Ang Pagkakabig Ni Saulo

BUHAT 9: 1~ 18

9 • 1 Anang panahona si Saulo nag- hunahuna lang paggukod ug pagpatay sa mga tinun-an sa Ginoo. 2 Miadto siya sa Labawng Pari ug nangayog sulat alang sa Sinagoga sa Damasco nga mihatag niyag awtoridad pagdakop ug pagdala sa Jerusalem ni bisag kinsa, lalaki o babaye, nga mapalgang sakop sa Dalan.

3 Samtang nagpanaw ug nagkaduol na siya sa Damasco, may siga nga mikidlap og kalit libot niya. 4 Natumba siya ug nakadungog sa tingog, “Saulo! Nganong gigukod ko nimo?” 5 Nangutana siya, “Kinsa ka, Ginoo?” Ang tingog mitubag, “Si Jesus nga imong gigukod. 6 Karon tindog ug adto sa syudad. Didto sultihan ka sa imong buhaton.”

7 Ang mga kauban niya sa panaw nagbarog nga wala makatingog. Nadungog nila ang tingog, apan walay nakita. 8 Mitindog si Saulo, mibuka sa mata, apan dili siya makakita. 9 Nabuta siya. Unya, wala siya mokaon ni moinom sulod sa tulo ka adlaw. 10 Si Ananias, usa ka tinun-an sa Damasco, gitawag sa Ginoo sa usa ka panan-awon, “Ananias!” Mitubag siya, “Ania ra ko, Ginoo.” 11 Ang Ginoo miingon, “Lakaw dayon sa Tul-id nga Dalan. Pangitaa sa balay ni Judas si Saulo nga taga Tarso. Makita mo siya nga nag-ampo, 12 kay bag-o pa niyang nakita sa panan-awon nga si Ananias misulod sa balay ug nitapion niya sa kamot aron makakita siyag usab.”

13 Si Ananias mitubag, “Ginoo, nakadungog kog daghang taho bahin ining tawhana ug sa kadaot nga nahimo niya sa sumusunod nimo sa Jerusalem. 14 Karon nia siya dala ang awtoridad gikan sa Labawng Pari pagdakop sa nagsangpit sa imong ngalan.” 15 Apan ang Ginoo miingon, “Lakaw! Kining tawhana pinili kong instrumento pagsangyaw sa akong ngalan sa mga paganong nasod ug sa ilang mga hari, ingon man sa katawhan sa Israel.

16 Ako mismoy mopakita niya sa kadako sa iyang sagubangon tungod sa akong ngalan.” 17 Milakaw si Ananias sa balay. Gitapion niya ang iyang kamot kang Saulo ug miingon, “Saulo, akong igsoon, ang Ginoong Jesus nga nagpakita nimo sa imong pag-anhi, nagpadala nako aron makakita ka ug mapuno sa Espiritu Santo.” 18 Dihadiha may daw himbis nga natagak sa mata ug nakakita siya pag-usab. Mibarog siya ug gibunyagan.

PAGPAAMBIT SA MENSAHE:

Ang maong ebanghelyo naghisgot diha sa pagkakabig ni Saulo diin mao kini siya ang naglutos sa mga sumosunod ni Jesus Cristo niadtong panahuna. Diin nagpasabot nang daan ang Dios nga gusto niya nga dapiton si Saulo diha sa pagtulun-an ni Jesus aron maoy mosangyaw sa iyang mga pulong. Diin si Saulo usa ka maisog nga sundalo niadtong mga Judio ug daghan nga mga katawhan ang iya ng gipamaty tungod lamang sa pagsunod sa Kristuhanong pagtulun-an.

Pinaagi sa balatian gitawag sa Dios si Saulo diin gikuhaan siya sa panan-aw ug namulong ang Dios , "Saulo, Saulo nganong gilutos mo ako". Ug ang Dios mihatag kang Saulo ug milagro pinaagi sa iyang mga pinili nga katawhan . diin nahibalik ang panan-aw ni Saulo, ug sukad niadto gitawag na siya ug Pablo ug maisugon nga nagasangyaw sa mga pagtulun-an ni Jesus, apan kay lagi nailhan man si Saulo nga manlulutos sa mga katawhan ni Jesus nan naglisod gayud siya sa pagsangyaw diha sa bag-o nga pagtulun-an nga iyang gibarugan.


Apan pinaagi sa giya sa espiritu santo sa Dios diin maoy mipahigayon sa tanan hinay –hinay nga nadawat sa mga katawhan ang iyang pagsangyaw. Usa kini ka pagtulun-an nga angay natong hinuktukan diin, dili diay nato mahukman ang atong isigkatawo diin susama kang Saulo nga giila nga berdugo sa mga sumosunod ni Kristo apan nahimo siyang pinakamadasigon ug pinaka maisog nga magsasangyaw sa Dios piinaagi kang Cristo Jesus.

Si Saulo maoy giila sa mga katawhang kristuhanon nga maoy nakapadasig ug nakapalambo sa pagtulun-ang kistuhanon niadtong panahuna Bisan niining panahuna karon diin 2000 kapin na katuig ang milabay apan si Saulo o Pablo maoy giila nga maoy nagpakuyanaop sa pagtulun-an ng kristuhanon niining panahuna. Bag-o ap lang nato gisaulog ang Pauline year diin adunay mga ecumenical celebration sa tibook kalibutan.

Unsa man ang gibarugan ni Saulo niadtong panahuna ng gilutos niya ang pagtulun-an ni Jesus? Atong mapamalandungan nga si Saulo usa ka Judio ug nagsimba sa patulon-an nga Judaism, diin nagtuo kini sa Dios Amahn lamang ug mao kini nga pagtulun-an nga gisangyaw ni Moises sa iya usab nga panahun.

Kay para sa mga pari ug sa mga katawhan nga gisakopan sa Judio usa lamang ang Dios ug kini mao ang Dios Amahan lamang diin sumbanan diha sa ilang paghalad ug mga pag-ampo , diin tungod kay wala sila makita nga panagway sa matuod nga Dios ug walay nagsangyaw kanila sa mg espirituhanon nga hiyas, diin ang importante niiningpanhuna mao surrender sa imong mga kasal-anan ug ang pagdawat sa mga kridtuhnong pagtulun-an diin tugob kini sa espiroitu santo.


Usa ka pagtulun-an nga gustong paanminan sa Dios niining kalibutan nga nagpasabot nga kitaang tanan adunay parehas nga paagi sa pag-ankon sa kinabuhing dayun diin dili igsapayan sa Dios ang atong pagpakasala, ug diin diha sa pagkalawat nto sa Dios nag manluluwas dawaton kita sa ios bisan sa tong mga kasal-anan.


Sa ato pa diay mga igsoon ang pag alakad sa Dios wala magkinahaglan diha sa unsa ka taas sa imong pagpangalagad kundili giunsa nimo pag-usab ang imong kaugalingon diha sa pagsul-ob mo sa mga kristuhanong hiyas diin wala kini nagkinahanglan ug mga kaalam niining kalibutana kay ang imporatante sa Dios masiguro niya nga diha sa kataposang adlaw sa tong pagpakabuhi, masiguro sa Dios ang mga kalawasan sa atong mga kalag.

Wala magkinahanaln ang Dios sa mga magahob nga mga pag-ampo nga sama sa msaba ng piyang-piyang, diin maoy gusto sa Dios ang pahiluna nga mga pag-ampo diha sa pagsangpit mo kaniya. Iyang gipakita ang milagro sa kaluwasan sa kinabuhing dayun diin iyang gihatagan ug pasaylo ug gidala ngadto sa iyang gingharian ang maong tulisan nga iyang kauban diha sa laray sa mga gilansang sa krus.

Mini Nga Mga Magtutudlo

2 PEDRO 2: 1~ 22

2 • 1 Sama nga dunay mga mining propeta taliwala sa katawhan sa Israel, taliwala ninyo naa poy mga mining magtutudlo. Magpasulod silag makadaot nga mga sekta. Pinaagi sa paglimod sa Magtutudlo nga nagluwas nila, nagdala sila sa ilang kaugalingon og kalit nga kapildihan. 2 Bisan pa ana, daghan ang moawat sa ilang mga bisyo. Tungod nila ang dalan sa kamatuoran mawad-ag maayong ngalan. 3 Pahimuslan mo nila ginamit ang malinglahong mga pulong tungod sa kwarta. Apan ang pagkalaglag nila nagsugod na. Ang pagkagun-ob nag-paabot nila.

4 Sa pagkatinuod, wala pasayloa sa Diyos ang mga Anghel nga nakasala. Gibalhog sila sa impyerno, gipriso sa ngiob nga lungag ug gibilin didto hangtod sa Adlaw sa Hukom. 5 Wala pod niya pasayloa ang karaang kalibotan diha nga gipabuhagay niya ang nagbul-og nga tubig sa kalibotan sa daotang mga tawo. Si Noe lang ang gipanalipdan, ang ikawalong propeta nga nagwalig katarong. 6 Gilaglag sab sa Diyos ang mga syudad sa Sodoma ug Gomorra ug gitun-as daw abo aron pagpasidaan sa mga daotan sa umaabot nga hitabo. 7 Apan giluwas si Lot, maayong tawo nga gisakit tungod sa dili kapugngang gihimo sa bisyosong mga tawo. 8 Tarong si Lot nga nagpuyo taliwala nila, nag-antos matag adlaw sa kaayo sa kasingkasing, kay nakita ug nadungog man niya ang ilang mga krimen.

9 Ang Diyos nahibalog unsaon paglingkawas sa mga pagsulay sa nag-alagad niya ug nagbantay sa mga daotan aron silotan sa pag-abot sa Adlaw sa Hukom. 10 Iya ning buhaton labi na gyod sa katawhan nga misunod sa daotang mga pangandoy sa kinaiya. Gitamay nila ang kahalangdon sa Diyos. Mapagarbohon ug mahagiton sila ug dili mahadlok pag-insulto sa mga Espiritu nga nahagba. 11 Apan ang mga Anghel nga labawg kusog ug gahom dili motugot sa pagpasangil ug pagsumbong nila atubangan sa Diyos.

12 Gibutangbutangan nila ang dili masabtan. Sama sila sa walay salabotang mananap nga matawo aron dakpon ug patyon. 13 Antoson nila ang balos sa ilang kadaotan. Nagpahimulos sila sa lumalabayng kalipay. Hilas sila ug bisyosong mga tawo. Ikalipay nila ang paglimbong nimo inig-ambit nila sa inigsoon mong salusalo. 14 Dili sila makatan-aw sa babaye sa walay pagpaninguha niya; dili kapuyon sa pagpakasala ug pagtintal sa huyang nga mga kalag. Puno sila sa kahakog – tinunglo.

15 Gitalikdan nila ang tarong nga dalan ug misunod ni Balaam, anak ni Beor, nga nagaid sa nakuha sa sayop nga binuhatan. 16 Apan gibadlong siya tungod sa iyang sala: Ang asno niyang bayi misugod og sulti daw tawo. Gipahunong niya ang propeta sa binuang. 17 Kining mga tawhana daw mga tinubdang walay tubig, mga panganod nga giabog sa bagyo nga kusog kaayong miirog paingon sa labing itom nga kangitngit. 18 Uban sa hinambog ug haw-ang nga mga diskurso, gidasig nila ang pamiga ug hugawng tinguha sa kasingkasing. Makadaldal sila sa bag-o pa lang nga nakalingkawas sa kaugalingon sa kasagarang mga sayop.

19 Nanaad silag kagawasan nga ulipon man unta sila sa kadaotan. Ang tagsa tagsa ulipon sa nagmando niya. 20 Tinuod nga human makalingkawas sa kalibotanong mga bisyo pinaagi sa kasayoran sa Ginoo ug Manluluwas nga si Cristo Jesus, mibalik sila adtong mga bisyoha ug mitugyan ini sa ilang kaugalingon. Ang kahimtang karon mas grabi pa kay sa una. 21 Mas maayo unta nga wala na sila mahibalo sa dalan paingon sa kabalaan. Kay human mahibalo gitalikdan nila ang sagradong pagtulon-an nga gitudlo kanila. 22 Sa ilang bahin, mapuslanon ni: “Ang iro mobalik sa kaugalingong suka,” ug: “Bag-o pa ganing nadigo ang baboy, naglunang na pod.”


PAGPAAMBIT SA MENSAHE:

Ang maong ebanghelyo nagtukib diha sa mga pagtulun-an nga gisangyaw ni Jesu Cristo diin may iyang gibilin ug gipasangyaw usab niadtong mga mabuot nga apostoles ug sa dihang mibalik na si Jesus ngadto sa kiliran sa iyang Amahan ang iyang mag mabuot nga mga apostoles maoy mipadayun sa pagsangyaw diha sa upat ka suok sa kalibutan, ug diin kini gisawo-sawo na diha sa sa atong mga katigulangan.

Daghan ang mga pagtulun-an nga nanggawas ug nagsangyaw sa mga pulong sa Dios diin silang tanan nagpasibantog gayud diha sa kaluwasan sa kinabuhing dayun nga gisangyaw ni Jesu Cristo. Dos Mil kapin na katuig ang milabay diin ang maong kamatayon ni Jesu Cristo diha sa krus diin maoy gihimong sumbanan diha sa atong kaluwasan. Niining panahuna aduna nay 20,000 kapin ka pagtulun-an ang ania dinhi sa tibook kalibutan.

Diin dinhi niining maong ebanghelyo nagaingon nga kadaghana niining mag pagtulun-ana gipanguluhan sa mga mini nga magtutudlo, diin nagsangyaw sila sa pulong sa Dios diha nianang balaang kasulatan apan gihimo nilang panguwarta diin ang uban nangayo ug dagko nga amot aron sila makasapi diin gihimo nilang bread & butter ang ilang pagtulun-an nga gibarugan.

Daghan ang nagatuis diha sa unang pagtulun-an nga gisangyaw sa mga unang apostoles diin bisan ang ubang santos ug ang ubang mga balaan sa langit wala tuhoi niing mga tawhana kay para kanila sila ang nahibalo ug nasinati sa pulong sa Dios diin nagmaalamon sila diha sa pagtugkad sa kabubut-on sa Dios. Para niadtong mga tawhana, nahibalo ug natugkad nila ang pagtulun-an sa Dios diin maoy ilang gihimong tumong ug tuyo nga makuha nila ang ilang mga tawhanong plano ug tingusbawan diha sa pagpaila sa tanan sa ilang kaalam sa tanang butang niining kalibutan.

1 Corinto : 1:28, nagaingon gipili sa Dios ang mga tinamay ug sinalikway nga mga katawhan nga maoy magasangyaw sa iyang mga pulong, kay aron kadtong mga may kaalam ug kinaadman nga iya lamang sa tawo dili makapasigarbo diha atubangan sa Dios, kay walay atong angay nga ipasigarbo diha sa Dios gawas lamang sa mga milagro nga iyang gipasinati diha sa atong tagsa-tagsa ka kinabuhi. Ang giisip nga importante sa tawo dinhi niniing kalibutana walay bili didto sa gingharian sa langit apan ang giisip sa tawo nga maoy importante dinhi niining kalibutana walay pulos didto sa langit.

:

Ang balaang kasulatan nagaingon kun asa ang imong bahandi atua usab ang imong kasingkasing, nga sa ato pa kun imong tuison ang mga pagtulun-an sa Dios aron mamahimong kang kuartahan ug buhong sa tanang mga material nining kalibutanan nan manubag ka gayud sa umaabot nga mga adlaw. Wala ibaligya sa Dios ang iyang mga pulong ug mas labaw nga wala ibaligya sa Dios ang kalawasan nga iyang gisaad sa iyang mga katawhan. Busa angay diay natong hinuktukan nga dili tawo ang atong gisunod ug dili usab tawo ang nagasugo kanato diha sa mga pag-ampo.

Matod pa sa ubang sinulat diha sa balaang kasulatan daghang mga pastor ug mga magtutudlo sa pulong sa Dios diin nagbuhat sa mga kasal-anan diha sa mga tawhanon nga mga kailibgon ug diha sa pagpalabi-labi sa ilang mga kaigsoonan, diin ila lang kining bawion diha sa ilang tag-as nga mga pag-ampo, ila lamang tabunan ang ilang mga kasal-anan pinaagi diha sa pagsakripisyo ug mabug-at, apan makaluluoy sila kay ang pulong sa Dios nagaingon nga walay kapasaylo-an ang maong mga kasal-anan.

Diha sa laing sinulat naga-ingon : Unsa may arang sa tawo nga diha sa iyang pagpakatawo, hubo man siya ug wala man siya dala ug diha sa iyang pagtalikod niining kalibutana biyaan man niya ang tanan nga giisip niyang iyaha, bisan ang iyang tawhanon nga lawas iya man kining biyaan, diin ang iyang kalag lamang ang magtikaw-tikaw ug maoy maghulat diha sa kataposang paghukom, apan ang matag kalag matod pa ipadala sa Dios ngadto kanila ang ilang panumduman, diin mahinumduman nila ang ilang binuhatan diha sa ilang pagpakabuhi, ug makita nila ang kamatuoran nga gitago kanatong mga buhi apan wala nay pulos ang tanan kay wala na man siyay balikan pa.


Kamatuoran lamang ang nakasulat diha sa balaang kasulatan nga nagaingon, nga lumalabay lamang kita niining kalibutana diin, adana pay kinabuhi nga labaw pa niining kalibutanan , diin mao kadto ang kinabuhing espirituhanon didto sa gingharian sa Dios, apan pinili lamang ang tinawag sa Dios para didto nadtong kinabuhi-a. Apan matod pa ang kamatuoran naghatag ug kagawasan diin kitang ania pa sa kalibutan gitagaan sa Dios sa pagkinabuhi sumala sa atong kabubut-on. Apan kun pinili ug tinawag ka sa Dios mosugot ka ug sa dili, diha sa imong pagpakabuhi niining kalibutan, tawgon ka gayud sa Dios sa paagi nga wAla nimo damha.

Ang balaang kasulatan nagaingon, nga ang mga pinili ug tinawag ng katawhan sa Dios ipaabot gayud kanila ang giya sa espirtu sa kamatuoran diha sa tagsa-tagsa nila ka kinabuhi sa paagi nga wala nila damha, nga sa ato pa tawgon sila sa Dios diha sa paagi nga Dios laamng ang nakahibalo. Lain lain ang pagtawag sa Dios kanato apan dili ang tanan nga nagasangpit sa Dios makasulod sa iyang gingharian kundili kadto lamang nagasunod sa iyang kabubut-on.

Ang Mga Nakakita Sa Himaya Ni Kristo

2 PEDRO 1: 16 ~ 21

16 Sa tinud-anay, ang among gitudlo ninyo mahitungod sa gahom ug sa pagbalik ni JesuCristo atong Ginoo wala kuhaa sa mga minaomaong sugilanon o sa mga hinan-ayng teyoriya. Mga saksi ta sa iyang kahalangdon, 17 pagkadawat niya sa himaya ug dungog gikan sa Diyos nga Amahan. Gikan sa tahom nga Himaya, miabot niya ang talagsaon kaayong mga pulong: “Kini ang pinangga kong Anak. Pinili ko siya.”

18 Nakadungog ta sa maong tingog gikan sa langit dihang mikuyog ta niya sa bukid nga balaan. 19 Busa, lig-ona ang atong pagtoo sa mensahe sa mga propeta. Angayan nga inyo silang tan-awon isip suga nga naglamdag sa ngitngit nga dapit hangtod sa pag-abot sa banagbanag: sa pagsidlak sa Bitoon sa kabuntagon sa inyong kasingkasing. 20 Hibaloi ni: Walay panagna sa Kasulatan nga itugyan sa kinaugalingong paghubad. 21 Kay walay panagna nga gikan sa tawhanong hukom. Mga tawo sa Diyos nga gilamdagan sa Espiritu Santo ang misulti.

PAGPAAMBIT SA MENSAHE:

Ang maong ebanghelyo naghisgot kini ug himaya diha sa pagsunod sa kabubut-on sa Dios, diha sa pagdawat sa mga kasakitan sa kinabuhi. Nan ang balaan nga kasulatan nagaingon kung gusto nato nga himayaon ug daygon didto sa gingharian sa Dios nan puy-an ta ang kinabuhi nga puno sa pagpaubos , pagpasakit ug pagdawat sa mga paglutos dinhi sa yuta ug pas-anon ta ang krus sa kinabuhi, kay matod pa bulahan kita nga nakaambit sa mga kasakitan ni Jesu-Cristo diha sa pagpalansang niya sa krus niadtong kalbaryo kay makaambit usab unya kita sa himaya sa iyang pagkabanhaw didto sa iyang gingharian sa langit.

Ang maong ebanghelyo naghisgot kini sa nakakita sa himaya ni Kristo , diin diha sa uban sinulat nagaingon nga si Jesu Cristo ang buhing panagway sa dili makita nga Dios nga sa ato pa si Jesu Cristo ug ang Amahan nga Dios usa ra, diin lisod kini matukib ug masabtan diha sa mga tawo nga wala makatukib sa kristuahanon nga pagtulun-an, kay para sa uban mas dako bili ang ilang makita ug mahikap, nga sa ato pa mas motuo sila sa mga tawo nga nagpaka Dios sa ilang kaugalingon diin masaligon sila diha sa kaluwasan sa kataposan paghukom.

Makapangutana kita kun ngano nga si Jesu-Cristo gipanag-ing man sa himaya, kay matod pa diha sa ubang sinulat Siya mao ang una ug ang kataposan diin gitawag usab ug Alpha ug Omega, diin Kita nga mitoo ug misalig nga si Jesu Cristo mao ang mesiysa nga maoy manluluwas natong tanan makaangkon sa kinabuhing dayun tungod kay si Jesu-Cristo usa ka Dios nga buhi ug kitang tanan nga mitoo sa kaluwasan makaangkon sa kinabuhing dayon.

Naluwas nab a kita diha sa pagkalansang ni Jesus sa krus, maangkon na ba nato ang kaluwasan diha sa kinabuhing dayun? Diha sa pagluwas ni Jesus kanato mora lang kita ug nagsakayt ug barko diin nahulog kita sa dagat ug giluwas ni Jesus gikan sa tino nga pagkalumos ug gibalik sa pagpasaky sa barko, luwas tuod kita nianang higayuna apan wala ka pa makaabot sa atong pagadulngan diin daghan pa ang mahitabo, nga sa ato pa diha as atong kaluwasan sa pagpalansang ni Jesus daghan pa kita ug buhaton aron mahiduol kita sa Dios ug sa kanunay mabantayan nato ang atong kaugalingon diha sa pagkalunod o pagkahulog pag-usab, nga sa ato pa bantayan nato ang atong kaugalingon sa dili na pagpakasala pag-usab diha sa gihatag niya nga kaluwasan.

Ang Ginoo miingon nga dili niya buot nga ang iyang mga katawhan maghigda-higda lang ug magpaabot sa iyang pagbalik, kundili pagasulayan gayud kita aron makita ang tinud-anay nga pag-alagad nato sa Dios, diin susama sa bulawan nga pagasulayan diha sa kalayo kun puro ba gayud ang pagkabulawan. Nan ingon diay niana ang pagpangalagad sa Dios niining walog sa mga buhi diin magkaduol ka sa Dios nan magkadaghan usa ang mga pagsulay.

Nagpamatuod lamang nga lisod ang pagsulod ug pagsunod sa kabubut-on sa Dios diin tinud-anay gayud nga tunukon ug bakilid ang dalan ngadto sa gingharian sa langit diin anaa ang tanan nga kalisdanan sa kinabuhi, anaa ang mga paglutos ug mga kasakitan. Mao kini ang buhing kamatuoran diha sa pagsulod sa dalan sa langit , diin ang nagpasidaan na daan si Jesus nga sa higayon nga mahibalik na siya sa kiliran sa iyang Amahan diha na kita magsugod sa pagpuasa, sa paglikay sa pagpakasala ug sa pagpaduol sa Dios pinaagi sa pag-ampo sa mga pangadyeon nga iyang gitudlo kanato. Diha sa mga pag-ampo ug mga paghalad mao kini mamahimong tuko diha sa mga paglutos ug kalisdanan.

Gisaad sa Dios ang himaya sa kalangitan niadtong nagasunod kaniya ug miingon usab ang balaang kasulatan nga ang himaya sa kinabuhing dayun nga gisaad sa Dios dili kini premyo o ganti tungod sa imong maayong binuhatan kundili usa kini ka gasa o grasya nga giandam sa Dios aron sa ingon walay makapasigarbo diha sa atubangan sa Dios nga siya maluwas tungod sa maayong buhat kundili ang atong kaluwasan nagaagad sa grasya, gugma ug kalooy sa Dios.

Nga sa ato pa bulahan diay kun magpakabuhi kita dinhi sa kalibutan diin sama sa langyaw apan ang atong hiyas ug binuhatan ha-om didto sa gingharian sa Dios, kaysa magpakabuhi kita nga ha-om dinhi niining kalibutan diin anaa ang pagpatuyang ug ang paglingi sa mga tawhanon nga mga kailibgon ug mga tawhanon nga binuhatan apan ayran usab didto sa gingharian sa Dios.

Angay natong mahibaw-an nga langyaw kita niining kalibutana ug lumalabay lang usab ang atong pagpuyo dinhi diin aduna pay kinabuhi human niining kinabuhi-a, ug mao kadtoy imporatante diin ang tanaan natong binuhatan dinhi niining kalibutana maoy himoong giya kun asa ka unya ibutang inig-abot mo sa laing kalibutan, nan kun wala nimo pahinungdi ang Dios diha sa mga pag-ampo unsa man unya ang imong ipakita ngadto sa laing kalibutan diin wala man ang Dios diha sa imong pagpakabuhi, wala ka unya panahun sa paghimo ug mga pag-ampo ug mga tulomanon nga iya sa Dios. Mas maayo gayud nga atong pangandaman ang umaabot diin matod pa diha sa ubang sinulat mas haduol na ang pagbalik sa anak sa Dios kas sa gituho-an sa uban nga halayo pa…

Ang Pari Nga Si Melquisedec

HEBREO 7: 1~15

7 • 1 Nag-ingon ang Balaang Kasu­­latan nga si Melquisedec ang hari sa Salem, ug pari sa Diyos nga Labing Halang­don, mitag­bo kang Abraham ug mipauli human mabun­tog ang dag­hang hari. Gipana­la­ngi­nan niya si Abra­ham nga mihatag sa ika-10 ka ba­hin sa tanan. 2 Atong hinum­do­man nga ang Mel­qui­sedec nagka­hu­logag Hari sa Kaangayan, ug ang hari sa Salem nag­ka­hulogag Hari sa Kalinaw. 3 Wa­lay gihisgotan bahin sa amahan, inahan o ka­liwatan. Walay nasulat ma­hi­tungod sa sinug­dan o kataposan sa iyang kina­buhi. Niini, larawan siya sa Anak sa Diyos, ang pari nga mag­pa­bi­lin sa ka­hang­toran.

4 Tan-awa unsa kagamhanan si Mel­quisedec. Bisan si Abraham miha­tag sa ika-10 ka bahin sa iyang nasak­mit. 5 Diha nga ang mga kaliwat ni Levi na­pari, gihatagan silag gahom sa pag­dawat sa ika-10 ka bahin gikan sa ka­ta­­ginasod – gikan sa mga igsoon, bisag mga kaliwat pod sila ni Abraham. 6 Ug si Melquisedec nga dili kaliwat sa ba­nay nga Levita, nakadawat sa ika-10 ka bahin gikan ni Abraham. Gawas pa, gipa­na­la­nginan niya si Abraham, ang sinaaran sa Diyos. 7 Walay duhaduha nga ang manalangin labaw kay sa gi­pa­na­langinan. 8 Sa unang kaso, atong na­kita nga ang may kamatayon nagda­wat sa ika-10 ka bahin. Dinhi, gihis­go­tan si Melquisedec nga buhi. 9 Sa pag­hatag ni Abraham sa ika-10 ka bahin, maingon nato nga ang mga Levita ra pod ang nagbayad ug mida­wat sa ika-10 ka bahin. 10 Nahi­tabo ni, kay si Levi diha pa sa lawas ni Abra­ham, ang iyang kati­gulangan, sa pag­kita ni Mel­qu­isedec ug Abraham.

11 Ang Balaod sa piniling katawhan gipasikad sa Levitikong pagkapari. Apan pinaagi sa maong balaod dili nila makab-ot ang kahingpitan ug kasi­gu­ro­han. Kon mahimo pa, nga­nong nag­ki­­nahanglag laing pari suma­la sa ha­nay ni Melquisedec inay ni Aaron? 12 Kon may kausaban sa pagkapari, usbon pod ang Balaod. 13 Si Jesus nga gipasabot ining tanan, gikan sa tribu nga wala makahalad sa altar. 14 Na­sa­­yod ang tanan nga gikan siya sa tribu ni Juda nga wala hisgoti ni Moises sa pag­sulti bahin sa pag­kapari.
15 Hinuon, matataw kining tanan kon ang pari, sama ni Melquisedec

PAGPAAMBIT SA MENSAHE:

Ang maong ebanghelyo naghisgot diha sa mga kapari-an diha sa unang panahun diin adunay usa ka pari nga ginganlan ug Melquisedec diin tugob sa kaalam ug kabalaan diin wala mahibaw-i ang iyang kagikan diha sa balaang kasulatan. Matod pa diha sa maong sinulat nga mismo si Abraham nagatahod sa maong pari pinaagi sa paghatag niini ug ikapulo, ug diin si Abraham gipanalanginan sa maong pari nga si Melquisedec.

Daghan ang mga balaan nga nangagi diin silang tanan nagsilbi sa Ginoo ingon nga mga balaan nga pari , daghang ang mga sumbanan sa pagkapari diha sa balaang kasulatan sama ni Aaron, Zacarias ug si Levi. Diin silang tanan nahisgutan sa balaang kasulatan apan ginaingon nga adunay pari nga maiabot sama sa linya ni Melquisedec, diin pari siya hangtod sa kahangturan.

Si Jesu Cristo ang maong pari nga gihisgutan sa maong ebanghelyo diin gawas siya nga gitahasan sa Amahan sa pagluwas sa atong mga kalag siya usab ang gitahasan sa pagpamati sa atong mga pag-ampo ug maoy ipadangat nagdto sa Amahang Dios, kay matod pa diha sa ubang sinulat walay mahiabot ngadto sa amahan kun dili moagi kang Jesu Cristo kay siya man ang sinugdanan ug ang kataposan. Nga sa ato pa diha kaniya nagsugod ang kaluwasan diha sa atong mga kalag pinaagi sa pagpalangsang niya sa krus ug sa paghalad sa iyang lawas ug dugo.

Diha sa ubang sinulat nagaingon si Jesus , sa higayun nga mobalik na siya sa kiliran sa iyang amahan tagaan kita niya ug manlalaban, ang espiritu sa kamatuoran diin maoy makig-uban kanato hangtod sa kahangturan. Sa uabang sinulat nagaingon duha o tulo nga naga-ampo ug nasangpit sa ngalan sa Dios nan anaa si Jesus Cristo nakig-uban kanila.

Sa ato pa mga igsoon dili malalis nga gikan sa sinugdan hangtod sa kataposan sa kalibutan anaa gayud si Jesu Cristo nga maoy nagabantay ug nagapatalinghug kanato. Tawo siya kay anak man siya ni Birhen Maria apan Dios usab siya kay lalang man siya sa espiritu santo ug nakig-uban kanato pinaagi sa pagpakatawo niya didto sa kamalig sa belen.

Usa lamang ka sumbanan ug pasiuna si Melquisedec diin maoy nahimong gabay diha sa mga pag-ampo sa mga katawhan sa Dios niadtong unang panahun. Sa ato pa mga igsoon bililhon gayud diay ang usa ka pari kay diin siya man mao ang instrumento nato ngadto sa Amahan diha sa pagpangayo sa atong mga kasal-anan.

Usahay makapangutana kita dili ba diay pwede nga kita na lang ang mag-ampo dritso sa atong Dios?, Daghan nga mga pagtulun-an nga maoy gihimo nga pamaagi ang pagdritso gayud sa ilang ritwal ngadto sa papagpangayo sa Dios Amahan sa kapasaylo-an ilang mga kasal-anan, apan ang Dios nagpasabot nga lahi-lahi ang pagtawag kanatong tanan apan dili ang tanan nga nagasangpit ug Dios ko, Dios ko makasulod sa gingharian sa Dios kundili kadto lamang nagatuman sa kabubut-on sa amahan.

Sa ato pa mga igsoon kinahanglan nga sa kanunay atong dasigon ang atong kaugalingon diha sa mga pag-ampo ug sa pagsantos nga rosaryo atong himoong panag-ingnan ang mga pagpadasig sa Dios kanato nga bisan kita ila lang nga binuhat gikan sa abog apan gitagaan kita nila ug igong kabug-aton ug respeto, kay para sa Dios ang tawo mauy importante nga nilalang dinhi sa kalibutan diin ang tanan nga pagtulun-an nga gitudlo ni Jesus Cristo iya gayud nga gipahinungod kanatong tanan.

Nagpasabot lamang kini mag igsoon sa kalisod sa pagsunod sa kabubut-on sa Dios diin anaa gayud ang kalisdanan apan bulahan ang naningkamot sa pagtuman kay sa kanunay matagaan ug panalangin sa espiritu santo sa kamatuoran. Sa kanuany atong hinulsolan ang atong kasal-anan, ug sa kanunay atong i-ampo ug pangayoon ang kalooy sa Dios kay matod pa dili nato masinato ang kalooy ug ang pasaylo sa Dios kun wala nato masinati ang mga paglutos gumikan sa atong kasal-anan.

Ang Dili Kaduha-Duhaang Saad Sa Dios

HEBREO 6: 13 ~ 20

:

:

13 Hinumdomi ang saad sa Diyos kang Abraham. Buot ang Diyos nga da­sonan nig panumpa. Kay wala may labaw sa Diyos, 14 nanumpa siya sa ka­ugalingon: Panalanginan ug hatagan tikawg daghang liwat. 15 Tungod sa ma­pa­ilubong pagpaabot nadawat ni Abra­ham ang gisaad. 16 Ang mga tawo naanad pagpa­numpa sa laing tawo nga labaw sa ka­ugalingon. Ang panum­pa naghatag sa gibug-aton sa tanang butang nga ma­himo pang ipang­himakak.

17 Mao nga ang Diyos mi­tan­yag sa kauga­li­ngon nga masaksi sa iyang pa­numpa. Sa ingon, makatoo gyod ang nagpa­abot sa gisaad nga wala niy kausaban. 18 Busa, may duha ta ka kamatuoran nga kapa­sikaran. Dili mamakak ang Diyos sa iyang saad ug panumpa. Igo na kaayo nga sa pagdasig nato aron bi­yaan ta ang tanan ug magma­ka­nu­nayon sa tanan tang gilaoman. 19 Ang maong pagla­om sama sa angkla sa ka­­lag: ang kasigurohan ug ka­lig-on mo­dala nato sa Templo, sa mismong san­twaryo. 20 Tua si Jesus didto nga mi­­su­lod pag-una. Si Jesus – ang La­bawng Pari sa kahangtoran sumala sa han-ay ni Melquisedec.

PAGPAAMBIT SA MENSAHE:

Ang maong ebanghelyo naghisgot diha sa mga saad sa Dios didto kang Abraham diin giingnan siya nga modaghan ang iyang kaliwatan diin siya maoy mangamahan sa tanang nasod sa kalibutan ug usab giingnan siya nga hatagan ug luna didto sa yuta sa mga saad diin didto magsumikad ang iyang katawhan, apan gipasabot daan si Abraham sa dili pa moabot kanang maong panahun mag-agi una ug pagsulay ang iyang kaliwatan diin mamahimong ulipon sa laing nasod sulod sa 400 ka tuig ang iyang mga sumosunod ayha ihatag sa Dios ang mao niyang mga saad.

Ginaingon diha sa maong ebanghelyo nga kun ang Dios maoy mosaad mahitabo gayud kini bisan unsa kadugay niini, diin anaa gayud ang pagsulay diha sa kinabuhi ni Abraham ug ingon man sa iyang mga kaliwatan. Uban sinulat nagaingon nga tungod sa talagsaon nga pagtuo ug pagsalig ni Abraham sa Dios mao nga adunay katumanan ang tanan apan miabot una kini ug pipila ka siglo o gatusan katuig ayha nakita ang katumanan sa mga saad sa Dios kaniya.

Diha nato masabot nga wala gayud magdali ang Dios diha sa iyang mga plano dinhi sa kalibutan kay matod pa diha sa ubang pulong sa Dios unsay may dali-an nga ila man ang tanang oras. Maoy gusto sa Dios nga ang iyang mga katawhan magaagi gayud diha sa mga kalisdanan sa kinabuhi, maoy gusto sa Dios nga sukdon ang atong pagtuo kaniya diha mismo sa pagtulun-an nga imong gibarugan,

Nan gikinahanglan gayud ang pagtuo nga talagsaon, ang pagtuo ngadto sa butang nga dili makita ug mahikap diin mao kining mga butang nga mohangtod sa kahangturan diin mao kini ang gisaligan ni Abraham ang iyang dili ordinaryong nga pagtuo, diin pagtuo nga ubanan sa buhat diin sa kanunay nagasunod ug nagabuhat siya sa tulomanon nga gikahimut-an sa Dios.

Usa sa atong mapalandungan ang saad sa Dios nga ilhon si Abraham nga Amahan sa tanang nasod sa kalibutan diin dinhi ning atong panahuna karon makakapangutana kita giunsa man pagkaamahan ni Abraham diha sa lain-laing kaliwatan. Ang balaang kasulatan nagaingon kun gidawat mo si Jesu Cristo nga anak sa Dios ug maoy atong manluluwas sa atong kalag nan giila ka nga anak ug kaliwat ka ni Abraham.

Nga sa ato pa mga igsoon ang maong saad sa Dios natuman gayud, diin kadto siya maoy mga pasi-una lamang diha sa paghatag niya ug giya diha sa kaluwasan sa mga katawhan nga nagasunod sa Dios. Diha sa ubang sinulat nagaingon ang Ginoo maoabot diha sa tagsa-tagsa nato ka kinabuhi sa paagi nga dili nato damhon apan ang iyang mga katawhan ug pinili aduna nay giandam ang Dios para kanila.

Nga sa ato mga igsoon angayan lamang nga hugton nato ang atong pagtuo sa Dios labina sa tanang kalisdanan sa kinabuhi kay matod pa ang Dios dili sama sa uban diin dili gayud siya motalikod niadtong mga tawo nga sa kanunay nagpadayon ug nagpahari kaniya diha sa atong kasing-kasing.

Diha sa sulat ni Santiago 2: 26 , nagaingon nga sama sa lawas sa tawo nga kun walay espiritu patay kini, nan ang pagtuo nga walay buhat patay usab kini. Mao kini ang gibuhat ni Abraham sa unang panahun diin iyang gipakita ang iyang pagtuo sa Dios diin iyang gihalad ang iyang anak nga si Isaac , sumala sa pagsulay nga gihatag sa Dios kaniya. Diin mao kini ang unod sa ebanghelyo nga tungod sa talagsaong pagtuo ni Abraham, gituman sa Dios ang tanan niyang saad kang Abraham.

Ang Gimatuod Mahitungod Kang Jesu-Cristo

1 JUAN 5: 6~12

6 Si JesuCristo giila pinaagi sa tubig ug sa dugo. Dili lang sa tubig apan, sa tubig ug dugo. Ang Espiritu misaksi sab niya, kay ang Espiritu kamatuoran. 7 Busa, dunay tulo ka saksi: 8 ang Espiritu, ang tubig ug ang dugo, ug kining tulo nagkauyon. 9 Kon modawat ta sa tawhanong saksi, labaw pa nga dawaton nato ang saksi nga gihatag sa Diyos alang sa iyang Anak.

10 Kon mitoo mo sa Anak sa Diyos, naa ninyo ang saksi sa Diyos. Apan ang dili motoo, naghimo sa Diyos nga bakakon, kay wala sila motoo sa mga pulong sa Diyos nga nagsaksi sa Anak. 11 Unsay gisulti sa Diyos? Nga gihatagan ta niya sa kinabuhing dayon ug ang maong kinabuhi naa sa Anak. 12 Kon naa sa usa ka tawo ang Anak, may kinabuhi siya


PAGPAAMBIT SA MENSAHE:

Ang maong ebanghelyo naghisgot diha mahitungod sa paghiabot ni Jesu Cristo dinhi sa kalibutan diin ginaingon nga maoy buhing saksi niini ang tubig, ang dugo ug ang buhing espiritu sa kamatuoran. Sa ubang sinulat naga ingon nga si Jesu Cristo maoy buhing panagway sa dili makita nga Dios. Apan diha sa unang kasabutan nagpasabot nga wala pa ang kalibutan anaa na si Jesus Cristo diin matod pa siya ang pulong nga nagpakatawo ug mipuyo uban kanato.

Sa nabantog nga eksodus diha sa panahon ni Moises diin pinangulohan ni Moises ang paglalin sa 600 ka mga Israelita nga milayas gikan sa Ehipto ngadto sa yuta sa mga saad nga mao man kini karon ang Israel. Ug giingon sa ubang sinulat nga kadtong bato nga nagauban kanunay kang Moises diin maoy nagahatag kanila ug mga kinahanglanon diha sa materyal ug mga espiritwal nga mga butang si Jesu Cristo kadto.

Apan nakita sa Dios ang ubang mga kasaypanan sa tawo. Ilabina niadtong mga mabuot nga pariseo diha sa balaang kasulatan nga maoy nagbuot-buot diha sa pagdugang ug pagbuta\ng ug mga timailhan sa matuod nga Dios. Gipakanaog ug nagpakatawo si Jesus aron sa pagpasabot sa kabubut-on sa Amahan diin iyang gipasabot nga dili babag ang pagkawalay bahandi diha sa pagsunod sa dalan sa langit dili babag ang walay ikapasigarbo nga mga tawhanon nga bahandi ug dungganan nga pamilaya paingon sa pagsubay sa dalan sa kamatuoran.

Ang balaang kasulatan nagaingon, Ang Dios moabot sa tagsa-tagsa nato ka kinabuhi sa paagi nga dili nato damhon, apan ang iyang mga pinili ug pinatikan nga katawhan aduna na siyay giandam para kanila. Iyang gipakita ang sumbanan diha sa tumang pagpaubos ug tumang pagkasinakit, diin nagpakatawo siya ngadto kang Birhen Maria pinaagi sa usa ka milagro diha sa lalang sa espiritu santo sa Dios diin dili gayud masabtan naidtong mga katawhan nga wala makakita sa kamatuoran ug wala motuo sa Dios.

Gipakita Jesus ang pagpakabuhi nga tinamay ug puno sa pagpanlutos diin sa matag karon ug unya nag-ungaw sa kamatayon dili lang ang iyang kinabuhi hasta usab ang kinabuhi sa nagatuo kaniya. Daghan ang mibiay-biay kay lagi kadtong panahuna mao kadtong panahun diin Dios Amahan lamang ang giila nga matuod nga Dios ug mao kadto ang pagtulun-an nga gisangyaw ni Moises diin gitawag kadto ug Judaism kun nagsimba lamang sa Dios Amahan anna pa kini karon nga pagtulun-an.

Unsa man kaha ang mensahe sa Dios nga ingon niadto ang pag-abot sa iyang anak, diin puno sa pagkaaghop ug puno sa pagpaubos. Gusto lamang ipaabot sa Dios niadtong panahuna ilabina niadto mga mabuot nga pariseo ug niadtong nagasunod sa mga panagna sa propeta nga walay makatugkad asa kabubut-on sa Amahan ug walay tawo dinhi sa kalibutan nga gitugtan sa pagsukod sa kaalam nga langitnon.

Usa ka pagtulun-an nga angay natong hinuktokan nga ang kaalam nga iya sa langit mao kini kaalam nga para sa mga tawo walay bili, kay para kanila ang ilang giisip nga mahinungdanon dinhi sa kalibutan walay gamit didto sa gingharian sa Dios apan ang giisip sa tawo nga waly pulos dinhi sa yuta maoy labing importante didto sa langit.

Si Jesu Cristo maoy ehemplo diha sa balaang kasulatan nga nagaingon nga mas maayo ug bulahan kun magkinabuhi kita nga langyaw niining kalibutana ug haom didto sa gingharian sa Dios kay sa ha-om kita dinhi niining kalibutana apan ayran diha sa grasya sa Dios didto sa iyang himaya sa langit

Nga sa ato pa dili importante kun unsay imong kabutang dinhi sa yuta, diin bisan walay bahandi nga tawhanon basta hupong sa espirituhanong bahandi diin maoy imong ikapakita didto sa atubangan sa Dios diha sa iyang pagbalik, kay ang balaang kasulatan nagaingon, kun asa ang imong bahandi nan atua usab ang imong kasingkasing, nan sa uabang sinulat nagaingon dili ka pwede nga magsilbi sa duha ka agalon diin usa ra gayud sa duruha ang imong ipalabi.

Ang balaang kasulatan nagaingon, ensakto na ang materyal nga anaa kaninyo ayaw na pangandoy pa ug dugang nga bahandi kay ako nga inyong Dios dili gayud mahitabo nga motalikod kaninyo, maoy buhatong panag-ingnan diin sa paghiabot ninyo niining kalibutana diin walay inyong dala nan sa pagtalikod ninyo niining kalibutana biyaan man ninyo ang tanan.

Sa ato pa kun wala kay bahandi nga esprituhanon nga imong mabitbit didto sa laing kalibutan nan maglutaw ka lang unya didto sa limbo diin wala ka kahibalo kun unsay imong sangko-an kay wala may pag-ampo nga sarang moagak kaninyo diha sa imong panaw human sa kamatayon.

Ang balaang kasulatan nagaingon nga bisan kadtong mga mainampoon nga mga katawhan diha sa ilang kamatayon dili sila makasiguro sa ilang kalag nga kini maluwas nan unsa na kaha kadtong walay mga pag-ampo. Kay ang kaluwasan sa kinabuhing dayun nga gisaad ni Jesus Cristo dili kini siya premyo o ganti tungod sa maayong binuhatan kun dili usa kin siya ka grasya o gasa nga langitno nga gihatag sa Dios aron sa ingon walay makapasigarbo diha sa atubanagn sa Dios nga siya maluwas tungod sa maayong buhat kundili ang kaluwsan sa atong kalag nagagad diha sa gasa ug gugma sa Dios kanatong tanan.

Modaug Kita Sa Kalibutan

1 JUAN 5: 1~5

5 • 1 Ang tanang mitoo nga si Jesus ang Hinilogan, natawo sa Diyos. Kon nahigugma ka sa Amahan, gihigugma sab nimo ang natawo gikan niya. 2 Unsaon man nato pagkahibawo nga nahigugma ta sa mga anak sa Diyos? Kon nahigugma ta sa Diyos ug nagtuman sa iyang kasugoan. 3 Kay ang gugma sa Diyos nagsugo sa pagtuman sa iyang kasugoan. Gani, dili ni bug-at. 4 Ang natawo sa Diyos, nakabuntog na sa kalibotan. Ang kadaogan nga nakabuntog sa kalibotan mao ang pagtoo. 5 Kinsay makabuntog sa kalibotan?

PAGPAAMBIT SA MENSAHE:

Ang maong ebanghelyo nagtagik ug naghisgot diha sa pagangyaw sa pulong sa Dios Espiritu Santo. Ginaingon diha sa unang mga sinulat nga si Jesus Cristo mao ang Alpha uga ng Omega o ang sinugdanan ug ang kataposan diin walay mahiabot ngadto sa Dios Amahan kun dili moagi nganha kang Jesus Cristo. sa ato pa diha sa pagtuo nato nga si Jesus mao ang anak sa Dios ug bugtong manunod sa trono sa langit nan maato ang kaluwasan.

Diha sa nauna pang mga sinulat nagaingon si Cristo nga sa dihang gihalad niya ang iyang lawas ug dugo pinaagi diha sa iyang kamatayon sa krus nan midaog siya sa kalibutan, nga sa ato pa midaug siya sa pagsulay nga gihatag kaniya sa iyang amahang Dios diin matod pa sa libro sa Piliphos 2: 6 ~16, Bisan siya Dios apan wala niya ipamugos nag motupong siya sa Dios, hinunua, nagpakaulipon siya diha sa pagsilbi sa iyang mga katawhan, nag-alagd diha sa pagpakita ug mga milagro ug sa pagtambal sa mga masakiton ug tungod sa kadaugan niya sa tahas nga gihatag sa Amahan kaniya gibayaw siya ngadto sa kahitas-an nga puwesto sa langit, diin ang iyang pagka tawhanon nga lawas maoy gibanhaw sa Dios diin ang tanan nga mga nilalang dinhi sa yuta, didto sa langit ug bisan ang sa ilawom sa yuta mosimba ug miluhod nga nagsangpit sa iyang ngalan nga Jesu Cristo.

Siya ang unang nahitala sa kasaysayan sa balaang kasulatan nga nabanhaw aron ipamatuod sa tanang mga katawhan labina niadtong nagasunod sa pagtulun-an nga kristuhanon, nga kamatuoran ang pulong nga pagkabanhaw, nga kamatuoran ang kinabuhing dayun diha human sa imong kamatayon. Diin bulahan kun nagasunod ka sa espirituhanong pagtulun-an nga gisangyaw ni Jesus diin ang pagkinabuhi nga mangindawaton, ang pagdawat sa mga kasakitan sa kinabuhi, ug ang pagdawat sa mga paglutos dili lang diha sa imong pamilya mismo, dili lang diha sa komunidad nga imong gipuy-an kundili diha mismo sa pagtulun-an nga imong gibarugan.

Mga kasakitan sa kinabuhi nga usahay nga makaingon kita nga asa na man ang Ginoo, nga nag-inusara na man ako?. Diin atong maambitan ang usa ka “poem” nga inengles nga nag-ulohan ug “Foot Prints in the Sand” , diin nakapangutana ang maong binuhat nga sa nagsugod pa siya ug baklay nakita man niya nga upat ka agi sa tiil ang diha sa daplin sa baybayon nga sa ato pa anna ang Ginoo miuban sa iyang pagbaklay , apan sa nagkadugay na niyang baklay, diin daghan mga pagsulay nga iyang naagian naluya na siya ug binaklay, ug halos dili na makabarog ug nakita niya nga duha na lang ka agi sa tiil diha sa baybayon. Nangutana siya sa Dios kun asa ka man Dios ko nga morag ako na man lang ang nagbaklay. Ug mitubag ang Dios diha as iyang huna-huna- “Anak sa Dihang naluya ka na ug nakita mo ang mag tunob nga usa na lang ka parisan mao kanang higayuna nga gisapnay ko ikaw, kanang mga tunob nga imong nakita dili na ka na imo kundili ako kanang mga tunob.

Ingon diay niana diha mga igsoon ang ipasinati sa Dios diha sa mga pagsulay sa atong kinabuhai diin morag bug-at ang atong lawas mora kita na lang usa ang nanlimbasog apan mao diay kanang panahuna nga mosulod siya diha sa atong kasingkasing diin siya na maoy mag-agak sa atong lawas aron masugakod ang pagsulay.

Nagpasabot lamng mga igsoon nga kamatuoran ang nahasulat sa balaang kasulatan nga Ang Dios dili gayud motalikod niadtong mga katawhan nga sa kanunay midawat ug mipapuyo sa Ginoo diha sa iyang kasingkasing. Busa dili nato usikan ang higayon nga gihatag sa Dios, diin mao na kini ang higayon nga gipasabot sa Dios nga matod taas pa kayo ang ilang pasensaya, diin haluag pa ang gibutangan nila sa mga kapasaylo-an sa atong mga sala, kay matod pa diha sa ebanghelyo “Gidaug na sa Dios ang Kalibutan”, diin nagpasabot ang Dios nga ang tanan nga mga kasal-anan ug kasaypanan aduna gayuy kapasayloan. Ang gikanahanglan mao ang hingpit nga paghinulsol ug hingpit nga pagtuo nga ikaw mapasaylo sa imong kasal-anan, kay matod pa kun dili ka motuo nga mapasaylo ka sa imong mga sala nan sama ra nga wala ka motuo kang Jesus nga matuod nga Dios.

Diha sa ubang sinulat usab nagaingon kun dili ka mangayo ug pasaylo diha sa imong kasal-anan, nan sa ato pa andam kang moatubang diha sa kataposang paghukom. Ang tanang mga milagro dinhi sa ibabaw sa kalibutan naghisgot gayud diha sa pagghinulsol ug pag-ampo ug ang kamatuoran sa silot sa kalayo sa impyerno, bisan ang nabantog nga nga milagro didto sa Fatima, Portugal diin gitawag kini ug milagro sa Birhen sa Fatima diin nahitabo kini niadto Mayo 13, 1917 ug ginaingon nga maoy pinakainila nga milagro sa tibok kalibutan nagaingon gayud ang langitnong inahan ss Fatima sa pag-ampo sa Santo nga rosaryo ,kay anaa siya sa kanunay nga naminaw niini.

Usa usab ka milagro ang gipasinati kanatong mga Filipino didtong dapita sa Cebu diin usa ka Cebuano nga ginganlan ug Stanley Villavicencio usa ka deboto sa Sacred Heart of Jesus diin namatay siya ug tulo ka adlaw o gitawag sa medical term ug clinically dead diin niadtong panahuna tuig 1993 misaka ang iyag kalag sa langit ug nakig-istorya kang Jesu Cristo diin gisugo siya sa pagsangayaw sa santos nga rosaryo diin mao kini nga higayon nga taas pa ang pasensya ang Ginoo diin angayan natong iampo ang tanan ilabina kadtong wala motoo sa Dios kay pinaagi sa hinay-hinay ug kanunay nga pag-ampo ang imposible mahimong posible, ug diha sa kanunay nga pag-ampo moabot gayud nag panahun nga kining mga tawahna moduol ug mopasilong sa landong sa espiritu santo sa Dios kay Dios lamang ang adunay gahum sa pagpahumok sa matig-a nga kasingkasing sa tawo.

Ang Dios Gugma

:

1 JUAN 4: 7~21

:

7 Hinigugma kong kahigalaan, higugmaon nato ang usag usa, kay ang gugma gikan sa Diyos. Ang nahigugma natawo sa Diyos ug nakaila sa Diyos. 8 Ang wala mahigugma wala makaila sa Diyos, kay ang Diyos gugma. 9 Giunsa man pagpakita sa gugma sa Diyos taliwala nato? Ang Diyos nagpadala sa bugtong Anak dinhi sa kalibotan aron makabaton tag kinabuhi pinaagi niya. 10 Mao ni ang gugma: dili kay nahigugma ta sa Diyos apan una siyang nahigugma nato Gipadala niya ang anak nga halad alang sa kapasayloan sa atong mga sala.

11 Hinigugma kong kahigalaan, kon ingon ini ang paghigugma sa Diyos, kinahanglan sab nga maghigugmaay ta sa usag usa. 12 Walay nakakita sa Diyos, apan kon maghigugmaay ta sa usag usa, ang Diyos magpuyo uban nato. Ang iyang gugma gawasnon nga mokaylap dinhi nato. 13 Unsaon man nato pagkahibawo nga nagpuyo ta sa Diyos ug siya dinhi nato? Kay gihatag kanato sa Diyos ang iyang Espiritu. 14 Kita mismo nakakita ug nagpahayag nga ang Amahan nagpadala sa Anak aron pagluwas sa kalibotan. 15 Kon ang tawo moila nga si Jesus ang Anak sa Diyos, ang Diyos naa niya ug naa siya sa Diyos.

16 Nasinati nato ang gugma sa Diyos ug mitoo ta. Ang Diyos gugma. Ang nagkinabuhi sa gugma, nagpuyo sa Diyos ug ang Diyos diha niya. 17 Kanus-a ta makahibawo nga nakab-ot na ang hingpit nga gugma? Samtang nia pa ta sa kalibotan, sama ta niya sa tanan. Makapaabot ta nga masaligon sa Adlaw sa Hukom: 18 Walay kahadlok diha sa gugma. Ang Hingpit nga gugma nagwagtang sa kahadlok. Kay ang kahadlok may kalabotan man sa silot. Ang mahadlokon wala makaila sa hingpit nga gugma

19 Busa, maghigugmaay ta sa usag usa, kay una siyang nahigugma nato. 20 Kon moingon mo, “Nahigugma ko sa Diyos,” apan nasilag sa igsoon, bakakon mo. Unsaon man ninyo paghigugma sa Diyos nga dili makita, kon wala mo mahigugma sa igsoon nga makita? Atong nadawat gikan niya kining sugoa: pahigugmaa pod sa igsoon ang nahigugma sa Diyos.


PAGPAAMBIT SA MENSAHE:


Ang maong ebanghelyo nagpasabot sa pulong gugma diin maoy tinubdan sa tanang butang sa kalibutan. Ang tawo maoy pinakaimporatnte ug maoy gibuhat sa Dios nga sangkap sa tanang kaalam, iyang gibuhat ang atong mga unang ginikanan isip maoy panakaulahi sa tanang butang, diin matod pa sa ubang sinulat gibuhat kita sa Dios nga susama sa iyang panagway.

Daghang mga kasaypanan dihan sa nag-unang kasulatan mao nga nakahukom ang Dios amahan sa pagpakanaog sa iyang bugtong anak aron sa pagpasabot sa katawhan sa mga kabubut-on sa Dios ug aron usab sa pagluwas kanato sa mga kasal-anan. Nga sa ato pa tungod sa gugma sa Dios kanato siya maoy mipaduol kanato painaagi sa iyang bugtong anak.

Usa sa katuyuan ni Jesus mao ang pagpasabot sa mga katawhan sa kahulugan sa napulo ka sugo, diin kun ato kining tukion nagkahulugan kini ug paghigugma una, mao ang paghigugma sa Dios labaw sa tanan ug dili na magbaton ug laing Dios gawas kaniya. Ug ang ikaduha mao ang paghigugma sa atong isigkaingon sama sa paghigugma nato sa atong kaigalingon.

Nga sa ato pa ang Dios maoy tinubdan sa gugma sa tibook unibersiyo, diin kun nahigugma ka sa Dios nahigugma ka usab sa imong isigkatawo, kay matod pa sa ebanghelyo nahigugma ka sa Dios apan nagdumot ka sa imong isigkatawo nan bakakon ka kay unsaon mo man paghigugnma sa Dios nga wala mo man makita diin ang imong isigkatawo nga kanunay mong makita imong mang gidumtan, nagpasabot lamang kana nga wala ka gayod mahigugma sa Dios kay gisupak mo man ang iyang kasugo-an. Ang iyang kasugao-an mao man ang paghigugmaay kamo sama sa paghigugma ninyo sa inyong kaugalingon.

Pinaagi kang Jesus gipakita sa Dios Amahan ang kahulugan sa gugma, diin walay, garbo, walay bahandi ug walay dagkong tawo nga gisandigan, gipakita sa Dios diha sa iyang pagpakatawo nga siya tinamay ug sinakit nga gani bisan ang iyang inahan si Birhen Maria gitulisok sa dihang gihimugso si Jesus nga walay nakita nga amahan kay para niadtong mga katawhan sa unang panahun dili katuohan nga lalang sa espiritu santo si Jesus sa iyang pagpakatawo kay sama man lang kini sa ordinaryo nga tawo .

Kay unsa man tuod ang ikapasigarbo sa tawo dinhi niining kalibutan kun siya hubo sa kaalam, hubo sa bahandi ug hubo diha sa tanang mga materyal nga butang, Wala gayud tuod gawas lamang sa iyang senseridad diha sa iyang pagkatawo diin ang iyang pulong ug buhat aduna gayud unod ug adunay ligdong nga pamatasan, mao kana si Jesussa iyang pagpakatawo.

Philipos 2 : 6 ~ 11, nagaingon bisan siya Dios apan wala niya ipamugos ang iyang pagka Dios , hinunu-a nagpakaulipon siya diha sa mga katawhan pinaagi sa pag-alagad ug pagsangyaw sa pulong sa Dios. Mao kini gitawag sa inengles nga working God diin iyang gipakita ug sumbanan sa gugma ug pakigdait pinaagi sa pagpasakit ug pagdawat sa mga pagpanlutos. Ug dili pa igo nagpalansang siya didto niadtong krus sa kalbaryo aron sa pagluwas sa atong mga kasal-anan.

Tingali diha sa pagpakamatay tungod sa mga katawhan nga atong gihigugma ug gimahal masabtan nato kini, apan sa pagpakamatay tungod sa paghigugma ug sa pagluwas niadtong mga binuhat nga nagasakit ug naglutos kaniya nan dili na kini siya binuhatan sa tawo binuhatan na kini sa espiritu santo sa kamatuoran.

Sa ato pa mga igsoon ang gugma nga gipasinati sa Dios kanato mao kini gitawag nga “unconditional love”, o gugma nga walay kundisyon, diin tanang two nga nahimugso dinhi niining kalibutan nagaagi sa kabubut-on sa Amahan diin matod pa nga walay tawo nga dautan tungod kay kini iya man nga binuhat sa Dios ug kun aduna may dautan ang mga binuhatan lamang sa matag tawo ug ang dautang binuhatan iya kana sa dautang espiritu.

:
Ug walay laing gipangayo ang Dios kanatong tanan gawas lamang nga ilhon siya sa iyang pagka Dios pinaagi diha sa hingpit ug tim-os natong pagtuo diha kaniya, ug kini mabuhat lang usab nato kun atong isurender ang atog mga dautang hiyas ug maoy atong isul-ob ang hiyas nga espiritu santo nga maoy gipasul-ob ni Jesus kanato, pinaagi sa kanunay nga pag-ampo ug sa pagbalaan pinaagi sa paglikay sa pagpakasala ug sa pagpaubos pinaagi sa kinasing kasing nga pagdawat sa mga pagsulay sa kinabuhi.

Gisaway Ni Jesus Ang Mga Pariseo Ug Ang Mga Magtutudlo Sa Balaod

LUCAS 11: 37 ~ 54

37 Samtang nagsulti si Jesus, may Pariseo nga mihangyo pagpakigsalo niya. Miadto siya ug milingkod sa kan-anan. 38 Ang Pariseo nalibog, kay wala manghugas si Jesus sa kamot sa wala pa mokaon. 39 Apan miingon si Jesus: “Kamong mga Pariseo, inyong gilimpyohan ang naa sa gawas sa baso ug sa pinggan, apan sa sulod, puno mo sa pangawat ug sa kadaotan! 40 Mga buangbuang! Ang naghimo sa gawas mao sab ang naghimo sa sulod. 41 Apan alang ninyo ang tanan malimpyo pinaagi lang sa paghatag og limos.
42 Mga Pariseo, alaot mo! Nanghatag mo alang sa Templo sa ika-10 nga bahin sa tanang butang lakip sa salapi, sa mga lamas ug sa ubang hilba, apan gisalikway ninyo ang hustisya ug gugma sa Diyos. Gikinahanglan ning bansayon sa walay pagsalikway sa uban. 43 Mga Pariseo, tinunglo mo! Gihigugma ninyo ang labing maayong lingkoranan sa mga sinagoga. Ganahan mong yukboan sa katawhan sa tyanggihan. 44 Tinunglo mo! Sama ra mo sa lubnganan sa mga patay nga dili mamatikdan. Naghugawhugaw ang mga tawo sa kaugalingon sa pagtunobtunob ini.”

45 Unya, may magtutudlo sa Balaod nga mibarog ug miingon: “Nainsulto mi sa imong sinultihan.” 46 Mitubag si Jesus: “Tinunglo pod mo, mga magtutudlo sa Balaod. Nag-andam mog mga karga nga dili mapas-an nga gibutang ninyo sa katawhan. Apan kamo mismo dili molihok bisag usa ka tudlo aron pagtabang nila. 47 Tinunglo mo, kay naghimo mog mga bantayog alang sa mga propeta nga gipatay sa inyong ginikanan. 48 Hinunoa, giaprobahan ug giuyonan ninyo ang ilang gibuhat. Dili ba, human nila pamatya ang mga propeta, makatukod man mo karon sa maong bantayog?”

• 49 (Ang kaalam sa Diyos miingon sab:) “Magpadala kog mga propeta ug apostoles. Patyon sila ug lutoson ang pipila ining mga tawhana. 50 Apan kining kaliwata manubag sa dugo sa mga propeta nga nabanaw sukad sa pagbuhat sa kalibotan; 51 gikan sa dugo ni Abel ngadto sa dugo ni Zacarias nga gibuno taliwala sa altar ug sa santwaryo. Oo, sultihan tamo, ang katawhan karon manubag ining tanan.

52 Tinunglo mo, mga magtutudlo sa Balaod! Gikuha ninyo ang lyabe sa kahibawo. Kamo mismo wala makasulod, apan inyo pong gibabagan ang uban sa pagpanulod.”
53 Sa pagbiya ni Jesus adtong dapita, ang mga Pariseo ug magtutudlo sa Balaod misugod pagpanaway ug nanghagis niya; 54 gipangutana siyag walay kataposang mga pangutana. Nagpahimutang silag mga laang aron madakpan siya sa iyang sinultihan.

PAGPAAMBIT SA MENSAHE:

Ang among ebanghelyo naghisgot diha mga kinabuhi sa mga pariseo niadtong panahun ni Kristo diin mao kini sila ang mga nagtudlo sa pagtulon-an sa Dios nga gisangyaw ni Moises diin nagtamod sila sa mga naandan nga pamaagi sa ilang mga katuigulangan ug sa mga propeta. Atong masabot mga igsoon nga ang maong mga pariseo limpyado sila diha sa ilang lawas ug mga gamit diin natingala sila sa pagsalo ni Jesus kanila nga wala man kini manghunaw sa wala pa mokaon, diin para kanila usa kini ka hugaw o hinugawan nga hiyas.

Atong mahibaloan sa ubang sinulat nga nagaingon nga si Jesu Cristo ang buhing panagway sa dili makitang Dios apan para sa mga pariseo, dili sila makatoo niini diin sa ilang tan-aw kang Jesus layo ra gayud kini diha sa pagkaanak sa Dios diin ilang gihukaman nang daan ang pakatawo ni Jesus nga usa ka impostor diin ila kining gipanid-an diha sa iyang pagangyaw.

Apan mitubag si Jesus kanila nag gisiguro lang nila paglimpyo ang ilang mga gamit u gang ilang kaugalingon wala nila limpyuhi diin naglunang sila sa mga sala diha sa pagpanlutos ug pagpanikas sa ilang kaugalingon.

Usa ka pagpamalandong ang maong pagpanaway ni Jesus sa maong mga pariseo diin nagpasabot si Jesus sa dili gayud maayo ang paghukom sa iyang isigkatawo aron usab dili ka pagahukman. Matod pa diha sa ubang sinulat nga ang makahugaw sa tawo dili man ang unsay iyang gisulod sa iyang tiyan, dili man ang unsay iyang gikuptan nga mga materyaal dinhi sa yuta kundili ang hiyas sa matagtawo nga wala niya isurender sa Dios ug mao kining mga pulong nga mogawas sa iyang baba.

Usa ka ehemplo ang gibuhat sa Dios diin iyang gipakanaog ang iyang anak apan dili usa ka gamhanan nga pagkaDios kundili usa ka yano nga linalang diin walay bahandi ni dungog nga sarang ikapasigarbo diha sa iyang kaugalingon. Aron iyang ipakita diha sa mga katawhan nga wala siya monaog aron sa pagluwas sa mga balaan nga tawo kundili mianhi siya aron sa pagluwas diha sa mga makasasala.

Apan ang iyang mga tawhanon nga pariseo wala gayud magtoo nga ang anak sa Dios motipon dinhi sa yuta aron sa pagsilbi sa iyang katawhan pinaagi sa mga pagsangyaw, ug sa pagpakita sa mga milagro aron masangyaw ang kamatuoran bahin sa kabubut-on sa amahan . Nagpasabot lamang mga igsoon nga hiktin o kulang sa panabot ang maong mga pariseo kay para kanila wala nay laing anak ang Dios kay mao man kini ang pagtulun-an nga gisangyaw ni Moises bahin sa napulo ka kasugoan sa amahan diin gikan niadtong panahuna hangtod karon anaa pa kini nga pagtulun-an, ang pagsimba lamang s Dios Amahan, diin gitawag kini ug Judaism.

Mao kini ang usa sa kinatibuk-ang tahas ni Jesus diha sa pagpakatawo niya dinhi sa kalibutan, ang pagpasabot sa napulo ka kasugo-an sa amahan, ug ang pagpasabot diha sa ubang mga kasaypanan nga nahitala diha sa unang mga sinulat, diin ang mga mabuot nga mga pariseo niadtong mga panahuna nagbutang ug mga dugang pagsabot sa mga kasugo-an sa Dios nga sukwahi na sa kasugo-an sa Amahan.

Gipasabot ni Jesus ang napulo ka sugo mahimo lamang duha. Una ang paghigugma sa Dios labaw sa tanan ug dili na kita magsimba ug lain nga Dios gawas kaniya, ug ang ikaduha mao ang paghigugma sa imong isigkatawo sama sa paghigugm nimo sa imong kaugalingon, diin kining duha ka kasuguan nag pasabot lamang kini sa usa lamang ka kasugoan, ang paghigugma, una sa Dios ug ikaduha sa imong isigkatawo. Nga sa ato pa mga igsoon dili angay hukman ang atong isigkatawo kay dili ato ang paghukoam, diin ang buhing pulong sa Dios nagaingon, isumbong kanako ang mga katawhan nga nakahimo ug sala diha sa imong atubangan kay ako na ang mahibalong mopahimatngon kanila.

Ang balaang kasulatan nagaingon, 1 Corintho, 3 : 16, Ang atong lawas templo sa Dios espiritu santo, ug ang Dios nagaingon ang ang moguba sa templo sa Dios nga mao ang atong lawas iya usab nga pagalaglagon. Usa kini ka tinago nga kamatuoran diin nagpasabot sa dugang nga sa matag tawo anaa ang espiritu santo . Usa ka kamatuoran nga dili malalis nga ang tanang tawo miabot dinhi sa kalibutan ubos sa kabubut-on sa Dios ug dili dautan ang matag tawo kay kitang tanan nilalang man sa Dios ug kun dunay dautan ang iya lamang nga binuhatan ug ang mga dautang binuhatan dili kana iya sa tawo iya kana sa dautang espiritu.

Ang tawo samtang nagkinabuhi pa niining kalibutan, balaan gayud kay anaa man kaniya ang tulo ka elemeno. Una ang iyang tawhanon nga lawas ikaduha ang iyang espiritu ikatulo ang iyang kalag. Sa higayon nga mopanaw na siya ngadto sa laing kalibutan mahabilin ang iyang tawhanon nga lawas ug mobalik kini sa abog, ang iyang espiritu mobalik sa Dios amahan diin maoy mosumbong sa imong binuhatan dinhi sa ibabaw sa kalibutan, ug ang ikatulo ang imong kalag nga maoy maghulat sa kataposang paghukom diin maoy sul-oban sa espirituhanong lawas kun mahatagan sa kinabuhing dayon.

Ang balaang kasulatan nagaingon, nga ang kaaluwasan nga kinabuhing dayun nga gisaad ni Jesus Cristo dili kini siya premyo o ganti tingod sa atong maayong buhat, kundili usa kini siya ka gasa nga langitnon o grasya nga hinatag sa Dios, aron sa ingon walay magpasigarbo diha sa atubangan sa Dios nga siya maluwas tungod sa iyang maayong binuhatan, apan kita maluwas tungod as gugma ug kalooy sa Dios. Apan ang buhing pulong sa Dios Amahan diha sa matag sinagoga nagaingon bisan usa lang sa matag pamilya ang nagaampo ug nagadayeg sa tinud-anay diri kanako nan bulahan kay luwason ko ang tibook pamilya.

Si Ananias Ug Si Safira

BUHAT 5 : 1~16

:

Apan dihay usa ka tawo nga ginganlan si Ananias, nga uban sa iyang asawa nga si Safira, nagbaligyag katigayonan, 2ug ang halin niini iyang gikuhaan nga nahibaloan sa iyang asawa, ug usa ra ka bahin ang iyang gidala ug gibutang sa tiilan sa mga apostoles. 3Apan si Pedro miingon kaniya, "Ananias, naunsa bang giyawaan man pag-ayo ni Satanas ang imong kasingkasing aron imong bakakan ang Espiritu Santo ug imong kuhaan ang halin sa yuta?

:

4Sa wala pa kini ikabaligya, dili ba kini imo mang kaugalingon? Ug sa gikabaligya na kini, dili ba imo man ang pagbuot kon unsay imong buhaton sa halin niini? Naunsa ba gayud nga imo mang gilaraw kining buhata sa sulod sa imong kasingkasing? Ang imong gibakakan dili tawo kondili ang Dios." 5Ug sa pagkadungog ni Ananias niining mga pulonga, siya nahilukapa ug nabugtoan sa ginhawa. Ug giabut ug dakung kahadlok ang tanang nakadungog niini. 6Ug ang mga batan-on nanindog ug ila siyang gilimisan ug giyayongan paingon sa gawas ug gilubong.7Ug sa mga tulo ka takna tapus niini, misulod ang iyang asawa nga wala mahibalo sa nahitabo. 8Ug si pedro miingon kaniya,

:

"Tug-ani ako, mao ba kini ang bili sa pagbaligya ninyo sa yuta?" Ug siya mitubag, "Oo, mao kana ang bili." 9Ug si Pedro miingon kaniya, "Naunsa ba gayud nga nagkasabut man kamo sa pagtintal sa Espiritu sa Ginoo? Pamatii, anaa na sa pultahan ang mga tiil sa mga nanaglubong sa imong bana, ug ikaw pagayayongan usab nila paingon sa gawas."10Ug dihadiha siya nahilukapa sa tiilan ni Pedro ug nabugtoan sa ginhawa. Ug sa pagsulod pa sa mga batan-on, ilang nakita siya nga patay na, ug siya ilang giyayongan paingon sa gawas ug gilubong tupad sa iyang bana. 11Ug giabut ug dakung kahadlok ang tibuok iglesia ug ang tanang nakadungog sa maong mga butang.

PAGPAAMBIT SA MENSAHE:

Ang maong ebanghelyo nagpasabot lamang sa usa ka butang nga mao ang pagtahod gayud sa Dios espiritu santo nga maoy tinubdan sa tanan nga mga kasugo-an sa Dios. Diin kini mao nga hitabo didto kini sa panahun pa ni Jesus diin ang iyang mga sumosunod gipanglutos ug gipanggukod sa mga Judio ug sa mga kagamhanan niadton panahuna. Kadaghanan nga miuban sa maong kawsa ni Jesus mibaligya sa ilang kabtangan aron adunay materyal nga magasto ang maong mga katawhan, apan natintal sila si Ananias ug Safira sa pagtago sa katunga sa ilang halin ug ang katungg ra maoy gitug-an ngadto sa ma mabuot nga apostoles.

Apan lagi kay dili man tawo ang nagsugo sa mga apostoles niadtong panhuna diin ang maong mga apostoles adunay mga espirituhanong gasa diin mahibaloan nila ang mga panghiatbo diin aduna kini kalabutan as pagtulun-an nga ilang gibarugan. Sa ubang sinulat nagaingon nga dili ka puede nga magmaskara sa atubangan sa Dios diin ang makita sa Dios dili makita sa tawo, nga sa ato pa mahjbaloan sa Dios kun ang matag tawo nakatukib naba sa kristuhanon pagtulun-an o wala ba gayud makasabot niini.

Nagapasabot lamang mga igsoon nga ang pagsunod nato niining pagtulun-an nga gibarugan ni Jesus, ato gayud nga ibalaan ang atong kaugalingon pinaagi sa pagsunod sa mga gimbuhaton nga gisangon sa Dios ug ingon man usab sa mga pagtulun-an ug mga pag-ampo ng iyang gitudlo kanato.

Dagahan ang wala motuo ug nagbiay-biay sa maong pagtulun-an niadtong panahuna diin para kanila usa ka pagtumotumo ug pagbutang butang sA Dios ang maong pagtulun-an sa ngalan nga nagpaila si Jesus nga anak sa Dios. Diin ang uban misunod sa maong pagtulun-an apan taphaw lamang ang ilang pag-ampo kay lagi malisod gayud sa tawo ang pagtalikod niining kalibutan diin ayran mo ang mga tawhanon nga kailibgon ug maoy sundon ang butang nga dili makita ug mahikap.


Sama niining maong ebanghelyo diin natintal gayud ang maong magtiayon nga Anannias ug Safira sa pagtago sa katunga sa kangtidad kay lagi dili pa andam ang ilang kalag ug lawas nga itugyan nila ngadto sa pagbuot sa kahitas-an kay lagi wala man nila kini maandi apan diha sa ilang paglimod dili tawo ang ilang gilimdan kun dili Dios nga matuod ug buhi nga espiritu sa kamatuoran. Nan ang balaang kasulatan nagaingon, mas maayo pa nga makasala ka sa anak sa tawo kay sa makasala ka sa espiritu santo, diin ang balaang kasulatan nagaingon usab nga ang silot sa sala kamatayon.

Diha sa buhing pulong sa Dios miingon siya mas maayo nga kuhaon niya pagsiguro ang imong kalag aron dili kini maagian sa pagpakasala sa imong tawhanon nga lawas, diin didtp sa laing kalibutan aduna pay kasiguruhan nga maluwas ang kinatibuk-an nimong kalag diha sa imong mga pag-ampo ug sa mga paga-ampo sa mga nahabilin nimong mga kaigsoonan.

Atong mapalandungan nga diha sa kamatayon sa ,tawo anaa pa kanato ang tulo ka elemento, ang lawas, ang kalag ug ang espiritu sa Dios, diin ang atong lawas maoy mahabilin dinhi sa yuta diin mobalik kini sa abog, ug ang atong espiritu maoy mabalik ngadto sa Dios ug maoy magasumbong sa atong mga kasal-anan nga ang atong kalag maoy magahulat sa kataposang paghukom, nan kun wala nimo maaandam ang imong kalag diha sa mga pag-ampo nan unsay may buhaton sa mga kalag nga inosente man kini sa kamatuoran. Bisan tuod ug makamaong mag-ampo ang uban nga mga kalag apan kulang na ang ilang madawat nga panalangin kay ang espiritu wala na man diha kanila, mibalik na kini sa Dios, nga sa ato pa walay lain nga gisaligan sa maong mga pag-ampo ang mga kalag nga nahisalaag kundili ang mga pag-ampo sa mga tawong buhi sama kanato, diin pinaagi sa ilang mga sakripisyo ug mga pag-ampo nga gitudlo sa espiritu kanato magiyahan ang maong kalag paingon nagadto sa ganghaan sa gingharian sa amahan.

Nga sa ato pa mga igsoon, kinahanglan gayud diay nga aduna kitay mga pagpangandam para sa atong kalag kay wala man kita masayod kun kanus-a kita kuhaa sa Dios, diin dili nato ipatigbabaw ang mga kalibutanong bahandi kay matod pa sa balaang kasulatan kun asa ang imong bahandi nan atua usab ang imong lawas, nan kun ang imon bahandi lunlon lamang makita ug mahikap dinhi sulod sa kalibutan nan dinhi sa kalibutan ka ra usab kutob. Mas maayo nga aduna kay bahandi nga iya sa espiritu santo sa Dios diin madala mo kini ngadto sa laing kalibutan ug diin mahisukip kini diha sa imong kasingkasing ug maoy imong ikapakita diha unya sa umaabot nga kataposang paghukom.

Ang balaang kasulatan nagaingon, unsa may arang sa tawo nga sa iyang pagkahimugso wala man siyay dala ug sa iyang pagtaliwan ngadto sa laing kalibutan wala man usab siyay madala diin ibilin man niya ang iyang mga bahandi niining kalibutan, Ang Dios miingon ayaw na pangaplag pa ug dugang bahandi, ensakto na ang anaa kaninyo kay kun ang Dios maoy gipahari kanunay diha sa inyon kasingkasing nan dili gayud mahitabo nga motalikod siya kaninyo. Maoy hinumdumi nga ang mga kalaganggaman ug mga kabulakan sa lasang nangabuhi man nga walay nagaatiman kanila nan ang mga tawo pa kaha nga mas labaw man ug bili ang tawo kay sa mga langgam ug sa mga kabulakan.
.

Nagtawag Si Jesus Sa Unang Mga Tinun-an

LUCAS 5: 1 ~ 11

5 • 1 Usa ana ka adlaw, si Jesus nag- barog sa daplin sa lanaw sa Genesaret ug gialirongan sa bagang kataw han nga namati sa pulong sa Diyos. 2 Unya, nakita niya ang duha ka bangka sa baybayon. Mao pay pagkanaog sa mangingisda aron paghugas sa mga pukot. 3 Misakay siya sa sakayan ni Simon ug mihangyo sa pagpalayog dyotay sa baybayon. Milingkod siya sa sakayan og mipadayon pagpanudlo sa mga tawo. 4 Sa pagkahuman miingon siya ni Simon: “Palawod ug itaktak ang pukot aron makakuhag isda.”

5 Mitubag si Simon: “Magtutudlo, naghago mi sa tibuok gabii; ug wala miy kuha. Apan kay miingon ka man itaktak ko ang pukot.” 6 Nanaktak sila ug nakakuhag daghan kaayong isda, halos nangagisi ang pukot. 7 Gitawag nila ang mga kauban sa pikas bangka aron pagtabang. Nanuol sila ug gipuno ang duha ka bangka hangtod nga hapit na malunod.

8 Niini si Simon Pedro mihapa sa atubangan ni Jesus ug miingon: “Palayo nako, Ginoo, kay makasasala ko.” 9 Nangalipay silang tanan tungod sa nakuha nilang isda, 10 ingon man ang mga anak ni Zebedeo, si Jaime ug Juan, mga kauban ni Simon. Unya, miingon si Jesus kang Simon: “Ayawg kahadlok! Gikan karon managat ka nag mga tawo.” 11 Human nilag dala sa mga bangka sa mamala, mibiya sila ug misunod ni Jesus.


PAGPAAMBIT SA MENSAHE:


Ang maong ebanghelyo nagtukib diha sa pagsangyaw ni Jesu Cristo sa kamatuoran niadtong panahuna diin siya nagsugod sa pagsangyaw sa edad siya ug trayenta paingon sa trayentay tres. Iyang gipili ang una niyang dose (12) ka apostoles diin lain-lain ang hiyas ug sa pagsugod pa lang daan iya nang nahibaloan kun kinsa ang magbudhi kaniya. Usa sa ilang tinawag sila si Simon Pedro ug iyang mga igsoon nga usa ka mananagat diin gipakita sa Dios kanila ang milagro diha sa ilang pagpanagat diin gitagaan sila ug daghan isda, diin ingon usab unya ang mahitabo sa ilang pagasangyaw diin daghan ang katawhan ang ilang nakabig

Sa ato pa mga igsoon kamatuoran lamang ang giingon diha sa balaang kasulatan, 1 Corinto: 1: 28, nagaingon gipili sa Dios ang mga tinamay ug mga sinalikway aron ipamatuod sa mga adunay tawhanon nga kaalam ug tawhanon nga kinaadman nga walay gamit ang ilang kaalam didto sa iyang gingharian sa langit, kay ang giisip sa tawo nga mahinungdanon niining kalibutan walay pulos didto sa langit apan ang giisip sa tawo nga walay hinungdan dinhi sa ibabaw sa kalibutan nga mao ang mga pag-ampo ug mga pagdayeg sa Dios nga dili makita ug mahikap maoy labing important didto sa langit

Sa ato pa mga igsoon ang mga tawhanon nga kinaadman ug mga tawhanon nga kaalam dili angay ipasigarbo diha sa atubangan sa Dios, kun aduna may angay ipasigarbo diha sa atubangan sa Dios kadto lamang mga milagro nga gihatag sa Dios diha sa tagsa-tagsa nato ka kinabuhi . Nagpasabot lamang mga igsoon nga ang kaalam diha sa pagsangyaw sa tinago nga kamatuoran, kaalam nga iya sa espiritu santo ug dili iya sa tawo, kay matod pa gasa kini nga langitnon diin dili tawo ug buhing Dios nga espiritu santo sa kamatuoran maoy naghatag ug nagpahinungod niini.

Mao kini ang nakabulahan niadtong unang mga tinawag ni Jesu Cristo diin wala nila duha-duha-i ang pag-uban ug pagsunod sa mga pagtulon-an nga gisangyaw ni Jesus diin nagpasabot lamang kini mga igsoon diha sa ubang sinulat sa Dios nga nagaingon “Ang Dios moabot sa atong kinabuhi nga dili nato damhon apan kun tinawag ug pinili ka Dios nan adunay giandam ang Dios para kanimo


Nagpadayon sa pagsangyaw ang mga apostoles sa pulong sa Dios bisan kun sila na lang ang nahabilin dinhi sa kalibutan diin ang ginoong Dios mibalik na ngadto sa iyang gingharian sa kiliran sa iyang Amahan. Nagpadayon sila sa pagsangyaw sa upat ka suok sa kalibutan ginamit ang mga pulong ug giya sa espiritu santo nga anaa kanila, uban usab diha sa ilang mga armadora. Ug sila nagkasabot sa pagbuhat ug timailhan aron mag-ila ang ilang mga sinangyawan ug mga magtotoo, nagkasabot sila sa pagbuhat sa pangadyeon nga maoy ilang gamiton nga timailahan aron maila ang ilang mga sinangyawan, diin gitawag kini ug “Apostles Creed” o ang Mitoo Ako, pinaagi usab sa panabang ug giya sa espiritu santo sa Dios.

Nagtabok-tabok ang kristuhanong pagtulon-an- sa tibook kalibutan diin hingpit nga mikaylap ang pulong sa Dios. Nagpabilin ang mga milagro diha sa mga pagsangyaw sa mga apostoles pinaagi sa mga milagro nga gipakita sa Dios. Apan ang Dios nagaingon lahi-lahi ang pagtawag ko sa akong maga katawhan diin dili ang tanan nagasangpit kanako makasulod sa gingharian sa langit kundili kadto lamang nagasunod sa akong kabubut-on.

Niining panahuna daghan ang mga pagtulon-an ang naggawas diin libo-an ka relihiyon ang nagpasibantog sa kaluwasan diha sa kinabuhing dayun pinaagi diha sa pagsangyaw ug pagsulod sa ilang pagtulon-an nga gibarugan. Daghan ang nagtuis sa balaang kasulatan sa Dios diin daghan usab ang nangita ug nagpaabot sa pagbalik sa Dios kay matod pa nila namatay nalang ang mga propeta nga nagsulat sa mga panagna apan wala pa matuman ang pagbalik sa Dios.

Sa 2 Pedro 3 : 8 ~ 10 , nagaingon nga ang 1000 ka tuig sama sa 1 ka adlaw sa Ginoo, ug ang usa ka adlaw sa lamang usab sa 1000 ka tuig sa Ginoo, nga sa ato pa kabubut-on sa Dios nga kun nakita niya andam na ang tanan diha sa pagbalik sa iyang anak nan dili na niya kini langanon, apan ang Dios nagpailob kay gusto niya nga ni isa sa iya mga pinili ug tinawag nga katawhan dili malaglag sa iyang pagbalik gusto niya nga sa pagbalik sa iyang bugtong anak maandam ang ang tanan, diin sumala diha sa balaang kasulatan kun giunsa sa Dios pagbayaw ngadto sa langit diin maabli ang langit ug gitabo sa mga anghel nga nanag-awit nan mao usab unya ang iyang pagbalik diin ihatod siya sa mga anghel.

Nga sa ato pa mga igsoon ang atong gibarugan nga pagtulun-an, nga tinago nga kamatuoran,didto kini nagsumikad sa Balulang , Cagayan de Oro. 20 ka tuig na ang milabay, masangyaw gayud sa upat ka suok sa kalibutan sa mosugot kita ug sa dili sumala sa gipadaya sa buhing pulong sa Dios aron matuman ang lain bahin sa sinulat sa balaang kasulatan nga nagaingon, maoy gusto sa Dios nga ang iyang mga katawhan magasimba sa usa ka pagtulun-an ang pagtulun-an sa espiritu santo sa kamatuoran.

Gugma

1 Corintho13 : 1 ~ 13

13 • 1 Kon makasulti ko sa pinulongan sa mga tawo ug mga anghel, apan walay gugma, sama ra ko sa naglanog nga tumbaga o nagtaginting nga piyangpiyang. 2 Kon may gasa ko sa pagkapropeta nga nasayod sa tanang tinagoan uban ang tanang kahibalo; kon may pagtoo ko nga ingon kadako nga makatumpag og mga bukid, apan walay gugma, wala koy nada. 3 Kon akong ihatag sa mga kabos ang tanang kabtangan lakip ang lawas aron lang dayegon, ug dili tungod sa gugma, wala ni pulos alang nako.

4 Ang gugma mapailubon, maluluy-on, dili masinahon. Ang gugma dili mapahitas-on o garboso. Ang gugma dili way batasan, dili mangita sa kaugalingong interes. 5 Ang gugma dili masuko ug mopasaylo sa mga kasilo. 6 Ang gugma dili mahimuot sa daotang gibuhat, apan malipay sa kamatuoran. 7 Ang gugma nagpasaylo sa tanan, nagtoo sa tanan, naglaom sa tanan, ug nag-antos sa tanan.

8 Ang gugma dili matapos. Ang mga panagna makawang, ang gasa sa nagkalainlaing pinulongan mahilom, ug ang kahibalo mawagtang. 9 Kay nahibalo ta sa usa lang ka bahin, dili hingpit. Mao sab ang atong panagna. 10 Kon ang hingpit moabot na, ang dili hingpit mahanaw. 11 Sa bata pa ko, binata pod ang panghunahuna ko ug pangatarongan. Apan sa dako na ko, akong gihiklin ang binata. 12 Sa pagkakaron lubog ang atong tinan-awan sama nga pinaagi sa bildo. Apan unya, sa atubangan gyod, sa nawongay. Karon usa lang ka tisok ang akong nahibaloan. Apan unya, mahingpit ang akong kahibalo. 13 Karon nia ang pagtoo, paglaom ug gugma. Kining tulo. Apan ang labing dako mao ang gugma.

PAGPAAMBIT SA MENSAHE:

Ang maong ebanghelyo diin nagpasabot kini sa pulong gugma, ug matod pa sa sulat ni Pablo ngadto sa taga Corintho, kun magkigsulti siya sa pinulongan sa mga tawo ug sa mga anghel diha sa iyang pagsangyaw apan walay gugma diha sa iyang gimbuhaton nan sama lamang siya sa usa kapiyang-piyang nga masaba.

Sa ato pa mga igsoon ang tanan butang nga atong pagabuhaton dinhi sa kalibutan, espirituhanon man o tawhanon kun wala magikan sa atong kasing-kasing nan wala kini pulos kay wala man diha ang gugma sa atong pagbuhat nianang mga butanga.

Giingon diha sa ebanghelyo nga ang gugma dili hakog, dili mapahitas-on ug dili garboso ug kini nga mga hiyas sa pulong nga gugma maoy mga hiyas sa espiritu santo sa Dios nga maoy gisul-ob ni Jesu Cristo diha sa iyang pagpakabuhi niining kalibutan, ug mao usab ang mga hiyas nga iyang gipasunod sa iyang mga apostoles sa pagsangyaw nila niining tinago nga kamatuoran sa panahun ni Jesu-Cristo.

Atong mapalandungan nga ingon diay niana ang gustong ipasabot sa Dios nga maoy buhaton sa iyang mga katawhan sa ilang pagpakabuhi niining kalibutan. Kay para sa Dios ang tawo maoy panaka-pinalangga niya nga nilalang nga iyang gihimo dinhi sa ibabaw sa kalibutan. Ug diin tungod sa daghang mga kasal-anan sa tawo gipakanaog sa Dios ang iyang bugtong anak aron sa pagluwas sa atong mga kasal-anan. Nga sa ato pa tungod sa gugma sa Dios kanato Siya pinaagi sa iyang bugtong anak maoy nangita ug nagpaduol kanato.

Ang balaang kasulatan nagaingon, : si Jesus Cristo maoy buhing panagway sa dili makita nga Dios, nga sa ato pa ang Dios ug si Jesus usa ra ug usa kini ka tanghaga nga dili matubag sa tawo kay matod pa, walay tawo niining kalibutan nga gitugotan sa Dios sa pagtugkad sa iyang kaalam.

Maoy tuyo ni Jesu Cristo dili lang sa pagluwas sa atong mga kasal-anan apan ang usa ug importante niya nga tuyo mao ang pagpasabot sa kasugo-an sa iyang Amahan, nga gisangyaw ni Moises sa iyang panahun, ang nabantog nga napulo ka sugo. Diin ang napulo ka kasugo-an sa Dios mahimo lang kini nga Duha ka kasugo-an. Una mao ang Paghigugma sa Dios labaw sa tanan ug dili na magsimba ug laing Dios gawas kaniya. Ikaduha: Higugmaa ang imong isigkaingon sama sa paghigugma nimo sa imong kaugalingon, ug kining duha ka kasugo-an nagpasabot lamang kini sa usa lamang ka kasugo-an, ang paghigugmaay sa usag-usa

Gipakita ni Jesu-Cristo ang sumbanan sa iyang paghigugma kanatong tanan, diin nagpakatawo siya nga kabos ug didto nagpakatawo sa kamaleg sa belen diin ang iyang inahan sa iyang pagmabdos gi-akusahan nga hugaw nga pagkababaye kay nagmabdos man kini nga walay matudlo nga amahan diin niadtong panahuna walay mitoo sa iyang istorya nga ang iyang anak lalang sa espirito santo.

Sa ato pa nagpakatawo si Jesus nga walay garbo o dungog ug walay bahandi nga masandigan. Apan ang balaang kasulatan nagaingon moabot ang Dios diha sa tagsa-agsa nato ka kinabuhi sa paagi nga wala nato damha, ug ang iyang mga pinili ug tinawag nga mga katawhan aduna siyay giandam para kanila. Diha sa ubang sinulat sa Philipos 8~10 nagaingon nga wala niya ipamugos ang iyang pagka Dios hinunu-a, nagapakaulipon siya sa iyang maga katawahan, pinaagi sa pagsangyaw sa maayong balita ug sa pagbuhat ug mga milagro ngadto sa masakiton.

Iyang gihalad ang iyang lawas ug dugo didto niadtobg krus sa kalbaryo tungod sa gugma kanatong mga katawhan, tingali sa pagapakamatay para sa kaluwasan sa mga binuhat nga imong gihigugma, masabtan nato kini apan ang pagpakamatay usab alang sa kaluwasan niadtong mga katawhan nga naglutos kaniya , dili gayud nato kini masabtan. Nga sa ato pa ang gugma gipakita sa Dios kanato nga iyang mga katawhan mao kini gitawag sa inengles nga “unconditional love”, o gugma nga walay kaping kabubut-on.

Kay para sa Dios dili dautan ang matag tawo kay kitang tanan nahiabot niining kalibutan, sebo man sa iyang kabubut-on o nag-agi sa iyang pagbuot, ug kun dunay dautan dili ang tawo kundili ang iyang binuhatan, ug dautang binuhatan dili kana iya sa Dios, iya kana sa dautang espiritu.

Nga sa ato pa ato lang mapakita ang gugma ngadto sa atong isigkatawo kun kalimtan ug tumban nato ang atong garbo ug maoy ipakita ang pagtulun-an sa espiritu santo sa Dios nga maoy gustong isul-ob ni Jesus Cristo sa iyang mga sumosunod.

Apan ang buhing pulong sa Dios nagaingon nga ang tawo bisan unsaon pa niya makasasala gayud siya kay tawo pa man kita, makasala kita sa pulong , sa huna-huna ug sa buhat, nan walay laing sulbad aron madaug nato ang kasugo-an sa Dios nga mao ang paghigugma sa usag-usa gawas lamang sa mga pag-ampo, ihalad ug iampo ang tanan ngadto sa Dios Amahan. Kay Ang Dios lamang ang makapausab sa dagan sa hitabo dinhi sa kalibutan diin ang imposible mamahimong posible.

Ang Kahayag Sa Lawas

LUCAS 11: 33 ~ 36

33 Walay magdagkot og suga aron tagoan. Hinunoa, ipahimutang ni sa tungtonganan aron ang manganhang katawhan makakita sa kahayag. 34 Ang mata suga sa lawas. Kon ang mata klaro kaayog tinan-awan, ang tibuok pagkatawo matabangan tungod sa kahayag. Kon ang panan-aw dili maayo, ang tibuok pagkatawo mawad-an sa kahayag.

35 Busa, pagmatngon nga ang kahayag sa sulod nimo dili makangitngit. 36 Kon ang tibuok mong pagkatawo midawat sa kahayag ug walay bahin ini nga nangitngitan, mapuno ka sa kahayag sama nga ang sanag nga siga sa lampara nagdan-ag nimo.


PAGPAAMBIT SA MENSAHE:

Ang maong ebanghelyo nagpasabot diha sa pagsangyaw sa mga pulong ug buhat nga kristuhanon sa pinadayag nga paagi. Nga sa ato pa mga igsoon dili angay ikaulaw ang pagsangyaw sa kamatuoran bisan tuod nga daghan ang wala motoo ug nagbiay-biay kanimo. Pasagdi lamang ang mga tawo nga naglutos diha sa imong pagpadayag sa kamatuoran diin wala motoo ug nagyam-id diha sa imong gisangyaw, kay dili ikaw ang ilang giyam-iran kun dili ang Dios nga maoy nagsugo kanimo

Daghan ang nakakita sa kamatuoran apan wala sila motoo, ug ingon man daghan ang nakadungog apan dili sila manumbaling, diin kamatuoran lamang ang nahimutang sa balaang kasulatan nga ang Dios mahiabot diha sa tagsa-tagsa nato ka kinabuhi sa paagi nga walaa nato damha, ug ingon man ang Dios adunay gandam daan niadtong iyang mga pinili ug tinawag.

Usa ka pagtulun-an ang sugilanon diha sa balaang kasulatan bahin sa usa ka Dato ug sa usa ka makalilimos diin nagpakilooy ang makililimos sa pagpangayo ug makaon diha sa maong Dato apan ang Dato nagmagahi wala mohatag bisan ug gamay na lamang, diin diha sa kamatayon sa maong Dato ug sa maong makililimos ang ilang kamatayon nahiadto sa langit ang makalilimos uban kang Abraham ug ang Dato didto ibutang sa sa nagdilaab nga kalayo sa impiyerno diin ayha pa niya nabantayan ang mga kasaypanan nga iyang nabuhat apan wala na siya mahimo kay kalag na lamang ang nahibilin kaniya, ang iyang espiritu mibalik na sa Dios ug ang iyang lawas nahibilin dinhi sa yuta uban sa iyang bahandi diin mobalik kini sa yuta sa dili madugay.

Ang balaang kasulatan nag-aghat sa pagsangyaw niining mga tinago nga pulong sa Dios ngadto sa mga tawo nga wala makaila sa ilang giampo-an, ngadto sa mga tawo nga nagpuyo diha sa tawhanon nga kailibgon sa walay pagpakabana kun unsay dangatan sa ilang kalag puhon sa pagbiya nila niining kalibutan.

Kay unsa may arang sa tawo nga sa paghiabot niya niining kalibutan wala man siyay dala diin sa iyang pagtalikod niinin kalibutan biyaan man niya ang tanan. Nga sa ato pa dili maayo ang naghinubra nga bahandi kay maahimo mo man kining kakumpitensya sa pagsunod sa kabubut-on sa Dios. Kay matod pa lisod ang pag-alagad sa duha ka Dios diin unang Dios mao ang Dios nga dili makita ug mahikap, apan maoy molungtad hangtod sa kahangturan, apanang Dios nga iya sa tawo mao ang mga gahum nga imong maambit tungod sa mga bahandi nga tawhanon, nan kun ang imong bahandi kun iya lamang niining kalibutan. nan dinhi ka lang usab kutob, unsaon na man unya kun sa kalit lang mahiadto ka didto sa laing kalibutan diin wala nimo maandam ang imong kalag, unsa man unya ang imong ipakita sa Dios nga ikaw angayan sa iyang himaya.

Kay ang kinabuhing dayun nga gisaad sa Dios dili kini siya premyo o ganti tungod sa maayong buhat kundili usa kini ka grasya o gasa tungod sa gugma ug kalooy sa Dios, aron sa ingon walay magpasigrbo diha sa atubangan sa Dios nga siya maluwas tungod sa maayong buhat, Nan angayan bang kaluy-ang sa Dios ang tawo nga walay mga pag-ampo?, angayan bang kaluy-an ang tawo nga wala makaila sa iyang giampoan.?

Diha sa ubang mga sinulat nagaingon kini nga bisan kadtong mga katawhan nga adunay mga pag-ampo dili nila masiguro ang kaluwasan sa ilang kalag, nan unsa na kaha ang mga katawhan nga wala makaila sa Dios asa na man kaha paingon ang iyang kalag? Ang buhing pulong sa Dios nagaingon nga diha sa imong kamatayon, ang imong panumdoman, madala sa imong kalag nga sa ato pa ang kalag makadumdum sa iyang mga binuhatan niadtong buhi pa siya diin ayha pa niya masuta unya ang kamatuoran didto sa laing kalibutan nga matuod ang kinabuhing dayun matuod nga adunay kinabuhi human sa kamatayon diin mao kini ang labing importante, apan kun unsaon mo pagpuyo didto sa laing kinabuhi nan kana magaagad diha sa pagkinabuhi nimo nga tawhanon dinhi niining kalibutan.

Wala nay kapas ang matag kalag diha sa pagbuhat sa mga sakripisyo sama kanatong mga buhi, kay bisan ang mga pag-ampo sa mga kalag dugay madungog didto sa langit kay wala na man kanila ang ilang espiritu ug mibalik na kini sa Dios, nan sa ato pa kita nga mga buhi ang gisaligan sa mga pag-ampo niadtong mga kalag, kay kompleto pa man ang atong 3 ka elemento, ang lawas,ang kalag ug balaang espiritu.

Busa angayan diay nga mintras ania pa kita sa kinabuhi nga tawhanon dili nato usikan ang panahun, gamiton nato ang atong lawas isip maoy kahayag dili lang sa atong kaugalingong kalag, kundili apil na usab ang mga kalag ug mga katawhan nga wala makaila sa kamatuoran. Dili diay nato angayan nga abusaran ang atong lawas pinaagi sa pagbuhat sa mga butang nga supak sa kabubut-on sa Dios, hinunu-a, Atong himayaon ang Dios pinaagi sa paghimaya sa paghalad ngadto sa Dios sa atong mga hiyas ug grasya nga iyang gihatag kanato.

:
Kay ang balaang kasulatan nag-ingon, Ang aduna pagadugangan pa apan ang wala hasta kadtong iyang giisip nga iyaha pagakuhaon pa sa Dios, nga sa ato pa kun ang imong grasya nga naangkon imong ihalad ngadto sa Dios diha sa pagbuhat sa mga butang nga sebo sa iyang kabubut-on nan dugangan niya ang imong grasya ug kaalam, apan kun magpalabi-labi ka diha sa mga grasya diha sa imong kinabuhi pinaagi sa paglunang sa tawhanon nga mga kailibgon, Nan mahiagom ka sa mga paglutos sa tibook mong kinabuhi, kay sama ka man unya sa kahoy nga gatubo apan dili gapamunga.

Ang Suga Nga Gitagoan

LUCAS 8: 16~18

16 Walay magdagkot og suga nga unya, takloban sa nigo, o kaha ibutang ilalom sa higdaanan. Hinunoa, ibutang ni sa patonganan aron makita sa mosulod ang kahayag. 17 Walay tinagoan nga dili ibutyag; walay sikreto nga dili mahibaloan ug maklaro. 18 Hinunoa, pagmatngon sa inyong pagpaminaw, kay ang duna dungagan pa ang iyaha ug ang wala, bisan ang gitoohan niyang iyaha, kuhaon.

PAGPAAMBIT SA MENSAHE:

Ang maong ebanghelyo naghisgot diha sa hiyas nga langitnon nga anaa kanimo sama sa kahibalo sa pagsangyaw sa mga pulong sa Ginoo diin nagpasabot ang Dios nga isangyaw ang maayong balita diha mismo sa imong kaugalingon nga panimalay ug ingon man diha sa kasikbit, kay angayan lamang nga atong ipaambit ang kamatuoran nga atong nakait-an o nakaplagan kay aron panalanginan dili lang ang imong pamilya kun dili hasta usab ang imong mga kaigsoonan nga nahisalaag.

Si Jesu Cristo nagpasabot diha sa balaang kasulatan , nga duha o tulo nga nagaampo diha sa iyang ngalan anaa si Jesus nakig-uban kanila, nga sa ato pa dako ug panalangin kun hugpong nga pag-ampo nga pagabuhaton diha sa matag komunidad kay mas dako ang panalangin sa Dios.

Usa ka pagpamalandong ang nahitabo nga katalagman nga lunop dinhi sa atong siyudad diin halos tanan kabalayan didto sa daplin sa kabaybayonan nahiagom sa lunop nga tagahawak ug ang uban tagaliog, ug namulong ang espiritu santo pinaagi sa Dios Amahan dinhi kanato nga iyang katawhan diin nagpasabot siya nga nadungog niya ang atong mga pag-ampo apan ang inyong mga silingan wala man mag-ampo apan bulahan kay diha sa atong mga pag-ampo naminos-minosan ang kakusog sa katalagman diin dili lang kay kadto ra ang atong masinati kun kita wala pa magpakabana diha sa pag-ampo.

Nga sa ato pa mga igsoon walay laing gipasabot ang Dios diha sa pagpakita sa atong suga sa lawas mao lamang ang pagsangyaw sa tinago nga kamatuoran diin matod pa sa pulong sa Birhen Maria sa iyang milagro nga gipakita didto sa Fatima , Portugal niadto May 13, 1917, diin mao kadtong panahun nag mikaylap ang komunismo didto sa Russia ug daghang nga mga inosente nga sibilyan ang nangamatay, ug miingon ang mahal nga birhen maria nga matuod ang impiyerno ug giaghat ang tanan sa pag-ampo sa santos nga Rosaryo kay pinaagi niini iyang mapaabot ngadto sa Dios ang tanang natong mga pag-ampo.

Midugang siya pag-ingon nga tulobagon sa matag magtutuo kun adunay kalag diha sa iyang atubangan nga matunaw sa kalayo tungod lamang kay wala masangyawi sa maayong balita. Matod pa usab sa Dios Amahan didto sa misyon sa Sion niadtong miaging Disyembre. Diin mipadayag siya nga diha sa pagsangyaw sa pulong sa Dios kun dili maminaw talikdi sa walay paglingi ug itaktak ang abog sa imong sandalyas, kay para sa Dios wala niya ipamugos iyang gingharian sa langit ug mas labaw nga wala niya gipamugos ang kinabuhing dayun nga gisaaad ni Jesus ngadto kanatong iyang mga katawhan.

Busa mga igsoon angayan diay nga ang suga o kahayag nga atong nakaplagan ato kining ipaambit sa uban kay mas bulahan ka nga pinaagi sa imong pagsangyaw ug pagpakita sa kahayag adunay kalag nga imong maluwas gikan sa tino nga pagkalaglag. Diin walay lain nga tulomanon nga gitudlo ang espiritu santo gawas lamang sa kinasing kasing nga pagpanghalad ug pag-ampo, inubanan sa bug-os ug hugot nga pagtuo. Atong mapalandungan ang mga mabuot nga apostoles niadtong panahun ni Jesus diin wala silay gahum nga gisaligan gawas lamang sa ilang hugot nga pagtuo ug mga pag-ampo nga tinudlo ni Jesus, ug diin mibarog ug nasangyaw ang maon pagtulon-an sa Dios sa tibook kalibutan.

Pasagdi lang nga ikaw makadawat ug mga pagpanlutos diha sa pagpakita mo sa matuod nga kahayag ug sa matuod nga pagtulon-an sa Dios, ang balaang kasulatan nagaingon diha sa pagpakighigala ug pagpakigdait mo sa Dios pinaagi kang Jesus nan nagpasabot lamang nga andam kitang moambit sa iyang mga kasakitan didto niadtong krus. Mateo 17: 24 ~ 25 nagaingon kung gusto kang mahimo nga tinun-an ni Jesus nan puy-i ang kinabuhi nga puno sa mga pagpanlutos, pagbiay-biay ug mga kasakitan sa kinabuhi, pas-anan ang imong krus ug sunod sa pagtulon-an nga gisangyaw ni Jesus Cristo.