JUAN 15:1~17
15 • 1 “Ako ang matuod nga balagon. Ang akong Amahan ang mag-uuma. 2 Kon usa sa akong sanga dili mamunga, putlon ni; pul-ongan ang matag sanga nga namunga aron mamungag mas daghan pa.
3 Nahinlo mo sa akong pulong. 4 Puyo dinhi nako ug mopuyo ko diha ninyo. Ang sanga dili makapamunga sa iyang kaugalingon. Kinahanglan nga magpabilin ni nga kabahin sa balagon. Mao sab mo, kinahanglang magpabilin dinhi nako.
5 Ako ang balagon ug kamo ang mga sanga. Kon magpabilin mo nako ug ako diha ninyo, mamunga mog daghan. Apan kon mobulag mo, wala moy mahimo. 6 Ang dili magpabilin nako, mahisama sa sanga nga ilabay ug malarag. Ang mga laya isugnod sa kalayo ug masunog.
7 Kon magpabilin mo nako, ug ang akong pulong diha ninyo makapangayo mo bisag unsa ug makadawat mo. 8 Himayaon ang akong Amahan kon maako mong mga tinun-an, sa ato pa, kon mamunga mog daghan.
9 Sama nga gihigugma ko sa Amahan, ako sab nahigugma ninyo. Pabilin sa akong gugma. 10 Magpabilin mo sa akong gugma kon tumanon ninyo ang akong mga sugo, ingon nga gituman ko ang mga sugo sa akong Amahan, ug nagpabilin sa iyang gugma.
11 Gisultihan tamo ini, aron ang akong kalipay manaa ninyo ug mahingpit ang inyong kalipay. 12 Kini ang akong sugo: Paghigugmaay mo ingon nga nahigugma ko ninyo. 13 Wala nay gugmang labaw pa ini – ang paghalad sa kaugalingong kinabuhi alang sa higala. 14 Mga higala tamo kon buhaton ninyo ang tanan kong gisugo.
15 Dili na ko motawag ninyo nga sulugoon, kay ang sulugoon wala masayod sa gibuhat sa agalon. Tawgon tamog mga higala, kay gipahibalo ko na ang nakat-onan ko sa akong Amahan.
16 Wala mo mopili nako, akoy mipili ug mipadala ninyo sa pag-adto ug pagpamungag daghan nga molungtad. Kay ang pangayoon ninyo sa Amahan sa akong ngalan, ihatag niya.
17 Busa, gisultihan tamo sa paghigugma sa usag
PAGPAAMBIT SA MENSAHE:
Ang maong ebanghelyo maoy pagpasabot lamang diha sa atong pagpaduol sa Diyos diin gipanag-ing kita sa mga sanga diha sa maong bagon sa maong paras nga si Jesu Cristo. Kay ang atong pagpaduol ug pagserbisyo sa Diyos gikan kini sa atong paghimugso niining kalibutana hangtod sa atong kamatayon dinhi sa atong tawhanong lawas. Ug labaw sa tanan atong madawat ang kahimayaan sa atong pagpnagalagad inig-abot nato didto sa gingharian sa langit.
Matag-usa kanato adunay tahas gayud sa pag-alagad sa Diyos diin mao kini ang una natong tahas sa paghiabot sa kalibutan. Kay matod pa ang Diyos maoy naglukat kanato sa atong mga sala pinaagi kang Jesu Cristo diin dili na kita ang tag-iya sa atong lawas ug kalag. Dinhi niining panahuna ania na kita sa gitawag ug ikatulong siglo diin matod pa diha sa Pinadayag 16: 16 ang gitawag ug Armagedon diin masinati ug makita na mismo nato ang kamatuoran diha sa mag pana-awon ni juan diin ania na ang dagkong katalagman ang kagubot nasod batok nasod ug relihiyon batok relihiyon.
Diin matod hatatas ap kayo ang pasensya as Diyos niining panahuna, diin miingon siya sa pinulongan nga inengles ‘ You cannot appreciate the joy of mercy if you have not experience the misery of sin. Dili nimo masinati ang kalipay diha sa akong kalooy kun dili nimo matagamtaman ang mga kasakitan ug mga pag-anatos tungod sa imong mga kasal-anan.
He that refuses to pass the door of my mercy will have to pass through the door of my justice. Siya nga naglikay sa kalooy sa atong Diyos Jesu Cristo nan moagi gayud diha sa pultahan sa sa iyang paghukom. Juan 14:6 nagaingon Ako ang kamatuoran,ang dalan ug ang kinabuhi ug walay mahiabot ngadto sa amahan kundili moagi kanako.
No comments:
Post a Comment