Ang Usa Ka Dako Nga Nawala

LUCAS 15: 8~10

8 Kon ang babaye nga may 10 ka salapi mawad-ag usa, dili ba siya magdagkot og suga, manilhig sa balay ug mangita pag-ayo hangtod nga makit-an ni? 9 Inigkakita na niya, manawag siya sa kahigalaang babaye ug mga silingan sa pag-ingon: ‘Maglipay ta, kay nakit-an ang nawala kong salapi.’ 10 Ingnon tamo nga ingon sab ini ang kalipay sa mga anghel sa Diyos, tungod sa usa ka makasasala nga maghinulsol.”

PAGPAAMBIT SA MENSAHE:

Ang maong ebanghelyo maoy pagpasabot lamang kun atong pangitaon ang kuwarta nga nawala nan mas labaw nga pangitaon sa Diyos kita nga iyang mga anak nga pinili ug tinawag kun sa higayon nga matipas kita diha sa laing dalan .

Matod pa diha sa ebanghelyo nga bisan ang mga anghel sa kalangitan malipay ug magasaulog kun adunay binuhat dinhi sa yuta nga mobalik ngadto sa sabakan sa Diyos. Mas dako ug bili ang tawo kay sa bulawan diin atong mapalandungan, nga gipakanaog sa Diyos Amahan ang iyang bugtong anak aron sa pagpangita ug sa pagluwas sa mga katawhan gikan sa kasal-anan

Ang Diyos maoy nangita kanato ug dili kay kita maoy nangita ug miduol sa Diyos. Mahal ang lukat o bayad kanato sa Diyos kay gihalad mismo ni Jesu Cristo ang iyang lawas ug dugo ug matod pa dili na kita maoy tag-iya sa atong kaugalingon kay gibayran ug gipanag-iya na kita sa Diyos.

Apan matod pa ang kamatuoran nagahatag kanato ug kagawasan, ug kinsa man kining maong Kamatuoran, Ang balang kasulatan naga-ingon : " Siya ang dalan ang kamatuoran ug ang kinabuhi , sa ato pa ang kamatuoran mao si Jesu Cristo, Gipanag-iya sa Diyos ang atong lawas ug kalag apan gitagaan kita sa Diyos ug kagawasan sa pagpakabuhi sumala sa atong kabubut-on dinhi sa ibabaw sa yuta.

Matod pa nga giluwas kita ni Jesu Cristo, apan samtang nagpakabuhi pa ang tawo padayon gayud siya sa pagpakasala, pinaagi sa pulong , sa huna-huna ug sa buhat, Apan ang tinawag ug pinili nga katawhan sa Diyos iya gayud kining tawgon diha sa daghang paagi, usa na niana ang pagtawag kanimo sa balati-an, usa na niana ang pagtawag kanimo diha sa mga paglutos, ug usa na niana ang pagtawag kanimo sa kawad-on,

Kay mao gayuy gusto sa Diyos nga kitang tawo mahiduol ug moduol kanunay Kaniya kay anaa man sa Diyos ang tubag sa atong mga kakulangon, ug makaduol kita sa DIyos pina-agi sa hinay-hinay ug kanunay nga pag-ampo inubanan sa atong bug-os nga pagtuo ug maayong binuhatan , kay bulahan ang tawo nga nakaambit sa grasya gikan sa Diyos gumikan sa iyang mga pag-ampo kay sa kanunay ang panalangin magauban gayud kaniya ug hangtod sa iyang mga kaliwatan.

Ang Pagtulon-an Mahitungod Sa Pag-ampo

LUCAS 11:1~13

11 • 1 Usa ana ka adlaw, nag-ampo si Jesus. Human ini miingon niya ang usa sa iyang mga tinun-an: “Ginoo, tudloi mi sa pag-ampo ingon nga gitudloan ni Juan ang iyang mga tinun-an.” 2 Miingon si Jesus: “Ingna ini pag-ampo:
Amahan namo, naa sa langit ang imong ngalan, moabot ang imong gingharian.
Matuman ang imong kabubut-on
didto sa langit ingon man dinhi sa yuta.
3 Hatagi mi sa adlaw adlaw namong pan.
4 Pasayloa mi sa among mga sala;
kay pasayloon sab namo ang tanan nga nakahimo namog sayop; ayaw mig itugyan sa panulay, ug luwasa mi sa daotan.”
• 5 Miingon si Jesus: “Kon ang usa ninyo may higala nga iyang giadto sa tungang gabii ug giingnan: ‘Higala, pabayloa kog tulo ka pan, 6 kay mao pay pag-abot gikan sa byahe sa akong higala ug wala koy ikapakaon niya.’ 7 Hayan tubagon ka sa naa sulod sa balay: ‘Ayaw kog tugawa. Nanrangka na ko sa pultahan. Nanghigda na mi ug ang mga bata. Dili na ko mobangon aron paghatag nimo sa pan.’ 8 Ingnon tamo, kondili siya mobangon tungod sa ilang pagkahigala, mobangon siya ug ihatag ang gikinahanglan tungod sa pamugos.
9 Ingnon tamo: pangayo ug hatagan mo, pangita ug inyong makaplagan, panuktok ug ablihan alang ninyo ang pultahan. 10 Makadawat gyod ang mangayo; makakaplag ang mangita ug ablihan ang manuktok.
11 Kinsa ninyong mga amahan ang mohatag og bitin sa anak nga nangayog isda? 12 Kinsay mohatag og tanga kon itlog ang gipangayo? 13 Kon kamong mga daotan mahibawong mohatag og maayong mga gasa sa anak, unsa pa kaha ang Amahan sa langit? Mohatag siya sa balaang Espiritu sa mangayo niya.”

PAGPAAMBIT SA MENSAHE:

Ang maong ebanghelyo nagpasabot diha sa unsaon sa pag-ampo, kay bian ang atong Ginoong Jesu Cristo amkig-istorya ug magaliya sa iyang Amahan pinaagi sa pag-ampo. Ang pag-ampo maoy atong komunikasyon ngadto sa atong Diyos nga dili makita ug mahikap. Pinaagi sa atong mga pag-ampo tubagon sa Diyos ang atong mga pangutana pinaagi sa atong hunahuna diin gitawag kini nga gasa nga diktar.

Ang Diyos miingon walay tawo dinhi sa ibabaw sa kalibutan nga naga-ampo nga wala madungog sa Diyos, ang tanan nag naga-ampo ug nagasangpit sa Diyos iyang hidunggan apan dili ang tanan nakadawat sa iyang panalangin tungod kay kadaghanan sa naga-ampo wala magsumikad sa ilang kasingkaing, kundili anaa lamang sa tumoy sa ilang dila.

Ang pulong sa Diyos espiritu santo nagaingon , diha sa atong pag-ampo manirado kita sa atong kuwarto, atong ipiko ang atong mga tuhod ug ibayaw ang atong kamot, atong ibalaan ang atong huna-huna ug kasingkasing ug atong ipangaliya nga dunggon kita sa Diyos diha sa atong mga pag-ampo. Atong pangayoon ang kalooy sa diyos ug kun mahimo hilaki ang kalooy sa Diyos.

Ang Sambingay Mahitungod Sa Maayong Samariahanon

LUCAS 10: 25~37

25 May magtutudlo sa Balaod nga mibarog aron pagbitik ni Jesus. Miingon siya: “Magtutudlo, unsay buhaton ko aron pagbaton og kinabuhing walay kataposan?” 26 Mitubag si Jesus: “Unsay nasulat sa Balaod, ug giunsa mo pagsabot?” 27 Mitubag ang magtutudlo sa Balaod: “Higugmaa ang Ginoo nga imong Diyos sa tibuok mong kasingkasing ug sa tibuok mong kalag ug sa tibuok mong kusog ug sa tibuok mong hunahuna.” Nasulat sab: “Higugmaa ang imong silingan ingon sa kaugalingon.” 28 Miingon si Jesus: “Husto ang imong tubag. Buhata ni ug mabuhi ka.” 29 Apan buot mangatarongan ang magtutudlo busa, miingon siya ni Jesus: “Kinsay akong silingan?”

:
30 Mitubag ni Jesus: “May tawong milugsong gikan sa Jerusalem ngadto sa Jerico ug nahulog sa kamot sa mga tulisan. Gihuboan siya, gikulata dayon, gibiyaang himatyon. 31 Naatol sab nga naglugsong adtong dalana ang usa ka pari. Sa pagkakita niya sa tawo, misimang siya sa dalan. 32 May Levita pod nga milabay. Dihang nakita niya ang himatyon misimang pod siya sa dalan. 33 Apan may taga Samaria nga nagpanaw ug milabay sa nahimutangan sa himatyon. Sa pagkakita niya sa tawo, naluoy ug 34 miduol siya. Gibuboag lana ug bino ug gibugkosan niya ang mga samad. Gipasakay niya ang himatyon sa iyang hayop, gidala sa abtanan ug giatiman.
35 Sa sunod adlaw, mikuha ang Samariyanhon og duha ka denaryo, gihatag sa tag-iya sa balay ug miingon: ‘Atimana siya; bayran ko ang dugang nga gastos sa akong pagbalik.’”
36 Unya, miingon si Jesus: “Sa imong pagtoo, kinsa nila ang silingan sa nahulog sa kamot sa mga tulisan?” 37 Mitubag ang magtutudlo: “Ang naluoy niya.” Busa, miingon si Jesus: “Lakaw ug buhat sa ingon.”

PAGPAAMBIT SA MENSAHE:

Ang maonb ebanghelyo nagapasabot lamang nga kitang mga katawhan nga kristuhanon adunay katungdanan diha sa pagtabang sa atong isigkatawo matumutuo man siya o dili. Ang balaang kasulatan nagaingon nga ang imong gihimo diha sa pinakaubos nga nilalang dinhi sa ibabaw sa kalibutan maoy imong gihimo ngadto sa Diyos.

1 Corinto 3 : 16 nagaingon nga Ang lawas sa tawo maoy templo sa Diyos espiritu santo sa diyos u gang molaglag sa templo sa Diyos nga mao ng atong lawas nan pagalaglagon usab sa Diyos. Diha sa ubang kasulatan nagaingon Higugmaa ang Diyos labaw sa tanang butang dinhi sa kalibutan ug Higugmaa ang imong isigkatawo sama sa paghigugma nimo sa imong kaugalingon. Ug kun masupak nimo ang usa lamang niining duruha ka sugo nan sama ra nga nasupak nimo ang tanang kasugo-an sa Diyos nga gisangyaw ni Moises.

Busa igsoon ayaw lantawa ang imong isigkatawo ug maoy siguro-a ang imong kaluwasan. Nan unsaon man nato pagsiguro ang atong kaluwasan? Isul-ob nato ang hiyas sa espiritu santo sa Diyos nga gisul-ob ni Jesus Cristo nga mao ang kinaiyahan sa pagkamangindawaton, pagkamapaubsanon ug anaa kanunay sa mga pag-ampo.

Atong ipatunhay ang pagtinabangay ug ang pagkamangindawaton sa usag-usa ug atong dawaton ang mga paglutos nga atong nasinati diha sa atong pagkinabuhi dinhi sa kalibutan, Kay ang balaang kasulatan nagaingon kun gusto nimong himayaon ug daygon didto sa gingharian sa langit nan pas-ana ang imong krus ug sunod sa pagtulon-an ni Jesu Cristo. Bulahan ka nga nakaambit diha sa mga kasakitan ni Jesu Cristo diha sa iyang kamatayon sa krus kay makaambit ka usab sa himaya sa iyang pagkabanhaw didto sa iyang gingharian sa langit

Ang Tinuod Nga Kabulahanan

LUCAS 11~27~28

• 27 Samtang nagsulti pa si Jesus, may babaye gikan sa katawhan nga namulong: “Bulahan ang nagsabak ug ang nagmatuto nimo!” 28 Mitubag si Jesus: “Sa labing tinuod, bulahan ang naminaw ug namati sa pulong sa Diyos

PAGPAAMBIT SA MENSAHE:

:

Ang maong ebanghelyo maoy pagpasabot lamang nga ang kabulahanan diha sa atong pagpakabuhi niining kalibutana, dili masukod pinaagi diha sa materyal nga butang o bahandi,o mga butang nga makita sa atong mga mata, Diin diha sa maong ebanghelyo nahimong panag-ingnan ang pagkatawo ni Jesu-Cristo diin matod pa bulahan ang iyang inahan kay napanaganak ug usa ka mesiyas.

Apan bulahan ang mga katawhan nga sa kanunay nga naminaw sa pulong sa Diyos ug sa kanunay nagasunod sa iyang kabubut-on ug kasugo-an. Kay matod pa diha sa ubang pulong sa espiritu santo nga “ Kun nasayod pa lamang kamo kun unsay atua didto sa gingharian sa langit nan dili na unta lamo mangandoy pa sa dugang bahandi niining kalibutana ug biyaan ninyo ang tanan ug maoy inyong siguroon kun unsaon ninyo paghiabot didto sa iyang gingharian sa langit.

Apan gtuyo sa Diyos nga ipakanaog ang iyang bugtong anak ug magpakatawo didto sa pasungan sa baka aron makita ang panag-ingnan nga bisan siya nga anak sa Diyos, bugtong sumosunod sa trono ug gingharian sa langit apan wala siya magpasigarbo sa iyang kaugalingon ni sa iyang bahandi, Philipos 2: 8~10 nagaingon nga dih kania ang kinaiyahan sa usa ka Diyos apan wala niya ipamugos nga mptupong saDiyos pinaagi sa kusog, hinunu-a gihubo niya ang tanan ug nagpaubos siya ug mitiponsa mga kabos, Diin nagpamatuod lamang nga ang Diyos nga atong gisunod ug gisimba dili Diyos sa pagpasigarbo kundili Diyos sa pagkamapaubsanon.

Busa angay lamang nag kun gusto nato nga makita ang tinuod nag kabulahanan nan isul-ob ang hiyas nga kristuhanon, ang hiyas sa espiritu santo diin anaa ang pagpaubos, pagkamangindawaton u gang pagkamainampoon. Ayaw isakit ang mga paglutos ug mga kasakitan sa kinabuhi kay nagpasabot lamang kana nga imong gidawat ug gipapuyo si Jesu Cristo diha sa imong kasingkasing.

Ang Sambingay Mahitungod Sa Baling

MATEO 13:47~50

• 47 Ang gingharian sa langit sama sab sa dakong baling nga gitaktak sa dagat ug nakakuha sa tanang matang sa isda. 48 Inigkapuno sa baling, bitaron ni sa baybayon. Unya, ang mga tawo manglingkod ug manghagpat sa ma-ayo nga ilang isulod sa mga bukag, ug isalibay ang way pulos. 49 Kini ang mahitabo sa kataposan sa panahon. Ang mga anghel manganhi aron pag-lain sa maayo ug sa daotan 50nga itambog sa nagdilaab nga hudno. Didto maghilak sila ug magkagot sa ngipon.”

PAGPAAMBIT SA MENSAHE:

Ang maong ebanghelyo maoy pagpasabot lamang nga diha unya sa kataposang paghukom gipanag-ingnan kita sa mga lain-laing isda nga gi-“harvest” pinaagi sa baling diin pilion ang maayo ug ang dautan nga isda sunogon sa kalayo , Sa ato pa mga igsoon ayaw pagsalig nga ikaw tinawag ug pinili sa Diyos, kay matod pa diha sa usa ka alawiton ang atong kamatayon sigurado apan ang atong kaluwasan walay siguro.

Ang Diyos nagaingon dili ang tanan nagtawag Diyos ko, Diyos ko makasulod sa gingharian sa langit kundili kadto lamang nagasunod ug nagatuman sa iyang kabubut-on . Walay makasiguro diha sa kaluwasan sa matag tawo, nga sa ato dili nato mahukman ang atong kaugalingon ni ang atong isigkatawo nga sigurado na nga maluwas, kay ang kaluwasan nga gisaad ni Jesu-Cristo diha sa kinabuhing dayun dili kini premyo o ganti tungod sa maayong binuhatan, aron sa ingon walay magpasigarbo diha sa atubangan sa Diyos nga siya maluwas tungod sa maayong binuhatan, tungod kay ang kaluwasan nga gisaad sa Diyos gasa kini nga langitnon tungod sa iyang gugma kanato.

Tinuoray nag walay relihiyon o pagtulun-an nga makaluwas, kay ang kataposang paghukom nga ihatag sa Diyos sa matag-usa wala magsumikad sa imong pagtulun-an nga gibarugan, kundili nagsumikad kini diha mismo sa kabubut-on sa Diyos. Nan unsa nga pamaagi nga duna kitay purohan nga maluwas ngadto sa kinabuhing dayon? Atong isul-ob ang kinaiyahan sa espiritu santo sa Diyos nga maoy gisul-ob ni Jesu-Cristo, ang pagkamangindawaton , ang pagpaubos ug ang kanunay nga mga pag-ampo ug pangaliya.

Ang Sambingay Mahitungod Sa Mutya

MATEO 13:45~46

45 Ang gingharian sa Langit sama sab sa komersyanti nga nangitag nindot nga mga mutya. 46 Sa nakaka-plag na siyag usa nga may talagsaong kanindot, milakaw siya ug gibaligya ang tanang kabtangan ug gipalit ang mutya

PAGPAAMBIT SA MENSAHE:

Ang maong ebangehelyo maoy usa ka sambingay nga ang mag katawhan nga nangita sa gingharian sa Diyos dinhi sa ibabaw sa kalibutan pagatultulan gayun sa Diyos pinaagi sa giya sa espiritu santo. Kay ang balaang kasulatan nagaingon ang Doyos dili gayud mohikaw niadtong mag tawao nga nangita ug nangaplag sa kamatuoran ug sa kaluwasn diah sa kinabuhing dayun.

Nagpasabot lamang usab mga igsoon nga daghan nga mga tinawag ug pinili nga mga kaatahn dinhi sa ibabaw sa kalibutan diin panag-ing kini sa isda sa kadagatan nga lain-laing klase. Apan dili usab ang tanang katawhan sa ibabaw sa kalibutan mag tinawag ug pinili diin kitang mga tinawag ug pinili nan pagapili-an pa.

Apan wala magpasabot nga magalingkod-lingkod lang kita ug magahulat diha sa pagblik sa Ginoong esu Cristo diha sa iyang kataposang paghukom, kundili pagasulayan gayud sa Dyos ang atong pagtuo, (1 Pedro 1:6) Kay pagasulayan man gani ang bulawan nga lumalabay lamang pinaagi sa kalayo nan ang atong pagtuo nga mas labaw pa ug bili kay sa bulawan pagasulayan usab kini sa Diyos aron malign-on.

Apan ang gingharian sa Diyos dili nimo makita diha sa mga butang nga materyal niining kalibutana, ang balaang kasulatan nagaingon (1 Corinto 3 :16) nagaingon ang lawas sa tawo maoy templo sa Diyos espiritu santo,uaG Ang molaglag sa templo sa Diyos nga mao kita nan pagalaglagon usab sa Diyos. Sa at pa mag igsoon ang Diyos anaa sa matag tawao niining kalibutan, u gang imong gibuhta diha sa pinakaubos nga buinuhat dinhi sa ibabaw sa kalibutan maoy imong gibuhat sa Diyos.

Diha sa ubang sinulat nagaingon moabot ang Diyos diha sa atong tagsa-tagsa kinabuhi sa paagi nga dili nato damhon nan, Sama nga ang ginharian sa iyos dili makita niadtong mga katawahan nag hataas ug garb okay ang Diyos ang atong Diyos dilid Diyos nga mapagarbohon kun dili Diyos nga mapaubsanon.

Ang Pagpandong Sa Ulo Kun Magsimba

1 CORINTO 11: 2~15

2 Gidayeg tamo, kay gipahinumdoman ko ninyo sa tanang butang ug inyong gituman ang pagtulon-an nga akong gibilin. 3 Apan buot kong mopahinumdom ninyo nga si Cristo ang ulo sa matag tawo sama nga ang bana sa asawa ug ang Diyos ni Cristo. 4 Kon ang lalaki mag-ampo o managna tinabonan ang ulo, nagpasipala siya sa ulo. 5 Hinunoa, ang babayeng mag-ampo o managna nga wala magpandong, wala siya magtamod sa ulo. Mas maayo pa nga putlon niya ang buhok. 6 Kon may babaye nga dili mopandong, ipaputol ang buhok. Kon maulaw siya pagpaputol sa buhok, papandonga siya.

7 Dili kinahanglang magpandong ang lalaki, hulagway siya sa Diyos ug naglarawan sa iyang himaya samtang ang babaye naglarawan sa himaya sa lalaki. 8 Ang lalaki wala mahulma gikan sa babaye, apan ang babaye nahulma gikan sa lalaki; 9 ni ang Diyos nagbuhat sa lalaki alang sa babaye kondili, ang babaye alang sa lalaki. 10 Busa, ang babaye magtahod sa mga anghel; ug magbaton siya sa iyang ulo sa timailhan nga nag-agad siya sa lalaki.

11 Apan dili ta makahisgot sa lalaki nga wala ang babaye, ni sa babaye nga wala ang lalaki. 12 Kon ang Diyos nagbuhat sa babaye gikan sa lalaki, ang lalaki natawo gikan sa babaye, ug ang duha gikan sa Diyos. 13 Hukmi kon angay ba nga ang babaye mag-ampo nga walay pandong. 14 Ang sentido kumon nagtudlo nga makauulaw alang sa lalaki nga taas siyag buhok. 15 Apan alang sa babaye ang taas nga buhok garbo niya ug gitugahan siya ini isip pandong.

PAGPAAMBIT SA MENSAHE:

Ang maong ebanghelyo nagpasabot lamang nga ang pagpandong sa mga babaye diha sa pagsimba adunay dakong kahulugan diin nagabase kini niadtong kapanahunan sa mga Judio ug sa mga pagtulun-an nga gisangyaw ni Moises diin gisunod gayud ang mga proseso diha sa pagsimba diin panag-ing diha sa maong ebanghelyo nga ang lalaki maoy haligi diha sa panimalay ug maoy kinatubuk-ang larawan ni Jesus Cristo ug ang babaye ubos gayud sa pagmando sa iyang bana, sa ato pa ang pagpandong diha sa pagsimba maoy pagpa-ubos diha sa kabubut-on sa Diyos nga Jesu-Cristo.

Sa ato pa mga igsoon kun dili magpandong ang babaye kun magsimba kulang ba ang ilang mga pag-ampo, ang tubag Diyos ra ang nasayod, apan diha sa ubang pulong sa Diyos nagaingon, ‘ Ang iyang kabubut-on maoy matuman. Diin matod pa usab diha sa ubang pulong sa espiritu santo,nga kitang tanan anak sa Diyos, ug kun ang atong Diyos Hari sa mga hari nan kita usab unta kay anak man prinsipe kita.

Apan aduna ba diay prinsipe nga mgakalisod-lisod, aduna ba diay prinsipe nga nasubrahan diha sa mga kasakitan, ug matod pa tungod kana kay wala nato masunod ang kabubut-on sa Amahang Diyos sa inengles pa “ Thy Well Be Done”, Ang Iyang kabubut-on maoy matuman, kay kun kabubut-on na sa tawo ang atong sundon kumplikado na ang tanan.

Ingon niana ang gipasinati sa Diyos sa iyang mga pinili ug tinawag nga katawhan, apan natural lamang nga kun nagasunod ka ni Jesu-Cristo nan anaa gayud ang mga paglutos, apan pinaagi diha aa atong mga pag-ampo ug pangaliya mamahimong hagkap ang tanan, apan kinahanglan nga atong sundon ang proseso nga gitudlo sa balaang kasulatan kay ang pulong sa Diyos nagaingon unaha ang gingharian sa Diyos ug ang tanan nga imong gipangayo ihatag ra kanimo.

Ang Subasko

BUHAT 27:13~45

13 Unya, misugod paghuros ang habagat. Nagtoo sila nga nakab-ot na nila ang ilang tuyo. Gibira nila ang angkla ug milawig subay sa isla sa Creta. 14 Apan pagkataudtaod, may kusog nga hangin nga gitawag og “amihan” nga mibulhot gikan sa isla. 15 Ang barko naguyod ug dili makaabanti tungod sa hangin. Sa ingon gianud-anod mi.
16 Samtang mitabok mi ubos sa liwag sa gamayng isla sa Cauda, nasiguro namo ang salbabida nga sakayan sa tumang kalisod. 17 Human ni namo isaka, gilikosan nilag mga pisi ang kasko. Tungod sa among kahadlok nga masangyad sa balas sa Sirte, gihulog ang angkla. Sa ingon, gipadayon mi pagguyod.

18 Gikusokuso mig kusog sa bagyo. Sa sunod adlaw gikinahanglan na nga ilabay ang ubang karga. 19 Sa ikatulong adlaw, ang mga marinero nanglabay sa kasangkapan sa barko. 20 May pipila na ka adlaw nga ang mga bitoon ug ang adlaw wala magpakita. Walay hunong ang bagyo. Nawad-an mi sa tanang paglaom.
21 Wala miy kaon sa daghang adlaw. Busa, si Pablo mibarog sa ilang taliwala ug miingon, “Mga higala, kon mipatoo pa mo nako sa dili pagbiya sa Creta, dili unta ingon ini kakuyaw ang atong kahimtang. Malikayan unta nato ang kapildihan. 22 Apan karon awhagon tamo pagbaton og kaisog. Walay mamatay. Ang barko lay maguba. 23 Kagabii mitungha nako ang anghel sa Diyos, ang akong tag-iya ug gialagaran. 24 Miingon siya, ‘Pablo, ayawg kahadlok. Kinahanglang moatubang ka sa hukmanan ni Cesar. Ang Diyos nagpasalig sa imong kinabuhi ug sa tanan mong ‘kauban.’

25 Busa, pagbaton og kaisog, mga higala. Misalig ko sa Diyos ug matuman ang tanan sumala sa iyang gisulti. 26 Masangyad hinuon ta sa usa ka isla.”
27 Mga tungang gabii sa ika-14 ka gabii samtang gianud-anod mi sa Dagat Adriatico, ang mga marinero, nagduda nga duol na mi sa mamala. 28 Gisukod nila ang giladmon sa tubig, mga 37 metros. Taudtaod giusab og sukod, 27 na lang. 29 Nahadlok sila nga makaigo mig bato. Busa, gihulog ang upat ka angkla gikan sa ulin. Nahingawa kaayo mi nga naghulat sa kabuntagon. 30 Unya, ang mga marinero misulay pagbiya sa barko. Gipataas nila ang pisi sa mga angkla gikan sa dulong ug gikanaog ang salbabida nga sakayan sa dagat. 31 Apan si Pablo miingon sa kapitan ug sa mga sundalo, “Kon mobiya sila, dili mo maluwas.” 32 Busa, giputol sa mga sundalo ang gakot sa barko ug gipasagdang mahulog.

33 Samtang nagpaabot sila sa kaadlawon, si Pablo miawhag sa tanan, “Sulod sa 14 ka adlaw wala tay kaon tungod sa kahingawa sa nahitabo. 34 Hangyoon tamo sa pagkaon kon buot mong mabuhi. Kay walay mawala, bisag usa ka lugas nga buhok sa inyong ulo.” 35 Human niyag sulti mikuha siyag pan ug nagpasalamat sa Diyos atubangan sa tanan. Iya ning gipikaspikas ug mikaon. 36 Nadasig ang tanan ug nangaon. 37 276 ang tanan. 38 Sa nabusog na sila, gilabay sa dagat ang trigo aron mogaan ang barko. 39 Sa buntag, wala nila mahibaw-i unsa tong dapita. Apan nakamatikod silag luok nga may baybayon. Mihukom sila pagpadunggo sa barko kon mahimo. 40 Gipaubos ang mga angkla ug gipasagdan sa dagat. Unya, gipaluagan ang mga pisi sa timon, giisa ang layag nunot sa hangin ug mipadulong sila sa baybayon. 41 Apan natunong silag balas ug nasangyad ang barko. Ang ulin nabara ug dili na mairog. Samtang ang dulong nabuak sa bangis nga balod. 42 Ang mga sundalo naglaraw pagpatay sa mga priso. Nahadlok silang may molayas nga manglangoy. 43 Apan ang kapitan, nga naninguha pagluwas ni Pablo wala motugot. Hinuon, gipaambak niya pag-una ang mahibawong molangoy aron makaadto sa baybayon. 44 Ang uban gipagunit sa bisag unsang bahin sa barko nga makatabang nila. Sa ingon, naluwas ming tanan.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa tahas nga gisangon sa Diyos kanato adunay kini katumbas nga mga pagsulay o mga subasko. Diin daghan ang naglikay diha sa pagsimba sa dagkong templo kay matod pa nila kun pagpaduol ka sa Diyos haduol ka usab sa mga kapit-os sa kinabuhi. Busa diha sa mga sinagoga daghan ang igo lang molili, diha lang sa silong ug dili moambit diha sa mga pag-ampo kay nahadlok makaambit sa pagsulay.

Apan ang Diyos nagaingon molikay ka man sa mga pag-ampo dili ka man tumotuo ni Cristo apan kun nakalatid na daan ang mga pagsulay sa imong kinabuhi nan maka-ambit ka gayud sa mga pagsulay, diin ang Diyos Jesu-Cristo nagaingon tukhi ang mga pagsulay sa mga pag-ampo kay anaa si Jesu Cristo nga atong Diyos nga maoy manalipod kanimo.

Sa ato pa mga igsoon ang mga pagsulay kabahin na kini sa atong kinabuhi, diin matod pa kun nagasunod ka sa pagtulun-an ni Jesu Cristo ug nagpakabuhi nga usa ka kristuhanon nan makaambit ka gayud sa mga paglutos. Kay ang mga katawhan nga iya ni Jesu Cristo pagalutoson gayud. Ang pulong sa Amahan nagaingon mahibaw-an ninyo nga kini nga pagtulun-an iya sa Diyos kay makaambit ka gayud sa mga paglutos. Ang pulong sa Diyos nagaingon usab nga bisan anaa kana sa baba sa kamatayon kun bug-os ang imong pagtuo ngadto sa Diyos nan luwason ka sa Diyos.

Ang balaang kasulatan nagaingon nga bulahan ang mga katawhan nga hingpit nga nagatugyan sa iyang kinabuhi sa Diyos ug nagasunod sa iyang kabubut-on kay mahatagan ka ug dugang kinabuhi, apan kun nagdumili ka sa pagsunod sa kabubut-on sa Diyos sa kahadlok nga mawad-an ka ug kinabuhi nan basin ug kawad-an ka niini.

Ang Milagro Nga Gusto Nilang Tan-awon

LUCAS 29 11: 29~32

• 29 Diha nga nagkapundok na ang mga tawo, miingon nila si Jesus: “Daotan ang katawhan karong panahona. Nangita silag timailhan, apan walay ihatag gawas sa timailhan ni Jonas. 30 Ingon nga si Jonas natimailhan alang sa katawhan sa Ninive, ang Anak sa Tawo timailhan alang ining kaliwata. 31 Ang Rayna sa habagatan mobangon sa Adlaw sa Hukom uban sa katawhan ining panahona, mosumbong nila, kay mianhi man siya gikan sa mga utlanan sa kalibotan aron pagpamati sa kaalam ni Solomon. Ania dinhi ang mas dako pa ni Solomon. 32 Ang mga lalaki sa Ninive mobarog sa Adlaw sa Hukom uban sa katawhan ining panahona. Isumbong sila, kay ang wali ni Jonas nakapabiya nila sa kasal-anan. Ania dinhi ang mas dako pa ni Jonas.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa pagpaila ni Jesu Cristo nga siya anak sa Diyos nangita sila ug ilhanan o milagro kay dili gayud maabot sa huna-huna sa tawo ang kabubut-on ug kaalam sa Diyos ug labaw sa tanan dili nadawat niadtong mga maalamon ug mga bahandi-anon ang pamaagi diha sa pagpakita ug pagpaila ni Jesu- Cristo nga bugtong anak sa Diyos diin wala siya bahandi ni trono nga gihawiran.

Ang atong pag-ila ug pagpakigdait sa Diyos dili kini makita diha sa mga materyal nga butang kundili makita lamang pinaagi diha sa espirituhanon nga pamaagi. Ang Diyos mipakanaog sa iyang anak aron sa pagpili ug sa pagduol diha kanato alang sa kaluwasan sa kinabuhing dayun sa paagi nga Diyos lamang usab ang nasayod. Iyang gipakita ang dakong panag-ingnan diin ang bugtong anak sa Diyos nagpakatawo didto sa pasongan ug nagkinabuhi tipon kanatong iyang mga katawhan.

Philipos 2 : 8~ 10 nagaingon ng diha na kaniya ang kinaiyahan sa usa ka Diyos apan wala niya ipamugos ang iyang kaugalingon nga motupong siya sa Diyos pinaagi sa kusog hinunu-a gihubo niya ang tanan ug nagpakaubos siya ug nagmasinugtanon sa kabubut-on sa iyang Amahan hangtod sa iyang kamatayon sa krus. Diin mao kini ang dakong milagro nga nakapausab diha sa pagtulun-an nga kristuhanon apan wala kini ihatag sa Diyos diha-diha dayun, miabot una ug 600 ka-tuig A.D. ayha hingpit nga nadawat sa tibuok kalibutan nga adunay Diyos nga nagpakatawo ug nagpakamatay aron sa pagluwas kanatong tanan.

Ang siyudad sa Roma nga maoy bantugan manlulutos ug bantugang siyudad niadtong panahuna hingpit nga midawat sa pagtulun-an nga kristyanismo sa tuig 350 A.D. pinaagi usab sa usa ka emperador Constantino uban sa iyang inahan nga si Reyna Ele

Unsaon Sa Diyos Paghimong Matarong Sa Tawo

ROMA 3: 21~31

• 21 Apan karon gipadayag unsa ang gipahayag kanato sa Balaod ug sa mga Propeta: Ang Diyos naghimo nato sama sa iyang gusto sa walay pagkinahanglan sa balaod. 22 Ang Diyos naghimo natag tarong pinaagi sa pagtoo kang JesuCristo sa walay pagpili, alang ni sa tanang nagtoo. 23 Kay ang tanan nakasala ug wala makakab-ot sa himaya sa Diyos. 24 Ug ang tanan gitarong sa kalumo ug gisantos pinaagi sa kaluwasan nga nakab-ot ni Cristo Jesus. 25 Kay ang Diyos nagtugyan niya nga mabiktima aron, pinaagi sa iyang dugo, makab-ot ang pasaylo sa atong mga sala pinaagi sa pagtoo.

Busa, ang Diyos nagtudlo giunsa ta niya pagdala sa katarong. 26 Wala niya panumbalinga ang mga sala kaniadto, panahon to nga nagpailob lang ang Diyos. Apan karon buot niyang ipadayag ang iyang kabalaan. Makiangayon siya ug balaan. Gitarong ta niya pinaagi sa pagtoo ni Jesus.

27 Unya, unsa na man ang atong garbo? Wala ni iapil. Sa unsang paagiha? Dili ining Balaora ug sa pagtuman ini kondili, sa laing balaod – ang pagtoo. 28 Kay nagtoo man ta nga ang tawo naa sa grasya sa Diyos pinaagi sa pagtoo, dili sa pagtuman sa Balaod. 29 Kay kon dili, ang Diyos maDiyos sa mga Judio. Apan dili ba pod siya Diyos sa paganong nasod? 30 Ang tinuod, Diyos siya sa tanan, kay usa lang ang Diyos. Moluwas siya pinaagi sa pagtoo sa mga tinuling Judio ingon man sa dili tinuling nasod. 31 Nan karon, nagsalikway ba ta sa bili sa Balaod tungod sa atong gisulti bahin sa pagtoo? Wala. Hinunoa, gipahimutang ta ang Balaod sa hustong dapit.

PAGPAAMBIT SA MENSAHE:

Ang maong ebanghelyo nagpamatuod lamang dili sa ubang pulong sa balaang kasulatan nga nagaingon nga ang mag Judio ug dili Judio maluwas pinaagi sa pagtuo. matod pa usab diha sa ubang sinulat sa balaang kasulatan Hebrew 11 : 1 nagaingon nga ang pagtuo mao ang atong pagsalig sa mga butang nga atong gilaoman apan dili nato makita.

Ang Diyos amahan mipakanaog sa iyang bugtong anak aroan magpakatawo ug magpakamatay sa krus diin pinaagi sa atong bug-os ug hugot nga pagtuo kang Jesu Cristo nan matagaan kita sa higayon nga maluwas ngadto sa kinabuhing dayun.

Diha sa mga sinulat ni Santiago, diha sa Santiago 2: 26 nagaingon, nga ang pagtuo patay kun walay maayong buhat sama kini sa lawas sa tawo nga kun walay espiritu patay kini. Santiago 2: 24 nagaingon nga mas gikahimut-an sa Diyos ang mga katawhan nga adunay maayong buhat gumikan sa ilang pagtuo kay sa mga tawo nga adunay pagtuo lamang.

Sa ato pa diay mga igsoon malig-on lamang ang atong pagtuo atubangan sa Diyos kun adunay kitay mga buhat nga langitnon ug gikahimut-an sa Diyos. Diin atong mapalandungan ang kinaiyahan nga gisul-ob ni Jesu Cristo diin maoy gusto niyang isul-ob usab sa iyang mga tumutuo, ang buhat sa pagkamangindawaton, pagkamapaubsanon ug nga kanunay nga mga pag-ampo.

Kay matod pa nga ang kaluwasan nga gisaad sa Diyos sa iyang mga katawhan dili kini premyo tungod sa mga maayong buhat aron sa ingon dili kita pagpasigarbo sa atubangan sa Diyos nga kita maluwas gimikan sa atong maayong binuhatan kay ang kaluwasan ngadto sa kinabuhing dayon gasa kini sa Diyos kanato tungod sa iyang gugma kanatong iyang mga katawhan.

Sa ato pa mga igsoon walay nahibalo diha sa kabubut-on sa Diyos kay diha satong pagsunod sa iyang kasugo-an dinhi sa ibabaw sa kalibutan, dili nato matagna ni mahibaw-an kun asa mapaingon ang atong kalag luyo sa atong mga pag-ampo, nan unsa na kaha kadtong walay mga pag-ampo, busa sa kanunay atong pangandaman ang kinabuhi luyo sa kamatayon pinaagi diha sa mga pag-ampo nga gitudlo sa Amahan kanato.

Daghan tinuod ang gusto maluwas apan dili gusto modawat sa kamatayon, atong hinumduman nga langyaw lamang kita niining kalibutan, Diin ang matuod nato nga puloy-anan mao kadtong atua sa laing kalibutan diin wala pay nahibalo kun unsa kini, diin mao kini ang pagkinabuhi nga espirituhanon.