Mga Milagro

BUHAT 5:12~16

• 12 Nabuhat ang daghang milagrosong tilimad-on ug katingalahang hitabo taliwala sa katawhan sa kamot sa apostoles. Nabatasan sa mga matoohon ang paghimog hiniusang tigom sa Balkon ni Solomon. 13 Walay nangahas sa pag-apil. Apan gitamod sila sa katawhan. 14 Busa, nagkadaghan ang mga lalaki ug babaye nga mitoo sa Ginoo. 15 Gidala sa katawhan ang mga masakiton sa kadalanan ug gipahigda sa mga katre ug banig, aron iniglabay ni Pedro, bisan sa anino lang niya, malandongan ang pipila nila. 16 Nagkapundok ang katawhan gikan sa kalungsorang naglibot sa Jerusalem. Gidala nila ang mga masakiton ug ang gisamok sa daotang espiritu. Ug naayo ang tanan.

PAGPAAMBIT SA MENSAHE:

Ang maong ebanghelyo maoy pagmatuod lamang sa gahum sa Diyos diin pinaagi sa iyang bugtong anak nga si Jesu Cristo iyang gipakita ang kamatuoran ang kabubut-on sa Amahan diin ang kaayohan sa atong balatian ug kaluwasan sa atong kalag nagsumikad diha sa dako natong gugma ug pagtuo sa Diyos.

Juan 1 : 17 nagaingon ang balaod sa Diyos iyang gihatag pinaagi kang Moises apan ang grasya ug kamatuoran miabot pinaagi kang kang Jesu Cristo. Kamatuoran nga bisan diha sa wala na si Jesu Cristo nagapadayon ang iyang mga milagro pinaagi sa iyang mga tinahasan ug mga pinili nga mga apostoles diin sila nagapadayon sa pagsangyaw sa kamatuoran, pinaagi diha sa pagpang-“healing” ug pagsangyaw sa pulong sa Diyos.

Apan ang dakong milagro mga igsoon mao nga ang kaluwasan sa imong kalag nagsumikad pinaagi sa hugot ug tinud-anay nga pagtuo nimo sa Ginoong Jesu Cristo. Ang balaang kasulatan nagaingon (Galacia 2:16) Apan nasayod kita nga ang tawo isipon sa Diyos nga matarong pinaagi lamang sa iyang pagtuo kang Jesu Cristo ug dili sa pagtuman sa balaod. (Roma 3:31) Nagpasabot ba kini nga gisalikway nato ang balaod tungod sa pagtuo? Wala hinunua gilig-on nato kini.

Busa igsoon hinuktuki ang kaluwasan nga gisaad kanato sa Diyos, Hinuktuki ang mga milagro nga imong nasinati, ayaw kalimot nga humana kita gilukat sa Diyos ug mahal ang pagpalit kanato, diin kinabuhi mismo ni Jesu Cristo ang iyang gisakripisyo para kita maluwas, ang dakong milagro atong nasinati diha sa matag adlaw nato nga pagkinabuhi, diin gihatagan kita ug hanagin aron s kanunay moluntad pa ang atong pagkinabuhi busa ayaw usiki ang imong kagawasan, ayaw usiki ang imong kaluwasan i-ampo ug ihalad nga sa kanunay maglig-on ka….

Ang Pulong Nga Naghatag Ug Kinabuhi

JUAN 1:1~18

1 • 1 Sa sinugdan diha na ang pulong.
Ang Pulong diha sa Diyos,
ug ang Pulong mao ang Diyos.
2 Sa sinugdan siya uban na sa Diyos.
3 Pinaagi niya nahimo ang tanan,
ug walay nahimo nga dili pinaagi niya.
4 Gikan niya ang tanang kinabuhi,
ug ang maong kinabuhi kahayag sa katawhan.
5 Sa kangitngit midan-ag sab ang kahayag nga walay makapalong.
6 May gipadala sa Diyos
nga ginganlag Juan.
7 Miabot siya aron pagsaksi sa kahayag,
pagpaila ini aron ang mga tawo
nga makadungog sa mensahe motoo.
8 Dili siya ang kahayag,
apan saksi siya nga mopaila sa kahayag.
9 Kay ang kahayag nagsingabot na sa kalibotan,
ang tinuod nga kahayag magdan-ag sa mga tawo.
10 Siya dinhi na sa kalibotan.
Pinaagi niya gihimo ang kalibotan,
apan ang kalibotan wala makaila niya.
11 Mianhi siya sa kaugalingong katawhan, apan wala siya dawata.
12 Hinuon, ang midawat niya ug mitoo sa iyang ngalan,
gigamhan nga maanak sa Diyos.
13 Wala sila himoang mga anak sa Diyos sa tawhanong paagi.
Wala sila mangatawo nga mga anak sa tawhanong amahan,
kay natawo man sila gikan sa Diyos.
14 Ang Pulong nahimong unod,
ug mipabarog sa iyang tolda uban nato.
Atong nakita ang iyang Himaya.
Ang himaya sa bugtong Anak gikan sa Amahan:
puno sa grasya ug kamatuoran.
15 Sa dayag nagsaksi niya si Juan ug miingon,
“Ang akong gisulti ninyo nga mosunod nako diha na sa wala pa ko,
kay nag-una siya nako.
16 Gikan sa iyang kapuno kitang tanan nakadawat
sa walay puas nga grasya.
17 Pinaagi ni Moises gihatag sa Diyos ang balaod,
apan ang grasya ug ang kamatuoran miabot pinaagi ni JesuCristo.
18 Wala pay nakakita sa Diyos.

PAGAPAAMBIT SA MENSAHE:

Ang maong ebanghelyo maoy pagpasabot lamang diha sa aktuyoan sa Diyos sa iyang pagmugna sa kalibutan ug labaw sa tanaan diha saiynag pagbuhat sa tawao nag maoy pinakaamalam nga nilalang sa nga iyang gibuhat. Apan matod pa saw la pa ang kalibutan diha na si Jesu Cristo. Siya maoy arkitekto nga maoy tiglingaw sa Ginoong Diyos Amahan.

Juan 1:14 nagaingon, Ang pulong nahimong tawo ug mipuyo uban kanato. Kini nagapasabot lamang diha sa pagpakatawo sa atong Ginoong Diyos diin mitipon sa mga tawong kabos aron ipaila ang himaya sa Diyos nga ang pagpahiduol sa Diyos wala magkinahanglan ug dakong bahandi kundili nagkinahanglang ug tim-os ug tinud-anay nga mga pag-ampo ug pagpangalagad.

Philipos 2: 6~11 nagaingon: Diha niya kanunay ang kinaiya gayod sa Diyos, Aapan wala siya maghuna-huna pagpakigtupong sa Diyos pinaagi sa kusog, Kundili sa iyang kaugalingong kabubut-on iya kining gibiyaan ug gosul-ob niya ang kinaiya sa usa ka sulogoon. Natawo siya sama kanato ug makita siya ingon nga tawo, Nag-paubos siya , nagmasinugtanon, hangtod sa kamatayon sa krus. Tungod niini gituboy siya sa Diyos ngadto sa kinatas-ang dapit sa kalangitan ug gihatagan siya ug ngalan nga labaw sa tanang ngalan. Busa mangluhod ang tanan binuhat nga atua sa langit, sa yuta ug sa ilalom sa yuta sa pagpasidungog sa ngalan ni Jesus.

Busa mga igsoon kun gusto nato nga modaug uban kang Jesus Cristo nan puy-i ang kinabuhi nga puno sa pag-antos ug mga paglutos pas-ana ang imong krus ug sunod sa mga pagtulon-an nga gisangyaw ni Jesu Cristo, kay bulahan ka nga nakaambit diha sa mga pag-antos ni Jesu Cristo diha sa kamatayon niya sa maong krus kay makaambit ka usab sa himaya a iyang pagkabanhaw didto sa iyang gingharian sa langit.

Ang Tinuod Nga Kabulahanan

LUCAS 11: 27~28

27 Human makasulti si Jesus niini may usa ka babaye nga mituwaw taliwala sa mga pundok sa mga tawo ug miingon kaniya,” Bulahan ang babaye nga maoy nagsabak ug nagpasuso kanimo!”
28 Apan si Jesus mitubag bulahan hinuon sila nga namati sa pulong sa Diyos ug nagtuman niini.”

PAGPAAMBIT SA MENSAHE:

Ang maong ebanghelyo maoy pagpasabot lamang nga labing bulahan ang tawo nga nakabati sa pulong sa Diyos ug naningkamot sa pagtuman niini. Diha sa ubang pulong sa balaang kasulatan nagaingon, ang (Juan 1:14) Ang pulong nahimong tawo ug mipuyo uban kanato. Pinaagi kang Jesus Cristo natuman ang maong pulong diha sa bag-ong kasabotan kay siya man ang nagpakatawo ug mipuyo uban kanato arong pagpasabot sa mga kasugo-an sa Amahan.

Wala moanhi si Jesu-Cristo tungod lamang sa iyang kaugalingon nga kabubut-on kundili tungod sa tahas nga gisangon sa Amahan kaniya, ang pagluwas kanatong tanan pinaagi sa iyang kamatayon sa krus ug labaw sa tanan aron sa pagpasabot sa kasugo-an nga gihatag sa Diyos ngadto kang Moises ang kasugo-an sa paghigugma sa Diyos ug sa paghigugma sa isigkatawo sama sa paghigugma nato sa atong kaugalingon.

Mateo 5:17 nagaingon wala ako maonhi aron sa pagsalikway sa mga balaod ni Moises ug sa mga pagtulon-an sa mag propeta kundili aron sa pagpasabot sa ensaktong kahulugan niini. Kay samtang may langit pa ug yuta wala gayuy gamay nga parte ni kudlit sa balaod nga saylo-an hangtod dili matuman ang tanan. Kay si kinsa kadtong nagasupak sa gamay nga parte sa balaod ug nagatudlo sa uban sa pagbuhat niini nan mamahimong iwit didto sa gingharian sa langit apan si kinsa man ang nagatuman sa balaod sa Diyos ug nagatudlo sa uban sa pagbuhat niini nan mamahimong labing dako didto sa gingharian sa langit. Busa sultihan ko kamo dili gayud kamo makasulod sa gingharian sa Diyos kun ang inyong pagtuman sa iyang kasugoan sama lamang nianang gibuhat sa mga pariseo ug mga magtutudlo sa balaod.

Nagpasabot lamang kini mga igsoon nga ang atong pagtuo ngadto sa Diyos nga dili makita ug mahikap pagaubanan gayud kini sa buhat. Kay ang pulong sa Diyos nagaingon (Santiago 2: 24) Mas gikahimut-an sa Diyos ang mga tawo nga adunay maayong buhat kay sa mga tawo nga adunay pagtuo lamang. Busa mga igsoon kun nakabati ka sa pulong sa Diyos niining adlawa nan ayaw na patig-aha ang imong kasing-kasing paningkamot nga makaambit ka sa grasya ug bendisyon pinaagi sa pagsunod sa iyang kasugo-an.

Ang Mensahe Mahitungod Kang Jesu Cristo Didto Sa Krus

1 CORINTO 2:1~5

1 Sa akong pag-anha, mga igsoon, aron pagpasabot ninyo sa katingalahang tuyo sa Diyos, wala ko magdalag mga habog nga sinultihan o kaalam.
2 Sa pagkatinuod, nakahukom ko nga taliwala ninyo wala koy nahibaloan gawas ni JesuCristo nga gilansang sa krus. 3 Busa, miabot ko nga huyang, mahadlokon ug nangurog. 4 Wala koy makapadani nga pulong o kaalam sa akong pagsulti ug pagwali. 5 Hinuon pinaagi ini napadayag ang Espiritu ug ang gahom aron makatoo mo dili tungod sa kahibalo sa tawo kondili, sa gahom sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kamatayon as atong Ginoong Jesus didto sa krus diin diha nagsumikad ang kamatuoran sa iyang pagkaDiyos pinaagi sa mga nasinati nga mga milagro. Matod pa ni Apostol Pablo ang iyang pagsangyaw sa pagtulon-an nga gipabarog ni Jesu Cristo wala magsumkad diha sa iyang kaugalingon kaalam kundili nagsumikad kini pinaagi sa kaalam sa Diyos.

Ang pangutana mao nga unsa man ang mensahe nag gustong ipaabot sa atong Diyos nga Jesu Cristo diha sa iyang pagpalansanag sa krus. Philipos 2 : 6~11 nagaingon “Diha niya ang kinaiya gayud sa Diyos. Apan wala siya maghuna-huna pagpakigtupong sa Diyos pinaagi sa kusog. Kundili sa iyang kaugalingong kabubut-on iya kining gibiyaan. Ug gisul-ob niya ang kinaiya sa usa ka sulogoon. Natawo siya ingon kanato ug nakita ingon nga tawo. Nagpaubos siya ug nagmasinugtanon hangtod sa kamatayon, ang iyang kamatayon sa krus. Tungod niini gituboy siya sa Diyos ngadto sa kinatas-ang dapit sa kalangitan ug gihatagan siya ug ngalan nga labaw sa tanang ngalan. Busa mangluhod ang tanan binuhat nga atua sa langit, sa yuta ug sa ilalom sa yuta sa pagpasidungog sa ngalan ni Jesus.

Mga igsoon ang kamatayon diha sa pagpalansang ni Jesu Cristo sa krus usa kini kadaugan sa tahas nga gisangon sa Amahan kaniya ug kadaugan usab nato ingon nga kaluwasan sa atong mga sala. Ang paglansang sa krus niadtong panaho sa mga Judio maoy uas ka silot sa ilang mag ksala-anan pinaagi sa pagbibit sa ilang krus ug sa pgpapakamatay niini pinaagi sa paglansang.
Diin diha niining maong kamatayon sa krus human gayud manggawas ang mga milagro pinaagi sa pagkabanhaw ni Jesu CrIsto , Gibalaan na sa mga katawhan ang krus diin maoy simbolo sa kasakitan ni Jesu Cristo diin si kinsa man ang gustong mosunod sa pagtulon-an ni Jesu-Cristo nan kinahanglan gayud usab nga maga-alsa siya sa kaugalingon niyang krus ug magasunod kang Jesu Cristo. Kay ang imong mga kasakitan nga nadawat ug giantos dinhi sa ibabaw sa kalibutan nagpasabot lamang kini nga imo usab nag gidawat ug gipuyo , gipahari si Jesu Cristo diha sa imong kasing-kasing.

Pagtulon-an Bahin Sa Balaod

MATEO 5:17

• 17 Ayaw mog hunahuna nga mianhi ko aron pagwagtang sa Balaod ug mga Propeta. Mianhi ko dili aron pagwag-tang kondili, aron pagtuman. 18 Sulti-han tamo: samtang ang langit ug yuta magpabilin, walay titik sa balaod nga mausab hangtod nga matuman ang tanan.
19 Busa, ang maglapas sa labing gamay sa kasugoan ug magtudlo sa uban sa pagbuhat sa ingon makina-gamyan sa gingharian sa langit. Sa laing bahin, ang magtuman sa Balaod ug magtudlo sa pagbuhat sa ingon, madako sa gingharian sa Langit.
20 Busa, sultihan tamo, kon ang inyong katarong dili molabaw sa ila sa magtutudlo sa Balaod ug sa Pariseo, dili mo makasulod sa gingharian sa Langit.
:
PAGPAAMBIT SA MENSAHE:
:
Ang maong ebanghelyo maoy pagpasabot lamang nga ang mag pagtulon-an nga gisangyaw ni Moises wala mausab paghiabot ni Jesu Cristo , ug hinunu-a iya kining gipadayon. Juan 1: 14 nagaingon “ Ang balaod gihatag sa Diyos pinaagi kang Moises apan ang grasya ug kamatuoran miabot pinaagi kang Jesu Cristo. Galacia 2:17 nagaingon, Nasayod kita nga isipon lamang sa Diyos nga matarong ang usa ka tawo pina-agi sa iyang pagtuo kang Jesu Cristo dili tungod sa iyang pagsunod sa balaod, kay walay tawo nga isipon sa Diyos nga matarong pinaagi lamang sa pagtuman sa balaod.
:
Diha niining maong ebanghelyo mga igsoon nagpasabot nang daan ang Ginoong Jesus nga ang tanan nga mga balaod nga gisangyaw ni Moises diha sa unang kasulatan matuman gayud kini, apan kinahanglan lamag ang ensakton pagsabot niini. Ang pagsabot sa pulong sa Diyos diha sa balaang kasulatan mahubad lamang kini kun atong ibalaan ang atong huna-huna ug kasingkasing kay ang balaang kasulatan nahasulat pinaagi sa walay kataposang gahum sa Diyos.
:
Mao lamay gusto ipaabot sa atong Ginoong Jesu Cristo nga ang pagsunod kaniya nagpasabot kini nga-andam ka moambit sa mga paglutos ug mga kasakitan nga imong ma-agian, diin tanan nga kasugo-an atong tumanon ug maoy atong ipatigbabaw ang gugma ngadto sa Diyos ug sa atong isigkatawo, nga nagasunod kita sa iyang mga kasugoan ug mga tahas bisan nahimo kitang tinamay ug sinalikway ug labing ubos dinhi sa ibabaw sa kalibutan.
:
Ang balaang kasulatan nagaingon, kun gusto nimong mamahimong dalayegon ug himaya-on didto sa gingharian sa langit nan puy-i ang kinabuhi nga puno sa pagtamay ug pagdaug-daug dinhi sa ibabaw sa yuta sunod sa pagtulon-an nga gisangyaw ni Jesu-Cristo ug pas-ana ang imong krus sa kinabuhi. Kay bulahan ka nga naka-ambit diha sa mga kasakitan ni Jesu-Cristo diha sa krus kay maka-ambit ka usab sa himaya sa iyang pagkabanhaw didto sa iyang gingharian sa langit.

Ang Buhat Sa Espiritu Santo

JUAN 16:5~14

5 Apan karon taliadto na ko sa Nagpadala nako ug walay usa ninyo nga nangutana asa ko paingon, 6 kay naguol kaayo mo sa akong gisulti.
7 Toohi ko. Tinuod ang akong gisulti: mas maayo alang ninyo nga mobiya ko. Kay samtang nia ko, dili moanhi ang inyong Maglilipay. Mobiya ko aron ikapadala ko siya.
8 Inig-abot, ipadayag niya ang bakak sa kalibotan. Ipakita niya sa dayag ang sala ini, ang dalan sa katarong ug giunsa pag-abot sa hukom.
9 Ang sala? Wala sila motoo nako. 10 Ang katarongan? Moadto ko sa akong Amahan, ug dili na mo makakita nako. 11 Ang hukom? Gihukman na ang prinsipe ining kalibotana; gisilotan na.
12 Daghan pa kog igsusulti, apan dili pa mo makadawat sa tanan. 13 Inig-abot sa Espiritu sa kamatuoran, agakon mo niya sa tibuok kamatuoran.
Dili siya mosulti sa iyang kaugalingon kondili, sa iyang nadungog, ug ipahayag niya ang umaabot. 14 Himayaon ko niya, kay nakadawat siya sa akoa nga iyang pong ipakita ninyo. Sa maong paagi maghimaya siya nako.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa tinago nga kamatuoran nga hinay-hinay na nga gipadayag niining panahona. Juan 14:15 nagaingon Tumana ninyo ang akong mga sugo ug mangayo ako sa Amahan ug taga-an kamo niya ug laing manlalaban, Ang espiritu santo sa kamatuoran nga magauban kaninyo hangtod sa kahangturan. Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagapuyo ug nagauban man siya diha kaninyo.

1 Corinto 3:16 nagaingon Ang lawas sa tawo maoy templo sa Diyos ug ang molaglag sa templo sa Diyos nga mao kita nan pagalaglagon usab sa Diyos. Anaa sa matag tawo ang Diyos espirito santo, nga sa ato pa ang nagapuyo diha sa imong isigkatawo ug bisan diha kanimo ang Diyos espiritu. Nan kini ang kataposang manlalaban nga gipapuyo sa Diyos diha sa matag-usa kanato, apan dili modugay ang Espiritu sa Diyos diha kaninyo kun wala ang mga pag-ampo ug pagbalaan. Dili modugay ang espiritu santo sa Diyos diha kaninyo kun wala ninyo isul-ob ang hiyas mismo sa espiritu santo ag hiyas ni Jesu Cristo.

Kun ang espirito santo sa Diyos anaa sa imong tuo nan ang dautan nga espiritu anaa usab sa imong wala, nagahulat lamang sa iyang panahun, busa kinahanglan gayud sa matag tawo ang sa kanunay maga-ampo ug magahalad ngadto sa Diyos, diin niining kamatuoran nga atong gibarugan giaghat ang tanan sa pagsantos rosaryo matag-adlaw ug gabii, din ang santos rosaryo sa adlaw alang kana panalipod sa imong trabaho sa tibook adlaw, ug ang santos rosaryo sa gabii mao kana ang panalipod sa imong kalag ug espiritu.

Ang tahas gayud sa tawo sa iyang pagpakabuhi dinhi sa kalibutan mao gayud ang pagahin ug mga pag-ampo ug pagahin ug panahun ngadto sa Diyos. Kay bisan unsaon pa sa tawo nan mobalik gayud siya sa abog ug ang iyang kalag maoy magahulat sa pagbalik sa Diyos Jesu Cristo, diin mao kini ang atong kanunay nga pangandaman ang mga pagsimba didto sa gingharian sa langit, kay dili kini ang kalibutan nga atong pagapuy-an hangtod sa kahangturan kay aduna pay kinabuhi human niini ug mao kadto ang importante ang pagkinabuhi nga minando-an sa espiritu.

Kaguol Mahimong Kalipay

JUAN 16:16~24

16 Sa dili madugay dili na mo makakita nako; unya, sa dili na pod madugay, makita na ko ninyo.”
17 Ang ubang tinun-an natingala, unsay kahulogan sa iyang gisulti: ‘Sa dili madugay, dili na mo makakita nako, ug sa dili madugay makita na ko ninyo. Nganong miingon man siya: ‘Moadto ko sa Amahan?’ 18 Miingon sila sa usag usa: “Unsa ning sa dili madugay?’ Dili masabot.”
19 Nakamatikod si Jesus nga buot silang mangutana busa, miingon siya: “Naglibog mo tungod sa akong gisulti nga sa dili madugay dili na mo makakita nako unya, sa dili pod madugay makita na ko ninyo.
20 Sa pagkatinuod sultihan tamo, maghilak mo ug magbangotan samtang naghudyaka ang kalibotan. Maguol mo, apan mahimong kalipay ang inyong kaguol.
21 Ang babayeng mabdos maguol kon hapit na manganak. Apan inigkatawo sa bata, dili na siya mahinumdom sa pag-antos tungod sa kalipay: Nahimugso ang usa ka tawo sa kalibotan.
22 Naguol mo karon, apan makita ra ko ninyo pag-usab ug maglipay ang inyong kasingkasing sa ingon nga wala nay makaagaw sa inyong kalipay. 23 Anang adlawa, dili mo mangayo nako. Sa pagkatinuod sultihan tamo, bisag unsay inyong pangayoon sa Amahan sa akong ngalan, iyang ihatag. 24 Hangtod karon wala pa mo makapangayo sa akong ngalan. Busa, pangayo ug makadawat mo aron mahingpit ang inyong kalipay.

PAGPAAMBIT SA MENSAHE:

Ang maong ebanghelyo maoy pagpaabot lamang nga pagbalik sa Diyos Jesu Cristo ngadto sa iyang Amahan maoy usa ka kadaugan diah sa tahas nag gisangon as Diyos kaniya, kadaugan pinaagi sa kamatayon niya sa krus, diin usa ka kamatayon ngabinuhatan niadtong mag Judio ug mga pagano nga motuo sa iyang pagkaDiyos. Tinuoray nga niadtong panahuna sa pagkamatay ni Jesu Cristo sa krus daghan ang naguol kay wala wala na man ang ilang magtutudlo nga ilang gitahod ug gialagaran.

Apan ang tanan kabubut-on sa Diyos Amahan, diin mao gayuy gusto sa Diyos nag makita sa mag katawhan ang iyang kabubut-on, nga ang gustong mahiadto sa langit magaantos gayud diin iyang gipakita nga si Jesu Cristo nga iyang bugtong anak nagaantos gayud.

Philipos 2: 6 ~ 11, nagaingon Diha na kaniya ang kinaiya gayud sa Diyos,Apan wala siya maghuna-huna pagpakigtupong sa Diyos pinaagi sa kusog, Kundili sa iyang kaugalingong kabubut-on iya kining gibiyaan, Ug gisul-ob niya ang kinaiya sa usa ka sulogoon, Natawo siya sama kanato ug nakita siya ingon nga tawo, Nagpaubos siya ug nagmasinugtanon hangtod sa kamatayon, ang iyang kamatayon sa krus. Tungod niini gituboy siya sa Diyos ngadto sa kinatas-ang dapit sa kalangitan, Ug gihatagan siya ug ngalan nga labaw sa tanan ngalan, Busa mangluhod ang tanang binuhat nga atua sa langit, sa yuta ug sa ilawom sa yuta sa pagpasidungog sa ngalan ni Jesus,ug ang tanan magsangyaw nga si Jesus mao ang Ginoo, Alang sa Himaya sa Diyos Amahan.

Angayan diay nga kita malipay nga ang Diyos nagahuna-huna sa atong kaluwasan diin diha sa pagkabanhaw ni Jesu Cristo, nabanhaw usab kita uban kaniya ug nagapabilin nga patay ang atong mga sala, nan niadton panahuna, luwas ka na sa imong pagpakasala, apan kay nagpabilin pa man kitang buhi hangtod niining mga panahuna nan sa ang tawao samtang may kinabuhi pa makasasala gayud sa huna-huna, sa pulong ug sa buhat. Buas ang baalang kasulatan ngaingon nag sa higayon nga kun wala na ang pamanhunon dinhi kanato sumala sa sambingay nan sa kanunay magapuasa gayud kita sa atong mga sala hangtod nga moabot na usab ang kataposang paghukom.

Ang Buhat Sa Espiritu Santo

JUAN 16:5~14

5 Apan karon taliadto na ko sa Nagpadala nako ug walay usa ninyo nga nangutana asa ko paingon, 6 kay naguol kaayo mo sa akong gisulti.
7 Toohi ko. Tinuod ang akong gisulti: mas maayo alang ninyo nga mobiya ko. Kay samtang nia ko, dili moanhi ang inyong Maglilipay. Mobiya ko aron ikapadala ko siya.
8 Inig-abot, ipadayag niya ang bakak sa kalibotan. Ipakita niya sa dayag ang sala ini, ang dalan sa katarong ug giunsa pag-abot sa hukom.
9 Ang sala? Wala sila motoo nako. 10 Ang katarongan? Moadto ko sa akong Amahan, ug dili na mo makakita nako. 11 Ang hukom? Gihukman na ang prinsipe ining kalibotana; gisilotan na.
12 Daghan pa kog igsusulti, apan dili pa mo makadawat sa tanan. 13 Inig-abot sa Espiritu sa kamatuoran, agakon mo niya sa tibuok kamatuoran.
Dili siya mosulti sa iyang kaugalingon kondili, sa iyang nadungog, ug ipahayag niya ang umaabot. 14 Himayaon ko niya, kay nakadawat siya sa akoa nga iyang pong ipakita ninyo. Sa maong paagi maghimaya siya nako.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa balaang kasulatan, Juan 14:15 nagaingon Tumana ninyo ang akong mga sugo ug mangayo ako sa Amahan ug tagaan kamo niya ug kataposang manlalaban ang espiritu santo sa kamatuoran nga maga-uban kaninyo hangtod sa kahangturan. Ang kalibutan dili makadawat kaniya kay dila man sila makakita ni makaila kaniya apan makaila kamo kaniya kay magapuyo man siya uban kaninyo.

Diha sa ubang pulong sa Diyos nagaingon usab nga usa lamang ang Diyos ug tulo ka persona, Ang Amahan ang anak ug ang espiritu santo. 1 Corinto 3:16 , nagaingon “ Ang lawas sa tawo maoy templo sa Diyos ug ang mopasipala sa templo sa Diyos nga mao kita nan pagalaglagon gayud sa Diyos.

Sa ato pa mga igsoon ang espiritu santo sa Diyos nagapuyo diha kanato, diin amoy magagiya diha sa buluhaton nga balaan ug mga bulohaton nga iya sa Diyos, diin lahi-lahi ang kinaiyahan sa matag tawo sama nga lahi-lahi usab ug kinaiyahan sa espiritu santo nga anaa sa matag-tawo.

Diha niining atong panahun karon diin ania na kita sa ikatulo nga siglo, diin ang unang siglo mao man kadtong panahun ni Moises, ang ikaduha sa panahun man ni Jesu Cristo ug ang ikatulo mao na kini ang panahun sa espirtu santo, diin maoy mipaabot sa mga katawhan sa mga bulohaton nga iya sa sa Diyos. Nan igsoon unsaon man nato pagsunod sa buhat sa espiritu santo?. Isul-ob ang kinaiyahan ni Jesu Cristo, ang kinaiyahan sa espiritu santo diin anaa ang pagka mangindawaton diha sa mga paglutos ug mga pag-antos diin walay bugtong saligan gawas sa mga pag-ampo ug mga sakripisyo sa paghalad. Ang Diyos miingon tukhi ang mga pagsulay ug mga paglutos nga inyong nasinati pinaagi diah sa mga pag-ampo, kay si Jesu Cristo maoy manalipod kaninyo.

Diin usa ka pagtulon-an ang gibilin sa usa nato ka bantugang lider, kanhi senador Benigno Ninoy Aquino Jr, diin miingon siya sa pinulongan nga eninglis “ Its better to die in a meaningful death than to live in a meaningless life” nga sa ato pa kun atong hubaron sa Cebuano sa espirituhanon nga pagkahubad, “ Mas maayo pa daw nga mamatay nga mahimong pagtulon-an ang imong kamatayon kay sa magpakabuhi nga sama sa kahoy nga gatubo apan dili gapamunga, “ ug miingon usab ang pulong sa Diyos “ Unsay buhaton sa usa ka kahoy nga gatubo apan dili gapamunga?

Modaug Kita Sa Klibutan

1 JUAN 5: 1~5

5 • 1 Ang tanang mitoo nga si Jesus ang Hinilogan, natawo sa Diyos.
Kon nahigugma ka sa Amahan, gihigugma sab nimo ang natawo gikan niya.
2 Unsaon man nato pagkahibawo nga nahigugma ta sa mga anak sa Diyos?
Kon nahigugma ta sa Diyos ug nagtuman sa iyang kasugoan.
3 Kay ang gugma sa Diyos nagsugo sa pagtuman sa iyang kasugoan. Gani, dili ni bug-at.
4 Ang natawo sa Diyos, nakabuntog na sa kalibotan.
Ang kadaogan nga nakabuntog sa kalibotan mao ang pagtoo.
5 Kinsay makabuntog sa kalibotan?
Ang mitoo nga si Jesus Anak sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang atong kadaugan batok sa atong mga sala nagaagad usab sa kadako sa atong pagtuo ngadto sa Diyos Jesu Cristo. Sa ubang pulong sa balaang kasulatan , Galacia 2: 17 nagaingon nga nasayod kita nga dili isipon sa Diyos nga matarong ang usa ka tawo pinaagi lamang sa pagtuman sa balaod Kundili Matarong lamAng ang usa ka tawo pinaagi sa pagtuo kang Jesu-Cristo.

Diha sa ubang pulong nagaingon nga walay mahiabot sa Amahan kundili moagi kang Jesu Cristo tungod kay Si Jesu Cristo ang sinugdanan ug ang kataposan ang Alpha ug ang Omega, nga sa ato pa diha kaniya nagsumikad ang atong kinabuhi pinanaagi diha sa pagsunod sa iyang kasugo-an, nan diha usab kaniya matapos ang atong kinabuhi pinaagi diha sa pag-alagad ngadto kaniya sa tibuok natong kasing-kasing ug kinabuhi.

Nan ang atong kadaugan batok sa kalibutan maoy atong kadaugan diha sa atong kaugalingon batok sa mga tawhanong natong mga kailibgon diin kun nagkinabuhi kita nga langyaw nining kinabuhi-a apan ha-om didto sa ginghari-an sa Diyos nan bulahan kay haduol ka sa kaluwasan
Busa angayan lamang nga atong isul-ob ang hiyas nga kristuhanon diin anaa ang pagka mangindawaton, ug sa kanunay ang pagpaubos diin mao kini tahas sa mga katawhan nga nagasunod sa kasugo-na sa Diyos. diin diha sa imong pagdawat sa mga paglutos wala kini magpasabot nga ilkaw nagpadaug-daug kun dili nagpasabot lamang kana nga imong gidawat ug gipahari si Jesu Cristo diha sa imong kasingkasing.

Paghigugmaay Kamo

1 JUAN 3: 11~18

11 Kay kini ang mensahe nga iyang gitudlo ninyo gikan sa sinugdan:
paghigugmaay sa usag usa.
12 Ayawg sunda si Cain nga mipatay sa igsoon, kay sakop siya sa Yawa.
Nganong gipatay niya ang igsoon?
Kay nagbuhat siya sa daotan ug ang igsoon nagbuhat sa maayo.
13 Busa, ayawg kahibulong, mga igsoon ang kalibotan nasilag nato
14 nahigugma ta sa igsoon tang lalaki ug babaye.
Sa ingon nahibaw-an nato nga nakalabang na ta sa kamatayon ngadto sa kinabuhi.
Ang wala mahigugma nagpabilin sa kamatayon.
15 Ang nasilag sa igsoon mamumuno,
ug, sumala sa inyong nahibaw-an,
ang kinabuhing dayon dili magpabilin sa mga mamumuno.
16 Giingon nato ini pagkahibawo unsay gugma:
gihatag niya ang iyang kinabuhi alang nato.
Busa, ihatag sab nato ang atong kinabuhi alang sa kaigsoonan.
17 Kon may nagpahimulos sa bahandi sa kalibotan, apan nagtak-op sa kasingkasing inigkakita sa kaigsoonang nanginahanglan,
unsaon man pagpabilin sa gugma sa Diyos diha niya?
18 Mga hinigugma kong anak, maghinigugmaay ta dili lang sa pulong ug ngabil
hinunoa, sa kamatuoran ug sa buhat.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga kasugo-an sa atong Diyos , ang kasugo-an sa paghigugma kay ang Diyos gugma man. Diin ang tanang kasugo-an sa Diyos nga iyang gipadala kang Moises mamahimo lamang kining duha ka dagkong sugo, ang Paghigugma sa Diyos labaw sa tanan ug ang ikaduha ang paghigugma sa imong isigkatawo sama sa imong paghigugma sa imong kaugalingon, nan kun masupak nimo ang bisan asa sa duruha ka kasugo-an nan nasupak nimo ang tanan nga kasugo-an..

Diha sa ubang sinulat nagaingon si Jesu Cristo, paghigugmaay kamo, aron ang mga katawahan nga makakita kaninyo makahibalo nga ako kamong mga tinun-an. Juan 14: 15 Nagaingon si Jesu Cristo “Tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban ang espiritu santo sa kamatuoran nga magauban kaninyo hangtod sa kahangturan. Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagapuyo man siya diha kaninyo.

Ang atong paghigugma sa atong isigkatawo maoy pagpasabot lamang nga atong gidawat si Jesu Cristo diha sa tagsa-tagsa nato ka kasing-kasing. Apan kun moingon ka nga nagasunod ka sa pagtulon-an nga kristuhanon apan nagdumot ka sa imong isigkatawo nan wala ka pa magpuyo sa kahayag, anaa ka pa sa kangitngit.

Ingon niana ang pagtulon-an nga gitudlo sa Diyos kanato, nga tungod sa iyang gugma sa mga katawhan sa kalibutan iyang gipakanaog ang iyang bugtong anak ug nagpakatawo aron sa pagluwas sa atong mga sala pinaagi diha sa kamatayon niya sa krus, diin tungod niini nga tahas diha sa iyang kadaugan mida-og usab kita uban kaniya.

Apan atong mapamalandungan diha sa pagsunod nato sa mga pagtulon-an ni Jesu Cristo nga makaambit gayud kita sa mga paglutos, Ang balaang kasulatan nagaingon nga kun gusto nimong himaya-on ug daygon didto sa ginghari-an sa langit nan puy-i ang kinabuhi nga puno sa mga paglutos ug kapit-os diha sa mga pagdaug-daug dinhi sa ibabaw sa yuta, pas-ana ang imong krus ug sunod sa mga pagtulon-an nga gisangyaw ni Jesu-Cristo. Kay bulahan ka nga nakaambit diha sa mga kasakitan ni Jesu-Cristo didto sa krus kay makaambit ka usab sa himaya sa iyang pagkabanhaw didto sa gingharian sa langit.

Ang Sambingay Mahitungod Sa Dakong Kumbira

LUCAS 14:15~24

15 Sa pagkadungog ini sa usa sa mga dinapit, miingon siya ni Jesus: “Bulahan ang dapiton sa kombira sa Gingharian sa Diyos!”
16 Mitubag si Jesus: “May nag-andam og dakong hikay. Daghan siyag dinapit. 17 Gipaadto niya ang katabang aron pag-ingon: ‘Dali na mo, andam na ang tanan.’ 18 Apan morag nagsabot ang tanan sa pagpamalibad. Miingon ang usa: ‘Mipalit kog uma nga kinahanglang adtoon ug susihon. Pasensya ka na.’ 19 Miingon sab ang lain: ‘Nakapalit kog lima ka parisang baka nga pang-uma ug pasulayon kog daro. Pasensya ka na.’ 20 Miingon ang usa pa: ‘Bag-o kong nakasal busa, dili makaadto?’
21 Sa pagbalik sa katabang, gisulti niya ang tanan sa agalon. Nasuko pag-ayo ang tag-iya ug miingon sa katabang: ‘Lakaw dayon sa mga plasa ug kadalanan sa lungsod, paanhia ang mga kabos, sinalikway, buta ug bakol.’
22 Unya, miingon ang katabang: ‘Natuman ang imong gisugo ug may lugar pa.’ 23 Mitubag ang agalon: ‘Lakaw sa mga dagkong dalan ug tugkaran, ug pugsa pag-anhi ang mga tawo aron mapuno ang akong balay. 24 Kay sa giingon ko: walay dinapit nga makatilaw sa akong hikay.”

PAGPAAMBIT SA MENSAHE:

Ang maong ebanghelyo maoy pagpasabot lamang nga ang Diyos Amahan diha sa pagtawag niya sa iyang mga piniling katawhan nagahatag kini kanunay sa kagawasan, nga sa ato pa ang Diyos nagahatag kanato sa tagsa-tagsa nato ka katungod diha sa pagagamait sa atong tagsa-tagsa ka kaalam. Diin diha niining maong ebangheyo ang Diyos nagpadayag gayud sa pag-imbitar unang una ang mga may kaalam nga iya niining kalibutana apan ang kadaghanan gayud mobalibad diha sa pagsimba sa langit tungod kay daghan man ang ilang mga tawhanon nga bulohaton sama pananglit sa negosyo o uban pa nga para sa ilang tawhanon nga panginahanglan.

Diin mas gikahimut-an sa Diyos ang mga tawong kabos , mga inosente ug mga walay kaalam kay sila man, ang modugay sa pagpangalagad diha sa Diyos, ug ang Diyos espiritu santo makadugay usab sa pagpuyo diha kanila. Tinud-anay nga walay nasayod kun kanus-a mahitabo ang pagbalik sa anak sa Diyos sa samang paagi, walay nasayod kun kanus-a usab ang kataposang paghukom.

Kini nagpasabot lamang nga matag-usa mangandam , kay matod pa matag-usa kanato aduna gayuy tahas diha sa paggahin ug panahun ngadto sa Diyos, Pinaagi sa pag-ampo ug sa pagbuhat sa mga tulomanon nga Diyosnon. Niining panahuna diin ani-a na kita padulong sa ikatulong siglo apan sa gihapon ang Diyos nagahatag sa taas niyang pasensya kay matod pa tanang nga mga kasal-anan adunay kapasaylo-an kun sa kinasing-kasing imo kining pangayoon sa Diyos ug mituo ka nga ikaw mapasaylo pinaagi kang Cristo Jesus kay kun dili ka motuo nga ikaw mapasaylo nan sama ra nga wala ka motuo nga si Jesu Cristo anak sa Diyos.

Ang paghari sa Diyos wala dinhi ug didto busa ayaw pagtuo sa mga istorya-istorya. I-ampo ug ihalad kay ang paghari sa Diyos anaa sa sulod sa inyong kasing-kasing pinaagi diha sa pagtuman sa iyang kasugo-an. Busa isangyaw ang pulong sa Diyos makatulo lamang kun dili mamati biya-i sa walay paglingi kay wala ipamugos sa Diyos ang iyang ginghari-an sa langit

Mga Hiyas Gikan Sa Espiritu Santo

1Corinto 12: 1~11

12 • 1 Bahin sa mga gasang espiritu hanon, pahinumdoman tamo sa mosunod. 2 Sa pagano pa mo, inyong giadto ang mga amang ninyong diosdios nga daw katawhan nga giyawaan. 3 Ingnon tamo nga walay linamdagan sa Espiritu sa Diyos nga makaingon: “Tinunglo si Jesus.” Wala poy makaingon: “Si Jesus ang Ginoo,” gawas nga pinaagi sa Espiritu Santo.
4 Nagkalainlain ang mga gasa, apan usa ra ang Espiritu. 5 Nagkalainlain ang ministeryo, apan usa ra ang Ginoo. 6 Nagkalainlain ang mga buluhaton, apan usa ra ang Diyos nga nagbuhat sa tanan diha sa tanan.
7 Ang Espiritu nagpakita sa kaugalingon sa matag usa pinaagi sa gasa nga serbisyo pod. 8 Sa usa gihatag ang gasa sa pagsultig kaalam pinaagi sa Espiritu. Sa lain ang pagtudlo sumala sa maong Espiritu. 9 Sa lain ang pagtoo tungod sa Espiritu. Sa lain ang gasa sa pagpangayo sa masakiton sa mao gihapong Espiritu. 10 Sa usa ang paghimog mga milagro; sa lain ang pagpanagna; sa lain pa gyod ang mga espiritu. Ang usa nagsulti sa daghang pinulongan, ug ang lain naghubad ini. 11 Kining tanan gihimo sa usa lang ug bugtong Espiritu nga naghatag sa matag usa sumala sa iyang gusto.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga hiyas nga nagasunod sa pagtulon-an nga Cristohanon diin atong isul-ob ang hiyas nga Cristuhanon pinaagi diha sa pagkamangindawaton, diha sa pagpaubos ug sa pagkamainantuson diin sa kanunay naga-ampo aron mapanalipdan batok sa gahum sa dautang espiritu.

Matod pa ang espiritu santo sa Diyos nagapuyo diha sa matagbinuhat niining kalibutana. 1 Corinto 3:16 nagaingon Ang lawas sa tawo maoy templo sa Diyos ug ang mopasipala sa templo sa Diyos nga mao kita nan pagalaglagon usab sa Diyos .

Apan nga matod pa lahi-lahi ang kinaiyahan sa matag-tawo sama nga lahi-lahi usab ang kinaiyahan sa matag espiritu santo sa Diyos nga nagapuyo kanato apan usa ra ang Diyos ug usa ra ang espiritu santo, kini maoy pagpasabot lamang sa dili masukod ug dili matugkad nga gahom ug kaalam sa Diyos kay walay tawo dinhi sa kalibutan nga gitugotan sa pagtugkad sa kaalam nga langitnon.

Usa ka panag-ingan ang balaang kasulatan diin gisulat kini ubos sa kabubut-on sa Diyos diin para sa uban ordinary nga basahon apan ang tinuoray, dili nato masabtan ang pulong diha sa balaang kasulatan kun wala kanato ang espitru santo sa Diyos, kay matod pa aron nimo kini masabtan nan i-ampo. Ug ihalad aron giyahan ka sa pagsabot niini.

Ang Diyos miingon nga ang una niyang tinawag ug pinili nga mga katawhan kadaghanan gayud mga inosente, diin walay mga tawhanong nga kaalam ug kinaadman. Kay matod pa modugay sa pagpuyo ang Espiritu santo diha sa kasingkasing sa tawo kun wala kaniya ang mga kaalam niining kalibutana, kay walay sagol ang iyang pagpangalagad ug pagtuo sa Diyos.

Kini nagpamatuod lamang diha ubang pulong sa balaang kasulatan nga nagaingon, 1 Corinto 28~30 “ Gipili sa Diyos ang mga tinamay ug mga sinalikway, kadtong giisip sa uban nga walay bili ,aron ipakita sa Diyos nga ang tawhanon nga kaalam ug kinaadman walay gamit didto sa iyang gingharian sa langit busa dili kini angay ipasigarbo. Kun duna may atong gipasigarbo kadto lamang mga milagro nga iyang gipasinati diha sa tagsa-tagsa nato ka kinabuhi

Ang Gahom Sa Anak

JUAN 5:19~25

• 19 Mitubag si Jesus, “Sultihan tamo.” Ang anak walay mahimo sa kaugalingon lang gawas sa makita niya nga gibuhat sa Amahan. Ang gibuhat sa Amahan buhaton sab sa anak, 20 kay ang Amahan nahigugma sa Anak nga iyang gipakita sa tanan niyang gibuhat. Pakitaon pa siya sa iyang Amahan og mga butang nga labi pang dagko kay ini aron mahibulong mo.

21 Ingon nga gibanhaw sa Amahan ang mga patay ug gihatagag kinabuhi, ang anak sab mohatag og kinabuhi kang bisag kinsa nga buot niyang hatagan. 22 Sa samang paagi, ang Amahan dili mohukom ni bisag kinsa. Gitugyan niya sa anak ang tanang hukom, 23 ug buot siya nga ang tanan magpasidungog sa Anak ingon nga nagpasidungog sila sa Amahan. Ang nagsalikway sa Anak nagsalikway sab sa Amahan nga nagpadala niya.

24 Sa pagkatinuod sultihan tamo, ang mamati sa akong pulong ug motoo sa nagpadala nako, makabaton sa kinabuhing dayon. Dili na siya hukman, kay naluwas siya gikan sa kamatayon ngadto sa kinabuhi. 25 Sultihan tamo, taliabot ang panahon, ug gani miabot na, kanus-a makabati ang mga patay sa tingog sa Anak sa Diyos ug mabuhi ang namati ini. 26 Kay ang Amahan may kinabuhi sa iyang

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa Diyos nga naga-ingon Ang Diyos anak ug ang Diyos Amahan usa ra. Colosas 1 :15 nagaingon Si Jesu Cristo Ang buhing larawan sa Dili makita nga Diyos Kay pinaagi kaniya gibuhat sa Diyos ang tanan nga atua sa langit ug ania sa yuta, makita ug dili makita mga gahum nga espirituhanon, mga puno-an, mga hari , ug ang tanan nga nagmando.

Diha sa ubang pulong nagaingon usab diha na si Jesu-Cristo sa wala pa ang kalibutan, siya maoy arkitekto nga tiglingaw sa Amahan. Juan 1:1 nagaingon. Sa wala pay nabuhat bisan unsa ang pulong diha na.Ang pulong uban sa Diyos ug uban sa Diyos. Juan 14: 6 nagaingon Ako ang dalan Ang kamatuoran ug Ang kinabuhi. Walay mahiadto sa Amahan kundili pinaagi kanako.

Si Jesu Cristo mao ang Alpha ug Ang Omega ang sinugdanan ug ang kataposan. Si jesus ang matuod nga kaluwasan, kay mao gayuy kabubut-on sa Amahan nga ang tanan nga gustong maluwas moagi kang Jesu Cristo, nga sa ato pa mga igsoon atong dawaton ug kalawaton si Jesu Cristo nga atong manunubos ug manluluwas ug matuod nga anak sa Diyos.

Juan 1: 17 nagaingon ang balaod gihatag sa Diyos pinaagi kang Moises apan ang grasya ug kamatuoran miabot pina-agi kang Jesu Cristo. Galacia 2: 16 nagaingon nga “ Nasayod kita nga giisip sa Diyos ang tawo nga matarong pinaagi sa pagtuo kang Jesu Cristo ug dili sa pagtuman sa balaod, kay walay matarong diha sa atubangan sa Diyos pinaagi lamang sa pagtuman sa balaod.
Nan mga igsoon unsa man ang katoyuan sa Diyos sa pagpakatawo sa iyang bugtong anak dinhi sa kalibutan? Una mao gayud ang pagluwas kanatong tanan pinaagi sa pagsakripisyo sa iyang kinabuhi atron malukat ang atong kasal-anan ug ang ikaduha mao gayud ang pagpasabot sa mga balaod nga gisangyaw ni Moises.

Mateo 5: 17~20 Nagaingon si Jesus: Ayaw ninyo huna-hunaa nga mianhi ako aron sa pagsalikway sa mga balaod ni Moises ug sa mga pagtulon-an sa mga propeta, Kundili mianhi ako aron sa paghubad sa insaktong kahulogan niini. Samtang may langit pa ug yuta walay badlis ni gamay nga parte sa balaod nga saylo-an kundili matuman ang tanan. Kay si kinsa man ang wala magatuman sa gamay nga parte sa balaod ug nagatudlo sa uban sa pagbuhat sa ingon, mamahimong iwit didto sa gingharian sa langit, apan ang nagasunod sa mga balaod ug magatudlo sa uban sa pagbuhat sa ingon nan mamahimong dako didto sa gingharian sa langit. Sultihan ko kamo nga dili kamo makasulod sa gingharian sa langit kun ang inyong pagtuman sa kabubut-on sa Diyos sama lamang nianang mga magtutudlo sa balaod ug sa mga pariseo.

Mga Saksi Ni Jesus

JUAN 5: 30~47

• 30 Wala koy mahimo sa akong kaugalingon. Kinahanglan nga mamati ko sa Lain nga mohukom. Tarong ang akong hukom, kay wala ko magtinguha sa kaugalingong kabubut-on kondili, sa nagpadala nako. 31 Kon nagsaksi ko sa kaugalingon, walay kapuslanan ang akong isulti. 32 Apan ang Lain nagsaksi nako. Nahibawo ko nga ang iyang pagsaksi tinuod. 33 Si Juan sab misaksi sa kamatuoran sa inyong pagpadala niyag mga sinugo. Apan wala ko mangita sa tawhanong saksi. 34 Gipahinumdoman tamo ini aron maluwas mo.

35 Si Juan sama sa sugang nagdilaab ug gikahimut-an ninyo ang pagpahimulos sa makadyot sa kahayag. 36 Apan may nagsaksi nako nga labaw ni Juan – ang mga buluhaton nga gitugyan kanako sa akong Amahan. Ang mga buhat nako nagmatuod nga pinadala ko sa Amahan. 37 Busa, ang nagsaksi nako mao ang Amahan nga mipadala nako. Wala pa ninyo madunggi ang iyang tingog, ug wala mo makakita sa iyang nawong. 38 Kon dili mo motoo sa iyang sinugo wala ninyo ang iyang pulong.

39 Nangita mo sa kinabuhi diha sa kasulatan, kay nagtoo mo nga dinha inyo ning makaplagan. Nagsaksi nako ang Kasulatan. 40 Apan midumili mo pagduol nako aron mabuhi. 41 Wala ko mangandoy nga daygon sa katawhan. 42 Nasayod ko nga wala ninyo ang gugma sa Diyos. 43 Wala ko ninyo dawata bisag mianhi ko sa ngalan sa akong Amahan; kon may laing moanhi sa kaugalingong ngalan dawaton siya. 44 Unsaon man ninyo pagtoo kon nagdayeg mo sa inyong gitinguha, inay sa Himaya nga gikan sa Diyos?

45 Ayawg hunahunaa nga isumbong tamo sa Amahan. Si Moises mismo nga inyong gilaoman ang magsumbong ninyo. 46 Kon nagtoo mo ni Moises, motoo sab mo nako, kay nagsulat man siya bahin nako. 47 Apan kon wala mo motoo sa iyang gisulat, unsaon man ninyo pagtoo sa akong mga pulong?

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga tinawag ug mga pinili nga katawhan sa Diyos niadtong panahuna maoy buhing saksi diha sa kamatuoran nga gisangyaw ni Jesu Cristo. Apan daghang mga Judio ug mga dili Judio ang wala usab motuo diha sa mga pagtulon-an ni Jesu Cristo, ug kini aron matuman ang laing bahin sa kasulatan nga nagaingon: “Ang anak sa Diyos sa iyang pagpakatawo dinhi sa kalibutan pagalutoson gayud diin maoy usa ka buhing ehemplo nga kun ikaw nagasunod diha sa pagtulon-an ni Jesu Cristo nan makaambit ka gayud sa mga paglutos

Duha na ka libo ka tuig kapin ang milabay sukad nga ang Diyos nagpakatawo diin sinaksihan sa daghang mga tumutuo gikan sa iyang pagkamatay hangtod na sa iyang pagkabanhaw, diha sa Buhat 1: 10 nagaingon kadto duha ka binuhat nga nagbiste ug lubos puti “Mga taga-Galilea nganong nagsige kamo ug hangad didto sa langit, wala ba kamo masayod nga si Jesu Cristo nga gibayaw sa langit mobalik sa samang paagi sa iyang pagbayaw.
Diha niining panahuna karon diin kita misulod na sa ikatulong siglo, ang siglo sa espiritu santo sa Diyos nga nagbalik-balik pinaagi diha sa iyang mga tuburan o propeta aron sa pagpasabot sa ensaktong kahulugan ug kabubut-on sa Diyos Amahan. Diin matod pa katuyo-an sa Diyos nga modagsang kining daghang pagtulon-an dinhi sa kalibutan diin aduna nay 46,000 ka pagtulon-an diin ang tanan nagapasidungog sa Diyos, Diin maoy gusto gayud sa Diyos nga pinaagi sa daghang pagtulon-an mahibaw-an sa tanan nga usa lamang ang Diyos.

Matod pa nga dili lang kay kini ra nga pagtulon-an nga atong gibarugan diin ang Diyos adunay pinili , aduna usab siya pinili diha sa lain-laing pagtulon-an, Apan mahibaw-an ninyo nga kanang pagtulon-an nga imong gibarugan iya sa Diyos kay maka-ambit gayud kamo sa mga paglutos. Kini nagpamatuod lamang nga higpit, tunokon ug batoon ang dalan paingon ngadto sa gingharian sa langit diin dyutay ra ang makaagi niini,

Apan ang dalan paingon sa kalaglagan sa imong kalag halu-ag ug halapad ug anaa lamang kining mga dalana dinhi sa ibabaw sa kalibutan, sama nianang mga patay-sindi ang ilaw, diha sa mga kahilayan ug mga tawhanon nga kailibgon, Diin matod pa bulahan pa kadtong mga katawhan nga mga inosente pa sa kamatuoran nga nahisalaag diha sa maong mga dalan kay aduna pay pasaylo ang Diyos alang kanila apan kita nga nahigmata na niining maong kamatuoran ug sa higayon nga mobalik niadtong maong halapad nga dalan , nan alaot sa tanang alaot kay wala nay pasaylo pa ang Diyos para kanato.

Usa Ka Balangay Sa Samaria Wala Modawat Kang Jesus

LUCAS 9: 51~55

51 Sa nagkaduol na ang panahon sa pagbayaw ni Jesus sa langit, mihukom siya sa pag-adto sa Jerusalem. 52 Nagpadala siyag mga sinugo sa pag-una niya. Misulod sila sa usa ka balangay sa Samaria aron pag-andam sa balay nga iyang sak-an. 53 Apan wala siya dawata, kay paingon man siya sa Jerusalem. 54 Busa, miingon kaniya ang mga tinun-an, si Jaime ug si Juan: “Ginoo, buot ka bang magtawag mig kayo sa langit aron paghimo nilang abo?” 55 Gilingi sila ni Jesus ug gibuyag. 56 Mipadayon sila sa laing lungsod.

PAGPAAMBIT SA MENSAHE:

Ang maong ebnaghelyo maoy pagpasabot lamang diha sa atong pagsangyaw sa pulong sa Diyos diha sa mataglugar nga atong adto-an, Diin nagaingon ang iyang mga pulong “ Isangyaw ang akong ngalan , makausa, makaduha ug sa makatulo lamang, kundili maminaw nan biya-i sa walay paglingi, kay wala ipamugos ss Diyos ang iyang ginghari-an sa langit ug labaw sa tanan ang kaluwasan ngadto sa kinabuhing dayon wala kini ipamugos.

Busa mag igsoon ang pagsangyaw sa mga pulong sa balaang kasulatan dili mosugot ang Diyos nga dibatihan ang iyang mga pulong diha niining maong basahon. Kay bisan pa ug magbuntag kamo ug lalis diha sa mga pagtulon-an niining maong basahon kun usa kaninyo wala si Jesu Crsito magapuyo sa iyang kasingkasing nan dili gayud kamo magdaug ug walay gayuy modawat nga siya sayop

Kay matod pa diha sa ubang pulong sa balaang kasulatan (Lucas 17:20~21) Ang paghari sa Diyos dili butang nga inyong makita, walay makaingon nga ani-a ra o atua ra kay ang paghari sa Diyos anaa sa sulod ninyo. Busa mga igsoon atong ipahari ang Diyos diah sa tagsa-tagsa nato ka kasing-kasing pinaagi sa pagsunod sa mag aksugo-an niini maong balaang basahon.

Kay matod pa sa mga pulong sa atong langitnong inahan didto sa iyang mga milagro nga gipasinati sa Fatima, Portugal kaniadtong May 13, 1917, nagaingon siya nga katungdanana gayud sa usa ka magtutuo ang pagsangyaw sa kamatuoran nga iyang gibarugan, kay tulobagon usab sa usa ka magtutuo kun adunay kalag nga natunaw didto sa impyerno tungod lamang kay wala niya masangyawi sa maayong balita apan bulahan usab ang usa ka magtutuo nga diha sa iyang pagsangyaw adunay usa ka kalag nga naluwas kay sama ra man unya nga naluwas niya ang iyang kaugalingong kalag.

Ang Dili Batok Kaninyo Dapig Kaninyo

LUCAS 9: 49~ 50

49 Mitubag si Juan: “Magtutudlo, may nakit-an ming nagpapahawag yawa sa imong ngalan. Apan gidid-an siya namo, kay dili siya uban namo.” 50 Apan, miingon si Jesus: “Ayaw siyag did-i. Ang dili batok ninyo, kaabin ninyo

PAGPAAMBIT SA MENSAHE:

Ang maong ebanghelyo maoy pagpasabot lamang nga ang tanan nga nagasangpit ug Diyos ug ang tanan nga nagasunod o nagatuo sa pagtulon-an nga kristuhanon angay natong respetuhan ug dili yubiton. Usa na niini maong panag-ingnan ang pagdagsang sa daghan relihiyon o mga pagtulon-an dinhi sa ibabaw sa kalibutan diin matod 46,000 na ka relihiyon o pagtulon-an ang narehistro ug nagasangpit usab sila sa atong Diyos.

Apan matod pa kabubut-on sa Diyos ang tanan aron madayag nga daghang pagtulon-an apan usa lamang ang Diyos. Apan diha sa ubang pulong sa balaang kasulatan nagaingon Dili ang tanan nagasangpit ug “Diyos ko” makasulod sa gingharian sa langit kundili kadto lamang nagatuman ug nagasunod sa iyang kasugo-an

Diha sa ubang pulong sa Diyos miingon siya nga mahibaw-an ninyo kun ang inyong pagtulon-an nga inyong gisunod iya ba gayud sa Diyos kay maka-ambit gayud kamo sa mga paglutos. Kay ang balaang kasulatan nagaingon kun gidawat nimo si Jesu Cristo nga imong Diyos ug manluluwas nan mahi-apil ka gayud sa mga paglutos.

Kay matod pa diha sa ubang pulong sa balaang kasulatan “Kun gusto nimong daygon ug himaya-on didto sa gingharian sa langit nan puy-I ang kinabuhi nag puno sa pagpaubos ug mga paglutos dinhi sa ibabaw sa yuta, pas-ana ang imong krus ug sunod sa mag pagtulon-an nag gisangyaw ni Jesu Cristo. Kay bulahan ka nga nakaambit diha sa mga kasakitan ni Jesu Cristo diha sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Kinsa Ang Labing Dako

LUCAS 9: 46~48

• 46 Unya, naglalis ang mga tinun-an kon kinsay labing dako nila. 47 Nakamatikod ini si Jesus. Busa, nagkuha siyag bata nga gipabarog sa tupad. 48 Miingon siya: “Ang modawat ining bataa sa akong ngalan, modawat nako. Ang modawat nako, modawat sa nagpadala nako. Kay ang labing gamay diha ninyo madako.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa balaang kasulatan nga naga-ingon ang nagpaka-ubos dinhi sa ibabaw sa yuta nan mamahimong dako didto sa gingharian sa langit apan ang nagpasigarbo ug nagpataas sa iyang kaugalingon dinhi sa ibabaw sa yuta mamahimong iwit ug dili ilhon didto sa ginghari-an sa langit, Kay si kinsa kadton nagpataas ipaubos ug kadtong nagpaubos mao ang ipataas.

Diha niining maong ebanghelyo din malalis ang mga tinun-an kun kinsa kanila ang labing taas apan si Jesus mikuha ug usa ka bata isip panag-ingnan nga maoy simbolo nga makasulod sa gingharian sa langit nan sa ato pa mga igsoon ang gingharian sa langit alang niadtong mga katawhan nga inosente diha sa mga pulong o kaalam niining kalibutana.

Diin matod pa sa ubang pulong sa Diyos ang una nilang mga tinawag nga mga katawhan mga hubo sa kaalam nga tawhanon hubo sa bahandi nga tawhanon, sa laktod inosente sa mga butang ug kaalam nga kalibutanon kay ang espiritu santo makadugay man pagpuyo diha kanila.

Nagpasabot lamang mga igsoon nga ang kaalam nga tawhanon halayo gayod sa gingharian sa langit, busa ang balaang kasulatan nagaingon nga mas maayo pa nga magpuyo ka nga daw sama sa langyaw niining kalibutana apan haom didto sa gingharian sa langit diin biyaan nimo ang tawhanon nga mga kailibgon ug mga tawhanon nga mga buhat..

Diha usab sa ubang pulong sa balaang kasulatan nagaingon, 1 Corinto 1:28~30, Gipili sa Diyos ang mga tinamay ug mga sinalikway, o kadtong mga katawhan nga giisip sa uban nga walay pulos, aron sa pagpaila nga walay bili ang giisip sa tawo nga maoy mahinungdanon, aron wala gayuy magpasigarbo diha sa atubangan sa Diyos. Kay walay lain natong ipasigarbo diha sa atubangan sa Diyos kundili kadto lamang mga milagro nga iyang gipasinati sa tagsa-tagsa nato ka kinabuhi.

Dili Kamo Makaadto Sa Akong Adto-an

JUAN 8:21~30

21 Si Jesus misulti pag-usab, “Molakat ko, ug bisag mangita mo nako, mangamatay mo sa inyong sala. Dili mo makaadto sa akong adtoan

22 Busa, ang mga Judio natingala, “Nganong miingon siya nga dili ta makaadto sa iyang adtoan? Magpakamatay ba siya?” 23 Apan si Jesus miingon, “Gikan mo sa ubos, apan ako, sa taas. Gikan mo ining kalibotana. Ako, dili. 24 Busa, gisultihan tamo nga mangamatay mo sa inyong sala, kon dili mo motoo nga ako mao Siya.”

25 Nangutana sila, “Kinsa ka diay? Mitubag si Jesus, “Gisulti ko na sukad pa sa sinugdan, 26 Daghan kog ikasulti ug ikahukom batok ninyo. Apan matinud-anon ang nagpadala nako. Ang nadungog ko gikan niya akong gisangyaw sa kalibotan.
27 Wala sila makasabot nga ang iyang gihisgotan mao ang Amahan.

28 Miingon si Jesus, “Kon inyo nang iisa ang Anak sa Tawo, masayran ninyo nga ako mao Siya. Wala koy mabuhat sa akong kaugalingon, apan nagsulti ko sumala sa gitudlo kanako sa akong Amahan. 29 Ang nagpadala nako uban. Wala ko niya pasagdi nga mag-inusara, kay buhaton ko ang makapahimuot niya.” • 30 Sa pagsulti ni Jesus sa ingon, daghan ang mitoo niya.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha unya sa pagbalik ni Jesu Crsito sa iyang Amahang Diyos maoy usa ka kadaogan ngadto sa tahas nga gisangon sa iyang Amahang Diyos. Pilipos 2: 8 nagaingon diha na kainiya ang kinaiyahan sa usa ka Diyos, , apan wala niya maghuna-huna pagpakigtupong sa Diyos pinaagi sa kusog kundili sa iyang kaugalingong kabubut-on iya kining gibiyaan, Ug gisul-ob niya ang kinaiya sa usa ka sulogoon.

Natawo siya sama kanato ug makita siya ingon nga tawo . Nagpakaubos siya ug nagmasinugtanon hangtod sa kamatayon ang iyang kamatayon sa krus. Tungod niini gituboy siya sa Diyos ngadto sa kinatas-ang dapit sa kalangitan ug gihatagan siya ug ngalan labaw sa tanang ngalan. Busa mangluhod ang tanang binuhat nga atua sa langit ug sa yuta ug sa ilalom sa yuta sa pagpasidungog sa ngalan ni Jesu Cristo.

Nagpasabot almng ang Diyos Jesu Cristo nag as iay unyang paghiabalik sa langit mao ang kadaugan sa kinatibuk-ana niyan tahas ug aron kitan mga katawahan ga dili mahiadto sa silotsa kalayo as impyerno atong isul-ob ang kiyahan sa iyos espiritu sanato diin anaa ang pagkamanindawato u gang pagpaubos u gang kanunay nag mag pag-ampo, diin diha unya sa pagsaka niya a langit ug hangtod sa iayng paghibalik dinhi as yuta alang sa katapoasng paghukom ang balaang kasulatan nagasugo hayud sa paglikay skanatong tanan sa pagpakasala, sa pagpuasa sa mag kasal-anan ug puy-an ta ang kianubhi ang lklangyaw niinin gkalibutana apan ha-om didto sa iyang ginharian.

Diah sa auabngaplong sa Diyos nagaingon ngakun Gusto nimo nga himayaon ug daygon didto sa gingharian sa langit nan puy-I ang kinabuhi nag puno sa pagpaubos puno sa pagamaindaawton ug pagdawat sa mag aksakitan ug mag paglutos pas-ana ang imong krus sa kinabuhi ug sunod sa mag pagtulon-an nga gisangyaw ni Jesu Cristo, kay bulahan ka nga nakaambit diah sa mag kasakitan ni Jesu Crito sa krus kay makaambit ka usabsa himaya sa iayng pagkabanhaw didto sa iyang ginghariaan sa langit.

Ang Pulong Nga Naghatag Ug Kinabuhi

JUAN 6:60~70

60 Sa pagkadungog ini sa daghan niyang tinun-an, miingon sila, “Lisod kaayo ang maong pagtulun-an. Kinsay modawat ini?”
61 Nahibawo si Jesus nga nagbagulbol sila busa, miingon siya, Nasakit ba mo?
62 Kon mao na, unsay inyong buhaton kon makakita mo sa Anak sa Tawo nga mokayab balik sa iyang gigikanan? 63 Ang Espiritu naghatag og kinabuhi; dili makatabang ang unod. Ang mga pulong nga akong gisulti mao ang Espiritu; duna ni kinabuhi. 64 Apan may pipila ninyo nga wala motoo.
Nahibawo si Jesus sukad pa sa sinugdan kinsay mobudhi niya. 65 Mipadayon siya, “Sumala sa ako nang giingon, walay makaduol nako gawas kon motugot ang Amahan.”
66 Busa, daghan sa iyang tinun-an mibiya ug wala na manguban. 67 Miingon si Jesus sa 12, “Mobiya sab mo?” 68 Mitubag si Simon Pedro, “Ginoo, kinsay among kapaingnan? Naa nimo ang mga pulong sa kinabuhing dayon. 69 Nagtoo mi ug nasayod nga Balaan kang Diyos.”
70 Mitubag si Jesus, “Akoy mipili ninyo, ang 12, dili ba? Apan daotan ang usa ninyo.” 71 Si Judas, anak ni Simon Iskariote, ang iyang gipasabot nga mobudhi niya, usa sa 12.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa balaang kasulatana nag nagaingon. Juan 14:6, nagaingon ko ang dalan ang kamatuoran ug ang kinabuhi,Walay makaadto sa Amahan kundili moagi kanako. Juan 1:1 nagaingon, Sa wala pay nabuhat bisan unsa ang pulong diha na, Ang pulong uban sa Diyos ug ang pulong Diyos. Juan 1:14 nagaingon “ Ang pulong nahimong tawo ug mipuyo uban kanato.

Matod pa ni Jesu Cristo diha niining maong ebanghelyo, nga ang iyang pulong nga giluwatan espiritu ug aduna kini kinabuhi. Kay diah sa ubang pulong sa balaang kasulatan nagaingon diha na siya sa wala pa matukod ang kalibutan, diin siya maoy arkitekto nga tiglingaw sa iyang Amahan Diyos. Diha na usab siay sa panahun ni Moises didto sa bukid sa kaminawan diin dipangulohan ni Moises ang pgakagiw sa mag kawatahn gikan sa Ehipto paingon sa yuta sa mag saad ang yuta nga gisaad sa Diyos kang Abraham. Si Jesu Cristo kadton maong bato nag nagauban kan Moises isip maoy giya diah sa iyang mag bulohaton.

Siya ang pan sa kinabuhi nga gipanaog sa Amahan aron si kinsa man ang makadawat ug makakaon sa iyang mga espirituhanon nga mga pagtulon-an nan magiyahan paingon ngadto sa kaluwasan pinaagi diha sa kinabuhing walay kataposan. Ug labaw sa tanan siya ang pulong nga nagpakatawaoo ug mipuyo uban kanato ug mipuyo uban kanato. Juan 1: 17 nagaingon Ang balaod gihatag sa Diyos pinaagi kang Moises apan ang grasya ug kamatuoran miabot pinaagi kang Jesu-Cristo.

Galacia 2 :16 naagaingon nasayod kita nag isipon lamng sa Diyos nag matarong ang usa ka tawo pinaagi sa pagtuo kang Jesu Cristo ug dili sa pagtuman ni sa balaod, ang mma balaod nga giasngyaw ni moises. Nagapasabot lamang mag igsoon nga walay laing kaluwasan nga atong masaligan ug mao lamang ang atong pagtuo kang Jesu Cristo. Kay matod pa diha sa ubang pulong sa balaang kasulatan bisan kadtong mga mainampo-on diha unya a ialng kamatayon dili sil;a makasiguro kun asa makapaingon ang ilang kalag nan unsa na unya kadtong walay mga pag-ampo asa kaha paingon ang ilang mga kalag.

Kay ang kaluwasn nag gisaad sa Diyos pinaagi kang Jesu Cristo dili kini siya premyo tungod sa mag maayong buhat kundili grasya kini ug gasa gikan sa Diyos aron sa ingon walay makapasigarbo diah sa atuabangn s diyos nga siya maluwas tungod sa iyang mag maayong buhat ka yang kaluwasan nagsumaikad sa gugma ug grasya giakan sa Diyos.

Si Jesus Ang Pan Nga Naghatag Sa Kinabuhi

JUAN 6:25~59

25 Dihang nakita nila siya sa tabok sa lanaw, nangutana sila, “Maestro, kanus-a ka miabot?”
26 Si Jesus mitubag: “Sultihan tamo, gipangita ko ninyo dili tungod sa mga milagro nga akong nahimo kondili, tungod sa pan nga inyong nakaon nga nakabusog ninyo. 27 Paghago mo, dili alang sa kalan-on nga madunot kondili, sa molungtad ug makahatag sa kinabuhing dayon. Ang Anak sa Tawo mohatag ini kaninyo kay ang gipatikan sa Diyos nga Amahan.

• 28 Gipangutana siya sa mga Judio, “Unsay among buhaton? Unsay ipabuhat kanamo sa Diyos?” 29 Mitubag si Jesus, “Nga motoo mo sa iyang gipadala.”
30 Busa, miingon sila, “Pakitaa mig mga kahibulongan aron makatoo mi. Unsay imong timailhan? 31 Ang among katigulangan nangaog manna sa kamingawan. Sumala sa kasulatan, Gihatagan silag pan gikan sa langit nga ilang makaon”.
32 Si Jesus miingon, Sultihan tamo, dili si Moises ang mihatag og pan gikan sa langit. Ang Akong Amahan naghatag ninyo sa tinuod nga pan. 33 Ang pan nga gihatag sa Diyos mao Siya nga nanaog gikan sa langit ug naghatag og kinabuhi sa kalibotan.” 34 Busa, miingon sila, “Ginoo, hatagi mi kanunay sa maong pan.”
35 Si Jesus miingon, “Ako ang pan nga naghatag og kinabuhi.” Ang moduol nako dili na gutomon ug uhawon. 36 Apan sumala sa giingon ko na, nakakita na mo, apan midumili mo pagtoo. 37 Gani ang gihatag kanako sa akong Amahan moari nako, ug ang moari nako dili ko isalikway. 38 Kay nanaog ko gikan sa langit dili aron pagbuhat sa akong kabubut-on kondili, sa kabubut-on sa nagpadala nako. 39 Ang kabubut-on sa nagpadala nako mao nga dili ko kawad-an bisag usa sa iyang gihatag nako hinunoa, banhawon ko kini sa kataposang adlaw. 40 Kini ang kabubut-on sa akong Amahan, Ang makakita sa Anak ug motoo niya makabaton sa kinabuhing dayon, banhawon ko siya sa kataposang adlaw.”
41 Ang mga Judio nagbagulbol, kay miingon si Jesus, “Ako ang pan gikan sa langit.” 42 Miingon sila, “Dili ba, si Jesus man siya, ang anak ni Jose? Dili ba, kaila man nato ang iyang amahan ug inahan? Nganong miingon man siya nga gikan siya sa langit?”
43 Mitubag si Jesus ug miingon, “Ayawg bagulbol. 44 Walay makaduol nako gawas kon dad-on siya sa Amahan nga nagpadala nako, ug ban-hawon ko sila sa kataposang adlaw. 45 Nasulat sa mga propeta, Tudloan silang tanan sa Diyos. Busa, ang mamati sa Amahan ug makat-on gikan niya, moduol nako.
46 Walay nakakita sa Amahan gawas sa gikan sa Diyos. Siya ray nakakita sa Diyos. 47 Sultihan tamo, ang motoo nako may kinabuhing dayon.

• 48 Ako ang pan sa kinabuhi. 49 Mikaon sa manna ang inyong katigulangan, apan nangamatay sila. 50 Ania ang pan gikan sa langit. Ang mokaon ini dili mamatay.
51 Ako ang pan sa kinabuhi gikan sa langit. Ang mokaon ini mabuhi sa kahangtoran. Ang pan nga akong ihatag mao ang akong unod aron mabuhi ang kalibotan.
52 Naglalis ang mga Judio ug miingon, “Unsaon man ining tawhana paghatag sa iyang unod aron kan-on? 53 Miingon si Jesus “Sultihan tamo, kon dili mo mokaon sa unod sa Anak sa tawo ug moimnon sa iyang dugo, dili mo makabaton sa kinabuhi. 54 May kinabuhing dayon ang mokaon sa akong unod ug moinom sa akong dugo. Banhawon ko siya sa kataposang adlaw.
55 Ang akong unod tinuod nga kalan-on ug ang dugo tinuod nga ilimnon. 56 Ang mokaon sa akong unod ug moinom sa akong dugo magpuyo dinhi nako ug ako diha niya. 57 Ingon nga ang Amahan nga mao ang kinabuhi, nagpadala nako ug nagkinabuhi ko diha niya, sa samang paagi, ang mokaon nako mabuhi. 58 Kini ang Pan nga gikan sa langit, lahi sa pan nga gikaon sa inyong katigulangan nga nangamatay. Ang mokaon sa maong pan mabuhi sa kahangtoran.” 59 Kini ang gisulti ni Jesus sa Cafarnaum sa pagtudlo niya sa sinagoga.

PAGPAAMBIT A MENSAHE:

Ang maong ebanghelyo maoy pagpasabot lamang sa mga nahaunang nahisulat. Diin mao gayuy kabubut-on sa Amahan nga ang iyang bugtong anak magpakatawo aron sa pagluwas sa atong mga sala diin diha niining maong ebanghelyo gihimong sambingay ni Jesus ang iyang kaugalingon isip pan nga si kinsa kadtong makakaon makaangkon sa kinabuhing dayon ug dili na gayud gutmon. Kini nagpasabot lamang nga kun atong kalawaton ug himoon ang mga pagtulon-an nga gisangyaw ni Jesus pinaagi niining basahon nga balaan nan pinaagi sa grasya ug bendisyon sa Diyos mahatagan kita sa kinabuhi nga walay kataposan.

Diha sa ubang sinulat naga-ingon Juan 1:17, Ang balaod gihatag sa Diyos sa kalibutan pinaagi kang Moises apan ang grasya ug ang kamatuoran mi-abot pinaagi kang Jesu Cristo. Galacia 2 : 16 nagaingon usab “ Nasayod kita nga isipon lamang sa Diyos nga matarong ang tawo pinaagi sa pagtuo kang Jesu Cristo ug dili tungod sa pagtuman sa mga balaod nga gisangyaw ni Moises .

Mga igsoon nasayod kita nga si Jesus Cristo mao ang nagatukod niinin pagtulon-an sa ikaduhang siglo diin gitawag kini ug “universal religion” o gitawag nga Catholic, nan daghang mga pulong sa unang kasulatan nga nausab ug ang ubanwala na kaayo masabti sa mga katawhan ilabi na niining panahuna, kay matod pa ang atong pagsabot sa balaang kasulatan pinaagi man diha sa kaalam nga tawhanon, mga kaalam nga iya niining kalibutan. Diin mao kin ang nakamugna ug mga nagkalain-laing interpretasyon diha niining bag-ong kasulatan.

Apan dayag ug tataw ang mga pulong sa Diyos nga nagaingon nga Siya ang pan nga nagahatag ug kinabuhing dayon. Apan wala kini nagpasabot nga hikalimtan nato ang mga kasugo-an sa unang kasulatan. Mateo 5: 17 nagaingon Si Jesu Cristo “ Ayaw ninyo huna-huna-a nga mianhi ako aron sa pagsalikway sa mga balaod ni Moises ug sa mga pagtulon-an sa mga propeta, Kundili mianhi ako aron sa pagpasabot sa insaktong kahulogan niini. Kay samtang may langit pa ug yuta, ni badlis o gamay nga bahin sa balaod dili gayud kini saylo-an hangtod dili matuman ang tanan. Si kinsa man ang dili mosunod sa gamay nga bahin sa balaod ug nagatudlo sa uban sa pagbuhat sa ingon mamahimong iwit didto sa gingharian sa langit apan kadtong nagasunod sa balaod ug nagatudlo sa uban sa pagsunod niini mamahimong dako didto sa gingharian sa Diyos. Busa sultihan ko kamo dili gayud kamo makasulod sa gingharian sa langit kun ang inyong pagtuman sa kasugo-an sa Diyos sama lamang nianang mga magtutudlo sa balaod ug mga pariseo.

Nagpasabot lamang kini mga igsoon nga diha sa pagtuman nato sa kasugo-an sa Diyos atong gamiton ang mga pagtulon-an nga gisangyaw mismo ni Jesu Cristo diin mao kini ang pagsul-ob sa hiyas sa espiritu santo sa Diyos diin sa kanunay atong ibalaan ang atong kasingkasing ug huna-huna aron sa ingon magsumikad diha sa atong kasingkasing ug sa giya sa espiritu santo sa Diyos ang atong pagsunod sa iyang kabubut-on

Nagtudlo Si Jesus Mahitungod Sa Pagpakigbulag

MATEO 19: 1~12

19 • 1 Human manudlo si Jesus, mi- biya siya sa Galilea ug miadto sa probinsiya sa Juda, gawas sa Suba Jordan. 2 May dakong pundok sa katawhan nga misunod niya. Didto iyang giayo ang ilang masakiton.

3 Unya, miduol ang pipila ka Pariseo. Buot nilang bikton si Jesus busa, na-ngutana sila: “Gitugot ba sa balaod ang pagbulag sa asawa sa bisan unsang katarongan?”
4 Si Jesus mitubag: “Wala ba mo makabasa nga sa sinugdan ang Mag-bubuhat mibuhat nila nga lalaki ug babaye? 5 Ug miingon: Tungod ini mobiya ang lalaki sa amahan ug ina-han ug motipon sa asawa aron mahi-mo silang usa ka karne. 6 Busa, dili na sila duha ka lawas, kondili usa. Walay makabulag sa gihiusa sa Diyos.”

7 Nangutana sila: “Unya, nganong nagsugo man si Moises sa pagsulat og kalig-onan sa pakigbulag alang sa diborsyo?” 8 Si Jesus mitubag: “Si Moises nasayod sa katig-a sa inyong kasingkasing. Hinunoa, gitugtan mo sa pagbulag sa asawa. Apan dili ni mao sa sinugdan. 9 Busa, sultihan tamo: Ang makigbulag sa asawa gawas kon tu-ngod sa pagluib, ug makigminyo sa lain, nakapanapaw.”

10 Ang mga tinun-an miingon: “Kon mao nay kahimtang sa minyo, mas maayo pang dili magminyo.” 11 Giingnan sila ni Jesus: “Dili ang tanan maka-dawat sa maong mga pulong kondili, ang nakadawat lang sa gasa. 12 Ang uban natawo nga dili makaminyo. Ang uban naingon ana tungod sa laing tawo. Apan dunay uban nga dili mag-minyo tungod sa Gingharian sa Langit. Ang makadawat ini, padawata.”

PAGPAAMBIT SA MENSAHE:

Ang maong ebanghelyo maoy pagpasabot lamang nga ang gihius sa Diyos dili mahimong buwagon sa yawao ngaa ato pa ang kaminyoon uas ka sagrado nga bulohaton nga gipanalanginan sa naglan sa Diyos. Busa kinahanglan nag ang mosulod as salag as kaminyoon nahiuas diha a kasugo-an as iyos ug nahiusa usab diah sa matrimonya sa kaminyoon isip bana ug asawa nga sa ato pa mga igsoon inisolod nimo sa kaminyoon nan bugton kamatayon lamang ang makabulag niini.

Diin bana ug asawa magatambayayong sa pag-areglar sa ialng pamilya sebo as kabubut-on sa Diyos kay anagy molambo ang kamiyoon oibnaagi diah sa pagsunod s mag pagtulon-an nga gisangyaw as Diyos. Ingon nga ang bana maoy ulo sa pamilya ug maouy simbolo ni Jesu Crsito u gang aaswa maoy kahayag sa panilamaly diin diha kaniya amgsumikad ang mag pagtulon-an nag maoy gabay diah sa mamahimo niyang anak.

Matod pa diah sa aubang sinulat nag mas bulahan ang binuhata nag dili na lang magminyo aron sa hingpit iyang i-alagad ang iyang kinabuhi sa Diyos apan as pagbuhat niya as ingon makamugna man lang siya ug sala nan mas maayo nga magminyo na lang sila.

Ang Mga Mamumuo Sa Parasan

MATEO:20:1~20

20 • 1 May tawong yutaan nga misa- yog lakaw aron pagpangitag kasuholan alang sa iyang parasan. 2 Ang mga mamumuo miuyon sa suhol nga usa ka salapi ang adlaw. Busa, gipaadto sila sa parasan.

3 Mibalik siya sa mga alas nwebe sa buntag. Ug nakita niya sa kadalanan ang mga tawo nga walay buhat. 4 Miingon siya: “Lakaw pod mo sa akong parasan ug suholan tamo sa husto.” Ug miadto sila.

5 Ang tag-iya misuroy pag-usab sa pagkaudto ug sa alas tres sa hapon. Nangita siyag dugang pang mamumuo. 6 Sa kataposan migawas siya sa kinaulahiang takna sa pamuo ug nakita niya nga may ubang nagtindugtindog lang. Busa, giingnan sila: “Nganong wala moy gibuhat sa tibuok adlaw?” 7 Mitubag sila: “Walay mipatrabaho namo.” Ang agalon mitubag: “Lakaw ug trabaho sa akong parasan.”

8 Sa gabii ang tag-iya miingon sa tigdumala: ‘Tawga ang mga mamumuo ug suholi sugod sa naulahi ngadto sa nauna.’ 9 Ang nagtrabaho sa kata-posang takna nangabot, ug gihatagag tagsa ka dinaryo (usa ka salapi) ang matag usa. 10 Naghunahuna ang unang gipatrabaho nga makadawat silag la-baw. 11 Apan nakadawat sab silag tagsa ka dinaryo, ug nagbagulbol.

12 Miingon sila: ‘Ang naulahi wala gani makatrabaho bisag usa ka oras. Apan imo silang gisuholan og sama sa nadawat namo nga nag-antos sa ka-budlay ug kainit!’ 13 Ang tag-iya mii-ngon sa usa nila: ‘Higala, wala tikaw lupigi. Dili ba, nagkasabot man ta sa usa ka dinaryo ang adlaw? 14 Busa, dawata ang imoha ug lakaw. Buot kong mohatag sa naulahi og sama sa akong gihatag ninyo. 15 Wala ba koy katungod sa pagbuhat sa akong gusto sa akong salapi? Nganong nasina ka sa akong kaayo?’
16 Sa ingon, ang ulahi mauna, ang una maulahi.”

17 Sa pagpadulong ni Jesus sa Jeru-salem, gidala niya ang 12 ka tinun-an. Sa diha pa sa dalan gisultihan sila: 18 “Tan-awa, nagpadulong ta sa Jerusalem. Didto ang Anak sa Tawo itugyan sa mga pangulong pari ug magtutudlo sa Balaod nga mohukom niya sa kamatayon. 19 Itugyan siya sa mga langyaw nga moyagayaga, molatos ug molansang niya sa krus. Apan maban-haw siya sa ikatulong adlaw.

• 20 Unya, ang inahan ni Jaime ug Juan uban sa mga anak miduol ni Jesus ug miluhod aron pagpangayog pabor. 21 Miingon niya si Jesus: “Unsay imong gusto?” Mitubag siya: “Ania ang duha ko ka anak nga lalaki. Palingkora sila sa wala ug tuo nimo sa imong ging-harian

PAGPAAMBIT SA MENSAHE:

Ang maong ebanghelyo maoy pagpasabot lamang nga matag tawo magagahin gayud ug mga pag-ampo ug pag-alagad sa Diyos diiin mao kini ang iyang tahas samtang nagpakabuhi pa niining kalibutan. Diin ang Diyos adunay tinawag ug pinili nga mga katawhan dinhi sa ibabaw sa kalibutan nga bisan sa didto pa kini sila sa tago-angkan sa ilang Amahan gipili na silang daan. Apan matod pa dili tanang katawhan tinawag ug pinili sa Diyos nan kadtong wala tawga ug pili-a dinhi lang sila sa kalibutan apan kadtong tinawag ug pinili nan sila pagapili-an pa.

Apan matod pa taas ang pasensya nga gihatag sa Diyos diha kanatong mga tinawag ug pinili nga mga katawhan diin matag pa matag pinili hatagan ug hataas nga pisi apan igsoon kun hapit an maupos ang imong pisi nan tawgon ka gayud sa Diyos sa paagi nga siya ra ang nasayod, diin kadaghanan gayud pagatawgon sa balati-an nga lisod ayohon aron sa ingon molingi gayud sila o kita sa Diyos nag makagagahum.

Kay matod pa dili gayud mosugot ang Amahan nga moabot ang kataposang gutlo sa imong kinabuhi nga dili ka makaduol sa Diyos. Kay matod walay ba ug tigulang diha sa pag-alagad sa Diyos apan wala magpasabot nag una ka nag nagalagad maaguna ka usab didto sa iayng gingharaiaan sa iyos kay nay nagauna nag maulahi ug naulahi nga nagauna.

Ang Buotan Ug Ligoy Nga Sulogoon

MATEO 24: 45~51

45 Hunahunaa ang maunongon ug maalamong sulugoon nga gipiyalan sa agalon sa pag-atiman sa panimalay aron pag-andam sa pagkaon sa hustong panahon. 46 Bulahan ang sulugoon nga nag-atiman sa buluhaton inig-abot sa agalon. 47 Sa pagkatinuod sultihan tamo: piyalan siya sa agalon sa tanan niyang gihuptan.
48 Dili sama sa daotang sulugoon nga naghunahuna: Nalangan ang akong agalon. 49 Unya, daugdaogon niya ang isigkatawo samtang nakigsalo ug nakig-inom siya uban sa mga palahubog. 50 Apan moabot ang iyang agalon sa adlaw ug takna nga wala damha. Ug papahawaon ang maong sulugoon. 51 Mosangko siya sa gida-ngatan sa tigpakaaron-ingnon. Didto tua ang bakho ug kagot sa ngipon.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mag gasa nga langitnon nga gipiyal sa Diyos kanato usa na niini ang tahas diha sa pagsangyaw niining kamatuoran nag imong gibarugan sa upat ka suok sa kalibutan. Kay matod pa kitang tawao aduan gayuy tahas diha sa pagahain ug oras sa pag-alagad as Ginoo, apan ang mag katawahn nag pinili sa Diyos sa gasa nag langitnon gitahasn sa Diyos sa pagsangyaw sa kamatyran sa upat ak suok sa kalibutan pinaagi sa paggamit sa ilang gasang langitno nga anaa gipiyal kanila, pinaagi sa pagpanambal sa maskitaon, ug sa paghalad ug pag-ampo sa mag kalag nag nasalaag ug labaw sa Tanana ammahimong kahayag diha sa komunidad nag iyang gibarugan, kahayag pinaagi sa pagpakita ug ehaemplo sa mga maayong buhat diha mgap ag-ampo ug pakamangindawaton ingon nag isul-ob ang kinaiayahan ni Jesu Cristo ang kinaiyahan as espiritu santo sa Diyos.

Diha nining maong ebanghelyo gipaagi ug sambingay ang kamatuoan pinaagi diha sa mga sulogoon sa Diyos diin ang nagatuman gantihan apapn ang amsinupakon sa sugo sa Diyos maiyaha ang silot didto sa alyo as impyerno. Kini nagpamatuod laamng nag ang kaluwasan nga gisangyaw o gisaad sa Diyos dili kini siya premyo tungod sa maayong buhat aron sa ingon walay magpasigarbo diha sa atubangan sa Diyos nga siya naluwas tungod sa maayong buhat kundili ang kaluwasn grasya kini nag hinatag as Diyos tungod sa iyang gugma ug kalooy kanato.

Diha sa ubang pulong nagaingon ang Diyos kun kasaligan ka sa gagmay nga butang nan kasaligan ka usab sa dagko nga butang nga sa ato pa mga igsoon ang ginagmayng tahas nga atong gibuhat maoy mamahimong sumbanan diha paghatag kanato sa Diyos ug dagko usab nag tahas kun malatas m oang taann. Apan gagnmay nag tahas gagamay pod ang pagsulay sama nag dagko nag taahs dagko usab ang pagsulay, mao sa kanuany atong ibanlaan ang atong kaugalingon, atong kasingkasing ug huna-huna aron masabatan nato ang tanan ug aron malatas nato ug molampos ang tahhas nag gianon kanato.

Ang Dios Ug Ang Bahandi

MATEO 6:24~33

• 24 Walay makaalagad og duha ka agalon. Malagmit kasilagan niya ang usa ug ang usa higugmaon; o mag-maunongon siya sa primero ug magtamay sa ikaduha. Dili mo makadungan pag-alagad sa Diyos ug salapi.

25 Busa, sultihan tamo: ayawg kabalaka sa inyong lawas. Dili ba, ang kinabuhi labaw man ka bililhon kay sa pagkaon; ug ang lawas sa sinina? 26 Tan-awa ang mga langgam sa kahitas-an. Wala sila magpugas, wala mag-ani ni magtigom og pagkaon sa kamalig. Apan ang langitnong Amahan nag-atiman nila. Dili ba, labaw man mo ka bililhon sa langgam?

27 Kinsa ninyoy makadugang og usa ka adlaw sa kinabuhi tungod sa kabalaka? 28 Nganong naguol mo sa inyong bisti? Tan-awa ang kabulakan sa mga uma. Walay naghago ni nag-hablon. 29 Apan sutihan tamo: bisan si Solomon sa tibuok niyang bahandi wala makabisti og sama katahom sa usa ini. 30 Kon ang Diyos naghatag og bisti sa balili sa kaumahan nga ma-muklad karong adlawa ug isugnod sa hudno sa sunod, kamo pa kaha? Pagkagamay ninyog pagtoo!

31 Ayawg kabalaka o ingon: Unsay kan-on? Unsay imnon? O unsay isul-ob? 32 Ang mga pagano kanunayng nagbudlay alang ini. Apan nasayod ang langitnong Amahan nga nagkinahanglan mo ining tanan. 33 Ibutang pag-una ang inyong kasingkasing sa gingharian ug hustisya sa Diyos, ug hatagan mo sa tanan.

PAGPAAMBIT SA MENSAHE:

Ang maong ebanghelyo maoy pagpasabot lamang sa duha ka matang sa bahandi , bahandi sa kalibutan ug bahandi nga langitnon. Kun magatigom kita ug bahandi nga iya sa kalibutan diin daghan ang kawatan nga magasaka ug taya nga magakutkot, diin dili kini mohangtod sa kahangturan kay ang tanan nga butang niining kalibutan mobalik kini sa abog, Apan kun magatigom kita ug bahandi nga langitnon diin ato kining madala ngadto sa laing kinabuhi diin ,mao kini ang bahandi nga espirituhanon diha sa atong mga pag-ampo ug sa pagtuman sa mga kasugo-an sa Diyos.

Diha sa among ebanghelyo nagaingon nga dili ka puedeng mag-alagad as duha ka agalon sama nag dili ka makaalagad sa Diyos kun ulipon ka sa mga bahandi niining kalibutana. Diha sa ubang pulong sa Diyos nagaingon “ Mas masayon pa sa usa ka kamelyo paglusot sa bangag sa dagom kay sa usa ka dato sa pagsulod sa gingharian sa langit.(Lucas 18:18~29) Nagapasabot lamang mag igsoon nag dinhi sa alog a kinabuhi aduna gayud kitay taha sa paggahin ug panahun nagdto as Diyos ug kun gusto nimong mahiduol sa gingharaian sa langit nan pas-ana ang imong krus ug sunod sa pagtulon-an nga gisangyaw ni Cristo.

Kay ang balaang kasulatan nagaingon kun gusto nimong himaya-on didto sa gingharian sa Diyos nan puy-i ang pagpakabuhi nga puno sa pagpaubos ug pagdawat sa mga kasakitan ug mga paglutos, kay bulahan ka nga nakaambit diha sa mga kasakitan ni Jesu Cristo diha sa paglansang niya sa krus kay naka-ambit ka usab sa himaya sa iyang pagkabanhaw didto sa langit. Busa igsoon himo-a nga ang imong bahandi niining kalibutana nga dili babag sa pagpaduol nimo sa Diyos , tabangi ang imong mga igsoon ug labaw sa tanan dangop kanunay sa mga pag-ampo.

Ang pulong sa Diyos nagaingon kun nasayod pa lamang unta ikaw kun unsay atuo didto sa hingharian sa Langit nan didli na unta kamo mangaplag pa ug dugang bahandi, biyaan unta nimo ang tanan ug maoy imong siguroon unsaon nimo paghiabot didto sa langit. Mateo 6: 33 nagaingon unaha ninyo ang gingharian sa Diyos ug pagkinabuhi ninyo uyon sa iyang kabubut-on ug ang uban nga butang ihatag ra kaninyo

Gugma Alang Sa Kaaway

MATEO 5:43~48

• 43 Nakadungog mo sa ginaingon: Higugmaa ang inyong isigkatawo ug kasilagi ang kaaway. 44 Apan sultihan tamo: Higugmaa ang inyong kaaway ug iampo ang nagpasipala ninyo, 45 aron maanak mo sa inyong Amahan sa Langit. Kay gipasilang niya ang adlaw alang sa maayo ug sa daotan. Nagpaulan siya sa tarong ug sa daotan.

46 Kon mahigugma ra mo sa nahi-gugma ninyo, unsay nakalahi ini? Dili ba, nagbuhat man ini ang mga kobra-dor sa buhis? 47 Ug kon mahigalaon mo sa kaigsoonan ra ninyo, unsay labaw ini sa kasagaran? Dili ba, ang mga pagano nagbuhat man sa ingon? 48 Alang ninyo, kinahanglang matarong mo ug mahingpit ingon nga ang langitnon ninyong Amahan tarong ug hingpit.

PAGPAAMBIT SA MENSAHE:

Ang maong ebanghelyo maoy pagpasabot lamang sa kasugo-an sa Diyos nga nagaingon Higugmaa ang imong isigkatawo sama sa paghigugma nimo sa imong kaugalingon. Kay kitang tanan igsuon diha sa mata sa Diyos. Kun moingon ka nga nahigugma ka sa Diyos apan nagdumot sa imong isigkatawo, sa imong igsuon o sa imong isigka-magtutuo nan ang balaang kasulatan nagaingon bakakon ka wala ka mahigug ma sa Diyos, kay giunsa man nimo paghiigugma ang Diyos nga dili nimo Makita ug nahikap apan nagdumot ka sa imong isigkatawo nga sa tanang adlaw imong makita.

1 Corinto 3: 16 nagaingon Ang lawas sa tawo maoy templo sa Diyos , ug ang mopasipala sa templo sa Diyos nga mao ang atong lawas nan pagalaglagon gayud sa Diyos. Sa ato pa mag igsoon tinuod ang istorya sa mag tigulang nga balaan ang lawas sa tawao kay anaa man kanato angaopuyo ang espiritu sa Diyos, nan kun pasipad-an nimo ang imong isigkatawo sama ra man nga gipasipad-an nimo ang imong Diyos diin dako nimo kining tulobagon inig-abot sa adlaw sa panudya

Dili nimo masinati ang Diyos diha sa imong kaugalingon kun sa kanunay may kaligutgot ka sa imong isigka-tawo. Kay ang paghari sa Diyos niining kalibutan dinhi sa walog sa mga buhi dili nimo maakita ug mahikap kay ang paghari sa Diyos anaa magsumikad sa imong kasingkasing, busa kinahanglan nga wagtangon nato ang atong mga kayugot ug kasuko ug maoy atong ipatigbabaw ang pagsinabtanay sa usag-usa aron ang grasya nga angay itagana kanimo madawat nimo sa tibuok nimong kasing-kasing.

Pagtulon-an Mahitungod Sa Balaod

MATEO: 5: 17~20

• 17 Ayaw mog hunahuna nga mianhi ko aron pagwagtang sa Balaod ug mga Propeta. Mianhi ko dili aron pagwag-tang kondili, aron pagtuman. 18 Sulti-han tamo: samtang ang langit ug yuta magpabilin, walay titik sa balaod nga mausab hangtod nga matuman ang tanan.
19 Busa, ang maglapas sa labing gamay sa kasugoan ug magtudlo sa uban sa pagbuhat sa ingon makina-gamyan sa gingharian sa langit. Sa laing bahin, ang magtuman sa Balaod ug magtudlo sa pagbuhat sa ingon, madako sa gingharian sa Langit.
20 Busa, sultihan tamo, kon ang inyong katarong dili molabaw sa ila sa magtutudlo sa Balaod ug sa Pariseo, dili mo makasulod sa gingharian sa Langit

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga balaod nga gisangyaw ni Moises wala kini isalikway pinaagi sa atong pagtuo paghiabot ni Jesus Cristo hinunua gipalig-on kini: (Roma 3:31) Sa ubang sinulat nagaingon Juan 1:17 ,Ang balaod gihatag sa Diyos kanato pinaagi kang Moises apan ang grasya ug kamatuoran miabot pinaagi kang Jesu Cristo. Juan 14:6, Si Jesus miingon Ako ang dalan ang kamatuoran ug ang kinabuhi ug walay mahiabot sa Amahan kun dili mahiagi kanako.

Sa ato pa mga igsoon ang paghiabot ni Jesu Cristo mao lamang usab ang pagpasabot kanatong tanan sa tanang kasugo-an sa Diyos nga nagalihok lamang diha sa duha ka importanteng sugo. Una mao ang Paghigugma sa Diyos labaw sa tanan ug ikaduha mao ang paghigugma nato sa atong isigkatawo sama sa paghigugma nato sa atong kaugalingon. ug labaw sa tanan Gipanalanginan sa Diyos ang tanang mga butang ug mga pagkaon ug dinhi sa yuta ug didto sa langit.

Ang mga balaod sa unang kasulatan wala kini isalikway niining bag-ong kasugo-an hinunu-a gipalig-on kini diha sa mga pagtulon-an nga gisangyaw ni Jesu Cristo. Kay matod pa usab diha sa uang sinulat Galacias 2:16, nagaingon “ Nasayod kita nga isispon lamng sa diyos nga maatrong ang usa ka tawao pinaagi sa pagtuo niya kang Jesu Cristo ug dili tungod sa pagsunod sa mga balaod.

Hinay-hinay nag gipasabot sa Diyos ang tanag kasugo-an sa Amahan magsumikad gayud kini sa gugma niya sa iyang isigkatawo ka yang Kasugo-an sa Diyos kasugo-an sa paghigugma kay ang Diyos gugma. Lahi-lahi ang kinaiyahan sa matag tawo sama nga lahi-lahi usab ang kiiyahan sa espiritu sa Diyos nag anaa sa amtag tawao apan usa lamang ang Diyos nga atong giampo-an ug gialagaran. Busa igsoon ang atong pagtuamn sa mag balaod ug kasugao-an sa Diyos nagsumikad diah saatong gugma sa Diyos.

Pagtulon-an Bahin Sa Panapaw

MATEO 5: 27~30

27 Nakadungog mo nga ginaingon: Ayawg panapaw. 28 Apan sultihan tamo: ang motan-aw sa babaye aron pagtagbaw sa iyang ulag, sa kasingkasing nakapanapaw na.
29 Busa, kon ang tuo mong mata makaangin nimo sa pagpakasala, lugita ni ug ilabay. Mas maayo pa nga kawad-an kag bahin sa lawas, kay sa itambog ang tibuok mong lawas sa impyerno. 30 Kon ang tuo mong kamot makaangin nimo sa pagpakasala, putla ni ug ilabay! Mas maayo pa nga kawad-an kag bahin sa lawas, kay sa itambog ang tibuok mong lawas sa impyerno

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pagtulon-an nga gisangyaw sa Diyos Jesu Cristo, diin kun gidawat mo sa hingpit si Jesu Cristo sa imong kasingkasing nan puy-i ang kinabuhi nga puno sa pagpaubos puno sa pagkamangindawaton ug puno usab sa mga pag-ampo. Puy-i ang kinabuhi nga sama sa langyaw niining kalibutana apan ha-om didto sa iyang gingharian sa langit, biyai ang tanang tawhanong kailibgon, sama niining pagpanapaw.

Ang balaang kasulatan nagaingon bisan kinsa nga naghuna-huna ug malaw-ay ngadto sa usa ka binuhat nga adunay bana o sa usa ka babaye nakapanapaw na, kay ang pagpakasala dili lamang diha sa buhat lamang kundili ang pagpakasala anaa usab mahimo diha sa imong pulong ug huna-huna.

Diha niining maong ebanghelyo nagpasabot ang Diyos nga kun ang imong mata maoy nakaangin sa pagpakasala nan lugita kana ug ilabay kay maayo pa kanimo nga kawad-an ug usa ka mata kay sa tibuok nimong lawas maoy mahiadto sa impyerno. Diin nagpasabot lamang kini mga igsoon sa usa ka sambingay diin kinahanglan gayud nga likayan nato nga ang parte sa atong lawas ang makasala kini kay ang Diyos maoy mopahimatngon niini pinaagi diha sa balatian o pinaagi sa sakit.

Ayaw paabota nga ang ginagmayng sala mamahimo kining dakong sala diin mosangpot kini sa kamatayon kay matod pa diha sa pulong sa Diyos ang silot sa sala kamatayon. Busa igsoon pamalandungi sa makadaghan nga ang atong pagkinabuhi dinhi sa ibabaw sa kalibutan temporaryo lamang diin aduna pay kinabuhi human niini ug mao kadto pangandami. Ang pagkinabuhi ngadto sa kinabuhing dayun diin lunlon kalipay ug walay mga kasakitan.

Pagtulon-an Mahitungod Sa Kasuko

MATEO 5:21~26

21 Nakadungog mo nga giingnan kaniadto ang atong katawhan: Ayawg patay. Ang makapatay kinahanglang moatubang sa hukmanan. 22 Apan sultihan tamo karon: Ang masuko sa igsoon, kinahanglang hukman. Ang manginsulto sa igsoon angayng taralon sa konseho ug dad-on sa hukmanan. Ang magpakaulaw sa igsoon ibalhog sa kalayo sa impyerno. 23 Busa, kon maghalad ka sa gasa sa altar ug mahi-numdom nga ang imong isigkatawo nasilo nimo, 24 biyai ang gasa. Lakaw dayon ug pasig-uli niya. Unya, balik ug halad sa gasa sa Diyos.
25 Ayawg kalimot: Pasig-uli sa imong kaaway sa dili pa paatubangon sa hukmanan. Kon dili, itugyan ka sa maghuhukom nga, sa iyang bahin, motugyan nimo sa pulis, ug ibalhog ka sa bilanggoan. 26 Matanggong ka didto hangtod nga makabayad sa kataposang dyot sa multa

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga katawhan nga nagasunod sa pagtulon-an nga kristuhanon, nagasunod sa giya sa espiritu santo sa Diyos sa kanunay magalikay sa pagpakasala, magalikay sa pagkasuko ngadto sa iyang isig katawo. Matod pa diha sa ubang pulong sa balaang kasulatan ayaw palungtara hangtod sa sunod adlaw ang imong kasuko ug kayugot sa imong isisgkatawo. Sa dili pa mosalap ang adlaw niining adlawa pakig-uli sa imong maayong buot ngadto sa imong igsoon

Kay kun moingon ka nga nahigugma ka sa Diyos apan nagdumot ug nasuko ka sa imong isigkaingon, imong igsoon o imong isigkamagtutuo nan ang balaang kasulatan nagaingon nga namakak ka kay giunsa nimo paghigugma ang Diyos nga wala nimo makita ug mahikap apan ang imong mga kaigsoonan nga sa kanunay , sa adlaw tanan imong hikit-an apan imo mang gikontrahan, igsoon wala ka mahigugma as Diyos ang imong kaugalingon garbo maoy imong gihigugma.

Ang labing importanteng sugO sa Diyos nagaingon Una Higugmaa ang Diyos labaw sa tanan ug ikaduha higugmaa ang imong isigkatawo sama sa paghigugma nimo sa imong isigkaingon, diin kun malapas nimo ang bisan asa niining mga sugo-a nan nalapas usab nimo ang tanang kasugo-an sa Diyos. Busa igsoon hinoktuki sa makadaghan, ang gugma kanato sa Diyos ug labaw sa tanan ang pasensya nga gitagana kanato sa Diyos diin kitang tanan adunay kapasaylo-an sa atong mga sala kun aton kining pangayoon sa tumang pagpaubos.

Asin Ug Kahayag

MATEO 5:13~16

Asin ug kahayag
(Mc 4:21; Lc 1:34; 8:16; 11:33)
• 13 Asin mo sa yuta. Kon ang asin kawad-an sa lami unsaon pagbalik sa kaparat ini? Ikalabay ug katunob-tunoban na ni sa mga tawo.
• 14 Kahayag mo sa kalibotan. Ang dakbayan nga natukod sa bungtod dili matago. 15 Walay magdagkot og suga aron tabonan. Hinuon, ibutang sa tungtonganan aron makahatag og kahayag sa naa sa balay. 16 Sa ingon, makita nila ang mga maayong butang nga inyong nahimo, ug dayegon nila ang inyong Amahan sa Langit.

PAGPAAMBIT SA MENSAHE:

Ang maong ebanghelyo maoy pagpasabot lamang nga kitang katawhan nga Crsistuhanon nga nakamata niining Tinago nga kamatuoran nga atong gibarugan aduna gayuy tahas diha sa tagsa-tagsa nato ka kinabuhi kini mao ang pagpaila sa Kahayag nga atong naambitan ug labaw sa tanan anaa ang pasunod sa mga kasugo-an sa Diyos nga maoy atong himoong lamas o asin diha sa atong pagkinabuhi uban sa kumunidad nga atong gibarugan.

Pangutana, unsa-on man nato pagangyaw? Ang pagsangyaw nga labing mahinungdanon sa tanan mao ang papakita sa o pagkinabuhi nga usa ka matuod nga sumosunod sa Diyos diin anaa ang pagkamangindawaton, pagkamainantuson ug labaw sa tanan ang kanunay nga mga pag-ampo, Isul-ob ang hiyas nga epirito santo nga maoy gisul-ob ni Jesu Cristo.

Kay matod pa diha sa mga pulong sa atong langitnong inahan didto sa iyang milagro nga gipakita. Kapid-an na katuig ang milabay didto sa Fatima , Portugal. May 13, 1917..miingon siya nga tulobagon sa matag magtutuo kun adunay kalag nga matunaw sa kalayo sa impyerno tungod lamang kay wala kini niya masangyawi sa maayong balita, apan bulahan usab ang matag magtutuo kun diha sa iyang pagsangyaw adunay kalag nga iyang naluwas kay sama ra man unya nga ang iyang kaugalingon kalag ang iyang naluwas.

Busa mga igsoon angayan natong pamalandungan nga sa kanunay atong i-ampo ang atong mga igsoon labi na niadtong mga katawhan nga wala makaila sa ilang giampo-an..Ang paghari sa Diyos dinhi sa yuta niining panahuna dili Makita ni mahikap ka yang paghari sa Diyos anaa diha sa atong kasingkasing ug huna-huna.

Mga Tawong Bulahan

MATEO 5:3~12

3 Bulahan ang mga kabos tungod sa Espiritu, kay ila ang gingharian sa langit.
4 Bulahan ang nagsubo, kay lipayon sila.
5 Bulahan ang mapaubsanon, makapanag-iya sila sa yuta.
6 Bulahan ang gigutom ug giuhaw sa kaangayan, kay busgon sila ug tagbawon.
7 Bulahan ang maluluy-on, kay kaluy-an sila.
8 Bulahan ang putlig kasingkasing, kay makakita sila sa Diyos.
9 Bulahan ang nagbudlay alang sa kalinaw, tawgon silag mga anak sa Diyos.
10 Bulahan ang gilutos tungod sa kaangayan, kay ila ang gingharian sa Langit.
11 Bulahan mo, kon bugalbugalan ug lutoson sa katawhan; ug magsulti sila sa tanang matang sa daotan batok ninyo, kay mga tinun-an tamo. 12 Paglipay ug pagmaya, kay dako ang ganti nga gitagana kaninyo sa Diyos. Giingon sab ini pagpasipala ang mga propeta nga nauna ninyo.

PAGPAAMBIT SA MENSAHE:

Ang maong ebanghelyo maoy pagpasabot ug pagpdayag diha sa kabubut-on sa Diyos diin iya mismong gipakita nga ehemplo ang iyang kaugalingong anak diin diha sa pagpakatawo niini dinhi sa kalibutan wala kini magpaila pinaagi sa iyang bahandi ug gahum kundili iyang gipaila ang iyang pagkaanak sa Diyos pinaagi sa tumang pagpaubos, ug puno sa mga kasakitan.

Iyang gipamatuod nga ang magpaubos dinhi sa ibabaw sa yuta himoong ipataas ug labing dako didto sa gingharian sa Amahan ug labaw sa tanan ang nag-alagad sa labing daghan dinhi sa ibabaw sa yuta mamahimong pinakadako didto sa gingharaian sa langit.

Iyang gipakita ang sumbanan isip nga pinalangga ug pinili nga anak sa Diyos diin makaambit gayud kini sa mga kasakitan ug mga panlutos dinhi sa ibabaw sa yuta apan bulahan diha sa maong kadaugan diha sa mga pagpanlutos kay maimo ang himaya sa gingharian sa langit.

Dili kini masabtan niadtong mga tawo nga wala ang Diyos diha sa ilang kinabuhi ug labaw sa tanan dili kini masabtan niadtong mga tawo nga wala ipahari ang Ginoong Diyos nga si Jesu-Cristo diha sa ilang tagsa-tagsa ka kasing-kasing. Ang maong ebanghelyo mga igsoon nagpamatuod lamang nga adunay nagpaabot nga dakong gasa inig-abot nato didto sa gingharian sa langit kun atong madaug ang mga paglutos dinhi sa ibabaw sa yuta.

Nagapasabot lamang kini mga igsoon nga temporaryo lamang ang atong pagkinabuhi dinhi sa ibabaw sa yuta, diin atu-a didto sa gingharian sa langit ang matuod natong pinuy-anan kun malatas nato ang tanan, busa angay natong pamalandungan ug magkinabuhi kita nga langyaw niining kalibutan apan haom didto sa gingharian sa langit diin anaa kanunay ang pagtamod sa mga pulong sa balaang kasulatan nga maoy atong sumbanan isip usa ka matuod nga Cristuhanon.

Nagdan-ag Ingon Nga Suga Sa Kalibutan

FILIPOS 2:12~17

• 12 Busa, mahal kong kahigalaan, ingon nga kanunay mong nagsunod nako samtang uban pa ko ninyo, padayon mo labi pa karon nga layo na ko, sa pagbudlay alang sa inyong kaluwasan uban ang “Kahadlok ug pangurog.” 13 Ang Diyos nagdasig sa inyong pangandoy ingon man sa pagtuman sa makapahimuot niya. 14 Buhata ang tanan sa walay bagulbol, 15 sa ingon, maanak mo sa Diyos nga walay sayop ug dili mabasol; dili salawayon taliwala sa hiwi ug badlongong kaliwat. Kahayag mo taliwala nila, sama sa kabitoonan sa tibuok kalibotan nga 16 naghupot sa pulong sa kinabuhi. Mobati kog garbo nga ang inyong paningkamot ug kahago wala makawang. 17 Kon ibubo ko ang akong dugo isip gasa alang sa pagsaulog sa inyong pagtoo, magmaya ko ug magpadayon pag-ambit sa inyong kalipay.

PAGPAAMBIT SA MENSAHE:

Ang maong ebanghelyo maoy pagmatuod lamang nga ang mga tinawag ug pinili nga mga katawahn sa Diyos aduna gayuy tahas pinaagi diha sa pagsangyaw sa pagtulon-an ng ilang gibarugan. Ang pagsangyaw daghang paagi sama nga ang pagsunod sa kasugo-an sa Diyos daghan usab ug pamaagi diin sa kanunay maga-uban ang imong hinugtanay nga pagtuo sa Diyos.

Matod pa pulong sa atong langit inahan pinaagi diha sa iyang milagro nga gipakaiat didto sa Fatima, Portugal kaniadtong May 13, 1917…miingon siya ngadto sa tulo ka mga inosenteng mga binuhat, nag tinuod nag aduanay impyerno, ug tinuod nag adunay kinabuhi human sa kamatayon, ug tulobagon sa matag magtutuo kun adunay binuhat nga natunaw ang kalag didto sa impyerno tungaod lamang kay wala niya kina masangyawi sa maayong balita niadtong buhi pa kini, Apan bulahan usab ang matag binuhat nga pinaagi sa ilang mga pagsangyaw adunay mga kalag nga maluwas gikan sa impyerno kay sama man unya nag ang ilang kaugalingong kalag ang maluwas.

Busa mga igsoon himoong gabayan ang imong pagtulon-an nga nakat-unan, iangyaw ang pulong sa Diyos pinaagi sa pagpakita ug ehemplo sa maayong binuhatan, isul-ob ang kinaiyahan ni Jesu Cristo ang kinaiyahan sa espiritu santo sa Diyos. Diin anaa ang pagpaubos ang pagkamangindawaton ug pag-ampo sa kanunay. Kay ang matuod nga pagdan-ag ang matuod nga suga diha sa tagsa-tagss nato ka kinabuhi mao ang atong hugot nag pagtuo kang Jesu Cristo pinaagi sa pagpakita ug mga maayong binuhatan. Ang balaang kasulatan nagaingon, 2 Galacia 16: nagaingon, Apan nasayod kita nga ang tawao isipon sa Dios nga matarong lamang pinaagi sa pagtuo kang Jesu Cristo ug dili tungod sa pagtuman sa Balaod.