Kinabuhi Nga Minando-an Sa Espirito

ROMA 8:1~16

8 • 1 Wala nay dakong panagsungi alang sa nagpuyo diha ni JesuCristo, 2 kay diha niya ang Balaod sa Espiritu sa kinabuhi nga nagluwas nako sa balaod sa sala ug kamatayon. 3 Walay epekto ang balaod, kay ang unod wala man mosanong. Unya, ang Diyos nga naglaraw pagpukan sa sala, mipadala sa kaugalingong Anak nga daw tawong makasasala aron pagbuntog sa sala ining tawhanong kahimtang. 4 Gikan adto, ang kahingpitan nga tumong sa Balaod matuman na diha nila nga naglakaw dili sa dalan sa unod kondili, sa Espiritu.

5 Ang naglakaw sumala sa unod hilig sa mga butang sa unod; ang gidumala sa espiritu hilig sa mga butang sa espiritu. 6 Ang unod nagpunting sa kamatayon; samtang ang espiritu, sa kinabuhi ug kalinaw. 7 Gitinguha sa unod ang supak sa Diyos, bisan gani sa balaod sa Diyos. 8 Busa, ang naglakaw sumala sa unod dili makapahimuot sa Diyos.

9 Apan dili mo ubos sa pagdumala sa unod kondili, sa espiritu kay ang Espiritu sa Diyos naa man ninyo. Kon wala pa, dili unta mo masakop ni Cristo. 10 Apan kon si Cristo naa ninyo, bisag ang lawas mamatay isip sangpotanan sa sala, ang espiritu magpabiling buhi kay grasya man ni sa Diyos. 11 Kon ang Espiritu sa mibanhaw ni Cristo sa minatay naa ninyo, ang mibanhaw ni Cristo mobanhaw sab ninyo. Iya ning buhaton pinaagi sa iyang Espiritu nga nagpuyo diha ninyo. 12 Unya, mga igsoon, biyaan ta ang unod ug dili na magpuyo sumala ini. 13 Kon dili, mamatay ta. Hinuon, maglakaw ta sa Espiritu ug patyon ang mga buhat nga lawasnon aron mabuhi ta. 14 Ang naglakaw sa Espiritu sa Diyos, mga anak sa Diyos.

15 Mawala na ang kahadlok, kay wala man mo makadawat sa espiritu sa kaulipnan. Ang inyong nadawat mao ang Espiritu nga naghimo ninyo nga mga anak. Matag sangpit nato: “Abba, Amahan,” 16 ang Espiritu nagpasalig sa atong espiritu nga 17 mga anak ta, ug mga sumusunod. Maato ang kabilin sa Diyos nga paambitan nato ni Cristo; kay kon nag-antos ta karon uban niya, moambit sab ta sa Himaya uban niya.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa atong pagpakabuhi nga nagasunod sa kabubut-on sa Diyos, diin magalikay kita diha sa tawahong mga kalilbgon ug mga buhat nga waal ikahimuot sa Diyos. Diin bulahan kun nagapuyo ka nga langyaw nining kalibutanan apan haom Didto s Gingharian sa langit.

:
Lumalabay lamang kita niining kalibutana, sa ato pa dili kini ang matuod natong pinuy-anan, busa ang Diyos nagaaghat gayod sa pagtigom sa bahandi nga langitnon diin walay kawatan nga magasaka ni taya nga magakutkot. Apan kun ang imong bahandi ania lamang sa kalibutan nan ikaw tawo dinhi ka lang usab kutob sa kalibutan. Ang balln kasulatan nagaingo kun asa ang imong bahandi nan atua ang imong kasingkasing.

Busa mga igsoon, mga pinili nga katawhan sa Diyos, Ang Diyos nagaingon nga siya maoy nangita kanato aron luwason ug dili kay kita maoy nangita kaniya, ug diin humana kita niya malukat gikan sa atong mga kasal-anan ug mahal ang lukat sa Diyos kanato Diin lawas ug dugo sa iyang bugtong anak maoy iyang gihalad para kaantong tanan.

Apan maoy atong hinumdoman, nga higpit ug batoon ang dalan paingon sa gingharian sa Diyos diin gamay lamang nagaagi ug nagakaplag niini, ug mas Diyotay usab ang molahutay ug makaabot didto mismo sa gingharian sa Diyos. Apan ang dalan paingon sa kalaglagan sa mga sala haluag, halapad ug magahob diin daghan ang nagaagi niini, ug mao kanang mga kahilayan, mga patay sindi ang olaw nag anaa diah sa mag palibot.

Apan mga igsoon, ang Diyos miingon, Bulahan pa sila kay aduna pay pasaylo ang Diyos para kanila apan Kita nga nakamata ug nakaplag na niining maong kamatuoran, sa higayon nga mobalik ug agi nianang maong magahob nga dalan ug mobiya niining maong kamatuoran, wala nay pasaylo pa ang diyos nag ihatag kanato.