Ang Dakong Kaluwasan

HEBREO 2: 1~4

2 1 Busa, kinahanglan nga patalinghogan nato ang mga pulong nga atong nadungog aron dili ta ma¬salaag. 2 Ang mga pulong gikan sa anghel na¬himong balaod. Ang tanang pag¬supak ug pag¬lapas maka¬dawat sa tukmang silot. 3 Unsa¬on man nato pagdawat sa pa¬saylo kon pa¬sagdan ta ang maong ka¬¬luwasan? Ang Ginoo mipahibalo ini pag-una ug midason ang nakadungog. 4 Gi¬pun-an sa Diyos ang ilang pagsaksi pinaagi sa mga timailhan, mga butang nga kati¬nga¬lahan ug milagro nga lain¬laig matang – labi pa ang mga gasa sa Espiritu Santo nga giapud-apod suma¬la sa iyang gimbut-an.

:

PAGPAAMBIT SA MENSAHE:

:

Ang maong ebanghelyo maoy pagpasabot lamang mga igsoon nga ang dakong kaluwasan nga gisangyaw sa Diyos pinaagi sa iyang anak maoy pagpasabot lamang nga kamatuoran ang tanan. Nga tinuod nga adunay pagkabanhaw gikan sa kamatayon diin mao kini ang gipasinati mismo ni Ginoong Jesu-Cristo diin ang atong kaluwasan diha usab sa atong pagpangalagad sa Diyos.

:

Ang balaang kasulatan nagaingon Juan 1 :14 Si Jesu-Cristo ang dalan ang kamatauoran ug ang kinabuhi. Walay mahiagi o mahiabot sa Amahan kundili pinaagi ni Jesu Cristo kay siya man ang Alpha ug ang Omega ang sinugdanan ug ang kataposan. Matod pa diha sa ubang pulong sa Diyos Amahan nagaingon “ Mahal ang paglukat ko kaninyo “ lawas ug dugo sa bugtong anak sa Diyos, ug dili na kamo ang tag-iya sa inyong ka-ugalingon.

:

Busa igsoon pamalandungi, diin ang Diyos nagasugo gayud sa pagpu-asa o sa paglikay sa pagpakasala dili lamang niining panahon sa kasaulogan sa cuaresma kundili hangtod usab diha sa umaabot pang katuigan. Dili na nato ilansang pag-usab si Jesu-Cristo mga igsoon atong ibala-an ang atong kinabuhi diin magapuyo kita nga langyaw niining kinabuhi-a apan haom didto sa gingharian sa Diyos atong tun-an ang pagkinabuhi nga anaa kanunay sa pag-ampo ang pagsul-ob sa kinaiyahan sa espiritu santo ang kinaiyahan ni Jesu Cristo.

:

Sa kanunay atong tun-an ang pagsimba didto sa langit samtang ania pa kita sa kalibutan ug sa ingon ang Diyos mahimuot kanato.