Gamita Ang Inyong Lawas Sa Paghimaya Sa Diyos

1 CORINTO 6:12~20

12 Ang tanan gitugot kanako sa balaod. Apan dili ang tanan makatabang nako. Ang tanan gitugot kanako sa balaod, apan dili ko magpaulipon sa bisag unsa. 13 Ang pagkaon alang sa tiyan, ug ang tiyan alang sa pagkaon, apan ang Diyos molaglag ini. Ang lawas hinunoa, dili alang sa pamuta kondili, sa Ginoo; ug ang Ginoo alang sa lawas. 14 Ang Diyos nga nagbanhaw sa Ginoo, mobanhaw sab nato pinaagi sa iyang gahom.

15 Wala ba mo masayod nga ang inyong lawas mga bahin ni Cristo? Himoon ba ninyo ang maong bahin nga bahin sa puta? Dili motugot ang Diyos! 16 Wala ba mo masayod nga ang nakighilawas sa puta, nahiusa niya? Ang Kasulatan nag-ingon: Ang duha usa ka lawas. 17 Sa laing bahin, ang nahiusa sa Ginoo nahimong espiritu uban niya.

18 Likayi sa hingpit ang pamuta. Ang ubang sala nga buhaton sa tawo wala maggamit sa lawas. Apan ang namuta nakasala batok sa kaugalingong lawas. 19 Wala ba mo masayod nga ang inyong lawas templo sa Espiritu Santo nga naa sulod ninyo, hinatag sa Diyos? Dili na mo tag-iya sa inyong kaugalingon. 20 Hinumdomi ang presyo sa gibayad alang ninyo. Busa, himayaa ang Diyos sa lawas ug sa espiritu nga iya sa Diyos.

PAGPAAMBIT SA MENSAHE:

Ang maong ebanghelyo maoy pagmatuod lamang nga ang Diyos nagahatag kanato ug tulo ka matang sa kinabuhi samtang ania pa kita sa ibabaw sa kalibutan. Anaa ang atong espiritu nga mobalik ngadto sa Diyos inig kamatay na nato ug ang atong kalag nga maoy magahulat sa kataposang paghukom, ug ang atong materyal nga lawas diin diha sa atong kamatayon mobalik kini sa abog kay sa abog man kini gikan.

Diha niining maong ebanghelyo nagaingon nga gamita ang inyong lawas sa paghimaya sa Diyos diin naghisgot kini sa pagbalaan sa atong lawas samtang ania pa kanato ang atong espiritu ug kalag ug diin sa kanunay atong hinumduman nga ang silot sa sala mao gayud ang kamatayon

Ang atong lawas maoy templo sa Diyos espiriyu santo ug ang molaglag sa templo sa Diyos nag mao kita nan pagalaglagon usab sa Diyos. Nagapasabot na daan ang Diyos nga ang imong gibuhat sa pinakaubos nga nilalang sa kalibutan mao usab ang imong gibuhat sa Diyos.

Himoa nga buhing halad ang atong lawas pinaagi diha sa mga pag-ampo , pagbalaan ug pagtuman diha sa iyang mga kasugo-an. Ang pulong sa Diyos ngaingon nga walay tawo dinhi sa ibabaw sa kalibutan nga wala niya madunggi ang pag-ampo, ang tanan iya gayung nadunggan ang mga naga-ampo kaniya, apan dili ang tanan nakadawat sa iyang panalangin kay matod pa ang kadaghanan nga nagaampo anaa lamang sa tumoy sa ilang dila wala magasumikad sa ilang kasingkasing.

Kinabuhi Nga Makapahimuot Sa Dios

1 TESALONICA 4:1~12

• 4.1 Kon motoo na ta ni Cristo, kinahanglang masumbanan siya sa atong kinabuhi. Ang mga Judio nga nabunyagan nagsunod gihapon sa mga pagtulon-an sa Daang Kasabotan. Sa laing bahin, ang gisunod sa mga pagano mao ang naandang pamatasan sa katilingban. Layo sa ilang hunahuna ang pagpuyog putli nga kinabuhi. Alang nila ang pakighilawas kabahin sa tawhanong kinaiya ug wala ni labot sa pagpuyo subay sa konsensya. Sa tanang sinulat gisubli ni Pablo nga walay pakighilawas gawas sa kaminyoon. Tataw kaayo ni sa 1 Cor 6, diin alang niya ang tibuok tang pagkatawo gihalad kang Cristo. Sa pakighilawas ang tibuok tawo maoy gitugyan, maong sala ang pakighilawas gawas sa kaminyoon.

Gilakbitan ni Pablo ang bahin nga hatagan niyag gibug-aton sa pagkatapos na ining sulat: Patrabahoa ang tanan. Ang katilingban maapektohan pag-ayo sa mga tawo nga madasigon sa pagtoo, apan dili motrabaho. Naghatag silag iskandalo sa mga pagano. Dili uyon si Pablo sa pagtinapolan

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pagpakabuhi nga balaan human nato makit-i ang kamatuoran pinaagi kang Jesu-Cristo. Matod pa diha sa ubang sinulat dili na kita katawahan niining kalibutan diin maoy gusto sa Diyos nga atong matun-an ang pagsimba didto sa iyang gingharian sa langit diin sa kanunay anaa ang mga pag-ampo, paghalad ug ang pagbalaan sa kaugalingon pinagi sa paglikay sa mga salawayon ug mga tawhanong kailibgon

Ang Diyos miingon nga bulahan kun nagapuyo kamo nga daw sa langyaw niining kalibutana apan haom didto sa gingharian sa langit diin anaa ang paglikay sa mga tawhanong mga binuhatan, kaysa magkinabuhi kamo nga anaa ang pagkatawhanon, ang pagkagumon sa mga bisyo ug mga pagpakasala, diin haom kamo niining kalibutana apan ayran ug dili ilhon didto sa iyang gingharian sa langit.

Ang balaang bata Señor Santo Niño miingon “ Kun nasayod pa lamang unta kamo kun unsay atua sa didto sa gingharian sa langit nan didli na unta kamo mangaplag pa ug dugang bahandi, biyaan ninyo ang tanan ug maoy inyong siguroon unsaon paghiabot ditto sa gingharian sa Diyos.

Mas maayo nga magtigom kita ug bahandi nga iya sa langit diin dili kini makita ni mahikap, kay sa atong ipatigbabaw ang pagbugtaw ug pagtigom sa mga tawhanong bahandi diin dinhi lang kana kutob sa kalibutan. Diin daghang mga kawatan nga gapanaka ug taya nga magakutkot, Atong himaya-on ang kasugoa-n sa Diyos diin anaa ang mga pag-ampo ug mga paghalad taliwala sa mga kasakitan, kay mao kini ang atong madala nagdto sa laing kalibutan.

Lucas 20:25 Nagaingon ihatag ngadto kang Cesar ang iya ni Cesar ug ihatag ngadto sa Diyos ang iya sa Diyos, Sa ato pa mga igsoon kung iptigbabaw nimo ang mga bahandi nga iya niining kalibutan nan dinhi ka lang usab kutob apan kun maoy imong himayaon ug tigumon ang mga bahandi nga langitnon nga maoy gitudlo ni Jesu Cristo ug maoy gisangyaw sa iyang mga sumosunod hangtod niining panahuna, nan bulahan ka kay adunay mabitbit ang imong kalag inig-abot sa adlaw sa panudya. Ayaw himo-ang Diyos ang bahandi nga iya niining kalibutan kay mahiuban ka sa pagkahananaw niini hinunu-a himoang bahandi ang gasang langitnon nga gipaambit sa Diyos kanimo kay mao kini ang gikahimut-an sa Diyos, kay ang balaang kasulatan nagaingon “ Kun asa ang imong bahandi atua ang imong kasingkasing.

Ang Pagbalik Sa Ginoo

1 TESALONICA 4:13~18

13 Tahora ug higugmaa sila sa tumang pagbati tungod sa ilang nabuhat; ug pagpuyo mong malinawon uban sa usag usa. 14 Naghangyo mi nga pahimangnoan ninyo ang wala magbudlay. Dasiga ang nawad-an sa paglaom. Tabangi ang mga huyang ug pagmapailobon mo sa tanan. 15 Pag-amping nga walay usa nga mobalos og daotan sa daotan. Hinunoa, paningkamot kanunay nga magmaaghop mo sa tanan. 16 Pagmaya kanunay, 17 pag-ampo sa walay pag-undang ug 18 pasalamat sa Diyos sa tanang panahon. Kini ang buot ipabuhat ninyo sa Diyos, ingon nga Kristyanos.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa balaang kasulatan nga ngaingon: Buhat 1:11 Si Jesus nga gibayaw ngadto sa langit mobalik sa samang paagi sa iyang pagkayab ngadto sa langit. Apan diha sa ubang pulong sa balaang kasulatan ngaingon usab nga ang pagbalik sa Diyos sama kini sa kawatan nga dili nato mahibaw-an kun unsang taknaa siya mobalik, busa giaghat ang tanan sa pagtukaw gayud pinaagi diha sa mga pag-ampo ug mga paghalad.

2,000 na ka tuig ang milabay gikan sa kamatayon ug pagkabanhaw ni Jesu Cristo diin daghan usab ang nagatuki ug nagpakisayod sa iyang pagbalik diin daghan usab nga mga sinulat sa ubang mga katawhan nga nagatuki diha sa pagbalik sa Ginoo apan ang Diyos miingon diha sa 2 Pedro 3:8 nga dili siya maglangan sa pagbalik sumala sa gihuna-huna sa uban apan nagpailob Siya kay mao gayuy gusto sa Diyos nga kitang tanan niyang mga pinili nga katawhan magahinulsol sa iyang mga kasal-anan sa dili pa siya mobalik.

Taas pa ang pasensya sa Diyos hangtod niining panahuna kay siya nagatugot pa man diha sa atong pagpangayo ug pasaylo diha sa atong mag kasal-anan, diin dili nato usikan ang panahun kay dinhi niining higayona ang tanan nga mga sala adunay kapasaylo-an magamay ug madako, Ug dili kita magpakawala sa mga pag-ampo ilabi na diha sa santos nga rosaryo nga maoy atong tulay ngadto sa langitnong Amahan.

Kay ang kaluwasan nga gisaad ni Jesu Cristo ngadto sa kinabuhing dayun dili kini premyo o ganti tungod sa maayong binuhatan, aron sa ingon walay magpasigarbo diha sa atubangan sa Diyos nga siya maluwas tungod sa maayong buhat, kay ang kaluwasan grasya kini ug gasa sa Diyos kanato tungod sa iyang gugma sa iyang mga piniling katawhan.

Ang Paglaom Nga Dili Matarog

1 PEDRO 1 :3~12

3 Dayegon ta ang Diyos, ang amahan sa atong Ginoong JesuCristo, tungod sa iyang kaluoy. Sa pagkabanhaw ni Cristo Jesus sa minatay, gitagaan ta niyag bag-ong kinabuhi ug paglaom sa pag-ambit sa kinabuhing malungtaron human sa kamatayon, 4 sa sala ug sa tanang lumalabay. Kining kabilina giampingan sa kalangitan alang ninyo. 5 Kay ang gahom sa Diyos maghimo ninyong matinud-anon hangtod nga mabutyag ang kaluwasan sa kataposang mga adlaw. 6 Adunay hinungdan sa kalipay, bisag sa usa ka panahon, sulayan mo pag-ayo. 7 Hinunoa, ang inyong pagtoo sulayan daw bulawan sa hudno. Apan ang bulawan molabay lang. Ang pagtoo nga mas bililhon kaayo, sa kataposan magdalag pagdayeg, himaya, ug dungog inigpakita na ni Cristo Jesus.

8 Wala pa siya makita, apan nahigugma na mo niya. Mitoo na mo bisag wala pa siya makita. Busa, nakatagamtam mog langitnong kalipay nga dili matukib sa mga pulong, 9 kay nakab-ot ang katuyoan sa pagtoo: ang kaluwasan sa kalag. 10 Mao ni ang kaluwasan nga madasigong gipangita sa mga propeta. Gitagna nila kaniadto ang grasya sa Diyos alang ninyo. 11 Apan igo lang sila sa pagsusig kanus-a ang Espiritu ni Cristo nga diha na nila mipadayag sa panahon ug sa kahigayonan: Ang mga pag-antos ni Cristo ug sa nagsunod nga kahimayaan
.
12 Gipadayag nga nagbudlay sila dili lang alang sa kaugalingon kondili, alang pod ninyo. Busa, ining mga adlawa, human mapadala ang Espiritu Santo gikan sa langit, gitudloan mo sa mga magwawali sa Ebanghelyo ining mga misteryo nga bisan ang mga anghel nangandoyng makakita.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang nagasunod kang Jesu Cristo lutoson gayud. Ang mga katawhan nga nagasunod sa pagtulun-an ni Jesu Cristo makaambit gayud sa kasakitan sa kinabuhi. Diha sa ubang pulong sa balaang kasulatan nagaingon nga pagasulayan man gani ang bulawan nga lumalabay lamang nan ang tawo pa kaha nga mas labaw pa ug bili kay sa bulawan.

Ang ubang pulong sa Diyos nagaingon Kun gusto nimong himayaon ug daygon didto sa gingharian sa langit nan puy-i ang kinabuhi nga puno sa pagpaubos, puno sa mga paglutos ug kasakitan dinhi sa yuta. Pas-ana ang imong krus sa kinabuhi ug sunod sa pagtulun-an nga gisangyaw ni Jesus. Kay bulahan ka nga nakaambit diha sa mga kasakitan ni Jesu Cristo diha sa iyang pagkalansang sa krus kay makaambit ka usab sa himaya sa iyang pagkabanhaw didto sa gingharian sa langit.

Sa ato pa mga igsoon mailhan nato nag ang pagtulun-an nga atong gibarugan nga iya gayud sa Diyos kay kita nga nagasunod niini lutoson gayud. Apan ang balaang kasulatan nagaingon Dili ang tanan nga nagasangpit kanako ug Diyos makasulod sa iyang gingharian sa langit kundili kadto lamang nagasunod ug nagatuman sa iyang kasugo-an.

Nagpasabot lamang kini mga igsoon nga dili sayon ang pagsulod sa gingharian sa langit diin tunukon, bakilid ug batoon ang dalan diin diyutay ra ang nagakaplag niini ug mas dyutay lamang usab ang molahutay sa pag-agi ug pagbaktas sa maong dalan, Apan ang dalan nga maoy kalaglagan sa atong kalag, haluag, halapad, masadya ug magahob diin ania lang kini usab sa maong palibot diin daghan ang nagaagi, ug nagahapit niin, diin anaa ang mga kahilayan ang mga tawhanong kailibgon ug mga tawhanon nga mga bisyo,

apan matod pa sa Amahang Diyos nga bulahan pa kining maong mga tawo nga nahisalaag sa maong dalan kay inosente pa sila sa kamatuoran ug aduna pay pasaylo ang Diyos para kanila apan kita nga nakatugkad na niining maong pagtulun-an ug motalikod niini aron sa pagbalik didto sa magahaob ug masaba nga dalan nga maoy kalaglagan sa atong kalag nan ang Diyos wala nay pasaylo pa para kanato.

Mga Hinagiban Nga Espirituhanon

EFESO 6: 10~20

• 10 Sa kataposan pagmalig-on mo sa Ginoo pinaagi sa iyang kusog ug kalig-on. 11 Isul-ob ang tibuok nga taming sa Diyos aron makaharong mo sa mga limbong sa yawa. 12 Ang pakig-away nato dili sa tawhanong kusog kondili, batok sa mga punoan ug gamhanan ug sa tanang daotang gahom nga nagmando ining kalibotana. Makigbisog ta batok sa mga espiritu ug yawan-ong kusog nga labaw sa kinaiyahan.
13 Busa, isul-ob ang tibuok nga taming sa Diyos aron makasukol mo ug makabarog sa inyong gitindogan sa adlaw sa kadaot. Gamita ang tanang hinagiban. 14 Ibakos ang kamatuoran. Himoa ang hustisya nga inyong taming ug ang 15 kasibot, sapatos aron pagsangyaw sa Ebanghelyo sa kalinaw. 16 Guniti kanunay sa inyong kamot ang taming sa pagtoo aron pagpahilayo sa nagdilaab nga mga pana sa yawa. 17 Sa kataposan gamita ang helmet sa kaluwasan ug ang pinuti sa Espiritu nga mao ang Pulong sa Diyos.
18 Pag-ampo sa tanang higayon sumala sa paglamdag sa Espiritu. Pagbantay mo ug lahutay sa pag-ampo ug sa pagpangayo alang sa tanang kaigsoonan. 19 Iampo sab ko sa akong pagsulti, aron kahatagan ko sa mga pulong sa pagsangyaw sa misteryo sa Ebanghelyo sa tumang kaisog. 20 Bisag gigapos ko, embahador ko sa Diyos. Hatagan unta ko niyag kusog aron makawali sumala sa kinahanglan kong buhaton.

PAGPAAMBIT SA MENSAHE:

Ang maong ebanghelyo nagpasabot lamang nga ang mga katawhan sa Diyos lutoson gayud kay matod pa kun unsa kakusog ang gahom sa Diyos espiritu santo nga nanalipod kanimo nan ingon usab niana kakusog ang dautan nga gusto mosamok kanimo, kay kun ang espiritu santo sa Diyos anaa sa imong tuo nan ang gahum sa dautang espiritu anaa usab sa imong wala.

Wala kita makig-away sa atong isigkatawo kundili ang atong kaaway mao ang dautang espiritu nga dili makita ug mahikap nga nagamando usab niining kalibutana ug nagamando usab diha sa imong isigkatawo. Nan walay lain nato nga ika-alkontra nianang mga dautan nga gusto mohasol kanato, mao ra gayud ang mga pag-ampo ug ang mga armadura nag gitudlo sa Diyos kanato ug labaw sa tanan ang hingpit ug bug-os nga pagtuo.

Kay walay pulos ang mga armadura ug ang mga pag-ampo kun ikaw nga tagtungod kulang ug haguka ang imong pagtuo ngadto sa Diyos. Matod pa sa sinulat sa balaang kasulatan, Hebreo 10: 1 nagaingon nga ang pagtuo mao atong pagsalig sa mga butang o mga binuhat nga dili nato makita ug atong gilauman. Pinaagi sa pagtuo ang atong unang mga katigulangan sama kang Abraham gimatarong sa Diyos.

Matod pa usab sa ubang pulong sa espirito santo Señor Santo Ñino, Ang atong pagtuo ngadto sa Diyos dili masukod pinaagi sa tawhanon nga sukdanan, apan masukod diha sa espirituhanon nga sukdanan kay anaa man kini ibutang sa Diyos sa atong kasing-kasing ug panumduman., Nagpasabot lamang mga igsoon nga Diyos lamang usab ang makasukod sa kadako sa atong pagtuo ngadto kanila.

Apan naga-ingon usab ang ubang mga sinulat diha sa libro ni Santiago, (Santiago 2: 26) Ang pagtuo nga walay buhat Sama kini sa lawas sa tawo nga kun walay espiritu patay kini, nan ang atong pagtuo kun walay binuhatan patay usab kini, Santiago 2: 24 nagaingon nga mas gikahimut-an sa Diyos ang mga tawo nga adunay binuhatan gumikan sa ilang pagtuo kay sa mga katawhan nga adunay pagtuo lamang.

Mga Ulipon Ug Mga Agalon

EFESO 6: 5~9

5 Mga sulogoon, tahora ang inyong agalon ining kalibotana sa kahadlok ug sa pagtamod, sa kaligdong sa kasingkasing nga daw si Cristo ang gitahod. 6 Ayawg alagad sa panahon lang nga gibantayan mo o aron mahimuot ang uban, apan kinahanglan nga mahimo mong mga sulogoon ni Cristo nga nagbuhat sa kabubut-on sa Diyos ug sa tibuok ninyong kasingkasing. 7 Trabaho sa kaugalingong kabubut-on alang sa Ginoo ug dili sa katawhan. Hunahunaa nga ang kaayohang mabuhat sa matag usa, 8 sulogoon o gawasnon, gantihan sa Ginoo.
9 Ug kamo mga agalon, tagda ang inyong sulogoon sa samang paagi. Ayaw silag hulgaa kay inyong nasayran nga may usa ra sila ka Ginoo nga naa sa langit. Gitagad niya ang tanan sa kaangayan.

PAGPAAMBIT SA MENSAHE:

Ang maong ebanghelyo nagpasabot nga dinhi niining kalibutan aduna gayuy labaw ug adunay ubos… sumala sa ebanghelyo Adunay Mga Ulipon Ug Mga Agalon. Sa kanunay ang mga ulipon ug ang mga trabahador kanunay nga nabintahaan apan ang Diyos nagaingon nga pagtrabaho kamo sama nga ang inyong Diyos maoy inyong gialagaraan sa samang paagi ang Diyos malipay sa mga tawo nga masinugtanon.

Apan didto sa gingharian sa langit walay ulipon ug walay agalon, si kinsa kadtong pinakaubos dinhi sa ibabaw sa yuta ipataas didto sa iyang gingharian sa langit, apan si kinsa kadtong mapahitas-on ug mapagarbohon dinhi sa yuta nan ipaubos ug dili ilhon didt sa gingharian sa langit. Ang labing dako didto sa gingharian sa langit mao kadtong nagpakaubos ug nagasilbi sa daghang katawhan dinhi sa ibabaw sa yuta.

Busa mga igsoon mas maayo gayud nga atong abi-abihon ug tratohon ang atong isigkaingon ug ang atong mga trabahante sama nga sila atong mga igsoon diha sa atubangan sa Diyos, kay ang Diyos nahimuot sa mag katawhAn nga naningkamot sa pagtuman sa iyang kasugo-an, Kay matod pa wala gayuy balaod nga imong masupak dinhi sa ibabaw sa yuta kun sa kanunay ikaw nagasunod sa pagtulun-an sa balaang kasulatan.

Higugmaa ang imong isigkatawo sama sa imong paghigugma sa imong kaugalingon. Ang Diyos Espiritu Santo nagapuyo diha sa tagsa-tagsa nato ka kasing-kasing, Ang imong gibuhat diha sa pinakaubos nag tawo dinhi sa kalibutan maoy imong gibuhat ngadto sa Diyos.

Nagadan-ag Ingon Nga Suga Sa Kalibutan

FILIPOS 2: 12~ 17

• 12 Busa, mahal kong kahigalaan, ingon nga kanunay mong nagsunod nako samtang uban pa ko ninyo, padayon mo labi pa karon nga layo na ko, sa pagbudlay alang sa inyong kaluwasan uban ang “Kahadlok ug pangurog.” 13 Ang Diyos nagdasig sa inyong pangandoy ingon man sa pagtuman sa makapahimuot niya. 14 Buhata ang tanan sa walay bagulbol, 15 sa ingon, maanak mo sa Diyos nga walay sayop ug dili mabasol; dili salawayon taliwala sa hiwi ug badlongong kaliwat. Kahayag mo taliwala nila, sama sa kabitoonan sa tibuok kalibotan nga 16 naghupot sa pulong sa kinabuhi. Mobati kog garbo nga ang inyong paningkamot ug kahago wala makawang. 17 Kon ibubo ko ang akong dugo isip gasa alang sa pagsaulog sa inyong pagtoo, magmaya ko ug magpadayon pag-ambit sa inyong kalipay.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang pagtulun-an nga gisangyaw ni Jesus maoy pagtulun-an nga naghatag ug kahayag sa tibuok katawhang kristuhanon, ilabi na niadtong mga katawhan nga nagasunod sa iyang mga kasugo-an. Juan 14: 6 nagaingon Siya ang Dalan, Ang kamatuoran Ug Ang Kinabuhi ug walay mahiabot didto sa Amahan kundili moagi kaniya, Siya ang sinugdanan ug ang Kataposan, ang Alpha ug ang Omega.

Kabubut-on sa Amahan nga magpakatawo ang iyang bugtong Anak ug motipon sa mga tawo aron ilang masinati ang kabubut-on sa Diyos ug ang pagkinabuhi nga maoy gusto sa Diyos nga atong ikanabuhi. Nagpakatawo siya ingon nga kabos ug nagsangyaw sa kamatuoran sa pag-edad niya ug 30 paingon sa 33, diin walay bugtong gisaligan mao lamang nga mga pagtulun-an nga gihatag sa Amahan kaniya ug ang mga milagro nga maoy simbolo sa walay kataposang gahum sa Diyos.

Atong magpalandungan nga diay sa pagpakabuhi aron mahimong adunay kaluwasan ang imong kalag ug aron mahimong kahayag diha sa mga pagtulun-an nga gisangyaw sa Diyos dili na kita magakinahanglan ug dakong bahandi, Kay matod pa sa ubang sinulat nga adunahan man ang tawo kun kuntento na siya kun unsay anaa kaniya, kay matod pa diha sa atong paghiabot niining kalibutan hubo man kita ug walay dala bisan unsa ug diha sa aton pagtaliwan niining kalibutana biyaan nato ang tanan ug wala kay dala bisan gamay, diin bisan ang atong materyal nga lawas atong biyaan ug mobalik kini sa abog.

Nan diha diining atong pagkinabuhi atong himoon ang atong kaugalingon nga bugtong halad ngadto sa Diyos, diin maoy atong himoong sumbanan ang mga pag-antos ug mga kasakitan ni Jesu Cristo didto sa Krus. Ang atong mga pag-ampo ug mga paghalad ug sakripisyo maoy atong himoong kahayag nga magadana-g ugma damlag sa atong kalag ug ingon diha sa atong mga kaigsoonan nga nahisalaag. Ang mga pag-ampo ug mga paghalad maoy atong sumabanan isip maoy atong pamaagi diha sa pagsimba didto sa langit.

Ang Kinaiya Ug Ang Buhat Ni Jesu-Cristo

COLOSAS 1: 15~23

• 15 Larawan siya sa Diyos
nga dili makita, ang panganay sa tanang binuhat.
16 Diha niya gibuhat ang tanang butang
nga makita ug dili makita:
ang mga trono, mga hari, mga gahom...
ang tanan gihimo pinaagi niya ug alang niya.
17 Siya na ang Siya, sa wala pa ang tanan,
ug diha niya ang tanang butang.
18 Ulo siya sa lawas, ang Simbahan;
ang sinugdan,
ang unang gibanhaw sa mga patay aron mag-una sa tanan.
19 Kay nahimuot ang Diyos nga ang kahingpitan magpabilin niya.
20 Gimbut-an sa Diyos nga pinaagi ni Cristo
mapahiuli ang tanan diha
ug pinaagi niya, sa iyang pagpaagas og dugo sa Krus,
gimugna sa Diyos ang kalinaw
dinhi sa yuta ingon man sa Langit.
• 21 Kamo mismo layo ug masinupakon sa Diyos kaniadto tungod sa daotang binuhatan. 22 Apan karon gipahiuli namo. Ang Diyos nagpahiuli ninyo pinaagi sa pagtugyan sa kamatayon sa lawas ni Cristo, aron makaatubang mo niya nga walay sala, balaan ug putli. 23 Barog nga lig-on sa sukaranan sa pagtoo ug pabilin sa gilaoman. Ibutang sa hunahuna ang Ebanghelyo nga nadungog. Kay gitudlo ni sa tanang binuhat ubos sa langit. Ako, si Pablo, ang nag-alagad niya.

PAGPAAMBIT SA MENSAHE:

Ang maong ebanghelyo nagpasabot lamang nga si Jesu Cristo mao ang sinugdanan ug ang kataposan , Ang Alpha ug ang Omega. Juan 14: 6 nagaingong Siya ang Kahayag , Ang kamatuoran ug ang Kinabuhi. Diha na Siya sa wala pa ang kalibutan diin Siya maoy arkitekto nga tiglingaw sa Langitnong Amahan sa ilang pagbuhat sa kalibutan, diha na usab siya sa panahon ni Moises , niadtong nabantog nga Exodus diin siya kadtong maong dakong bato nag nagahatag ug giya ni Moises ug sa iyang mga katawhan sa ilang mga kinahanglanon.

Diha nnining maong ebanghelyo nagaingon nga Siya ang buhing larawan sa dili makita nga Diyos ug panganay sa tanang mga binuhat nga makita ug dili makita. Dako ang misyon ni Jesu Cristo diha sa iyang pagpakatawo dinhi sa kalibutan diin, Ang Diyos pinaagi sa iyang bugtong anank maoy miduol kanato aron kita maluwas ug dili kay kita maoy nangita sa Diyos para sa atong kaluwasan.

Sumala diha sa Philiphos 2 : 6~ 11 nagaingon:Diha kaniya kanunay ang kinaiya gayud sa Diyos. Apan wala siya maghuna-huna pagpakigtupong sa Diyos pinaagi sa kusog. Kundili sa iyang kaugalingong kabubut-on iya kining gibiyaan. Ug gisul-ob niya ang kinaiya sa usa ka sulogoon. Natawo siya sama kanato ug nakita siya ingon nga tawo. Nagpaubos siya ug nagmasinugtanon hangtod sa kamatayon, Ang iyang kamatayon sa krus. Tungod niini gituboy siya sa Diyos ngadto sa kinatas-ang dapit sa kalangitan, Ug gihatagan siya ug ngalan nga labaw sa tanang ngalan. Busa manluhod ang tanang binuhat nga atua sa langit ,sa yuta ug sa ilalom sa yuta, Sa pagpasidungog sa nga ni Jesus.

Nagpasabot lamang kini mga igsoon nag ang kamatuoran nga atong gibarugan mao gayud ang kaluwasan diha kang Jesu Cristo, diin kita nga nagasunod kaniya makaambit usab sa mga paglutos. Ang balaang kasulatan nagaingon kun gusto nimong daygon ug himaya-on didto sa gingharian sa Diyos nan puy-i ang kinabuhi nga puno sa mga paglutos ug kasakitan dinhi sa ibabaw sa yuta, pas-ana ang imong krus ug sunod sa mga pagtulon-an nga gisangyaw ni Jesu Cristo, kay bulahan ka nga nakaambit diha sa mga kasakitan nga giaantos ni Jesu Cristo didto sa paglansang niya sa krus kay makaambit ka usab sa himaya sa iyang pagkabanhaw didto sa gingharian sa langit.

Mga Maayong Piniyalan Sa Gasa Diyos

1 PEDRO 4: 7~11

7 Hapit na ang kataposan sa tanang butang. Pagkinabuhi nga maalamon. Paggahig panahon sa kagabhion alang sa pag-ampo. 8 Labaw sa tanan, higugmaa sa kinasingkasing ang usag usa, kay ang gugma motabon sa daghang sala. 9 Pasak-a ang matag usa sa inyong balay nga walay bagulbol 10 ug paghatagay sa usag usa sa mga gasa nga nadawat. Ining paagiha mamaayo mong tigdumala sa nagkalainlaing grasya sa Diyos. 11 Kon mosulti, isulti ang Pulong sa Diyos. Kon dunay espesyal nga ministeryo, ipakita ni isip gahom sa Diyos, aron himayaon siya pinaagi ni Cristo Jesus sa tanang butang.

PAGPAAMBIT SA MENSAHE:

Ang maong ebanghelyo nagpasabot lamang diha sa ubang pulong sa balaang kasulatan nga nagaingon nga ang Diyos nagahatag sa iyang mga gasa sumala sa iyang kabubut-on, usa ra ang espiritu santo nga nagahatag ug gasa apan lahi-lahi ang kinaiyahan diha sa matag gasa ug sa mga binuhat nga iyang gipaambit sa gasang langitnon.

Dunay gigasahan sa pagkapastor, ebanghelista, magatambal sa mga masakiton, kaalam nga langitnon diha sa paghubad sa kahulugan sa mga sinulat sa balaang kasulatan, ug aduna usab gigasahan diha sa mga panan-awon ug diha sa dektar. Diin matod pa diha sa ebanghelyo nga ang maong mga gasa dili kini para sa atong kaugalingon kundili gihatag kini sa Diyos kanato aron atong ikapaambit ngadto sa atong isigkatawo ilabina diha mismo sa atong mga igsoon.

Kay ang Diyos nagaingon usab diha sa iyang mga pinili niyang katawhan nga lahi-lahi ang pagtawag sa Diyos kanato, diin ang uban gitawag pinaagi sa balatian diin diha unya sa pagpaduol nila sa Diyos tungod sa ilang sakit nga wala nay kaayuhan diha usab nila makita ang kabubut-on sa Diyos pinaagi usab unya sa atong langitnong gasa nga atong ipaambit kanila.

Matod pa usab diha ning maong ebanghelyo nga haduol na ang kataposan sa kalibutan, diin matod pa diha sa ubang sinulat mas haduol kini kay sa giisip sa uban nga halayo pa. 2 Pedro 3: 9 nagaingon nga Ang Dyos dili maglangan sa pagbalik sumala sa gihuna-huna sa uban apan nagpailob siya kay mao gayuy gusto sa Diyos nga kita makahinulsol sa atong mga kasal-anan diin sa iya unyang pagbalik walay isa sa iyang mga pinili nga katawhan ang malaglag ug nga ang tanan maghinulsol ug mobiya sa ilang sala.

Busa mao kining higayona nga gihatag sa Diyos diin gitagaan kita sa Diyos ug hataas nga lugway aron kita makahinulsol sa atong mga sala kay ang matag-usa gihatagan sa Diyos ug kapasaylo-an diha sa iyang mga kasal-anan kun siya makapangayo ug pasaylo sa Diyos diha sa iyang mga kasal-anan, matod pa gamay ug dako nga sala adunay kapasaylo-an kun ikaw mismo hugton nimo ang imong pagtuo sa Diyos diha sa pagpangayo nimo ug pasaylo.

Diha sa ubang sinulat nagaingon, You cannot experience the beauty of His mercy If you does not have the misery of your sin. Dili nimo masinati ang kaanindot sa kapasaylo-an ug kalooy sa Diyos kun wala nimo masinati ang mga pag-antos ug mga paglutos diha sa imong mga kasal-anan. Diha sa ubang pulong sa Diyos nagaingon, If you don’t want to pass the Door of His mecy it means that you are ready pass thru the gate of His Judgment. Kun magmakuli ka sa pagpangayo ug kapasaylo-an sa imong mga sala pinaagi sa pagduol diha sa pultahan sa iyang kalooy nagpasabot lamang kana nga andam kang moatubang diha sa agi-anan paingon sa iyang kataposang paghukom.

Ang Mensahe Sa Dios Pinaagi Sa Iyang Anak

HEBREO 1: 1~3

1 • 1 Bisag dili kompleto, nagsulti ang Diyos kaniadto sa atong kati¬gulangan pinaagi sa mga propeta ug sa nagka¬lain¬laing paagi. 2 Apan karon, tino kaayo nga nakigsulti siya nato pi¬na¬agi sa iyang Anak.
Bugtong siyang Diyos, ang gitud¬long manunod sa tanang butang. Pi¬na¬a¬gi niya gihulagway ang tanang na¬wong sa kalibotan.
3 Bidlisiw siya sa Himaya sa Diyos ug ang nagdala sa larawan niyang ti¬¬nago. Busa, ang gamhanan niyang pulong nag¬¬¬sapwang sa kalibotan. Hu¬man wag¬¬¬¬¬tanga ang sala, mi¬lingkod siya sa tuo sa halangdong Diyos sa kahitas-an.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa Diyos nga nagaingon Ako ug ang Amahan usa ra ang nakakita kanako, Nakakita usab sa Amahan Colosas 1: 15 nagaingon: Si Jesu Cristo ang buhing larawan sa dili makita nga Diyos ug panganay siya sa tanang mga binuhat.

1 Corinto 1: 18 nagaingon ang mensahe sa kamatayon ni Jesu Cristo didto sa krus binuang alang niadtong wala maluwas apan alang kanatong naluwas gahum kini sa Diyos. Ug nagaingon ang Diyos himoon kung kawang ang kahibalo sa mga maalam ug isalikway ko ang kaalam sa mga makinaadmanon.

Dayag ug tataw kaayo mga igsoon nga ang kaalam nga iya sa tawo ug ang kaalam nga iya sa espiritu santo dili gayud magaka sinabot. Sa ato pa ang pagsabot diha sa mga milagro ug mga mensahe didto sa krus dili kini masabtan niadtong mga katawhan nga wala magapuyo ang espiritu santo sa Diyos sa ilang kasing-kasing.

Apan si Jesu Cristo nagaingon nga wala siya moanhi para niadtong mga balaan ug mga masinugtanon kaniya kundili ang iyang pag-anhi mao ang pagtawag ug pagluwas niadtong mga makasasala. Nan diha sa iyang kamatayon sa krus namatay usab kita uban kaniya, apan sa iyang pagkabanhaw nabanhaw usab kita uban kaniya, apan nagpabilin nga patay ang atong mga kasal-anan.

Diin dako ug kahulugan ang krus nga maoy gilansangan sa atong Diyos kay pinaagi niinI diha nato mahinumduman ug maambitan ang iyang mga pagpasakit ug ang iya mismong kamatayon. Diin dako ug kahulugan ug indolensya ang atong mga pag-ampo ug mga paghalad diha sa mga santa krus diha sa layong bukid diin anaa ang atong paghapa , pagluhod ug mga pag-ampo nga gitudlo sa atong Diyos. Nagpasabot lamang kini mga igsoon nga ang mga pag-ampo diha sa templo ug mga simbahan, ug ang mga pag-ampo sa santa krus walay kalainan kay Diyos man ang atong giampo-an apan diay adunay kakulangon ang nagaampo diha sa templo …kulang ang ilang sakripisyo.

Ang Pangulo Sa Kaluwasan

HEBREO 2:5~18

• 5 Wala ihatag sa mga ang¬hel ang gahom aron dumalahon ang bag-ong kalibotan nga atong gihis¬gotan karon. 6 Gani may miingon sa kasulatan: Unsa ba ang tawo nga imo man siyang gi¬ban¬tayan kanu¬nay? 7 Usahay ibu¬tang mo siya ubos lang sa mga anghel, apan gipurong¬purongan mo siya sa himaya ug dungog. 8 Gihatag mo kaniya ang gahom sa pagdumala sa tanang bu¬tang.

Ang giingon nga ang Diyos nag¬ha¬tag niyag gahom sa tanang butang, nag¬pasabot nga wala siyay gipili. Apan wala nato makita ang iyang ka¬gam¬hanan. 9 Hinunoa, si Jesus nga nagpa¬ka¬matay ug sa dyotayng pa¬na¬hon na¬himutang ubos sa mga ang¬hel, gipu¬rong¬purongan sa du¬ngog ug himaya. Kay ang maluluy-ong plano sa Diyos nagkinahanglan nga masinati niya ang kamatayon alang sa tanan.

10 Ang Diyos nga gigikanan sa ta¬nan ug pinaagi niya buhi ang tanan, nag¬¬¬hi¬maya sa kinabag-an sa iyang mga anak. Nagtoo siya nga angay silang hing¬piton pinaagi sa pag-antos sa nag¬mugna sa ilang kaluwasan. 11 Busa, ang naghatag ug ang naka¬dawat sa ka¬¬balaan usa ra. Wala siya maulaw pag¬¬tawag natog mga igsoon. 12 Atong mabasa: Ginoo, akong isang¬yaw ang imong ngalan sa akong mga igsoon. Dayegon tikaw sa kati¬lingban.
13 Nag-ingon pod: Mosalig ko sa Diyos. Ania ko ug ang mga anak nga gitugyan kanako sa Diyos.

14 Kay ang mga anak nag-inam¬bi¬tay sa samang kinaiya sa karne ug du¬go. Si Jesus nakig-ambit pod ini. Mao man gani nga ang iyang kama¬ta¬yon mi¬bun¬tog sa yawa nga naghu¬pot sa gahom sa kamatayon. 15 Gilu¬was niya ang nagpa¬bilin sa kaulipnan sa tibuok kinabuhi tu¬ngod sa kahadlok sa kamatayon. 16 Mi¬¬anhi si Jesus aron aga¬¬kon dili ang mga anghel kondili, ang tibuok kataw¬han. 17 Busa, mahi¬sa¬ma siya sa tanan sa iyang mga igsoon. 18 Sa ingon, ma¬himo siya nga Labawng Pari, matinud-anon sa Diyos ug mang¬gi¬luy-on sa ka¬igso¬onan. Pari nga ma¬ka¬¬pasaylo ug makabayad sa mga sala.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pulong sa Diyos nga ngaingon Ako ang sinugdanan ugmang kataposang ang Alpha ug ang Omega ug walay mahiabot sa Amahan kundili magaagi kanako. Si Jesu Crsito maoy atong kaluwasan matod pa diha sa ubang sinulat (Juan 14:6) Siya ang Kahayag ang kamatuoran ug ang Kaluwasan.

Gipakanaog Siya sa Amahang Diyos dili aron sa pagsilot sa mga makasasala ug dili aron sa pagpasidungog sa mga maalam kundili aron sa pagluwas kanatong tanan. Siya ang miduol kanato ug dili kay kita ang nangita ug miduol sa Diyos. Gihimo sa Diyos ang tawo nga maoy pinakamaalam sa tanang niyang mga binuhat diin gipakita sa tawo ang kamatuoran ug ang kamatuoran nagahatag usab sa tawo kagawasan.

Matod pa diha sa ubang pulong sa balaang kasulatan dako ang gugma sa Diyos kanatong tanan diin nakiglambigit si Jesu Cristo kanato ug gihimo kita niyang igsoon, tungod kay diha sa iyang pagpakatawo, anaa gayud kaniya ang kinaiyahan sa usa ka tawo gawas lamang nga wala gayud siyay sala

Diin matod pa diha sa kamatayon ni Jesu Cristo sa krus siya nagpasabot ng daan sa iyang mga tinun-an ug mga apostoles nga dili kita makaadto sa iyang adto-an apan mahimo kitang moinom sa kupa nga iyang giimnan, kay ang kaluwasan nga gisangyaw ni Jesu- Cristo naga-agi kini ug mga paglutos nan kitang mga sumosunod niining kristuhanong pagtulon-an makaagi ug makaambit gayud sa mga paglutos.

Ang Tinuod Nga Pagkamatarong

FILIPOS 3: 1~11

3 1 Sa kataposan, mga igsoon, pag lipay sa Ginoo.
• Dili bug-at alang nako ang pagsulat pag-usab bahin sa sama gihapong butang, ug alang ninyo mas wala ni peligro. 2 Pagbantay sa mga iro, sa daotang mamumuo ug sa mga tinuli. 3 Kitay tinuod nga tinuli, kay nag-alagad ta sa Diyos sumala sa espiritu ug ang atong pagsalig naa ni JesuCristo, inay sa kaugalingong katakos.

4 Ako, sa akong kaugalingon, wala makulangi ining tawhanong hiyas nga gisaligan sa katawhan. Kon ang uban nila ingog miangkon sa maong hiyas, unsa pa kaha ko! 5 Gituli ko sa walo ka adlaw ang idad ug natawo sa kaliwat ni Israel, sa tribu ni Benjamin. Hebreo ko, natawo sa mga Hebreo. Kabahin sa Balaod, Pariseo ko, ug 6 ingon ang akong kasibot alang sa Balaod nga gigukod ko ang simbahan. Sa katarong sumala sa Balaod, walay ikasaway nako.

7 Apan sa pagkakaplag ko ni Cristo, ang tanang butang nga gitan-aw ko untang ganansya, giisip nako nga alkansi. 8 Gawas pa, ang tanang butang ingon nga baleg wala lang alang nako, kon itandi sa kahibawo ni JesuCristo, akong Diyos. Tungod niya, giwagtang ug gitan-aw ko ang tanan nga daw basura, kon ugaling maangkon ko si Cristo.

9 Diha niya makit-an unta ko nga walay kaugalingong katakos o kabalaan sa pagtuman sa Balaod, apan may kabalaan nga gikan sa pagtoo ni Cristo, ang kabalaang hinatag sa Diyos nga nagsandig sa pagtoo diha ni JesuCristo10 Buot kong makaila niya, makasinati sa gahom sa Iyang pagkabanhaw, makaambit sa iyang pag-antos ug mahisama niya diha sa kamatayon. 11 Modangat unta ko, kon motugot ang Diyos sa pagkabanhaw sa mga patay.

PAGPAAMBIT SA MENSAHE:

Ang maong ebanghelyo nagpasabot diha pagkatinuli diin maoy sumabanan sa pagkamatarong diha sa kapanahunan ni Moises diin matod pa ni Pablo kita nga mga sumosunod ni Cristo ang matuod nga mga tinuli tungod kay ang atong pagkatinuli wala man magsumikad sa seremonyas kundili nagsumikad man sa atong pagtuo ngadto sa Diyos ug kang Jesus Cristo nga anak sa Diyos.

Ang atong pagsunod diha pagtulon-an nga gisangyaw ni Jesus wala magsumikad diha sa mga balaod nga gisangyaw ni Moises kundili nagsumikad kina diha sa mga pagtulun-an nga gisangyaw ni Jesu Cristo nga maoy atong giisip nga sumbanan ang pagsul-ob diha sa kinaiyahan sa espiritu santo sa Diyos ang kinaiyahan nga maoy gipasinati ni Jesus kanato.

Si Jesu Cristo nagpadayag nga ang bililhong sugo sa iyang Amahan nagalangkob lamang sa duruha ka kasugo-an ug diin ang tanang kasugo-an sa Diyos nagalangkob na niini. Una mao ang paghigugma sa Diyos labaw sa tanan ug ang ikaduha ang paghigugma sa imong isigkatawo sama sa paghigugma nimo sa imong kaugalingon diin kun masupak nimo ang bisan usa lamang niining maong mga sugo nan sama ra nga nasupak nimo ang tanang kasugo-an sa Diyos.

Kay ang matuod nga pagkamatarong nagpuyo ang gugma diha sa imong kasing-kasing kay matod pa diha sa ubang sinulat, Ang tawo nga adunay paghigugma nan haduol sa gingharian sa Diyos kay ang atong Diyos , Diyos man sa paghigugma, sa ato pa ang Diyos anaa kaniya ug siya anaa sa Diyos.

Mao kini ang mga kausaban nga nakita ug napamalandungan ni Pablo diin pinaagi diha sa mga milagro nga gipasinati sa Diyos kaniya, iyang nakita ang kahimayaan sa gingharian sa langit diha sa pagtulon-an nga gisangyaw ni Jesu Cristo. Diin ang kaluwasan nga gisaad sa Diyos sa iyang mga sumosumod dili kini premyo o ganti tungod sa atong maayong mga binuhatan kundili ang kaluwasan ngadto sa kinabuhing dayon gasa kini sa Diyos aron sa ingon walay magpasigarbo diha sa atubangan sa Diyos nga siya maluwas tungod sa iyang maayong buhat kundili ang kaluwasan ngadto sa kinabuhing dayon, tungod kini sa gugma ug gasa sa Diyos kanatong iyang mga pinili.


.

Salamat Sa Gasa

FILIPOS 4:10~19

• 10 Naglipay ko diha sa Diyos tungod sa inyong pagpakabana nako. Tinuod nga nagpakabana mo kaniadto, apan walay higayon pagpakita ini. 11 Wala ko mag-ingon ini tungod sa panginahanglan. Nakat-on ko pagpakabuhi sa bisag unsa nga naa nako. 12 Nasayod kog unsa ang pagpanginahanglan ug ang pagkahupong sa tanan. Nasayod kog unsa ang kagutom ug kabusog; ang kabuhong ug kanihit. 13 Mabuhat unta nako ang tanan diha niya nga naglig-on nako.

14 Hinuon, husto sab ang inyong gibuhat sa pag-ambit sa akong mga pagsulay. 15 Kamong taga Filipos, hinumdomi nga sa sinugdan, sa una tang pagsangyaw sa Ebanghelyo, human ko mobiya sa Macedonia, kamo ray mitabang nako. 16 Sa didto pa ko sa Tesalonica, kaduha ko ninyo padad-i sa akong gikinahanglan
.
17 Dili ang inyong gasa ang akong gipakabililhon, kondili ang nagdugang nga kaikag sa inyong bahin alang nako. 18 Karon, duna na koy igo alang nako ug labaw pa gani, uban sa tanang gidala ni Epafrodito sa inyong ngalan. Ako ning gidawat sama sa “Humot nga mga gasa nga makapahimuot sa Diyos.” 19 Ang Diyos mismo magpaangay ninyo sa tanang gikinahanglan, sumala sa iyang bahandi ug magpakita sa kamanggihatagon niya diha ni JesuCristo


PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pagsangyaw sa unang mga apostoles diin sila giabagan gayod sa grasya nga materyal ug mga grasya nga spiritual diin diha niining maong ebanghelyo nagpasalamt si Pablo diha sa mga gasa nga iyang nadawat gikan sa mga kaubang magtotoo.

Apan diha niining atong pagtulon-an nga gibarugan mas bulahan gayud nga atong ikapaambit diha sa atong kauban sa pagtoo ang mga gasa nga langitnon, atong himoon ang atong lawas isip nga maoy buhing gasa ngadto sa atong isigkamagtotoo buhing gasa nga tugob sa pagkabalaan ug pagkmapaubsanon diin sa kanunay nagahalad naga-ampo ug nagsakripisyo diha sa atong mga kaigsoonan ug labaw sa tanan diha sa Diyos nga atong gialagaran.

Ang Diyos nagaingon diha sa 1 Corinto 3: 16, Ang lawas sa tyawo maoy templo sa Diyos nga espiritu santo ug ang magalaglag sa templo sa Diyos nga ,mao ang atong lawas nan pagalaglagon usab sa Diyos, sa ato pa mga igsoon anaa ang Diyos diha sa matag usa kanato diin sa kanunay nagapamati ug nagagiya diha sa atong mga bulohaton.

Busa angayan lamang nga kita magahinalaray, magainampo-ay aron sa ingon ang Diyos malipay nga kita nagatuman sa ba-ong sugo ni Jesu-Cristo nga nagaingon nga paghigugmaay kamo ug kun mahibalo ang mga katawhan sa inyong gibuhat nan sila masayod gayud nga kamo akong mga tinun-an.

Ang Tabang Alang Sa Isigka-Kristuhanon

1 CORINTHO 16:1~4

16 • 1 Bahin sa kolekta alang sa mga santos, sunda ang mga lagda nga gihatag ko sa mga simbahan sa Galacia. 2 Matag Dominggo, ang matag usa maggahin sa iyang mahimo. Sa ingon, inig-anha nako, dili na kinahanglang mangolekta. 3 Kon naa na ko uban ninyo, pagpilig mga tawo nga pinaagi sa mga sulat-pagpaila, hatagag gahom sa pagdala sa inyong mga gasa sa Jerusalem. 4 Kon mas maayo nga moadto ko, mouban sila.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha niining atong pagtulon-an nga gibarugan Ang Diyos nagasugo gayud diha sa paghatag ug panabang ngadto sa atong isigka-kristuhanon o isigkamagtutuo. Apan duha ka matang sa pagtabang nga atong ikahatag sa atong isigkatawo ,Una ang pagtabang nga pinansyal ug ang ikaduha ang pagtabang nga espirituhanon.

Diha sa daang kasulatan nagaingon ang Diyos diha sa libro ni Malaquias 3:10, “Dad-a ang kinatibuk-an sa inyong ikapulo ngadto sa templo aron adunay pagka-on didto, Sulayi ako ninyo ug ablihan ko ang mga bintana sa langit ug ibobo ko nga madagaya-on ang grasya.

Diha sa sulat ni Pablo ngadto sa taga Corinto (2 Corinto 9:6~7) nagaingon ang magpugas ug dyutay mo-ani usab ug dyutay apan ang magpugas ug daghan moani usab ug daghan . Busa kinahanglan mohatag ang tagsa-tagsa sumala sa iyang gusto ug dili magbagutbot ni maghuna-huna nga gipugos siya kay ang Diyos nahigugma sa naghatag nga malipayon.

Diha sa usa ka parabulo o istorya sa balaang kasulatan diin nagahatag ang usa ka balo sa tulo ka pirasong pilak isip iyang halad ngadto sa Diyos, miingon si Jesu Cristo, nga mas dako pa ang nahatag sa maong babaye ngadto sa Diyos kumpara niadtong mga adunahan nga naghatag lamang sa pinisik sa ilang bahandi kay ang maong babaye nagahatag man sa Diyos sa kinatibuk-an niyang bahandi nga anaa kaniya, mas dako ang panalangin sa Diyos diha sa maong balong babaye.


Sa ato pa mga igsoon, ang ang paghatag ug materyal o pinansyal ngadto sa isigka-kristuhanon sa ngalan sa Diyos nagaagad usab kini diha sa bug-os ug kinasingkasing nimo nga paghatag, kay dili man ang kadako sa imong gihatag ang importante ang importante mao nga nagahatag ka nga adunay kalumo ug kadasig tungod sa imong gugma sa Diyos, Sa ato pa nagahatag ka nga adunay espirituhanong pagpakabana.

Apan ang labing importante nga atong ikahatag nga panabang ngadto sa atong isigka-magtutuo, mao ang espirituhanong panabang diha sa paghalad, pag-ampo pinaagi sa mga sakripisyo sa santa krus. Kay ang mga pag-ampo maoy atong pagpakig-istorya sa Diyos pinaagi diha sa mga paghalad ug mga pag-ampo diin atong ikapaabot ang unsa nga mga problema o mga kalisod nga atong nasinati, Pinaagi sa atong mga hinugpong nga pag-ampo diha sa balaang oras, diin matod pa madunggan kini hangtod sa gingharian sa langit.

Ang Diyos miingon nga Nganong dili man niya ihatag kun kini kaayohan man, Diin bolahan kun atong nahalad, ug na-ampo ang atong mga kaigsoonan nga atua na sa laing kalibutan, ug diin makaangkon ang ilang kalag sa kaluwasan ug kapasaylo-an sa ilang mga kalag, kay sama man unya nga naluwas nato ang atong kaugalingong kalag, Ang espiritu santo miingon, nga walay may kala-inan ang pag-ampo didto sa templo ug ang atong mga pag-ampo didto sa Santa Krus, Apan adunay nakakulang diha sa nag-ampo sa mga templo, kulang ang ilang sakripisyo.

Mga Panalangin Nga Espirituhanon Diha Kang Cristo

EFESO 1: 3~14

• 3 Daygon ang Diyos nga Amahan ni Cristo Jesus, atong Ginoo. Nanalangin siya nato sa tanang gasa nga espirituhanon gikan sa langit diha ni Cristo4 Diha niya gipili na ta sa Diyos sa wala pa buhata ang kalibotan aron mahimong katawhan nga balaan ug walay kasal-anan sa iyang atubangan.

5 Tungod sa gugma, gilatid na niyang daan nga sagupon ta isip iyang mga anak diha ni Cristo Jesus. Sa ingon, matuman ang iyang gawasnon ug manggihatagong kabubut-on. Kini ang iyang katuyoan: 6 nga ang mahigugmaon niyang kaayo nga gihatag kanato diha sa iyang hinigugma, sa kataposan makadawat sa tanang himaya ug pagdayeg. 7 Kay diha ni Cristo naangkon nato ang kagawasan nga gipatikan sa iyang dugo, ug ang pasaylo sa mga sala. 8 Niini makita ang kadako sa gugma nga iyang gibubo kanato.


Sa tanang kaalam ug pagsabot 9 gipadayag sa Diyos kanato ang katingalahang laraw pinasubay sa mahigugmaong kaayo diha ni Cristo. 10 Diha niya ug ubos niya hiusahon sa Diyos, inig-abot sa kahingpitan sa panahon, ang tanan nga tua sa langit ug sa yuta. 11 Pinaagi sa iyang sugo nga nagmando sa tanang butang pinasubay sa kaugalingong plano ug pagbuot, kita, ang mga Judio, gipili ug gitawag 12 ug nagpaabot sa Mesiyas, alang sa pagdayeg sa iyang himaya.

13 Sa pagkadungog ninyo sa pulong sa kamatuoran, ang Maayong Balita nga nagluwas ninyo, mitoo mo niya. Ug, sumala sa gisaad, gipatikan mo sa Espiritu Santo, 14 ang unang panaad sa atong madawat. Padulong sa atong kaluwasan, nga mga katawhan sa Diyos alang sa pagdayeg sa iyang himaya.

PAGPAAMBIT SA MENSAHE:

Ang maong ebanghelyo maoy pagmatuod laamng diha sa uang pulong sa balaang kasulatan nga nagaingon : (Juan 14: 6 ) Si Jesu Cristo Ang Kahayag, Ang kamatuoran Ug Ang Kinabuhi, Siya an g Alpha ug Ang Omega. Ug Walay mahiadto Sa Amahan Kun dili moagi Kang Jesu Cristo.

Kaniadto sa wala pa kita maluwas ni Jesu-Cristo anaa kita sa kangitngit, apan tungod sa pagpasakit ug pagpalansang ni Jesu Cristo sa Krus, aron sa pagluwas sa atong mga sala nan naluwas kita. Ug mao kining espiritu santo sa Diyos nga sa kanunay nagauban kanato isip maoy pagmatuod nga kita uban kanunay sa Diyos.

Juan 14: 15 Nagaingon , Tumana ninyo ang akong mga sugo, Kay mangayo ako sa Amahan ug tagaan kamo niya ug laing manlalaban Ang espiritu Santo Sa Kamatuoran nga magauban kaninyo hangtod sa kahangturan , Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nakig-uban ug nagpuyo man siya diha kaninyo.

Mao kini ang panalangin sa Diyos Espirutu Santo diha sa tagsa–tagsa kanato, kay mao gayuy gusto sa Diyos nga diha sa iyang pagbalik aron sa paghukom kanatong tanan, kita makahinulsol na daan kay maoy gusto sa Diyos nga ang iyang mga pinili nga mga katawhan walay malaglag ug mahiusa didto sa iyang gingharian.

Ang Pagkinabuhi Diha Sa Kahayag

EFESO 5:1~20

5 • 1 Isip labing pinangga nga mga anak sa Diyos, paningkamot sa pagsunod niya. 2 Subaya ang dalan sa gugma; ang panig-ingnan ni Cristo nga nahigugma ninyo. Gitugyan niya ang kaugalingon alang nato. Nahimo siyang halad ug biktima kansang kahumot nangalimyon ngadto sa Diyos. 3 Kay balaan man mo, walay bisag usa nga malambigit sa kahilayan, sa kauwag o sa kahakog, o sa bisag unsang kahugawan. Dili mo maghisgot ini. 4 Ingon man ang mga pulong nga bastos, walay kahulogan ug binuang dili angayng litokon. Hinunoa, pasalamati ang Diyos.

5 Timan-i ni: Walay tawo nga bisyoso, law-ay o hakog nga nag-alagad sa ‘diosdios nga salapi’ nga makaambit sa Gingharian ni Cristo ug sa Diyos. 6 Ayaw mo palimbong sa pangatarongan nga haw-ang, kay kasal-anan ni nga hukman sa Diyos diha sa katawhan nga masupilon. 7 Ayaw mo pakighugoyhugoy anang mga tawhana. 8 Kangitngitan mo kaniadto, apan kahayag na karon diha sa Ginoo. Pagkinabuhi ingon nga mga anak sa kahayag. 9 Ang mga bunga sa kahayag mao ang kaaghop, hustisya ug kamatuoran sa tanang pamayhon.

10 Kamo mismo, pangitaa ang makapahimuot sa Ginoo. 11 Ayaw panggilabot sa mga buhat sa kangitngit nga walay kapuslanan. Maayo pa kon ibutyag ni. 12 Sa pagkatinuod makauulaw kaayo bisan ang pagsulti sa gibuhat anang mga tawhana sa tago. 13 Apan inigbutyag ninyo ini sa kahayag matataw kaayo ang tanan. 14 Ang tataw na mahimong kahayag. Busa, ginaingon: “Pagmata na, kamong na-hikatulog. bangon gikan sa mga patay aron ang kahayag ni Cristo modan-ag ninyo.”

15 Atimana ang inyong linihokan. Ayaw pagkinabuhi sama sa mga walay kinaadman, apan sama sa mga tawong kasaligan. 16 Gamitag maayo ang panahon karon, kay daotan kining mga adlawa. 17 Ayaw pagkabuang. Hinunoa, sabta ang kabubut-on sa Ginoo. 18 Ayaw paghuboghubog. Ang bino mosangko sa kadingas. Apan pun-a ang kaugalingon sa Espiritu Santo. 19 Pagtigom mo aron mag-ampo sa mga salmo, himno ug mga alawitong espirituhanon. Pag-awit ug sauloga ang Ginoo sa inyong kasingkasing. 20 Pasalamati ang Diyos nga Amahan sa ngalan ni Cristo Jesus, ang atong Ginoo, sa kanunay ug sa tanang butang.

PAGPAAMBIT SA MENSAHE;

Ang maong ebanghelyo maoy pagpasabot lamang nga kun nagasunod ka sa pagtulon-an nga gisangyaw ni Cristo nan nagasunod ka sa kahayag nga maoy gikahimut-an sa Diyos apan diha sa ubang pulong sa balaang kasulatan nagaingon, kun nagasunod ka sa pagtulon-an ni Jesu-Cristo apan adunay kasilag ug pagdumot diha sa imong kasing-kasing diha sa imong isigkatawo nan wala ka pa magpuyo sa kahayag kundili ana-a ka pa sa kangitngit.

Kun moingon ka nga nahigugma ka sa imong Diyos apan nagadumot ug nasilag ka sa imong silingan ug sa imong isigkatawo nan ang Diyos miingon nga bakakon ka kay giunsa man nimo paghigugma ang Diyos nga wala nimo makita ug mahikap apan nagadumot ka sa kauban nimo sa pagtuo ug sa imong mga isoon nga sa tanang adlaw imo man makita, nan wala ka mahigugma sa Diyos kun dili ang imong kaugalingong garbo maoy imong gihigugma.

Lisod gayud madaug ang tawo batok sa iyang kaugalingon kun hataas ang iyang garbo, ug malisod gayud usab ang hingpit nga pagtugyan sa imong kaugalingon sa Diyos kun hataas ang atong garbo. Kay matod pa sa ubang pulong sa mga Japanese doctrina nga Ang dako nimo nga kadaugan sa imong kinabuhi kun modaog ka sa imong kaugalingon “Your greatest Victory is Your Victory Over yourself”.

Apan mga igsoon kun atong ipahari si Jesu-Cristo diha sa atong kasingkasing nan ato gayung mapaubos ang atong garbo kay mao man kini ang kinatibuk-an sa kamatuoran nag gustong isangyaw ni Jesu Cristo diin atong isangyaw ang pagtulon-an sa Diyos nga walay pagtap-tap ug maskara diha sa atong dagway, kay unsa-on man diay tuod nato sa pagpaila sa Ginoo nga kita mismo wala man magkaila sa hingpit sa Diyos. Atong isangyaw ang atong pagtulon-an ug labaw sa tanan ang atong Diyos diin himoon nato ang atong kaugalingon nga buhing ehemplo kay aron makita sa atong isigkatawo ang kinaiyahan sa Diyos nga atong gisangyaw diha sa atong pagkinabuhi diin mamahimo kitang kahayag ngadto sa atong komunidad ug sa atong kaigsoonan.

Nahiusa Kita Kang Cristo

EFESO 2: 11~22

11 Busa, hinumdomi nga mga pagano mo bisan sa inyong unod. Ang mga Judio nga nag-isip sa kaugalingon nga mga Tinuli (tungod sa pagdisdis sa yamis), nagtawag ninyog mga Pisot. 12 Adtong panahona wala pa ninyo si Cristo. Wala pa mo masakop sa katilingban sa Israel. Ang kasabotan sa Diyos ug ang iyang mga saad dili pa alang ninyo. Wala moy paglaom ug walay Diyos dinhi sa kalibotan. 13 Apan karon, diha ni Cristo Jesus ug pinaagi sa iyang dugo, kamo nga nahilayo kaniadto, duol na.

14 Kay si Cristo maoy atong kalinaw. Gihiusa niya ang duha ka katawhan. 15 Gilumpag sa kaugalingong unod ang paril – ang kaligutgot – nga nag-ulang nato. Giwagtang niya ang Balaod uban sa kasugoan ug mga lagda ini. Gihiusa sa kalinaw diha niya ang duha ka katawhan, aron gikan sa duha mahimo ang usa ka Bag-ong Tawo. 16 Gilangkat niya ang kaligutgot ug gipasig-uli ta sa Diyos pinaagi sa krus, aron paghimo sa duha nga usa ka lawas.

17 Mianhi siya aron isangyaw ang kalinaw; kalinaw alang ninyo nga nahilayo, kalinaw sa mga Judio nga naduol. 18 Pinaagi niya, kita, ang duha ka katawhan, moduol sa Amahan sa usa lang ka Espiritu. 19 Karon dili na mo mga langyaw o bisita, apan, katagilungsod sa balaang katawhan: sakop sa panimalay sa Diyos. Kamo ang balay 20 kansang mga baroganan mao ang mga apostoles ug propeta ug kansang batong sukaranan mao si Cristo Jesus. 21 Diha niya gihiusa ang tibuok tigbayon ug gipataas isip balaang templo diha sa Ginoo. 22 Diha niya gitukod sab mo aron mahimong espirituhanong santwaryo sa Diyos.

PAGPAAMBIT SA MENSAHE:

Ang maong ebanghelyo nagpasabot laamng nag diha saatong paghiusa kang Cristo Jesus waal na kinahanglana ang atwahnon nga mga ritual o pamaagi kay ang importante diha sa pagsunod nato sa pagtulon-an sa kamatuoran mao agyud ang pagsul-ob sa kinaiyahan sa espiruto santo nga mao ang hiyas nga gibatunan sa Diyos Jesu Cristo, diin anaa ang pagpaubos, pagkamangindawaton ang mga pag-antos gumikan sa mga paglutos ug pagdaug-daug, ug labaw sa atann ang pag-ampo ngadto sa Diyos diha sa matag-adlaw aron sa ingon makadawat kita sa grasya ug panalangin.

Magkinabuhi kita nga ingon sa langyaw niining kalibutana apan haom didto sa gingharian sa iyang Amahan, diin atong likayan ang mag malaw-ay nag buhat ug magkinabuhi sebo a kabubut-on sa Diyos. Ang balaan kasulatan nagpasabot nag kun nagkinabuhi ka nga iya ni Jesu Cristo nan makaambit ka gayud sa mga paglutos, ang nagkinabuhi nga anaa sa Diyos pagalutoson gayud.

Ang balaang kasulaatn nagaingn nag kun gusto nimong daygon ug himayaon didto sa gingharian sa langit nan puy-I ang pagkinabuhi nag puno sa pagatmay ug mga paglutos didnhi sa yuta, pas-ana ang imong krus ug sunod saapgtulon-an nga gisangyaw ni Cristo, kay bulahan ka nga nakaambit diha sa mga kasakitan ug mga pag-antos ni Jesu Crsito didto sa Crus kay makaambit kausab sa himaya sa iayng pagkabanhaw didto sa gingharian sa langit.

Gikan Sa Kamatayon Paingon Sa Kinabuhi

EFESO 2:1~10

2 • 1 Patay na mo pinaagi sa kasay panan ug kasal-anan 2 nga kanhi inyong gipuy-an. Mipahiuyon mo sa binuhatan ining kalibotana. Gitahod ninyo ang Labawng Punoan nga naghari sa tungatunga sa langit ug sa yuta. Nagpadayon siya paglihok diha sa masupilon sa pagtoo. 3 Kitang tanan nasakop nila sa usa ka higayon ug nagsunod sa tawhanong kahakog. Gipatuyangan nato ang kailibgon sa atong tawhanong kinaiya ug miuyon ta sa mga pangandoy ini. Tungod nato mismo, angayan tang silotan sama sa ubang katawhan.

4 Apan ang Diyos, nga puno sa kaluoy, mipadayag sa kadako sa iyang gugma. 5 Gihatagan ta sa kinabuhi uban ni Cristo human sa atong kamatayon tungod sa sala. Naluwas ta pinaagi sa grasya! 6 Gibanhaw ta sa kinabuhi uban ni Cristo, ug gihatagag luna sa langit uban niya.

7 Nagbuot ang Diyos nga ipadayag ug ibutyag sa umaabot nga katuigan ang talagsaong bahandi sa iyang grasya aron ipaila kanato ang maong kaayo diha ni Cristo Jesus. 8 Sa grasya sa Diyos naluwas mo pinaagi sa pagtoo nga wala maggikan ninyo. Hinunoa, gasa ni sa Diyos. 9 Dili bunga sa inyong kahago. Tungod ini, dili mo angayang magpasigarbo. 10 Unsa ta karon, buhat ni sa Diyos. Gibuhat ta niya diha ni Cristo Jesus

PAGPAAMBIT SA MENSAHE:

Ang maong ebanghelyo maoy pagpasabot nga sa wala pa kita maluwas sa atong mga kasal-anan diha kang Cristo Jesus, nan wala kita makaila sa atong giampoa-n diin anaa kita diha sa pagpatuyang, diha sa mga tawhanong kailibgon diin walay hunong ang pagpakasala sa mga katawhan sa kalibutan, ug tungod niini nahimong walay kaluwasan ang atong kalag, ug nahimong nihit ang atong padulngan.

Gipakanaog sa Amahan ang iyang bugtong anak ug maoy nagsakripisyo pinaagi diha sa pagsangyaw sa kamatuoran sa matuod nga hulagway sa kaluwasan, diin iyang gitudlo nga ang pag-antos dinhi sa ibabaw sa kalibutan aduna gayuy ganti nga nagpaabot inig-abot nimo didto sa laing kalibutan.

Diha sa ubang sinulat nagaingon, Ang magpaubos dinhi sa ibabaw sa yuta nan iyang ipataas didto sa iyang gingharian sa langit, apan ang mga mapahitas-on dinhi sa yuta iyang ipaubos ug dili ilhon didto sa iyang gingharian sa langit. Kini nagpasabot laman nga dili dumalayon ang imong pagkinabuhi dinhi sa ibabaw sa yuta, Kay aduna pay kinabuhi human sa kamatayon, ang pagkinabuhi nga iya sa espiritu santo , ang pagkinabuhi nag minando-an sa Diyos, diin walay mga kasakitan ug lonlon mga kalipay ang atong masinati.

Atong hinuktokan kun unsaon nato pagpaingon didto sa Diyos, diin mas bulahan nga samtang ania pa kita sa walog sa mga buhi, nan atong simbahon ang Diyos ug magkinabuhi nga uyon sa iyang kabubut-on aron sa ingon mahimuot siya ug aduna kay luna inig-abot unya sa imong panahun.

Si Jesus Labaw kang Moises

HEBREO 3: 1~6

3 • 1 Balaang mga igsoon nga gidapit sa langitnong pag¬tawag, ilha si Jesus isip apostol ug La¬bawng Pari sa atong pagtoo. 2 Matinud-anon siya sa Diyos nga nagpili niya, sama nga si Moises nag¬matinud-anong piniyalan sa balay sa Diyos. 3 Apan si Jesus mas angayan pa sa dakong pasidungog kay ni Moises. Mas bantogan kay sa balay ang nagtu¬kod ini.

4 Sanglit ang tanang balay may magtutukod man, ang Diyos nagtukod sa tanan. 5 Ginaingon nga si Moises namatud-an nga ma¬tinud-anong sulu¬goon sa Diyos sa tibuok balay ug saksi sa mga gipadayag sa Diyos kaniadto. 6 Mianhi si Cristo isip Anak nga manag-iya sa balay. Mga saksi ta sa panimalay kon magmalig-on ta sa pagsalig ug ma¬walay kahadlok

PAGPAAMBIT SA MENSAHE:

Ang maong ebanghelyo maoy pagpasabot lamang nga Si Moises maoy gitahasan sa Diyos sa iyang mga kasugo-an diha sa napulo ka sugo aron ang tawo makabantay ug makahibalo sa balaod sa Diyos . Si Jesu Cristo nga anak sa Diyos nga nagpakatawo maoy gitahasan sa Diyos sa pagluwas sa atong mga sala pinaagi sa iyang kamatayon sa Crus, Siya maoy gitahasan sa Diyos sa pagpangita kanato aron makaambit kita sa himaya sa iyang kadaugan didto sa gingharian sa langit.

Ginaingon man diha sa ubang sinulat nga wala na unta kinhanglana pa ang ikaduhang kasulatan kun wala pay kasaypanan ang unang kasulatan nga sa ato pa wala na unta kinahanglana pa ang pagkunsad sa anak sa Diyos ug magpakatawo aron sa pagluwas sa atong mga sala kun ang mga unang tinahasan sa Diyos hingpit pa nga nakatuman sa ilang mga tahas.

Sa ato pa mga igsoon ang unang mga tinawag ug gitahasan sa Diyos sama kang Moises mga tawo sila, ug gikan sa abog diin sa abog lang usab mopauli, Ug kay tawo man ang unang mga tinahasan nan makasala gayud sila sa pulong, sa huna-huna ug sa buhat, Diin diha niining pagpakanaog sa Diyos sa iyang bugtong anak nga ngapakatawo nagaingon ang balaang kasulatan nga anaa kaniya ang kinaiyahan sa usa ka tawo, apan wala siya sala kay Diyos man siya nga matuod.

Gihimong sumbanan sa Diyos ang iyang bugtong anak aron masabtan gayud ang kabubut-on sa Diyos kun unsaon nato nga mahiduol kita sa Diyos ug unsaon usab nato pagkinabuhi nga kahimut-an sa Diyos Amahan, ug kining tanan gipakita ni Jesu Cristo, diin iyang gipasabot nga ang napulo ka sugo sa iyang Amahan nga gisangyaw ni Moises , naglangkob lamang kini sa duha ka kasugo-an, Una ang higugmaon mo ang Diyos labaw sa tanan ug dili ka magbaton ug laing Diyos gawas kaniya, Ikaduha Higugmaa ang imong isigkatawo sama sa aimong paghigugma sa imong kaugalingon, diin asa man niining duha ak sugo ang imong nasupak nan, sama ra nga nasupak nimo ang tanang kasugo-an sa Diyos.

Gipakita sa Diyos pinaagi sa iyang anak nga si Jesu Cristo nga ang iyang kasugo-an, kasugo-an sa gugma kay ang Diyos gugma man, nga ang tawo ang adunay gugma anaa kaniya ang Diyos ug haduol usab siya sa Diyos. Sa ato pa mga igsoon labaw gayud si Jesu-Cristo kang Moises kay matod pa diha sa ubang sinulat, Colosas 1: 15, Siya ang larawan sa dili makita nga Diyos ug panganay siya sa tanang mag binuhat , nga makita ug dili makita.

Pasidaan Aron Dili Mahimulag

HEBREO 5:11~14. 6:1~12

• 11 Daghan ang ikasulti namo ba¬hin ini, apan lisod kaayo ang pag¬pa¬sa¬bot, kay nadumpol na ang inyong sala¬botan. 12 Ining panahona, mga magtu¬tudlo na mo. Apan sa pagka¬tinuod, ki¬na¬hanglang tudloan mo pag-usab sa mga suka¬ranan sa pagtulon-an nga gikan sa Diyos. 13 Na¬ngi¬na¬hanglan mog gatas, dili kan-on nga gahi. Ang gibuhi sa gatas mga bata pa. Nagka¬hulogan ni nga dili pa sila batid sa tarong nga pagkinabuhi. 14 Ang gahing pagkaon alang sa mga hamtong nga may igong kasinatian sa pag-ila sa maayo ug daotan.

6 1 Busa, biyaan na nato ang unang pagtulon-an bahin ni Cris¬to. Moi¬rog ta sa unahan alang sa mas hingpit nga kahibalo ug dili na mobalik sa sinug¬dan. Pananglitan ang pagbiya sa mga daotang buhat, ang pagtoo sa Diyos, 2 ang pagtulon-an sa bunyag ug ang pagtapion sa kamot, ang pagka¬ban¬haw sa mga patay ug ang katapo¬sang hukom. 3 Inubanan sa pagtugot sa Diyos, mao ni ang atong buhaton.

4 Busa, dili na mabag-og usab sa pe¬ni¬tensya ang nalamdagan na sa ma¬ka¬¬usa; ang nakadawat na sa langit¬ngong gasa; ang nakaambit na sa Espi¬ritu Santo; 5 ug ang nakata¬gamtam na sa kanindot sa pulong sa Diyos ug sa mga kahibulongan sa uma¬¬abot nga kalibotan. 6 Kon bisan pa ini, mibiya sila sa pagtoo ug nagpakasala, dili na sila matandog sa paghinulsol sa ika¬du¬hang higayon, kay gilansang ug gibu¬gal¬bugalan man nila ang Anak sa Diyos atubangan sa tanan tungod sa kau¬ga¬lingon. 7 Ang yuta nga nahumok tungod sa kanunayng pag-ulan ug maka¬hatag og maayong abot sa nag-uma pana¬langinan sa Diyos. 8 Ang yuta nga tuboan sa mga tunok ug sampinit dili maayong yuta. Dakog purohan nga panghimaraoton ni, ug sa kataposan, sunugon.

9 Bisag ingon pa ini ang among si¬nul¬¬¬¬tihan, mahal namong kaig¬so¬onan, ha¬yag ang among panglantaw alang ninyo ug sa inyong ka¬lu¬wasan. 10 Ma¬ki¬angayon kaayo ang Diyos ug dili mali¬mot sa gibuhat ninyo tungod sa pag¬ma¬hal sa iyang ngalan. Na¬katabang mo ug hangtod karon nag¬pa¬dayon pag¬¬¬¬ta¬¬bang sa mitoo niya. 11 Nangan¬doy mi nga ang matag usa ninyo mag¬pa¬dayon sa kadasig aron makab-ot ang dugay nang gitinguha. 12 Ayawg dang¬¬hag. Hinunoa, sundo¬ga ang mga tawo nga tungod sa pagtoo ug kasibot, nakapanunod sa mga gisaad.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa Diyos nga nagkanayon nga niining panahuna angayan na unta kamong magtudlo diha sa pagtulun-an ni Jesus Cristo, apan humok pa man gihapon ang inyong kan-on, nagkinahanglan pa kamo ug gatas, ang nagkinahanglan ug gatas mga bata lamang , Angayan unta nga sa katuigan nga pagpangalagad niining maong pagtulun-an gahi na ang atong kan-on.
Ang maong pagtulun-an nagalatid kini isip sambingay diha sa pagtawag kanato sa Diyos aron sa pag-alagad kaniya. Diin matod pa kun gidawat mo si Jesu Crsito nga imong Diyos ug imong manluluwas , nan magpakabuhi ka nga langyaw niining kalibutana apan haom sa pagkinabuhi nga espirituhanon didto sa gingharian sa langit.

Kay matod pa usab diha sa ubang sinulat kung gidawat mo si Jesu-Cristo nga imong manluluwas ug nagkinabuhi ka nga nagasunod sa pagtulun-an nga iya ni Jesu Cristo apan adunay kay pagdumot sa imong mga igsoon , sa imong mga kauban sa pagtuo ug diha mismo sa komunidad nga imong gibarugan nan ang balaang kasulatan nagaingon nga wala ka pa magpuyo sa kahayag anaa ka pa sa kangitngit.

Ang Diyos nagaingon nga Kun moingon kita nga nahigugma kita sa Diyos apan aduna pay kitay gihambin nga pagdumot diha sa atong isigkaingon, sa atong mga igsoon, silingan ug mga kauban sa pagtuo nan ang diyos nagaingon nga bakakon ka, kay giunsa man nimo paghigugma ang Diyos nga wala nimo makita ni mahikap apan nagdumot ka sa imong isig katawo nga sa tanang adlaw imong makita, ug mahikap, nan wala ka makasabot sa pagtulun-an nga imong gibarugan, wala nimo ibutang sa imong kasingkasing ug huna-huna ang pagtulun-an nga gisangyaw ni Cristo , wala nimo masul-ob sa hingpit ang hiyas ni Jesu Cristo nga mao ang hiyas sa espiritu santo diin anaa ang pagkamangindawaton, ang pagpaubos, ang mga pag-antos diin sa kanunay naga-ampo ug nangaliya sa Diyos Amahan.

Nan , ang balaang kasulatan nagaingon nga wala kay kala-inan niadtong mga tawo nga nagasimba sa Diyos-diyos, niadtong mga pagano nga wala makaila sa matuod nga Diyos kay sila nagahimo man usab sa imong gibuhat. Matod pa sa balaang bata Sr. Santo Niño. Ang unan g katungdanan o misyon sa tawo dinhi sa kalibutan mao gayud ang pagahin ug panahon sa mga pag-ampo ug pag-alagad ngadto sa Diyos nga maoy tag-iya sa atong kinabuhi, sa atong espiritu.

Matod pa usab ni Birhen Maria sa iyang mga milagro nga iyang gipadayag didto sa Fatima, Portugal kaniadtong Mayo 13, 1917, miingon siya nga katungdanan sa matag magtutuo ang pagsangyaw sa pagtulon-an nga iyang gibarugan, niining pagtulon-an ni Jesu Cristo kay matod pa tulubagon usab sa matag magtotoo kun adunay kalag nga natunaw didto sa kalayo sa impyerno tungod lamang kay wala nimo sila masangyawi sa maayong balita sa nagkinabuhi pa siya ug anaa pa uban kanimo diin bulahan usab kun diha sa imong pagsangyaw sa maayong balita adunay kalag nga naluwas kay sama man usab nga ang imong kaugalingong kalag ang imong giluwas.

Apan nagaingon usab ang Diyos Amahan nga isangyaw ang iyang ngalan, ang iyang pagtulon-an makausa, makaduha ug makatulo lamang kun dili maminaw nan biyai sa walay paglingi, kay wala ipamugos sa Diyos ang iyang gingharian ug mas labaw nga wala niya ipamaugos ang kinabuhing dayon nga gisaad ni Jesu Cristo ngadto kanila.

Ang Gugma Ni Cristo

EFESO 3: 14~21

• 14 Nagluhod ko karon atubangan sa Amahan 15 nga naghatag sa iyang ngalan sa tanang pamilya sa langit ug yuta. 16 Lig-onon unta niya ang inyong kalag pinaagi sa iyang Espiritu sumala sa mga bahandi sa iyang himaya. 17 Magpuyo unta si Cristo sa inyong kasingkasing pinaagi sa pagtoo. Mogamot ug magsukad unta mo sa gugma.

18 Ang tumong ining tanan mao nga makasabot mo uban sa tanang mga balaan, sa gilapdon, gitas-on, gihabogon ug giladmon – sa usa ka pulong, 19 nga masayod mo sa gugma ni Cristo nga labaw sa tanang mga balaan. 20 Himaya sa Diyos nga nagpakita sa iyang gahom dinhi nato. Makahimo siyag labaw pa sa atong mapangayo ug mahunahunaan. 21 Himaya kaniya sa Simbahan ug ni Cristo Jesus pinaagi sa tanang kaliwatan hangtod sa kahangtoran. Amen

PAGPAAMBIT SA MENSAHE:

Ang maong ebanghelyo maoy pagpasabot lamangg diha sa dakong gugma sa Dios kanato diin diha sa ubang pulong sa balaang kasulatan nagaingon, “Tungod sa dakong gugma sa Diyos sa kalibutan iyang gipakanaog ang iyang bugtong anak aron sa pagluwas kanatong tanan pinaagi diha sa iyang kamatayon sa krus ang motuo kang Jesu Cristo nga iyang Diyos ug manunubos nan makaangkon sa kinabuhing walay katposan.

Dili makasukod ang gugma sa Diyos kanato, diin iyang gihalad ang iyang lawas ug dugo isip buhing halad nga balaan ngadto sa Diyos Amahan, diin mao lamang kini ang bugtong paagi nga makabaton ug kaluwasan ang iyang mga katawhan. Tingali ang pagbuhis sa iyang kinabuhi alang sa kaluwasan niadtong iyang mga inila ug pinili atong kining masabtan apan hangtod kadtong mga katawhan nga nagalutos kaniya apil sa maong kaluwasan mao kini ang usa ka kamatuoran diin Diyos lamang ang makasulbad niini.

Siya ang nating karnero sa Diyos nga nagawagtang sa sala sa kalibutan ug diha na siya sa wala pa mahimo ang kalibutan siya ang arkitekto nga tiglingaw sa iyang amahng Diyos ug diha na siya sa panahun pa ni Moises, siya kadtong dakong bato nga nagahatabang ug giya sa mga katawhan ni Moises. Sa ato pa mga igsoon nagsige na ug balik-balik si Jesus dinhi sa kalibutan, Siya usab ang kataposang manlalaban, ang espiritu santo sa kamatuoran nga magauban kanato hangtod sa kahangturan.

Nagapamatuod lamang mga igsoon nga dako ang paghigugma sa Diyos kanato, ug nga gitagaan niya ug lugway ang iyang mga katawhan diin hangtod niining panahuna abli pa ang paghatag sa Diyos ug kapasaylo-an sa atong mga sala kun ato kining pangayoon kay madako ug magamay nga sala aduna kini kapasayloan kun imo lang kining pangayoon, ug kun adunay kay pagtuo sa kapasyloan sa imong mga sala.

Kay kun kulang ang imong pagtuo nan sama ra nga wala ka motuo nga si Jesus anak sa Diyos ug dako kining sala sa espiritu santo sa kamatuoran. Busa mga igsoon angay natong hugton ang atong pagtuo ug sa kanunay atong i-ampo dili lang ang atong kaugalingon kundili hasta ang atong mga kaigsoonan ang tanan nga wala magatuo sa Diyos atong iampo, kay pinaagi diha sa atong maga pag-ampo nan kadtong walay pagtuo sa Diyos nga nahimong problema sa atong nasod nan kun kabubut-on sa Diyos mopasilong gayud sila sa landong sa espiritu santo sa Diyos kay Siya lamang ang adunay gahum sa pagpahumok sa matig-a nga kasing-kasing sa tawo.

Awhag Sa Panaghiusa

EFESO 4: 1~16

4 • 1 Busa, ako, ang piniriso ni Cristo, nagdapit nga puy-an ninyo ang tawag nga inyong nadawat. 2 Pagmapaubson pagbinuotan, mapailobon ug pagtinabangay sa usag usa diha sa gugma.
3 Buhata ang tanan aron magpabilin diha ninyo ang kahiusa sa Espiritu pinaagi sa mga bugkos sa kalinaw. 4 May usa lang unta ka lawas ug usa ka espiritu, kay dihang gitawag mo sa Diyos naghatag siya og usa ka Espiritu alang sa tanan. 5 Usa ka Ginoo, usa ka pagtoo, usa ka bunyag. 6 Usa ka Diyos, ang Amahan sa tanan nga labaw sa tanan ug nagtrabaho pinaagi sa tanan ug naa sa tanan.
7 Apan sa matag usa nato gihatag ang diyosnong grasya sumala sa gidak-on sa gasa ni Cristo. 8 Busa, ginaingon: Sa pagsaka niya sa kahitas-an nagdala siyag mga bihag ug naghatag sa iyang mga gasa sa katawhan.
9 Misaka siya. May kalabotan ni sa mikanaog pag-una sa mga minatay, sa ubos nga bahin sa kalibotan. 10 Siya mismo mikanaog unya, misaka ibabaw sa tanang kalangitan aron mapuno niya ang tanang butang. 11 Kabahin sa iyang mga gasa, gitugahan niya ang pipila sa pagkaapostol, ang uban sa pagkapropeta o ebanghelista, o pagkapastor ug magtutudlo. 12 Busa, giandam niya ang iyaha alang sa ministeryo. Sa ingon matukod ang Lawas ni Cristo 13 hangtod nga mahiusa tang tanan sa samang pagtoo ug kahibawo sa Anak sa Diyos. Hinunoa, mahimo tang hingpit nga tawo inigkahingkod ug inig-ambit nato sa kahingpitan ni Cristo.
14 Dili na ta mahisama sa mga bata nga giitsaitsa sa bisag unsang balod o hangin sa pagtulun-an, giilad sa mga limbongan nga nagguyod nila sa kasaypanan. 15 Uban hinuon sa matinud-anong gugma, motubo ta sa tanang paagi ngadto ni Cristo nga mao ang ulo. 16 Gikan niya ang pagtubo sa tibuok lawas nga gidumala ug gilambigit pinaagi sa usa ka kutay sa mga lutahan. Ang matag usa nagtuman sa katungdanan sa matag usa aron ang lawas makatubo ug makapabarog sa kaugalingon diha sa gugma.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa pagpakatawo ni Jesu Cristo iyang gihiusa ang mga katawhan diha sa iyang iglisea ug pagtulun-an nga gibarugan. Diin diha sa iyang pagbalik ug ngadto sa gingharian sa langit ngadto sa kiliran sa iyang Amahan. Nagapadayon sa pagsangyaw ang iyang unang tinawag nga mga apostoles diin Si Pedro maoy nagasangyaw ngadto sa mga Judio ingon nga si Pablo usab maoy nagasangyaw sa mga dili Judio.

Diha sa ubang sinulat nagaingon, (Mateo 7: 21) Dili ang tanan nagatawag kanako Ginoo,Ginoo, makasulod sa gingharian sa langit, kundili kadto lamang nagatuman sa kabubut-on sa akong Amahan nga atua sa langit. Sa ato pa nagpadabot nga daghang ang mga pagtulun-an nga nagsangpit sa Diyos diin sa tibook kalibutan aduna kitay 46,000 ka mga relihiyon diin kasagaran kanila nagahisgot gayud kinabuhing dayun diha sa kaluwasan uban kang Cristo Jesus.

Diin matod pa sa ubang pulong sa Dios espiritu santo nagaingon “Lahi –lahi ang pagtawag kanato” sa Diyos diin diha sa matag pagtulun-an ang Diyos adunay usay pinili nga mga katawhan ug dili lang kay dinhi lang nga pagtulun-an nga atong gibarugan nga adunay gipili ang Diyos, nga sa ato pa dili kita makahukom diha sa ubang mga pagtulun-an kay matod pa Diyos lamang ang nasayod sa tanan.

Apan ang Diyos espiritu santo nagaingon , mahibaw-an ninyo kun Ako kanang pagtulun-an kay kamo nga nagasumod niini makaambit gayud sa mga paglutos. Nan igsoon hinuktuki diha sa ubang pagtulun-an nga inyong nasinati kun kamo nakasinati ba gayud sa mga paglutos. Nagapasabot lamang mga igsoon nga kining pagtulun-an nga atong gibarugan. Ang tinago nga kamatuoran nga gipadayag na diha sa balaang kasulatan, pinakaubos sa mata sa tawo apan hataas diha sa atubangan sa Diyos kay tinukod man kini sa iyang bugtong anak nga si Jesu Cristo.