Gamita Ang Inyong Lawas Sa Paghimaya Sa Diyos

1 CORINTO 6: 12~20

12 • 1 Bahin sa mga gasang espiritu hanon, pahinumdoman tamo sa mosunod. 2 Sa pagano pa mo, inyong giadto ang mga amang ninyong diosdios nga daw katawhan nga giyawaan. 3 Ingnon tamo nga walay linamdagan sa Espiritu sa Diyos nga makaingon: “Tinunglo si Jesus.” Wala poy makaingon: “Si Jesus ang Ginoo,” gawas nga pinaagi sa Espiritu Santo.
4 Nagkalainlain ang mga gasa, apan usa ra ang Espiritu. 5 Nagkalainlain ang ministeryo, apan usa ra ang Ginoo. 6 Nagkalainlain ang mga buluhaton, apan usa ra ang Diyos nga nagbuhat sa tanan diha sa tanan.

7 Ang Espiritu nagpakita sa kaugalingon sa matag usa pinaagi sa gasa nga serbisyo pod. 8 Sa usa gihatag ang gasa sa pagsultig kaalam pinaagi sa Espiritu. Sa lain ang pagtudlo sumala sa maong Espiritu. 9 Sa lain ang pagtoo tungod sa Espiritu. Sa lain ang gasa sa pagpangayo sa masakiton sa mao gihapong Espiritu. 10 Sa usa ang paghimog mga milagro; sa lain ang pagpanagna; sa lain pa gyod ang mga espiritu. Ang usa nagsulti sa daghang pinulongan, ug ang lain naghubad ini. 11 Kining tanan gihimo sa usa lang ug bugtong Espiritu nga naghatag sa matag usa sumala sa iyang gusto.

12 Sama nga ang lawas usa ra, apan daghag bahin ug ang tanan bisag daghan, usa ra ka lawas, mao sab si Cristo. 13 Kitang tanan, Judio o Griyego, ulipon o gawasnon, nabunyagan sa usa ka Espiritu aron mahimong usa ka lawas. Kitang tanan gipainom sa usa ka Espiritu. 14 Dili usa lang ka bahin ang lawas kondili, daghan. 15 Bisag moingon pa ang tiil: “Dili ko sakop sa lawas, kay dili ko ang kamot,” nagpadayon ni pagkabahin sa lawas. 16 Bisan pag moingon ang dalunggan: “Dili ko sakop sa lawas, kay dili ko ang mata,” nagpadayon ni pagkabahin sa lawas. 17 Kon ang tibuok lawas mata pa, unsaon man nato pagkadungog? Kon ang tibuok lawas dalunggan pa, unsaon man nato pagsimhot?
18 Ang Diyos naghan-ay sa tanang bahin ug gipahimutang ang matag bahin sa lawas sumala sa iyang gusto. 19 Kon ang tanan usa pa lang ka bahin, asa man ang lawas? 20 Apan daghan ang mga bahin ug usa ra ang lawas.

PAGPAMBIT SA MENSAHE:

Ang maong ebanghelyo maoy pagpasabot lamang diha sa ubang pulong sa balaang kasulatan nga nagaingon (1 Corinto 3:16~17) Sa walay duha-duha nasayod kamo nga kamo maoy templo sa Diyos ug nagpuyo diha kaninyo ang Espiritu sa Dios, Busa ang moguba sa templo sa Diyos laglagon sa Diyos, kay balaan ang templo sa Diyos ug kamo mao ang templo niya.

Nan igsoon unsa may mahitabo kun ikaw mismo ang templo sa Diyos ang moguba ug molaglag ra usab sa maong templo, nan matod pa diha sa pulong sa Diyos laglagon niya ang moguba sa iyang templo, nagpasabot kini nga imong atubangon ang silot sa Diyos ,wala nimo panggaaa ug mahala ang imong lawas nga maoy templo ug gipuy-an sa espiritu sa Diyos nan nakasala ka sa espritu sa Diyos ug ang silot sa sala kamatayon.

Mao kini ang gustong pamalandungan kanato sa Diyos diin niining nag-angat sa semana santa atong handumon pag-usab ang kamatayon sa atong Ginoong Diyos aron sa paglukat sa atong mga sala, diin matod pa mahal ang iyang paglukat kanato kay bugti-an kini sa lawas ug dugo ni Jesu Cristo diha sa kamatayon sa krus, ug human kita luwas sa Diyos ug humana nagpakamatay ug nagpalansang si Jesu Cristo diha niadtong krus sa kalbaryo, Nan kinahanglan pa ba diay nga atong ilansang pag-usab ang atong Diyos diha nianang krus? Wala nay laing siglo pa nga magpakatawo pag-usab ang atong Ginoo mao lamang kadto nga siglo.

Ang tawo matod pa samtang buhi pa niining kalibutan, makasala gayud sa pulong sa huna-huna ug sa buhat, Diha sa kamatayon ni Jesu Cristo, giluwas na kita pan samtang nagpadayon kitang buhi sa kanunay makamugna gayud kita ug sala, busa diha niining maong ebanghelyo nga ang paglikay sa pagpakasala o pagpuasa sa mga kasal-anan dili lang matag semana santa, kundili nagsungod kini dihang mibalik na si Jesu Cristo didto sa iyang gingharian ug hangtod nga dili pa siya mobalik nan, sa kanunay atong likayan ang pagpakasala ug isul-ob ang hiyas sa espiritu santo ang hiyas ni Jesu Cristo.