JUAN 15: 1~17
15 • 1 “Ako ang matuod nga balagon. Ang akong Amahan ang mag-uuma. 2 Kon usa sa akong sanga dili mamunga, putlon ni; pul-ongan ang matag sanga nga namunga aron mamungag mas daghan pa.
3 Nahinlo mo sa akong pulong. 4 Puyo dinhi nako ug mopuyo ko diha ninyo. Ang sanga dili makapamunga sa iyang kaugalingon. Kinahanglan nga magpabilin ni nga kabahin sa balagon. Mao sab mo, kinahanglang magpabilin dinhi nako.
5 Ako ang balagon ug kamo ang mga sanga. Kon magpabilin mo nako ug ako diha ninyo, mamunga mog daghan. Apan kon mobulag mo, wala moy mahimo. 6 Ang dili magpabilin nako, mahisama sa sanga nga ilabay ug malarag. Ang mga laya isugnod sa kalayo ug masunog.
7 Kon magpabilin mo nako, ug ang akong pulong diha ninyo makapangayo mo bisag unsa ug makadawat mo. 8 Himayaon ang akong Amahan kon maako mong mga tinun-an, sa ato pa, kon mamunga mog daghan.
9 Sama nga gihigugma ko sa Amahan, ako sab nahigugma ninyo. Pabilin sa akong gugma. 10 Magpabilin mo sa akong gugma kon tumanon ninyo ang akong mga sugo, ingon nga gituman ko ang mga sugo sa akong Amahan, ug nagpabilin sa iyang gugma.
11 Gisultihan tamo ini, aron ang akong kalipay manaa ninyo ug mahingpit ang inyong kalipay. 12 Kini ang akong sugo: Paghigugmaay mo ingon nga nahigugma ko ninyo. 13 Wala nay gugmang labaw pa ini – ang paghalad sa kaugalingong kinabuhi alang sa higala. 14 Mga higala tamo kon buhaton ninyo ang tanan kong gisugo.
15 Dili na ko motawag ninyo nga sulugoon, kay ang sulugoon wala masayod sa gibuhat sa agalon. Tawgon tamog mga higala, kay gipahibalo ko na ang nakat-onan ko sa akong Amahan.
16 Wala mo mopili nako, akoy mipili ug mipadala ninyo sa pag-adto ug pagpamungag daghan nga molungtad. Kay ang pangayoon ninyo sa Amahan sa akong ngalan, ihatag niya.
17 Busa, gisultihan tamo sa paghigugma sa usag usa.
PAGPAAMBIT SA MENSAHE:
Ang maong maong ebanghelyo maoy pagpasabot lamang diha sa kabubut-on sa Amahan diin iyang gisangyaw ang kaluwasan pinaagi sa iyang bugtong anak diin diha niining maong ebanghelyo iyang gipanag-ingnan si Jesu-Cristo sa matuod nga paras, diin ang Amahan maoy nag-atiman niini ug ang mga sumosunod sa pagtulon-an ni Kristo mao ang mga sanga. Nan aron maolambo kita nga mao ang mga sanga ni Jesu Cristo matod pa diha sa maong ebanghelyo magpabilin kita diha kang Kristo.
Diha sa ubang sinulat nagaingon nga si Jesu-Cristo magapuyo diri kanato ug kita magapuyo nga nagasunod sa pagtulon-an ni Jesu Cristo, magapuyo nga anaa ang hiyas nga kristuhanon, ang hiyas sa espiritu santo nga maoy gisul-ob ni Jesus sa iyang pagpakabuhi dinhi niining kalibutan.
Unsaon man nato pagkahimong sanga diha kang Kristo Jesus? Mao ra gayud ang hingpit nga pagdawat ni Jesu Cristo nag maoy atong manluluwas diha sa tibook natong kinabuhi, nan atong madawat si Jesu Cristo nga maoy atong personal nga manluluwas kun ato siyang ipapuyo ug ipahari diha sa atong kinabuhi, Kay matod pa diha sa ubang sinulat kung nagapuyo ka nga iya ni Jesus Cristo nan makaambit ka gayud sa mga paglutos.
Mao kini ang dili masabtan diha sa atong pag kinabuhi nga kristuhanon, ang pagkinabuhi nga minando-an sa espiritu santo, diin ang uban moingon o bisan kita sa wala pa matawag niining maong pagtulun-an nga , Asa na man ang Dios? ngano man nga iya akong gipasagdan nga sige man unta ako ug simba, apan diay diha sa paglutos ug pagsulay nga imong naambit nagpsabot lamang kana nga nanuktok ang Dios diha sa imong kasingkasing diin gisukod ka kon andam ka bang modawat ug mokalawat pinaagi sa pagtuman sa iyang mga kasugo-an.
Diha sa ubang sinulat sa balaang kasulatan nagaingon, “ Kun gusto nimong mahimong tinun-an ni Kristo nan, kalimti ang imong kinabuhi, pas-ana ang imong krus ug sunod sa mga pagtulun-an nga gisangyaw ni Kristo kay bulahan ka nga nawad-an ug kinabuhi diha sa pagsunod mo sa kabubut-on sa Dios, kay mahatagan ka ug laing kinabuhi apan kun magdumili ka sa pagsunod sa kabubut-on sa Dios sa kahadlok nga mawad-an ug kinabuhi nan basin ug kawad-an ka niini.
Agig panapos, ang maong ebanghelyo nagpasabot lamang nga ang pagkinabuhi nga iya na sa Dios Jesu Cristo dinhi niining kalibutan maoy matawag nga pagkinabuhi nga langyaw dinhi sa kalibutan diin biyaan mo ang mga tawhanon nga kailibgon ug maoy ipahari nimo ang kinabuhi nga puno sa pag-ampo ug pagpaubos ug pagdawat sa mga paglutos kay mao kana usab ang dakong kahulogan nga imong gidawat , gipapuyo ug gipahari si Jesu Cristo sa imong kinabuhi, diin dili kini ang kinabuhi dinhi sa ibabaw sa yuta ang atong gipangandamam, kung katawhan ka na sa Dios nan ang kinabuhi didto sa iyang gingharian sa langit maoy atong gipangandaman, bulahan kun lutoson kita sama nga langyaw niining kinabuhi-a apan ha-om didto sa iyang gingharian sa langit.
Matod pa diha sa ubang mga tinago nga pulong sa Dios , “ Kun nasayod pa lamang unta kamo kun unsa ang atua didto sa gingharian sa langit nan dili na unta kamo mangaplag pa ug dugang bahandi dinhi sa kalibutan biyaan ninyo ang tanan nga iya sa kalibutan ug maoy inyong siguroon kun unsaon ang paghi-abot didto sa gingharian sa Dios…
:
:
No comments:
Post a Comment