Si Ananias Ug Si Safira

BUHAT 5: 1~11

15 • l May mga tawo gikan sa Juda nga naabot sa Antioquia ug nanudlo sa kaigsoonan, “Gawas kon magpatuli mo sumala sa balaod ni Moises, dili mo maluwas.”
2 Tungod ini may dakong kagubot ug si Pablo ug Bernabe daghan ug init kaayo ang panaglalis tali nila. Kay si Pablo misugo man sa katawhan pagpabilin sa ilang pagka sila dihang nahimo silang magtotoo. Sa kataposan ang gikan sa Jerusalem misugyot nga si Pedro ug Bernabe ug pipila sa mga kauban moadto sa Jerusalem aron pagpakigkita sa apostoles ug pangulo bahin sa maong suliran. 3 Tuod man, gipadala sila sa simbahan. Sa pag-agi nila sa Fenecia ug Samaria giasoy nilag giunsa pagkakabig sa mga dili Judio ngadto sa Diyos. Ug nalipay pag-ayo ang kaigsoonan.

4 Sa Jerusalem mahinangpon silang gidawat sa Simbahan, sa mga apostol ug pangulo. Ug misugilon sila sa tanang gihimo sa Diyos pinaagi nila. 5 Hinuon, may pipila ka matoohon, sakop sa pundok sa mga Pariseo, nga mibarog ug miingon nga ang dili Judiong kalalakin-an tulion ug pahimangnoan sa pagtuman sa balaod ni Moises. 6 Busa, ang mga apostoles ug pangulo nagtigom aron pagtuki ining mga butanga.

7 Dihang nagkainit na ang lantogi, si Pedro mibarog ug miingon, “Mga igsoon, nahibawo mo unsay gihimo kanato sa Diyos sa unang mga adlaw aron ang mga dili Judio makapaminaw sa Maayong Balita ug motoo. 8 Ang Diyos nga nakatugkad sa mga kasingkasing, midapig nila pinaagi sa pagpakunsad kanila sa Espiritu Santo sama nga gipakunsad ni kanato. 9 Wala siyay pagpili tali nato ug nila. Gihinloan niya ang ilang kasingkasing pinaagi sa pagtoo. 10 Busa, nganong sulayan man ninyo ang Diyos? Nganong sangonan ang mga tinun-an og palas-onon nga ang atong katigulangan ug kita mismo wala makapas-an? 11 Nagtoo mi nga naluwas ta pinaagi sa grasya sa Ginoong Jesus sama nila.”

PAGPAAMBIT SA MENSAHE:

Ang maong ebanghelyo maoy pagpasabot lamng nga ang pulong sa Diyos sdunay talagsaong ug walay kayapusang gahom. Gipakita lamang sa iyos nga ang atong pagpangalagad ngadto kaniya dili tiaw-tiaw nagkahulugan kini sa atong pagpakabuhi didnhi sa yuyta maingon man didto sa iyang ginharian.]

Niadtong panahun sa uang mag apostoles, kadaghanan gayud sa ialng mga usmosunod nagabaligya sa ialng mag kabtanagan aron aduany ikatabang sa ialng pagtulun-an nga gibarugan, ang halin ilang itugyan sa mga apostoles ug kini bahinon sa ilang mag kauabanan.

Dinhing dapita si Ananias nagnuigon diin nasupak niya ang kabubut-on a Diyos kay iya man nga gitipigan ang katunga. Matod pa mas maayo pa nag makasala ka sa buhing taw okay aduna ka pay kapasaylo-an apan kun makasala ka sa espiritu santo sa Diyos nan wala ka nay kapasayloan u gang silot sa sala mao ang kamatayon.

Matod pa diha sa pulong sa balaang kasulatan: Juan 1:1 nagaingon “ Sa wala pa nabuhat ang bisag unsa, ang pulong diha na, Ang Pulong Uban sa Diyos ug ang pulong Diyos. Juan 1:14 nagaingon nga ang pulong nahimong tawo ug mipuyo uban kanato. Juan 1:17 nagaingon Ang balaod gihatag sa iyos pinaagi kang Moises apan ang grasya ug kamatuoran miabot pinaagi kang Jesu Cristo.

Si Tito Ug Ang Iyang Mga Kauban

2 CORINTO 8:16~24

16 Bulahan ang Diyos nga naglamdag ni Tito sa pag-amuma ninyo pag-ayo. 17 Wala lang siya mamati sa akong pangamuyo kondili, mianha ug nakigkita siya ninyo sa kaugalingong kabubut-on. 18 Nagpadala ko uban niya sa igsoong gitamod sa mga simbahan sa buluhaton bahin sa Ebanghelyo. 19 Labot pa, gitudlo siya pagpanaw uban namo alang ining balaang buluhaton nga among gituman alang sa himaya sa Ginoo ug sa kaugalingon namong kadasig.

20 Nakahukom mi sa pagbuhat ini aron walay makaduhaduha namo bahin ining hinatag nga salapi nga among gihuptan. 21 Maningkamot ta nga malimpyo ang tanan dili lang atubangan sa Diyos kondili, sa mga tawo. 22 Among gipauban ang laing igsoon nga sa makadaghan nagpakita sa kadasig. Labaw siya kamadasigon karon tungod sa iyang pagsalig ninyo.

23 Busa, naa uban ninyo si Tito, among kauban ug ministro nga moalagad ninyo. Uban niya, naa ang atong mga igsoon, mga tinugyanan sa mga simbahan ug himaya alang ni Cristo. 24 Pakitaag giunsa ninyo sila paghigugma. Matud-i atubangan sa mga simbahan ang tanang maayo nga akong gisulti nila bahin ninyo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa iglisea sa kamatuoran nga gisangyaw sa mga unang apostoles, diin diha niining maong ebanghelyo gpadayag ni Apostol Pablo ang kadasig sa iyang bag-ong kauban sa pagtulon-an nga ginganlan ug Tito diin diha sa ubang sinulat ginaingon nga si Tito usa kini ka pangulo sa iglisea nga madasigon nga nagasangyaw sa pulong sa Diyos ug madasigon nga nagatabang diha sa ilang mga kaigsoonan sa ubang dapit sama sa Macedonia.

Walay laing makapadugang sa atong pagsalig ug kadasig diha sa atong pagtulon-an nga gibarugan mao gayud kining mga tabang diha sa atong mga kauban sa pagtuo, tabang dili lamang sa materyal nga butang, dili lamang sa kusog kundili tabang diha sa mga pag-ampo, kay mao kini ang gitudlo sa atong Diyos nga Jesu Cristo ang grasya nga atong madawat pinaagi diha sa mga pag-ampo. Kay mismo si Jesu Cristo nga Diyos naga-ampo man ngadto sa iyang Amahang Diyos diin mao kini ang paagi diha sa iyang pagpaabot sa iyang mga pulong , ug ingon man pagpaabot sa iyang mga hangyo ug pagpakig-istorya Amahang Diyos.

Sa laktod mga igsoon ang bugtong paagi aron nga kita nga kanunay nagaampo, kanunay usab nahiduol sa Diyos kay sa kanunay man usab atong mabalaan ang atong huna-huna ug kasing-kasing. Matod pa diha sa ubang sinulat, Usa – Duha o Tulo nga nagaampo diha sa Diyos nan anaa si Jesu Cristo nagauban kanato. Ug ang hinugpong nga mga pag-ampo diha sa balaang nga oras sa alas dose sa gabii madungog hangtod didto sa gingharaian sa langit.

:
Buasa mga igsoon angay nga mapalandongan nga dili nato angay nga sayangon o hinuktukan o duha-duha-an ang mga pag-tabang sa atong isigka-magtutuo pinaagi sa pagpaabot sa atong mag pag-ampo, pinaagi sa pagpaambit sa mga sakripisyo sa mga bulohaton nga balaan kay matod pa sa Birhen Maria didto sa Fatima, Potugal kaniadtong may 13. 1917 nga diha sa imong mga pag-ampo ug mga paghalad diin adunay naluwas nag usa ka kalag diha kalayo sa impyerno nan bulahan kay sama man unya nga naluwas nimo ang imong kaugalingong kalag.

Ang Daan Ug Bag-ong Kinabuhi

COLOSAS 3:5~17

5 Busa, patya ang kalibotanon sa inyong kinabuhi. Sa ato pa, ang kahilayan, kalaw-ay, ang mapatuyangong kauwag, ang mga daotang tinguha ug kahakog, usa ka paagi sa pagsimba sa mga diosdios. 6 Kini ang nakapasilaob sa kapungot sa Diyos!
7 Sulod sa usa ka panahon inyo ning gisunod, ug nagkayamokat ang inyong pagpuyo. 8 Busa, isalikway ang tanan: ang kapungot, ang yawan-ong tinguha ug pagdumot. Ayawg litok og abusadong mga pulong. Ayawg pamakak sa usag usa.

• 9 Gihuboan mo sa daang pagkatawo ug sa panghunahuna ini aron 10 isul-ob ang bag-o padulong sa kahingpitan sa kahibawo. Gibag-o ni sumala sa kasamahan sa Magbubuhat. 11 Busa, walay kalainan tali sa mga Judio ug Griyego, tinuli ug pisot. Wala nay dumuduong, luog, ulipon o gawasnon. Hinunoa, si Cristo ang tanan ug naa siya sa tanan.

12 Busa, sul-obi ang kaugalingon sa angay sa katawhang pinili sa Diyos, kay balaan ug pinangga mo niya. Isul-ob ang kaluoy, kaaghop, paubos, kalumo ug pailob. 13 Magpailobay mo sa usag usa ug magpasayloay, kon dunay panagbangi. Ingon nga ang Ginoo nakapasaylo ninyo, magpasayloay mo. 14 Kon nasul-ob na ninyo kining tanan, ibakos ang gugma aron mahingpit ang sinina. 15 Hinaot nga ang kalinaw ni Cristo mag-awas sa inyong kasingkasing. Tungod ini gitawag mo aron mausa ka lawas. Ug pagpasalamat mo.

16 Papuy-a diha ninyo ang pulong sa Diyos sa iyang kabuhong. Panudlo ug pamadlong sa usag usa pinaagi sa mga pulong sa kaalam. Uban sa mapasalamatong kasingkasing awiti ang Diyos og mga salmo, himno ug tiunayng pagdayeg. 17 Bisag unsay inyong buhaton o isulti, buhata ni sa Ngalan ni Jesus, ang Ginoo. Pasalamati ang Diyos nga Amahan pinaagi niya.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa pagsunod sa pagtulon-an ni Jesu Cristo atong biyaan ang daan nga kinabuhi, ang kinabuhi nga walay Diyos, kinabuhi nga puno sa mga tawhanon nga binuhatan.

Sa pagsunod nato sa pagtulon-an sa Diyos Jesu Cristo atong bag-ohon usab ang atong kinaiyahan sebo sa mga kasugo-an sa Diyos. Ang importante nga kasugo-an sa Diyos nagaingon : Una Higugmaa ang Diyos labaw sa tanan ug ikaduha Higugma ang imong isigkatawo sama sa paghigugma nimo sa imong kaugalingon.

Igsoon ang pagtulon-an sa Diyos pagtulon-an sa paghigugma kay ang Diyos gugma man, Dili kita magmaskara diha atubangan sa Diyos kay siya nasayod sa tanan kun moingon kita nag nahigugma kita sa Diyos apan nagdumot ka sa imong isigkatawo nan ang Diyos nagaingon bakakon ka kay giunsa man nimo paghigugma nan Diyos nga wala nimo sukad makita apan nagdumot ka sa imong isigkatawo nga sa kanunay imong makita ug mahikap nan igsoon ang balaang kasulatan nga pulong sa Diyos nagaingon bakakon ka.

Kay kun aduna ka pay kasilo ug kasuko sa imong isigkatawo nan anaa pa ka pa sa kangitngit ug wala ka pa sa kahayag. Kay ang paghigugma sa Diyos kanato walay kundisyon, diin diha niining panahuna gitagaan kita sa Diyos ug hataas nga pasensya diin andam sa kanunay ang iyang pasaylo, kay tanang matang sa sala adunay kapasaylo-an kun ato lamang pangayoon ang hingpit nga pasaylo ug paghinulsol .

Ang Kinabuhing Hingpit Diha Ni Cristo

COLOSAS 2: 6~19

6 Kon gidawat ninyo si Cristo Jesus isip Ginoo, himoa siya nga inyong doktrina. 7 Pagamota ug pasukara ang kaugalingon diha niya. Himoa ang pagtoo nga inyong prinsipyo sumala sa gitudlo kaninyo. Hatagi siya sa nag-awas-awas nga pasalamat.
8 Paninguhaa nga dili mo malingla sa pilosopiya o bisag unsang haguka nga diskurso – tawhanon kaayong mga pagtulon-an. Dili ni linamdagan ni Cristo, kondili sa kalibotanong kaalam. 9 Diha niya naa ang kahingpitan sa tawhanong porma sa Diyos. 10 Ulo siya sa tanang gahom ug awtoridad sa kalibotan. Diha niya makaangkon mo sa tanang butang.

• 11 Diha ni Cristo Jesus natinuli mo, apan dili sa tawhanong kamot nga sa hingpit nagkuha gikan ninyo sa lawas sumala sa unod. 12 Ang akong gipasabot mao ang bunyag. Sa pagdawat ninyo ini gilubong mo uban ni Cristo; mabanhaw sab mo uban niya, kay nagtoo man mo sa gahom sa Diyos nga nagbanhaw niya sa mga patay.
13 Patay sab mo kaniadto. Nakasala mo. Sa samang higayon dili mo tinuli. Apan gibuhi mo sa Diyos uban ni Cristo. Gipasaylo niya ang tanan tang kasal-anan 14 ug gigisi ang listahan sa atong utang, ang mga lagda nga nagsang-at og pasangil batok nato. Giwagtang niya ang tanan nga iyang gilansang sa Krus. 15 Gihuboan niya sa gahom ang mga hari ug mga awtoridad ug gipakaulawan atubangan sa tibuok kalibotan unya, giguyod daw mga piniriso.

• 16 Ayawg tugot nga sawayon mo tungod sa matang sa pagkaon o ilimnon o tungod sa inyong walay pagpanumbaling sa bisag unsang pyesta, sa bag-ong bulan o sa Adlaw sa Pahulay. 17 Kining tanan anino lang sa umaabot sanglit ang kamatuoran mao man si Cristo. 18 Ayawg pasagdi nga ilogon siya sa mga tawong nagtanyag og tinoohan sa kahadlok ug pagsimba sa mga anghel. Sa pagkatinuod, gidayeg nila ang kaugalingong panan-aw. Nanghambog sila sa walay hinungdang panghunahuna, 19 inay magpabiling lig-on diha sa ulo nga si Cristo. Gibuhi ug gihiusa niya ang tibuok lawas sa kuting sistema sa mga ugat ug lutahan, ug nagpatubo ini sumala sa plano sa Diyos.

PAGPAAMBIT SA MENSAHE

Ang maong ebanghelyo maoy pagpasabot llmag ngg ang kahingpitan sa atong pagkinabuhi kun atong dawato si Jesu Cristo nga atong manunubos ug maluluwas tungod sa atong dakong pagtuo nga siya anka sa Diyos. Ang pangutana unsaon nato paghingpit ang atong kinabuhi pinaagi diha kang Cristo Jesus … Mga igsoo isulobb ang hiyas sa rspiritu santo ang hiyas nag gisul-ob n iCristo jiy nga mangidawaton ug mapailibon ubos sa kabubut-on sa Diyos.

Pagkinabuhi nga sama sa langyaw niining kalibutana apan haom didto sa gingharian sa langit. Biyai ang mag kalibutanon nag mag kailibgon, ang mga buhat nga kalibutanaon ug pagpuyo nga ubos sa mando ug kabubut-on sa diyos, ug dangop kanunay sa mag pag-ampo nag maoy bugtong hinagiban aron malign-on ang imong alag ug espiritu.

Kay mag-unsa man tuod kun amimo ang bahandi niing kalibutan apan masugba ang imong kalag sa impyerno, mag-unsa man tuod kun buhoang ka sa tanan material apan dinhi ka lamang sa kalibutan magpabilin ug ayran didto sa gingharian sa Diyos.

Matod pa sa balaang bata Señor Santo Niño, Dili na unta kamo mangandoy pa ug dugang bahandi kun nasayod pa kamo kun unsay atoa didto sa gingharian sa langit, biyaan unta ninyo ang tanan ug maoy inyong siguroon kun unsaon paghiabot didto sa iyang ginghari-an sa langit.

Ang Kinaiya Ug Buhat Ni Jesu Cristo

COLOSAS 1:15~23

• 15 Larawan siya sa Diyos
nga dili makita, ang panganay sa tanang binuhat.
16 Diha niya gibuhat ang tanang butang
nga makita ug dili makita:
ang mga trono, mga hari, mga gahom...
ang tanan gihimo pinaagi niya ug alang niya.
17 Siya na ang Siya, sa wala pa ang tanan,
ug diha niya ang tanang butang.
18 Ulo siya sa lawas, ang Simbahan;
ang sinugdan,
ang unang gibanhaw sa mga patay aron mag-una sa tanan.
19 Kay nahimuot ang Diyos nga ang kahingpitan magpabilin niya.
20 Gimbut-an sa Diyos nga pinaagi ni Cristo
mapahiuli ang tanan diha
ug pinaagi niya, sa iyang pagpaagas og dugo sa Krus,
gimugna sa Diyos ang kalinaw
dinhi sa yuta ingon man sa Langit.
• 21 Kamo mismo layo ug masinupakon sa Diyos kaniadto tungod sa daotang binuhatan. 22 Apan karon gipahiuli namo. Ang Diyos nagpahiuli ninyo pinaagi sa pagtugyan sa kamatayon sa lawas ni Cristo, aron makaatubang mo niya nga walay sala, balaan ug putli. 23 Barog nga lig-on sa sukaranan sa pagtoo ug pabilin sa gilaoman. Ibutang sa hunahuna ang Ebanghelyo nga nadungog. Kay gitudlo ni sa tanang binuhat ubos sa langit. Ako, si Pablo, ang nag-alagad niya.


PAGPAAMBIT SA MENSAHE:

Ang maong ebanghelyo maoy pagpasabot lamang nga ang Diyos Jesu Cristo ug Ang Diyos Amahan usa ra sumala sa sinulat ni Juan:10:30. Diha sa ubang sinulat nagaingon usab siya diha na siya saw ala pa ang kalibutan diin siya maoy arkitekto nga maoy tiglingaw sa iyang Amahang Diyos. Siya ang pulong nga nagpakatawo ug mipuyo uban kanato.

Diha na siay sa panahon ni Moises sa nabantog nga exodus diin siya kadtong maong bato nag maoy nagauban kanila uga nagahatag ug giya sa mag katawahan ni Moises. Siya ang Alpha ug ang Omega, ang Sinugdanan ug ang kataposan kay walay mahiadto sa Amahan kun dili moagi kaniya.

Siya ang gipadala sa Amahan aron magpakatawo ug motipon akantong mga katawahan diin iyng gipaila ang kabubut-on sa Aamahn nag ang gingharian sa langit grasya anlang niadtong mahibalo mag-antoso ug modawat sa mga kasakitan. Ang baling kasulatan nagaingon nga kun gistong nimong himayaon ug daygon didto asa gingharaian sa langit nan puy-i ang kinabuhi nga puno sa pagpaubos ug pagpasakit dinhi sa yuta pas-ana ang imong krus ug sunod sa pagtulon-an nga gisangyaw ni Cristo. Kay bulahan ka nga nkaambit diha as mag kasakitan ni Jesu Cristo sa pagkalansang niya sa krus kay makaambit ka usab sa himaya sa iyang pagkabanhaw didto sa gingharian sa langit

Salamat Sa Gasa

FILIPOS 4: 10~19

• 10 Naglipay ko diha sa Diyos tungod sa inyong pagpakabana nako. Tinuod nga nagpakabana mo kaniadto, apan walay higayon pagpakita ini. 11 Wala ko mag-ingon ini tungod sa panginahanglan. Nakat-on ko pagpakabuhi sa bisag unsa nga naa nako. 12 Nasayod kog unsa ang pagpanginahanglan ug ang pagkahupong sa tanan. Nasayod kog unsa ang kagutom ug kabusog; ang kabuhong ug kanihit. 13 Mabuhat unta nako ang tanan diha niya nga naglig-on nako.

14 Hinuon, husto sab ang inyong gibuhat sa pag-ambit sa akong mga pagsulay. 15 Kamong taga Filipos, hinumdomi nga sa sinugdan, sa una tang pagsangyaw sa Ebanghelyo, human ko mobiya sa Macedonia, kamo ray mitabang nako. 16 Sa didto pa ko sa Tesalonica, kaduha ko ninyo padad-i sa akong gikinahanglan.

17 Dili ang inyong gasa ang akong gipakabililhon, kondili ang nagdugang nga kaikag sa inyong bahin alang nako. 18 Karon, duna na koy igo alang nako ug labaw pa gani, uban sa tanang gidala ni Epafrodito sa inyong ngalan. Ako ning gidawat sama sa “Humot nga mga gasa nga makapahimuot sa Diyos.” 19 Ang Diyos mismo magpaangay ninyo sa tanang gikinahanglan, sumala sa iyang bahandi ug magpakita sa kamanggihatagon niya diha ni JesuCristo

PAGPAAMBIT SA MENSAHE:

Ang maong ebanghelyo maoy pagpasabot lamang nga ang katawhang Cristuhanon magtinabangay gayud sa oras sa pagkinahanglan sa Diyos kanato. Diha niining maong ebanghelyo nagpasabot si Pablo sa dakong pasalamat, sa mga katawhan sa Macedonia nga nagpadala sa mga gasa nga materyal alang sa iyang mga paningahanglan.

Matod pa ang Diyos anaa sa tagsa tagsa kanato, 1 Corinto 3:16 nagaingon Ang lawas sa tawo maoy templo sa Diyos espiritu santo ug ang mopasipala sa templo sa Diyos nga mao kita pagalaglagon usab sa Diyos.

2 Corinto 9: 6~8 nagaingon “ Ang nagpugas ug Diyutay moani usab ug diyutay, apan ang nagpugas ug daghan nan moani usab ug daghan. Busa kinahanglan nga magahatag ang tagsa-tagsa sumala sa iyang gusto sa walay pagbagutbot ni sa paghuna-huna nga gipugos siya kay ang Diyos nahigugma sa naghatag nga malipayon. Ug makahatag ang Diyos sa tanan nga inyong kinahanglan ug masangkap kamo sa inyong mga kinahanglanon nga sobra pa gani sa tanan ninyong maayong buhat.

Sa ato pa mga igsoon diha sa pagtabang nato sa atong isigkatawo Diyos lamang ang magpahiluna sa pagbalos niini kay matod pa sa balaang bata Señor Santo Niño dili ang imong gitabangan maoy mobalos sa pagtabang kanimo kay wala kini grasya, kay naghuna-huna ka naman daan nga iya kang balosan ang grasya nag imong madawat pinaagi sa imomg pagtabang magsumikad kinai sa laing tawo nga sebo sa kabubut-on sa Diyos, mao kini ang imong grasya ang bunga sa imong pagkamatinabangon.

:
Apan ang gasa nga langitnon nga gipyal kanato sa Diyos gihatag kini sa Diyos nga walay bayad, diin adunay gigasahan diha sa paghealing, diha sa balaang kasulatan ug diha sa maayo manullti ug uban pang gasa nga gibahin-bahin sa Diyos sebo sa iyang kabubut-on, busa igsoon Ang Diyos nagaingon nga ipaambit ang maong mga gasa nga walay bayad kay wala man ninyo kini bayri sa paghatag sa Diyos niini. Ang balaang kasulatan nagaingon “Kun mangayo ka ug bayad diha sa imong pagpangalagad sa Diyos dinhi sa yuta nan wala kanay katungod sa pagpangayo ug bayad inig-abot nimo didto sa iyang gingharian sa langit.

Nagdan-ag Ingon nga Suga Sa kalibutan

FILIPOS 2:12~29

• 12 Busa, mahal kong kahigalaan, ingon nga kanunay mong nagsunod nako samtang uban pa ko ninyo, padayon mo labi pa karon nga layo na ko, sa pagbudlay alang sa inyong kaluwasan uban ang “Kahadlok ug pangurog.” 13 Ang Diyos nagdasig sa inyong pangandoy ingon man sa pagtuman sa makapahimuot niya. 14 Buhata ang tanan sa walay bagulbol, 15 sa ingon, maanak mo sa Diyos nga walay sayop ug dili mabasol; dili salawayon taliwala sa hiwi ug badlongong kaliwat. Kahayag mo taliwala nila, sama sa kabitoonan sa tibuok kalibotan nga 16 naghupot sa pulong sa kinabuhi. Mobati kog garbo nga ang inyong paningkamot ug kahago wala makawang. 17 Kon ibubo ko ang akong dugo isip gasa alang sa pagsaulog sa inyong pagtoo, magmaya ko ug magpadayon pag-ambit sa inyong kalipay. 18 Magmaya sab mo ug moambit sa akong kalipay.

• 19 Tungod sa Ginoong Jesus naglaom ko sa pagpadala kaninyo sa dili madugay ni Timoteo. Magdala siyag balita alang ninyo. Sa ingon, madasig ko. 20 Walay usa sa nia nako nga nagpakabana ninyo sama niya. 21 Ang kadaghanan nagsunod sa kaugalingong kaayohan, dili sa kaayohan ni Cristo Jesus. 22 Apan nagmatuod ini si Timoteo, sumala sa inyong nahibaw-an. Sama sa anak nga lalaki sa kiliran sa amahan, kanunay siyang nag-uban nako sa pag-alagad sa Ebanghelyo. 23 Tungod ana, naglaom ko nga sa pagpadala niya sa higayon nga makita ko ang paglambo sa mga butang alang nako. 24 Bisan pa ana, gilamdagan ko sa Diyos nga makaanha sa dili madugay.

25 Nakahukom ko sa pagpadala kaninyo ni Epafrodito nga nagtrabaho ug nakig-away uban nako aron pagtabang sa dakong panginahanglan. 26 Gani, gimingaw siya ninyo ug labaw pang nabalaka, kay nakadungog mo sa iyang sakit. 27 Tinuod nga nasakit siya ug hapit gani mamatay. Apan ang Diyos naluoy niya ug nako, gilikay ko sa dakong kaguol. 28 Busa, madasigon ko nga mopadala siya. Kon magkita na mo, paglipay, ug magmalinawon pod ko. 29 Dawata siya sa kamaya, ingon nga makalipay sa Ginoo. Tagda ang mga tawong balaan sama niya

PAGPAAMBIT SA MENSAHE:

Ang maong ebanghelyo maoy pagpasabot lamang nga kining maong pagtulon-an nga atong gibarugan usa ka kahayag diha sa atong tagsa-tagsa ka kalag ug espiritu. Ang pagtulon-an nga gisangyaw ni Cristo maoy kahayag sa kalibutan kahayag diha sa tagsa-tagsa nato ka kasing ug huna-huna diin maoy giya nga mahiduol kita sa Diyos.

Duha na kalibo (2000) ka tuig ang milabay diin nagpakatawo si Jesu-Cristo ug nagpakamatay diha sa krus aron madayag ang katuyo-an sa iyang Amahang Diyos nga ang tawo adunay gayuy tahas diha sa pagpakabuhi niya dinhi sa kalibutan, tagsa – tagsa kita adunay tahas diha sa pagahin ug panahun ug oras ngadto sa Diyos nga makagagahum sa tanan.

Matod pa sa Birhen Maria sa iyang Milagro nga iyang gipasinati didto sa Fatima , Portugal kaniadtong May 13, 1917 nagaingon nga katungdanan sa usa ka magtutuo sa pagsangyaw niining pagtulon-an nga iyang gibarugan kay tulobagon sa matag magtutuo kun adunay usa ka kalag nga natunaw didto sa kalayo sa impyerno tungod kay wala niya masangyawi sa maayong balita ug bulahan usab ang usa ka magtutuo kun adunay kalag nga naluwas tungod sa iyang pagsangyaw sa maayong balita tungod kay sama ra man unya nga ang iyang kaugalingong kalag ang iyang naluwas.

Ingon niana mga igsoon ang pagtulon-an nga gisangyaw ni Jesu Cristo, pagtulon-an nga puno sa paghigugma sa iyang mga sumusunod diin matod pa diha sa balaang kasulatan 2 Pedro 3: 8 nagaingon: nga dili na maglangan sa pagbalik ang Diyos kun makita niya nga naandam na ang tanan kay mao gayuy gusto sa Diyos nga sa panahun sa iyang pagbalik walay usa sa iyang piniling katawhan ang mahimulag kaniya.

Busa atong pamalandungan nga dili diay alkanse ang mga katawhan nga nagsangyaw sa maayong balita diha sa pagtuman sa mga bulohaton nga balaan sama sa pag-ampo ug mga sakripisyo, kay ang Diyos nagaingon “Usa lamang diha sa matag pamilya ang naga-ampo ug naga-alagad diri Kanako nan bulahan kay luwason Ko ang tibuok pamilya”.

Mga Hinagiban Nga Espirituhanon

EFESO 6: 10~20

10 Sa kataposan pagmalig-on mo sa Ginoo pinaagi sa iyang kusog ug kalig-on. 11 Isul-ob ang tibuok nga taming sa Diyos aron makaharong mo sa mga limbong sa yawa. 12 Ang pakig-away nato dili sa tawhanong kusog kondili, batok sa mga punoan ug gamhanan ug sa tanang daotang gahom nga nagmando ining kalibotana. Makigbisog ta batok sa mga espiritu ug yawan-ong kusog nga labaw sa kinaiyahan.

13 Busa, isul-ob ang tibuok nga taming sa Diyos aron makasukol mo ug makabarog sa inyong gitindogan sa adlaw sa kadaot. Gamita ang tanang hinagiban. 14 Ibakos ang kamatuoran. Himoa ang hustisya nga inyong taming ug ang 15 kasibot, sapatos aron pagsangyaw sa Ebanghelyo sa kalinaw. 16 Guniti kanunay sa inyong kamot ang taming sa pagtoo aron pagpahilayo sa nagdilaab nga mga pana sa yawa. 17 Sa kataposan gamita ang helmet sa kaluwasan ug ang pinuti sa Espiritu nga mao ang Pulong sa Diyos.

18 Pag-ampo sa tanang higayon sumala sa paglamdag sa Espiritu. Pagbantay mo ug lahutay sa pag-ampo ug sa pagpangayo alang sa tanang kaigsoonan. 19 Iampo sab ko sa akong pagsulti, aron kahatagan ko sa mga pulong sa pagsangyaw sa misteryo sa Ebanghelyo sa tumang kaisog. 20 Bisag gigapos ko, embahador ko sa Diyos. Hatagan unta ko niyag kusog aron makawali sumala sa kinahanglan kong buhaton.

:

PAGPAAMBIT SA MENSAHE:

Ang maong ebanghelyo maoy pagpasabot lamang mga igsoon nga ang pagpangalagad sa Diyos nagkahulugan kini ug sakripisyo pinaagi diha sa mga paglutos ug mga kalisdanan diin binuhatan kini sa dautang espiritu. Matod pa sa ebanghelyo wala kita makig-away sa tawo apan ang atong kaaway dili makita ug mahikap nga mao usay kaaway sa atong Diyos nga lmakagagahum.

Diin nagpasidaan si Apostol Pablo sa pagsu-lob sa mga armadura nga gihatag sa Diyos kanato, ang balaang lana, balaang kasulatan, balaang tubig, ug labaw sa tanan ang mga pag-ampo nga maoy gitudlo sa Diyos kanato, ug labaw sa tanan ang atong bug-os nga pagtuo pinaagi sa pagbalaan sa atong huna-huna ug atong kasingkasing diin sa kanunay magapuyo ug magahari ang espiritu santo diha kanato.

Tinud-anay nga tawo pa kita ug ania pa sa ibabaw sa kalibotan, apan isip tinawag ug pinili nga katawhan sa Diyos dili ka na iya sa kalibutan, nagpuyo kana nga langyaw niining kalibutana apan ha-om didto sa gingharaian sa langit, diin kining mga pag-ampo ug mga paghalad nga atong nakat-onan nga maoy gitudlo sa Diyos kanato mao kini ang pagsimba didto sa iyang gingharian, ang mga bulohatoin kun kita atua na unya didto sa langit.

Busa igsoon paningkamot nga ikaw modaug sa pagsulay, paningkamot nga modaug ka sa lumba sa mga tentasyon ug mga paglutos nga gustong modaug batok kanimo. Tukhi kanunay ang mga pagsulay sa mga pag-ampo kay ang Diyos Jesu-Cristo sa kanuny nanalipod kanimo, kay walay dautan nga modaug batok sa katawhan sa Diyos kun sa hingpit atong itugyan ang atong kinabuhi ngadto sa Diyos.

Busa igsoon pasalamati ang pagsulay kay diha ka malig-on, ug pasalamati ang Diyos labaw sa tanan kay hangtod niining higayuna wala ka niya pahubsi ug hangin, ug labaw sa tanan, pasalamati ang espiritu santo sa kamatuoran nga sa kanunay nagahatag kanimo ug giya ug panalangin aron aduna kay lig-on nga espiritu ug lig-on nga lawas tungod usab sa lig-on nimong pagtuo.

:

Mga Ulipon Ug Mga Agalon

EFESO 6: 5~9

5 Mga sulogoon, tahora ang inyong agalon ining kalibotana sa kahadlok ug sa pagtamod, sa kaligdong sa kasingkasing nga daw si Cristo ang gitahod. 6 Ayawg alagad sa panahon lang nga gibantayan mo o aron mahimuot ang uban, apan kinahanglan nga mahimo mong mga sulogoon ni Cristo nga nagbuhat sa kabubut-on sa Diyos ug sa tibuok ninyong kasingkasing. 7 Trabaho sa kaugalingong kabubut-on alang sa Ginoo ug dili sa katawhan. Hunahunaa nga ang kaayohang mabuhat sa matag usa, 8 sulogoon o gawasnon, gantihan sa Ginoo.
9 Ug kamo mga agalon, tagda ang inyong sulogoon sa samang paagi. Ayaw silag hulgaa kay inyong nasayran nga may usa ra sila ka Ginoo nga naa sa langit. Gitagad niya ang tanan sa kaangayan.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa usa sa mag kasugo-an sa diyos nga mao ang paghigugma sa atong isgkatawao sama sa paghigugma as atong kaugalingon. Ang nagaawhag sa mag ulipon o sa mag trabahantio sa pagtrabaho gayud a ensakto nagdto as ilang mga agalon o sa ilang gitrabaho-an sama sa pag-alagad ua pagtahod nato sa Diyos.

Kay kun motahod ka sa balaod sa Diyos nan kinahanglan usab nga motahod ka balaod sa tawo, ka yang balaod nag gimugan sa tawo kabubut-on kini sa Diyos aron usab masukod ang kabubut-on sa mga kaatwahn ialbina niadtong iyang mag pinili.

Matod pa sa ubang mga sinulat nga ang Diyos anaa sa labing ubos nag tawao didnhi sa ibaabw sa aklaibutan, u gang gibuhat mo sa maong mga tawo mao usab ang imong gibuhat sa iyos. 1 Cor into 3:16 nagaingon ang lawas sa atwao maoy templo sa Diyos u gang mopasipala sa templo sa Diyos nan pagalaglagon gayud sa Diyos. Busa mag igsoon pakasamah ang mag atwao nga nagatrabho kanimo nag imong kaugalingon lawas aron usab mahimuot ang Diyos kanimo.

Awhag Sa Panaghiusa

EFESO 4: 1~16

4 • 1 Busa, ako, ang piniriso ni Cristo, nagdapit nga puy-an ninyo ang tawag nga inyong nadawat. 2 Pagmapaubson pagbinuotan, mapailobon ug pagtinabangay sa usag usa diha sa gugma. 3 Buhata ang tanan aron magpabilin diha ninyo ang kahiusa sa Espiritu pinaagi sa mga bugkos sa kalinaw. 4 May usa lang unta ka lawas ug usa ka espiritu, kay dihang gitawag mo sa Diyos naghatag siya og usa ka Espiritu alang sa tanan. 5 Usa ka Ginoo, usa ka pagtoo, usa ka bunyag. 6 Usa ka Diyos, ang Amahan sa tanan nga labaw sa tanan ug nagtrabaho pinaagi sa tanan ug naa sa tanan.

7 Apan sa matag usa nato gihatag ang diyosnong grasya sumala sa gidak-on sa gasa ni Cristo. 8 Busa, ginaingon: Sa pagsaka niya sa kahitas-an nagdala siyag mga bihag ug naghatag sa iyang mga gasa sa katawhan. 9 Misaka siya. May kalabotan ni sa mikanaog pag-una sa mga minatay, sa ubos nga bahin sa kalibotan. 10 Siya mismo mikanaog unya, misaka ibabaw sa tanang kalangitan aron mapuno niya ang tanang butang. 11 Kabahin sa iyang mga gasa, gitugahan niya ang pipila sa pagkaapostol, ang uban sa pagkapropeta o ebanghelista, o pagkapastor ug magtutudlo. 12 Busa, giandam niya ang iyaha alang sa ministeryo. Sa ingon matukod ang Lawas ni Cristo 13 hangtod nga mahiusa tang tanan sa samang pagtoo ug kahibawo sa Anak sa Diyos. Hinunoa, mahimo tang hingpit nga tawo inigkahingkod ug inig-ambit nato sa kahingpitan ni Cristo.

14 Dili na ta mahisama sa mga bata nga giitsaitsa sa bisag unsang balod o hangin sa pagtulun-an, giilad sa mga limbongan nga nagguyod nila sa kasaypanan. 15 Uban hinuon sa matinud-anong gugma, motubo ta sa tanang paagi ngadto ni Cristo nga mao ang ulo. 16 Gikan niya ang pagtubo sa tibuok lawas nga gidumala ug gilambigit pinaagi sa usa ka kutay sa mga lutahan. Ang matag usa nagtuman sa katungdanan sa matag usa aron ang lawas makatubo ug makapabarog sa kaugalingon diha sa gugma.

PAGPAAMBIT SA MENSAHE:

Ang maong ebanghelyo maoy pagpasabot lamang nga kitang mga katawhang Cristohanon mahiusa diha kang Cristo-Jesus pinaagi sa iglisea nga iyang gibarugan. Lahi lahi ang pagtawag sa Diyos kanato apan dili ang tanan nag nagasangpit sa Diyos makasulod sa gingharian sa langit kundili kadto lamang ang nagatuman ug nagasunod sa iyang kasugo-an.

Kabubut-on sa Diyos nga modagsang ang daghang mag pagtulon-an dinhi sa tibuok kalibutan, diin miabot na kita ug 46,000 ka relihiyon. Kay aron gayud makita sa tanan nag usa lamang ang Diyos diin lahi-lahi nga pagtulon-an nagpasidungog gayud sa Diyos nga labing gamhanan.

Tanan nga pagtulon-an ang Diyos adunay pinili nga mga katawhan nagpasabot lamang nga dili lamang nga kining nga pagtulon-an nga atong gibarugan nga aduna siyay pinili, aron gayud madayag nga dili ang pagtulon-an nga maoy makaluwas sa tawo kundili ang imo mismong binuhatan diha sa pagtuman sa mga kasugo-an.

:
Ang Diyos miingon nga mahibaw-an ninyo kun ako kanang pagtulon-an kay makaambit gayud kamo sa mga paglutos, sa ato pa mga igsoon ang mga paglutos ug mga kalisdanan nga atong na-agi-an, diin imong nadawat sa tumang pagpaubos nagpasabot lamag kana nga wala ka daug-dauga ug nagpasabot lamang kana nga wala ka magpakamartir kundili nagpasabot kana nga imong gidawat , gipapuyo ug gipahari si Jesu-Cristo diha sa imong kasing-kasing.

Busa mga igsoon paningkamot nga molahutay ka sa pagdagan dritso sa dag-anan, pina-agi diha sa pagbalaan sa imong kaugalingon diha sa mga pag-ampo nga gitudlo sa Amahan, kay matod pa kun unsa kakusog ang espiritu santo nga nagapuyo kanimo mao usab ka kusog ang dautan nga gustong mosakit kanimo. Himumdumi lamang nga gidaug na ni Jesu-Cristo ang kalibutan ug paningkamot nga mahiusa ka diha kang Cristo Jesus aron modaug ka usab uban kaniya.

Mga Katungod ug Mga Katungdanan sa Usa Ka Apostoles

1 CORINTO 9: 1~23

9 • 1 Dili ba, apostol man ko? Dili ba ko gawasnon? Nakakita ko ni Jesus, ang Ginoo, ug binuhatan mo nako diha niya. 2 Bisag dili ko apostol alang sa uban, labing menos, apostol ko alang ninyo. Kay patik mo sa akong pagkaapostol diha sa Ginoo. 3 Ang akong tubag sa nag-usisa mao: 4 Wala ba miy gahom sa pagkaon ug pag-inom? 5 Dili ba mi makadala sa igsoon namong babaye, sa asawa, sama sa ubang apostol ug mga igsoon sa Ginoo, ug ni Pedro? 6 O ni Bernabe ba kaha, ug ako nga makatrabaho?


7 May nag-alagad ba sa pagkasundalo nga naggasto alang sa kaugalingon? Kinsay nagtanom og parasan nga dili mokaon sa mga bunga ini? 8 Nagsulti ba ko ining mga butanga nga daw usa lang ka tawo? Dili ba, sama man ini ang gisulti sa balaod? 9 Kay nasulat sa balaod ni Moises: Ayawg bosali ang baba sa baka nga naggiok. Ang Diyos ba ang nag-atiman sa mga baka? 10 O iya ba ning gisulti tungod lang nato. Sa walay duda gisulat ni tungod nato: Ang tanang tawo nga nagdaro, nagdaro sa paglaom, ug ang naggiok sa paglaom nakaambit sa paglaom sa nagdaro. 11 Kon nakapananom mi diha ninyo og mga butang nga espirituhanon, dako bang butang kon nangani mi sa mga butang ninyong lawasnon? 12 Kon nakaambit ninyo ang uban ining gahoma, dili ba, kinahanglang duna mi sa maong gahom? Apan wala ni namo gamita. Giantos hinuon namo ang tanang butang aron dili makababag sa maayong balita ni Cristo.

13 Wala ba mo masayod nga ang nag-alagad sa templo nanginabuhi sa templo? Ug ang nag-alagad sa altar nakaambit sa mga halad sa altar? 14 Mao pod ni ang gimbut-an sa Ginoo: Ang nagwali sa maayong balita, magkinabuhi sa maayong balita. 15 Apan wala ko pahimusli ang bisag unsa ining mga butanga. Wala sab ko magsulat karon aron pagbuhat ining mga butanga alang nako. Ipalabi kong mamatay kay sa babagan sa pagpasigarbo ini.

16 Bisag nagwali ko sa Ebanghelyo, wala koy angayng ipasigarbo, kay katungdanan ko ni. Sa pagkatinuod, alaot kaayo ko kon dili ko mowali sa Ebanghelyo! 17 Kon ako ning gibuhat sa kaugalingong kabubut-on, makapaabot ko sa akong ganti. Apan kon supak sa akong kabubut-on, nan gitugyan kanako ang maong katungdanan. 18 Busa, unsay akong ganti? Sa tinud-anay, nagwali ko sa Ebanghelyo nga walay bayad aron dili ko abusahan ang gahom sa Ebanghelyo.

19 Sa kapulihay, bisag dili ko ulipon ni bisag kinsa, nagpaulipon ko sa tanan aron makadanig mas daghan pa. 20 Sa ingon, alang sa mga Judio nahimo ko nga Judio aron madani ko ang mga Judio. Alang sa naa ubos sa Balaod, naa sab ko ubos sa Balaod aron madani ko sila. 21 Alang sa naa gawas sa Balaod, nahisama ko nila. Hinuon ubos gihapon ko sa Balaod sa Diyos, kay nagtuman sa Balaod ni Cristo aron madani ko ang naa sa gawas sa Balaod. 22 Alang sa mga huyang nahimo ko nga daw huyang aron madani ko sila. Nahimo ko ang tanang butang alang sa tanang tawo aron akong maluwas sa tanang paagi ang pipila. 23 Ako ning gihimo tungod ug alang sa Ebanghelyo aron makaambit ko ini uban ninyo.

:
PAGPAAMBIT SA MENSAHE:

Ang maong ebanghelyo maoy pagpasabot lamang nga ang pag-alagad o trabaho sa usa ka apostoles nagpasabot kini nga magsasangyaw sa pulong sa Diyos diin bisan pa niadtong unang mga apostoles nga tinawas ni Jesus Cristo, sila gitagaan gayod ug langitnong gasa sama sa healing, panan-awon ug vision ug diktar aron katuho-an gayud ang ilang pag-algad sa Diyos pinaagi unya sa mga milagro nga ipaabot sa Diyos ngadto sa katawhan nga ilang gisangyawan pinaagi usab sa pagkugi ug paghago sa mga apostoles.

Si Pablo maoy ulahing tinawag sa Ginoo nga apostoles apan daghan ang iyang nahasulat diha sa balaang kasulatan pinaagi sa mga tahas ug mga giya nga gipaabot sa Diyos kaniya, namulong nga magtod pa niya dili sayop ug dili sala ang pagkaon sa imong hinagoan, kay lagi ang balaang kasulatan nagaingon sumala sa mga pagtulun-an ni Moises nagaingon nga ayaw busali ang baba sa baka samtang nagiok sa trigo.

Ang pagpangalagad ngadto sa Diyos usa kini ka tahas nga espirituhanon, diin gidawat mo kini sa tibuok nimong kasing-kasing, sama sa pagdawat sa mga langitnong gasa nga gipiyal sa Diyos kanato, matod pa sa Diyos gihatag kini niya nga walay bayad busa imo usab kining ipa-ambit niadtong mga naninahanglan nga walay bayad.


Ang balaang kasulatan nagaingon kun mangayo ka ug bayad diha sa pagtuman nimo sa kasugo-an sa Diyos dinhi sa yuta nan wala kana unyay katungod sa pagpangayo ug bayad inig-abot nimo didto sa iyang gingharian sa langit. Usa lamang kini ka pagmatuod mga igsoon nga lisod tinuoray ang pag-agi ngadto sa dalan paingon sa gingharian sa langit, nan mas ilabi na unya kun ikaw adunay tahas nga gihatag sa Diyos nga sarang nimong pagatumanon kay ang matag tahas nga iahatag sa Diyos adunay gayud kini mga katumbas pagsulay.

Walay lain natong kadangpan mga igsoon mao ra gayud ang mga pag-ampo, kay matod pa mosamot kadaghan ang mag pagsulay kun ikaw moatras sa kasugo-an, busa walay lain natong mahimo mao ra gayud ang pag-ampo, pagbalaan sa kaugalingon ug mga paghalad diha sa mga misyon ug mga bulohaton nga balaan.

Pagkinabuhi Sumala Sa Pagtawag Sa Diyos Kaninyo

1 CORINTO 7:17~24

17 Magkinabuhi ang usag usa sumala sa gasa nga gihatag kaniya sa Diyos ug sa iyang panawagan. Kini ang gisugo ko sa tanang simbahan. 18 May gitawag ba sa Diyos nga tinuli? Ayawg ipatangtang ang ilhanan sa pagkatinuli. May gitawag bang pisot? Ayaw siyag ipatuli. 19 Dili importanti ang pagkatinuli o pagkapisot. Ang impor-tanti mao ang pagtuman sa mga sugo sa Diyos.

20 Busa, ang matag usa magpabilin sa kahimtang sa pagtawag niya sa Diyos. 21 Kon ulipon ka nga gitawag, ayawg kabalaka; apan kon makuha nimo ang kagawasan, pahimusli ang higayon. 22 Ang gitawag sa pagtoo sa Ginoo bisag ulipon, gawasnon diha sa Ginoo. Ang gitawag sa pagkakristyano nga gawasnon, ulipon ni Cristo. 23 Gipalit mo sa Diyos sa dakong presyo. Hinunoa, ayawg paulipon sa mga tawo 24 Busa, mga igsoon, magkinabuhi atubangan sa Diyos ang tanan sa kahimtang sa pagtawag sa Diyos sa matag usa.

PAGPAAMBIT SA MENSAHE:

Ang maong ebanghelyo maoy pagpasabot lamang mga igsoon nga gitawag kita sa Diyos sa paagi nga siya ray nasayod.daghan ang gitawag sa Diyos pinaagi sa paghatag kanila ug mga balatian kay mao lamang kini ang usa ka epektibo nga paagi nga sa kanunay makasangpit ug magpaduol ka sa Diyos ilabi na kun ang imong balati-an milagro na lamang sa Diyos ang makaayo niini.

Una man ang gusto sa Diyos diha sa pagtawag kanimo? Pinaagi sa usa ka balatian?, Kini dili tungod kay gisakit ka kundili gitudlo-an ka sa mag pag-ampo ug mga paghalad ug mga sakripisyo nga iyang gikahimut-an. Tinuoray nga sa sinugdanan naga-antos ka sa mga kasakitan apan pinaagi diha sa imong pagtuman ug sa imong pagpangaliya ang imposible nga kaayuhan sa imong sakit mamahimo kining posible.

Kay matod pa dili ang tanan nga katawhan dinhi sa kalibutan tinawag ug pinili sa Diyos, nan kadtong wala tawga ug pili-a dinhi lang sila sa kalibutan apan ang gitawag ug pinili sa Diyos pagapili-an pa. Giingon dinhi sa ebanghelyo nga pagkinabuhi sumala sa pagtawag sa Diyos kanimo, sa ato pa pagkinabuhi diha sa pag-ampo ug pangaliya samtang ania ka pa dinhi sa kalibutan, kay mao kini ang pagkinabuhi nga balaan didto sa gingharian sa lalngit, ang pagkinabuhi nga minando-an sa espiritu santo, ang pagsimba didto sa iyang gingharian diin anaa ang mga pag-ampo ug pagpanghalad.

Ibalaan sa kanunay ang imong huna-huna ug ang imong kasing-kasing, aron sa ingon sa kanunay ang espiritu santo maoy magagiya kanimo. Ug tinu-oray nga kay lagi tawo pa man kita sa kalibutan nagkinahanglan gayud kita ug materyal apan ma gayuy gusto sa Diyos nga ang iyang tinawag ug pinili nga katawhan sa kanunay maga-ampo ug magahalad kaniya diha sa pagpakabuhi nato nga kalibutanon, Unaha una ang gingharian sa Diyos ug ang tanan nimong gipangAyo ihatag ra kanimo.

Gamita Ang Inyong Lawas Sa Paghimaya Sa Diyos

1 CORINTO 6:12~20

• 12 Ang tanan gitugot kanako sa balaod. Apan dili ang tanan makatabang nako. Ang tanan gitugot kanako sa balaod, apan dili ko magpaulipon sa bisag unsa. 13 Ang pagkaon alang sa tiyan, ug ang tiyan alang sa pagkaon, apan ang Diyos molaglag ini. Ang lawas hinunoa, dili alang sa pamuta kondili, sa Ginoo; ug ang Ginoo alang sa lawas. 14 Ang Diyos nga nagbanhaw sa Ginoo, mobanhaw sab nato pinaagi sa iyang gahom.

15 Wala ba mo masayod nga ang inyong lawas mga bahin ni Cristo? Himoon ba ninyo ang maong bahin nga bahin sa puta? Dili motugot ang Diyos! 16 Wala ba mo masayod nga ang nakighilawas sa puta, nahiusa niya? Ang Kasulatan nag-ingon: Ang duha usa ka lawas. 17 Sa laing bahin, ang nahiusa sa Ginoo nahimong espiritu uban niya.
18 Likayi sa hingpit ang pamuta. Ang ubang sala nga buhaton sa tawo wala maggamit sa lawas. Apan ang namuta nakasala batok sa kaugalingong lawas.

19 Wala ba mo masayod nga ang inyong lawas templo sa Espiritu Santo nga naa sulod ninyo, hinatag sa Diyos? Dili na mo tag-iya sa inyong kaugalingon. 20 Hinumdomi ang presyo sa gibayad alang ninyo. Busa, himayaa ang Diyos sa lawas ug sa espiritu nga iya sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang lawas sa tawo sagrado kay templo man kini sa Diyos. 1 Corinto:3:16 nagaingon nga ang lawas sa tawo templo sa diyos ug ang moguba o mopasipla sa lawas sa tawo nan pagalaglagon usab sa Diyos
.

Diin unsa may mahitabo kun ikaw mismo nga tagtungod maoy molaglag ug mopasipala sa imong lawas pinaagi sa pagbuhat sa mga butang nga wala mahasunod sa kabubut-on sa Diyos.

Igsoon matod pa mahal ang pagpalit sa Diyos kanato diin giula mismo sa Diyos Jesu- Cristo ang iyang lawas ug dugo aron maluwas kita sa atong mga kasal-anan. Tinuoray nga ania pa kita sa kalibutan diin samtang buhi pa ang tawo maulipon gayud siya sa pagpakasala sa pulong sa huna-huna ug sa buhat.

Apan matod pa nga nahiusa na ang atong lawas diha kang Cristo Jesus ug ayaw tugoti mahimulag pa kini pinaagi sa pagbuhat ug sala o mga binuhatan nga nahisupak sa balaang kasulatan.

Gamita kanunay ang mga pag-ampo nga imong nakat-onan, ug labaw sa tanan ibalaan sa kanunay ang imong huna-huna ug kasing-kasing, kay tinuoray nga huyang ang atong materyal nga lawas diin kun kini maoy gamiton sa daotan aron maluya ang imong kinaiyahan nan bugtong mga pag-ampo ug mga paghalad lamang ngadto sa Diyos ang makasumpo niini.

Ang tahas sa tawo sa pagpakabuhi niya dinhi sa kalibotan mao gayud ang pagahin ug panahon sa pag-alagad sa Diyos. Angay natong mahinumduman nga aduna pay kinabuhi human niining mao natong pagkinabuhi didnhi sa yuta diin kadto nga kinabuhi , ang pagkinabuhi nga espirituhanon maoy angay natong pangandaman.

Ug atong ibutang kanunay sa atong alimpatakan nga walay malilong sa Diyos tungod kay ang iyang espiritu nga maoy gahatag kanato ug kinabuhi sa kanunay ug sa matag-adlaw nagapahibalo sa Diyos sa atong binuhatan.

Modaug Kita Sa Kalibutan

1 JUAN 5 : 1~5

5 • 1 Ang tanang mitoo nga si Jesus ang Hinilogan, natawo sa Diyos.
Kon nahigugma ka sa Amahan, gihigugma sab nimo ang natawo gikan niya.
2 Unsaon man nato pagkahibawo nga nahigugma ta sa mga anak sa Diyos?
Kon nahigugma ta sa Diyos ug nagtuman sa iyang kasugoan.
3 Kay ang gugma sa Diyos nagsugo sa pagtuman sa iyang kasugoan. Gani, dili ni bug-at.
4 Ang natawo sa Diyos, nakabuntog na sa kalibotan.
Ang kadaogan nga nakabuntog sa kalibotan mao ang pagtoo.
5 Kinsay makabuntog sa kalibotan?
Ang mitoo nga si Jesus Anak sa Diyos.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga katawhan nga nagasunod sa kasugo-an sa Diyos nan walay gahum ang kalibutan batok kaniya kay nahiusa man siya diha kang Cristo Jesus. Apan lisod tinuoray ang pagsunod sa kabubut-on sa Diyos kun wala nimo ipapuyo ug ipahari si Jesu Cristo diha sa imong kasing-kasing.

Unsaon man pagpahari sa Diyos sa atong kasingkasing? Atong isul-ob ang hiyas sa espirito santo ang hiyas nga gisul-ob ni Jesu-Cristo diin sa kanunay mangindawaton ug mainampoon. ug labaw sa tanan ang pagsunod sa kasugo-an sa Diyos nga mao ang paghigugma sa Diyos labaw sa tanan ug ang paghigugma sa imong isigkatawo sama sa imong kaugalingon.

Kay kun nagasunod ka ni Jesu Cristo apan nagdumot ka sa imong isigkatawo nan wala ka pa mag puyo diha sa kahayag anaa ka pa sa kangitngit. Kun nahigugma ka ni Jesu Cristo apan may pagdumot ka sa imong isigkatawo nan ang Diyos miingon nga bakakon ka kay giunsa man nimo paghigugma ang Diyos nga dili man nimo makita apan ang imong isigka-ingon nga kanunay nimo makita imong gidumtan?

Dili tanan nga katawhan sa ibabaw sa kalibutan tinawag ug pinili sa Diyos ug kadtong wala tawga ug pili-a dinhi lang sila sa kalibutan apan kadtong tinawag ug pinili sa Diyos nan pagapili-an pa. Kay mao gayuy gusto sa Dyos nga ang iyang mga pinili nga katawhan dili lang kay magalingkod lamang ug maghulat sa pagbalik sa Diyos kun dili pagasulayan gayud sila, kay pagasulayan man gani ang bulawan sa kalayo kun kini puro ba nan ang tawo pa kaha nga mas dako pa ug bili kay sa bulawan pagasulayan gayud sila sa Diyos

Ang Diyos Gugma

1 JUAN 4:7~21

• 7 Hinigugma kong kahigalaan, higugmaon nato ang usag usa,
kay ang gugma gikan sa Diyos.
Ang nahigugma natawo sa Diyos ug nakaila sa Diyos.
8 Ang wala mahigugma wala makaila sa Diyos,
kay ang Diyos gugma.
9 Giunsa man pagpakita sa gugma sa Diyos taliwala nato?
Ang Diyos nagpadala sa bugtong Anak dinhi sa kalibotan aron makabaton tag kinabuhi pinaagi niya.
10 Mao ni ang gugma: dili kay nahigugma ta sa Diyos apan
una siyang nahigugma nato.
Gipadala niya ang anak nga halad alang sa kapasayloan sa atong mga sala.
11 Hinigugma kong kahigalaan, kon ingon ini ang paghigugma sa Diyos, kinahanglan sab nga maghigugmaay ta sa usag usa.
12 Walay nakakita sa Diyos,
apan kon maghigugmaay ta sa usag usa, ang Diyos magpuyo uban nato. Ang iyang gugma gawasnon nga mokaylap dinhi nato.
13 Unsaon man nato pagkahibawo nga nagpuyo ta sa Diyos ug siya dinhi nato?
Kay gihatag kanato sa Diyos ang iyang Espiritu.
14 Kita mismo nakakita ug nagpahayag
nga ang Amahan nagpadala sa Anak aron pagluwas sa kalibotan.
15 Kon ang tawo moila nga si Jesus ang Anak sa Diyos, ang Diyos naa niya ug naa siya sa Diyos.
16 Nasinati nato ang gugma sa Diyos ug mitoo ta.
Ang Diyos gugma.
Ang nagkinabuhi sa gugma, nagpuyo sa Diyos
ug ang Diyos diha niya.
17 Kanus-a ta makahibawo nga nakab-ot na ang hingpit nga gugma?
Samtang nia pa ta sa kalibotan, sama ta niya sa tanan.
Makapaabot ta nga masaligon sa Adlaw sa Hukom:
18 Walay kahadlok diha sa gugma.
Ang Hingpit nga gugma nagwagtang sa kahadlok.
Kay ang kahadlok may kalabotan man sa silot.
Ang mahadlokon wala makaila sa hingpit nga gugma.
19 Busa, maghigugmaay ta sa usag usa,
kay una siyang nahigugma nato.
20 Kon moingon mo, “Nahigugma ko sa Diyos,”
apan nasilag sa igsoon, bakakon mo.
Unsaon man ninyo paghigugma sa Diyos nga dili makita,
kon wala mo mahigugma sa igsoon nga makita?
Atong nadawat gikan niya kining sugoa:
pahigugmaa pod sa igsoon ang nahigugma sa Diyos.



PAGPAAMBIT SA MENSAHE:

Ang maong mensahe nagpasabot lamang nga ang pagluwas sa Diyos kanato kini tungod sa talagsaong gugma sa Diyos Amahan kanato, diin matod pa diha sa maong ebanghelyo, ang Diyos maoy unang nahigugma kanato ug maoy nangita kanato aron luwason diin kini iyang gibuhat pinaagi sa pagpakatawo sa yang bugtong anak ug nagopakakabos ug imitipon diha kanatong mga kabos.

Kay mao gayuy gusto sa Diyos nga makita ug mailhan ang iyang kabubut-on isip atong Diyos nga nakasabot sa atong kakabos, diin pinaagi unya dihA sa atong gugma ug kasinatia-an sa mga kasakitan ug mga paglutos gumikan sa kakabos malig-on ang atong pagtuo ngadto sa Diyos, kabos kita sa materyal nga paningahanlan apan dato sa bahandi nga langitnon, nga maoy importante sa tanan.

Sa ato pa mga igsoon ang Diyos namuhunan usab ug mga kasakitan ug mga pag-antos pinaagi sa iyang bugtong anak tungod sa iyang gugma kanatong iyang mga katawhan, Ang bahandi nga espirituhanon nga maoy gipakita sa Diyos kanato maoy buhing ehemplo nga ang tawong kabos ug nilupigan, ang tawong kanunay nga gilutos diha sa mga kasakitan sa kinabuhi apan,mapaubsanon nga midawat sa tanan tungod sa iyang kahadlok sa Diyos ug kadako sa iyang pagtuo, nagpasabot lamang kini nga wala siya daugdauga kun dili iyang gipapuyo, ug gipahari, ug gidawat si Jesu-Cristo diha sa iyang kinabuhi.

Ang Mensahe Sa Diyos Pinaagi Sa Iyang Anak

Hebreo 1:1~4

1 • 1 Bisag dili kompleto, nagsulti ang Diyos kaniadto sa atong kati¬gulangan pinaagi sa mga propeta ug sa nagka¬lain¬laing paagi. 2 Apan karon, tino kaayo nga nakigsulti siya nato pi¬na¬agi sa iyang Anak. Bugtong siyang Diyos, ang gitud¬long manunod sa tanang butang. Pi¬na¬a¬gi niya gihulagway ang tanang na¬wong sa kalibotan. 3 Bidlisiw siya sa Himaya sa Diyos ug ang nagdala sa larawan niyang ti¬¬nago. Busa, ang gamhanan niyang pulong nag¬¬¬sapwang sa kalibotan. Hu¬man wag¬¬¬¬¬tanga ang sala, mi¬lingkod siya sa tuo sa halangdong Diyos sa kahitas-an. 4 Labaw siya kagamhanan sa mga anghel. Gani sa ngalan lang, lahi na siya.

PAGPAAMBIT SA MENSAHE:

Matod pa diha sa maong ebanghelyo, namulong ang Diyos kaniadto puinaagi sa atong mga propeta, apan sa paghi-abot sa anak sa Diyos namulong ang Diyos Amahan pinaagi kaniya. Apan miabot ang Diyos sukwahi sa gila-oman sa kadaghanan diin nagpa-ila siya isip nga usa ka kabos ug ordinaryo nga tawo diin diha sa iyang pagkahimugso nagpakatawo siya didto sa pasongan sa baka.

Namulong ang atong Diyos dili sa pagpaila sa iyang gahom kundili namulong siya pinaagi diha sa pagpaila sa iyang kabubut-on nga siya nga Diyos wala magpasigarbo sa iyang gahum diin matod pa nga bulahan kadtong nagpakaubos dinhi sa ibabaw sa yuta kay iyang ipataas didto sa iyang gingharian, diin maoy iyang gihimong sumbanan ang iyang bugtong anak, nga matod pa diha sa Philiphos 2: 8, naga-ingon nga bisan siya anak sa Diyos apan wala niya ipamugos ang iyang pagka-Diyos pinaagi sa kusog kundili gihubo niya ang tanan ug mitipon sa mga kabos ug dinaug-daug.

Matod pa diha sa ubang sinulat nga nagpakatawo ang Diyos nga usa ka kabos aron nga kitang mga kabos madato sa atong pagtuo ngadto sa Diyos. Dato sa pagtuo nga aoy bahandi didto sa langit ka yang bahandi nga iya niining kalibutana dili kini magamit ug walay pulos didto sa gingharian sa langit. 1 Corinto : 28 ~ 30 nagaingon gipili sa Diyos ang mga tinamay ug mga sinalikway, kadtong mga katawhan nga giisip sa uban nga walay gamit niining kalibutan, aron sa ingon, madayag nga ang mga kaalam ug mga kahibalo niing kalibutan walay pulos didto sa gingharian sa langit, busa dili kini angay ipasigarbo. Matod pa nga walay atong ipasigarbo ngadto sa atubangan sa Diyos gawas lamang niadtong mga milagro nga iyang gipasinati diha sa tagsa-tagsa nato ka kinabuhi.

Hinumdumi mga igsoon nga ang kaalam nga tawhanon ug kaalam nga espirituhanon dili gayud kini magkauyon, busa diha sa pagsangyaw nimo sa pulong sa Diyos ayaw ipamugos ang imong gusto, kay ang Diyos miingon bisan pa ug magbuntag kamo ug istorya bahin sa balaang kasulatan, bisan pa ug magbuntag kamo ug istorya bahin sa gingharian sa langit nan kun wala kaniya magpuyo si Jesu-Cristo nan dili gayud kamo magkasinabot.

Ang Dili Kaduha-duhaang Saad Sa Diyos

Hebreo 6:13~20

13 Hinumdomi ang saad sa Diyos kang Abraham. Buot ang Diyos nga da¬sonan nig panumpa. Kay wala may labaw sa Diyos, 14 nanumpa siya sa ka¬ugalingon: Panalanginan ug hatagan tikawg daghang liwat. 15 Tungod sa ma¬pa¬ilubong pagpaabot nadawat ni Abra¬ham ang gisaad.
16 Ang mga tawo naanad pagpa¬numpa sa laing tawo nga labaw sa ka¬ugalingon. Ang panum¬pa naghatag sa gibug-aton sa tanang butang nga ma¬himo pang ipang¬himakak. 17 Mao nga ang Diyos mi¬tan¬yag sa kauga¬li¬ngon nga masaksi sa iyang pa¬numpa. Sa ingon, makatoo gyod ang nagpa¬abot sa gisaad nga wala niy kausaban. 18 Busa, may duha ta ka kamatuoran nga kapa¬sikaran. Dili mamakak ang Diyos sa iyang saad ug panumpa. Igo na kaayo nga sa pagdasig nato aron bi¬yaan ta ang tanan ug magma¬ka¬nu¬nayon sa tanan tang gilaoman. 19 Ang maong pagla¬om sama sa angkla sa ka¬¬lag: ang kasigurohan ug ka¬lig-on mo¬dala nato sa Templo, sa mismong san¬twaryo. 20 Tua si Jesus didto nga mi¬¬su¬lod pag-una. Si Jesus – ang La¬bawng Pari sa kahangtoran sumala sa han-ay ni Melquisedec.

PAGPAAMBIT SA MENSAHE

Ang maong ebanghelyo maoy pagpaabot lamang nga an gDoyos kun maoy mosaad aduna gayuy katumanan, diin iyang gisaad nagdto sa kang Abraham nga mahimong siyang Aamanhn sa daghang kaliwatan, ug ingon usab iyag gisaad nagdto kang Abraham ang yuta sa mga saad didtong dapita sa Cpernaum.

Apan gipasabot siya nag sa dili ap kaana mahitabo pagasulayan ang iyang mag kaliwatan didto as yuta sa mag pagano, dii namahio kining ulipon sa 400 ka mag katuigan, apapn nagpabilin nga mamapilubo si Abraham ug malaumon sa saad sa Diyos, diin iyang giparugan ang lig-on niyang pagtuo nagdto sa Diyos.

Hebreo 11: 1 nagaingon nga ang Pagtuo maoy atong pagsalig sa mga binuhat nga atong gilaoman apan dili nato makita. Ang tanan nga panaad sa Diyos natuman gayud, ang yuta sa mga saad nahatag gayud sa iyang mga kaliwatan diin pinagi kang Moises nga maoy gigiyahan sa Diyos sa pagluwas sa mga katawhan ni Abraham gikan sa Ehipto ngadto sa yuta sa mga saad diin miabot kini ug kwarenta (40) ka mga katuigan nga panaw. Sa laing bahin Ang balaang kasulatan nagaingon usab nga kung gidawat nimo si Jesu-Cristo nga imong manluluwas ug manunubos ug gidawat mo siya nga anak sa Diyos nan kaliwat ka ni Abraham.