Ang Kamatuoran Naghatag Ug Kagawasan

JUAN 8: 31~47

31 Busa, miingon si Jesus sa mga Judio nga nanoo, “Kon tumanon ninyo ang akong mga pulong, matinuod mo nga akong mga tinun-an. 32 Mahibawan ninyo ang kamatuoran nga maghatag ninyo og kagawasan.” 33 Mitubag sila, Mga kaliwat mi ni Abraham ug wala maulipon ni bisag kinsa. Unsay gipasabot nimo sa pag-ingon, “Maghatag og kagawasan?”

34 Mitubag si Jesus, “Sa pagkatinuod sultihan tamo, ang makasala ulipon sa sala. 35 Apan ang ulipon dili magpabilin sa panimalay sa hangtod; ang anak magpabilin. 36 Busa, kon ang Anak maghatag og kagawasan, magawasnon mo.

37 Nasayod ko nga kaliwat mo ni Abraham. Apan naninguha mo pagpatay nako, kay ang akong mga pulong wala may lugar diha ninyo. 38 Akong gisulti ang nakita nako uban sa Amahan; buhata pod ang nakita ninyo uban sa inyong amahan.”

39 Mitubag sila, “Si Abraham ang among Amahan.” Miingon si Jesus, “Kon mga anak mo ni Abraham, buhaton unta ninyo ang iyang gibuhat. 40 Apan buot mong mopatay nako nga nagsulti ninyo sa kamatuoran – ang kamatuoran nga akong nadungog sa Diyos. Wala ni buhata ni Abraham, 41 gibuhat ninyo ang buluhaton sa inyong amahan.”

Miingon ang mga Judio, “Dili mi mga anak sa gawas. May usa mi ka Amahan, ang Diyos.” 42 Miingon si Jesus, “Kon ang Diyos pay inyong Amahan, mahigugma unta mo nako, kay miadto ug gikan ko sa Diyos. Mianhi ko dili sa kaugalingon kong kabubut-on kondili, Siya mismo nagpadala nako. 43 Nganong dili mo makasabot nako? Kay dili man mo makadawat sa akong pulong.

44 Mga anak mo sa yawa, ug tumanon ninyo ang mga daotang tinguha sa inyong amahan, mamumuno sukad sa sinugdan. Wala siya magkinabuhi sa kamatuoran, kay diha niya walay kamatuoran; ug kon mosulti siyag bakak, nagsulti siya sa iyang kaugalingon, kay bakakon man siya ug amahan sa bakak 45 Kay nagsulti man ko sa kamatuoran, dili mo manoo. 46 Kinsa ninyoy makakitag bisag unsang dili tinuod sa akong kaugalingon? Unya, nganong dili mo motoo kon nagsulti ko sa kamatuoran? 47 Ang iya sa Diyos mamati sa mga pulong sa Diyos; dili mo mamati, kay dili mo iya sa Diyos.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa dakong pagsabot a Diyos sa iyang mga katawahan gitudlo ni Jesus ang paagi paingon sa dalan sa kaluwasan,ug kini mao mismo ang pagsunod sa iyang pagtulon-an. Juan 14: 6 nagaingon Ako ang dalan ang kamatuoran ug ang kinabuhi walay mahiabot ngadto sa Diyos Amahan kundili pinaagi kanako.

Ang pulong sa balaang kasulatan nagaingon: “Kun gusto nimong himaya-on ug daygon didto sa gingharian sa langit nan puy-i ang kinabuhi nga puno sa pagpasakit ug pagkamangindawaton, pas-ana ang imong krus sa kinabuhi ug sunod sa pagtulon-an nga gisangyaw ni Jesu Cristo kay bulahan ka nga naka-ambit diha sa mga kasakitan nga nasinati ni Jesu Crsito didto niadtong krus sa kalbaryo kay maka-ambit ka usab sa himaya sa iyang pagkabanhaw didto sa iyang gingharian sa langit.

Tinuod nga nalukat na kita sa atong mga ksala-anan ug mahal ang paglukat kanato kay bugti niini ng maong kaluwasan mao man usab ang kamatayon sa atong Diyos. Apan samtang nagpabilin kitang buhi ang atwao magpaadayon gayud sa pagpakasala sa pulong sa huna-huna ug sa buhat, ug walay laing paagi diin atong masiguro ang pagsunod sa dalan sa kamatuoran mao ra gayud ang atong mga pag-ampo ug pangaliya ngadto sa Diyos,

Himo-a ang imong lawas nga buhing halad ngadto sa diyos pinaagi diah sa makanunayoang pagsangyaw sa kamtuoran nga imong nakaplagan, diha sa mga pag-ampo ug sa pagpaambit sa imong gasa nga langitnon, ang pagsangyaw pinaagi diha nga imong pagpakita ngadto sa imong pamilya ug mga kabanayan nga buhi ang Diyos nga imong gisunod ug nga ikaw maoy buhing hemplo sa kamatuoran nga imong nakaplagan pinaagi sa pagpakita ug pasunod sa mga hiyas nag nasulat sa balaang kasulatan.

Dawata ang mga paglutos, dawata ang mga pag-antos ug pag-ampo ug ihangad sa langit ang tanan ,kay diha sa imong pagkamangindawaton wala magpasabot nga nagpakamartir ka kundili nagpasabot lamang nga imong gidawat imong gipapuyo ug gipahari si Jesu Cristo diha sa imong kasingkasing. Kay mao gayud kina ang kamatuoran kun nagasunod ka ni Jesu Crsito anna makaambit ka gayud sa mga paglutos, kay walay tinun-an nga molabaw sa iyang magtutudlo.