Ang Halad Ni Cristo Nagwagtang Sa Mga Sala

HEBREO 9:23~28 10:1~17

23 Kinahanglan nga kining halad sa langitnong kamatuoran malinisan. Apan ang maong kamatuoran nagki¬nahanglag mas maayong sakripisyo. 24 Si Cristo wala mosulod sa santwaryo nga hinimo sa tawo, kopya sa tinud-anay kondili, sa langit mismo. Tua siya karon atubangan sa atong Diyos tu¬ngod ug alang nato. 25 Dili sama sa La¬bawng Pari nga mosulod sa san¬twaryo tuigtuig nga may dalang dugo nga dili iyaha. 26 Mihalad siya sa ka¬uga¬lingong dugo sa makausa lang, dili sa maka¬daghan. Kon dili, mag-antos sab siya sa makadaghan sukad sa pag¬buhat sa kalibotan. Apan dili. Nag¬pa¬kita siya karon alang sa kataposan sa panahon aron pagwag¬tang sa sala pi¬naagi sa sakripisyo.
27 Kay ang tawo kausa ra mamatay, dayon hukman. 28 Busa, mihalad si Cristo sa kaugalingon sa makausa aron pagwagtang sa mga sala sa ka¬taw¬han. Wala nay hisgot unya sa sala inigbalik niya aron pagluwas sa nagpaabot niya.

10 • 1 Ang tinoohan sa Balaod anino lang sa mga ma¬a¬yong butang nga umaabot. May mga lagda, apan walay kamatuoran. Busa, matag tuig, walay kabag-ohan ang mga halad, kay ang nagsimba wala man makakita sa tumong. 2 Kon hingpit pa ang pagka¬lim¬pyo dili na sila tugawon sa tanlag. Mo¬hu¬nong na silag halad sa mao giha¬pong sakri¬pisyo. 3 Apan wala, tuigtuig ang sakripisyo nagsaksi sa ilang mga sala, 4 kay dili man makapapas sa sala ang dugo sa mga kanding ug toro. 5 Mao man gani nga sa pagsulod ni Cristo sa kalibotan miingon siya: Wala ka magtinguhag sakripisyo ug halad. 6 Wala ka mahimuot sa halad-sinunog ug halad alang sa sala. 7 Unya, mi¬i¬ngon ko: Ania ra ko. Akoy nasulat sa papel nga linukot. Buhaton ko ang imong pagbuot, O Diyos!”

8 Sa sinugdan nag-ingon siya: Sa¬kri¬pisyo, halad, halad-sinunog, ug ha¬lad alang sa sala wala nimo tingu¬haa ni na¬kapahimuot nimo – bisag gisugo ni sa Balaod. 9 Unya, miingon siya: Ania ra ko aron pagtuman sa imong kabu¬but-on. Igo na ni aron pagwagtang sa daang kasabotan ug pagmugnag bag-o. 10 Pi¬na¬agi sa kabubut-on sa Diyos, gi¬ba¬¬¬¬laan ta tungod sa sakripisyo sa lawas ni Cristo Jesus.

11 Busa, ang pari naa sa altar matag adlaw ug nagbalikbalik paghalad sa mao gihapong sakripisyo nga dili ma¬ka¬wagtang sa sala. 12 Si Cristo nagha¬lad og bugtong nga sakripisyo alang sa mga sala. Nakalingkod na siya karon sa tuong kamot sa Diyos ug 13 nagpa¬abot nga ibutang sa Diyos ang mga kaaway nga tung¬tonganan sa iyang tiil. 14 Pinaagi sa bugtong nga sakri¬pisyo, ang tanang gibalaan gihingpit niya ug gitino. 15 Gipamatud-an sab ni sa Espiritu Santo, kay namulong man siya: 16 Kini ang kasabotan nga akong himoon uban nila sa umaabot nga mga adlaw: nag-ingon ang Ginoo. Isil¬sil ko sa ilang alimpatakan ang akong mga balaod ug isulat sa ilang kasingkasing. 17 Nag-ingon siya: Dili ko hinumdoman ang ilang kasal-anan ug daotang bu¬hat. 18 Busa, kon napa¬saylo na ang mga sala, wala na kinahanglana ang sakripisyo alang sa sala.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang sinulat nga nagaingon nga “Ania ang nating karnero sa Diyos nga nagawagtang sa sala sa kalibutan. Gipanagingnan si Jesus sa nating karnero nga gihalad ngadto sa Diyos aron sa pagwagtang sa atong mga sala. Apan matod pa kausa ra ihalad si Jesu-Cristo pinaagi sa iyang dugo ug lawas diin matod pa diha sa iyang kamatayon sa krus namatay kita uaban kaniya apan diha sa iyang pagkanbanhaw nabanhaw usab kita uban kaniya apan nagpabilin nga patay ang atong mga kasal-anan.

Mahal ang paglukat sa Diyos kanato diin iyang gipakunsad ang iyang bugtong anak dinhi sa ibabaw sa kalibutan aron maoy iyang gitahasan sa pagluwas kanatong tanan. Sa ato pa Ang Diyos maoy nangita ug miduol kanato aron kita iyang luwason. Philipos 2: 8 nagaingon “ Diha na kang Jesus ang Kinaiyahan sa matuod nga Diyos apan wala niya ipamugos ang iyang kaugalingon nga motupong sa Diyos hinunua, nagpakaubos siya ug gihubo niya ang tanan ug nakig-uban kanatong tanan nga mga kabos nga katawhan.

Dako ang iyang kadaugan diha sa tahas nga gisangon sa Amahan kaniya dihang namatay siya diha sa krus kay mao kadto ang kadaugan sa iyang kinatibuk-ang tahas sa Amahan kaniya, ug gibayaw siya didto sa ikatulong langit ug gitagaan ug dungganang ngalan ug nagalingkod sa tuong kiliran sa Diyos Amahan. Siya ang kamatuoran nga adunay pagkabanhaw diha sa kamatayon ug siya ang unang tawo nga gibanhaw diha sa kasaysayan sa balaang kasulatan nga nabanhaw gikan sa mga patay diin iyang gimatuod nga tinuod ang pagkabanahaw ug tinuod ang kinabuhi human sa kamatayon.

Mao kini ang gipahaom nga ebanghelyo diha niining kasaulogan sa pista sa mga patay diin, atong ihalad ang kaluwasan sa atong mga kaigsoonan diin ang ilang kalag atua na sa laing kalibutan, diin matod pa matag tuig ang Ginoong Diyos nagahatag ug parole o kaluwasan diha sa mga kalag nga nangandoy sa ilang kaluwasan diin pinaagi diha sa atong mga pag-ampo, sa atong mga paghalad ug sa atong mga sakripisyo, diin dunggon sa Diyos ang atong pangaliyupo ug iyang kaluy-on ang mga kalag nga atong gihalad ug makabaton sa kinabuhing dayon, diin bulahan unya kun sila atoa na sa ganghaan sa ginghari-an sa Diyos Amahan kay isip pasalamat sila na man usab unya ang mag-ampo para kanato.

Ang Kamatuoran naghatag Kaninyo Ug Kagawasan

JUAN 8: 31~47

31 Busa, miingon si Jesus sa mga Judio nga nanoo, “Kon tumanon ninyo ang akong mga pulong, matinuod mo nga akong mga tinun-an. 32 Mahibawan ninyo ang kamatuoran nga maghatag ninyo og kagawasan.” 33 Mitubag sila, Mga kaliwat mi ni Abraham ug wala maulipon ni bisag kinsa. Unsay gipasabot nimo sa pag-ingon, “Maghatag og kagawasan?”

34 Mitubag si Jesus, “Sa pagkatinuod sultihan tamo, ang makasala ulipon sa sala. 35 Apan ang ulipon dili magpabilin sa panimalay sa hangtod; ang anak magpabilin. 36 Busa, kon ang Anak maghatag og kagawasan, magawasnon mo. 37 Nasayod ko nga kaliwat mo ni Abraham. Apan naninguha mo pagpatay nako, kay ang akong mga pulong wala may lugar diha ninyo. 38 Akong gisulti ang nakita nako uban sa Amahan; buhata pod ang nakita ninyo uban sa inyong amahan.”

39 Mitubag sila, “Si Abraham ang among Amahan.” Miingon si Jesus, “Kon mga anak mo ni Abraham, buhaton unta ninyo ang iyang gibuhat. 40 Apan buot mong mopatay nako nga nagsulti ninyo sa kamatuoran – ang kamatuoran nga akong nadungog sa Diyos. Wala ni buhata ni Abraham, 41 gibuhat ninyo ang buluhaton sa inyong amahan.” Miingon ang mga Judio, “Dili mi mga anak sa gawas. May usa mi ka Amahan, ang Diyos.” 42 Miingon si Jesus, “Kon ang Diyos pay inyong Amahan, mahigugma unta mo nako, kay miadto ug gikan ko sa Diyos. Mianhi ko dili sa kaugalingon kong kabubut-on kondili, Siya mismo nagpadala nako. 43 Nganong dili mo makasabot nako? Kay dili man mo makadawat sa akong pulong.

44 Mga anak mo sa yawa, ug tumanon ninyo ang mga daotang tinguha sa inyong amahan, mamumuno sukad sa sinugdan. Wala siya magkinabuhi sa kamatuoran, kay diha niya walay kamatuoran; ug kon mosulti siyag bakak, nagsulti siya sa iyang kaugalingon, kay bakakon man siya ug amahan sa bakak 45 Kay nagsulti man ko sa kamatuoran, dili mo manoo. 46 Kinsa ninyoy makakitag bisag unsang dili tinuod sa akong kaugalingon? Unya, nganong dili mo motoo kon nagsulti ko sa kamatuoran? 47 Ang iya sa Diyos mamati sa mga pulong sa Diyos; dili mo mamati, kay dili mo iya sa Diyos.”

PAGPAAMBIT SA MENSAHE:

Ang maong ebanghelyo nagpamatuod lamang diha sa ubang sinulat sa balaang kasulatan nga nagaingon (Juan 14: 6) Ako ang dalan ang kamatuoran ug ang kinabuhi, walay mahiadto sa Amahan kundili magaagi kaniya tungod kay siya ang sinugdanan ug ang kataposan. Sa ato mga igsoon ang ulohan sa maong ebanghelyo nagpasabot nga si Jesus ang kamatuoran ug siya maoy nagahatag kanato ug kagawasan diha sa kinabuhing dayun.

Siya ang gipasabot nga nating karnero sa Diyos nga nagawagtang sa sala sa kalibutan, nating karnero tungod kay siya maoy buhing halad ngadto sa Diyos pinaagi sa paglansang kaniya sa krus aron nga kitang tanan adunay kahigayonan nga maluwas ngadto sa kinabuhing dayon.

Lawas ug dugo ni Jesus Cristo maoy bugti sa atong kaluwasan, mao nga mahal gayud ang paglukat sa Diyos kanato. (Juan 14:15) Tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban, ang espiritu sa kamatuoran nga magauban kaninyo hangtod sa kahangturan, Ang kalibutan dili makadawat kaniya tungod kay dili man sila makakita ni makaila kaniya, apan makaila kamo kaniya tungod kay nakig-uban man siya ug nagpuyo diha kaninyo.

Matod pa diha sa ubang pulong sa balaang kasulatan nagaingon nga dili una kamo mag puasa samtang ang pamanhonon uban pa kaninyo, ayha na kun sa hingpit Siya mobalik na ngadto sa kiliran sa iyang Amahang Diyos. Diha niining maong pulong nagpasabot lamang mga igsoon nga ang pagpuasa usa ka bulohaton nga kristuhanon, diin kita magalikay sa pagbuhat sa mga sala gikan sa pagkabanhaw ni Jesu-Cristo ug dili nato undangon ang pagpuasa hangtod sa pagbalik sa Diyos alang sa katapusang paghukom.

Diin diha sa mga milagro ug mga mensahe sa espiritu santo sa Diyos naga-aghat gayud nga kita magsanto rosaryo ug maga-ampo sa matag-adlaw, ug sa kanunay mangayo ug kapasaylo-an sa atong mga kasal-anan, kay matod pa nga bisan niining panahun nga misulod na kita sa ikatulo nga siglo apan ang Diyos sa kanunay naghatag ug hataas nga pasensiya ug kapasaylo-an sa atong mga sala.

Kay matod pa dako ug gamay nga mga kasal-anan aduna gayuy kapasaylo-an kun kini atong pangayoon ngadto sa Diyos nga Jesu-Cristo , apan matod pa ang silot sa sala magpabilin apan dili na didto sa kalayo sa impyerno kundili didto na sa purgaturyo. Busa ang tanan nga mga katawhan ug mga paglutos nga atong masinati atong i-ampo ug ihalad, bisan kadtong mga tawo nag wala motuo sa Diyos angay natong i-ampo bisan kadtong mga katawhan nga gigamhan sa dautang espiritu atong i-ampo kay matod pa nga diha sa atong mga pag-ampo, kun kini dunggon sa Diyos nan kining mga tawo nga wala makaila sa Diyos mopasilong gayud sa landong sa espiritu santo, kay Diyos lamang ang adunay gahum sa pagpahumok sa matig-a nga kasingkasing sa tawo.

:

:

Si Jesus Ang Kahayag Sa Kalibutan

JUAN 8: 12~20

• 12 Miingon si Jesus, “Kahayag ko sa kalibotan. Maiya sa mosunod nako ang kahayag ug kinabuhi. Dili na sila maglakat sa kangitngit hinuon, makapanag-iya sa kahayag ug kinabuhi.” 13 Mitubag ang mga Pariseo, “Karon, nagsulti ka sa imong kaugalingon. Ang imong pagsaksi walay kapuslanan.

14 Mitubag si Jesus, “Bisan pag misaksi ko sa akong kaugalingon, tinuod ang akong gisulti, kay nasayod ko diin ko gikan ug asa ko padulong. Apan wala mo masayod diin ko gikan ug asa paingon. 15 Naghukom mo sa tawhanong paagi, apan dili ko mohukom ni bisag kinsa. 16 Kon maghukom ko, matinud-anon ang akong hukom, kay wala ko mag-inusara kondili, nag-uban nako ang akong Amahan nga nagpadala nako. 17 Nasulat sa inyong balaod nga tinuod ang gisulti kon may duha ka saksi. 18 Nagsaksi ko sa akong kaugalingon ug nagsaksi sab nako ang Amahan nga nagpadala nako.”

19 Nangutana sila, Hain ang imong Amahan?” Mitubag si Jesus, “Wala mo makaila nako ni sa akong Amahan. Kon nakaila pa mo nako, nakaila sab mo sa akong Amahan.”
20 Gisulti ni Jesus kining tanan samtang nagtudlo siya sa dapit sa templo diin gidawat ang mga halad. Apan walay midakop niya, kay wala pa moabot ang iyang panahon

PAGPAAMBIT SA MENSAHE:

Ang maong ebanghelyo maoy pagpasabot lamang nga si Jesu Cristo isip maoy gitahasan sa atong Dios Amahan nga magpakatawo ug maoy magatubos kanatong tanan, Diha na Siya sa wala pa matukod ang kalibutan, diin Siya maoy nahimong arkitekto nga tiglingaw sa amahang Dios, diha na usab siya sa panahon ni Moises siya kadtong maong bato nga nagauban ug nagagiya kang Moises diha sa ilang mga bulohaton.

Matod pa nga wala na unta kinahanglana pa ang ikaduhang kasulatan kun wala pay mga kasaypanan ang unang mga kasulatan, sa ato pa dili na kinahanglan nga magpadala pa ang Diyos sa iyang bugtong anak kun wala pay mga kakulangon ang iyang gipangtahasan sa unang kasulatan, diin mao gayuy gusto sa Diyos nga maluwas kitang tanan gikan sa dakong slot didto sa kalayo sa impyerno

Iyang gipadala ang nating karnero sa Diyos nga buhing halad alang kanatong tanan, halad dili mananap nga sinunog kundili halad ingon nga buhing lawas ug dugo ni Jesu- Cristo, diin mao kini ang pamaagi sa Amahan aron maluwas kitang tanan sa iyang mga kasal-anan.

Siya maoy gihimo sa Diyos nga kahayag sa matag-usa kanato ingon nga ang tanaan nga nagasunod ug nagatuman sa mga kasugo-an sa Diyos ug nagatuo nga si Jesu Cristo ang matuod nga anak sa Diyos nan maiya ang kinabuhing dayon. Walay makaadto sa Amahan kundili moagi kaniya tungod kay siya man ang Alpha ug ang omega ang sinugdanan ug ang kataposan.

Colosas 1: 15 nagaingon Si Jesu Cristo ang buhing larawan sa dili makita nga Diyos , Siya ang panganay sa tanang mga binuhat ,ug diha kaniya nagsumikad ang kaluwasan kanatong tanan.

Mga Hinagiban Nga Espirituhanon

EFESO 6:10~20

• 10 Sa kataposan pagmalig-on mo sa Ginoo pinaagi sa iyang kusog ug kalig-on. 11 Isul-ob ang tibuok nga taming sa Diyos aron makaharong mo sa mga limbong sa yawa. 12 Ang pakig-away nato dili sa tawhanong kusog kondili, batok sa mga punoan ug gamhanan ug sa tanang daotang gahom nga nagmando ining kalibotana. Makigbisog ta batok sa mga espiritu ug yawan-ong kusog nga labaw sa kinaiyahan.

13 Busa, isul-ob ang tibuok nga taming sa Diyos aron makasukol mo ug makabarog sa inyong gitindogan sa adlaw sa kadaot. Gamita ang tanang hinagiban. 14 Ibakos ang kamatuoran. Himoa ang hustisya nga inyong taming ug ang 15 kasibot, sapatos aron pagsangyaw sa Ebanghelyo sa kalinaw. 16 Guniti kanunay sa inyong kamot ang taming sa pagtoo aron pagpahilayo sa nagdilaab nga mga pana sa yawa. 17 Sa kataposan gamita ang helmet sa kaluwasan ug ang pinuti sa Espiritu nga mao ang Pulong sa Diyos.

18 Pag-ampo sa tanang higayon sumala sa paglamdag sa Espiritu. Pagbantay mo ug lahutay sa pag-ampo ug sa pagpangayo alang sa tanang kaigsoonan. 19 Iampo sab ko sa akong pagsulti, aron kahatagan ko sa mga pulong sa pagsangyaw sa misteryo sa Ebanghelyo sa tumang kaisog. 20 Bisag gigapos ko, embahador ko sa Diyos. Hatagan unta ko niyag kusog aron makawali sumala sa kinahanglan kong buhaton.

PAGPAAMBIT SA MENSAHE:

Ang among ebanghelyo maoy pagmatuod lamang nga ang mga butang nga iya sa dautan mabuntog lamang kini pinaagi sa gahom sa espiritu santo, apan unsaon nato pagbuntog ang dautan kun kini nagahari na sa imong isigkatawo kun kini anaa sa bisang asang dapit sa imong komunidad, Ang balaang kasulatan nagaingon nga gamita ang mga armadura aron mabuntog nato ang mga kaaway ang mga dautang espiritu nga dili makita ni mahikap.

Kay matod pa diha sa ubang pulong sa Diyos espiritu santo kun unsa ang pagpakabalaan sa usa ka tawo diin nagalikay ka sa mga tawhanong kailibgon ug mga kahilayan niining kailbutan nan ingon usab niana ang kakusog sa dautang espiritu nga gusto mosamok ug modaut kanimo.

Ang mga armadura nga gihatag sa espirito santo sa Diyos kanato mas labing epektibo kun ang tawo o mga katawhan nga nagagamit niini hataas usab ang ilang pagtuo ug pagsalig sa Diyos ug labaw sa tanan nakabalaan ang ilang kasingkasing ug panumduman.
Sa ato pa mga igsoon walay lain nga paagi aron kita makapangalagad sa Diyos taliwala sa dili masabot nga pagsulay kundili mao ra gayud ang atong kanunay nga mga pag-ampo ngadto sa Diyos nga makagagahum sa tanan.

Ang balaang kasulatan, balaang tubig ug balaang lana ingon man sa mga rosaryohan ug mga krusipiho maoy atong mga galamiton ug hinagiban batok sa mga kaaway nga dili makita ni mahikap. Kay matod pa sa Diyos espiritu santo, tukhi ang mga pagsulay sa mga pag-ampo kay sa kanunay anaa ang Diyos nga maoy manalipod kanimo.

Si Pedro Gitabangan Sa Mga Anghel

BUHAT 12: 6~19

6 Ana gyong gabhiona, sa wala pa siya paatubanga ni Herodes aron hukman, natulog si Pedro nga gitaliwad-an sa duha ka sundalo. Gigapos siya sa duha ka kadena samtang may laing mga gwardiya nga nagbantay sa ganghaan sa prisohan. 7 Sa kalit, may anghel sa Ginoo nga mibarog ug ang kahayag midan-ag sa selda sa prisohan. Unya, ang anghel mipikpik sa kilid ni Pedro. Gipukaw siya sa pag-ingon, “Bangon dayon!” Dihadiha ang mga kadenang naggapos sa iyang kamot nangahubad ug nangahulog. Ang anghel niingon, “Pagbakos ug pagsul-ob sa imong sandalyas.” Mituman si Pedro, 8 ug ang anghel midungan pag-ingon, “Karon, pagkupo ug sunod nako.”

9 Si Pedro misunod niya sa gawas. Apan wala siya nakamatngon nga tinuod diay ang panghitabo uban sa anghel. Nagtoo siya nga panan-awon lang ni. 10 Gilabyan nila ang unang gwardiya ug unya, ang ikaduha ug naabot sila sa puthawng ganghaan, ang agianan paggawas na sa syudad. Nabukas nig iyaiya ra alang nila. Migawas sila ug miagi sa higpit nga agianan; dayon, gibiyaan siya sa anghel. 11 Unya, si Pedro nga gibalikan sa iyang panimuot, nag-ingon, “Karon nahibawo na ko nga ang Ginoo nagpadala sa iyang anghel. Giluwas ko niya sa kamot ni Herodes ug sa tanang giandam sa mga Judio alang nako.”

12 Nakaamgo si Pedro sa iyang kahimtang ug miadto sa balay ni Maria, ang inahan ni Juan nga naila sab nga Marcos. Daghan ang nagkatigom didto ug nag-ampo. 13 Sa pagtuktok niya sa pultahan sa gawas, ang binatonan, si Roda, mitubag. 14 Sa pagkabati niya sa tingog ni Pedro nalipay siya pag-ayo. Inay buksan ang pultahan midagan siya sa sulod aron pagpahibawo nga si Pedro naa sa pultahan. 15 Miingon sila, “Nabuang ka man tingali!” Kay namugos man siya, miingon sila, “Ang iya nang anghel.” 16 Adtong tungora, si Pedro nagpadayon pagtuktok. Wala madugay giablihan nila ang pultahan ug natingala sila sa ilang nakita. 17 Misenyas siya sa iyang kamot sa paghilom ug miasoy giunsa siya pagpagawas sa Ginoo sa prisohan. Unya, miingon siya, “Sultihi ini si Jaime ug ang kaigsoonan.” Mibiya siya ug miadto sa laing dapit. 18 Sa kaadlawon ang mga sundalo nagubot pag-ayo sa nahitabo ni Pedro. 19 Gipapangita siya ni Herodes. Kay wala man siya makit-i, gipaimbestigar ang mga gwardya ug gipapatay. Hu- man ini. Gikan sa Juda miadto si Pedro sa Cesarea ug mipuyo didto.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha niining maong ebanghelyo sa kanunay ang Diyos nanalipod sa iyang mga tinawag nga mga katawhan, nanalipod sa iyang unang mga magsasangyaw diin ilang gitagaan ug bili ang mga milagro nga ilang nasinati pinaagi diha kang Cristo Jesus.

Ginaingon nga diha sa ubang sinulat sa balaang kasulatan nga ang mga katawhan nga nagasunod sa pagtulon-an ni Cristo makaambit gayud sa mga paglutos, diin gihimong panag-ingnan ang mga buhat ni Jesu Cristo niadtong nagkinabuhi pa siya ingon nga tawo ug nakig-uban diha sa iyang mga sumosunod.

Niining maong ebanghelyo gipakita sa Diyos ang mga milagro nga iyang gipadangat ngadto kang Pedro diin gilutos siya sa iglisea nga iyang gibarugan. Si Pedro mao man gang unang tawo nga gipili ni Jesu Cristo nga mamahimo niyang apostoles diin siya gitawag man ug Simon nga usa ka mananagat.

Mateo 16: 18 nagaingon Si Jesus , “Simon ikaw si Pedro ug ibabaw niining bato itungtong ko ang akong iglisea ni ang kamatayon dili makabuntog niini. Ang Pedro sa pinulongan ng Hebreo nagkahulugan kini nga “Petros” nga sa iningles “hard rock” nga sa ato pa gahi nga bato, sa ato pa ang gipasabot ni Jesus diha sa mao niyang pulong nga itongtong niya ang iyang iglisea ibabaw sa maong bato, nga iyang ipaagak ang iyang pagtulon-an diha kang Pedro ug bisan diha sa kamatayon magapadayon kini sa paglambo.

Didto man gayud mamatay si Pedro sa Roma, ang bantugan siyudad niadtong panahuna diin mao kini ang nabantog nga Roman Empire diin, diin nabantog usab kini sa mga pagano nga pagtulon-an ug manlulutos sa pagtulon-an nga kristyanismo. Didto si Pedro gibitay sa krus nga nagtu-ali diin naga-una ang iyang tiil ug ang iyang ulo tua sa ubos diin matod pa , mao gayud kini ang hangyo ni Pedro ngadto sa mga berdugo aron sa ingon masinati niya ang mga kasakitan sa iyang magtutudlo ug Ginoo.

Iyang gipakita nga diha sa mga paglutos nga iyang nasinati, wala niya kini dagani, ug diha sa pag-akto na gayud sa pagputol sa iyang liog nan mipahiyom siya nag naga-awit sa himaya sa Diyos tungod kay nakaila siya sa iyang gialagaran ug walay pulos ang iyang materyal nga lawas kay nasiguro man niya ang kapaingnan sa iyang kalag. Kini nagpasabot lamang diha sa ubang sinulat sa balaang kasulatan nga nagaingon ayaw kahadluki ang tawo nga makapatay lamang sa imong lawas apan walay mahimo sa imong kalag, maoy kahadluki ang Diyos nga makalaglag sa imong lawas ug kalag sa impyerno.


.

Ang Anak Nga Nawala

LUCAS 15:11~32

11 Miingon si Jesus: “May tawo nga may duha ka anak nga lalaki. 12 Ang manghod miingon sa amahan: ‘Tay, hatagi ko sa bahin nako sa katigayonan.’ Busa, gibahin sa amahan sa duha ka magsoon ang kabtangan. 13 Human sa pipila ka adlaw, gitigom sa manghod ang iyang bahin ug mipanaw sa layong dapit ug nag-usik-usik sa bahandi sa hagokang kinabuhi. 14 Sa nahurot na ang tanan, may dakong gutom didto ug nagsugod ang iyang kawad-on. 15 Nagsuroysuroy siya sa pagpangitag trabaho ug nadawat nga tig-atiman sa mga baboy sa uma. 16 Hapit na siya mokaon sa pasaw sa baboy aron masudlan ang nagkutoy niyang tiyan. Bisag gamay, walay mohatag niya.

17 Adtong tungora nakaamgo siya ug namalandong: ‘Ang mga sulugoon sa balay sa akong amahan buhong sa pagkaon, samtang hapit na ko mamatay sa gutom. 18 Mobarog ko, mopauli sa akong amahan, ug ingnon ko siya: ‘Tay, nakasala ko sa Diyos ug nimo. 19 Dili ko takos nga tawgog imong anak. Himoa ko nga usa sa sinuholan mong sulugoon.’ 20 Mitindog siya ug miadto sa amahan. Layo pa gani, nakit-an na siya sa amahan nga nahinuklog niya, ug nagdagang mitagbo sa anak nga gigakos ug gihagkan. 21 Miingon ang anak; ‘Amahan, nakasala ko sa Diyos ug nimo. Dili na ko angayng ilhon nga imong anak.’

22 Apan gisangpit sa Amahan ang sulugoon ug giingnan: ‘Pagdali, pagkuhag sapot ug ilisi siya unya, singsingi ug sapatosi. 23 Dad-a dinhi ug ihawa ang linaming nga nating baka. Magsalusalo ug magsadya ta, 24 kay kining akong anak namatay ug nabuhig usab, nawala ug nakit-an.’ Ug gisugdan niya ang kasaulogan. 25 Adtong tungora ang magulang didto sa uma. Sa pag-uli niya, sa duol na siya sa balay, nakadungog siyag honi ug panagsayaw. 26 Gisangpit niya ang usa sa mga sulugoon ug gipangutana sa hitabo. 27 Gitubag siya: ‘Mipauli ang imong igsoon. Busa, gipaihaw sa imong amahan ang linaming nga nating baka, kay nahibalik siya nga buhi ug hilwas.’

28 Nasuko ang magulang sa gibuhat sa amahan ug nagdumili pagsulod. Migawas ang amahan ug nakigsulti niya. 29 Mitubag siya: ‘Daghan ang katuigan nga nagsilbi ko nimo. Bisag kausa wala ko mosupak sa imong sugo, apan sukad, wala ko nimo hatagi bisag usa ka kanding nga kasalusalohan nako sa akong mga barkada. 30 Sa pag-abot hinuon ining imong anak nga nag-usik-usik sa katigayonan nga giwaldaswaldas niya sa mga puta, giihawan mo siya sa linaming nga nating baka.’ 31 Mitubag ang amahan sa pag-ingon: ‘Anak, kauban ta sa tanang panahon ug nakaambit ka kanunay sa tanang akoa. 32 Angay lang nga magsaulog ug magsadya ta, kay ang imong igsoon nga namatay, nabuhi; nga nawala, apan nakaplagan.”

PAGPAAMBIT SA MENSAHE:

Ang maong ebanghelyo maoy sambingay tali sa Diyos ug kanato nga iyang mga katawhan nga sa higayon nga kitang iyang mga tinawag ug pinili nga katawhan mahisala-ag sa dalan nga iyang gipasubay kanato nan pangitaon gayud kita . Matod pa diha sa ubang sinulat nagaingon nag bisan ang mga anghel sa kalangitan magasaulog ug magakumbira agigpasalamat kun adunay usa lamang ka binuhat nga mobalik sa sabakan sa Diyos gikan sa pagkasalaag niini.

Ingon niana ang pagpasidungog sa Diyos kanatong mga nahisallaag kay matod pa diha sa balaang kasulatan 2 Pedro 3: 9 nagaingon nga dili maglangan ang Diyos sa iyang gisaad nga pagbalik sumala sa gihuna-huna sa uban apan nagapailob siya kanato kay maoy iyang gusto nga sa dili pa Siya mobalik magahinulsol ang tanan sa ilang mga sala aron walay isa sa iyang mga katawhan nga malaglag.

Ingon niana ang kaimporatante sa tawo diha sa atubangan sa Diyos diin atong mapalandunagn nga iyang gipakanaog ang iyang bugtong anak aron sa pagluwas kanato pinaagi sa iyang kamatayon sa krus diin mao kadto ang buhing halad sa atong manunubos aron malukat kita sa atong mga sala, Nga sa ato pa mga igsoon ang Diyos maoy nangita kanato ug dili nga kita maoy nangita kaniya.

Diin diha niining Tinagong Kamatuoran nga atong gibarugan mao gayuy gusto sa Diyos nga matag-usa kanato mamahimong buhing halad ngadto sa atong Diyos nga dili makita ug mahikap, ang Diyos ni Abraham ug Diyos ni Jacob. Susamang panag-ingnan ni Ginoong Jesu Cristo matod pa diha sa ubang sinulat sa nga kun nagasunod ka sa mga pagtulon-an nga gisangyaw ni Jesu Cristo nan magkinabuhi ka usab sama kang Jesu Cristo diin makaambit ka sa mga paglutos.

Atong himoong buhing halad ang atong lawas diin magapuyo kita nga langyaw niining kalibutan apan ha-om didto sa gingharian sa langit diin atong biyaan ang mga tawhanon nga kailibgon ug maoy atong isul-ob ang kinaiyahan sa espiritu santo nga anaa ang pagpaubos, pagpasakit ug ang kanunay nga mga pag-ampo. Kay mao gayuy importante sa tawo nga diha sa iyang mga paglutos nga hiambitan, iyang dawaton sa tumang pagpaubos kay matod pa sa pulong sa Diyos espiritu santo tukhi ang mga pagsulay sa mga pag-ampo kay anaa si Jesu Cristo nga manalipod kanimo.

Ang Gahom Sa Anak

JUAN 5: 19~29

• 19 Mitubag si Jesus, “Sultihan tamo.” Ang anak walay mahimo sa kaugalingon lang gawas sa makita niya nga gibuhat sa Amahan. Ang gibuhat sa Amahan buhaton sab sa anak, 20 kay ang Amahan nahigugma sa Anak nga iyang gipakita sa tanan niyang gibuhat. Pakitaon pa siya sa iyang Amahan og mga butang nga labi pang dagko kay ini aron mahibulong mo.

21 Ingon nga gibanhaw sa Amahan ang mga patay ug gihatagag kinabuhi, ang anak sab mohatag og kinabuhi kang bisag kinsa nga buot niyang hatagan. 22 Sa samang paagi, ang Amahan dili mohukom ni bisag kinsa. Gitugyan niya sa anak ang tanang hukom, 23 ug buot siya nga ang tanan magpasidungog sa Anak ingon nga nagpasidungog sila sa Amahan. Ang nagsalikway sa Anak nagsalikway sab sa Amahan nga nagpadala niya. 24 Sa pagkatinuod sultihan tamo, ang mamati sa akong pulong ug motoo sa nagpadala nako, makabaton sa kinabuhing dayon. Dili na siya hukman, kay naluwas siya gikan sa kamatayon ngadto sa kinabuhi.


25 Sultihan tamo, taliabot ang panahon, ug gani miabot na, kanus-a makabati ang mga patay sa tingog sa Anak sa Diyos ug mabuhi ang namati ini. 26 Kay ang Amahan may kinabuhi sa iyang kaugalingon; sa samang higayon gitugyan niya sa anak ang pagbaton og kinabuhi sa iyang kaugalingon. 27 Gihatagan sab niya ang anak sa gahom pagpahamtang og silot, kay anak man siya sa tawo. 28 Ayawg katingala: moabot ang panahon nga ang nangamatay ug ang naa sa lubnganan makabati sa akong tingog 29 ug manggawas. Ang maayog binuhatan mabanhaw aron mabuhi. Ang daotan mabanhaw aron silotan.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang gahom sa Amahang Dios mao usab ang gahom sa anak kay matod pa diha sa ubang pulong sa ubang kasulatan nagaingon, Colosas 1: 15, Si Jesu-Cristo ang buhing larawan sa dili makita nga Diyos, Sa ato pa mga igsoon sa dili masabot nga panag-ingnan nga ang Dios Amahan ug ang Dios nga anak usa ra.

Dinhi na si Jesus Cristo sa wala pa mabuhat ang kalibutan, Siya ang Arkitekto nga tiglingaw sa Amahng Diyos diha sa gibuhat nila ang kalibutan. Juan 1: 14 nagaingon Siya ang pulong nga nagpakatawo ug nakig-uban diha kanato. Philipos 2: 6~11 nagaingon : Diha na kaniya ang kinaiya gayod sa Dios, Apan wala siya maghuna-huna pagpakigtupong sa Diyos pinaagi sa kusog, Kundili sa iyang kaugalingong kabubut-on iya kining gibiyaan, ug gisul-ob niya ang kinaiya sa usa ka sulogoon, Natawo siya sama kanato ug nakita siya ingon nga tawo, Nagpaubos siya ug nagmasinugtanon hangtod sa kamatayon niya sa krus.

Diin dako ang kadaugan ni Jesu Cristo diha sa tahas nga gisangon kaniya sa Amahan, diin pinaagi niini nabanhaw siya ug gibayaw ang iyang lawas ngadto sa langit ug milingkod sa tuong dapit sa iyang Amahang Dios ug pinaagi niini gihatagan siya ug dungganan nga ngalan diin ang tanang binuhat didto sa langit , dinhi sa yuta ug didto sa ilawom sa yuta moluhod ug magpasidungog sa iyang ngalang Jesu Cristo.

Sa ato pa mga igsoon usa ka pagpamalandong nga ang gahom sa anak nga gipasinati sa Diyos kanato maoy talagsaong mensahe diha sa diwa o kinabuhi nga kristuhanon, diin hubo siya sa materyal nga bahandi dinhi sa ibabaw sa kalibutan wala niya dad-a ang kinatibuk-an nga kasundalohan didto sa iyang gingharian sa langit kundili nagpaubos siya aron ipakita nga ang gahom sa Diyos diha kang Jesu-Cristo dili gahum sa pagpasigarbo kundili gahum sa pagpaubos Sama nga ang pulong sa Diyos pulong sa pagpaubos.

Ingon niana ang pagtudlo ni Jesus sa iyang mga sumosunod, kay matod pa diha sa ubang sinulat sa balaang kasulatan nagaingon kun gusto nimong mamahimong dako didto sa gingharian sa langit nan maga-alagad ka sa daghang katawhan dinhi sa yuta, kay si kinsa kadtong nagpakaubos sa iyang kaugalingon dinhi sa yuta nan ipataas didto sa iyang ginghari-an sa langit, apan ang mapahitas-on dinhi sa ibabaw sa yuta nan ipaubos ug dili ilhon nga iyang anak didto sa ginghari-an sa langit.

Kinabuhi Nga Minando-an Sa Espiritu

ROMA 8 :1~17

8 • 1 Wala nay dakong panagsungi alang sa nagpuyo diha ni JesuCristo, 2 kay diha niya ang Balaod sa Espiritu sa kinabuhi nga nagluwas nako sa balaod sa sala ug kamatayon. 3 Walay epekto ang balaod, kay ang unod wala man mosanong. Unya, ang Diyos nga naglaraw pagpukan sa sala, mipadala sa kaugalingong Anak nga daw tawong makasasala aron pagbuntog sa sala ining tawhanong kahimtang. 4 Gikan adto, ang kahingpitan nga tumong sa Balaod matuman na diha nila nga naglakaw dili sa dalan sa unod kondili, sa Espiritu.

• 5 Ang naglakaw sumala sa unod hilig sa mga butang sa unod; ang gidumala sa espiritu hilig sa mga butang sa espiritu. 6 Ang unod nagpunting sa kamatayon; samtang ang espiritu, sa kinabuhi ug kalinaw. 7 Gitinguha sa unod ang supak sa Diyos, bisan gani sa balaod sa Diyos. 8 Busa, ang naglakaw sumala sa unod dili makapahimuot sa Diyos.

9 Apan dili mo ubos sa pagdumala sa unod kondili, sa espiritu kay ang Espiritu sa Diyos naa man ninyo. Kon wala pa, dili unta mo masakop ni Cristo. 10 Apan kon si Cristo naa ninyo, bisag ang lawas mamatay isip sangpotanan sa sala, ang espiritu magpabiling buhi kay grasya man ni sa Diyos. 11 Kon ang Espiritu sa mibanhaw ni Cristo sa minatay naa ninyo, ang mibanhaw ni Cristo mobanhaw sab ninyo. Iya ning buhaton pinaagi sa iyang Espiritu nga nagpuyo diha ninyo. 12 Unya, mga igsoon, biyaan ta ang unod ug dili na magpuyo sumala ini. 13 Kon dili, mamatay ta. Hinuon, maglakaw ta sa Espiritu ug patyon ang mga buhat nga lawasnon aron mabuhi ta. 14 Ang naglakaw sa Espiritu sa Diyos, mga anak sa Diyos.

15 Mawala na ang kahadlok, kay wala man mo makadawat sa espiritu sa kaulipnan. Ang inyong nadawat mao ang Espiritu nga naghimo ninyo nga mga anak. Matag sangpit nato: “Abba, Amahan,” 16 ang Espiritu nagpasalig sa atong espiritu nga 17 mga anak ta, ug mga sumusunod. Maato ang kabilin sa Diyos nga paambitan nato ni Cristo; kay kon nag-antos ta karon uban niya, moambit sab ta sa Himaya uban niya.

18 Akong giisip nga ang pag-antos sa atong kinabuhi karon dili makatumbas sa Himaya nga ipadayag ug ihatag kanato. 19 Ang tanang binuhat mahinangpong nagpaabot sa pagkatawo diha sa himaya sa mga anak sa Diyos. 20 Kay ang kalibotan naulipon man sa kapakyasan. Wala ni maggikan sa kaugalingon, apan sa nag-ulipon ini. 21 Hinuon, duna niy paglaom, kay bisan ang gimugnang kalibotan maluwas sa kamatayon ug makaambit sa kagawasan ug Himaya sa mga anak sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang as pagkinabuhi nga langyaw niining kalibutana apan haom didto sa gingharian sa Diyos diin atong isalikway ang mga tawhanong kailibgon ug mga tawhanong kinaiyahan. Mao kini ang pagkinabuhi nga ubos sa grasya ug panalangin sa espiritu santo sa Diyos, ang hiyas ug kinaiyahan nga gisul-ob ni Jesu Cristo. Ang pagkamangindawaton, pagpaubos ug ang pagkamainampoon.

Apan matod pa nga ania pa kita sa kalibutan diin ang kalibutan gigamhan sa sala, nan kita nga mga katawhan niining kalibutan makasala gayud sa kasing-kasing sa huna-huma ug sa buhat. Ang Diyos nagsabot niining tanan diin kita gitagaan sa tulomanon sa mga pag-ampo diha sa matag balaang oras aron kapanalipdan ang imong kalag ug malig-on ang imong espiritu ug sa hinay-hinay mausab ang imong tawhanong hiyas ug binuhatan diin mamahimo nga sa kanunay ikaw magasimba niining espiritu santo sa kamatuoran.

Mao kini ang pagsimba nimo didto sa langit diin bisan nia ka pa sa yuta apan ato na nga buhaton ang mga bulohaton sa mga katawhan didto sa gingharian sa langit apan gikinahanglan nimo ang imong buhing lawas nga maoy imong ihalad ngadto sa Diyos diin anaa ang pagbalaan ug ang paglikay diha sa mga kasal-anan. Kay mao gayuy gusto sa Diyos nga kita nagaalagad kaniya sa bug-os gayud diin nahiusa ang imong huna-huna ug ang imong kasing-kasing, diin mao kini ang matuod nga pagsangyaw sa tinago nga kamatuoran diin atong ipakita sa Diyos nga ang kamatuoran nga iyang gihatag kanato atong gibuhat diin hingpit hinlo aron sa ingon natuman nato ang iyang kabubut-on.

Kay ang balaan kasulatan nagaingon nga kun gusto nimo nga daygon dinhi sa ibabaw sa yuta nan pas-ana ang imong krus, sunod sa pagtulun-an nga gisangyaw ni cristo kay bulahan ka nga nakaambit diha sa mga kasakitan ni Jesu Cristo diha sa iyang paglansang sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Si Adan Ug Si Cristo

ROMA 5:12~21

• 12 Karon, ang sala misulod sa kalibotan pinaagi sa usa ka tawo. Pinaagi sa sala, ang kamatayon milukop sa tanang katawhan, kay nakasala man ang tanan.
13 Kay wala may balaod, dili sila makasulti mahitungod sa kamasupilon. Apan diha na sa kalibotan ang sala. 14 Apan naghari ang kamatayon nga walay pagpili diha nila gikan ni Adan ngadto ni Moises. Hinuon, ang ilang sala dili ang kamasupilon sama sa kang Adan – dili ni ang tinuod nga Adan, nagtagna ni sa laing moabot.

15 Busa, ang mga epekto sa gasa sa Diyos dili matupngan adtong sa sala. Nahibawo ta nga daghan ang nangamatay tungod sa sala sa usa ka tawo. Apan unsa pa kaha kadaghan ang grasya sa Diyos ug ang gasa nga gihatag sa katawhan pinaagi ining talagsaong tawo nga si JesuCristo. 16 Ang grasya sa Diyos milabaw kaayo sa sala. Ang kamasupilon nga mikondenar gihimo sa usa lang ka makasasala. Apan ang grasya sa Diyos magpasaylo sa kalibotan nga makasasala. 17 Kon mihari ang kamatayon tungod sa kamasupilon sa usa lang ka tawo, unsa pa kaha ang paghari ug pagkabuhi sa nakadawat sa grasya sa Diyos pinaagi sa tawo nga si JesuCristo.

18 Sama nga ang sala sa usa nagpahamtang og silot sa kamatayon alang sa tanan, nag-antos sab ang usa ug nakaangkon sa pasaylo ug kinabuhi alang sa tanan. 19 Ingon nga ang kamasupilon sa usa nakapahimo sa daghan nga makasasala, ang kamasinugtanon sa usa nagmakiangayon ug nagbalaan sa daghan. 20 Ang Balaod mismo nga gipaila sa kaulahiay, mipadagsang sa sala. Apan diin midagsang ni, milabaw kabuhong ang grasya. 21 Sama nga mihari ang kamatayon tungod sa sala, ang grasya sab maghari sa kaugalingong panahon, human ta namakiangayon ug nahigala sa Diyos, dad-on ta niya sa kinabuhing dayon pinaagi ni JesuCristo, atong Ginoo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa unang sinulat nga nagaingon nga nakasulod ang sala sa kalibutan tungod sa usa ka tawo. Matod pa diha sa libro sa Genesis gibuhat sa Diyos si Adan nga pareha ug panagway sa Diyos ug diha usab kang Adan gikuha ang iyang gusok ug maoy gihimo niyang kauban , iyang kapikas nga si Eba, diin didto sila sa Eden nanagpuyo apan natintal sila sa pagkaon sa kahoy sa kinabuhi nga maoy moabli sa ilang salabutan apan mamahimo silang adunay kamatayon,

Mao kini ang sala nga namugna sa atong unang mga ginikanan, nga matod pa pinaagi kanila nakasulod ang sala sa kalibutan, ug pinaagi kanila naghari usab ang kamatayon pinaagi sa sala, nan gikan kan Adan paingon sa kaliwatan ni Moises, gigamhan na sa sala ang kalibutan ug bisan pa kadtong mga umaabot pa nga mga kaliwatan makasasala na daan, wala pa mamugna ang balaod apan namugna na ang sala.

Apan ang ikaduha ug kataposang Adan nga gipaabot sa Diyos sa kalibutan wala magagikan sa abog kundili gikan siya sa lalang sa espiritu santo nga mikunsad ngadto sa sabakan ni Birhen Maria. Diha na siya sa wala pa ang kalibutan, Siya ang arkitekto nga tiglinagw sa Amahan sa dihang gibuhat nila ang kalibutan, ug diha na usab siya sa panahun ni Moises niadtong nabantog nga Exodus diin siya kadtong maong bata nga sa kanunay nagauban ug nanagiya sa mga bulohaton ni Moises. Siya ang pulong nga nagpakatawo ug mipuyo uban kanato. Siya ang bugtong anak sa Amahang Diyos , siya si Jesu Cristo.

Diha sa kasaysayan sa pagkatawo ni Jesu Cristo nagsugod usab ang kasaysayan sa ikaduhang kasabutan, diin matod pa sa ubang sinulat, wala na unta kinahanglana ang ikaduhang kasabutan kun wala pay mga kasaypanan ang unaang kasabutan nga sa ato pa kun wala pa makasulod ug maghari ang sala sa kalibutan nan dili na unta magpakatawo ang atong Ginoong Jesu Cristo aron sa pagluwas kanatong mga makasasala.

Matod pa, usa sa mga tahas ni Jesu Cristo sa iyang pagpakatawo sa kalibutan mao gayud ang pagpasabot sa mga kasugo-an sa iyang Amahang Diyos, aron pagpasabot sa mga kasugo-an ang gisangyaw ni Moises, nga napulo ka sugo sa Dios nga gisangyaw ni Moises naglangkob lamang kini ug duha ka sugo, una mao ang Paghigugma sa Diyos ug dili ka magbaton ug laing Diyos gawas kaniya , ug ikaduha mao ang paghigugma sa imong isigkatawo sama sa imong paghigugma sa imong kaugalingon, diin masupak nimo ang usa lang niining maong mga kasugo-an nan nasupak na usab nimo ang tanan nga kasugo-an sa Diyos.

Kay matod pa ang kasugo-an sa dios kasugo-an sa paghigugma, kay ang Dios nga atong gialagaran ug giampo-an Diyos sa Gugma. Sa ato pa ang tawo nga adunay gugma sa Dios ug sa iyang isigkatawo nan haduol sa gingharian sa langit. Mao kini ang gipakita nga sumbanan sa Diyos kanato, nga ang iyang pagpakatawo sa kalibutan mao gayud ang pagsunod sa tahas sa iyang Amahan tungod sa gugma sa Diyos kanato, Kay matod pa ang Diyos maoy nangita ug nagpaduol kanato ug dili kita maoy nangita Kaniya.

Kaguol Mahimong Kalipay

JUAN 16:16~24

• 16 Sa dili madugay dili na mo makakita nako; unya, sa dili na pod madugay, makita na ko ninyo.” 17 Ang ubang tinun-an natingala, unsay kahulogan sa iyang gisulti: ‘Sa dili madugay, dili na mo makakita nako, ug sa dili madugay makita na ko ninyo. Nganong miingon man siya: ‘Moadto ko sa Amahan?’ 18 Miingon sila sa usag usa: “Unsa ning sa dili madugay?’ Dili masabot.”

19 Nakamatikod si Jesus nga buot silang mangutana busa, miingon siya: “Naglibog mo tungod sa akong gisulti nga sa dili madugay dili na mo makakita nako unya, sa dili pod madugay makita na ko ninyo. 20 Sa pagkatinuod sultihan tamo, maghilak mo ug magbangotan samtang naghudyaka ang kalibotan. Maguol mo, apan mahimong kalipay ang inyong kaguol.

21 Ang babayeng mabdos maguol kon hapit na manganak. Apan inigkatawo sa bata, dili na siya mahinumdom sa pag-antos tungod sa kalipay: Nahimugso ang usa ka tawo sa kalibotan. 22 Naguol mo karon, apan makita ra ko ninyo pag-usab ug maglipay ang inyong kasingkasing sa ingon nga wala nay makaagaw sa inyong kalipay. 23 Anang adlawa, dili mo mangayo nako. Sa pagkatinuod sultihan tamo, bisag unsay inyong pangayoon sa Amahan sa akong ngalan, iyang ihatag. 24 Hangtod karon wala pa mo makapangayo sa akong ngalan. Busa, pangayo ug makadawat mo aron mahingpit ang inyong kalipay.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pagtulon-an nga gisangyaw ni Jesu Cristo diin sa dihang hapit na siya mobalik ngadto sa gingharian sa iyang Amahan siya nagpasidaan nga diha sa iya unyang paglakaw bati-on ug kaguol ang iyang mga tinun-an apan malipay ra gihapon sila inigkadayag na sa kamatuoran. Kini nagapasabot lamang nga sa kamatayon unya sa atong manunubos diin siya pagalutoson ug ilansang sa krus nan magbangutan ang iyang mag tinun-an, apan unya diha sa iyang pagkabanhaw malipay sila kay gipamatuod sa Diyos nga kamatuoran ang iyang gisangyaw ang kamatuoran ug sa ingon kamatuoran nga adunay pagkabanhaw human sa kamatayon diin mao kini ang gipasinati kanila.

Diha sa Juan 14: 15 nagaingon si Jesu Cristo “ Tumana ninyo ang akong mga sugo kay mangayo ako sa Amahan ug tagaan kamo niya ug laing manlalaban, ang espiritu santo sa kamatuoran nga magauban kaninyo hangtod sa kahangturan, Ang kalibutan dili makadawat kaniya kay dili man siya makita ni mailhan nila apan makaila kamo kaniya kay nagauban man siya ug nagapuyo diha kaninyo.

1 Corinto 3:16 nagaingon “ Ang lawas sa tawo maoy templo sa Diyos espiritu santo, ug ang molaglag sa templo sa Diyos nga mao kita nan pagalaglagon usab sa Diyos. Nangita kita sa Diyos aron atong mapasalamatan ug maalagaran apan ang Diyos anaa diay nagapuyo diha sa matag tawo niining ibabaw sa kalibutan, diha sa ubang sinulat nagaingon nga kun unsay imong gihimo diha sa pinakaubos nimong igsoon nan mao usay imong gibuhat ngadto sa Diyos. Mao kini ang bililhong butang diha niining maong ebanghelyo diha sa pagbalik ni Jesu-Cristo ngadto sa iyang Amahan iyan gibilin kanato ang kataposang manlalaban. Ang espiritu santo sa kamatuoran diin nagapuyo ug nagauban kanato. Nagpasabot mga igsoon nga atong isangyaw ang gugma ug panagdait ngadto sa atong isigkaingon aron sa ingon nakatuman kita sa kabubut-on sa Diyos, Kay matod pa diha sa balaang kasulatan nagaingon si Ginoong Jesus “ Paghigugmaay kamo aron ang mga katawhan nga makaila kaninyo mahibalo nga kamo akong mga tinun-an.

Ang Mga Tinun-an Kaaway Sa Kalibutan

JUAN 15:18~27 16:1~4

18 “Kon masilag ninyo ang kalibotan, hinumdomi nga una ning nasilag nako. 19 Dili unta maingon ini kon iya pa mo sa kalibotan, kay nahigugma ang kalibotan sa iyaha. Apan dili mo sa kalibotan, kay akoy nagpili ninyo gikan sa kalibotan. Busa, ang kalibotan nagdumot ninyo.

20 Hinumdomi ang akong gisulti: “Ang ulipon dili molabaw sa agalon.” Kon ila kong gilutos, lutoson sab mo. Gituman ba nila ang akong gipanudlo? Nan karon, tumanon ba nila ang inyo? 21 Tungod sa akong ngalan buhaton nila kining tanan, kay wala sila makaila sa Nagpadala nako.

22 Kon wala pa ko makaanhi ug makasulti nila, wala unta silay sala, apan karon wala na silay kapasanginlan sa ilang sala. 23 Ang nasilag nako, nasilag sa akong Amahan. 24 Kon wala pa nako mabuhat diha nila ang wala mabuhat ni bisag kinsa, wala unta silay sala. Apan sa nakita na nila ang akong gibuhat, ako ug ang akong Amahan ilang gikasilagan. 25 Natuman ang mga pulong nga nasulat sa ilang Balaod: Gikasilagan ko nila sa walay hinungdan.

• 26 Akong ipadala ninyo gikan sa Amahan ang Espiritu sa kamatuoran nga gikan sa Amahan. Inig-abot sa Maglilipay, mosaksi siya nako. 27 Kamo pod maakong mga saksi, kay sukad sa sinugdan nag-uban mo nako.”

16 1 Ako ning gisulti aron dili mo ma lainan ug mainsultohan. 2 Hinginlan mo nila sa mga sinagoga. Moabot ang panahon nga ang mopatay ninyo magtoo nga nag-alagad sila sa Diyos. 3 Buhaton ni, kay wala man sila makaila sa Amahan ni nako. 4 Karon, sultihan tamo ining tanan aron inig-abot sa panahon mahinumdom mo nga nakasulti na ko ninyo

PAGPAAMBIT SA MENSAHE:

Ang maong ebanghelyo maoy nagpamatuod diha sa ubang pulong sa Dios nga nagaingon nga ang nagkinabuhi ug nagatoo sa mga pagtulun-an nga gisangyaw ni Jesu Cristo nan pagalutoson gayud. Diha niining maong ebanghelyo nagpamatuod lamang sa makausa nga kun imong gisunod ug gisangyaw ang mga pagtulun-an ni Jesu CrIsto nan makaambit ka gayud sa mga paglutos.

Ingon niana ang una nga mga tinawag nga mga apostoles ni Jesu Crsisto sama kang Pablo, Pedro ugJuan diin diha sa ilang pagsangyaw sa upat ka suok sa kalibutan sa kanunay nagpaabot ang prisohan kanila. Apan wala sila mahadlok kay nakaila sila kun kinsa ang ilang gialagaran ug labaw sa tanan nakahibalo sila kun asa paingon ang ilang kalag kay para kanila wala nay pulos ang ilang kinabuhi ug walay bili ang ilang material nga laws kay ang imporatante mao nga nasayod sila kun unsay ilang pagaadtuan ug asa sila paingon. Ilang gipamatuod ang ubang pulong diha sa balaang kasulatan nga nagaingon ayaw kahadluki ang tawo nga mopatay sa imong lawas apan walay mahimo sa imong kalag maoy kahadluki ang Dios nga makalaglag sa imong lawas ug kalag.

Nahurot ug kamatay ang tanang maga apostoles ni Cristo diin sama kang Pablo ug Pedro didto sila mamatay sa Roma ang nabantog nga siyudad niadtong panahun ni Cristo diin mao kadto ang gitawag nga nabantog nga Roman Empire. Gipamtuod lamang ang unang mga sinulat diha sa balaang kasulatan nga nagaingon si Jesus diha sa Mateo 16 :18, “Simon ikaw si Pedro ug ibabaw niining bato itungtong ko ang akong iglisea ni ang kamatayon dili makabuntog niini. Tinuoray gayud nag bisan diha sa kamatayon ni Jesu- Cristo ug sa iyang unang mga apostoles apan ang pagtulun-an nga gibilin ni Jesu Cristo padayun nga nagabarog hangtod niining panahuna.

Do mil katuig na ang milbay diin daghang mga milagro nga nagapadayon ug ingon nga daghan mga magtutuo ang gipanghunusan sa ilang kinabuhi apan sa gihapon kining pagtulun-an nga gibilin ni Jesu Cristo nagapabilin ug sa kanunay naga-antos diha sa mga pagpanlutos ug pandaug-daug. Midagsang ang lainglaing pagtulun-an diin aduna kitay 46,000 ka pagtulun-an sa tibuok kalibutan apan matod pa kabubut-on sa Diyos ang tanan kay matod nagaingon ang balaang kasulatan nga lahi-lahi ang patawg ko kaninyo apan dili ang tanan nagatawag kanako ug Ginoo makasulod sa gingharian sa langit. Daghan usab ang mga katawhan nga pinili sa Diyos diha sa matagpagtulon-an aron sa ingon makita gayud kun kinsa ang nagpabilin nga naga-alagad kaniya.

Apan ang Diyos nagaingon nga mailhan ninyo kun ako kanang pagtulon-an nga inyong gibarugan kay makaambit gayud kamo sa mga paglutos. Kay mao gayuy gusto sa Diyos nga ang iyng mga pinili nga mga katawhan pagasulayan gayud dili kay magalingkod-lingkod lang ug magahulat sa iyang pagbalik, kay matod pa pagasulayan man gani ang bulawan sa kalayo kun matuod ug puro ba ang pagkabulawan niini nan ang tawo pa kaha nga mas dako pa ug bili sa bulawan nan pagasulayan gayud kini sa Diyos. Diin diha unya sa mga paglutos ug mga kalisod nga atong nasinati dinhi sa ibabaw sa kalibutan diin imong gidawat sa tumang pagpaubos nan makita unya sa Diyos nga siya imong gipahari diha sa imong kasing-kasing kay mohag man unya ang panagway ni Jesu Cristo diha sa atong kasing-kasing.

Nakigsulti Si Jesus Sa Babayeng Taga-Samaria

JUAN 4:1~42

4 • 1 Nasayod ang Ginoo nga naka- dungog na ang mga Pariseo bahin niya. Ang mga tawo nag-ingon nga mas daghan ang nakabig ug nabunyagan niya kay ni Juan. 2 Hinuon dili si Jesus ang namunyag kondili, ang iyang mga tinun-an. 3 Busa, mibiya si Jesus sa Juda ug miadto sa Galilea. 4 Kinahanglang moagi siya sa Samaria. 5 Naabot siya sa syudad sa Samaria nga ginganlag Sicar duol sa yuta nga gihatag ni Jacob sa anak nga si Jose. 6 Atua didto ang atabay ni Jacob. Kay nagbaklay man, gikapoy siya pag-ayo. Busa, milingkod si Jesus sa daplin sa atabay. Hapit na maudtong tutok. 7 Unya, miabot ang babayeng taga Samaria aron pagsag-ob og tubig. Miingon niya si Jesus, “Paimna ra ko.” 8 ‘Niining higayona ang mga tinun-an didto sa lungsod, namalit og pagkaon. 9 Miingon ang babaye, “Taga Samaria ko, babaye pa gyod, ug Judio ka. Nganong mangayo ka nakog tubig nga mainom?” (Ang mga Judio ug ang Samariyanhon wala magkasinabtanay.)

10 Mitubag si Jesus, “Kon nahibawo ka pa sa Gasa sa Diyos! Kon nasayod ka pa og kinsay nangayo nimog tubig, mangayo gyod ka ug hatagan tikaw og buhing tubig.” 11 Mitubag ang babaye, “Nyor, wala kay timba ug lawom ang atabay. Hain man ang imong tubig nga may kinabuhi? 12 Labaw ka ba sa among katigulangan nga si Jacob? Siyay naghatag namo ining atabaya aron makapanginom ang mga anak ug kahayopan.”

13 Mitubag si Jesus, “Ang moinom ining tubiga uhawon pag-usab. 14 Apan ang moinom sa tubig nga akong ihatag dili na uhawon. Kay ang maong tubig matuboran diha niya nga mohatag og buhing tubig alang sa kinabuhing dayon” 15 Miingon ang babaye: “Nyor, hatagi ko ining tubiga aron dili na ko uhawon ug dili na moanhi aron pagkawos.” 16 Miingon si Jesus, “Lakaw, tawga ang imong bana unya, balik nganhi.” 17 Miingon ang babaye, “Wala koy bana.” Mitubag si Jesus, “Tinuod na, 18 kay kalima ka na maminyo. Ang gipuyo nimo dili mo bana. Tinuod ang imong giingon.” 19 Misumpay ang babaye:“Para nako propeta ka. 20 Sultihi ko: Ang among katigulangan nanganhi ining bukira aron pagsimba sa Diyos. Apan kamong mga Judio nag-ingon nga sa Jerusalem ra simbahon ang Diyos.”

21 Si Jesus miingon, “Babaye, toohi ko, moabot ra ang panahon nga kamo dili na mosimba sa Amahan ining dapita ni sa Jerusalem. 22 Kamong taga Samaria wala mahibawo sa inyong gisimba, samtang kaming mga Judio nakahibawo kinsay among gisimba, kay ang kaluwasan gikan sa mga Judio. 23 “Apan moabot ang panahon, ug karon nia na, nga ang matuod nga mosimba sa Amahan mosimba niya sa espiritu ug sa kamatuoran – nga gimbut-an sa Amahan. 24 Espiritu ang Diyos ug ang mosimba niya kinahanglang mosimba diha sa espiritu ug kamatuoran.”

25 Miingon niya ang babaye, “Nasayod ko nga moabot ang Mesiyas nga ginganlag Cristo. Inig-abot, tug-anan ta niya sa tanan.” 26 Si Jesus mitubag, “Ang nakigsulti nimo mao siya.” 27 Niining puntoha naabot ang mga tinun-an ni Jesus. Natingala sila nga nakigsulti siya sa babaye. Apan walay nakapangutana: “Unsay imong gipangita?” o, “Nganong nakigsulti ka niya?” 28 Unya, gibiyaan sa babaye ang iyang tadyaw ug mibalik sa lungsod. Didto giingnan niya ang mga tawo: 29 “Dali ug tan-awa ang tawo nga misulti nako sa tanan kong nabuhat. Dili ba siya si Cristo?” 30 Busa, namiya sila ug miadto niya
.
31 Sa kasamtangan ang mga tinun-an nangagda ni Jesus, “Magtutudlo, kaon na.” 32 Si Jesus mitubag, “May pagkaon ko, apan wala mo masayod ini.” 33 Ang mga tinun-an natingala: “May nagdala ba niyag pagkaon?” 34 Si Jesus miingon, “Ang akong pagkaon mao ang pagtuman sa kabubut-on sa nagpadala nako ug paghuman sa iyang gibuhat.

35 Dili ba, nag-ingon man mo nga may upat pa ka bulan una moabot ang ting-ani. Karon sultihan tamo: Tan-awa ang kaumahan, hinog na ang mga bunga ug maayo nang anihon. 36 Makadawat ang mangangani sa suhol ug tipigan nila ang abot alang sa kinabuhing dayon, aron malipayg dungan ang nagpugas ug ang nangani. 37 Tan-awa, tinuod ang panultihon nga lain ang magpugas ug lain ang mangani. 38 Gisugo tamo pagpangani sa wala ninyo hagoi. Lain ang naghago ug kamoy mabulahan sa ilang hinagoan
.
39 Daghan ang Samariyanhon adtong lungsora nga nanoo ni Jesus, kay ang babaye nag-ingon man, “Gisultihan ko niya sa tanan kong nabuhat.” 40 Sa pag-abot sa mga Samariyanhon, gihangyo nila si Jesus pagpabilin una uban nila. Busa, nagpabilin siyag duha ka adlaw 41 ug midaghan ang nanoo tungod sa iyang gisulti. 42 Unya, giingnan nila ang babaye, “Mitoo mi dili tungod sa imong gisulti kondili, tungod sa among nadungog, ug nakahibawo mi nga Manluluwas siya sa kalibotan.”

PAGPAAMBIT SA MENSAHE:

Ang maong ebanghelyo nga ngaingon 10, “Kon nahibawo ka pa sa Gasa sa Diyos! Kon nasayod ka pa og kinsay nangayo nimog tubig, mangayo gyod ka ug hatagan tikaw og buhing tubig.” 11 Mitubag ang babaye, “Nyor, wala kay timba ug lawom ang atabay. Hain man ang imong tubig nga may kinabuhi? 12 Labaw ka ba sa among katigulangan nga si Jacob? Siyay naghatag namo ining atabaya aron makapanginom ang mga anak ug kahayopan.”

Diin nagpasabot kini diha sa ubang pulong sa balaang kasulatan nga nagaingon, Siya ang Dalan ang kamatuoran ug ang kinabuhi, diin ang tubig nga atong mainom dili kini “literal” nga tubig kundili espirituhanon nga tubig diin dili na kita uhawon diha sa mga materyal nga mga butang diha sa mga tawhanong kailibgon kay Si Jesu Cristo mismo nga maoy tuburan sa tubig sa kinabuhi mao man ang anaa diha sa atong kasingkasing ug panumduman.

Kun atong isul-ob ang kinaiyahan sa espiritu santo nga maoy gisul-ob ni Jesu Cristo nan magkinabuhi kita nga mangindawaton, ug mainantuson diha sa mga pagsulay ug paglutos ug labaw sa tanan anaa kanunay ang atong pagpakig-istorya sa Diyos pinaagi sa mga pag-ampo. Ania pa kita dinhi niining kalibutana diin puno pa sa mga pagsulay ug mga tawhanong kailibgon ang palibot apan kun gidawat mo Si Jesu Cristo nga imong manluluwas nan panag-ingnan ang iyang mga buhat niadtong panahuna diin magpakabuhi kita nga sama sa langyaw niining kalibutaan apan ha-om didto sa iyang ginghari-an sa langit.

Matod pa diha sa ubang pulong nga nagkanayon kun nasayod pa unta kamo kun unsay atua didto sa gingharian sa langit nan dili na unta kamo mangaplag pa ug dugang bahandi niining kalibutana ug biyaan niniyo ang tanan ug maoy inyong siguroon kun unsaon paghiabot didto sa iyang gingharian sa langit.

Diha sa ubang sinulat naga-ingon Datu ang tawo kun kuntento na siya kun unsay anaa, Kay matod pa unsay may maarang sa tawo nga diha sa paghimugso niining kalibutana hubo man kitang daan ug inigtalikod nato niining kalibutana nan biyaan man nato ang tanan.Apan ang Diyos masinabuton nga Diyos nahibalo na siya sa umaabot natong huna-huna ug mga plano sa kinabuhi diin ang balaang kasulatan nagaingon…Unaha ang gingharian sa Diyos ug ang tanan nimong gipangayo ihatag ra kanimo.

Nadawat Ang Saad Tungod Sa Pagtuo

ROMA 4:13~25

13 Kon ang Diyos misaad kang Abraham, o sa iyang kaliwat, nga maiya ang kalibotan, dili ni tungod sa pagtuman sa Balaod kondili, sa kamaangayon ug kahigala sa Diyos tungod sa pagtoo. 14 Kon karon ang saad gituman alang sa nagsalig sa Balaod, ang pagtoo mawad-an sa kamahinungdanon ug ang saad dili matuman. 15 Kay iya sa Balaod ang pagpahamtang og silot, magkauban ang balaod ug sala.
16 Tungod ini, ang pagtoo dalan, ang tanan gihatag pinaagi sa grasya. Ang mga saad ni Abraham natuman alang sa tanan niyang kaliwat, dili lang alang sa mga anak sumala sa Balaod kondili, sa ubang nagtoo.
Si Abraham amahan natong tanan. 17 Himoon tikawng amahan sa daghang nasod. Amahan ta siya sa mata Niya nga nagbanhaw sa minatay ug naghimo sa tanang binuhat, kay kini man ang Diyos nga iyang gitoohan.
18 Si Abraham nagtoo ug naglaom bisag wala nay pagdahom, sa ingon naamahan siya sa daghang nasod, sumala sa giingon kaniya: Maingon ini kadaghan ang imong kaliwat.
19 Wala siya magduda bisag dili na makahatag og kinabuhi ang iyang lawas. (100 ang iyang idad), bisag si Sara, iyang asawa, dili na makapanganak. 20 Wala siya magduda ug walay katahap sa saad sa Diyos. Pinaagi sa paglig-on sa iyang pagtoo, gihimaya niya ang Diyos. 21 Hinunoa, kombensido siya nga ang misaad may gahom sa pagtuman. 22 Tungod sa maong pagtoo, ang Diyos nag-isip niya nga tarong. 23 Kining mga pulong sa kasulatan magpulos dili lang niya 24 kondili, nato, kay nagtoo man ta sa mibanhaw ni Jesus, ang Ginoo sa minatay. 25 Gitugyan siya alang sa atong mga sala ug gibanhaw alang sa atong pagkatarong.

PAGPAPAMBIT SA MENSAHE:

Ang maong pagtulon-an nagpasabot diha sa mga pagtulon-an nga gisangyaw sa Dios niadtong una pang mga kapanahunan diin Ang Diyos nga gimatarong sa una niyang mga tinawag sama kang Abraham nga diin tungod sa dako ug talagsaon niyang pagtuo gimatarong siya sa Diyos diin gisaad sa Diyos kang Abraham nga mangamahan siya sa daghang kanasuran ug diin usab siya ug ang iyang mga kaliwatan mahatagan ug luna didto sa yuta sa mga saad, apan sa dili pa kini mahitabo nagaingon ang Diyos nga sa dili pa kini mahitabo mamahimo una nga ulipon ang iyang mga kaliwatan sulod sa 400 kapin ka mga katuigan.

Apan wala molunga sa pagtuman si Abraham sa iyang pagpangalagad diin bisan diha sa tanang mga pagsulay nga iyang naagi-an apan nagpabilin ang iyang pagtuo ngadto sa Diyos nga dili mahikap ni makita. Sa libo-an nga katuigan hina-hinay nga natuman ang tanang nga gisaad sa Diyos ngadto kang Abraham, diin ang kahingpitan sa saad kang Abraham nagaingon nga ang tanan nga midawat kang Kristo nga anak sa Diyos ug manunubos sa tibook kalibutan nan kaliwat ni Abraham.

Ingon niana ka importante nga atong malig-on ant atong pagtuo ngadto sa Dios, diin matod pa diha sa ubang sinulat, Hebreo 11:1 nagaingon nga ang pagtuo maoy pagsalig sa mga binuhat o sa butang nga atong gilaoman apan dili nato makita ni mahikap. Apan dili nato masukod ang atong pagtuo pinaagi sa sukdanan dinhi sa kalibutan, kay anaa man kini ipahimutang sa Diyos sa atong huna-huna ug kasing-kasing nga sa ato pa Diyos lamang ang makasukod sa gidak-on sa atong pagtuo. Hebreo 11: 6 nagaingon ‘Walay makapahimuot sa Dios kun walay pagtuo kay ang moduol sa Dios kinahanglan gayud nga motuo nga adunay Dios ug gantihan niya ang nangita kaniya”.

Apan ang kamatuoran mao nga langyaw ug dumuduong lamang kita niining kalibutana ug aduna pay kinabuhi human niini nga kinabuhi-a diin mao kadto ang labing importante. Ang saad ug panalangin nga gisaad sa Diyos dili matapos dinhi niining ibabaw sa yuta kundili magpadayon kini ngadto laing kalibutan ug madawat usab kini sa imong mga kaliwatan, busa mga igsoon atong pahinungdan sa kanunay ang kamatuoran nga atong nakaplagan diin pinaagi diha sa kanunay nga pag-ampo ug pagpangalagad uban sa hugot nga pagtuo.

Gibayaw Si Jesus Didto Sa Langit

LUCAS 24: 50~53

50 Ug gidala sila ni Jesus duol sa Betania. Miisa siya sa kamot ug mipanalangin. 51 Samtang nanalangin, mibiya si Jesus; gibayaw sa langit. Ug misimba sila 52 unya, namalik sa Jerusalem nga puno sa kalipay; 53 kanunayng didto sa templo, naghimaya sa Diyos.

PAGPAAMBIT SAMENSAHE:

Ang maong ebanghelyo maoy pagpasabot lamang usab diha sa ubang sinulat nga nagaingon: Buhat 1:11 “ Mga Taga Galilea nganong nagbarog man kamo dinhi ug nagsigeg hangad sa langit. Si Jesus nga gibayaw ngadto sa langit mobalik sa samang paagi sa iyang pagkayab ngadto sa langit.” Diin mao kini ang unod sa maong ebanghelyo kun giunsa siya pagbayaw nan mao usab unya kana ang iyang pagbalik diin maabli ang langit ug ihatod siya sa mga manulunda ug nagaawit sa mga awit sa pagdayeg.

Diha sa ubang sinulat nagaingon ( 2 Pedro 3 :9 )" Ang Ginoo dili maglangan sa iyang gisaad sumala sa gihuna-huna sa uban. Apan siya nagapailob kaninyo kay dili siya buot nga may isa nga malaglag kundili nga ang tanan nga maghinulsol ug mobiya sa ilang mga sala". Sa ato pa mag igsoon ang pagbalik ni Jesus Cristo alang sa kataposang paghukom mahitabo lamang kun naandam na ang iyang mga tinawag ug mga pinili nga katawhan .

Ang pangutanan niinig panahuna mao nga…Naandam naba ang mga tinawag ug pinili nga katawhan , kun karong Alas dose sa gabii mobalik ang Ginoo nasiguro ba nato ang atong kaluwasan diha sa kinabuhing dayun? Andam naba kita? Wala gayud kanato makasiguro mga oigsoon sama nga wala kanato makasiguro sa tukmang takna ug oras sa iyang pagbalik, apan ang mga ilhanan ania na. Diin diha niining balaang kasulatan nga matuod nga mga pulong sa Diyos ginaingon nga 90 % na niining mga panagna nga ania dinhi sa balaang kasulatan ang natuman na diin ania na kita sa Pinadayag nga bahin diin nagkalain-laing katalagman ang gipasinati.

Busa ang Diyos miingon ngadto sa iyang mga ginahasan nga kaniadto sa bag-o pa kamo niining maong pagtulon-an sama kamo niining mga dumoduong mga dasig kaayo apan karon kumpiyansa na kaayo ug miingon siya nga ayaw kamo pagpalabi ug kumpiyansa , Ayaw ninyo hulata nga ang katalagman anaa na sa inyong atubangan ayha pa kamo manguros. Dako ug mahimo ang mga paghalad ug mga pag-ampo diha sa luhod ug dupa ingon man sa hapa dupa nga mga pag-ampo kay matod pa ang mag pag-ampo nga adunay uban nga sakripisyo nan dali gayud dunggon sa Diyos sama nga ang hinugpong nga pag-ampo sa mga katawhan dinhi sa sinagoga diha sa pagtukaw ug sa mga balaang oras nan madungog kini hangtod didto sa iyang gingharian sa langit.

Sa kanunay atong tuki-on ang atong kaugalingon kun asa na kita nahiabot diha niining pagtulon-an nga atong gibarugan aduna bay kausaban ang atong mga hiyas kaniadto ug karon, atong bang nasul-ob sa hingpit ang kinaiyahan ni Jesu-Cristo nga maoy atong Diyos ug manunubos, kay kun moingon ka nga nagasunod ka niining maong pagtulon-an ug nagasunod ka sa mga gisangyaw ni Jesu Cristo apan nagdumot ka ug adunay pa kasuko diha sa imong kasing-kasing nan wala pa kapa magpuyo sa kahayag kundili anaa ka pa sa kangitngit. Ang Diyos miingon nga bakakon ang tawo nga nagaingon nga nahigugma sa Diyos apan nagdumot sa iyang isigkatawo , sa iyang silingan ug mga kauban sa buhat, kay giunsa man nimo pahigugma ang Diyos nga wala nimo makita ug mahikap apan gidumtan nimo ang imong isigkatawo nga sa tanang adlaw imong makita ug imong makaptan, nan ang Diyos miingon bakakon ka… wala ka mahigugma sa Diyos kundili ang imo lamang garbo ang imong gipalabi.

Mga igsoon ihapa ug iluhod ang imong mga daang hiyas aron matangttang sa hinay-hinay diha sa mga espesyal nga paghalad kay matod pa sa balaang bata ang santos nga rosaryo sa kaadlawon alang kana sa imong proteksyon sa tibuok adlaw ug ang santos rosaryo sa kagabhion alang kana sa imong proteksyon sa imong pagkatulog ug sa imong espiritu, nan ang mga hiyas nga wala mauyoni sa Diyos hatagi ug espesyal nga oras sa pag-ampo, diha sa hinay-hinay ug kanunay nga mga paghalad.

Matod pa diha sa mga hinapon nga paglambo sa ilang kina-iyahan duna sila gitawag sa hinapon nga nagkanayon “ Masakatsu Agatsu” sa ato “Your greatest Victory is if You win over yourself” Ang imong daka kuno nag kadaugan dinhi sa ibabaw sa kalibutan mahimo lamang kun ikaw modaug batok sa imong kaugalingon, Nga kun atong hubaron sa espirithanon nga pagkahubad Ang imong daku nag kadaugan dili diha as imong kadaugan diha sa imong isigkatawo kundili batok sa imong kaugalingon ug mahitabo lamang kini kun ipaubos mo ug ,tumban nimo ang imong garbo ug maoy imong ipahari si Jesu Cristo diha sa imong kasing-kasing,sa ato pa ang imong dakong kadaugan mao nga madaug nimo ang tanan nga pagsulay sa imong kinabuhi kun imong ipahari ang hiyas sa espiritu santo diha sa imong kasing-kasing.

Pasida-an Aron Dili Mahimulag

HEBREO 5:11~14, 6:1~12

• 11 Daghan ang ikasulti namo ba¬hin ini, apan lisod kaayo ang pag¬pa¬sa¬bot, kay nadumpol na ang inyong sala¬botan. 12 Ining panahona, mga magtu¬tudlo na mo. Apan sa pagka¬tinuod, ki¬na¬hanglang tudloan mo pag-usab sa mga suka¬ranan sa pagtulon-an nga gikan sa Diyos. 13 Na¬ngi¬na¬hanglan mog gatas, dili kan-on nga gahi. Ang gibuhi sa gatas mga bata pa. Nagka¬hulogan ni nga dili pa sila batid sa tarong nga pagkinabuhi. 14 Ang gahing pagkaon alang sa mga hamtong nga may igong kasinatian sa pag-ila sa maayo ug daotan.

6 1 Busa, biyaan na nato ang unang pagtulon-an bahin ni Cris¬to. Moi¬rog ta sa unahan alang sa mas hingpit nga kahibalo ug dili na mobalik sa sinug¬dan. Pananglitan ang pagbiya sa mga daotang buhat, ang pagtoo sa Diyos, 2 ang pagtulon-an sa bunyag ug ang pagtapion sa kamot, ang pagka¬ban¬haw sa mga patay ug ang katapo¬sang hukom. 3 Inubanan sa pagtugot sa Diyos, mao ni ang atong buhaton.
4 Busa, dili na mabag-og usab sa pe¬ni¬tensya ang nalamdagan na sa ma¬ka¬¬usa; ang nakadawat na sa langit¬ngong gasa; ang nakaambit na sa Espi¬ritu Santo; 5 ug ang nakata¬gamtam na sa kanindot sa pulong sa Diyos ug sa mga kahibulongan sa uma¬¬abot nga kalibotan. 6 Kon bisan pa ini, mibiya sila sa pagtoo ug nagpakasala, dili na sila matandog sa paghinulsol sa ika¬du¬hang higayon, kay gilansang ug gibu¬gal¬bugalan man nila ang Anak sa Diyos atubangan sa tanan tungod sa kau¬ga¬lingon. 7 Ang yuta nga nahumok tungod sa kanunayng pag-ulan ug maka¬hatag og maayong abot sa nag-uma pana¬langinan sa Diyos. 8 Ang yuta nga tuboan sa mga tunok ug sampinit dili maayong yuta. Dakog purohan nga panghimaraoton ni, ug sa kataposan, sunugon.

9 Bisag ingon pa ini ang among si¬nul¬¬¬¬tihan, mahal namong kaig¬so¬onan, ha¬yag ang among panglantaw alang ninyo ug sa inyong ka¬lu¬wasan. 10 Ma¬ki¬angayon kaayo ang Diyos ug dili mali¬mot sa gibuhat ninyo tungod sa pag¬ma¬hal sa iyang ngalan. Na¬katabang mo ug hangtod karon nag¬pa¬dayon pag¬¬¬¬ta¬¬bang sa mitoo niya. 11 Nangan¬doy mi nga ang matag usa ninyo mag¬pa¬dayon sa kadasig aron makab-ot ang dugay nang gitinguha. 12 Ayawg dang¬¬hag. Hinunoa, sundo¬ga ang mga tawo nga tungod sa pagtoo ug kasibot, nakapanunod sa mga gisaad.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa atong pagpangalagad sa Diyos atong isul-ob ang hiyas sa espiritu santo ang hiyas nga gisul-ob ni Jesu Cristo diin ana-a ang pagpaubos. Pagkamangindawaton ug ang pagdawat sa mga pagpanlutos. Diin nagaingon ang maong mensahe nga angayan unta nga niining panahuna nagatudlo na kamo niining pagtulon-an nga inyong gibarugan apan daw sama sa gatas pa man gihapon ang inyong giinom, humok pa ang inyong gikaon, inay nga karne na unta kay linggas na kamo niining maong kamatuoran

Maoy gusto gayud ipasabot sa Diyos nga diha sa atong pagpangalagad kaniya atong himoon ang atong lawas nga buhing halad, nga sa ato pa himoon nato ang atong lawas nag puno sa kaputli pinaagi diha sa pagbalaan ug mga pag-ampo ug paghalad diha sa mga misyon sa mga santa krus. Sa ato pa ang buhing halad maoy pagpakita sa Diyos nga nagpakabuhi na kita nga langyaw niining kalibutana apan ha-om didto sa iyang gingharian sa langit, diin talikdan ta ang mag tawahanon nga hiyas ug kailibgon kay matod pa dili kita puwede nga magmaskara diha sa iyang atubangan.

Ang maong ebanghelyo maoy pagpahigmata kanato nga niining ikatulong siglo sa kanunay angayan kitang magtukaw ug maminaw sa lakaw sa panahun, ania an ang tanang pasidaan, Ang espiritu santo sa Dios Amahan nagaingon nga wala nay laing siglo pa nga magpakatawo ang atong Ginoo ug magpalansang sa krus mao lamang kadto nga siglo. Diha sa laing bahin mingon usab siya nga hugaw na kaayo ang kalibutan kinahanglan na kini nga banwasan, ug tubig ang gamiton niya sa pagbanwas busa kamo o kitang iyang mag tinawag ug pinili nga katawhan ayaw gayud pagbangay-bangay sa pag-ampo aron dili maapil sa pagbanwas.

Kataposan kini nga pagtulun-an nga gitukod sa Diyos Jesu Cristo diin gitawag kini nga katapusan manlalaban, ang espirtu sa kamatuoran dii nagbalik-abalik na dinhi sa kalibutan,. Juan 14: 15 nagaingon si Jesus “ Tumana ninyo akong mga sugo ug managyo ako sa Amahan ug tagaan kamo niya ug laing manlalaban ang espiritu sa kamatuiran nag maaguban kaninyo hangtud sa kahangturan, Ang kalibutan dili makaila kaniya kay dil man sila makadawat ni makita kaniya apan nakaila kamo kaniya kay nagauban ug nagapuyo man siya diha kaninyo.

Espirituhanong Bahandi Nga Gisulod Sa Yutan-ong Sudlanan

2 CORINTHO 4: 1~15

4 • 1 Busa, wala mi mabugnaw sam tang among gituman ang pag-alagad nga sa kaluoy gihatag kanamo. 2 Gisalikway namo ang kamatuorang natunga; wala mi magminarama; wala mi magtuis sa mensahe sa Diyos. Hinunoa, pinaagi sa pagpadayag sa kamatuoran, naangkon namo ang pagtahod sa tanan atubangan sa Diyos.
3 Gani kon ang Ebanghelyo nga among giwali nagpabiling hanap, hanap lang ni alang sa nawala. 4 Ang dios ining kalibotana nagbuta sa salabotan sa wala motoo aron dili sila makakita sa kahayag sa mahimayaong Ebanghelyo ni Cristo, ang larawan sa Diyos. 5 Dili ang kaugalingon ang among giwali kondili, si Cristo Jesus isip Ginoo. Tungod ni Jesus nainyo ming sulugoon. 6 Ang Diyos nga nag-ingon: “Pasigaa ang kahayag gikan sa kangitngit”, nagpasiga sa kahayag sa atong kasingkasing aron mokaylap ug mabutyag ang Himaya sa Diyos nga nagsiga sa nawong ni Cristo.
7 Hinuon, atong gihuptan ang maong bahandi sa mga kulon aron kining walay tupong nga gahom dili isipong atoa kondili, sa Diyos. 8 Mga pagsulay sa tanang matang nag-abot-abot nato. Apan wala mo mawad-ig kadasig. 9 Nawad-an mig tubag, apan dili paglaom. Gigukod mi, apan wala pasagdi. Natumba, apan wala magun-ob. 10 Gidala namo bisag asa sa among pagkatawo ang pagkamatay ni Jesus. Sa ingon, ang kinabuhi ni Jesus mapadayag sab dinhi namo. 11 Kay kita, ang mga buhi, sa walay hunong gitugyan sa kamatayon tungod ni Jesus aron ang iyang kinabuhi makita sa tawhanon tang pagkinabuhi. 12 Sama nga ang kamatayon nag-obra dinhi namo, diha ninyo ang kinabuhi.
13 Among nadawat ang mao rang espiritu sa pagtoo nga gihisgotan sa Kasulatan nga nag-ingon: Mitoo ko busa, misulti. Nagtoo sab mi busa, nanulti. 14 Nasayod mi nga ang mibanhaw sa Ginoong Jesus mobanhaw pod namo uban ni Jesus. Dad-on mi niya uban ninyo sa iyang atubangan. 15 Sa kataposan ang grasya moabot ninyo nga labaw kamadagayaon. Dako ang pasalamat unya, tungod sa himaya sa Diyos.

PAGPAAMBIT SA MENSAHE:

Ang maong ebanghelyo nagpasabot lamang nga ang hiyas sa espirito santo sa Diyos , ang kinaiyahan ni Jesu Cristo mao man ang espirituhanong bahandi nga atong madawat kun atong ipapuyo si Jesu-Cristo diha sa tagsa-tagsa nato ka kasing-kasing , diha sa atong materyal nga lawas nga maoy giisip diha niining ebanghelyo nga yutan-ong sudlanan.

Diha sa ubang sinulat nagaingon nga kun giisip mo si Jesu Cristo nga imong Diyos, imong manluluwas ug manunubos nan makaambit ka gayud sa mga pagpanlutos. Kay mao gayuy gusto sa Diyos Amahan nga ang iyang tinawag ug pinili nga mga katawhan pagasulayan gayud ug dili kay magalingkod lang ug magahulat kun kanus-a mobalik ang Ginoong Jesus.

Diha sa ubang sinulat nagaingon : " Kun gusto nimong himaya-on ug daygon didto sa gingharian sa langit nan puy-i ang kinabuhi nga puno sa pangpanlutos ug pagyubit dinhi sa ibabaw sa yuta, pas-ana ang imong krus sa kinabuhi ug sunod sa pagtulon-an nga gisangyaw ni Cristo, kay bulahan ka nga naka-ambit sa mga kasakitan nga nasinati ni Jesus diha sa paglansang sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Walay laing taming diha sa mga kasakitan ug mga pagpanlutos nga atong na-agi-an mao ra gayud ang mga pag-ampo, paghalad ug ang pagsantos nga rosaryo, atong himoong buhing halad ang atong materyal nga lawas isip yutan-on nga sudlanan sa espituhanong bahandi pinaagi diha sa pagbalaan, pagpaubos ug mga sakripisyo diha sa mga santa krus.

Mao kini ang matuod nga pagsimba , ang paglinis siha sa imong materyal nga lawas ug ang pagpreparar sa imong kalag sa pagsimba didto sa gingharian sa langit. Nia pa kita sa kalibutan, diin giharian sa mga dautang espiritu diin matod pa parehas na ug gahum ang dautan ug ang espiritu santo dinhi sa ibabaw sa yuta, kay mao gayuy gusto sa Amahan nga iyang alig-igon ang iyang mga katawhan, nga sa ato pa ang mg pinili niyang mga katawhan pagapili-an pa.

Bisan diha sa pagtulun-an nining ibabaw sa kalibutan , diin 44,000 na ka pagtulun-an ang nagapasibantog nga nagasimba sa Diyos ug nagpadayag sa kaluwasan, apan ang Diyos nagaingon lahi-lahi ang pagtawag ko kaninyo ug dili ang tanan nagatawag "Diyos ko" makasulod sa iyang gingharian sa langit kundili kadto lamang nagtuman sa iyang kasugo-an. Matag pagtulun-an adunay pinili ang Diyos apan usa lamang ang pagtulun-an nga tinukod sa Diyos , Ang pagtulon-an ng tinukod sa atong Ginoong Jesu-Cristo diin diha sa iyang pagbalik sa kataposang paghukom kini nga pagtulun-an maoy iyang gitahasan sa pagpadayag sa tinago nga kamatuoran.

Juan 4: 21 nagaingon si Jesus nadto sa babaye nga taga-Samaria " Tuohi ako babaye, Taliabot na ang panahun ug karon miabot na, nga wala nay magasimba sa Amahan niining bukira ni sa Jerusalem, kay ang matuod nga magsimba sa Amahan, magasimba sa espiritu santo ug sa kamatuoran.... kay sila ang magsisimba nga maoy gusto sa Amahan nga magsimba ngadto kaniya.

Miabot na ang maong pagtulun-an mga igsoon diin mao kini matuod nga pagsimba ngadto sa Diyos nga dili Makita ug mahikap, ang espirituhanong bahandi nga gibilin sa Diyos Jesu Cristo ngadto sa iyang mag katawhan, Juan 14: 15 nagaingon “ Tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban ang espiritu santo sa kamatuoran nga magauban kaninyo hangtod sa kahangturan, ang kalibutan dili makadawat kaniya kay dili man siya Makita ni ma-ila nila apan maka-ila kamo kaniya kay nagpuyo man siya ug naga-uban diha kaninyo.

Ang Tabang Sa Isigka-Kristuhanon

1 CORINTHO 16: 1~4

16 • 1 Bahin sa kolekta alang sa mga santos, sunda ang mga lagda nga gihatag ko sa mga simbahan sa Galacia. 2 Matag Dominggo, ang matag usa maggahin sa iyang mahimo. Sa ingon, inig-anha nako, dili na kinahanglang mangolekta. 3 Kon naa na ko uban ninyo, pagpilig mga tawo nga pinaagi sa mga sulat-pagpaila, hatagag gahom sa pagdala sa inyong mga gasa sa Jerusalem. 4 Kon mas maayo nga moadto ko, mouban sila.

PAGPAAMBIT SA MENSAHE:

Ang maong ebanghelyo maoy pagpasabot lamang nga niining nga pagtulun-an nga atong gibarugan, diha sa atong pagsul-ob sa kinaiyahan ni Jesu Cristo ana-a gayud ang pagtinabangay aron molambo ang iglisea ug aron molambo ang atong komunidad nga gibarugan. Bisan niadtong mga panahun sa unang mga apostoles diha sa ilang pagsangyaw sila naga-aghat gayud nga ang matag komunidad ug ang matag magtutuo magahatag sa iyang panabang isip usa ka kristuhanon. Pananabang nga materyal ug panabang pinaagi diha sa mga pag-ampo ug mga paghalad, diin maghinalaray ang matag-usa aron molambo ang komunidad ug ingon man ang atong kaugalingon ubos sa mando sa espiritu santo.

Diha sa ubang sinulat nagaingon, (2 Corintho 9: 6~7 )“ Timan-i nga ang nagpugas ug diyotay moani ug diyutay apan ang nagpugas ug daghan moani ug daghan. Busa kinahanglan mohatag ang tagsa-tagsa sumala sa iyang gusto ug dili magbagutbot ni maghuna-huna nga gipugos siya, kay ang Dios nahigugma sa naghatag nga malipayon.” Busa mga igsoon ang atong pagtabang ngadto sa atong mga kaigsoonan nga nanginahanglan dako ang grasya nga mobalik kanimo, kay matod pa usab diha pulong sa ubang mga maalam niining kalibutana, sama kang Mahatma Gandhi nga presidente sa India ang usa ka butang nga imo lang gitago-an kay dili na nimo kini magamit nan sama ra nga imo kining gikawat ug gihikaw niadtong mga tawo nga labaw nga nagkinahanglan niini, ang maong butang dili na kini imo, angayan lamang nag ipanghatag mo na kini.

Diha sa ubang pulong sa balaang kasulatan nagaingon usab nga ang imong gibuhat nga pagtabang ngadto sa mga katawhan nga labing ubos ug labing pobre nan mao kana ang imong gibuhat sa Diyos nga dili makita ni mahikap kay ang Diyos espiritu santo anaa sa matag tawo mabasa 1 Corintho 3:16 nagaingon “Ang lawas sa tawo maoy templo sa Diyos espiritu santo nan ang molaglag sa templo sa Diyos nga mao kita nan pagalaglagon usab sa Diyos. Angayan gayud nga diha sa atong pagpangalagad ug sa pagtabang sa atong isigkaingon walay atong pihigon ug pili-on kay ang Diyos magapasidungog kanato.

Pakasamaha nga diha sa imong pagtabang sa imong isigka-kristuhanon, himoa kini nga hilom sama nga ang imong wala nga kamot wala makahibalo sa gibuhat sa imong tuo nga kamot, mas maayo na ikaw lamang ug ang imong Amahan sa langit maoy nahibalo sa tanan ug sa ingon Siya ra ang magaganti kanimo apan kun imo pa kining ibandilyo sa tanang suok sa inyong lugar nan sa pagbuhat mo sa ingon gibalusan ka na. Kay diha sa ubang pulong sa Diyos sa balaang kasulatan nagaingon kun mangayo ka ug bayad sa imong pagpangalagad sa Diyos dinhi sa ibabaw sa yuta nan wala kanay katungod pagpangayo ug bayad inig-abot nimo didto sa iyang gingharian sa langit.

Ang Pagkabanhaw

1 CORINTHO 15: 35~58

• 35 Ang pipila ninyo mangutana: Unsaon man pagbanhawg patay? Sa unsa mang lawasa nga sila mabanhaw?
36 Pagkabuang gyod nyo! Ang gipugas dili motubo gawas kon mamatay ni. 37 Ug ang gipugas dili ang punoan sa umaabot nga tanom kondili, ang liso sa trigo o laing liso. 38 Ang Diyos mohatag sa angayng lawas, sama nga naghatag siya sa matag liso sa kaugalingong lawas. 39 Tan-awa: dili pareho ang tanang karne. Lain ang karne sa tawo, lain ang karne sa mga langgam ug isda. 40 May mga langitnon pod ug yutan-ong lawas nga wala magsiga sama sa langitnon. 41 Ang kasiga sa adlaw lahi sa kasiga sa bulan ug sa mga bitoon. Ug ang mga bitoon lahig kasiga sa usag usa.
42 Mao sab ang pagkabanhaw sa minatay. Ang lawas nga gitisok madugta, banhawon ni ug dili na mamatay. 43 Gitisok ni nga talamayon ug banhawon sa himaya. Gitisok ni sa kahuyang, banhawon sa gahom. 44 Inigtisok, yutan-on ning lawas, banhawon nga espirituhanon. May espirituhanong lawas sama nga may yutan-on.
45 Ang Kasulatan nag-ingon: Si Adan, ang unang tawo gibuhi. Apan ang kataposang Adan nahimong espiritu nga naghatag og kinabuhi. 46 Ang espiritu dili mag-una pagpakita kondili, ang kinabuhing yutan-on unya, mosunod ang espiritu. 47 Ang unang tawo gikan sa kalibotan ug kalibotanon ni, samtang ang ikaduha mao ang Ginoo nga gikan sa langit. 48 Sama sa yutan-on, mao sab ang mga tawong yutan-on. Ug sama ni Cristo, mao sab ang langitnon. 49 Sama nga nagdala ta sa larawan sa yutan-on, magdala sab ta sa larawan sa langitnon.
50 Mga igsoon, nag-ingon ko: Ang karne ug dugo dili makapanunod sa Gingharian sa Diyos. Ug ang madugta dili makapanunod sa dili madugta. 51 Tan-awa, buot kong mopadayag sa usa ka misteryo. Bisag dili ang tanan mamatay, ang tanan mausab, 52 sa usa ka pamilok, sa kataposang lanog sa trompeta. Ang trompeta molanog ug ang mga minatay mabanhaw nga dili na madugta, ug mausab ta. 53 Kinahanglan nga ang mamatay ug madugta natong pagkatawo mosul-ob sa kinabuhi nga dili mamatay ni madugta.
54 Inigsul-ob sa madugta tang pagkatawo sa kinabuhing dili madugta, inigsul-ob sa atong mamatay nga pagkatawo sa pagkawalay kamatayon, matuman ang giingon sa Kasulatan: Ang kamatayon gilamoy sa kadaogan. 55 Kamatayon, hain ang imong kadaogan? Kamatayon, hain ang imong suyod?
56 Ang sala suyod sa kamatayon. Ug ang gahom sa sala mao ang balaod. 57 Apan pasalamati ang Diyos nga naghatag nato sa kadaogan pinaagi ni Cristo Jesus, atong Ginoo.
58 Busa, karon, mga igsoon, magmakanunayon mo ug ayawg patay-og. Magmabungahon mo kanunay sa mga buluhaton sa Ginoo kay nasayod mo nga ang inyong kahago dili makawang diha sa Ginoo.

PAGPAAMBIT SA MENSAHE:

Ang maong ebanghelyo maoy pagpasabot lamang diha mga pulong sa Dios ga nagaingon nga ang tawo iyang gimugna nga manghod ug diyutay sa mga anghel. Siya maoy pinakalabing bililhon nga nilalang ng gibuhat sa Diyos kay matod pa gimugna kita nga susama sa pigura sa Diyos.
Apan diha sa ubang pulong nagaingon usab ang Diyos nga tulo ka matang sa kinabuhi ang iyang gihatag kanato, una ang pagkinsbuhi diha sa atong materyal nga lawas ug ang ikaduha ang atong espiritu nag maoy nagahatag kanato ug kinabuhi ug ang ikatulo ang atong kalag.

Anag atong pagkinabuhi niining kalibutan, nagpasabot nga ato gayung kaugalingon mao ang masunod diin ang atong espiritu ug ang atong kalag nagauban-uban lang, apan sa higayon nga mamatay na kita nan ang atong materyal nga lawas mobalik sa abog ug ang atong espiritu nga maoy nagahatag ug kinabuhi mobalik kini sa Diyos ug maoy nagasumbong diha sa atong mga binuhatan dinhi sa ibabaw sa kalibutan ug ang atong kalag maoy magapadayon pag-adto sa laing kalibutan ug maoy magapaabot sa kataposang paghukom.

Ang kalag nga maoy pagasul-oban sa langitnong lawas ug diha unya sa kataposang paghukom kun ma-imo ang kaluwasan ngadto sa kinabuhing dayun nan mao kini ang pagkabanhaw ngadto sa kinabuhing dayun diin wala nay mga kasakitan nga atong masinati diin lunlon mga kalipay ang atong masinati, diha sa mga pag-ampo ug mga pag-awit.

Dinhi niining pagtulun-an nga atong gibarugan maoy pagmatuod lamang nga ang pagkabanhaw pinaagi diha sa grasya ug panalangin sa espiritu santo sa Diyos maoy gihatagan ug dakong gibug-aton ang dakong pagpangandam alang sa pagkianbuhi didto sa gingharia-an sa Diyos. Anaa ang mga pag-ampo ug paghalad diha sa santa krus ug sa mga sinagoga aron sa ingon mabansay na daan ang kalag sa mga bulohaton nga langitnon. Ug mao kini ang preperasyon sa atong espirituhanon nga lawas diin bisan ania pa kita sa kalibutan apan nagkinabuhi kita nga daw sa langyaw niiing kalibutan ug haom didto sa gingharin sa langit, diin likayan na ang mga tawhanon nga kailibgon ug maoy atong ipatigbabaw ang pagpasidungog sa Diyos sa matag-adlaw.

Angayan sa pagpamalandong ang pagkinabuhi ni Jesus Cristo dinhi sa yuta nga matod pa diha sa Philipos 2 :8 ~11 “ Diha na kaniya ang kinaiyahan sa matuod nga Diyos apan wala niya ipamugos ang iyang pagkaDiyos pinaagi sa kusog hinunu-a gihubo niya ang tanan ug nagpakaubos siya ug mitipon sa mga kabos ug nagasangyaw sa pagtulun-an sa iyang Amahan.

Diin dihs sa iyang kamatayon niya sa krus maoy dakong kadaugan diha sa iyang tahas ngadto sa Amahan diin gibayaw ang iyang lawas ug milingkod sa tuong kiliran sa iyang Amahan ug gihatagan siya ug dungganan nga ngalan ug ang tanan nga mga binuhat dinhi sa yuta ug sa langit moluhod ug magasimba sa iyang ngalan nga si Jesus Cristo.

Nan ang pagkabanhaw nga gipasinati sa atong Diyos maoy pagmatuod lamang sa kamatuoran nga adunay pagkabahnaw ug ang tanan nga nagatuo ug nagasimba kaniya matagaan gayud sa kaluwasan ngadto sa kinabuhing dayun, apan ang Diyos miingon nga ang iyang pinili ug tinawag nga mga katawhan nga dili kay magalingkod lang sila ug magahulat sa iyang pagbalik kundili ana-a gayud ang mga pagsulay, kay matod pa pagasulayan man gni ang bulawan sa kalayo kun tinuod ba ang pagkabulawan niini nan ang tawo pa kaha nga mas dako pa ug bili kay sa bulawan.

Walay nasayod kun kanus-a mobalik ang Ginoo ug walay nasayod kun kanus-a mahitabo ang paghukom ug ang pagkabanhaw ngadto sa kinabuhing dayun, apan ang dakong kamatuoran mao nga sa dili ka pamabanhaw ngadto sa kinabuhing dayun moagi ka una ug kamatayon apan kadaghanan kanato mahadlok sa kamtayon kay wala man kita mahibalo kun unsay atua didto ug kun unsaon nato pagkinabuhi human sa kamatayon, apan ang giya nga gihatag sa Diyos diha niini nga pagtulon-an mao ra gayud ang kanunay nga pag-ampo ug ang kanunay nga pagsantos rosaryo kay matod pa sa Diyos dili gayud siya motalikod sa iyang mga katawahan kun siya atong ibutang ug ipapuyo kanunay diha sa atong kasing-kasing.

Ang Asin Nga Walay Kapuslanan

LUCAS 14: 34~35

34 Maayo tinuod ang asin, apan kon mawad-an ni sa lami, unsaon man pagpaparat ini? 35 Dili na ni magpulos sa yuta o sa abuno. Busa, ilabay na lang sa gawas. Ang may dunggan, pamati.

PAGPAAMBIT SA MENSAHE:

Ang maong mensahe maoy pagpasabot lamang nga kitang tawo miabot dinhi sa kalibutan nga balaan sa ngalan nag ania kanato ang espiritu santo sa Diyos ang atong kalag ug ang atong tawhanong nga lawas , nga sa ato pa tulo ka matang sa kinabuhi ang gipasinati sa Diyos kanato dinhi sa ibabaw sa kalibutan diin matod pa sa balaang bata Señor Santo Niño ang misyon gayud sa matag tawo dinhi sa ibabaw sa kalibutan mao gayud ang paghatag ug higayon ug oras sa atong pag-alagad sa Diyos nga aduna kitay oras diha sa atong pag-ampo, ug mga paghalad ngadto sa Diyos.

Mao kini ang asin nato ngadto sa Diyos ang atong rason ngano nga gibuhat sa Diyos diin diha unya sa atong pagkamatngon ug buot ma-ila nato ang atong giampo-an ug gi-alagaran diha pinaagi usab sa atong mga ginikanan ug labaw sa tanan sa pagtulun-an nga atong gibarugan, diin diha unya niana atong malig-on ang atong pagtuo ug puhon kun sakto na ang imong pamuot ug kaalam nga espirituhanon nan ikaw maoy mahimong buhing asin dili lang sa imong pamilya, sa imong kaugalingon kundili hasta usab sa komunidad nga imong gibarugan.

Kay matod pa sa atong langitnong inahan didto sa milagro nga iyang gipakita , kapid-an katuig na ang milabay didto sa ,Fatima , Portugal, kaniadtong Mayo 13, 1917…nga katungdanan sa matag-magtotoo ang pagsangyaw sa maayong balita ngadto sa iyang isigkatawo..kay matod pa tulobagon sa matag magtutuo kun adunay kalag nga natunaw didto sa impyerno tungod lamang kay wala niya masangyawi sa maayong balita niadtong buhi pa kini uban kaniya, apan bulahan usab unya nga diha sa imong pagsangyaw..nakaluwas ka ug usa lang ka kalag kay sama man unya nga ang imong kaugalingong kalag ang imong naluwas.

Busa mga igsoon dili diay alkansi ang atong mga sakripisyo ug mga paghalad diha sa mga santa Crus ,diha sa matag balaang oras ilabina sa mga hinugpong nga mga pag-ampo kay kun naluwas ang mga kalag nga atong gihalad sama diay unya nag naluwas nato ang atong kaugalingong kalag. Nagpamatuod lamang kini mga igsoon diha sa ubang pulong nga nagaingon ang Diyos Amahan “ Usa lamang sa matag pamilya ang nag-ampo diha kanako nan bulahan kay luwason ko ang tibook pamilya. Busa mga igsoon nag angayan gayud diay nga atong gamiton ug alimahan ang gasa sa Diyos nga gihatag kanato kay dili lang ang atong lawas maoy makaambit sa asin kundili hasta usab unya ang atong umaabot nga mga pamilya ug kaliwatan.

Ang Gikinahanglan Aron Mahimong Tinun-an

LUCAS 14: 25~33

25 Samtang nanglakaw ang daghan kaayong tawo kuyog ni Jesus, miatubang siya ug giingnan sila: 26 “Kon moari mo nako nga dili andam sa pagsalikway sa inyong gugma para sa inyong amahan ug inahan, asawa ug mga anak, mga igsoong lalaki ug babaye, ug bisan sa kaugalingon, dili mo maakong alagad. 27 Dili maalagad nako ang dili magpas-an sa krus sa pagsunod nako.
28 Unsay buhaton sa tawong magtukod og kamalig alang sa magbalantay sa uma? Di ba, molingkod una siya, kalkulohon ang gastos ug tan-awon kon may igo bang salapi sa paghuman ini? 29 Tingalig kataw-an lang siya kon mapahimutang niya ang sukaranan, apan dili mapatiwas. 30 Unya, makaingon sila: Kining tawhana misugod pagtukod, apan dili makahuman.
31 Ug kinsa mang haria nga makiggubat sa laing hari nga dili una molingkod aron hinuktokan kon sa 10,000 ka sundalo makabuntog ba siya sa 20,000? 32 Kon dili, magpadala siyag sinugo samtang layo pa sila aron pagpakig-areglo. 33 Sa samang paagi, dili maakong alagad ang dili mobiya sa tanang iyaha.

PAGPAAMBIT SA MENSAHE:


Ang maong ebanghelyo maoy pagpAsabot lamang, diha sa ubang pulong sa diyos nga nag-ulohan, nga kun gidawat mo si Jesu-Cristo nga imong manunubos, imong manluluwas ug imong Diyos nan maka-ambit ka gayud sa mga pagpanlutos. Kay mao kini ang kabubut-on sa Amahan diin panag-ingnan ang iyang bugtong anak nga manununod sa iyang trono ug maoy iyang gitahasan sa tanan apan iya usab gipakita ang sumbanan diha sa mga kasakitan ni Jesus gikan sa iyang pagpakatawo paingon sa iyang kamatayon sa krus.

Matod pa sa ubang pulong nga mag-antos aron ma-santos…Ang balaang kasulatan nagaingon nag kun gusto nimong himaya-on ug daygon didto sa gingharian sa langit nan puy-i ang kinabuhi nga puno sa mga pagpanlutos ug pagdaug-daug dinhi sa yuta, pas-ana ang imong krus sa kinabuhi ug sunod sa mga pagtulon-an nga gisangyaw ni Cristo, kay bulahan ka nga naka-ambit diha sa mga kasakitan ni Jesus diha sa krus kay maka-ambit ka usab sa himaya sa iyang pagkabanhaw didto sa iyang ginghari-an sa langit.

Sa ato pa mga igsoon ang kinatubuk-an gayud nga mensahe diha sa pagsunod sa pagtulun-an nga gisangyaw ni Jesus mao gayud pagsul-ob sa kinaiyahan ni Jesu Cristo, ang pagsul-ob sa hiyas sa espiritu santo, diin magpuyo ka nga langyaw niining kalibutana apan ha-om didto sa gingharian sa Amahang Diyos sa langit, Diin maoy atong buhatong tulomanon ang pagsimba didto sa langit, nga sa ato pa maoy atong buhaton dinhi sa yuta ang mga bulohaton didto sa gingharian sa langit, diin ang pag-ampo, paghalad ug pagsakripisyo.

Apan mga igsoon ania pa kita sa kalibutan diin ang kalibutan gigamhan usab sa mga dautang espiritu kay mao gayu gusto sa Diyos nga sulayan ang iyang mga katawhan samtang ania pa sa kalibutan, kay matod pa kung ang balaang espiritu anaa sa imong tuo nan ang dautang espiritu anaa usab sa imong wala diin sa kanunay nagahulat lamang ug higayon sa paglipat kanimo, kay matod pa dinhi sa kalibutan pareha ang kakusog sa gahum sa dautan ug ang gahum sa balaang espiritu, nan kun ikaw nagpakabala-an, diha sa pag-ampo ug pag-alagad sa Diyos kusog usab ang dautan nga mosulay kanimo.

Walay laing tubag ug sulbad diha sa mga pagsulay kundili ang mga pag-ampo ug mga paghalad, kay matod sa Diyos espiritu santo “ Tukhi ang pagsulay sa mga pag-ampo kay ani-a Ako si Ginoong Jesus nga manalipod kanimo. Busa mga igsoon atong mahingpit ang atong pag-alagad sa Diyos isip iyang tinun-an nan, diha sa atong mag pag-ampo, sulod sa imong kwarto ug panirado, ipiko ang imong tuhod ibayaw ang imong kamot ug luhod atubangan sa altar, ug pangayo-a ang kpasaylo-an sa Diyos sa imong mga kasal-anan, ug hilaki ang kalooy sa Diyos.

Ang Sambingay Mahitungod Sa Dakong Kumbira

LUCAS 14: 15~24

• 15 Sa pagkadungog ini sa usa sa mga dinapit, miingon siya ni Jesus: “Bulahan ang dapiton sa kombira sa Gingharian sa Diyos!”
16 Mitubag si Jesus: “May nag-andam og dakong hikay. Daghan siyag dinapit. 17 Gipaadto niya ang katabang aron pag-ingon: ‘Dali na mo, andam na ang tanan.’ 18 Apan morag nagsabot ang tanan sa pagpamalibad. Miingon ang usa: ‘Mipalit kog uma nga kinahanglang adtoon ug susihon. Pasensya ka na.’ 19 Miingon sab ang lain: ‘Nakapalit kog lima ka parisang baka nga pang-uma ug pasulayon kog daro. Pasensya ka na.’ 20 Miingon ang usa pa: ‘Bag-o kong nakasal busa, dili makaadto?’
21 Sa pagbalik sa katabang, gisulti niya ang tanan sa agalon. Nasuko pag-ayo ang tag-iya ug miingon sa katabang: ‘Lakaw dayon sa mga plasa ug kadalanan sa lungsod, paanhia ang mga kabos, sinalikway, buta ug bakol.’
22 Unya, miingon ang katabang: ‘Natuman ang imong gisugo ug may lugar pa.’ 23 Mitubag ang agalon: ‘Lakaw sa mga dagkong dalan ug tugkaran, ug pugsa pag-anhi ang mga tawo aron mapuno ang akong balay. 24 Kay sa giingon ko: walay dinapit nga makatilaw sa akong hikay.”

PAGPAAMBIT SA MENSAHE:

Ang Maong ebanghelyo maoy usa ka sambingay diha sa pag-andam sa Diyos sa iyang gingharian sa langit, diin susama sa maong datu nga nag-imbitar niadtong mga adunay kaalam ug adunay kinaadman apan siya giayran sa maong mga binuhat kay lagi mas importante man kanila ang ilang panginabuhi.

Ingon niana ang Diyos diha sa iyang pagtawag niadtong mga maalam ug mga may kinaadman, diin dili gayud sila moduol sa Diyos diin para kanila ang Diyos makahulat apan ang ilang ginansya ug ang ilang pagpalambo sa ilang negosyo ug sa ilang kaugalingon kinahanglan gayud nga sa kanunay aktibo sila.

Kining tanan nalatid na daan sa balaang kasulatan, 1 Corinto 1:28~30 nagaingon nga maoy gipili sa Diyos ang mga tinamay ug mag sinalikway, kadtong mga katawhan nga para sa uban walay pulos dinhi sa ibabaw sa kalibutan nga maoy modala sa pulong sa Diyos aron mapakita sa Diyos nga ang tawhanon nga kaalam ug tawhanon nga kinaadman dili magamit ug walay pulos didto sa gingharian sa langit, busa dili kini angay ipasigarbo, kay walay atong angay ipasigarbo diha sa atubangan sa Diyos kundili kadto lamang mga milagro nga iyang gipasinati diha sa atong tagsa-tagsa ka kinabuhi.

Ang balaang kasulatan nagaingon nga datu man ang tawo kun kuntento na siya kun unsay anaa kaniya, kay unsa may maarang sa tawo nga sa iyang pagpakatawo niining kalibutan hubo man siya sa tanan nan sa iyang pagtalikod niining kalibutan biyaan man usab niya ang tanan.

Matod pa diha sa ubang sinulat nga langyaw lang kita niining kalibutana ug aduna pay kinabuhi human niining kinabuhi-a diin mao kadto ang labing imporatante ang pagkinabuhi nga minando-an sa espiritu. Ang kinabuhi didto sa laing kalibutan diin wala kay madala ug mabitbit mao lamang ang mga pag-ampo ug ang mga grasya ug panalangin sa langitnong Amahan, nan kun dinhi niining kinabuhi-a wala kay lugar sa mga pag-ampo ug pangaliya kay linga ka sa pagtigom sa mga bahandi nga iya niining kalibutana diin pagakutkuton lamang sa taya ug mobalik sa abog uban sa imong tawhanon nga lawas nan makaluluoy ang imong kalag kay walay mga pag-ampo nga maga-agak ug magagiya kaniya.

Apan kun ang imong pagpakabuhi dinhi sa ibabaw sa kalibutan hupong sa mga pag-ampo diin maoy imong gitigom ang mga bahandi nga langitnon diin dili makita ug dili mahikap apan maoy bahandi nga imong mabitbit ngadto sa laing kalibutan. Matod pa sa ubang pulong sa espiritu santo, “Kun nasayod pa lamang kamo kun unsay atu-a didto sa gingharian sa langit nan dili na unta kamo mangandoy pa ug dugang bahandi nga iya niining kinabuhi-a biyaan ninyo ang tanan ug maoy inyong sigurohon kun unsaon paghi-abot didto sa gingharian sa langit.

Diha sa ubang pulong sa balaang kasulatan nagaingon kun asa ang inyong bahandi nan atua ang inyong kasing-kasing, Ang balaang espirito santo nagaingon usab niing pagtulun-an nga atong gibarugan nga dili siya mohatag ug dakong bahandi sa iyang mga katawhan, igo lang gayud kay matod pa dili na kita iya niining kalibutan, nan mao gayuy atong tun-an kun unsaon ang pagsimba didto sa langit, pinaagi diha sa mga pag-ampo ug paghalad.

Ang imporatantae sa tawo para sa Diyos nga masiguro sa Diyos ang atong kalag, mao nga diha sa atong pagpangalagad kinahanglan nga taga-an nato ug kataposan ang karaang mga hiyas diha sa pagtawag sa Diyos kanato gisul-oban kita sa langitnon bisti nga lubos puti ug gihinlo-an sa atong mga kasal-anan, nan diha sa atong pagpangalagad atong ipatigbabaw ang espriituhanong pagpangalagad diin atong pun-on ang atong kasing-kasing ug panumduman sa mga pag-ampo aron matukhan nato ang atong mga pagsulay, kay mao kini ang kabubut-on sa espiritu santo sa Ginong Jesus diin miingon siya nga tukhi ang mga pasulay sa mga pag-ampo kay ana-a siya nga manalipod kanato, Busa mga igsoon dili nato tan-awon ug hukman ang atong isigkatawo maoy atong siguroon ang atong kaluwasan.