Ang Sambingay Mahitungod Sa Mga Saop

MATEO 21:33~45

33 Paminawa ang laing sanglitanan: May tawong yutaan nga naghimog parasan. Iya ning gikural. Naglungag siyag gahong alang sa pigsanan sa ubas, gitukoran og bantayan ug gipasaopan. Unya, miadto siya sa layong dapit. 34 Sa ting-ani, gipadala niya ang mga sulugoon ngadto sa mga saop aron pagdawat sa bahin. 35 Apan gidakop sa mga saop ang mga sinugo. Gibunalan ang usa, gipatay ang lain ug ang uban gibato.

36 Mipadalag usab ang tag-iya sa laing mga sulugoon nga ila gihapong gidagmalan.

37 Sa kataposan, gipadala ang anak sa hunahuna nga tahoron ni. 38 Apan sa pagkakita sa mga saop, nakahunahuna sila: “Ang manununod ni. Pat-yon ta siya aron maato ang katiga-yonan. 39 Busa, gidakop siya, gidala sa gawas sa parasan ug gipatay.’

40 Karon, unsaon man sa tag-iya ang mga saop inig-abot na niya?” 41 Mii-ngon sila: “Dili siya maluoy sa mga daotan, ug pamatyon sila. Pasap-an niya ang parasan sa lain nga maka-hatag niyag bahin sa tukmang panahon.”

42 Ug si Jesus mitubag: “Wala ba mo makabasa sa giingon sa Kasulatan? Ang batong gisalikway sa magtutukod nahimong batong sukaranan. Mao ni ang binuhatan sa Ginoo ug natingala ta.”

43 Busa, sultihan tamo: “Ang gingharian sa langit kuhaon kaninyo ug ihatag sa mga tawo aron mamunga pag-ayo.

44 (Ang mahulog ining batoha ma-dugmok, ug mapulpog ang mahulogan.)”

45 Sa pagkadungog sa mga pangulong pari ug Pariseo ining sambingaya, namatngonan nila nga silay gipasabot ni Jesus. 46 Dakpon unta siya, apan nahadlok sila sa panon sa katawhan nga nag-isip niya nga propeta.

PAG-PAAMBIT SA MENSAHE:

Ang atong ebanghelyo nagpasabot sa unang mga propeta ug kang Jesu-Cristo ang anak sa Diyos, diin ang unang mga propeta kadaghanan kanila wala tuohi sa pagtulon-an nga ilang gisangyawan gipamatay hinuon sila tungod sa ilang dakong pagtuo sa Diyos. Mao gihapon sa pag-abot sa anak sa tawo diin, diin si Jesu-Cristo nga nagpakatawo, gilutos ug gilansang sa krus.

Apan ang tanan nakalatid na daan kay mao gayuy gusto sa Diyos Amahan nga ang kaluwasan magsumikad diha sa kamatayon sa iyang bugtong anak. Diin ang tanaan nga maluwas kinahanglan nga makalila sa anak as Diyos, kay matod pa ang akluwasan dili kini premyo tungod sa atong mga maayong buhat kundili ang kaluwasan gasa kini ug grasya nag langitnon, Aron sa ingon ang maluwas dili makapasigarbo diha sa atubangan sa Diyos nga siya naluwas tungod sa iyang mga maayong buhat

Busa igsoon, hupti ang hugot nag pagtuo diha a pagtulon-an nga imong gibarugan, kay matagpagtulon-an adunay pinili ang Diyos, apan matod pa nga mahibaw-an ninyo nga kana nga pagtulon-an iya sa Diyos kay ikaw nga nagasunod niana makaambit gayud sa kasakit.

Ang Sambingay Mahitungod Sa Duha Ka Anak Nga Lalaki

MATEO 21:28~32

• 28 Si Jesus mipadayon sa pag-ingon: “Unsay inyong hunahuna bahin ini? May tawo nga dunay duha ka anak nga lalaki. Giduol niya ang magulang ug giingnan: ‘Anak, trabaho karong adlawa sa akong parasan.’ 29 Ug ang anak mitubag: ‘Dili ko moadto.’ Apan pagkataudtaod nakahunahuna siyag maayo ug miadto. 30 Unya, giduol sa amahan ang manghod ug gisugo pod sa pagtrabaho sa parasan. Mitubag ni: ‘Moadto ko, Tay!’ Apan wala moadto.”

31 Nangutana si Jesus: “Kinsa sa duha ang nakatuman sa sugo sa ama-han?” Mitubag sila: “Ang una.” Ug si Jesus miingon: “Sa pagkatinuod sultihan tamo: Ang mga kobrador sa buhis ug mga puta mag-una ninyo sa dalan paingon sa gingharian sa langit. 32 Kay si Juan mianhi aron pagtultol ninyo sa dalan sa kaayohan, apan wala mo manoo. Hinunoa, ang mga kobrador ug puta mitoo. Saksi mo ini, apan wala mo maghinulsol ni motoo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kasugo-an sa Diyos diin kulang ang atong pag-alagad kun dili nato itikang ang atong mga tiil. Matod pa sa balaang kasulatan nagaingon nga , Hebreo 11:6, Walay mapahimuot sa Diyos kun walay pagtuo, ka yang modulo sa Diyos kinahanglan gayud nga motuo nga adunay Diyos ug gantihan niya ang nangita kaniya.

Busa angay lamang nga diha sa atong pagsunod sa kabubut-on sa Diyos, nagsumikad diha sa atong pagtuo, diin Diyos lamang nahibalo diah sa gidak-on sa atong pagtuo, kay anaa man kini ipahimutang sa atong huna-huna ug kasing-kasing, diin walay tawo dnhi sa ibabaw sa kalibutan ang makasukod sa kadako sa atong pagtuo ngadto sa Diyos, busa angayan lamang nga dili nato hukman ang usag-usa ug maoy atong siguroon ang pagdagan paingon sa dag-anan ug ayaw lingi-a ang imon gisigkatawao maoy siguroa ang imong kaluwasan.

Pagtulon-an Mahitungod Sa Panaad

MATEO 5:33~37

33 Nakadungog pod mo nga giingnan kaniadto ang katawhan: Ayawg pakyasa ang panumpa. Ang panumpa nga gihimo kang Yahweh kinahanglang tumanon. 34 Apan sultihan tamo: Ayawg panumpai ang bisag unsang saad. Ayawg panumpa sa kalangitan, kay lingkoranan ni sa Diyos. 35 Ni sa yuta, kay iya ning tumbanan. Ni sa Jerusalem, kay syudad ni sa gam-hanang hari. 36 Ayawg panumpa bisan gani sa imong ulo, kay dili mo maka-paputi o makapaitom sa bisag usa ka lugas sa buhok ini. 37 Ingna hinuon: “Oo” kon ang inyong gipasabot ‘Oo’; ug “dili“ kon ang inyong gipasabot ‘dili’. Ang inyong isulti gawas ini gikan na sa yawa.

PAGPA-AMBIT SA MENSAHE:

Ang maong ebanghelyo maoy pagpasabot lamang nga dili kita manumpa ug manaad atubangan sa Diyos kay matod pa ang Diyos maoy tag-iya sa tanang butang dinhi sa kalibutan ug sa langit diin kun unsa man ang atong mga kinahanglanon ug atong mga kasuko o atong ma kalamposan atong ihalad ngadto sa Diyos tungod kay siya man ang tuboran sa kaalam.

Ang atong pagkinabuhi dinhi sa kalibutan nakalatid na daan nga sa ato pa Diyos laamng ang nasayod sa tanan busa ayaw hukmi ang imong isigkatawo ni ang imong kaugalingon kay Diyos lamang ang nasayod kun asa kita kutob dinhi sa kalibutan.

Apan kun ang Diyos mosaad matuman gayud, diin kun nagsad ang Diyos kang Braham nga tagaan ug maayong kinabuhi ang iyang mga kaliwatan ,natuman gayud kini, apan gipasabot sa Diyos nga matuman kini kun malatas sa iyang mga kaliwatan ang dakong pagsulay diin sulod sa daghang katuigan nga maulipon ang iyang mga kaliwatan ayha ihatag sa Diyos ang maong kinabuhi

Asin Ug Kahayag

MATEO 5: 13~14

• 13 Asin mo sa yuta. Kon ang asin kawad-an sa lami unsaon pagbalik sa kaparat ini? Ikalabay ug katunob-tunoban na ni sa mga tawo.

• 14 Kahayag mo sa kalibotan. Ang dakbayan nga natukod sa bungtod dili matago.

PAGPAAMBIT SA MENSAHE:

Ang maong ebanghelyo maoy pagpasabot lamang katungdanan gayud sa usa ka magtutuo sa pagsangyaw sa pagtulon-an nga iyang nakaplagan ngadto sa iynga mga kaigsoonan, kaparyentehan ug sa iynag mga kauban diha sa komunidad nga iyang gibarugan.

Panag-ingnan kini sa usa ka asin diin mamahimong kang lamas duha sa kaluwasan sa mga kalag sa ubang katawhan, kay matod pa tulobagon usab sa usa ka magtutuo kun adunay kalag nga natunaw didto sa kalayo sa impyerno tungod lamang kay wala nimo kini masangyawi sa maayong balita, apan bulahan usab ang usa ka magtutuo kun diha sa iyang pagsangyaw adunay kalag nga nakakaplag sa kaluwasan kay sama ra man unya nga naluwas nimo ang imong kaugalingong kalag.

Nan unsaon man pagsangyaw mag igsoon? Daghang paagi. Dili lang diha sa pagpasabot sa kahulugan ug pagtulon-an sa balaang aksulatan, ang pagsangyaw diin himoon nimo ang imong kaugalingon nag buhing saksi ug buhing ehemplo sa nakaplagan nimo nga giya sa kaluwasan, isul=ob ang kinaiayahn n iJesu Cristo, ang kinaiyahan sa espiritu santo. Ipakita nagdto sa imong isgkatawao, sa imong mga kaigsoonan ang kausaban diha sa imong pagkatawao, Ipkaiat nag imong gidawat ug gipahari si Jesu Cristo diha sa imong kasingkasing.

Dagahan tinuod ang tinawag apan dili ang tanan nagpatalinghug sa pagtulon-an nga gitudlo sa Diyos, kay kapoy gayod ang apg-usab sa kinaiyahan ug labaw sa tanan kapoy ang aknunay nga mag pag-ampo, diin amo lamang usab kini ang pamaagi nag maabog ang dautan diah sa imong kasing-kasing ug huna-huna, kay walay sobra nga pag-ampo, diin lig-on ang imong kalag ug espiritu diha sa kanunay nga mga pag-ampo.

Pag-ampo

HEBREO 13:20~21

20 Hatagan unta mo sa Ginoo og ka¬linaw. Gibanhaw niya si Jesus, atong Gi¬noo: Bantogang Magbalantay sa kar¬nero. Ang iyang dugo timaan sa kasa¬botan nga walay kinutoban.

21 Bansayon mo niya sa mga ma¬a¬yong buhat aron tumanon ang iyang ka¬bubut-on. Nagbuhat siya dinhi nato sa makapa¬himuot niya pinaagi ni Jesu¬Cristo nga hatagan sa tanang himaya sa kahangtoran. Amen!

PAGPAAMBIT SA MENSAHE:

Ang maong ebanghelyo maoy pagpasabot lamang nga ang pag-ampo maoy atong pagpanagliya ngadto sa Diyos isip maoy atong pagpakig-istorya sa langtnong Amahan, diin bisan si jesu Cristo nga ank sa Diyos nagaampo nagdto sa langitnong Amahan.

Ang tanan nga mga katawhan dinhi sa ibabaw sa kalibutan nga nagaampo ngadto sa Diyos ginaingon nga ang tanan iyang hidunggan apan bata man ug tigulang apan dili ang tanan nakadawat sa iyang grasya ug panalangin kay ang kadaghanan nag naga-ampo anaa lamang sa tumoy sa ilang dila ug wala magsumikad sa ilang kasing-kasing.

Ng pag-ampo mao kini ang atong pagsimba didto sa langit diin bulahan ang nagaampo nga adunay sakripisyo , diin mao kini ang mag pag-ampo nga adunay panalangin, busa diha sa atong mag pag-ampo dili na kinahanglan nag ipahibalo nato kini sa kadaghanan, ikaw lamang u gang Diyos amahan ang nahibalo.

Mas maayo nga diha sa atong mga pag-ampo atong iluhod ang atong mga tuhod ug ibayaw ang atong mga kamot diin didto nato kini buhato sa laak nga serado atubanagan sa altar, ug atong ihalad ang tong kaugalingon ug ingon man ang atong panagyoon sa Diyos. Pangayo-a ang kaluoy ug kabubut-on sa Diyos ug mas labing maayo nag imong hiakin ang kalooy sa Diyos diha sa tanan nimong gipangayo.

Unsaon Pagpahimuot Ang Diyos

HEBREO 13:1~18

13 • 1 Patunhaya ang inigsoong pagmi¬nahalay. 2 Ayawg ka¬li¬mot pag-abiabi. Sayod mo nga ang pipila sa ka¬tawhan nakapa¬dayon og mga ang¬hel nga wala hiilhi. 3 Hi¬num¬domi ang bini¬lang¬go ingon nga mahiusa mo nila sa pag¬ka¬ginapos; mao sab sa nag-antos. Pakig-ambit mo sa ilang kali¬sod. Ti¬man-i nga may lawas sab mo.

4 Ang ka¬min¬yoon tamdon sa tanan. Magmatinud-anon ang bana ug asawa sa usag usa. Silotan sa Diyos ang na¬ka¬sala ug nakapanapaw.

5 Ayawg salig sa salapi. Ayawg pa¬ngan¬doy og labaw pa kay sa inyong gikinahanglan karong adlawa, kay ang Diyos nag-ingon: Dili tamo pasagdan ni talikdan. 6 Ug mi¬tu¬bag ta nga ma¬sa¬ligon: Ang Ginoo ang akong katabang. Dili ko mahadlok. Unsay mahimo ka¬nako sa tawo? 7 Hinum¬domi ang mga pa¬ngulo nga nagtudlo ninyo sa pu¬long sa Diyos. Palandonga ang ilang tu¬mong ug sundoga ang ilang pagtoo. 8 Si Cristo Jesus sama ra karon, kaga¬hapon ug sa kahang¬toran.

9 Ayawg palingla sa nagkalainlaing matang sa pagtulon-an. Dili ang pag¬kaon nga walay hinungdan alang sa tanan ang mopalig-on sa kasing¬kasing kondili, ang grasya sa Diyos. 10 May al¬tar ta diin ang mia¬lagad kani¬adto sa Templo dili gihapon makakaon.

11 Human nga ang Labawng Pari ma¬kahalad sa santwaryo og dugo alang sa mga sala sa katawhan, suno¬gon ang patayng lawas sa mga ma¬nanap gawas sa kampo. 12 Tungod ini si Jesus, aron paglinis sa mga sala sa katawhan pina¬agi sa iyang dugo, nag-antos sa kasa¬ki¬tan gawas sa balaang dak¬ba¬yan. 13 Busa, modu¬ol ta niya gawas sa bala¬ang dapit aron pag-ambit sa iyang kau¬law. 14 Kay dinhi wala tay dakbayan nga mo¬lungtad. Nangita pa ta sa uma¬abot nga himaya.

15 Busa, magpadayon ta sa atong paghalad og pagdayeg sa Diyos pina¬agi ni Jesus ug sa mga ngabil nga nag¬¬¬¬himaya sa iyang ngalan. 16 Ayawg ihiklin ang pagbuhat sa maayo ug pa¬kig¬¬hiusa mo sa kati¬lingban: ang mga halad nga makapa¬himuot sa Di¬yos.

17 Sunda ang inyong mga pangulo ug tahora, kay naglantaw sila sa kaa¬yo¬han sa inyong kalag ug may tulu¬ba¬gon sila. Labing maayo alang nato kon makahatag tag kalipay, inay kasakit. Wala niy hinungdan alang ninyo.

18 I-ampo mi. Matinud-anon mi sa among katuyoan ug buot nga madung¬ga¬non ang panglihuk¬lihok namo sa ta¬nang butang.

PAGPAAMBIT SA MENSAHE:

Ang maong ebanghelyo maoy pagpasabot lamang nga diha sa atong pagpakabuhi niining kalibutan ang Diyos nagahatag kanato ug pasiunang tahas, ug kini mao ang paggahin ug panahun ngadto sa Diyos pinaagi diha sa pag=-ampo ug pagpanagalagad nagdto kaniya.

Diha sa unang kasulatan ang Diyos nagaingon dia sa libro ni Malachi 3:8~10 Dad-a ninyo ang ensaktong kanapulo nagdto sa templo aron adunay pagkaon didto, sulayi ako ninyo ug ablihan ko ang mga bintana sa langit ug ipadagayday ko nga madagaya-on ang grasya ug panalangin.

Ug dinhi sa ikaduhang kasulatan nagaingon usab ang Diyos diha sa 2 Corinto 2: 6~7 nagaingon Ang magpugas ug dyutay moani usab ug dyutay u gang mpugas ug daghan moani usab ug daghan, busa kinahanglang nga magahatag ang tagsa-tagsa sumala sa iyang gusto sa walay pabagutbot ni sa paghuna-huna nga gipugos siya kay ang Diyos nahigugma sa naghatag nga malipayon. Kay makahatag ang Diyos sa taann ug makumpleto kamao sa tanan ninyong gikinahanglan ug masubra pa man gani kay sa tanan ninyong maayong buhat.

Sa ato pa mga igsoon ang Diyos nanagyo ug pahat sa atnan nga ania kanato, diha sa material ug diha usab sa espiritwal, matrya alang sa kalambuan sa pagtulon-an ug komunidad nga imong gibarugan ug spiritual ingon nga gahinan nato ug panahun ang diha sa matag adlaw aron nag ang espititu sa Ditus nagania kanato kanunay lig-on ug makahatag kanato ug laig-on nga espiritwal ingon man makahatag usab ug kalig-on sa atong kalag.

Ang Sigpit Nga Ganghaan

MATEO 7: 13~14

• 13 Sulod sa sigpit nga ganghaan. Kay lapad ang pultahan ug sayon ang dalan paingon sa kalaglagan, ug dag-han ang mangagi ini. 14 Pagkasigpit ug pagkagansang-gansangon sa gangha-an paingon sa kinabuhi. Dyotay ra ang makakaplag ini.

PAGPAAMBIT SA MENSAHE:

Ang maong ebanghelyo maoy pagpasabot lamang nga lisod ang pag-adto o pagtultol sa gingharian sa langit diin tunokon ug sigpit ang mga dalan nga imon pagaagian apan ang dalan paingon sa kalglagan sa imong kalag hawan ug halu-ag diin daghan ang naga-agi niini.

Kining mga dalana ania ra kini didnhi sa ibabaw sa kalibutan, ang mga dalan diha sa kalaglagan sa imong kalag mao kining mga patay-sindi nag kahayag panahun sa kagabhi-on, diin nagapalibot mismo sa ha sa atong komunidad.

Nan igsoon, kun tinawag ug pinili ka nga katawhan sa Diyos apan ustong mobalik ug mosubay diha sa maong mga dalan sa kalaglagan sa mga sala diha sa mga patay-sindi ang ilaw, ang Diyos ngaingon mas maayo pa ang mga mga katawahn nag anaa naglunang an diah sa maong dapit kay aduna pay pasaylo nga giandam kanila kay inosente man sila sa kamatuoran, apan ikaw nga nahimagta na niining maong kamaturon ug nagpakaasla diha sa mga tawhanong binuhatan wala nay pasaylo ang Diyos para kininyo.

Busa igsoon ayaw usiki ang panahun, dagan paingon sa ag-anan, sa walay paglingi-lingi, ayaw tan-awa ang imong isigkatawao ug siguroha ang imong kaluwasan.

Pangayo, Pangita, Pagtuktok

MATEO 7: 7~12

• 7 Pangayo ug makadawat mo. Pangita ug inyong makakaplagan. Tuktok ug ablihan ang pultahan alang ninyo. 8 Kay ang mangayo, makadawat. Ang mangita makakaplag ug ang pultahan ablihan alang sa magtuk-tok. 9 Mohatag ba mog bato sa inyong anak nga mangayog pan? 10 O hatagan ba siyag bitin kon mangayog isda? 11 Kon sa inyong kadaotan, maantigo mong mohatag og maayong butang sa mga anak, unsa pa kaha ang Amahan nga Langitnon alang sa mangayo niya!

12 Busa, buhata sa uban ang buot ninyo nga ilang ibalos. Kana ang Balaod ug mga Propeta.

PAGPAAMBIT SA MENSAHE

Ang maong ebanghelyo maoy pagapasabot lamang diha sa kabubut-on sa Diyos, diin kitang tawo dinhi sa ibabaw sa kalibutan nahiabot sebo sa kabubut-on sa Diyos. Tanan nga ania niining kalibutan binuahta sa Diyos diin ang tawao moy pinakamaalam ug maoy pinaka pinalangga nga nilalang sa Diyos.

Ang Diyos nanagaingon lihok tawo kay tabanga ko ikaw nga sa ato pa ang kitang tawao diah sa atong pagpaningkamot nagaagad gihapon sa kabubut-on sa Diyos diin atong panagyoon ug iampo ang atong kinabuhi ug ang atong pagpaningkamot aron Diyos maoy magpahigayon sa tanan.

Tanan nga atong pangayoon sa Diyos ihatag kun kini kaayohan man, apan kinahanglan laman nga aduna ka gayuy pag-ampo ug pagpanghalad ngadto sa Diyos aron panalanginan sa Diyos ang atong mga tinguha.

Ang Ipatubo Sa Pan Sa Mga Pariseo Ug Sa Mga Suduseo

MATEO 16: 5:~12

• 5 Sa pagtabok sa mga tinun-an sa lanaw, ilang nakita nga nakalimot sila sa pagdalag pan. 6 Ug naatol nga miingon si Jesus: “Pagbantay ug ayawg saligi ang patubo sa mga Pariseo ug Sadduceo.” 7 Ang mga tinun-an nag-ingnanay: “Nagpasabot siya sa pan nga wala nato madala.”

8 Si Jesus nasayod ini busa, miingon siya: “Mga dyotayg pagtoo! Nganong naghisgot mo sa pan nga wala ninyo madala? 9 Wala ba gihapon mo makasabot? Wala ba mo mahinumdom sa lima ka pan alang sa 5,000 ka tawo, ug pila ka bukag ang nahipos? 10 O ang pito ka pan alang sa 4,000, ug pila ka bukag ang napuno sa salin?

11 Nganong nasayop mo pagsabot? Wala ko maghisgot og pan sa akong pag-ingon: Pagbantay sa patubo sa mga Pariseo ug Sadduceo.” 12 Unya, nakasabot sila nga wala siya magsulti mahitungod sa patubo sa pan, kondili sa pagtulon-an sa mga Pariseo ug Sadduceo.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga balaod nga gisngyaw ni Moises sa unaang panahun daghan ng nakadugang pag-abot sa mga Pariseo ug mga magtutudlo sa balaod, diin sa kanunay ang mga kabos gayud ang nabintahaan.

Matod pa ni Jesu-Cristo diha sa Mateo 5:17 nagaingon: Wala ako monhi aron sa pagsalikway sa mag balaod nga gitudlo ni Moises ug sa mga pagtulon-an nga gitudlo sa mga propeta ka yang akong pag-anhi mao ang pagsabot sa insaktong kahulogan niini, kay samtang may langit pa ug yuta wala gayuy gamay nga bahin nga parte o badlis sa balaod nga saylo-an hantud dili matuman ang tanan.

Kay si kinsa kadtong nasupak sa gamay nga bahin sa balaod ug nagatudlo sa uban sa pagsupak niini nan mamahimong labing iwit didto sa gingharian sa langit apan si kinsa man kadtong nagatuman sa tanan balaod ug nagatudlo sa uban sa pagbuhat sa ingon mamahimong dako didto sa gingharian sa Diyos. Busa sultihan ko kamo nga dili gayod kamao makasulod sa gingharian sa langit kun ang pagtuman ninyo sa kasugo-an sa Diyos sama nianang gibuhat sa mga pariseo ug mga magtutudlo sa balaod.

Mateo 23: 23 nagaingon si Jesus Cristo, pagkaalaot ninyong mga pariseo ug mga magtutudlo sa balaod,mga tigpakaaron-ingnon!,naghatag kamo ngadto sa Diyos ikapulong bahin gani sa mag lamas sa hebabuyna,sa anis, ug sa kaningag, apan waal ninyo tumana ang mas importanteng mga pagtulon-an sa balaod ingon pnanglit sa hustisya ug kalooy ug kamatinud-anon, Angay unta nga buhaton ninyo kini sa walay pagbiya sa ubang pagtulon-an.

Kini nagpasabot lamng mga igsoon nga atong pag-alagad sa Diyos nagsumikad gayud diha sa atong panagdait , gugma ug kalooy. Nga ato gayud isul-ob ang hiyas sa espiritu santo ang hiyas ni Jesu Cristo diin sa kanunay ipatigababaw gayud ang mga pag-ampo ug pagkacristuhanon, pinaagi sa kanunay nga pagbasa ug pagsabot sa balaang kasulatan.

Ang Pagsalig Sa Usa Ka Babaye

MATEO 15: 21~28

21 Dayon si Jesus mibiya adtong dapita ug miadto sa kayutaan sa Tiro ug Sidon. 22 Unya, may babayeng taga Canaan nga miabot ug mituwaw: “Ginoo, anak ni David, kaluy-i intawon ko! Gisakmit sa yawa ang anak kong babaye.” 23 Apan walay gisulti si Jesus. Busa, ang iyang mga tinun-an miduol ug miingon: “Papahawaa siya! Pagka-alingugngog niya nga nagsunod nato.”

24 Unya, si Jesus miingon sa babaye: “Gipadala ko alang ra sa nawalang kar-nero sa Israel.”

25 Apan ang babaye miluhod sa atu-bangan ni Jesus ug miingon: “Ginoo, tabangi ko!” 26 Si Jesus mitubag: “Dili makataronganon ang paglabay sa pagkaon sa mga anak ngadto sa mga iro.” 27 Ang babaye mitubag: “Tinuod na, Ginoo. Apan bisan ang mga iro makakaon sa mumho nga mahulog sa talad sa agalon.” 28 Unya, si Jesus miingon: “Babaye, pagkadako sa imong pagtoo! Mahimo ang imong gipangayo.” Ug ang anak sa babaye naayo adtong gutloa.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang pagdungog sa Diyos diha sa atong pag-ampo ug paghangyo nagaagad sa kadako usab sa atong pagtuo sa Diyos. Hebreo 11:1 nagaingon Ang kahulogan sa atong pagtuo mao nga adunay kitay pagsalig sa Diyos nga atong gilaoman apan dili nato Makita.

Matod pa ang atong pagtuo ngadto sa Diyos dili kini masukod pinaagi sa tawhanon nga sukdanan apan masukod kini sa espirituhanon nga sukdanan kay anaa man kini ipahimutang sa Diyos sa atong huna-huna ug kasing-kasing, busa dili nato hukman ang atong isigka-tawo diha sa ilang pag-alagad sa Diyos tungod kay Diyos lamang ang nahibalo kun unsa ang gidak-on sa ilang pagtoo, sama nga Diyos lamang usab ang nahibalo sa atong kaugalingong pagtoo.

Apan ang Diyos sa kanunay nagasukod sa iyang mga katawhan nga pinili, ug tinawag, kay aron masukod kun asa ra kutob ang ilang pailob ug pag-antos luyo sa inyong dakong pagtuo sa Diyos. Santiago 1: 2~3 nagaingon: Mga igsoon isipa nga bulahan kamo kung ang tanang matang sa pagsulay moabot kaninyo kay nasayod kamo nga ang inyong pagtuo gisulay lamang aron kamo mahimong mainantuson.

1 Pedro 1:6~7, 9 Tungod niini paglipay kamo bisan tuod sa pagkakaron kinahanglan nga masubo kamo sa mubong panahun tungod sa daghan ninyong alantuson. Ang tuyo niini mao nga ang pagsulay kaninyo sa Diyos kun tinuod ba gyud ang inyong pagtuo, kay bisan gani ang bulawan nga lumalabay lamang sulayan man pinaagi sa kalayo. Ang inyo usab nag pagtuo nga bililhon pa sa bulawan labi pang sulayan aron malig-on. Tungod kay makadawat man kamo sa bunga sa inyong pagtuo nga mao inyong kaluwasan.

Ang Butang Nga Makahugaw Sa Tawo

MATEO 15:10~20

• 10 Unya, gipaduol ni Jesus ang katawhan ug giingnan: “Pamati mo ug ayohag sabot: 11 ang mosulod sa baba dili makahugaw sa tawo kondili, ang mogula ini.”

12 Sa wala madugay ang mga tinun-an mialirong ni Jesus ug miingon: “Nasayod ka ba nga naglagot ang mga Pariseo tungod sa imong gisulti?” 13 Si Jesus mitubag: “Ang tanang tanom nga wala itisok sa langitnon kong Amahan ibton.14 Ayaw silag panumba-linga! Mga buta sila nga nag-agak sa laing buta. Kon ang buta mag-agak sa laing buta, ang duha mahulog sa bung-aw.”

15 Miingon si Pedro: “Sultihi mi sa kahulogan ining mga pulonga.” 16 Si Jesus mitubag: “Wala ba diay gihapon mo makasabot? 17 Wala ba mo makasabot nga ang mosulod sa baba moadto sa tiyan, ug unya, mogula sa lawas? 18 Apan ang mogula sa baba naggikan sa kasingkasing. Kanay makapahugaw sa tawo.

19 Naggikan sa kasingkasing ang mga daotang tinguha – pagpatay, panapaw, kalaw-ayan, pangawat, pamakak, pagbutangbutang. 20 Kini ang makapahugaw sa tawo. Apan ang pagkaon nga dili manghinaw, dili makapahugaw sa tawo.”

PAGPAAMBIT SA MENSAHE:

Ang maong ebanghelyo maoy pagpasabot lamang nga ang importante sa atong pagpakabuhi niining kalibutana mao ang pagpangalagad ubos sa kabubut-on sa Diyos diin ang tanan tawo diha niining kalibutan kabubut-on sa Diyos ang ilang pagkinabuhi, nan dili imporatnte sa Diyos ang imong materyal nga pamayhon kay maoy labaw nga makadawat sa panalangin ang imong espiritu ug kalag.

Matod pa ang imong isulod sa imong baba mogawas kini sa imong lawas agi sa imong tiyan, apan dili kini maoy makalaglag sa imong kalag, kay materyal man lang kini ug mahabilin kini sa kalibutan apan ang mogawas sa imong baba gikan sa imong nakita, nadungog ug gikan sa imong huna-huna mao kini makahugaw sa imong kalag ug diin mao kini makamugna ug sala, ug madala mo kini hangtod sa laing kalibutan.

Busa maoy atong siguroon ang paglimpyo sa atong kalag ug espiritu diin mao kini ang moatubang sa atong magbubuhat inig-abot sa hustong panahun. Sa kanunay atong ipangamuyo ang kapasayloan sa atong mga sala, pinaagi diha sa mga pag-ampo ug pagpangalagad ngadto sa Diyos. Kay bisan unsaon pa sa tawo makasala gayud siya sa pulong sa huna-huna ug sa buhat.

Busa igsoon sa kanunay ipangayo ug kapasaylo-an ang atong mga sala, ug ibalaan ang imong huna-huna ug kasing-kasing, kay matod pa humana ilansang si Jesu-Cristo didto niadtong krus sa kalbaryo ug dili na ato siya ilansang pagbalik pinaagi sa pagpugong nga kita kanunay makasala.

Usa Ka Lawas Nga May Daghang Bahin

1 CORINTHO 12: 12~31

• 12 Sama nga ang lawas usa ra, apan daghag bahin ug ang tanan bisag daghan, usa ra ka lawas, mao sab si Cristo. 13 Kitang tanan, Judio o Griyego, ulipon o gawasnon, nabunyagan sa usa ka Espiritu aron mahimong usa ka lawas. Kitang tanan gipainom sa usa ka Espiritu. 14 Dili usa lang ka bahin ang lawas kondili, daghan. 15 Bisag moingon pa ang tiil: “Dili ko sakop sa lawas, kay dili ko ang kamot,” nagpadayon ni pagkabahin sa lawas. 16 Bisan pag moingon ang dalunggan: “Dili ko sakop sa lawas, kay dili ko ang mata,” nagpadayon ni pagkabahin sa lawas. 17 Kon ang tibuok lawas mata pa, unsaon man nato pagkadungog? Kon ang tibuok lawas dalunggan pa, unsaon man nato pagsimhot?

18 Ang Diyos naghan-ay sa tanang bahin ug gipahimutang ang matag bahin sa lawas sumala sa iyang gusto. 19 Kon ang tanan usa pa lang ka bahin, asa man ang lawas? 20 Apan daghan ang mga bahin ug usa ra ang lawas. 21 Ang matag usa dili makaingon sa kamot: “Wala ko magkinahanglan nimo.” Ni ang ulo sa tiil: “Wala ko magkinahanglan nimo.”

22 Unya, ang mga bahin sa atong lawas nga labaw natong gikinahanglan mao ang morag mga huyang kaayo. 23 Ang mga bahin nga giisip nga ubos, ang gialimahan pag-ayo. Ang mga bahin nga dili kaayo nindot, nakadawat sa talagsaong pagtagad, 24 nga wala kinahanglana sa mga bahin nga mas tahom. 25 Ang Diyos mismo naghan-ay sa lawas ining paagiha. Gihatagan niyag labawng dungog ang mga bahin nga nagkinahanglan. Sa ingon, ang lawas dili mabahinbahin. Hinunoa, ang matag bahin moamuma sa laing mga bahin. 26 Kon ang usa mag-antos, ang tanan mag-antos pod; ug kon ang usa pasidunggan, ang tanan moambit sa kalipay. 27 Lawas mo karon ni Cristo; ang matag usa mga bahin ini. 28 Busa, gitudlo ta sa Diyos diha sa simbahan. Una ang mga apostol, ikaduha ang mga propeta, ikatulo ang mga magtutudlo. Sunod ang mga milagro unya, ang gasa sa pagpangayo, ang pagtabang sa isigkatawo, ang pagdumala sa Simbahan ug ang pagsulti sa lainlaing pinulongan.

29 Mga apostol ba ang tanan? Mga propeta ba ang tanan? Magtutudlo ba ang tanan? Makahimo bag milagro ang tanan? 30 O makaayo sa masakiton, o makasulti sa nagkalainlaing pinulongan, o makapatin-aw ini? 31 Tinguhaa ang labing bililhon nga mga gasa. Apan tudloan tamo og labi pang maayo nga paagi.

PAGPAAMBIT SA MENSAHE:

Ang maong ebanghelyo maoy pagpasabot lamang niining kamatuoran nga gipaambit sa Diyos kanatong tanan, diin daghang mag pagtulon-an nga midagsan karon sa upat ka suok sa klaibutan, ug matod pa aduna nay 46,000 ka pagtulon-an diin halos tanan nagsangyaw sa himaya sa Diyos diin kini kabubut-on sa Amahan aron madayag nga usa lamang ang Diyos nga atong gi-ampoan ug gi-alagaran.

Mateo 7: 21 nagaingon, Dili ang tanan nagatawag kanako Ginoo, Ginoo makasulod sa gingharian sa langit, kundili kadto lamang nagatuman sa kabubut-on sa akong Amahan nga atua sa langit. Nagpaayag lamang mga igsoon nga ang Diyos lamang maoy aduanya katungod sa paghukom ug pagsukod sa pagtuo ug binuhatan sa matag tawo, busa ang tanan atong ihanagd kaniya ug iampo sa aknunuay ang imong kaugalingon kay sa adlaw apaghukom ikaw lamang u gang imong binuhatan maoy giya sa imo mismong kaluwasan.

Mateo: 16 : 18 nagaingon usab si Jesu Cristo, Dimon ikaw si Pedro ug ibabaw niining bato iipabrogko ang akong iglisea ug bisan ang kamatayon dili makabuntog niini. Mao na kini ang buhing kamatuoran sa pagpabilin nag nagbarog ang pagtulon-an nga kristuhanon dinhi sa ibabaw sa kalibutan hangtod niining panahuna, u gang kahulugan usab diin diha a matag templo nag iya ni Jesu Cristo anaa gayud ang iyang simbolo sa iyang pagpalansang diha sa krus, kini nagpamatuod nga diha sa iyang kamatayon ngapabilin nag nagbarog ang pagtulon-an u gang iglisea nag iyang gibarugan. Kay kita mag katawhan mao ang lawas sa iglisea ang sumosunod ni Kristo, an gang pagtulon-an nag atong gibarugan mao ang simbahan ni Jesu Crist diin si Jesu cristo maismo ang ulo sa iglisea.

Si Jesus Ang Hinungdan Sa Pagkabahinbahin

LUCAS 12:49~53

49 Mianhi ko aron pagdalag kayo sa kalibotan ug naninguha nga maduslitan na ni. 50 Gikinahanglang magpabunyag ko, ug pagkadako sa akong kahingawa hangtod sa pagkahuman ini!

51 Nagtoo ba mo nga mianhi ko aron pagdalag kalinaw sa kalibotan? Dili. Ingnon tamo, inay kalinaw, panagsungi. 52 Gikan karon, sa usa ka panimalay lima ang magkabangi: tulo batok sa duha, duha batok sa tulo. 53 Mabahinbahin sila: ang amahan batok sa anak nga lalaki ug ang anak nga lalaki batok sa amahan; ang inahan batok sa anak nga babaye ug ang anak nga babaye batok sa inahan; ang ugangan batok sa binalaye ug ang binalaye batok sa ugangan.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pagpakatawo sa atong Ginoong Jesu Cristo diin matod pa wala siya moanhi alang niadtong walay mga sala kundili ang iyang pag-anhi aron sa pagluwas kanatong mga makasasala.

Diin sukwahi ang pamaagi sa iyang pagpaila sa iyang kaugalingon isip anak sa Diyos kay kadto lamang adunay halapad nga kasingkasing, halapad nga pagsabot diha sa buhat sa espiritu santo makaila kaniya. Diin ang mga mabuot ug maalam nga katawhan diin serado na ang panghuna-huna dag-on gayud sila sa ilang tawhanong kaalam.

Busa ang mga katawahan mismo nga nagasunod sa usa ka Diyos nagasunod kang Jesu Cristo magkatibulaag gayud bisan usa ra ka basahon ang atong gisunod ang basahon nga balaan ug kini gituyo sa Diyos aron matuki gayud ang lain-laing kinaiyahan sa espiritu santo ug ang lain-laing milagro sa Diyos.

Duna nay 46,000 ka pagtulon-an sa tibuok kalibutan, diin nagasimba sa usa ka Diyos ang kadaghanan, ug nagatuo sa Diyos Amahan, ug kini kabubut-on sa Diyos aron maila ug makaila ang Tanan nga usa lamang ang Diyos. Lahi-lahi ang pagtawag sa Diyos kanato, Mateo 7:21 nagaingon dili ang tanan nagasangpit ug Ginoo ang makasulod sa gingharian sa langit kundili kadto lamang nagatuman sa kabubut-on sa Amahan.

Usa lamang ka pagtulon-an nga nahimong amahan sa tanang pagtulon-an nga gipaila sa Diyos nga anak, diin ang tanan nga pagtulon-an nagsumikad niini…apan adunay pagtulon-an nga gipaila sa Diyos espiritu santo nga hangtod niining panahuna nagatubo pa diin maoy kataposang pagtulon-an nga gitukod sa bugtong anak sa Diyos pinaagi sa espiritu santo sa kamatuoran.

Unsa kini nga pagtulon-an mga igsoon. Juan 4: 19~23 diin nagaingon si Jesu Cristo, “Toohi ako babaye, taliabot na ang panahun ug karon miabot na, nga wala nay magsimba sa Amahan niining bukira ni sa Jerusalem, kay ang matuod nga magsisimba sa Amahan magsimba una sa espiritu santo ug sa kamatuoran, kay sila ang mga magsisimba nga maoy gusto sa Amahan nga maoy magsimba ngadto Kaniya.



Pag-ampo Ug Pasalamat

ROMA 1: 8~ 15

8 Una sa tanan, nagpasalamat ko sa akong Diyos pinaagi ni JesuCristo tungod ninyong tanan: ang inyong pagtoo giila sa tibuok kalibotan. 9 Ang Diyos nga akong gialagaran pinaagi sa pagwali sa Maayong Balita sa iyang Anak, saksi nga naghandom ko ninyo sa akong pag-ampo sa tanang panahon. 10 Sa kanunay nag-ampo ko nga kon buot siya, tugtan ko niya sa pagduaw ninyo. 11 Naghigwaos ko sa pagpakigkita ninyo ug pagpaambit og mga espirituhanong panalangin aron paglig-on ninyo. 12 Sa ingon, magdasigay ta sa pag-ambitay sa pagtoo nga atoang tanan.

13 Kinahanglang mahibawo mo, mga igsoon, nga sa makadaghan naglaraw ko sa pag-anha ninyo. Apan hangtod karon napugngan ko. 14 Ang akong tuyo mao ang pag-anig mga bunga gikan ninyo. Kini pod ang gihimo nako sa ubang nasod. MaGriyego o langyaw, edukado o ignoranti, akong giisip nga may katungdanan ko sa tanan. 15 Mao nga dako ang akong tinguha pagpalambo sa Ebanghelyo diha sab ninyo, mga Romano

PAGPAAMBIT SA MENSAHE:

Ang maong ebanghelyo maoy pagpasabot lamang sa kabilihon sa pag-ampo isip maoy atong pagpakig estorya sa Diyos , kay bisan si Jesu Cristo sa iyang pagpakatawo dinhi sa kalibutan sa kanunay naga-ampo ug nangaliya sa Amahan didto sa bukid sa Olibo. Nan kita usab diha sa atong mga pag-ampo maoy atong papangayo ug mga giya ug mga paghangyo diha sa atong tagsa-tagsa ka kinabuhi.

Matod pa nga ang Diyos sa kanunay nakadungog sa tanan katawhan nga naga-ampo kaniya, tanan nga mga katawhan , bata ug tigulang nga naga-ampo kaniya sa kanunay nadungog sa Diyos apan dili ang tanan nakadawat sa panalangin sa Diyos kay ang kadaghanan kuno nga naga-ampo anaa ra sa tumoy sa ilang dila wala magsumikad sa ilang kasing-kasing.

Ang mga pag-ampo didto sa bukid sa santa krus ug mga pag-ampo diha sa dagkong templo walay kalainan, kay ang Diyos man maoy atong giampo-an ug gialagaran, apan adunay kulang ang kadtong naga-ampo diha sa dagkong templo, kulang ang ilang sakripisyo.

Kinahanglan ba gayud nga kita magsakripisyo diha sa atong mga pag-ampo ug pangalagad? Ang balaang kasulatan nagaingon kun gusto nimong himaya-on ug daygon didto sa gingharian sa langit, nan puy-i ang kinabuhi nga puno sa mga pag-antos ug mga kasakita dinhi sa yuta, pas-ana ang imong krus ug sunod sa mag pagtulon-an nga gitudlo ni Jesu Cristo, kay bulahan ka nga nakaambit diha sa mga paglutos ug mga pag-antos diha sa pagpas-an sa iyang krus ngadto bukid sa kalbaryo kay makaambit ka usab sa himaya sa iyang pagkabanhaw didto sa iyang gingharian sa langit.

Gugma

1 CORINTHO 13: 1~13

13 • 1 Kon makasulti ko sa pinulo ngan sa mga tawo ug mga anghel, apan walay gugma, sama ra ko sa naglanog nga tumbaga o nagtaginting nga piyangpiyang. 2 Kon may gasa ko sa pagkapropeta nga nasayod sa tanang tinagoan uban ang tanang kahibalo; kon may pagtoo ko nga ingon kadako nga makatumpag og mga bukid, apan walay gugma, wala koy nada. 3 Kon akong ihatag sa mga kabos ang tanang kabtangan lakip ang lawas aron lang dayegon, ug dili tungod sa gugma, wala ni pulos alang nako.

4 Ang gugma mapailubon, maluluy-on, dili masinahon. Ang gugma dili mapahitas-on o garboso. Ang gugma dili way batasan, dili mangita sa kaugalingong interes. 5 Ang gugma dili masuko ug mopasaylo sa mga kasilo. 6 Ang gugma dili mahimuot sa daotang gibuhat, apan malipay sa kamatuoran. 7 Ang gugma nagpasaylo sa tanan, nagtoo sa tanan, naglaom sa tanan, ug nag-antos sa tanan.

8 Ang gugma dili matapos. Ang mga panagna makawang, ang gasa sa nagkalainlaing pinulongan mahilom, ug ang kahibalo mawagtang. 9 Kay nahibalo ta sa usa lang ka bahin, dili hingpit. Mao sab ang atong panagna. 10 Kon ang hingpit moabot na, ang dili hingpit mahanaw. 11 Sa bata pa ko, binata pod ang panghunahuna ko ug pangatarongan. Apan sa dako na ko, akong gihiklin ang binata. 12 Sa pagkakaron lubog ang atong tinan-awan sama nga pinaagi sa bildo. Apan unya, sa atubangan gyod, sa nawongay. Karon usa lang ka tisok ang akong nahibaloan. Apan unya, mahingpit ang akong kahibalo. 13 Karon nia ang pagtoo, paglaom ug gugma. Kining tulo. Apan ang labing dako mao ang gugma.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pagtulon-an nga gisangyaw sa Diyos pinaagi sa iyang mga kasugo-an. Kay ang kasugo-an sa Diyos nagpa-ila sa iyang gugma kanatong tanan. Daghan ang mga kasugo0-an sa Diyos nga gisangyaw ni Moises, diin mamahimo lamang kining duruha ka kasugo-an nga maoy sukaranan sa tanang kasugo-an sa Diyos Amahan.

Unang kasugo-an mao ang paghigugma sa Diyos labaw sa tanan, ug dili ka magbaton ug laing Diyos gawas kaniya, Ikaduhang kasugo-an mao ang paghigugma sa sa imong isigkatawo sama sa imong paghigugma sa imong kaugalingon, ug diin bisan usa lang niining mga kasugo-an sa Diyos nga imong masupak nan sama ra nga nasupak nimo ang tanang kasugo-an sa Diyos.

Dagahan ang nagaingon nag nahigugma sila sa Diyos apan sa hilom nagdumot ug nasuko sa ilang isigkatawo, nan ang balaang kasulatan nagaingon nga bakakon ka kay giunsa man nimo paghigugma ang Diyos nga wala man nimo kini makita ug mahikap samatang nasuko ug nagdumot ka sai mong isigkatawao nga sa kanunay imong nakita.

Igsoon wala ka mahigugma sa Diyos, Ang imo lamang kaugalingong garbo ang imong gihigugma, kay diha sa ubang sinulat sa balaang kasulatan nagaingon kun nagasunod ka sa pagtulon-an ni Jesu-Cristo apan nagadumot ka o adunay kasuko sa imong isigkatawo nan wala ka pa magpuyo sa kahayag anaa ka pa sa kangitngit.

Ang gugma nga gitudlo sa Diyos kanatong tanan pinaagi sa iynga anak nagpaila lamang kini sa usa ka gugma nga walay kinutuban o “unconditional love”, gugma diin andam magsakripisyo alang sa kaluwasan sa tanag katawhan, kay Ang atong Diyos tuburan sa gugma.

Dugang Mga Paglutos

BUHAT 12: 1~5

12 • 1 Niadtong panahona si Hari He- rodes nakahukom paggukod sa pipila ka sakop sa Simbahan. 2 Iyang gipapatay sa pinuti si Jaime, ang igsoon ni Juan. 3 Sa pagkakita niya nga nahimuot ini ang mga Judio, gipadakop pod niya si Pedro.

Nahitabo ni sa pyesta sa Pan nga Walay Patubo. 4 Gipadakop siya ni Herodes ug gipapriso, binantayan sa upat ka pundok sa mga gwardiya. Ang matag pundok may upat ka sundalo. Buot dad-on sa hukmanan si Pedro ni Herodes atubangan sa katawhan liwas na sa Pasko sa Pagsaylo. 5 Apan samtang si Pedro gipriso ang tibuok Simbahan matinud-anong nag-ampo alang niya.

PAGPAAMBIT SA MENSAHE:

Ang maong ebanghelyo maoy pagpasabot lamang diha niining maong ebanghelyo diin ang mga sumosunod ni Jesu Cristo pagalutoson gayud , kay ang balaang kasulatan nagaingon kun tinun-an ka ni Jesu Cristo nagasunod ka sa iyang pagtulon-an nan makaambit ka gayud sa mga paglutos.

Ngano man nga ang mga katawhang kristuhanon, nga ngasunod kang Jesu Cristo lutoson man gayud,? Ang balaang kasulatan nagingon kun gusto nimong daygon ug himayaon didto sa gingharian sa langit nan puy-I ang kinabuhi nga puno sa mga paglutos ug pag-antos dinhi sa ibabaw sa yuta, pas-ana ang imong krus sa kinabuhi, ug sunod sa mga pagtulon-an nga gisangyaw ni Jesu Cristo dinhi sa ibabaw sa yuta kay bulahan ka nga nakaambit sa mga kasakitan ni Jesu Cristo diha sa paglansang niya sa krus kay makaambit ka usab sa himaya sa iyang pagkabanhaw didto sa iyang gingharian sa langit.

Daghan ang molikay sa kanunay nga pagsimba diha sa dagkong templo kay matod pa nila kun magpaduol ka kanunay sa Diyos nan haduol ka kanunay sa kalisod, daghan ang igo lang molili diha sa atong mga pagworship diha sa matagtemplo ug sinagoga mahadlok nga modulo, mahadlok nga maamti sa pulong sa Diyos kay mahadlok nga makaambit diha sa mga paglutos.

Apan mag igsoon sa pagkatawo nato niining kalibutana kaluha na nato ang mga pagsuway, busa ang pulong sa Diyos miingon molikay ka man sa pagsulay nagdumili ka man sa pagpaduol sa Diyos apan ang imong mag pagsulay sa kinabuhi nakalatid na daan magsimba ka o dili aduna ka gayuy mag pagsulay apan bulahan ang mga tawo nga sa kanunay naga-ampo ug nagpaduol sa Diyos kay sa kanunay ma-ampo nila ang ilang mga pagsulay nan inig-abot sa pagsulay diha sa ilang kinabuhi hagkap na kining dad-on.



Ang Pagsabot Sa Kahulugan Sa Panahon

LUCAS 12: 54~56

54 Si Jesus miingon sa daghang panon: “Inigkakita ninyog panganod nga mopataas sa kasadpan, dihadiha moingon mo: ‘Moulan ug kanay mahitabo.’ 55 Inigbulhot sa habagat, moingon mo: ‘Moinit.’ Kana poy mahitabo. 56 Pagkataphaw ninyong pagkatawo! Nasayran ninyo ang pamayhon sa kalibotan ug sa langit, apan wala mo makasabot sa nahitabo karon.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa lakaw niining panahuna karon diin anaa na ang mga dagkong katalagman apan waal pa mgapasabot nag matapos na ang kalibutan kundili aron atong mahinuktukan ang pulong ubang mga pulong sa balaang kasulatan diin diin ania na kita sa gitawag nag atamagedon diin anan ang dagkong katalagman sa upat ka suok sa kalibutan ug ingon man usab ang mga panagbinkil sa mga kanasuran diha sa mag modernong gubat.

Mga igsoon ania na kita sa punto diin atong sangpiton ang Diyos diin maoy atong bugtong paglaom ug bugtong manluluwas. Temporaryo lamang kiat niining kalibutana ug diin ang tinuod natong kalibutan mao gayud o pinuy-anan mao ang kinabuhing dayun didto sa gingharian sa diyos.

Busa igsoon pagagahin gayud ug panahun sa pag-ampo. Matod pa ang santo nga rosary maoy gihanyo sa atong langitnong inahan nga mao gayuy ipatigbabaw ug may kanunay natong buhaton aron maoy atong himoong hagdanan ngadto sa gingharian sa langit. Pag-ampo adlaw ug gabii aron sa kanunay ang espiritu santo sa Diyos magauban kanimo.