingon ta nga nahiusa ta uban niya,
samtang naglakaw sa kangitngit,
namakak ta, inay magpuyo sa kamatuoran.
7 Apan kon naglakaw ta sa kahayag,
sama nga siya naa sa kahayag,
mahiusa ta sa usag usa.
Ang dugo ni Jesus, ang Anak sa Diyos,
naglimpyo nato sa atong kasal-anan.
8 Kon moingon ta, “Wala tay kasal-anan,”
naglimbong ta sa kaugalingon ug wala nato ang kamatuoran.
9 Kon isugid nato ang kasal-anan,
siya nga matinud-anon ug tarong
mopasaylo natong tanan.
Hinloan ta sa tanang daotan.
10 Kon moingon ta nga dili ta makasala,
atong gihimo ang Diyos nga bakakon,
wala nato ang iyang pulong.
Tumana ang sugo sa gugma

PAGPAAMBIT SA MENSAHE:

Ang maong ebanghelyo maoy pagpasabot lamang nga ang Diyos nga atong giampo-an ug gi-alagaran tuburan sa kahayag ug kamatuoran, Iyang gimugna ang atwo nga maoy pinakalabing maalam sa tanang mga binuhat ug nga matod pa diha sa ubang sinulat nga gimugna niya ang tawo susama sa iyang panagway.

Diha sa ubang sinulat nagaingon usab nga si Jesu Cristo ang buhing larawan sa dili makita nga Diyos sa ato pa mga igsoon ang Diyos Amahan nga maoy giingon dinhi sa ebanghelyo nga tuburan sa kahayag, nan mao ra usab diay ang atong manunubos sa kalibutan, usa kini ka talagsaong tanghaga ug diin ang makahubad niini ang Diyos ra usab nga labing gamhanan.

Usa sa mga katuyo-an nga nagpakatawo si Jesu dinhi sa kalibutan aron mapasabot ang mga katawhan sa mga kasugo-an sa iyang Amahang Diyos, diin nagalangkob kini sa napulo ka kasugo-an nga gisangyaw ni Moises diin ang napulo ka sugo sa Diyos mamahimo lamang kining diha ka kasugo-an, una ang paghigugma sa Dyos labaw sa tanan ug dili kita magbaton ug la-ing Diyos diha sa iyang atubangan, ug ang ikaduha mao ang paghigugma sa imong isigkatawo sama sa paghigugma nimo sa imong kaugalingon, nan kun masupak nimo ang bisan usa lamang sa duha ka kasugo-an nan sama ra nga nasupak nimo ang tanang kasugo-an sa Diyos.

Ang sugo sa Diyos nagalangkob kini ug gugma kay anag Diyos nga atong giampoan ug gialaagran Diyos man sa paghigugma, nan ang kahayag nga maoy gitumbok sa maong mensahe ang atong kahayag nga maangkon tungod gugma sa Diyos kanato, mao nga ang Diyos gayud maoy miduol kanato pinaagi sa iyang bugtong anak aron sa pagluwas sa atong mga kasal-anan.

Asa man nato makita ang kahayag sa Diyos kana bang kahayag sa adlaw ug kana bang kahayag sa bulan, Ang kahayag nga gihisgutan sa Diyos atong mamatud-an kun atong sundon ug dawaton si Jesu-Cristo nga maoy atong Diyos ug manluluwas. Mao kini ang gustong ipasabot sa Diyos diha sa iyang pagsakripisyo pinaagi sa iyang bugtong anak makita nimo ang iyang gingharian sa langit kun sa kanunay makasinati ka ug mga pagsulay ug mga paglutos dinhi sa ibabaw sa kinabuhi, mao kini ang pagtawag sa Diyos sa iyang mga piniling mga katawhan ug ang labing sakit kun tawagon ka aron makita nimo ang kahayag sa Diyos pinaagi sa paghatag ug balati-an mao nga kadaghanan kanato nahiabot dinhi dapita tungod sa balatian apan pamaagi sa Diyos kay matod pa niya “Tawgon ko ang akong katawhan pinaagi sa balati-an aron sa ingon dili gayud Siya malimtan sa iyang mga katawhan ug sa kanunay iya kitang mahinumduman.

Apan daghan ang nagpakabuta-bungol daghan ang mahadlok ug sulod sa simbahan ug bisan dinhi sa sinagoga mahadlok sa pagsimba ug bisan lang sa paglili. Kay para kanila kun kanuny ka nga haduol sa Diyos nan haduol ka gayod sa mga paglutos ug mga pagsulay,ug kun kanunay kang haduol sa Diyos nan gukdon ka usab sa kawad-on. Apan ang pulong sa Diyos Amahan nagaingon, bisag unsaon pa sa tawo paglikay sa mga paglutos apan kun nakalatid na kining daan sa imong kinabuhi nan maambitan mo gayud kini.

Ingon niana ang kahayag nga gustong ipasinati sa Diyos kanato ang kahayag luyo sa mag pag-antos apan mga igsoon ang matuod nga kahayag wala dinhi sa ibabaw sa kalibutan kay matod pa langyaw kitang tanan dinhi ug ang matuod nga kahayag sa Diyos mao ang iyang ginghari-an sa langit, ang pangutanan unsaon man pag-abot sa tawo didto, makit-an lang nato kining maong kahayag kun wala na kita dinhi sa ibabaw sa kalibutan diin mouli na kita sa matuod natong pinuy-anan, mao kini ang tanghaga nga gibilin sa Diyos sa matag tawo kay matod pa sa Diyos tulo ka matang sa kinabuhi ang iyang gihatag ug gibilin sa matag tawo una ang atong materyal nga lawas diin maoy mag-administer sa atong kaugalingon sa pagkinabuhi dinhi sa kalibutan ug ikaduha ang atong espiritu nga maoy gahatag kanato ug kinabuhi, diin sa matag katulog nato mogawas ang espiritu sa atong lawas ug mobalik didto sa Diyos aron sa pagsumbong sa atong binuhatan, mao kini ang usa ka tinago nga dili nato mabasa sa basahon niining kalibutana, kay gipadayag kini sa espritu santo sa Diyos ug ang ikatulo mao ang atong kalag nga maoy mohimamat sa kahayag nga iya sa Diyos diin mao usay moatubang sa katapusang paghukom.

Unsa may buhaton sa tawo aron mahayagan siya sa Diyos dinhi sa kalibutan, unaA mao gayud ang pagsunod sa kasugo-an sa Diyos ug ikaduha mao ang pagsul-ob sa kinaiyahan ni Jesu-Cristo ang kinaiyahan sa espiritu santo sa Diyos diin anaa ang pagpakamangindawaton , ang pagpaubos ug ang pag-ampo sa kanunay. Kay kun moingon ka nga naghigugma ka sa Diyos ug nagasunod ka sa iyang kasugo-an apan nagdumot ka sa imong isigkatawo nan ang balaang kasulatan nagaingon nag bakakon ka kay giunsa man nimo paghigugma ang Diyos nga dili nimo makita ug mahikap apan nasilag ka sa sa imong isigkatawo nga adlaw nga tanan imong makita ug maistorya,

Kini nagapasabot lamang mga igsoon nga ang matuod nga kahayag makita sa iyos diha saatong tagsa-tgsa ka kasing-kasing ug amdayag kini anig abot na sa tukmang adlaw ug takna ug diin ang mga pnili ug mga tinawag niyang katawahan makakangko sa hingpit nga kahayag pinaagi sa himaya sa kinabuhing dayun.