Mga Makalilisang Nga Talan-awon

MATEO 24:15~28

15 Kon makita ninyo ang ngilngig nga kalaglagan sa balaang dapit nga gitagna ni propeta Daniel, (ang maka-basa makasabot ra unta!), 16 nan, ang naa sa Juda palayasa sa kabukiran. 17 Kon naa ka sa atop sa balay ayawg kanaog aron pagkuhag bisag unsa nga imong dad-on. 18 Kon tua ka sa uma, ayawg balik aron pagkuha sa imong kupo. 19 Pagkalisod unya sa mga babayeng nagsabak ug sa mga inahan nga may masuso! 20 Pag-ampo nga dili maatol sa tingtugnaw o sa adlaw sa pahulay ang inyong pagkagiw.

21 Kay panahon ni sa dagkong pag-sulay nga wala pa mahibaloi sukad sa sinugdan sa kalibotan hangtod karon ug dili na igdungog pag-usab. 22 Kon dili ni mub-an, walay mahibiling buhi. Apan gipamub-an ni sa Diyos tungod sa Iyang mga pinili. 23 Unya, kon may moingon: ‘Tan-awa! Ania ang Mesiyas! Tua siya didto!’ Ayawg too. 24 Kay ang mga Cristong bakak ug mga mining propeta manungha. Maghimo silag mga milagro ug katingalahan nga sarang makalimbong bisan sa mga pinili sa Diyos, kon mahimo pa. 25 Tan-awa, gitug-anan tamo sa tanan sa wala pa ang panahon.

26 Busa, kon may moingon ‘Tua siya sa kamingawan, ayawg adto.’ Kon moingon sila: ‘Naa siya sa awaawng dapit,’ ayawg too. 27 Kay ang pag-abot sa Anak sa Tawo mahisama sa kilat nga motadlas gikan sa silangan hang-tod sa kasadpan. 28 Nasayod mo sa pa-nultihon: ‘Hain gani ang patayng lawas, adto magpundok ang mga agila.’

PAGPAAMBIT SA MENSAHE:

Ang maong ebanghelyo maoy pagpasabot mga igsoon nga ania na kita sa gitawag nga Armagedon, diin mabasa kini sa Pinadayag 16:16. Apan nagpasabot kini ug mga kagubot, hari batok hari, gingharian batok gingharian ug pagtulon-an batok pagtulon-an diin magkaguliyang na ang mag katawhan sa tibuok kalibutan tungod sa kadaghanan nga walay mga pag-ampo.

Mga igsoon, atong pamalandungan ang atong kaugalingon diin mao na kining panahuna nga lig-onon nato ang atong pagtoo sa pagtulon-an nga atong gibarugan, alimahi sa pag-ampo ang imong kalag ug espiritu ug i-ampo ang imong mga kaigsoonan, kaparyentehan ug mga silingan, Pangayo-a ang giya sa Diyos, pangayo-a ang kalooy sa Diyos kay walay mahimo ang tawo kun kuhaon na gyud kita sa kahitas-an.

Pamalandungi ang mga pagtulon-an nga gisangyaw sa atong katigulangan ug pamalandongi ang pagtulon-an nga imong gibarugan. Hinumdumi lamang mga igsoon nga dili ang atong pagtulon-an maoy makaluwas kanato, kundili ang imong maayong binuhatan ug ang imong hugot nga pagtuo ngadto sa Diyos.

Juan 1: 17 nagaingon nga miabot ang balaod sa Diyos pinaagi kang Moises apan miabot ang grasya ug kamatuoran pinaagi kang Jesu Cristo. Kini nagpasabot mga igsoon nga wala utroha ni Jesus ang balaod ni Moises kundili iya lang gipasabot unsaon pagpahiduol sa gingharian sa iyang Amahan, tinuoray nga naluwas na kita pinaagi sa paglansang niya sa krus apan ang tawo nga nagpabiling buhi makasala gayud sa pulong sa huna-huna ug sa buhat.

Busa igsoon lig-ona ang imong pagtuo niining panahuna, Santiago 2: 26 nagaingon nga ang pagtuo sama sa lawas sa tawo nga patay kun walay espiritu nan ang pagtuo patay usab kun walay maayong binuhatan. Santiago 2: 24 nagaingon nga mas gikahimut-an sa Diyos ang tawo nga adunay maayong buhat kay sa mga tawo nga adunay pagtuo lamang.

Busa mga igsoon barugi ang lig-on nga pagtuo pinaagi sa mga maayong buhat, ipakita ang hiyas nga kristuhanon ug labaw sa tanan isul-ob ang hiyas sa espiritu santo ang hiyas sa pagkamapaubsanon, mapailubon diha sa kanunay nga mga pag-ampo ug pangaliya, ug timan-i ang mga kasugo-an diha sa balaang kasulatan kay walay balaod dinhi sa yuta ug sa langit nga imong masupak kun imong sundon kun unsay nahasulat niining maong basahon nga balaan.

Mga Kalisdanan Ug Mga Paglutos

LUCAS 21:7~19

7 Nangutana sila: “Magtutudlo, kanus-a ni mahitabo ug unsay mga timailhan?” 8 Mitubag si Jesus: “Pagmatngon; ayawg palingla. Daghan ang mogamit sa akong ngalan sa pag-ingon: ‘Ako ang Mesiyas; ako siya,’ ug ‘Nagkaduol na ang panahon.’ Ayaw silag sunda. 9 Kon balitaan na mo sa mga gubat ug kagubot, ayawg kalisang; mahitabo ni pag-una, apan layo pa ang kataposan.”

PAGPAAMBIT SA MENSAHE:

Ang maong ebanghelyo nagpasabot lamang mga igsoon nga ang timailhan diha sa paghari sa Diyos mao ang mag katalagman unya nag mahiagoman niining atong kalibutan diin anaa ang mga paglutos , ang mga gubat ug ang mga kagubot ug labaw sa tanan ang pagdagsang sa daghang mga nagpakabalaan nga kunohay mga sinugo sa Diyos diin naghatag usab ug mga milagro ug mga panagna sa pagkatapos sa kalibutan.

Angay natong mahinumduman mga igsoon nga ania na kita sa maong bahin sa pinadayag sa balaang kasulatan diin 90% na sa mga panagna ang hinayhinay nga natuman, ang mga timailhan nga gitawag ug Armagedon ania na apan ayaw kahadlok igsoon barugi ang imong pagtuo pinaagi sa mga pag-ampo. Ibalaan ang imong huna-huna ug kasing-kasing ug pangayo-a nga masabtan nimo ang tanan kay ang Diyos maoy mopasabot kanimo.

Ang gisaad sa Diyos nag kaluwasan dili kini premyo sa atong mga maayong buhat kundili grasya kini gikan sa Diyos aron walay magpasigarbo sa iyang kaluwasan tungod sa iyang mga maayong buhat, busa barog nga malig-on igsoon ug pamalandungi ang giya sa espiritu santo sa Diyos nga makasabot ka sa tanan.

Kitang tanan temporaryo lamang niining kinabuhi-a ug aduna pay kinabuhi nga labaw niini ug mao kadto ang importante, ang kinabuhi nga anaa ang pagsimba didto sa iyang gingharian diin hupong sa kalipay ug wala nay mga kasakitan.

Gikinahanglan Ang Pagbantay

LUCAS 21:34~38

34 Pag-amping nga dili mo mapuno sa mga bisyo, paghuboghubog ug kabalaka sa kinabuhi aron andam mo anang adlawa. 35 Mahulog ni nga sama sa lit-ag sa tanan nga naa sa yuta. 36 Busa, pagtukaw kanunay ug pag-ampo aron maandam mo ug malikay ining tanang panghitabo unya, makaatubang sa Anak sa Tawo.” 37 Nanudlo si Jesus sa Templo sa adlaw; sa gabii molakaw siya ug mopalabay sa kagabhion sa Bukid sa mga Olibo. 38 Sayo sa buntag ang tibuok katawhan moadto sa Templo aron pagpamati niya.

PAGPAAMBIT SA MENSAHE:

Ang maong ebanghelyo nagpasabot kini diha sa mga panagna ug pasidaan sa mga unang propeta nga nagaingon nga moabot ang kataposan sa kalibutan nga dili nato mahibalo-an. Sama nga mobalik ang anak sa Diyos sama sa usa ka kAwatan diin dilI imahibaw-an kun adlAw ba o gabii ang iyang paghiabot busa mga igsoon pangandam ug pagtukaw kamo, gamita ang mga pag-ampo nga inyong nakat-onan ug sa kanunay ibalaan ang imong kaugalingon.

Kun moingon kita nga sa kanunay nagpasidungog kita sa Diyos ug sa kanunay nagaampo kita nan nagpasabot ba kini nga andam na ang atong lawas ug kalag?. Mga igsoon hinuktuki sa makadaghan, kay ang atong kaluwasan dili kini premyo o ganti tungod sa maayong buhat, kay ang kaluwasan usa kini ka grasya nga hinatag sa Diyos aron sa ingong walay magpasigarbo diha sa atubangan sa Diyos nga siya naluwas tungod sa iyang maayong buhat.

Ang balaang kasulatan nagaingon nga bisan kadtong mga katawhan nga mainampoon diha unya sa ilang kamatayon walay siguro ang kaluwasan sa iyang kalag kay lahi na ang imong pagaadtu-an diin wala masuheto ang imong kalag sa dalan didto sa laing kalibutan. Nan igsoon ang mga katawhan nga walay mga pag-ampo asa kaha pangitaa ang imong kalag.

Ang Diyos nagahatag ug tulo ka matang sa kinabuhi diha sa atong pagkinabuhi dinhi sa yuta, una ang atong materyal nga lawas, ikaduha ang atong kalag ug ang ikatulo ang atong espiritu. Ang atong espiritu mobalik ngadto sa Diyos diin maoy mipahibalo diha sa atong mga binuhatan isip tawo ang atong lawas mobalik sa abog kay didto man kini gik an apan ang atong kalag maoy magahulat sa kataposang paghukom ug maoy sul-oban sa espirituhanong lawas.

Apan madala sa atong kalag ang atong panumduman diin mahibalo ang imong kalag diha unya sa mga kakulangon nga imong masinati, diin bisan ang mga pag-ampo nga imong nakat-onan sa buhi pa imo gihapon kining mahimo apan dugay kini dunggon sa Diyos kay wala na man kanimo ang imong espiritu nga maoy giya paingon sa atubangan sa Diyos.

Busa igsoon pangandami, kay ang kaluwasan ug kalaglagan sa imong kalag ikaw ug ikaw lamang ang makaluwas niini, ang matuod nga kabulahanan sa kinabuhi mao na ang pagkinabuhi nga puno sa kalipay ug kamaya didto sa gingharian sa Diyos, diin lunlon pagsimba ug panag-awit ang atong maangkon busa igsoon paningkamot gayud.!

Si Pablo Ug Ang Mini Nga Mga Apostoles

2 CORINTO 11: 1~15

11 1 Hinaot nga mosabot mo sa dyo tay kong kabuang. Hinuon, mosabot gyod mo. 2 Mokompisal ko sa akong pag-ambit sa pangabubho kaninyo sa Diyos. Kay nakapanaad na ko sa paghimo ninyo nga sinayoran ni Cristo, ang bugtong pamanhonon; ug sa paghalad ninyo kaniya isip birheng tiunay. 3 Ug kini ang akong kahadlokan: Ang halas nga mitintal ni Eva, sa iyang kalisto, mohaylo unya sa inyong hunahuna ug mopalayo ninyo sa matinud-anong dalan padulong ni Cristo. 4 May tawo karon nga moabot ug magwalig laing Jesus, o lahi sa among giwali, o tanyagan mog espiritu lahi sa inyong nadawat, ug laing ebanghelyo sa inyong gisagop, ug mouyon mo.

5 Dili ko makasabot nganong ubos ko sa mga super-apostol. 6 Dako bag kulang ang akong sinultihan? Tingale, apan dili ang akong kahibalo, sumala sa gipakita ko na sa makadaghan ug sa tanang paagi. • 7 Tingali ang akong sala mao nga gipaubos ko ang kaugalingon aron ikapataas mo, o nga naghatag ko ninyo sa Ebanghelyo nga walay bayad. 8 Nakakuha gani ko sa ubang simbahan, kay gipabayran nako ang akong serbisyo aron pag-alagad ninyo. 9 Sa diha na ko ninyo, bisan sa akong panginahanglan, wala tamo samuksamoka. Gihatagan ko sa tanan sa mga igsoon sa Macedonia. Nag-amping ko sa dili pagsamok ninyo sa bisag unsa. Ako ning padayonon. 10 Ipanumpa ko sa kamatuoran ni Cristo nga nia nako: dili ko motugot nga may tawo sa Acaia nga makapugong sa akong pangandak.

11 Ngano man? Tungod ba kay wala ko mahigugma ninyo? Sayod ang Diyos nga nahigugma ko ninyo! 12 Ug magpadayon ko paghigugma ninyo aron mahilom ang tanan nga nagtinguha pagpakigtigi ug buot mopakita nga sama sila nako. 13 Sa pagkatinuod, mga mini silang apostol, mga mangingilad nga nagpakaapostol ni Cristo. 14 Dili ni kalibgan: Kon si Satanas nagpakaanghel sa kahayag, 15 ang iyang mga alagad sayon nga magpakaaron-ingnong mga ministro sa kaluwasan, hangtod nga makatagamtam sila sa angay sa ilang binuhatan.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa pagsunod sa pagtulon-an ni Jeus Cristo, labina sa pagsangyaw sa iyang pagtulon-an daghan mga babag, kay dili gayud mosugot ang dautan nga moahari ang maayo, nga mohari ang kabubut-on sa Diyos dinhi sa ibabaw sa kalibutan.

Diin matod pa diha sa ebanghelyo daghan ang nagpatoo-too diha sa pagtulon-an nga gisanyaw ni Jesu Cristo diin ang uban kanila nagahimo usab sa mga milagro sa ngalan sa Diyos apan mahibaw-an niyop kun iya ba gayud kana sa kahayag kay moluntad gayud kana sa kahangturan.

Ang Diyos nagapasidaan nga diha unya sa pagtuki nimo sa mag pagtulon-an nga imong makita ug madungog ilabina kun kini bag-ohay nga natukod ang balaang espiritu nagpasidaan sa pag-ampo gayud sa makaduha o makatulo sa dili ka pa moadto aron sa pagsiguro nga magiyahan ka ug malamdagan ka diha sa imong pagsabot.

Kay daan na nga gipasidaan ang paghiabot sa Anti-Cristo, ang paghiabot diha sa mga katawhan nga kaaway sa Diyos dinhi sa kalibutan aron sa paglingla ug pagdaot diha sa pagtulon-an nga imong gibarugan.

Ayaw pagpailad igsoon, ayaw paglunga sa pag-ampo hupti ang dako nga pagtuo diha sa imong kasing-kasing ug huna-huna. Ayaw palingla pinaagi lamang sa mga bahandi niining kalibutan, ayaw ebaylo ang imong pagtulon-an pinaagi diha sa mga kaharuhay unya nga imong matagamtam pinaagi sa pagsunod sa pagtulon-an ni Cristo.

Mahibaw-an nimo nga kini nga pagtulon-an nga imong gibarugan iya sa Diyos kay makaambit ka gayud sa mg paglutos, ebalaan ang imong huna-huna ug kasing-kasing aron dili ka dag-on sa dautan.

Ang Pagkahimong Apostol Ni Pablo

GALACIA 1: 11~24

• 11 Buot ko nga magpahinumdom ninyo, mga igsoon, nga ang Ebanghelyo nga among giwali dili tawhanong mensahe; 12 wala mi makadawat ni makakat-on ini gikan sa tawo, hinunoa, sa pagpadayag ni Cristo Jesus. 13 Nakadungog mo sa akong pagkinabuhi kaniadto, sa sakop pa ko sa Judiong katilingban. Gigukod ko sa kapintas ang Simbahan sa Diyos ug gipaningkamotan nga maguba ni. 14 Labaw pa ko ka-deboto sa Judiong tinoohan kay sa daghang katalirongang Judio. Gilabanan ko ang mga tradisyon sa akong katigulangan. Hilabihan ko kapanatiko.

15 Apan usa ka adlaw gitawag ko sa Diyos tungod sa dako niyang gugma. Gipili ko niya gikan pa sa sabakan sa akong inahan. 16 Nahimuot siya pagpadayag nako sa iyang anak nga ipaila ko sa kanasorang pagano. Wala ko magpakitambag og tawo; 17 ni moadto sa Jerusalem aron makigkita sa mga apostol nga una pa nako. Miadto dayon ko sa Arabia; unya, mibalik sa Damasco. 18 Human sa tulo ka tuig, miadto ko sa Jerusalem aron makigkita ni Pedro nga akong gikuyogan sulod sa 15 ka adlaw. 19 Apan wala koy nakita nga laing apostol gawas ni Jaime, ang igsoon sa Ginoo. 20 Nagsulti ko ining tanan atubangan sa Diyos, ug sayod siya nga matuod ni.

21 Unya, miadto ko sa Siria ug Cilicia. 22 Ang mga simbahan ni Cristo sa Juda wala makaila nako. 23 Nakadungog lang sila: “Ang naggukod nato kaniadto nagwali na sa pagtoo nga buot niyang gun-obon.” 24 Gidayeg nila ang Diyos tungod nako.

PAGPAAMBIT SA MENSAHE:

Ang maong ebanghelyo maoy pagpasabot lamang mga igsoon nga kining maong pagtulon-an nga atong gisangyaw ug gibarugan nagsumikad diha sa unang mga tinawag , sa unang mga apostol. Diin si Pablo maoy usa ka apostoles nga gitawag sa Diyos nga wala mahiapil sa orihinal nga napulo ug duha, diin siya sa wala pa matawag usa ka manlulutos diha sa pagtulon-an nga gibarugan ni Jesu Cristo.

Kini nagpamatuod lamang nga kining maong pagtulon-an nga atong gisunod ug gipasidunggan naga-agi ug daghang mga paglutos, paglutos diha sa pagsangyaw ug diha sa mga katawhan nga nanagsangyaw. Dili usab tiaw ang nasinati ni Pablo diin pinaagi sa milagro sa Diyos ang pagtulon-an nga gusto niyang laglagon kay nahasupak sa doktrina sa Judaism, nahasupak sa balaod ni Moises, nahimo na man usab hinoon siya nga magsasangyaw niini, diin siya maoy gitahasan sa Diyos sa pagsangyaw sa kristiyanismo ngadto sa mga dili Judio ingon nga si Pedro mao usay gitahasan sa pagsangyaw niining maong pagtulon-an ngadto sa mga Judio.

Sa ato pa mga igsoon dili nato mahukman ang atong isigkatawo, sama kang apostol Pablo diin gibantog kini nga berdugo sa mga kristiyanos niadtong maong panahon, diin tungod kini sa iyang kadako sa iyang pagtuo diha sa pagtulon-an nga gisangyaw ni Moises ug ang Diyos nakakita sa mao niyang pagtuo ug siya maoy gigamit sa Diyos sa pagangyaw sa maong pagtulon-an sa upat ka suok sa kalibutan, diin niinining 2008~2009 gisaulog nato ang ika 2000 ka tuig nga kasaulogan ni Pablo nga maisugon nga nagasangyaw sa pulong sa Diyos

Ang Pag-abot Sa Anak Sa Tawo

LUCAS 21: 25~28

25 Dunay mga timailhan sa adlaw, sa bulan ug sa mga bitoon. Sa yuta mangurog ang mga nasod sa kalisang. Modahunog ang dagat ug ang mga balod. 26 Makuyapan ang mga tawo sa kahadlok ug kabalaka sa mahiagoman sa kalibotan, kay mangurog ang mga pwersa sa tibuok uniberso. 27 Unya, makita ang Anak sa Tawo nga magsingabot sa kapanganoran uban sa gahom ug sa dakong himaya. 28 “Kon mosugod na pagkatuman kining unang mga hitabo, barog mo ug hangad, kay nagkaduol na ang kaluwasan

PAGPAAMBIT SA MENSAHE:

Ang maong eanghelyo maoy pagpasabot lamang nga ang kataposang paghukom naggagad gayud kini sa Diyos Amahan diim bisan ang anak wla gayud masayod niini bugtong ang anak laamng apan aunay mga timailhan sa dili pa kini mahitabo diin matod pa diha niining maong ebanghelyo motipas ang naandan nga dalan diha sa agi-anan sa mga planeta.

Apan ang balaang kasulatan nagaingon (2 Pedro 3: 8 ) nagaingon ang usa ka adlaw sama 1000 ka tuig, ug ang 1000 ka tuig ingon lamang sa usa ka adlaw Ang Ginoo dili maglangan sa pagtuman sa iyang gisaad sumala sa gihuna-huna sa uban . Apan siya nagpailob kaninyo kay dili siya buot nga may usa nga malaglag kundili nga ang tanan maghinulsol ug mobiya sa ilang mga sala.

Mga igaoon ania na kita sa ikatulong siglo, diin anag unagn siglo mao man kadto ang panahum ni Moises ug ang ikaduha mao man ang pagpakatawo sa atong Ginoong Jesu- Cristo aron sa pagluwas sa atong mga sala, ug niining higayuna ang ikatulong siglo nagpasabot kini sa espiritu santo sa kamatuoran nga maoy nagahatga ug giya s iyang mag sumosunod.

Juan 14:15 nagaingon: Tumana ninyo ang akong mga sugo ug mangayo ako sa Amahan ug tagaan kamo niya ug laing manlalaban, ang espiritu santo sa kamatuoran nga maga-uban kaninyo hangtod sa kahangturan. Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagapuyo ug nagauban siya diha kaninyo.

Ania ang espiritu sanato sa Diyos kanauany nagauban kanato, apan matod a kun ang espiritu sanato anaa sa aimong tuo ang espiritu nag dautan usab anaa sa aimong wala nagahulat lamang kun anus-a kini makamugna ug kasakitan. Busa mag igsoon ang pagbalik sa Diyos mas duol siya kay sa gihuna-huna sa uban mao nga sa kanunay atong ibalaan ang atong kasingkasing ug huna-huna ug atong tumanon ang mga pagtulon-an nga gisangyaw ni Jesu-Cristo pinaagi diha sa pagsul-ob sa kinaiyahan sa espiritu santo.

Mga Panan-awon Ni Pablo

2 CORINTO 12: 1~10

12 • 1 Walay kapuslanan ang pag panghambog, apan kon gikinahanglan, hisgotan ko ang pipila ka talan-awon ug pagpadayag sa Ginoo.
2 May gikaila ko nga Kristyano, 14 na ka tuig karon nga kanhi gibayaw sa ikatulong langit. 3 Kon sa lawas ba o sa makita ba lang sa gawas, wala ko masayod. Ang Diyos ray nasayod. 4 Gibayaw siya sa paraiso diin iyang nadungog ang mga pulong nga dili ikapanugilon: Mga butang nga ang tawo dili makasulti.

5 Bahin ining tawhana makapanghambog ko. Apan sa kaugalingon wala koy ikapanghambog gawas sa kahuyang. 6 Kon buot kong manghambog, dili ni binuang sa akong bahin, kay mosulti ko sa tinuod. 7 Apan mas maayo tingali nga mohunong lang ko basig may makahunahuna nga labaw ko sa iyang makita o madungog. Aron dili ko magmapahitas-on human sa daghan ug katingalahan kaayong pagpadayag, gihatagan kog tunok sa akong lawas, sulugoon ni Satanas, sa pagtamparos nako. 8 Sa makatulo nag-ampo ko sa Ginoo nga mawala ni nako.

9 Apan mitubag siya: “Paigo alang nimo ang akong grasya. Ang dako kong kusog gipadayag sa kahuyang.” Hinunoa, malipayon ko nga mopasigarbo sa kahuyang aron maangkon ko ang kusog ni Cristo. 10 Magmaya ko kon akong matagamtaman ang kasakitan, pagbiaybiay, panginahanglan, panggukod tungod ug alang ni Cristo! Kay sa kahuyang, naa ang akong kusog.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mag gasa nga langitnon nga gipiyal kang Pablo ang gasa pinaagi sa panan-awon diin nakita niya ang pagbayaw ni Jesu Cristo katorse (14) ka tuig na ang milabay, kini nagpamatuod lamang diha sa mga milagro ug kamatuoran nga nasinati ni Pablo diha sa iyang pagpangalagad.

Usa ka kamaatuoran nga nagpahibalo sa katawahang kristuhanon nga kamatuoran nga adunay pagkabanhaw ug adunay kinabuhi human sa kamatayon, ug adunay kinabuhing dayon diha sa pagsunod sa pagtulon nga gibarugan ni Jesu Cristo

Busa mga igsoon aya himo-ang ordinaryo ang bulohaton nga iya sa Diyos, kay ang pulong sa Diyos nagaingon, Ang una gayong tahas sa atwo dinhi sa kalibutan mao gayud ang paggahin ug oras nagdto sa iyos pinaagi diah sa mag pag-ampo ug diha pagpanaglagad.

Dili tanan tawo tinawag ug pinili sa Diyos ug kadtong wala niya tawga ug pili-a nan dinhi lang sila sa kalibutan, appan kadtong tinawag ug pinili niyang mag kaatwahan nan bulahan kay kay sila pagapiuli-an pa.

Kay mao gayuy gusto sa Diyos nga ang iyang tinawag ug pinili nga katawhan pagasulayan una niya kong kini takos ba sa iyang gingharian sa langit, dili kay magalingkod lamang ug magahulat sa kataposang paghukom, ang pagbalik sa atong Diyos Jesu Christo. Kay matod pa pagasulayan man gain ang bulawan pinaagi sa kalayo an ang tawo pa kaha nga mas mahal pa ug bili sa bulawan?....pagasulayan usab kini sa Diyos.

Busa igsoon pamalandungi, ang pagkabanhaw sa atong Diyos diin nabanhaw kita uban kaniya ug nagpabilin nga patay ang atong mga sala, diin atong alimahan ang grasya nga gihatag sa Diyos kanato kay dili tanan tawo gitagaan sa Diyos ug kahigayonan diha sa kinabuhing dayon.