HEBREW 2: 5 ~ 17
• 5 Wala ihatag sa mga anghel ang gahom aron dumalahon ang bag-ong kalibotan nga atong gihisgotan karon. 6 Gani may miingon sa kasulatan: Unsa ba ang tawo nga imo man siyang gibantayan kanunay? 7 Usahay ibutang mo siya ubos lang sa mga anghel, apan gipurongpurongan mo siya sa himaya ug dungog. 8 Gihatag mo kaniya ang gahom sa pagdumala sa tanang butang.
Ang giingon nga ang Diyos naghatag niyag gahom sa tanang butang, nagpasabot nga wala siyay gipili. Apan wala nato makita ang iyang kagamhanan. 9 Hinunoa, si Jesus nga nagpakamatay ug sa dyotayng panahon nahimutang ubos sa mga anghel, gipurongpurongan sa dungog ug himaya. Kay ang maluluy-ong plano sa Diyos nagkinahanglan nga masinati niya ang kamatayon alang sa tanan.
10 Ang Diyos nga gigikanan sa tanan ug pinaagi niya buhi ang tanan, naghimaya sa kinabag-an sa iyang mga anak. Nagtoo siya nga angay silang hingpiton pinaagi sa pag-antos sa nagmugna sa ilang kaluwasan. 11 Busa, ang naghatag ug ang nakadawat sa kabalaan usa ra. Wala siya maulaw pagtawag natog mga igsoon. 12 Atong mabasa: Ginoo, akong isangyaw ang imong ngalan sa akong mga igsoon. Dayegon tikaw sa katilingban. 13 Nag-ingon pod: Mosalig ko sa Diyos. Ania ko ug ang mga anak nga gitugyan kanako sa Diyos.
14 Kay ang mga anak nag-inambitay sa samang kinaiya sa karne ug dugo. Si Jesus nakig-ambit pod ini. Mao man gani nga ang iyang kamatayon mibuntog sa yawa nga naghupot sa gahom sa kamatayon. 15 Giluwas niya ang nagpabilin sa kaulipnan sa tibuok kinabuhi tungod sa kahadlok sa kamatayon. 16 Mianhi si Jesus aron agakon dili ang mga anghel kondili, ang tibuok katawhan. 17 Busa, mahisama siya sa tanan sa iyang mga igsoon. 18 Sa ingon, mahimo siya nga Labawng Pari, matinud-anon sa Diyos ug manggiluy-on sa kaigsoonan. Pari nga makapasaylo ug makabayad sa mga sala.
PAGPAAMBIT SA MENSAHE:
Ang maong ebanghelyo naghisgot diha sa pagpakabuhi ni Jesu-Cristo dinhi sa yuta diin nagaingon ang ubang sinulat nga siya ang ikaduhang Adan nga miabot dihi sa kalibutan apan wala siya magagikan sa abog kundili gikan siya sa lalang sa espiritu santo nga gitisok diha sa sabakan ni Birhen Maria. Tawo siya kay tawo man ang iyang inahan ug Dios usab siya kay gikan man siya sa lalang sa espiritu santo , ug diha sa maong ebanghelyo nagaingon nga usa siya ka nilalang nga ubos lang ug diyutay sa mga anghel.. kay matod pa ang tawo ubos gayud sa mga anghel.
Dinhi na si Jesu Crsito sa wala pa matukod ang kalibutan, siya ang pulong nga nagpakatawo ug mipuyo tipon kanato. Diha na usab siya sa panahun ni Moises diin siya kadtong bato nga miuban kang Moises ug maoy naghatag kanila diha sa mga materyal nilang kinahanglanon.
Gipakanaog siya sa Amahan dinhi sa yuta aron sa pagpasabot sa mga katawhan kun unsa gayud ang kaluwasan ug ang mga hiyas nga kahimut-an sa Amahang Dios. Ginaingon diha sa ubang sinulat nga ang Dios moabot diha sa tagsa-tagsa nato ka kinabuhi sa paagi nga wala nato damha, diin mao kini ang gihimong sumbanan diha sa paghiabot ni Jesus dinhi sa yuta diin miabot siya isip usa ka ordinaryong tawo diin hubo sa bahandi , hubo sa gahum ug walay matawag nga garbo kay gilutos ug gitulisok man ang iyang inahan tungod kay wala may motuo nga siya lalang sa espiritu sa Dios diin niadtong higayuna wala gayud sila makasinati sa susamang milagro.
Usa ka pagtulun-an nga gustong ipaabot kanato sa Dios pinaagi sa pagpakatawo sa iyang bugtong anak diin, maoy usa sa iyang tahas ang pagluwas kanatong tanan pinaagi sa kamatayon diha sa krus. Usa ka pagpamalandong ang maong hitabo diin nagpasabot lamang nga ang magpaubos dinhi sa yuta , ipataas ug ibayaw didto sa gingharian sa Dios apan ang mapahitas-on dinhi sa yuta nan ipaubos ug dili ilhon didto sa iyang gingharian sa langit.
Sa ato pa ang pamaagi sa pagpakita sa Dios sa ehemplo sa kaluwasan pinaagi diha sa kinabuhing dayun maoy usa ka paagi nga gitawag ug sakripisyo diha sa mga kasakitan tungod sa mga sala sa katawhan diin gitawag kini ug Cuarisma. Ang pagpasakit ug pagpaakamatay tungod sa imong pagmahal sa kinabuhi makaingon ta nga tawahnon, apan ang pagpakamatay tungod ug alang sa tanang tawo diin hasta kadtong naglutos kaniya gusto usab niyang maluwas maoy kini ang gitawag nga balaanon diin Dios lamang ang makasabot niini ug Dios lamang usab ang makabuhat niini. Nagpasabot lamang mga igsoon nga wala gayuy tawo nga gitugtan sa Dios sa pagtugkad sa iyang kabubut-on.
Ang pamaagi diay sa dalan sa kaluwasan mao ang Dalan nga gisubay ni Jesus ug mao usab ang mga hiyas nga iyang gisul-ob, ang hiyas nga espirituhanon, o hiyas nga iya sa espiritu santo. Nagpasabot kini ug kalinaw, panagdait, pagpaubos ug pagdawat sa mga kasakitan. Usa ka kamatuoran ang nakasulat diha sa balaang kasulatan nga kun gusto natong dayegon ug himaya-on didto sa gingharian sa langit nan puy-an nato ang kinabuhi nga puno sa pagpasakit ug pagpaubos dinhi sa yuta pas-anon nato ng atong krus sa kinabuhi ug sunod sa pagtulun-an ni Kristo ug diin bulahan ka nga nakaambit sa mga kasakitan ni Jesus diha sa krus kay makaambit ka usab diha sa iyang himaya didto sa iyang gingharian.
Mao kini ang tinubdan diha sa kaluwasan kanatong iyang mga katawhan dinhi sa yuta, ang pagkinabuhi nga langyaw niining kalibutana diin halayo sa mga kailibgon nga tawhanon, halayo diha sa mga materyal nga bahandi, kay matod pa sa balaang kasulatan, kun asa ang imong bahandi nan atua usab ang imong kasingkasing nan kun ang imong bahandi tawhanon, dinhi kalang usab diay kutob, mas maayo nga maoy atong amomahon ang bahandi nga espirituhanon diin maoy isukip diha sa imong kasingkasing ug maoy imong mabalon didto sa laing kalibutan kay mao kini ang sumbanan diha sa imong kaluwasan.
Diha sa sulat ni 2 Pedro 3 : 8 , nagaingon nga ang usa ka adlaw sama sa 1000 ka tuig sa Ginoo, ug ang 1000 ka tuig sama lang usab sa usa ka adlaw, nga sa ato pa diha sa pagbalik sa anak sa Dios aron sa paghukom kanato ug sa paghatag sa gisaad nga kaluwasan, kini nagaagad lamang usab sa kabubut-on sa Amahan, diin kun makita na sa Dios nga naandam na ang tanan nan dili na niya dugayon pa, apan kun nakita sa Dios nga daghan pa ang angay nga andamon diin daghan pa ang iyang mga tinago nga wala mapadayag nan, wala pa mahibaw-i ang pagbalik sa iyang anak, kay maoy gusto sa Dios nga walay bisan isa sa iyang mga pinili ug tinawag nga malaglag diha sa iyang pagbalik.
Apan ang Dios nga anak nagaingon usab diha sa uban niyang sinulat nga kun dili ka gusto moagi sa pultahan sa kalooy sa Dios ug magdumili ka pagpangayo ug pasaylo sa imong mga sala nagpasabot lamang kana nga andam ka moatubang sa kataposang paghukom. Sa laing bahin sa mga sinulat nagaingon usab, nga dili nato masinati ang mga pag-antos ug mga kasakitan kun dili nato masinati usab ang atong mga kasakitan diha sa atong mga kasal-anan. Naga-ingon ang ubang mga sinulat nga walay kasal-anan dinhi sa kalibutan nga dili mapasaylo sa Dios, ang tanan aduna gayuy kapasayloan, gikinahanglan lamang nga motuo ka nga nga ikaw mapasaylo, kay kun wala kay pagtuo diha sa kapasaylo-an sa imong mga kasal-anan, nan sama ra nga wala ka motuo nga adunay Dios.
Sa ato pa ang kaluwasan diin gihatag ug gisaad ni Jesu Cristo nagaagad kini diha sa binuhatan ug pagkugi diha sa matag tawo, walay makapasigarbo nga siya maluwas gumikan lamang sa maayong binuhatan, kun dili ang kaluwasan maoy usa ka gasa nga langitnon. Diin ato kining pangayoon, atong trabaho-on samtang kita nagkinabuhi pa dinhi sa walog sa mga buhi. Apan wala magpasabot nga kadtong atua na sa laing kalibutan diin sa nagkinabuhi pa sila wala nila mapangandami kini. Aduna gihapon sila tasansa nga maluwas pinaagi sa pag-ampo sa iyang mga kaigsoonan nga ania pa dinhi sa mga buhi.
Ginaingon usab diha sa ubang pulong sa Dios nga mismo ang mga kalag aduna pa gihapon kapas diha sa mga pag-ampo, apan dili gayud parehas kanatong atwo diin kumpleto pa diha sa tawhanon nga lawas diin maoy modawat sa mga sakripisyo ug ingon man sa espiritu nga maoy mopahibalo ngadto sa Dios ug sa kalag nga maoy pahinungdan sa mga pag-ampo. Ang Dios mipadala niadtong una niyang mga tinawag ngadto sa laing kalibutan diin maoy magasangyaw usab sa pulong sa Dios diin matag pasko sa patay sila usab magakatipok ug mangayo ug parole ngadto sa Dios ug diin inig-abot unya sa kataposang paghukom, hinlo na unya ang maong mga kalag ug aduna usab sila kaluwasan ngadto sa kinabuhing dayun.
Ang giingon nga ang Diyos naghatag niyag gahom sa tanang butang, nagpasabot nga wala siyay gipili. Apan wala nato makita ang iyang kagamhanan. 9 Hinunoa, si Jesus nga nagpakamatay ug sa dyotayng panahon nahimutang ubos sa mga anghel, gipurongpurongan sa dungog ug himaya. Kay ang maluluy-ong plano sa Diyos nagkinahanglan nga masinati niya ang kamatayon alang sa tanan.
10 Ang Diyos nga gigikanan sa tanan ug pinaagi niya buhi ang tanan, naghimaya sa kinabag-an sa iyang mga anak. Nagtoo siya nga angay silang hingpiton pinaagi sa pag-antos sa nagmugna sa ilang kaluwasan. 11 Busa, ang naghatag ug ang nakadawat sa kabalaan usa ra. Wala siya maulaw pagtawag natog mga igsoon. 12 Atong mabasa: Ginoo, akong isangyaw ang imong ngalan sa akong mga igsoon. Dayegon tikaw sa katilingban. 13 Nag-ingon pod: Mosalig ko sa Diyos. Ania ko ug ang mga anak nga gitugyan kanako sa Diyos.
14 Kay ang mga anak nag-inambitay sa samang kinaiya sa karne ug dugo. Si Jesus nakig-ambit pod ini. Mao man gani nga ang iyang kamatayon mibuntog sa yawa nga naghupot sa gahom sa kamatayon. 15 Giluwas niya ang nagpabilin sa kaulipnan sa tibuok kinabuhi tungod sa kahadlok sa kamatayon. 16 Mianhi si Jesus aron agakon dili ang mga anghel kondili, ang tibuok katawhan. 17 Busa, mahisama siya sa tanan sa iyang mga igsoon. 18 Sa ingon, mahimo siya nga Labawng Pari, matinud-anon sa Diyos ug manggiluy-on sa kaigsoonan. Pari nga makapasaylo ug makabayad sa mga sala.
PAGPAAMBIT SA MENSAHE:
Ang maong ebanghelyo naghisgot diha sa pagpakabuhi ni Jesu-Cristo dinhi sa yuta diin nagaingon ang ubang sinulat nga siya ang ikaduhang Adan nga miabot dihi sa kalibutan apan wala siya magagikan sa abog kundili gikan siya sa lalang sa espiritu santo nga gitisok diha sa sabakan ni Birhen Maria. Tawo siya kay tawo man ang iyang inahan ug Dios usab siya kay gikan man siya sa lalang sa espiritu santo , ug diha sa maong ebanghelyo nagaingon nga usa siya ka nilalang nga ubos lang ug diyutay sa mga anghel.. kay matod pa ang tawo ubos gayud sa mga anghel.
Dinhi na si Jesu Crsito sa wala pa matukod ang kalibutan, siya ang pulong nga nagpakatawo ug mipuyo tipon kanato. Diha na usab siya sa panahun ni Moises diin siya kadtong bato nga miuban kang Moises ug maoy naghatag kanila diha sa mga materyal nilang kinahanglanon.
Gipakanaog siya sa Amahan dinhi sa yuta aron sa pagpasabot sa mga katawhan kun unsa gayud ang kaluwasan ug ang mga hiyas nga kahimut-an sa Amahang Dios. Ginaingon diha sa ubang sinulat nga ang Dios moabot diha sa tagsa-tagsa nato ka kinabuhi sa paagi nga wala nato damha, diin mao kini ang gihimong sumbanan diha sa paghiabot ni Jesus dinhi sa yuta diin miabot siya isip usa ka ordinaryong tawo diin hubo sa bahandi , hubo sa gahum ug walay matawag nga garbo kay gilutos ug gitulisok man ang iyang inahan tungod kay wala may motuo nga siya lalang sa espiritu sa Dios diin niadtong higayuna wala gayud sila makasinati sa susamang milagro.
Usa ka pagtulun-an nga gustong ipaabot kanato sa Dios pinaagi sa pagpakatawo sa iyang bugtong anak diin, maoy usa sa iyang tahas ang pagluwas kanatong tanan pinaagi sa kamatayon diha sa krus. Usa ka pagpamalandong ang maong hitabo diin nagpasabot lamang nga ang magpaubos dinhi sa yuta , ipataas ug ibayaw didto sa gingharian sa Dios apan ang mapahitas-on dinhi sa yuta nan ipaubos ug dili ilhon didto sa iyang gingharian sa langit.
Sa ato pa ang pamaagi sa pagpakita sa Dios sa ehemplo sa kaluwasan pinaagi diha sa kinabuhing dayun maoy usa ka paagi nga gitawag ug sakripisyo diha sa mga kasakitan tungod sa mga sala sa katawhan diin gitawag kini ug Cuarisma. Ang pagpasakit ug pagpaakamatay tungod sa imong pagmahal sa kinabuhi makaingon ta nga tawahnon, apan ang pagpakamatay tungod ug alang sa tanang tawo diin hasta kadtong naglutos kaniya gusto usab niyang maluwas maoy kini ang gitawag nga balaanon diin Dios lamang ang makasabot niini ug Dios lamang usab ang makabuhat niini. Nagpasabot lamang mga igsoon nga wala gayuy tawo nga gitugtan sa Dios sa pagtugkad sa iyang kabubut-on.
Ang pamaagi diay sa dalan sa kaluwasan mao ang Dalan nga gisubay ni Jesus ug mao usab ang mga hiyas nga iyang gisul-ob, ang hiyas nga espirituhanon, o hiyas nga iya sa espiritu santo. Nagpasabot kini ug kalinaw, panagdait, pagpaubos ug pagdawat sa mga kasakitan. Usa ka kamatuoran ang nakasulat diha sa balaang kasulatan nga kun gusto natong dayegon ug himaya-on didto sa gingharian sa langit nan puy-an nato ang kinabuhi nga puno sa pagpasakit ug pagpaubos dinhi sa yuta pas-anon nato ng atong krus sa kinabuhi ug sunod sa pagtulun-an ni Kristo ug diin bulahan ka nga nakaambit sa mga kasakitan ni Jesus diha sa krus kay makaambit ka usab diha sa iyang himaya didto sa iyang gingharian.
Mao kini ang tinubdan diha sa kaluwasan kanatong iyang mga katawhan dinhi sa yuta, ang pagkinabuhi nga langyaw niining kalibutana diin halayo sa mga kailibgon nga tawhanon, halayo diha sa mga materyal nga bahandi, kay matod pa sa balaang kasulatan, kun asa ang imong bahandi nan atua usab ang imong kasingkasing nan kun ang imong bahandi tawhanon, dinhi kalang usab diay kutob, mas maayo nga maoy atong amomahon ang bahandi nga espirituhanon diin maoy isukip diha sa imong kasingkasing ug maoy imong mabalon didto sa laing kalibutan kay mao kini ang sumbanan diha sa imong kaluwasan.
Diha sa sulat ni 2 Pedro 3 : 8 , nagaingon nga ang usa ka adlaw sama sa 1000 ka tuig sa Ginoo, ug ang 1000 ka tuig sama lang usab sa usa ka adlaw, nga sa ato pa diha sa pagbalik sa anak sa Dios aron sa paghukom kanato ug sa paghatag sa gisaad nga kaluwasan, kini nagaagad lamang usab sa kabubut-on sa Amahan, diin kun makita na sa Dios nga naandam na ang tanan nan dili na niya dugayon pa, apan kun nakita sa Dios nga daghan pa ang angay nga andamon diin daghan pa ang iyang mga tinago nga wala mapadayag nan, wala pa mahibaw-i ang pagbalik sa iyang anak, kay maoy gusto sa Dios nga walay bisan isa sa iyang mga pinili ug tinawag nga malaglag diha sa iyang pagbalik.
Apan ang Dios nga anak nagaingon usab diha sa uban niyang sinulat nga kun dili ka gusto moagi sa pultahan sa kalooy sa Dios ug magdumili ka pagpangayo ug pasaylo sa imong mga sala nagpasabot lamang kana nga andam ka moatubang sa kataposang paghukom. Sa laing bahin sa mga sinulat nagaingon usab, nga dili nato masinati ang mga pag-antos ug mga kasakitan kun dili nato masinati usab ang atong mga kasakitan diha sa atong mga kasal-anan. Naga-ingon ang ubang mga sinulat nga walay kasal-anan dinhi sa kalibutan nga dili mapasaylo sa Dios, ang tanan aduna gayuy kapasayloan, gikinahanglan lamang nga motuo ka nga nga ikaw mapasaylo, kay kun wala kay pagtuo diha sa kapasaylo-an sa imong mga kasal-anan, nan sama ra nga wala ka motuo nga adunay Dios.
Sa ato pa ang kaluwasan diin gihatag ug gisaad ni Jesu Cristo nagaagad kini diha sa binuhatan ug pagkugi diha sa matag tawo, walay makapasigarbo nga siya maluwas gumikan lamang sa maayong binuhatan, kun dili ang kaluwasan maoy usa ka gasa nga langitnon. Diin ato kining pangayoon, atong trabaho-on samtang kita nagkinabuhi pa dinhi sa walog sa mga buhi. Apan wala magpasabot nga kadtong atua na sa laing kalibutan diin sa nagkinabuhi pa sila wala nila mapangandami kini. Aduna gihapon sila tasansa nga maluwas pinaagi sa pag-ampo sa iyang mga kaigsoonan nga ania pa dinhi sa mga buhi.
Ginaingon usab diha sa ubang pulong sa Dios nga mismo ang mga kalag aduna pa gihapon kapas diha sa mga pag-ampo, apan dili gayud parehas kanatong atwo diin kumpleto pa diha sa tawhanon nga lawas diin maoy modawat sa mga sakripisyo ug ingon man sa espiritu nga maoy mopahibalo ngadto sa Dios ug sa kalag nga maoy pahinungdan sa mga pag-ampo. Ang Dios mipadala niadtong una niyang mga tinawag ngadto sa laing kalibutan diin maoy magasangyaw usab sa pulong sa Dios diin matag pasko sa patay sila usab magakatipok ug mangayo ug parole ngadto sa Dios ug diin inig-abot unya sa kataposang paghukom, hinlo na unya ang maong mga kalag ug aduna usab sila kaluwasan ngadto sa kinabuhing dayun.
No comments:
Post a Comment