3 Pagkataudtaod, samtang naglingkod si Jesus sa Bungtod sa mga Olivo nga nag-atubang sa Templo, giduol siya ni Pedro, Jaime ug Juan nga nangutana: 4 “Tug-ani mig kanus-a ni mahitabo. Unsang timaana ang ihatag kanamo sa dili pa ni mahitabo?"
5 Gitug-anan sila ni Jesus: “Ayawg palingla ni bisag kinsa. 6 May daghang moanhi nga mopuli nako ug moingon: ‘Ako si Cristo.’ Ug daghan ang mailad.”
7 Dili mo angayang masamok kon makadungog mog gubat ug hulga sa gubat. Kinahanglang mahitabo ni, apan dili pa ni ang kataposan. 8 Makig-away ang kanasoran ug gingharian batok sa lain. May mga linog sa tanang dapit ug gutom. Sama ni sa unang pagbati sa pagpanganak. 9 Pagbantay, kay dakpon mo ug dad-on sa mga Judiong hukmanan; kulatahon sulod sa mga sinagoga; pabarogon atubangan sa mga gobernador ug mga hari tungod nako aron pagsaksi sa ilang atubangan. 10 Ang tanang kanasoran kinahanglang makadungog sa Maayong Balita, kini ang sinugdan.
11 Kon dakpon mo ug dad-on sa hukmanan, ayawg kabalaka sa inyong ipamulong. Hinunoa, isulti ang bisag unsa nga ihatag kaninyo anang orasa. Dili kamoy mamulong kondili, ang Espiritu Santo.
12 Ang igsoon magbudhi sa igsoon, bisan sa kamatayon. Ang amahan mobatok sa anak. Ang mga anak sa ginikanan nga ilang patyon. 13 Kasilagan mo sa tanan tungod sa akong ngalan. Apan ang molahutay hangtod sa kataposan, maluwas
PAGPAAMBIT SA MENSAHE:
Ang maong ebanghelyo maoy pagpasabot lamang nga tanan mga panghitabo sukad pa sa sinugdan nakalatid nang daan. Ug Ang Diyos miingon, hugaw na kaayo ang kalibutan, hinayhinayon ko na kini ug hugas ug tubig ang akong gamiton sa paghugas busa kamong akong mga katawhan ayaw gayud kamo pagbangay-bangay sa pag-ampo kay basin maapil ko kamo ug banwas.
Ania na kita sa ikatulong siglo diin matod pa 90 porsyinto na diha sa ga sinulat sa balaang kasulatan ang natuman, diin matod ania na kita sa pinadayag nga bahin diin ang mga panagna ni Juan aduna nay kamatuoran, Ania na kita sa gitawag na Armagedon sumala sa pinadayag 16:16, diin daghan mga katalagman nga ipakanaog sa Diyos aron sa hinay-hinay nga paghugas sa kalibutan, diin hinay-hinay nga magun-ob ang dagkong syudad nga gigamhan sa daotang mga katawhan ug daotang mga binuhatan, apan wala pa ug dili pa kini mao ang kataposan.
Busa igsoon pangandam sa kanunay ang kataposan sa kalibutan moabot nga dili nato damhon sama nga ang paghari sa Diyos moabot nga dili nato pagadamhon. Diin niining panahuna hataas pa ang pasensya sa Diyos diin tanan nga sala aduna pay kapasaylo-an, ang gikinahanglan lamang nga mangayo ka ug pasaylo sa Diyos ug motuo ka nga ikaw mapasylo sa imong sala pinaagi kang Jesu Cristo nga iyang bugtong anak.
No comments:
Post a Comment