Giayo Ni Jesus Ang Usa Ka Tawo Nga Bungol Ug Amang

MARCOS 7:31~37

• 31 Mibalik si Jesus gikan sa Tiro ug Sidon, ug miadto sa Lanaw sa Galilea. Sa kayutaan sa Decapolis 32 gidad-an siyag usa ka bungol ug amang, ug gihangyo pagtapion sa iyang kamot sa masakiton. 33 Gilain siya ni Jesus sa pundok, gikulkog ang dalunggan ug gihikap ang dila sa tudlong gilawayan. 34 Unya, miyahat siya sa langit ug midaghong. Giingnan niya ang tawo: “Effeta,” sa ato pa, “Maabli ka.”

35 Naablihan ang dalunggan tawo ug miluag ang dila – maayo na kaayog sinultihan. 36 Dayon, gidid-an sila ni Jesus sa pagsugilon ini kang bisag kinsa. Apan tungod sa iyang pagdili, misamot silag panugilon. 37 Busa, nakurat ang katawhan. Nakaingon sila: “Giayo niya ang tanan; nakadungog ang bungol ug nakasulti ang amang.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga pagtulon-an nga gisangyaw ni Jesu Cristo diin ang mga milagro nga iyang gipasinati nagpasabot lamang nga kining tanan kabubut-on gayud sa Diyos, diin diha sa matag usa kanato makapamalandong gayud kita sa kabut-on sa Diyos Amahan diin ang mga milagro nga iyang gipaabot adunay dakong katuyuan.
Diin matod pa makadawat lamang kita sa mga milagro diha sa atong kinabuhi kun kita adunay pagtuo sa Diyos. Kay ang pagsinati diha sa matag milagro diha sa atong kinabuhi gasa sa Diyos kanato tungod sa atong dakong pagtuo kaniya.

Kay matod pa ang Diyos maoy nangita kanato ug dili kay kita maoy nangita sa Diyos, diin diha niining maong ebanghelyo sa makausa gipakita sa Diyos Jesu-Cristo nga ang tanan niining kalibutan kabubut-on sa Amahan, busa ang tanan usab atong isalig kanila kay sila ang nahibalo sa tanan.

Busa lig-onon nato igsoon ang atong pagtuo nagdto sa Diyos, aron atong makita diha sa atong tagsa-tagsa ka kinabuhi ang mga milagro. 1 Corinto 1: 28~30 nagaingon gipili sa Diyos ang mga tinamay ug mga sinalikway kadtong mga tawo nga giisip sa uban nga walay bili niining kalibutan aroon ipakita sa diyos nga ang mga tawhanon nga kaalam ug tawhanon nga kinaadman walay pulos didto sa iyang gingharian sa langit busa dili kini angay nato ipasigarbo. Walay atong lain ikapasigarbo diha sa atubangan sa Diyos kundili ang mga milagro lamang nga iyang gipasinati diha sa tagsa-tagsa nato ka kinabuhi.