Ang Pag-antos Gumikan Sa Pagkinabuhi Nga Balaan

1 PEDRO 3: 8~22

:

:
8 Sa kataposan, kinahanglang magkahiusa mong tanan sa hunahuna: pag-inambitay sa mga problema uban sa pagbati sa usag-usa. Pagmanggiluy-on ug pagmapaubsanon mo. 9 Ayawg basli ang daotan og daotan ni ang insulto sa laing insulto. Hinunoa, panalangin. Mao ni ang panawagan. Sa ingon, panalanginan ka. 10 Kon nangita kag kinabuhi ug gustong makakitag kalipay, ampingi ang dila sa daotan ug ang baba sa pagsultig mga lingla. 11 Talikdi ang daotan ug buhat sa maayo. Pangitaa ang kalinaw ug sunda ni. 12 Kay ang mata sa Diyos nagtan-aw sa katarongan; ang dalunggan naminaw sa hangyo. Apan ang Diyos moyam-id sa nagbuhat og daotan.

13 Kinsay makapasipala nimo kon gihalad ang kaugalingon sa pagbuhat og maayo? 14 Kon nag-antos ka tungod sa katarong, magmalipayon ka. Ayawg kahadlok sa ilang gikahadlokan ni kahasol sama nila. 15 Dayega si Cristo, ang Ginoo sa inyong kasingkasing. Pag-andam kanunayg tubag kon pangutan-on ka sa hinungdan sa imong paglaom. Apan hatag og yanong tubag uban ang pagtahod. 16 Pagbaton og limpyong konsensya aron ang nagpasipala nimo maulawan tungod sa tarong ug Kristohanong pagkinabuhi. 17 Mas maayo pang mag-antos tungod sa pagbuhat og maayo, kon pagbuot ni sa Diyos, kay sa pagbuhat og sayop.

• 18 Hinumdomi giunsa pagpakamatay ni Cristo sa makausa ug alang sa tanan tungod sa atong mga sala. Siya, ang tarong, nagpakamatay alang sa dili tarong aron pagdala nato sa Diyos. Namatay siya sama sa mga tawo, apan gibanhaw sa kinabuhi pinaagi sa Espiritu. 19 Busa, milakaw siya aron pagwali sa mga nabilanggong espiritu, 20 ang kaliwatan nga wala motoo sa Diyos nga sa iyang dakong pailob, miangan-angan pagsilot sa kalibotan, samtang si Noe naghimo pa sa arka diin ang gamayng grupo sa walo ka tawo naluwas sa tubig. 21 Tipo sa bunyag nga nakaluwas. Ang maong pamunyag dili lang paglimpyo sa lawas, apan pagpangayo sab sa Diyos nga magkauliay ta pinaagi sa pagkabanhaw ni Cristo Jesus. 22 Misaka siya sa langit sa tuong kamot sa Diyos human mabuntog niya ang anghel, ang galamhan ug ang kadagkoan.

PAGPAAMBIT SA MENSAHE:

Ang maong mensahe nagpasabot diha sa pagsangyaw sa maayong balita diin matod pa sa inengles “Charity Begins At Home” nga sa ato pa diha sa kaugalingon nato magsumikad ang pagsangyaw sa kamatuoran diin unsa man tuod ang atong isangyaw kun kita mismo wala magausab sa atong kaugalingon, Atong himoon nga sumbanan ang mga pagtulun-an nga gibilin ni Jesus sa iyang mga apostoles diin bisan tuod ug nagatago-tago sila tungod sa mga pagpanlutos ug mga kasakitan nga ilang nasugatan apan wala nila kini baleha kay para kanila bulahan kita nga nagasilbi ug naga sunod sa pagtulun-an nga gipiyal ni Jesus sa mga apostoles.

Bisan ang mga tawhanon nga mga ginikanan ni Jesus sa ilang pagpakabuhi uban kang Jesus sa kanunay gigukod sila sa kalisod kay mao man gayud ang kabubut-on sa Amahan nga ang iyang mga katawhan mag-antos diri sa yuta, kay tam-is dawaton ang grasya nga gihatag sa Dios kun kini patulu-an nato sa atong luha ug mga pag-antos. Usa ka sumbanan nga angay panaminan sa mag kristyanos nga ang bililhon sa Dios dinhi sa kalibutan mao man ang kabulahanan sa atong espirituhanon nga pagkinabuhi diin anaa kita kanunay sa mga pag-ampo ug mga pagsakripisyo.

Usa kini ka panag-ingnan diin dili matugkad sa tawo, kay walay lain nga imporatante diha sa atubangan sa Dios kundili ang kaluwasan sa atong mga kalag diin mas bulahan diay nga magkinabuhi kita nga langyaw kita niining kalibutana apan haom didto sa iyang gingharian, diin atong ayran ug likayan ang mga tawhanon nga mga kailibgon, kay unsaon ta man tuod kun ato ang tanan dinhi sa kalibutan apan walay tumong ang atong kalag inig-abot nga mopauli na kini ngadto sa laing kalibutan.

Usa ka kamatuoran nga ang gingharian sa langit lisod gayud ang pagtultuol ug ang pahiabot didto diin tunokon, bangilid ug sigpit ang mga agianan niini ug maihap lamang ang mga katawhan nga nagatultol sa pag-agi niini, ug kining maga dalana mao kini ang imong pagkinabuhi diin anaa ang mga pagpanlutos mga kasakitan ug mga pagdaug-daug, apan ang dalan paingon sa kalaglagan sa mga sala halu-ag kini , masadya ug magahob diin daghan ang nagmaya samtang naga-agi niini, ug mao kining mga anaa sa atong palibot diin anaa ang mga videoke, mga sugalan, hantakan, ug ang mga patay-sindi ang ilaw. Apan matod pa sa pulong sa Dios nag bulahan pa sila kay inosente pa sila niining maong kamatuoran ug adun pay pasaylo ang Dios para kanila apan kita nga nakatukib na niini nga pagtulun-an sa higayon nga motalikod kita niini wala nay pasaylo ang Dios para kanato.

Ang Buhing Bato Ug Ang Balaang Nasod

1 PEDRO 2: 1~10

2 • 1 Busa, biyai ang tanang daotan ug panglingla, ang kamaot, kasina, ug tanang klase sa libak. 2 Sama sa bata nga bag-ong nahimugso, pangitaa ang lunsayng gatas – sa Pulong – nga makatabang nimo pagtubo ug pagkab-ot sa kaluwasan. 3 Wala ka ba makatagamtam sa kaayo sa Ginoo? 4 Ang bato siyang buhi nga gisalindot sa katawhan, apan ang Diyos nagpili niya. Bililhon ni alang sa Ginoo. 5 Sa pagduol ninyo, nabuhi mong bato nga gitukod sa espirituhanong templo: balaang katilingban sa kaparian nga naghalad og espirituhanong sakripisyo nga nakapahimuot sa Diyos pinaagi ni Cristo Jesus. 6 Nag-ingon ang Kasulatan: “Tan-awa, nagbutang ko sa Sion og pinili ug bililhong bato nga sukaranan. Ang motoo niya dili makawang.”

7 Dungog ni alang ninyo nga mitoo. Sa dili matoohon, ang bato nga gisalindot sa magtutukod nabato nga sukaranan. 8 Bato ni nga kapandolan, ang batong lag-it nga nakapukan sa katawhan nga mapandol sa pagsalikway nila sa Pulong. Apan natuman ang plano sa Diyos. 9 Mga pinili mong kaliwat, katilingban sa kaparian-kaharian; nasod nga gibalaan; katawhang gihimo sa Diyos nga iyaha aron mosangyaw sa iyang mga katingalahan. Kay gitawag mo gikan sa kangitngit ngadto sa kaugalingong kahayag. 10 Kanhi, dili mo katawhan, apan karon katawhan na mo sa Diyos; wala makadawat sa iyang kaluoy, apan karon gihatagag kaluoy.

PAGPAAMBIT SA MENSAHE:

Ang maong mensahe nagpasabot diha sa duha ka butang una si Jesu-Cristo nga mao ang buhing bato nga maoy gihimong haligi niining maong pagtulun-an diin gipakaingon sa uban nga walay pulos apan maoy gipili sa Dios ug maoy sumbanan sa tanang pagtulun-an dinhi sa yuta ug sa langit, Ang balaang nasod mao ang nasod sa Jerusalem diin maoy sentro sa pagtulun-an niadtong panahuna diin didto nagsumikad ang kaliwatan ni Abraham ug ni David ug usab didtong dapita nagsumikad si Jesus ang hari sa mga hari Ug ang atong manunubos ug manluluwas sa atong pagka makasasala.

Daghan ang mga pagtulun-an nga nanggawas niini karong panahuna ug usab daghan ang nagpasibantog sa ilang kaluwasan pinaagi sa pagtulun-an nga imong gibarugan, apan ang pulong sa Dios naga-ingon, walay pagtulun-an nga makaluwas sa tawo kundili ang iya lamang pagtuo ug pagsunod sa kabubut-on sa Dios, diin diha sa ubang sinulat nagaingon nga ang kaluwasan sa atong kalag mao kini ang gisaad ni Jesus kanato diha sa pagsunod sa iyang kabubut-on apan wala kini magpasabot nga ang kaluwasan usa ka ganti o premyo tungod sa imong maayong buhat kindili usa kini ka grasya o gasa nga hinatag gikan sa Dios Amahan aron sa ingon walay makapasigarbo diha sa atubangan sa Dios nga siya maluwas tungod sa iyang maayong binuhatan kundili ang kaluwasan iyang gihatag kanato isip gasa ug sa iyang gugma kanatong tanan.

Apan maoy himoong panag-ingnan ang mga kasakitan ni Jesus diha sa iyang pagpapakabuhi dinhi sa kalibutan, diin nagpuyo siya ug nagpakabuhi nga sama sa usa ka ordinaryong tawo. Diin diha sa Pilipos 2 nagaingon nga bisan siya Dios apan wala niya ipamugos ang iyang pagkaDios hinunu-a nagpakaubos siya ug mitipon sa mga kabos ug sa mga tinamay, diin tungod sa dako niyang kadaugan sa pagtuman sa kasugo-an sa iyang Amahang Dios gitagaan siya ug dungganan nga ngalan ug ang tanang binuhat sa yuta ug sa langit nagasimba ug nagaluhod sa iyang ngalan nga Jesus.

Usa kini ka pagtulun-an nga nagaingon nga ang giisip nga maoy nahinungdanon sa tawo dinhi sa yuta walay pulos didto sa gingharian sa Dios ug ang giisip sa tawo nga walay pulos ug binuang lamang dinhi sa ibabaw sa yuta moy labing mahinungdanon didto sa gingharian sa langit. Nga sa ato pa dili diay angay nga atong ipalabi ang atong mga tawhanon nga ambisyon kay wala kini gamit didto sa langit, diin mas bililhon nga matagaan ug maayong panahun ug presentasyon ang atong kalag inig-abot sa adlaw sa panudya , kay matod didto unya sa la-ing kalibutan, diin mahiabot ang atong kalag inig-abot sa adlaw sa panudya diin matod pa walay siguro nga maluwas ang atong kalag bisan diha sa kanunay nga mga pag-ampo sa nagkinabuhi pa kita dinhi sa kalibutan nan unsa na kaha ang mga katawhan nga walay mga pag-ampo ,asa kaha paingon ang ilang kalag.

Ang Wali Ni Pedro

BUHAT 10: 34 ~ 43

:

34 Unya, si Pedro miingon, “Sa pagkatinuod, nakaamgo ko nga ang Diyos walay pili. 35 Hinunoa, nagpatalinghog siya sa kanasoran nga mahadlokon sa Diyos ug nagbuhat sa maayo. 36 Kini ang mensahe nga iyang gipadala sa mga anak sa Israel, ang Maayong Balita sa kalinaw nga iyang gipadayag pinaagi ni JesuCristo, ang Ginoo sa tanan. 37 Walay duhaduha, nakadungog na mo sa dakong hitabo sa tibuok kayutaan sa mga Judio.

Nagsugod ni sa Galilea, human sa bunyag nga giwali ni Juan. 38 Nasayod mo giunsa sa Diyos pagdihog si Jesus ang Nazareno sa Espiritu Santo ug sa gahom. Naglakawlakaw siya nga nagbuhat og maayo ug nag-ayo sa naa sa gahom sa yawa, kay ang Diyos nag-uban man niya. 39 Mga saksi mi sa tanan niyang gihimo sa tibuok kayutaan sa mga Judio ug sa Jerusalem mismo.

Sa kataposan gipapatay siya pina-agi sa pagpabitay niya sa krus nga kahoy. 40 Apan ang Diyos mibanhaw niya sa ikatulong adlaw, ug gipadayag siya 41 dili sa tanang tawo kondili, sa mga saksi nga napili nang daan sa Diyos – kanamo nga nangaon ug nanginom uban niya human sa pagkabanhaw. 42 Ug gimandoan pagwali ini sa katawhan ug pagsaksi nga gitudlo siya sa Diyos aron paghukom sa mga buhi ug patay. 43 Ang tanang propeta nag-ingon bahin niya, nga ang motoo pasayloon sa ilang sala tungod sa iyang Ngalan.”


PAGPAAMBIT SA MENSAHE:

Ang maong ebanghelyo naghisgot diha sa mga wali ug ang mga pagtulun-an sa mga mabuot nga apostoles diin diha sa pagsangyaw niya sa mga pulong sa Dios kanunay nagasunod ang mga pagsulay, apan bulahan sila kay nagasunod sa kabubut-on sa Dios ug maoy mga ehemplo diha sa maong ebanghelyo nga nagaingon, Ang katawhan nga mahadlukon sa Dios ug sa kanunay nagasunod sa iyang kabubut-on kanunay gayud makadawat sa iyang grasya ug panalangin sa walay pagpili sa iyang bulok o pamanit.

Diha asa ubang sinulat ug sa mga kasugo-an sa Dios nagaingon, nga ang iyang katawhan sama sa balas sa baybayon kabaga o kadaghan apan pipila pa lamang kahakop ang iyang natawag ug maihap lamang usab ang iyang mga pinili ug mga tinawag nga sa ato pa nga ang Dios diay namili gayud sa mga katawhan nga adunay bug-os ug tim-os nga pagtuo ug pagsalig diha kaniya. Nga sa ato pa ang mga pinili nga katawhan sa Dios pagapili-an pa diin matod pa sa mga buhing pulong sa Dios ang mga katawhan sa Dios dili lamang kay magalingkod-lingkod lamang ug magahulat sa iyang pagbalik kundili pagasulayan gayud sila sama sa bulawan diin ipaagi gayud sa kalayo aron masuta ang kapuro niini, nan mao usab kitang tawo diin sa kanunay anaa ang mga pagsulay arong sa pagtikay ug pagsukod sa iyang pagtuo ug pagsalig sa Dios.

Bisan kadtong mga mabuot nga mga apostoles sama kang Pedro ug kang Pablo diha sa pagsunod nila sa kabubut-on sa Dios dili matukib sa pulong ang mga kalisod ug pagsulay nga ilang naagi-an. Diin niadtong panahuna didto lamang sa kasikbit sa Jerusalem ang mga pagsangyaw nga ilang gihimo diin didto sila sa Roma diin mao kadto ang sentro sa sibilisasyon niadtong panahuna diin kadaghanan sa namunu-an sa Roma wala magatuo sa Dios o mga pagano.

:

Ang mga mabuot nga apostoles didto sa dapit sa Roma nakabsan sa ilang kinabuhi diin sila gipangdakop, gibitay nga nagtu-ali ug giputlan sa ulo diin diha sa ilang kamatayon wala nila kini kahadloki diin diha sa akto sa pagputol sa ilang liog gihimaya nila ang Dios pinaagi sa paghalad ug mga langitnong mga awit kay para kanila wala nay pulos ang ilang kinabuhi kay nasayod sila kun kinsa ang ilang gisimba ug gipasidunggan ug mas mahinungdanaon kanila ang kaluwasan sa ilang kalag . Usa lamang kini ka pagtulun-an ug kamatuoran nga nahasulat dia sa balaang kasulatan diin nagaingon nga ayaw kahadloki ang tawo nga makapatay lamang sa imong lawas apan walay mahimo sa imong kalag maoy kahadloki ang Dios nga dako ug mahimo sa kaluwasan ug kalaglagan sa imong kalag.

:

Gipanalipdan Ni Pablo Ang Iyang Pagtoo

ROMA 8: 1~17

1 Ako, si Pablo mismo, nanga muyo ninyo sa kamapaubsanon ug kamaluluy-on ni Cristo. Ang Pablo “mahadlokon sa taliwala ninyo ug isog sa layo!”2 Ayaw kog pugsa pag-inisog inig-abot nako. Kay disidido ko, ug gani mangahas pagpakigbatok sa pipila nga nagtoo nga kalibotanan ang akong pagkinabuhi. 3 Bisag nagkinabuhi ko sa ingon, dili ko makigbisog alang ini.

4 Ang among hinagiban dili tawhanon apan, salamat sa Diyos, gamhanan alang sa pagguba og mga kota. Mangguba mig mga katarongan ug mapahitas-ong hunahuna 5 nga supak sa kahibalo sa Diyos. Among gipugos ang tanang panabot sa pagsunod ni Cristo. 6 Andam ko pagsilot sa tanang masupilon, kay kinahanglang magtahod mo sa hingpit.

7 Tan-awa ang mga butang sa ilang pagkasila. Kon ang usa ka tawo nagtoo nga kang Cristo siya, maghunahuna unta siya: sama nga kang Cristo siya, ako sab iya ni Cristo. 8 Bisag mora kog naglaom pag-ayo sa gahom nga gihatag kanako sa Ginoo aron pagtukod ninyo ug dili aron pagguba, dili ko maulawan tungod ini. 9 Ayawg hunahuna nga makahadlok ko ninyo sa mga sulat lang. 10 “Ang iyang mga sulat ugdang ug gamhanan,” nag-ingon ang pipila, “apan siya mismo, walay pamarog ug dili maayong mosulti.” 11 Ingnon ko sila: “Pagbantay: ang akong gisulat gikan sa layo, mao poy akong buhaton inig-anha nako.”

12 Nganong mangahas man mi pagpakigsama o pagtandi sa kaugalingon sa mga tawo nga nagpagarpar sa kaugalingong katakos? Mga buang! Gisukod nila ang kaugalingon sa kaugalingong sukod. Gitandi nila ang kaugalingon kanila mismo. 13 Apan kami, dili namo palab-anan ang among hambog. Dili namo lapason ang sukod nga gitakda kanamo sa Diyos nga magsukod sab ninyo. 14 Wala namo palab-ani ang among gibuhat diha ninyo ingon nga naglapas sa sukod daw wala makaabot ninyo. Una ming miduol ninyo dala ang Ebanghelyo ni Cristo. 15 Inay nangandak diin naghago na ang uban, naglaom mi nga samtang nagtubo ang inyong pagtoo modako pod ang among pag-alagad sa walay paglapas sa utlanan. 16 Sa ingon dad-on namo ang Ebanghelyo unahan pa sa inyo nga dili makapanghilabot sa gihagoan na sa uban ug nga dili mangandak diin nahuman na ang buluhaton. 17 Ang manghambog, pahamboga sa Ginoo. 18 Dili ang nagdayeg sa kaugalingon maoy mauyonan kondili, ang gidayeg sa Ginoo

PAGPAAMBIT SA MENSAHE:

Ang maong mensahe nagsangyaw diha sa katakos ni Pablo isip maoy usa sa pinakamaisog nga magsasangyaw sa panahun ni Kristo diin diha sa unang kinabuhi gitawag siya ug Saulo nga maisogon nga nagsangyaw ug naglutos sa mga sumosunod ni Jesus. Apan nakita sa Dios ang iyang pagkamatinuon sa pagtulon-an nga iyang gibarugan, diin niadtong panahuna ang pagtulon-an nga naghari sa wala pa si Jesus mao kadtong pagtulun-an nga nagasimba lamang sa Dios Amahan diin gitawag kini ug Judaism, diin hangtod karong panahuna anaa pa kini didto sa Jerusalem, Ang ilang Dios gitawag kini nila sa Hebrew nga pinulongan ug Yahweh.

Matod pa sa atong mga pari nga nahiabot didto as Jerusalem, hilabihan ka estrikto ang maong pagtulon-an diha sa pagrespeto nila sa Dios Amahan diin kun moingon ka ug Yaweeh diha sa atubangan sa mga tawo nga Judaism kinahanglang nga imo kining litokon nga pinaduko ang ulo ug adunay respeto . Nan unsa na kaha niadtong panahun ni Jesus diin adunay dako ug kagahum ang relihiyon o pagtulon-an diha sa pag-inpluwensya sa ilang gobyerno. Mao kana ang gibati ni Saulo niadtong higayona diin nagtoo siya nga usa lamang ka pagtoo-too ang pag-ingon nga anaksa Dios nga si Jesus.

Apan gitagaan siyag ug tsansa sa Dios pinaagi sa pagtawag kaniya pinaagi sa balatian diin gipakita kaniya ang milagro nga ang iyang gilutos ug ang iyang gisimba usa ra kay ang Dios nga Amahan, Dios Ang anak ug Dios nga espiritu usa ra kini sila, diin maglisod kita ug tukib sa maong kamatuoran kay mao kini ang usa sa mga tinago nga kamatuoran diin wala pay tawo nga gitugotan sa Dios sa pagtukib diha sa mga lawom nga mga pagtulon-an sa kahitas-an.

Apan sa nahimo na si Saulo nga Pablo ug nagasangyaw sa kamatuoran sumala sa gipadayag ni Jesus, siya na usab ang gilutos sa iyang mga kauban ug sa mga dagkong pariseo sa panggobyerno. Apan iyang gipakita nag iyang kaisog diin ilan gitadlas ang mag kasikbit nga mga nasod sama as Roma ug Italya, nga maoy mga sentro sa sibilisasyon niadtong dapita. Niadtong panahuna ang Roma wala pa makatukib sa pagtulun-an ni Jesus diin kadaghanan sa mga nagadala sa gobyerno didtong dapita mga pagano ug wala gayud magasimba sa kristuhanon nga pagtulon-an.

:

Didtong dapita sila si Pablo ug uban pang mga maisog nga apostoles gipangdakop gigapos ug gibitay nga gatuali diin diha sa pagbitay kanila ug sa pagputol sa ilang ulo wala nila kahadloki ang Dios hinunu-a diha sa akto sa ilang kamatayon gihimaya nila ang Dios, nanag-awit sila sa mga kanta sa pagdayeg sa Dios kay para kanila walay pulos ang ilang lawas, ang mahinungdanon ang kahimayaan sa ilang kalag uban kang Kristo Jesus, Kay matod pa sa balaang kasulatan, ayaw kahadloki ang tawo nga makapatay sa imong lawas apan walay mahimo sa imong kalag maoy kahadloki ang Dios nga maoy tag-iya sa atong lawas ug kalag.

Kinabuhi Nga Minandoan Sa Espiritu

ROMA 8: 1~17

8 • 1 Wala nay dakong panagsungi alang sa nagpuyo diha ni Jesu Cristo, 2 kay diha niya ang Balaod sa Espiritu sa kinabuhi nga nagluwas nako sa balaod sa sala ug kamatayon. 3 Walay epekto ang balaod, kay ang unod wala man mosanong. Unya, ang Diyos nga naglaraw pagpukan sa sala, mipadala sa kaugalingong Anak nga daw tawong makasasala aron pagbuntog sa sala ining tawhanong kahimtang. 4 Gikan adto, ang kahingpitan nga tumong sa Balaod matuman na diha nila nga naglakaw dili sa dalan sa unod kondili, sa Espiritu.

• 5 Ang naglakaw sumala sa unod hilig sa mga butang sa unod; ang gidumala sa espiritu hilig sa mga butang sa espiritu. 6 Ang unod nagpunting sa kamatayon; samtang ang espiritu, sa kinabuhi ug kalinaw. 7 Gitinguha sa unod ang supak sa Diyos, bisan gani sa balaod sa Diyos. 8 Busa, ang naglakaw sumala sa unod dili makapahimuot sa Diyos. 9 Apan dili mo ubos sa pagdumala sa unod kondili, sa espiritu kay ang Espiritu sa Diyos naa man ninyo. Kon wala pa, dili unta mo masakop ni Cristo.


10 Apan kon si Cristo naa ninyo, bisag ang lawas mamatay isip sangpotanan sa sala, ang espiritu magpabiling buhi kay grasya man ni sa Diyos. 11 Kon ang Espiritu sa mibanhaw ni Cristo sa minatay naa ninyo, ang mibanhaw ni Cristo mobanhaw sab ninyo. Iya ning buhaton pinaagi sa iyang Espiritu nga nagpuyo diha ninyo. 12 Unya, mga igsoon, biyaan ta ang unod ug dili na magpuyo sumala ini. 13 Kon dili, mamatay ta. Hinuon, maglakaw ta sa Espiritu ug patyon ang mga buhat nga lawasnon aron mabuhi ta. 14 Ang naglakaw sa Espiritu sa Diyos, mga anak sa Diyos.

15 Mawala na ang kahadlok, kay wala man mo makadawat sa espiritu sa kaulipnan. Ang inyong nadawat mao ang Espiritu nga naghimo ninyo nga mga anak. Matag sangpit nato: “Abba, Amahan,” 16 ang Espiritu nagpasalig sa atong espiritu nga 17 mga anak ta, ug mga sumusunod. Maato ang kabilin sa Diyos nga paambitan nato ni Cristo; kay kon nag-antos ta karon uban niya, moambit sab ta sa Himaya uban niya.

PAGPAAMBIT SA MENSAHE:

Ang maong ebanghelyo nagpasabot diha sa kinabuhi nga nagasunod sa kabubut-on sa espiritu santo sa Dios diin matod pa sa ubang sinulat mas maayo nga magapuyo kita nga haom didto sa iyang gingharian sa langit apan langyaw niining kalibutana kay mag-unsa man kun hupong ka sa mga tawhanon nga kailibgon ug diin walay atiman ug napasmo ang imong kalag kay wala man kini mga pag-ampo nga nadawat.

Sa ubang sinulat nagaingon, nga kun ang imong bahandi ania lang sa yuta nan dinhi ka ra usab kutob diin mas maayo ang adunay kay bahandi nga espirituhanon o langitnon aron maoy atong ikasarang kun moabot na unya ang katapusang paghukom. Diha unya sa paghiabot nato sa laing kalibutan o diha sa gitawag nga kamatayon diin ang atong espirito maoy mobalik sa Dios ug mosumbong sa imong mga kalapasan ang atong tawhanon nga lawas maoy mahabilin diin kini madugta ug mobalik sa abog apan ang atong kalag maoy mopadayon paingon didto sa laing kalibutan diin ang kamatayon diay maoy siniugdanan sa bag-ong kinabuhi para sa imong kalag. Diin dili na kita makadminister sa atong kalag nga matod pa sa ubang sinulat bisan ang katwhan nga sa kanunay naga-ampo diha sa paghimaya sa Dios apan puhon diha sa iyang ikaduhang kinabuhi human sa kamatayon dili na nato masiguro nga maluwas ang atong kalag, kay dili na kita ang naga-administer sa atong kalag nan unsa na kaha kadtong mga tawo nga walay mga pag-ampo asa sad kaha punita ang ilang mga kalag.

Apan bulahan ka igsoon kun tinawag ug pinili nga sa Dios diin nakaplag ka niining tinago nga kamatuoran kay ang atong Dios dili gayud mosugot nga dili kita makaduol kaniya sa dili pa moabot ang kataposang gutlo sa imong kinabuhi. Kay matod pa ang kaluwasan nga gisaad sa Dios iyang ihatag ngadto sa mga pinili nga katawhan apan dili pagasabton nga usa kini ka ganti o premyo tungod sa maayong buhat aron sa ingon walay makapasigarbo diha sa atubangan sa Dios nga siya naluwas tungod sa mga maayong buhat kundili kita maluwas tungod sa grasya ug kalooy sa Dios.

Gibunalan Ug Gibugalbugalan Si Jesus

LUCAS 22: 63~65

63 Gibugalbugalan ug gibunalan si Jesus sa mga nagbantay; 64 gitaptapan ang mata ug gipangutana: “Kinsay mihampak nimo? Tag-ana.” 65 Giinsulto siya pag-ayo

PAGPAMBIT SA MENSAHE:

Ang maong mensahe naghubit diha sa mga kasakitan ni Jesu Cristo diin iyang gipakita ang ehemplo as usa ka lider ug sa usa ka tawo nga manunod sa trono sa Dios Amahan. Tawo siya ug Dios usab siya diin matod pa diha sa ubang sinulat, siya maoy ikaduhang Adan nga nagpakabuhi niining kalibutan apan wala siya magagikan sa abog kundili nagagikan sa lalang sa espiritu santo sa Dios nga gitisok sa sabakan ni birhen Maria. Sa ubang sinulat nagaingon nga bisan siya Dios apan wala niya ipamugos ang iyang pagkaDios hinunu-a nagpakaubos siya ug mitipon sa mga katawhan nga kabos ug misangyaw sa pulong sa Amahan pinaagi sa pagpakita ug maayong sumbanan, diha sa mga milagro sa pag-ayo sa mga masakiton , ug diha sa pag pakaubos sa iyang kaugalingon diin iyang gipakita ang sumbanan sa usa ka matuod nag lider diin bisan siya ang kamatuoran ug ang kahayag apan tagaan niya ug kagawasan ang iyang mga katawhan kay lagi ang Dios hataas ug pasensya.

Usa ka kamatuoran nga dili malalis nga ang pagpasakit diay dinhi sa ibabaw sa yuta mao lamay pagdawat sa kabubut-on sa Dios kay matod pa sa ubang sinulat sa balaang kasulatan, Kun gusto nato nga himayaon ug daygon didto sa gingharian sa Dios nan puy-i ang kinabuhi nga puno sa pagdaug-aug ug pagtamay ug pagdawat sa mga paglutos dinhi sa yuta, pas-ana ang imong krus sa kinabuhi ug sunod sa mga pagtulun-an ni Jesus, diin bulahan ka nga makaambit sa mga kasakitan ni Jesus didto sa pagpalansang niya sa krus kay makaambit ka usab sa himaya sa iyang pagkabanhaw didto sa langit.

Sa maong ebanghelyo mga igsoon diin gipakita ug gisay-say ang pagbugal-bugal ug pag-insulto sa pagkatawo ni Jesus mao lamay pagpakita isip sumbanan nga ang pagdawat sa kasakitan dinhi sa yuta ug mga pagsinati sa mga paglutos ug pagbiay-biay, nagpasabot lamang kana mag igsoon nga dili ka martir ug wala ka magpadaug-daug kun dili imong gidawat ug gipahari si Jesus diha sa imong kasingkasing.

Ang Milagro Nga Buot Nilang Tan-awon

LUCAS 11: 29~32

29 Diha nga nagkapundok na ang mga tawo, miingon nila si Jesus: “Daotan ang katawhan karong panahona. Nangita silag timailhan, apan walay ihatag gawas sa timailhan ni Jonas. 30 Ingon nga si Jonas natimailhan alang sa katawhan sa Ninive, ang Anak sa Tawo timailhan alang ining kaliwata. 31 Ang Rayna sa habagatan mobangon sa Adlaw sa Hukom uban sa katawhan ining panahona, mosumbong nila, kay mianhi man siya gikan sa mga utlanan sa kalibotan aron pagpamati sa kaalam ni Solomon. Ania dinhi ang mas dako pa ni Solomon. 32 Ang mga lalaki sa Ninive mobarog sa Adlaw sa Hukom uban sa katawhan ining panahona. Isumbong sila, kay ang wali ni Jonas nakapabiya nila sa kasal-anan. Ania dinhi ang mas dako pa ni Jonas.

PAGPAAMBIT SA MENSAHE:

Ang maong mensahe nagtagik diha sa pagsangyaw sa pulong ug mga milagro sa Dios diin miingon si Jesus sa panahon ni Solomon ug ni Naïve diin gihimaya nila ang Dios niadtong panahuna diin si Solomon ginaingon diha sa unang kasulatan nga siya ang usa sa pinakamaalam nga tawo niadtong panahuna kay matod pa ang mga mananap ang hangin ug ang tanom pwede niya nga istoryaahon apan ang anak sa Dios ug bugtong manunod sa trono sa langit labaw pa kay ni Solomon ug ni Naïve.

Wala kahimut-i ni Jesus ang mag katawhan niadtong panahuna diin gusto una sila nga makakita sa milagro ayha sila motuo sa iyang gipanulti, diin mas bulahan kadtong mga katawhan nga mituo ug mipasidungog sa Dios bisan wala pay mga milagro nga nakita, kay matod pa mas bililhon ang mga butang nga dili nato makita ug mahikap diin ato kining gituhu-an nga iya sa Dios kay mao man usab kining mga butanga nga walay kataposan ug maoy mdala sa atong kalag didto sa laing kalibutan.

Ang mga milagro diha sa atong pagkatawo ug pagsunod sa kabubut-on sa Dios, kini mokunsad lamang kun kita adunay hugot usab nga pagtuo sa Dios , nga sa ato pa ang mga milagro diha nga imong gipangayo sa kahitas-an magadepende usab sa imong pagtuo, diin kun moingon kita ug pagtuo sa Dios nagpasabot kini nga sa adunay kay pagsalig, adunay kay pag-laom ug adunay kay pasensya ug labaw sa tanan adunay kay mga pag-ampo ug mga Diosnon nga binuhatan. Santiago 1: 17 nagaingon ang pagtuo nga walay binuhatan sama sa lawas sa tawo nga walay espiritu, patay kini, sa ato pa ang pagtuo nga walay binuhatan patay usab kini. Nan angayan diay nga atong ipakita ang pagtuo sa Dios pinaagi sa buhat aron makita nato usab ang himaya sa Dios pinaagi sa iyang mga milagro.

Gamita Ang Inyong Lawas Sa Paghimaya Sa Dios

1 CORINTO 6: 12~20

• 12 Ang tanan gitugot kanako sa balaod. Apan dili ang tanan makatabang nako. Ang tanan gitugot kanako sa balaod, apan dili ko magpaulipon sa bisag unsa. 13 Ang pagkaon alang sa tiyan, ug ang tiyan alang sa pagkaon, apan ang Diyos molaglag ini. Ang lawas hinunoa, dili alang sa pamuta kondili, sa Ginoo; ug ang Ginoo alang sa lawas. 14 Ang Diyos nga nagbanhaw sa Ginoo, mobanhaw sab nato pinaagi sa iyang gahom.

15 Wala ba mo masayod nga ang inyong lawas mga bahin ni Cristo? Himoon ba ninyo ang maong bahin nga bahin sa puta? Dili motugot ang Diyos! 16 Wala ba mo masayod nga ang nakighilawas sa puta, nahiusa niya? Ang Kasulatan nag-ingon: Ang duha usa ka lawas. 17 Sa laing bahin, ang nahiusa sa Ginoo nahimong espiritu uban niya.

18 Likayi sa hingpit ang pamuta. Ang ubang sala nga buhaton sa tawo wala maggamit sa lawas. Apan ang namuta nakasala batok sa kaugalingong lawas. 19 Wala ba mo masayod nga ang inyong lawas templo sa Espiritu Santo nga naa sulod ninyo, hinatag sa Diyos? Dili na mo tag-iya sa inyong kaugalingon. 20 Hinumdomi ang presyo sa gibayad alang ninyo. Busa, himayaa ang Diyos sa lawas ug sa espiritu nga iya sa Diyos.


PAGPAAMBIT SA MENSAHE:

Ang maong ebanghelyo naghisgot diha sa paghalad nagdto sa Dios ang tanan nga anaa diha sa atong pagkinabuhi niining kalibutana. Kay ginaingon diha as ubang sinulat nga walay pulos ang mga tawhanon nga mga kinaadman ug kaalam didto sa gingharian sa Dios kay mao man ang mahinungdanaon diha sa atong pagkatawo ang pagkinabuhi nga espirituhanon diin maoy atong sumbanan ang mga lihok ni Jesus diha sa iyang pagpakatawo diin bisan siya Dios apan wala niya gamita ang iyang pagkaDios hinunu-a nagpakaubos siya ug mitipon sa mga kabos ug timawa ug nagpakapobre ug nagpakaulipon diha sa iyang mga katawhan nga gisangyawan.

Nan kun kita nga tawo diin hupong sa mga tawhanon nga grasya angayan lamang sa karon ug unya atong ipamahin o ihalad ngadto sa Dios kay pinaagi unya niana mahiuban sa iyang panalangin ang atong tawhanon nga kinaadman diin pinaagi usab sa pagtabang sa imong mga isigkaingong ug pinagi sa imong mga tawhanon nga kaalam kanunay ka usab nga mapanalanginan sa Dios.

Kay matod pa ang lawas sa matag tawo balaan kay anaa man ang espiritu santo sa Dios nagapuyo diha sa atong lawas nga sa ato pa templo kita sa Dios espiritu santo, nan ang atong lawas aduna na kini tahas dinhi niining kalibutana diin maoy tumong ug tuyo sa Dios nga ibalaan ang atong kaugalingon kay aron sa kanunay makadawat kita sa kahimayaan sa Dios ug sa iyang apanalangin inig-abot sa tukmang takna.

Ang Espirituhanong Pagkabuta

JUAN 9 : 35 ~ 41

35 Nakadungog si Jesus nga ilang gihinginlan ang kanhi buta. Unya, nakit-an ni Jesus ang tawo ug giingnan, “Mitoo ka ba sa Anak sa Tawo?” 36 Mitubag siya, “Kinsa siya, aron makatoo ko niya?” 37 Miingon si Jesus, “Nakakita ka niya ug nakigsulti siya nimo karon.” 38 “Mitoo ko, Ginoo,” miingon ang tawo. Unya, gisimba niya si Jesus. 39 Miingon pa gyod si Jesus, “Mianhi ko ining kalibotana aron pagtuman sa usa ka hukom, makakita ang buta, ug mabuta ang makakita.” 40 Pipila sa mga Pariseo nga diha sa duol mitindog ug nangutana, “Mga buta ba mi? 41 Mitubag si Jesus, “Kon buta pa mo, wala unta moy sala; karon nga miingon mong, ‘nakakita mi,’ nagmatuod ni sa inyong sala


PAGPAAMBIT SA MENSAHE:

Ang maong ebanghelyo naghisgot diha sa pagtukib sa pagtulun-an sa Dios diin bulahan kadtong wala makakita apan mitoo kay mahatagan ug panalangin sa Dios , ang mga butang nga langitnon ug espirituhanon dili kini makita ni mahikap ug mao kining mga butanga ang walay kataposan, apan ang mga butang nga makita ug mahikap , ang mga butang nga iya sa kalibutan nan aduna kini kataposan diin susama kini sa lawas sa tawo nga mobalik sa abog.

Diha sa maong ebanghelyo diin naghisgot ang ulohan niini nga espirituhanon nga pagkabuta diin mao kini ang panag-ingnan sa mga pagtulun-an nga anaa nahitala diha sa bibliya diin wala kini sunda sa atong mga binag-o nga mga pamaagi kay lagi dili man nila makita ug mahikap ang linugdangan niini. Susama niadtong mga pariseo sa panahun ni Jesu Cristo diin nagpakabuta sila diha sa mga pagtulun-ang ug sa mga milagro nga gipakita ni Jesus kay para kanila walay anak ang Dios diin para kanila sila ang unang masayod ug sa ila magagikan ang mga milagro sa Dios ug magagikan sa mga katawhan nga anaa lamang sa ubos nga hut-ong sa katilingban.

Adunay bulok ang ilang mga pagtulun-an diin kun para kanila wa kay “class” nan dili na sila mosunod sa imong gisunod nga Ginoo ang ilang sundon kadto mga adunahan nga nagasimba sa Dios aron usab sila maha-om. Apan matod pa langyaw lamang kita niining kinabuhi-a diin atua sa laing kalibutan ang matuod natong kinabuhi diin sa higayon unya nga motalikod kita dinhi nan biyaan ta ang tanan, diin tapot lawas kitang natawo niining kalibutan tapot lawas usab kitang mobiya dinhi, nan unsa man ang bahandi nga imong madala kun wala nimo ilha ang Ginoo diha sa nagpakabuhi ka pa dinhi sa kalibutan nan dili kausab unya ilhon sa Dios inig-abot na sa adlaw sa panudya.

Ang Sambingay Mahitungod Sa Toril Sa Mga Karnero

JUAN 10: 1~ 6

10 • 1 Sa pagkatinuod sultihan tamo, ang dili moagi sa pultahan inigsulod sa toril sa mga karnero ug mokatkat sa laing agianan, tulisan ug kawatan. 2 Ang magbalantay sa mga karnero moagi sa pultahan. 3 Ablihan siya sa portero ug maminaw ang mga karnero sa iyang tingog. Tawgon niya ang mga karnero sa ngalan ug pagawson. 4 Kon nadala na niya ang iyaha, mag-una siya ug mosunod ang mga karnero, kay nakaila man sila sa iyang tingog. 5 Dili ni mosunod sa dumuduong, modagan hinuon, kay wala man mailhi ang tingog sa dumuduong.” 6 Gigamit ni Jesus kining sambingaya, apan wala sila makasabot sa iyang gisulti

PAGPAAMBIT SA MENSAHE:

Ang maong ebanghelyo naghisgot sa mga toril sa karnero isip usa ka sambingay apan sa ubang sinulat nagpasabot kini kang Jesus nga mao ang toril , ang pultahan ug ang magbalantay sa karnero diin kitang tanan nga mitoo ug nagadayeg kaniya mao ang mga karnero. Kay matod pa walay mahiabot sa amahan kung dili magaagi kang Jesu Cristo nga mao ang bugtong anak, kay si Jesus mao ang sinugdanan ug mao ang kataposan. Usa ka dakong milagro diin kita nga mga binuhat ug mga makasasala gitagaan ug higayon sa paglinis sa atong kaugalingon , sa paghatag kanato ug panahun pinaagi sa pagduol ni Jesu kanato, diin matod pa sa ubang sinulat, si Jesus mianhi sa yuta dili aron pagsilot kanato sa atong mga kasal-anan kun dili mianhi siya aron sa pagluwas kanato diha sa mga kasal-anan.

Nagsilbi siya nga maoy gabay , nga maoy sumbananan diha sa iyang pagpakabuhi dinhi sa yuta kay matod pa diha sa Philipos 8: 5~11, bisan siya Dios apan wala niya ipamugos ang iyang pagkaDios, hinunu-a nagpakaubos siya diin mitipon siya sa mga pobre ug mga tinamay sa katilingban aron mapakita ang sumbanan, nga para sa Dios mapobre ka ug madato, basta nagbaton ka sa putli ug tim-os nga kasing-ksing diha sa kanunay nga pagsunod mo sa iyang kabubut-on nan kanunay kang makadawat sa iyang panalangin.

Gusto usab nga makita sa mga katawhan nga ang pag-antos ug pagdawat sa mga kasakitan dinhi sa yuta ug ang pagpuyo ubos sa kabubut-on sa Dios luyo diha sa mga paglutos ug pagtamay, usa ka dungganan ug Diosnaon nga pamaagi, kay diha sa Mateo 17:24~25, nagaingon kun gusto nato nga mahimong tinun-an ni Jesus nan kalimti ang imong kinabuhi, pas-ana ang imong krus ug sunod sa mga pagtulun-an ni Jesus.

Ang Kaalam Sa Dios

1 CORINTO 2: 6 ~ 16

• 6 Alang sa hingkod na sa pagtoo, nagsulti mig kaalam. Dili ang kaalam nga naggikan ining kalibotana, ni sa mga pangulo nga nangahanaw. 7 Nagtudlo mi sa misteryo ug sikretong laraw sa diyosnong kaalam nga gitakda sa Diyos gikan sa sinugdan alang sa atong himaya.

8 Wala ni mahibaloi sa kadagkoan ining kalibotana. Kon nasayod pa sila, wala unta ilansang sa krus ang Ginoo sa himaya. 9 Apan sumala sa nasulat: Ang mata wala makakita, ni ang dalunggan makadungog ni makasulod sa kasingkasing sa tawo ang mga butang nga giandam sa Diyos alang sa nahigugma niya. 10 Gipadayag ni sa Diyos pinaagi sa espiritu. Kay gisusi sa espiritu ang tanan, apil ang lawom nga mga butang sa Diyos.

11 Kinsay mas nasayod sa mga butang nga naa sa tawo kay sa espiritu nga naa niya? Busa, sa mga sikreto sa Diyos walay laing nasayod gawas sa Espiritu sa Diyos. 12 Ug nakadawat ta dili sa espiritu sa kalibotan kondili, sa Espiritu nga gikan sa Diyos. Sa ingon, makasabot ta sa gihatag sa Diyos kanato sa kaugalingong kabubut-on.

13 Kini ang among gipamulong, dili sa mga pulong nga gitudlo sa kaalam sa tawo kondili, sa gitudlo sa Espiritu Santo. Gitandi ang mga butang nga espirituhanon sa espirituhanon. 14 Wala dawata sa tawo nga yutan-on ang mga butang sa espiritu sa Diyos; binuang ni alang niya ug dili nato masabtan, kay matugkad lang sa espirituhanong paagi. 15 Ang espirituhanon naghukom sa tanang butang ug dili hukman ni bisag kinsa. 16 Kinsa ba ang nasayod sa hunahuna sa Ginoo aron ikatudlo? Hinuon, atong gihuptan ang hunahuna ni Cristo.


PAGPAAMBIT SA MENSAHE:

Ang maong mensahe nagpadayag diha sa pagtukib sa kaalam sa Dios diin ginaingon diha sa ubang mga sinulat nga walay tawo nga gitugotan sa Dios sa pagtukib sa iyang kabubut-on, ingon man ang kaalam nga gihatag sa Dios ngadto sa iyang mga sumosunod mao ang kaalam nga langitnon diin dili ang tanan tawo ang makasabot ug makatukib niini.

1 Corinto 1:28 nagaingon gipili sa Dios ang mga tinamay ug mga sinalikway , kadtong mga tawo nga nagpaka ubos sa ilang kaugalingon diha sa atubangan sa Dios aron ipakita ang walay pulos ang mga tawhanon nga kaalam ug kinaadman diha sa atubangan sa Dios.

Usa kini ka pagpasabot nga ang tanan nga kaalam sa tawo iya sa Dios kay matod pa bisan ang garas o kiras sa atong lawas magaagad sa kabubut-on sa Dios. Ang mga katawhan sa Dios gipili ug gitawag ng daan sa didto pa kini sa tago-angkan sa ilang inahan. Sa ato pa ang maong kaalam mahatod sa Dios kanatong iyang mga pinili pinaagi sa mga pag-ampo ug mga paghalad.

Usa kini ka tinago nga kamatuoran diin ang maong mga kaalam wala mahatag niadtong mga dagkong ranggo ug mga mabuot nga panggobyerno niadtong mga panahuna kay matod pa kun nahibalo pa sila nan wala unta nila malansang ang atong Dios. Usa kini ka kamatuoran nga nagpasabot nga ang kaalam nga langitnon giisip nga binuang sa mga mabuot nga mga katawhan apan ang kaalam nga tawhanon maoy ilang giisip nga importante dinhi sa kalibutan apan walay pulos ug walay gamit didto sa gingharian sa Dios.

Ang Mensahe Sa Dios Pinaagi Sa Iyang Anak

HEBREO 1: 1~3

1 • 1 Bisag dili kompleto, nagsulti ang Diyos kaniadto sa atong kati­gulangan pinaagi sa mga propeta ug sa nagka­lain­laing paagi. 2 Apan karon, tino kaayo nga nakigsulti siya nato pi­na­agi sa iyang Anak. Bugtong siyang Diyos, ang gitud­long manunod sa tanang butang. Pi­na­a­gi niya gihulagway ang tanang na­wong sa kalibotan. 3 Bidlisiw siya sa Himaya sa Diyos ug ang nagdala sa larawan niyang ti­­nago. Busa, ang gamhanan niyang pulong nag­­­sapwang sa kalibotan. Hu­man wag­­­­­tanga ang sala, mi­lingkod siya sa tuo sa halangdong Diyos sa kahitas-an.

PAGPAAMBIT SA MENSAHE:

Ang maong mensahe naghisgot diha sa mga pagtulun-an sa Dios niadto pang atong mga katigulangan, diin ginaingon nga ang Dios walay dagway diin nakigsulti siya sa iyang mag tinawag pinaagi diha sa sampinit nga nagkalayo. Pinaagi kang Jesus Cristo nahimong adunay panagway ang ginoo diin siya usab ang nahimo tigpatunga tali sa tawo ug sa Dios Amahan. Dios nga matuod ug nagpakatawo tungod sa tahas sa Dios Amahan kaniya nga mao ang pagpasabot sa mga kasugoa-an sa Dios Amahan diin usa na niini mao ang napulo ka sugo nga gisangyaw ni Moises diin ang napulo mamahimo lamang duha ug mao ang Paghigugma sa Dios lalbaw sa tanan ug ang paghigugma sa atong isigkaingon sama sa paghigugma sa atong kaugalingon.

Diin diha sa paghiabot ni Jesu Cristo nang tanang butang dinhi sa ibabaw ug sa ilalom sa yuta nakadawat sa iyang panalangin, nga sa ato pa walay hugaw diha sa mga pagkaon o sa mga butang dinhi sa kalibutan kay kining tanaan niabot pinaagi sa panalangin sa Dios. Kun duna man ugaling hugaw kana mao lamang ang mogawas diha sa baba sa tawo kay matod pa sa bag-ong kasulatan ang tawo mintras nagkinabuhi pa niining kalibutan makasala gayud pinaagi sa huna-huna sa pulong ug sa buhat.

Sa ato pang kasugo -an sa Dios Amahan giyagyag o gpasabot ni Jesus nga matukib lamang sa usa ka pulong, ang gugma, diin mao kini ang hinungdan nga nagpasakit si Jesus diha sa krus kay aron lamang malukat kita diha sa atong pagpakasala, nga sa ato pa ang gitudlo nga pagtulon-an ni Jesus mao ang gugma pinaagi sa pagsakrpisyo aron masabtan sab sa mag katawhan ang pagpakatawo dinhi sa kalibutan gikinahanglan gyud ang paghatag ug panahun diha sa espirituhanon nga pagtulun-an , diin tagaan ug higayon ang mga pag-ampo ug pagpasakit nga maoy atong mahimong kumunikasyon ngadto sa Dios Amahan.

Ang labing tulokibon sa tanan diha sa pagpakabuhi ni Jesus dinhi sa kalibutan gipakatam-is niya ang mahitipon sa mga kabos ug mga tinamay, kay mao kini ang kabubut-on sa Dios diin bulahan ang katawhan nga nagpakaubos dinhi sa yuta kay ipataas ug ibayaw didto sa iyang gingharian, kay ang kabos nga katilingban sa Dios walay bahandi nga tawhanon apan hupong sa bahandi nga espirituhanon diha sa mga pag-ampo ug mga pagsakripsyo, diin nagpakabuhi ug nasunod kanunay sa kasugo-an sa Dios. Usa kini ka pagtulun-an nga nagpadayag nga diha diay sa atong pagsakripisyo diha sa mga paglutos ug sa pagdawat sa mga pagbiay-biay inubanan sa kanunay nga mga pag-ampo wala kita magpadaug-daug, kundili atong gidawat ug gipahari si Jesus sa atong kasing-kasing.

Nagsaad Ang Ginoo Nga Mobalik Siya

PEDRO 3:1~18

3 • 1 Mga minahal, ikaduha ning sulat alang ninyo. Sa duha, pareho ang akong tuyo: ang pagpahinumdom sa maayong pagtulon-an. 2 Ayawg kalimot sa mga pulong sa balaang mga propeta, sa pagtulon-an sa atong Ginoo ug Manluluwas, ingon man sa nabati ninyo sa mga apostol. 3 Una sa tanan, hinumdomi nga sa kataposang mga adlaw ang tigbiaybiay magpakita. Ang pagbiaybiay nila nagsilbi sa daotang tinguha. 4 Miingon sila: “Unsay nahitabo sa gisaad nga pag-abot? Sukad nga nangamatay ang atong ginikanan, ang tanang butang nagpadayon sama kaniadto, sa pagbuhat pa sa kalibotan.”

5 Sa pagkatinuod, wala nila dawata nga sa sinugdan unang gibuhat ang kalangitan. Ang yuta migawas sa tubig. Gihatagan nig porma sa Pulong sa Diyos. 6 Sa samang Pulong sa Diyos, kining kalibotana nalaglag sa baha. 7 Sa maong paagi, ang Pulong sa Diyos nag-amping sa langit ug yuta nga nia karon, apan unya, sunogon sa kalayo. Gitipigan ni alang sa Adlaw sa Hukom kanus-a ang wala motoo sa Diyos dugmokon. 8 Mga igsoon, ayawg kalimot, nga uban sa Ginoo, ang usa ka adlaw sama ra sa usa ka libo ka tuig ug ang usa ka libo ka tuig sama ra sa usa ka adlaw. 9 Ang Ginoo dili maglangan sa pagtuman sa saad, bisag maghisgot ang uban og kalangan. Busa, gihatagan mog panahon, kay dili siya buot nga may mawagtang. Hinunoa, nga ang tanan makakab-ot sa kausaban. 10 Ang Adlaw sa Ginoo moabot sama sa kawatan. Unya, ang kalangitan matunaw uban sa tumang kagahob. Tunawon sa kalayo ang tanan. Ang yuta ug ang naa ini maugdaw.

11 Kay mahanaw man ang tanang butang, kinahanglan nga balaan ug makidiyosnon ang inyong pagkinabuhi, 12 samtang nagpaabot mo sa Adlaw sa Diyos ug nangandoy sa iyang pagbalik. Sa maong adlaw tunawon ang langit sa kalayo ug matunaw ang naa sa kalibotan tungod sa kainit. 13 Magpaabot ta sa bag-ong langit ug sa bag-ong yuta diin magmando ang hustisya sumala sa gisaad sa Diyos. 14 Busa, pinangga kong mga igsoon, samtang naghulat mong mapaaboton, paningkamoti nga makita mo sa Diyos nga walay mansa o sayop, nagpuyo sa kalinaw.

15 Isipa nga ang pailob sa Diyos alang sa atong kaluwasan, sumala sa gisulat sa hinigugma tang igsoon nga si Pablo sa kaalam nga gihatag kaniya. 16 Gihisgotan kining mga butanga sa tanan niyang sulat. May pipila hinuon ka punto nga lisod sabton. Ang mga ignoranti ug dili hingkod sa pagtoo, motuis ini sama sa gibuhat nila sa ubang kasulatan. Kini ra sab ang nagdalag kapildihan.
17 Busa, mga minahal, sanglit daan na mong gipasidan-an, pagbantay. Basig ang nahisalaag manglimbong ninyo. Daldalon mo aron masukamod, ug sa kataposan, mapukan. 18 Tubo sa grasya ug kahibalo sa atong Ginoo ug Manluluwas, si Cristo Jesus: Kaniya ang himaya, karon ug hangtod sa adlaw nga walay kataposan. Amen.

PAGPAAMBIT SA MENSAHE:

Ang maong ebanghelyo nagpasabot diha sa pagbalik sa Ginoo diin giingon sa ubang sinulat nga kun giunsa ni Jesus pagbayaw ngadto sa kahitas-an nan mao usab unya ang iyang pagkanaog dinhi sa yuta diin maabli ang langit ug ihatod siya sa mga manulunda diin nanag-awit sa pagdayeg sa Dios. Apan daghan ang nangutana kun kanus-a kini mahitabo diin ang uban nagsagol ug bugal-bugal nga nagaingon nangamatay na lang ang ilang mga katigulangan apan wala pa gayud mahitabo nga nibalik ang Dios. Atong mahinumduman diha sa unang mga sinulat sa balaang kasulatan diin misaad ang Dios Amahan kang Abraham nga hatagan siya ug yuta diin didto niya tipoka ang iyang mga katawhan ug mga kaliwatan ug diin siya mamahimong Amahan sa daghan mga nasod, diin nahitabo gayud kini sebo usab sa kabubut-on sa Dios kay diha sa kaliwatan ni Abraham nagsumikad ang kaliwatan ni Jesu-Cristo diha sa iyang pagkatawo ug diin nahitabo kini diha sa mga libo-an na katuig gikan sa pagsaad sa Dios, nga sa ato pa ang Dios adunay kaugalingon nga orasan diha sa pagbuhat sa iyang kabubut-on ug diin matod pa diha sa 2 Pedro 3: 16, ang usa ka libo ka tuig daw sama lamang sa usa ka adlaw sa Ginoo ug ang usa ka adlaw sama usab sa usa ka libo ka tuig. Nagpasabot lamangmga igsoon nga adunay kaugalingon nga orasan ang Ginoo sam kanat nag nag-ulohan nga “ In his time” nga sa ato pa sebo gayud as iyang kabubut-on, diin siya lamang ang nahibalo sa tanan, ug diin waaly tawo dinhi sa ibabaw sa kalibutan nga iynag gitugotan sa pagtugkad sa iyang kabubut-on.

Sa ato pa ang pagbalik sa Ginoo walay gayuy oras nga iyang gitagal diin bisan sa dinhi pa si Jesu Cristo sa kalibutan iya na kini nga gibutyag sumala sa nahitala diha sa balaang kasulatan nga sa iyang pagbalik pohon diin sama sa usa ka kawatan diin walay gihatag nga oras kun alas dose ba sa udto o alas dose ba sa tungang gabii, diin wala na unya kitay panahun sa pag-ilis o sa pagpauli sa balay.

Daghan ang mga milagro nga gipakita sa Dios pinaagi sa iyang mga gipangtahasan diin iyang gipasangyaw ang umaabot nga paghukom diin ipakita ang timailhan sa dili pa siya moabot diin usa na niini sa mag milagro mao ang nabantog nga milagroa sa birhen sa Fatima didto sa Portugal niadtong May 13, 1917, diin mipakita ang mahal nga bierhen sa tulo ka gagnmay nga mga bata nga magbalantay sa karnero, sila mao si Lucia Santos, Jacinta Santos ug si Francisco Marto. Diin didto ang maong mensahe gibilin sa mahal nga birhen sa tulo ka bata nga sa dili pa moabot ang kataposang paghukom daghan ang mag katalagman ug mga kamatayon sa mga dagkong tawo sa gobyerno, ug diin moabot gayod ang gisaad sa balaang kasulatan nga maoy gusto sa amahan ang ang iyang katawhan magasimba sa usa lang ka pagtulun-an ang pagtulun-an sa tinago nga kamatuoran.

Usa kini ka giya diha sa nahitala sa balaang kasulatan nga nagpamatuod nga haduol na ang pagbalik sa Dios diin ang birhen Maria sa Fatima naga-awhag sa pagsantos rosaryo gayud sa matag adlaw aron pinaagi sa hinay-hinay nga pag-ampo adunay katumanan ang tanan. Diha sa mga pag-ampo mao lamang ang pagpasabot ug paghangyo sa Dios Amahan nga dili mahiapil ug silhig ang mga tawo nga iyang pinili ug tinawag. Apan lagi ang tanan iyang pagbuot sa Amahan diin diha unya sa kataposang paghukom kita pagahukman sebo sa atong binuhatan ug bulahan ang nagatuman diha sa espirituhanon nga pagpakaon sa kalag pinaagi sa mga pag-ampo kay mao man unya kini ang atong mapakita diha sa Dios Amahan.

Mga Sulogoon Sa Dios

1 COR 3:1~16

3 • 1 Apan mga igsoon, wala tamo ikahinabi isip mga tawong espirituhaon kondili, nga lawasnon, mga masuso diha ni Cristo. 2 Gatas ang akong gipainom ninyo, dili gahing pagkaon, kay dili pa mo makasugakod hangtod karon. Bisan gani karon, dili mo makahimo, 3 kay yutan-on ug naglakat gihapon mo sama sa mga ordinaryong tawo. 4 Samtang may nag-ingon: “Kang Pablo ko,” ug, “Kang Apolo ko,” dili ba mga yutan-on mo? 5 Kinsa diay si Apolo? Ug si Pablo? Mga alagad sila. Pinaagi nila mitoo mo sumala sa gian- dam sa Ginoo alang sa usag usa. 6 Akoy nagtanom, si Apolo ang nagbisibis, ug ang Diyos ang nagpatubo. 7 Dili importanti kinsay nagtanom o nagbisibis kondili, ang Diyos nga nagpatubo
.
8 Parehog tumong ang nagtanom ug ang nagbisibis; gantihan ang matag usa pinasikad sa iyang kabudlay. 9 Mga mamumuo ta uban sa Diyos, apan uma mo sa Diyos ug balay niya. 10 Sa grasya sa Diyos nga gitugyan kanako daw maalamon nga magtutukod, akoy nagbutang sa sukaranan. Lain ang motukod. Mag-amping lang ang matag usa kon unsaon pagtukod. 11 Dili makahimo pagbutang ang usa ka tawo sa laing sukaranan gawas sa gikabutang na, si JesuCristo. 12 Apan sa pagtukod sa maong sukaranan, may mogamit og bulawan, plata, mahalong mga bato, kahoy, dagami o uhot. 13 Ipakita ang kalidad sa binuhatan sa matag usa sa adlaw sa pagbutyag ini. Kay ipadayag ni sa kalayo ug sulayan ang matang sa binuhatan sa tawo. 14 Kon molungtad ang gibuhat sa nagtukod, gantihan siya. 15 Kon matun-as, mag-antos siya sa kadaot. Maluwas man tuod siya, apan pinaagi lang sa kalayo.

• 16 Wala ba mo masayod nga mga templo mo sa Diyos ug napuyo ninyo ang espiritu sa Diyos? 17 Ang moguba sa templo sa Diyos, gub-on sab sa Diyos. Balaan ang templo sa Diyos ug iya mong mga templo. 18 Wala untay manglimbong sa kaugalingon. Kon may usa ninyo nga magpakamaalamon ining kalibotana, magpakabuang siya aron mamaalamon. 19 Kay ang kaalam ining kalibotana giisip sa Diyos nga kabuang. Sa pagkatinuod, nasulat: Makuha sa Diyos ang maalamon sa kaugalingong kaalam. 20 Sa laing bahin nasulat sab: Nasayod ang Ginoo sa mga hunahuna sa maalamon, walay kapuslanan ang tanan. 21 Busa, ayawg ipasigarbo si bisag kinsa; kay inyoha ang tanang butang 22 bisan si Pablo o si Apolo o si Kefas o ang karon ug ugma. 23 Inyoha ang tanan, ug iya mo ni Cristo, ug si Cristo iya sa Diyos.

PAGPAAMBIT SA MENSAHE:

Ang maong ebanghelyo naghisgot diha sa mga tulomanon diha sa pagsunod sa mga pagtulon-an ni Jesu- Cristo, diin ang iyang mga pinili nga mga apostoles maisogon nga nagsangyaw pulong sa Dios luyo sa mga pagsulay ug mga paglutos nga nasinati. Diin ang maong mga apostoles sa kanunay nagasangyaw sa mga pulong sa Dios ginamit ang mga pulong nga dali masabtan kay matod pa ang pagtukib sa pulong sa Dios wala magasumikad diha sa kaalam sa tawo kundili sa kaalam sa espiritu santo o langitnon nga kaalam.

:

Kay matod pa diha sa ubang sinulat gipili sa Dios ang mga tinamay ug mga sinalikway, aron ikapakita ngadto sa mga may kaalam ug mga may tawhanon nga kinaadman nga walay pulos ug walay gamit ang mga tawhanon nga kaalam dito sa gingharian sa langit, diin ang bililhon dinhi yuta walay bili didto sa gingharian sa Dios , apan ang giisip nga wala bili dinhi sa yuta nga mao ang mga espirituhanong pagtulun-an maoy bililhon didto sa gingharian sa Dios. Gituyo kini sa Ginoo aron ipakita nga walay angay ipasigarbo diha sa atubangan sa Dios, ilabina ang mga tawhanon nga kaalam ug kinaadman, kay kun adunay may angay ikapasigarbo, kana mao lamang ang mga milagro sa Dios diha sa atong tagsa-tagsa ka kinabuhi.

Importante ug balaan ang matag tawo sumala sa 1 Corinto 3:16. diin nagaingon nga ang lawas sa tawo, maoy templo sa Dios ug ang magalaglag sa templo sa Dios nga mao ang atong lawas iya sad nga pagalaglagon, sa ato pa mga igsoon matag tawo ana-a ang Dios sa iyang lawas ug kun imong gilutos ug gipasakitan ang imong isigkatawo nan sama ra nga imo usab nga gilutos ang Dios nga anaa nagpuyo nianang tawhana. Angayan lamang nga atong respetuhan ug mahalon ang atong isigkatawo kay aron makasubay kita sa kabubut-on sa Dios, diin mao man kini ang nagalangkob sa kasugo-an sa Dios ang paghigugma sa usag-usa.

Salamat Sa Gasa

FILIPOS 4 : 10~20

10 Naglipay ko diha sa Diyos tungod sa inyong pagpakabana nako. Tinuod nga nagpakabana mo kaniadto, apan walay higayon pagpakita ini. 11 Wala ko mag-ingon ini tungod sa panginahanglan. Nakat-on ko pagpakabuhi sa bisag unsa nga naa nako. 12 Nasayod kog unsa ang pagpanginahanglan ug ang pagkahupong sa tanan. Nasayod kog unsa ang kagutom ug kabusog; ang kabuhong ug kanihit. 13 Mabuhat unta nako ang tanan diha niya nga naglig-on nako. 14 Hinuon, husto sab ang inyong gibuhat sa pag-ambit sa akong mga pagsulay. 15 Kamong taga Filipos, hinumdomi nga sa sinugdan, sa una tang pagsangyaw sa Ebanghelyo, human ko mobiya sa Macedonia, kamo ray mitabang nako. 16 Sa didto pa ko sa Tesalonica, kaduha ko ninyo padad-i sa akong gikinahanglan.

17 Dili ang inyong gasa ang akong gipakabililhon, kondili ang nagdugang nga kaikag sa inyong bahin alang nako. 18 Karon, duna na koy igo alang nako ug labaw pa gani, uban sa tanang gidala ni Epafrodito sa inyong ngalan. Ako ning gidawat sama sa “Humot nga mga gasa nga makapahimuot sa Diyos.” 19 Ang Diyos mismo magpaangay ninyo sa tanang gikinahanglan, sumala sa iyang bahandi ug magpakita sa kamanggihatagon niya diha ni JesuCristo. 20 Himaya sa Diyos, atong Amahan, hangtod sa kahangtoran. Amen.


PAGPAAMBIT SA MENSAHE:

Ang maong ebanghelyo naghisgot diha sa mga gimbuhaton diha sa espirituhanon nga pagtulun-an diin ginaingon nga dili tawo maoy nagasugo niadtong unang mga apostoles ,diha sa ilang pagsangyaw sa mga kasugo-an sa Dios. Diin diha sa mga kalisod ug kahagip-ot sa ilang kalibutan tungod sa mga paglutos apan anaa ang kalu-ag diha sa ilang huna-huna ug kasing-kasing kay ang espiru santo sa Dios mao man ang nanalangin kanila. Diin gianingon diha a bang sinulat nga diah sa kanunay ug hinay-hinay nga mga pag-ampo ang Dios nagauban kanunay u gang imposible mamahimong posible.

Diin diha sa maong ebanghelyo nakaingon si Pablo nga salamat sa mga gasa, diin makapangutana kita kun unsa man kini nga mga gasa, diin diha sa mga materyal nga gasa, ginaingon nga ang katawhan sa Dios makama-o nga mopaha-om diha sa unsa may anaa laman iha sa panudlanan, ug diha sa mga espirituhanon nga mga gasa, mao kini ang mga gasa nga gisaad sa espiritu santo diin giingon diha sa balaang kasulatan nga usa ra ang espiritu santo ug usa ra ang Dios

:
Diin diha sa pag-apod-apod niya sa mga gasa sa iyang tinawag lain-lain ang mga gasa nga iyang gihatag sa matag tawo, diin adunay nahimong, pastor, nahimong batid sa balaang kasulatan ug ang uban nahimong maayo diha sa ilang paghapyod ug sa pagtambal diha sa ilang isigkaingon, diin nagpasabot nga mga gasa nga langitnon gihatag kini sa Dios sa walay pagbawi, diin bisan kun abton ka na ug pagpahulay sa mga gasa ug dili mo na kini gamiton magpabilin kini diha sa imong kasing-kasing, kay ang Dios nagahatag sa mga langitnong gasa sa wala nay pagbawi niini, diha sa imong pagsakripisyo ug pagtuman sa mga tahas nga gisugo sa Dios maoy kalambo-an usab diha

Pagdagan Paingon Sa Dag-anan

FILIPOS 3:12~04

12 Wala ko motoo nga nakab-ot ko na ang tumong, ni hingpit kong nakita ang kaugalingon nga hingpit. Apan mipadayon ko hangtod nga akong naangkon si JesuCristo, kay gipangita ko niya. 13 Dili, mga igsoon, wala ko mag-ingon nga nakab-ot ko na ang akong tumong. Mao ra ni ang akong isulti: Sa pagkalimot sa nangagi, midagan ko ug miatubang sa akong tumong. 14 Ang akong mata naa na sa ganti, alang sa unsa gitawag ta sa Diyos gikan sa kahitas-an diha ni JesuCristo. 15 Himoa nga kitang tanan nga nag-ingon nga hingpit siya dunay samang pamaagi sa panghunahuna. Apan kon dunay butang sa unsa nalahi mo, hinaot nga mopatin-aw ini ang Diyos.
16 Sa pagkakaron, ampingan ta ang atong nakab-ot. 17 Paghiusa mo sa pagsuon nako, mga igsoon, ug tan-awa ang nagsubay sa dalan nato sa kinabuhi. 18 Kay daghan ang nabuhi isip kaaway sa Krus ni Cristo. Kadaghan na ko makasulti ini. Karon balikon ko pagsulti uban sa mga luha: 19 Nagpaingon sila sa katumpagan. Ilang dios ang ilang tiyan ug mibati silag garbo nga angayang ikaulaw. Ang ilang gihunahuna mao ra ang mga butang nga kalibotanon. 20 Alang nato, ang atong pagkalumad tua sa langit, ug gikan didto hulaton nato ang pag-abot sa atong Manunubos, si JesuCristo, ang Ginoo. 21 Usbon niya ang atong lawas, hinimo nga sama niya, sanag tungod sa himaya, pinaagi sa iyang gahom nga nagbuntog sa tanan alang niya.

PAGPAAMBIT SA MENSAHE:

Ang maong ebanghelyo nagpasabot diha sa atong pagsunod sa pagtulun-an ni Jesus diin maoy gihimong taming diha sa mga kalisod ug kapit-os sa kinabuhi diin diha sa kanunay ug hinay-hinay nga mga pag-ampo ang imposible mahimong posible. Matod pa diha sa buhing pulong sa Dios Amahan miingon siya ayaw tan-awa ang imong isigkatawo, siguro-a ang imong kaluwasan, kay unsaon man tuod nato pagdaug batok diha sa mga kadautan ug sa mga tentasyon sa kinabuhi kun dili nato kini ibutang diha sa atong panumduman, diin maoy atong tagaan ug bili ang isulti sa atong isigkatawo diha sa pagtulun-an nga atong gibarugan, unsaon man diay tuod nato pagtukib sa gahum sa espiritu santo kun atong tagaan ug bili ang mga tentasyon diha sa palibot.

Matod pa diha sa mga tinawhanon nga mga pagtulun-an ang imong higpit nga kaaway mao ra usab ang imong kaugalingon diin usahay gamhan kita sa pagduha-duha ug mga negatibo nga pagpanlataw sa kinabuhi nga espirituhanon, apan bulahan nga makadungog diha sa mga buhing pulong sa Dios diin mapangandaman nato ang mga pagsulay nga tali-abot, pinaagi diha sa mga paghalad ug mga pag-ampo. Mao kini ang usa sa gipasabot ni Jesu Cristo diha sa pagpakabuhi niya dinhi sa kalibutan, diin ang tawo samtang buhi pa makasala gayud pinaagi lamang sa iyang mga pulong , pinaagi sa iyang huna-huna ug sa buhat.

Tanan kita langyaw lamang niining kinabuhi-a diin adunay pay kinabuhi human sa tawhanon nga pagkinabuhi, daghan ang wala makapangandam, ug daghan ang wala masayod kun kinsa ba diay ang ilang gisimba, diin inig-abot nato sa lain kinabuhi, nagpasabot kini sa pagpakabuhi nga bag-o ug ubos kana gayud sa mando sa espiritu santo, apan dili pa masiguro nga diha sa atong mga pag-amop sa nagkinabuhi pa kita, masiguro nato ang kaluwasan sa atong kalag, nan unsa na kaha ang mga tawo nga walay mga-pagmpo ug magapasidungog sa Dios, samot nga ang ilang kalag makabutang sa way siguro.

:

Usa kini ka kamatuoran nga angayan natong mapalandungan nga dili na kita maka administer sa atong kalag didto unya sa laing kalibutan, tinuod nga mahibalo pa kita sa nangagi pero wala na kita kapas sa pag administer sa atong kalag, diin dako ug katabang ang mga pag-ampo diha sa atong mga paryente ug mga kaban sa pagtulun-an para sa kaluwasan sa atong kalag. Usa kini ka kamatuoran nga ang atong kaluwasan ngadto sa kinabuhing dayun usa kini ka gasa nga langitnon, aron sa ingon walay makapasigarbo diha sa atubangan sa Dios nga siya maluwas tungod sa iyang maayong buhat kundili kita maluwas pinaagi sa gugma ug gasa gikan sa Dios Amahan.

Kinabuhi Nga Minando-an Sa Espiritu

ROMA 8: 1~17

8 • 1 Wala nay dakong panagsungi alang sa nagpuyo diha ni JesuCristo, 2 kay diha niya ang Balaod sa Espiritu sa kinabuhi nga nagluwas nako sa balaod sa sala ug kamatayon. 3 Walay epekto ang balaod, kay ang unod wala man mosanong. Unya, ang Diyos nga naglaraw pagpukan sa sala, mipadala sa kaugalingong Anak nga daw tawong makasasala aron pagbuntog sa sala ining tawhanong kahimtang. 4 Gikan adto, ang kahingpitan nga tumong sa Balaod matuman na diha nila nga naglakaw dili sa dalan sa unod kondili, sa Espiritu.

• 5 Ang naglakaw sumala sa unod hilig sa mga butang sa unod; ang gidumala sa espiritu hilig sa mga butang sa espiritu. 6 Ang unod nagpunting sa kamatayon; samtang ang espiritu, sa kinabuhi ug kalinaw. 7 Gitinguha sa unod ang supak sa Diyos, bisan gani sa balaod sa Diyos. 8 Busa, ang naglakaw sumala sa unod dili makapahimuot sa Diyos.
9 Apan dili mo ubos sa pagdumala sa unod kondili, sa espiritu kay ang Espiritu sa Diyos naa man ninyo. Kon wala pa, dili unta mo masakop ni Cristo.

10 Apan kon si Cristo naa ninyo, bisag ang lawas mamatay isip sangpotanan sa sala, ang espiritu magpabiling buhi kay grasya man ni sa Diyos. 11 Kon ang Espiritu sa mibanhaw ni Cristo sa minatay naa ninyo, ang mibanhaw ni Cristo mobanhaw sab ninyo. Iya ning buhaton pinaagi sa iyang Espiritu nga nagpuyo diha ninyo. 12 Unya, mga igsoon, biyaan ta ang unod ug dili na magpuyo sumala ini. 13 Kon dili, mamatay ta. Hinuon, maglakaw ta sa Espiritu ug patyon ang mga buhat nga lawasnon aron mabuhi ta. 14 Ang naglakaw sa Espiritu sa Diyos, mga anak sa Diyos.

15 Mawala na ang kahadlok, kay wala man mo makadawat sa espiritu sa kaulipnan. Ang inyong nadawat mao ang Espiritu nga naghimo ninyo nga mga anak. Matag sangpit nato: “Abba, Amahan,” 16 ang Espiritu nagpasalig sa atong espiritu nga 17 mga anak ta, ug mga sumusunod. Maato ang kabilin sa Diyos nga paambitan nato ni Cristo; kay kon nag-antos ta karon uban niya, moambit sab ta sa Himaya uban niya.


PAGPAAMBIT SA MENSAHE:

Ang maong ebanghelyo nagpasabot diha sa pagsunod nato sa kinabuhi nga ubos sa landong sa espiritu sa Dos diin mao kini nga kinabuhi ang gusto nga ipasunod kanato sa espiritu sa Dios ug mao usab kini nga pagkinabuhi nga gisul-ob ni Jesus samtang nagpakatawo siya dinhi sa kalibutan diin mao kini ang pagkinabuhi nga puno sa pagpaubos, pagpasakit, pagdawat sa mag pagtamay ug pagdaug-daug, ug diin mao kini ang sumbanan diha sa pagsunod sa pagtulun-an ni Jesus diin ang mag kapaitan ug mga paglutos sa kinabuhi maoy gihimong inadlaw-adlaw nga ritual diha sa pagpakabuhi dinhi as kalibutan.

Mao kini ang kinabuhi nga gipadayag diha sa ubanag sinulat sa balaang kasulatan, sa Mateo 17: 24~25 nagaingon kun gusto nimong mahimong tinun-an ni Jesu Cristo nan kalimti ang imong kaugalingon, pas-ana ang imong krus ug sunod sa mga pagtulun-an ni Jesus , ug sa ubang sinulat nagaingon nga bulahan ka nga nakaambit diha sa mga kasakitan ni Jesus didto sa krus kay makaambit ka usab sa himaya sa iyang pagkabanhaw didto sa iyang gingharian sa langit. Nga sa ato pa bulahan ka igsoon nga nagapuyo dinhi sa kalibutan apan daw sama sa langyaw ang mga hiyas ug binuhatan diin maoy gitagaan ug luna ang mando sa espiritu santo sa Dios diin mao ang pagtuman sa iyang kabubut-on. Walay pulos ang pagkinabuhi ubos diha sa mga kailibgon diin anaa ang pagpatuyang, pagpalabi-labi ug pagbuhat sa mga salawayon nga binuhatan kay dayag gayud nga ayran ka sa gingharian saDios.

Bulahan gayud nga magpakabuhi kita nga anaa ang mga pagpasakit, pagdawat sa mga paglutos ug sa kanunay ug hinay-hinay nga mga pag-ampo diin mao man kini ang makatabang sa atong kalag, kay unsa man tuod ang pulos diha sa mga makabuhong nga mga materyal nga butang diin diha sa atong pagtaliwan niining kalibutana, biyaan ta man ang tanan, mas bulahan diay nga maoy atong tigumon ang mga espirituhanon nga bahandi diin mao kini masukip diha sa atong kasing-kasing sa panahun nga mahiadto na kita sa laing kalibutan. Apan kun ang imong bahandi ania lamang sa yuta nan dinhi ka ra usab kutob.

Ang balaang kasulatan nagaingon, unsa may arang sa tawo nga diha sa atong pag-abot dinhi sa kalibutan, wala man kitay dala, ug sa atong pagtalikod niining kalibutan biyaan ta man ang tanang kabulahanan sa tawhanon nga kinabuhi, diin matod pa usa kini ka pagtulun-an nga ang tawhanon nga bahandi dili maoy tubag diha sa kahimayaan sa imong kalag sa ginghariaan sa Dios. Ang balaang kasulatan diha sa1 Corinto 1: 28 nagaingon nga gipili sa Dios ang mga tinamay ug mga sinalikway aron sa ingon makita sa mga makinaadmanon ug mga maalamon dihi sa kalibutan nga ang ilang giisip nga imporatante dinhi sa yuta walay bili didto sa langit ug ang giisip nga walay pulos dinhi sa yuta maoy labing importante didto sa gingharian sa Dios. Usa ka pagmatuod nga ang kaalam diha sa espirituhanon nga kahibalo dili iya sa tawo kundili gasa nga hinatag sa kahitas-an.

Pagsimba Didto Sa Langit

GIPADAYAG 4: 1~11

1 Tapus niini, mitan-aw ako, ug ania karon, diha sa langit ang usa ka pultahan nga inablihan! Ug kadtong unang tingog nga akong nadungog nga misulti kanako nga daw huyop sa trumpeta, miingon kanako, "Saka ngari, ug ipakita ko kanimo ang kinahanglan magakahitabo tapus niini." 2Dihadiha nahisulod ako sa Espiritu, ug tan-awa, dihay usa ka trono sa langit, ug sa trono dihay naglingkod! 3Ug ang naglingkod niini may panagway nga morag mutya nga haspe ug cornalina, ug ang trono giliyukan sa usa ka balangaw nga morag bulok sa esmeralda.

4Ug ang trono gialirongan ug kaluhaag-upat ka mga trono, ug diha sa mga trono nanaglingkod ang kaluhaag-upat ka mga anciano nga sinul-obag mga maputi nga bisti, ug may mga purongpurong nga bulawan diha sa ilang mga ulo. 5Gikan sa trono anaay nanggula nga mga pangidlap sa kilat ug mga tingog ug mga linipak sa dalogdog, ug sa atubangan sa trono anaay nagadilaab nga pito ka sulo sa kalayo, nga mao ang pito ka espiritu sa Dios; 6ug sa atubangan sa trono anaay morag dagat nga bildo, daw kristal. 7ang nahaunang buhing binuhat daw leon, ang ikaduhang buhing binuhat daw baka nga toro, ang ikatulong buhing binuhat may nawong sa tawo, ug ang ikaupat nga buhing binuhat daw agila nga nagalupad.

8 Ug ang upat ka mga buhing binuhat, nga matag-usa niini may unom ka pako, nalukop sa mga mata ang tibuok libut ug sulod nila, ug sa maadlaw ug sa magabii wala silay hunong sa pag-awit nga nagaingon, Balaan, balaan, balaan, ang Ginoong Dios nga Makagagahum sa Tanan, nga mao ang sa kagahapon, ang sa karon, ug ang sa umalabut!" 9Ug sa diha nga ang mga buhing binuhat magahatag ug himaya ug pasidungog ug pasalamat ngadto kaniya nga nagalingkod sa trono, nga mao ang buhi hangtud sa kahangturan, 10ang kaluhaag-upat ka mga anciano mohapa sa atubangan niadtong nagalingkod sa trono ug managsimba kaniya nga mao ang buhi hangtud sa kahangturan; ug ang ilang mga purongpurong ipangitsa nila ngadto sa atubangan sa trono, dungan sa pag-awit nga magaingon, 11"Takus ikaw, O among Ginoo ug Dios, sa pagdawat sa himaya ug dungog ug gahum, kay ikaw mao man ang nagbuhat sa tanang butang, ug pinaagi sa imong pagbulot-an milungtad ug nangahimo sila."

PAGPAAMBIT SA MENSAHE:

Ang maong ebanghelyo nagtukib diha sa umaabot nga mga panghitabo diin gipakita kini kang Juan diha sa iyang panan-awon Diin atong masabot ang ang pagkapos sa kalibutan maoy sinugdanan sa bag-ong kinabuhi ubos sa landong sa espiritu santo. Kay matod pa diha unya sa maong pagtukod sa gingharian sa Dios didto sa langit tukoron niya ang bag-ong Jerusalem diin magalangkob kini sa mga tinawag ug pinili nga katawhan nga magalangkob sa 144,000 ka tawo. diin diha unya nianang panahuna walay tawo nga iyang tugtan sa pagsulod sa bag-on Jerusalem nga dili pinasikad sa iyang kabubut-on. Ug kadto lamang ang molahutay sa iyang mga pagsulay ang mahiabot didtong dapita

Usa kini pagtulun-an isip pagpadasig niadtong nagasunod sa pagtulun-an sa Dios diin mas maayo diay nga magpakabuhi kita nga langyaw niining kalibutana apan haom didto sa iyang gingharian sa langit kay sa magpakabui kita nga haom niining kalibutana diin anaa ang mga pagpatuyang sa tawhanong kailibgon ug mga bisyo apan ayran sa grasya sa kinabuhing dayun.

Angayan lamang mga igsoon nga puy-an ta ang kinabuhi nga kristuhanon niining panahuna, diin ani-a na kita misulod sa ikatulo nga siglo o 3000 ka tuig diin mao na kini ang gisaad sa balaang kasulatan diin hapit na mobalik ang Ginoo, diin dili nato matamdan kay lagi sama man unya siya sa kawatan ug dili mahibaw-an kun gabii o adlaw ba ang iyang pagbalik.

:

Diin ginaingon nga kun giunsa ni Jesu Cristo sa pagbayaw sa langit nan mao usab unya kana ang mahitabo sa iyang pagbalik dinhi sa yuta , diin maabli ang langit ug ihatod siya sa mga anghel nga nanag-awit sa pagdayeg kaniya apan bulahan ang mga buhi nga maluwas diha sa kinabuhing dayun sa pagbalik sa Dios diha sa kataposang paghukom kay mahiapil sa pagbayaw ang ilang tawhanon nga lawas ngadto sa langit. Angayan lamang nga atong simbahon ug hatagan panahun ang Dios samtang ania pa kita sa walog sa mga buhi diin mao unya kini ang mahimong yawe sa atong kalag inig-abot na niini sa ganghaan sa gingharian sa Dios

Si Jesus Didto Sa Pangilin Sa Payag

JUAN 7:10~24

10 Sa paglakaw na sa iyang mga igsoon padulong sa pangilin, si Jesus miadto sab sa hilom. 11 Gipangita siya sa mga Judio nga nangutana, “Hain siya?” 12 May daghan nga naghisgot niya. Ang uban miingon, “Maayo siyang tawo.” Mitubag sab ang uban, “Dili! Gilimbongan niya ang mga tawo.” 13 Apan tungod sa kahadlok nila sa mga Judio, wala sila makaakog sulti bahin niya sa dayag.

14 Sa natungatunga na ang kasaulogan sa Pangilin, miadto si Jesus sa templo ug nanudlo. 15 Nahibulong pag-ayo ang mga Judio ug miingon, Walay nagtudlo niya, apan nganong nakahibawo siya sa kasulatan? 16 Mitubag si Jesus, Dili akoa ang akong gitudlo kondili, sa nagpadala nako. 17 Ang nagsunod sa kabubut-on sa Diyos masayod kon ang akong pagtulon-an gikan ba sa Diyos o nagsulti ba ko sa kaugalingong gahom. 18 Ang nagsulti sa kaugalingong gahom buot mopasidungog sa kaugalingon. Ang nagtinguha pagpasidungog sa nagpadala niya matinud-anon, ug walay katarongan sa pagduda niya

PAGPAAMBIT SA MENSAHE:

Ang maong mensahe naghisgot diha sa mga misyon ug kahimuan ni Jesus diin siya kanunay nga gisunod-sunod sa mga Judio, aron pagadakpon o pagapasakitan. Usa kini ka pagtulun-an diha as mga sumosunod sa pagtulun-an ni Jesus diin iya gayud nga gipakita nga ang nagasunod sa dalan sa Dios makakita ug makasuhid gayud sa mga pagsulay diha sa ilang kaugalingon,

Mao gayud ang talamdan nga gusting ipaabot ni Jesus nga mismo sa iya nga Dios ug nagpakatawo, moagi gayud sa mga paglutos diin maoy kabubut-on sa Amahan, kay magaagi gayud sa alisod ang iyang mga katawhan nga magasunod sa iyang mga sumbanan, diin matod pa walay laing paagi nga mapanalanginan diha sa mga paglutos nga masinati , mao ra gayud ang pag-ampo diha sa santos nga rosaryo, kay matod pa diha sa hinay-hinay ug kanunay nga pag-ampo ang imposible mamahimong posible.

Usa kini ka panag-ingnan sa pagsunod sa kabubut-on sa Dios diin nagpasabot lamang nga malisod gayud ang pagsulod sa ginharian sa langit diin bakilid ug tunokon ug hagip-ot ang maong dalan, diin daghan kini bato, ug talagsa ra ang gaagi niini ug diyutay ra yab ang molahutay hangtod sa tumoy, diin kining mga dalana anaa ra kini dihi sa atong plaibot bisan diha sa pagtulin-an nga atong gibarugan diin anaa nang paglutos ug pagpasakit ug bisan diha sa komunidad nga atong gipuy-an anaa ang mga pagsulay ug pagbiay-biay.

Mao kini ang buhing kamatuoran diah as pulong sa Dios nga nagaingon kun gusto nimong himaya-on didto sa gingharian sa langit nan puy-I ang kinabuhi nag puno sa pagpaubos ug mga paglutos dinhi sa yuta ug pas-ang ang imong krus ug sunod kang Jesus. Diin bulahan ka nga nakaambit sa iyang mga kasakitan diha sa krus kay makaambit ka usab diha sa himaya sa iyang pagkabanhaw didto sa langit.

Si Diomefres Ug Si Demetrio

3 JUAN 1: 9~12

9 Nagsulat ko ini alang sa Simbahan. Apan si Diotrepes, ang nangandoyng mangulo, wala moila sa atong gahom. 10 Busa, inig-anha nako, pahinumdoman ko siya kanunay sa iyang mga lihok. Kay gipakaulawan ta niya sa daotang mga pulong. Dili kay kini lang. Dili siya modawat sa atong mga igsoon, gani pugngan niya ang buot modawat nila. Gipapahawa pa sila sa Simbahan.

11 Mahal kong higala, ayawg sunda ang daotan, apan ang maayo. Ang nagbuhat sa maayo iya sa Diyos. Ang nagbuhat sa daotan wala makaila sa Diyos. 12 Karon, bahin ni Demetrio: ang matag usa nagdayeg niya, bisan ang kamatuoran mismo. Gidayeg sab siya namo. Nahibawo ka nga kon morekomendar ta kang bisan kinsa ato ning gibuhat sumala sa kamatuoran.

PAGPAAMBIT SA MENSAHE:

Ang maong ebanghelyo naghisgot diha sa pag-alagad sa mga mabuot nga mga katawhan sa Dios niadtong panahuna diin sa matod karon ug unya anaa ang mga pagmaymay diha sa mga apostoles ngadto kanila aron sila makatugib gayud diha sa mga pagtulun-an nga gisangyaw ni Jesus. Sa kanunay anaa ang pagpadasig kanila aron makaamgo sila nga anaa buhi ang Dios nga atong gialagaran, diin dili malikayan nga kita magakaluya diha sa atong mga pagtuo sa kamatuoran tungod kay anaa sa mga paglutos ug mga kalisod nga naagian diin mao kana ang kabubut-on sa Dios nga ang nagasunod kaniya makasinati gayud diha sa mga paglutos aron makita ug masuta kun tinuoray ba ang atong pag-alagad ngadto sa Dios.

Diin diha sa atong mga pagsulay ug kalisod nga maagian diha kita malign-on sa atong pagsalig ug pagtuo sa Dios, diin bisan diha sa ubang sinulat sa balaang kaulatan nagpasabot kini nga malisod ang pagsulod didto ganghaan as ginghrian sa Dios diin tunokon kini , bakilid ug anaa ang mga paglutos ,pagpasakit ug mga kalisod sa pagpakabuhi, diin mao na kining dalana nga imong gisubay diha sa pag-atubang namo kang Jesus, matod pa ni Mateo sa 17: 24~25, Kung gusto kang mahimong tinun-an ni Jesus nan kalimti ang imong kinabuhi, pas-ana ang imong krus ug sunod sa mga pagtulon-an nga gisangyaw ni Jesus diin bulahan ka nga nawad-an ug kinabuhi diha sa pagsunod mo kaniya kay mahatagan ka ug dugang kinabuhi apan kun nagdumili ka sa pagsunod kaniya tungod sa kahadlok nga mawad-ag kinabuhi nan basin ug kawad-an ka hinoon niini

Awhag Sa Panaghiusa

EFESO 4:1~16

4 • 1 Busa, ako, ang piniriso ni Cristo, nagdapit nga puy-an ninyo ang tawag nga inyong nadawat. 2 Pagmapaubson pagbinuotan, mapailobon ug pagtinabangay sa usag usa diha sa gugma. 3 Buhata ang tanan aron magpabilin diha ninyo ang kahiusa sa Espiritu pinaagi sa mga bugkos sa kalinaw. 4 May usa lang unta ka lawas ug usa ka espiritu, kay dihang gitawag mo sa Diyos naghatag siya og usa ka Espiritu alang sa tanan. 5 Usa ka Ginoo, usa ka pagtoo, usa ka bunyag. 6 Usa ka Diyos, ang Amahan sa tanan nga labaw sa tanan ug nagtrabaho pinaagi sa tanan ug naa sa tanan.

7 Apan sa matag usa nato gihatag ang diyosnong grasya sumala sa gidak-on sa gasa ni Cristo. 8 Busa, ginaingon: Sa pagsaka niya sa kahitas-an nagdala siyag mga bihag ug naghatag sa iyang mga gasa sa katawhan. 9 Misaka siya. May kalabotan ni sa mikanaog pag-una sa mga minatay, sa ubos nga bahin sa kalibotan. 10 Siya mismo mikanaog unya, misaka ibabaw sa tanang kalangitan aron mapuno niya ang tanang butang. 11 Kabahin sa iyang mga gasa, gitugahan niya ang pipila sa pagkaapostol, ang uban sa pagkapropeta o ebanghelista, o pagkapastor ug magtutudlo. 12 Busa, giandam niya ang iyaha alang sa ministeryo. Sa ingon matukod ang Lawas ni Cristo 13 hangtod nga mahiusa tang tanan sa samang pagtoo ug kahibawo sa Anak sa Diyos. Hinunoa, mahimo tang hingpit nga tawo inigkahingkod ug inig-ambit nato sa kahingpitan ni Cristo

14 Dili na ta mahisama sa mga bata nga giitsaitsa sa bisag unsang balod o hangin sa pagtulun-an, giilad sa mga limbongan nga nagguyod nila sa kasaypanan. 15 Uban hinuon sa matinud-anong gugma, motubo ta sa tanang paagi ngadto ni Cristo nga mao ang ulo. 16 Gikan niya ang pagtubo sa tibuok lawas nga gidumala ug gilambigit pinaagi sa usa ka kutay sa mga lutahan. Ang matag usa nagtuman sa katungdanan sa matag usa aron ang lawas makatubo ug makapabarog sa kaugalingon diha sa gugma. Dili na ta mahisama sa mga bata

PAGPAAMBIT SA MENSAHE:

Ang maong ebanghelyo naghisgot diha sa pagbarog nato sa matuod nga iglisea sa kamatuoran diin ang maong mga mabuot nga mga apostoles niadtong panahuna mahiagom gayud sa mga paglutos diin sila gibilanggo tungod sa pagsunod sa pagtulon-an ng gisangyaw ni Jesus, diin mao kini ang kabahin sa pagsunod sa kabubut-on sa Dios ug ang pagsangyaw sa pagtulon-an ni Jesus kanunay gayud makaawat samga paglutos

Usa lamang kini ka pagpasabot ug pagmatuod diha sa ubang sinulat sa balaang kasulatan nga nagaingon (Mateo 17 : 24~25) Kun gusto kang mahimong tinun-an ni Jesus nan kalimti ang imong kinabuhi, pas-ana ang imong krus ug sunod sa pagtulon-an nga gisangyaw ni Jesus, kay bulahan ka nga mawad-an ug kinabuhi diha sa pagsunod mo sa kabubut-on sa Dios kay mahatagn ka ug dugang kinabuhi, apan ang katawhan nga nagadumili diha sa pagsunod sa kabubut-on sa Dios sa kahadlok nga mawad-ag kinabuhi nan basin ug kawad-an ka niini.

Ang matag tawo simbolo sa lawas ni Jesu-Cristo kay matod pa diha sa ubang sinulat si Jesu Cristo maoy ulo sa iglisea nga atong gibarugan ug kitang mga katawhan nga nagatoo sa pagtulun-an ni Jesus mao ang lawas sa iglisea diin kun asa ang ulo atoa usab ang lawas ug mao kini ang pagtulun-an nga gustong isangyaw ni Jesus ang pagpuyo diha sa kristuhanon nga pagtulun-an ng puno sa kalinaw ug panagdait pinaagi sa pagpaubos, pagdawat sa mga paglutos ug sa pagkamainampoon ug sa kanunay nga pagbuhat ug mga butang nga ikahimuot sa Dios.

Diha sa matag pamilya larawan kini sa usa ka gamay nga komunidad nga nagasunod kang Jesus diin ang amahan mao ang ulo ug ang asawa ug ang mga anak mao ang lawas, diin diha gayud magsumikad sa amahan ang maayong pagtulun-an nga maoy itudlo diha sa mga anak nan unsa man diay tuod ang itudlo sa mga anak ug sa asawa kung ang amahan wala makatukib diha sa pagtulun-an sa tinago nga kamatuoran din dili gani diay kini nahibalo manguros nan tulubagon kini niya ngadto sa Dios Amahan. Busa diha sa matag pamilya angayan gayud diay ang panaghiusa nga maoy unod niining maong ebanghelyo diin matod pa sa pulong sa Dios duha o tulo nga nagatapok sa akong ngalan ania ako nga nagauban kanila.

Ang Babaye Ug Ang Dragon

GIPADAYAG 12: 1~8

1 Ug sa kalangitan dihay nagpakita nga usa ka dakung tilimad-on, usa ka babaye nga nagbistig Adlaw. Ang Bulan diha ubos sa iyang mga tiil, ug sa iyang ulo dihay usa ka purongpurong nga mga bitoon nga napulog-duha ka buok. 2Ug siya mabdos ug nagsiyagit tungod sa kasakit sa pagbati, tungod sa kasakit sa pagpanganak. 3Ug dihay usa pa ka laing tilimad-on nga nagpakita sa kalangitan; tan-awa, usa ka dakung dragon nga mapula, nga may pito ka buok ulo ug napulo ka buok sungay, ug pito ka buok purongpurong diha sa iyang mga ulo. 4Ang iyang ikog misapupo sa ikatulo ka bahin sa mga bitoon sa langit, ug sila gilabog niini ngadto sa yuta. Ug ang dragon mibarog sa atubangan sa babaye nga hapit na manganak, aron iyang subaron ang bata inigkahimugso na niini. 5Siya nanganak ug lalaki nga mao ang magahari sa tanang kanasuran pinaagi sa olisi nga puthaw, apan ang iyang anak gisakgaw ngadto sa Dios ug sa iyang trono. 6Ug ang babaye mikalagiw ngadto sa kamingawan, diin may dapit siya nga gitagana kaniya sa Dios, diin pagatil-ogan siya sulod sa usa ka libo duha ka gatus ug kan-uman ka adlaw.

7Unya nahitabo ang gubat didto sa langit: Si Miguel ug ang iyang mga manolunda nakiggubat batok sa dragon. Ug ang dragon ug ang iyang mga manolunda nakiggubat, 8apan gilupig sila ug wala nay dapit pa alang kanila didto sa langit. 9Ug gitambog ang dakung dragon, ang sirpinti nga karaan, ang ginganlag Yawa ug Satanas, ang maglilimbong sa tibuok kalibutan-- siya gitambog ngadto sa yuta, ug ang iyang mga manolunda gitambog uban kaniya. 10Ug usa ka makusog nga tingog didto sa langit akong nadungog nga nag-ingon, "Karon nahiabut na ang kaluwasan ug ang gahum ug ang gingharian sa atong Dios ug ang pagbulot-an sa iyang Cristo, kay gikatambog na ang magsusumbong batok sa atong kaigsoonan, siya nga sa adlaw ug sa gabii mao ang nagasumbong batok kanila sa atubangan sa atong Dios. 11Ug sila nakadaug batok kaniya pinaagi sa dugo sa Cordero ug sa pulong sa ilang pagpanghimatuod, tungod kay wala man sila mawili sa ilang mga kinabuhi bisan pag anha sila sa kamatayon.

12 Tungod niini, paglipay, O kalangitan ug kamo nga nanagpuyo niini! Apan alaut kamo, O yuta ug dagat, kay diha kaninyo nahilusad ang yawa nga puno sa dakung kapungot sanglit nasayud man siya nga hamubo na lamang ang iyang panahon!" 13Ug sa pagtan-aw sa dragon nga diha siya ikatambog sa yuta, iyang gigukod ang babaye nga nanganak sa batang lalaki. 14Apan gihatag ngadto sa babaye ang duha ka mga pako sa dakung agila aron siya makalupad sa pagkalagiw gikan sa sirpinti ngadto sa kamingawan, sa dapit diin siya pagatil-ogan sulod sa usa ka panahon, ug sa mga panahon, ug sa katunga sa usa ka panahon. 15Ug gikan sa iyang baba, ang sirpinti mibugwak ug tubig nga daw suba nga gipaagpas sa babaye aron ianud siya sa baha niini. 16Apan ang yuta mitabang sa babaye, ug ang yuta miabli sa iyang baba ug iyang gisuyop ang suba nga gibugwak sa dragon gikan sa iyang baba. 17Unya ang dragon nasuko batok sa babaye, ug miadto siya sa pagpakiggubat batok sa tanan nga uban pang mga kaliwat sa babaye, sa mga nanagbantay sa mga sugo sa Dios ug nagahupot sa panghimatuod mahitungod kang Jesus. Ug ang dragon mibarug diha sa baybayon sa dagat.

PAGPAAMBIT SA MENSAHE:

Ang maong ebanghelyo nagpasabot diha sa mga panan-awon ni Pablo diin iyang nakita ang mga milagro nga naglangkob didto sa langit ug dinhi sa kalibutan, diin iyang nakita ang babaye nga gilakag sa dragon gikan didto sa langit paingon dinhi sa yuta. Usa kini ka sambingay diin sa akong pagsabot ang maong babaye mao ang espiritu nga anaa sa matag tawhanon nga binuhat ug ang dragon mao ang dautan nga gusto mosamok kanato pinaagii sa pagsamok sa espiritu nga ania kanato diin diha unya sa atong mga kasakitan ug mga pagpanlutos nga naagi-an, mao kana unyang higayuna nga ang maong dragon nagasamok kanato diin bation nato ang kabalaka ug kahig-waos kun nagkulang kita diha sa mga pag-ampo, Kay matod pa sa buhing pulong sa Dios tukhi ang mag pagsulay sa mga pag-ampo kay ania ako si Jesus Cristo magapanalipod kaninyo. Diin diha mismo sa atong pag-ampo, diha sa santos nga rosaryo ug sa mga espesyal nga pagsakripisyo hagkap na unya ang atong mag problema nga dad-on.

Ginaingon diha sa ubang mag sinulat nga kun unsa ang kakusog sa espiritu santo nga ania kanato nan tugbangan kana sa dautan diin mangita gayud sila ug panahun nga makasingit diin pag-ampo lamang ug pagrosaryo maoy atong taming diha as maong mga pgglutos. Matod pa ang tawo dili dautan kay ang Dios man ang nagbuhat niini , ug ang tanan mga mga katawhan dinhi sa kalibutan nagpakabuhi diha sa kabubut-on sa Dios. Ang binuhatan lang sa tawo maoy dautan ug kini dili iya, gisugo lang siya sa dautan sa pagbuhat ug mga salaod.

Ang pag-alagad sa Dios wala kini magkinahanglan kun unsa ka ka taas o kamubo sa sa gidugayon sa imong pag-alagad, usa ka pananglitan ang hitabo didto sa kalbaryo diin usa ka tulisan ang gidala ni Jesus ngadto sa paraiso diha-diha dayun tungod sa iyang kinasing-kasing nga mga pagbasol. Usa lang kini ka pagtulun-an ug kamatuoran diha sa balaang kasulatan nga nagaingon nga ang atong kaluwasan diha sa kinabuhing dayun, usa kini ka grasya ug dili premyo o ganti aron sa ingon walay makapasigarbo diha sa atubangan sa Dios nga siya naluwas tungod sa maayong buhat kundili siya naluwas tungod sa grasya ug gugma sa Dios.

Didto Sa Listra Ug Sa Derbe

BUHAT 14: 9 ~ 20

• Si Pablo ug Bernabe nagdugay sa Listra diin 8 may bakol nga dili makabarog ni makalakaw. 9 Usa ana ka adlaw samtang naminaw sa wali gitutokan siyag maayo ni Pablo nga nakakita nga kining tawhana may pagtoo nga makaluwas. 10 Busa, sa dakong tingog miingon si Pablo, “Sa ngalan sa Ginoong Jesucristo, sugoon tikaw, tindog!” Ang bakol mitindog ug misugod paglakawlakaw.

11 Sa pagkakita sa mga tawo sa gibuhat ni Pablo, nakatuwaw sila sa Licaoniang pinulongan, “Ang mga dios nanganhi sa dagway sa tawo!” 12 Ginganlan nila si Bernabe og Zeus; si Pablo Hermes, kay siyay labing importanti nga mamumulong. 13 Bisan ang mga pari sa templo ni Seus nga nagbarog gawas sa lungsod, nagdalag mga baka ug lukong sa mga bulak nga gibutang sa gang-haan aron ihalad kanila nga sakripisyo.

14 Sa pagkadungog ini ni Bernabe ug Pablo, gigisigisi nila ang ilang sinina sa pagpadayag sa kapungot ug midalidali silag atubang sa katawhan nga nagsinggit, 15 “Mga higala, nganong gihimo ni ninyo? Mga tawo ra mi sama ninyo. Ug karon ingnon tamo biyai kining mga butanga nga walay kapuslanan. Balik sa Diyos nga naghimo sa langit, sa yuta, sa dagat ug sa naa ini. 16 Sa miaging kaliwatan mitugot siya sa matag nasod pagbuhat sumala sa ilang gusto, 17 bisag wala siya mohunong pagpadayag sa kaugalingon. Wala siya mohunong pagbuhat sa maayo. Naghatag siyag ulan gikan sa langit ug panahon nga daghag bunga aron masangkap mo sa pagkaon ug ang inyong kasingkasing matugob sa kalipay.”

18 Apan ang maong mga pulong wala makapugong sa mga tawo paghalad og mga sakripisyo. 19 Didto sila nanudlo sa pipila ka tokna. Unya, pipila ka Judio miabot gikan sa Antioquia ug Iconio aron pagpakiglantogi ni Pablo ug Bernabe. Gihaylo nila ang katawhan pagsalikway sa duha nagsulti sila nga kining tanan dili tinuod. Sa kataposan gibato nila si Pablo, giguyod gawas sa lungsod ug gibiyaan sa pagtoo nga patay na. 20 Apan sa pag-alirong kaniya sa mga tinun-an, mibarog siya ug mibalik sa lungsod. Sa sunod adlaw miadto siya sa Derbe kuyog ni Bernabe.

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa mga apostoles sa panahun ni Jesus sa mga pulong ug pagtulun-an nga gibilin ni Jesus kanila diin nagpadayun sila sa pagsangyaw diha sa mga kasikbit nga lugar didtong dapita sa Jerusalem ug sa Roma. Diin sa nahiabot sila didto sa Derbe nakatagbo sila ug mga matuohon nga nagsunod sa mga kinaraan nga paagi sa paghalad ug pagsakripisyo diin sila nagahalad sa mga mananap ug mga bulak ug diin gipadaygan sila ni Pablo sa kamatuoran nga ang mga butang wala na kinahanglana diin si Jesu Cristo nga maoy atong gisunod ug gisimba humana maghalad diha sa iyang kaugalingon pinaagi sa paghalad sa iyang kaugalingon lawas ug dugo nga sa ato pa nalukat na kitang tanan diha sa mag kasal-anan ug ang paghalad nga sama sa pagano o Dios-dios nga tinuohan wala na kinahanglanana ug walay panalangin ni Jesus.

Diin daghan ang mga Judio nga nasina ug nasilo sa ilang gibuhat kay para kanila walay laing Dios ug walay anak ang Dios busa usa ka pagpanamastamas ang gibuhat sa mga nasangpit nga mga apostoles. Atong mahinumduman nga ang mga Judio nagsimba sa Dios Amahan lamang diin gitawag kini siya ug Judaism diin mao kini ang usa sa pinaka karaan nga pagtulun-an nga ania pa niining panahuna ang ilang Dios gitawag kini ug Yaweeh diin taas ang ilang pagrespeto niini, bisan niining panahuna, sumala pa sa mga pari nga nahiabot didtong dapita sa Jerusalem, dili nimo mabundak pagsangpit ang ilang Dios nga gitawag ug Yaweeh kay basin makatilaw ka ug laparo , imo kining isulti nga pinaduko ang ulo ug pinahinay ang tingog nga may respeto. Mao kini ang dakong hinungdan ngano nga ilang gilutos ang mga katawhan nga nagpasiugda diha sa pag-ila ni Kristo nga anak sa Dios.

Usa lamang kini sa pagpaila ug pagpamatuod sa sa mga sinulat sa balaang kasulatan nga nagaingon: Lain-lain ang pagtawag sa Dios sa iyang mga katawhan diin dili ang tanan nga nagatawag Dios ko , Dios ko makasulod sa iyang gingharian kundili kadto lamang nagatuman ug nagasunod sa iyang kabubut-on. Nagpasabot lamang kini mga igsoon sa kalisod sa pagsulod sa gingharian sa Dios nga gawas lamang kun mobalik ka sa pagkabata ug kalawaton mo ug dawaton si Jesus nga sama sa bata nga walay paglingi sa mag tAwhanon nga mga kailibgon nan masayon kanimo ang pagsulod sa gingharian sa Dios.

Pangutana Mahitungod Sa Awtoridad Ni Jesus

LUCAS 20: 1~8
20 1 Usa ana ka adlaw, nagtudlo si Jesus sa mga tawo didto sa Templo. Giwali niya ang maayong balita. Nanuol ang mga pangulong pari, ang mga magtutudlo sa balaod ug ang mga magulang. 2 Nangutana sila: “Sultihi mi, unsay imong awtoridad sa pagbuhat ining mga butanga? Ug kinsay naghatag?”

3 Mitubag si Jesus: “Mangutana pod ko: 4 sa langit ba gikan ang bunyag ni Juan o sa tawo?” 5 Nahunahunaan nila: “Kon motubag ta nga gikan sa langit, makaingon siya: ‘Nganong wala mo manoo?’ 6 Ug kon moingon pod ta nga sa tawo, batohon ta sa tibuok katawhan, kay nagtoo sila nga propeta si Juan.” 7 Busa, miingon sila nga wala sila masayod. 8 Miingon pod si Jesus: “Nan, dili pod ko mosultig unsay akong awtoridad.”

PAGPAAMBIT SA MENSAHE:

Ang maong ebanghelyo naglatid diha sa sa pagsangyaw sa pulong sa Dios diin mao kini ang gibarugan ni Kristo Jesus, nangutana ang mabuot nga mga pariseo niadtong panahuna kun unsa ang awtoridad nga gibarugan ni Jesus diha sa pagsangyaw niya sa pulong sa Dios. Niadtong panahuna isip anak sa Dios ang pagsangyaw sa pulong sa Amahan maoy usa ka balaanon ug sulondon nga gimbuhaton sa anak, apan kay lagi wala man sila motuo as iyang pagkaanak sa Dios nan dayag lamang nga ilang tuki-on ang awtoridad ni Jesus kay para kanila nga mga pariseo dinhi sa ibabaw sa yuta sila lamang ang adunay awtoridad sa pagsangyaw sa pulong sa Dios, ug diin nakapabalaka kanila ang gibuhat ni Jesus kay masapawan unya sila diha sa mga sumosunod sa Dios diin ilang nakita nga daghan ang mituo sa mga gisangyaw ni Jesus tungod sa iyang mga milagro

Diha sa tawhanon nga panggobyerno gitagaan ug katungod ang simbahan sa pag-“organize” sa ilang kaugalingon diin ang ilang pamaagi sa unsa lang nga maabot sa hunu-huna sa mga maalamon, diin kining pagtulun-an nga atong gibarugan nagsubay diha sa espirituhanon nga kahimu-an ug wala magsunod sa huna-huna sa tawo, diin buhing Dios ang namulong diha kanato, nan utrohon ba diay sa tawo lamang ang mga balaod nga gipadayag sa buhing Dios?

Ang pagsangayw sa kamatuoran mao lamay pagsunod sa kabubut-on sa Amahan nga nag-ingon nga isangyaw ang iyang iglisea ug ipadayag sa kadaghanan diin susama kini sa suga nga ipadan-ag diha sa kadaghanan ug dili pagatago-an diha sa ilalaom sa katre. Sa ato pa igo lamang kitang nagatuman sa sugo sa Amahan ug bulahan ang mga katawhan nga nagatuman niini kay mahatagan ug dugan grasya sa Dios. Mateo 17: 24 ~ 25 naga-ingon nga kun gusto nimo nga dayegon ug himayaon didto sa langit nan puy-i ang kinabuhi nga puno sa pagdaug-daug ug pagtamay ug mga paglutos dinhi sa yuta, pas-ana ang imong kinabuhi ug sunod sa mga pagtulun-an ni Jesu Cristo diin diha sa ubang sinulat nagaingon nga sa imong pagdawat diha sa mga paglutos ug mga pagdaug-daug wala kana magpasabot nga nagpakamartir ka kundili nagtimailhan-lamang kana nga gipapuyo ug gipahari mo si Jesus diha sa tagsa-tagsa nato kasing-kasing.

Ang Sambingay Mahitungod Sa Magpupugas

MATEO 13: 1~9

13 • 1 Nianang adlawa mibiya si Jesus sa balay ug milingkod sa daplin sa lanaw. 2 Sanglit may daghang tawo nga nang-lingkod ug nag-alirong sa atubangan ug sa libot niya, miluan siya sa sakayan ug milingkod samtang ang tibuok panon sa katawhan nagba-rog sa lapyahan. 3 Misulti siyag mga sambingay sa daghang butang.

4 Si Jesus miingon: “Ang mamumu-gas miadto sa uma aron pagpamugas. Sa pagsabod niya sa binhi, ang uban nahulog sa daplin sa dalan ug gipa-nuhak sa mga langgam. 5 Ang uban sa may mga bato diin dyotay rag yuta. Miturok dayon ang binhi, kay ang yuta mabaw ra man. 6 Apan sa pagsilang sa adlaw ang mga tanom nalaya, kay wala may gamot. 7 Ang uban nahulog sa kasampinitan. Ang mga sampinit milabong ug nalandongan ang binhi. 8 Ang uban nahulog sa maayong yuta ug namungag 100 ka pilo ang uban, ang uban 60, ug ang uban 30. 9 Kon may dalunggan mo, pamati!”


PAGPAAMBIT SA MENSAHE:

Ang maong ebanghelyo naghisgot diha sambingay sa pagsabod sa humay diin gipanag-ingnan kini sa pagsabwag nga pagpamati sa pulong sa Dios diin kadtong wala gayud makaila sa Dios diretso nga milahos sa ilang dalunggan apan ang pipila usab nga miila kang Kristo Jesus ug midawat ug mitoo as mensahe apan taphaw lamang kini ug dili gayud makalungtad ug dugay ug diin kadtong binhi nga natagak sa maayong yuta mao kadtong mga pulong sa Dios nga nasawod gayud sa duha ka dalunggan ug gipatidlom sa kasingkasing ug giamomahan ug gipapuyo isip kabahin na sa kinabuhi.

Mao kini ang pulong sa Dios nga gibilin kanatong iyang mga katawhan diin naglahi-lahi ang pagdawat ug pagtratar niini. Kay matod pa sa pulong sa Dios daghan ang iyang gitawag diha sa nagkalainlaing pagtulon-an diin lahi-lahi usab ang ilang pagsimba as Dios apan dili ang tanan nga nagasimba ug nagatawag kaniya Dios ko, makasulod sa iyang gingharian kundili kadto lamang nagasunod ug nagatuman sa iyang kabubut-on.

Usa ra ang Dios usa ra ang iyang balaang kasulatan apan lah-lahi ang pag-interpret niini, apan bisag-unsaon nato sa pagpabarog sa maong mga pagtulon-an dili kini maoy makaluwas kanato apan himoon lamang nato kining giya diha sa pagpakabuhi nga maligdong ug ikahimuot sa Dios. Diin matod pa diha sa ubang sinulat nagaingon nga ang mga pinili nga katawhan sa Dios, dili lang kay magalingkod lamang ug magahulat sa pagbalik sa anak sa Dios, kundili, makasinati gayud sila sa mga pagsulay diin sama sa bulawan nga ipaagi sa kalayo aron makita ang kapuro niini nan kitang tawo mao usab, sulayan kita diha mismo sa atong pagtulun-an nga gibarugan ug diha sa atong pagpakabuhi niining kalibutan diin atong masinati nag mga paglutos, kapit-os ug mga kasakitan diin walay lain nga tugbang o sulosyon niini mao ra gayud ang mga pag-ampo kay diha sa hinay-hinay ug kanunay nga mga pag-ampo ang imposible mamahimo nga posible.

Buot lamang nga ipasilsil sa Dios diha sa atong kaugalingon nga ang iyang mga tinawag ug pinili nga katawhan samtang nagkinabuhi pa kanunay gayud nga pagapili-an diha sa mga pagsulay aron pagsuta sa kamatinud-anon niini. Kay matod pa ang dalan ngadto sa kaluwasan sa atong kalag ngadto sa kinabuhing dayun, nagpasbot sa kalisod niini diin diha sa atong pakinabuhi niing kalibutan ato na kining gipasinati, diin ginaingon anga bakilid, tunokon ug batohon ang dalan paingon ngadto sa gingharian sa Dios ug diotay ra ang nagaagi niini ug mas diutay ang milahos ngadto sa tumoy, diin mao na kini nga pagtulon-an nga atong gibarugan nga puno sa mga pagpanlutos.

Ang dalan paingon sa kalaglagan sa atong kalag daghan ang nagapangagi niini diin magahob kini masaba ug masadya diin mao na kana ang mga kahilayan diha sa palibot, apan bulahan pa ang atong mga kaigsoonan nga anaa diha sa palibot kay aduna pay pasaylo ang Dios diha kanila tungod kay inosente pa sila sa kamatuoran, apan kita nga nakasuhid ug nakatukib niining maong pagtulun-an sa higayon nga motalikod kita niini nan wala lay pasaylo ang Dios para kanato.