Ang Gahom Sa Ebanghelyo

ROMA 1:16~17

16 Wala ko maulaw ining Maayong Balita, ang gahom sa Diyos nga nagluwas sa nagtoo, una sa mga Judio unya, sa mga Griyego. 17 Kining Maayong Balita nagpakita giunsa sa Diyos pagtarong sa mga tawo pinaagi sa pagtoo alang sa kinabuhi sa pagtoo sumala sa giingon sa Kasulatan: Ang tarong magpuyo sa pagtoo.

PAGPAAMBIT SA MENSAHE:

Ang maong ebanghelyo naghisgot mismo sa pulong sa Diyos niadtong panahun sa unang tinawag nga mga apostoles, diin matod pa ang atong pagpahiduol sa Diyos nga wala pa nato mailhi ug makita, diha gayud magsumikad sa mga ebanghelyo o mga pulong nga nagsumikad sa mga pinili niyang mga katawhan niadtong panahuna..

Ang balaang kasulatan nagaingon nga ang Diyos moabot sa atong kinabuhi sa paagi nga dili nato damhon, ingon nga ang mga pinili nga katawhan sa Diyos sa kanunay adunay giandam ang Diyos. Diha sa ubang pulong nagaingon. Didto ka pa sa tago-angkan sa imong inahan gitawag ka na ikawng daan, nga sa ato pa ang imong pagkakabig diha sa dalan sa kamatuoran, kabubut-on gayud sa Diyos.

Apan ang mga pinili nga katawhan sa Diyos pagapili-an pa , nga sa ato pa walay kasiguro-an ang atong kaluwasan kay dili kini premyo tungod sa mga maayong buhat kundili ang kaluwasan gasa kini nga langitnon ug grasya nga hinatag sa Diyos, aron sa ingon walay magpasigarbo diha sa atubangan sa Diyos nga ang tawo maluwas tungod sa iyang mga maayong buhat, ka yang kaluwasan nagsumakad sa gugma ug kalooy sa Diyos kanato.

Daghan tuod moingon nga kanus-a ba maghari ang atong Ginoo, kanus-a ba ang ikaduhang paghukom, mga igsoon ang paghari sa Diyos nagsumikad diha sa atong huna-huna ug kasing-kasing, busa aron anaa kanunay kanato sa atong huna-huna ug kasing kasing ang Diyos nan pag-ampo sa adlaw nga tanan, aron ang espiritu santo sa Diyos maoy manalangin kanimo.