Pangutana Mahitungod sa Pagbayad Sa Buhis

LUCAS 20 : 19~26

19 Dakpon unta siya sa mga magtutudlo sa balaod, ug sa mga pangulong pari, apan nahadlok sila sa tagilungsod. Nakita nila nga silay gipasabot ni Jesus sa pasumbingay. 20 Busa, nibiya sila ug nangitag laing higayon.

Giatngan na pod si Jesus. Nagpadala silag mga espiya nga nagpakaaron-ingnong matinud-anon aron pagbitik ni Jesus sa iyang ipanulti. Sa ingon, ikatugyan siya sa gahom ug sa awtoridad sa gobernador. 21 Nangutana sila: “Magtutudlo, nasayod mi nga matinud-anon ka sa imong gisulti ug gitudlo. Dili ka magpadaladala sa uban. Nagtudlo ka sa dalan sa Diyos sumala sa kamatuoran. 22 Busa, nagtugot ba ang balaod sa pagbayad og buhis kang Cesar o wala?”

23 Nakita ni Jesus ang ilang kamalimbongon. Miingon siya: 24 “Pakit-a kog usa ka denaryo. Kinsay nahulagway dinhi, ug kinsa siya?” Mitubag sila: “Si Cesar.” 25 Busa, miingon siya: “Ihatag kang Cesar ang iya ni Cesar, ug sa Diyos ang sa Diyos.”
26 Napakyas sila sa pagbitik niya atubangan sa katawhan ug nakugang pa sa iyang tubag busa, nahilom sila.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa balaod sa Diyos ug balaaod sa tawo diin matod pa ang tawo magagahin gayud sa iyng panahun ug pagyukbo sa kabubut-on sa Diyos ugballaod niining kalibutan. Diin matod pa tanang butang dinhi niining kalibutan nakdawat sa panalanaging sa Diyos.

:
Diin susama diha niining maong ebanghelyo diin nangutana ang maong Judeo kabahin sa pagbayad ug buhis diin matod pa ni Jesu Cristo nga ihatag emperador ang iya sa emperador ug ihatag sa Diyos ang iya sa Diyos. Usa ka kamatuoran gadunay gayuy pahat ang gobyerno ug ang Diyos sa tanan nga moabot nga grasya sa atong kinabuhi.

:
Sa unanag kasulltan ang Diyos ngapadayag gayud sa saktong kanapulo, mabasa diha sa Malaquias 3: 8 nga nagaIngoN Dad-a ninyo ang ensaktong kanapulo didto sa templo aron adunay pagkaon didto, sulayi ako ninyo ug ablihan ko ang mga bintana sa langit ug ipadagayday ko nga madagayaon ang mga grasya ug panalangin.

Apan sa ikaduhang kasulatan nagaingon si Jesus Mateo 5:17 “ Wala ako moanhi aron sa pagsalikway sa mag balaod nga gisangyaw ni moises ni sa mgapagtulun-an nga gitudlo sa mag propeta kundili ang akong pag-anhi maoy pagpasabot sa ensaktong kahulugan niini. Samtang may langit pa ug yuta wala gamay nga badlis ni gamay nga parte sa balaod nga ang saylo-an hangtod dili matuman ang tanan, Kay si kinsa kadtong wala magtuman sa gamay nga bahin sa balaod ug nagatudlo sa uban sa pagbuhat sa ingon mahimong iwit didto sa gingharian sa langit apan si kinsa man kadtong nagatuman sa balaod ug nagatudlo sa uban sa pagbuhat sa ingon nan mahimong dako didto sa gingharian sa langit, Kay sultihan ko kamo dili gayod kamo makasulod sa gingharian sa langit kun ang inyong pagtuman sa kasugo-an sa Diyos sama laamng nianag gibuhat sa mga pariseo ug sa mga magtutudlo sa balaod.

Matod pa usab sa mga tinun-an ni Jesu Cristo diha sa ilang mga pagsangyaw sa pulong sa Diyos ang pulong sa Diyos nagaingon, 2 Corinto 9 : 6 ~7, Ang nagpugas ug dyutay moani ug dyutay ang nagpugas ug daghan moani ug daghan busa kinahanglan nga maghatatag angt agsa-tagsa sumala sa sa iyang gusto sa walay pagbagutbot ni sa paghuna-huna nga gipugos siya kay ang Diyos malipay sa naghatag nga malipayon. Kay makahatag ang Diyos sa tanan ninyong gikinahanglan ug makumpleto kamo sa tanan ug mosubra pa gani kay sa tanan ninyong maayong buhat.

Sa ato pa mga igsoon ang Diyos diah niining bag-ong kasugo-an naghatag kkanato sa kagawasan kay matod pa ang lamatuoran naghatag ug kagawasan, bisan pila ang imong ihatag ang importanta malipayon ka sa imong paghatag ug nahiuban sa kalipay ang imong huna-huan ug kasing-kasing. Matod pa sa ubang pulong sa Diyos bisan gamay basta kinasingkasing, kinaiynag gipakita ug gisulti pinanagi sa usaka sambingay nagulohan ug halad ang biyuda Lucas 21:1~4, diin Samtang nakita ni Jesu Cristo ang mga dato nga nagahatag sa ilang mga halad ngadto sa Diyos nakita usab niya ang usa ka kabos nga byuda mga mihulog sa iyang tulo ka dako ngadto sa panudlanan sa templo, Miigon siya sa iynga mga tinun-an “ Sultihan ko kamo kining maong babayeng kabos nga byuda mas dako pa ug nahatag kay nianag mag dato nga nagahatag lamang sa pinisik sa ilang bahandi apan kining maong kabos mihatag sa tanan niyang gikabuhi-an.

Igsoon ang atong pagbayad sa buhis dihi sa yuta aduany sukaaraann sa balaod sa tawao, ang atong pagbayad ngadto sa Diyos diha sa grasya ngaatong nadawat kinahanglan nga nahiuban ang atong huna-huna ug kasing-kasing, bisan unsa kagamay basta kinasing kasing.

Ang Hukom Sa Diyos

ROMA 2:1~16

2 • 1 Busa, wala kay katarongan, bi- sag kinsa ka pa, sa paghukom sa uban. Sa imong paghukom sa isigkatawo, nagkondenar ka sa kaugalingon, kay gibuhat nimo ang imong gihukman. 2 Nahibawo ta nga ang silot sa Diyos moabot sa naghimo sa ingon. 3 Nagtoo ba mo nga malikayan ninyo ang hukom sa Diyos sa paghukom sa uban nga inyo man nang gihimo?
4 Gipahimuslan ninyo ang Diyos ug ang walay kinutoban niyang kaayo, pailob ug kamasinabtanon. Wala mo makaamgo nga ang Diyos maayo aron madani mo. 5 Hinuon, kon magmagahi gyod ang inyong kasingkasing ug magdumili mo pag-usab, nagtigom lang mo alang sa kaugalingon og dakong silot sa adlaw sa hukom kanus-a ang Diyos tarong nga mohukom.

6 Hatagan niya ang usag usa sa angay sumala sa nabuhat. 7 Mohatag siya sa kinabuhing dayon sa nangita sa himaya, kadungganan ug tunhayng kinabuhi ug sa nagtubay sa pagbuhat og maayo. 8 Apan kapungot ug panimalos ang maangkon sa wala mag-alagad sa kamatuoran, hinunoa sa panglupig. 9 May pag-antos ug kayugot alang sa nagbuhat og daotan, una sa mga Judio unya, sa mga Griyego. 10 Apan ang Diyos mohatag og himaya, kadungganan ug kalinaw sa nagbuhat og maayo, una sa mga Judio, unya sa mga Griyego. 11 Kay ang una dili lahi sa ikaduha atubangan sa Diyos.

12 Ang nagbuhat og sala nga wala makahibawo sa Balaod, mamatay nga walay Balaod. Ang nagbuhat og sala nga nakahibawo sa Balaod, hukman sa maong Balaod. 13 Ang makapatarong nato atubangan sa Diyos dili ang pagpaminaw sa Balaod kondili, ang pagsunod ini. 14 Kon ang dili Judio nga walay balaod nagbuhat sa gisugo sa Balaod, naghatag silag balaod sa kaugalingon, 15 nagpasabot ni nga ang mga sugo sa Balaod napatik sa ilang salabotan. Ang ilang konsensya nga nagsulti sulod nila nagpasabot sab ini, sa pagkondenar o pag-aprobar sa ilang gibuhat. 16 Sumala sa akong ebanghelyo, mao pod ang mahitabo inighukom sa Diyos, sa sikretong mga buhat sa mga tawo diha sa persona ni JesuCristo.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa kabubut-on sa Diyos diin matod pa diha sa uabang sinulat nagaingong nga waaly nasayos sa hunau sa Diyos ang espiritu santo sa Diyos lamang ug walay laing nasayod sa huna-huna sa tawo ang iya ra usab nga espiritu, Apan ang espiritu sa tawao iya sa diytos busa ang Diyos nasayod sa huna-hun sa tawo, ug Diyos laamng ang nasayod diha sa kaugmaon sa matag tawao dinhi niining kalibutan.

Ang iyos miingon didto ka pa sa atgo-angkan sa imong amahan gitawag an kang daan, sa atop pa mga igsoon ang kinabuhi ug kapalaran sataao nakalatid na sebu sa kabubut-on sa diyos busa diyos lamang ang adunay katungod sa paghukom kanatong tanan.

Walay laing mabuhat ang tawo gawas sa pag-ampo ug pag-alagad aron kahimut-an sa Diyos, Ayaw pagtan-aw ug paglingi diha sa binuhatan sa imong isigkatawo, diha sa mga kasaypanan sa imong isigkatawo dagan paingon sa dag-anan ug siguro-a ang imong kaluwasan.

Kay matod pa ang Diyos nagahatag kanato sa tulo ka matang sa kinabuhi diha sa atong pagkinabuhi dinhi sa kalibutan, una mao ang atong material nga lawas diin maoy mahabilin dinhi sa yuta sa higayon nag maamtay na kita, ikaduha ang atong kalag nag maoy magahulat sa kataposang paghukom ug ikatulo ang atong espiritu diin maoy nobalik didto sa Diyos kay iya man kini ug maoy mosulti diha sa tanan natong binuhatan gikan sa atong pagkatawao ahangto sa atong kamatayon, busa dayag kayo nga walay malilong diha sa atubangan sa Diyos.

Busa igsoon isentro ang imong pagkinabuhi isip usa ka maayo ug sulondon nga kristuhanon, paggahin ug oras ngadto sa Diyos, kay mao kini ang unang tahas nga iyang gihatag sa matag tawo ang pag-ila ug pagtahod sa matuod nga Diyos. Busa dili kita angay maghukmanay, kundili mag-ampo ug maghalad sa matag-usa ug tinguhaon nato nga ang atong pagpangalagad haom gayud sa kabubut-on sa Diyos.

Ang Kataposang Hukom

MATEO 25:40~46

31 Inig-anhi sa Anak sa Tawo nga mahimayaon kuyog sa tanan niyang anghel, molingkod siya sa trono sa Himaya. 32 Ang tanang kanasoran dad-on sa Iyang atubangan. Isip magba-lantay sa mga karnero, lainon niya ang mga karnero sa mga kanding. 33 Kini ang iyang buhaton: Ibutang ang mga karnero sa tuo ug ang mga kanding sa wala.

34 Ang Hari moingon sa naa sa tuo: ‘Umari mo nga gipanalanginan sa akong Amahan! Panag-iyaha ang gingharian nga giandam alang ninyo sukad sa sinugdan sa kalibotan. 35 Kay gigutom ko ug inyong gipakaon, giu-haw ug gihatagag mainom. 36 Dumu-duong ug giabiabi sa inyong balay. Hubo ug gisininaan. Nasakit ug giduaw. Nabilanggo ug nakigkita mo nako.

37 Unya, ang tarong mangutana: ‘Ginoo, kanus-a ka namo makita nga gigutom ug among gipakaon; giuhaw ug among gipainom, 38 o dumuduong ug gidawat namo, o hubo ug among gibistihan? 39 Kanus-a ka namo makita nga nasakit o nabilanggo ug among giduaw?’ 40 Ang Hari mitubag: ‘Sa pagkatinuod sultihan tamo. Sa matag higayon nga inyo ning gibuhat sa labing ubos sa akong mga igsoon, inyo ning gibuhat nako.’

41 Unya, moingon siya sa naa sa wala: ‘Mga tinunglo, palayo mo nako, adto sa walay kataposang kalayo nga giandam alang sa yawa ug sa iyang mga anghel. 42 Kay gigutom ko ug wala ninyo pakan-a. Giuhaw, ug wala paim-na. 43 Dumuduong, ug wala abiabiha sa inyong balay. Hubo ug wala bistihi; nasakit ug nabilanggo, apan wala duawa.’

44 Sila pod mangutana: ‘Ginoo, kanus-a ka namo makita nga gigutom, giuhaw, hubo o dumuduong, nasakit o nabilanggo, ug wala mi motabang nimo?’ 45 Ang Hari motubag: ‘Sa pag-katinuod sultihan tamo: Bisag unsa nga wala ninyo buhata sa labing gamay kong mga igsoon, wala ninyo buhata nako.’
46 Kini sila moadto sa walay kataposang silot. Apan ang mga tarong, sa kinabuhing dayon.”

PAGPAAMBIT SA MENSAHE:

Ang maong ebanghelyo maoy pagpasabot lamang nga haduol na ang kataposan sa kalibutan diin diha unyang adlaw, walay nay pasaylo nga nga ihatag sa Ginoo, ug kitang tanan moatubang sa Diyos ug basahan sa atong mga kasal-anan ug tukma nga silot, diinkadtong maluwas mahiadto sa kinabuhing dayon apan kadtong makasasala mahiato sa kalayo sa imyerno nga walay pagkapalong.

Wala nay tawo o binuhat nga mangabugar para sa imong kaluwasan diin bisan ang bahandi niining kalibutana walay pulos ug dili makaluwas kanimo. Bisan ang imong relihiyon nga gisandigan dili makapanalipod kanimo , bugtong ikaw ug ikaw lamang ang manubag sa tanan, bulahan kadtong adunay mga bahandi nga langitnon diin maoy ilang ipresentor atubangan sa Diyos ug maoy ilang pases ngadto sa kaluwasan

Busa igsoon niining panahuna diin hataas pa ang pasensya sa Diyos atong pangayoon sa kanunay ang pasaylo pinagi diha sa mag pagampo ug mga pagpanghalad. Kay matod diha niining panahuna , hataas pa ang pasensya sa Diyos kanato, ug tanan nga ala magamay ug amdako adunay kapasylo-an. Gikinahanglan lamang nga motoo ka nag ikaw mapasylo sa imong mga sala, pinaagi kang Jesu Cristo. Kay kung kulang ka sa pagtuo nan sama ra nga wala ka motuo nga si Jesu Cristo anak sa Diyos.

Busa niining panahuna diin nagapaingon na kita sa ikatulong siglo diin ania na ang mga pasidaan pinaagi diha sa mga katalagman diin matod pa diha sa Gipadayag 16:16, Ang Armagedon, apan wala magapasabot nga matapos na ang kalibutan kundili mao kini ang mga pasidaan diin hapit na ang paghari sa atong Ginoong Jesus. Busa igsoon ayaw pagduha-duha diha sa pagpangalagad kang Cristo Jesus, Buhata nga ang imong lawas maoy buhing halad diin anaa sa pagpinetensya ug mga pag-ampo.