Ang Daan Ug Ang Bag-ong Kinabuhi

COLOSAS 3 : 5 ~ 17

5 Busa, patya ang kalibotanon sa inyong kinabuhi. Sa ato pa, ang kahilayan, kalaw-ay, ang mapatuyangong kauwag, ang mga daotang tinguha ug kahakog, usa ka paagi sa pagsimba sa mga diosdios. 6 Kini ang nakapasilaob sa kapungot sa Diyos!
7 Sulod sa usa ka panahon inyo ning gisunod, ug nagkayamokat ang inyong pagpuyo. 8 Busa, isalikway ang tanan: ang kapungot, ang yawan-ong tinguha ug pagdumot. Ayawg litok og abusadong mga pulong. Ayawg pamakak sa usag usa.

• 9 Gihuboan mo sa daang pagkatawo ug sa panghunahuna ini aron 10 isul-ob ang bag-o padulong sa kahingpitan sa kahibawo. Gibag-o ni sumala sa kasamahan sa Magbubuhat. 11 Busa, walay kalainan tali sa mga Judio ug Griyego, tinuli ug pisot. Wala nay dumuduong, luog, ulipon o gawasnon. Hinunoa, si Cristo ang tanan ug naa siya sa tanan. 12 Busa, sul-obi ang kaugalingon sa angay sa katawhang pinili sa Diyos, kay balaan ug pinangga mo niya. Isul-ob ang kaluoy, kaaghop, paubos, kalumo ug pailob
.

13 Magpailobay mo sa usag usa ug magpasayloay, kon dunay panagbangi. Ingon nga ang Ginoo nakapasaylo ninyo, magpasayloay mo. 14 Kon nasul-ob na ninyo kining tanan, ibakos ang gugma aron mahingpit ang sinina. 15 Hinaot nga ang kalinaw ni Cristo mag-awas sa inyong kasingkasing. Tungod ini gitawag mo aron mausa ka lawas. Ug pagpasalamat mo. 16 Papuy-a diha ninyo ang pulong sa Diyos sa iyang kabuhong. Panudlo ug pamadlong sa usag usa pinaagi sa mga pulong sa kaalam. Uban sa mapasalamatong kasingkasing awiti ang Diyos og mga salmo, himno ug tiunayng pagdayeg. 17 Bisag unsay inyong buhaton o isulti, buhata ni sa Ngalan ni Jesus, ang Ginoo. Pasalamati ang Diyos nga Amahan pinaagi niya


PAGPAAMBIT SA MENSAHE:

Diha sa aubang sinaulat 1 Juan 1: 14 nagaingon nga Ang Dios nga sa takna unya nga mobalik na siya ngadto sa iyang gingharian sa langit iyang giingnan ang iyang mga unang tinawag ug mabuot nga mga apostoles nga binlan niya ag iyang mga katawhan ug manlalaban ang espiritu sa kamatuoran nga molaban kanato hangtod sa kahangturan. 1 Corintho 3: 16 nagaingon nga ang Dios nga ang lawas sa tawo maoy templo sa espiritu santo sa Dios ug ang molaglag sa iyang templo iya usab nga pagalaglagon. Nga sa ato pa kamatuoran ang tanan nga nahisulat diha sa balaang kasulatan nga ang Dios nagauban kanato sa kanunay.

Sa dihang gilansang si Kristo sa krus ug sa ikatulo ka adlaw nabanhaw siya ug gibayaw ang iyang tawhanon nga lawas sa langit diin matod pa diha sa Piliphos 2 : 9 ~ 11, dako ang kadaugan ni Jesus diha sa mao niyang pagsakripisyo diha sa kamatayon sa krus diin gibutang siya sa iyang amahan sa kinatas-ang puwesto sa langit diin ang tanang binuhat didto sa langit dinhi sa yuta ug sa ilawaom sa yuta moluhod ug magasimba sa iyang ngalan nga si Jesu Cristo.

Matod pa diha sa ubang sinulat nga ang kamatayon ni Jesus mao usab ang kamatayon nato ug sa atong mga sala, apan sa iyang pagkabanhaw nabanhaw usab kita uban kaniya apan nagpabilin nga namatay ang atong mga sala, nga sa ato pa didtong panahuna naluwas kita ni Kristo apan hataas pa ang atong panaw diin nagaingon ang Dios diha sa ubang sinulat nga inigbalik niya diin magahukom siya kanatong tanan, ang iyang mga katawhan nga iyang gibiyaan mao usab unya ang pamayhon sa mga katawhan sa iyang pagbalik. Apan mobalik siya nga sama sa kawatan diin dili nato mahibaw-an kun kanus-a kini mahitabo. Nan kinahanglan gayud nga sa kanunay kita maga-ampo ug mangaliya ug paningkamotan nga mahalikay sa pagpakasala ug isul-ob ang hiyas nga kristuhanon nga mao ang giya sa espiritu santo sa Dios diin anaa ang pagpaubos, pagkamangindawaton ug ang pagadawat sa mga paglutos.


Ug sa mao niyang pagkabanhaw ang katumanan sa iyang pulong nga nagaingon nga inigbalik na niya ngadto sa kiliran sa iyang amahan sa langit diha na ang iyang mga katawhan magsugod ug puasa, nga sa ato pa ang pagpuasa maoy pagbag-o sa atong kinabuhi diha sa pagkinabuhi nga kristuhanon, diin atong biyaan ang atong daan nga kinabuhi ug atong isul-ob ang bag-o nga kinabuhi. Nga sa ato biyaan ta ang pagpakasala ug ang paglingi sa tawhanon ng mga kailibgon kay mao man kini nga kabubut-on sa Dios diin mas maayo nga magpakabuhi kita nga langyaw nining kalibutana apan ha-om didto sa iyang gingharian sa langit.

Matod pa dihasa ubang sinulat nagaingon nga bisan kadtong sa kanunay nagaampo walay kasiguro-an nga maluwas ang ilang kalag nan unsa na kaha kadtong walay mga pag-ampo asa kaha ibutang sa Dios ang ilang mga kalag, tungod kay ang kinabuhing dayun nga gisaad ni Kristo dili kini premyo o ganti tungod sa maayong buhat kundili usa kini ka gasa nga langitnon aron sa ingon walay makapasigarbo diha sa atubangan sa Dios nga kita maluwas tungod sa maayong buhat kundili ang atong kaluwasan nagaad sa gugma ug kalooy sa Dios.

Ang Bag-ong Kinabuhi Diha Kang Kristo

EFESO 4:17~32

• 17 Busa, nag-ingon ko ug nagpahimangno ninyo diha sa Ginoo uban sa pamugos: Ayawg sundoga ang mga pagano nga nagpuyog kinabuhing walay tumong. 18 Anaa sa kangitngit ang ilang panabot. Magpabilin silang walay alamag tungod sa tanlag nga buta, layo sa kinabuhi sa Diyos. 19 Tungod sa kadaotan, gitugyan nila ang kauwag kaugalingon sa walay pugongpugong sa kaulag ug sa tanang matang sa kadaotan.
20 Apan wala mo makakat-on ini gikan ni Cristo, 21 kana kon nakadungog na mo bahin niya ug nakadawat sa pagtulon-an sumala sa kamatuoran nga makita diha ni Cristo mismo.

22 Kinahanglan nga biyaan ninyo ang karaang kinabuhi, ang karaang pagkatawo, kansang malimbongong mga tinguha nagdala sa kaugalingong kalaglagan. 23 Bag-oha ang kaugalingon diha sa espiritu, gikan sa sulod. 24 Isul-ob ang bag-ong tawo sumaba sa Diyos sa tinuod nga katarong ug kabalaan. 25 Busa, biyai ang pamakak. Pasultiha ming tanan sa ilang silingan sa kamatuoran, kay mga sakop ta sa usag usa. 26 Mahimo nga masuko mo, apan ayawg pakasala. Ayawg palungtara ang inyong kasuko sa tibuok adlaw. 27 Basig mahatagan ninyo ang yawa og luna sa inyong kinabuhi.


28 Pahunongag pangawat ang naanad na sa pagpangawat. Hinunoa, maghago siya sa mahinungdanong mga butang aron duna siyay ikapaambit sa nanginahanglan. 29 Ayaw paglitok bisag usa ka daotang pulong, apan Hinunoa, ang maayo lang nga modasig kon gikinahanglan, ug makatabang sa namati. 30 Ayawg sub-a ang Espiritu Santo sa Diyos, ang selyo nga nagtimaan ninyo. Mao ni ang ulosahong timailhan sa adlaw sa kaluwasan. 31 Putla ang tanang pag-away-away, kayugot, kasuko, mga insulto ug tanang matang sa malisya. 32 Magminaayo ug magmasinaboton, magpasayloay sa usag usa ingon nga ang Diyos nagpasaylo ninyo diha ni Cristo.

PAGPAAMBIT SA MENSAHE:

Si Jesus Cristo mao ang buhing panagway sa dili makita nga Dios diin siya nahiabot dinhi sa kalibotan isip usa lamang ka yano nga tawo, gipanganak sa usa ka putli nga babaye nga si Birhen Maria. Sa ato pa siya nagpakatawo diin walay nakapamalandong nga siya usa ka Dios ug bugtong manunod sa trono sa langit. Usa kini ka pagmatuod nga ang Dios moabot diha sa atong kinabuhi sa paagi nga dili nato damhon ug diin ang Dios adunay giandam niadtong iyang mga tinawag ug pinili.

Daghan ang katuyua-n sa Dios aron magpakatawo dinhi sa kalibutan, usa na niana mao man gayud ang pagluwas sa atong kasal-anan. ug ang usa sa importante nga katuyo-an ni Jesus mao gayud ang pagpasabot sa napulo ka kasugo-an sa Dios nga gisangyaw ni Moises diha sa unang tugon, Diin kini nga napulo ka sugo mahimo lamang duruha, una ang pag higugma sa Dios labaw sa tanan ug dili magsimba ug lain nga Dios gawas kaniya ug ang ikaduha mao ang paghigugma sa imong isigka-tawo sama sa paghigugma nimo sa imong kaugalingon.

Ug nga ang kasugo-an sa Dios naglangkob lamang sa usa ka pulong ang "Paghigugma". Diha sa pagpakabuhi ni Jesu-Cristo dinhi sa kalibutan, iyang gipakita kining mga buhata diha sa pagtabang sa mga katawhan labina niadtong mga kabos diha sa pagsangyaw sa iglisea nga iyang gibarugan ug ingon man usab ang pagpakita sa mga milagro diha sa mga masakiton ug ang pagpasabot sa matuod nga himaya diha sa pagkinabuhi nga iya sa Dios.

Philipos 2: 8~16 miingon ang balaang kasulatan nga anak Siya sa Dios apan wala niya ipamugos ang iyang kaugalingon nga motupong sa Dios, hinuno-a nagpakaulipon siya sa pagsilbi sa mga kabos, iyang gipakita ang matuod nga sumbanan sa pagkalider, Diin sa espiruhanon nga pamaagi lider ka kun andam ka nga magpakaubos diha sa pagsilbi sa imong katawhan, lider ka kun andam kang magpaulahi alang sa imong mga katawhan, diin sukwahi kini sa matuod nga tawhanon nga kinabuhi, diin ang lider nga atong nailhan gihangad ug lisod duolan, ug ang lider nga atong nailhan anaa gayud sa una ug dili gayud magpaulahi.

Mao kini ang akong nasabtan diha sa maong ebanghelyo, diin kun gusto nato nga bag-ohon ang atong kinabuhi nan isul-ob nato ang hiyas ni Jesus nga mao ang hiyas sa espiritu santo sa Dios nga sa matag adlaw ana-a kanato nagauban. 1 Corinto 3: 16 nagaingon : Ang lawas sa tawo maoy templo sa espiritu santo sa Dios ug ng molaglag sa templo sa Dios nga mao kita , iya nga pagalaglagon. Kamatuoran kini diha sa laing pulong sa balaang kasulatan diin miingon si Jesus sa 1 Juan 1: 14, iyang gipasaligan ang iyang mga unang tinawag nga inigbalik na ni Jesus didto sa gingharian sa langit, tagaan kita niya ug bag-ong manlalaban, ang espiritu sa kamatuoran nga molaban kanato hangtod sa kahangturan.

Sa ato pa mga igsoon ang pag-usab sa atong kinaiyahan dili lang diha sa unsay makita sa tawo kundili ang makita sa Dios kanato, sulod sa atong kasing-kasing kay dili ka puwede nga magmaskara diha sa atubangan sa Dios diin ipakita nato nga nag-usab kita apan sa hilom ug sa atong huna-huna ug kasing-kasing bug-at sa atong buot ang pagpaubos, bug-at sa atong buot ang pagtuman sa kabubut-on sa Dios. Apan walay matago diha sa atubangan sa Dios kay ang espiritu santo sa Dios kanunay nga nagauban kanato ug maoy mosumbong diha sa Dios sa atong mga kasal-anan.

Mao gikinahanglan ni Jesus nga ang mosulod sa iyang gingharian andam mosulod diha sa pultahan sa paghinulsol ug pagpangayo ug pasaylo diha kaniya, kay matod pa kun magdumili ka sa paghinulsol sa imong mga sala niining kinabuhi-a nan gapasabot lamang nga andam ka moatubang sa iyang paghukom diha unya sa iyang pagbalik dinhi sa yuta. Angay natong hinumduman nga ang tanang nga mga kasal-anan dinhi niining kalibutana adunay kapasylo-an kun ato lamang usab pangayoon sa Dios ang pasaylo ug hingpiton pod nato ang pagto-o nga kita mapasaylo sa atong mga sala pinaagi sa mga pag-ampo ug pangaliya. Kay kundili ka motuo nga mapasaylo ka sa imong mga sala bisan pa sa kabug-at niini nan nagpasabot lamang usab kana nga wala ka motuo nga si Jesus matuod nga anak sa Dios ug wala ka usab motuo nga pinaagi Kaniya mahiabot ka sa kiliran sa Dios Amahan.

Sa ato pa mga igsoon ang pagkinabuhi diay pinaagi kang Kristo mao usab ang pagpakighigala sa Dios Amahan pinaagi sa pagsunod sa mga pagtulun-an ni Kristo. Mateo 17: 24~25 nagaingon kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa mga pagtulon-an nga gisangyaw ni Jesus kay bulahan ka nga mawad-an ug kinabuhi sa pagsunod sa iyang kasugo-an kay mahatagan ka ug dugang kinabuhi, apan kun magdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin ug kawad-a ka hinuon niini.

Walay paagi nga atong mausab ang atong kinaiyahan o ang kinayahan sa atong mga kaigsoonan mo ra gayud ang mga pag-ampo, kay diha sa tinawhanon nga pamaagi atong makita ug mahinuktukan nga ang ato diay nga pagsulay diha sa pag-usab sa atong kinaiyahan mao ra usab ang atong kaugalingon nga garbo, diin bulahan kun makontrolar nato ang atong garbo nan modaug kita sa atong kaugalingon. Sa mga Japanese nga doctrina o pilosopiya nagaingon kini, nga “ Masakatsu Agatsu”. Sa inengles pa “ your greatest victory is your victory over oneself” sa inato pa nga pagkaistorya nagkanayun nga ang imong dakong kadaugan mao ang imong kadaugan sa pagkontrolar sa imong kaugalingon, ug mahitabo lamang nga modaug ka sa imong kaugalingon kun tumban nimo ang imong garbo.

:

Sayon kaayo litokon apan usahay lisod buhaton, labina kun wala kay pagtulun-an o doktrina nga gisandigan, ug ilabina kun wala nato mailhi ang mga kasakitan ug mga pag-antos sa matuod nga Dios. Ug ilabina diha sa imong katilingban nga gibarugan gihangad ka sa imong mga katawhan Kay bulahan kun makapaubos kita dinhi sa yuta kay ipataas ug ibayaw didto sa langit, apan kun mapahitas-on kita dinhi sa yuta nan ipaubos ka ug dii ilhon sa Dios didto sa iyang gingharian sa langit. Matod pa niadtong bantugan nga presidente sa U.S. si Pres. Abraham Lincoln, sa pinulongan nga inengles miingon siya: "If want to know the real character of a person then give him power" , sa ato nga nga pagkaistorya: kun gusto nimong masinati ang matuod nga batasan sa usa ka tawo tagai siya ug gahom.

:
Usa usab nato ka bantugan nga lider, kanhi Senador Benigo " Ninoy" Aquino Jr., miingon siya sa inengles “Its better to Die in a meaningful Death than to Live in a meaningless Life”, nga sa atong pinulongan kun atong hubaron diha sa esprituhanon nga pagkahubad nagaingon: , Maayo pa kuno nga mamatay nga mahimong pagtulon-an ang iyang kamatayon kay sa magpakabuhi nga daw sama sa kahoy nga gatubo apan dili gapamunga, ug miingon usab ang balaang bata dinhi sa sinagoga, nga unsay man kunoy buhaton sa kahoy nga gatubo apan dili gapamunga?..

Pagtulun-an Mahitungod Sa Panimalos

MATEO 5: 38 ~ 42

• 38 Nakadungog mo nga ginaingon: Mata sa mata, ngipon sa ngipon. 39 Apan sultihan tamo: Ayawg buntoga ang daotan pinaagi sa daotan. Kon sagpaon ang tuo mong aping, itahan ang pikas. 40 Kon ikiha ka tungod sa kamisin, ihatag pod ang kamisadentro. 41 Kon pugson ka pagpalakaw uban niya og usa ka kilometro, lakawg duha. 42 Hatag kon may mangayo; ayawg talikdi ang buot mohulam

PAGPAAMBIT SA MENSAHE:

Ang maong ebanghelyo naghisgot diha sa mga hiyas nga gikahimut-an sa Amahan. Ang mga pagtulun-an nga gisangyaw ni Jesus Cristo nagsangyaw bahin sa mga maayong hiyas ug mga maayong pagtulun-an. Iyang gipasabot ang mga kasugoan sa amahang Dios diin naglangkob lang kini ug duha ka kasugo-an, Una mao ang Paghigugma gayud as Amahan Dios labaw sa tanan, ug dili kita magbaton ug laing Dios gawas kaniya. Ang ikaduha nga kasugo-an mao gayud ang paghigugma gayud sa atong isigkatawo sama sa paghigugma nato sa atong kaugalingon.

Nga sa ato pa ang pagtulun-an nga gustong ipaambit sa Dios kanato mao gayud ang paghatag ug maayo nga gawi ug maayo nga gimbuhaton diha sa atong isigkatawo, diin siya mismo sa iyang pagpakatawo dihi sa kalibutan iya kining gipakita kanato pinaagi sa pagdawat sa mga kasakitan ug sa pagdawat sa mga paglutos nga iyang nasugatan diha sa iyang pagasangyaw sa iglisea nga iyang gibarugan.

Iyang gipakita nga ehempo ang pagpaubos ug ang pagtunob gayud sa kaugalingong garbo diin wala niya batuki ang mga nanagyubit ug naglutos kaniya, ug iyang gipakita nga walay lugar ang mga tawo nga madinumtanon didto sa iyang gingharian. Ang doktrina nga gipasinati ni Kristo mao gayud ang pagbuntog diha sa mga dautang binuhatan pinaagi sa pagbuhat ug maayo, iyang gipakita ang kabugnaw sa buot ug ang pagdawat sa mga kasakitan ug mga pagtamay.

Kay matod pa ang iyang gingharian sa langit alang niadtong mga katawhan nga andam maosunod sa iyang kasugoa-an. diin nagpasabot kini sa paghigugma sa usag-usa kanato ug dili nato ipahari ang dautang hiyas diha sa atong kasing-kasing. Kay matod pa diha sa ubang sambingay ang batong bantiles mahilis gyud kini diha sa kanunay nga pagtulo sa ulan, nga sa ato pa walay dautan nga modaug kun atong ipahari ang kabugnaw ug kalinaw diha sa atong kasing kasing sa huna-huna ug sa buhat.

Gugma Alang Sa Mga Kaaway

MATEO 5: 43~48

• 43 Nakadungog mo sa ginaingon: Higugmaa ang inyong isigkatawo ug kasilagi ang kaaway. 44 Apan sultihan tamo: Higugmaa ang inyong kaaway ug iampo ang nagpasipala ninyo, 45 aron maanak mo sa inyong Amahan sa Langit. Kay gipasilang niya ang adlaw alang sa maayo ug sa daotan. Nagpaulan siya sa tarong ug sa daotan.

46 Kon mahigugma ra mo sa nahi-gugma ninyo, unsay nakalahi ini? Dili ba, nagbuhat man ini ang mga kobra-dor sa buhis? 47 Ug kon mahigalaon mo sa kaigsoonan ra ninyo, unsay labaw ini sa kasagaran? Dili ba, ang mga pagano nagbuhat man sa ingon? 48 Alang ninyo, kinahanglang matarong mo ug mahingpit ingon nga ang langitnon ninyong Amahan tarong ug hingpit.

PAGPAAMBIT SA MENSAHE:

Ang maong mensahe naghisgot diha sa sugo sa Dios kanato, diin gipasabot na kini diha sa paghiabot ni Jesus Cristo kanato dinhi niining kalibutan. Diin gipsabot ni Jesu- Cristo nga ang napulo ka kasugo-an nga gisangyaw ni Moises sa unang panahun, mamahimo lamang kining duruha, una mao gayud ang paghigugma sa Dios labaw sa tanan ug nga dili ka magbaton ug laing Dios gawas lamang sa matuod nga Dios. Ug ang ikaduha mao ang paghigugma sa imong isigkatawo sama sa paghigugam nimo sa imong kaugalingon.

Nga sa ato pa diha sa paghigugma nato sa atong isigkatawo nagpasabot lamang kini nga atong higugmaon dili lamang kadtong atong mga higala kundili kadto usab ang mga nangasuko kanato, kay kun kadto lamang ang imong mga higala maoy imong higugmaon, nan wala kitay kalainan sa mga pagano o sa mga tawo nga wala makaila kang Jesu-Cristo, diin nagbuhat man usab sila niini. Ang sugo sa Dios nagaingon pagjhigugmaay kamo sama sa paghigugma nimo sa imong kaugalingon.

Mao kini ang pagtulun-an nga gisangyaw ni Kristo diha sa iyang pagkinabuhi niining kalibutana, diin iyang gipakita ang kaaghop, ang pagpaubos ug ang pagsangyaw sa kamatuoran diin iyang gipakita nga liderato sa usa ka pangulo sa iglisea sa kamatuoran pinaagi sa pagbuhat ug maayong binuhatan. Iyang gipakita ang paghigugma dili lang sa iyang mga sumosunod kundili hangtod niadtong mga tawo nga wala motuo kaniya, niadtong mag Judio nga mibugal-bugal ug milansang kaniya sa krus.

Ingon niana ang gugma nga gusto ipaambit ni Kristo kanato ug mao kini nga gugma ang makapapas sa atong pagkaulipon sa atong mga sala ug mawagtang sa tanang pamaagi nga iya sa dautang espiritu. Kay ang atong mga kalisdanan sa kinabuhi, ang atong mga paglutos ug mga kasakitan nga giataubang matod pa sa buhing pulong sa Dios mugna kini sa dautan kay ato nga gitagaaan ug higayon ang mga dautan diha sa pagdominar sa atong kasing-kasing ug huna-huna. Atong gipahari ang mga tawhanon nga hiyas diin anaa ang pagdumot diha sa mga tawo nga nakasala kanato.

:
Ang Dios nagaingon nga kun nahigugma kamo kanko nan higugmaa ang inyong isigkatawao, kay Siya nga nahigugma sa iyang isigkatawo nan nahigugma usab kanako, apan siya nga nagdumot ug nasilag sa iyang isigkatawo apan nahigugma sa Dios, nan bakakon kanang tawhana, kay unsaon man niya paghigugma sa Dios nga dili makita ug mahikap diin ang iyang isigkatawo nga iyang nakita sa matag-adlaw apan iya man nga giaway ug gidumtan,.

Ang balaang kasulatan nagaingon diha sa 1 Corinto 3: 16, “Ang lawas sa tawo maoy templo sa espiritu santo sa Dios, ug ang mopasipala sa templo sa Dios nga mao ang atong lawas, nan laglagon gayud sa Dios. Nga sa ato pa mga igsoon kun unsa ang imong gibuhat diha sa imong isigkatawo, nan mao usab kana ang imong gibuhat sa espiritu santo sa Dios nga anaa sa matag lawas sa tawo. Kay matod pa sa atong mga katigulangan nga ang buhing lawas sa tawo sagrado kay anaa man ang espiritu santo diha sa matag tawo, busa angayan gayud sa pagrespeto ang matag tawo kay matod pa usab ,Ang atong pagkipagrelasyon ngadto sa atong isigkatawo mao ang usa ka paagi sa atong pag pakipaghimamat ug pakipag ralasyon nato sa Dios, ug ang grasya nga ihatag sa Dios kanato nag-agad usab sa atong pagdawat nato sa Dios diha sa atong kasing-kasing.

Kay matod mas bulahan nga magkinabuhi kita nga langyaw niining kalibutana apan ha-om didto sa gingharian sa Dios didto sa langit, kay unsa man tuod ang pulos kun maangkon mo ang tibuok kalibutan, diin buhong ka sa tanang mga bahandi apan dinhi ka lang usab kutob, diin ayran ka didto sa gingharian sa Dios . Apan miingon ang Dios nga walay dautan sa tawo niining kalibutana kay kitang tanan nahiabot man dinhi sa kalibutan sumala usab sa kabubut-on sa Dios, ug kun duna may dautan dili ang tawo kundili ang iyang binuhatan diin mugna kana sa dautang espiritu.

Pagtulun-an Bahin Sa Panaad

MATEO 5: 33~37

• 33 Nakadungog pod mo nga giingnan kaniadto ang katawhan: Ayawg pakyasa ang panumpa. Ang panumpa nga gihimo kang Yahweh kinahanglang tumanon. 34 Apan sultihan tamo: Ayawg panumpai ang bisag unsang saad. Ayawg panumpa sa kalangitan, kay lingkoranan ni sa Diyos. 35 Ni sa yuta, kay iya ning tumbanan. Ni sa Jerusalem, kay syudad ni sa gam-hanang hari. 36 Ayawg panumpa bisan gani sa imong ulo, kay dili mo maka-paputi o makapaitom sa bisag usa ka lugas sa buhok ini. 37 Ingna hinuon: “Oo” kon ang inyong gipasabot ‘Oo’; ug “dili“ kon ang inyong gipasabot ‘dili’. Ang inyong isulti gawas ini gikan na sa yawa.

PAGPAAMBIT SA MENSAHE:

Ang maong ebanghelyo naghisgot diha sa panaad diin nagaingon ang maong mensahe nga dili kita manaad ngadto sa Dios nga makagagahaum kay siya ra man ang nasayod sa tanan. Kay matod pa kun magasaad kita nan utangan na kita sa ato pa si kinsa man nga aduna kay gihimong saad kinahanglan gayud nga imong tumanon kay lagi nahulog man kini nga utang. Mas malisod kun maghimo ka ug panaad ngadto sa Dios diin Siya lamang ang maoy labing nasayod sa tanan. Diin diha unya sa mao mong panaad ang Dios lamang ang nasayod kun kini aduna bay katumanan.

Diin ginaingon diha sa maong ebanghelyo nga mas mayo nga moingon ka na lang ug Oo, kun nagpasabot ka ug Oo, ug Dili kun nagpasabot ka nga Dili, kay matod pa kun mosubra na kini niini, nan dili na kana iya sa Dios, iya na kana sa dautan. Walay katungod ang tawo diha sa pagpanaad kay dili man gani siya makapaputi sa iyang buhok, nga sa ato pa walay ato niining kalibutana, diin iya sa Dios ang tanan, ug kun dili niya itugot ang atong gipanaad nan wala gyud kitay mahimo.

Sa ato pa atong ihangad sa Dios ang tanan nga atong pangayoon ug ang tanan nga atong isaad kay siya maoy tag-iya kanatong tanan. Diin namulong ang Dios nga nganong dili man ihatag kun kini kaayuhan man. Diin sa ubang sinulat nagaingon nga pangayo ug ikaw pagatagaan, panuktok ug ikaw paga-ablihan diin ang atong langitnong Amahan magahatag ug mamati gayud sa iyang mga katawhan.

Sa ato pa nagaingon diha ang balaang kasulatan sa ubang sinulat nga lihok tawo kay tabangan ko ikaw, nga sa ato pa dili igo ang mga pulong diha sa pagtubag sa mga kinahanglan sa imong tawhanon nga lawas, kundili ato kining ubanan diha sa atong pagpangaplag pinaagi sa giya sa espiritu santo sa Dios kay ang Dios nagaingon, nga dili gayud siya motalikod niadtong mga katawhan nga sa kanunay nagpasidungog ug nagaampo kaniya

Pagtolun-an Mahitungod Sa Pag-ampo

LUCAS 11: 1 ~ 13

11 • 1 Usa ana ka adlaw, nag-ampo si Jesus. Human ini miingon niya ang usa sa iyang mga tinun-an: “Ginoo, tudloi mi sa pag-ampo ingon nga gitudloan ni Juan ang iyang mga tinun-an.” 2 Miingon si Jesus: “Ingna ini pag-ampo:

Amahan namo, naa sa langit ang imong ngalan, moabot ang imong gingharian.
Matuman ang imong kabubut-on
didto sa langit ingon man dinhi sa yuta.
3 Hatagi mi sa adlaw adlaw namong pan.
4 Pasayloa mi sa among mga sala;
kay pasayloon sab namo ang tanan nga nakahimo namog sayop; ayaw mig itugyan sa panulay, ug luwasa mi sa daotan.”

• 5 Miingon si Jesus: “Kon ang usa ninyo may higala nga iyang giadto sa tungang gabii ug giingnan: ‘Higala, pabayloa kog tulo ka pan, 6 kay mao pay pag-abot gikan sa byahe sa akong higala ug wala koy ikapakaon niya.’ 7 Hayan tubagon ka sa naa sulod sa balay: ‘Ayaw kog tugawa. Nanrangka na ko sa pultahan. Nanghigda na mi ug ang mga bata. Dili na ko mobangon aron paghatag nimo sa pan.’ 8 Ingnon tamo, kondili siya mobangon tungod sa ilang pagkahigala, mobangon siya ug ihatag ang gikinahanglan tungod sa pamugos.

9 Ingnon tamo: pangayo ug hatagan mo, pangita ug inyong makaplagan, panuktok ug ablihan alang ninyo ang pultahan. 10 Makadawat gyod ang mangayo; makakaplag ang mangita ug ablihan ang manuktok. 11 Kinsa ninyong mga amahan ang mohatag og bitin sa anak nga nangayog isda? 12 Kinsay mohatag og tanga kon itlog ang gipangayo? 13 Kon kamong mga daotan mahibawong mohatag og maayong mga gasa sa anak, unsa pa kaha ang Amahan sa langit? Mohatag siya sa balaang Espiritu sa mangayo niya.”

PAGPAAMBIT SA MENSAHE:

Ang maong ebanghelyo naghisgot diha sa mga pag-ampo diin ang mga tinun-an nangutana kang Jesus kun unsaon ang pag-ampo, diin gitudlo-an silang tanan bahin sa pag-ampo ngadto sa Amahan ngadto sa langit,o ang nabantog nga Amahan namo diin mao kini ang matang sa pag-ampo nga nahimutang gayud sa balaang kasulatan ug mao kini nga pag-ampo nga gitudlo ni Jesus nga sa ato pa ang Amahan namo, maoy usa ka balaan ug kusog nga pag-ampog agig abog sa mag dautan kay si Jesus man ang nagatudlo niini.

Ang pag-ampo matod pa maoy atong bugtong komunikasyon sa Dios nga dili makita ug dili mahikap. Ug bisan si Jesus niadtong iyang panahun naga-ampo sa Dios Amahan diha sa pagpangayo ug giya ug mga pangaliya alang sa iyang mga katawhan ug ingon man sa iyang kaugalingon. Ang Dios Amahan nagaingon nga walay pag-ampo dinhi sa ibabaw sa kalibutan nga wala niya madunggi. Ang tanan iya gayud nga nadungog, matod pa walay tawo dinhi sa ibabaw sa kalibutan nga wala niya madunggi ang mga pag-ampo, apan dili ang tanan nakadawat sa iyang panalangin kay ang kadaghanan nga nagaampo anaa lamang sa tumoy sa iyang dila ug wala magsumikad sa ilang kasing-kasing.

Si Jesus miingon diha sa balaang kasulatan nga duha o tulo ka tawo nga nagakatigom ug nagaampo diha sa iyang ngalan anaa si Jesus nakig-uban kanila. Bisan diha sa mga imahin ug mga larawan diin atong pagaludhan ug paga-ampo-an mokunsad ang espiritu diha sa matag larawan ug diin sila mamati kanato, nga sa ato pa kining mga imahen ug mga larawan kun maludhan na matawag na kini nga balaan kay ang espiritu santo sa Dios magauslod ug gawas naman diha sa matag larawan.

Sa ato pa mga igsoon ang pag-ampo mao atong pagpakita sa atong pagsalig ug pagtuo ngadto sa labing gamhanan nga Dios. Nga sa ato pa kun kulang ang imog pagtuo nan haguka usab ang imong mga pag-ampo. Matod pa sa Dios Amahan diha sa atong mga sakripisyo sa matag santa krus o sa matag mga pag-ampo diin daghan ang atong mga ihalad nga katalagman ug mga personal nga katuyu-an, makita nang daan sa Dios diha sa mga kasing-kasing sa tawo kun tinud-anay ba ang imong pag-ampo. Diin namulong ang buhing pulong sa Dios nga wala pa nimo mabungat ang imong mga halad ug mga petisyon ngadto a Dios diin nakita sa Dios ang imong tinud-anay ug putli nga mga pag-ampo nan gipanalanginan na niya kining daan.

Matod pa sa libro ni Santiago diha sa balaang kasulatan, Diha sa Santiago 2 : 16 nagaingong nga ang pagtuo kun walay buhat nan sama kini sa lawas sa tawo nga walay espiritu, patay kini, sa ato pa patay ang imong pagtuo kun walay mga binuhatan. Nagatuo ka sa Dios apan wala kay buhat nga mapakita sama sa pagsakripisyo diha sa imong mga pag-ampo nan dakong kawang ang imong pagtuo kay wala ka may buhat nga ikapakita.

Sa ingon usab ang mga pag-ampo ngadto sa Dios dili kinahanglan nga imong ipakita sa tanang katawhan, igo na nga ikaw ug ang Dios ray nasayod diha sa imong mga pag-ampo, nga sa ato pa kun mag-ampo kita mas maayo nga mosulod kita sa atong kuwarto ug manirado atong ipiko ang atong tuhod ug atong ibayaw ang atong mga kamot ug atong pangayoon ang prisensya sa Dios diha sa atong mga pag-ampo ug atong pangayoon ang kapasaylo-an sa atong mga sala ug atong iampo nga kaluy-an kita sa Dios ug hilaki ang kalooy sa Dios.

Nagdan-ag Ingon nga Suga Sa kalibutan

FILIPOS 2: 12 ~ 18

• 12 Busa, mahal kong kahigalaan, ingon nga kanunay mong nagsunod nako samtang uban pa ko ninyo, padayon mo labi pa karon nga layo na ko, sa pagbudlay alang sa inyong kaluwasan uban ang “Kahadlok ug pangurog.” 13 Ang Diyos nagdasig sa inyong pangandoy ingon man sa pagtuman sa makapahimuot niya. 14 Buhata ang tanan sa walay bagulbol,

15 sa ingon, maanak mo sa Diyos nga walay sayop ug dili mabasol; dili salawayon taliwala sa hiwi ug badlongong kaliwat. Kahayag mo taliwala nila, sama sa kabitoonan sa tibuok kalibotan nga 16 naghupot sa pulong sa kinabuhi. Mobati kog garbo nga ang inyong paningkamot ug kahago wala makawang. 17 Kon ibubo ko ang akong dugo isip gasa alang sa pagsaulog sa inyong pagtoo, magmaya ko ug magpadayon pag-ambit sa inyong kalipay. 18 Magmaya sab mo ug moambit sa akong kalipay

PAGPAAMBIT SA MENSAHE:

Ang maong ebanghelyo naghisgot diha sa kahayag nga modan-ag ingon na suga sa kalibutan diin walay lain nga kahayag mga igsoon kundili ang kahayag nga gidala ni Jesu Cristo ingon nga iwag niadtong nahisalaag. Si Jesus mao ang buhing panagway sa dili makitang Dios ug pinaagi kaniya nagsumikad ang kaluwasan diha sa tanang kaliwatan diin bisan kadtong wala motoo kaniya nga Dios iyang giluwas diha sa kalautan sa ilang kalag.

Nagaingon ang ubang sinulat nga sa nagpakabuhi pa si Jesus nan nagbiay-biay ug natamay ang mga Judio u gang mga pagano diha kaniyaapan ginaingon nga sa kamatayon ni Jesus diah sa dakong krus nga iyang gi-alsa ug diin diha siya gibitay ug gilansang diin namatay usab kita ug ang atong mag kasal-anan uban kang Jesus apan diha sa takma sa iyang pagkabanhaw, nabanhaw usab kita uban kaniya, apan nagpabilin nga patay ang atong sala, ug diin natimaan lamang kini sa atong kaluwasan nagtimaan lamang kini nga gidan-ang ang atong lawas ug kalag diha sa pagpakamatay ni jesus aron sa pagluwas kanato.

Atong hinuktukan ug atong pamalandungan kun unsa man unya ang aton buhaton diha nianang kaluwasan nga iyang gidan-ag diha kanatong tanan. Diin kining maong kaluwasan wala nagpasabot nga wala na kitay buhaton ug pwede na kitang magalingkod diha sa pagbalik sa Dios . angya natong hinuktukan nganaluwas kita apan nagpadayun kita sapagpakabuhi diin ana pa kita sa kalibutan, ug anaa pa ang mga tentasyon, nan angay lamang nga kita magbalaan sa atong kaugalingon puy-an ta ang kinabuhing kristuhanon nga ipasul-ob ni Jesus kanato.

Maoy gusto ni Jesu Cristo matod pa diah sa ubang sinulat nga sa iyang paglakaw balik ngadto sa langit,maglikay na ang iyang mga kataan sapagpakasala, diin magpusaa kita diha sa atong mag kasal-anan diin hingpiton nato ang pagsimba sa Dios pinaagi sa buhat sa huna-huna ug sa kasing-kasing. Matod pa maoy gusto sa Dios nga maglikay kiat sa pagpaksala diha sa iyang paggi kann ug paingon diha sa iyang pagbalik sa kalibutan, sa ato walay kataposan nga apgpuasa sa mga kasal-anan,

Kay anatod pa diha sa ubangg sinulat kun unsa man unya ang hitsura ug bayhon sa mga katawan sa iyang pagbayaw sa langit nan mao usb unya atong bayhon diha sa iya unyag pagbalik, nga sa ato pa mas bali pa nga magpakabuhi kita nga langyaw niining kalibutana apan ha-om didtosa iyang gingharian, kaysa magpakabuhi kita nga ha-om niing kalibutana apan ayran ug dili ilhon didto sa iyang gingharian.

Sa ato pa mga igsoon ang pagtugyan nato sa atong kaugalingon ngadto kang Jesus maoy huing kamatuoran ngakita diha atong pagtulon-an nga imong gibarugan, modan-ag kini dili lang kanatong hintungdan kundili maodan-ag usab kini diha sa atong mga igsoon ug mag kasilinganan.

Ang Pagpaubos Ni Cristo

PILIPOS 2: 1~11

2 • Kon makatambag ko ninyo sa ngalan ni Cristo; kon makadungog mo ini isip tingog sa gugma; kon ambitan ta ang samang espiritu ug kon may kaluoy mo ug kaaghop, dan, hangyoon tamo: 2 lipaya ko pag-ayo. Pagbaton mog usa ka gugma, usa ka espiritu, ug usa ka pagbati. 3 Ayawg buhat og bisag unsa sa inilogay o kamapahitas-on. Sa laing bahin, ang matag usa ninyo magtan-aw sa uban nga mas importati kay kaninyo. 4 Ayawg pangitaa ang kaugalingong kaayohan, apan ang sa uban. 5 Himoa nga ang nakita diha ni Cristo Jesus, makita pod diha ninyo:

6 Bisag dunay balaanong kinaiya, wala siya magmatuod nga sama siya sa Diyos. 7 Gipaubos niya ang kaugalingon ug misagop sa kinaiya sa usa ka alagad, hinimo sa tawhanong kasamahan, ug ang iyang hitsura sama sa tawo. 8 Nagpaubos siya pinaagi sa kamasinugtanon hangtod sa kamatayon, ang kamatayon sa krus –9 hinungdan nga ang Diyos mituboy niya, ug naghatag niyag Ngalan nga milandong sa tanang ngalan 10 Sa ingon, sa Ngalan ni Jesus moluhod ang tanang tuhod, sa kalangitan, sa kalibotan ug taliwala sa mga minatay. 11 Ang tanang dila namulong nga si Cristo Jesus ang Diyos sa himaya sa Diyos nga Amahan.”

PAGPAAMBIT SA MENSAHE

Ang maong ebanghelyo naghisgot diha sa pagpaubos ni Cristo diin mao kini ang hiyas nga gisangyaw ug gipakita ni Jesus sa iyang pagpakabuhi dinhi niining kalibutan. Atong mapalandungan diha sa iyang pagpakatawao diin didto siya ihimugso sa pasungan o kamalig sa mga baka diin hubo sa tanang bahandi niining kalibutan. Siya gipanganak diha sa sabakan ni Birhen Maria diin nakabutang man kini ug eskandalo nga pagmabdos sa atong langitnong inahan kay niadtong panahuna wala may motuo nga siya gimilagrohan ug ang iyang anak lalang sa espiritu santo.

Diha sa iyang pagsangyaw niining tinago nga kamatuoran diin iyang gisangyaw usab nga siya anak sa Dios apan ang mga katawhan ug kadtong mga Judio o sumosunod sa pagtulun-an nga gisangyaw ni Moises sa unang panahun dili gayud motuo nga ang ilang gisimba nga Dios Amahan aduna pa ba diay anak.. Bisan ang mga mabuot nga mga pariseo wala gayud magtuo ug dili motuo sa gisangyaw ni Kristo nga siya ang anak sa Dios kay para kanila ang ilang Dios nga gidamgo ug gusto makita mao usa ka Dios nga bahandi-anon nga sama kanila, apan si Jesus nagsangyaw ug nagtudlo ug nanambal sa mga masakiton pinaagi sa paghatag ug mga milagro, diin nakasandalyas lamang ug walay dayan-dayan o pahiyas sa lawas gawas lang sa mga amorsiko nga namilit sa sidsid sa iyang sinina.

Ang balaang kasulatan nagaingon nga ang Dios moabot diha sa tagsa-tagsa nato ka kinabuhi sa paagi nga dili nato damhon ug ingon man aduna usab siya gitagana niadtong mga katawhan nga iyang pinili ug pinatikan. Diha sa maong ebanghelyo nagaingon ang balaang kasulatan mga igsoon, Anak siya sa Dios apan wala niya ipamugos nga ilhon siyang anak sa Dios hinunu-a nagpakaulipon siya diha sa pagsangyaw sa tinago nga kamatuoran diin iyang gipakita ang pagpakigdait ug ang pagtunob gayud sa garbo ug gng pagdawat sa mga kasakitan diha sa mga paglutos. Gihimo niyang ehemplo ang iyang kaugalingon diha sa pagpakita sa usa ka lider diin Lider siya sa iyang pagtulun-an apan sulogoon siya sa iyang mga katawhan, gipakita niya ang iyang pagpa-ubos ug ang pagsul-ob sa hiyas nga espirituhanon nga maoy gikahimut-an sa iyang Amahan.

Dako ang kadaugan ni Kristo diha sa iyang pagpaubos ug diha sa iyang pagpalansang sa krus diin pinaagi niadto iyang gipakita ang kamatuoran nga matuod ang pagkabanhaw, nga matuod ang kaluwasan ngadto sa kinabuhing dayon, ug nga kamatuoran lamang nga aduna pay kaluwasan ang mga makasasala. Diha sa mao niyang kadaugan gibayaw siya ngadto sa kinatas-an pwesto sa langit diin milingkod siya sa tuo sa iyang amahan ug ang tanan mga binuhat didto sa langit, dinhi as yuta ug didto sa ilawom sa yuta misimba ug miluhod sa iyang ngalan nga Jesu Cristo.

Kamatuoran lamang ang nahasulat sa laing bahin sa balaang kasulatan nga nagaingong nga kun gusto nato nga mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulun-an nga gisangyaw ni Cristo , kay bulahan ka nga nawad-an ug kinabuhi diha sa pagsunod mo sa kabubot-on sa Dios kay mahatagan ka ug dugang pang kinabuhi apan kun nagdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin ug kawad-an ka niini. Sa laing sinulat naga-ingon kini nga kun gusto nimong dayegon ug himaya-on didto sa langit nan puy-i ang kinabuhi nga puno sa pagpasakit ug mga paglutos dinhi sa yuta, pas-ana ang imong krus ug sunod sa pagtulun-an nga gisangyaw ni Kristo, diin bulahan ka nga nakaambit diha kasakitan ni Kristo didto sa krus kay makaambit ka usab sa himaya sa iyang pagkabanhaw didto sa langit.

Pagtulun-an Sa Pag-ampo

LUCAS 11 : 1 ~ 13

11 • 1 Usa ana ka adlaw, nag-ampo si Jesus. Human ini miingon niya ang usa sa iyang mga tinun-an: “Ginoo, tudloi mi sa pag-ampo ingon nga gitudloan ni Juan ang iyang mga tinun-an.” 2 Miingon si Jesus: “Ingna ini pag-ampo:
Amahan namo, naa sa langit ang imong ngalan, moabot ang imong gingharian.
Matuman ang imong kabubut-on
didto sa langit ingon man dinhi sa yuta.
3 Hatagi mi sa adlaw adlaw namong pan.
4 Pasayloa mi sa among mga sala;
kay pasayloon sab namo ang tanan nga nakahimo namog sayop; ayaw mig itugyan sa panulay, ug luwasa mi sa daotan.”
• 5 Miingon si Jesus: “Kon ang usa ninyo may higala nga iyang giadto sa tungang gabii ug giingnan: ‘Higala, pabayloa kog tulo ka pan, 6 kay mao pay pag-abot gikan sa byahe sa akong higala ug wala koy ikapakaon niya.’ 7 Hayan tubagon ka sa naa sulod sa balay: ‘Ayaw kog tugawa. Nanrangka na ko sa pultahan. Nanghigda na mi ug ang mga bata. Dili na ko mobangon aron paghatag nimo sa pan.’ 8 Ingnon tamo, kondili siya mobangon tungod sa ilang pagkahigala, mobangon siya ug ihatag ang gikinahanglan tungod sa pamugos.
9 Ingnon tamo: pangayo ug hatagan mo, pangita ug inyong makaplagan, panuktok ug ablihan alang ninyo ang pultahan. 10 Makadawat gyod ang mangayo; makakaplag ang mangita ug ablihan ang manuktok.
11 Kinsa ninyong mga amahan ang mohatag og bitin sa anak nga nangayog isda? 12 Kinsay mohatag og tanga kon itlog ang gipangayo? 13 Kon kamong mga daotan mahibawong mohatag og maayong mga gasa sa anak, unsa pa kaha ang Amahan sa langit? Mohatag siya sa balaang Espiritu sa mangayo niya.”

PAGPAAMBIT SA MENSAHE:

Ang among mensahe nagpadayag diha sa pag-ampo ngadto sa amahang Dios diin mao kini ang bugtong komunikasyon nato ngadto sa Dios diha sa atong mga pangayo ug mga hangyo diha sa pagpakabuhi niining kalibutana. Bisan ang Dios nga si Jesus nagaampo ngadto sa iyang amahang Dios didto sa bukid sa Olibo nga binayaw ang mga kamot. Sa ato pa mga igsoon ang pag-ampo maoy usa ka pagpakita nato sa atong pagtuo inubanan sa pagsalig ngadto sa Dios nga dili makita ug mahikap. Ug mao kini nga matang sa pagtuo nga mahangtod sa kahangturan.

Diin bulahan ka nga nagatoo ug nagaampo sa mga binuhat nga dili makita ug mahikap diin mao kini mga hiyas nga gikahimut-an sa Dios apan kun nagtoo lamang kita diha sa mga butang nga atong makita ug mahikap nan mao usab kining mga butanga nga dinhi lang sa kalibutan diin mahibalik kang usab kini sa abog ug motipon sa yuta.

Nagaingon si Jesus Cristo nga duha ug tulo nga naga-ampo diha sa iyang ngalan nan anaa siya nakig-uban kanato, ug diin walay gipili ang Dios diha sa mga katawhan nga naga-ampo diin matod pa sa pulong sa Dios Amahan ang tanan nga naga-ampo iya gayud nga nabati ug nadungog diin matod pa sa Dios walay pag-ampo dinhi sa ibabaw sa kalibutan nga wala niya madungog , ang tanan iya gayud nga nadungog apan dili ang tanan nakadawat sa iyang panalangin kay ang kadaghanan nga naga-ampo anaa lang sa tumoy sa dila, wala magsumikad sa ilang kasing-kasing.

Ang Dios nagatudlo ug mga pag-ampo nga ha-om sa ilang kabubut-on diin diha niining ebanghelyo nagpatudlo ang maong tinun-an diin siya gitudlo-an ni Jesu Cristo sa pag-ampo nga Amahan namo diin mao kini ang pag-ampo nga gitudlo sa Dios kanato ug mao usab nga pag-ampo nga makadawat sa panalangin sa Dios ka nagsumikad man diha sa iyang kabubut-on.

Libo-an na katuig ang milabay diin ang mga pag-ampo nga gitudlo sa Dios naghatag ug mga panalangin ug kaluwasan diha sa mga tawo nga nagagamit niini, Dinhi niining panahuna, diin ang espiritu santo mikunsad sa tawo ug mihatag ug mga pag-ampo nga milagroso sama niining “casting” ug panalipod diin diin maoy timaan sa mga pagtulun-an nga gisangyaw ni Kristo ug mao usay tima-an diha sa mga pag-ampo nga iya sa Dios.

Apan ang Dios nagaingon diha sa mga santa cruz ug sa mga misyon sa kasakit pinaagi sa mga paghalad ug mga pag-ampo, diin mao gayud ang importante ang mga pag-ampo nga iyang gitudlo kanato, ug ingon man nagaingon siya wala mo pa malitok ang imong mga paghalad ug mga pag-ampo apan kun akong nakita nga kinasing-kasing ug tiunay ang imong mga pag-ampo nan ako kining panalanginan.

Mga Bahandi Sa Langit

MATEO 6: 19 ~ 21

19 Ayawg tigom og bahandi alang sa kaugalingon dinhi sa yuta nga makutkot sa anunogba ug sa taya, ug makawat. 20 Pagtigom hinuog bahandi alang ninyo uban sa Diyos. Ug walay anunogba ni taya nga makakutkot o kawatan nga makapangawat ini. 21 Kay hain gani ang bahandi, tua sab ang kasingkasing

PAGPAAMBIT SA MENSAHE:

Ang maong ebanghelyo naghisgot ug nagatuki diha sa bahandi sa tawo diin matod pa diha sa balaang kasulatan duruha ang matang sa bahandi, Una ang bahandi nga iya sa espiritu santo sa Dios , diin bahandi kini nga dili makita ni mahikap apan maoy bahandi nga molungtad hangtod sa kahangturan. Apan kun ang imong bahandi iya lamang sa tawo nan bahandi kana nga dinhi lamang sa kalibutan, diin makita mo kini ug mahikap apan dili kini mahangtod sa kahangturan kay kutkuton man kini sa taya ug mabalik ra man kini sa yuta.

Ang balaang kasulatan nagaingon kun asa ang imong bahandi nan atua usab ang imong kasingkasing, nga sa ato pa kun ang imong bahandi ania sa yuta nan tawhanon ang imong bahandi nga sa ato pa dinhi ka lang usab kutob sa kalibutan. Apan kun ang imong bahandi, bahandi nga langitnon nan mao kini bahandi nga ipasukip diha sa imong kasingkasing ug panumduman ug diin mao usab kini nga bahandi nga imong ipresentar ngadto sa Dios sa kamatuoran pag-abot sa panahan nga moatubang na kita kaniya diha sa kataposang paghukom.

Ang Dios nagaingon unsa may maarang sa tawo nga sa paghiabot niya dinhi sa kalibutan hubo man siyang daan ug inigtalikod niya sa kalibutan talikdan man usab niya nag tanan. Ang Dios nagaingon usab diha sa ubang sinulat ayaw na pagpangagplag pa ug dugang bahandi ug insakto na ang ana-a kaninyo, kay ako nga inyong Dios dili gayud mahitabo nga motalikod kaninyo . Dili gayud mahitabo nga motalikod ang Dios Niadtong mga binuhat nga sa kanunay nagsimba sa Dios ug nagpapuyo mismo sa Dios diha sa ilang tagsa-taga ka kasing-kasing.

Diha sa ubang sinulat nagaingon nga nganong nabuhi man ang mga kabulakan diha sa kabukiran ug ang mga kalanggaman diha sa mga kalasangan nga wala may nagaatiman ug nagaalima kanila, Busa mga igsoon dili kita angay nga mahadlok kay matod pa sa Dios nga mabuhi gayud ang tawo bisan walay materyal nga bahandi niining kalibutana, kay matod pa sa Dios mas mahal pa ug bili ang tawo kay sa mga langgam ug kabulakan.

Busa mga igsoon angayan lamang diay nga atong pasidunggan ang Dios diha sa pagkinabuhi nato niing kalibutan, kay iya man ang tanang butang dinhi sa kalibutan, Diin nagaingon ang ubang bahin diha sa ubang sinulat pangayo kay ikaw pagatagaan, panuktuk kay ikaw pagaablihan, kay kun mangayo kaninyo ang inyong anak ug pan pagatagaan ba diay ninyo ug bato, ? ang ato pa kahang Amahan nga tua sa langit pagataga-an usab kita niya diha sa atong pangayoon kay matod pa sa Dios, nganong dili ko man ihatag kon kini kaayuhan man.

Mas maayo gayud diay mga igsoon nga magtigom kita ug bahandi nga langitnon, diin walay kawatan nga magasaka ug walay taya nga magakutkot. Unsaon man pagtigom?. Isul-ob lamang ang hiyas nga iya sa epiritu santo sa Dios nga maoy gisul-ob ug gisangyaw ni Kristo diha sa iyang pagkinabuhi dinhi sa kalibutan. Diin anaa ang pangindawaton, ang pagpaubos, ug ang pagdawat sa mga paglutos ug sa mga kasakitan diha sa mga pagtulun-an nga iya ni Kristo, kay ang balaang kasulatan nagaingon kun gusto nimo nga daygon ug himayaon didto sa gingharian sa langit nan puy-i ang kinabuhi nga puno sa mga kasakitan dinhi sa yuta diin anaa ang pagpanlutos ug ang pagdaug-daug, pas-ana ang imong krus ug sunod sa pagtulun-an nga gisangyaw ni Kristo.

Mga Pagtulun-an Mahitungod Sa Pagpu-asa

MATEO 6: 16~ 18

• 16 Sa pagpuasa, ayawg ipakita nga makaluluoy kaayo mo ingon sa gihimo sa tigpakaaron-ingnon. Nagpa-kita silag subo nga nawong aron ang mga tawo masayod nga nagpuasa sila. Sultihan tamo nga gigantihan na sila. 17 Kon magpuasa mo, panghilam-os. Patahoma ang kaugalingon. 18 Kay wala mo magpuasa alang sa pasun-dayag o alang sa mga tawo kondili, alang sa Amahan nga nakakita luyo sa pasundayag. Ug ang Amahan nga nagtan-aw sa tago, moganti ninyo.

PAGPAAMBIT SA MENSAHE:

Ang maong ebanghelyo naghisgot diha sa pagpuasa diin giingon dinha nga diha sa pagpuasa nato sa materyal nga mga kalan-on dili kini pasundayag o dili magpakita sa makaluluoy nga panagway diin hinunu-a pagsaya ug mag-ilis ug sakto , kay matod pa diha sa ebanghelyo kadtong nagpakaron-ingnon nan gibawosan na silang daan apan kadtong nagpakahilom lamang nan ang Dios ra maoy magabalos kanila.

Ang apagpu-asa matod pa diha sa uban sinulat maoy atong pagpakita sa atong hingpit nga pagpasakit ug paghinulsol sa atong mga sala, diin nagaingon si Jesus sa nakig-uban pa siya sa iyang mga apostoles nga dili kinahanglan nga magpuasa kamo samtang ako nakig-uban pa kaninyo isip tawhanon nga lawas apan inig balik na unya ni Jesu Cristo ngadto sa kiliran sa amahan nan mao usa unya ang pagsugod ug puasa.

Nga sa ato pa mga igsoon dili hingpit ang pagpuasa kun diha lamang sa materyal nga kalan-aon kita magpu-asa diin mas labing bulahan kun makapuasa kita diha mismo sa pagbuhat sa mga kasal-anan diin pinaagi sa giya sa espiritu santo sa Dios maglikay kita sa pagpakasala dili lang sa atong binuhatan kundli apil na usab sa pulong, ug sa huna-huna.

Ang Dios nagaingon nga ayha na kamo pagsugod sa pagpu-asa kum mahibalik na ako ngadto sa kiliran sa akong langitnong amahan, nga sa ato pa mga igsoon ang pagpuasa diay dili lang diha sa matag kuarisma kita magpuasa. Dili lang kay sa matag semana santa kita maga puasa kundili ang pagpuasa diay ang matuod nga pagpuasa nagasugopd niadtong panahun sa kamatayon ni Kristo ug dili angay nga moundang kita sa pagpuasa hangdtod dili mahibalik si Jesus aron sa paghukom kanatong tanan. Sa ato pa si Jesu Cristo nagaaghat kanato sa pagpuasa sa mga kasal-anan dili lang niining adlaw sa iyang kasaulogan sa mga sala kundili hangtod na sa iyang pagbalik nganhi sa kalibutan.

Sayon kaayo paminawon apan lisod buhaton kay ngano man, tungod kay mismo ng atong kaugalingon wala man maanad sa pagbuhat sa wala nato maandi nga sa ato pa ang bugtong babag diay diah a atong pagsunod sa kasugoan sa Dios mao ra gayud usab ang atong kaugalingon, sa mga Japanese practioner diha sa inner self o pagpalambo diha sa ilang kaugalingon nga kinaiyahan duna silay gitawag nga Masaketsu-Agatsu, diin nagpasabot kini nga Greatest Victory is Victory over One-Self, nga sa ato pa nga sinultihan, Ang pinakadako nimo nga kadaugan mao ang kadaugan mo diha sa pagdisiplina sa imong kaugalingon. Nga sa ato pa walay laing dalan ngadto sa kaluwasan sa atong kalag diha sa pagsunod nato sa pagtulun-an ni Kristo mao ra gayud usab ang pagkuntrolar ug pagdisiplina sa atong kaugalingon.

Ang kaadaugan nato diha sa atong kaugalingon mao gayud usab ang atong kadaugan diha sa pagsunod sa pagtulun-an ni Kristo Jesus. Mateo 17: 24 ~ 25 nagaingon Kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulun-an nga gisangyaw ni Kristo, kay bulahan ka nga nawad-an ug kinabuhi diha sa pagsunod mo sa pagtulun-an ni Kristo kay mahatagan ka ug dugang kinabuhi, apan kun nagdumili ka diha sa pagsunod sa kabubut-on sa Dios sa kahadlok nga mawad-an ug kinabuhi nan basin kun kawad-an ka niini.

Puyo, Puntil Ug Espada

LUCAS 22:35 ~ 38

35 Nangutana kanila si Jesus: “Dihang gipadala tamo nga walay pitaka, bag o sandalyas, may nakulang ba ninyo? Mitubag sila: “Wala.” 36 Mipadayon si Jesus: “Nan karon, ang may pitaka dad-a ni; ingon man ang may bag; ang walay pinuti, ibaligya ang kupo aron ipalit og pinuti. 37 Kay nag-ingon ang kasulatan: “Giisip ka nga kriminal.” Kining mga pulonga kinahanglang matuman dinhi nako. Tumanon na ang mga butang bahin nako. 38 Miingon sila: “Ginoo, niay duha ka pinuti.” Mitubag siya: “Igo ra na.”

PAGPAAMBIT SA MENSAHE:

Ang maong ebanghelyo nagbutyag diha sa mga gimbuhaton sa kristuhanong kalihukan diin pinaagi sa giya sa espiritu santo sa Dios ang tanan nga nahisulat natuman gayud. Diha sa maong ebanghelyo gipakita ni Jesus nga hapit na moabot ang gisaad diha sa mga panagna sa mga balaang tawo sa unang panahun. Ingon ng giaandam ni Jesu Cristo ang iyang mga sumosunod diha sa mga kinahanglanon nga material diin isangyaw nila ang pulong sa Dios luyo sa mga paglutos ug sa pagdaugdaug sa mga Judio.

Diin nakita na ni Jesus Cristo ang kaguliyang diha sa maong mga pagsangyaw diin daghan ang gustong mopatay kaniya, kay lagi nasuko ang mga Judio ug ang mga pariseo kay lagi para kanila nanamastamas si Jesus diha sa pagpaila nga anak sa Dios diin para kanila walay anak ang Dios ug kun ugaling kun duna man dili kini magagikan sa masa kundili magsumikad kini diha sa mga bahandi-anon. Ang pagdala ug espada diha sa ilang pagsangyaw sumala sa gisugo sa Dios kanila wala magpasabot nga magkig tinagbasay sila diin mao lamay gipasabot ni Jesu Cristo nga ang iyang mga kaaway mogamit gayud sa espada ug kusog aron dakpon siya, diin ang maong pagdala ug espada mao lamay usa ka sambingay diha sa kristuhanong pagpakabana.

Nakalatid ng daan ang mga tanghaga ug mga bulohaton diha sa kinabuhi ni Jesus diin siya pagadakpon, pagasilotan ug ilansang sa krus diin walay kusog sa kalibutan nga mopugong niini kay nakalatid na man kini sa amahan nga sa ato pa bisag unsa pay buhaton sa mga katawhan ni Jesus kanilang mga sundalo, mogawas gayud ang nakasaaad sa balaang kasulatan kay dili kini kabubut-on sa tawo kundili kabubut-on sa Dios Amahan. Aron mapakita ang sumbanan diha sa pagtulun-an nga gisangyaw ni Kristo diin iyang gipakita kun unsa ka bililhon sa tawo para sa Dios kay mao kini ang pinalabi nga binuhat sa Dios diin siya giandaman ug himaya ngadto sa kinabuhing dayun diha sa maong kaluwasan ni Kristo

Nagpasabot lamang mga igsoon nga dili madali ang pagsulod ngadto sa gingharian sa Dios diin anaa gayud ang pagsulay diha sa kinabuhi nga imong gibarugan, kay mao kini ang paagi sa Dios Amahan diha sa kaluwasang dayun diin moduol ka gayud ug makighigala sa Dios pinaagi kang Jesus. Kay matod pa higala kita sa Dios kun sa kanunay anaa ang mga kasakitan sa atung kinabuhi diin anaa ang pagpaubos , ang pagka mangindawaton ug ang kinasing-kasing nga mga pag-ampo.

Ang balaang kasulaatn nagaingon nga kun gusto nimong daygon ug himayaon didto sa gingharian sa Dios nan puy-i ang kinabuhi nga puno sa mga paglutos ug sa mga kasakitan dinhi sa yuta, diin anaa ang mga kaakitan ug mga pagbiay-biay diha mismo sa pagtulun-an nga imong gibarugan, diin bulahan ang mga katawhan nga nakaambit diha sa mga kasakitan ni Jesus didto sa langit kay makaambit usab sa iyang himaya sa pagkabanhaw didto sa langit. Nga sato mga igsoon kinahanglan gayud ng dawaton nato ang mga kasakitan sa kinabuhi , pasanon nato ang atong ktrus ug sunod sa mga pagtulun-an nga gisangyaw ni Kristo.

Ang pagpakigjhigal sa Dios maoy bugtong sumbanan diah sa pagkinabuhi nga balaan diin ato lamang sundon ang gisangyaw ni Jesus sumala sa nakasulat sa balaang kasulatan diin ann gayud ang pagpasakit ug pangindawato diha sa kannay nga mga pag-ampo. Sa ato pa mag igsoon kun sukwahi ang imong pagpuyo sa kalibutan diin anaan kanimo ang apgkagarbuso u gang sobra nga paglingi sa kalubutan nan dili ka kang kristo , apan kun gidawat nimo sa tumang pagpaubos ang mga kasakitan ug mgapaglutos nag imong nasinati ann nagpasabot laamng kana nga imong gidawat ug imong gipapuyo ug gipahari si Jesus diha sa imong kasing-kasing

Ang Mga Judio Ug Ang Mga Balaod

ROMA 2:17~29

17 Pananglitan, nagtawag mo ninyo nga Judio, naggamit sa Balaod isip sukaranan ug nagpasigarbo sa inyong Diyos. 18 Nahibawo mo sa kabubut-on sa Diyos, ug ang Balaod nagtudlo ninyo sa pag-ila unsay mas maayo. 19 Alang ninyo giya mo sa mga buta, kahayag sa kangitngit, 20 magtutudlo sa walay kahibawo, tigmatuto sa mga bata, kay sa Balaod nagbaton mo sa tinuod nga kahibawo.

21 Unya, kamo nga nagtudlo sa uban, nganong dili man ninyo tudloan ang inyong kaugalingon? Kon nagsugo mo sa dili pagpangawat, nganong nangawat man mo? 22 Nag-ingon mo nga dili manapaw, apan inyo ning gibuhat. Nag-ingon mo nga gidumtan ninyo ang mga diosdios, apan nangawat mo sa mga templo! 23 Mapasigarbohon mo sa Balaod, apan wala mo mosunod ini. Gipasipad-an ninyo ang inyong Diyos. 24 Gani, sumala sa kasulatan, ang ubang nasod nagtamay sa ngalan sa Diyos tungod ninyo.

25 Ang pagpatuli mapuslanon alang ninyo kon nagtuman mo sa Balaod, apan kon wala, sama ra nga wala mo matuli. 26 Hinunoa, kon ang mga pisot motuman sa mga sugo sa Balaod, wala ba mo magtoo nga bisan sa ilang kapagano, nahisama sila sa mga tinuli? 27 Ang nagtuman sa Balaod nga wala magpatuli mohukom ninyong nagpatuli ug nagbaton sa Balaod nga wala tumana. 28 Kay ang tiunayng Judio dili ang nagpatuli lang sa gawas, dili sab ni tiunayng pagpatuli. 29 Ang Judio kinahanglang Judio pod sa sulod. Ang pagtuli sa kasingkasing nalambigit sa espiritu ug dili sa sinulat nga balaod. Ang magpuyo ining paagiha daygon dili sa mga tawo kondili, sa Diyos.

PAGPAAMBIT SA MENSAHE:

Ang maong ebangjelyo naghisgot diha sa tinud-anay nga kahulugan sa pagka-Judio diin mao kining mga kaliwata ang giluwas ni Moises sa nabantog nga panaw sa Exodus gikan sa Ehipto paingon sa yuta sa mga saad diin mao na man kini ang Israel. Sila mao ang mga pinalangga sa Dios sa una pang panahun diin diha kanila nagsumikad ang nabantog nga Amahan sa pagtulun-an sa Dios sa panahun ni Moises. Agig simbolo sa ilang pagtahod sa Dios ang mga Judio nagatuli sa ilang mga kaliwatan nga lalaki matag ika walo ka adlaw gikan sa pagkahimugso, mao kini ang tawhanon o lawasnon nga tatak diha sa pagkasumosunod sa Dios.

Ang balaang kasulatan nagaingon nga masbililhon ang pagkatinuli dili lamang sa parte sa imong lawas kundili tinuli ka usab diha sa imong kasing-kasing. Sa ato pa ang paglkatinuli nagpasabot diha sa pagsanong sa pagtawag sa Dios niadtong panahuna, apan unsaon man tuod kun tinuli ka lamang sa lawas kun ang imong kasing-kasing nagpabilin ang mga salawayon nga hiyas ug mga tawhanon nga mga kailibgon.

Mao kini ang mga balaod sa kapanahunan ni Moises diin nagahatag sila ug dakong simbolo diha sa mga timailhan sa tawo aron kini ilhon nga usa ka sumosunod sa Dios. Diin daghan usab ang gipandugang diha sa ilang mga mabuot nga mga pari ug diin nahimong tawhanon ang ubang mga lagda nga ilang gipatuman. Ang Dios miingon diha sa balaang kasulatan nga maoy mas labing importante ang pagkatinuli o tinawag pinaagi sa kabug-os nga kasing-kasing sa tawo diha sa pagsunod sa kasugo-ans sa Dios. Nga sa ato pa kun masunoron ka sa kabubut-on ug kasugo-an sa Dios bisan ug dili ka Judio nan makadawat ka gayud ug panalangin sa Dios, kay matod pa Wala lamang gihapon pulos ang pagkatinuli kun wala ka magatuman sa kabubut-on sa Dios.

Apan ang Dios nagaingon ang tanan nga nagasimba ug bisan kadtong wala magasimba kani makadawat gayud diha sa mga pagpanlutos kun kini nakalatid nang daan sa Amahan . Nga sa ato pa anaa man ang Dios sa imong kinabuhi o wala, sa kanunay makasinati ka gayud sa mga pagpanlutos. Ang balaang kasulatan nagaingon 1 Pedro 1, pagasulaayan man gani ang bulawan kun kini matuod ba nga lumalabay lamang nan ang tawo pa kaha nga mas labaw pa ug bili sa bulawan, makasinati gayud sila sa pagsulay kay mao man kini ang pagsukod sa Dios sa iyang mga katawhan kun asa kutob ang ilang paghigugma ug pagsunod sa kabubut-on sa Dios.

Ang balaang kasulatan nagaingon, Mateo 17: 24~25, Kun gusto nimong mahimong tinun-an ni Kristo nan kalimti ang imong kinabuhi, pas-ana ang imong krus ug sunod sa pagtulun-an nga gisangyaw ni Kristo. Bulahan ka nga nawad-an ug kinabuhi diha sa pagsunod mo sa kabubut-on sa Dios kay mahatagan ka ug dugang kinabuhi, apan kun magdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin ug mawad-an ka hinuon niini. Sa ubang sinulat nagaingon “ Kun gusto nimong daygon ug himayaon didto sa gingharian sa Dios nan puy-i ang kinabuhi nga puno sa pagdaug-daug ug pagpakaubos dinhi sa yuta diin anaa ang pagkamainampoon ug pagkamangindawaton, pas-ana ang imong krus ug sunod sa pagtulun-an nga gisangyaw ni Jesus. Kay bulahan ka naka-ambit sa mga kasakitan ni Kristo didto sa krus kay makaambit ka usab sa himaya sa iyang pagkabanhaw didto sa gingharian sa langit

Mas maayo gayud diay mga igsoon sa pagsunod sa kabubut-on sa sa Dios sumala sa nahisulat sa balaang kasulatan diin mao kini ang gisunod sa tanang balaod dinhi sa yuta ug sa langit. Ang balaang kasulatan maoy gihimong sukdanan sa kaalam sa Dios niadtong mga panahun sa atong katigulangan, ug mao usab kini ang gihimong sukdanan sa mga pagtulun-an ug sa mga balaod nga iya sa tawo. Usa ra ang Dios ug usara ang balaang kasulatan diin mas maayong sumbanan gayud ang maong kasulatan kay matod pa walay balaod dinhi sa yuta ug sa langit nga imong masupak.

Paglaum Nga Dili Matarog

1 PEDRO 1:3~12

3 Dayegon ta ang Diyos, ang amahan sa atong Ginoong JesuCristo, tungod sa iyang
kaluoy. Sa pagkabanhaw ni Cristo Jesus sa minatay, gitagaan ta niyag bag-ong kinabuhi ug paglaom sa pag-ambit sa kinabuhing malungtaron human sa kamatayon, 4 sa sala ug sa tanang lumalabay. Kining kabilina giampingan sa kalangitan alang ninyo. 5 Kay ang gahom sa Diyos maghimo ninyong matinud-anon hangtod nga mabutyag ang kaluwasan sa kataposang mga adlaw. 6 Adunay hinungdan sa kalipay, bisag sa usa ka panahon, sulayan mo pag-ayo. 7 Hinunoa, ang inyong pagtoo sulayan daw bulawan sa hudno. Apan ang bulawan molabay lang. Ang pagtoo nga mas bililhon kaayo, sa kataposan magdalag pagdayeg, himaya, ug dungog inigpakita na ni Cristo Jesus.

8 Wala pa siya makita, apan nahigugma na mo niya. Mitoo na mo bisag wala pa siya makita. Busa, nakatagamtam mog langitnong kalipay nga dili matukib sa mga pulong, 9 kay nakab-ot ang katuyoan sa pagtoo: ang kaluwasan sa kalag. 10 Mao ni ang kaluwasan nga madasigong gipangita sa mga propeta. Gitagna nila kaniadto ang grasya sa Diyos alang ninyo. 11 Apan igo lang sila sa pagsusig kanus-a ang Espiritu ni Cristo nga diha na nila mipadayag sa panahon ug sa kahigayonan: Ang mga pag-antos ni Cristo ug sa nagsunod nga kahimayaan
.
12 Gipadayag nga nagbudlay sila dili lang alang sa kaugalingon kondili, alang pod ninyo. Busa, ining mga adlawa, human mapadala ang Espiritu Santo gikan sa langit, gitudloan mo sa mga magwawali sa Ebanghelyo ining mga misteryo nga bisan ang mga anghel nangandoyng makakita.

PAGPAAMBIT SA MENSAHE

Ang maong ebanghelyo naghisgot diha sa pagkinabuhi nga matarong dinhi sa ibabaw sa kalibutan diin nagaingon ang pulong diha sa maong ebanghelyo “ Ang pagkabanhaw ni Jesu Cristo maoy tiunay nga paglaom niadtong mga tawo nga nangandoy sa kinabuhing dayon. Diin ang paglaom nagakahulugan kini diha sa atong pagsalig ug bug-os nga pagtuo ngadto sa Dios nga dili makita ug mahikap.

Ang balaang kasulatan nagaingon diha sa ubang sinulat, ang pagtuo ngadto sa butang o binuhat nga dili makita ug mahikap nan mao kini nga matang sa pagtuo diin molungtad hangtod sa kahangturan apan kun ang pagtuo nagsumikad lamang diha sa mga butang o binuhat nga imong makita ug mahikap nan mao kini ang mga pagtuo o paglaom nga adunay kataposan.

Usa ka pagtuo diha sa paglaom nga dili matarog nga atong mapalandungan nga maoy gipakita niadtong unang tinawag sa Dios , kang Abraham diin bisan wala niya makita o mahikap ang Dios apan tungod sa talagsaon niyang pagtuo gigantihan siya sa Dios diin bisan diah sa bug-at nga pagsulay nga iyang nasinati diin gisugo siya sa Dios sa paghalad sa iyang bugtong anak nga lalaki nga si Isaac, didto sa bukid nga halaran, ug diin wala siya magduha-duha sa pagtuman sa maong kabubut-on sa Dios. Ug tungod niini gigantihan siya sa Dios nga pagatagaan siya ug luna didto sa yuta sa mga sa saad diin didto magsimikad ang iyan mga kaliwatan diin magasumikad didtong dapita diin pagatawgon siya ug amahan sa tanang nasod sa kalibutan, apan sa gihapon tagaan una ug pagsulay ang iyang mga kaliwat diin mamahimo kining ulipon sulod sa 400 ka tuig ug ayha mahatag ang maong saad sa Dios ug tuod natuman kini diha sa paghiabot ni Jesus Cristo, diin ang balaan kasulatan nagaingon nga kun gidawat ug mituo ka kang Jesu- Cristo nga anak sa Dios ug imong manluluwas naan kaliwat ka ni Abraham. Ug ang tanan siyudad sa kalibutan nga nagsangyaw ug mituo sa mga pagtulon-an ni Jesus paga-ilhon nga kaliwat ni Abraham.

Diha sa ubang sinulat sa Colosas 2, nagaingon nga si Jesus Cristo ang buhing panagway sa dili makita nga Dios. Nga sa ato pa ang Dos Amahan ug ang anak usa ra. Diin ang mag milagro nga gipakita ug gipadayag ni Jesus diha sa iyang pagkaanak sa Dios iyang gipakita ang sumbanan sa usa ka matuod nag punu-an sa iglisea ingon man ang sumbanan sa pagkamatuod nga lider. Philipos 2 : 8 ~ 16 nagaingon anak iya sa Dios apan waal niya ipamugos nga motupong siya sa Dios diin ngapakaulipon siya ngapkaubos ug gipakita niya ang giingon nga workin God diin nagsilbi siya ug nagpaulipon sa iyang mga kaatwhan pinaagi sa pagsangyaw sa maayong balita ug sa pagpakita ug mga milagro sumala sa kabubut-on sa iyang Amahan.

Apan sa wala pa siya mobiya dinhi sa kalibutan sa dihang nakig-uban pa siya sa iyang mga apostoles, miingon siya sumala sa basahon ni 1 Juan 1 :14, tagaan ko kamo ug manlalaban ang espiritu sa kamatuoran nga molaban kaninyo hangtod sa kahangturan. Diha sa ubang sinulat nagaingon inigbalik na sa anak sa Dios aron pagpakig-uaban sa iyang Amahan sa langit, diha na magsugod ang mga katawhan sa pagpuasa. Diin magbalaan sila sa ilang kaugalingon ug maglikay sa pagpakasala.

Sa ato pa mga igsoon ang pagpuasa sa mga kasal-anan dili diay kay matagkuarisma lamang kundili ang pagpuasa nga maoy gusto ni Jesus Cristo nng mga puasa ang iyang mga katawhan gikan sa iyang pagsaka ngadto sa langit ug dili moundang sa pagpuasa o sa paglikay sa pagpakasala hangtod diha sa iyang pagbalik aron sa paghukom kanatong tanan. Kay diha sa ubang sinulat nagaingon kun unsa ang panagway ug kahimtang sa iyang mga katawhan sa iyang pagbiya ngadto balik sa langit nan mao usab unya ang iyang pagbalik aron sa paghukom kanatong tanan.

Apan si Jesu- Cristo nagaingon usab nga bisan pa ug unsaon sa tawo makasala gayud siya pinaagi sa pulong sa huna-huna ug sa buhat, nan ang Dios nagahatag ug mga pag-ampo aron sa kanuany atong magamit diha sa pagpangayo ug kapasaylo-an sa atong mga sala. Ang Dios Amahan nagaingon, walay tawo dinhi sa ibabaw sa kalibutan nga wala niya madunggi ang pag-ampo ang tanan iya gayud nga hidunggan apan ang kadaghanan wala gayud makadawat sa iyang panalangin tungod kay ang uban nga nanag-ampo, anaa lamang sa tumoy sa ilang dila, wala magsumikad sa ilang kasing-kasing. Ang balaang kasulatan nagaingon nga diha sa imong pag-ampo panirado sa imong kuwarto , luhod ug atubang sa altar ug idupa ang imong kamot, ug pangayu-a ang pasaylo sa Dios diha sa imong pag-ampo ug hilaki ang kalooy sa Dios.

Ang Mensahe Mahitungod Kang Kristo Didto Sa Krus

1 CORINTO 2: 1~5

2 • 1 Sa akong pag-anha, mga igsoon, aron pagpasabot ninyo sa katingalahang tuyo sa Diyos, wala ko magdalag mga habog nga sinultihan o kaalam. 2 Sa pagkatinuod, nakahukom ko nga taliwala ninyo wala koy nahibaloan gawas ni JesuCristo nga gilansang sa krus. 3 Busa, miabot ko nga huyang, mahadlokon ug nangurog. 4 Wala koy makapadani nga pulong o kaalam sa akong pagsulti ug pagwali. 5 Hinuon pinaagi ini napadayag ang Espiritu ug ang gahom aron makatoo mo dili tungod sa kahibalo sa tawo kondili, sa gahom sa Diyos.

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa pagtulun-an ni Jesu Cristo, ingon man usab ang iyang kadaugan diha sa krus, Ang maong kamatayon ni Jesus sa krus maoy kadaugan sa iyang mga tahas sa iyang Amahan diin dako ang pasidungog sa amahan kaniya kay gibanhaw man ug gibayaw ang iyang tawhanon nga lawas, diin matod pa sa balaang kasulatan siya ang pinakaunang tawo diha sa kasaysayan sa balaang kasulatan nga nabanhaw. Ug diha sa iyang kadaugan sa iyang mga tahas dinhi sa kalibutan ingon nga midaug siya sa tanang mga pagsulay. Philipos 2: 16 nagaiangon, gihatgan siyag dakong luna didto sa gingharian sa langit diin nagalingkod siya sa tuong kilid sa iyang amahan, ug ang tanang binuhat didto sa langit dinhi sa yuta ug sa ilawom sa yuta miyukbo ug miluhod nga nagasangpit sa iyang ngalan nga Jesu-Cristo.

Usa ka tulukibon ug angayan nga handumon ang maong pagtulun-an diin diha mismo sa iyang kamatayon sa krus ang balaang kasulatan nagaingon, nga namatay usab kita ug ang atong mga sala uban kaniya, apan diha sa iyang pagkabanhaw, nabanhaw usab kita apan nagpabiling patay ang atong mga kasal-anan, timailhan nga naluwas kita diha sa maong kamatayon ni Jesus sa krus. Ang pangutana mao naba kini ang kaluwasang dayun nga gisaad ni Jesus, ang kaluwasang dayun atua kana sa laing kalibutan nga sa to pa samtang nagkinabuhi pa kita dinhi sa ibabaw yuta nan tawo pa kita ug dili pa nato matagamtam ang kaluwasn diha sa kinabuhing dayun ug kay tawo pa kita nan bisan unsaon pa makasala gihapon kita pinaagi sa mga pulong sa huna-huna ug sa buhat.

Ang kaluwasan diay nga gihatag ni Jesus diha sa pagkabanhaw ni Jesus, diha sa ubang ebanghelyo nagaingon nga ang atong kaluwasan sama laman sa nagasakay kita barko diha sa tunga-tunga sa lawod diin nahulog ka sa dagat ug giluwas ka ni Jesus ug gibalik sa pagpasakay sa barko, apan wala ka pa makaabot sa imong pagaadtu-an sa ato pa daghan pang mahitabo diin daghan pang mga tentastyon ug mga paglutos ang imong maagi-an. Diin daghan kang mamahimong kasal-anan unya pinaagi lamang sa imong huna-huna ug sa mga pulong ug ilabina gayud sa buhatt.

Apan sa wala pa mobiya si Jesus dinhi sa kalibutan diin nakig-uban pa siya sa iyang mga apostoles miingon siya nga sa takna unya nga mobalik na ako sa gingharian sa akong Amahan, 1 Juan 1 : 14 nagaingon , tagaan ko kamo ug laing manlalaban, ang espiritu sa kamatuoran nag molaban kaninyo hangtod sa kahangturan. 1 Corinto 3 : 16 miingon nga ang lawas sa tawo maoy templo sa Dios nga epiritu santo ug ang mopasipala sa templo sa Dios nga mao ang atong lawas laglagon usab sa Ginoo, sa ato pa kamatuoran lamang nga ang espiritu santo sa kamatuoran nakig-uban ug molaban gayud kanato.

Namulon usab ang Dios diha sa balaang kasulatan nga nagaingon, kun giunsa ni Jesu Cristo pagkayab pingon sa langit diin naabli ang langit ug gisugat siya sa mga anghel nan mao usab unya ang iyang pagbalik diin maabli ang langit ug ihatod usab siya sa mga anghel ug kun unsa man ang panagway ug pamayhon sa iyng mga katawhan sa iyang pagsaka sa langit nan mao usab unya ang ilang pamayhon diha sa ilang pagbalik,

Miingon usab siya mga igsoon nga sa maoy gusto sa iyang amahan nga ang iyang mga katawhan magasimba sa tinago nga kamatuopran diin mao kadtong bato nga gipabarog ni Jesu Cristo diin gipakaingon sa mga panday kun walay pulos nga bato apan mao man diya nag bato nga labing imporatnte diin maoy gihimong tumbanan ug taytayan sa tanang mga pagtulun-an diin maoy batong bantiles nga nagpabilin sa pagbarog hangtod sa kahangturan kay matod pa ang gipabarog sa Dios dili puedeng tumbahon sa yano lamang nga tawo.

Nga sa ato pa ang mensahe ni Jesus diha sa maong krus mao lamang gayud ang pagbarog ug pagsunod sa kamatuoran nga iyang tinukod sa walay pagmakuli sa pagtugyan sa tanan ngadto sa Dios, kay matod pa bulahan ang tawo nag nagatugyan sa hingpit sa iyang kaugalingon ngadto sa Dios ug sa kanunay nagasunod sa iyang kaugalingong kabubut-on kay mahatagan pa ug dugang kinabuhi, apan ang tawo nga mahadlok sa pagsunod sa pagtugyan sa iyang kinabuhi sa kahadlok nga mawad-an ug kinabuhi basin ug kawad-an niini.

Ang Karnero Nga Nawala

LUCAS 15: 1~15

15 1 Miduol ni Jesus ang tanang kob- rador sa buhis ug makasasala aron pagpamati. 2 Naghunghonganay ang mga Pariseo ug magtutudlo sa balaod: “Gidawat niya ang makasasala ug nagsalo sila.” 3 Busa, gisulti ni Jesus kining sambingaya:

• 4 “Kon ang usa ninyo may 100 ka karnero ug mawala ang usa, dili kaha niya biyaan ang 99 sa kalasangan aron pagpangita sa nawala hangtod nga iya ning makit-an? 5 Inigkakita na niya, malipayon siyang mopas-an ini sa abaga. 6 Sa balay, tawgon niya ang mga higala ug silingan ug ingnon: ‘Duyogi ko sa akong kalipay, kay nakaplagan ko na ang nawalang karnero.’ 7 Ingnon tamo: Mas dako ang kalipay sa langit tungod sa usa ka makasasala nga naghinulsol kay sa 99 ka tarong nga wala magkinahanglag paghinulsol.

8 Kon ang babaye nga may 10 ka salapi mawad-ag usa, dili ba siya magdagkot og suga, manilhig sa balay ug mangita pag-ayo hangtod nga makit-an ni? 9 Inigkakita na niya, manawag siya sa kahigalaang babaye ug mga silingan sa pag-ingon: ‘Maglipay ta, kay nakit-an ang nawala kong salapi.’ 10 Ingnon tamo nga ingon sab ini ang kalipay sa mga anghel sa Diyos, tungod sa usa ka makasasala nga maghinulsol.”

PAGPAAMBIT SA MENSAHE:

Ang maong ebanghelyo naghisgot diha sa pagsangyaw sa pulong sa Dios diin gipanag-ing kita sa mga karnero nga gibantayan ni Jesu Cristo ug kun dunay usa nga mahisala-ag nan ang maong magbalantay maoy magpahigayon aron mahibalik kita nadto sa sa mga toril sa iyang mga karnero. Diha sa ubang sinulat ug pulong sa epiritu santo sa Dios nagaingon, didto pa kita sa tago-angkan sa atong inahan gitawag na kitang daan nga sa ato pa gipatikan na kita sa espiritu santo sa Dios aron mamahimo niyang karnero o sumosunod diha sa pagtulun-an nga gibarugan ni Jesus.

Daghan ang mga katawhan dinhi niining kalibutan gikan pa gayud sa pagsugod , giingon nga sama sa balas sa baybayon diin gamay lamang ang iyang mga tinawag pipila lang kahakop ug mga pinili ug mas gamay ang nahiabot didto sa ganghaan sa gingharian sa Dios, kay matod pa sa Dios ang tanan niyan pinili pagapilian pa. Diha sa ubang mga pulong sa Dios nagaingon nga ang iyang mga pinili nga mga katawhan dili kay magalingkod-lingkod lamang ug magahulat sa iyang pagbalik kundili sila magaagi gayud sa pagsulay aron sa pagsukod kun asa kutob ang ilang pagsunod sa kabubut-on sa Dios. Kay matod pa pagasulayan man gani ang bulawan pinaagi sa kalayo kun kini puro ba nga bulawan, nan ang tawo pa kaha nag mas labaw pa ug bili sa bulawan.

Apan ang Dios nagaingon nga walay dautan sa tawo diin ang tanang tawo nga nahiabot niining kalibutan pagbuot ug kabubut-on sa Dios. Dili ang tawo maoy dautan kundili ang iya lamang binuhatan ug ang mga dautang binuhatan dili kana iya sa tawo, iya kana sa dautang espiritu. Diha sa maong ebanghelyo nangasuko ang maong mga pariseo diin si Jesus nakig-istorya ug misalo ug pangaon sa mga kurador sa buhis diin para niadtong maong mga pariseo dili angayan ang usa ka nagsangyaw sa pulong sa Dios makig-uban niadtong mga makasasala.

Kamatuoran lamang ang pulong diha sa balaang kasulaatn nga nagaingon nga si Jesus Cristo wala moanhi para niadtong mga balaan nga tawo kundili mianhi ang Dios nga si Jesus para kanatong mga makasasala. Diin pinaagi sa tahas nga gisangon sa amahan ngadto kang Jesus iyang gitagaan ug igong gibug-aton ang pagluwas sa atong mag kasal-anan diin nagpakatawo siya pinaagi sa usa ka milagro diin mikunsad ang lalang espiritu santo ngadto sa sabakan ni Birhen Maria diin nagpakatawo diha sa paagi nga dili magdahom ang mga maalamon nga kini iya sa Dios diin gipuy-an ni Jesu Cristo ang pinakaubos nga matang sa kinabuhi sa tawo diin mitipon ug mipuyo siya uban sa mga kabos ug nagpaulipon pinaagi sa pagtabang sa mga nanginahanglan sa iyang mga panabang diha sa pagpaasabot sa iglisea nga iyang gibarugan ug usab aron sa pagpakita nga ang Dios nakig-uban kanato sa kasakitan ug kahimayaan.

Sa ato pa migasto ang Dios diha sa iyang kaugalingong kabubut-on sa panahun ug oras ug mismo ang kinabuhi sa iyang bugtong anak aron lamang nga mapakita kun unsa kita ka bililhon sa Dios ug aron usab mapakita nga ang Dios wala magdali diha sa pagluwas ug pagsilot sa mga makasasala kay matod pa sa Dios unsa may dalian nga ang tanang oras ilaha man. Apan matod pa sa ebanghelyo kun unsa ka makakasala makaamgo sa iyang sala ug magbasol sa tinud-anay gayud diha sa iyang kasing-kasing nan dako ang kalipay sa Dios niana diin magsadya ang mga anghel sa kalangitan, susama nianang maong sambingay sa ebanghelyo nga magsadya gayod ang magbalantay sa karnero kun usa sa iyang mga karnero nga nawala mahibalik kaniya.

Matod sa ebanghelyo hatagan ug dakong kabug-aton sa Dios ang makasasala nga nagabag-o na ug nagpakabalaan kay sa mga tawo nga nagbalaan nang daan. Atong mapalandungan ug makapangutana kita kun aduna ba diay gipaburan ang Dios, matod pa sa balaang kasulatan, walay pinalabi ang Dios diin kitang tanan parehas diha sa iyang pagmahal ug paghigugma, apan kun nakahimo ka ug maayong buhat nga kahimut-an sa Amahang Dios nan insigida pasidunggan ka gayud niya atubangan sa iyang mga piniling katawhan. Kay sa akong pagsabot mga igsoon ang paghibalik nimo sa Dios ubos sa imong kaugalingon paningkamot ug kabubut-on kadaugan kini dili lamang sa imong tawhanon nga lawas kundili kadaugan kini sa imong espiritu nga iya sa Dios ug sa imong kalag nga maoy mangatubang sa kataposang paghukom diha unya sa adlaw sa panudya.

Kay matod pa kun ang Dios wala pa mahigugma kanatong iyang mga katawhan nan kining kalibutana dugay ra kining gilaglag, kay matod pa daghan na ang mag makasasala nga nanimuyo niini, apan daghan usab ang nag-ampo ug nangaliya ngadto kaniya, kay matod pa kun unsa kakusog sa gahum sa espiritu sa kamatuoran nga magagiya kanimo nan mao usab ang kakusog sa dautang espiritu nga gustong motumba kanimo.

Diha sa ubang sinulat naagingon nga gidaug na ni Jesu Cristo ang kalibutan, diin diha sa paghalad sa iyang lawas ug dugo aduna na kitay kagawasan diin diha sa ubang sinulat nagaingon ang Dios Juan 1 : 14, tagaan ko kamo ug manlalaban ang espiritu sa kamatuoran nga maoy molaban kaninyo hangtod sa kahangturan. 1 Corinto 3: 16 , nagaingon ang lawas sa tawo maoy templo sa Dios espiritu santo ug ang mopasipala sa templo sa Dios nga mao ang atong lawas iya usab nga pagalaglagon. Sa ato pa mga igsoon diha kadaugan ni Kristo dinhi sa kalibutan gipakabalaan niya ang atong lawas kay anaa man ang espiritu sa Dios nagapuyo uban kanato. Sa ato pa mga igsoon nga anaa na kanato ang tanan kasayon sa dalan sa kaluwasan kay ang giya misno mao man ang espiritu sa kamatuoran nga ania kanato

Apan lagi ang Dios miingon nga dili sayon ang pagsunod sa dalan nga giagian ni Jesu Cristo kay matod pa dili ka puwede mosunod ni Jesus kun taas ka ug garbo, ug dili ka pwede mosunod ni Kristo kun dili mopas-an sa imong krus ug labaw sa tanan dili ka pwede mosunod sa Dios kun palabihon mo ang imong tawhanon nga mga bahandi ug mga kailibgon kay matod pa kun asa ang imong bahandi nan atua usab ang imong kasingkasing nan kun ang imong bahandi ania lang dinhi sa yuta nan dinhi ka ra usab kutob apan kun imong bahandi giya ug lamdag sa espiritu santo nan bawonon mo kini hangtod sa laing kalibutan.

Ang Gikinahanglan Aron Mahimong Tinun-an

LUCAS 14: 25~33

• 25 Samtang nanglakaw ang daghan kaayong tawo kuyog ni Jesus, miatubang siya ug giingnan sila: 26 “Kon moari mo nako nga dili andam sa pagsalikway sa inyong gugma para sa inyong amahan ug inahan, asawa ug mga anak, mga igsoong lalaki ug babaye, ug bisan sa kaugalingon, dili mo maakong alagad. 27 Dili maalagad nako ang dili magpas-an sa krus sa pagsunod nako.

28 Unsay buhaton sa tawong magtukod og kamalig alang sa magbalantay sa uma? Di ba, molingkod una siya, kalkulohon ang gastos ug tan-awon kon may igo bang salapi sa paghuman ini? 29 Tingalig kataw-an lang siya kon mapahimutang niya ang sukaranan, apan dili mapatiwas. 30 Unya, makaingon sila: Kining tawhana misugod pagtukod, apan dili makahuman.

31 Ug kinsa mang haria nga makiggubat sa laing hari nga dili una molingkod aron hinuktokan kon sa 10,000 ka sundalo makabuntog ba siya sa 20,000? 32 Kon dili, magpadala siyag sinugo samtang layo pa sila aron pagpakig-areglo. 33 Sa samang paagi, dili maakong alagad ang dili mobiya sa tanang iyaha



PAGPAAMBIT SA MENSAHE:

Ang maong ebanghelyo naghisgot diha sa gikinahanglan aron mahimong tinun-an ni Jesu-Cristo diin nagaingon siya nga kundili ka makabiya sa imong mga minahal sa kinabuhi alang ug tungod kanako nan dili ka angay moalagd sa Dios , Miingon pa gayud siya nga kun dili ka makahibalong mopas-an sa iyang krus ug mosunod kanako nan dili ka takos sa pag-alagad sa Dios.

Diha sa ubang sinulat, Mateo 17: 24~25, nagaingon kung gusto kang mahimong tinun-an ni Kristo nan kalimti ang imong kinabuhi ug pas-ana ang kaugalingon nimong krus ug sunod sa mga pagtulun-an nga gisangyaw ni Kristo, kay bulahan ka igsoon nga mawad-an ug kinabuhi sa pagtuman mo sa kabubut-on sa Dios kay mahatagan ka ug dugang kinabuhi apan kun nagdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin kun kawad-an ka hinuon niini.

Sa ubang sinulat nagaingon ang Dios: Kong gusto kang dayegon ug himayaon dindto as langit nan puy-I ang kinabuhi nga puno sa pagpanlutos ug pagbiay-biay dinhi sa yuta, diin anaa ang mga kasakitan ug mga pagtamay diha sa komunidad nga imong gipuy-an o sa pagtulun-an nga imong gibarugan. Kay bulahan ka nga maka-ambit sa mga kasakitan ni Jesus didto sa kalbaryo sa paglansang kaniya sa krus, kay makaambit ka usab sa himaya sa pagkabanhaw ditto sa iyang gingharian sa langit.

Nagpasabot lamang mga igsoon nga dili sayon ang pagsunod sa gingharian sa Dios, kay kinahanglan gayud nag moagi ka kang Kristo Jesus, diin siya man ang sinugdanan ug ang kataposan, ang gitawag ug Alpha ug ang Omega. Sa ubang sinulat nagaingon kini Nga malisod pagsulod sa Dato sa gingharian sa langit diin mas masayon pa sa usa ka kamelyo paglusot sa bangag sa dagom kay sa dato sa pagsulod sa ginharian sa Dios .

Ang balaang kasulatan nagaingon, kun asa ang imong bahandi nan atua ang imong kasing-kasing. Nga saato pa kun ang imong bahandi tawhanon nan dinhi kara usab kutob, apan kun duna kay bahandi nga langitnon diin mahisukip kini sa imong kasing-kasing diha sa imong pagpanaw ngadto sa laing kalibutan nan bulahan ka kay aduna kay sarang mapakita sa Dios diha unya sa iyang pagbalik.

Nga sa ato pa kun gusto nato nga mahimong tinun-an ni Jesu cristo nan isul-ob ta ang hiyas sa espiritu santo nga maoy gisangyaw ug gisul-ob ni Jesu Cristo diha sa pagpakabuhi niya niining kalibutan, ug sa dihang hapit na siya mobalik sa iyang amahan miingon siya niadtong una niyang mga tinun-an nga kun wala na unya ako magauban kaninyo nan matagaan ko kamo ug laing manlalaban, ang espiritu sa kamatuoran nga molaban kaninyo hangtod sa kahangturan.

1 Corintho : 3 ~ 16 nagaingon Ang lawas sa tawao maoy templo sa Dios nga espiritu santo ug si kinsa man nga mopasipala sa templo sa Dios nga mao kita nan pagalaglagon usab sa Dios. Usa lamng kini sa pagpasabot mga igsoon nga ang Dios nagahatag gayud sa tanang giya ug tahas aron mamahimo kitang mga maayong tinun-an ni Jesu Cristo, apan lagi kay ang tawo samtang nagkinabuhi pa makasala man gayud kita pinaagi sa atong huna-huna, sa pulong ug sa buhat nan sa ato pa kun unsa kakusog ang “holy spirit” nga ania kanato mao uab ang kakusog sa dautang espiritu nag maoy gusto mohari diha sa atong kahiladmamn ug pagkatawo.

Apan ang Dios namulong nga sa higayun na unya nga mobalik na siya ngadto gingharian sa iyang amahan ayha pa unya kita magasugod sa pagpu-asa diha sa atong mga kasal-anan, pinaagi sa paglikay sa pagpakaala , paglikay sa mga tawhanon nga mga kailibgon kay matod pa mas bulahn unya nga magkinabuhi kita ngn langyaw niining kalibutan apan haom diha sa kabubut-on sa amahan, kaysa magpakabuhi kita nga haom niining kalibutana diin magalunang diha sa mga tawhanon nga mga kasal-anan apan ayran ug dili na ilhon didto sa gingharian sa Dios.

Nagpasabot lamang mga igsoon nga kun gusto kitang mosulod sa gingharian sa Dios nan atong dawaton ang pagpakighigala sa Dios kanto pinaagi sa bugtong niyang anak, diin atong dawaton sa kinasing-kasing ang mga kasakitan sa kinabuh, ang patunob gayud diha sa atong garbo ,pagdawat sa mga paglutos ug mga pagdaug-daug ug diin nagpamatuod lamang kana nga wala ka magpakamartir, wala ka magpadaug-daug, kundili nagpasabot lamang nga imong gipahari si Jesu Cristo ug imong gipapuyo diha sa imong kasing-kasing.

Ang Kamatuoran Maghatag Kaninyo Ug Kagawasan

JUAN 8: 31~47

. 31 Busa, miingon si Jesus sa mga Judio nga nanoo, “Kon tumanon ninyo ang akong mga pulong, matinuod mo nga akong mga tinun-an. 32 Mahibawan ninyo ang kamatuoran nga maghatag ninyo og kagawasan.” 33 Mitubag sila, Mga kaliwat mi ni Abraham ug wala maulipon ni bisag kinsa. Unsay gipasabot nimo sa pag-ingon, “Maghatag og kagawasan?”

34 Mitubag si Jesus, “Sa pagkatinuod sultihan tamo, ang makasala ulipon sa sala. 35 Apan ang ulipon dili magpabilin sa panimalay sa hangtod; ang anak magpabilin. 36 Busa, kon ang Anak maghatag og kagawasan, magawasnon mo. 37 Nasayod ko nga kaliwat mo ni Abraham. Apan naninguha mo pagpatay nako, kay ang akong mga pulong wala may lugar diha ninyo. 38 Akong gisulti ang nakita nako uban sa Amahan; buhata pod ang nakita ninyo uban sa inyong amahan.”

39 Mitubag sila, “Si Abraham ang among Amahan.” Miingon si Jesus, “Kon mga anak mo ni Abraham, buhaton unta ninyo ang iyang gibuhat. 40 Apan buot mong mopatay nako nga nagsulti ninyo sa kamatuoran – ang kamatuoran nga akong nadungog sa Diyos. Wala ni buhata ni Abraham, 41 gibuhat ninyo ang buluhaton sa inyong amahan.” Miingon ang mga Judio, “Dili mi mga anak sa gawas. May usa mi ka Amahan, ang Diyos.” 42 Miingon si Jesus, “Kon ang Diyos pay inyong Amahan, mahigugma unta mo nako, kay miadto ug gikan ko sa Diyos. Mianhi ko dili sa kaugalingon kong kabubut-on kondili, Siya mismo nagpadala nako. 43 Nganong dili mo makasabot nako? Kay dili man mo makadawat sa akong pulong.

44 Mga anak mo sa yawa, ug tumanon ninyo ang mga daotang tinguha sa inyong amahan, mamumuno sukad sa sinugdan. Wala siya magkinabuhi sa kamatuoran, kay diha niya walay kamatuoran; ug kon mosulti siyag bakak, nagsulti siya sa iyang kaugalingon, kay bakakon man siya ug amahan sa bakak 45 Kay nagsulti man ko sa kamatuoran, dili mo manoo. 46 Kinsa ninyoy makakitag bisag unsang dili tinuod sa akong kaugalingon? Unya, nganong dili mo motoo kon nagsulti ko sa kamatuoran? 47 Ang iya sa Diyos mamati sa mga pulong sa Diyos; dili mo mamati, kay dili mo iya sa Diyos.”


PAGPAAMBIT SA MENSAHE:


Ang maong ebanghelyo naghisgot diha sa pagkagawasnon sa tawo diha sa pagtulon-an nga iyang gibarugan. Diha sa ebanghelyo miingon si Jesus Ang makasasala ulipon sa sala, Apan kung ang anak sa Dios maghatag sa pasaylo niadtong mga katawhan nan mahimo kitang gawasnon. Nga sa ato pa mga igsoon si Jesus mao ang kamatuoran ug pinaagi sa pagsunod nato sa kamatuoran mahatagan kita sa kagawasan,. Nga sa ato pa mahaw-as kita sa mga kasal-anan.

Unsaon man nato paghaw-as sa mga kasal-anan pinaagi sa pagsunod kang Jesu Cristo? Ang Balaang kasulatan nagaingon si Jesu Cristo ang buhing panagway sa dili makita nga Dios. Siya ang ikaduhang Adan nga nahiabot dinhi sa yuta diin wala siya magagikan sa abog kundili nagagikan siya sa lalang sa espiritu santo. Nakita sa Dios ang mga kasaypanan sa tawo diha sa unang kasulatan , diin daghan ang mga katawhan nga nasangyawan ni Moises nga wala makaila ni makakita sa ilang Dios, kay gusto nila makita ang Dios nga ilang makita ug mahikap ug maoy kasumbongan nila sa ilang mga problema.

Dako ang gugma sa Dios kanatong tanan, kay siya pinaagi sa Dios nga anak nga si Jesu- Cristo nangita kanato ug dili kay kita maoy nangita kaniya. Dios si Jusu-Cristo ug tawo usab siya diin siya gipanganak man ni Birhen Maria. Apan ang Dios nagpasabot nang daan diha sa ubang sinulat nga siya moabot sa paagi nga dili nato damhon. apan aduna na siya giandam niadtong iyang mga tinawag ug pinatikan.


Philipos 2: 16, nagaingon nga Dios siya ug bugtong manunod sa trono sa Amahang Dios apan wala siya mamugos nga motupong sa Dios, diin nagpakaubos siya sa pinakaubos dinhi nagpakaulipon diha sa pagsangyaw sa kamatuoran, diin nakiig-uban siya sa mga pobre ug timawa ug nanagsangyaw sa iglisea sa kamatuoran nga iyang gibarugan pinaagi sa paghatag ug milagro ug sa paghatag sa mga bulawanong mga pagtulon-an. Diin mituman siya sa taha nga gisangon kaniya sa Amahan. Ang pagsakripisyo ug pagpakamatay sa krus aron maluwas ang mga katawhan diha sa ilang mga kasal-anan. Diha sa kamatayon ni Jesus namatay usab kita uban sa atong mga kasal-anan apan diha sa pagkabanhaw sa Dios nabanhaw usab kita apan nagpabilin nga patay ang atong mga kasal-anan.


Mao kini ang unod sa maong ebanghelyo diin si Jesu-Cristo naghatag ug higayon kanato nga maluwas pinaagi sa iyang pagsakripisyo diha sa iyang kamatayon sa krus, dinhng dapita nagsumikad ang kamatuoran diin gihatagan kita ug kagawasan kay gihaw-as na man kita diha sa kasal-anan, Ang pangutana tinuoray na ba kitang naluwas human sa pagkanbanhaw ni Jesus. Nagpasabot lamang kini mga igsoon nga gihatagan kita ug kaluwsan diin sama lamang nga nagasakay ka ug narko diin natagak ka ug iya kang gipunit sa dagat ug gibalik ka pagpasakay, nan sa ato pa didto lamang dapita ka naluwas diin wala ka pa mahiabot diha sa imong adtu-an nan daghan pa ang mahitabo diin pwede ka pa usab nga makasala, kay matuod nga nabanhaw kita uban kang Jesus apan tawo pa lamang kita ug ang Dios naga-ingon mintras buhi pa ang tawo nan maulipon gayud kita sa pagpakasala pinaagi sa pulong , sa huna-huna ug sa buhat.

Mao kini ang angay natong mapalandungan kay diha sa iyang pagkabanhaw sa ikatulo ka adlaw, mao kini ang senyas diha sa ubang sinulat diha sa balaang kasulatan nga nagaingon nga sa takna unya nga mobalik na ang pamanhunon ngadto sa langit diha na unyang panahuna nga magsugod kita pagpu-asa, nga sa ato pa diha sa pagkabanhaw ni Jesus ug mibalik ngadto sa kiliran sa Amahang Dios nan nalukat na kita sa atong mga kasal-anan, apan ayaw kalimot nga tawo pa kita, busa ang Dios miingon nga ayha na kamo pagsugod ug puasa diha sa inyong mga ksal-anan inig balik ko sa akong Amahan.

:

Nga sa ato pa aron masiguro nga ma-ato ang gingharian sa Dios ug aron usab nga makasulod kita sa iyang kabubut-on nan gikinahanglan nga magpuasa kita o maglikay sa pagpakasala gikan niadton iyang kamatayon sa krus ug hangtod nga siya mobalik aron sa paghukom kanatong tanan. Sa ato pa diay ang pagpuasa mga igsoon dili kini selebrasyon diha sa matag cuarisma lamang mahitabo, diin pagkahuman mobalik na usab kita pagsul-ob sa atong mga karaang hiyas, Ang pagpuasa nga maoy gusto sa Dios mao diay ang paglikay sa pagpakasala gikan niadtong iyang pagkabanhaw hangtod sa iyang pagbalik.

Diin diha sa ubang mga sinulat nagaingon ang Dios nga sa takna sa iyang paglakaw ako kamong tagaan ug manlalaban, ang espiritu sa kamatuoran nga maoy molaban kaninyo hangtod sa kahangturan. Nga sa ato pa anaa siya naga-uban kanato kanunay pinaagi sa espiritu santo sa Dios. Kamatuoran ang gisaad diha sa balaang kasulatan, 1 Corinto 3: 16 nagaingon ang lawas sa tawo maoy templo sa Dios espiritu santo ug ang mopasipala sa templo sa Dios nga mao ang atong lawas nan iya usab nga pagalalagon.

Nagpasabot laman nga nagauban kanato ang Dios diha sa adlaw-adlaw nga pagkinabuhi sa kalibutan nan dili ka gayud makalimod kun nagasunod ba kita diha sa iyang pahimangno, kay maoy gusto sa Dios diha sa ubang sinulat nga nagaingon kun giunsa niya pagkayab ngadto sa langit nan mao usab unya nag iyang pagbalik diin sinaksihan kini sa mga anghel ug maabli ang langit, ug kun unsa man unya ang panagway ug kahimtang sa iyang mga katawhan sa iyang paglakaw nan mao usab unya ang kahimtang sa mag katawhan sa iyang pagbalik. Nga sa ato pa diha sa iyang paglakaw balaan ang mga katawhn kay nahaw-as na man kini sa mga kasal-anan pinagi sa iyang pagpalansang sa krus nan balaan ba kaha gihapon ang iyang mag katawhan sa iyang pagkanaog gikan sa langit, gituman ba kaha ang iyang gisangon nga mao ang paglikay sa pagpakasala. Mao ba kaha gihapon ang pagtulun-an nga ilang gibarugan diin siya maoy nagsilbing batong bantiles nga maoy gihomong tumbanan sa una niya ng mga tinawag sa pagsangyaw sa iyang mga pagtulun-an.

Dios ra ang nahibalo mga igsoon kay lagi ang tawo matod pa magpakatawo man gayud diin pinaagi diha sa mga milagro nga midagsang sa laing suok sa kalibutan, diin ang matag milagro nagtudlo gayud sa mga linahi nga mga pag-ampo maoy gikahimut-an sa Amahan, Usa sa nabantog nga milagro mao milagro sa Fatima didto Fatima Portugal diin ang birhen Maria mipakita sa tulo ka inosenteng binuhat ug mipasabot sa pagsangyaw sa mga tinago nga kamatuoran nga tinuod ang impyerno ug gikinhanglan sa tawo ang mag pag-ampo kay anaa siya nga sa kanunay naminaw kanato.

:

Ug tulubagon sa matag magsasangyaw kun dunay usa ka kalag nga anaa sa iyang atubangan ug natunaw tungod lamang kay wala masangyawi sa pulong sa Dios. Apan ang Dios mipasabot usab diha sa matag misyon nga isangyaw ang kamatuoran diha sa mga katawhan sa makatulo lamang ug kun dili maminaw biyai sa walay paglingi, ug itaktak ang abog sa imong sandalyas kay wala ipamugos sa Dios ang iyang gingharian ug mas labaw nga wala ipamugos sa Dios ang kaluwasan sa kinabuhing dayun.

:

Kay ang kinabuhing dayun nga gisaad sa Dios diha sa balaang kasulatan dili kini usa ka premyo o ganti tungod sa maayong binuhatan kun dili usa kini ka grasya o gasa nga langitnon aron sa ingon walay makapasigarbo diha sa atubangan sa Dios nga siya naluwas tungod sa iyang maayong buhat kundili ang kaluwasn nagsumikad kini sa grasya ug gugma sa Dios.

Si Jesus Ang Pagkabanhaw Ug Ang Kinabuhi

JUAN 11:17~27

17 Sa pag-abot ni Jesus, nasayran niya nga upat na ka adlaw sukad paglubong ni Lazaro. 18 Kay duol ra man ang Betania sa Jerusalem, mga tulo ka kilometro, 19 may daghang Judio nga miduaw ni Marta ug Maria aron paghupay sa ilang kaguol gumikan sa kamatayon sa igsoon.

20 Sa pagkadungog ni Marta nga taliabot si Jesus, misugat siya. Si Maria nagpabilin sa balay. 21 Miingon si Marta kang Jesus: “Ginoo, kon dinhi ka pa, dili unta mamatay ang akong igsoon. 22 Hinuon, nasayod ko nga bisag unsay pangayoon nimo sa Diyos, ihatag ni. 23 Miingon si Jesus: “Mabanhaw ang imong igsoon.”

24 Mitubag si Marta: “Sayod ko nga mabanhaw siya sa pagkabanhaw sa mga patay sa kataposang adlaw.” 25 Apan miingon si Jesus: “Ako ang pagkabanhaw. Ang motoo nako, bisag patay siya, mabuhi. 26 Ang nabuhi tungod sa pagtoo nako, dili na mamatay. Motoo ka ba.” 27 Mitubag si Marta “Oo, Ginoo. Mitoo ko nga ikaw ang Cristo, ang Anak sa Diyos nga mianhi sa kalibotan.” 28 Human ini, giadto ni Marta si Maria, ang igsoon, ug gitawag sa hilom: “Ania ang magtutudlo, ug gitawag ka

PAGPAAMBIT SA MENSAHE:

Ang maong ebanghelyo naghubit diha sa pagpakabuhi ubos sa hugot nga pagtuo sa Dios diin ang namatay nga si Lazaro suod nga higala sa Dios Jesu-Cristo, ug sa ingon sa iyang kamatayon namulong si Jesus nga nag maong panghitabo mao lamay pagbuot sa Amahan aron madayag ang iyang pagkaanak ni pinaagi unya sa iyang mga milagro.

Gibanhaw si Lazaro aron mamahimong sumbanan ug kamatuoran sa laing pulong sa Dios nga nagaingon k un hugot ang imong pagtuo sa Dios nan bisan ug anaa ka na sa baba sa kamatayon nan luwason ko ikaw, kay bulahan ang mga katawhan nga nagasunod sa Dios ug nagtugyan sa hingpit sa iyang kinabuhi kay mahatagan ug dugang pang kinabuhi apan ang nagasunod sa Dios apan nagdumili sa pagtugyan sa hingpit sa iyang kinabuhi nan basin ug kawad-an niini.

Ang pagkabanhaw ni Lazaru mao lamay pagsumpay sa iyang tawhanon nga kinabuhi ug diin dili kini mao ang pagkabanhaw ngadto sa kinabuhing dayun, kay diin usa lamang ka “extension” sa iyang kinabuhi ang maong panghitabo aron sa makausa pa madayag ang kamatuoran nga ang anak sa Dios maoy nakig-uban kanila niadtong panahuna ug maoy nangabugar ngadto sa Amahan diha sa lugway sa kinabuhi ni Lazaro.

Usa laman ka kamatuoran ang gustong ipadayag ni Jesus ug sa Dios Amahan nga si Jesu Cristo maoy Dios sa mga buhi ug ang motuo ug nagasunod sa iyang pagtulon-an makasunod kaniya ngadto sa kinabuhing dayun. Gikagubtan sa mga Judio ang maong milagro ni Lazaro diin bisan ang mga pariseo nga maoy mga unang kapari-an niadtong panahuna nangahadlok nga mawad-an ug mga sumsunod diin nagduda sila nga dili Dios ang nagabanhaw kang Lazaru kundili iya kini sa dautan. Diin ang maong mga Judio nagalaraw usab sa pagpatay mismo ni Lazaro.

Usa lamang ka kamatuoran nga dinhi sa walog sa kalibutan ang atong kinabuhi dili gayud ato apan kun nagpuyo ka nga haduol kanunay sa Dios pinaagi sa kanunay nga mga pag-ampo ug pangaliya nan walay gahum dinhi sa kalibutan nga makakuha sa imong kinabuhi, kay ang Dios nagaingon nga dili gayud siya motalikod niadtong mga katawhan nga sa kanunay nagahandom ug naga-ampo kaniya. Usa ka kamatuoran nga angay natong hinuktukan nga bisan unsaon pa sa tawo wala gayud siya gahum sa pagpabilin nga buhi dinhi sa kalibutan, diin magarbuhon lamang ang tawo tungod diha sa tawhanon nga mga gahum ug mga materyal nga bahandi nga ana-a kaniya apan sa higayun nga molakaw na siya ngadto sa laing kalibutan nan biyaan niya ang tanan.

Diin nagpasabot nang daan ang balaang kasulatan nga kun asa ang imong bahandi nan atua usab ang imong kasing-kasing nga sa ato pa kun ang imong bahandi ania laamng sa yuta nan dinhi kara usab kutob apan ang imong bahandi iya sa langit nan aduna ka unyay ikapakita inig-abot sa adlaw sa panudya. Diin bulahan nga samtang nagkinabuhi ka pa nga tawhanon dinhi sa kalibutan aduna kay gitigom nga bahandi didto sa langit nga maoy imong mabitbit sa imong paglawig ngadto sa laing kalibutan, kay matod pa ipadala sa Dios kanato ang atong panumdoman diin madumduman natoang atong mga binuhatan sa nagkinabuhi pa kita diin diha na unya nimo matukib ang kamatuoran didto sa laing kalibutan apan sayang lamang kay wala ka namay balikan pa.

Ang maong ebanghelyo maoy pagpsabot lamang sa kamatuoran diha sa pagsunod nato sa kabubut-on sa Dios diin iya gayud nga ihatag ang milagro diha sa imong kinabuhi kun tim-os ug tinud-anay ang imong paghigugma sa Dios. Makapangutana kita nga pinalabi ba diay si Lazaro?.Aduda ba diay pinalabi ang Dios, apan ang espiritu santo sa kamatuoran namulong nga wala silay pinalabi apan ang paghatag nila ug pabor diha sa imong kinabuhi maoy lamay pagpasidungog diha sa mga pagsunod ug pagtuman diha sa mga kasugo-an sa Dios nga gipaabot diha sa atong kinabuhi, nga sa ato pa ang grasya nga gidangat diha sa atong kinabuhi mao lamay usa ka bunos diha sa atong kinabuhi, kay ang balaang kasulatan nagaingon, ang maghatag ug gamay bawosan usab ug gamay ug diin bisan ang gituhoan niya nga iyaha kuhaon pa, apan ang maghatag ug dako hatagan usab ug dako, ug pasidunggan ngadto langit.

Busa mga igsoon mas maayo gayud nga diha sa pagsunod nato sa kabubut-on sa Dios diha sa pagbuhat nato sa binuhatan nga atong ipasidungog sa Dios mas maayo nga atong kining buhaton sa hilom ug tago nga paagi, diin pakasamahon nato diha sanglitanan nga nagaingon nga pakasamahon nato sa pagbuhat nga ang atong wala nga kamaot, wala makahibalo sa binuhatan sa imong tuo nga kamot, aron sa ingon ang Amahan nga maoy nakakita sa tanan mao lamang ang mopahigayun sa pagbalos kanimo, apan kun diha sa imong pagbuhat ug pagsunod sa makaDios nga mga tulomanon imo kining ipahibalo sa tibuok kapupud-an, diin daghan ang maga-ambahan sa pagpasidungog kanimo nan sa pagbuhat mo sa ingon gipasidunggan ka na sa tawo ug gibawosan ka na sa Dios.