JUAN 13:1~20
• 1 Bisperas to sa Pasko sa Pag- saylo. Si Jesus nasayod nga miabot na ang takna sa pagbiya sa kalibotan ug pag-adto sa Amahan. Kay gihigugma man niya ang iyaha dinhi sa kalibotan, iya ning higugmaon sa hingpit nga gugma.
• 2 Nanihapon sila. Ang yawa nagbutang na sa hunahuna ni Judas, anak ni Simon Iscariote, pagbudhi ni Jesus. 3 Apan nasayod si Jesus nga gitugyan kaniya sa Amahan ang tanang butang, kay gikan man siya sa Diyos ug sa Diyos siya mobalik. 4 Busa, mitindog siya sa talad kan-anan ug mihubo sa sapot. Nagkuha siyag tualya nga gibakos sa hawak. 5 Unya, nagbutang og tubig sa planggana, nanghugas sa tiil sa mga tinun-an ug gipahiran sa gibakos niyang tualya.
6 Sa pagduol niya ni Simon Padro, miingon ni: “Ginoo, hugasan ba nimo ang akong tiil?” 7 Mitubag si Jesus: “Dili ka pa makasabot sa akong gibuhat karon, apan imo ra ning matugkad.” 8 Miingon si Pedro: “Dili ko pahugas sa tiil.” Mitubag si Jesus: “Kon dili tikaw hugasan, wala kay labot nako.” 9 Miingon si Simon Pedro: “Ginoo, dili lang ang akong tiil kondili, ang kamot ug ulo.”
10 Mitubag si Jesus: “Ang naligo, limpyo na. Dili na kinahanglang hugasan (gawas sa tiil) ang tibuok lawas. Limpyo na mo, apan dili ang tanan.” 11 Nasayod nang daan si Jesus kinsay magbudhi niya. Busa, nakaingon siya: “Dili ang tanan hinlo.” 12 Sa nahugasan na ni Jesus ang ilang tiil, gisul-ob niya ang sapot, mibalik sa iyang dapit sa lamesa ug miingon: “Nakasabot ba mo sa akong gibuhat? 13 Gitawag ko ninyog ‘Magtutudlo’! ug ‘Ginoo’, ug husto mo, kay Ginoo ko ug Magtutudlo. 14 Busa, kon ako nga inyong Magtutudlo ug Ginoo naghugas sa inyong tiil, dan kamo sab kinahanglang manghugas sa tiil sa usag usa. 15 Gihatagan tamog panig-ingnan sa ingon, buhata ang akong gibuhat.
16 Sa pagkatinuod sultihan tamo, walay ulipon nga labaw sa agalon, ug walay sinugo nga labaw sa nagsugo. 17 Sabta ni, bulahan mo kon inyo ning mabansaybansay.
18 Wala ko magsulti bahin ninyong tanan. Nakaila ko sa akong pinili. Kinahanglan nga matuman ang kasulatan nga nagkanayon: “Ang nakigsalo nako sa pagkaon mobarog batok nako.” 19 Gisultihan tamo sa wala pa ni mahitabo; aron kon mahitabo na, masayod mo nga ako mao Siya. 20 Sa pagkatinuod sultihan tamo: Ang nagdawat sa akong gipadala, nagdawat nako. Ang nagdawat nako, nagdawat sa Amahan nga nagpadala nako.”
PAGPAAMBIT SA MENSAHE:
Ang maong ebanghelyo maoy pagpasabot sa gimbuhaton sa usa ka magtutudlo diin siya dili lang magtudlo sa mga pulong sa Dios Amahan pinaagi diha sa mga pagsangayaw ug sa pagbuhat ug milagro aron sa ingon ang mga kalag ug mga espiritu nga masakiton diin kulang sa mga pag-ampo ug mga pangaliya matagaan sa ensaktong giya diha sa pag-alagad nga iysa sa espiritu santo sa Dios.
Nagpakita si Jesus ingon sa pagbuhat sa paghugas sa tiil sa iyang mag tinun-an diin nagpasabot siya nga walay ulipon nga molabaw sa iyang agalon ug walay tinun-an nga molabaw sa iyang magtutudlo. Ang maong paghugas sa tiil maoy simbolo nga ang pagkamagtutudlo o pagkalider sa iglisea nga gibarugan ni Jesu Cristo maoy pagyukbo ug pagpaubos sa imong pagkatawo diin mag-alagad ka sa imong mga katawhan, pinaagi diha sa pagduol ug pagpakighalubelo sa imong mag katawhan diha sa espirituhanong pagpakabana.
Ang balaang kasulatan nagaingon nga kun gusto kang mahimong daku didto sa gingharian sa langit nan kinahanglan nga magsilbi ug mag-alagad ka sa kinabag-ang katawhan dinhi sa yuta, Kay mao kini ang pagtulon-an nga gisangyawy ni kristo ug maoy gusto mahitabo sa Dios Amahan, kay matod pa ang magpaubos diha sa yuta, ipataas didto sa iyang gingharian sa Dios, apan ang mapahitas-on dinhi sa yuta nan ipaubos ug dili ilhon didto sa iyang gingharian sa langit.
Diha sa ubang sinulat nagaingon “Kun gusto nimong daygon ug himayaon didto sa gingharian sa langit nan puy-i ang kinabuhi nga puno sa pagpaubos ug pagpasakit dinhi sa yuta, pas-ana ang imong krus ug sunod sa pagtulon-an nga gisangyaw ni Kristo, kay bulahan ka nga nakaambit sa mga kasakitan sa pagkalansang ni kristo didto sa Krus kay makaambit ka usab sa himaya sa pagkabanhaw didto sa langit
Maoy gayuy gusto sa Dios nga ipahari gayud ang gugma ug panagdait diha sa pagsunod sa iyang kasing-kasing diin walay labaw ug walay ubos, diin ang taas magpaubos aron ang labing ubos makaambit diha sa himaya sa panagdait ug mabati niya ang pag-abi-abi nga iya ni Kristo. Sa samang pagtulon-an kini nagpasabot lamang nga makadawat sa dakong panalangin ang mga katawhan nga makahibalo magpaubos ug modawat diha sa mga paglutos ug mga pagdaug-daug nga iya niining kalibutan, diin nagpsabot lamang nga imong gidawat ug gipahari ug gipapuyo si Kristo diha sa imong kasing-kasing.
• 2 Nanihapon sila. Ang yawa nagbutang na sa hunahuna ni Judas, anak ni Simon Iscariote, pagbudhi ni Jesus. 3 Apan nasayod si Jesus nga gitugyan kaniya sa Amahan ang tanang butang, kay gikan man siya sa Diyos ug sa Diyos siya mobalik. 4 Busa, mitindog siya sa talad kan-anan ug mihubo sa sapot. Nagkuha siyag tualya nga gibakos sa hawak. 5 Unya, nagbutang og tubig sa planggana, nanghugas sa tiil sa mga tinun-an ug gipahiran sa gibakos niyang tualya.
6 Sa pagduol niya ni Simon Padro, miingon ni: “Ginoo, hugasan ba nimo ang akong tiil?” 7 Mitubag si Jesus: “Dili ka pa makasabot sa akong gibuhat karon, apan imo ra ning matugkad.” 8 Miingon si Pedro: “Dili ko pahugas sa tiil.” Mitubag si Jesus: “Kon dili tikaw hugasan, wala kay labot nako.” 9 Miingon si Simon Pedro: “Ginoo, dili lang ang akong tiil kondili, ang kamot ug ulo.”
10 Mitubag si Jesus: “Ang naligo, limpyo na. Dili na kinahanglang hugasan (gawas sa tiil) ang tibuok lawas. Limpyo na mo, apan dili ang tanan.” 11 Nasayod nang daan si Jesus kinsay magbudhi niya. Busa, nakaingon siya: “Dili ang tanan hinlo.” 12 Sa nahugasan na ni Jesus ang ilang tiil, gisul-ob niya ang sapot, mibalik sa iyang dapit sa lamesa ug miingon: “Nakasabot ba mo sa akong gibuhat? 13 Gitawag ko ninyog ‘Magtutudlo’! ug ‘Ginoo’, ug husto mo, kay Ginoo ko ug Magtutudlo. 14 Busa, kon ako nga inyong Magtutudlo ug Ginoo naghugas sa inyong tiil, dan kamo sab kinahanglang manghugas sa tiil sa usag usa. 15 Gihatagan tamog panig-ingnan sa ingon, buhata ang akong gibuhat.
16 Sa pagkatinuod sultihan tamo, walay ulipon nga labaw sa agalon, ug walay sinugo nga labaw sa nagsugo. 17 Sabta ni, bulahan mo kon inyo ning mabansaybansay.
18 Wala ko magsulti bahin ninyong tanan. Nakaila ko sa akong pinili. Kinahanglan nga matuman ang kasulatan nga nagkanayon: “Ang nakigsalo nako sa pagkaon mobarog batok nako.” 19 Gisultihan tamo sa wala pa ni mahitabo; aron kon mahitabo na, masayod mo nga ako mao Siya. 20 Sa pagkatinuod sultihan tamo: Ang nagdawat sa akong gipadala, nagdawat nako. Ang nagdawat nako, nagdawat sa Amahan nga nagpadala nako.”
PAGPAAMBIT SA MENSAHE:
Ang maong ebanghelyo maoy pagpasabot sa gimbuhaton sa usa ka magtutudlo diin siya dili lang magtudlo sa mga pulong sa Dios Amahan pinaagi diha sa mga pagsangayaw ug sa pagbuhat ug milagro aron sa ingon ang mga kalag ug mga espiritu nga masakiton diin kulang sa mga pag-ampo ug mga pangaliya matagaan sa ensaktong giya diha sa pag-alagad nga iysa sa espiritu santo sa Dios.
Nagpakita si Jesus ingon sa pagbuhat sa paghugas sa tiil sa iyang mag tinun-an diin nagpasabot siya nga walay ulipon nga molabaw sa iyang agalon ug walay tinun-an nga molabaw sa iyang magtutudlo. Ang maong paghugas sa tiil maoy simbolo nga ang pagkamagtutudlo o pagkalider sa iglisea nga gibarugan ni Jesu Cristo maoy pagyukbo ug pagpaubos sa imong pagkatawo diin mag-alagad ka sa imong mga katawhan, pinaagi diha sa pagduol ug pagpakighalubelo sa imong mag katawhan diha sa espirituhanong pagpakabana.
Ang balaang kasulatan nagaingon nga kun gusto kang mahimong daku didto sa gingharian sa langit nan kinahanglan nga magsilbi ug mag-alagad ka sa kinabag-ang katawhan dinhi sa yuta, Kay mao kini ang pagtulon-an nga gisangyawy ni kristo ug maoy gusto mahitabo sa Dios Amahan, kay matod pa ang magpaubos diha sa yuta, ipataas didto sa iyang gingharian sa Dios, apan ang mapahitas-on dinhi sa yuta nan ipaubos ug dili ilhon didto sa iyang gingharian sa langit.
Diha sa ubang sinulat nagaingon “Kun gusto nimong daygon ug himayaon didto sa gingharian sa langit nan puy-i ang kinabuhi nga puno sa pagpaubos ug pagpasakit dinhi sa yuta, pas-ana ang imong krus ug sunod sa pagtulon-an nga gisangyaw ni Kristo, kay bulahan ka nga nakaambit sa mga kasakitan sa pagkalansang ni kristo didto sa Krus kay makaambit ka usab sa himaya sa pagkabanhaw didto sa langit
Maoy gayuy gusto sa Dios nga ipahari gayud ang gugma ug panagdait diha sa pagsunod sa iyang kasing-kasing diin walay labaw ug walay ubos, diin ang taas magpaubos aron ang labing ubos makaambit diha sa himaya sa panagdait ug mabati niya ang pag-abi-abi nga iya ni Kristo. Sa samang pagtulon-an kini nagpasabot lamang nga makadawat sa dakong panalangin ang mga katawhan nga makahibalo magpaubos ug modawat diha sa mga paglutos ug mga pagdaug-daug nga iya niining kalibutan, diin nagpsabot lamang nga imong gidawat ug gipahari ug gipapuyo si Kristo diha sa imong kasing-kasing.
No comments:
Post a Comment