Si Jesus Ang Maayong Magbalantay

JUAN 10: 7~21

7 Miingon si Jesus, “Sa pagkatinuod sultihan tamo, Ako ang magbalantay sa mga karnero. 8 Mga kawatan ug tulisan ang nag-una nako. Hinunoa, wala sila pamatia sa mga karnero. 9 Ako ang pultahan. Ang moagi nako maluwas; makasulod-gawas siya sa iyang gusto ug makakaon. 10 Ang kawatan moabot aron pagpangawat, pagpatay ug paglaglag. Mianhi ko aron makabaton silag kinabuhi – kinabuhing madagayaon.

11 Ako ang maayong magbalantay nga nagtahan sa kinabuhi alang sa mga karnero, 12 lahi sa sinuholan, sa dili magbalantay, ug sa wala manag-iya sa karnero. Inigkakita niya sa lobo nga nagpaingon, biyaan niya ang mga karnero. Unya, tukbon ni sa lobo ug pakatagon. 13 Sanglit sinuholan lang siya, wala niya mahala ang mga karnero.
14 Ako ang maayong magbalantay. Nakaila ko sa akoa ug ang akoa nakaila nako, 15 Sama nga ang Amahan nakaila nako, nakaila pod ko sa Amahan. Tungod ini, gitugyan ko ang akong kinabuhi alang sa mga karnero.

16 Duna koy ubang karnero nga dili sakop ining torila. Kinahanglang dad-on ko sila, ug mamati sila sa akong tingog. Sa ingon, mausa na lang unya ka toril ug usa ka magbalantay.
17 Nahigugma nako ang Amahan, kay andam man ko sa pagtahan sa akong kinabuhi aron maangkog balik. 18 Walay mokuha ini nako; ako ning gitanyag sa kaugalingong kabubut-on. Makatugyan ug makakuha ko inig balik. Nadawat nako sa akong Amahan ang maong panawagan.
19 Tungod ining mga pulonga nabahin na pod ang mga Judio. 20 May daghan nga miingon, “Giyawaan ug nabuang siya. Nganong may mamati man niya? 21 Apan ang uban pod miingon, “Dili makasultig sama ini ang giyawaan. Makapabuka ba god sa mata ang giyawaan?”
Si Jesus Anak siya sa Diyos

PAGPAAMBIT SA MENSAHE:

Ang maong ebanghelyo maoy pagpasabot lamang nga nga si Jesu Cristo nga anak sa Diyos ang tahas nga gihatag sa AmahAn kaniya mao gayud ang pagluwas ug pag-agak kanatong iyang mga tinawag ug pinili nga katawhan diin diha niining maong ebanghelyo nagpasabot pinaagi sa sambingay nga si Jesus ang pultahan diin kitang mga katawhan nga iyang gibantayan ug giisip nga karnero mosulod gawas diha sa maong pultahan aron matagaan sa kinabuhing madagayaon.

Diing iyang giingon nga daghan pang mga katawhan nga wala pa makasulod sa iyang pultahan ug wala pa makasulod sa iyang toril apan diha sa tukmang panahun silang tanan pagatipokon sa Diyos aron mahiusa ngadto sa pag-alagad kaniya. Din kamatuoran kini nga daghan tuod nga mga katawhan sa kalibutan diin nagatawag ug nagasimba sa Diyos apan ang Diyos miingon sumala diha sa ubang sinulat sa balaang kasulatan “ Lahi-lahi ang pagtawag ko kaninyo apan dili ang tanan nagatawag ug Diyos ko, Diyos ko makasulod sa iyang ginghari-an sa langit apan kadto lamang nagasunod sa iyang kabubut-on.

Nagapasabot usab kini nga nakalatid nang daan ang mga tinawag ug pinili nga katawhan sa Diyos, ug dili tanan nga mga katawhan dinhi sa ibabaw sa kalibutan tinawag ug pinili nan kadtong wala tawga ug pili-a nan dinhi lang sila kutob sa kalibutan. Apan kadtong mga tinawag ug pinili sa Diyos nan dili kay magalingkod-lingkod lang sila ug magahulat lang sa pagbalik sa Diyos kun dili magal-alagad gayud sila ngadto sa ilang isigkaingon diin maoy panag-ingnan nga gipakita ni Jesu Cristo uban sa una niyang mga tinawag ug piniling mga apostoles ang pag-alagad sa daghang mga katawhan pinaagi sa himaya sa Amahan.

Usa lamang ang gipangayo sa Diyos mga igsoon ug kini mao nga atong ipahari ang Diyos espiritu santo sa atong kasingkasing diin annaa ang paghatag sa atong pasaylo ngadto as nakasala kanato ka yang balaang kasultaan nagaingon nga dili ka mapasaylo sa imong mga ala nagdto sa iyos kun ikaw mismo dili makapasylo sa imong kasal-anan. Ang Diyos miingong nga mahibaw-an nimo kun iya king pagtulun-an kay makaambit ka gayud sa mga paglutos. Nan sa ato pa ang imong mga paglutos ug mga kasakitan nga nasinati nagpasabot lamang usab kana nga nakaambit ka sa mga kasakitan ni Jesu Cristo.

Matod pa sa balaang kasulatan kun gusto nimo nag daygon ug himayaon didto sa gingharian sa langit nan puy-i ang pagpakabuhi nga puno sa mga kasakitan ug mga paglutos, pas-ana ang imong krus ug sunod sa mga pagtulon-an nga gisangyaw ni Jesu Cristo, kay bulahan ka nga naka-ambit diha sa mga kasakitan nga nasinati ni Jesus diha sa paglansang ni Jesu Cristo sa krus kay makaambit ka usab sa himaya sa iyang pagkabanhaw didto sa iyang gingharaian sa langit.. Nan mga igsoon diha sa imong pagsunod ug pag-agi sa pultahn nga giandam ni Jesu Cristo luyo sa mga paglutos kini nagpasabot lamang nga imong gidawat, imong gipapuyo ug imong gipahari si Jesu Cristo diha sa imong kasingkasing.

Ang Kahoy Maila Pinaagi Sa Iyang Bunga

MATEO 12: 33~36

33 Kon ang kahoy maayo, maayo sab ang mga bunga; kon daotan, daotan pod ang mga bunga. 34 Mga kaliwat sa bitin! Unsaon ninyo pagsultig maayo nga hilabihan man mong daotana? Ang baba mosulti gikan sa kapuno sa kasingkasing. 35 Ang maayong tawo magkuhag kaayohan gikan sa diyosnong bahandi sa kasingkasing, ug ang daotan, kadaotan gikan sa yawan-ong bahandi. 36 Sultihan tamo: sa adlaw sa hukom, ang mga tawo maghatag og husay sa way hinungdang pulong

PAGPAAMBIT SA MENSAHE:

Ang maong ebanghelyo maoy pagpasabot lanmang diha sa ubang pulong sa balaang kasulatan nga nagaingon ang makahugaw sa tawo dili ang unsay iyang gikaon kun dili kun unsay anaa sulod sa iyang kasing kasing ug huna-huna nga maoy mogawas diha sa iyang baba. Kun nagpugas ka ug kaayo moani ka ug himaya apan kun nagpugas ka ug kaligutgot nan moani ka ug kasuko.

Ang espiritu santo sa Diyos nagatudlo gayud diha sa paghigugma sa iyang isigkaingon aron usab gugma ani imong maani. ingon niini ang pagtulun-an nga gisangyaw ni Jesu Cristo sumala diha sa Juan 14: 15 nagaingon “ Tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban ang espiritu santo sa kamatuoran nga magauban kaninyo hangtod sa kahangturan. Ang kalibutan dili makadawat kaniya kay dili man sila makaila ni makakita kaniya apan nakaila kamo kaniya kay nagapuyo ug nagauban siya diha kaninyo.

Ang Diyos Jesu Cristo miingon diha sa uban niyang pulong” Paghigugmaay kamo ug ang mga katawhan nga makaila kaninyo mahibalo nga ako kamong mga tinun-an. Diha niining maong ebanghelyo nagpasabot diha sa kinaiyahan sa matag tawo diin maoy mogawas usab diha sa imong mga kaliwatan apan kun miila ka kang Jesu Cristo nga imong Diyos ug manluluwas nan mamahimong mausab ang mao mong kinaiyahan pinaagi diha sa hugot mong mga pag-ampo ug paghalad, i-ampo ug ihalad ang tanan kay Diyos lamang ang makapausab diha sa hiwi nga kinaiyahan sa tawo sama nga Diyos lamang usab ang makapahumok sa matig-a nga kasingkasing sa tawo.

Ang Piniling Sulogoon Sa Dios

MATEO 12: 15~21

15 Apan si Jesus nasayod sa daotan nilang laraw busa, mipahawa siya. Misunod niya ang daghang tawo. Giayo niya ang tanang masakiton 16 ug higpit siyang mipahimangno sa dili pagpanugilon mahitungod niya. 17 Niining paagiha natuman ang panagna ni propeta Isaias: 18 “Ania ang pinili kong sulugoon, ang akong gihigugma ug gikahimut-an. Pakonsaron ko kaniya ang akong espiritu ug isangyaw niya ang akong hukom sa tanang kanasoran. 19 Dili siya makiglalis ni mosinggit, ni madungog ang tingog sa kadalanan. 20 Ang tigbaw nga nagupok dili niya balion. Ni palungon ang nagkaawop nga siga. Molahutay siya hangtod nga ang hustisya magmadaogon. 21 Ang tanang kanasoran maglaom niya.”

PAGPAAMBIT SA MENSAHE:

Ang maong ebanghelyo maoy pagmatuod lamang nga ang kamatuoran nga gisangyaw ni Jesu Cristo niadtong unang pananahun diin gipadayon kini sa pagsangyaw niadtong unang mga apostoles ug tinawag ni Jesu Cristo wala magbarog diha sa kabubut-on sa tawo kun dili nagabarog kini pinanaagi sa giya sa espiritu santo sa Diyos ang kinaiyahan nga maoy gisul-ob ni Jesu Cristo diha sa iyang pagpakatawo, ang kinaiyahan sa pagkmangindawaton, pagpaubos, ug ang pagkamainampoon.

Ang Diyos nagaingon nga mahibaw-an niniyo kun ako kanang ,maong pagtulun-an kay makaambit gayud kamo sa kasakit, diha sa bagong kasabutan nagaingon kun gidawat mo si Jesus Cristo nga imong manluluwas ug manunubos nan makaambit ka gayud sa mga paglutos. Ang kinaiyahan nga gipasinati ni Jesu Cristo mismo diha sa iyang pagsangyaw sa kamatuoran nagabarog taliwala sa mga pagpanlutos.

Nagpamatuod lamang kini nga ang pulong nga iya sa Diyos dili pulong sa pagpasigarbo kay ang pulong sa atong Ginoo pulong sa pagpaubos. Isangyaw ang kamatuoran taliwala sa mga pagpanlutos ni sa walay pagpasigarbo, Bisan ang Diyos Amahan diha sa atong mga misyon ngaingon siya nga isangyaw ang akong pulong makausa, makaduha, makatulo lamang kun dili maminaw biyai sa walay paglingi kay ang Diyos wala mamugos sa iyang gingharian sa langit, ug wala usab ipamugos ni Jesu Cristo ang iyang kaluwasang dayun nga iyang gisaad ngari kanato.

Walay angay lalisan diha sa mga pulong sa Diyos sa balaang kasulatan, diin kini nahasulat sebo sa iyang kabubut-on, kay ang kaalam nga iya niining kalibutana dili gayud magkatukma sa kaalam nga iya sa espiritu santo sa Diyos, nan bisan kun magbuntag kamo ug lalis kun usa kaninyo wala magpuyo si Jesu Cristo diha sa iyang kasingkasing nan dili gayud kamo magkasinabot

Salig Sa Diyos

LUCAS 12: 22~31

22 Miingon si Jesus sa iyang mga tinun-an: “Sultihan tamo, ayawg kabalaka sa inyong kinabuhi, unsay kan-on! o sa inyong lawas, unsay isul-ob! 23 Ang inyong kinabuhi labaw pa sa pagkaon ug ang lawas sa sinina. 24 Tan-awa ang mga uwak: wala ni magpugas ni mangani; walay mga kamalig ug bodega. Apan gipakaon sila sa Diyos. Mas bililhon kaayo mo kay sa mga langgam! 25 Kinsa man ninyo ang makadungag sa gitas-on sa iyang kinabuhi tungod sa kabalaka? 26 Kon dili mo makadumala sa sama ini kagamayng butang, nganong mabalaka man mo sa uban?
27 Tan-awa ang mga bulak nga ihalas: wala ni magbubod og hilo sa kalinyasan ni maghablon. Apan sultihan tamo, bisan si Solomon sa tanan niyang bahandi wala magsinina sa ingon. 28 Kon sa kaumahan gibistihan sa Diyos ang mga balili nga karong adlawa buhi pa, apan ugma itambog na sa hudno, unsa pa kaha mo, katawhan nga gamayg pagtoo!
29 Ayawg kaguol unsay inyong kan-on ug imnon. Wad-a ang kabalaka. 30 Pasagdi ang tanang kanasoran sa kalibotan nga mag-apas ining mga butanga. Ang inyong Amahan nasayod nga inyo ning gikinahanglan. 31 Pangitaa hinuon ang Gingharian sa Diyos ug kining tanan ihatag kaninyo nga pakapin.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa balaang kasulatan diin ang Diyos nagaingon nga unsay may maarang sa tawo nga mabalaka man siya nga sa paghi-abot niya dinhi sa kalibutan hubo man siya ug walay dala ug inigtaliwan niya niining kalibutan biyaan man usab niya ang tanan. Kay matod pa usab diha sa ubang pulong sa balaang kasulatan …Datu man ang tawo kun kuntento lamang kita kun unsay anaa kanato.

Kay kun asa ang imong bahandi nan atua ang imong kasingkasing, kay kun magatigom ka ug bahandi nga iya niining kalibutana nan dinhi ka lang usab kutob. Apan kun ang imong bahandi nga gitigom iya sa gingharian sa langit nan bulahan kay mao kini ang mga bahandi nga walay taya nga magakutkot ug walay kawatan nga magasaka. Diin mao kini ang atong pagsimba didto sa iyang gingharian sa langit diin mao kini ang atong mga pag-ampo , paghalad ug mga sakripisyo.

Kini nagapamatuod lamang usab diha sa ubang pulong sa balaang kasulatan nga nagaingon, Lucas 20: 25 nagaingon si Jesus,..” Ihatag kang Cesar ang alang kang Cesar ug ihatag sa Diyos ang iya sa Diyos. Din nagpamatuod lamang kini nga ang mga materyal nga butang iya lamang kini dinhi sa kalibutan, ug ang mga butang nga iya sa Diyos mao kadtong mga bahandi nga dili makita ug mahikap, mga bahandi nga molungtad hangtod sa kahangturan.

Busa mga igsoon diha niining atong pagpangalagad sa Diyos maoy atong angay pamalandungan nga nasayod ang Diyos sa tanan natong gikinahanglan diin walay laing natong mahimo isip tawo lamang kundili ang pag-ampo, paghalad ug pagpangaliyupo ngadto sa Diyos kay ang Diyos miingon nganong dili ko man ihatag kun kini kaayohan man, ug ang balaang kasulatan nagaingon unaha ang gingharian sa Diyos ug ang tanan nimong gipangayo ihatag ra kanimo.

Biyai Ang Sala Aron Dili Kamo Mamatay

LUCAS 13: 1~5

13 • 1 Usa ana ka adlaw gisuginlan si Jesus sa pipila ka tawo sa nahitabo sa Templo: Gipapatay ni Pilato ang taga Galilea ug gisagol ang dugo sa sakripisyo. 2 Mitubag si Jesus: “Nagtoo ba mo nga ang taga Galilea mas dagkong makasasala kay sa uban tungod sa ilang pag-antos sa maong butang? 3 Sultihan tamo, dili. Apan kon dili mo mag-usab sa inyong binuhatan, mangamatay mong tanan sama nila.”
4 Ang 18 ka tawo sa Siloe nga naapil sa pagkahugno sa tore, nagtoo ba mo nga mas sad-an sila kay sa uban sa Jerusalem? 5 Ingnon tamo, dili. Apan kon dili mo mag-usab sa inyong mga gawi, mapukan mo sama sa gidangatan nila.”

PAGPAAMBIT SA MENSAHE:

Ang maong ebanghelyo maoy pagmatuod lamang diha sa ubang pulong sa Diyos nga nagaingon ang silot sa sala mao ang kamatayon. Diin kitang mga tawao dinhi sa kalibutan nakalatid na daan ang atong pagkinabuhi, diin kun ikaw tinawag ug pinili nga katawhan sa Diyos nan igsoon ang Diyos nagahatag kanimo ug tahas nga maoy imong subayon diha sa pagkinabuhi dinhi niining kalibutan.

Diha sa ubang pulong nagaingon nga dili kita ang miduol sa Diyos aron kita iyang pilion, kundili ang Diyos maoy miduol kanato aron sa pagpili kanato, diin matod pa mahal ang paglukat kanato sa Diyos, kay ang lawas ug dugo man sa iyang bugtong anak maoy iyang gibayad, pinaagi diha sa iyang paglansang sa krus.

Ang Diyos miingon nga kun nagatuman kamo sa akong mga kasugo-an ug kabubut-on nan dili na kamo akong ulipon kundili giisip ko kamo nga mga igsoon. Juan 14: 15 nagaingon, Tumana ninyo ang akong mga sugo ug mangayo ako sa amahan ug tagaan kamo niya ug laing manlalaban ang espiritu santo sa kamatuoran nga magauban kaninyo hangtod sa kahangturan, Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagpuyo ug nagauban man siya diha kaninyo.

Nagpasabot lamang mga igsoon nga ang atong pagkinabuhi dinhi sa kalibutan lumalabay lamang, diin matod pa langyaw lamang kita dinhi niining kalibutana ug diin adunay kinabuhi nga labaw pa niini ug mao kini ang kinabuhi didto sa gingharian sa langit. Diin matod pa diha niining atong pagkinabuihi sa ibabaw sa yuta gitagaan kita sa Diyos ug tulo ka kinabuhi, una ang atong materyal nga lawas diin maoy nag-administer sa atong kaugalingon ug ikaduha ang atong espiritu diin inigkamaty nato mobalik kini sa Diyos ug maoy mosumbong usab diha sa atong mga binuhatan ug ang ikatulo ang atong kalag diin maoy magahulat ug moatubang sa kataposang paghukom

Nan igsoon ang Diyos nagaingon kun tinawag ug pinili ka nga katawhan sa Diyos apan nagpasulabi diha sa mga tawhanon nga mga sala nan siguroon sa Diyos pagkuha ang imong kalag kay sa maapil kini pagkasunog sa impyerno. Tinuoray nga ang mga kalag adunay mga pag-ampo apan mas una dunggon ang pag-ampo sa mga buhi kay kumpleto pa man ang atong espiritu ug kalag ug ingon man ang atong materyal nga lawas nga maoy modawat sa mga sakripisyo.

Ang Mabinantayon Nga Sulogoon

LUCAS 12: 35~40

• 35 Pangandam, pagsul-ob mog sapot alang sa serbisyo. Pasigaa kanunay ang inyong mga suga, 36 ingon sa mga tawong naghulat sa ilang agalon nga moabot gikan sa kasal. Inig-abot niya ug inigtuktok, ablihan dayon siya. 37 Bulahan ang mga sulugoon nga makaplagan sa agalon nga nagtukaw sa iyang pag-abot. 38 Sa pagkatinuod sultihan tamo, magtapis siya ug mopalingkod nila sa kan-anan unya, mosilbi. Malipayon ang mga sulugoon kon makaplagan sila nga nagmata sa iyang pag-abot sa tungang gabii o sa pagsidlak sa adlaw!
39 Matngoni ni: “kon ang tag-iya sa balay nasayod unsang orasa moabot ang kawatan, dili siya makatugot nga malungkab ang balay. 40 Kinahanglang andam pod mo, kay ang Anak sa Tawo moabot sa oras nga wala damha.”

PAGPAAMBIT SA MENSAHE:

Ang maong ebanghelyo maoy pagpasabot lamang nga kun nagaalagad kita diha kang Crsito Jesus sa kanuay, magaampo ug mangaliya diha sa atong kaluwasan ug sa kanunay atong ibalaang ang atong aksingkasing ug huna-huna. Atong isul-ob ang kinaiyahan ni jesu Cristo ang kianiyahan sa espiritu santo nga anaa ang pagkamangindawaton, ug ang pagpaubos ug sa kanunay nga mga paghalad ug mga pag-ampo.

Ania na kita sa ikatulo nag siglo diin Tanana mgap asidan ug mag panagna diah sa balaang kasulatan 90% ang natuman na diin dinhi niining bahina ania na kita sa pinadayag nga bahin. Apan ang Diyos nagaingon nga wala nay laing siglo pa nga magpakatawo pa pag-usab ang Ginoo mao lamang kini nga siglo. Diin dinhi niining panahuna hugaw na kaayo ang kalibutan, busa gihinay-binay kini sa paghinlo sa Ginoo ug tubig ang iyang gamiton sa pagbanwas, busa kamong mga tinawag ug pinili nga mga katawhan ayaw kamo pagbangay-bangay sa pag-ampo kay basin ug maapil kamo ug banwas.

Apan diha sa ubang pulong sa Diyos nagaingon nga hataas pa ang ilang pasensiya para kanatong iyang mga katawhan diin hangtod niining panahuna ang Diyos nagahatag ug pasaylo sa atong mga kasal-anan, magamay ug madako nga sala ang tanan adunay kapasaylo-an kun hugot usab ang imong pagtuo nga ikaw pasayloon sa Diyos, kay kun kulang usab ang imong pagtuo diha sa kapasayloan sa imong sala nan sama ra nga wala ka motuo nga si Jesu -Cristo anak sa Diyos.

Ang Diyos miingon: “If you don’t want to pass to the door of my mercy then you are ready to pass thru the door of may judgment,” sa ato pa nga Kun magdumili ka sa pag-agi sa pultahan diin aduna kay panahun sa pagpangayo ug pasaylo sa Diyos nan nagpasabot lamang kana nga andam ka moagi diha sa pultahan sa iyang kataposang paghukom. Busa mga igsoon sa kanunay kita mangandam kay matud pa wala kita masayod kun kanus-a mobalik ang Diyos ug kun kanus-a ang kataposang paghukom. Maghinalaray kita ug atong ipahari ang Diyos diha sa atong kasing-kasing atong i-ampo bisan kadtong mga katawhan nga wala motuo sa Diyos, bisan kadtong mga katawhan nga gustong magahari dinhi sa atong nasod pinaagi sa kagubot ug hinagiban, diin kun kabubut-on sa Diyos ug dunggon ang atong mga pag-ampo nan mopasilong gayud sila sa landong sa espiritu santo kay Diyos lamang ang adunay gahum sa pagpahumok sa matig-a nga kasingkasing sa tawo.

Pagtulon-an Bahin Sa Kasuko

MATEO 5:21~25

• 21 Nakadungog mo nga giingnan kaniadto ang atong katawhan: Ayawg patay. Ang makapatay kinahanglang moatubang sa hukmanan. 22 Apan sultihan tamo karon: Ang masuko sa igsoon, kinahanglang hukman. Ang manginsulto sa igsoon angayng taralon sa konseho ug dad-on sa hukmanan. Ang magpakaulaw sa igsoon ibalhog sa kalayo sa impyerno. 23 Busa, kon maghalad ka sa gasa sa altar ug mahi-numdom nga ang imong isigkatawo nasilo nimo, 24 biyai ang gasa. Lakaw dayon ug pasig-uli niya. Unya, balik ug halad sa gasa sa Diyos. 25 Ayawg kalimot: Pasig-uli sa imong kaaway sa dili pa paatubangon sa hukmanan. Kon dili, itugyan ka sa maghuhukom nga, sa iyang bahin, motugyan nimo sa pulis, ug ibalhog ka sa bilanggoan.


PAGPAAMBIT SA MENSAHE:

Ang maong ebanghelyo nagpasabot lamang nga ang mga hiyas nag iya niining kalibutana wala kahimut-i sa diyos. Kun nagasunod ka sa pagtulun-an ni Jesu Crisito nan angayan lamang nga imong isul-ob ang hiyas nga Cristuhanon, ang hiyas sa espiritu santo diin puno sa pagpaubos mangindawaton ug pagbalaan pinaagi diha sa mga pag –ampo

Ang balaang kasulatan nagaingon nga mapasaylo ka lamang sa Diyos sa imong mga kasal-anan kun makapasaylo ka usab diha sa nagpakasala kanimo. Ang pulong sa Diyos diha sa ubang sinulat sa balaang kasulatan nagaingon nga kun nagasunod ka sa pagtulon-an ni Jesus apan nagdumot ka sa imong isigkatawo nan wala ka pa magpuyo sa kahayag anaa ka pa sa kangitngit.

Kun moingon ka nga imong gihigugma ang Diyos apan nagkigbungol ka ug nagdumot diha sa imong mga silingan, sa imong igsoon ug sa kauban nimo sa pagtuo nan ang Diyos miingon nga bakakon ka, kay giunsa man nimo paghigugma ang Diyos nga wala nimo makita ug mahikap apan nagdumot ka sa imong isigkatawo sa tanang adlaw imong nakita , nan igsoon wala ka mahigugma sa Diyos kundili ang imong kaugalingong garbo maoy imong gihigugma.

Ang balaang kasulatan nagaingon (1Corinto 3:16) ang lawas sa tawo maoy templo sa Diyos espiritu santo ug ang molaglag sa templo sa Diyos nga mao kita nan iya usab nga pagalaglagon. Ang Diyos espiritu santo nagapuyo uban kanato diin kun gusto nato nga sa kanunay magauban ang Diyos kanato nan atong ipahari Si Jesu Cristo diha sa atong kasing-kasing,. Dawata ang mag paglutos, ang mga pagdaug-daug ug sa kanunay magpaubos aron sa ingon ang mga kasuko ug mga kaligotgot walay luna diha sa imong kasingkasing.

Nalipay Si Jesus

LUCAS 10:21~23

21 Adtong panahona napuno si Jesus sa kalipay diha sa Espiritu Santo. Miingon siya: “Nagdayeg ko nimo, Amahan, Ginoo sa langit ug yuta. Gitago mo kining mga butanga sa maalamon ug maayong laki, ug gipadayag sa gagmayng kabataan. 22 Oo, Amahan, mao ni ang mapuangoron mong kabubut-on. Gihatag kanako sa akong Amahan ang tanang butang. Tungod ini, walay nakaila sa Anak gawas sa Amahan, ug walay nakaila sa Amahan gawas sa Anak ug sa iyang gipili nga makaila sa Amahan.”
23 Unya, mitan-aw si Jesus ug miingon sa mga tinun-an lang: “Bulahan mo nga nakakita sa inyong nakita. 24 Sultihan tamo nga daghang propeta ug hari ang buot makakita sa inyong nakita, apan wala makahimo; pagpaminaw sa inyong nabati, apan wala makadungog.”

PAGPAAMBIT SA MENSAHE:

:
Ang maong ebanghelyo nagpasabot lamang nga ang pagtulun-an nga gisangyaw ni Jesus binuang alang niadtong mga maalamon apan balaan niadtong mga tawo nga nagapuyo diha sa ilang kasingkasing ang espiritu santo. Diin diha sa maong ebanghelyo nagaingon nga nalipay si Jesus diha sa kabubut-on sa iyang Amahan diin kining iglisea nga iyang gitukod gipadayag sa Amahan ngadto sa mga walay kaalam apan dili Makita ni masabtan niadtong mga makinaadmanon ug manggialamon.

Kini nagpamatuod diha sa ubang sinulat sa balaang kasulatan nga nagaingon 1 Corinto : 1: 28~30, Gipili sa Diyos ang mga tinamay ug mga sinalikway o kadtong mga katawhan nga giisip sa uban nga walay pulos, aron iyang mapakita nga ang tawhanonga kaalam ug kinaadman walay gamit didto sa iyang gingharian sa langit busa dili kini angay ipasigarbo, Walay atong angay nga ipasigarbo diha sa atubangan sa Diyos gawas lamang niadtong mga milagro nga iyang gipasinati diha sa atong tagsa-tagsa ka kinabuhi.

Usa ka pagapamalandong ang pagpakatawo ni Jesu Cristo dinhi sa kalibutan diin nagpaila siya ingon nga kabos ug ordinaryo nga tawo ug mitipon sa hut-ong sa mga kabos ug nilupigan. Kini nagpasabot lamang nga ang mga katawhan nga kulang sa bahandi nga materyal anaa ang Ginoong Diyos nga maoy ilang mahimong bahandi. Kay matod pa adunahan ang tawo kun kuntento lamang siya kun unsay anaa kaniya. Usa ka panag-ingnan si Jesu Cristo diha sa iyang pagkatawo nga walay siyay dala nga bahandi ug sa iyang pagkamatay walay usab siya dala nga iya sa kalibutan.

Panag-ingnan nga dili kini nga kinabuhi ang atong pangandaman, kundili ang kinabuhi human niining kinabuhi-a sa ibabaw sa yuta ang pagkinabuhi nga minandu-an sa espiritu santo diin lunlon kalipay, pag-awit ug pagsimba sa langit ang atong atimanon, nan dili nato kana makita dinh sa yuta kay ang materyal nga pag kinabuhi ang atong ipahari, ang nakita sa atong mata ang atong tuohan, Busa angay lamang nga atong tun-an ang atong kaugalingon sa pagdangop sa pag-ampo ug sa pagtuman sa kabubut-on sa Diyos aron inig-abot sa adlaw sa kadaugan ni Jesu Cristo nan modaug ka usab uban kaniya.

Si Jesus Ang Matuod Nga Paras

JUAN 15:1~17

15 • 1 “Ako ang matuod nga balagon. Ang akong Amahan ang mag-uuma. 2 Kon usa sa akong sanga dili mamunga, putlon ni; pul-ongan ang matag sanga nga namunga aron mamungag mas daghan pa. 3 Nahinlo mo sa akong pulong. 4 Puyo dinhi nako ug mopuyo ko diha ninyo. Ang sanga dili makapamunga sa iyang kaugalingon. Kinahanglan nga magpabilin ni nga kabahin sa balagon. Mao sab mo, kinahanglang magpabilin dinhi nako.

5 Ako ang balagon ug kamo ang mga sanga. Kon magpabilin mo nako ug ako diha ninyo, mamunga mog daghan. Apan kon mobulag mo, wala moy mahimo. 6 Ang dili magpabilin nako, mahisama sa sanga nga ilabay ug malarag. Ang mga laya isugnod sa kalayo ug masunog. 7 Kon magpabilin mo nako, ug ang akong pulong diha ninyo makapangayo mo bisag unsa ug makadawat mo. 8 Himayaon ang akong Amahan kon maako mong mga tinun-an, sa ato pa, kon mamunga mog daghan.

9 Sama nga gihigugma ko sa Amahan, ako sab nahigugma ninyo. Pabilin sa akong gugma. 10 Magpabilin mo sa akong gugma kon tumanon ninyo ang akong mga sugo, ingon nga gituman ko ang mga sugo sa akong Amahan, ug nagpabilin sa iyang gugma. 11 Gisultihan tamo ini, aron ang akong kalipay manaa ninyo ug mahingpit ang inyong kalipay. 12 Kini ang akong sugo: Paghigugmaay mo ingon nga nahigugma ko ninyo. 13 Wala nay gugmang labaw pa ini – ang paghalad sa kaugalingong kinabuhi alang sa higala. 14 Mga higala tamo kon buhaton ninyo ang tanan kong gisugo.

15 Dili na ko motawag ninyo nga sulugoon, kay ang sulugoon wala masayod sa gibuhat sa agalon. Tawgon tamog mga higala, kay gipahibalo ko na ang nakat-onan ko sa akong Amahan. 16 Wala mo mopili nako, akoy mipili ug mipadala ninyo sa pag-adto ug pagpamungag daghan nga molungtad. Kay ang pangayoon ninyo sa Amahan sa akong ngalan, ihatag niya. 17 Busa, gisultihan tamo sa paghigugma sa usag usa.
Ang palaawayng kalibotan

PAGPAAMBIT SA MENSAHE:

Ang maong ebanghelyo maoy pasambingay din gipanag-ingnan si Jesu Crsito sa usa ka paras o grapes diin ang iyang amahan maoy tig-atiman kaniya, ug kitang mga sumosunod sa iyamng iglisea nga gibarugan mao ang mga sanga.

Kini nagpasabot lamang nga ang Diyos anaa sa matag-usa kanato sumala usab sa gipadayag sa 1 Corinto 3: 16 nga nagaingon nga ang lawas sa tawo maoy templo sa Diyos espiritu santo ug ang molaglag sa templo sa Diyos nga mao kita nan pagalaglagon usab sa Diyos.

Ang atong pagkapinli dili atong kabubut-on kundili kabubut-on sa Diyos Amahan, ug miingon si Jesus Crsirto nag kun magatuman lamng kita sa a\iyang mag sugo nan dili na kita niya pagatwgon ug mga ulipon kundili iyang mag higala, ug ang pinakabug-at nga iyang mahimo ngadto sa iyang mga higala mao ang pagpakamatay alang kanila.

Sa ato pa mga igsoon sama sa punu-an sa paras nag molipang ug modaghaan ug mobunga ug daghan kun atong tumanon ang mga kasugo-an sa Diyos nga mao ang panaghigugmaay sa usag-usa. Ug ang mga katawhan masayod nga kita iyang mga katawhan timaan sa gugma nga atong gipakita ngadto sa atong isigkatawo, kay ang atong gibuhat diha sa pinakaubos nga tawo dinhi sa kalibutan nan maoy atong gibuhat sa Diyos.

Ang Gahom Sa Anak

JUAN 5: 19~29

• 19 Mitubag si Jesus, “Sultihan tamo.” Ang anak walay mahimo sa kaugalingon lang gawas sa makita niya nga gibuhat sa Amahan. Ang gibuhat sa Amahan buhaton sab sa anak, 20 kay ang Amahan nahigugma sa Anak nga iyang gipakita sa tanan niyang gibuhat. Pakitaon pa siya sa iyang Amahan og mga butang nga labi pang dagko kay ini aron mahibulong mo.
21 Ingon nga gibanhaw sa Amahan ang mga patay ug gihatagag kinabuhi, ang anak sab mohatag og kinabuhi kang bisag kinsa nga buot niyang hatagan. 22 Sa samang paagi, ang Amahan dili mohukom ni bisag kinsa. Gitugyan niya sa anak ang tanang hukom, 23 ug buot siya nga ang tanan magpasidungog sa Anak ingon nga nagpasidungog sila sa Amahan. Ang nagsalikway sa Anak nagsalikway sab sa Amahan nga nagpadala niya.
24 Sa pagkatinuod sultihan tamo, ang mamati sa akong pulong ug motoo sa nagpadala nako, makabaton sa kinabuhing dayon. Dili na siya hukman, kay naluwas siya gikan sa kamatayon ngadto sa kinabuhi.
25 Sultihan tamo, taliabot ang panahon, ug gani miabot na, kanus-a makabati ang mga patay sa tingog sa Anak sa Diyos ug mabuhi ang namati ini. 26 Kay ang Amahan may kinabuhi sa iyang kaugalingon; sa samang higayon gitugyan niya sa anak ang pagbaton og kinabuhi sa iyang kaugalingon. 27 Gihatagan sab niya ang anak sa gahom pagpahamtang og silot, kay anak man siya sa tawo.
28 Ayawg katingala: moabot ang panahon nga ang nangamatay ug ang naa sa lubnganan makabati sa akong tingog 29 ug manggawas. Ang maayog binuhatan mabanhaw aron mabuhi. Ang daotan mabanhaw aron silotan.

PAGPAAMBIT SA MENSAHE:

Ang maong ebanghelyo nagpasabot lamang nga ang anak ug ang Amahan usa ra ug matod pa diah sa Colosas 1: 15 nagaingon si Jesu Cristo ang buhing larawan sa dili makita nga ang Diyos. Siya ang Alpha u gang Omega ug sumala diha sa Juan 14: 6 nagaingon siya ang dalan, Ang kamatuoran ug ang kinabuhi.

Dinhi na si Jesu Crsito sa awal pa ang kalibutan, iya maoy arkitekto nga tglingaw sa iyang Amahan sa apgmugna niininfg kalibutan. Siya ang katopasang Adan nga wala magsumikad sa abog apan lalang sa espiritu santo nga mikunsad sa sabakan ni Birhen Maria. Matuod siya nga Diyos apan tawao usab siya , kay ,mao gayuy kabubuton sa Amahan nga masinati sa anak ang kinabuhing tawahanon aron mahimong panag-ingnaan sa atwao kun unsaon sa apgpahimuot ang iyos pinaagi sa iynag mga binuhatan isip tawo.

Philipos 2: 8~11 nagaingon nga diha kaniya ang kinaiyahan sa usa ka Diyos apan waal niya ipamugos ang iyang pagkadiyos pinaagi sa kusog hinunua nagpakaubos siya ug gihubo niya ang tanan ug mtipon s mag kabos ug mga sinakit nag katawahon, diin ngapsakit siya ug nagtumansa kagustuhan sa Amahan hangtod as iyang kamatayon as krus. Apan dako ang iyan kadaugan dijha sa maong kamatayon kay natuman man niya ang iyang tahas nga gikan sa Amahan, diin tungod niini gibanhaw ang iyang tawahnon nag lawas ug gibayaw siya ngadto sa kalangitan ug ug gipalingkod sa tuo sa Amahang Diyos ug gtgan ug dungganang ngalan nga diinang tanaag binuhat dinhi sa yuta didto sa lngit ug sa ilawaom as yuta mluhod ug magasimba sa ngalan ni Jesus.

Busa mga igsoon anagy lamang nga atong simbahon ug pasidunggan si Jesu Crsito nga maoy bugtong manluluwas kanatong tanan, kay walay mahiabot didto s Aahan kun dili moagi kang Jesu Crsito ang hari sa mag hari.