Wednesday, March 23, 2011

Ang Sala

LUCAS 17:1~4

17 • 1 Miingon si Jesus sa mga tinun- an: “Moabot gyod ang sala sa kalibotan, apan alaot ang magdala ini! 2 Maayo pag hiktan ang iyang liog sa galingang bato ug ilabay sa dagat kay sa maangin ang usa ining mga gagmay.
3 Pagmatngon. Kon makasala ang imong igsoon, pahimangnoi siya, ug kon maghinulsol, pasayloa. 4 Kon makapito siya makasala batok nimo sa usa ka adlaw ug makapito pod mobalik pagpangayog pasaylo, pasayloa.”

PAGPAAMBIT SA MENSAHE:

Ang maong ebanghelyo maoy pagpasabot lamang nga kitang tawo makasasala gayod sa pulong sa huna-huna-ug sa buhat. Ang Diyos miingon nga diha sa imong mga daotang huna-huna nan mas maayo nga dili na nimo kini litukon aron dili na kini mamahimong mortal nga sala.

Diha sa ubang pulong nagaingon , Kun ang imong wala nga kamot maoy nakaangin sa imong pagpakasala nan putli kini ug ilabay diin mas maayo pa nga ang kamot mo lamang ang masunog sa kalayo sa impyerno kay as tibuok nimong lawas ang masugba sa kaala-otan.

Igsoon ang maong ebanghelyo nagpasabot lamang nga bulahan ang tawo nga miila sa iyang sala ug sa kanunay mangayo diha sa kapasaylo-an sa Diyos. Matod pa diha sa ubang pulong sa Diyos ngaingon Mas maayo pa nga makasala ka sa anak sa tawo kay aduna pay pasaylo nga imong madawat apan kun makasala kita sa espiritu santo sa Diyos nan wala nay pasaylo pa ang Diyos para kanato.

Ang balaang kasulatan nagaingon ang silot sa sala mao ang kamatayon. Apan matod pa diha ubang pulong sa Diyos , kun nakaplagan mo ang Diyos sa imong kinabuhi apan gusto kang mobalik diha sa mga kalibutanong buhat nan sama ra igsoon nga gilansang mo pagbalik si Jesu Cristo.

Ingon nianan ang dalan paingon sa kalaglagan sa mga sala daghan gayod ang gusto moagi niini, diin magahob, masadya ug anaa ag tanan nga kahilayan. Diin mao kining mga patay-sindi ang ilaw nga anaa diha sa palibot, diha sa mga videokehan, Apan bolahan pa kining mga katawhan nga anaa nahiabot dihang dapita nga inosente pa sa kamatuoran kay aduna pay pasaylo ang Diyos para kanila, apan kita nga nahigmata na niining maong kamatuoran ug sa higayon nga motipas kita kay gusto mobalik diha sa kalibutanong mga buhat nan ang Diyos wala nay pasaylo pa para kanato.



Tuesday, March 22, 2011

Ang Katungdanan Sa Usa Ka Sulogoon

LUCAS 17:7~10


7 Kinsa ninyo ang mosulti sa inyong sulugoon nga nagdaro o nag-atiman sa mga karnero... inigbalik ini gikan sa uma. ‘Dali ug salo nako sa kan-anan? 8 Dili, moingon ka: ‘Andama ang akong pagkaon; pag-ilis ug silbihi ko samtang nagkaon ug nag-inom? Unya na kaon ug inom inigkahuman nako. 9 Pasalamatan ba nimo kining sulugoona nga mibuhat sa imong gisugo? 10 Kini sab ang inyong buhaton. Kon makatuman na mo sa gisugo ninyo, sulti: ‘Mga yano ming sulugoon; gituman lang namo ang angayng buhaton.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa atong pagpangalagad sa Diyos diin diha niining maong parabola, nagpasabot sa Diyos nga kun imong gidawat si Jesu Cristo nga imong manluluwas nan, andam kang mosunod diha sa buhat nga Cristohanon nga mao ang pag-alagad sa Diyos nga labing gamhanan. Ang balalang kasulatan nagaingo ang imong gibuhatsa labing ubos nag nilalang niining kalibutana maoy imong gibuhat ngadto sa Diyos

Diha sa ubang pulong sa balaang kasulatan nagaingon, Ang mamahimog labing dako didto sa iyang gingharian sa langit nan kinahanglan nga magsilbi siya sa daghang katawhan dinhi as ibabaw sa kalibutan, diin ipakaubos niya ang iyang kaugalingon sa pinanakaubos diin iyang dawaton ang tanang mag paglutos ug mga kasakitan.

Ang balaang kasulatan nagaingon nga ang nagpakaubos sa iyang kaugalingon dinhi sa yuta nan himoon sa Diyos nga labing taas didto sa iyang gingharian sa langit apan kun nagpakasigarbo ka sa imong kaugalingon dinhi sa ibabaw sa yuta nan himoon kang labing ubos sa Diyos didto sa iyang gingharaian sa langit .

Ang maong ebanghelyo maoy pagpahigmata sa matag usa kanato nga ang atong pagpangalagad sa Diyos dinhi sa ibabaw sa yuta, dili na kinahanglan nga kita suholan, dili na kinahanglan nga kita pasidunggan. Mas labing bulahan nga sa imong pagpangalagad sa Diyos pinaagi sa imong mga buhat sa kalooy ug buhat nga Cristohanon nan himoon panag-ingnan nga ang imong wala nga kamot wala masayod sa gibuhat sa imong tuo nga kamot. Sa ingon ikaw lamang ug ang imong Amahan sa langit ang nahibalo sa tanan ug sa ingon Siya na ang mahbalong mopasidungog kanimo.

Apan sa pagbuhat nimo diha sa mga buhat nga Cristohanon, diha sa pag-alagad nimo sa imong isigkatawo ug imo pa kining ipasigarbo sa upat ka suok sa kalibutan nan sa pagbuhat mo sa ingon sama ra nga gibayran kana. Ang balaang kasulatan nagaingon kun nangayo o nagpabayad ka sa imong buhat nga Diyosnon o diha sa imong pagpangalagad sa Diyos dinhi sa yuta, nan wala ka nay katungod sa pagpangayo ug bayad didto sa gingharian sa Diyos.

Ang pulong sa Diyos nagaingon ipadayon ang imong bulohaton apan ayaw pagpasigarbo kay ang pulong sa Diyos dili pagpasigarbo, ang pulong sa Diyos pulong sa pagpaubos. Busa angayan lamang nga diha sa atong pagpangalagad sa Diyos dinhi sa ibabw sa kalibutan himo-a kini nga ikaw lamang ug ang Diyos maoy nasayod

Ang Sambingay Mahitungod Sa Kwarta Nga Bulawan

LUCAS 19:11~27

• 11 Nagkaduol na si Jesus sa Jerusalem. Nagtoo ang mga nanguyog nga mopadayag na siya sa Gingharian sa Diyos. Samtang namati sila, misulti si Jesus og laing sambingay: 12 Miingon siya: “May bantogang tawo nga mipanaw sa layo kaayong kayutaan aron mapiling hari. Mobalik siya inigkahuman. 13 Iyang gitawag ang 10 niya ka sulugoon, gihatagag 10 ka salapi ang matag usa ug giingnan: Inegosyo ni hangtod sa akong pagbalik. 14 Naligutgot niya ang mga lungsoranon. Busa, nagpadala silag mensahe alang niya: ‘Dili mi buot nga magmando namo kining tawhana.’

15 Apan bisan pa ini, mibalik siya sa napili na siyang hari. Gipatawag niya ang 10 ka sulugoon nga gihatagan sa 10 ka salapi aron masayrag pilay naganansya sa matag usa. 16 Miatubang ang una ug miingon: ‘Ginoo, nakaganansyag 10 ang salapi nga imong gihatag.’ 17 Mitubag siya: “Maayo, buotang sulugoon! Kay nagmatinud-anon ka man sa gamayng butang, magdumala ka sa 10 ka syudad.” 18 Miabot ang ikaduha ug miingon: ‘Ginoo, nakaganansyag lima ang imong salapi.’ 19 Miingon ang agalon: ‘Magdumala ka sa lima ka syudad.

20 Miabot ang usa pa ug miingon: ‘Ginoo, nia ang imong salapi nga akong giputos sa panyo ug gitipigan. 21 Nahadlok ko, kay kutikutihan kang pagkatawo, mangobra sa wala mo ideposito ug mangani sa wala itanom.’ 22 Giingnan siya sa agalon: “Walay hinungdan nga sulugoon, hukman tikaw sa kaugalingon mong pulong. Nasayod ka man diay nga kutikutihan ko, nga mangobra sa wala ko ideposito ug mangani sa wala itanom, 23 nganong wala man nimo gipautang ang akong salapi? Makakobra unta ko ini apil ang tubo sa akong pagbalik. 24 Giingnan niya ang nanambong: ‘Kuhaa kaniya ang salapi ug ihatag sa may 10.’ 25 Mitubag sila: ‘Apan, Ginoo, may 10 na siya.’


26 Sultihan tamo: Ang duna hatagan pa og daghan; ug ang wala kuhaan, bisan ang naa na niya. 27 Dad-a nganhi ang akong mga kaaway nga dili buot nga maila kong hari ug patya sila sa akong atubangan.”

PAGPAAMBIT SA MENSAHE :

Ang maong ebanghelyo maoy pagpasabot lamang diha sa atong mga tahas sa usag-usa kanato, diin ang una gayong tahas sa tawo diha sa iyang pagpakabuhi dinhi sa kalibutan mao gayud ang paggahin ug panahon pinaagi sa pag-ampo ngadto sa Diyos.

Ang atong langitnong inahan diha sa iyang milagro nga gipakita didto sa Fatima, Portugal kaniadtong May 13, 1917 nagaingon diha sa iyang mga mga mensahe nga kamatuoran nga adunay impyerno ug kamatuoran nga adunay kinabuhi human sa kamatayon.

Busa katungdanan gayud sa matag magtutuo ang pagsangyaw sa kamatuoran nga iyang nakaplagan ngadto sa iyang pamilya ngadto sa iyang mga igsoon ug sa komunidad nga iyang gibarugan.

Apan tulobagon usab sa usa ka magtutuo kun dunay kalag nga natunaw didto sa kalayo sa impyerno tungod lamang kay wala niya masangyawe sa maayong balita, Apan bulahan usab diha sa imong pagsangyaw niining maong pagtulon-an nga imong gibarugan diin adunay naluwas nga mga kalag kay sama ra man unya nga ang imong kalag ang imong naluwas.

Mga igsoon ang ebanghelyo maoy pagpamalandong lamang diha sa tagsa-tagsa kanato ka tulobagon ngadto sa Diyos, diin atong isangyaw ang iyang pagtulon-an pinaagi diha sa pagsugod mismo sa imong kaugalingon. Diin atong ipakita nga atong gipahari si Jesu - Cristo diha sa atong kinabuhi.

Ang pangutana… Unsaon man pagpahari Si Jesu Cristo diha sa tagasa-tagsa nato ka kinabuhi, nan igsoon isulo-ob ang iyang kinaiyahan ang kinaiyahan sa espirito santo sa Diyos, diin anaa ang pagpaubos, pagkamangindawaton ug labaw sa tanan ang kanunay nga mga pag-ampo.

Barogi ang bug-os nga pagtuo diha sa pagtulon-an nga imong nakaplagan, diin ang Diyos nagaingon mahibaw-an ninyo kun ako kining pagtulon-an kay makaambit gayud kamo sa mga paglutos.

Ang balaang kasulatan nagaingon nga kun gusto nimong daygon ug himaya-on didto sa ginghari-an sa langit nan puy-i ang kinabuhi nga puno sa pagpa-ubos ug tun-i ang pagdawat sa mga paglutos, dangop kanunay sa mga pag-ampo, pas-ana ang imong krus sa kinabuhi ug sunod sa pagtulon-an nga gisangyaw ni Jesus.

Kay bulahan ka nga makaambit diha sa mga kasakitan sa pagpas-an ni Jesu Cristo sa iyang krus didto sa kalbaryo kay maka-ambit ka usab sa himaya sa iyang pagkabanhaw didto sa iyang gingharian sa langit.


Monday, March 21, 2011

Si Jesus Ang Pan Nga naghatag Ug Kinabuhi

JUAN 6: 25~59


25 Dihang nakita nila siya sa tabok sa lanaw, nangutana sila, “Maestro, kanus-a ka miabot?” 26 Si Jesus mitubag: “Sultihan tamo, gipangita ko ninyo dili tungod sa mga milagro nga akong nahimo kondili, tungod sa pan nga inyong nakaon nga nakabusog ninyo. 27 Paghago mo, dili alang sa kalan-on nga madunot kondili, sa molungtad ug makahatag sa kinabuhing dayon. Ang Anak sa Tawo mohatag ini kaninyo kay ang gipatikan sa Diyos nga Amahan
.

28 Gipangutana siya sa mga Judio, “Unsay among buhaton? Unsay ipabuhat kanamo sa Diyos?” 29 Mitubag si Jesus, “Nga motoo mo sa iyang gipadala.” 30 Busa, miingon sila, “Pakitaa mig mga kahibulongan aron makatoo mi. Unsay imong timailhan? 31 Ang among katigulangan nangaog manna sa kamingawan. Sumala sa kasulatan, Gihatagan silag pan gikan sa langit nga ilang makaon”.

32 Si Jesus miingon, Sultihan tamo, dili si Moises ang mihatag og pan gikan sa langit. Ang Akong Amahan naghatag ninyo sa tinuod nga pan. 33 Ang pan nga gihatag sa Diyos mao Siya nga nanaog gikan sa langit ug naghatag og kinabuhi sa kalibotan.” 34 Busa, miingon sila, “Ginoo, hatagi mi kanunay sa maong pan.”

35 Si Jesus miingon, “Ako ang pan nga naghatag og kinabuhi.” Ang moduol nako dili na gutomon ug uhawon. 36 Apan sumala sa giingon ko na, nakakita na mo, apan midumili mo pagtoo. 37 Gani ang gihatag kanako sa akong Amahan moari nako, ug ang moari nako dili ko isalikway. 38 Kay nanaog ko gikan sa langit dili aron pagbuhat sa akong kabubut-on kondili, sa kabubut-on sa nagpadala nako. 39 Ang kabubut-on sa nagpadala nako mao nga dili ko kawad-an bisag usa sa iyang gihatag nako hinunoa, banhawon ko kini sa kataposang adlaw. 40 Kini ang kabubut-on sa akong Amahan, Ang makakita sa Anak ug motoo niya makabaton sa kinabuhing dayon, banhawon ko siya sa kataposang adlaw.”

41 Ang mga Judio nagbagulbol, kay miingon si Jesus, “Ako ang pan gikan sa langit.” 42 Miingon sila, “Dili ba, si Jesus man siya, ang anak ni Jose? Dili ba, kaila man nato ang iyang amahan ug inahan? Nganong miingon man siya nga gikan siya sa langit?” 43 Mitubag si Jesus ug miingon, “Ayawg bagulbol. 44 Walay makaduol nako gawas kon dad-on siya sa Amahan nga nagpadala nako, ug ban-hawon ko sila sa kataposang adlaw. 45 Nasulat sa mga propeta, Tudloan silang tanan sa Diyos. Busa, ang mamati sa Amahan ug makat-on gikan niya, moduol nako
.
46 Walay nakakita sa Amahan gawas sa gikan sa Diyos. Siya ray nakakita sa Diyos. 47 Sultihan tamo, ang motoo nako may kinabuhing dayon. • 48 Ako ang pan sa kinabuhi. 49 Mikaon sa manna ang inyong katigulangan, apan nangamatay sila. 50 Ania ang pan gikan sa langit. Ang mokaon ini dili mamatay. 51 Ako ang pan sa kinabuhi gikan sa langit. Ang mokaon ini mabuhi sa kahangtoran. Ang pan nga akong ihatag mao ang akong unod aron mabuhi ang kalibotan.

52 Naglalis ang mga Judio ug miingon, “Unsaon man ining tawhana paghatag sa iyang unod aron kan-on? 53 Miingon si Jesus “Sultihan tamo, kon dili mo mokaon sa unod sa Anak sa tawo ug moimnon sa iyang dugo, dili mo makabaton sa kinabuhi. 54 May kinabuhing dayon ang mokaon sa akong unod ug moinom sa akong dugo. Banhawon ko siya sa kataposang adlaw.

55 Ang akong unod tinuod nga kalan-on ug ang dugo tinuod nga ilimnon. 56 Ang mokaon sa akong unod ug moinom sa akong dugo magpuyo dinhi nako ug ako diha niya. 57 Ingon nga ang Amahan nga mao ang kinabuhi, nagpadala nako ug nagkinabuhi ko diha niya, sa samang paagi, ang mokaon nako mabuhi. 58 Kini ang Pan nga gikan sa langit, lahi sa pan nga gikaon sa inyong katigulangan nga nangamatay. Ang mokaon sa maong pan mabuhi sa kahangtoran.” 59 Kini ang gisulti ni Jesus sa Cafarnaum sa pagtudlo niya sa sinagoga.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang tawo dili mabuhi diha sa tawhAnon nga pagkaon lamang, gikinahanglan nato usab ang pagkaon para sa atong kalag ug espiritu. Ang espirituhanon nga pagkaon para sa atong kalag, diin mao kini ang kahulugan diha niining maong ebanghelyo karon, Si Jesu-Cristo ang pan nga naghatag ug kinabuhi…Ang kinabuhing dayon mga igsoon.

Kay matod pa dili kini lamang nag kinabuhi ang atong pagapuy-an, diin aduna pay kinabuhi human niining kinabuhi-a dinhi sa kalibutan, ang kinabuhi nag minando-an sa espiritu santo, ang kinabuhi diin atong gikinahanglan ang kaluwasan diha sa kinabuhing dayun, Mao kini ang pan diin si kinsa man ang makakaon niini dili na gayud gutumon hangtod sa hangtod.

Igsoon hinuktuki, kun asa ang bililhon, ang pagkinabuhi ba nga hupong sa tanang bahandi dinhi sa kalibutan apan walay kasiguro-an ang imong kalag didto sa kinabuhing dayon nga gisaad ni Jesus o sa magpakabuhi ka nga daw sa langyaw niining kalibutana apan haom didto sa gingharian sa Diyos.

Igsoon ang pulong sa espiritu santo nagaingon, pinaagi sa balaang bata senyor santo niño “ Kun nasayod palang unta kamo kun unsay atua didto sa gingharian sa langit nan dili na unta kamo mangandoy pa ug dugang bahandi ni-ining kalibutana, nan biyaan na unta ninyo ang tanan ug maoy inyong siguroon kun unsaon paghiabot didto sa gingharian sa Diyos.





Saturday, March 19, 2011

Ang Sambingay Mahitungod Sa Maayong Samariahanon

LUCAS 10: 25~31

25 May magtutudlo sa Balaod nga mibarog aron pagbitik ni Jesus. Miingon siya: “Magtutudlo, unsay buhaton ko aron pagbaton og kinabuhing walay kataposan?” 26 Mitubag si Jesus: “Unsay nasulat sa Balaod, ug giunsa mo pagsabot?” 27 Mitubag ang magtutudlo sa Balaod: “Higugmaa ang Ginoo nga imong Diyos sa tibuok mong kasingkasing ug sa tibuok mong kalag ug sa tibuok mong kusog ug sa tibuok mong hunahuna.” Nasulat sab: “Higugmaa ang imong silingan ingon sa kaugalingon.” 28 Miingon si Jesus: “Husto ang imong tubag. Buhata ni ug mabuhi ka.” 29 Apan buot mangatarongan ang magtutudlo busa, miingon siya ni Jesus: “Kinsay akong silingan?”

30 Mitubag ni Jesus: “May tawong milugsong gikan sa Jerusalem ngadto sa Jerico ug nahulog sa kamot sa mga tulisan. Gihuboan siya, gikulata dayon, gibiyaang himatyon. 31 Naatol sab nga naglugsong adtong dalana ang usa ka pari. Sa pagkakita niya sa tawo, misimang siya sa dalan. 32 May Levita pod nga milabay. Dihang nakita niya ang himatyon misimang pod siya sa dalan.

33 Apan may taga Samaria nga nagpanaw ug milabay sa nahimutangan sa himatyon. Sa pagkakita niya sa tawo, naluoy ug 34 miduol siya. Gibuboag lana ug bino ug gibugkosan niya ang mga samad. Gipasakay niya ang himatyon sa iyang hayop, gidala sa abtanan ug giatiman. 35 Sa sunod adlaw, mikuha ang Samariyanhon og duha ka denaryo, gihatag sa tag-iya sa balay ug miingon: ‘Atimana siya; bayran ko ang dugang nga gastos sa akong pagbalik.’” 36 Unya, miingon si Jesus: “Sa imong pagtoo, kinsa nila ang silingan sa nahulog sa kamot sa mga tulisan?” 37 Mitubag ang magtutudlo: “Ang naluoy niya.” Busa, miingon si Jesus: “Lakaw ug buhat sa ingon.”

PAGPAAMBIT SA MENSAHE:

Ang maong ebanghelyo nagpamatuod lamang nga kitang tanan igsoon atubangan diha kang Cristo Jesus. Diin kitang tanan nga giisip sa Diyos Amaahn nga igsoon ni Jesu Cristo kung gidawat nato si Jesus nga atong manlulawas ug bugtong anak sa Diyos.

Mao kini ang nagalangkob diha usa sa duha ka nag-unang mahinundanong sugo sa Diyos : Ang paghigugma sa imong isigkatawo sama sa paghigugma nimo sa imong kaugalingon , diin ang nahaunang sugo mao man ang Paghigugma sa Diyos labaw sa tanan ug dili kita magbaton ug laing Diyos gawas Kaniya. Diin asa niining duruha ka sugo ang imong masupak nan sama ra nga nasupak nimo ang tanang kasugo-an sa Diyos nga gisangyaw ni Moises.

Igsoon ang balaang kasulatan nagaingon diha sa 1 Corinto 3:16~17, Ang lawas sa tawo maoy templo sa Diyos ug ang mopasipala sa iyang templo iya gayung pagalaglagon. Nan nagpasabot lamang nga sa mata sa Diyos iya kitang templo ug ang Diyos nagapuyo diha sa tagsa-tagsa kanato. Diha sa ubang sinulat nagaingon usab nga ang imong gibuhat diha sa pinakaubos nga binuhat dinhi sa ibabaw sa kalibutan mao usab ang imong gibuhat ngadto sa Diyos.

Igsoon ayaw usiki ang gasa nga gipa-abot sa Diyos kanato ang gasa diha sa kamatuoran ngaa imong nakaplagan diin bisan pa sa tanan ang Diyos nagahatag gihapon kanimo ug kagawasan, gawasnon kita sa pagbuhat sa atong buhaton apan ayaw abusohi ug ayoha pagamit ang imong gasa kay ang tanan adunay kinutoban, nga matod pa kun puno na ang gantangan nan kalison gayud kini. Ayaw papa-abota nga tawgon ka pag-utro sa Diyos pinaagi sa laing balatian.

Matod pa ang ikaduhang pagtawag kanimo sa Diyos maoy ikaduhang pagpahimangno nga ikaw tawo tinawag ug pinili sa Diyos apan kinahanglan nga diha sa imong pagkapinili, imong tun-an ang bulohaton didto sa iyang gingharaian sa langit , ang pagsimba didto sa langit diin dinhi sa kalibutan, ang pagsimba sa Diyos maoy paghatag ug kalig-on sa imong kalag ug espiritu aron molahutay ka sa tanang pagsulay diin malig-on ang imong panumduman ug kasing-kasing ug sa kanunay magasunod sa iyang kasugo-an.





Thursday, March 17, 2011

Pasidaan Batok Sa Pagkaaron-ingnon

LUCAS 12:1~12

12 • 1 Sa laing bahin, nagkatigom ang dakong pundok sa katawhan, sa ingon nga nagyatakay ang usag usa. Miingon si Jesus sa iyang mga tinun-an: “Bantayi ninyo una sa tanan ang patubo sa mga Pariseo – ang ilang pagpakaaron-ingnon. 2 Walay tinakpan nga dili ablihan. Walay tinagoan nga dili ipadayag. 3 Ang tanan nga isulti ninyo sa ngitngit madunggan sa hayag. Ang ihunghong sa tago, isangyaw sa atop sa kabalayan.

PAGPAAMBIT SA MENSAHE:

Ang maong ebanghelyo nagpasabot lamang mga igsoon nag ang pagsangyaw sa kamatuoran diha sa pagtulon-an nga gisangyaw ni Jesu-Cristo maoy pagmatuod lamang nga ang atong pagpangalagad ngadto sa Diyos maoy pagpangalagad nga walay pagtago-tago o sa pagmaskara. Diin atong isangyaw ang kamatuoran sumala sa kabubut-on sa Diyos. Mahimo lamang nato kini kun atong isul-ob ang kinaiyahan sa espiritu santo nga maoy kinaiyahan nga gisul-ob ni Jesus. Ang kiniyahan sa pagpaubos, pagkamangindawaton ug labaw sa tanan ang pagdawat sa mga paglutos ug mga pagsulay ug labaw sa tanan ang kanunay nga mga pag-ampo ang , maoy atong pagpakig-istorya ngadto sa Diyos.

Apan ang balaang kasulatan naga-ingon nga ayaw pag-awat nianang mga pastor o mga pangulo sa iglisea nga nagahimo ug tag-as nga mga pag-ampo aron matabonan ang ilang mga sala, igsoon ang maong binuhatan walay kapasaylo-an diha sa atubangan sa Diyos.

Diha niining maong ebanghelyo nagpasidaan si Jesus diha sa mga pariseo o mga pari niadtong panahon ni Moises. Diin matod daghan ang gidugang nga mga pagtulun-an diha sa mga pagtulun-an ni Moises. Mga igsoon nagpasabot lamang nga diha sa atong pag-alagad ug pagsunod sa kabubut-on sa Diyos kita ang magasilbi sa atong isigkaingon. Kay matod pa kung gusto nimong mamahimong dako didto sa gingharian sa Diyos ang magsilbi ka sa labing daghang katawhan dinhi sa yuta sa tumang pagpa-ubos ug pagkamangindawaton.

Diha sa ubang pulong sa balaang kasulatan nagaingon, “Kun gusto nimong himayaon ug daygon didto sa gingharian sa langit nan puy-i ang kinabuhi nga puno sa pagpaubos ug puno sa mag kasakitan didnhi sa yuta, kay bulahan ka nga nakaambit diha sa mga kasakitan sa pagkalansang ni Jesu Cristo sa krus didto sa kalbaryo kay makaambit ka usab diha sa iyang himaya sa pagkabanhaw didto sa iyang gingharian sa langit.

.

Mga Bahandi Didto Sa Langit

LUCAS 12: 32~34

• 32 Ayawg kahadlok, gamay nga toril, kay nahimuot ang inyong Amahan sa paghatag ninyo sa gingharian. 33 Ibaligya ang tanang butang ug hatag og limos. Pangita mo alang sa kaugalingon og mga pitaka nga dili madunot, bahandi nga dili mapakyas sa kalangitan diin ang kawatan dili makapangawat ug ang anunogba dili makagasgas. 34 Hain gani ang bahandi, tua sab ang kasingkasing.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang bahandi nga iya niining kalibutana, dinhi lang kana sa kalibotan apan ang bahandi nga iya sa langit nan dili kini makita ug mahikap diin mao kini ang bahandi nga gikahimut-an sa Diyos ang mga hiyas sa espirito santo nga maoy gikahimut-an sa atong Langitnong Amahan. Diha sa maong ebanghelyo nangaingon kun asa ang imong bahandi nan atua usab ang imong kasing-kasing. Sa ato pa mga igsoon dili nimo madungan ang pagpangalagad sa Diyos ug ang pagpangalagad o pagpaulipon diha sa bahandi diin pinaagi niana mga bahandi-a nan mamahimong diktahan ka sa imong pagkatawo diin maoy imong palabihon ang pagpalambo sa imong bahandi diin imong hikalimtan ang pagpangalagad sa Diyos.

Ang balaang kasulatan nagaingon nga mas masayon pa sa usa ka kamelyo sa paglusot sa bangag sa dagom kay sa usa ka dato sa pagsulod sa gingharian sa langit. Sa ato pa mga igsoon ang naghinubra nga bahandi nining kalibutana maoy babag diha sa imong pagpahiduol sa Diyos diin hupong ka sa tanang bahandi niining kalibutana, ug diin isalikway mo ang bahandi nga Diyosnon.

Ang balaang kasulatan nagaingon nga pagtigom ug bahandi nga walay kawatan nga magasaka ni anay nga magakutkot, ang bahandi nga langitnon diin mohangtod kini ngadto sa laing kalibutan. Kay matod pa diha sa ubang pulong nagaingon; Unsa may maarang sa tawo nga sa iyang pag-abot niining kalibutan hubo man siyang daan ug walay siyay gibitbit nan inigbiya niya niining kalibutana biyaan man usab ang tanang bahandi nga kalibutanon diin hubo siyang molawig ngadto sa laing kalibutan.

Nan igsoon hinuktoki, nga bsan ang mag tawo nga mainampoon, diha sa ilang kamatayon walay kasigurohan kun asa makapaingon ang ilang kalag, nan unsa na kaha kadtong mga tawo nga walay mga pag-ampo asa kaha paingon ang ilang kalag. Kay ang kaluwasan nga gisaad sa Diyos pinaagi sa iyang bugtong anak dili kini premyo o ganti nga gihatag sa Diyos kundili grasya kini ug gasa nga langitnon aron sa ingon walay magpasigarbo diha sa atubangan sa Diyos nga sila maluwas tungod sa maayong buhat tungod kay ang kaluwasan nagaagad sa gugma ug kalooy sa Diyos.

Wednesday, March 16, 2011

Ang Pagtuo

LUCAS 17: 5~6

5 Miingon ang mga tinun-an sa Ginoo: “Dugangi ang among pagtoo.” 6 Mitubag ang Ginoo: “Kon may pagtoo mo nga samag gidak-on sa liso sa mustasa, makamando mo anang igera: “Maluka ka ug mabalhin sa dagat.’ Ug matuman na

PAGPAAMBIT SA MENSAHE:

Ang maong ebanghelyo maoy pagpasabot lamang nga kitang tawo dili nato masukod ang atong kaugalingong pagtuo ngadto sa Diyos. Matod pa diha sa ubang sinulat Hebrew 11:1 nagaingon nga ang kahulugan sa pagtuo mao nag aduna kitay pagsalig ngadto sa mga binuhat nga atong gilaoman apan dili nato makita. Sa ato pa ang atong pagsalig ngadto sa Diyos nga adunay walay kataposan ug walay kinutuban nga gahom apan dili inato makita ni mahikap.

Mao kini nag pagtuo ang gibarugan sa atong unang mga ginikanan, sama ni Abraham diin tungod sa talagsaon niyang pagtuo gimatarong siya sa Diyos, ug gisaaran nga mamahimong Amahan sa daghang mga kaliwatan. Mao usab kini nga pa tuo nga atong gibarugan diin nanaingkamot diha sa pagsunod sa iyang kasugo-an.

Apan mga igsoon dili nato masukod ang atong pagtuo ni ang pagtuo sa atong mga kaigsoonan kun unsa kadako. Kay matod pa diha sa ubang pulong sa espiritu santo nagaingon “Ang atong pagtuo nagdto sa Diyos dili masukod pinaagi sa tawhanon nga sukdanan apan masukod kini diha sa espirituhanon nga sukdanan kay anaa man kini ipahimutang sa atong panumduman ug sa atong kasingkasing. Sa ato pa mga igsoon Diyos lamang ang nahibalo diha sa kadako o kalig-on sa atong pagtuo ngadto sa Diyos.

Ang balaang kasulatan, diha sa sinulat Santiago 2: 26, nagaingon Ang lawas sa tawo patay kun walay espiritu nan ang pagtuo kun walay buhat patay usab kini. Santiago 2 : 24 nagaingon “ Busa mahibaw-an ninyo nga mas kahimut-an sa Diyos ang tawo nga adunay maayong buhat kay sa mga tawo nag adunay pagtuo lamang. Busa mga igsoon ipakita ug buhata ang mga maayong buhat sumala sa nahisulat sa balaang kasulatan.

Monday, March 14, 2011

Ang Sala

LUCAS 17: 1~4

17 • 1 Miingon si Jesus sa mga tinun- an: “Moabot gyod ang sala sa kalibotan, apan alaot ang magdala ini! 2 Maayo pag hiktan ang iyang liog sa galingang bato ug ilabay sa dagat kay sa maangin ang usa ining mga gagmay.
3 Pagmatngon. Kon makasala ang imong igsoon, pahimangnoi siya, ug kon maghinulsol, pasayloa. 4 Kon makapito siya makasala batok nimo sa usa ka adlaw ug makapito pod mobalik pagpangayog pasaylo, pasayloa.”

PAGPAAMBIT SA MENSAHE:

Ang maong ebanghelyo maoy pagpasabot lamang nga kitang tawo makasasala gayud sa pulong.sa huna-huna ug sa buhat. Matod pa diha sa ubang pulong sa Diyos mas maayo pa nga makasala ka sa tawo kay sa makasala ka sa espiritu santo. Makasala ka sa tawo aduna ka pay kapasaylo-an apan kun makasala sa sa espiritu santo sa Diyos nan wala kay kapasaylo-an ug matod pa ang silot sa sala kamatayon.

Diha sa ubang sinulat nagaingon usab nga atong pasayloon ang atong mga kaigsoonan nga nangayo ug pasaylo diha kanato sa makapito-an ug pito ka beses. Ug kun kita usab mangayo ug pasaylo ngadto sa Diyos nan kinahanglan una nga mangayo kita ug pasaylo ngadto sa atong mga igsoon ug ingon man ihatag usab nato ang atong pasaylo diha sa nagpakasala kanato. Kay matod pa ang pagpakasala tawhanon ug ang pagpasaylo balaanon.

Busa mga igsoon atong isul-ob ang kinaiyahan sa espiritu santo sa Diyos , ang kiniyahan ni Jesu Cristo nga mao ang pagkamangindawaton. Ang pagpaubos ug ang kanunay nga pag-ampo. Kay ang pag-ampo mao lamang kini ang atong komunikasyn ngadto sa langitnong Amahan kanuny ug hinay-hinay natong pag-ampo uban sa mga paghalad ug pagsakripisyo nan mamahimong haduol ka kanunay sa grasya ug bendisyon sa langitnong Amahan.

Thursday, March 10, 2011

Ang Sambingay Bahin Sa Dato Nga Buang-Buang

LUCAS 12:13~21

13 Unya, usa sa kauban nila misulti ni Jesus: “Ginoo, sugoa ang akong igsoon sa paghatag nakog bahin sa kabilin sa among amahan.” 14 Mitubag siya: “Akong higala, kinsay nagtudlo nako nga imong maghuhukom?” 15 Miingon si Jesus sa katawhan: “Pagbantay mo ug likayi ang tanang matang sa hinakog. Bisag daghan mog kabtangan, ang inyong kinabuhi wala mag-agad ini.”

16 Mipadayon si Jesus pagsultig sambingay: “May dato nga daghag naani. 17 Nakahunahuna siya: ‘Unsay buhaton ko? Kulang ang akong kamalig alang sa ani.’ 18 Busa, nagplano siya: ‘Gub-on ko ang akong mga kamalig. Magtukod kog mas dagko pa kaayong kabutangan sa tanan kong abot. Mao ni ang akong bahandi. 19 Makaingon na unya ko sa akong kaugalingon:

Higala, daghan ang maayong butang nga imong natigom alang sa daghang katuigan. Pahuway, kaon, inom ug paglipay!’ 20 Apan miingon ang Diyos: ‘Buangbuang! karong gabhiona mamatay ka. Ambi, kinsay makasunod sa tanan mong natigom:’ 21 Kini ang sangpotan sa nagtumpitumpi sa katigayonan, apan wala madato alang sa Diyos.”

PAGPAAMBIT SA MENSAHE:

Ang maong ebanghelyo maoy pagpasabot lamang nga ang bahandi nga iya niining kalibutana dinhi lang kana sa kalibutan, diin ang Diyos nagaingon nga ang unang misyon sa tawo sa pagkinabuhi dinhi sa kalibutan mao gayud ang pagahin ug oras ug panahun alang sa Diyos ug sa mga pag-ampo

Diha sa ubang sinulat nagaingon, Unsa may maarang sa tawo diin diha sa iyang pagkatawo dinhi sa kalibutan hubo man siya sa bahandi ug diha unya sa iyang pagtalikod niining kalibutana biyaan man usab niya ang tanang bahandi.

Ang maong ebangheyo mga igsoon nagpasabot lamang mga igsoon nga kun magpakadato kita diha sa mga bahandi niining kalibutana, nan walay pulos kun wala nato maandam ang atong kaugalingon alang sa himaya sa Diyos.

Ang balaang kasulatan nagaingon nga ayaw pagtigom ug bahandi niining kalibutana diin pagakutkuton lamang sa taya ug pagasak-on lamang sa kawatan, mas maayo nga magtigom ka ug bahandi nga iya sa Diyos ang bahandi nga dili makita ug mahikap. Diin maoy bahandi nga imong mabitbit didto sa iyang gingharian sa langit.

Ang mga pag-ampo ug mga pangaliya diin maoy atong komunikasyon ngadto sa atong langitnong Amahan. Diin mao kini ang proteksyon sa atong kalag ug makapalig-on sa atong espirito diha sa atong pagsunod sa kasugo-an sa Amahan.

Ang balaang kasulatan nagaingon kun asa gani ang imong bahandi nan atua usa ang imong kasingkasing, nan kun ang imong bahandi dinhi lang sa kalibutan nan dinhi kalang usab kutob sa kalibutan, paningkamuti ang pagtigom sa bahandi nag langitnon aron mao kini ang panalipod sa imong kalag inig-abot unya nga mobiya kana dinhi sa walog sa mga buhi ug mahi-usa diha sa pagkinabuhi nga minando-an sa espiritu sa Diyos.


Holy Spirit of Blessed Mother of Mercy

Easter Greetings Of Holy Spirit of Sr. Santo Niño