Saturday, January 7, 2012

Ang Espiritu Santo Ug Ang Tawhanong Kinaiya

GALACIA 6:1~10



6 1 Mga igsoon, kon may makasala, kamong mga Espirituhanon motul-id niya uban sa diwa sa kaluoy. Pagbantay, basig kamo mismo matintal. 2 Pagtinabangay sa mga palas-anon sa usag usa sa ingon, nagtuman mo sa balaod ni Cristo. 3 Kon may nagtoo nga labaw siya, apan sa pagkatinuod bale wala, gilingla lang niya ang kaugalingon. 4 Ang matag usa mag-usisa sa kaugalingong binuhatan. Dili unta siya manghambog sa uban. Hinunoa, magmainiton sa kaugalingong kauswagan. 5 Ang matag usa manubag sa kaugalingong binuhatan.
6 Ang nakadawat sa pagtulon-an sa Pulong kinahanglang magpaambit sa kaayohan sa nagtudlo niya. 7 Ayawg palimbong. Ang Diyos dili kalimbongan. Moani ka sa imong gipugas. 8 Ang nagpugas alang sa lawasnong kaayohan moanig kadaotan ug kamatayon gumikan sa unod. Ang nagpugas sa Espiritu moani sa kinabuhing dayon gikan sa Espiritu. 9 Magbuhat tag maayo nga dili kawad-ag kadasig. Sa tukmang panahon anihon ta ang ganti sa atong kamakanunayon. 10 Busa, samtang may panahon pa, magbuhat tag maayo alang sa tanan, labi na sa kaigsoonan ta sa pagtoo.


PAGPAAMBIT SA MENSAHE:


Ang maong ebanghelyo maoy pagpasabot lamang diha sa pagsunod nato sa kabubut-on sa Diyos diin dili gayud magkasinabot ang kaalam nga tawhanon ug kaalam nga iya sa Diyos espirito santo . Busa igsoon bulahan kun diha sa pagkinabuhi nimo niining kalibutana nagkinabuhi ka nga daw sama sa langyaw niining kalibutana apan ha-om didto sa iyang gingharian sa langit.
Nan unsaon man nato pagkinabuhi nga ha-om didto sa iyang gingharian sa langit? Atong isul-ob ang kinaiyahan ni Jesu-Cristo ang kinaiyahan sa espiritu santo sa Diyos diin anaa ang pagkamapaubsanon, pagkamangindawaton ug ang kanunay nga mga pag-ampo ug pagkamainantuson.


Diha niining maong ebanghelyo nagpasabot ang maong pulong sa Diyos diha sapagtinabanagy nga espirituhanon, mao kin ang paghalad nato sa atong mga kauban sa pagtuo aron molipang ug molambo ang ilang pagpangalagad diha sa kristuhanong pagkinabuhi, kay diha niining kinabuhi nga kristuhanon atong tun-an ang atong kaugalingon sa paglikay sa pagpakasala sa pulong sa huna-huna ug sa buhat apan lisod kining buhaton samtang buhi pa kita kay ang tawo makasasala man gayud. Busa gikinahanglan ang adlaw-adlaw nga pag-ampo ug paghalad labina diha sa matag balaang oras aron sa kanunay lig-on ang atong kalag ug espiritu nga dili dali dag-on sa tentasyon.


Niining panahuna hataas pa kaayo ang pasensya sa Diyos diin bisan ania na kita sa ikatulong siglo apan ang Diyos andam kanunay mohatag sa iyang pasaylo diha sa mga katawhan nga matinud-anon sa ilang pagbasol ug mga pag-ampo uban sa ilang maayong binuhatan. Diin matod pa ang Diyos andam nga mohatag ug pasaylo magamay man o madako nga mga sala, ang importante nga kinasingkasing kang nangayo niini ug nagatoo ka nga mapasylo ka sa imong sala pinaagi kang Cristo Jesus, kay kundili ka motuo nga mapasaylo ka pinaagi kang Cristo Jesus nan sama ra man unya nga wala ka motoo nga si Jesu Cristo anak sa Dyos.


Busa igsoon barugi ang imong pagtuo nga sama kagamay sa liso mustasa. Kay matod pa diha sa pulong sa Diyos sa Hebreo 11:1 nagaingon ang kahulogan sa pagtuo mao nga may pagsalig kita sa mga butang nga atong gilaoman apan dili nato makita. Apan ang atong pagtuo sa Diyos dil masukod panaagi sa tawhanon nag sukdanan apan masukod kini pinaagi sa espituhanon nga sukdanan akay anaa man kini ibutang sa Diyos diha sa atong kasingkasing ug huna-huna Busa igsoon Diyos lamang ang adunay katakos sa pagsukod sa atong pagtuo ngadto kaniya. Busa igsoon ayaw hukmi ang imong isigkatawo, ayaw lantawa ang imong isigkamagtutuo, sigoro-a ang imong kaluwasan.

Ang Espiritu Santo Ug Ang Tawhanong Kinaiya

GALACIA 5: 16~26



16 Busa, sultihan tamo: panglakaw sumala sa Espiritu ug ayawg pahinonti ang mga lawasnong tinguha nga 17 makig-away sa Espiritu. Ang mga tinguhang Espirituhanon supak sa mga pangandoy sa unod. Ang duha nagkasumpaki. Busa, dili mo makabuhat sa buot buhaton. 18 Apan padumalaha ang Espiritu. Ayawg pasakop sa Balaod.
19 Dali ra ninyong mailhan ang binuhatan nga lawasnon: ang kadaotan, kalaw-ay ug kawalay-ulaw; 20 ang pagsimba sa mga diosdios ug ang salamangka, pagdumot, kasina ug panamastamas, kasuko, sobrang patanto, pagkabahinbahin; 21 ug ang pangigi, paghuboghubog ug mga ingon ini. Usbon ko pagsulti ang giingon ko na: ang magbuhat ini dili makapanunod sa gingharian sa Diyos.
22 Apan ang bunga sa Espiritu mao ang gugma, kalipay, kalinaw, pailob, pagsinabtanay, kaluoy ug kamakanunayon, 23 ang kalumo ug pagpugong sa kaugalingon. Alang ini walay Balaod o silot. 24 Alang sa mga sakop ni Cristo, gilansang na nila sa Krus ang unod uban ang mga bisyo ug tinguha ini. 25 Kon nagpuyo ta sa Espiritu, magpaagak ta sa Espiritu. 26 Dili ta magmaakuakohon. Ug wala untay palabwanay o kasina sa usag usa.


PAGPAAMBIT SA MENSAHE

Ang maong ebanghelyo maoy pagpasabot lamang nga ang atong pagpangalagad sa Diyos dinhi sa ibabaw sa kalibutan nakalatid na daan. Ang balaang kasulatan nagaingon, didto ka pa sa tago-angkan sa imong inahan tinawag ka nang daan. Sa ato pa mga igsoon ang pagkatinawag ug pagkapinili dili imong kabubut-on. Ang pulong sa Diyos nagaingon dili tanan nga katawhan sa kalibutan tinawag ug pinili nan kadtong wala tawga ug pili-a nan dinhi lang sila sa kalibutan.

Apan kadtong iyang mag tinawag nan pagapili-an pa kay samang panag-ingnan ang bulawan nga sulayan una sa kalayo kun kini puro ba nan ang tawo pa kaha nga dako pa ug bili kay sa bulawan nan pagasulayan gayud kini sa Diyos. Nan diha sa imong pagtuman unsaon man nato pagkahibalo nga atong nalatas ang pagsulay? Atong mahibaloan kun atong hingpit nga nadawat si Jesu Cristo diha sa atong kasing-kasing, kay ang atong mga kasakitan nga nasinati ang mga paglutos ug mga pagtamay nga atong naambitan wala kana magpasabot nga kita nagpakamartir kun kining tanan atong nadawat sa tibuok natong kinabuhi, kini nagpasabot lamang nga atong gipapuyo ug gipahari si Jesu Cristo dih sa atong kasingkasing.

Busa igsoon niining panahon karon diin halos tanan suok sa kalibutan anaa ang katalagman nan mao na kini ang senyales nga hapit na mobalik ang Diyos apan dili pa matapos ang kalibutan ania pa kita sa gitawag nga Armagedon diin nagpakita na ang mga dagkong katalagman nga nahitala diha sa mga panagna ni Juan sa Pinadayag. Busa igsoon gahini gayud ug pag-ampo ang imong kalag ug espiritu kay wala kita masayod kun kanus-a ang atong kataposan, mahabilin man ugaling atong materyal nga lawas apan ang atong kalag makaambit sa kaluwasn pinaagi kng Cristo Jesus.

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo