Gidaog Ni Jesus Ang Kalibutan

JUAN 16: 25~33

25 Gitudloan tamo pinaagig sambingay, apan moabot ang panahon nga dili na ko mogamit og mga sambingay. Mosulti ko ninyo mahitungod sa Amahan sa yanong paagi.

26 Anang adlawa mangayo mo sa akong ngalan unya, dili na ako ang mangayo sa Amahan alang ninyo, 27 kay ang Amahan mismo nahigugma ninyo tungod sa inyong gugma nako ug sa pagtoo nga gikan ko sa Amahan. 28 Kay gikan ko sa Amahan ug mianhi sa kalibotan; mobiya sab ko dinhi ug mobalik sa Amahan.”

29 Miingon kaniya ang iyang mga tinun-an: “Yano karon ang imong sinultihan ug dili na pinaagig sambingay! 30 Among nakita nga nasayod ka sa tanang butang bisag wala pay nangutana nimo. Busa, mitoo mi nga gikan ka sa Diyos.”

31 Mitubag si Jesus: “Mitoo ba mo! 32 Taliabot ang panahon, gani naabot na, kanus-a patibulaagon mong tanan, manguli mo sa tagsa tagsa ninyo ka panimalay ug biyaan ko nga mag-inusara. Apan dili ko mag-inusara, kay uban nako ang Amahan. 33 Gisulti ko kining tanan aron pinaagi nako magmalinawon mo, bisag masamok mo sa kalibotan. Kadasig! Akong gibuntog ang kalibotan.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa pagpakatwo ni Jesus sa kaLIbutan diin maoy katumanan sa nahisulat sa mga panagna sa unang mga propeta. Diin matawo ang hari sa mga hari ug maoy manunubos sa tanang mga sala dinhi sa mga katawhan sa kalibutan.

Matod pa nga nagsumikad ang atong mga sala diha sa una natong mga ginikanan , Si Adan ug si Eba, diin nakasulod ang sala sa kalibutan ug nadalka silot nag kamatayon, kay ang silot sa sala kamatayon gayud. Ug walay lain nga makaluwas kaanto diha sa atong kasal-anan mao ragayud ang pagpakamatay sa aton gDiyos Jesu Ctsito aron sa paghugas sa atong mga sala pinaagi sa paghalad sa iyang lawas ug dugo.

Ug diha sa iyang kamatayon didto sa krus sa kalbaryo nan luwas na kita, apan samtang nagkinabuhi pa kita niining kalibutan nan makasala gayud ang tawo sa pulong sa huna-huna ug sa buhat, busa kinahanglan gayud ang kanunay nag pagpangayo ug pasaylo diha sa atong mga sala pinaagi sa mga pag-ampo ug pagsantos nga rosary

Ang balaang kasulatan nagaingon,” Kun gusto nimong himaya-on ug daygon didto sa gingharian sa langit nan puy-i ang kinabuhi nga puno sa pagpasakit ug mga paglutos dinhi sa ibabaw sa kalibutan,pas-ana ang imong krus sa kinabuhi ug sunod sa mag pagtulon-an nga gisangyaw ni Jesu Cristo, Kay bulahan ka nga nakaambit diha sa mga kasakitan ni Jesu Cristo diha sa kamatayon niya sa maong krus kay makaambit ka usab sa himaya sa iayng pagkabanhaw didto sa iyang gingharian sa langit.