Relasyon Sa Usag-usa Diha Sa Bag-ong Kinabuhi

COLOSA 3 : 18 ~ 25

18 Mga asawa, pasakop kamo nga masinugtanon sa inyong masigkabana, ingon nga maoy angay diha sa Ginoo. 19Mga bana, higugmaa ninyo ang inyong masigkaasawa, ug ayaw ninyo sila pagpahimungti. 20Mga anak, magmasinugtanon kamo sa inyong mga ginikanan sa tanang mga butang, kay kini makapahimuot sa Ginoo. 21Mga amahan, ayaw pagsuk-a ang inyong mga anak aron dili sila mawad-an sa kadasig.

22Mga ulipon, sa tanang mga butang magmasinugtanon kamo sa inyong tawhanong mga agalon, dili sa pag-alagad nga linigoy ingon sa magapahimuot sa mga tawo lamang, kondili uban sa kasingkasing nga maminatud-on, nga mahadlokon sa Ginoo. 23Bisan unsa ang inyong pagabuhaton, buhata kini sa kinasingkasing nga ingon sa nagaalagad kamo sa Ginoo ug dili sa tawo, 24sa nasayran ninyo nga gikan sa Ginoo kamo magadawat sa panulondon ingon nga maoy inyong ganti; kay sa ingon kamo nagaalagad sa Ginoong Cristo. 25Kay ang nagabuhat ug dili matarung pagabalusan ra usab ug dili matarung tungod sa iyang binuhatan, ug wala unyay pinalabi.

PAGPAAMBIT SA MENSAHE:

Ang maong ebanghelyo nagpasabot sa pagsinabtanay sa usag-usa sulod ug gawas sa panimalay diin mao kini ang giya sa espiritu santo nga gipaabot ni Jesu Cristo diin ang napulo ka kasugoa-an sa Dios Amahan nagkahulugan man ug kalinaw ug pagminahaly.

Ang katungdanan sa tibuok komunidad mao ang pag-agak ug pagsinabtanay usab sa mga lumolupyo nga nanagpuyo diha sa maong komunidad diin sa kanunay dako ug mahimo ang kanunay nga pag-ampo nga hinugpong, ug mga paghalad sa Dios diha sa maong hinugpong nga mga pag-ampo,

Nagaingon ang balaang kasulatan nga diha sa hinugpong nga pag-ampo ug pagdayeg sa Dios sa kanunay nagauban si Jesu Cristo kanila. Diin sa kanunay atong ipahari ang kalinaw, pagtahod sa usag-usa ug ang pagsentro gayud sa tanang aktibidades ngadto sa Dios nga makagagahum nga maoy manalangin kanatong tanan.

Sa ato pa mga igsoon diha sa yano lamang nga panimalay , isip ikaw nga maoy nagdala sa maong pamilya o padre de pamilya, gikinahanglan gayud ang pagsabot sa matag hiyas sa katawhan nga anaa sulod nianang panimalay, kay matod pa sa 1 Corintho 3 : 16 ang lawas sa matag tawo templo sa Dios ug ang magpasipala sa templo sa Dios iya usab nga pagalaglagon.

Sa ato pa mga igsoon diha sa yano nimo nga mga ulipon diha sa imong panimaly hangtod sa imong mag anak ug paryente maoy mga imahen sa buhing Dios diin ang espiritu santo nagapuyo sa imaong mga lawas nan kun imo silang lutoson ug pasipad-an, nan sama ra nga imong gilutos ang espiritu santo nga nanagpuyo diha kanila.