Ang Pagtuo Sa Usa Ka Babaye

MARCOS 7:24~30

24 Mibiya si Jesus adtong dapita, miadto sa utlanan sa Tiro ug misulod sa usa ka balay sa tinguha nga walay masayod ini. Apan dili siya makatago. 25 May babaye kansang anak nga dalagita giyawaan, nga nakadungog bahin ni Jesus. Miduol ug mihapa sa tiilan ni Jesus 26 ang babaye nga pagano ug taga Sirofenicia. Mihangyo siya sa pagpapahawa sa yawa sa iyang anak.
27 Giingnan siya ni Jesus: “Pakan-og una ang mga anak. Dili makataronganon nga kuhaon ang ilang pagkaon ug ilawog sa mga iro.” 28 Apan mitubag siya: “Oo, Ginoo, apan bisan ang mga iro ilalom sa lamesa makakaon sa momho sa mga anak.” 29 Unya, giingnan siya ni Jesus: “Tungod sa imong gisulti, padayon paglakaw. Mipahawa ang yawa sa imong anak.” 30 Sa balay nakita sa babaye nga naghigda ang bata. Wala na ang yawa.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa atong pagtuo ngadto sa Diyos, diin diha sa ubang pulong sa balaang kasulatan Hebrew 11: 1 , nagaingon nga ang kahulogan sa pagtuo maoy atong pagsalig sa mga binuhat nga atong gilaoman apan dili nato makita, diin gumikan sa dakong pagtup ni Abraham gimatarong siya sa Diyos. Matod pa usab sa ubang pulong sa espiritu santo Diyos nagaingon nga ang atong pagtuo nagdto sa Diyos dili kini masukod pinaagi sa kalibutanon nga sukdanan kay ang atong pagtuo dili kini makita ug mahikap apan masukod kini pinaagi sa espirituhanon nga sukdanan kay anaa kini ipahimutang sa Diyos sa atong huna-huna ug kasingkasing.

Busa mga igsoon dili nato mahukman ang pagtuo sa atong isigkaingon, kay walay kapas ang matagtawo diha sa pagsukod pinaagi sa espirituhanon nga sukdanan. Diyos lamang ang nahibalo diha sa gidak-on sa atong pagtuo ngadto kanila, busa taga-i ug gamay nga respeto ang matag tawo kay matod pa dili nato mahukman ang matag tawo diin kitang tanang diah sa atong pagpanagalagad sa Diyos, inig-abot unya sa ensakton gadlaw ug takna ikaw lamang maoy makaluwas sa imong kaugalingon diha sa pag-atunag sa husay sa kataposang paghukom.

Busa igsoon ibalaan ang imong kaugalingon, pinaagi diha sa pagpus-asa sa pagpakasala, ug himuang daw sa langyaw ka niining kalibutana diin anaa ang paglikay sa mga tawhanong mga binuhatan ug kanuany nga pagsimba didto sa langit diin sa aknuany ihalad ang imong kaugalingn kalag ug sespiritu isip maoy buhing ngadto sa Diyos nag makagagahom sa tanan.