Kristuhanong Paghatag

2 CORINTO 8:1~14

8 • 1 Buot ko nga masayod mo ka ron sa gasa sa diyosnong grasya sa mga Simbahan sa Macedonia. 2 Samtang gisamok sila ug gigukod pag-ayo, naghingapin ang kalipay. Ang tumang kakabos nabahandi sa kamanggihatagon.

3 Sumala sa ilang maabot, gani labaw, nagtinguha sila pagtabang sa mga santos.
4 Nangayo sila ining pabora; namugos pa gani; 5 ug labaw sa akong gipaabot, mitugyan sila sa kaugalingon sa pagbuot sa Ginoo ug sa atoa, pinasubay sa kabubut-on sa Diyos. 6 Sa ingon, akong giaghat si Tito sa paghuman diha ninyo ining buhata sa grasya nga iya nang nasugdan. 7 Nanghawod mo sa tanan: Sa mga gasa sa pagtoo, sa pagsulti ug sa kahibalo. Nagpakabana mo sa tanang kawsa. Labot pa, primero mo sa akong kasingkasing. Panghawod pod mo sa maalagarong panghatag.

8 Dili ni sugo. Ibutyag ko ang pagbuot sa uban sa pagmatuod sa inyong kahingawa alang sa mga igsoon. 9 Nasayod mo sa kamanggihatagon ni Cristo Jesus, atong Ginoo. Bisag adunahan, nagpakakabos siya aron maadunahan mo pinaagi sa iyang kakabos.
10 Ingsugyot ko ini sanglit kamoy unang mibulig, ug misugod sa maayong proyekto sa miaging tuig. 11 Busa, taposa ni, sumala sa inyong gimbut-an sa dakong kasibot. 12 Kon dunay maayong kabubut-on, dawaton ang inyong ihatag. Walay naninguha sa wala ninyo. 13 Wala ko magpasabot nga ang uban magpahayahay ug kamoy mabug-atan. Paningkamoti ang pagkab-ot sa kaangayan. 14 Sa pagkakaron, hatag sa inyong kabuhong alang sa ilang kakulangan. Sila sab, sa ilang paagi, mobalos ninyo sa ilang kabuhong alang sa inyong kakulangan.

PAGPAAMBIT SA MENSAHE:

Ang maong ebanghelyo naoy pagpasabot lamang diha sa tema sa pag-igsoonay nga maoy gustong ipasubay sa atong Ginoong Jesu Crsito diha sa pagtulon-an nga iyang gisangyaw. Ang unang sugo sa Diyos mao nga Higugmmaa ang imong Diyos labaw sa tanan ug ayaw pagbaton ug laing Diyos gawas kaniya. Ang ikaduahang sugo sa Diyos nagaingon higugmaa ang imong isigkatawo sama sa paghigugma nimo sa imong kaugalingon, ug tanang nga mga kasugo-an sa Diyos nagsumikad niining duha ka mga kasugo-an. Diin kun nasupak mo ang hain niining duha ka mga sugo nan sama ra nga nasupak nimo ang tanang kasugo-an sa Diyos.

Diha niining among panahon diin ang iglises nag gitukod ni Jesu Cristo kanunay nakasinati sa apglutos diin ang iyan mga sumosunod nag-iyahay na ug tago ug sa kanunay nag-antos usab sa kalissod ug kawad-on, diin diha makita sa adaiayso ang paghigugma sa kasugo-an ug paghiguma sa tahas nag gisangon sa iyng mag katawahan nga mag tinawag ug pinili.

Kay nahaital gayod sa balaang kasulatan diha sa mga sinulat sa unang mga propeta nga kun nagsunod ug nagasangyaw ka sa pagtulon-an ni Jesu Cristo nan makasinati ka gayud sa mga paglutos. Diha sa ubang pulong sa balaang kasulatan nagaingon Kung gusto kang himayaon didto sa gingharian sa langit nan puy-I ang kinabuhi nga puno sa mga paglutos ug pagdaug-daug dinhi sa ibaaw sa yuta pas-na ang imong krus sa kinabuhi ug sunod sa pagtulon-an ni Jesu Cristo. Kay bulahan ka nga nakaambit diha sa mga kasakitan ni Jesu Cristo diha sa paglansang niya sa krus kay makaambit ka usab sa himaya sa iyang pagkabanhaw didto sa gingharian sa langit.