Ang Pangulo Sa Kaluwasan

HEBREO 2:5~18

• 5 Wala ihatag sa mga ang¬hel ang gahom aron dumalahon ang bag-ong kalibotan nga atong gihis¬gotan karon. 6 Gani may miingon sa kasulatan: Unsa ba ang tawo nga imo man siyang gi¬ban¬tayan kanu¬nay? 7 Usahay ibu¬tang mo siya ubos lang sa mga anghel, apan gipurong¬purongan mo siya sa himaya ug dungog. 8 Gihatag mo kaniya ang gahom sa pagdumala sa tanang bu¬tang.

Ang giingon nga ang Diyos nag¬ha¬tag niyag gahom sa tanang butang, nag¬pasabot nga wala siyay gipili. Apan wala nato makita ang iyang ka¬gam¬hanan. 9 Hinunoa, si Jesus nga nagpa¬ka¬matay ug sa dyotayng pa¬na¬hon na¬himutang ubos sa mga ang¬hel, gipu¬rong¬purongan sa du¬ngog ug himaya. Kay ang maluluy-ong plano sa Diyos nagkinahanglan nga masinati niya ang kamatayon alang sa tanan.

10 Ang Diyos nga gigikanan sa ta¬nan ug pinaagi niya buhi ang tanan, nag¬¬¬hi¬maya sa kinabag-an sa iyang mga anak. Nagtoo siya nga angay silang hing¬piton pinaagi sa pag-antos sa nag¬mugna sa ilang kaluwasan. 11 Busa, ang naghatag ug ang naka¬dawat sa ka¬¬balaan usa ra. Wala siya maulaw pag¬¬tawag natog mga igsoon. 12 Atong mabasa: Ginoo, akong isang¬yaw ang imong ngalan sa akong mga igsoon. Dayegon tikaw sa kati¬lingban. 13 Nag-ingon pod: Mosalig ko sa Diyos. Ania ko ug ang mga anak nga gitugyan kanako sa Diyos
.
14 Kay ang mga anak nag-inam¬bi¬tay sa samang kinaiya sa karne ug du¬go. Si Jesus nakig-ambit pod ini. Mao man gani nga ang iyang kama¬ta¬yon mi¬bun¬tog sa yawa nga naghu¬pot sa gahom sa kamatayon. 15 Gilu¬was niya ang nagpa¬bilin sa kaulipnan sa tibuok kinabuhi tu¬ngod sa kahadlok sa kamatayon. 16 Mi¬¬anhi si Jesus aron aga¬¬kon dili ang mga anghel kondili, ang tibuok kataw¬han. 17 Busa, mahi¬sa¬ma siya sa tanan sa iyang mga igsoon. 18 Sa ingon, ma¬himo siya nga Labawng Pari, matinud-anon sa Diyos ug mang¬gi¬luy-on sa ka¬igso¬onan. Pari nga ma¬ka¬¬pasaylo ug makabayad sa mga sala.

PAGPAAMBIT SA MENSAHE:

Ang maoing ebanghelyo maoy pagpasabot lamang diha sa atong pagpuyo ngadto sa kinabuhing dayon, din mahitabo lamang kini kun atong dawaton si Jesu Cristo nga atong manluluwas ug bugtong anak sa Diyos.

Diha sa ubang pulong nagaingon nga Siya si Jesu Cristo ang sinugdanan ug ang kataposan ang Alpha ug ang Omega diin walay mahiabot didto sa Amahan kun dili moagi kaniya, ug kun ilimod nimo siya atubangan sa mga katawhan nan ilimod ka usab niya atubangan sa iyang langitnong Amahan.

Atong angay pamalandunngan nga ang atong kaluwasan nagaagad diha sa atong paghingpit sa pagdawat kang Jesu Cristo, diin ginai-ngon nga si Jesu Cristo maoy miduol kanato aron kita maluwas pinaagi sa pagpalansang niya sa krus, nan Ang Diyos maoy nangita kanato ug dili kay kita maoy nangita sa Diyos.

Kay kun kitay pagbut-on mga igsoon dili gayud nato paili-o ang dalan saDiyos aron kita maluwas kay ang tawo dili gayud mopili sa sigpit nga pultahan dili gayud mopili sa batoon nga dalan kay mas madali sa tawo ang pagpili sa masayon nga pagkinabuhi dinhi sa ibabaw sa kalibutan.

Nan igsoon kun imong gidawat si Jesu Cristo nga imong manluluwas ug imong Diyos ang balaang kasulatan nagaingon nga makaambit ka gayud sa mga paglutos ug mga kasakitan , kay ang nagasunod sa pagtulon-an ni Jesu Cristo lutoson gayud.

Diha sa ubang pulong sa balaang kasulatan nagaingon, kun gusto nimong daygon ug himayaon didto sa gingharian sa langit nan puy-i ang pagpakabuhi nga puno sa pagpaubos, pagkamangindawaton, ug pas-ana ang imong krus sa kinabuhi ug sunod sa pagtulon-an ni Cristo kay bulahan ka nga nakaambit diha mga kasakitan ni Jesu Cristo sa krus kay makaambit ka usab sa himaya sa iyang pagkabanhaw didto sa gingharian sa langit.